Input 
| བོད་ཡིག | e-texts based on the ACIP/ALL Input |
bla ma bsnyen bkur ba'i dka' 'grel gyi ming can Ti ka bzhugs/
rgya gar skad du/ gu rwA rA d+ha na pany+dzi ka /bod skad du/ bla ma'i bsnyen bskur gyi dka' 'grel/ 'jam pa'i
rdo rje la phyag 'tshal lo/ /sangs rgyas kun gyi rang bzhin gyi/ /yon tan rnams kyi yon tan ldan/ /blar 'os bla mar
phyag byas nas/ /bla ma'i bsnyen bkur dka' 'grel brjod/ /de la 'dod pa'i lha gzhan dag gi ni mngon par 'dod pa'i 'bras
bu grub par mi 'gyur bas/ /brjod par bya ba la sogs pa nye bar bstan pas mchog tu 'dod pa sngon du 'gro ba'i sgrub pa la
'jug par bya ste/ mnyan par bya zhes bya bas yid la bya ba slob dpon gyi gdams pa byin pa dang por re zhig de
ston par byed pa'i tshigs su bcad pa/ dpal ldan rdo rje sems dpa' i/ /zhes bya ba la sogs pa gsungs te/ de la 'di'i rkang
pa dang pos ni dgos pa bstan to/ /gnyis pas ni 'dod pa'i lha la mchod pa bstan to/ /gsum pa dang bzhi pa dag gis ni/
brjod par bya ba bstan pa yin la/ brjod bya dang brjod byed kyi mtshan nyid kyi 'grel pa ni gzhung gi khongs na gnas pa nyid kyi phyir
lo gsum gsungs so zhes bya ba ni spyi'i don to/ /yan lag gi don yang brjod par bya ste/ bla ma'i zhabs kyi pad mar btud nas shes sbrel te/ bla ma'i zhes
bya ba ni zab pa dang rgya che ba'i chos kyi man ngag sbyin pa'i phyir dang/ phan pa dang bde bskyed par byed pa nyid kyis phar gyur pa'i phyir na mchod pa bkur sti la sogs
ba rigs pas na bla ma yin la/ de'i zhabs kyang yin la pad+ma yang yin pas zhabs pad do/ /de la btud nas ni phyag byas nas so/ /ji ltar zhe na/ de ni ji
bzhin zhes bya bas bshad de/ cho ga'i rim pa las ma 'das pas ji ltar rigs pa ste/ lhag par dga' bas maN+Dal sngon du 'gro ba'i dul ba'i rnam 'gyur la
sogs pa'o/ /de la 'di'i bla ma'i zhabs kyi pad+ma zhes bya bas ni bstod pa bstan la/ btung nas shes bya bas ni phyag bya ba bstan to/ /'di dag gis ni
mchod pa rnam pa gsum bstan te/ phyag bya ba ni lus kyi dang/ bstod pa ni ngag gi yin la/ lus dang ngag ni yid sngon du btang nas
'jug ba'i phyir/ yid kyi ni shugs kyis bstan to/ /'o na sangs rgyas la sogs pa rnams 'dod pa'i lha yin mod/ ji ltar na bla ma rang gi 'dod pa dam
pa yin zhe na/ 'dir bla ma 'dod pa'i lha yin te/ lhag par byas pa nyid kyi phyir ram/ sangs rgyas thams cad kyi rang bzhin gyi sku yin pa nyid kyi phyir ro//
'chad par 'gyur ba/ de lta'i mgon la bsam bcas pas shes bya ba la sogs pa'o/ /de bas na bla ma la mchod pa kho na grol ba'i byed pa po yin no/ /de
ltar bla ma'i zhabs kyi pad ma la phyag byas nas ci bya zhe na/ bshad pa ste brjod par bya'o/ /ci zhig bshad ce na/ de yang/ de bsten pa ni zhes bya ba
gsungs te/ bla ma de bsten pa ni bzhed pa dam pa kun tu spyod pa'o/ /ji lta bus khyad par du byas pa zhe na/ dri med ces bya ba gsungs te/ dri med ni rnam par dag cing skyon med pa nyid kyi phyir ro//
yang na/ 'di la mi dge ba'i dri ma yod pa ma yin pa ste dri ma med pa ni dri ma dang bral ba'i rgyu'o zhes bya ba'i don to/ /'on kyang 'di dag rang gi yid kyi 'dod pa kho nas brtags pa ma yin na ma zhe na/
de ma yin pa ni rgyud mang las gsungs pa zhes bya bas bshad de/ rgyud ni rgyun chags pa yin la/ de yang rgyu las sogs pa'i dbye bas rnam pa gsum ste/ rgyu dang 'bras bu dang thabs shes bya
ba'o/ /de la rigs kyi dbye ba ni rgyu'i rgyud de/ rigs can gyi sems can rnams rab tu mang ba nyid kyi phyir rgyun chags par brjod do/ /rigs kyi dbye ba las 'bras bur gyur pa'i rdo rje 'chang chen po'i dbye ba
ni 'bras bu'i rgyud de/ mdza' yas pa'i sangs rgyas kyis chos kyi rang bzhin yin pa nyid kyi phyir ro/ /rgyu las 'bras bu 'grub pa'i ched du sngags dang phyag rgya dang dkyil 'khor la sogs pa'i rkyen
rnams ni thabs kyi rgyud de/ sngags dang phyag rgyal sogs pa'i thabs chen po rnams kyi cho ga dpag tu med pa'i ph yir ro/ /de yang gtso bo nyid kyi dbye bas cho ga mang po ste/ bya ba dang/ spyod pa dang/ rnal
'byor dang/ rnal 'byor bla ma dang/ rnal 'byor bla na med pa'i rgyud ces bya ba de dag thams cad du 'brel pa rnams so/ /rgyud mang po de dag tu gsungs shing bshad pa ni rgyud mad las gsungs pa'o/ /'o na bcom
ldan 'das nyid kyis de dang de las gsungs pa'i phyir/ 'di brtsam pa la dgos pa med do zhes bya bar dogs pa la/ mdor bsdus nas bshad par gsungs te/ rgyud mang po lta bas 'jigs pa'i skye bo rnams la phan pa'i
phyir rgyud mang po las/ lus pa med par phyung nas gcig tu bsdus te 'dir mngon par brjod pa yin no/ /zhes bya bar dgongs so/ /'di zhes pa ni 'dod pa'i bla ma bsten pa rgyas par bshad pa'o/ /de ltar 'di bshad
pa na de nyan pa la skal ba dang ldan pa'i sems can rnams sbyar bar bya ba'i phyir mnyan par gyis shig zhes bya ba gsungs te/ mnyan par gyis rna ba blags la'o/ /de zhes pa ni lhag ma'o/ /ji lta bu zhe na/
gus pas shes bya ba gsungs te/ gus pa ni 'dir nyan pa'i tshul te/ phyin ci log pas yi ge dang don 'dzin pa dang dad pas yang dag par 'dzin pa yin pas khyed cag gi bla ma las mnyan par gyis shig ces bya
bar sbyar ro/ /rnam pa gzhan du kha spub pa dang/ mi gtsang ba dang brdol ba'i bum pa la sogs pa rnams su char babs pa lta bur don dang bral ba nyid yin pas de'i gtam mi bya ba'i phyir ro/ /gang gi ched du 'di gus pa ?
dpal ldan rdo rje sems dpa' zhes bya ba gsungs te/ dpal ni bsod nams kyi tshogs dang ye shes kyi tshogs gsum la skyabs su 'gro ba la sogs pa bsod nams dang/ don dam pa'i byang chub kyi sems sgom pa la sogs pa ye
shes kyi tshogs so/ /pha rol tu phyin pa'i tshul gyis na/ /sbyin pa dang tshul khrims dang bzod pa gsum ni bsod nams kyi tshogs yin la/ shes rab dang thabs dang smon lam dang ye shes dang stobs kyi pha rol tu phyin pa lnga ni ye shes
kyi tshogs so/ /brtson 'grus kyi pha rol tu phyin pa dang bsam gtan gyi pha rol tu phyin pa ni gnyis gar gtogs so/ /rdo rje sems dpa' zhes pa la/ mi phyed pa nyid kyis rdo rje dang chos mthun pas rdo rje yin la/ mi 'jig cing nyams
par mi 'gyur bas sems dpa' o/ /rdo rje yang 'di yin la sems dpa' yang pas rdo rje sems dpa' ste/ rang bzhin gyis 'od gsal zhing rang bzhin nyid kyis rtag pa nyid kyi rdo rje 'dzin pa'o zhes bya ba'i don to/ /yang na chos thams
cad spong zhing gnon pa'i phyir na chos kyi dbyings yin la/ de la rtag par rab tu 'jug pa nyid kyi phyir rdo rje sems dpa' de nyid do/ /nges pa'i tshig gis yi ge rnams phyis pa dang bsnan pa yang yin no/ /dpal dang ldan pa'i rdo rje sems dpa'
ni dpal ldan rdo rje sems dpa' ste/ bar gyi tshig phyis pa'i bsdu pa'o/ /de'i go 'phang ni rdo rje sems dpa' i gnas te/ rdo rje 'chang nyid do zhes bya ba'i don to/ /de thob pa ni brnyes par gyur pa ste/ de'i rgyu ni phyed pa de las so/ /'o na de
mnyan pa tsam gyis 'dod pa'i don 'grub ba'i rgyur 'gyur ram zhe na/ bde na mod kyi 'on kyang brgyud pas 'gyur ba kho na ste/ 'di ltar de thos nas bya ba dang bya ba ma yin pa yongs su shes la/ de dag las ni tshogs so/ /de las kyang 'dod
pa'i don 'grub ba'i rgyur 'gyur ba yin no/ /de'i phyir bla na med pa'i 'bras bu'i don du bla ma bsten pa mnyan nas gus pa dang bcas pas brtson par bya ba yin la/ de ston par byed pa'i gzhung la yang de skad ces bya ste/ rol
brnyed ma 'phrog pa'i snyan ngag bzhin no/ /mchog tu 'dod pa'i lta la mchod pa dang brjod par bya ba la sogs pa'i don gyi tshigs su bcad pa nye bar bkod nas/ dbang bskur mchog ces bya ba la sogs pas slob dpon gyis che ba'i bdag nyid
bstan pa gsungs te/ rdo rje yi/ slob dpon la ni de bzhin gshegs/ /rnam phyag 'tshal zhes sbrel lo/ /rdo rje ni rdo rje 'chang gi brtul zhugs yin la/ de kun tu spyod pa'i phyir rdo rje'i slob dpon no/ /yang na gzhan dag 'byed par byed cing?
gzhan dag gis dbye bar bya ba ma yin pas rdo rje dang chos mthun pa'i phyir gnyis su med pa'i ye shes ni rdo rje yin la/ de la slob ma rnams 'jug par byed cing kun tu spyod par byed pas na rdo rje'i slob dpon no/ /de ji lta bur gyur ba zhig ce na /dbang
bskur zhes gsungs te/ dbang bskur ni khrus yin la/ de yang phyi lus kyi dri ma 'khrud par byed pa'i phyir dbang bskur zhes brjod par bya'o/ /mchog ni gtso bo ste bla na med pa'i 'bras bu thob pa'i rgyu yin pa nyid kyi phyir ro/ /dbang bskur ba
yang yin la mchog kyang 'di yin pas na dbang bskur mchog go / yang na dbang bskur ba rnams kyi mchog ni rtse mo ste/ mthar thug pa'i bzhi pa zhes bya ba ni dbang bskur mchog go /de gang gis thob pa de ni dbang bskur mchog thob bo/ /ngo
mtshar la kha cig tu ldog pas na/ ta yig dang da yig ste/ bsam pa ji lta ba dang/ rig pa ji lta ba dang/ dus ji lta bar gdul bya'i skye bo rnams la yang dag pa'i chos ston par mdzad pa'i phyir ji skad du gsung par 'os pa de skad
du gsung pas de bzhin gshegs pa ste/ de bzhin gshegs pa de rnams kyis so/ /ji lta bur gyur pa de rnams kyis shes na/ phyogs bcu'i zhes gsungs te/ bcu ni shar la sogs pa bzhi dang/ me la sogs pa bzhi dang/ steng dang 'og gnyis te/
de ltar phyogs kyang yin la/ bcu yang yin pas phyogs bcu'o/ /'jig rten khams shes bya ba ni yongs su dag pa dang yongs su ma dag pa'i sangs rgyas kyi ning? 'phags dang 'phags pa ma yin pa rnams te/ 'jig rten dang 'dzin par byed do/ /zhas byas nas so/ /phyogs
bcu'i 'jig rten gyi khams de dag na bzhugs pa ste/ phyogs bcu'i 'jig rten gyi khams na bzhugs pa de rnams kyis so/ /dus gsum zhes bya ba ni dus gsum po rnams su te/ snga dro dang chung dang phyi dro'i dus rnams su zhes bya ba'i don to/ /de?
rnams nas byon nas phyag 'tshal ba ni mngon phyag 'tshal ba ste 'dud pa zhes bya ba'i don to/ /'o na slob dpon gyis de bzhin gshegs pa rnams la phyag bya ba ma yin nam/ de la ji ltar na de rnams kyis 'di la phyag mdzad ce na/ rdo rje 'chang gi sku?
yin pa'i phyir dang/ rdo rje 'chang de yang de bzhin gshegs pa thams cad kyi bdag nyid yin pa'i phyir dang/ slob dpon dang ni rdo rje 'dzin/ tha dad par ni mi rtag go /zhes 'chad bar 'gyur ba yin no/ /dpal 'dus pa las gsungs pa/ byams
bas gsol ba/ bcom ldan 'das rnams de bzhin gshegs pa thams cad kyi sku dang gsung dang thugs rdo rje gsang ba 'dus bar dbang bskur ba'i rdo rje'i slob dpon la de bzhin gshegs pa thams cad dang byang chub sems dpa' thams cad kyis
ji ltar lta bar bgyi / de bzhin gshegs pa thams cad kyis bka' stsal pa/ rigs kyi bu de bzhin gshegs pa thams cad dang byang chub sems dpa' thams cad kyis byang chub kyis sems rdo rje bzhin du lta bar bya'o/ /zhes bya ba la sogs pa
le'u bcu bdun pa las rgya cher gsungs so/ /de bas na de bzhin gshegs pa rnams kyis rdo rje'i slob dpon la phyag mdzad do zhes bya ba 'di la mkhas pa rnams kyis sem? nyi mi bya'o/ /de ltar slob dpon mnyes par byed pa'i cho ga
de rab tu bsdus nas dus gsum zhes bya ba la sogs ba gsungs pa yin te/ bstan pa zhes bya ba dang 'brel lo/ /de zhes bya ba ni dbang bskur ba mchog thob pa'i rdo rje'i slob dpon no/ /bsten pa zhes bya ba ni yang dag par mnyes par byed pa'o/ /de ci 'dra ba zhig?
