བོད་ཡིག

e-texts based on the ACIP/ALL Input

/ //chog ye shes dpag tu med pa'i dkyil chog bzhugs so// //rgya gar skad du/ a pa ra mi ta d+ha ga bA ti a yu dz+nyA na/ maN+Dal bi ti na ma/ bod skad du/ bcom ldan 'das tshe dang ye shes dpag tu med pa'i dkyil 'khor gyi chog zhes bya ba/ mgon po tshe dpag tu med pa la phyag 'tshal lo/ /dang ldan mgon la gus pa yi/ /nags 'dab chu gling mgon bar ni/ /rang dang slob ma'i don gyi phyir bsnyen pa sa chog sta gon dang/ /dkyil 'khor chen po bsgrub par bya/ /de la dang po bsnyen pa ni/ /rab dkyil 'khor lha tshogs dngos su mthong ba 'am/ /'brid rmi lam du mthong ba tha ma yang lung bstan thob pa'o/ /grangs kyi bsnyen pa ni/ rab 'bum tshe bdun/ /'brid gsum/ tha ma khri 'am/ bla ma'i rjes gnad thob pa'o/ /sa'i cho ga ni rgyud las/ sa ni brtag dang blang ba dang/ sbyang dang byin brlabs pa'o/ /ces gsungs so/ /dang po sa brtag pa ni/ phyogs kyis brtag te/ /grong khyer gyi byang sher rims gang du'o/ /sa'i mtshan nyid ni/ dkar/ dmar/ ser/ ljang/ byang shar du 'jol ba/ tsha sgo sa'i nyes pa med pa'o/ /lto 'phye ni g.yon gyis nyal te/ lto bar chud par bya'o/ /sa blad ba ni/ 'jig rten dang/ 'jig rten las 'das pa'o/ /dang po mngon pa la bslang ba ni/ gzhi de'i sa bdag rgyal po la sogs pa la'o/ /mi mngon pa la spyir blang ba ni/ sa gzhan nas bslag ba 'am/ ras yi steng bu dri'i thig le dang/ me tog gi tshom bu byas la mchod pa lnga dang/ gtor ma gsum gsham mo/ /de nas stong pa'i dang las rang skad cig gis tshe dpag tu med par bskyed/ thugs kha'i hUM las 'od 'phros/ nam mkha' la lha tshogs rnams spyan drangs par bsams la mchod pa dang bstod pa bya/ bar chad med par gsol ba gdab/ gtor ma yang phyogs skyod dang lha srin sde brgyad dang gzhi bdag la sbyin no/ /bye brag tu sa'i lha mo las blad ba ni/ maN+Dal dbus su dri'i thig le'i steng du me tog gi tshom bu dkod/ de nyid baM las sa'i lha mo/ sku mdog gser gyi rang bzhin dbu skra g.yas su 'khyil ba lte ba yan chod sa las byung zhing/ phyag gnyis bum pa bsnams pa bskyed la/ ye shes gyi lha mo spyan drang ba ni/ hUM tshur byon tshur byon lha mo che/ /sa mchog lha mo 'jig rten yum/ /rin chen rgyan gyis rab gang ba'i/ /rgyan mchog autpal rab tu mdzes/ /phyag zhabs mgul rgyan gser gyis brgyan/ /sangs rgyas tshogs rnams rab mchod pa'i/ /gser mdog lha mo chen mo khyod/ /phrin las bsgrub phyir gsheg+gs su gsol/ /ces brjod la mchod yin dbul ba ni/ lha ma khyod ni byon pa legs/ /bdag cag bsod nams skal bar ldan/ / bdag gi mchod yon bzhes nas kyang/ /'di nyid du ni bzhugs su gsol/ /aoM pra ti arkaM sa ma ya hUM/ ji ltar bltams pa tsam phyis ni/ /lha rnams kyis ni khrus gsol ltar/ /de bzhin bdag gis lha'i chu/ /dag pa yis ni sku khrus gsol/ /pra ba sa da kar tI dza hUM/ ces pas khrus gsol/ bdag dang 'gro la thugs brtse'i phyir/ /nyid kyi rdzu 'phrul mthu yis ni/ /ji srid mchod pa bdag bgyid na/ /de srid lha mo bzhugs su gsol/ /pad+ma ka ma la hUM zhes pas gdan dbul lo/ /de nas dzazug par bsams la/ aoM pra tri b+hya na maba ni/ khyod ni sa 'dzin lha mo ste/ /sku phyed 'thon po gser gyi mdog /rin chen sna tshogs rgyan gyis brgyan/ /sa 'og lha mo khyod la 'dud/ /gsol ba gdab pa ni/ sa la rgyu ba'i lha klu dang/ /gang yang sa la gnas pa rnams// sems can rnams la phan pa'i phyir/ /byams pa'i sems kyis gnang bar mdzod/ /ces brjod pas gnang ba byin par bsam/ ye shes pa gshegs la dam tshig pa bstim mo/ /de nas sa sbyan ba bshad par bya ste/ nad rnams mi 'byung bar bya ba'i phyir/ sa khru gang la sogs pa rkos la/ rus pa dang gyo mo la sogs pa bsal bar bya'o/ /de nas yang bdag nyid 'od dpag med kyis nga rgyal gyis/ /sangs rgyas rnams nam mkha' la bltas te/ de dag gri bdud rtsi 'gug la/ sa phyogs gser gyi sa gzhi g.ya' dag bar bsams la/ aoM puShpe puShpe mahA puShpe/ a par mi ta a yu dz+nyA su bi ni tsi ta te dzra ra dza ya swAhA/ zhes lnga 'am gsum brjod par bya'o/ /dkyil 'khor gyi rgya ni khru bzhi ba byas nas/ spangs ni ci 'byor ba'o/ /de nas sa gzhi dri bzangs kyi chus me long gingos ltar byas la/ bla bris dang yol ba dang/ 'od dpag med kyi gzungs rnams bzhugs so/ /de nas rang dang slob mas rgyud dang gzungs rnams klag khar bya'o/ /spro ni zha ba'i sbyin bsreg kyang lan gsum bya'o/ /de la 'ang slob ma la dal 'byor rnyed par dka' ba dang/ 'chi ba mi rtag pa dang/ 'khor ba'i nyes dmigs rnams brjod la/ thun mong gi skyabs 'gro so so thar pa'i sdom pa rnams dbog / khyad par gyi skyabs 'gro dang/ byang chub mchog tu sems bskyed par bya'o/ /de ni sa'i cho ga rnams bstan to/ /de nas sta gon bshad par bya ste/ de yang slob dpon bdag nyid dgongs ka'i dus su khrus byas/ ras dmar pos lus kyi stod g.yogs/ smad g.yogs byas la/ dkyil 'khor gyi dbus su bde ba'i stan la 'dug nas/ rta mchog gi bdag bskyed nas bzung ste/ gsang bsgrub yan chad bzlas pa dang bcas pa rgyud dang bsgrub thabs ltar bsgom/ de nas shar phyogs kyi yum sems dpa' dang bcas pa dang/ lho dang nub dang byang gi yum sems dpa' dang bcas pas gsol ba gdab pa ni/ nyon mongs 'dam gyis tshogs nang du/ /thar med byid bar gyur pa yi/ /'gro kun ma lus don phyir dang/ /tshe zad tshe nyams nad kyis gzir/ /skyabs med nyams thag gyur ba yi/ /sems can rnams la phan don du/ /bcom ldan mgon po chen po yis/ /'chi med rnga sgra chen po rnams/ /gsung mchog tshangs pa'i sgra dbyangs kyis/ /de ring bdag la bsgrag tu gsol/ /'chi med bdud