བོད་ཡིག

e-texts based on the ACIP/ALL Input

/slob dpon chen po g+han+ta badzra bas mdzad pa rdzogs so/ /rgya gar gyi paN+Di ta bai ro tsa na rak+Shi ta dang/ bod kyi lotsA ba glan dar ma blo gros kyis bsgyur ba'o// / */ /dpal rgyud sde lnga'i dkyil 'kho gyi cho ga bzhugs d+ho/ /rgya gar skad du/ sh+rI ma hA tan+t+ra rA dzA pha ne tarya twa saM graha maN+Da la bri b+hi sra b+ha wa nA ma/ bod skad du/ dpal rgyud sde lnga'i dkyil 'khor gyi cho ga de kho na nyid bsdus ba gsal ba zhes bya ba/ dpal rdo rje 'chang chen po la phyag 'tshal lo/ /dbal ldan de kho na nyid 'dus pa gsal ba'i gsal ba'i gsang ba snying po dri ma med pa'i don las/ /rgyud mchog chen po bla ma'i bla mar gong ma'i gong ma gyur pa nyid/ /de nyid lnga bsdus pa'i bshad khyud? dang ? dkyil 'khor kyi 'khor lo dngos grub gnyis bde ba'i gter/ /gsang ba'i mdzod kyi rgyal bo rnams la gus btud de/ /de gsal brgyud ldan bla ma'i zhal laS legs brnyed ba/ /bdud rtsi'i chu rgyu na rim bar 'thungs pa 'dir gsal bya/ /'dod pa lnga ni yongs spangs shing/ /dka' thub kyis ni ma gdungs par/ /rnal 'byor nyid kyi bde ba chen bo'i gtso bo rjes 'brangs la/ /bde bas 'i smin? lam cho ga byang chub der lhag? ba'i lha bsgrub par bya/ /zhi ba? bya e'i cha byad bzang po gang/ /bdag gis dbus bar 'o su baM gyis rnam bar brgyan/ /sangs rgyas rin chen za ma tog /bde ba can du rtag du bzhugs/ /sdoms ba'i dkyil 'khor gcig nyid las/ /rin chen lnga ru mtshon pa yin/ /rig lnga dag pas byung ba ni/ /dam ba'i rigs ni brgya dag dang/ /de dag las ni 'bum sder 'gyur/ /de las de bzhin gshegs pa'i tshogs/ /gang gis ji snyed bsam mi khyab/ /grangs med dag tu 'gyur ba'o/ /bdag med don rgyud snying po ni/ /dkyil 'khor bsdus pa nges gsang ba/ /snying po kyi rdo rje dang/ /dpal ldan gsang ba 'dus pa dang/ /'phags pa sgyu 'phrul chen po dang/ /'khor lo sdom pas bsdus pa dang/ /rdo rje 'jigs byed 'jigs chen te/ /mthar thug lnga las cho ga'i rim/ /gang gis slob ma dbang bskur ba/ /gcig tu bsdus te rim ba bzhin/ /bla med rgyud du dri ma med/ /'di ni smin bar byed ba'o/ /sangs rgyas mgon po gang nyid kyi/ /dkyil 'khor dbus mar gyur ba yi/ /de nyid kyi ni dkyil 'khor bshad/ /snying po len phyir dkyil 'khor te/ /dkyil 'khor re re bsgom pa 'am/ /yang na bsdus pa'i dkyil 'khor ro/ /rdo rje 'chang chen lha'i gtso/ /sku ni dgyes pa'i rdo rje te/ /gsung ni sgyu 'phrul chen mo nyid/ /thugs ni rdo rje 'dus pa gsang/ /yon tan bde mchog 'khor lo sdom/ /phrin las rdo rje 'jigs byed de/ /phyogs ni dkyil 'khor nges ba nyid/ /dbus su rdo rje 'dzin pa nyid/ /shar du de bzhin gshegs pas te/ /lhor ni ren? chen nu ba dpag med/ /byang du las te bkod ba yis/ /nges ba'i rim pa 'pho bar 'gyur/ /slob dpon gsang ba'i don ston byed/ /rim ba bla med thob ba dang/ /slob ma skal bzang dang ldan brtson/ /rim par bya ba la 'jug pa/ /snying po bsdus pa'i dkyil 'khor 'ding?/ /dang po 'jug ba'i go rim ni/ /rin chen gser dngul mu tig dang/ /me tog gos dang rgyal sring dang/ /gtor ma shing rta rkang pa dang/ /dpa' bo'i ston mo dga' ston bya/ /de nas gsol ba btab byas te/ /slob dpon dpa' bo? dgongs su gsol/ /bdag gzhan 'khor bas rab tu 'jigs/ /sdug bsngal 'di dag mi gzod na/ /'jigs pa 'di las nges thar par/ /bsgral ba'i thabs ni khyod la zhu/ /dpa' bo khyod ni grol nas bzhugs/ /'jigs byed khyod ni rig ba 'dzin/ /'khor ba'i sdug bsngal 'jigs pa las/ /bdag ni khyod kyis legs skyabs te/ /'khor ba 'di las nges thar zhing/ /sdug bsngal rnams la zad thob nas/ /'jigs med ye shes lus thob tshe/ /'gro ba bdag gis bskyab pa'i phyir/ /'khor ba'i gnas su bdag mchis la/ /gzhan gyi sdug bsngal bdag gis bsal/ /'jigs pa kun las bsgral bar bgyi/ /zhes lan gsum brjod do/ /rgyud sde lnga'i dbang bskur ba/ /'gro ba skyob phyir gzi brjid can/ /yon tan thams cad 'byung ba'i gnas/ /deng bdag bdag la brtsal ba dang/ /bdag gzhan ngan 'gro las grol phyir/ /thar pa chen bo'i greng mchog tu/ /gnas nas 'gro ba sgrol byed pa'i/ /ye shes dbang mchog bdag la rtsol/ /zhes lan gsum brjod do/ /bdag gis de dag gzhan bsgral phyir/ /slob dpon 'khor lo brnyes byed ba'i/ /rdzas 'ga' bsags pa dang 'tshogs pa'i/ /slob dpon dpa' bos deng bdag bsrungs/ dkyil 'khor lha dang chos skyong la/ /mchod dang gtor mas mnyes pa dang/ /sngag dang phyag rgyas mnyes ba dang/ /ting nge 'dzin gyis dgug gzhug mdzod/ /ces ni gsol ba gdab par bya/ /de nas skyabs su 'gro ba dang sems bskyed ba'i cho ga yang bya/ /de nas slob ma rnams dkyil 'khor pa'i bur skyed ba'i cho ga yang bya/ /slob med? dag rdo rje'i gur du tshur par bsams la zhal bzhi ba'i sngags dang aSh+ka? dang/ /driSh+Ti dang/ phur bu brdab pa dang/ brdung ba dang bcas ba bya/ /bgegs bsal ba'i tsheg? bya ste/ me phor du yungs dkar gyi brdag cing bsreg pa dang/ sdig pa byung ba bsreg pa yang bya'o/ /zhes rdo rje gdan ba yang gsung ngo/ /rjes su ma ti chen mo ni/ slob ma'i snying khar kaM? dung kha bsam/ lte bar nyi ma la hUM bsam/ 'og tu yaM rlung gi rang bzhin cig bsams la rlung gi yaM gyi rlung bskul bas/ hUM de las me'i 'od dang bcas pa byung bas hUM gis kaM? deng nas/ slob ma rnams so? so'i sna bug g.yas nas 'thon ste/ mdun du nyon mongs pa dang/ las dang/ shes bya'i sgrib ba'i rang bzhin nam/ ngo bo sha za'i gzugs can du gnas pa de/ hUM dang? rdo rje gned? sbyin zhes bya ba/ zhal gcig phyag gnyis pa g.yas rdo rje 'ba ba can/ g.yon sdigs 'jub me dpung can/ sku mthing nag las kyi gzugs can nges zhal du co tsoM? gsol bar bsam mo/ /yang na rdo rjes brdungs shing mes bsregs pas/ rnam shes rdo rje la bsdus shing bstim zhes so/ /rje ta ni/ khro bo de rdo rje bdud rtsi 'khyil par bsam bas/ rlung sna bug g.yas nas phyir rgyu ba dang bstun te phyung bas/ zan la sdigs pa'i gzugs byas la phur bus btab bas? bcom par bsam zhing/ aoM sarba pA paM akar Sha ni/ bi sh+rad+ha na badzras ma ya hUM phaT/ ces sdig ba dgug pa rdo rje lcags kyu'i phyag rgyas dgug go / de nas sdig pa gzhom par bya ba ni/ /aoM badzra a mri ta kuN+Ta li ta na badzra pa ni ki lA ya boM me ta ya/ sarba a ba ya ban d+ha ni pra mok+Sha ya/ sarba pA paM a pa ga te b+hya/ sarba au ta na/ sarba ta thA ga ta badzra sa ma ya tra phaT/ ces lan bdun brjod do? zhes gsung ngo/ /sa brtag blang zhing spyang ba dang/ /byin gyis brlabs shing bsrung ba dang/ /tshang ldan shin tu ngos mnyam pa'i/ /dkyil 'khor bzhi'i rdzas su bshad/ /buM pa lha'i grangs mnyam pa/ /lto ba che zhing mgrin pa ring/ /dbang bcas mi nag rgyan gsum ldan/ /nyi shu lnga bcug byin brlabs rdzas/ /mchod pa ba dang me tog phreng/ /mar mi byug pa zhal gras mchog /rol mo gdugs dang rgyal mtshan 'phan/ /lnga lngi bla re mchod pa'i rdzas/ /rin chen bdun dang nye ba'i bdun/ / bkra shis brgyad dang nye ba'i brgyad/ /tshogs kyi 'khor lo rgya che ba/ /de ni mchod pa'i rdzas su bshad/ /swa shing bsrung skud ku sha dang/ /gdong g.yogs me tog phreng dang ldan/ /cod? pan rdo rje dril bu dang/ /bdud rtsilnga dangs dan/ b+ha? la mchog? dang phyag rgya lnga/ /dbang gi yan lag ji snyed pa/ /'di ni bsnyen pa'i rdzas su bshad/ /dngos la bsnyen pa'i yon tan ldan/ /rdo rje slob dpon bdag nyid che/ /ting nge 'dzin gyi bsnyen pa ni/ /dkyil 'khor 'khor lo'i rim pa ni/ /dang po sbyor ba'i ting 'dzin dang/ /dkyil 'khor rgyal po mchog nyid dang/ /las kyi rgyal po'i ting 'dzin no/ /sngags kyi bsnyen pa bya ba ni/ /'khor lo'i bdag po'i bzlas pa 'bum/ /dkyil 'khor pa'i de bzhin khri/ /yang na rang gi lha yis so/ /de dag grangs yin mtshan ma ni/ /rab 'bring tha ma gsum byung ba/ /lhag pa lha'i zhal mthong dang/ /lung bstan thob dang rmi lam du/ /zhal mthong sgra dang dri bzang 'byung/ /gnang ba thob dang rjes gnang byung/ /snying po'i lha la lung thob pa/ /bsnyen pa'i cho ga bstan pa'o/ / dkyil 'khor dngos kyi cho ga ni/ /rgyu'i bya ba bstan pa dang/ /lhag par gnas par bya ba dang/ /dkyil 'khor rim pa'i ngo bo dang/ /dbang nyid bskur bar bya ba'o/ /dang po'i rim pa bshad bya ba/ /sa btsal brtag dang blang ba dang/ /bzung dang sbyang sbyang rtsig par bya/ /de la dkyil 'khor sa btsal te/ /tshal dang skye bo med gnas dang/ /dur khrod dag dang chu yi dogs/ /byang chub sems dpa' i khang pa dang/ /dkyil 'khor ldan dang lha khang du/ /dkyil 'khor bsgrub pa'i slob ma rnams/ /legs par nges par smin par bya/ /zhi la shar du bltas la rtsal/ /de bzhin rgyas la lho ru blta/ /dbang la nub ste drag po byed?/ /nang par snga dro phyi dro phyed/ /srong sogs rim pas bcal bar bya/ /de nas 'dir ni dpa' bo des/ /sngon du dpyad pa byas nas ni/ /de nas sems can bsgral bya zhes/ /dga' ba'i sems ni sngon du bya/ /dkyil 'khor 'khor lo'i rnal 'byor pas/ /rgyud kyi cho ga lha rnams ni/ /mnyes bya dkyil 'khor bri bya zhing/ /sa yang yongs su brtag bya zhing/ /ri dang nags tshal sman ldongs? dang/ /rgya mtsho chen po'i 'gram dang ni/ /sngon grub pa'i dur khrod dang/ /yid dga' ba yi sa phyogs/ /brtag par byas te brtan pa ni/ /snum zhing mnyam la tsha sgo med/ /ring du brus? pas slar khengs ba/ /'phel bar gyur na mtshan nyid ldan/ /phyed dang mnyam dang 'bri dang mtho/ /mtshan ma shes bas lto 'phye yi/ /lto bar bsams te brke bar bya/ /mi dang mi ma yin pa dang/ /sa'i bdag po lha dang klu/ /yul der gnas pa'i 'byung bo dang/ /sde brgyad sa lha'i lha mo la/ /sa 'di blang ba'i don du yang/ /gtor ma sbyin dang mchod sbyin dang/ /sa bzung ba ni rnam pa gnyis/ /sa'i lha mo bzung ba ni/ /lha mo spyan drangs mchod bsted bya/ /dgyes nas gnang ba byin byas te/ /thim ste khas blangs don sgrub pa'o/ /slob dpon bdag nyid lha'i nga rgyal dang ldan pa'i mdun du maN+Dal byas la me tog bkod dri'i thig la bya/ /der baM ser po las lha mo ser mo bum pa thogs pa bskyed de/ ye shes pa bstim pa mchod yon dang bcas pa/ mchod pa thams cad kyis mchod nas/ /bstod la gsol ba btab pa ni/ aoM rnal 'byor bdag gi dkyil 'khor bri/ /ma ma rin chen sna tshogs 'dzin/ dpal ldan he ru ka mchod la/ /lha mo khyod ni dpang mdzod cig ces brjod pas/ dril bu bkrol la ye shes gshegs/ /dam tshig pa de de ltar legs so gsung nas sa la thim par bsam mo/ /yang na rang gi lhag pa'i lha'i/ /'khor lo bar snang? bzhugs pa la/ mchod bstod gsol ba btab pa yis/ /bka' gnad lung bstan gnang ba thob/ /rnal 'byor pa la gsal bar bstan/ /sa bcad pa la lha mo de/ /nam mkha' la ni bzhugs par bsam/ /mchod cing bstod bas dgyes gyur nas/ /bsrung zhing bdag la la dgyes par bsam/ /de nas steg bu brtsigs byas te/ /rnal 'byor dang rjes su rnal 'byor dang rnal 'byor chen po dang shin tu rnal 'byor la sogs bsgoms pas/ rang gi lhag pa'i lhag pa'i ro lnga bsal ba yis/ /sbyangs pa sngon du 'gro bar bya/ /de nas dkyil 'khor bzhengs 'dod pa'i/ /sa gzhi ye shes kyi lha mo ngas? gzigs zer der na dbus su yang/ /bar chad bdud rnams tshar bcad phyir/ /drag po'i sbyin seg bya ba'am/ /bdag dang slob ma sa bdag shing gi ro sol ba snod kyi ro byo dum mi'i dus pa gos kyi nor ba zas kyi ro dang bgru'i ro phub? ma rnams so/ /sogs/ /bar chad zhi ba'i sbyin bsreg bya/ /de nas mngon par sbyang ba ni/ /sa