ce na/ ston pa bla ma zhes bya ba ste/ sems can rnams la mngon par mtho ba dang nges par legs pa'i lam gyi man ngag stan pa'i sgo nas ston pa po yin pa'i phyir ston pa ste slob pa po'o/ /yon tan cig pu'i rang bzhin yin pa'i phyir bla ma'o/ /ci
zhig gis she na/ dkyil 'khor me tog thal mos shas? bya ba gsungs te/ dkyil ni snying po yin la/ de len zhing 'dzin pas na snying po yang dag par 'dzin pa'i maN+Dal rnams te/ pha rol tu phyin pa dug bsdus pa'i rang bzhin yin pa'i phyir
chu dang bcas sIr? byung sbyin pa ste/ zhes bya pa la sogs pa gsungs pa ltar ro/ /maN+Dal ni zlum po'i rnam pa 'am gru bzhi'i rnam pa gang yang rung ba chu dang ba byung la sogs ba rnams byug pa'o/ /mal+li ka la sogs pa'i me tog rnams ni
me tog yin la/ thal mo ni lag pa kha sbyar ba ste/ me tog rnams kyi thal mo ni me tog thal mo'o/ /me tog thal mo dang dkyil 'khor rnams ni dkyil 'khor me tog thal mo ste de rnams kyis so/ /yang ci zhig gis she na/
zhabs la ste/ rkang pa dag la phyag 'tshal zhing mngon par 'dud par bya ba de rnams kyis so/ /spyi bo ni spyi gtsug ste zhabs la spyi bos so/ /ji ltar zhe na/ mchog tu zhes bya ba gsungs te/ ji ltar rigs pa de lta bu'i gus pa ste gus pas
bstan zhing bsnen pa na dam par nges pa dang/ rgya chen po nyid kyis shes bya ba'i don to/ /ci lan cig gam zhe na/ dus gsum du zhes bya ba gsungs te/ thun 'tshams gsum mo/ /ji ltar zhe na/ me tog dang bcas pa'i snyim pa bskor ba las
shes bya ba ni me tog bcas thal mo ni bya ba'i khyad par ste me tog gi snyim pa zhes bya ba'i don to/ /'o na bstan pa'i rtsa ba dge slong ste zhes gsungs pa'i phyir bcom ldan 'das kyi bstan pa la dge slong rnams tshad ma? ma yin nam/ de la ci ltar na
slob dpon la bsnyen bkur bar mngon par brjod ce na/ de rnams tshang ma yin pa ni/ theg pa dman pa kho na la yin gyi theg pa chen po la ni ma yin no/ /de bas na slob dpon thams cad du mnyes par byas pa kho nas bsten par bshad cing bstan pa
yin no/ /yang spung bzang gi rgyud du/ rgyal bas so so thar par gang gsungs pa'i/ /tshul khrims rnam dag 'dul ba ma lus pa/ /khyim pa'i rtags 'chang rnams kyis rtags drug gis/ /g.yog pa spangs nas lhag ma bsgrub par bya/ /zhes
gsungs so/ /dge slong tshul khrims sdom pa kun/ /'dzin pas gas dkar 'chang ba la/ /phyag mi bya'o phyag gi 'os/ /rdo rje 'dzin gtso rang nyid do/ /gang nas brtsams te dag pa'i yid kyis ni/ /ma nyams byang chub sems ni bzung gyur pa/ de nas
bzung ste lha dang lha min bcas/ /'jig rten kun gyi phyag gi 'os yin no/ /de bas bdag nyid legs pa yi/ /don 'dod dam pa rnams kyis ni/ /mdza' yas 'bras bu stsol mdzad pa'i/ /slob dpon dngos po kun gyis so/ /rdzogs pa'i byang chub
nges byas pa/ /rnams kyis phrag dog ser sna dang/ /nga rgyal ngar? 'dzin ngor bya zhing/ /g.yo dang sgyu yang de bzhin no/ /rtag tu du yis mi 'dar ba'i/ /sems kyi slob dpon gnyen bskur bas/ /'gro ba'i mgon po bla ma yis/ /don kun 'grub brtsal
ba'o/ /de lta bas na rdo rje'i slob dpon zhes bya ba yang dag par mnyes par bya'o/ /da ni bla ma bsten pa thun mong ba bstan nas dge slong rnams la ji ltar bya ba de/ de lta bur bstan par bya ba'i phyir/ /dam chos shes bya ba gsungs te/
brtul zhugs 'dzin pas khyim pa'am gsang bu la phyag bya zhes sbrel te/ shAsta spong ba'i nges pa ni brtul zhugs te rab tu byung ba nyid do/ /de 'dzin par byed pa'i phyir brtul zhugs 'dzin pa rnams te/ tshoms nyer dgu par/ gang zhig snyigs pa
yod bzhin du/ /ngur smrig gos ni gyon byed pa/ /dul dang nges pa med pa de/ /ngur smrig gyon pa'i 'os ma yin/ /gang zhig snyigs ma rnams spangs nas/ /tshul khrims legs par mnyam bzhag pa/ /dul dang nges par ldan pa de/ /ngur smrig gyod pa'i
'os yin no/ /zhes 'byung ba de/ 'dir snga phyir drangs so/ /gsol ba dang bzhi'i lnga'i tshogs kyis bsnyen par rdzogs pa blangs pa yongs su rdzogs pa'i tshul khrims kyi sdom pa 'jig rten gyis mchod par bya ba ngur smrig gi gos can dge slong
rnams shes bya ba'i don to/ /de skad du yang bshad pa/ gang zhig tshul khrims legs mnyam bzhag/ de ltar ngur smrig dang ldan te/ /bden dang dul ba dang ldan pa/ /de nyid mchod 'os ngur smrig yin/ /zhes gsungs so/ /gzhan du na
ming gi dge slong dang khas mchos pa'i dge slong dang slong ba'i dang tshul gyi dge slong rnams brtul zhugs 'dzin pa'i sgras brjod par mi bya'o/ /tshul khrims la ni mnyam ma bzhag /de la ngur smrig mi ldan te/ /bden dang dul dang mi ldan
pa? de ni mchod 'os dung dung? mi bzed smrig min/ /zhes so/ /gang la phyag bya ba yin zhen/ khyim pa 'am ni gsar bu la'ang/ /zhes bya ba gsungs te/ 'di la khyim yod pa'i phyir khyim pa ste/ khyim gyi nang na gnas shing phyag gi gnas ma
yin pa 'dod pa'i yon tan la zhen pa khyim gyi gnas shes bya ba'i don to/ /gsar bu zhes bya ba ni/ rab tu byung pa gsar pa ste dge tshul lo/ /'am gyi sgra ni phyogs gzhan pa gnyis pa'o/ /'ang gi sgra ni brjod pa'i dbye ba la'o/ /phyag bya zhes pa ni
'jig rten gyis mchod par 'os? pa rnams kyis te/ bdag cag rnams ni dge slong gnas brtan no snyam pa'i nga rgyal spangs nas mngon par phyag bya'o/ /ji ltar byas nas she na/ dam chos la sogs shes bya ba ste sems can rnams ngan 'gror phyogs
pa las 'dzin par byed pa'i phyir chos so/ /dam pa sangs rgyas dang byang chub sems dpa' rnams kyi chos ni dam pa'i chos so/ /yang na 'di 'jig rten las 'das pa'i phyir dam pa yin la/ rang gi mtshan nyid 'dzin pa'i phyir chos yin pas nges pa'i
chos te/ de yang lung rtogs pa dang chos kyi dbyings te rnam pa gsum mo/ /de la lung ni gsung rab mang po'o/ /rtogs pa ni sa dang pha rol tu phyin pa rnams dang/ nyon mongs pa'i sgrib pa dang shes bya'i sgrib pa spangs pa dag go /chos kyi dbings ni de bzhin
gshegs pa'i yang dag pa'i mdza' ste don dam pa zhes bya ba'i tha tshig go/ de dag ston par byed pas na glegs bam la de skad ces brjod par bya'o/ /dam chos la sogs te thad ka dang sku gzugs gang gi dang po yin pa de dag ni dam chos la
sogs pa'o/ /de rnams mdun pa dar nas shes bya ba ni bsdun du bkod pa ste/ mdun du bzhag nas shes bya pa'i don to/ /de nas ci zhe na/ blos te bsam pa'am shes rab kyis so/ /'o na dge slong gi phyag bya ba ni sangs rgyas sngar bsnyen par rdzogs
pa gnyis kho na yin par phyag bya gnyis te/ bde gshegs rgan po'o/ /zhes de skad du gsungs pa ma yin/ nas zhes na/ bden mod kyi de skad du gsungs pa ni nyan thos kyi tshul kyis stobs la yin gyi phyi nas byang chub sems dpa' i tshul la ni ma yin la/
'di ni byang chub sems dpa' i tshul yin zhing bye brag tu sngags kyi tshul yin te/ de bas na skyon med do/ /yang na sangs rgyas kyi sgras ni sangs rgyas 'ba' zhig bsdus pa ma yin gyis/ byang chub sems
dpa' rnams kyang bsdus? la/ rgan bo'i sgras kyang bsnyen par rdzogs pas rgan pa 'ba' zhig bsdus pa ma yin gyi/ ye shes kyi rgan pa dad dka' thub kyi rgan pa yang bsdus pa yin no/ /rnam pa gzhan dun 'phags pa byams pa
dang 'jam dpal las sogs pa'i byang chub sems dpa' khyim na bzhugs pa'i khyim pa'i rtags can rnams phyag bya ba'i 'os ma yin par 'gyur ro snyam du dgongs so/ /de bas na tshig 'di dag ni nyan thos kyi theg pa dang yang 'gal
pha med do/ /dgongs pa'i skad ni me shes par/ /sgra tsam gyis ni rmongs pa dag /rgyal dbang rnams kyi so thar la/ /smad pa byas nas ngan 'gror 'gro /zhes gsungs pa yang yin no/ /de bas na rdo rje'i slob dpon khyim pa'am gsar
bu la/ dge slong gis kyang rnam pa thams cad du phyag bya ba yin no/ /de skad du kye'i rdo rje'i rgyud las /slob ma gang gis grub thob kyang/ /mnar med spang ba'i rgyu phyir ram/ /yang dag ye shes snang mdzad pa'i/ /bla mar grub
pas phyag bya'o/ /zhes so/ /gal te de ltar yin na/ dam pa'i chos la sogs pa mdun du byas pa dgos pa ci yod ce na/ 'jig rten gnod pa zhes bya ba gsungs te/ 'jig rten pa rnams la gnod pa ni 'jig rten
gnod pa ste/ 'gro ba sun 'byin par byed pa de dag spong zhing nyams par byed pa de'i phyir ni 'jig rten gnod pa spang pa'i phyir ro/ /'o na rang gi bla ma la phyag bya ba la 'jug pa rnams kyis 'jig rten la gnod pa yod dam zhe na/ yod do/ /ji
ltar yong ce na/ 'jig rten phal mo che 'di dag ni bstan bcos ma thos shing ma rig pa'i phyir don dam pa'i chos la gnas pa yongs su mi shes so/ /de las de rnams kyis slob dpon dge slong nyid du gyur pa bsnyen bkur ba'i 'os ma yin par
yid la byed do/ /de bas na de rnams kyis khyim pa la phyag byas pas rab tu byung ba rnams sun 'byin par byed la/ sun phyung bas 'jig rten rnams phyir phyogs par 'gyur ro/ /'jig rten phyir phyogs pas kyang 'jig rten las rnyed pa dang
bkud? sti nyams par byed do/ /ma dad pa na rnyed pa dang bkur sti sdug bsngal bas 'tshol sdug bsngal ni 'jig rten mthar gyur pa yin no/ /rnyed pa dang bkur sti dang mi ldan pa la sogs pa'i 'jig rten la gnod pas 'jigs pas phyag byed pa na dam pa'i
chos la sogs pa mdun du bdar ba la don med pa ma yin no/ /gal te na yang ci bya ba de bstan pa'i phyir stan bstabs pa dang/ zhes bya ba la sogs pa gsungs te/ brtul zhugs can gyis thams cad bya/ /zhes sbrel lo/ /brtul
zhugs can ni brtul zhugs 'dzin yin la/ bya ba ni nyams su blang pa'o/ /thams cad ces bya ba de dag gang la bya zhe na/ stan stab pa zhes bya ba la sogs pa yin no/ /'di la 'dug par bya bas na bstan te/ ma pU ra ka la sogs pa'i
gdan no/ /de bstab pa ni dang po dbul ba yin la/ ldang ba ni de'i don du nan tan byed pa'o/ /yang na ldang ba ni yang dag par ldang pa ste/ 'breng ste 'dug pa zhes bya ba'i don to/ /stan yang stob la ldang ba yang yin pas stan bstab pa
dang ldang ba'o/ /yang gsungs pa/ ma dang pha dang bla ma la/ /su zhig ldang bar mi byed pa/ /'jig rten kun gyis smod 'gyur pas /tha shal dag dang mtshungs par 'gyur zhes so/ /don bya zhes bya ba la don te rdzas kyi bya ba byed pa
ni don bya yin la/ bskyed 'phel yang don no/ /de la bskyed ni gtong ba la sogs pa yin la/ 'phel ni tshong la sogs bas so/ /sogs pa'i sgras ni bsrung ba la sogs pa yang ngo/ /yang na gos zhes bya ba ni gos dang
bstan la bya la/ bya zhes bya ba ni nan tan no/ /sogs pa'i sgra ni bdas? pa dang mchil ma dang snabs te ba la sogs pa la sgrib pa'o/ /bsnyen bkur zhes pa ni bla ma la dus shing dang bas shes bya ba'i don te/ don gyi bya ba sogs gang gi
yin pa de ni don gyi bya ba sogs te/ de ni don gyi bya ba sogs kyang yin la bsnyen bkur yang yin pas don gyi bya ba sogs bsnyen bkur ro/ /yang na tshig 'di dag rim pa bsnor? nas so/ /yang na don yang phyir la bsnyen yang bkur bas dan? gyis bya ba
sogs bsnyen bkur ro/ /thams cad nyid ni ma lus par ste/ nyid kyi sgra ni nges par bzung ba'o/ /'di dag thams cad byas nas brtul zhugs can gyi nga rgyal med par bya'o zhes dgongs so/ /yang gsungs pa/ de bas nges pa kho nar ni/
brtul zhugs brtan pas 'di kun bya/ /de bzhin nang gi brtan po yis /rtag par rnal 'byor mchod la dga' / /phyag sogs bya ba thams cad dag /dus rnams kun du bya ba yin/ /de ltar yongs su rtags nas ni/ /bla ma rnams la bsnyen
bkur bya/ /'on kyang gzugs dang lang tsho phun tshogs dang/ /longs spyod dbang phyug dag dang stobs/ /skye dang rigs rgyud mi bsam ste/ /nga rgyal dag ni dor bar bya/ /gzo yi cha shas 'di? kun la/ /blo dang ldan zhing mkhas snyam dang/ /
bdag ni sa skyong dge ba'o zhes/ /sems la sbyar bar mi bya'o zhes so/ /ci byas nas she na/ dam pa min las phyag spang ngo/ /zhes bya ba gsungs te /sku dang gsung dang thugs la gnod pa'i las ni dam pa min pa zhes bya ste/
mi mdzes pa'i phyag ni sdig pa'i rgyu yin pa'i phyir ro/ /de dam pa min pa yang yin la/ las kyang yin pas dam pa min las te/ srog gcod pa la sogs pa'i mi dge ba zhes bya ba'i don to/ /de la stan bstabs pa las sogs pa 'di
dag thams cad nam gyis tshe na bya ba yin zhe na/ phyag byas nas /shes bya ba gsungs te gus par smras nas so/ /dam min phyag gi las shes bya bar 'don pa de la ni/ las kyang? yin la phyag kyang yin pa ste/ de dam
pa min ba yang yin la phyag gi las kyang yin pas na dam min phyag gi las so/ /dam pa yin pa ni bshad zin te/ dam pa ma yin pa'i phyag ni gus pa sngon du seng bar ngas par mtshon pa'i thal mo sbyor ba tsam byed pa'o/ /
yang na dam pa ma yin pa tha mal pa'i skye bo rnams kyi phyag gi las te/ de ni lo ma rnying pa lhags shing 'bras bu 'bab pa'i khur gyis dud pa'i rnam par sbyang ba la sogs pa dam ba ma yin ba'i las ta/ mgo bo dud ba? tsam mi ngam?