rtsi'ichu rgyun rnams/ /dkyil 'khor gtso bos bdag la gsol/ zhes phyogs bzhi nas spos dang dril bu thogs nas gsol ba gdab par bya'o/ /de nas slob dpon bdag nyid dpal rta mgrin rta mgo ljang nag /dbyug pa dang sdigs 'dzub me 'bar ba dang bcas pa'i nga rgyal gyis langs te/ rkang pa gnyis hUM las rdo rje rgya gram/ mig gnyis su ma dang Ta las/ nyi ma dang zla ba'i bsgom pa'i dkyil 'khor rdo rje 'degs pa'i sngags dang phyag rgyas nam mkha' bteg pa dkyil 'khor gyi steng du hUM re re/ smin 'tshams su nyi zla 'dres pa'i steng du hUM cig bsam/ mig gnyis dang smin 'chams kyi hUM rnams rdo rje re rer gyur te/ de'i lte bar h+ribyang shar du dga' ba yongs su gyur pa'i 'gros kyis 'gro zhing/ stong gsum thams cad g.yo ba'i nga rgyal dang ldan pas bgegs la bka' bsgo ba ni/ hUM dkyil 'khor chen po'i sa gzhi la gnas pa'i/ /lha la sogs pa'i bgegs chogs rnams nyon cig / nga ni gnas 'dir dkyil 'khor chen po 'bri/ /bgegs kyi rigs tshogs gang yin byer bar gyis/ hUM hUM h+rIphyogs bzung po dri ma med pa 'dir/ /bcom ldan 'das mgon po tshe dpag tu med pa'i dkyil 'khor 'bri yis/ 'di na gnas pa'i lha dang klu dang gnod sbyin la sogs pa gang dag gnas pa de dag thams cad dengs shig/ gang dag mi 'gro bar sems pa de dag / nga yi ye shes rdo rje rab tu 'bar ba yis/ /mgo bo tshal ba brgyar 'gas par 'gyur ro/ /zhes lan gsum brjod par bya'o/ /spros pa la dga' na g.yas rkyang la sogs pa'i stad stabs gsum pa bya'o/ /yang rta mchog gi nga rgyal gyis/ aoM badzra pad+ma ta krita krod+ha hUM phaT/ zhes brjod pa dang/ dkyil 'khor gyi phyogs mtshams su/ /stod rta mgrin la/ smad phur par dmigs la/ dngos su btab pas phyogs skyong gi bgegs rigs la btab par bsam mo/ /de nas maN+Dal de'i gas chags la sogs pa bsubs la/ /ba'i rnam lnga dang/ bdud rtsi lnga dang/ dri lnga yang byug par bya'o/ /de'i rjes su thig brgyad btab la dbus dang phyogs rnams su lha grangs dang mnyam pa'i dri'i thig le byas la/ me tog gi tshom bu bkod la dam tshig pa bskyed/ nam mkha' i dkyil 'khor yang bsres nas/ de la dzala/ dbang bskur mchod pa dang bstod pa rgyas par bya'o/ /de ni lha lhag par gnas pa'o/ /de nas bum pa'i bshad pa bya ste/ de yang snga dro'idus su rin po che'i bum pa rgyas par byed na lha grangs dang mnyam pa 'am/ bsdus par byed na bum pa lnga la byas te/ khrus byas gtso bo'i bum pa la pad+ma 'dam ma lnga pa/ shar la rdo rje/ lho rin chen/ nub tu 'khor lo byang la rgya gram 'bri 'am yang na gdags par bya'o/ /de yang shin du bsdus pa na/ rnam rgyal dang? ? gnyis la bya'o?/ /de ltar bam pa gu gul gyis bdug cing bgegs skad/ ras dmar po kha tshar mnyams pas mgul chings byas la/ rin chen lnga/ sman lnga/ 'bru lnga/ dri lnga/ snying po lnga blugs la/ ba dmar mo'i 'o ma dang/ chu gtsang ma dang/ dur ba yang blugs par bya'o/ /de la 'bras bu can gyi shing dang/ rma bya'i mdongs kyi steng du bzhag nas mchod pa lnga ldas bkor ro/ /bkod pa'i rim pa ni gtso bo'i bum pa rdo rje me ris kyi nang dang/ mnga' yab kyi phyi'i shar du'o/ /'khor gyi bzhi po ni phyogs bzhir rdo rjer ba dang gdugs kyi bar du'o/ /las bum ni bgegs kyi steng du bgod par bya'o/ /de nas skyed pa'i rim pa yang/ las bum byang shar me ri'i steng du dri bzangs dang/ rdo rje bzungs thag la dmigs pa ni bum pa'i nang du/ paM las pad+ma'i sdong po'i steng du/ nyi ma'i dkyil 'khor/ de'i steng du h+ri'ip a can thams cad tshar gcad nas tshur 'dus pa las rdo rje dbyug pa h+ri'ibsams la sngags bzlas 'od du mi bzhu bar dkyil 'khor chen po'i las ma grub kyi bar du bar chad bsrung du gsol ces 'phrin las gzhol lo/ /gtso bo'i bum pa bskyed pa yang phyi nang gi yab yum du bskyed/ /shar/ lho/ nub/ byan gi bum par phyogs phyogs kyi lha rnams bskyed par bya'o/ /de yang bum pa gnyis la ni rnam rgyal bum par lha tshogs rnams bsgrub thabs bzhin bskyed bar bya'o/ /las bum la ni gong bzhin no/ /des ni bum pa lhags nas bstan no/ /de nas spro na tsan dan gyi thab zlum po 'am/ zla gam du/ gro dang nas dang yungs kar dang dkar gsum mdar gsum rnams bdud rtsir byin gis brlabs te/ yab yum gyi zhal du phul bas zag pa med kyi bde bas rgyud gang bas mnyes te/ bdag gi sdig sgrib dang nad gdon thams cad zhi ba dang/ tshe dang longs spyod thams cad rgyas par bsams la rtsa sngags bzhi gyis kyi sham bu gdags par bya'o/ de nas ye shes pa gshegs dam tshig pa mi dmigs par bya'o/ /sbin bsreg lhags gnas so/ /de nas sa'i lha mo ni mchod bstod gtor ma rnams gong bzhin byas la mchod pa ldas mchod de/ lag pas spos thogs dbus bus mo sa la rtsugs la skyob pa sangs rgyas thams cad kyi/ /spyod pa'i tshul dang khyad par lam/ /sa dang pha rol phyin pa la/ /lha mo khyod ni dbang du gyur/ /shAkya seng ge skyob pa yis/ /ji ltar bdud kyi sde bcm pa/ de bzhin bdag gis bdud kyi sde/ /pham par byas te dkyil 'khor bri/ /ces lan gsum brjod pas lha mos dban por zhal gyis bzhes par bsam mo/ /de'i rjes su dam tshig pa bsdu/ ye shes pa gshegs par byas pa yi ge brgya ba brjod par bya'o/ /de ni sa yi lhags gnas bstan to/ /de nas slob ma lhags gnas bshad par bya ste/ de yan slob ma rnams khrus byas/ gos gtsang mgyon la gugul gyis bdug cing bgegs bskrad/ slob mi'i zan blud gtsang ma chad bu dang bcas pa chu gtsang mas bran nas gzi brjid chen mo'i sngags kyis bgegs la bka' bsgo bar bya'o/ /de nas yol pa'i phyi rol du slob ma rnams gral la 'khod pa rnams me tog dang bcas pas gsol ba gdab pa ni/ dga' chen