བོད་ཡིག

e-texts based on the ACIP/ALL Input

/ //mgon po bsang pa mdzod kyi las byang bzhugs so// //rgya gar skad du/ sh+ri mahA ka la hi si ta/ bod skad du/ dpal nag po chen po'i sgrub thabs/ /dpal 'jigs byed phyag na rdo rje la phyag 'tshal lo/ /dur khrod dang ni dben ? sar/ drag po'i las kyi sgrub pa bya/ /dang po yid dam rdzogs par snyen/ /gtor ma'i sbyin pas rigs drug sdu/ /rgya chen mchod pa'i srid du phul/ /'dri dang klog dang sku gzugs bzhengs/ /grangs sogs khrag sngags sgo phug rtags/ /yar gyi ngo la tsam par bya/ /me dang lcaD ni dang ba dang/ /mtshams lon gzhan du mi smra'o/ /lho ru ltas te sgrub pa'o/ /tshogs nyid dag pas rgyu nyid sbyangs/ /'dun du tshogs bsags 'khor lo sgom/ /'khor lo gsum gyi rim pa sdu/ /zur gsum las sbyor 'dod lngas brgyan dur khrod ras la khrag gis so/ /sbral bar rdo rje mthu chen no/ /thugs dang 'gren par sgrub sten lha/ /dmar smug mdangs gyi de nyid gsol/ /mngon spyod 'grub pas rab tu gnas/ /sdom bzung gtor mar bcas te'o/ /sku dang gtor ma sba bar bya/ /phur pa phyag mtshan nye bar bzung/ /mgon po bzhi la snyen pa gsum/ rim par phye te bshad par bya/ /gang rung gcig gi kun 'grub cing/ /drag po la ni gril bar bya/ /chu las skyes pas nyin mtshan sbyar/ /dgra dang bgegs nyid dgyel par bya/ /gri gug nag po hUM gis mtshan/ /'bar ba yod kyis sreg par bya/ /de nyid lha ru bya ba yin/ /dur khrod gnas nas de nyid 'bod/ /phur pa me 'bar nam mkha' 'char/ /ber nag sdus mo g.yas su rjes su/ /dur khrod rgyan zhing thod khrag g.yon/ /spyi bo'i gnas su mi skyong rgyan/ /cung zad zil gyis non bar bya/ /hUM gi rang gi snying po dang/ /lha'i sng+gs gyi de ni mthar/ /spro sdu zhal nas thugs su bsdus/ 'od kyi sprul pas las la bskul/ /snyen pa'i rtags kyi rim pa yis/ /de nyid bdag la sdu bar bya/ /sgrub pa'i yan lag rang nyid do/ /thugs las sprul te mdun du bsam/ /dmar smug btshon 'chang ba can/ /las byed phyi'i mgon po ste/ /snyen dang sgrub pa nang dang gsang/ /drag po sgrub pa phyi ?/ /sku gsung thugs kyi rdo rje yin/ /rgyun chags kyis ni phrin las sngags/ /mtshan ma gzhung bzhin byung bdar?/ /rang nyid yi dam gsal bar skyed/ /'dun du las kyi mgom po pas ma/ /sku gsung thugs su lha nyid dgod/ /gru gsum nang du ling ga bca' / /sku las sprul pa'i 'khor lngas 'gug zer/ /thod rnga bdud zhing skul bar bya/ /gdug pas lha lnga dbye bar bya/ /e las gru gsum dmar nag 'bar/ /e raMla sdang/ /mgo pa'i lha rnams da bzung cing/ /rdzas la zhan na rlag par bya/ /gru gsum nang du mon pa ni/ /'khrid byed nag pos bzung bar bya/ /gnas lcags 'bar ba'i rdo rje 'dis/ /dmigs pa'i dam nyams ru tra 'di/ /thar par bya ba'i go med do/ /sprul pa lnga'i lha lnga dbye/ /gru gsum khyung na drag po sgrogs/ /gnas pa'i lha ni gshags par bya/ /thugs kyi mgon pos tsho mdangs bsdud/ /sku yiS nyos bcing