min phyag go / gzhan dag ni/ ngam min las dang phyag ces bya ste/ ngam pa ma yin pa'i las rkang pa bkru ba la sogs pa dang/ yan lag brgyad kyis btud pa'i phyag ste/ gnyis po 'di dag spangs nas bya ba thams cad
bya'o zhes so/ /de ltar bla ma'i rab tu dbye ba bshad nas slob dpon zhes bya ba la sogs pas / bla ma dang slob ma dag yongs su brtag par gsungs te / slob dpon dang slob ma'i 'brel pa bya zhes bya ba la 'brel pa'i dang por
te sngon du'o/ /nye ba'i dbang las slob ma ste/ bla ma ni slob dpon zhes bya ba bla ma dang ne slob ma dag go /slob dpon dang slob ma de dag gi 'brel pa ni 'grogs pa ste/ /slob dpon dang slob ma'i 'brel pa brtag par bya ba ni
dpyad bar bya'o/ /sus snyam na/ dpa' bos shes bya ba gsungs te/ blo dang ldan zhing mkhas pa rnams kyis shes bya ba'i don to/ /'di'i don ni 'di yin te/ bla mas re shig cha lugs dang/
brjod pa dang 'dod pa la sogs pa rnams kyis ci 'di bsam pa dag pa yin nam bsam pa ma dag pa yin snyam du yongs su brtag par bya zhing / ci 'di brtsam par bya ba 'am mi bya snyam du dang/ de'i khyim gyi 'tshams na gnas pa'i
skye bo rnams la 'di'i bya ba yongs su dris shing brtags nas ci 'di la shog shig bya 'am/ mi bya mnyam du spyod ba'i tshul gyis kyang yongs su brtag par bya'o/ /de lta bu la sogs pa rnams kyis yongs su brtags na 'jig rten
ba'i bsam pa shes par 'gyur te/ cha byed du rtags dang 'dod pa dang/ /skad kyis kyang ni rtogs bya zhing/ /mig dang gdong gis rnam 'gyur gyis/ /nang na gnas pa'i bsam pa shes/ /shes kyang gsungs so/ /
de yongs su brtags pa la dgos pa ci yod ce na/ 'jig rten phal mo che ni bsam pa yongs su ma dag pas bla ma la srid zhu byas pa med par de kho na nyid 'dod pas rgyal po ltar kun tu spyod de/ de skad du/ sgyu yis
dri mar byas pa'i sems/ /ngan pa'i bsam pas 'bul byed cing/ /gtan du bla ma bsnyen bkur yang/ /bkur sti med cing phyag kyang min/ /mnyam par bzhag pa thob pa'i bar/ /'o ma la sogs 'bul bas
mchod/ /sangs rgyas kun gyi yon tan gzhi/ /de nyid rin chen thob pa na/ /bzhugs sam zhes kyang mi 'dri la/ /skyon nyid rtag tu tshol bar byed/ /ces so/ /de bas na de ltar yang dag par brtags nas bsam la yongs
su dag par gyur na de'i tshe de dang 'brel pa bya ba yin gyi/ de lta ma yin na ni mi bya'o zhes dgongs so /de bzhin du slob mas kyang yongs su brtags nas bla ma dang lhan cig pa'i 'brel pa bya'o/ /de ci'i phyir zhe na/
'jig rten phal mo che ni bsam pa ma dag bas kho bo cag ni slob dpon no zhes bcos ma'i tshig snyan po dang 'di'i don sna tshogs pa la chags pas dam pa min ba'i chos ston pas sam/ tshul 'chos pa'i gtam gyis/ /
sems can rnams bslu par byed do/ /de bas na slob mas kyang ci 'di bsam pa dag pa yin na/ bsam pa ma dag pa yin snyam du bla ma yongs su brtag par bya ste/ /gel te bsam pa ma dag na de'i?
tshe de dang lhan cig ba'i 'brel pa mi bya'o/ /yang gsungs pa/ bla mar bya ba min bshad pa/ /log pa'i shes bas mngon par khengs/ /chags pa'i dbang gi gzhan dag la/ /chos ston pa la rab
tu 'jug / byis pa de dag sems can gyis/ /mi dge'i bshes gnyen de dag ni/ /bdud kyi phyogs dang rigs su gnas/ /rang dang gzhan dag nyams byed pa/ /de dag brtag par sems
can gyi/ /spang zhing bsnyen bkur bya ba min/ /de rnams la ni phyag mi bya/ /kun tu myur bar yang mi bya /zhes so/ /de bas na bsam pa ma dag ba'i ming tsam gyi slob dpon ni legs pa bshod? pa
rnams kyis rnam pa thams cad du yongs su spang bar bya'o/ /gal te bsam pa ma dag pa'i slob ma'i bla ma lhan cig pa'i 'brel pa byas pa de'i tshe gnyi ka la cir 'gyur/ /spyod pa ma yin pa las bam tshig nyams
par gyur na de la cir 'gyur zhe na/ mtshungs pa zhes bya ba la sogs pa gsungs te / mtshungs pa ni mnyams pa'o/ /dam tshig ni slob dpon gyis 'gongs par bya ba ma yin pa'o/ /
de dam tshig gis kyang yin la mtshungs pa yang yin pa'i phyir mtshungs pa dam tshig ste mtshungs pa nyid ni gnyis ka yang 'di'i bya ba'i rang bzhin yin pa'i phyir ro/ /rnam pa gnyis po de yang bsrung bar bya ba dang
bza' bar bya ba'o/ /de la bsrung bar bya ba yang rnam pa gnyis te / blang par bya ba dang dor bar bya ba'o/ /de la blang bar bya ba ni dge ba'i rang bzhin rnams dang/ /dor bar bya ba ni mi dge ba'i rang bzhin rnams
so/ /blang bar bya ba yang rnam pa gsum ste/ /lus dang ngag dang yid kyi'o/ /de la srog gcod pa la sogs pa ni lus kyi'o/ /brdzun du smra ba la sogs pa ni dag gi'o/ /brnab sems yas
sogs pa ni yid kyi'o/ /bza' ba'i dam tshig kyang rnam pa gnyis te/ /brtag tu nye bar spyad pa dang/ /skabs su nye bar spyad pa'o/ /de la brtag tu nye bar spyad pa ni/ /sgron ma lnga la sogs pa'o/ /
skabs su nye bar spyad pa ni/ /rdo rje bzung ba la sogs pa'o/ /yang na mtshungs pa'i dam tshig ces bya ba la mtshungs pa ni 'dra ba ste /mnyam pa dang mthun pa zhes bya bar gcig pa'i don to/ /dam tshig gis don
tshig rnam par sbyar ba ni snga ma bzhin no/ /mtshungs pa'i dam tshig de yang rnam pa gnyis te/ bla ma'i bya ba dang slob ma'i bya ba'o/ /de la slob ma'i bya ba ni cho ga ji lta ba bzhin dbang nod pa'o/ /deng nas brtsam ste khyod
kyi phyag na rdo rje nga yin gyis gang nges 'di bya dgos so zhes smras pa de khyod kyis bya dgos so/ /sngags dang phyag rgya dang dkyil 'khor la sogs pa 'di dag kyang khyod kyi dbang bskur ba ma thob cing dkyil 'khor ma mthong ba rnams la smra bar mi
bya ste/ yang ba ma spangs par dus kyi bya ba byas nas dmyal ba las sogs par 'gyur tA? re zhes bya ba la sogs pa brjod par byed pa ni bla ma'i bya ba'o/ /bla ma la sogs pa mtho ba rnams kyis? spyod pa gang yin pa de slob ma'i bya ba'o/ /
mtshungs pa'i dam tshig nyams pa ni 'khyams pa'o/ /mtshungs pa'i dam tshig nyams pa de yang skyon te/ ltung ba dang mi dge ba zhes bya ba'i don to/ /hi ni gang gi phyir gyi sa bon la'o/ /su'i spyan du 'gyur zhe na/ dpon slob dag ces bya ba
gsungs te/ slob dpon dang slob ma ni dpon slob ste de dag gi'o/ /dgongs pa ni 'di yin te/ dam tshig nyams na slob dpon gyi dngos grub nyams pa'i rgyu yin pa'i phyir skyon yin la/ slob ma'i yang 'dir lus dang sems gzir ba'i nye bar
'tshe ba bskyed par byed pa'i phyir dang/ phyi ma la yang ngan 'gro'i sdug bsngal bskyed par byed pa'i phyir na skyon chen po ste/ de bzhin du dam pa ma yin pa'i kun tu spyod pa yang yin no/ /slob ma'i skyon bstan pa'i phyir brtse ba med
ces bya ba la sogs pa gsungs te / bla mas slob mar mi bya'o/ /zhes 'brel lo/ /bla ma ni bshad zin la/ bslab pa la slob pas na slob ma ste slob bu'o/ /de la mi bya ba ni mi sgrub pa'o/ /bla ma ji lta bu she na / blo ldan zhes bya ba
la blo ni blo gros dri ma med pa yin la / de 'di la yod pa'i phyir blo ldan no/ /slob ma'i khyad par ci 'dra ba zhig ce na/ brtse ba med ces bya ba las sogs pa gsungs te/ sdug bsngal dang sdug bsngal gyis rgyu las 'don par 'dod ba'i
mtshan nyid kyi snying rje ni rtse ba yin la/ de las 'das pa gang gis na brtse ba med pa de ni brtse ba med do/ /khro ba ni khong khro zhing 'khrug pa te mi bzod par gyur pas 'bral du gnod pa byed pa zhes bya ba'i
don to/ /de ni khro ba'o/ /gdug pa ni sems brtsub mo te tsam pa med pa zhes bya ba'i don to/ /khengs pa ni cung zad kyi dregs pa zhes bya ba'i don to/ /chags pa ni pha rol gyis rdzas 'dod pa'o/ /ma bsdam pa ni/ g.yo zhing
mnyam par ma bzhag pa'o/ /bkag par gyur pa na/ bdag nyid mcho yin no/ /zhes bdag nyid bsngags shing gzhan la dmod pa ste/ tshul khrims 'di la bdag mchog tu gyur pa'o zhes bya bor/ /gsungs pa/
mchog yin zhes ni rab smra ba'i/ /yon tan rnams ni skyon sbyin byed/ /ces so/ /dang yig ni kun bsdud pa'i don to/ /dang yig las 'di lta bu dag ni bla mar yang mi bya'o/ /zhes ni bzhan dag go /bla ma'i rang bzhin
bstan pa'i phyir bstan zhing zhes bya ba la sogs pa gsungs te/ bsam pa dang blos shin tu zin pa'i phyir bstan pa te blo dang ldan pa'o/ /dul ba ni 'dul ba bzhin du'o/ /blo gros ni rnam par dpyad pa ste shes rab yin la de 'di
la yod pa'i phyir glo gros ldan pa ste rnam par dpyad pa zhes bya ba'i don to/ /bzod pa ni bzod par gyur pa ste/ de yang sdug bsngal la ji mi snyam pa'i bzod pa dang/ gzhan gyis gnod pa dang du len ba'i bzod pa dang/ chos la
nges bar rtogs pa'i bzod pa dang rnam pa gsum mo/ /de lta bu'i mtshan nyid kyi bzod pa gang la yod pa de ni bzod ldan no/ /lta ba ni 'phags pa'i sa la rab tu bzhugs pa'i phyir bya gyu med pa'i lta ba can te/ /gya gyu ni sdig pa can
gyi lta ba'o/ /gya gyu ci yin ldig can lha/ /zhes gsungs pa'o/ g.yo sgyu med pa'i ni/ rang gi skyon sgrib pa'i thabs kun du 'dzin pa'i sems kyi gya gyu nyid g.yo yin pas de la zhugs pa mi g.yo ste/ g.yo dang bral zhing
g.yo med la gya gyu med pa'i sems shes bya ba'i don to/ /sngags rgyud kyis ni rab sbyor shes ste/ sngags ni shis pa ste/ de kho na nyid kyi don yid la byas pas 'gro ba skyabs pa'i phyir na sngags so/ /de yang phreng ba'i sngags
dang btus pa'i sngags dang snying po'i sngags shes bya ba rnam pa gsum mo/ /rgyud mi phyir bzlog gi 'khor lo las sogs pa'o/ /sngags dang rgyud ni sngags rgyud de/ /de rnams kyi rab sbyor ni zhi ba la sogs pa'i las te/ de shes pa'i
phyir sngags rgyud kyis ni rab sbyor shes pa'o/ /snying rjer ldan pa ni sems can thams cad la snying rje ba dang ldan pa'o/ /bstan bcos mkhas pa ni/ 'chos? ba'i phyir bstan bcos te/ gzhungs du sbel ba yin la/ de yang
mdor bsdu na rnam pa bcu gnyis te/ chos dang/ rtog ge dang/ don dang/ sgra dang/ gar dang/ ro bcud dang/ yongs su brtag pa dang 'dod pa dang gso ba dang/ rtsis dang bzo dang rnam par shes pa'i bstan bcos//
dag go / bstan bcos la mgas pa ni chos la mkhas pa'o/ /slar yang slob dpon gyi khyad par bstan pa'i phyir/ de nyid bcu zhes bya ba la sogs pa gsungs te/ bcu ni rab tu grags pa'i grangs te bgrang bar bya ba la 'jug go
de nyid ni phyin ci ma log pa'i rang bzhin no/ /de rnams de nyid kyang yin la bcu yang yin pas na bcu'i grangs su chad pa'i de nyid dag ni de nyid bcu'o/ /de nyid bcu po dag kyang/ dkyil 'khor dang/ ting nge 'dzin dang/ phyag rgya dang/ sngags dang /stang stobs dang/ /
'dug stang dang/ bzlas pa dang/ sbyin bsreg dang/ mchod pa'i las la sbyor ba dang/ slar bsdu ba dag go /dkyil 'khor yang rnam pa gsum ste/ sku'i dkyil 'khor dang/ gsung gi dkyil 'khor dang/ thugs kyi
dkyil 'khor ro/ /ting nge 'dzin ni rnam pa gsum te/ dang po sbyor ba dang/ dkyil 'khor rgyal po mchog dang/ laS rgyal po mchog rnams ngo bo nyid dang longs spyod rdzogs pa dang sprul pa'i sku'i dbye bas so/ /phyag rgya ni rnam pa gnyis te/ lagS pa'i phyag rgya dang yid
kyi sku'i phyag rgya'o/ /sngags ni bshad zin to/ /stang stobs ni rnam pa mang ste/ phung ba'i dra ba la sogs pa'o/ /'dug stang ni mdor bsdus na rnam pa bzhi ste/ pad+ma'i 'dug steng dang/ rdo rje'i 'dug steng dang/ sems dpa' i 'dug steng dang/
khro bo'i 'dug stengs so/ /bzlas pa ni rnam pa bzhi ste/ khro bo'i bzlas pa dang/ rdo rje'i bzlas pa dang/ spro ba'i bzlas pa dang/ 'gog pa'i bzlas pa'o/ /sbyin bsreg ni rnam pa bzhi ste/ zhi ba dang/ rgyas ba dang/ dbang dang/
mngon spyod de/ /mchod pa'i las la sbyor ba ni/ /phyi dang gsang ba'i mchod pa'i nan tan la rab tu sbyor ba'o/ /slar bsdu ba ni rnam pa gnyis ni/ /ye shes kyi dkyil 'khor gshegs su gsol ba dang/ dam tshig gi dkyil
'khor bsdu pa'o/ /de nyid bcu po rnams yongs su shes shing khongs su chud pas na de nyid bcun i yongs su shes pa'o/ /dkyil 'khor bri ba'i las la mkhas/ /dkyil 'khor ni bri bya'i dkyil 'khor ste ri mor bri ba'o/ /dkyil 'khor dang/
bri ba ni dkyil 'khor bri ba ste/ de dag gi las ni bya ba yin la/ /de dag rig cing shes pa'i phyir dkyil 'khor 'dri ba'i las la mkhas pa'o/ /de la dkyil 'khor gyis las ni phyi dang nang gi sa sbyad pa dang/ yongs su bzung ba dang/
bgegs la phur bus gdab pa dang/ /phyogs bcing ba dang/ mtshams bcing ba dang/ lha lhag par gnas pa dang/ thig dang rdul tshon gdab pa dang/ bum pa lhag par gnas shing dgod pa dang/ dkyil 'khor
bsgrub pa la sogs pa'o/ /bri ba'i las kyang snam bu dang dar dpyangs dang 'khor lo la sogs pa bri ba'o/ /gsang sngags 'chad byed ni aoM yig la sogs pa nga kho na nyid gsum ro gcig pa'i gsang chen gyis bshad par bya
ba'i sngags rnams 'chang pa la mkhas shing rtags pa'i phyir gsang sngags 'chad byed de/ yang gsungs pa/ sngags dang sngags shes rab gsungs pa/ /de nyid bskul bar gsungs pa ste/ /skye ba med cing snang ba med/
mtshon bya dang ni mtshon nyid spangs/ /'di la sngags shes brjod pa yin/ /gsang chen don ma rtogs pa yin/ /zhes so/ /slob dpon zhes bya ba ni/ dbang bskur ba la sogs pa'i las la 'jug pa'i phyir
slob dpon te/ yang gsungs pa/ chos kyi kha ton klog pa dang/ /'chang dang man ngag sbyin pa dang/ /dbang bskur ba dang las byed pa/ /slob dpon zhes byar brjod pa yin/ /zhes so/ /dang ba zhes pa ni ser
sna dang bral zhing snying nas dga' ba'o/ /dang yig las ngos bzhin gsal pa'o/ /dbang po thul zhes bya ba la/ /gang gi mig la sogs pa'i dbang po rnams dbang du byas nas thul ba de ni dbang po thul pa'o/ /dbang zhes bya ba ni