khyod bdag sngon pa ste/ /slob dpon khyod ni dgongs su gsol/ /byang chub chen po'i tshul bstan pa'i/ /mgon po chen po bdag 'tshal lo/ /dam tshig de nyid stsal du gsol/ /byang chub sems kyang bdag la stsol/ /sangs rgyas chos dang dge 'dun ste/ /skyabs gsum dag kyang bdag la gsol/ /thar pa chen po'i grong mchog tu/ /mgon po bdag ni 'jug par 'tshal/ /ces lan gsum gsol ba gdab par bya'o/ /de nas blo dgug pa ni/ bu tshur theg pa chen po yi/ /khyod ni tshul chen snod yin te/ /gsang sngags spyod tshul cho ga 'di/ /khyod la yang dag bstan par bya/ /rdzogs pa'i sangs rgyas gang 'das dang/ / de bzhin gang dag ma byon dang/ /de ltar bzhugs pa rdzogs sangs rgyas/ /'gro la phan phyir bzhugs pa rnams/ /de dag kun gyis gsang sngags kyi/ /cho ga bzang po 'di mkhyen pas/ /dpa' bos byang chub shing drung du/ /thams cad mkhyen pa tshad med brnyes/ /gsang sngags spyod pa mnyam med pas/ /skyob pa shAkya seng ge yis/ /bdud sde shin tumi bzad pa/ /dpung chen dag kyang de yis bcom/ /de bas kun mkhyen thob bya'i phyir/ /bu yis blo gros 'di gyis shig / ces pa'i don yang bshad par bya'o/ /de nas nyan par rna gtad par bskul ba ni/ /rtog pa thams cad lags par bsdus nas ni/ /shin tu bsam pa bzang po'i yid kyis nyon/ /brjid das blo la tshe dpag med sogs pa'i/ /bde bar gshegs pa rnams kyis byin mi rlob/ /ces brjod pas 'jig rten gyi rtog pa thams cad spangs nas rtse gcig tu nyon cig pa'o/ /de nas lam yan lag lnga bya ba ni/ mdun gyi nam mkhar bla ma rnams dang/ dkyil 'khor lha tshogs kyi spyan sngar/ /sngar byas kyi sdig pa la 'gyod pa bskyed/ /phyis mi khyad bar dam bca' / da lta'i sdig pa rnams rang bzhin med bar shes pa'i sgo nas/ sems can thams cad dang thun mong du bdag gi sdig pa sbyad bar bya ste/ slob dpon gyi rjes bzlos bya ba ni/ /bdag gi sdig pa bgyis ba dang/ /bgyid rtsal rjes su yid rang gang/ /sangs rgyas spyan sngar mchis nas su/ /de dag thams cad gshegs par bgyi/ ces brjod do/ /de nas rang gzhan thams cad gyi dge ba la rjes su yid rang ba ni/ sangs rgyas byang chub sems dpa' dang/ rang rgyal dgra bcom 'gro rnams kyi/ /bsgom dang bzlas brjod bsod nams la/ /de la bdag ni yi rang do/ /de nas sangs rgyas tshe dpag med yab yum/ chos de'i zhal nas gsungs pa'i sngags/ dge 'dun rigs bzhi'i sems dpa' sgo ba dang bcas pa la skyabs 'gro bya ba ni/ sems bskyed mngon par sangs rgyas dang/ / chos kyi 'khor lo bskor ba dang/ /skal ldan byang chub sems dpa' i tshogs/ /de la bdag ni skyabs su mchi/ /sems bskyed pa ni/ sangs rgyas 'byung ba ji lta bar/ /byang chub sems dpa' i tshogs bcas kyis/ /byang chub sems ni bskyed pa ltar/ /bdag ni byang chub sems bskyed do/ /dus gsum gyi dge ba bsngo ba ni/ bdag gis dge ba'i las rnams 'di dag gis/ 'jig rten 'dir ni myur du sangs rgyas zhing/ 'gro la phan phyir chos rnams ston byed cing/ /sems can sdug bsngal gzir las sgrol bar shog /ces lan gsum brjod par bya'o/ /de nas slob ma rnams skad cig gis ltar bskyed la/ de'i spyi bo mgrin pa snying kha rnams su/ aoM Alas/ 'khor lo dang/ pang? dang/ rdo rje rnams yi ge gsum gyis mtshan par bsam mo/ /de'i rjes la dkyil 'khor yi hor maN+Dal zlum po la me tog gi tshom bu lnga bkod pa tshe dpag med rigs ldar bskyed la/ so shing sor bcu gnyis pa me tog dang bcas pa so dang thal mos gzung nas byang du bltas la dor ba ni/ slob ma 'thun zhing tshogs pa rnams/ /byang gi phyogs su kha ltas nas/ /thal mo sbyar te 'khod pa la/ /ye shes go cha bzhin du sbyin/ /ces spyi rgy ud kyis sar rnams bshad par bya'o/ /de nas bu ram ma ma ka ra sbrad pas klad sbyug pa'i chul du rtsi'i chu la yab yum dang sngags rnams bstim la/ aoM badzra nyIshan+ting? ku ru ye swAhA/ ces brjod nas slob ma rtse mo rang la bstan na mchog /steng mkha' spyod sogs pa la/ /phyogs bzhir 'phrin las bzhi/ mtshams bzhir dngos grub phra mo 'grub pa/ la blud pas/ sdig sgrib dag nas bar chad kyis mi tshugs par bsam mo/ / de nas rta mchog go nga rgyal gyis skud pa dmar po la mdud pa lnga byas la rta mgrin ldas bskor bar bsams la/ skyes pa'i dpung ba g.yon/ bud med kyi g.yas la gdags par bya'o/ /de nas chos bshad par bya ste/ 'jig rten du ni kun mkhyen rnams/ /au dum 'bar ra'i me tog bzhin/ /brgya lam yang ni res dga' zhig /'byung 'gyur ra ma ni mi 'byung srid/ /gsang sngags 'ching ba'i dus su pad+ma'i yig brgya brjod la/ spyod tshul chog 'di/ /de bas kyang ni dkon pa ste/ /gnyis med zab mo'i spyod yul 'di/ /sems can thams cad sangs rgyas byed/ /bkal ba grangs med mang por 'di/ /sngon du byas ba'i rnam smin rnams/ /zab mo'i dkyil 'khorh 'di mthong bas/ /de dag thams cad zad par 'gyur/ /de'i don yang dag par bshad do/ /de nas rtsa ku sha la aoM h+rI:b+h+ruM badzra hUM zhes bzlas nas stan tu sbyin no/ /aoM pu N+ye pu N+ye mahA pu N+ye/ a par mi ta a yu dz+nyA na su bi ni swAhA/ ces brjod nas sdas su khyin nas/ bla ma dang tshe dpag med la mos pa dang bcas pas nyol cig ces brjod do/ /nang par rmi lam dris la ngan na sbyin bsreg la sogs pas bzlog par bya'o/ /de nas slob dpon gyis/ dkyil 'khor gyi lha la/ mchod stong byas la spos dang rol mo dang bcas pas gsol ba gdab pa ni/ bcom ldan tshe dpag med pa yi/ /lha tshogs 'khor dang bcas pa rnams/ /bdag la brtse bas dgongs su gsol/ /bdag ya brtse bas dgongs nas kyang/ /slob ma rnams la phan phyir dang/ /khyed rnams la yang mchod ba'i phyir/ /sang ni dkyil 'khor bri bar bya/ /bcom ldan bdag ni