gzir bar bya/ /gsung gis rnam shes dbyings su par/ /thugs kyi sha khrag zan du rol/ /lha mo bzhi phung po bzhi/ /rigs bzhi'i sangs rgyas gnas su'o/ /man ngag 'di dang mi ldan na/ /dmyal ba'i gnas dang nye bar 'gyur/ /'di nyid sngags pa ces 'dar bya/ /lha ru gru gsum nag po la/ /nang nyid dpang du khrag gis byug/ gdug pa can gyi rdzas cig / dug khrag mtshon nag byug par bya/ /bzhi la thal chen 'bar pa'i snod/ /nyer gcig chad kyis sgrub bya la/ /nyer gcig phul pa'i suM gnyis byug mon nag 'bar ba'i lcags kyu can/ /kha khyer dag la dgod pa yin/ /cha gsum gtor ma phrin las sngags/ / bdud rtsis bden pa phyogs bcur bdar/ /'bar ba'i lha nyid 'phros pa'i mdog/ dmar nag bsgrang phreng tri shul can/ /kha dog rang nyid gdan du bya/ /ag tshom drang srong rnam pa'o/ /slob mas 'bar par byas pa dang/ /chos gos nag pos lho ru lta/ /lcags kyi sbyar bur mi glangs so/ /stegs bu'i steng du 'dug par bya/ /yi dam sngags dang nyungs dkar gyis/ /'bar ba'i snod nyid bskrad cing gsang/ /shan pa'i khyim nas 'bar ba'o/ mchod lnga chang bar g.yas g.yon no/ /mon nag skyo gsum rdzas nyid 'dun/ /rgang? gzar gnyis ni khyud mo la/ /hUM gis sgra yis phyogs su bskul/ /'bar ba'i lha nyid dang srong che/ /'jig rten las 'das sku bzhengs cig /mngon spyod phrin las bsgrub slad du/ /gnas 'di spyan drang byon par 'chal/ /spyi bo rdo rje sems dpas brgyan/ /sngags dang phyag rgya bcing bar bya/ /g.yas kyi rnam lnga de la 'bul/ /til sran rdzas ni nyer ? gcig te/ /'bar ba'i lha khyed 'thu bo che/ /tshangs pa 'jig rten mgon gyi sras/ /phrin las kun gyi bdag pos te/ /rig 'dzin kun gyi bsrungs ma che/ /drang srod mgon la bstod par bgyi'o/ /mngon spyod phrin las sgrub slad du/ /'di nyid du ni 'bar bar mdzod/ /ag ni dza la dzaM:? 'bar ba'i phyag rgya rab tu gsal/ /rgang blugs gsum gyi gso bar bya/ /gzhung ni las kyi lha nyid bskyed/ /phrin las bzhin du bzhugs su gsol/ /mchod pa lnga yi gtor ma dbul/ /gong bzhin sreg rdzas brgya rtsa gcig /drug cur dbul bas 'phros pa yis/ /zhag nas khrag zhag 'khyil bar bsam/ /stod pa bya zhing me glang nang/ /mar nag blug pas 'bar bar bya/ /bdud rtsib la sras ba dang dug khrag gis ni hoM bya zhing/ /gro khal ni khrag gis so/ /dam nyams phung po lnga 'di nyid/ /ye shes lnga yis 'bar ba yis/ /phrin las lnga'i dbyings su sbyang/ /dug lnga rtsad nas bcad par bya/ /las mgon nag po'i zhal du spyad/ /drag po'i sngos rjod thod lnga bdud/ /smon lam stobs kyis snang ba sbyad/ /ling kha'i las ni gong bzhin sbyar/ /slar yang mchod cing nyer gcig sdeg/ stod bskul rgyas gdab gshags par bya/ /'bar ba'i lha yang de nyid do/ /me glang steng du dgab par bya/ /rgya raM lam 'aM ka rten 'og/ rdo rje rgya raM byung ba bzhin/ /lha'i pho brang bsam par bya/ /da nyid he'i gsung byung tshe/ /rdo rje lag tu gtad pa na/ /de tshe