lhag par bsdud pa'o/ /slob dpon la dmod pa'i skyon/ /mgon de zhes bya ba las sogs pa gsungs te/ de zhes bya ba ni de lta bu'i yon tan gyi khyad par du byas pa'i slob dpon gang yin pa de'o/ /mgon zhes bya ba ni sangs rgyas
dang byang chub sems dpa' las sogs pa rnams kyis mgon du gyur cing mnyes par bya ba yin pa'i phyir mgon de mgon de'o/ /gang gi shes bya ba ni slob mar smos pas so/ /brnyas pa ni rmongs par byas pa'o/ /cir
gyur she na/ slob gyur phyi nas shes gsungs te/ /slob ma ma yin pa las slob mar gyur nas shes bya ba slob gyur phyi nas so/ /bsam bcas pas ni bsam pa dang lhan cig tu 'jug pas bsam bcas te bsam pa thag pa nas yin
gyi smyo ba'am ma shes pa'am rnam par g.yengs pa'i sems kyis ni ma yin pa'o/ /sangs rgyas thams cad dmod pas na/ /sangs rgyas ni de bzhin gshegs pa rnams te/ chos thams cad kyi don dam pa thugs su chung pa'i phyir sangs
rgyas yin pa 'am/ 'di dag dri ma med pa'i blo can yin pa'i phyir sangs rgyas so/ /yang na dus thams cad du thams cad mkhyen cing/ skyen thams cad dang bral bas na yang dag par rlom pa'i seng ge dang/ 'phrog byed dang dbyig
gi snying po la sogs pa'i lha rnam bas rgyas shing thugs su chud pa'i dgongs pa dang ldan pa'i phyir sangs rgyas rnams so/ /thams cad ni ma lus pa ste/ phyogs bcu'i 'jig rten gyi khams ji srid par bzhugs pa de dag thams cad do/ /de
dag ni sangs rgyas kyang yin la thams cad kyang yin pas sangs rgyas thams cad de sangs rgyas de dag thams cad la brnyas shing dmod la 'phya ba de ni sangs rgyas thams cad la dmod pa yin no/ /de ni zhes pa ni su zhig bla ma la brnyas pa
byed pa 'di? de'o/ /rtag tu ni rgyun du'o/ /sdug bsngal ni nye bar 'joms pa ste/ de yang 'di pa dang 'jig rten pha rol pa rnam pa gnyis so/ /de la mthong ba'i chos la lus dang sems gzir ba nye bar 'tshe ba la sogs pa rnams ni 'di
pa'o/ /dmyal ba la sogs pa rnams su 'khod pa dang gshegs pa dang bsregs pa dang 'tshed pa la sogs pa'i sdug bsngal rnams ni 'jig rten pha rol pa'o/ /'thob ces bya ba ni myang bar bya zhing nyams su myong dgos so/ /zhes bya ba'o/ /slob
dpon ni de kho na nyid thugs su chud pas sangs rgyas shes te de de skad du brjod pa de ni sangs rgyas thams cad kyi rang bzhin yin pas na de la dmang ba las sangs rgyas thams cad smod pa las skyes pa'i sdug bsngal 'byung ba yin no/ /de
gang las she na/ slob dpon ni de bzhin gshegs pa thams cad lta bur lta bar bya'o/ /zhes pa'i bcom ldan 'das kyi gsung tshad ma yin pa'i phyir ro/ /yang gsungs pa/ brtan g.yo'i 'jig rten gsum po ni/ /slob dpon las
mchog bla ma med/ /gang gi drin las dngos grub kun/ /'phral nyid du ni thob par byed/ /ces so/ /slar yang bla ma dmod pa'i nyes dmigs bye brag tu bstan pa'i phyir yams dang nyer 'tshe zhes bya ba gsungs te/ bla ma'i zhabs la
dmod par 'chi bar 'gyur ro zhes 'brel le/ /bla ma ni slob dpon yin la/ /de'i zhabs ni zhabs dag ste/ /de dag la dmod cing sun 'byin par byed pa na bla ma'i zhabs la dmod pa'o/ /'chi bar 'gyur ni 'chi ba'i 'os te rnam par
'gyur ro zhes bya ba'i don to/ /ci zhig dag gis she na/ de'i phyir/ yams dang nyer tshe dgra rnams kyis/ /shes bya ba gsungs te/ yams ni rdo rje'i me 'bab pa dang chu dang rlung dang mu ge dang gshed ma la sogs pa rnams kyis gzir bar
byas pa'o/ /nyer 'tshe ni 'byung po dang yi dags dang/ 'dre dang srin po dang sprul dang gcan gzan gtum po la sogs pa las byung ba'i nye bar 'tshe ba rnams so/ /dgra ni sha kho na can gyis dgra rnams so zhes bya ba'i don to/ /yams dang nye
bar 'tshe pa dang dgra rnams te/ yams dang nyer 'tshe dgra rnams kyis so/ /dang yig las gnyen rnams kyis kyang ngo/ /yang gang dag gis she na/ gdon dang rims shes bya ba gsungs te/ gdon ni nyi ma la sogs
pa'i gza' dgu po dag gam yang nam mo la dga' ba las sogs pa bcu gnyis po dag te/ sems can gyi mdangs dang stobs len par byed pa'i phyir gdon no/ /rims ni nad rnams te/ sems can rnams la gdung ba skyed par byed
pa'i phyir na rims so/ /de dag kyang mdor bsdu na/ rlung dang 'khris pa dang bad kan dang 'dus pa ste rnam pa bzhi'o/ /slar yang phye na ni rnam pa mang po/ /dug ni shas che ba ste/ de yang mdor bsdus na brtan pa dang g.yo ba dang bcos ma dang
gyur pa ste rnam pa bzhi'o/ /de la brtan pa ni/ nag po brtsegs pa las sogs pa'o/ /g.yo ba ni sbrul la sogs pa rnams kyi'o/ /bcos pa ni kun tu sbyar ba dag go /gyur pa ni rnam par rtog pa las byung ba'o/ /sogs pa'i sgras ni/
'gyegs pa la sogs pas so/ /gdon rnams dang rims rnams dang dug la sogs pa na/ gdon dang rims dang dug sogs kyi/ /de rnams kyis bla ma'i zhabs la dmod pa 'di 'chi bar 'gyur ro/ /de ci 'dra ba shig ce na/ rmongs
chen te/ de rmongs pa yang yin la chen pa yang yin pas/ rmongs chen te shin tu blun pa'o/ /de ltar shes nas legs par 'dod pa dag gis slob dpon la dmod par mi bya bar yon tan kho na bzung bar bya'o/ /yang gsungs pa/ slob dpon
yon tan bzung bya ste/ /skyon ni nams yang ma yin no/ /yon tan bzung bas dngos grub ste/ /skyon rnams las ni grub pa nyams/ /shes so/ /slar yang rgyal po zhes bya ba la sogs pas bla ma la dmod pa'i rnam par smin pa gsungs
te/ bla ma'i zhabs la dmod pa zhes sbyar nas bsad nas dmyal bar 'gro zhes sbrel lo/ /bsad nas ni shin dmyal ba ngan 'gror 'gro zhing 'bor bar byed do/ /su dag gi bsad nas she na/ rgyal gtum zhes bya ba ste/ rgyal po ni sa skyong ba
yin la/ gtum po ni mdzod bsrung ba dang/ dum bu bsrung ba las sogs pa rnams te/ rgyal po dang gtum po ni rgyal gtum mo/ /yang na rgyal po ni rnam thos kyi bu la sogs pa gsang ba'i gtso bo rnams te/ 'dir rgyal po'i sgras
ni gsang ba rnams so/ /gtum po ni gshes par byed pa dang gzir bar byed pa rnams te/ rgyal po dang gtum po'i ni rgyal gtum gnod sbyin gyis mdag gzhug pa rnams shes bya ba'i don do/ /me ni me nyid do/ /sprul gdug ni phyugs dang
bya dang sdig sbrul la sogs pa rmug par byed pa rnams so/ /rgyal gtum dang me dang sbrul gdug pa dag ni/ rgyal gtum me dang sbrul gdug ste/ /de rnams kyis so/ /yang su dag gi she na/ mkha' 'gro zhes bya ba ste/ mkha' 'gro ni khrag
la dga' ba'i rnal 'byor ma'i bye brag go / chu ni chu nyid do/ /rkun po ni chom po pa'o/ /mkha' 'gro ma dang chu dang rkun po rnams dang ni/ mkha' 'gro chu dang rkun po ste/ /de rnams kyis so /gdon ni tshangs pa la sogs pa'i lha'i dpung ste/
gdon de rnams kyis so/ /yang gsungs pa/ tshangs pa dpang po zla nyi skra 'greng bas/ /mdza' dag pa yi gzhi la bgegs byed do/ /zhes so/ /log 'dren ni tshogs kyi bdag po la sogs pa gtso bor gyur pa'i log 'drren de
rnams kyis so/ /kyang zhes pa ni kun tu bsdud pa ste mi 'am ci dang lto 'phye chen po rnams kyis kyang bsad nas dmyal bar 'gro'o/ /de bas na bla ma la rmi lam du yang dmar bar mi bya bar rgyun du mchod par bya'o/ /gang dmod par byed pa
de dag ni 'jig rten du yang gces spras byed par mi 'gyur ro/ /yang gsungs pa/ slob dpon dmod pa gang yin de/ /bgegs dang log 'dren gyis 'joms shing/ /khro zhing las ni ngan pa'i bdag /rtag tu sa steng dag na spongs
zhes so/ /slar yang nams yang zhes bya ba la sogs pas rnam pa gzhan gyis slob dpon la dmod pa'i 'bras bu gsungs te/ slob dpon gyi thugs dkrugs par mi bya'o/ /zhes sbrel lo/ /thugs dkrugs pa ni mi gsod pa ste lus bsam dag gi yid
mi bde ba bskyed par byed pa de mi bya zhing mi bsgrub po/ /su'i zhe na/ slob dpon dag gis ni zhes bya ba gsungs te/ slob dpon ni bla ma'o/ /nam yang ni 'gar yang ngo/ /gal te slob dpon gyis thugs dkrug par byed na de'i tshe cir 'gyur snyam na/ /gal te shes
'chal zhes bya ba la sogs pa gsungs te/ gal te na 'di la blo ngan dang gdug pa'i shes rab yod ps shes 'chal gyis byas shing bsgrub na dmyal bar btub cing 'tshed par 'gyur te/ bum par 'tshed pa la sogs pa bshad pa dag tu'o/ /nges
par ni the tshom med pa ste bya ba'i khyad bar ro/ /ci slob dpon la dmod pa gcig pu kho na dmyal bar ltung ngam zhe na/ mnar med las sogs shes bya ba la sogs pa gsungs te/ mnar med la sogs shes bya ba/ gtso bo yin pa nyid kyi phyir 'dir mnar
med gzung gi dang po yin pa'i phyir ni ma yin pas mnar med pa'i mthar thug pa ni mnar med pa la sogs pa'o/ /sogs pa'i sgras yang sos thig nag sdud 'joms dang du 'bod dang du 'bod chen po dang tsha ba ste bdun po rnam so//
mnar med dang bcas pa'i che ba'i dmyal ba brgyad do/ /chu sbur can dang chu sbur brdol ba dang so tham tham pa dang kyi hud zer ba dang a chu zer ba dang autpal ltar gas pa dang pad+ma ltar gas pa dang pad+ma ltar cher gas pa zhes bya ba dag ni grang ba'i dmyal
ba brgyad do/ /me mar mur dang ral gri lo ma'i nags tshal dang spu gri gang ba'i lam dang shAl ma lI'i sdong po dang bum par 'tshed pa la sogs pa rnams ni nye ba'i dmyal ba rnams so/ /nyi tshe ba'i dmyal ba ni rab tu mang po'o/ /dmyal bar bstan pa gang yin pa ni/ sems
can rnams mi dge ba'i dbang gis der shin tu dmyal zhing btub pa gang yin pa'o/ /bshad pa ni bsgrags pa'o/ /de rnams ci 'dra zhe na/ 'jigs rung ste 'jigs par byed pa bsreg pa las sogs pa'i sdug bsngal mi zab cing brdo ba bskyed par byed pa'i phyir ro//
der ni gnas par yang dag bshad/ /der ni dmyal ba de rnams su'o/ /gnas ba ni 'dug pa dang bsdod pa zhes pa'i don to/ /yang dag bshad ni bstan pa ste/ /bsam pa ma dag pas 'thangs nas bskal pa'i grangs kyis bgrang par bstan pa rnams su zhes bya ba'i
don to/ /yang gsungs pa/ gang zhig de 'dra'i rgyal sras sbyin bdag la/ /gal te ngan sems bskyed par byed na de/ /ngan sems bskyed pa'i grangs bzhin bskal bar ni/ /dmyal bar gnas par 'gyur zhes thub pas gsungs/ /shes pa'o gan las she na /slob
dpon la zhes bya ba ste/ /de bzhin gshegs pa'i bstan pa la rang kun tu spyod cing legs par bslab bas sam/ kun tu spyod par byed pa'i phyir slob dpon te/ yang gsungs pa/ bstan la kun tu yang dag spyod/ /gzhan dag la yang spyod byed pas/ /mkhas pa rnams kyi bla
ma la/ /slob dpon zhes byar yongs su brjod/ ces so/ /slob dpon bla ma de la'o/ /ni ni gang gi phyir gyi don la'o/ /dmod pa las te sun 'byin shing skyon 'dog pa las shes bya ba'i don to/ /de bas zhes bya ba la sogs pas nye bar btub gsungs te/ de bas
gang gi phyir bla ma la dmod pa las 'di dang phyi mar yang sdug bsngal chen por 'gyur ba'i rgyu mtshon de las so/ /'bad pa yang de yin la thams cad kyang yin pas 'bad pa thams cad de gnas skabs /kun du'o/ /rdo rje slob dpon zhes pa ni ye shes lnga'i rang bzhin
rtse lnga ba'i rdo rje dang ldan pa'i slob dpon ni rdo rje slob dpon no/ /'di ni zhi ba la sogs pa rnams slob dpon yin pa bkag ste/ ci'i phyir zhe na/ rdo rje 'dzin pa ni de rnams kyi dbang du ma byas pa'i phyir ro/ /de skad du yang/ bde bar gshegs
pa'i nyan thos theg pas min/ /rang rgyal rjes su rtse ba yis kyang min/ /ma dang sbyin dang tshul chos ser snas min/ /nga yi rdo rje 'di ni bzung mi bya/ /zhes bshad do/ /rdo rje slob dpon de yang ci lta bu zhig yin snyam na/ bla ma che/ zhes bya ba gsungs te/
bla ma ni bshad zin to/ /chen po nyid dang ldan pas chen po ste/ /chen po nyid kyang rig pa chen po nyid dang spong ba chen po nyid dang dka' thub chen po nyid dang spro ba chen po nyid dang brtson 'grus chen po nyid dang mkhas pa chen po nyid do/ /de la rang dang gzhan
gyi grub ba'i mdza' legs par shes ba ni rig pa chen po nyid do/ /nyon mongs ba thams cad rnam par 'joms pa ni spong ba chen po nyid do/ /tshul khrims legs par goms pa ni dka' thub chen po nyid do/ /bla ma bsten pas dub pa med pa ni spro pa
chen po nyid do/ /dge ba tshol ba na mgo 'am gos la me 'bar ba lta bus gnas pa ni brtson 'grus chen po nyid do/ /rmad du byung ba'i chos mngon sum du byed pa ni mkhas pa chen po nyid do/ /de skad du yang/ rigs ldan dpa' bo dka' thub spyad/ /spro
chen de nas brtson 'grus ldan/ /rmad byung dang ni byed pa po/ /chen po zhes byar mngon par brjod/ /ces gsungs so/ /de bla ma yang yin la chen po yang yin pas bla ma che'o/ /bla ma chen po de yang ci 'dra ba zhig ce na/ gsal zhing zhes bya ba la
sogs ba gsungs te/ gsal ba ni mi'i rnam par gsal bar shar? ba'o/ /mchog ni thams cad kyi mchog go /dge ba ni bkra shis pa dang ba brang ba dang zhi pa zhes bya ba rnams don gcig go de gsal ba yang yin te mchog kyang yin dge
ba yang yin pas na gsal zhing mchog ste dge ba ni'o/ /smad par mi bya'o ni shud par mi bya ba ste pa rasmai'i? tshig tu byas pa ni lung ngo/ /nam yang ni 'gar yang ste/ dus nam gyi tshe yang zhes bya ba'i don to/ /kha cig ni 'gar yang smad par mi bya'o
zhes 'don te/ 'dul ba mngon par shes pa'i dran pa nyams pa med pa'i zur gyis smod pa'i tshig kyang nam yang mi bya'o zhes dgongs so/ /slob dpon la smod pa'i nyes pa phyir bcos bya ba'i phyir/ rdzes mthun zhes bya ba la sogs pa gsungs te/
rjes mthun ni 'byor pa dang bstun pa ji ltar rigs pa zhes bya ba'i don to/ /rang yig las yang na nor thams cad do/ /de zhes pa'i tshig brang ni/ de las na zhes ba'i don to/ /de las ci zhig ces na bla ma'i zhal zas zhes bya ba gsungs te/ bla ma slob
dpon la g.yos byas nas zhal zas de zan ni bla ma'i zhal zas te/ ston mo gya nom pa zhes bya ba'i don to/ /bla ma rnams las mnyan nas shes sbyar ro/ /ci zhig gis khyad par du byas nas she na/ yon bcas shes pa ste/ yon ni nor dang 'bru dang ba langs gnyis?
