བོད་ཡིག

e-texts based on the ACIP/ALL Input

phyag drug ye shes mgon pa'i chos skor las sha wa ri dbang phyug gi mdzad pa'i byin brlab nag? pa'i bsgrub thabs zhes pa'i las mthub can bzhugs so// //rgya gar skad du/ sa thi s+tha na ma hA kA la swa ra na ma/ bod skad du/ byin gyis brlab pa ba'i nag po'i sgrub thabs zhes bya ba/ myur mdzad spyan ras gzigs la phyag 'tshal lo/ /zhabs bdug dang bcas byin ya ka mnan/ /nag po chen po stag gi sham thabs can/ /phyag drug sbrul gyi rgyan gyi rnam par/ brgyan/ /g.yas pa 'phreng ba bar pa gri gug 'dzin/ /tha ma Da ma ru ni drag tu 'khrol/ /g.yon pa thod pa dang ni mdud rtse gsum/ /de bzhin zhags pas bzung nas 'ching bar byed/ /drag po'i zhal ? mtshan rnams lar gtsigs/ /spyan gsum drag po'i dbu skra gyen du 'bar/ /dbral par sind+hu ra yi legs par byug /rin chen thod rka ma lnga yi dbul brgyan/ /spyi bo mi bskyod pa yi dbu la brgyan/ /khrag 'dzag mi mgon? lnga bcu'i do shal can/ /sna tshogs bar ma nyi zla'i dkyil 'khor steng/ /ye shes me dpung 'bar pa'i dbus nas bzhengs/ /shing la byin nas gtor ma len par dmigs/ /aoM badzra ma hA kA la pas rdo rje rigs kyi lha yin k+Shi k+She? tA par/ na na bin ya ka hUM hUM phaT swA hA/ bsnyen par sngags po/ aoM sh+ri badzra ma hA ka la k+Shi k+Shi Ta yA ha na ha na/ de ha da ha/ pa tsa pa tsa/ pA k+Sha bA k+Sha /ru ti ra maM sa ha ra staMs/ g+h+ri hi da b+ha smi ku ru h+ri hUM hUM phaT swAhA/ 'phrin las sgrub pa'i sngags so// aoM mahA kA la ma sha sa na/ a pa ? ri ri/ re sha a ba tsim hA ka lo ya/ aM? de na ra dan tra ya ya/ a pa ka ra naM/ a ti pra tig dz+nya sma ra si sarba duSh+Ta na b+ha li Sha kha kha hi khA nyi mA ra mA ra/ b+h+ri sna g+h+ri h+na/ ? ha na ha na/ de ha da ha pa tsa ba tsa/ de na me ke ni hUM hUM phaT swAhA/ lan bdun brjod la gtor ma sbyin/ /dpal ldan nag po tsha ba'i mchog /ye shes phyag drug bsgrubs 'dod las sbyong dus cho ga mo zhes lon pa'i/ /rnal 'byor pa yi 'di ltar bya/ /dben zhing nyams dga' i gnas mchog tu/ /dkyil 'khor las sbyor gy sngags so mnga' gang gru bzhi bya/ /'thas par byas la chag chag gdab/ /thig gdab sgro bzhi gru chang ldan/ /pho brang 'khor lo rtsibs bzhi 'god/ /kha dog phyogs dang mthun par bya// sgor? khyam nag po nang khyim dmar/ /gru chad smug po mu khyud mthing/ /rtsibs mchen dkar po zhi bar bya/ /pho brang dbus su gtab gtor bca' / /shar sgor rdo rje lhor gri gug /nub tu thod pa ltag sprod lnga/ /bya bsgor rgyun gtor bzhag par bya/ /sha tshan gri khrag dag gi brgyan/ /mgon po'i spro sregs mar me bltams/ /bde ba'i stan la 'dug nas ni/ /ye shes lha yi rnal 'byor bsgoms/ /dkyil 'khor paM las par ma 'dab brgyad /de steng raM las nyi ma'i dkyil 'khor/ /de ? bla thogs bgegs ki rgyal/ /ban ya ka kha sgrub bsgyel?