khyod n yid gtang bar bya/ /nga'i bka' byung bar du ni/ /skal pa'i bar du gnan par bya/ /bsrung ba'i 'khor lo sgom par bya/ 'di yis the tshom med par 'grub/ /zlum dang bru bzhi zla kham mo/ /dkar ser dmar ba'i lha dang gnas/ /tsanda dkar po shugs pa'o/ /'o ma yi ni byug par bya/ /'bras chan dngul phyed ma tog dkar/ /'o mas bsdus pa'i gtor ma'o/ /mar dang til dkar 'bras ? kar ni/ zhi ba la ni rab tu sbyar/ /thams cad khru gang zabs su phyed/ /kha khyer sor bzhi rab tu sbyar/ /'khor lo nor bu pad ma dang/ /rdo rje gdengs bas rim bzhin brgyan/ /au duM 'ba' ra'o? nam can/ /me tog ser po ser phye dang/ /zho dang ldong ros pro chen no/ /zas kyi bye brag rgyas ba teg/ /yaM shing dmar po chang la sogs/ /bu dam zangs phye shing thog dmar/ /rab bu pad ma rag tas sbru/ /bad pa rag tas byug pa bya/ /dbang gi rdzas te kha phye ye shes/ /rgyas pa la ni byug pa'o/ /dug shing tsher ma can la ni/ /tshol bu yis ni byug par bya/ /dub khrag lcags phye rdo phye'o/ /mi dang pa glang khyi dang nga/ /sran ma'i chan ni gsod byed do/ /khrag gis sbags pa'i gtor ma'o/ /bdud rtsi nor bu 'bar ba dang/ /lcags kyu tri shul mtshon pa ni/ /phan phyir rab tu bsam pa'o/ /brgya dad brgya rtse nyer lnga dang/ /drug bcu yi ni dbul bar bya/ /zhag bdun nyer gcig zla ba gsum/ /zla ba gcig nas nges bar 'grub/ /mkhas pas dkrugs te gnas pa 'di/ /phyes ste nyams su blang bar gyis/ /gzhan du smra ba mi bya'o/ /bud med bu chung chu la ni/ /sbal sprul bong bu'i khrag du sbyar/ /zhag bdun sngags kyis thod par blugs/ /b+hyo:steng 'og phyogs la mtshams brgyad na/ /dus gsum bde gshegs sprul par bcas/ /bka' bsrung chos skyong mkha' 'gro'i tshogs/ /dam can thams cad spang mdzod cig/ mon pa nag po zor lam phye/ /lha mo bzhi yis zor sgo rgyas? por? lam dgra bo'i snying la grongs/ /sde brgyad bka' i dmag dpung skyed/ /phyogs na bzhugs pa sku zur cig/ bdag ni rnal 'byor dam la gnas/ /nyams pa 'di yis snyam rtsugs nas/ /mthu stobs bden pas dam du ba dang/ /bcol ba'i las 'di grub par mdzod/ /chang phung phyogs bcur gtor bar bya/ /mu stegs 'bar ba'i thod pa la/ /rdzas ngan dug gis mtsho dkyil te/ /drag sngags mchon gyi me dpal 'phro/ /dmigs pa'i rlung gis bcun pa bya/ /dam nyams dgra bgegs 'khor bcas kyi/ /sa'i lte phur bshig par bya/ /gnam gyi 'ju thag bcang bar bya/ /'khor bcas rdul du rlag par gyis/ /drag sngags bzlas cing gos nag gdag /ral ba sprug cing thod lnga brdung/ /thal chen thun dang bur pa sgril/ /tha ma'am zla ba gcig gis 'grub/ / skul bas mgon po 'khor bas kyis/ /rdul du rlag nas 'ong du sdud/ /yi ge gsum du bdag nyid ni/ /yi dam bsal ba'i gnas su sdu/ /bsrung pa'i 'khor lo sgom par bya/ /mi ldog nad kyi gdam pa 'di/ /dpe la bzhag par mi bya'o/ /phyag gnyis nyi zla'i dkyil 'khor te/ /sprul ba'i khro bo phyogs mtshams sgo/ /lan gsum