བོད་ཡིག

e-texts based on the ACIP/ALL Input

/ //dngos grub brnyes pa'i paN+Di ta chen po nags kyi rin chen gyi spyan sngar bsgyur ba'o// //ye shes mgon po gri gug can gyi bdag bskyed bzlas pa bstod pa rnams bzhugs// bla ma rnams la phyag 'tshal lo/ /dpal mgon po sgrub par 'dod pas/ gnas yid dang mthun par stan bde ba la 'dug ste/ skyabs 'gro sems bskyed sngon du btang la/ pad+ma rang nyi ma'i dkyil 'khor gyi steng du mi ro bkan pa cig pas ma/ de'i steng du rang nyid skad cig gis dpal mgon po sku mdog mthing nag zhal gcig phyag gnyis pa/ g.yas gri gug dang g.yon thod pa khrag gis gang ba bsnams pa/ mchab gcigs pa/ spyan gsum pa/ dbu skra dmar ser gyen du langs pa/ mi mgo skam po lngas dbu brgyan pa/ rlon pa lnga bcu'i do shal byas pa/ stag lpags kyi sham thabs can/ zhabs g.yas bskum g.yon brkyang pa/ me'i klong dkyil na bzhugs par bsam mo/ /de'i thugs kar raM las nyi ma'i steng du hUM mthing nag bsam/ de las 'od zer 'phros pas shar phyogs nas rgyal ba mi bskyod pa spyan drangs la dbu'i gtsug na bzhugs des mgon po 'khu ldog mi 'byung ba yin gsung/ yang 'od zer dmar smug 'phros pas/ gdug ba can thams cad kyi sems des bsregs par bsam /hUM de'i mdza' /aoM mahA kA la ha na ha na badzra na hUM phaT/ ces pas g.yas skor du 'khor bar dmigs la/ bsnyen pa 'bum cho bcu bskyal/ 'dod pa'i don la gsol ba gdab /bzod par gsol/ dge ba sngo/ 'bum 'tsho bcu gsum bskyal na steng gdon las thar pa yin gsung/ /dpal mgon po'i bzlas lung la brten pa'i mngon rtogs bla ma'i zhal las byon ba bzhin bris pa'o/ /rtags ni/ phyi dang nang dang mi 'grub dang/ /ldog? brtags lnga ru shes par bya/ /chub shugs drag khang thog 'tsheg glu len bya nag a tsa ra/ /dar nag thogs dang 'dod? 'bod/ /phyi'i rtags su shes par bya/ /slob dpon 'o nges gtam smra dang/ /chos 'chang lung ston gdugs 'bul dang/ /b+hanmha stan pa nang gi rtags/ /mgon po'i sku ston gri gug dang/ /mkha' 'gro tshogs dang ca co 'don/ dngos grub ster bar rmi ba dang/ /stag dang seng ge 'phyong ba dang/ /shel gyi mchod rten bskor ba dang/ /gtor chen khyer 'phrad 'grub pa'i rtags/ /mtshon? cha'i char dang a car/ /'khrug rgol khrod du zlog rtags so/ /jo bo rjes mdzad pa lags /yang skabs su 'di ltar byed do/ /aoM ma hA kA la kA na hA na badzra Na bdag la srungs shig srungs shig hUM phaT swAhA/ zhes bdag gi zhal nas mgon po'i zhal du zhugs/ /mgon po'i lte ba nas byung nas bdag gi lte bar zhugs te 'khor lo 'khor ba'i tshul du phyar la nyon mongs ba dang/ rnam rtog dang/ nad dang/ gdon la sogs pa'i gnod ba thams cad mthon zhing/ tshur la byin brlabs dang dngos grub 'byung bar bsam shing/ brgya'am stong dam grub tshad bzlas/ gzhan yang/ aoM mahA kA la ha na ha na badzra na bdag la gnod bar byed pa'i rgyal 'gor? ? dza dza hUM phaT/ aoM mahA kA la ha na ha na badzra na ba su puSh+Ti ku ru swA hA/ bdag gi 'byor pa puSh+TiM ku ru swAhA/ 'byor pa snga dro/ /dgra bgegs 'dul na phyi dro gsung/ /e mahA kA la b+ha li hUM ril rbad bu ni dza/ ma hA ka la tra ga shad sid+d+hi yam du ti dza/ gling byin tshal/ snying nas? tshal/ dgra bo 'di mar ya dza dza/ log rtags byung na brgya rtsa tsam gsungs/ sngags kyi phreng ba 'di rnams kyang jo bos mdzad/ /hUM srin po'i gzugs kyi gdug pa can/ /tshar gcod byang chub sems dpa' ste/ /grong khyer sum brtsegs 'jigs byed pa'i/ / gtum po khyod la bdag bstod do/ /hUM 'das dang ma byon da ltar gyi/ /bstan pa srung bar zhal bzhes pa'i/ /nag po khyod ni yin pa ste/ /gdug pa tshar gcod 'jigs pa'i gzugs/ /dbu skra kham nag gyen brdzes pas/ /steng gi lha tshogs 'jigs par byed/ / spyan bgrad ljags 'dril mche gtsigs pas/ /bar gyi lha tshogs brdegs pa byed/ /g.yas na gri gug bsnams pa ni/ /dgra dgegs 'dul zhing bdud mgo gcod/ /g.yon na thod pa bsnams pa ni/ /gnod sems can gyi rkang khrag gsol/ /khros pas zhabs gnyis brdabs pa yis/ /gnod sems can gyi lus la gnyed/ /gang gi dkon mchog gsum gnod dang/ /bstan pa la gnod mtshams med byed/ /bdag gis bsgo ba kun khug la/ /ling+ga 'di la myur du khug /'di yi sha zo khrag la rol/ /rus pa klad pa nang khrol drongs/ /rigs brgyud rtsad nas chod la shog/ mdza' bo kun dang khrol la shog /yang na 'di yi phyir 'brangs nas/ /til 'bru tsam du mdzad du gsol/ /'di yang jo bo rjes mdzad// // */

CLOSE WINDOW