gus pa la/ /de bas gnang bar mdzad par rigs/ /sangs rgyas 'jig rten mgon brtse dang/ rang rgyas byang chub sems dpa' rnams/ /gang dag la yi spyan mnga' ba/ /sems can bstan la dga' ba rnams/ /bdag la dgongs par mdzad du gsol/ /bdag ming 'di zhes bgyi ba yis/ /sang ni bcom ldan tshe dpag med/ / mgon pa'i dkyil 'khor bzang po 'di/ /chog bzhin du bri lags na/ /bdag dang slob mar bcas pa la/ /dkyil 'khor lha tshogs thams cad kyis/ /byin gyis brlab par mdzad du gsol/ /ces lan gsum brjod par bya'o/ /sta gon gyi lha nam mkhar bteg la mchod bstod bya'o/ /de nas rang nyid gtso bo'i nga rgyal gyis nyal bar bya'o/ /des ni sra gon gyi cho ga bstan no/ /de nas dkyil 'khor chen po'i cho ga bshad par bya ste/ dang po chen sna lnga'i thi gu rigs ? yab yum dang bcas pa bde stong dbyer med du byin gyis brlab par bya'o/ /de nas mkha' la ye shes kyi thig chen brgyad btab la mchod bstod byas la sta gon gyi dam tshig gi lha dang dbyer med du bsam/ /de ltar ye shes kyi thig gi rjes su/ dam tshig gi thig gdab pa ni/ slob dpon shar du lta/ slob mas nub tu lhas nas/ tshangs thig dang po gdab/ de nas lho/ byang/ 'tshams rnams su thig chen brgyad gdab/ de la bcu drug tu dgos nas/ gsum pa man chad la 'dab brgyad phyogs tshon dbus dmar po'o/ /bzhi pa khyams la shar dkar po 'am mthing ka'o/ /lho ser/ nub dmar/ byang ljang khu'o/ /rtsig pa lnga dang ldan pa / 'dod yon dmar/ pha gu ser/ dra ba dra phyed sngo/ 'da' yab dmar ba mchod rten dang ldan pa/ rta babs bzhi cha mchod rten du yod pa/ de la rdo rje me ris su 'bar ba dang bcas pa bri bar nang nas dmar ljag dkar/ seng/ sdong/ bya'o de yang byang shar du slob dpon gyis ban reg sor brgyad bris nas pra brtag par bya'o/ /de nas sku tsa ka li 'am/ me tog tshom bu bkod pa'am/ phyag mtshan rnams dgod do/ /de ltar sku gsung thugs gang bde bkod pa'i rjes la/ gtso bo'i bum pa shar phyogs rdo rje ra ba'i nang du'o/ /las bum byang shar me ris kyi steng du/ bum pa rgyas par 'god na gong bzhin no/ /de nas mchod pa dang gtor ma 'byor pa'i yo byad ci yod kyis dkyil 'khor gyi mdza' bskor ro/ /mda' dang phur pa dang/ ral gri brgyad phyogs mtshams su brtsugs la/ steng 'khor lo rtsibs brgyad la phyogs dra mig tu yod par bya'o/ /de nas rang bskyed rdzogs rang ji lta ba bzhin du sgom/ dkyil 'khor dang bum pa'i nang du lha tshogs bskyed la/ sgrub thabs bzhin 'chi med ye shes kyi bdud rtsis gang ba la rang gis dbang slob ma la ji tsam bskur ba de blang bar bya'o/ /de nas slob ma rnams khrus byas la gos so ma ga yon nas yol ba'i phyi rol du 'khod pa la bgegs bskrad/ kri ya dpung pa bzang po ltab gtor ma btang/ de nas slob ma rnams phyag byas me tog dang bcas pas gong bzhin/ /dga' chen khyod bdag ston pa bas/ ces gsol ba lan gsum du gdab par bya'o/ /de nas sdig pa gshegs pa dang/ rjes su yi rang ba la sogs pa yang god bzhin du byas la/ me tog dang bcas pa'i gsol ba gdab pa ni/ slob dpon bdag la dgongs su gsol/ /thugs rje nyi ma ma lus pa/ /sangs rgyas rnams ni dgongs su gsol/ /bdag ming 'di zhes bgyi ba yi/ /slob dpon ye shes spyan mnga' ba/ /sangs rgyas rol mo las byung ba'i/ /mi ldog 'khor lo'i 'byor pa ldan/ /thar pa chen po'i grong khyer mchog /gsang ba chen pos 'jug par bgyi/ /gsang ba mchog tu thams cad du/ /slob dpon gyis ni bdag gzhug 'tshal/ /phyir mi ldog par dbang bskur ba/ /bskal pa chen po bdag la gsol/ /mtshan rnams kun gyis rgyas gdab cing/ /dpe byang rnams dang yang dag ldan/ /sangs rgyas sku yi yid 'ong ba/ /slob dpon chen po bdag la gsol/ /dbang bskur ba ni rmad byung che/ /sems can kun gyi don gyi phyir/ /rtag tu bdag ni slob dpon 'gyur/ /slob dpon chen po bdag la gsol/ /ces lan gsum gsol ba gdab par bya'o/ /de nas slob dpon gyis slob ma rnams la dri ba ni/ /bcom ldan tshe dpag med pa yi/ /gsang ba chen po rigs dag par/ /gsang ba yongs su 'dzin pa ni/ /bdag nyid chen po khyod 'dod dam/ /slob mas 'tshal lags ces brjod do/ /de nas rigs kyi sdom pa'i dam bsgrag pa ni/ sangs rgyas chos dang dge 'dun ste/ /dkon mchog gsum la skyabs su song/ /'di ni sangs rgyas rigs dag pa'i/ /sdom pa brtan par gyur ba'o/ /rdo rje dril bu phyag rgya yang/ /blo chen khyod kyis bzung bar bgyi// byang chub sems gang rdo rje des/ /shes rab dril bu zhes bshad do/ /slob dpon nyid kyang bzung bar bgyi/ /bla ma sangs rgyas kun dang mnyam/ /'di ni rdo rje rigs dag pa'i/ /sdom pa dam tshig yin par gsungs/ /rigs chen rigs mchog chen po la/ /nyin dang mtshan mo lan gsum du/ /zang zing chos dang mi 'jigs byams/ /sbyin pa rnam bzhi rtag tu sbyin/ /phyi dang gsang ba theg pa gsum/ /dam pa'i chos kyang bzung bar bgyi/ /'di ni pad+ma'i rigs dag pa'i/ /dam tshig sdom pa yin par bshad/ /las kyi rigs mchog chen po la/ /sdom pa thams cad ldan par ni/ /yang dag n yid du bzung bar bg yi/ /mchod pa'i las kyang ci rus bgyi/ /de las gzhan pa'i bcu bzhi ni/ /spang zhing dor bar mi bya ste/ /phas pham par ni rab tu bshad/ /rtsa ba'i lhung ba zhes bshad do/ /nyin dang mtshan mo lan gsum du/ /nyin re bzhin du blang bar bya/ /gang tshe nyams gyur rnal 'byor pas/ /kha na ma tho sbom por 'gyur/ /khyod kyis srog chags gsad mi bya/ /ma byin par yang mi blang ngo/ /'dod pa log par mi spyad cing/ /brdzun du smra bar mi bya'o/ /phung khrol kun gyi rtsa ba ste/ /chang ni yongs su spang ba bya/ /sems can ngon phyir ma gtogs pa'i/ /bya ba ma yin thams cad spang/ /dam pa nye