/ /de yi steng du hUM nag po/ /de las 'od 'phros las bzhi 'grub/ /tshur 'dus gri gug nag po yi/ /yub gser gyi rdo rjes byas/ /rno dpal thur la gtad pa'o/ /rdo rje'i lta bar nyi ma'i dkyil 'khor/ /de la bu gang ne ye 'dzin steng hUM 'thing nag pos mtshan/ /de las 'od 'phros don gnyis byas/ /tshur 'dus pa las dam tshig pa'i/ /mgon po gzhung bzhin bsgom par bya/ /zhabs gnyis brkyang bskum bgegs chen gzer/ /rus pa'i zhabs gdub rgyal rigs klu/ /dkar khra'i sprul gyi brgyan pa'o/ /stag gi lcags pa'i sham thabs can/ /lto ba thur la 'phyang pa la/ /b+h+rung? zhing com? h+rags gel ba'i gzugs/ /gnag cing gzi brjid che ba la/ /mi mgo lnga bcu'i do shal can/ /dril bu g.yer khas brgyan pa'o/ /zhal sgrang mche gtsigs ljags 'gril zhing/ /ag tshoms ser nag smar can/ /shangs? rdog che zhing khro gnyer bsdus/ /spyan dmar gru gsum sdang mig gzigs/ /dam la gnas pa'i rtags kyi mchog /dpral par sin d+hu ra dag gi /thig le 'bar bas mtshan pa'o/ /dbu skra kham nag gyen la rdzes/ /sangs rgyas rigs lngas mtshan pa yi/ /thod rkam lnga yi dbu la brgyan/ /dmangs rigs nag khra'i sprul gyi bcings/ /mi skyod pa yi rgyas gtab cing/ /bram ze dmar khras mgrin pa snyan/ /rje rigs ser khras phyag gdub brgyan/ /g.yas gyi dang po thod 'phreng 'dzin/ /bar pa rdo rje gri gug 'phyar/ /tha ma thod pa ltag sprod lnga/ /dril bu g.yer khas brgyan pa'o/ /g.yon gyi dang po thod khrag gsol/ /bar ba kha Ti rtse gsum 'dzin/ /tha ma rdo rje lcags skreg gi /zhags pa dgra bgegs lus la 'debs/ /de yi thugs kar pad nyi'i steng/ /hUM nag 'bar bas mtshan par bsams/ /'od 'phros Da ma ru yi sgras/ /lho phyogs dur khrod bsil tshal gyi / /tshan dan sdong po'i steng dag nas/ /ye shes sems dpa' spyan drangs te/ /dza:hUM baM hoM sa gnyis med stim/ /thugs kar sa bon hUM nag las/ /rtsa ba'i sngags kyis bskor par lta/ /phub ral can dang gri gug per/ /dpal ldan lha mo la sogs pa'i/ /bka' sdod las mkhan phyogs bzhir bgor/ /gang bcol 'phrin las sgrub par bsam/ /de nas bdag gi sngags bzlas pas/ /gtso bo'i thugs ka'i gsang ba'i sngags/ /gyen du phung ? zhal nas 'thon/ /bdag gi zhal ? dngos grub thob/ thugs ka nas thon thugs kar thim/ /thugs dam brgyud bskul 'gal me yi/ /'khor lo'i tshul gyi sngags bzlas pas/ /sngags las ? las ? yi 'ong/ /'phros nas las bzhi byas bar lta/ /de ? bzhir brjod bya dang/ /thun mtshams dag tu gtor ma sngo/ /yi ge brgya pa nyams chags bskang/ /ye shes mi shes snga sor bzhag/ /sems can don du bsngo ba bya/ /bdag nyid lha yi rnal 'byor gyi/ /? chag nya pa 'dug spyod lam bzhis/ / dus dang yi ge'i grangs dang ni/ /rtags rnams ma rdzogs par du bklas/ /dus gyi snyen ba zla ba drug /yi ge'i dbye ba khrag gnyis te/ /grangs gi bsnyen pa 'bum tsho gnyis/ /rtags ni sgrub la brtson pa yi/ /lus ngag yid gsum g.yeng ba spangs/ /dmigs pa rtse gcig gsal par