ni pus mo nub pa'i bar/ /brkos la spos chu la sogs pa/ /dri zhim chu yis sbyangs nas ni/ /shin tu mnyam pa'i stegS pu bya/ /'thas shing ltar legs me long bzhin/ /dbus ma na ni yon bdag dang/ /bsgrub pa'i gtso bo 'jig pas na/ /rim gyis mtho zhing gzhol bar bya/ /de nas gtso bo'i lag pa yis/ /mnyam par gzhag nas lha yi ni/ /rtsa ba snying po nye snying sogs/ /rim pa sngags kyi phreng ba de ni las bya byas sbyang ba'o/ yang/ /lan bdun brjod pas sbyang bar bya/ /sa'i nyes pa dag par 'gyur/ /de nas khro bo'i phur bu bcu/ /lus ngag yid gsum gyis spyangs pa ni swa? b+ha was stong bar byas la sngags gyis sbyangs lha'i nga rgyal brtan par bya zhes rdo rje gdan pa bzhed sngon du byas te sa bcad pa/ /rang nyid yid dam lhar gsal bas/ /phur bu bcu la khro bo bcu/ /bskyed dang ye shes gzhug pa dang/ /mchod bstod dbang bskur rgyas btab bya/ /me tog phreng ba gdag par bya/ /gsol ba btab nas bzhugs su gsol/ /de nas dbus su gdan bting der/ /rdo rje slob dpon bzhugs nas ni/ /dkyil 'khor gtso bor mos pa yis/ /lha tshogs thams cad bsam pa yang/ /'khor du yongs su rdzogs par bsgom/ /de la phyogs nas mchod pa dang/ /maN+Dal 'bul ba sngon 'gro bas/ /mchog tu gyur pa bzhi dang ni/ /yang na gcig gis las byas la/ /nges par gsol ba gdab pa ni/ /de bzhin gshegs pa kun zhi ba/ /de bzhin gshegs pa kun gyis gnas/ /chos kun bdag med pa yi mchog /dkyil 'khor dam pa bshad du gsol/ /mtshan rnams thams cad yang dag rdzogs/ /mtshan min thams cad yang dag spangs/ /shar phyogs ? kun tu bzang po sku yi mchog / dkyil 'khor gtso bo bshad du gsol/ /zhi ba'i chos ni mchog las byung/ /ye shes spyod pa rnam sbyang ba/ /kun tu lho phyogs rin chen bzang po gsung gi mchog /yang lha mo bcos? pa bya/ dkyil 'khor dam pa bshad du gsol/ / sems can kun gyi sems chen po/ /rang bzhin dag pas gos pa med/ /nub phyogs nas kun bzang thugs mchog kha lo bsgyur/ /dkyil 'khor dam pa bshad du gsol/ /zhes pas dkyil 'khor phyogs bzhi nas gsol ba slob ma bzhis gdab bo/ /rdo rje bla ma dkyil byang phyogs? nas 'khor lha/ /nam mkhar yongs su bteg nas ni/ /bgegs la gtor ma gsum byin te/ /zhi bas bka' bsgo bskad par bya/ /de nas rang nyid rdo rje sems dpa' las kyi he ru ka rdo rje drag por bsams te/ rkang pa gnyis la hUM re re las chos su brgyan pa rdo rje dril bu bsna? nang la sna tshogs rdo rje re re bsams te/ bskal? ba'i ? 'od zer rkan ba'i 'og nar? byung? nas gdug? pa can rnams sreg par gyur pas phan tshun byed bar bsam mo/ /mig gnyis su ma las nyi ma'i steng du hUM taM las zla ba gnyis laS rdo rje hUM las rdo rje rab tu 'bar ba rtse lnga pa rer bltas la/ lags g.yon pas dril bu 'dzin g.yas? kyi rdo rje gsor la legs par 'khyud nas sa de la gnas bdag 'dis? bsgrang? bar bya'o/ /de las 'od 'phro ba dang bcas pas rab tu myur zhing g.yo ba'i mig gis blta zhing/ bzhengs la/ sa phyogs dri ma med pa 'dir/ /sems can thams cad kyi don du/ dpal rgyud sde chen po lnga'i dbang bskur bgyid kyis khyed lha dang klu dang gnod sbyin dang/ dri za dang/ 'byung po dang/ sha za dang srin po la sogs pa gang dag gnas pa de 'dad? ba'i lta ba byams ba'i lta ba dag thams cad myur du song cig /'di ltar dpal he ru ka'i bka' thos nas myur du dengs shig / gang mi 'gro bar gyur pa de dag mgo ardza ka'i dog pa bzhin du tshal pa brgyad 'gas par 'gyur ro zhes lan gsum brjod par bya'o/ /de nas dbang ldan gyi phyogs su song ste/ hUM mang po brjod pa dang/ zhal bzhi pa'i sngags brjod ba'i? g.yas skor du bskor zhing/ rdo rje rgya gram dang/ rdo rje rtse gsum pa dang/ rdo rje rtse gcig pa'i bar du rkang pa dang lag pas phyag rgya dang bcas pa/ /he ru ka dgyes pa'i gang dang/ rnal 'byor ma bde ba dang/ dpa' bo dang khro bo rol pa'i gar gyis bskor bar bya'?// phyi nang gsang ba shes par bya'o/ /de nas mchod? pa ngang bstong pa bya/ /khro bo'i phur pa rnams gnas bcur gdab pa'i dus su/ /'jig rten pa'i phyogs skyong bkug nas phur pa gdab par bya ste/ gsang ba mtshams kyi 'khor lo bsgoms te/ bgegs rnams la phyi'i lta stangs drug cu rtsa bzhi la sogs pa byi rdul tshon gyi dkyil 'khor spyod nas lus kyi dkyil 'khor du rtsa yi ge'i dkyil'khor sbyor de kho na nyid kyi dkyil 'khor du ye shes kyi rlung phur pa gdab pa dang/ phur bus lus ngag yid gsum la gdab pas de brdungs nas/ phur ba'i lha rnams 'od du 'bar bar bsam mo// 'di'i dus su khro bo bcu la gtor ma dbul/ chen pa bcu mchod pa bya'o/ /de rnams ni bgegs bsal ba'i cho ga'o/ /de nas lhag par gnas par bya te/ dang po sa'i lha mo lhag par gnas par bya ste/ sa'i lha mo aoM badzra buda? kar?/ lhag par gnas pa ni/ /sa la reg pa'i phyag rgya dang/ /mi bshigs thig ler bcas pa yis /sor mo lan gsum bsnun nas ni/ bkug nas mdun du gnas par bsam/ /yan lag rgyan rnams thams cad dang/ /kha dog ser po legs par mdzes/ /lag na bum pa thogs nas ni/ /bdag ni ci bgying bka' stsal smros/ /mchod yon zhabs bsil la sogs byin/ /gzi byin can des 'di ltar bya/ /aoM skyon pa sangs rgyas thams cad gyi/ /spyod pa'i tshul dang khyad par las /sa dang pha rol phyin pa la/ /lha mo khyod ni dbang du gyur/ /shAkya seng ge skyob pa yis/ /ji ltar bdud kyi sde bcom pa/ /de bzhin bdag gi bdud kyi sde/ pham par bya zhing rgyal ba yi/ /dkyil 'khor rgya chen bri bar bya/ /de skad lan gsum brjod pa yis/ /der ni thim par bsam par bya/ /de nas bdag nyid kyis mchod pa dbul zhing gsol ba gdab/ dkyil 'khor pa dang de bzhin gshegs pa thams cad la phyag byas te/ bdag ming 'di zhes bgyi ba yis/ rdo rje slob dpon brtul zhugs che/ /sems can kun la phan bya'i phyir/ /slob ma rnams ni gzhug par bgyi/ /zhes brjod// lha la spyan drangs bstod pa dang/ /bar 'dir dkyil 'khor du gzhug pa la chos bshad par bya ste/ slob dpon kun dga' snying po'i tshul dang/ rdo rje rtse mo las gsungs pa dang/ /slob dpon brtul zhugs spyod pa'i nag po pa'i zhal nas kyang gsungs pa ni phan yon dang/ bsod nams dang/ stobs la sogs pa shes par bya'o/ /rang nyid lhag par gnas par bya/ /dkyil 'khor legs par byugs pa la/ /dri yi thig le dgod pa ni/ /gru bzhi thig le zlum po dag /rim pas sbyang ba lha grangs dgod/ /de nyid dam tshig dkyil 'khor lnga/ /bskyed la 'od 'phros gnas nas dgug /spyan drangs mchod nas bstod pa bya/ /dgug gzhug bcing dang dgyes pa bskyed/ /de nas gsol ba gdab pa ni/ /rdo rje slob dpon blo gros che/ /sems can don rnams bya ba dang/ /sangs rgyas thugs dam bskul ba'i phyir/ /dkyil 'khr gtso bo rig mar bcas/ /gang yang phyogs bcu'i dpa' bo dang/ /rig pa'i lha mo rdzu 'phrul can/ /byang chub sems dpa' la sogs kun/ /ma lus bdag la dgongs su gsol/ /slob ma rnams la phan bya dang/ /khyed rnams la yang mchod bya'i phyir/ /rdo rje 'dzin pa 'di zhes pas/ /sems can kun gyi don gyi phyir/ /nad par dkyil 'khor bzhengs par bgyi/ /rjes su brtse bar nyer dgongs te/ /kun la byin gyis brlab du gsol/ /de ltar lan gsum brjod nas kyang/ /spos phor gyis ni dbul bar bya/ /mchod pa kun gyi legs mchod de/ /gsol ba gdab par bya ba'o/ /bum pa mchog ni bcu gcig gam/ /yang na bkra shis bum pabdun/ /lha grangs ldan pas so so yi/ /cho ga'i bum par rab tu bshad bum pa kun kyang mtshan nyid ldan/ /mkhas pas legs par bkod pa bya/ /cho ga bzhin du mngon bzlas te/ /rim pa spyi dang bye brag gis/ /bsgrub pa bkra shis pas man ngag bzhin/ /rgyud rnams sbyor ba shes par spyad/ /sngar gyi dkyil 'khor gyi de la bum pa lhag bar gnas pa bya ba ni/ bum pa rnams la lha so so'i mtshan ma btab la phyogs so sor mngon par bzhugs pa gal che'?/ /tshom bu'i stengs su bya ba'am/ yang na logs su maN+Dal gyi steng du/ ras kha tshang ma gtings/ /de me tog tshom bu bshams pa'i steng du bm pa rnams bshams te bum pa'i gzungs thag lag pa g.yas pas bzung ste/ dang po gtso bo'i bum pa stong pa'i ngang las b+h+ruM ser po las 'od zer 'phros pas phyog bcu'i sangs rgyas rnams kyi thugs dam bskul zhing mchod/ /'gro ba sems can gyi don byas nas b+h+ruM la bsdus te gzhal yas khang gdan dang sa bon dan bcas pa bskyed de skad cig gis bsams la/ rnam rgyal gyi bum par gtso bo'i sngags brjod pa tsam gyis lha rnams skad cig gis gsal bar bskyed pa ni rdo rje gdan pa'i lugs so/ /rje rta chen po ni/ aoM swa b+ha wa dang shu n+ya tas stong bar byas la/ badzra rak+Shas bsrung zhing/ bsrung ba'i 'khor lo bsgoms pa'i nang du/ chos byung dang 'byung ba bzhi'i steng du mngon par byang chub pa lngas lha so so'i bskyed la/ mkha' gsang byin gyis brlabs la/ dkyil 'khor rgyal mchog lha lnga so sor bskyod do/ /sku mdog phyag mtshan so so las byung ba bzhin te/ gtso bo gang gis byas pa de grub pa dang/ gzhan bzhi po de dus mnyam du bskyed pa'o/ /yang rje byang chub sems dpa' dang rje'i? ro tsa na rak+Shi ta rnams/ b+h+ruM? ser po las gzhal yas khang lha rnams cho ga gsum gyis bskyed gsung ngo/ /b+h+ruM las lha'i khang pa'i nang du lha so so ba skad cig gis bskyed pa ni/ rjes su mi ti chen mo'i bzhed do/ /rje rta ni bdud rtsi myang ba phan chad tshar bar byas la/ /mchod pa dbul zhes gsung bar? de nas bzlas pa bya ba ni/ bum nang gi lha'i thugs kar lha so so'i phyag mtshan gyi lta bar nyi ma'i steng du/ hUM las sngags kyis bskor ba dang/ bdag nyid la yang de bzhin du gsl bas bum pa'i lha'i thugs ka nas zhal na tshur? byung/ bdag gi zhal du zhugs dbu mar brgyud rdo rje'i lam du don/ gto mo'i sgang gnas thugs kar 'khor bas te/ phreng ba'i bzlas pa bsnyen pa'i dus su spro bsdu bya zhing/ sngags gzungs thag la 'khril nas 'khor bar bsam zhing/ gtso bo la stong/ 'khor la brgya/ gto bo la brgya bzlas na 'khor la nyi shu rtsa gcig go / bum pa'i lha zhu ba'i dus ni/ rdo rje dbang du bzhag la lag pa g.yas pa me tog gzung la/ pad+ma'i 'khor lo'i phyag rgya dang/ lag pa g.yon pas chos skor du bskor la/ dri'i dung chos bzung pa la lan re bskor zhing bum pa'i nang du blug la/ aoM a khaM bi ra hUM/ zhes lan bdun brjod la/ bum pa'i lha ye shes sems dpa' nam mkha' la bteg /phyi nang gsang ba'i mchod pa bya/ bstong pa yang bya/ dri dung chos kyi dri'i thigs pa gcig bum pa'i nang du blugs pas/ ye shes sems dpa' i thugs ka nas bdud rtsi'i ngo bor byung ste bum pa'i lha'i spyi bo na mang babs pas/ lha rnams 'od du zhu ste/ bdud rtsi sngags kyi rang bzhin du dkar phung de yod phar bsam/ bum pa'i dbang gi dus su yang de ltar bsgom gsung ngo/ /rje rta? chen po dang / bai ro tsa na rak+Shi ta dang/ ta thA ga ta rak+Shi ta'i bzhed pas/ ye shes sems dpa' yab yum snyoms par zhugs pas/ bdud rtsi gnyis 'dres nas babs pas/ bum dbang gi lha la gsang dbang ltar zhu ba dang/ shes rab ye shes ltar gnyis bzhad do/ /rdo rje gdan pa ni phyag len gyi dus su/ /dang por 'bru lnga/ de nas rin po che lnga/ sman lnga/ dri lnga/ snying po lnga rim pas gzhug pa'o/ /de yang mi dmigs pa ni/ bum pa'i dbang la snga ma de dag dang 'thun la/ 'on kyang dbang rdzogs par byed ma bum pa'i ye shes sems dpa' ma gshegs par mchod pa byas pa'i rjes la/ bum pa'i steng gi argaM blug la/ phyogs bcu'i sangs rgyas rigs lnga la sogs thams cad kyang yab yum snyoms par zhugs pas/ de dag kyang byang chub sems dpa' bde ba'i