du ni ? bdab par bya/ /phyi ru mi lta nang du lta/ /dbyings las sprul ba'i mgon po yi/ /be con las sbrul pa'o/ /rnal 'byor pa'i srog yin no/ /sku gsung thugs kyi mgon po ni/ /nag po'am yang na las kyi sbyar/ /rtags nyid la thob las byed pa/ /g.yang le nye ba'i mig med bzhin/ /rang lus ma smin ? gzhan la sems/ /sgyu ma skyes pa'i byi'u bzhin/ /dam tshig med pa'i sngags pa de/ /shing tshig thal ba'i mtshon bzhin no/ /slob dpon gsod pa'i sngags pa de/ /ma med dgun gyi khyi'u bzhin/ /dbang ma thob pa'i sngags pa de/ /sgra bu 'bar ba'i 'ong bzhin no/ /man ngag med pa'i sngags pa de/ /tshod med chu'o rgal 'dod bzhin/ /rdzas ma sogs pa'i sngags pa de/ /rgyud nyid med pa'i gzhu bzhin no/ / gtor tshogs med na g.yel bar 'gyur/ /skul dang gdung ba'i ngag med na/ /ma sring dam can g.yel bar 'gyur/ /dam tshig rdo rje snying la bzhag /yi ge gsum gyi mna' chu sbyin/ /sngon dang da lta'i dam tshig 'di/ /lta khyod 'da' bar ma byed cig 'das na dam tshig rdo rje 'dis/ snying gi dkyil nas rlag par byed/ /de bas rnal 'byor dam tshig bsrungs/ /rnal 'byor sngar yang lte 'di bsam/ /za bshos rtag tu dbul bar bya/ /lta nyid gzhan ni rten mi bya/ /slob dpon gzhan la phyag mi bya/ /nyams pa rnams dang sra ba min/ /rtags dang nyams tshod 'das pa na/ /sngags pas 'grub par mi 'gyur ro/ /sbyor ba dam tshig gi le'u ste dang po'o// //sdags pas las 'di rtson par bya/ /'byung ba bzhi'i sa bon la/ /nag po'i tshen gyis gso bar bya// zhing bcu bsgral ba'i rab ta 'dis/ /maM sa bdal ba'i sa bzhi 'dis/ /drag po'i sgras chag chag btab/ /rin chen sna lnga rak ta dang/ /kham pa nag pos bsdu bar bya/ /bang rim bzhi la dur khrod brgyan/ /lcags mkhar gnag sgo gcig pa la/ /gru gsum nag pos rgyan par bya/ /zor la shan pa'i rgyun la ni/ /bud med gtsang mas srang bu bya/ /zur brgyad srang bu'i gur phub la/ /nam mkha' nag pos rgyan par bya/ /bya rog nag po'i phod gtsugs te/ /rgyad bu nag po lnga dang ni/ /bzhi dang brgyad brgyad brgyad nyid do/ /bcu gsum rim par bya nag go/ mda' nag ltong dmar mdung nag dang/ /bdud rtsi rak ta bshos nag ni/ /lha'i sku gsung thugs kyi rten/ /rim pa bzhin du gong bzhin sbyar/ /zur bzhi thong 'khor rgyud bu bzung/ /zur bzhi gsal zhing 'bar ba a/ zhing gi rgyal mchan re re gzugs/ /stag gzig dom spyang khyi nag dang/ /mi nag mchod pa tha ma la/ /gling bzhi nyi zla rtsi ta dang/ /gter ma bdud rtsi rak+ta dang/ /lha dmag phyogs bzhir re re'o/ /go mtshan nyungs dkar la sogs dang /rin chen lnga dang 'bru sna lnga/ /dang tshon lnga dang mchod lnga dang/ /zas kyi bye brag dpag med kyi/ /mdza' bzhi rgyan cing rta lug dang/ /ra dang g.yag sogs tshang mar bsham/ /sgu 'am phyag mtshan bgod pa ni/ /dbus su gtso bo 'khor lnga dang/ dur khrod sring mo ma mos skor/ /dbang po tshangs pa khyab 'jug dang/ /'dod pa'i dbang