sogs pa'i yon dbul ba na ci 'byor pa'i yon dang bcas pa ni yon bcas te/ yon dang 'brel bar zhes bya ba'i don to/ /dbul bar bya ni sbyin par bya ba'o/ /ston mo la sogs pa phul pa las ci zhig 'byung zhes na/ de las rim sogs shes bya ba la
sogs ba gsungs te/ de las ston mo la sogs pa phul ba de las so/ /rims la sogs pa'i gdung ba ni rims sogs gnod pa ste/ gdung bar byed pa gang dag gi dang por mis yin pa de ni rims sogs so/ /gdung bar byed pa dag ni sngar
bshad pa'i nye bar 'tshe ba la sogs pa rnams so/ /ni zhes pa ni nges par ro/ /phyir zhing phyi nas so/ /'byung ba ni skye ba ste mi zhes pa ni dgag pa'o/ /'di skad gsungs pa yin te/ gang gi phyir bla ma la smad na 'di dang phyi mar yang sdug bsngal sna
tshogs par 'gyur ba de bas na de nye bar zhi bar bya ba'i phyir/ bla ma la yon dang bcas pa'i ston mo dbul bar bya'o/ /de las bla ma dgyes par 'gyur la bla ma dgyes pa ni de bzhin gshegs pa thams cad dgyes pa yin no/ /dgyes
nas yang 'dod pa thams cad tshim zhing rab tu zhi bar 'gyur ba yin la/ mngon par 'dod pa'i dngos grub rnams kyang 'byung bar 'gyur ro zhes bya'o/ /kha sbyor las byung ba'i rgyud du yang/ gang phyir phyogs bcur bzhugs pa yi/ /sangs rgyas byang
chub sems dpa' yi/ /bsod nams gang de slob dpon gyi/ /ba spu'i bu ga gcig na snang/ /de phyir slob dpon mchod pa las/ /sangs rgyas byang chub sems dpa' dgyes/ /'on dang dam tshig rdo rje rang/ /'dod pa'i dngos grub stsol bar mdzad//
ces gsungs so/ /slar yang slob ma'i bya ba bye brag tu bstan pa'i phyir/ rang gi zhes bya ba la sogs pa gsungs te/ rang gi dam tshig kun spyod ni/ /dam tshig ni bshad zin to/ /yang na dam tshig ces bya ba ni/ byang chub kyi sems la
sogs pa bsrung ba ste/ 'dis byang chub tu yang dag par 'gro zhing thob par byed pa'i phyir ro/ /dam tshig sdom pa grub pa 'di/ /khyod kyis rtag tu bsrung bar bya/ /sangs rgyas kun gyis mthun par gsungs/ /dam pa rtag pa'i bka' yin no/ /rdo rje'i
phyag rgya gang yin pas/ /gang zhig bskyed pa tsam gyis ni/ /sangs rgyas nyid du dgos med pa'i/ /byang chub sems ni btang mi bya/ /dam pa'i chos ni mi smad cing/ /nam yang dor bar mi bya'o/ /mi shes pa'am rmongs pa yis/ /de ni smad par mi
bya'o/ /rang gi bdag nyid yongs spangs nas/ /dka' thub kyis ni gdung mi bya/ /ci bde bar ni bde bar bzung/ /'di ni ma byon rdzogs sangs rgyas/ /rdo rje dril bu'i phyag rgya rnams/ /nam yang dor bar mi bya'o/ /zhes rgyas par ro/ /kun spyod ces
bya ba ni kun tu spyod par byed bas na kun spyod de bla ma'i rjes su 'jug par byed pa'o/ /dam tshig dang kun spyod ni dam tshig kun spyod de rang gi dam tshig dang kun tu spyod pa'o/ /yang na rang dang mthun pa'i dam tshig ni rang gi dam tshig ste/ /de'i kun spyod ni
nan tan yin pas rang gi dam tshig kun spyod de'o/ /srog gi shes pa ni nus pa ste/ yang 'tsho ba rnams kyis so/ /kyang gi sgri na kun bsdud pa la'o/ /su'i srog gis she na/ rang gi ste bdag nyid kyi'o/ /bsten pa ni bsnyen pa'o/ /rang gi srog 'ba'
zhig gis bsten pa nyid dam zhe na/ ma yin no zhes gsungs pa/ sbyin min zhes bya ba las sogs pa'o/ /sbyin min ni stong mi phod pa'o/ /bu dang chung ma ni sras dang btsun mo'o/ /sogs pa'i sgras ni gnyen bshes dang 'khor yang bzung de//
'byor pa smos ci dgos ni rdzas de rnams thams cad smos ci dgos pa'o/ /ji ltar zhe na/ g.yo ba zhes te/ g.yo ba ni mi rtag pa'o/ /'di dag gis ni 'di bstan pa yin te/ gal te bu la sogs pa gtong ba las gzhan gyis rang gi dam tshig kun tu spyod
par ma nus na de'i tshe the tshom med par de dag yongs su btang nas kyang bsten par bya'o zhes bya ba yin no/ /yang gsungs pa pha ma rang gi skye bo bu dang gnyen gyi mtshams/ /gos dang bza' btung nor 'bru khyim la sogs pa'i sa/ /rang gi yan lag chu shing
'dab ma rlung bskyod ltar/ /rnam par bltas nas mkhas pas dam pa'i chos sgrub bo zhes so/ /bla ma ltag par bsnyen bkur ba'i rgyu mtshan gsungs pa/ gang phyir zhes bya ba la sogs pa'o/ /gang phyir ni rgyu mtshan gang las so/ /rnyed par dka' ba ni sdug bsngal
bas rnyed pa'i phyir rnyed dka' ba ste/ rnyed par dka' zhing thos pa dka' ba'o/ /'jig rten ni 'gro ba'o/ /dus ji tsam gyis she na/ bskal pa bye ba ni zhes bya ba la sogs pa gsungs te/ gong nas gong du bcur bsgyur ba'i gnas brgyad pa la gnas pa'i grangs ni
bye ba yin la/ de rnams bgrang ba la zhugs pa na grangs med de bgrang bar mi nus pa'o/ /grangs med kyang de yin la bye ba yang yin pa'i phyir grangs med bye ba'o/ /bskal ba grangs med pa bye ba ni bskal pa grangs med bye ba ste/ bskal ba grangs med bye ba de
rnams kyis so/ /bskal pa brgya ni 'di bar gyi bskal par gzung bar bya'o/ /de ci'i phyir zhe na/ pha rol tu phyin pa'i tshul la bskal pa chen po grangs med pa gsum gyis sangs rgyas nyid thob par 'gyur bar grags la/ bar gyis bskal ba gang yin pa de ni bskal pa chen po'i bye brag ste/ 'di
ltar dang por mar 'grib pa'i bar gyi bskal pa gcig go / mar 'grib ba dang yar 'phel ba'i bar du bar gyi bskal ba bco brgyad do/ /mthar yar 'phel ba'i bar gyi bskal pa gzhan te/ de ltar na bar gyi bskal pa nyi shu'o/ /bar gyi bskal pa nyi shur 'chags so/ /bar gyi bskal pa nyi shur 'chags
nas gnas so/ /bar gyi bskal pa nyi shur 'jig go /bar gyi bskal pa nyi shur 'jig rten gyi khams zhig gnas so/ /de ltar bar gyi bskal pa brgyad cu la bskal ba chen po gcig ste/ bskal pa chen po grangs med pa gsum gyi sangs rgyas nyid do zhes bya'o/ /'di'i don ni 'di yin ste/
gong nas gong du bcur bsgyur ba'i drug cu'i gnas na gnas pa'i grangs ni grangs med pa ste/ grangs med pa zhes bya ba grangs su bgrangs ba'i grangs med pa'o/ /bskal pa chen po kho na bgrang ba'i bskal pa chen po grangs med pa gsum po'i grangs de rnams kyi sangs rgyas kyi byang chub thob par 'gyur
ro zhes bya ba yin no/ /bskal ba grangs med pa bye ba rnams kyis rnyed par dka' ba de ci zhig ce na/ sangs rgyas nyid ces bya ba gsungs te/ sangs rgyas nyid ni byang chub yin la/ de yang chos kyi sku brnyes par gyur pa dang longs spyod rdzogs pa'i sku brnyes par gyur pa dang/ sprul ba'i sku
brnyes pa ste rnam pa gsum mo/ /de la ye shes kyi tshogs kyi dbang gis zag pa dang bcas pa'i chos thams cad kyi sa bon yongs su zad cing gnas yongs su gyur pa'i mtshan nyid sangs rgyas kyi yon tan thams cad kyi sa bon gyis rten spros pa med cing snang ba med pa rab tu gsal
ba tsam gsal zhing yang dag par gsal ba'i 'gro pa'i don gyi bya ba nus pa rang bzhin gyi rtag pa nyid kyis rtag pa'i sku brnyes pa ni chos kyi sku brnyes par gyur pa'o/ /shin tu yongs su dag pa'i sangs rgyas kyi zhing rnams su dpe med pa'i skyes bu chen po'i mtshan sum cu rtsa gnyis dang dpe byad brgyad
cus rnam par mdzes shing/ byang chub sems dpa' sems dpa' chen po 'phags pa rnams dang thabs gcig tu dam pa'i chos kyi longs spyod chen po'i dga' bas tshim zhing bde ba kun nas rdzogs la/ /rgyun mi 'chad pas rtag pa nyid kyis rtag pa dag pa 'jig rten pa'i sku brnyes pa ni longs
spyod rdzogs ba'i sku brnyes bar gyur pa'o/ /'gro ba mdza' dag gi don sgrub pa'i ched du 'ga' zhig tu bltams pa dang/ 'ga' zhig tu byang chub kyi spyod pa dang/ 'ga' zhig tu byang chub pa dang/ 'ga' zhig tu chos kyi 'khor lo bskor ba dang/ 'ga' zhig tu mya ngan las 'da' bar ston
pa sangs rgyas la sogs pa'i gzugs kyis gdul bya dang 'thun par bzhugs pa rgyun gyis rtag pa nyid kyis rtag pa'i gzugs kyi sku brnyes ba ni sprul ba'i sku brnyed par gyur pa'o/ /gzugs kyi sku gnyis brnyes pa yang bsod nams kyi tshogs kyi dbang gis yin par rigs par bya ste/ de dag ni
sangs rgyas nyid do/ /brtson ldan zhes bya ba la brtson pa ni gus pa dang bcas shing rgyun mi 'chad bar yun ring du goms pa ste/ de 'di la yod pa'i phyir brtson ldan no/ /brtson ldan de la tshe 'di nyid de mthong ba'i chos la steng bar byed cing rab tu sbyin par byed do/ /zhes bya ba'i don to/ /yang
gsungs pa/ phar phyin tshul la nyon mongs rnams kyi yun rings 'bras bur 'gyur/ /sngags kyi tshul la nyon mongs med pa kho nar myur du grub/ /ring dang thung ba'i stobs ldan dang po 'di la yid ches pa'i/ /dad pa 'phel byas blo ldan rnams kyi lam ni gzhan yin no/ /zhes so/ /rtag
par yang ni zhes bya ba la sogs pas slob mas rtag tu bya ba gsungs te/ rtag par yang ni dam tshig bstan/ rtag par ni rgyun du ste/ yang gi sgra ni nges par gzung ba la'o/ /dam tshig ni bshad zin to/ /bstan ni gnas bar bya ba'o/ /de bzhin nyid du gshegs nas de byon bas de bzhin gshegs
ba yin pa'am/ yang na sems can gyi don gyi rgyur gshegs pa de bzhin du sems can gyi don mdzad nas byon pa'i phyir de bzhin gshegs pa ste/ sangs rgyas rnams so/ /rtag tu ste nyi ma so sor mchod dang ni sna tshogs pa'i mchod pa rnams kyis mchod par
bya'o/ /rtag tu ni dus thams cad du'o/ /bla ma ste slob dpon la dngul ba ni stob cing sbyin bar bya'o zhes bya ba'i don to/ /sangs rgyas byang chub sems dpa' rnams yod bzhin du ci ltar bla ma la dbul po zhes bya zhe na/ 'di ni zhes bya ba la sogs pa 'dir gsungs pa yin te/ 'di zhes
bya ba ni bla mar bshad pa'o/ /ni ni gang gi phyir gyi don to/ /sangs rgyas kun ni de bzhin gshegs pa thams cad de/ 'dra ba ni mtshungs pa'o/ /de bzhin gshegs pa la sogs pa ni dag chags dang bcas pa'i sgrib pa thams cad spangs shing shes bya thams cad thogs pa
med par mkhyen pa yin la/ gzhan ni dman pa'i sgrib pas chos thams cad kyi ngo bo nyid ma rig pa yin na ji ltar na de dag dang 'di la mtshungs pa nyid yid ce na/ chos nyid kyi lus kyis mtshungs pa nyid kyi phyir te/ chos nyid ni gnyis kyis stong pa nyid de rtag tu de kho na bzhin bu
yod pa'i phyir de bzhin nyid do/ /yang gsungs pa/ de bzhin gshegs pa rnams byung yang rung ma byung yang rung ste chos rnams kyi chos nyid chos gnas pa nyid 'di ni gnas pa nyid do zhes so/ /'phags pa'i de bzhin nyid dang slob dpon gyi de bzhin nyid dag la dbye ba med de/ de bas na bla
ma dang sangs rgyas thams cad 'dra ba yin no/ /yang gsungs pa/ de bzhin gshegs pa'i de bzhin nyid gang yin pa dang so so skye bo'i de bzhin nyid gang yin pa 'di ni gcig ste/ gnyis su med cing gnyis su byad med do zhes so/ /gal te de lta na seng ge dang 'phrog byed dang dbyig gi snying
po la sogs pa'i lha rnams dang so so'i skye bo rnams dang de bzhin gshegs pa rnams kyang mtshungs par 'gyur ro/ /bden mod kyi de lta na yang de rnams la byang chub kyi sems ma skyes pa nyid yin pas 'di lta bu rnams la phyag dang mchod pa bya bar ma bshad de/ byang chub kyi sems
kyi rang bzhin la de bzhin gshegs pa zhes bya ba/ /yang gsungs pa/ gang zhig byang chub sems bskyed gti mug gis/ /bde gshegs min la phyag byed dge 'dun lha/ de rnams de la byams min sems skye ste/ sngags su gyur pa bcom nas grub pa min/ /drag dbang brgya phyin drung skra sogs
kyang rung/ /'jig rten lha de dag ni phyag 'os min/ /de chos bsten min de ni gya nom min/ /de dag rtags 'chang rnams kyang mchod bya min/ /sdang ba'i chos kyis brtul zhugs mi spyod cing/ /de yi de lta'i spyod la dga' mi bya/ /de dag bstod pa mi 'don sngags mi zla/ /nga rgyal spangs nas snying
rje'i sbyin pa byin/ /zhes so/ /yang na de rnams la sangs rgyas kyis rigs med pa'i phyir/ /de dag la sangs rgyas lta bur blta ba mi bya ba yin no/ /de rnams la rigs med bar ji ltar shes bar bya zhen/ rtags ma mthong? ba las so/ /sangs rgyas kyi rigs kyi rtags ni med na rnam pa bzhi ste/ spyod
ba'i sngon nyid nas sems can thams cad la snying rje ba dang/ theg pa chen po la mos pa dang/ dka' ba spyad pa la ji mi mnyam pa'i den gyi bzod pa dang/ pha rol tu phyin pa'i tshul gyi dge ba yang dag par spyod pa rnams so/ /de skad du yang/ sbyor ba'i sngon du snying rje dang/ mos pa dang ni bzod pa dang/ /dge
ba yang dag spyod pa ni/ /rigs kyi rtags su nges par bshad/ /ces gsungs pa yin no/ /yang na de rnams kyis bla na med pa'i dbang bskur ba ma thob pa nyid kyi phyir te sangs rgyas kyi rigs can gang bla na med pa'i dbang bskur ba thob pa de nyid de bzhin gshegs pa thams cad kyi mgrin
gcig tu sangs rgyas nyid du lung? bstan pas na sangs rgyas lta bur lta bar bya ba yin no/ /de lta bas na sangs rgyas rigs can byang chub tu thugs bskyed la bla na med pa'i dbang bskur ba thob pa nyid kyi phyir bla ma kho na la sangs rgyas lta bur mchod cing phyag bya'o/ /gang gang zhes bya ba
la sogs pas dbul bar spro ba gsungs te/ gang gang thugs bab cung zad dang/ /gang gang zhes gnyis nyid ni bzlos pa ste/ /dngos po dang/ nor dang 'bru la sogs pa gang dang gang la nye bar sbyar zhing brjod do/ /thugs bab ni lhag par dgyes pa ste/ bla ma bdag nyid kun nas mngon par/