dang du zhu nas tshur bsdud pa 'am yang na mi bzhu bar mkha' gsang nas bdud rtsi'i chu byung nas / bum nang gi lha'i gtsug na mar babs pas/ /yab yum snyoms par zhugs pas bdud rtsi dkar dmar du zhu nas mer gyi khengs par bsam yang dkyil 'khor gzhan bzhi po'i bum pa yang mdun du rim pa bzhin du bzhag pa 'am/ yang na ma bsgul ba yang rung ste lha so so'i bskyed tshul bya/ sngags bzlas pa byas te gong dang 'thun pa yin no/ /las thams cad pa'i bum par ni/ b+h+ruM las gzhal yas khang dang/ pad+ma dang nyi ma dang zla ba'i steng du khro bo bdud rtsi 'khyil pa sku mdog ljang nag zhal gsum phyag drug pa bskyed/ don yod grub pas dbu brgyan par bsam zhing/ aoM a big nan tak+Shid? hUM phaT/ ces bzlas so/ /de yang dam tshig pa bskyed la ye shes pa spyan drangs la bstim/ mchod pa dang bstod pa bya/ yang ye shes sems dpa' nam mkhar bteg nas sngar bzhin bya/ /de nas lha zhu bas bdud rtsir gyur/ bdud rtsi las chu yi rdul phra rab re re lha re rer gyur pas khengs par bsam/ yang na rdo rje'i rdul phra rab re rer bsam pa'o/ /de nas bum pa rnams rol mo dang bcas pas bskor ba lan gsum byas la dkyil 'khor la bskor ro/ /slob ma lhag bar gnas pa bya ba ni/ /spro ba bskyed dang gnang ba sbyin/ /sdom pa dpog cing bsrung ba gdags/ /so shing dor bar bya ba dang/ /ku sha sbyin dang gzengs bstod nas/ /smon lam gdab cing nyal du gzhug /de nas slob ma khrus byas te/ /maN+Dal me tog bcas phul te/ /bla ma dang ni lha rnams la/ /mos pas sngon du phyag byas te/ /pus gtsug thal sbyar du ? bar 'dug / de la bla mas brjod pa ni/ sngags kyi dngos grub 'dod pa gang/ /dkyil 'khor 'dir ni gzhug par bya/ /sangs rgyas 'dod pas de las gzhan/ /'jig rten 'di'i bsam pa spang/ /dad pa chen pos ldan pa dag /'jig rten pha rol la dmiD nas/ /blo dang ldan pa dkyil 'khor gzhug /bdag don 'di 'bras gnyer mi bya/ /bdag don tshe 'di'i ched byed na/ /gzhan don sangs rgyas ga la 'byung/ /gzhan don ma 'ongs par dmigs na/ /'bad pa med par 'di 'bras 'grub/ /de skad ces ni bshad byas nas/ /de don bshad cing gdam par bya/ /de nas slob ma de nyid ni/ /lha'i 'khor lo'i sras su bskyed/ /spro ba bskyed par bya ba yin/ /de dag rim pa ji bzhin no/ /de rjes gnang ba sbyin pa las/ /dang po gnang ba nod byas te/ /dga' chen khyod bdag ston pa ste/ /slob dpon khyod ni dgongs su gsol/ /byang chub chen po'i tshul bstan pa'i/ /slob dpon chen po bdag 'tshal lo/ /sangs rgyas chos dang dge 'dun te/ /skyabs gsum dag kyang bdag la stsol/ /dam tshig de nyid bdag la stsol/ sdom pa rnams kyang bdag la stsol/ /thar pa chen po'i grong mchog tu/ /mgon pos bdag ni gzhug tu gsol/ /zhes lan gsum brjod do/ /de nas gnang ba sbyin byas te/ /bu tshur theg pa chen po la/ /khyod ni tshul chen smod yin te/ gsang sngags spyod tshul cho ga ni/ /khyod la yang dag bstan par bya/ /rdzogs pa'i sangs rgyas gang 'das dang/ /de bzhin yang dag ma byon dang/ /da ltar byung ba'i sangs rgyas rnams/ /'gro la phan phyir bzhugs pa dag /de dag kun gyis gsang sngags kyi/ cho ga bzang po 'di mkhyen nas/ /dpa' bo byang chub shing drung du/ /thams cad mkhyen pa tshad med brnyes/ /gsang sngags sbyor ba mnyam med de/ /ye shes mnyam med thob pas na/ /skyob pa dpal ldan he ru ka /bdud sde shin tu mi bzad pa/ / / dpung chen ngag kyang de yi bcom/ /de bas kun mkhyen thob bya'i phyir/ /bu yis blo gros 'di gyis shig /ces brjod do/ /slob ma byang chub thob bya'i phyir/ /sangs rgyas chos dang dge 'dun te/ /skyabs de gsum la skyabs su mchi/ /dpa' bo rnal 'byor dbang lha mo/ /byang chub sems dpa' bdag nyid che/ /khyad par du yang slob dpon la/ /lhag par bdag ni skyabs su mchi/ /dpal ldan khrag 'thung la sogs pa'i/ /dkyil 'khor chen po bzhi rnams sogs/ /lha'i 'khor lo dpag med pa/ /thams cad bdag la dgongs su gsol/ /bdag ni dus 'di nas bzung ste/ /ji srid gnyis med la gnas par/ /dpa' bo brten dang mchod pa dang/ /thabs dang dus dang yon tan dang/ /mi mnyam par ni bya ba dang/ /chos ni bdun du shes par bya/ /yon tan bdag gzhan don sgrub pa/ /mi nyams pa yis rgyas par dbye/ /byams pas zhal mthong chos nyan grogs/ /sdom gsum ldan pas rang nyid 'grub/ /gzhan la smon pas chos kyang ston/ /'khor dang ldan pas ston par byed/ /lam nye 'bras bu myur ba yis/ /rgyu 'thun 'bras bu da lta nyid/ /slob dpon de nyid rang la gnas/ /des ni skye ba re la bsrung/ /sdom gsum dbang dang ldan mthong nas/ /slob ma 'di rnams rgyal bar 'gyur/ /zhes brjod do/ /de nas yan lag bdun pa ni/ /don dang bcas pa bsam bya zhing/ / rgyud sde so so'i rjes 'brang ngam/ /yang na rang gi rigs kyis brjod/ /sdom pa sbyin par bya ba ni/ /bla mas bstan 'dir rjes su 'jug /sangs rgyas chos dang dge 'dun ste/ /dkon mchog gsum la skyabs su gsol/ /'di ni sangs rgyas rigs yid 'ong/ /sdom pa brtan par gyur pa'o/ /rdo rje dril bu phyag rgya ni/ /blo chen khyod kyis bzung bar bya/ /byang chub sems gang rdo rje de/ /shes rab dril bu zhes su sgrogs/ /slob dpon khyod kyis bzung bya ste/ /bla ma sangs rgyas kun dang mnyam/ /'di ni rdo rje'i rigs dag pa'i/ /dam tshig sdom pa yin par bshad/ /rin chen rigs la rtag tu ni/ /nyin re bzhin yang dus drug tu/ /gzhan yang chos dang zang zing mi 'jigs byams/ /sbyin pa rnam bzhi rtag tu byin/ /phyi nang gsang ba'i theg pa rnams/ /dam pa'i chos kyang ma lus bzung/ /'di ni pad+ma'i rigs dag pa'i/ /dam tshig yid du 'ong ba yi/ /las kyi rigs mchog chen po la/ /sdom pa thams cad dang ldan par/ /yang dag nyid du khyod kyis bzung/ /ci nus par ni mchod par bgyi/ /zhes lan gcig brjod do/ /gzhan yang bcu bzhi 'di dag ni/ /pas pham par ni rab tu bshad/ /spang zhing dor bar mi bya ste/ /rtsa ba'i ltung bar shes par bya/ /nyin mo mtshan mo lan gsum du/ /nyin re zhing ni bzlas par bya/ /gang tshe nyams na rnal 'byor pa/ /kha na ma tho sbom por 'gyur/ /khyod kyis srog chags bsad mi bya/ /ma byin par yang blang mi bya/ /'dod pas log par mi g.yem zhing/ /rdzun du smra bar mi bya'o/ /nyes pa kun gyi rtsa bas te/ /chang ni spang ba nyid du bya/ /sems can don phyir ma gtogs par/ /bya ba ma yin thams cad spang/ /dam pa nye bar bsten bya zhing/ /rnal 'byor pa rnams bsnyen bskur bya/ /lus kyi las ni rnam gsum dang/ /ngag gi rnam pa bzhi ngag dang/ /yid kyi las ni rnam pa gsum/ ci nus par ni rjes su skyongs/ /theg pa dman pa 'dod mi bya/ /sems can don la brtson par bya/ /'khor ba dag kyang mi spong zhing/ / rtag tu mya ngan 'das mi gnas/ /lha dang lha min gsang ba pa/ /khyod kyis bstan par mi bya zhing/ /phyag rgya bzhon pa mtshon cha dang/ /dge ba kun la mtshon ma 'gom bar mi bya'o/ /'di ni dam tshig yin par bshad/ /khyod kyi rtag tu bsrung bar bya/ /de nas slob mas blang ba ni/ /des kyang 'di skad brjod bya ste/ /slob dpon chen po bdag la dgongs/ /gtso bos ji ltar bka' stsal pa/ /de ni bdag gi bgyid par 'tshal/ /ji ltar dus gsum mgon po rnams/ /yang dag byang chub nges mdzad pa'i/ /byang chub sems ni bla na med/ dam pa bdag gis bskyed par bgyi/ /sangs rgyas rnal 'byor sdom pa la/ /tshul khrims kyi ni bslab pa dang/ /dge ba'i chos ni bsdud pa dang/ /sems can don byed tshul khrims gsum/ /bdag gis brtan por bzung bar bgyi/ /sangs rgyas chos dang dge 'dun te/ /bla na med pa'i dkon mchog gsum/ /deng nas brtsams te bzung bar bgyi/ /nam du yang ni mi spang ngo/ /rdo rje'i rigs mchog chen po yi/ /rdo rje dril bu'i phyag rgya yang/ /yang dag nyid du bzung bar bgyi/ /slob dpon dag kyang bzung bar bgyi/ /rin chen rigs mchog chen po yi/ /nyan re bzhin du dus drug tu/ /sbyin pa rnam bzhi rtag tu sbyin/ /byang chub chen po las byung ba'i/ /pad+ma'i rigs mchog chen po yi/ /phyi nang gsang ba'i theg pa gsum/ /dam chos so sor bzung bar bgyi/ /las kyi rigs mchog chen po yi/ /sdom pa thams cad ldan par ni/ /yang dag nyid du bzung bar bgyi/ /mchod pa'i las kyang ci nus bgyi/ /byang chub sems ni bla na med/ /dam pa bdag gis bskyed bgyis nas/ /sems can kun gyi don gyi phyir/ /bdag gi sdom pa ma lus bzung/ /ma grol ba rnams grol bar bgyi/ /ma bsgral ba rnams bdag gis bsgral/ /dbugs ma phyin ba dbugs dbyung zhing/ /sems can mya ngan 'das la 'god/ /ces lan gsum brjod do/ /de nas slob ma khrus bya ste/ /zhi ba'i sbyin sreg bya ba dang/ /slob ma rnams kyi gnas gsum du/ /'bru gsum gyi ni yi ge dag /rdo rje gsum ni bsam par bya/ /des ni sdom pa brtan par byed/ de la mchod pa lngas mchod cing/ /bsrung skud bdud rtsi 'khyil pa yi/ /bum chus bsang zhing/ 'byor pas bsrung ba ni/ slob ma rnams kyi gnas sum brgya gdams pas bsrung ba ni/ sngags brjod pas/ /bud med rnams kyi dpung pa g.yas/ /skyes pa rnams kyi dpung pa g.yon/ /de ni rim pas gdags pa'o/ /de nas so shing brtag pa yang/ /sor ni bcu gnyis 'bus ma zos/ /me tog ldan pas bcings pa ni/ /dkyil 'khor gyi ni lho ngos su/ /maN+Dal ba'i lci bas byug /de la drag por dor bar bya/ /aoM a khaM wi ra hUM/ /de la dngos grub mtshan ma brtag /rim par brjod par bya ba yin/ /rdo rjes khyod chu rlung pa yis/ kha ni bkru bar bya bas te/ /aoM sh+rI bi shud+ha sarba d+harma pa paM tsa paM Shwa d+ha ya sarba bid? ga la a ba na hUM/ /zhes pa lan gsum brjod pa'o/ /de nas ku sha'i chun po yis/ /phyed la lha'i gsang sngags dag /lan bdun btab la sbyin pa g.yas/ /sngags su sbyin par bya ba'o/ / phyed la bdud rtsi 'khyil pa dang/ /aoM a khaM wi ra hUM zhes brjod pas/ /las bum chu yis gnyis ka bsad/ /de nas yi ge brgya pa brjod/ /de rjes mdun du 'dug pa la/ /gzengs ni bstod pa bya ba ste/ /'jig rten du ni kun mkhyen rnams/ /yu dum wa ra'i me tog bzhin/ /brgya lam na ni res 'ga' zhig/ 'byung 'gyur yang ni mi 'byung ba/ /gsang sngags spyod tshul cho ga ni/ /de bas kyang ni dkon pa ste/ /gang gis bskal pa bye ba ru/ /sdig pa'i las kun byas pa yang/ /de kun gyis ni dkyil 'khor 'di/ / mthong bar byas par 'gyur bas na/ /grags pa mdza' yas sngags brjod pa'i/ /tshul la gnas na smos ci dgos/ /gang gis bskal pa bye ba ru/ /bsod nams ye shes tshogs bsags kyang/ /'di ni mthong ba shin tu dka' / /bla med 'di la dga' bar gyis/ /shes brjod do/ /de yang nub mo ci smis pa/ /rmi lam ma gsangs smra bar gyis/ /de nas sa phyogs dben par ni/ /ci bder nyal du gzhug pa'o/ /so shing brtag pa'i rim pa ni/ /rtse mo gyen du 'grengs 'gyur na/ /de na dngos grub mchog ces bshad/ /de bzhin shar du bltas na ni/ /de ni dngos grub 'bring du bshad/ /mtshams dang byad du kha bltas na/ /'jig rten dar bas lha dang bla ma la ma yengs pa'i mos gus gyis byas la phyag byas nas so sor nyal du gzhug par bya'o/ /pa'i dngos grub thob/ /so shing dor ba gang zhig la/ /gal te thur du bltas na ni/ /des ni sa 'og dngos grub thob/ /nges pa brtan par gyur pa'o/ /rmi lam rnam pa ci byung pa/ /nang par bdag la gsal bar smros/ /de nas bzang na bshis par bshad/ /ngan na bgegs bzlog sbyor ba bya/ /rmi lam don bshad par chad bsal/ /de nas dkyil 'khor thig gdab phyir/ /mchod pa sngon du 'gro ba yis/ /lha rnams nam mkhar bteg byas te/ /bla mas grogs dang bcas lha la/ /gsol ba gdab phyir me tog dang/ /thal mo sbyar te 'di skad brjod/ /thabs dang shes rab las byung ba'i/ /bcom