po bdag po dang/ /'bring gi ri ti ka ti ka/ dbyang phyug chen po la sogs pa/ /dkar ser mthing kha smug po dang/ /dmar po ljang khu ser dang dkar/ /zla ba pad ma 'khor lo 'dzin/ /be con phub dang pi wang dang/ /shol 'da' nyi ma snam pa'o/ /g.yon pa thams cad phur pa 'dzin/ /bang rim dang por dgod par bya/ /lha klu gnod sbyin lto phye dang/ /mi 'am ci yin lta ma yin/ /bdud dang btsan dang dri za'i tshogs sku mdog sna tshogs mtshon cha snams/ /pang rim gnyis par gnas pa'o/ /mdza' yas 'jog po stobs kyi rgyu/ /dung skyong rigs ldan nor rgyas dang/ pad mchu lha sprul dre bzang bzhugs 'khyil/ /rin chen autpal sprin dpung dpung dung/ /rin chen lto bye zer re gser 'phreng pad+ma dmar / pad dkar 'dzin cing ro stod mi/ /g.yon pa thams cad sprul zhags so/ /sku mdog ser dmar sngo zhing ljang/ /dkar ser dmar dang dkar po'o/ /drag po'i dus su rim pa bzhin/ /dkar dmar nag po phros pa'i mdog/ bsam gyis mi khyab 'khor dang bcas/ /phur pa ral gri skyal pa ni/ /rim pa bzhin ni 'dzin pa yis/ dmigs pa'i lus dag yid gsum 'dzoms/ /dam can rgya mtsho ma lus pa/ /bzhi pa la ni dgod par bya/ /nam mkha' rlung bzhu rgya mtsho dang/ /ma sa'i keng rus me 'bar ba/ /dkar ser dmar ljang kha dog go/ dur khrod lcags mkhar gru gsum nang/ /zhing chen nags tshal g.yang bzhi'i gur/ /rim pa bzhin du rdzogs par bya/ /phrin las gzhung srang gnas su sba/ /rgyun du sman rag gtor ma dbul/ /zor du byed na ye shes sdu/ /dang po gnas dang mchod rdzas te/ /tha ma dmag dang mtshon cha'o/ /gong bzhin zar gyi las rnams so/ /drag po la ni 'khor lA nyid/ /srin po'i gzugs nyid rang gi 'go/ gri gug thod khrag shin tu khros/ mgon po stag la zhon pa skyid/ /ma hA ka la 'khor bcas kyis/ /thugs dam snyan po skang ba ni/ /nam mkha' mthing nag g.yang gzhi'i gur/ /bya rog nag po'i phong rtsugs te/ /zhing gi rgyud bu bcu gsum gyis/ /sku'i thugs dam skor gyur cig/ mahA ka la 'khor bcas kyis/ /thugs dam snyan po skeng ba ni/ /mda' nag ldog dmar bcu gsum gyis/ /mdung nag dpol dmar bcu gsum gyis/ /gsung gi thugs dam skong gyur cig/ ma hA ka la 'khor bcas kyis/ /thugs dam snyan po skad ba ni/ /bdud rtsi rak ta'i rgya mtsho dang/ /bshos bu nag po bcu gsum gyis/ /thugs kyi dam tshig skong gyur cig/ ma hA ka la 'khor dang bcas/ /phyi'i mdos kyi skad ba ni/ /nam mkha' 'thing nag phang ki rgyan/ /rtsis brgyad nag po'i gur gyis phug/ / rgyad bu nag po so gnyis kyis/ /sku'i dam tshig snyan po skang/ /ma hA ka la 'khor dang bcas/ /nang gi mdos kyi skad ba ni/ /chos nyid mi 'gyur nam mkha' la/ /rnam thar brgyad kyi gur phub te/ /mtshan nyid so gnyis rgyad bus brgyan/ /gsung gi dam tshig snyan po skang/ /ma hA ka la 'khor dang bcas/ /gsang ba'i mdos kyi skad ba ni/ /nyi zla skar gsum nam mkha' la/ /zhing chen g.yang gzhi'i gur chen phub/ /zhing chen nags tshal