bzlas/ /bya nag lding dang khyis? nag 'khor/ /sngags pas chas gos nag po can/ /bran g.yog tshul du 'grogs byed cing/ /zas nor ster ba rmi ba'o/ /de dag khro zhing rgyags pa bar/ /bdag gi lang mo sna tshogs byed/ /mig log mchu med byed pa rnams/ /las mgon khros pa'i rtags yin pas/ /gtor ma btang zhing bshags pa bya/ /de la gtor ma'i man ngag ni/ /rin chen snod dang ka pa lar/ / 'bru nas 'bras khro sna gsum gyi zan gyi gang/ /gri sha gri khrag la sogs pa'i/ /rgyan gyis brgyan te chang gi bran/ /de nas sems bskyed yi dam bsgoms/ /swa b+ha wa yi sngags kyis ni/ /phyi nang snod bcung steng par bsam/ /skad cig tsam las snod kyi nang/ /raM las nyi dkyil de stengs su/ /sha lnga bdud rtsi lnga nyid kyang/ /sa bon gsal bar gyur pa la/ /'og tu yaM dang ram nyid las/ /yaM las rlung byung raM las me/ /'bar te yig 'bru zhu ba las/ /'bru aoM A:hUM gsum brjod pas ye shes kyi/ /bdud rtsi dpag med 'phel par bsam/ /de nas dam tshig mgron snyed de/ /ye shes sems dpa' sbyan drangs nas/ /bstims te bu la bsam nyes par bsam/ / hUM bde gshegs bla ma mgon dang bcas/ /ye shes phyag drug gtso 'khor dang/ /dam can mkha' 'gro tshogs rnams kun/ /bstan bsrungs 'phrin las sgrub don du/ /rnal 'byor bdag gi gnas 'dir gshegs/ /dungs pa'i sems kyis spyan 'dren kyi/ /thugs dam thugs rje'i dbang gi ni/ /da lta nyid du gshegs su gsol/ /aoM badzra ma hA kA la k+Shi ces pa'i rtsa sngags lan bdun brjod/ /skar mda' lam du bzhugs shul gyi/ /gnas nas byon nas thim par bsam/ /hUM mnyam med mthu chen mo ltar 'bar/ /dgra bgegs ma lus thal bar rlog /thal byed gzhon nu 'jigs pa'i sku/ /'khor dang bcas la phyag 'tshal lo/ /ces pa sgo gsum gus pas phyag bcol/ /rtsa sngags bdun la b+ha ling gdags/ /gtso bo ye shes pa la dbul/ /las sngags bdun gyi 'khor la dbul/ /bstod pa bya zhing 'phrin las bcol/ /de yi dus gsum spos bsregs to/ /btsan dug yungs kar sgo kya gsum/ /gri khrag dang sbyar rim bu bya/ /yang na gu gul nag po dang/ /btsan dug yungs kar bu ram rnams/ /gri sha dag dang sbyar byas te/ /ril bu sran ma tsam byas nas/ /sol ba'i me la sregs par bya/ /lha rnams 'du zhing bgegs rnams bskrad/ /de las dngos grub thob par 'gyur/ /'di ni man ngag dam pa'o/ /de nas gso ba'i las stan pa/ /'khor lo rtse thag bla phur rnams/ /bsrung bya'i go khrab rdo rje yin/ /'khor lo rtsibs brgyad mu khyud ldan/ /lte bar rtsa sngags bsrung bya'i ming/ /mu khyud nang ma sgrub sngags te/ /phyi ma rten 'brel sngags kyi skor/ /rtsibs la hUM chen 'bar ba brgyad/ /rtsibs mchan rnams la las sngags 'god/ /mchod pa lnga bshams rab gnas bya/ /de nyid gang srung lus la gdags/ /bgegs kyis me dpung 'bar bar mthong/ /tshe yi thag pas bsrungs pa ni/ /dar ram g.yang mo lug gi sdu/ /legs par bskal te sum sgril bya/ /bsnyen sngags bsgrub pa las sbyor