ldan dkyil 'khor thig gdab pa dang dkyil 'khor bsgrub pa dang gnas brgyan pa dang tshon dgye ba dang rdul tshon la mtshan ma dgong pa dang/ 'khor lo ni/ /he ru ka dpal dpa' bo che/ /rig pa'i rgyal po phyag 'tshal 'dud/ /dkyil 'khor thugs rje'i bdag nyid can/ /mgon khyod bdag nyid bri bar 'tshal/ /rgyal ba khyed rnams mchod pa dang/ /slob ma rnams la brtse pa'i phyir/ /de ring mchod bas snyan gsan bcas/ /bcom ldan bdag ni gus pa la/ /khyed kyi bka' drin dran pa yis/ /dkyil 'khor 'gro ba'i don mdzad pa'i/ /phyogs bcu'i sangs rgyas bdag la dgongs/ /'gro ba gdul bya rgyud sde bzhi/ /rgyal ba bdag ni gus mchod dang/ /slob ma 'gro la brtse ba'i phyir/ /de ring mchod pas snyan gsan 'bebs/ /bdag la brtse bas sta gon mdzad/ /'bras gnas byang chub sems dpa' dang/ /sngags kyi lha gzhan gang lags la/ /khyed rnams thams cad mchod pa dang/ /'gro dang slob ma bskyab pa'i phyir/ /de ring khyed la gsol ba 'debs/ /bka' drin byin rlabs thugs rjes gzigs/ /gzhan yang 'byung po mthu che pa'i/ /'jig rten skyong ba la sogs pa'i/ /sangs rgyas bstan la bdag dga' zhing/ /dkyil 'khor lha tshogs mang po yang/ /rdo rje'i spyan ldan kun/ /snod ldan 'di dag dbang zhubs/ /rgyud sde lnga yi lha tshogs mchod/ /dkyil 'khor lnga po bzhengs pas na/ /yo byad ci 'byor pas mchod cing/ /nus pa ci yod 'gro donbyed/ /de phyir bdag dang slob ma la/ /nus pa ji ltar yod pa des/ /bdag gi 'dod pa rab rdzogs par/ /khro bo'i tshogs dang bcas pa rnams/ /khyed kyi ma yengs bar chad bzlog /ces lan gsum brjod do// de nas dkyil 'khor nam mkhar bteg / spos phor lag tu thogs nas ni/ /ma lus phyogs bcur bzhugs pa yi/ /sangs rgyas thams cad bdag la dgongs/ /bdag ming 'di zhes bgyi ba yi/ /rdo rje can gyi dkyil 'khor bri/ /deng 'dir sangs rgyas kun gshegs te/ /dngos grub de bzhin btsal du gsol/ /zhes brjod par bya'o/ /de nas rdo rje slob dpon rigs ma dang ldan pa'am/ /yang na/ bsgrub pa'i grogs las kyi rdo rje dang bcas pas thig gdab par bya ste/ /gsar pa legs par bskal pa dang/ /tshad ldan mdzes pa'i srad bu yis/ /rang 'dod lha'i gzugs kyis ni/ /shes rab ldan pas thig gdab bya/ /zhes gsungs pa ste/ tshon skud sna lngas bsgyur ba'i srang bu dang/ /yi ge lngas byin gyis brlabs te/ /rdo rje dang bcas pa'i khu tshur gyis bzung/ /aoM a n+yo ni a nu ga ta sarba d+harmA a nu pra wiSh+Ta sarba d+harmA/ a dyan? ta a nu pra waSh+Ti sarba d+harmA zhes pa'i sngags lan bdun gyi bar du brjod pas/ dzwa zhes las kyi rdo rje'i lag tu gtad la/ phyogs thams cad mnyam pa nyid du dmigs pas shar du bltas te gdab par bya / thig gis sgras ye shes kyi 'od kyi snang ba lnga bkug ste bstim pas/ /gdab par bya ba ni/ slob dpon shar lta slob ma nub/ /slob dpon lhor 'dug slob ma byang/ /tshangs thig gnyis pa gdab par bya/ /me yi phyogs su gnas pa yis/ /byang? bltas shar gyi thig bya'o/ /rlung du gnas te lhor bltas pas/ /nub kyi thig ni gdab par bya/ /me'i phyogs su gnas pa yis/ /byang bltas shar gyi thig bya'o/ /rlung du gnas te lhor ltas pas /nub kyi thig ni gdab par bya/ /de nyid kyis ni byang bos gdab bden bral gnas pas dbang ldan par/ /thig ni mkhas pas gdab par bya/ /de nas ye shes thig gshegs la/ /de nyid rang dam gzhan yang rung/ /byin rlabs dkar gyis btsal te/ /aoM badzras ma ya su traM ma tikra ma hUM dza dza/ zhes pas g.yon bskor du go rim lta ba'i nan dag dang ldan pas/ /lo tshe dgu pa'i thig gdab par bya'o/ /gsang pa chen po rgya dbye pa/ /rnam pa du mas mdzes pa nyid/ /de nas de'i mtshan nyid kyang/ /gsar pa dag ni bkal nas kyang/ /tshad ni 'thun pa nges pa yis// thig ni mkhas pas ci nus gyis/ /dkyil 'khor gyi ni rim pa bri/ /gru bzhi bgyi zhing sgo bzhi dang/ /rta babs bzhis ni mdzes bgyis pa/ /thig bzhi dang ni yang dag ldan/ /dar ngad me long phreng bas brgyan/ /grwa'i phyogs ni thams cad dang/ /sgo khyud kyi ni mtshams rnams su/ /rdo rje rin chen spras pa ni/ /dkyil 'khor phyir rim thig gdab go /de'i rim pa'i nang bzhugs pa/ /'khor lo pho brang rdo rje yis/ /thig gi phyogs su bskor bya zhing/ /ka ba brgyad kyis mdzes bgyis pa/ /phyogs kun mnyam pa nyid dmigs pa/ /shes rab can gyis thig gdab pa/ /shar dang nub dang byang dang lho/ /dkyil 'khor bzhi ste le tso dgu /tshon rnams nges par byin brlabs te/ /de nas tshon byin gyis brlab pa ni/ /tshon rnams la b+h+ruM hUM traM h+ri khaM/ zhes pa'i yi ge bkod cing mchod la/ /aoM badzra tshin d+ha sa ma ya hUM zhes bya ba 'di phyag rgya dang ldan pas/ /tshon rtsi rnams la lan bdun gyi bar du mngon par bzlas nas/ tshon thams cad rdo rje'i rang bzhin du gyur zhes bcom ldan 'das rdo rje 'chang chen pos gsung ngo/ de la phyag rgya yang 'di yin te/ rdo rje'i phyag rgya gnyis pas ni/ /mdzub mo'i rtse mo mnyam sbyar la/ /byas nas tshon rtsi thams cad 'bar ba'i lta bas dgug par bya/ /hi zhes bya ba dang/ rdo rje nyi ma khro bo'i dam tshig gi phyag rgya dang/ g.yon pa'i rdo rje khu tshur gyis mthar sbyar bar bya'o/ /aoM badzra tsa tris ma ye hUM zhes bzlas shing dbang ldan gyi phyogs nas brtsams te g.yas nas bskor ba'i tshul gyis rtsi dgye bar bya'o/ /zhes slob dpon a nan ta garb+ha'i bzhed pa'o/ /tshon pra brtags rdas? dbus su bri/ /de nas slob ma brir gzhug ste/ /'di ni chos dbyings dag pas te/ /sems can khams ni sgrol byed pa/ /dpal ldan khrag 'thung rgyal po nyid/ /de bzhin gshegs pa kun gyi gnas shes so/ /pho brang gnas ni dur khrod bar/ /rim pas bri zhim? mdzes par bya/ /de nas dkyil 'khor rgyan dgod de/ /bsgrub pa nyid du bri bar bya/ /de nas dngos bstan pa ni/ /lha'i phyag mtshan yi ge 'bru gsum gang rung bkod pa ni/ rgyud so so las byung pa'i bya ste/ 'di med na mi shes par gsang ba spyi rgyud nas gsungs pas gal che bar gsungs te/ bla ma bai ro tsa na rak+Shi ta bzhed do/ /bum pa dang dkyil bum pa bskur ba gyi nas bya/ bzhi las 'khor la/ /sgrub dang por sgrub pa bya ba ston/ /pa nus par ldan par bya/ de nas cho ga y ongs rdzogs pa/ /dbang ni bskur bar bya ba'o/ /slob ma rnams la phan bya'i phyir/ /slob dpon dkyil 'khor 'jug par bya/ /dkyil 'khor 'khor lo bcas pa rnams/ /stong pa'i ngang las skad cig gis/ /so so'i lha rnams gsal ba dang/ /yab yum snyoms par zhugs pa yis/ /bsgrub pa'i sbyor bas bdud rtsi dbab/ bum pa bsgrub pa dang/ dkyil 'khor lhag pa'i lhar bsgrub par dang/ rnal 'byor rnam ba bzhi bsgoms pa'am/ ting nge 'dzin gsum bsgom pas chos kyi 'khor lo bskor ba yan chod bya'o/ /bar 'dir? bum pa'i bzlas pa dang/ bskyed rim lhag gnas kyi dus bzhin du 'dir yang du?/ slob dpon bdag nyid spongs la bskur? yon? bzhin bdag nyid kyi? drang/ tshogs 'khor gcig bya ba gang? che'o?/ /'khor lo la mchod bum pa dgang/ /gtso las 'khor spros las byed pas/ /rnam rgyal bum dgar spros pa la/ /bum pa gzhan du rim bzhin blug /'gro don gtso bo'i las yin pas/ /slar yang gtso bo'i gus ba dgag/ /rnam rgyal steng du bdud rtsi las/ /bsre ba lag len mthong bas bya/ /slob dpon nyid kyi gang dmigs la/ /rim pas gang 'dod blang bar bya/ /de nas slob ma 'jug pa yis/ /cho ga'i rim pa nyi shu ste/ /gsol ba gdab dang gdong g.yogs bcings/ /me tog phreng bzung sems rab bskyed/ /don dri khas blangs nang gzhug /tshogs bsags mna' dgag dam chu blud/ /dam sgrag bka' sgo ye shes dbab/ /me tog dong rjes mthong ba dri/ /spyi gtsug me tog phreng ba bzhag /gtod? g.yogs bkrol la lha ngo bsta// lha dang dkyil 'khor don yang bstan/ /'dod lha'i bslab pa bsgrub pa bstan pas te/ /'di dag mdor bstan don yin no/ /de nas lha dang bla ma la/ /yol ba yi ni phyi rol du/ /gsol ba gdab cing me tog dbul/ /phyag dang me tog sngon 'gro bya/ / de rjes dri ma med pa yi/ /dar ras dmar pos gdong g.yogs bya/ /de yang las bum chus bsangs la/ /slob ma rnams kyi mig dgab po/ /me tog phreng ba bzung nas ni/ /rdo rje me tog ldan pa dag/ snying khar bzhag la 'di skad brjod/ /aoM badzra ao ga tsit+ta au pa ta ya mi sarba ta thA ga ta badzra bo d+hi tsit+twA? swa b+ha wa ata ko haM/ zhes brjod do/ /'gro ba'i sdug bsngal bcad pa dang/ /rdo rje gdan pa ni/ bar 'dir yan lag bdun pa sngon du 'gro bas sems bskyed par bzhed do/ /su ma ri chen mo ni/ snga ma'i dus su ni smon pa semS bskyed/ /'di'i dus su 'jug pa sems bskyed ces so/ /rje rta chen po'i bzhed pas/ me tog bcas par snying khar bzhag/ de nas sems bskyed par bzhed do/ /sangs rgyas byang chub thob bya'i phyir/ /byang chub sems gnyis sangs rgyas kyis/ /byang chub sems dpa' che rnams kyi/ /bskyed pa de ltar bdag kyang bskyed/ /rgyal bas 'gro ba sgrol bar mdzad/ /'gro rnams bdag gis mgon gyur pa/ /bdag ni tshe 'dir sangs rgyas kyi/ /bla med go 'phangs gnas thob pas/ /sangs rgyas gyur pas 'gro ba rnams ma lus srid pa'i mtsho las sgral/ /zhes lan gsum brjod do/ /de nas las kyi rdo rje yis/ /khrid de yol ba'i drung bzhag ste/ /de nas rdo rje slob dpon gyis/ /bu khyod dag pa gang la dga' / /skal pa bzang la bdag dga' o/ /skal bzang des khyod ci byed pa// sangs rgyas mchog 'dod dam tshig yin/ /zhes brjod do/ /bla ma dang dkyil 'khor la maN+Dal dang/ /me tog 'bul/ bdun rnam dag bya ba ni/ tshogs bsogs pa'o/ /maN+Dal phyag sogs sngon 'gro ba/ /tshogs bsags pa ni rang gzhan gyi/ /don gnyis rdzoD? par byed pa'o/ /mgon po khyed la gang gsol ba/ /sangs rgyas kun gyi 'khor lo che/ /dkyil 'khor chen po dam pa yi/ /cho ga'i mchog ni bshad du gsol/ /rgyal ba mi gnas mya ngan 'das/ /bcom ldan sku de bdag la ston/ /lan gsum brjod la me tog dbul/ /de don bshad la dad pa bskyed/ /de bzhin gshegs pa kun gyi gnas/ /bcom ldan dkyil 'khor grong khyer mchog/ snying po'i dkyil 'khor 'di ru ni/ /mkhas pas slob ma dbang bskur bya/ /de nas bla ma rdo rje 'dzin pas 'di skad brjod/ /de ring rigs kyi bu khyod la/ /phyags bcu dus gsum gyi dkyil 'khor gyi 'khor lo'i lha tshogs thams cad kyis byin gyis brlabs pas/ /mchog gi dngos grub thob ste/ de lta bas na thun mong gi dngos grub lta smos kyang ci dgos te/ /dkyil 'khor ma mthong ba rnams kyi mdun du smra bar ma byed cig / gal te smras na nyams pa gyur ta ro/ /a su ra te sa ma ya ste/ ho:sid+hi badzra ya ta su khaM/ zhes brjod la/ dus gsum gyi sangs rgyas thams cad slob ma'i bsdu'i bu gan par sib sib zhugs par bsams la/ me tog brteg go /de nas slob ma de dag kun/ /shar gyi phyogs su gnas byas la/ /mchod dang bstod pa cher byas te/ /bla mas yang dag brtan par yang/ /zhal bzhes slob ma de dag kun/ /mkha' gsang gnas nas bton byas te bgegs bsal sdom pa sbyin par bya/ /slob mtsho gsum gyis ni/ /lhar bcas dkyil 'khor shar phygos kyi/ /dur khrod dag na gnas par bsam/ /de nas slob ma'i gnas gsum du/ /nyi ma pad+ma zla ba la/ /gnas pa'i yi ge hUM dang a/ /aoM gsum nag dmar dkar ba las/ /rdo rje gsum du bskyed byas te/ /gnas pa'i sa bon spro sdu yis/ /'gro ba sbyangs te gnas par bsam/ /aoM sarba ta thA ga ta tsit+ta badzra swa b+ha wa at+ma ko haM/ aoM sarba ta thA ga ta wAk+ka badzra swa b+hA wa at+makohaM/ aoM sarba ta thA ga takA ya badzra swa b+hA wa At+makohaM/ gsol gsum gdab cing byin brlabs pa/ /dag pa'i sku ru bsam par bya/ /dri'i thig les mched bar bya/ /'di ni dam tshig