bar brten bya zhing/ /rnal 'byor pa rnams bsnyen bkur bya/ /lus kyi las ni rnam gsum dang/ /dag gi las ni rnam bzhi dang/ yid kyi las ni rnam gsum po/ /ci nus par ni rnam par spongs/ /theg pa dman pa 'dod mi bya/ /sems can don la rgyab phyogs min/ /'khor ba dag kyang yongs mi spang/ /rtag tu mya ngan 'da' mi bya/ /lha dang lha min gsang ba la/ /khyod ni brnyas par mi bya zhing/ /phyag rgya bzhon pa mtshon cha dang/ /mtshan ma 'goms par mi bya zhing/ /'di dag dam tshig yin par gsungs/ /'di la rtag tu mi 'da' bar/ /khyod kyis rtag tu bsrung bar gyis/ /ces lan gsum brjod pa'i tshe/ /slob mas mnyan par bya'o/ /de nas slob mas khas 'di skad blang bar bya ste/ /slob dpon dang 'dir bdag la gson/ /gtso bos ji ltar bka' stsal pa/ /de ltar bdag gis bgyid par 'tshal// ces phan? gsum brjod par bya'o/ /de nas rigs lnga'i sdom pa khas blang ba ni/ sangs rgyas byang chub sems dpa' rnams/ /ji tsam dus nas bzung nas su/ /ma lus bdag la dgongs su gsol/ /bdag ming 'di zhes bgyi bas su/ /nam zhig byang chub snying po la/ /yongs su gnas kyi bar dag tu/ /bdag gis byang chub mchog gi sems/ /ma lus par ni bskyed par bgyi/ /ji ltar dus gsum mgon po rnams/ /byang chub tu ni nges mdzad pa'i/ /byang chub sems ni bla na med/ /dam pa bdag gis bskyed par bgyi/ /sangs rgyas rnal 'byor sdom pa la/ /tshul khrims kyi ni bslab pa dang/ /dge ba'i chos ni bsdud pa dang/ /sems can don byed tshul khrims gsum/ /bdag gis brtan por bzung bar bgyi/ /sangs rgyas chos dang dge bdun te/ /bla na med pa'i dkon mchog gsum/ /deng nas btsams te bzung bar bgyi/ /nam du yang ni mi spong ngo/ /rdo rje rigs mchog chen po yi/ /rdo rje dril bu phyag rgya yang/ / yang dag nyid du bzung bar bgyi/ /slob dpon dag kyang bzung bar bgyi/ /rin chen rigs mchog chen po yi/ /dam tshig yid du 'ong ba la/ /nyin re bzhin du dus drug tu/ /sbyin pa rnams bzhi rtag tu sbyin/ / byang chub chen po las byung ba'i/ /pad+ma'i rigs mchog dag pa la/ /phyi dang gsang ba theg pa gsum/ /dam pa'i chos kyang bzung bar bgyi/ /las kyi rigs mchog chen po la/ /sdom pa thams cad ldan par ni/ /yang dag nyid du bzung bar bgyi/ /mchod pa'i las kyang ci nus bgyi/ /byang chub sems ni bla med pa/ /dam pa bdag gis bskyed bgyis nas/ /sems can kun gyi don gyi phyir/ /bdag gis sdom pa ma lus bzung/ /ma grol ba rnams grol bar bgyi/ /ma bsgral ba rnams bsgral bar bgyi/ /dbugs ma dpung ba dbugs 'byung zhing/ /sems can mya ngan 'das la dgod/ /ces lan gsum brjod/ /de nas sems bskyed pa ni/ /slob ma skad cig gis dpag med mgon por bskyed ya/ rdo rjes dri'i thig le snying khar byas la/ /de'i zla ba'i dkyil 'khor du bsams nas/ aoM h+rI:b+h+ruM a yu dz+nyA na badzra yo ga tsit+ta aud pa ha ya mi/ ces brjod pa ni kun rdzob byang chub kyi sems so/ / yang snying khar rdo rje bzhag la zla ba'i steng du rdo rje rtse lnga pa sgom du gzhug / de nas aoM badzra su ra te sa ma ya twaM bo d+hi tsit+ta ya de su khaM sa ma ya stwaM/ ces don dam byang chub tu sems bskyed par bya'o/ /de ltar slob ma ltar bskyed pa de sku gsung thugs byin gyis brlab/ /mchod pa lnga dbul bar bya'o/ /de'i rjes la slob ma rnams/ shar sgo dang/ lho sgo/ nub sgo/ byang sgo rnams nas yid kyis gzhug par bya'o/ /de nas slob ma rnams la spro ba bskyed pa'i sgo nas dam bsgrags ni/ snying khar rdo rje bzhag la/ mi yi sring pa legs par thog /dus 'dir sangs rgyas rigs su chud/ /nga yis ye shes dbang byin pas/ /tshe 'di nyid la sangs rgyas thob/ /gang zhig 'di nyid ma mthong ba'i/ /mdun du smra bar ma byed cig /gal te smras na dam tshig nyams/ /nges na mchog tu gsang bar gyis/ /lan cig brjod do/ /de nas ye shes sems dpa' i sgo nas dam bsgrag pa ni/ /slob pa'i spyi bor rdo rje bzhag nas/ de tshe dpag tu med par bsams nas lus pa bstims la/ 'di ni khyod kyi dam tshig te/ /gang la smras na glang pa 'gas/ /srog la bab kyang mi smra'o/ /gsangs dang dngos grub mchog tu 'gyur ces brjod do /de nas dam tshig gi chu sbyin pa ni/ sbrang gi chu yab yum gnyis su med par bsams la slob ma la byin nas/ /'di ni khyod kyi dmyal ba'i chu/ /dam tshig 'das ma sreg par byed/ /dam tshig bsrungs na dngos grub thob/ /ye shes bdud rtsi'i chu 'di 'thur/ /aoM h+rI:b+h+ruM dz+nyA na badzra satwa hUM zhes brjod do/ /de nas khyad par du rdo rje slob dpon gyi dam bsgrag pa ni/ rdo rje dang dril bu mgor bzhag la/ dus 'di nyid nas bu khyod kyi/ /rdo rje 'dzin pa nga yin gyi/ du yis ji skad bka' stsal pa/ /khyod kyis gus pas nyan par gyis/ /gal te nga la brnyas pa na/ /sangs rgyas thams cad brnyas pa yin/ /mos dang gus pa ma byas na/ /bdud kyis bcom nas dmyal bar 'gro/ ? mi 'da' ba/ /tshe 'dir sangs rgyas thob par 'gyur/ /ces brjod do/ /de nas gdong g.yogs bcing ba ni/ /aoM A:hUM gsum gyis byin gyis brlabs la bcings nas/ lus kyi bshis ni 'di ltar byas te/ rkang pa gnyis bzhi bsal langs nas/ thal mo spyi bor sbyar te rlung bzung nas/ yid kyis gsol ba gdab pa ni/ bcom ldan mgon po tshe dpag med/ /yab yum 'khor dang bcas pa yis/ /me tog phreng ba gtad la bdag la ye shes dbab tu gsol/ /dus 'dir byin gyis brlab par rigs/ /ces lan gsum gsol ba gdab par bya'o/ /de nas slob dpon gyis slob ma'i spyi bor tshe dpag med yab yum 'od dang 'od zer gyi tshul du gar byed pa la dmigs pa gtad pa dang/ sku lus la ye shes kyi bdud rtsi kha dog lnga byung nas lus la thim par bsam/ /yab yum gyi g.yas su grub pa'i rgyal mo/ /g.yas DA ma