rgyad bu yis/ /thugs kyi dam tshig snyan po skad// mchod dang skad bshags rgyas par bya/ /stod pa dam tshig gzhung bzhin no/ /yi ge lnga'i spro sdu dang/ /a li ka li'i phreng ba yis/ /rgyun gyi bshags pa mchog tu sngags/ /sbyor ba thabs kyi le'u ste gnyis pa'o// // gru bzhi zlum po pang 'dab brgyad/ /las kyi lha dang glu chen dgod/ /klu sman dkar gsum gtor ma dbul/ /ting 'dzin 'phro 'dus 'phrin las bcol/ /zhag gsum la ni nges par 'grub/ /ma grub klu nyid gnas pa'i sar/ /klu'i bzung ba'i dbang dang ni / skra nag gcod pa'i dbang la sogs/ /dbang rigs drag po sbyar byas te/ /klu las skyes pa'i nang du blugs/ /kha nyid bsdams la sba bar bya/ /gzugs nyid la ni thun gyis brab/ /'dis 'grub 'gyur the tshom med gong gi rdzas nyid ling khar bcal/ /dmong zlas gnas der spas byas na/ /klu yis 'dzin par the tshom med/ /rgyu lam g.yas su dmigs pa yi/ /khang pa'i rtsa bar sbas byas nas/ /'gas par 'gyur bar gdon mi za /bdag dang mgon po'i 'phro 'du yis/ /khyab 'jug sde brgyad las la sngags/ /zhags bdun bar du sgrub pa bya/ /rgyu ba'i dus su gtor ma dbul/ /gong gi rdzas la dmod pa zlas/ /rgyu pa'i dus su dmigs pa yis/ /yul nyid klu gnyan gnyan pa'i sar/ /yul lha la sogs gzu spang ba dang/ /rdzas nyid de'i phyogs su su'o/ /zhag bdun par du nges par 'grub/ /bdag dang lha'i sprul pa yis/ /dmigs pa'i yul nyid gar bsam/ /me dang rlung gi 'khor lo bskor/ /bden pa bdar zhing sngags nyid ni/ /lan bdun zlas na chu 'khyags 'joms/ lha 'di gzhan la bsdu ba dang/ /gzhan nyid 'di la sdu bar bya/ /gcig tu mkhas pas sre pa'o/ /gcig tu 'du na spyi gtsugs te/ /gzugs kyi bshad pa'i lam du'o/ /smra ba phyi'i gtsug du'o/ /gnyis kyi snying kha me dang chu/ /rnam nyid spro bsdu'i nus pa dbye/ /rengs bkug las ni phur ba'i gzugs/ /hUM gnyis 'thun pa'i rdzas kyis rgyur/ /chags pa'i mdog mtshungs spro bsdus chags/ /rta dang g.yag yang mthun par 'gyur/ /g.yas kyi 'og nas blangs byas te/ /sngags nyid dmod pa bdun du bzlas/ /g.yon gyi phyogs su gtor par bya/ /lus nyid lcags kyi rdo rje te/ / cis kyang mtshungs par mi 'gyur ro/ /mtshon nag la ni lnga nyid dang/ /gsum la gsum dang bzhi la bzhi/ /'dud pa'i phyogs su sngags nyid btab/ /gtor ma dbul zhing na ma gtags/ /yar gyi ngo la mchod pa bya/ /mar gyi ngo la bzlog pa bya/ phur bu sor bzhi mgon por skyed/ /mgul du btags na nges par 'grub/ /mtshon nag la ni sngags bzlas zhing/ /de yi phyogs su gtor bar bya/ /'gro kyis mtshon la sngags bzlas te 'ug ma nag por sdu bar bya/ /mdud pa nag pos bcing bar byas lcaD kyi khang par tshung par bsam/ /'di yi 'ching bar the tshm med/ /ji srid ma grol bar du'o/ /mo phag la ni snyen pa'i gzugs/ /khru 'am sor brgyad phyogs su bstan/ /dmigs par bya ba zhabs kyi lte/ /dur khrod sa yi snod du bsam/ /rgyun du dmags pa'i gtor mar dbul/ /sbyor ba ngan pa zlog