bzhed pa zhes bya ba'i don to/ /cung zad ni ma bstan pa'o/ /shin tu khyad par 'phags pa nyid ni shin tu gtso bo'o/ /de dang de ni dngos po de dang de nyid do/ /nyid ni kho na'i sgra'i don la'o/ /bla mar zhes bya ba ni slob dpon la dbul bar rtogs bar bya'o
ci 'dod pas zhes na/ de nyid mi zad 'dod pa yis/ /zhes bya ba gsungs te/ de nyid ces pa ni gang thugs bab pa'am/ /shin tu khyad par 'phags ba'o/ /de ji 'dra bar snyam pa la/ /mi zad ces bya ba gsungs te/ mi zad pa ni dpag tu med pa'o/ /'dod pa yis ni
mngon par tshol bas te/ slob mas shes pa lhag ma'o/ /dngos po gang dang gang bla ma la phul ba de dang de ni 'di dang phyi mar yang zad par mi 'gyur ro/ /zhes bya ba 'di bstan pa yin no/ /de byin zhes bya ba la sogs pas mi zad pa'i rgyu mtshan gsungs te/ sbyin pa ni bshad
ma thag pa ste/ de ni bla ma de dag pa'o/ /sangs rgyas thams cad ni de bzhin gshegs pa ma lus pa la sbyin par 'gyur ba bstan to/ /rtag tu ni gtan du'o/ /'o na bla ma yang gzhan yin la/ sangs rgyas thams cad kyang gzhan yin na/ /de la ji ltar na bla ma la sbyin
pas sangs rgyas thams cad la sbyin par 'gyur zhe na/ bla ma dang sangs rgyas dag dbyer med pa'i phyir te/ dbyer med pa nyid yin kyang rnam pa tha dad du bshad pas na kho bos 'dir yang brjod par mi bya'o/ /byin pa'i dgos pa ci yin zhe na/ de byin zhes bya ba la
sogs pa gsung? te/ de byin ni bla ma de la byin pa las sam/ yang na de'i thugs la bab pa dang shin tu khyad par du 'phags pa'i sbyin pa de byin pa'o/ /de las bsod nams chogs shes bya ba gsor zhing dag par byed la yang dang yang du phun sum tshogs pa thob par byed pa'i
pa'i phyir bsod nams te dge ba rnams so/ /bsdus nas rgyas pas mchogs te bsod nams kyi tshogs te bsod nams so/ /'gyur ro zhes lhag par brjod do/ /tshogs las ni bsod nams dang ye shes kyi chogs las so/ /dngos grub ces bya ba ni mngon par 'dod pa'i don thob pa ste/ dngos grub de yang
dman pa dang mchog rnam pa gnyis te/ 'di bye brag tu bya ba'i phyir mchog ces gsungs te/ mchog ni thams cad kyi gtso bo phyag rgya chen po'i dngos grub dang yang dag par rdzogs pa'i byang chub kyi dngos grub ces bya ba'i don to/ /slar yang debs shes bya ba la sogs pas bla ma'i
che ba'i bdag nyid gsungs te rgyu mtshan gang gi phyir na bla ma la byin pa las mchog gi dngos grub du 'gyur bde bas na'o/ /slob ma ni nyan pa'i skye bo'am slob bar byed pa'o/ /de ci lta bur gyur pa zhe na/ snying rje gtong? zhes bya ba la sogs pa gsungs te/ snying rje ni brtse ba ste/
de yang sems can la dmigs pa dang chos la dmigs ba dang / dmigs pa med pa rnam pa gsum mo/ /gtong ba ni sbyin pa ste/ /de yang chos kyi sbyin pa dang zang zing gi sbyin pa dang byams ba'i sbyin pa rnam pa gsum mo/ /chul khrims ni tshul khrims 'chal
ba dang bral ba ste/ de yang sdom ba'i tshul khrims dang/ sems can gyi ngan bya ba'i tshul khrims dang/ dge ba'i chos bsdud pa'i tshul khrims rnam pa gsum mo/ /bzod pa ni zhi ba ste/ de yang chos la nges par rtog ba'i bzod pa dang/ sdug bsngal dang du len pa'i bzod pa
dang/ gzhan gyi gnod pa la ji mi snyam pa'i bzod pa rnam pa gsum mo/ /snying rje dang gtong ba dang tshul khrims dang bzod pa ni snying rje gtang ngo/ /tshul khrims bzod pa'o/ /de rnams nying yon tan te/ spel par bya zhing goms par bya bas na/ zhes byas nas so/ /de rnams
'byor pa ni ldan pa ste/ snying rje gtang ngo/ /tshul khrims bzod pa'i yon tan ldan pa'o/ tha dad nyid ni gcig ma yin par ro/ /mi zhes pa ni dgag pa la ste/ kho na'i sgra ni nges par bzung ba la'o/ /bya'o ni sgrub ba'o/ /bla ma zhes bya ba ni slob dpon te/ rdo rje 'dzin pa ni rdo rje
sems dpa' o/ /rang? gi sgra ni kun bsdu ba la'o/ /'di skad du bstan par gyur pa yin te/ snying rje la sogs pa'i yon tan dang ldan par gyur pa dngos grub 'dod pa'i slob mas/ bla ma yang gzhan la rdo rje 'dzin pa yang gzhan no snyam du rmi lam du yang rnam pa thams cad bsam
par mi bya ste/ des ji ltar bsam par bya na/ gang kho na bla ma yin pa de kho na rdo rje 'dzin pa yin no snyam du bsam par bya ba yin no/ /yang gsungs pa/ de nyid rtag tu rdo rje 'chang/ /de bzhin gshegs pa rin chen tog /de ni ye shes rgya mtsho che/ /don
chen sbyin pa'i yid bzhin nor/ /zhes so/ /da ni mchod rten zhes bya ba la sogs pas bla ma'i che ba'i bdag nyid bshad pas slob ma 'dul bar byed pa gsungs pa ste/ mchod rten ni mchod rten no/ /de bshig pa ni rnam par bcom zhing drangs phyung ba zhes bya ba'i
don to/ /de las sdig par 'gyur la de las 'jigs shing sdug bsngal dang bcas par 'gyur te/ des na mchod rten gshig 'dra'i sdigs? 'jigs pas so/ /gring ma yang ni gzugs brnyan yang ngo/ /'gong bar mi bya ba ni 'da' bar mi bya ba'o/ /lham
stan zhes pa la lham ni mchil lham mo/ /stan ni gdan no bzhon pa ni khyogs la sogs pa ste/ 'dis 'gro bar byed do zhes byas nas so/ /sogs pa'i sgras ni gos dang rgyan la sogs pa rnams kyang ste/ lham dang stan dang bzhon pa la sogs pa rnams ni
lham bstan bzhon pa la sogs rnams so/ /de dag 'gong ba ni lham dang stan dang bzhon pa la sogs pa de dag dgongs pa'o/ /ni'i sgra ni bye brag la'o/ /smros cing gos ni gtam des ci bya ste brjod mi dgos so zhes bya ba'i don no/ /slar yang de nyid blo
gros chen po zhes bya ba la sogs pa gsungs te/ blo gros ni blo yin la che ba ni rgya che ba ste/ /gang gi blo gros che ba de yis te thogs pa med pa'i blo yis bya ba'i don to/ /dga' sems kyis ni yang rab tu dga' bas so/ /bla ma ste slob dpon gyi bka' ni rjes su
bstan dang gsungs pa zhes bya ba'i don to/ /'bad de ni bsod nams 'dod pas so/ /bya ni bsgrub par bya ba'o/ /mi nus pa ni rgyu dang 'bras bu mi nus shing mi bzod pa'o/ /tshig sbyan ni zhu bar bya ba'o/ /de la zhes pa ni bla mar
bstan pa'i bla ma de la'o/ /sgrub par byed pa'i dpe dang 'byor bas na rigs pa yis so/ /ni'i sgra ni khyad par la'o/ /mi nus pa nyid ni mi bzod pa nyid do/ /dgongs pa ni 'di yin te/ gang bla mas gsungs pa de nyid bzod na de nyid slob mas 'bang nas bsgrub par bya'i/
gal te yang nus pa med cing mi lcogs la rgyu gzhan gyis kyang bya bar mi bzod par gyur par de'i tshe mi dge ba la 'jigs pas de'i rgyu mtshan go bar bya ste bdag la 'di'i nus pa yod pa ma yin no/ /zhes bla ma la brjod par bya ba yin no/ /bla mas shes bya
ba la sogs pas mnyes par byas pa'i phan yon gsungs ste/ bla mas ni slob dpon las so/ /dngos grub ni 'dod pa'i dngos grub thob par 'gyur ba ste/ de yang 'jig rten pa dang 'jig rten las 'das pa rnam pa gnyis so/ /de la ral gri dan mig sman
dang rkang pa byug pa la sogs pa ni 'jig rten pa'o/ /byang chub gsum thob pa ni 'jig rten las 'das pa'o/ /dngos grub de rnams thob par 'gyur zhing yang dag par rnyed par 'gyur te/ bla ma ni sangs rgyas dang 'dra ba nyid kyi phyir ro/ /bla ma yis mtho ris ni bla na
bshad pa las te/ mtho ris ni lha'i 'jig rten no/ /de yang 'dod pa'i khams dang gzugs kyi khams dang gzugs med pa'i khams te rnam pa gsum mo/ /de la 'dod pa'i khams ni rnam pa drug ste/ rgyal chen rigs bzhi dang/ sum cu rtsa gsum dang/ 'thab bral dang/
dga' ldan dang/ 'phrul dga' dang/ gzhan 'phrul dbang byed rnams so/ /gzugs kyi khams kyang rnam pa bzhi ste/ bsam gtan dang po dang/ bsam gtan gnyis pa dang/ bsam gtan gsum pa dang/ bsam gtan bzhi pa rnams so/ /de la bsam gtan dang
po la gnas gsum ste/ tshangs ris dang/ tshangs pa 'dun na 'don dang/ tshangs chen rnams so/ /bsam gtan gnyis pa la gnas gsum ste/ 'od chung dang/ tshad med 'od dang/ 'od gsal rnams so/ /bsam gtan gsum pa la gnas gsum ste/ dge chung
dang/ tshad med dge dang/ dge rgyas rnams so/ /bsam gtan bzhi pa la gnas brgyad de/ sprin med dang/ bsod nams skyes dang/ 'bras bu che dang/ mi che ba dang/ mi gdung ba dang/ gya nom snang dang/ shin tu mthong dang/
'og min rnams so/ /de la gsum ni so so skye bo'i gnas yin la/ /lnga ni gnas gtsang ma rnams so/ /gzugs med pa'i khams kyang rnam pa bzhi ste/ nam mkha' mdza' yas skye mched dang/ rnam shes mdza' yas skye mched dang/ ci yang med
ba'i skye mched dang/ 'du shes med 'du shes min gyi skye mched rnams so/ /mtho ris kyi 'jig rten de dag thob par 'gyur te/ bla ma ni chos kyi ngo bo yin pa'i phyir ro/ /bla mas bde ba ste/ bla ma ni bshad zin la/ bde ba ni 'dra ba ste de yang 'jig rten
dang 'jig rten las 'das pa rnam pa gnyis so/ /de la rgyal srid kyi bde ba dang lha'i bde ba ni 'jig rten pa'o/ /thar pa'i bde ba ni 'jig rten las 'das pa'o/ /bde ba de dag yang dag par thob ste/ bla ma ni dge 'dun gyi ngo bo nyid yin pa'i phyir ro//
mngon par 'dod pa'i 'bras bu skyed par byed pa nyid kyi phyir na bla ma ni dkon mchog gsum gyi ngo bo nyid kho na'o/ /de bas na mngon par 'dod pa gang dang gang yin pa de dang de de las slob mas thob par 'gyur ro/ /snang ba rdo rjer 'chang ba las kyang
gsungs pa/ bla ma sangs rgyas bla ma chos/ /bla ma dge 'dun bla ma pa?/ bla ma sbyin bdag gtso bo ste/ /bla med yid bzhin nor bu yin/ /zhes so/ /de bas shes bya ba ni/ rgyu mtshan gyi phyir bshad zin pa'i bla ma las dngos grub las sogs pa'i 'bras
bu kho nar 'gyur ba de bas na 'bad pa thams cad kyis te/ gnas skabs thams cad du yang dag pa'i bsod nams don du gnyer bas shes bya ba'i don to/ /bla ma ste slob dpon gyi bka' ste rjes shes bya ba'i don to/ /bla ma ste slob dpon gyi bka' ste rjes
bya'o/ bla ma'i zhes bya ba la sogs bas tshul khrims gsungs te/ bla ma bshad zin pa'i rdzas ni nor te/ de yang nang gi nor dang/ phyi'i nor rnam pa gnyis so/ /de la gser dang dngul la sogs pa ni nang gi nor ro/ /zhing dang khyim la sogs pa phyi'i
nor ro/ /srog ni srog gi dbang po yin la/ ji bzhin gyi sgra ni 'dra ba nyid do/ /srog ji bzhin ni srog gi dbang po dang 'dra'o/ /de yi sdug ba'ang bla ma bzhin zhes bya ba la bla ma bzhin ni bla ma lta bur ro/ /'ang yig ni kun bsdu pa la'o/ /bla ma de'i sdug pa ni dgyes pa'i
btsun mo ste/ de ni de'i sdug ma'o/ /de'i 'jig rten yang gnyen bzhin du/ zhes bya ba la bla ma de'i 'jig rten ni nye 'khor ro/ /yang yig ni kun bsdu ba la ste yang na tshig rdzogs pa la'o/ /mnyam par gzhag bas te rnam par g.yeng pa med pas rtag tu ste
rgyun du blta zhing brtag par bya'o/ /'di skad du bstan pa yin te/ slob ma mnyam pr bzhag pas ji ltar rang gi srog bsrung ba de bzhin du bla ma'i rdzas kyang bsrung bar bya la/ ji ltar bla ma la bkur sti byed pa de bzhin du bla ma'i btsun mo la yang de bya zhing ji lta ba
rang gi gnyen rnams mgu bar byed pa de bzhin du bla ma'i 'khor rnams kyang mgu bar bya ba dag rtag par ro/ /mal zhes bya ba la sogs pas lus kyi sdom pa gsungs te/ mal ni stan yin la/ de la 'dug pa ni steng du gnas pa ste/ mal la 'dug pa de ni mal
'dug go / sngon te mdun la 'gro ba ni sngon du 'gro ba'o/ /gtsug tor ni mgo dkris so/ /dbyangs pa ni bla gos kyi rnam pas sam dpal gyi dang dbyangs bcings te stan la 'dug pa'o/ /mi bya ba ni mi bsgrub pa ste/ snga ma dang phyi mar sbrel lo/ /stan la rkang pa ni gdan
la rkang pa'o/ /rked bar lag cis pa ni/ rked pa ste tshang ra la lag pa ni rked lag go /yang na rtsibs logs su dpung pa dang lag pa dag bkod pa la rked lag tu brjod do/ /yang na rgyab las 'og gi rked pa der lag pa zhes bya ba'i don te de ni rked lag go /dang ni kun bsdu
ba la'o/ /snye ba ni sngas la ste bla ma'i drung du'o/ /zhes bya ba'i don to/ /yang de nyid gnyid ces bya ba la sogs pa gsungs te/ gnyid log pa ni mal du'o/ /'am gyi sgra ni phyogs gzhan pa la'o/ /'dug pa min ni sdod par mi bya
ba ste/ min ni dgag pa la'o/ /gnas par bya ba ni 'dug par bya ba'o/ /bla ma ni ston pa ste/ bzhengs pa ni gyen du son zhing 'greng ba'o/ /mkhas pa ni nges pa'o/ /rtag tu ni dus thams cad du de'i bya ba ste bla ma'i bya ba rnams la spro zhing nus pa dang bstun
nas ldang ba phun sum tshogs par bya bar 'gyur te/ slob mas shes lhag ma'o/ /mchil ma zhes bya ba la sogs pas/ de nyid dag gi sdom pa dang sbyar nas gsungs te/ mchil ma la sogs pa ni lung pa la sogs te sogs pa'i sgras dar
snabs dang so dang lce'i dri ma rnams kyang ngo/ /'dod pa ni phyir 'byin pa'o/ /stan te gdan la rkang pa rkyong ba ni rkang pa rnam par 'byed pa'o/ /cung zad 'chag pa ni zhes pa la cung zad kyi sgras 'gro ba dang 'ong ba'o/ /rtsod par smra ba ni mi mthun pa'i tshig gi ca co'o/ /dang
yig ni kun bsdu ba'i don to/ /ston pa'i spyan snga ni mdun te mngon par ro/ /mi bya ba'o ni mi sgrub pa'o/ /phan tshun phrad pa'i zhes bya ba la sogs pas lus dang ngag gi sdom pa gsungs te/ phan tshun ni gcig gcig dang ngo/ /phrad pa'i gtam ni ji skad thos pa
lhan cig tu smra ba'o/ /glu ni dbyangs su len pa yin la rol mo ni pi wang dang rdza rnga brdung ba la sogspa dang gar ni dgeg chos te mi bya ni mi bya ba kho na'o/ /gtam gyi brjod pa ni sde ris kyi gtam mo/ /mi bya'o ni dgag pa ste mi sgrub pa'o/ /thos pa'i nye 'khor ni