ru/ g.yon thod pa bsnams pa/ sku mdog smug nag /rus pas brgyan pa/ gar byed pa la shes pa gtad/ g.yon du brgyud pa rnams bsam/ /de nas slob ma la dmigs pa de rnams bstan nas rang dang slob mas los gus byas pa dang/ spyi bo'i lha tshogs rnams gar stabs su ling ling spyi bor sib sib thim par bsam/ rol mo sna tshogs dkrol/ spos dkar nag gi dud pas bdug cing/ /dag tu aoM h+rI:b+h+ruM badzra dz+nyA na a ba sha ya ya A/ ces mang du brjod pas lus ngag yid gsum la phebs par 'gyur ro/ /de'i rtags ni 'phar ba dang/ 'dar ba dang/ gang byed pa dang/ saM kri ta'i skad dang/ rdo rje'i klu dang/ mi rtog gi ting 'dzin dpag med 'byung ngo/ /de nas dkyil 'khor du gzhug pa ni/ las kyi slob dpon cig gis rdo rje thogs la slob ma dkyil 'khor gyi shar phyogs su khrid nas/ yang dag pa'i dkyil 'khor 'dir/ /bdag gis slob ma gzhug par bgyi/ /lha rnams kyi ni rigs ji bzhin/ /dngos grub bsod nams de bzhin shog ces brjod do/ /de nas me tog thogs la/ sngon nas bsgrubs pa'i yi dam lha/ /gang yin de ring bdag bstan gyi/ /rigs dang 'thun pa'i dngos grub dang/ / lha dang ma nor 'jal bar shog / ces me tog dor la/ me tog gang la phog pa'i rigs kyi ming bde chen 'od dpag med/ mi bskyod tshe dpag med dang/ rin chen tshe dpag med la sogs pa'i rigs 'thun pa'i ming gdags par bya'o/ /de nas me tog de mgo la bcings la/ tshe dpag med du bsams nas/ phyogs bcu'i sangs rgyas byin brlabs pa'i/ /me tog 'od dpag med pa 'di/ /stobs chen khyod kyis rab bcings pa'i/ /rigs kyi bdag bor dbang bskur ro/ /ces pas spyi bor gdags so/ /de nas gser gyi thur? mas mig phye la/ tshe dpag med pi? dang khyod kyi/ /mig ni yang dag 'byed par mdzad/ /rdo rje'i mig ni bla na med/ /phye bas thams cad mthong bar shog / ces brjod la gdod g.yogs dgrol bar bya'o/ /de nas dkyil 'khor bstan pa ni/ /dkyil 'khor bzang po 'di la ltos/ /mthong nas dad pa rab tu bskyed/ /khyod ni tshe dpag rigs su skyes/ /sngags dang phyag rgya'i byin brlabs kyis/ /'gro don phun sum tshogs kun dang/ /dngos grub thams cad mngon du 'gyur/ /dam tshig thams cad bsrung ba dang/ /gsang sngags la'ang brtson par gyis/ /ces brjod la dkyil 'khor rnam dag bstan/ de nas phung po lnga/ 'byung ba lnga/ tshe dpag med yab yum du ngo sprad par bya'o/ /de nas phyag bya ste/ gling bzhis brgyan pa'i maN+Dal dang/ lus longs spyod gser gyi maN+Dal phul nas dbang bskur bar gsol ba 'dab pa ni/ byang chub rdo rje sangs rgyas la/ /ji ltar mchod chen brtsal ba ltar/ /bdag kyang rab tu bsgral ba'i phyir/ /nam mkha' i rdo rje deng bdag gsol/ /gtso bo mngon po tshe dpag med/ /yab yum 'khor dang bcas pa yi/ /'chi med bdud rtsi'i chu rgyun gyis/ /dbang bskur ding 'dir bdag la gsol/ /ces lan gsum gsol ba gdab par bya'o/ /de nas dbang bskur ba ni/ sangs rgyas dkyil 'khor lha tshogs thams cad kyis byin gyis brlabs/ khro bo thams cad kyi bar chad bsrung/ /mchod pa'i lha mo rnams kyis phyi nang gsang gsum gyis mchod/ /byang chub sems dpa' thams cad kyis brka shis kyi tshigs su bcad pa brjod/ /rigs kyi yum lngas rin po che'i bum pa nas ye shes kyi bdud rtsis dbang bskur bar bsams la/ slob ma'i spyi thog tu bum pa bzhag nas/ ji ltar bltams pa tsam gyis ni/ /lha rnams kyis ni khrus gsol ltar/ /lha yi chu ni dag pa yis/ /de bzhin bdag gis sku khrus gsol/ /na mardo rje'i dbang bskur chen po sbyin/ /ces pa ni sbyir bskur ba'o/ /de nas rig pa'i dbang lnga bskur ba ni/ bum pa mi bskyod par bskyed la/ dgug gzhug bya/ rang dang slob ma gnyis ka mi bskyod par bskyed nas dbang bskur ba ni/ kun gzhi'i rnam shes rnam dag pa/ /me long ye shes ngo bo nyid/ /bcom ldan mi bskyod pa yin ni/ /bdud rtsi'i chu rgyud dbang bskur ro/ /aoM badzra b+ha ba a b+hi Shiny+tsa tu maM/ ces brjod nas chu rgyun spyi bor blugs pas lus bde bas khyab cing/ zhe sdang thams cad dag nas me long ye shes rgyad la skyes par bsgom/ de nas dbu rgyan stong pa'i ngang las rin 'byung du bskyed/ ye shes gzhug /rang dang slob ma gnyis ka rin 'byung du bsam/ dbu rgyan slob ma'i sbyi bor bzhag la/ thor tshugs cod pan gyis brgyan pa/ /sangs rgyas kun gyis rab sngags pa'i/ /rin chen dag gi dbu rgyan dang/ /dar dpyangs dbang bskur sbyin par bya/ /aoM ratna a b+hi Shiny+tsa tu maM/ zhes brjod pas/ nga rgyal dag nas mnyam pa nyid kyi ye shes thob par bsam mo/ /de nas rdo rje dang rang dang slob ma snang ba mdza' yas su bskyed la/ rdo rje mgor bzhag nas/ sangs rgyas kun gyis rdo rje'i dbang/ /de ring khyod la bskur bar bya/ /sangs rgyas kun tu rab bsgrub phyir/ /rdo rje 'di ni khyod kyis yod/ /ces lag pa la dgug gzhug bya g.yas su byin la/ aoM pad+ma bdzra sa ma ya h+rIkhyod kyis long/ /aoM a ti pa ta la dgug gzhug bya ya te a b+hi Shiny+tsa tu maM/ zhes pas g.yon du sbyin no/ /des phra dgo dag nas bya grub ye shes rgyud la skyes par bsgom mo/ /de nas rdo rje dang dril bu rnam par snang mdzad du bskyed nas/ ? slob ma yang de bzhin du bsams nas/ rdo rje dang dril bu spyi bor bzhag nas/ sangs rgyas kun gyi ming gi dbang/ /de ring khyod la bskur par bya/ /sangs rgyas kun tu rab bsgrub phyir/ /ming gi dbang 'di khyod kyis long/ dgug gzhug bya/ ao badzra satwa ya traM a b+hi Shiny+tsa tu maM/ zhes brjod pas gti mug dag nas/ chos kyi dbyings kyi ye shes rgyud la skyes par bsgom mo/ /de dag gos bye brag tu rigs pa'i dbang lnga bskur bar bstan no/ /de? nas khyad par du 'chi med ye shes bdud rtsi'i phyi nang gsang ba de kho