rdo rje ste/ /khyod kyi spyi bor bzhag pa yis/ /sangs rgyas sku ru khyod 'grub cing/ /rdo rje'i skur 'gyur gsang ba che/ /'di 'dra'i dkyil 'khor ma mthong la/ /ma smra smras na mgo 'gas bshags/ /rdo rje snying khar rdo rje bzhag nas 'dzin pa de khyod spyi bor rdo rje bzhag nas/ kye/ /snying la yang dag zhugs par 'gyur/ /tshul 'di gzhan la smras gyur na/ /de ma thag tu dral? zhing 'pho/ /aoM sh+rI sarba ta thA ga ta badzra satwa sa ma ya tiSh+Tha badzra hUM/ 'di ni gsang ba'i dam tshig chu/ /dam tshig bsrungs na 'grub ste thob/ /'das na sreg cing 'tshong bar 'gyur/ /rdo rje bdud rtsi'i chu 'di 'thungs/ /aoM badzra a mre ta au ka to da ka tha pi li A hUM deng nas brtsams te khyod nyid kyi/ /rdo rje 'dzin par yin pas/ /da dung chos kyi dri chu yis las bum gyi chu/ yis bsgo ba khyod kyi gyis/ /gal te bsgo pa ma byas shing/ /brnyas na nyams par gyur nas ni/ /yang ba ni ma spangs par/ /bskul nas dmyal bar gyur ta re/ /zhes brjod do/ /de nas ye shes 'bebs pa'i don du gsol ba gdab ste/ /hUM de bzhin gshegs pa thams cad kyis/ /byin gyis brlabs pa'i ye shes mchog/ rdo rje sems dpa' bdag la deng/ /slob dpon khyed kyis dbab du gsol/ /zhes lan gsum brjod// rdo rje slob dpon gyis brjod pa/ /'di ni ye shes rdo rje ste/ /rdo rje sems dpa' yin par grags/ /ye shes rdo rje bla na med/ /de dag lan cig brjod pa yis/ /sngags dang phyag rgya'i sbyor shes pas/ /rkang pa mnan zhing gyen du blta/ /steng du pho zhes sgra sgrogs pas ye shes lnga 'babs brder tu? sa'i? bzhed do/ /me tog lan lnga dor/ /ye shes ngo sprad/ /lan lnga phyag len yin no/ /phyogs bcu'i 'jig rten khams bzhugs pa'i/ /dpa' bo rnal 'byor mtshogs kun/ /nam mkhar bzhugs pa la mchod cing/ /thogs med byin rlabs rab tu 'bebs/ /man ngag bzhin du bstan pa la/ /gu gul gyis ni bgegs bskrad cing/ /thogs med byin rlabs rab tu 'bebs/ /sha chen dud pas bdug par bya/ /aoM badzra satwa a be sha ya phaiM/ /stam b+ha yar rA ra rA/ tsa la yA/ tsal lA/ ha le yA/ huM ya haM hUM dzaM swAhA/ a tiSh+Tha ma ha kro ta a ba sha ya hUM/ /aoM sh+rI he ru ka bde ma he bidya rAdzA ya bi d+hi ma he swAhA/ /bsnyen pa ma song brgya rtsa brgyad/ /sod na lan bdun bgyis te dpag/ sku gsung thugs kyi rtags byung nas/ /rdo rje spyi bor bzhag bya zhing/ /aoM tiSh+Tha badzra badzras/ /brtan par 'gyur/ aoM a tiSh+Tha pa'i ye shes bdag la brtan par mnos gcig pa'o/ /badzra Di Dho me b+ha wa/ sha shwa twa me b+ha wa/ h+ri da ya ye ya d+hi tiSh+Tha/ sarba sid+d+himme pra yats+tsha hUM hUM ha ha ha ha ho/ badzra muSh+Ti baM/ bden pa'i byin rlabs bden par bskul/ /tshig 'di glu yis gsol ba gdab/ /'dod chags chen po las byung ba'i/ /'khor lo'i de nyid gzugs brnyan bzhin/ /bdag la brtan par mnos gcig pa'o/ /bdag la dngos grub gsol gcig pa'o/ /dgos par brtan par bzhugs gcig pa'o/ /'dis brtan par byed pa'o/ /bdag gis mthong na slob ma rnams/ /gzhug phyir bdag ni gsol ba 'debs/ /nam mkha' las byung mtshan ldan phyir/ /thog ma tha ma med pa'i mchog /rdo rje sems dpa' che rang bzhin/ /dkyil 'khor 'khor lo bdag cag bsgrub/ /dngos grub chen po mchog gi mchog /dbang phyug chen po lhag pa'i lha/ /rdo rje 'dzin pa kun gyi rgyal/ mi 'gyur mchog tu bdag cag bsgrub/ /dkyil 'khor lha ru bdag cag bsgrub/ /shin tu dag pa kun gyis mchog /gdod nas grol ba de bzhin gshegs/ /kun tu bzang po kun gyis bdag /byang chub sems dpar bdag cag bsgrubs/ /dngos grub chen po kun gyi mchog / 'khor ba bsgyur ba phyag rgya'i mchog /grub pa'i rdo rje cher ston pa/ /dkyil 'khor lha ru bdag cag bsgrubs/ /sems can kun gyi yid la khyab/ /sems can kun gyi snying la gnas/ /sems can kun gyi gtso bos te/ /'dod chags mnyam pa'i dam tshig mchog/ shes rab thabs bdag dkyil 'khor gyi/ /bden pa'i byin rlabs gang yin pa/ /gtso bo lha mo mgon khyod kyis/ /bdag cag bsam pa yongs rdzogs shog /chos rnams gzugs brnyan lta bus te/ /dag cing gsal la rnyog pa med/ /rgyu dang las las skyes pa ni/ de bzhin nyid las yang dag byung/ /bden pa nges kyang dkyil 'khor 'di/ /gzugs brnyan gsal bar slob ma rnams/ /bar chad bdud med kun mthong shog /snying po'i dkyil 'khor 'di ru ni/ /bdag gis slong ma gzhug par bya/ /lha'i rigs kyi rim pa dang/ /dngos grub bsod nams de bzhin shog /ces gsol ba gdab par bya'o/ /de nas las kyi slob dpon gyis/ /rdo rje slob ma rnams bzung nas/ /thams cad rol mo'i sgra byas shing/ /dgegs sgra'i snying po a khaM bzlas/ /dkyil 'khor lan gsum bskor bar bya/ / shar sgoms ni phyag gsum bya/ /'grengs nas yi dam lhar mos la/ /slob mas de nas de nyid du/ /gdal pog pa lha yi rigs/ /me tog thogs la 'di skad brjod/ /sngon nas bsgrubs pa'i yi dam lha/ /gsang chen mchog gi dkyil 'khor 'dir/ /rigs kyi dngos grub nges pa yis/ /gang yin de ring bdag bsnyen gyis/ /rigs dang 'thung pa'i dngos grub dang/ /lha dang ma nor mjal bar shog/ aoM pra tits+tsha ho:zhes brjod par bya/ song shing snang ba gsum 'thun pa/ /de la dngos grub nges pa yin/ /de nas me tog dag gi dbang/ /slob dpon sa pon spro bsdu yis/ /rnam snang me tog de la bstim/ /spyi bor sbyin par bya ba yin/ /sangs rgyas kun gyis byin rlabs pa/ /me tog rnam par snang mdzad de/ /stobs chen khyod ni 'di lor zhig /khyod kyi spyi bor rtags bstan nas/ /gong du me tog lhu 'gyur ba/ /de'i gnas sogs brtan par bya/ /de nas spyi por bla mas gdags/ /aoM pra ti grih+na swa mi maM swAhA sa la la zhes pa ni/ stobs dang ldan pa sems can khyod kyis 'di thogs shig pa'o/ /de nas mig ni dbye ba ni/ /he ru ka dpal ded khyod kyis/ /mig 'byed par ni brtson par mdzad/ /rdo rje'i mig ni bla na med/ /thams cad mig ni 'byed par 'gyur/ /aoM badzra satwa sa man+ta tsak+Shur ga ta tad par aut g+ha ha ya ti sarba k+Sho badzra tsak+Shur nud ta ra ha badzra pa sh+ya/ kyai rdo rje che ge mo zhes bya aoM badzra sa twas pan ta/ rdo rje sems dpa' / tsak+Shur ga ta dang/ ba 'dis// gdang g.yogs dgrol bar bya'o/ /aoM badzra a ni tra ya ra ha yur gtam ti sarba k+Sho badzra tsak+Shu pu ta ta re ha badzra ba sha dza/ sa tra laM h+ri ya/ badzra tsak+Shu pa sha sa ma ya hUM/ dkyil 'khor bzang kyi rdo rje che ge mo ltos cig bya'o/ po 'di la ltos/ /da ni dang pa rab tu bskyed/ /khyod ni rnal 'byor ma rigs skyes/ /skal ba nam mkha' i mdza' dang mnyam/ /'gro ba phun tshogs dngos grub kyang/ /thams cad 'di la brten te byung/ /dngos grub thob phyir dam tshig skyongs/ /gsang sngags bzlas la brtson par gyis/ /shes brjod do/ /de nas yang na rim pas ston/ /rgyud sde chen po lnga rnams kyi/ /dkyil 'khor 'khor lo dbang bskur ba/ /'gro ba skyob phyir gzi brjid can/ /thams cad yon tan 'byung ba'i gnas/ /bde chen gter mchog der stsol cig /bdag gzhan ngan 'gro las sgrol phyir/ /thar pa pa chen po'i grong mchog tu/ /gnas nas 'gro bsgrol byed pa'i/ /ye shes dbang mchog bdag la stsol /zhes lan gsum brjod do/ /de nas dkyil 'khor shar phyogs su/ /slob ma rim pas bzhag bya ste/ /slob dpon lha'i nga rgyal gyis/ /slob ma'i lus ngag yid gsum gyi/ /gdon ni bskrad par bya bas te/ /me phor nyungs dkar gu gul brdeg/ aoM sarba pa po sarba bid shan+tiM ku ru swAhA/ zhes so/ /rdza gsar pa'i nang du me la gu gul bsreg cing/ /drag sngags sam/ gdong bzhi pa 'am bdud rtsi 'khyil pa'i sngags bzlas pas gdon thams cad bskrad par bsam zhing/ der chu gtsang ma blangs nas mtheb 'dzub kyis blangs te slob ma'i sdig pa thams cad sangs sang song bar bsam zhing las byas pa dang/ mchu de gnyis phyi rol du dor ro/ /'di ni rgyud kyi bar chad kyi/ /bgegs bsal cho ga'i rim pa yin/ gzhan du 'di nyid bya bar bshis/ /sbyin sreg mtshan nyid ldan bar bya/ /de nas bskul bar bya ba ni/ sangs rgyas kun gyi rang bzhin sku/ /slob dpon la ni skyabs su mchi/ /dpa' bo rnal 'byor ma 'khor lo/ /rnal 'byor rnams la bdag phyag 'tshal/ /zhes brjod do/ /de nas dbang bskur ba'i sngon 'gro la/ /bla ma rdo rje gdan pa ni/ mngon rtogs rgyas par bsgoms la slob ma de la mchod bstod yan chad bzhed do/ /rje rta chen po ni/ sku gsung thugs rgyas gdab pa yan chad kyi cho ga gsung ngo/ /d+ha byang chub sems dpa' dang/ bai ro tsa na rak+Shi ta gnyis dam tshig lhar bskyed pa la ye shes dgug bzhug cho ga gsung/ /rjes su ma ti chen mo ni/ /de ltar bsams nas dngos gzhi'i dus su/ /bdag gi thugs ka'i sa bon gyi 'od zer gyis lhag pa'i lha'i 'khor lo dang/ bla ma spyan drangs la de la rang gis sa bon g yi 'od las spros pa'i mchod pas mchod/ de nas bstod pa ni dal so so'i bstod pa bya/ /de nas sems can thams cad kyi don du/ /nyon mongs pa dang/ /las dang bag chags kyi sdig sgrib sbyang ba'i don du dbang bskur du gsol zhes brjod pa dang/ sangs rgyas de dag gis legs so zhes brjod cing/ bla ma dang yi dam dang lha'i 'khor lo bskul ba dang/ phyogs bcu'i sangs rgyas dang byang chub sems dpa' dang/ rig pa'i lha mo dang/ khro bo'i rgyal po bcu la sogs pa rnams kyi phrin las dang/ dgongs pa dang/ ting nge 'dzin la bzhugs par bsam mo/ /de la sangs rgyas kyis ting nge 'dzin mdzad/ byang chub sems dpas bkra shis brjod/ lha mo gzugs rdo rje ma la sogs pas glu len/ spyan ma la sogs pa bum pas khrus byed do/ /de nas dkyil 'khor du 'jug pa ni/ phyag ni sngon du 'gro bas te/ /bla mas 'jug par gnang ba ni/ /de bzhin gshegs pa kun gyi gnas/ /he ru ka dpal grong khyer mchog /snying po'i dkyil 'khor 'di ru ni/ /bdag gis slob ma gzhug bar bgyi/ /sku gsung thugs gnyis su med pa'i sgo nas phyag bya ba ni/ /aoM sarba ta thA ga ta pu na dzdzyo pa s+tha na ya/ yat+ma naM nirya ta ya mi sh+ri gu ru tsarya/ ka ya wAk+ka? tsit+ta pra na me na badzra sa ma d+ha ka ro mi a b+hi Shiny+tsa maM/ zhes pas dbus kyi dkyil 'khor la phyag bya'o/ / aoM sarba ta thA ga ta pu dzdzyo pas+tha na ya At+ma naM nitya ta ya maM?