sngags steng? rtsa brgyan la sogs pa bzlas/ /sngags de rdo rje lu gu brgyud/ /gser gyi kha dog 'bar ba la/ /yig 'bru thams cad 'khril bar bsam/ /gus pa gsum la sku gsung thugs /sgoms te rab tu gnas par bya/ /gang bsrungs lus la btags pa yi/ /rdo rjer ba'i nang zhugs pas/ /lag 'dren bgegs kyis mthong mi 'gyur/ /bla yi gyur pa bca' thabs ni/ /lcags sam seng ldang smug po la /rab tshang khru gang yod pa la/ /rgya 'dud gnyis dang bcungs zhogs brgyad/ /dpal gsum rtse mo rno bar bya/ /sku gsungs thuD kyi yig 'bru 'god/ /las sngags mgul du rtags nas ni/ /nag por mnga' gsol la/ /gang bsrung de yi sngas su gzugs/ /bgegs rnams skrag cing 'byer par 'gyur/ gal te 'tshe zhing nyob? gyur na/ /zab mo du ba 'phro gcod sngags/ /dri bzang sman gyi legs bris te/ /rab gnas tshul bzhin byas la gdags/ /zla gtor brgya rtsa ma chag gtang/ /de yi khrag bcad bzhin du 'gro/ /aoM na mo ma tri g+ha na se tse'u che'u? tar rdzo swAhA/ chad lhag med pa rab tu gces/ /tshar nas gtang rag dus su gtang/ /ming nyid chos skyong mdza' can gdags/ /gdug pa can gyi gnod byed la/ /dang po klung dang gtor ma sbyin// tshad med bzhi yi ting nge 'dzin gyi/ /chos bshad bden pa gdar bar bya/ /las ngan dbang gi sbog gyur na/ /drag sngags me yi 'khor lo 'di/ /las sbyor sngags kyi sham bur gdags/ /dus bzhi dag tu gzir bar bya/ /aoM mkha/ ma hAr kha/ d+h+ra ka d+h+ra ki ni/ b+ha ra ma ra kha sra pre ta pra sa tsa ra ri/ /ha ra hUM phaT swAhA/ a b+hi pa ga mA ra ya/ ra ka sa phaT swAhA/ gdug pa 'jil byang sngags 'god 'di/ /sha ba ri ngas rab tu gsang/ /las ngan can gyi srid can la/ /mnan pa'i las kyis 'dul 'dod na/ /kham pa'i bum pa gsr ba gcig /sa dkar chos kis legs byug te/ /rgyal gsal dkor ba gang gnod pa'i/ /mtshan ma rtags la ling kha bca' / /de yi snying gar yi ge tri/ /dri rgod yag pa'i khrag gi bri/ /ye shes lha yi nga rgyal dang/ /phyag rgya bzhi yi sngags kyi dgug /lcags kyu lta bu'i 'od zer gyi/ /gang na gnas pa'i sa phyogs nas/ /drangs te gnyis med bstims par bya/ /sgrub pa zhag gsum par mi bya/ /lir ga bum par bcug nas ni/ /de yi steng du dngul chu dang/ /dngul thal zangs dngar gan dang/ /'bras dang nas dang bra bo dang/ /yongs su bsngos te blug par bya/ /kham phor gsar pas kha bcad la/ /kha rgyan shu dag nag pos bya/ /lha khang mgon po'i zhabs 'og gam/ /mchod rten rnying po'i 'og tu mnan/ /yang na rgya gram lam du'o/ /de yi gsang sngags bstan pa ni/ /aoM ka mi ni ra ta swAhA/ ka niraksha ni phaT/ taM b+ha na phaT/ mo ha ni phaT/ dang po zhig gcig chos skyong sngags/ /de nas man tra 'di nyid bzlas/ /gang gnod them bu bkag pa bzhin/ /'gro 'gyur the tshom med pa yin/ /bsreg pa'i ling ga dpal 'bar la/ / mchod gtor dpal bshos zor gtor rnams/ /rim pa bzhin du gnas su gtang/ /rten gsum bca' ba'i man ngag