na nyid kyi dbang bskur ba bshad par bya ste/ de nas yang slob mas gser gyi maN+Dal phul nas gsol ba gdab pa ni/ bla ma mgon po che dpag med/ /lha tshogs 'khor dang bcas pa rnams/ /bdag la brtse bas dgongs su gsol/ /bdag la brtse bas dgongs nas kyang/ /'chi med tshe'i? dngos grub gsol/ /ces gsol ba lan gsum gdab bo/ /de nas dbang bskur ba ni/ gong bzhin du dkyil 'khor gyi lha tshogs dang/ khyad par du mgon po tshe dpag tu med pas/ bdud rtsi'i chu rgyun gyis bum pa bkang nas dbang bskur bas lus ngag yid gsum gyi sdig pa dang sgrib pa/ /khyad par du tshe zad pa dang 'gribs pa la sogs pa thams cad sangs kyis dag par bsams nas bum pa spyi thog tu bzhag la dbang bskur ba ni/ /so sor kun rtog rang bzhin gyis/ /bcom ldan tshe dpag med pa na/ /sku mdog dmar po 'od zer 'bar/ /'chi med bdud rtsi'i chu rgyun gyis/ /bum pa tshe yis bkang nas kyang/ /tshe dbang thams cad bdag la gsol/ /aoM h+rIslob ma gnyis kas bsams nas dbang bskur ba ni/ me long ye shes rang bzhin gyi/ /mi bskyod tshe dpag med pa ni/ /sku mdog sngon po 'od zer 'bar/ /'chi med bdud rtsi'i chu rgyun gyis/ /bum pa tshe yis bkang nas kyang/ /tshe dbang thams cad bdag la gsol/ /aoM hUM b+h+ruM ces sngags 'bru brgyad thams cad la'o/ /mnyam nyid ye shes rang bzhin gyi/ /rin 'byung tshe dpag med pa ni/ /sku mdog ser po 'od zer 'bar/ /'chi med bdud rtsi'i chu rgyun gyis/ /bum pa tshe yis bkang nas kyang/ /tshe dbang thams cad bdag la gsol/ /aoM swA d+h+ruM/ chos dbyings ye shes dang bzhin gyi/ /rnam snang tshe dpag med pa ni/ /sku mdog dkar po 'od zer 'bar/ /'chi med bdud rtsi'i chu rgyun gyis/ /bum pa tshe yis bkang nas kyang/ /dbang bskur thams cad bdag la gsol/ /b+h+ruM b+h+ruM/ bya grub ye shes rang bzhin gyi/ /don grub tshe dpag med pa ni/ /sku mdog ljang khu 'od zer 'bar/ /'chi med bdud rtsi'i chu rgyun gyis/ /bum pa tshe yis bkang nas kyang/ /dbang bskur thams cad bdag la gsol/ /Alus ngag yid gsum gyi sdig sgrib dang tshe nyams pa dang 'gribs pa thams cad sangs dag nas/ lus khrum bus 'di rnams 'og ma kun la yang 'dre'o// pa bzhin gyur/ /de nas bdud rtsi rkang mthil na yar skya mer mer byung bas spyi bor slob ba dang/ rang lus ye shes kyi lus su gyur par bsams la/ bum pa spri? thog bzhag nas/ 'od dpag yum mchog gos dkar mo/ /phyag na ra ga'i bum pa bsnams/ /tshe dang bdud rtsis bkang nas kyang/ tshe dbang thams cad dang 'dir gsol/ /aoM b+h+ruM a pa ra mi ta a yu dz+nyA na su bi ni shtsi t+ta te dzwa rA dza ya swAhA/ ces yum thams cad la dmigs pa dang sngags 'dre'o/ /mi skyod? yum mchog sangs rgyas spyan/ /phyag na shel gyi bum pa bsnams// rin chen yum mchog ma ma kyi / phyag na bai dur bum pa bsnams/ /snang mdzad yum mchog dbyings phyug ma/ /phyag na gser gyi bum pa bsnams/ /don grub yum mchog dam tshig sgrol/ /phyag na ain+ta'i bum pa bsnams/ /tshe dang bdud rtsis bkang nas kyang/ /tshe dbang thams cad 'dir gsol cig /de dag gis ni yum lnga'i dbang bstan to/ /de nas sems dpa' bcu drug gi bshad par bya ste/ shar phyogs kyi sems dpa' bzhis dbang bskur bas 'chi med tshe'i dngos grub thob par bsams la/ bum pa spyi thog tu bzhag nas 'di skad brjod par bya ste/ shar phyogs mi bskyod sems dpa' bzhi/ /bdun sngon po'i mdog 'dra ba/ /phyag g.yas rdo rje rtse lnga bsnams/ /g.yon na tshe'i bum pa 'dzin/ /tshe dang bdud rtsis bkang nas ni/ /tshe dbang thams cad 'dir gsol cig /sngags ni mi bskyod pa'i 'o/ /lho phyogs rin chen sems dpa' bzhi/ /bcom gser gyi mdog 'dra ba/ /phyag g.yas rin chen 'bar ba bsnams/ /nub phyogs pad+ma'i sems dpa' bzhi/ /pad+ma ra ga'i mdog 'dra ba/ /phyag g.yas chu skyes 'dab lnga bsnams/ /byang phyogs 'phrin las sems dpa' bzhi/ /ain+t+ra ni la'i mdog 'dra ba/ /phyag g.yas rdo rje rgya gram 'dzin/ /g.yon na tshe'i bum pa bsnams/ /tshe dang bdud rtsis bkang nas kyang/ /tshe dbang thams cad 'dir gsol cig /de nas 'chi med tshe'i dngos grub thob pa yin mnyam pa'i nges shes bskyed do/ /des ni sems dpa' bcu drug gi dbang bstan no/ /de nas de kho na nyid bstan par bya ste/ /rang dang slob ma'i snying kha'i h+rI:dang/ dkyil 'khor shar phyogs nas lta mo lcags kyu ma dkar mo cig las bcu/ bcu las brgyu la sogs ba mang po dpag tu med pa spros la/ rang dang gzhan gnyis ga'i nad gdon zhi ba'i las byas/ khyad par du shar dri za'i lag tu rang gi tshe nyams pa dang/ 'gribs pa dang/ zad pa kun bkug nas slob ma la bstim pas/ /nad gdon thams cad zhi nas tshe rgyas par bsams la/ spyi thog tu bum pa bzhag nas/ shar phyogs dkar mo zhi mdzad lha/ /dri za'i lag nas tshe? khug la/ /nang gdon rnams ni zhi mdzad pa'i/ /dbang bskur ding 'dir bdag la gsol/ /dza:hUM baM holongs spyod 'khor la sogs pa rgyas par byas te/ gshin rje'i lag nas tshe bkug la bstims la/ lho phyogs ser mo rgyas mdzad lha/ /gshin rje'i lag nas tshe bkug la/ /tshe dang longs spyod rgyas mdzad pa'i/ /dbang bskur ding 'dir bdag la gsol/ /yang sa bon dang/ nub nas lcags sgrog ma nub tu spros/ /chu lta'i lag nas tshe bkug nas/ /srid gsum dbang du byas par bsams la/ nub phyogs dmar mo dbang gi lha/ /chu lha'i lag nas tshe khug la/ /srid gsum dbang du bsdus byed pa'i/ /dbang bskur ding 'dir bdag la gsol/ /yang sa bon dang/ byang phyogs nas dril bu ma mang po spros nas/ nad gdon tshar gcad gnod sbyin lag nas tshe bkug la bstim/ ?