gsan pa'i yul du ste/ bla mas zhes bya ba ni lhag ma'o/ /btung te zhes bya ba la sogs pas 'jug pa'i tshul khrims gsungs te/ btud de ni phyag byas nas so/ /stan te gdan la ldang zhing langs pa na dang 'byung zhing phyir 'gro ba na gus shing ri mor bya
ba ste/ gzhen phyogs pa la sogs pas shes bya ba'i don to/ /mtshan mo ni nam la'o/ /chu ni chu bo'o/ /'jig bcas lam ni 'jigs pa dang ldan pa'i shul lo/ /zhus shing gsol ba btab nas bsgo ba ste bka' yis so/ /mdun ni sngon la 'gro bar bya'o/ /slob dpon zhes
bya ba las sogs pas ldog pa'i tshul khrims gsungs te/ blo dang ldan bas ni blo gros dang ldan pas so/ /lus bcu pa ni khog pa g.yo ba ste/ min ni brtan por bya'o zhes bya ba'i don to/ /ka ba la ni brten pa min ni ka ba la mi brtan zhing mi snye ba'o/ /ka ba ni mtshon
pa ste rtsig pa dang mi la sogs pa rnams la yang brten par mi bya'o/ /sor mo ni lag pa'i sor mo ste/ bkas pa ltar 'byed cing rnam par rgyas par mi bya'o/ /slob dpon ni ston pa'o/ /gzigs pa ni spyan lam du'o/ /mdun ni spyan sngar ro/ /rkang pa bkru? dang zhes bya ba 'di
nas brtsams te/ slob mas bla ma la ji ltar rigs pa bya ba de gsungs pa yin te/ rkang pa bkru ba ni chu'i zhabs kyi dri ma med par byed pa'o/ /lus bsku ba ni til mar gyis byugs pa'o/ /de ni rkang ba bkru ba yang yin la lus bkru ba yang yin pas rkang pa bkru dang lus bsku
ba dang ngo/ /dril ba ni dri la sogs pa'i tshigs mas dril ba'o/ /mnye ba dri ma sel ba'o/ /sogs pa'i sgras ni dal bus 'tshing ba dang dag pa yang ngo/ /dril ba dan dang mnye ba dag la sogs pa ni dril dang mnye ba la sogs pa'o/ /dang gi don la ai ka byas nas dril dang mnye la
sogs nyid do/ /de la bya ba'o/ /ji lta bur gyur bas zhe na/ phyag ni sngon du 'gro bas shes bya ba gsungs te/ 'di la phyag gi mdon par brjod pa sngon nas yin pa de ni phyag sngon du 'gro ba yin pa 'am/ yang phyag sngon du 'gro ba ni bya ba'i k khyad par ro/ /de bzhin mthar
zhes bya ba ni/ ji ltar mngon du phyag byas pa de bzhin du mthar te/ rkang ba bkru ba la sogs pa'i mthar phyag dang bya ba bya'o zhes bya ba dgongs so/ /bya ba ci zhe na/ ci bdir zhes bya ba gsungs te/ bde ba las ma 'das pas ji ltar rigs par ro/ /dgongs pa ni 'di yin te
gal te bla ma gnod par 'gyur ba 'am 'dzin pas bde bar 'gyur na/ de'i tshe de lta bu'i zhabs bkru ba la sogs pa bya ste/ 'bras la mi gnod par 'gyur pa de'i che de lta bu nyid do/ /mgon de zhes bya ba la sogs pa la/ /mgon de bzung nas mi
brjod kyi/ /zhes bya ba bzung ba ni len pa'o/ /mi ni dgag pa la'o/ /brjod pa ni rim par 'don pa'o/ /de mtshan zhes bya ba ni bla ma de'i mtshan du btags pa de ni de mtshan no/ /de ji lta bus gzung zhe na/ /mtshan mthar zhal snga sbyar pa ste/ /zhes bya ba gsungs te/
mtshan kyi mdza' ste tha ma ni mtshan mdza' o/ /mtshan mdza' de dang zhal snga'i sgra mnyam par son pa'o/ /'di lta ste/ dpal rin chen 'byung gnas zhi bzhes pa 'di la zhi ba'i zhal snga nas shes bya ba'o/ /gal te de lta bu'i go bar ma gyur na de'i tshe ji ltar bya ste?
na/ gzhan gyis go bar bya ba'i phyir/ khyad par gyis ni tshig brjod do/ /zhes bya ba gsungs te/ 'dis khyad par du byed pa'i phyir/ khyad par ni bye brag go /tshig ste ngag ge/ gzhan te pha rol po dag gis go bar bya zhing yongs su shes par bya ba'i phyir du'o/ /?
pa ni 'di yin te/ gnas che ge mo dang khyim gyi gnas che ge mo dang 'dug sa che ge mo dang/ spyod lam che ge mo dang/ nye 'khor che ge mo dang/ dkar ba'am gnag pa dang/ ring ba dang thung ba dag ste/ de lta bu'i yon tan gyis khyad par du byas pa zhes bya ba la
sogs pa'i tshig smra bar bya ste khyad par kho na'i so zhes bya'o/ /bla ma la zhes bya ba la sogs pa la bla ma ni ston pa'o/ /bka' ni rjes su bstan pa'o/ /rtsol ni gsungs shes pa ste/ bka' ci lags shes bya ba dang/ zhal lta ci lags shes bya ba'o/ /zhu
ba ni myur ba ste bya ba'i khyad par ro/ /thal mo sbyar ba byas gyur nas/ shes bya ba la/ mdzes pa'i thal mo sbyar ba ste/ thal mo sbyar ba dang bcas shing 'dab ma bcing ba zhes bya ba'i don to/ /gyur nas shes bya ba ni gnas su bkod nas so/ /bka' ni legs par
gsungs pa'o/ /bgyid pa ni dang du len pa'o/ /bla ma ni slob dpon gyi'o/ /lag pa ni thal mos so/ /kha ni kha sgo ste/ dga' ba ni 'gebs pa'o/ /kha ci 'dri bzhin/ rgod lud skyigs bu la sogs nyid/ /ces bya ba ste rgod pa ni gad mo'o/ /lud pa ni lung pa 'thon pa ste/ dbugs
yang dang yang dang sags pa la sogs pa'i skyigs bu ni aig bu'o/ /sogs pa'i sgras rnyil dang so dang lce'i dri ma rnams kyang ngo/ /sogs pa kha na sogs pa nyid do/ /rgod ba dang lung pa dang skyigs bu la sogs pa nyid ni rgod lung skyigs bu la sogs nyid de/ de gang la yod pas
la de skad ces bya'o/ /kha gcig ni rgod lung skyigs bu la sogs pas/ shes 'don te/ 'di ni sapta mi yod pa'o/ /snyan pa'i tshig ni zhes pa las tshig ni dag yin la snyan pa ni yid 'phrog pa ste de bya bas na bya zhes so/ /bde pa'am ni med pa'o/ /dang yig las
gzhan yang ngo/ /zhug ni yongs su dri ba'o/ /'di skad du bstan pa yin te/ snga dros tsho nam la bde 'am zhes dang/ gung gi tshe bza' bas bde'am zhes dang/ phyi dros tshe gdugs la bde 'am zhes pa'o/ /bzhugs pa ni gnas pa'i/ /gzims ma la bde 'am zhes kyang
gus pa dang bcas pas snyan pa'i tshig nye bar phyung nas bla ma la dri bar bya'o/ /mdun du zhes bya ba la sogs pa la mdun ni mngon sum du'o/ /dul ba ni mnyam par bzhag pa'o/ /'dug pa ni nye bar 'khod pa'o/ /gos dang spyi bo skyes rnams bsdams/ /shes pa ni gos
mnab pa rnams dang spyi po skyes ni skra rnams so/ /gos rnams dang spyi bo skyes rnamS bsdams pa ni sdom pa ste/ gang gi gos dang spyi bo skyes rnams bsdams pa'o/ /nyan sogs 'dod la zhes bya ba la sogs pa la/ nyan sogs 'dod pa ni thos pa yang dag par 'dzin 'dod pa'o/
pus mo ni brla'i brten no/ /btsugs pa ni sa la bzhag pa ste der bur mo btsugs pa'am de nas so/ /gang gi mdzes pa'i thal mo sbyar ba byas pa de ni pus btsugs thal mo sbyar ba yis so/ /gsol gsum bya ni gsol ba lan gsum du 'debs par bya'o/ /'dis ni 'di skad du
bstan par gyur pa yin te/ dam pa'i chos nyan par 'dod pa'i slob mas bla ma'i zhabs la phyag byas te/ bla gos phrag pa gcig tu byas nas thal mo sbyar te gsol pa lan gsum du ni gdab par bya'o/ /'di skad du yang brjod par bya ste/ slob dpon dgongs su
gsol/ /ji srid sems can du bsdu bas bsdus pa'i sems can de rnams kyi don gyi phyir dang phan par bya ba'i phyir dang bde par bya ba'i phyir dang/ ji srid shin tu mthar thug pa'i mya ngan las 'das pa de bzhin gshegs pa'i ye shes la rab tu 'god pa'i phyir/ bdag la
chos kyi rnam grangs che ge mo zhes bya ba gsol zhing rab tu gsal bar bstan du gsol zhes so so bsnyen bkur zhes bya ba la sogs pa la bsnyen bkur spyod pa thams cad la/ yid ni nga rgyal med par bya zhes pa ni bsnyen bkur ni gzhan gyi rjes su 'jug pa'o/ /de rnams
kyi spyod pa ni rab tu 'jug pa'o/ /bsnyen bkur yang yin spyod pa yang yin thams cad kyang yin pas bsnyen bkur spyod pa thams cad do/ /nga rgyal med pa'i yid gang gi yin pa de ni yid ni nga rgyal med pa ste kun nas mtho ba'i sems dang bral ba zhes bya ba'i don/ /de
rnams bya ni bsgrub par bya ba'o/ /bu mo gzhon nu'i tshul zhes bya ba la sogs pa la/ bu mo gzhon nu ni bag ma gsar pa ste/ de'i tshul ni lus dang ngag dang yid mnyam par bzhag pas rab tu spyod pa'i kun tu spyod pa'o/ /bu mo bzhon nu de'i tshul du gnas par bya'o
zhes sbyar te/ gnas pa ni 'dug par bya ba'o/ /spyod lam dang spyod lam zhes pa lhag ma'o/ /spyod lam ji lta bur gyur pa zhe na/ ngo tsha ldan dang 'jigs pas shes bya ba gsungs te/ ngo tsha'i spyod lam ni chos kyi dbang du byas nas kha na ma tho pas ngo tsha ba ste de la
zhugs pa'o/ /'di la de shes pa yod pa'i phyir na ngo tsha ldan no/ /'jigs pa ni 'jigs par gyur pa ste de ni mdor bsdu na chang pas 'jigs pa dang gzhan gyi skur bas 'jigs pa dang/ ngan song gi 'jigs pa dang/ chos nyan pa ma thob pa'i 'jigs pa dang rnam pa bzhi'o
snga ma bzhin du spyod lam las 'jigs pa'o/ /bsdam ni sdom pa ste mi 'da' ba' i phyir ro/ /yang na sems kyi sdom pas ngo tsha ldan no/ /ngag gi sdom pas ni 'jigs pa'o/ /lus kyi sdom pas ni bsdams pa'o/ /sgeg pa la sogs shes pa la sgeg pa la sogs pa'i yul la
chags pa la sogs pa'i bya ba sde rab tu 'jug pa ni sgeg pa la sogs bya'o/ /yang na sgeg pa la sogs bya ba zhes pa sgeg pa dang dpa' ba dang mi sdug pa dang/ drag shul dang 'jigs ma rnams dus ma yin zhing don med pa'i nyams kyi bya ba gnod pa'i gtam rnams
so/ /sgeg sogs nyid kyi rnam pa zhes gzhan dag 'don to/ /kun ni ma lus pa'o/ /spang bar bya ba ni dor bar bya ba'o/ /ston pa'i mdun ni bla ma'i spyan sngar ro/ /gzhan yang de 'dra'i zhes bya ba la sogs pa la/ gzhan yang ni gzhan dag kyang ngo/ /de 'dra'i ni sgeg pa la sogs
pa dang 'brel pa'i bya ba 'di lta bu'o/ /bya ba ni bya bar gyur pa ste/ rang gi brtags nas ni bdag nyid kyis yongs su phye nas 'di lta bu ni bya pa'i cha ma yin no snyam du don bar bya zhing yongs su spang bar bya'o/ /rab gnas shes bya ba la sogs pa la/ rab gnas ni mchod
rten dang sku gzugs dang thang ka ngang glegs bam dang khang bzangs la sogs pa rnams la lha gzhug pa'o/ /dkyil 'khor ri mo'i dkyil 'khor ro/ /sbyin bsreg ni mes mchod pa'o/ /'chad pa ni chos ston pa'o/ /slob ma gzung ba slob ma la dbang bskur ba'o/ /rjes
ma gnang bar zhes bya ba ni rjes su ma gnang ba ste gzhan du gsungs pa'o/ /mi bya ba ni bsgrub par mi bya ba ste/ grong gang du slob ma gnas pa gtan du pa'i grong der ro/ /grong der bla ma ston pa bzhugs pa na ste/ byas pa gzo zhing byas pa shes pa'i slob dpon gyi sdom pa
dang ldan pa'i slob mas shes bya ba'i don to/ /rjes su gnang na grong der dang rjes su gnad pa las gzhan gyis gnang du rab tu gnas pa dang dkyil 'khor la sogs bya bar rigs/ /zhes bya ba 'di gsungs pa yin no/ /rab tu gnas pa la sogs pa las
gang byung ba'i rdzas de ji ltar bya zhe na/ rab gnas shes bya ba la sogs pa gsungs te/ rab gnas dang dkyil 'khor dang sbyin sreg dang 'chad pa dang slob ma 'dzin pa na ji ltar rnam pa gang gis rnyed pa byung ba'o/ /ji ltar rnyed ces kha cig go/
de la gang zhes pa ni rnyed par bstan pa'o/ /de lta bu de ni dbul bar bya ste go bar bya'o/ /kun ni thams cad do/ /de yis de las shes bya ba la sogs pa ni bla ma nges rnyed pa'i nor gyi nang de nas bzhed cing mngon par 'dod pa blangs nas gzhan te blangs pa'i lhag ma
gzhan rnams ni ci bder te rnam pa gang gis slob ma bde ba de lta bur bya'o/ /bla ma'i zhes bya ba la sogs pa ni bla ma'i slob ma ni bla ma'i slob ma rnams te bla ma'i slob ma dag go/ dang yig ni tshig sbyor ba'o/ /slob ma ni rang dang nye bar gnas pa ste slob ma dang nye
bar gnas pa'o/ /bla ma'i mdun du mi bya na mi sgrub pa'o/ /bsnyen bkur zhes bya ba la sogs pa la/ bsnyen ni rim gro'o/ /de ci zhe na/ khrus sogs shes pa ste/ khrus te mngon par 'thor ba gang gi dang po yin pa ni khrus sogs te/ sogs pa'i sgras ni lus
dril ba dang mnye ba dang rkang pa bkru ba la sogs pa yang ngo/ /bsnyen bkur gyi khyad par ci zhe na/ phyag sogs nyid ces bya ba gsungs te/ gang gi dang po phyag yin pa de ni phyag sogs nyid de rang gi don la ka'o/ /khrus la sogs pa dang
phyag la sogs pa ba'i bsnyen bkur slob mas sam gzhan gyis kyang rung ste/ bla ma ston pa'i spyan sngar ste mdun du bzlog par bya zhing dgag par bya'o/ /gang zhig cung zad ces bya ba la sogs pa la/ gang zhig ni dbul bar bshad pa'o/ /cung zad ni
ma gshad pa'o/ /bla ma'i phyir ni ston pa'i ched du'o/ /dbul ba ni sbyin par bya ba'o/ /blang bar bya ba ni gzung bar bya ba'o/ /bang gi sgra ni kun bsdu ba la'o/ /gang zhes pa ni blang bar bshad pa'o/ /bla mas ni ston pas te mngon sum du'o/ /btud nas de ni lag
gnyis kyis/ /shes pa ni btud nas phyag byas nas so/ /lag gnyis kyi ni lag pa zung gis so/ /de ni zhes pa ni dbul bar bya ba dang blang par bya ba'o/ /dbul bar bya ba ni sbyin par bya ba yin la blang bar bya ni gzung bar bya ba'o/ /dang yig ni kun bsdu pa'i
don to/ /blo dang ldan pa'i ni blo gros ldan zhing mkhas pas shes bya ba'i don to/ /dran pa brjed med ces bya ba la sogs pa la/ brjed med ni dran pa ma nyams pa ste/ sngon nyams su myong ba'i dngos po la gnas nas brjed pa med pa gang yin pa de ni dran pa brjed
med do/ /gyur pa yis ni gyur cing bzhag nas so/ /rang ste bdag nyid kyis kun spyod de 'dul ba la brtson zhing 'bad pa ni rang gi kun spyod la brtson pa'o/ /sdun ni rdo rje'i spun ste bla ma mtshungs par gyur pa rnams so zhes bya ba'i don to/ /yang ni kun sprul? la'o/ /kun?