par 'gyur/ /dbyings las sprul ba'i mgon po yis/ /nyen nyid ral gris bcad par bya/ /rdzas la bcug na sel bzlogs 'gyur/ /dug khrag gis ni byug par bya/ /gang la seng ldeng phur bu de/ /smug cing 'khums par 'gyur ba yin/ /mtshan mo rgyu ba'i gzugs rnams dang/ /nags la gnas pa mi dang ni/ /sa la gnas pa 'bul ba yi/ /skyes dang khrag la gong gi gzugs/ /gri khrag gyis byug phyogs su rba/ /zla ba phyed nas cho 'phrul 'ong/ /gru gsum khrag gis gang ba yis/ /skong po'i zor bzhi phyogs bzhir bya/ /sde brgyad byams pas sring du bcang/ /yi dam lha yi rtsi ta ru/ /las kyi lha nyid dmar po te/ /kha dog dmar po por gyon zhing/ /? zer lhung dmar po zla bas brgyan/ /a nyid dkar dmar sngags kyis bskor/ /dbyangs yig gi ni dang po gnas/ /mthar gnas bzhi'i dang po la/ /dbyangs yig drug pas brgyan par bya/ /gsal byed sde chen gnyis pa yis/ /bzhi pa gnas zhing sde tshan bzhi'i/ /lnga pa bzhag pa'i yi ge ste/ /sid d+hi b+h+ruM gyis mdza' nyid rten/ /sngags kyi sham bur gtags par bya/ /phyag rgya bzhi yi bcing bar bya/ /rigs dang mthun pas rgyas btab cing/ /bsrung bya dmigs dang snyen po sbyar/ /yi ge bzhi'i nus pa yis/ /da lta nyid du tshe zad yang/ /lan gsum gyis ni zlog par 'gyur/ /dang dmar brgyan pa'i mnga' dar g.yab/ /thugs las sprul pa'i lha nyid spro/ /shar gyi phyogs nas skul ba ni/ /shar phyogs lha mo gcig /'jigs pa'i bud med dkar mo ni/ /sku'i sprul pa 'bum dang bcas/ /lcags kyu zhags pas tshe khug la/ /sa'i phyogs su tsho sdus cig / lha mo gsum la rigs 'dre'o/ /me chu rlung ces 'don ba sgyur/ /sku las sprul pa'i 'khor lnga yang/ /sku'i sprul pa 'bum dang bcas/ /lcags kyu zhags pas tshe khug la/ /mkha' i phyogs su tshe sdus cig /gsung las skyes pa'i lha srin yang/ /sku'i sprul pa 'bum dang bcas/ /lcags kyu zhags pas tshe phug la/ /rnam shes brgyad la dpal skyed cig /gong gi sngags kyis dgug par bya/ /bdud rtsi dmar po 'od zer 'phro/ /lus nyid gang ba'i mgon po yis/ /bu ga kun tu gang 'dzags sam/ /sprul pa yang ni sdu bar bya/ /mi dmigs pa ni dam pa'o/ /gtor ma dbang nyid las kyi lha/ /snying gar gong bzhin spyi bor bzhag/ gong gi las kyi gzhan la'ang bskur/ /gtor ma dkar po zhi ba'i rdzas/ /nad gdon bgegs rnams zhi ba'i rten/ zhi ba'i gtor ma'i dbang skur bas/ /zhi ba'i rig 'dzin thob par shog /gzhan gsum la rigs 'dre/ /be con nor bu sman rag dang/ /thun bur yang na gtar mas sa/ /mgon po 'chi med gdams pa 'di/ /bla ma'i zhal las blang bar bya/ /dar mi brgya rtsas nad sel zhing/ /mtheb kyu yis ni gdon grol 'gyur/ /char bu yis ni bgegs zhi te/ /zur gsum gtor mas bar chad sel/ /bzungs chu yi ni grib sel 'gyur/ /spral ba mgrin pa snying kha ru/ /sku gsung thugs kyi mgon po bsam/ /'od 'phros lus ngag yid gsum gyi/ /grib sogs 'dan du nag po byung/ /rdzas nyid la ni rim bzhin stim/ /khru gang ba'i ngar