ni/ /sku rten lugs su blugs pa dang/ /'bur du gtong dang ris su bris/ /tshad ldan bla mas rab gams pa'o/ /gsung rten gsang sngags gsang yig la/ /thugs rten bde gshegs gdung la bya/ /las kyi bka' yi rten dag ni/ /sangs rgyas bstan pa'i spyi dgra gcig /g.yul lam pa chen na padme? yi/ /skad cig tsam gyi sdog? gcang? pa'i/ /dri rgod chu krog ma reg pa'i/ /tsit+ta 'bar ba gcig la bya/ /srog rta dbu mar ring bsrel gzhug /g.yas su gsung rten gzhug par bya/ /g.yon du rin chen sna lnga dang/ /dri bzang sman dang spos kyi gar/ /dang sna lnga yi dril byas te/ /rgyun par mchan khung g.yon par bcang/ /sgrubs pa'i dus su dkyil stengs bzhugs/ /de yi lus dang grib ma bzhin/ /'phrin las rnam bzhi 'grub par 'gyur/ /gos dang gsang ba rnams gnyis la/ /mchog tu gso ba'i las la shis/ /bsad pa'i las mdza' gzhan du shes/ /rten gyi man ngag zab mo 'di/ /rmu rgod sems can 'dul dka' rnams/ /chos 'dod slob dpon mi 'dod pas/ /gdam ngag thob nas bla ma spong/ /dam nyams lag tu shor pa srid/ /snod med rnams la gsang bar bya/ /sbyor ba dngos gzhi 'jug gsum du/ /rtags 'di dag la yi rtan bya/ /phyi rtags nad rtags gsang ba'i rtags/ /khros pa'i rtags dang bzhi ru bshad/ /phyi rtags bsnyen sgrub byed pa'i dus/ /dkyil las 'od dang me stag 'gros/ /sgrub khangs thog chog bya rog lding/ /bon pa nag po glu len cing/ /? nag thogs nas 'phyar ba'ong/ /nang ? rtogs slob dpon chos 'chad cing/ /gdugs phub seng khrid sdong pa dang/ /phebs par smra dang lung ston dang/ /ban d+he mtshan ldan zas kyi gnod/ /byed par smin lta nye yang/ /gsang rtags mgon po rmi ba dang/ /dngos su zhal ston gri gug dang/ /tho dang 'phreng ? te ka la lar/ /rtse gsum zhags pa gter ba dang/ /stag seng mchod pa stong ba dang/ /shel ri mchod rten la 'jog cing/ /de la bskor ba byed pa dang/ /chos nor gter ston grub rtags so/ /a tsa ra nag po 'khrugs byed dang/ /ral gri'i char pa 'beb pa dang/ /bya nag lug nag 'thab pa dang/ /bud med nag mo khro zhing sgreg /mi sdug sna tshogs ston pa sogs/ /khros pa'i rtags yin bshags pa bya/ /dam rdzas dpung skyed bsnyen sgrub pa la/ /brtson 'grus drag pos 'bad bar bya/ /de ltar byas pas las 'grub ste/ /the tshom yid gnyis spang bar bya/ /chos skyong 'di yi khyad par ni/ /'khor la mi gnod rbad par 'gro /dkar po dang nag po klu bdud dang/ /btsan dang the'u dang rgyal po sogs/ /dgra bgegs rdul du rlog par byed/ /nag po chen po phyag drug pa'i sgrubs thabs/ dpal sha wa ri dbang phyug gis zhal mngon sum du gzigs nas mdzad pa rdzogs so// // bla ma rgyud pa ni/ dpal sha wa ri dbang phyug /rje mi tri pa/ a nan ta badzra/ a b+hi 'dzug rta/ bla ma du gu pa/ las stod dkon mchog 'khor// //*/ /mgon po zhal gsum phyag drug pa'i sgrub thabs sdus pa bram ze chen pos mdzad pa bzhugs so// rgya gar skad du/

CLOSE WINDOW