/ sarba ta thA ga ta badzra satwa h+ri he ru ka badzra a b+hi? tiShtha sa maM/ zhes shar phyogs rdo rje rigs rnams la phyag bya'o/ /aoM sarba ta thA ga ta pudzdzyo pas+tha na ya/ At+ma naM/ nirya ta ya mi sarba ta thA ga ta tsakra saM b+ha ra badzra ratna a bi Shiny+tsa a tiSh+Tha ka ro mi/ zhes lho phyogs rin chen rigs la phyag bya'o/ /aoM sarba ta thA ga ta pu dzdzyo pas+tha na ya At+ma naM? /nirya ta ya mi/ sh+ri ma hA ma ya sarba ta thA ga ta badzra d+harma pa bard+han ya naM/ zhes nub phyogs pad+ma'i rigs la phyag bya'o/ / aoM sarba ta thA ga ta pudzdzyo pas+tha na ya Adma naM/ nirya ta ya mi sh+rI badzra b+hai ra ba sarba ta thA ga ta badzra karma tu moM/ zhes byang phyogs las kyi rigs kyis lha la phyag bya'o/ /zhes phyogs bzhi nas phyag bya'o/ /de nas sdig pa bshags pa dang phyag btsal ba la sogs pa bya ste/ rtog pa thams cad legs par bsdus nas ni/ shin tu bsam pa bzang po ldan pas nyon/ /rjed pas blo la rdo rje sems sogs pa'o/ /bde bar gshegs pa rnams kyi byin mi rlob/ /dbang med bdag gis mi dge bgyis pa dang// rjes su yid rang yang na kha slub? par bgyid btsal gang/ /de dag thams cad byang chub mchog gi ni/ dug can spang spyan sngar da ltar ma lus so zhabs rdob bsor bshags/ /bde gshegs sras kyi cho gas gnyis zab pa dang/ /rgya chen 'gro ba ma lus pa yi don/ /bsgrub par byed dang de las gzhan pa la'ang/ /rtag tu bdag ni rjes su yi rang ngo /thugs rjes khyab pa'i thugs dang ldan gyur cig /blo gros sdig bral gti mug cho gas kun 'joms/ /ma lus rigs kyi pad+ma'i nang bzhugs pa'i/ /bde bar gshegs pa rnams la skyabs su mchi/ /blo mchog rnams kyi kun dga' ra ba der/ /srid pa'i 'jig pa nyid kyi rgyal byed tshal/ /srid pa'i 'byor pa zil gyis mnon pa'i mchog /gsung mchog chos la bdag nyid skyabs su mchi/ /'dod chags la sogs sprul gyi dug bcom zhing/ /blo gros rnam rgyal thugs rje che ldan pa'i/ /brtul zhugs bzang po'i tshogs la skyabs mchi zhing/ /srid dang bral pa rnams la bdag phyag 'tshal/ /rgyu'i rjes la bdag po'i yul bdag nyid/ /'bras bu'i stobs kyi dgra laS rgyal gyur pa/ /snying rje'i rtsa bzung cig yang dag rtogs/ /mnyam med byang chub rnam par gzung bar bgyi/ /sems can rnams ni yongs su smin pa'am/ /yang na yongs su skyab par bya ba dang/ /rang gi sems ni dag par bya ba dang/ /dngos po thams cad rtsa sogs bzhin du btang/ /de bzhin tshul khrims bzod dang brtson 'grus dang/ /bsam gtan shes rab bla na med pa ni/ /bdag dang gzhan rnams dag par bya ba'i phyir/ /skad cig re re zhing ni bsgom par bgyi/ /bde bar gshegs pa sngags la mkhas pa yis/ /chos rgyal rtag tu lhun gyis grub pa ni/ /'gro ba 'di yis thob par bya ba'i phyir/ /khyad 'phags gnas la bdag nyid gnas par bgyi/ /zhes lan gsum brjod do/ /de nas rdo rje bla na med pa rgyud sde chen po lnga'i so so'i rjes su 'jug pa'am/ spyi'i cho ga'i rjes su 'jug pa'i rim pa la brlab pa gnas par bya ste/ da dag gi rigs kyi dbye bas rdo rje dang/ /pad+ma dang/ ral gri dang/ 'khor lo dang/ rin po che rnams gsal ba lus kyis gnsa su mngon par phyogs pas/ /so so'i lha dang dkyil 'khor gyi 'khor lo snang bar shes shing/ 'od zer spro ba dang bsdu pa'i rim pa yongs su rdzogs pa 'am/ rim pa can du bya ba ni/ 'dir bla na med pa'i cho ga ston pa'o/ /slar yang so so'i rigs kyi 'khor lo nam mkha' la gsal bar bskyed pa dang/ rdul tshon gyi snang ba'i dkyil 'khor dang 'thun ba bla na med pa'i sbyor ba lha'i gtso bo yab yum gnyis su med pa'i bde ba chen po'i dga' ba'i sgyu ma'i sgras sangs rgyas kyi zhing khams sbyangs pa can dran pa'i gnas nas so so'i ye shes sems dpa' spyan drangs te/ /bar snang la bzhugs pa la phyag dang mchod pa sngon du 'gro pas bstod pa bya ste/ dgug pa dang/ gzhug pa dang/ bstim pa dang/ dgyes pa bskyed cing/ bzhug pa dang dbyer med par gyur la reg par byed pa dang/ gsal ba'i snang bas khyab pa dang/ rtog pa'i dri pa? thams cad dang bral ba'i ngo bo yang dag pa'i dbang bla ma brgyud pa'i rim pa las brnyed pa ni gsang ba chen po thun mong ma yin pa'i dbang ste/ dri ma 'khrus par byed pa dang/ ye shes rgyud la bskyed par byed pa dang/ ye shes brtan pa'i nus pa 'jog pa'i don gyis dbang yin la/ gzhan thams cad ni cho ga tsam du zad de/ phyin ci ma log pa'i rgyud la brten pa dang / sangs rgyas nas bar ma chad pa'i chu bo ma nub pa dang/ dngos grub kyi byin brlabs kyis phrin las 'jug pa dang/ gsang chen gyi don ma nor bar rtogs pa'i spyod yul gyi khyad par byas pas te / yid ches pa'i don dang ldan pas ched mar gyur pa'o/ /'di ni rnam par dbye pa la mkhas pa dang/ mi mkhas pa brtag par bya ste/ /bya ba dang byed pa dang/ sgras dben pa dang/ snying po'i dkyil 'khor 'dir ni/ gtso bo rnams go 'pho bas/ dkyil 'khor 'khor lo rab tu bsgrub pa ni/ phyag rgya chen po'i gnas thob pa la khyad par byed pa yin no/ /de nas sems bskyed cing de brtan pa'i cho ga'i don du 'di brjod par bya ba ni/ bdag gis 'di ltar bstan pa'i dge ba'i rtsa ba 'dis/ bdag gis thams cad yongs su btang bar bgyi'o/ /bdag gis sems can thams cad la mnyam pa'i sems bskyed par bgyi'o/ /bdag gis sems can thams cad theg pa thams cad dang thabs kyis bye brag thams cad kyis brtul nas mi gnas pa'i mya ngan las 'das pa'i dbyings la rab tu bzhag par bgyi'o/ /bdag gis sems can thams cad mya ngan las 'da' bar gyur kyang / sems can 'ga' yang yongs su mya ngan las 'das pa med par shes pa khong du chud pa'i don to/ /zhes sems bskyed par bgyi'o/ /bdag gi chos thams cad skye ba med pa nyid du rjes su rtogs par bgyi'o/ /bdag gis ma yengs pa'i sems dang brtson ba dang/ thams cad mkhyen pa'i ye shes kyis sems kyi pha rol du phyin pa drug la brlab par bgyi'o/ /bdag gis chos thams cad theg pa gcig gi tshul du gnas pa la bslab par bgyi'o/ /bdag gis byang chub kyi chos sum cu rtsa bdun la gnas pas so sor rtogs par bya ba'i phyir bslab par bgyi'o/ /bdag gis de bzhin gshegs pa'i/ stobs bcu dang/ mi 'jigs pa bzhi dang/ so so yang dag pa rig pa bzhi dang/ sangs rgyas kyi chos ma 'dres pa rnams so sor rtags par bya ba'i phyir mngon par brtson par bgyi'o/ /de bzhin du bdag gis sangs rgyas ches rgyu dang 'bras bur bcas pa ma lus pa'i bar la mngon par gnas par bya ba'i phyir mngon par bsgrub par bgyi'o/ /'di nyid kyi byang chub sems dpa' rnams kyi byang chub chen por sems bskyed pa rdo rje lta bu yin te/ de bzhin gshegs pa thams cad kyi yab dang/ de bzhin gshegs pa thams cad kyi bka' bzhin byed pa dang/ de bzhin gshegs pa thams cad kyi thu bor gyur pas te/ 'di nyid ni bcom ldan 'das kun tu bzang po'i dag pa'i rtsa ba rnams kyis ji lta ba bzhin du yang dag par rdzogs par bya ba'i stobs kyis byang chub kyi snying po bdag gis ems bskyed pa 'de la gnas pas/ kun tu bzang po'i spyod pa zhes bya ba'i ting nge 'dzin gyis sgo mdza' yas pa la gnas pa/ thugs mdza' med par rdzogs par byas nas/ gdul bya 'gro ba'i tshogs ma lus pa rnams la spyad pa'i rab tu deb pa'i sgo mar po bstan pas/ yang dag par mgu par bya ba dang/ yang dag par gzangs bstod par nges par sbyar bar bya'o/ /deng bdag skye ba 'bras bur bcas/ /bdag gi gson pa'ang 'bras bur bcas/ /lha dang dam tshig mnyam pa ?/ /'gyur ba 'di ni the tshom med/ /byang chub sems dpa' sems gcig la/ /mi ltog par ni bdag 'gyur te/ /de bzhin gshegs pa'i rigs su ni/ /deng bdag skye bar the tshom med/ /lha dang skal ba mnyam pas te/ /bdag gis mchod pa bla na med/ /sangs rgyas thams cad spyan 'dren pas/ /de dag 'dus pa'i mchog yin no/ /zhes brjod do/ /de nas dkyil 'khor so so'i rang gi phyag rgyas bcings te/ rang rang gi snying po brjod pas/ /aoM a badzra d+h+rig /aoM a h+ri hUM phaT/ aoM dai ba pi tsu badzra hUM hUM hUM phaT/ aoM h+ri ha ha huM hUM phaT/ aoM h+ri Ti wi kri tA na na hUM hUM phaT/ ces rdo rje gdan pa bzhed do/ /rje rta ni gsang ba 'dus pa dang/ sgyu 'phrul chen mo gnyis ka la/ aoM A:hUM 'ba' zhig ste/ rdo rje'i bzlas pa byed la/ gzhan gsum po sngags so so yin zhes gsung ngo/ /su ma ti'i bzhed pas/ rgyud thams cad kyi sngags kyi rtsa ba A li kA li yin pas/ aoM dang hUM hUM phaT/ swAhA'i bar du brten par bya de tshe sum cu rtsa gnyis kyi gsang ba 'dus pa'i lha bskyed/ tshar lngas ma hA ma ya'i bskyed/ tshar bcu gsum gyis he he badzra bskyed/ tshar drug cu rtsa gnyis kyi 'khor lo sdom pa bskyed/ tshar bcu gsum gyis yang rdo rje 'jigs byed kyi dkyil 'khor g yi sngags yin gsung/ de dag bzlas pas/ phyi nang gi dkyil 'khor bsgrub pa'i rten 'brel byed pas de'i nga rgyal byed pa'o/ /lha'i nga rgyal bskyed cing/ sku dang gsung dang thugs rdo rje dang/ yon tan bde ba chen po dang/ phrin las yongs su dag pa'i rdo rje te/ aoM badzra ma hA sa ma ya staM/ de nyid kyi snying kha dang/ dpral pa dang/ lkog ma dang/ spyi bo dang/ lte ba dang/ gsang gnas te gnas lngar bcing zhing byin gyis brlabs par byas pa de la/ aoM sa ma ya satwa a d+hi tiSh+Tha swa maM/ zhes brjod par bya'o/ / de nas bdag dam tshig chen po'i bdag nyid/ nyid nyis dgyes rdor/ sgyu ma / chen mo/ gsang 'dus/ 'khor lo sdom pa/ rdo rje 'jigs byed/ dkyil 'khor shar sgor 'dug ste/ rgyan dang ches la sogs pa dang ldan pas/ bdud rtsi lnga 'am dri'i chus phyogs kun du gtor bas/ sa gsum po rnam par dag pa'i gzhal yas khang du byin gyis brlabs pas brten dang brten par bcas pa'i dkyil 'khor gyi 'khor lo nam mkha' nas phab ste gnyis su med par bya'o/ /phyi'i rig ma dang 'dus byas pa'am 'od kyi rig ma dang ldan pas lhan cig tu dkyil 'khor pa'i gtso bor mos pa la mkha' gsang byin gyis brlabs te/ snyoms par zhugs pa'i bde ba'i sgral/ /ye shes kyi dkyil 'khor gyi 'khor lo yang dag par bkug ste/ bdag gi zhal du zhugs/ rtsa dbu ma nas brgyud nor bu nas lha mo'i pad+mar babs pa dang/ mkha' gsang stong par gnas pa'i nang du/ thig le gcig la b+h+ruM las gzhal yas khang le tse dgu par bskyed/ der thig le phyi ma'i chas lnga rnams gzhal yas khang so so skye bo dang bcas pa bskyed pa ni/ cho ga gsum mam/ mngon par byang chub pa lngas gsal par bskyed de/ de yang gtso bo dpal gsang ba 'dus pa'i dkyil 'khor lha sum cu rtsa gnyis pa ste/ dbus su mi bskyod pa zhe sdang rdo rje bsgyur ba dang/ de'i yum reg bya rdo rje ma/ phyogs bzhir rigs bzhi /mtshams kyi grwa bzhi spyan sogs bzhi/ lha khyams la byang chub sems dpa' brgyad/ bar gyi gru chad bzhi la gzugs rdo rje ma la sogs pa bzhi/ de nas khro bo'i rgyal po bcu/ de dag kyang so so'i rang snang gi yum dang bcas pa bskyed par bya'o/ /shar gyi dkyil 'khor la/ dpal kyai rdo rje dbus su bdag med ma dang bcas pa dang /pad+mar lha mo brgyad/ sgo bzhir lha mo gdong gnyan dang bcas pa bzhi bskyed pa ni/ pho brang dang bcas pa'o/ /lhor dpal bde mchog gi 'khor lo'i dkyil 'khor tshom bu bzhi bcu rtsa bzhi ba'i lha tshogs 'khor lo gsum ldan du bsam mo/ /nub tu sgyu 'phrul chen mo he ru ka la 'khor rigs bzhi'i lha mos bskor ba'o/ /byang du dpal rdo rje 'jigs byed lha bcu gsum thod pa bzhi dang bcas pa'i dkyil 'khor gyis 'khor lo ste/ mchams bzhir rin po che'i bum pa la yid bzhin gyi nor bu dang/ dpag bsam gyi shing gis kha brgyan pa/ yon tan 'byung ba'i gter dang bcas ba la/ dkyi 'khor 'khor lo rta babs kyi khyad par dang ldan pa/ dur khrod kyis yongs su bskor ba'i bskod pa tshad med pa dang ldan pa/ dpe med pa'i rin po che du ma'i 'od 'phro ba dang bcas pa'i snang ba ye shes kyi cha las grub pa de pad+ma b+ha ga gnas phyir bton te/ mdun gyi bar snang la gsal bar gnas par bltas pas/ yi ge hUM gis bar chad kyi bgegs bsal ba dang/ mchod yon dang/ zhabs bsil dang/ sku khrus 'bul te mchod pa dang bstong pa rgyas par bya'o/ /de nas dza:hUM baM ho:sa rdul tshon gyi dkyil 'khor la gnyis su med par bstim la/ de dag la rim pa ji lta bas/ de bzhin gshegs pa dang/ byang chub sems dpa' rnams dang/ rig ma dang lha mo dang/ khro bo'i rgyal po la sogs pa rnams kyis dbang bskur ste bdud rtsi'i chu rgyun gyen du 'khyil baS rang rang gis rigs kyi bdag pos dbu brgyan pa ni/ gtso bo gang yin la mi bskyod pas so/ /shar du ni gto bo la rnam par snang mdzad/ lho'i gtso bo la rin chen 'byung ldan gyis so/ /nub kyi gtso bo la 'od dpag med kyis so/ /byang du don yod grub pas rgyas gdab par bya'o/ /de las kyi rigs dbye ba nyi shu rtsa lngar 'gyur bar shes par bya'o/ /de nas so so'i lha'i nga rgyal brtan par bya ste/ aoM sarba ta thA ga ta kA ya wak+ka tsit+ta badzra swa b+ha wa At+ma ko haM zhes so so'i nga rgyal brtan par bya'o/ /de nas dkyil 'khor pa thams cad la so so'i bye brag