mi la/ /gter ma la sogs sbyin par bya/ /sngags nyid rdzas kyi brgya rtsa bya ba/ /khrus nyid rol mdza' ? de bzhin no/ /nad pa'i gos kyi g.yogs byas ste/ /lho 'am rgya ram lam du skyal/ /'byung po sngags kyis 'chi bdag chim/ /me dang chu yis spyad par bya/ /'dir ni gong gi tshe mchog bya/ /mgon po 'chi slu grib sel 'dir/ bla ma'i zhal la blang bar bya/ /? mthod rtsa ba'i man ngag yin/ sbyor ba gnad kyi le'u ste gsum pa'o// //gtor mchen po las la sbyar/ /mgon po'i phrin las gzhung ? te/ /mdun gyi nam mkhar mgon po bsam/ /maN+Dal 'dom gang gru bzhi la/ /gru gsum nag pos rgyan par bya/ /'bru'i phye dang sna lnga dang/ /srid pa'i ma mo khru gang bya/ /mdog nag ral pa nag po la/ /gri'i khrag ga thugs par bya/ /dam mi mtheg kyu chang bu dang/ /gtor ma la sogs nag po la/ /gri khrag gis phyugs sha khrag gam/ /brgya rtsa brgyad du sngags kyi ? mgon po gtor ma gso zhing dbul/ sngags pas mgon po'i sngags nyid zla/ /slob ma gnyis kyi btab par bya/ /rol mo rgyun du bya ba yin/ /bar du bdud bzlog lan bdun sbyar/ /dgra'i phyogs su gtor ma 'phang/ /bzung chus phyogs su gtor bar bya/ /ma mos las kun sgrub par 'gyur/ /mgon po'i stong bskul drag po bya/ /dbang dang gtor ma'i las rnams kun/ /las bzhin ma ni rab tu sbyar/ /las dang mthun pa'i mdo yang sgrags/ /de yiS las kun 'grub par 'gyur/ /mtshan byed las kyi mgon po te/ /sprul pa de'i phyogs su'o/ /der dmar brgyan pa 'di nyid do/ /Ni nyid hUM gis dgug par bya/ /kang nyid bka' dang dran bzhin bsam/ /lha 'dre mi gsum 'du bar 'gyur/ /gong gis mkhas spyod rnam nyid bstan/ /khams gsum kun 'dus lte bor/ las dga' grub par ? cham med/ /las kyi lha las mgon po spro/ /'bar ba'i na khams kun sreg /sa la rlung dang chu las/ /mi la chu dang rlung la ni/ /rdo rje rgya raM gnan par bsam/ ting 'dzin sngags kyi 'phrul 'khor gyis/ /mi 'grub pa ni gang yang med/ /'phrin las kyis ni las la sbyar/ /gtor ma yis ni las kun 'grub/ /'di la the tshom mi bya'o/ /nyan pas smod byed bden pa brdar/ /rni nyid spus na the tshom med/ /spra ba rigs pa ling kha'i gnad/ /brlas pas gzhan la smra mi bya/ /gcig las spel par mi bya'o/ /bla ma'i man ngag sngon du phyung/ /'di las lhag par mi bya zhing/ /khri ba yang ni mi bya'o/ /gal te 'das na lha 'di yis/ /klad pa'i rgya srubs 'gems par 'gyur/ /de bas chul bzhin dam tshig bsrungs/ /lha 'di myur du 'grub par 'gyur/ /sbyor ba yan lag gi le'u bzhi pa'o// //dpal mgon po chen po'i sgrub thabs gsang ba mdzod kyi las byang rdzogs so// //bla ma bram ze bde bas rang 'gyur du mdzad pa rdzogs so/ / //tshul khrims shes rab kyi man ngag ltar sgyur ro/ /te rtso'i dpe'o// //dpal mgon po'i gsal yod bzhugs so// rgya gar skad du/ sh+ri na ma au pa d+he sha/ ma hA ka la sa ma ya /bod skad du/ dpa' nag po chen po'i gsang ba'i man ngag ces bya ba/

CLOSE WINDOW