spyod las 'das pa ni 'dul pa las dgongs pa'o/ /phan tshun ni gcig la gcig gis te/ bzlog par bya ni dgag par bya ba'o/ /dga' zhing gnyen pas na dang/ smad pas kyang ngo/ /'dul ba mngon par shes pas 'di dag ni 'di las bkag pa yin no/ khyed kyis
'di lta bu 'di dag bya ba ma yin no/ /zhes 'jam po'i tshig gis bya ba ma yin pa byed pa'i rdo rje'i spun la bzlog par bya'o zhes dgongs pa yin no/ /bkag pa spyad kyang nyes pa med bstan pa'i phyir na/ dang zhes bya ba la sogs pa gsungs te/ na ba ni nang dang ldan pa'o
bla ma'i bya ba ni bla ma'i bya ba'i rgyu las so/ /rjes su gnang ba ni bla mas bsgob las so/ /rang gi sgra ni phyogs gzhan la'o/ /bka' bar gyur kyang ni bzlog par gyur kyang ngo/ /spyad pas ni bsgrubs pa'o/ /ci byas nas zhe na/ btud nas shes gsungs te/ btud nas ni phyag
byas nas so/ /'dis ni 'di dag bstan par gyur pa yin te/ bla ma gang mngon sum bzhugs sam mi bzhugs kyang rung ste/ de'i bya ba dang bya ba ma yin pa dag la re shig na ba la nyes pa med do/ /rang nyid de'i bya ba la dang dam/ /des bsgo bas kyang rung ste nyes pa med do/ /ji ltar
na nyes par mi 'gyur zhe na/ dge sems la ni ltar bu med/ ces bya ba gsungs te/ dge ba ni ma mthong ba'i dge ba la sems pa'i sems bsam ba gang gi yin pa de ni dge ba'i sems te/ de la dge sems shes bya'o/ /dge bar gyur
pa'i sems la ltung ba med de/ ltung ba med pa ni nyes pa med pa'o/ /nad pa las gzhan pa la yang dge ba'i sems kyis ltung par mi 'gyur ram zhe na/ mi 'gyur ro/ /ci'i phyir zhe na/ 'di ni bsam pa ring ba nyid kyi bkag ba la spyod par byed pa ma yin gyis 'on
ci zhe na/ mi lcogs pa nyid las so/ /gzhan pa dag kyang bla ma'i bya ba yin pas sam/ bla ma'i sgos pas bkag pa la spyod pa byed pa ste/ de dag kyang sems ring ba nyid kyis ma yin gyi bsam pa dge ba kho nas yin no/ /de lta bas na bkag pa la spyad kyang ?
ltung bar mi 'gyur ro zhes bya'o/ /'dir zhes bya ba la sogs pas bsdu ba gsungs te/ 'dir te bla ma bsnyen bkur ba las so/ /mang du ni yang dad yang du'o/ /smras pas ni/ bshad pas so/ /ci zhes bya ba ni spong bas te/ dgos pa med do zhes ba ba'i don to
bla ma ston pa ci 'dra bas dgyes byed de tshim pa byed pa bya bar bshad pa gang yin pa'i bya ba de kho na bshad pa gang yin pa'i bya ba de kho na bshad pa yin no/ /'bad pas ni bsod nams la'o/ /thams cad ni sna tshogs pa'o/ /kun spyod ni nan tan no/ /ci
zhig byas nas she na/ nyes par byed pa kun spang nas/ shes bya ba gsungs te/ nyes par byed ba ni mi dgyes par byed pa kun te mdza' dag spangs shing dor nas gang ge bla ma dgyes par 'gyur ba de bsgrub par bya'i/ gang gi mi dgyes par 'gyur ba
de ni bsgrub par ni mi bya'o zhes dgongs pa yin no/ /dngos grub tses bya ba las sogs pas de'i sngon du 'gro ba'i gtan tshigs gsungs te/ dngos grub ni bshad zin pa/ dpon slob ni bla ma'o/ /rjes 'brang ni rjes ltung bas na slob dpon rjes 'brang pa'o/ /rdo rje
'dzin pa zhes pa la rdo rje ni stong pa nyid de de bzhin nyid do/ /de de'i bdag nyid kyis 'dzin pas na rdo rje 'dzin pa ste/ rdo rje 'dzin pa rdo rje 'chang nges so/ /ji ltar rdo rje'i sgras stong ba nyid brjod ces na/ rdo rje dang mi phyed par chos mthun pa'i phyir te/ yang gsungs pa/ gtan zhing snying
ba khong stong med/ /mi chod mi phyed mtshan nyid de/ bsreg tu med cing 'jig pa med/ /stong nyid rdo rjer brjod par bya/ /zhes so/ /nyid ni bdag nyid kyis so/ /shes nas shes bya ba la sogs pa la shes nas ni 'di dag gam 'di lta bu rtogs so/ /dngos po thams cad kyis
ni rnam pa thams cad kyis sam lus dang ngag dang yid gcig pa nyid kyis so/ /bla ma ni sngon pa'o/ /kun nas yongs su mnyes par bya ste kun nas thams cad du yongs su dgyes par bya'o/ /gang gi phyir dngos grub rnams slob dpon gyis rjes su 'brang ba de'i phyir dngos grub
'dod pa'i slob mas rnam pa ji lta bus bla ma dgyes par 'gyur pa'i rnam pa de bya'o/ /de yongs su dgyes pa las na mngon par 'dod pa'i dngos grub bo/ /bla ma bsnyen bkur ba mngon par brjod nas da ni de yang dag par btad pa'i gnas brtan pa'i phyir/ bsam pa dag pa'i/ /
zhes bya ba la sogs pa gsungs te/ bsam pa dag pa'i slob ma ni/ gsum la skyabs su song pa la/ /zhes pa la dag pa ni dri ma med pa'o/ /bsam pa ste sems 'di'i yin pa de ni bsam pa ste de'i ched du'o/ /bsam pa dag pa'i slob ma ni nye bar gnas pa'o//
gsum pa skyabs shes bya ba ni 'di dag skyobs par byed pa khas blang na nyon mongs pa thams cad dang ngan song thams cad skyob pa'o/ /gsum ni sangs rgyas dang chos dang dge 'dun no/ /gsum po de dag ni gsum la skyabs song/ song ba ni mchis pa'o/ /gsum po dang
skyabs su song ba ni rtogs pa'i sangs rgyas dang chos dang dge 'dun la skyabs nyid du khas blangs pa zhes bya ba'i dod to/ /de la ci zhig bya zhe na/ bla ma'i zhes bya ba las sogs pa gsungs te/ bla ma'i rjes su 'jug pa 'di ste bla ma bsnyen dkur bar gyur gpa 'di dag go/
mgrin par gson pa ni mgrin son te/ mgrin par gnas pa gzhung dang don? no/ /rtogs pa'i phyir du yin pas bya phyir ro/ /de gzhan la mtshon par mi bya'i nye par gnas pa la sbyin par bya zhing btsal bar bya'o/ /zhes dgongs so/ /bya ba gzhan yang
bstan pa'i phyir/ /de nas shes bya ba las sogs pa gsungs te/ de nas zhes pa ni bla ma bsnyen bkur ba bshad pa'i de ma dag tu'o/ /sngags sogs byin pa yis te/ dbang bskur ba byin pas sam/ sngags dang phyag rgya dang bzlas pa dang bsgom pa dang/
dkyil 'khor gyis de kho na nyid las sogs pa bshad pas so/ /dam chos snod du byas nas ni/ /zhes pa la dam chos ni sngags kyi theg pa chen po ste/ de'i 'am de la snod ste snod sbyang du bya'o/ /zhes bya ba'i don te/ byas nas ni bsgrubs nas so/ /
slob ma zhes pa lhag ma'o/ /rtsa ba'i ltung ba zhes bya ba la sogs pa la/ de dag gtso bo yin pa nyid kyis phyir rtsa ba yang yin la mi dge ba nyid kyis phyir ltung ba yang yin pas/ rtsa ba'i ltung ba rnams te/ 'di rnams kyis ltung par byed do/ /zhes byas nas rtsa
eba'i ltung ba'o/ /bcu bzhi ni bdun nyis 'gyur gyis cha'o/ /'di lta ste/ slob dpon la dmod pa dang/ de bzhin gshegs pa'i bka' las 'da' ba dang/ rdo rje'i spun gyis nyes pa brjod pa dang/ sems can yongs su spong ba dang/ byang chub kyi sems bskyed pa
yongs su gtong ba dang/ chos spong ba dang/ snod ma yin pa'i sems can la gsang ba'i chos ston pa dang/ phung po la brnyas pa dang/ rang bzhin gyis yongs su dag pa'i chos la the tshom za ba dang/ gdug pa'i byams pa dang/ rtag pa dang chad pa'i lta pa
dang de dang ba can gyi sems can gyi sems sun 'byin pa dang/ dam tshig mi spyod pa dang/ rang bzhin gyis dag pa'i bud med shin tu dmong pa rnams so/ /rtsa ba'i ltung ba bcu bzhi po 'di dag gsal bar byed pa'i phyir gzhung la yang rtsa ba'i ltung ba bcu bzhi
zhes bya ba klag cing bzung bar bya zhes pa'i don to/ /klag dang bzung ba nyid du bya/ /zhes pa ni gzhung klag pa ste kha don du bya la/ don bzung ba ste sems kyi nges par rtog par bya'o/ /de ltar zhes bya ba las sogs pas bsod nams bsngo ba gsungs te/ de ltar zhes
bya ba ni de ltar ji skad du bshad pa'i rim pa zhes bya ba byas nas so/ /bla ma'i rjes su 'jug pa ni bla ma bsnyen bkur? bar gyur pa'o/ /ci lta bur gyur pa zhe na/ ma lus slob ma zhes bya ba las sogs pa gsungs te/ ma lus pa yang yin la/ slob ma yang yin pas ma
lus slob ma ste/ de rnams la de na pa ni legs pa yin la bskyed pa ni spel ba'o/ /'di la sdig pa'i zug rdu zhi bar byed pa'i tshul khrims yod pa'i phyir/ ma lus pa'i slob ma la phan pa bskyed pa skyon med pa'o/ /deng du dge ba bdag gis gang ba kyis pa/ /des ni
'gro ba myur du rgyal gyur cig / zhes pa la gang zhes pa ni dge ba la bshad la/ deng du da ltar ro/ /dge ba bgyis pa ni legs byas brtsams pa'o/ /bdag gis ni bdag cag gis shes bya'o/ /des ni dge pa nges so/ /'gro pa ni 'jig rten no/ /myur du ni mgyogs
par ro/ /rgyal ba zhes pa ni sdig pa las rgyal pa'i phyir sangs rgyas bcom ldan 'das te/ sdig pa'i chos las nga rgyal bas/ /de pas nyer 'gro nga rgyal bas/ zhes gsungs pa'i phyir ro/ /gyur cig ni shog shig pa'o/ /bla ma'i bsnyen bkur rnam par 'grel pa 'di/ /byas las
bdag la bsod nams gang skyes pa/ /des ni 'gro bas bla ma'i zhabs bsten cing/ /de bzhin gshegs pa nyid du 'gyur bar shog /bla ma lnga bcu pa'i dka' 'grel 'di ni rdzogs so// //rgya gar shar phyogs kyi mkhas pa chen po dpal nags kyi rin chen
gyi bka' drin las/ legs par sbyar ba'i skad kyi cha shas rig pa gzhon nu dpal ldan bla ma dam pa'i dben gnas lha khang steng du bsgyur ba'o// //bla ma sgrub pa'i rgya gzhung kyi sgrub ti blo? bas mdzad pa bzhugs sto// //*/ /rgya gar skad du/ gu ru na mo lo ka/ bod skad du/
bla ma'i sgrub thabs/
CLOSE WINDOW