gam/ spyi'i thun mtshams su bdud rtsi myang ba lce rdo rje'i sbyor bas drangs shing gsol bas bde ba chen po'i sku nyams brtas par gyur pa'o/ /aoM sarba ta thA ga ta a mri ta badzra swa b+ha wa At+ma ko haM/ zhes brjod par bya'o/ /de nas mchod pa thams cad kyis yang dag par mchod cing/ rang gi sa bon las 'phros pa'i lha mo rnams kyis lha so so'i dkyil 'khor la bstod pa ni/ mi bskyod rdo rje ye shes che/ /rdo rje dbyings ni mkha' chen po/ /rdo rje gsum mchog dkyil 'khor gsum/ /gsang ba'i dbyings la phyag 'tshal lo/ /rnam par snang mdzad dag pa che/ /rdo rje zhi ba dga' chen po/ /rang bzhin 'od gsal mchog gi ? gsang ba'i rdo rje phyag 'tshal lo/ /rin chen rgyal po rab tu zab/ /rdo rje nam mkha' dri ma med/ /rang bzhin dag pas yan dag byung/ /rdo rje sku la phyag 'tshal lo/ /rdo rje bdud rtsi rgyal po che/ /mi rtog nam mkha' rdo rje 'dzin/ /'dod chags pha rol? phyin pa thob/ /rdo rje gsung la phyag 'tshal bstod/ /don yod rgyal po rdzogs sangs rgyas/ /bsam pa thams cad yong rdzogs mdzad/ /rang bzhin dag pas gos pa med/ /rdo rje sems dpar phyag 'tshal lo/ /zhes pas gsan ba 'dus pa'i lha tshogs kyi gtso bo la bstod do/ /khyod ni rnal 'byor mtshogs yongs su bskor/ /nyid kyi thugs kyis khyod kyi dgongs pa bsgrub/ /khyod ni rgyu dang mi rgyu'i 'khor ba kun bsgrub pa/ /snying rje'i shugs kyi sems can byang chub dang/ /kun rdzob sgyu mas byang chub sgrub pa'i yid/ /dgyes ba'i rdo rje dpal ldan he ru ka la 'dud/ /ces pas dgyes pa rdo rje'i gtso bo bstod do/ /phyag 'tshal bcom ldan mgon po dpa' bo dbang ldan ni/ /bskal pa'i me dpung lta bur rab tu 'bar/ /ral dri'i? cod pan dgu'i? brgyan du bcings/ mche ba rab brtsigs rab 'jigs chen po'i zhal/ /dgra sta zhags pa kha TwAM mdungs bsnams shing/ /rab 'jigs stag gis lpags pa gos su bsnams/ /sku la phyag? stong gzi brjid 'bar ba can/ / dud kha'i mdog can bgegs mthar mdzad la 'dud/ /ces dpal bde mchog 'khor lo la bstod par bya'o/ /dpal ldan rdo rje mkha' 'gro ma/ /mkha' 'gro ma yi 'khor los bsgyur/ /ye shes lnga dang sku gsung thugs/ /'gro ba skyob la phyag 'tshal lo/ /ji snyed rdo rje mkha' gro ma/ /kun rtog 'ching ba gcod mdzad cing/ /'jig rten bya ba rab 'jug pa/ /de snyed rnams la bdag phyag 'tshal/ /sgyu 'phrul rgyal po he ru ka /yang dag sprul pa der mdzad cing/ / sku gsum ye shes ro gcig pa/ /sgyu 'phrul rgyal po phyag 'tshal lo/ /zhes dpal ldan sgyu 'phrul chen mo'i lha'i gtso bo la bstod pa'o/ /bla ma la gus rdo rje 'dzin pa gshin rje gshed po 'jam pa'i mchog /sgyu ma'i gzugs can yang dag pa'i? ba rgyas pa gzhan gyi don 'jug pa/ /gri gug la sogs mtshan ma bsnams shing khro bo dang bcas mtshungs med pa'i/ /zhal dgu yis ni 'jigs pa 'jigs byed rdo rje 'dzin la phyag 'tshal lo/ /zhes dpal ldan rdo rje 'jigs byed kyi gtso bo la bstod/ /de nas rgyas bdad bsdus pa'i dbye bas bstod pa thams cad gyi yang dag par bstod par bgyi'o/ /de nas slob dpon bdag nyid dkyil 'khor du 'jug pa'i cho ga rdzogs par blang ba'i dus su phyi rol na gnas pa rnams kyis mchod pa dang bstod pa bya/ slob dpon gyis dkyil 'khor du mchod pa dang 'thun par tshogs kyi 'khor lo bya'o/ /lha dang phyogs skyong dang bcas pa dag rol mo dang bcas pas/ gtor ma rgya chen po dbul bar bya ste/ dngos gzhi la bar chad med pa dang bsam pa mthar phyin par gyur cig pa'i rjer tu? la'i bzheng kyis rdo rje slob dpon gyis byi 'jug nam mkhar dkyil 'khor bsams la blang/ nang 'jug lus dkyil nas rang gi dbang blang par bzhed gsung ngo/ /gsol ba gang bcing mchod do/ /yang na rang nyid nus med na/ /'khor lo kun gyi lha rnams ni/ /gnyis su med pa'i ye shes spyan/ /nam mkha' i khams na bzhugs pa dag /sngon mdzad pa'i shugs kyis ni/ /dgyes pa chen pos legs byon te/ /he ru ka dpal bcom ldan 'das/ /bsgoms nas thams cad dbang bskur ro/ /shar gyi sgo nas bzhugs pa yi/ / sgo ni phye nas 'jug byed pa/ /sku ni rdul tshon lus gnas dag /dbang gi rim pas dbu la dor/ /der ni rung ba blangs nas ni/ /mgo la bcing ba phreng a'i dbang/ /sngon du 'gro ba bstan pa'o/ /de nas dang po shar phyogs su/ /maN+Dal phul te phyag byas te/ /byang chub rdo rje sangs rgyas la/ /ji ltar che ba'i byin brlabs pa/ /bdag kyang skyab pa'i don gyi phyir/ /nam mkha' i rdo rje deng bdag stsol/ /zhes lan gsum gsol ba gdab par bya'o/ /de nas bla mas pas bum gyi sa bcu? ba'i sbyor bas khrus bya zhing/ /sna tshogs rdo rje bstan par bya/ /ji ltar bltams pa tsam gyis ni/ /lha rnams kyis ni khrus gsol ltar/ /de bzhin bdag gis lha yi chu/ /dag pa yis ni sku khrus gsol/ /aoM sarba ta thA ga ta ya b+hi Shiny+tsa sa ma ye sh+ri ye hUM/ /zhes pas rang gi lha'i gzugs su bltas pas/ gsang ba bla na med pa'i lha rnams zhal du zhugs pa dang/ nang? brgyud nas yab yum gyi mkha' nas phyir don te phyi rol gyi nam mkha' la gnas nas dbang bskur bar mdzad pa ste/ rdo rje chen po'i dbang bskur ba/ /khams gsum kun gyis phyag byas pas/ /sangs rgyas kun gyi gsang gsum gyi/ /gnas las byung ba sbyin par bya/ /zhes pas gtso bo rnam par rgyal ba'i bum par bsdus pa/ nges dbang bskur bas dmigs brtan par bya ste/ bkra shis gang zhig sems can kun gyi snying la gnas/ /thams cad bdag nyid rigs kun bdag po'i ye shes mchog /bkra shis sems lus rgyas byed bde chen po/ /bkra shis 'dis ni dge byed bde legs dang po'o/ /phun gsum tshogs pa mnga' ba gser gyi ri bo 'dra/ /sangs rgyas pad+ma rgyas pa'i 'dab 'dra'i spyan mnga' pa'i/ /bden pa 'dis ni skye dgu'i zhi byed gnyis pa'o/ /de yis nye bar bstan pa'i mchog rab mi g.yo ba/ /'jig rten gsum na grags shing gyu dang mis mchod pa/ /bden pa nges kyang bde mchog la gnas gsum pa'o/ /chos kyi dam pa rnams la skye dgu zhi byed pa/ /dge 'dun dam pa chos ldan thos ba'i bkra shis phyug/ /lha dang mi dang lha ma yin kun mchod pa'i gnas/ /tshogs kyi mchog rab ngo tsha shes dang dpal gyi gzhi/ /'di ni 'jig rten dge ba'i bkra shis bzhi pa'o/ /zhes brjod de/ chu zhabs gyen du 'khyil bas rigs kyis brgyan pa ni dbang bskur ba'o/ /de nyid lta bstim pas ni bdag la dbang brtan bar byed pas te/ gsol ba btab pas maN+Dal me tog dang bcas pa phul ste/ de nas bla mas rang gi lhar mos su bcug ste/ rdo rje chen po zhes brjod ba'i mthar/ /thor gtsug cod pan gyis brgyan pa'i/ /sangs rgyas kun/ gyis bsngags pa yis/ /rin chen dbu brgyan 'bar ba 'dis/ /dri med cod pan dbang bskur ro/ /aoM sarba ta thA ga ta ratna dzwa la ai b+ha Shiny+tsa tiSh+Tha Tha Tha zhes pas/ dbu rgyan dang cod ban sbyin par bya'o/ /rang gi lhag pa'i lhar gsal bas/ / 'di de sangs rgyas thams cad kyi/ /he ru ka dpal dbang bskur ba/ /'gro ba skyob phyir gzi brjid can/ /de ring khyod la dbang bskur te/ /aoM sh+ri he ru ka a ti pa ti stwaM a b+hi Shiny+tsa maM tiSh+Tha bi ra sa ma ya staM/ sangs rgyas kun gyi rdo rje'i dbang/ / da der khyod la bskur bar bya/ /sangs rgyas nyid du rab bsgrub phyir/ /rdo rje 'di ni khyod kyis long/ /rdo rje lag pa g.yas su spyin par bya'o/ /'di ni sangs rgyas badzra satwa zer?/ badzra d+hi? gzod?/ thams cad kyi/ /dril bu dbyangs kyi rjes 'grod bshad/ / khyod kyis kyang ni rtag tu bcang/ /byang chub mchog du rgyal bas bzhed/ /aoM badzra g+han+t+ra a ti ba ti stwaM? a b+hi Shiny+tsa maM tiSh+Tha badzra sa ma ya stwaM zhes pas dril bu spyin no/ /de nas mgo bor rdo rje bzhag ste/ /aoM sh+rI badzra sarba ta thA ga ta a ti ba ti a sti Shiny+tsa yi shis? he ru ka na ma a b+hi She ka ta/ kyai/ dpal gzhad pa'i rdo rje la sogs pa rigs kyi las dang rjes su 'thun pa'i ming de nyid 'dus pa'i rgyud rdo rje gur du gsungs pa bzhin shes par bya'o/ /skyes dang bud med la dpa' bo rnal 'byor ma'i don mngon du byed pa bstan pa'i ming gis/ gsang ba'i mtshan shes par bya'o/ /de nas gzhan don nus pa'i slob ma la/ rdo rje slob dpon gyis dbang bskur bar bya ste/ maN+Dal stegs bu seng ge'i khri dang bcas pa/ /gdugs dang/ rgyal mtshan dang/ ba dang dang bcas pas mchod par bya zhing/ rdo rje sems dpar bskyed byas la/ /rdo rje dril bu yang dag 'khyud/ /gnyis med bde chen rnal 'byor bdag /phyag rgya chen por byin gyis brlab /lag pa g.yas su ? la gnas pa'i/ hUM las rdo rje bskyed de/ thog mdza' med pa'i sems dpa' ni/ /rdo rje sems dpa' dga' ba che/ /kun tu bzang po kun bdag nyid/ /bcom ldan dpa' / mchogs ngo bo'i skyes bu la'o/ /zhes ? /de nas yang g.yon du nyi ma'i steng du a las dril bu bskyed de/ /a? srid ba ngo bo nyid kyis dag /ngo bo nyid kyis srid bral byas/ /rang bzhin dge mchog sems dpa' ni/ /srid pa dam pa byed par 'gyur/ /chos kyi gsung sgra dag pa'i zlos? brjod par 'gyur ro ? brjod do/ / rdo rje tshe dang dril bu 'bang/ /rdo rje lan rab tu gnas/ /de ring rdo rje slob? dpon gyur/ /slob ma bsdu ba nyid du gyis/ /shas brjod do/ rdo rje slob dpon gyi rjes gnang sbyin no/ /de nas brtul zhugs kyi dbang sbyin pa ni/ rdo rjes brtul zhugs ni// 'di de sangs rgyas thams cad kyi/ /rdo rje 'dzin pa'i phyag na gnas/ /khyod kyis kyang ni rtag tu zung/ /phyag na rdo rje'i brtul zhugs brtan/ /aoM sh+rI sarba ta thA ga ta sid+d+hi badzra sa ma ya tiSh+Tha ye shad stwaM/ d+ha ra ya mi? hUM/ ha ha ha ha hi/ zhes rdo rje'i brtul zhugs so/ /'di ni rnal 'byor mtshogs kyi/ /shes rab dbyangs kyi rjes 'gror bshad/ /khyod kyis kyang ni rtag tu bshad/ /byang chub mchog tu gyal bas bzhed do/ /aoM sarba ta thA ga ta badzra g+ha na d+ha e sha ta ma da ra ya mi a zhes brjod la dkrol bar bya'o/ /de nas rang sna dgri? rig ma dang zhal sbyang du bsams te/ phyag rgya dang ldan pas/ yid kyi lus ni brten bya'i phyir/ /dam tshig phyag rgya zhes su bshad/ /dam tshig yid ni brtan pa gang/ /de phyir phyag rgyar rab tu grags/ /shes brjod la yid kyi lha dngos su mos pas brten par 'gyur te/ aoM sarba ta thA ga ta kA ya wak+ka tsit+ta a nu ra ga na sa ma ya tiSh+Tha badzra stwaM/ zhes brjod cing nga rgyal du gnas par bya'o/ /de nas spyod pa'i brtul zhugs sbyin pa ni/ /pha rgyud du rin po che'i rgyan gyi phyag rgya lnga dang/ /ma rgyud du rus pa'i phyag rgya lnga la byin gyis brlabs te/ rdo rje sems dpa' i phyag rgya 'di/ /phyi dang nang du yang dag gnas/ /'khor lo'i gzugs kyis mi bskyod pa/ /rna cha'i bdag nyid 'od dpag med// mgul gyi phreng ba yang dag gnas/ /lag gdub rnam snang nyid du brjod/ /ska rags la ni don yod grub/ /sbyin gyis dpa' bos bzung bar gyis/ /shes pas so so la sngags kyis byin gyis brlabs te/ rim pa bzhin du/ aoM hUM d+ha ra ya d+ha ra ma/ mar d+ha mar d+ha badzra d+h+ri ga phaT maM swAhA/ aoM h+ri badzra d+harmA sa ma ya stwaM hu lu hu lu a roli ka baM phaT swAhA/ aoM tra badzra surya hya mo pi da sa na sa ma ya stwaM ta ma haM ratna d+h+ri ka maM phaT swAhA/ aoM b+h+ruM Shad pa ra ma Shad dza hi dzi na dzi ga a phaT swAhA// aoM kham phu phu phu/ hi hi hi/ pradz+nya d+h+ri ga taM phaT swAhA/ de ni rigs lnga'i phyag rgya'i rgyas gdab pa'i don du sbyin pa'o/ /aoM sh+rI sarba ta thA ga ta ku la a b+hi Shiny+tsa sa ma ya sh+rI sa med tsarya a b+hi She ka ta/ rigs bsdus pa'i bdag nyid du nga rgyal gyi brtul zhugs sbyin pa'o/ /de na bla na med pa'i lugs su sbyin pa ni/ bla ma rdo rje 'dzin pa la/ /phyag 'tshal don du 'khor lo bzung/ /bla ma rdo rje 'dzin pa la/ /smod tshig mi snyan spang pa'i phyir/ /rna ba gnyis la rna cha bzang/ /srog chags gsod pa spang ba'i phyir/ /lag gdub dpung rgyan gnyis su 'dzin/ /sngags rnams rgyun mi 'chad brjod phyir/ /mgul gyi phreng ba yon tan bung/ /bde ba che dang 'bral med phyir/ /ske rags tshar ni bcu drug nyid/ /thod ba'i phreng bar bcas pa rnams/ /kha TwaM ga dang Da ma ru/ /rdo rje dril bu'i rgyan dang bcas/ /ske rags sil sil sgra sgrogs shing/ /mchod phyir thogs pa rnal 'byor bdag /gri gug dang ni rnal 'byor snod/ /dpa' bo khyod kyis blang bar gyis/ /shes brjod ngo/ /de ni phrin las zhi ba la sogs pa dang/ /rgyud rnams kyi thun mong dang thun mong ma yin pa'i las tshogs thams cad 'grub ba dang 'grub par 'gyur ba/ /spyod pa'i nus pa bzhag pa yin no/ /de nas rjes su gnang ba'i dbang sbyin bdag ni /'di nas bzung ste byang chub bar/ /dpa' bo rnal 'byor ma chogs la/ /shes rab thabs kyi sbyor ba yis/ /bde ba'i gar gyis rol bar gyis/ /gar ro/ /lmA/ sgeg dang bcas pas phreng ba dang/ /sangs rgyas kun rdzob rnal 'byor ma/ /de ni 'bral par mi bya ste/ /phreng ba de yi rgyan yin no/ /phreng ba'o/ /g+h+ri/ lus can kun la dam tshig gi /khyod kyis glu ni blang bar bya/ /de nas rnal 'byor ma rnams dang/ /myur du bde bas rgyan par 'gyur/ /glu'o/ g+hA/ 'dir rgyal ba rnams la dri phul bas/ /tshul khrims ting 'dzin shes rab dang/ /rnal 'byor ye shes mthong ba yis/ /byang chub lus can rnams la bskor/ /dri'o/ /rdzogs sangs rgyas la spos phul bas/ /brtul zhug bzang pos legs tshim gyis/ /lus can bde gshegs cha lugs su/ /ye shes kyis ni tshim par 'gyur/ /spos so/ /h+ri/ chos kyi sgron ma legs sbar ba/ /pad+ma gar dbang rang nyid de/ /sems can ma lus rig mdongs byas/ /ye shes snang bas khyab par gyis/ /mar me'o/ /tsak+Shu/ ji ltar mig mar? rgyal po yis/ /'jig rten rab rib bsal ba ltar/ /bu khyod kyis ni mi shes pa'i/ /rab rib rgyal ba rnams kyis bsal/ /aoM badzra ne tra ya a pa ha ra pa ta la h+ri/ thur ma'o/ /d+ha/ chos rnams gzugs brnyan lta bus te/ /dag cing ? la dri ma med/ /rgyu dang rkyan las rab tu 'byung/ /ngo bo med cing gnas pa med/ /de ltar chos rnams shes gyis la/ /sems can don ni tam med gyis/ /'on kyang sangs rgyas rigs su skyes/ /me long ngo/ /kraM/ sems can kun la phan pa'i phyir/ /'jig rten khams ni thams cad du/ /ji ltar thabs kyis 'dul 'gyur ba/ /chos kyi 'khor lo rab tu bskor/ /de bzhin rdo rje pad+ma dang/ /nor bu las gyi 'khor lo bskor/ /'khor lo'o/ /khyod kyi the tshom dgos med yid gnyis med pa'i sems kyi ni/ /chos kyi dung ni bla na med/ /dri med kun tu gang bar bgyi/ /dung ngo/ /zhi dang rgyas dang dbang dang dgug /sdang bar bya dang gnod sogs pa/ /bsang dang bskrad pa thams cad dang/ /las nga rnams mi? grub bar bgyi/ /ral gri mig sman sa 'og dang/ /mchil lham de bzhin ril bu te/ /rnal 'byor pa yi bsgrub dngos grub/ /de ni ci dgar grub par gyis/ /zhes rjes su gnang ba'o/ /lus dang srog la ltos med par/ /dam tshig dang ni sngon la bsrungs/ /nyin dang mtshan mo lan gsum du/ /nyin re bzhin du bzlas par bya/ /gang tshe nyams na rnal 'byor pa/ /kha na ma tho sbom por 'gyur/ /dkyil 'khor 'khor lo'i lha tshogs rnams/ /thams cad dpang du gnas pa la/ dkyil 'khor pa la rab tu mchod/ /theg pa dman la 'dod mi bya/ /sems cad la yang rgyab phyogs min/ /'khor ba dag kyang mi spong zhing/ /mya ngan 'das la dgar mi 'gro /dpa' bo rnal 'byor ma kun la/ /khyod kyis brnyas par mi bya ? phyag rgya bzhon pa mtshon cha dang/ /mtshan ma 'god par mi bya'o/ /dam tshig rab bsrungs bsod nams kyis/ /tshe 'di nyid la 'grub par 'gyur/ /tshang par spyod pa shin tu bsrungs/ /yid la 'dod pa kun 'grub 'gyur/ /gtso bos ji ltar bka' stsal ba / de ltar bdag ni bgyid par 'tshal/ /zhes dam tshig dang sdom pa bsrungs par khas len pa'o/ /'dir dbang bskur ba'i slong ma ni/ /lag nas bzung ste gzi bcas pa/ /gnyis med ye shes bla med pa ma lus don ni kun brjod bya/ /gnyis med ye shes sems ldan pa/ /mi bya ba ni ci yang med/ /tshangs par spyod pa rtag gyur pas/ /'dod pa'i yon tan lnga la spyod/ /gnyis med la gnas zas sogs la/ /rdo rje sems dpa' la sogs brda/ /gnyis med ye shes thogs med pa/ /dam tshig spyod pa spyad par bya/ /sna tshogs dbang phyug legs spyad cing/ /tshangs par spyod pa de bzhin no/ /khro ba med par brgyan spyad pa/ /bsgrub pa pos ni yong su bsrung/ / rtag tu bsgrub la gnas nas ni/ /yul kun la ni rnam rol zhing/ /gnyis med bsgrub pa'i rnal 'byor ma/ /mi brtan srog ni ji srid par/ /bu khyod kyis ni bsgrub par bya/ /'dod pa'i longs spyod thams cad la/ /ci dga' bar ni longs spyod cing/ /sh+rI he ru ka rnal 'byor cher/ /bsam nas thams cad rab tu brtag /bdag nyid sangs rgyas thams cad dang/ /rnal 'byor ma ni kun gyi gnas/ /de bas 'bad pa thams cad kyis/ /hi? ru ka dpal bdag mchod do/ /'dod chags bral ba lta bu yi/ /khams gsum na ni sdig med pas/ /de bas 'dod la chags bral ba/ /khyod kyis nam yang mi bya'o/ /bsrung byi ni dam tshig go /g.yon pa yi ni chos gos mdza' / /g.yas kyis mi 'jigs pa sbyin te/ /he ru ka dpal rnal 'byor che/ /'khor lo thams cad rnam par gnas/ /he ru ka dpal lung bstan bzhin/ /mgrin gcig tu ni thams cad kyis/ /'di ltar nga yis lung bstan te/ dngos po mchog tu 'grub pa'i phyir/ /srid pa ngan 'gro rnams las bton/ /aoM he badzra a ku ri sh+ri he ru ka na ma sarba ta thA sid+d+hi sa ma ya stwaM/ b+hur b+hu ba swAhA/ gda la chigs su bcad pa 'dis/ /rdo rje sa gdon mi za bar 'grub pa'i phag? rgyas gnas pa la mchog tu gsang ba'i cho gas mgrin gcig tu rgyal ba rnams kyis lung ston par mdzad do/ /lung bstan pa dang sems dga' ba bskyed pas sems dga' bskyed pa'o/ /khams gsum gyi ni rgyal srid che/ /rgyal ba bdag por bstan pa dang/ /der ni bdud bas rnam rgyal zhing/ /grong khyer mchog tu zhugs pa yis/ /deng 'dir sangs rgyas nyid thob par/ /khyed rnams the tshom med pa yin/ /dbang mchog bskur ba tsam gyis ni/ /slob ma yon tan rgyal por 'gyur/ /slob dpon nyid kyi bden pa yis/ /brtan g.yo kun kyang dam tshig yin/ /des shes pa bde bar gnas pa ni dbugs dbyung ba'o/ /rjes la sems can don phyir sems bskyed pa'o/ /sems can bsgral ba'i don de las gtso bos ji ltar bka' stsal pa/ /de dag thams cad bdag gis bgyi/ /zhes khas blang bar bya'o/ /de nas lha'i de kho na nyid dang/ /dkyil 'khor gyi de kho na nyid bstan par bya ste/ /'di dge gis ni dum pa'i dbang bskur ba'i cho ga bstan pa'o/ /'dir rdul tshon gshegs pa dang/ /tshogs kyi 'khor lo ji ltar bya ba dang/ lha dam tshig pa bdag la bsdu/ ye shes sems dpa' rang bzhin gyi gnas su gshegs su gsol pa ni/ man ngag gis bya'o/ /yang bla ma la ji lta bsnyen bkur ba dang/ rjes la sbyin sreg bya ba dang/ dge ba'i rtsa ba bsngo ba dang/ smon lam gdab/ bkra shis brjod nas ci bde bar bya'o/ /'dis ni nye bar bsdu ba'o/ /de nas slob ma rnams me tog lag tu thogs nas/ bla ma la bskor ba lan gsum mam bdun bya'o gsung ngo/ /de nas gsang ba'i dbang mchog gi /ngag gi dri ma dag byed cing/ /gsung gi rdo rje bsgrub pa'i phyir/ /yang dag ye shes snang pa'o/ /maN+Dal me tog phyag byas nas/ gsol ba gdab pa slob ma yin/ /de bzhin gshegs pa thams cad kyi/ /sku gsung thugs kyi rdo rje rnams/ /gcig bsgrub bde ba chen po ni/ /gsang ba'i ye shes bdag la stsol/ /de ltar lan gsum gsol ba gdab/ /de nas de nyid rjes thogs sam/ /yang na dus phyis yin yang rung/ /me tog ting 'dzin gsang ba pa/ /lus kyi ting 'dzin gtsor gyur pa/ /rig ma lhan cig ldan byas la/ /bla mas byang chub sems bsgrubs la/ /'khor lo bzhi dang gnas lnga las/ /dkyil 'khor rim pa bsam byas la/ /thams cad bde ba'i nyi zla bcas/ /gsal bar zhugs te gnas pa la/ /rdo rje chen pos dbang bskur ba/ /khams gsum kun gyis phyag byas pa/ /sangs rgyas kun gyi gsang gsuM gyi/ gnas las byung ba sbyin bar bya/ /thabs dang shes rab gnyis po ni/ /gang zag rim pa'i khyad par gyi/ /bde gshegs zhu ba'i rang bzhin gyi/ /byang chub sems dang slob dpon gyi/ /dri dang bcas pas slob mar sbyin/ /des kyang a ho su kha zhes/ /brjod pas bde ba myang bar bya/ /gsang ba chen po bla na med/ /rim bzhin chu la sogs pa nas/ /gsang ba'i dbang gi bar dag gi /rim pa thob pa'i shes rab ma/ /bsten pa'i ye shes spyin bya ste/ /de nas bdag nyid dngos po gang/ /yongs su bla ma la phul te/ /gsang chen shes rab ye shes kyis/ /sems kyi dri ma dag byed cing/ /thugs kyi ye shes bsgrub pa'i phyir/ /lhan cig skyes pa'i ye shes bsgrub/ /de bzhin gshegs pa thams cad kyi/ /sku gsung thugs kyi rdo rje las/ /gsang chen mchog gi ye shes nyid/ /bla na med pa bdag la stsol/ /bcu gnyis brgyad gnyis lon pa yi/ /rig ma bde chen brgyad po ni/ /deng yang slob ma'i spyod yul nyid/ /ro gcig pa yang bya ba min/ /rang rig las byung ye shes ni/ /bdag gzhan yang dag rig pa spangs/ /mkha' mnyam rdul bral dri ma med/ /dngos dang dngos med bdag nyid mchog /thabs dang shes rab gnyis 'dres shing/ /dang po dga' ba tsam nyid de/ /grangs gnyis pa ni rab tu dga' / /gsum pa dga' bral zhes bya ste/ /bzhi pa lhan cig skyes par brjod/ /de skad thos nas blo ldan par/ /gsang ba dkyil 'khor 'khor lo ni/ /rang lus snang ba sems kyi tshogs/ /ye shes brjod par bya ba yin/ /ye shes 'di ni ches phra zhing/ /rdo rje nam mkha' i dkyil lta bu/ /bde chen lhan cig skyes pa yi/ /brjod du med pa shes par gyis/ /'di ni sangs rgyas kun gyi thugs/ /yid bzhin nor bu lta bur 'gyur/ /bla med ston pa'i bla ma ni/ /rang gi srog kyang brten byas la/ /longs spyod g.yo ba smos ci dgos/ /de bas 'bad pa thams cad kyis/ /bla ma yongs su mnyes par bya/ / /bla ma'i sku gsung thugs nyid ni/ /de bzhin gshegs par gnas pa na/ /bla ma'i sku ni rnaM snang mdzad/ /khyab par rtag pa'i rdo rje yin/ /bla ma'i gsung ni 'od dpag med/ /grags pa rang byung 'gags pa med/ /bla ma'i thugs ni rdo rje 'dzin/ /'gyur med dpal ldan rdo rje 'chang/ /de la mos pas mchod gyur na/ /dbang rnams yongs su rdzogs par thog /'di ni rgyud rnams kun gyi don bsdus pa/ /snying po mchog gi dbang gis lam bgrod nas/ /rim pas bde chen rtogs par 'gyur ba'i don/ /'di bkod dge bas 'gro rnams mchog thob shog /rgyud sde lnga'i snying po'i don du gyur pa/ /lhag pa'i lha dang bla ma'i lung thob nas/ /gang bris gnas gsum mkha' 'gro la mnyes na/ /dkyil 'khor lha tshogs rnams la bzod par gsol/ /rgyud sde chen po lnga'i dkyil 'khor cho ga de kho na nyid bsdus pa gsal byed ces bya ba/ slob dpon chen po mkhas par grub pa can rdo rje gdan pas mdzad pa yongs su rdzogs sho/ / //paN+Di ta de nyid dang/ lo tsA ba glang dar ma blo gros kyis bsgyur ba'o// //yang slar na rje de nyid la khyung po rnal 'byor pas gtugs nas yongs su zhus so/ /'phan yul 'chad ldan d+ha pa badzra zer/ chen po sh+ri gi b+ha? 'phab?/ kar bzhugs pa'i dus su/ 'brom ston rdo rje snying po/ d+ha twA? ma ti zer/ la gnang ba'o/ /de yang thang po ston pa yin no/ /*/ /rkang grangs rin chen phreng ba bzhugs so// //rgya gar skad du/ pa tra rad na ma la na ma/ bod skad du/ rkang grangs rin chen phreng ba zhes bya ba/

CLOSE WINDOW