/ /gnod srin lag nas tshe khug la/ nad gdon thams cad tshar gcod pa'i/ /dbang bskur ding 'dir bdag la gsol/ /de ni yum bzhi pho nya bzhir byas nas dbang bskur pa'o/ /de ltar dbang bzhi po de rnams bskur bas nyon mongs pa ngag / 'chi ba med pa tshe'i dngos grub thob pa de'i ngang las bdag nyid gtso bo yab yum du bsgom/ de nas de nyid brtan par bya zhing dbang rtags su rigs lngas dbu rgyan par bya ste/ de yang bum pa spyi bor bzhag /de gtso bo yab yum du bskyed/ /de las 'od zer dmar po lus la thim pas/ 'dod chags dag nas so sor kun rtog rgyud la skyes/ 'od dpag med kyis dbu rgyan par bsams nas/ 'dod chags rnam par dag nas ni/ /'od dpag med pas dbu rgyan te/ /so sor kun rtog don rtogs nas/ /mdzes shing pad+ma'i lus thob shog /aoM h+rI:b+h+ruM pad+ma ga la a b+hi Shiny+tsa tu maM/ bum pa mi bskyod par bskyed nas dpral bar bzhag 'od 'phros pas/ zhe sdang dag nas me long skyes te/ mi bskyod pas dbu rgyan par bsams nas/ zhe sdang rnam par dag nas ni/ /bcom ldan mi bskyod dbu rgyan te/ /me long ye shes don rtogs shing/ /'gyur med rdo rje'i lus thob shog /aoM hUM b+h+ruM badzra ka la a b+ha? Shany+tsi tu maM/ yang bum pa rna pa g.yas su bzhag nas/ rin 'byung du bsam/ de'i 'od kyis nga rgyal dag /mnyam nyid ye shes rgyud la skyes nas rin 'byung gis dbu rgyan par bsam/ nga rgyal rnam par dag nas ni/ /rin chen 'byung ldan dbu rgyan pas/ /mnyam nyid ye shes don rtogs nas/ /bde chen lhun grub don rtogs shog /aoM swa b+h+ruM rat na ka la sha a b+hi Shany+tsi tu maM/ yang ltag par bum pa bzhag nas rnam par snang mdzad du bskyed/ de'i 'od kyis gti mug dag /chos dbyings ye shes rgyud la skyes/ des dbu rgyan par bsams nas/ gti mug rnam par dag nas ni/ /sangs rgyas rigS kyi dbu brgyan te/ /chos dbyings ye shes don rtogs nas/ /chos kyi 'khor lo bskor bar shog /aoM b+h+ruM b+h+ruM bur d+ha ka la sha a b+hi Shiny+tsa tu maM/ yang rna ba g.yon par bum pa bzhag nas/ don yod grub par bskyed/ /de'i 'od kyiS phrag dog dag/ bya grub ye shes rgyud la skyes/ des dbu rgyan par bsam la/ /phra dog rnam par dag nas ni/ /don grub rigs kyi dbu brgyan te/ /bya grub ye shes don rtogs nas/ /ci bsams ma lus 'grub par shog/ aoM a b+h+ruM ka ra ma ka la a b+hi shiny+tsa tu maM/ ces rigs lngas dbu brgyan par bsams nas bkra shis kyi tshigs su bcad pa brjod cing me tog 'thor bar bya'o/ /bdag kho na mgon po tshe dpag med tshe rab med kho na bdag nyid yin na nyi pa'i nga rgyal brtan pos gnas par bya'o/ /de dag gis thun mongs ma yin pa khyad par gyi dbang bstan no/ /bum dbang gi dbang bzhi la/ sdud na 'dir rjes gnad rnams mdzad/ /stan thog gcig tu dbang gong ma rnams kyang bskur na/ de dag gi rjes/ sdoms pa rgya mtsho'i rgyud laS/ /skyob pa'i dkyil 'khor kyi mngon sum du zhes sogs gsungs pa'i don lnga'i rtogs pa bskye d+do/ /de nas bsad dbang sogs mdzad do/ /de nas rjes gnang bshad par bya ste/ dang po gtso bo yab yum bstan nas 'di kho na ltar byos shig byas nas/ 'dod chags bral ba lta bu yi/ /khams gsuM na ni sdig med cing/ /de bas 'dod la chags bral par/ /khyod kyis nam duAng byed cig ces so/ /sngags kyi rjes gnad rin? pad+ma'i phreng ba la gtso bo'i sngags kyis bsangs la/ bcom ldan 'di la rtsal lags kyi/ /'di la 'gro bar mdzad du gsol/ /ces gtso bo yab yum 'khor dang bcas pa'i sngags lan lnga rjes bzlos bya'o/ /de nas phyi nang gsangs ba gsum dus chod pa phul cig ces pa'i rjes su gnang ba bya'o/ /de nas dam tshig gsum gyi dbang bskur bar bya ste/ de yang slob ma dang rdo rje hUM las rdo rje sems dpar bskyed de/ thog mdza' med pa'i sems dpa' ni/ /rdo rje sems dpa' dga' ba che/ /kun tu bzang po kun bdag nyid/ /rdo rje snyems tshul bdag po'i bdag / bcom ldan 'das dpal mchog dang po'i skyes bu'o/ /zhes rdo rje lag pa g.yas su gtad de/ snying khar bzung nas/ thugs gnyis su med par rtogs par gyis cig pa'o/ /de nas dril bu snang ba mdza' yas gsung gi rang bzhin du bskyed nas/ srid pa ngo bo nyid kyis dag /ngo bo nyid kyis srid bral byas/ /rang bzhin dag pa'i sems dpa' mchog /srid pa mchog ni byed pa po/ /sgra thams cad chos kyi sgrar rtogs par gyis cig pa'o/ /de nas rang gi snying khar gtso bo yab yum bsams nas/ yi dam gzugs ni brtan bya'i phyir/ /dam tshig phyag rgya rab tu brjod/ /dam tshig 'di la brtag gnas pas/ /lha'i sbyor ba rab tu grags/ / ces lha sku snang stong sgyu ma'i skur rtogs par bya'o/ /de nas spyi dang bye brag gi dbang bshad par bya ste/ dang po slob ma skyil dkrungs su 'dug pa'i rkang pa'i bar du chos kyi 'khor lo lag pa g.yas su dung/ g.yon du glegs bam/ steng du gdugs phub la/ dengs nas brtsams te sems bskyed ba/ /tsam gyis chos kyi 'khor lo bskor/ /de ring phan chad 'jig rten la/ /skyob pa chos kyi 'khor lo bskor/ /chos kyi dud ni bla na med/ /kun tu ma lus gang bar gyis/ /som nyid yid gnyis mi bya zhing/ /dgos pa med pa'i sems kyis su/ /gsang sngags spyod pa'i tshul gyi mchog /'jig rten 'di la rab tu bsgrag /de ltar byas na sangs rgyas la/ /phan gdags drin du bzo zhes bya/ /rdo rje 'dzin pa de kun yang/ /kun tu khyed la bsrung bar byed zhes pa'o/ /de nas bye brag tu bskur ba ni/ /rang dang slob ma gnyis ka rnam snang du bskyed la/ rigs lngar bsgoms nas don bya snyam du bsams nas/ 'jig rten kun la thams cad du/ /sems can kun la phan pa'i phyir/ /ji ltar sna tshogs 'dul 'gyur ba'i/ /chos kyi 'khor lo rab tu bskor/ ces brjod la/ sangs rgyas rigs kyi gdul bya gti mug can gyi don bya snyam du bsam mo/ /de bzhin du rdo rje dang/ nor bu dang/ pad+ma dang/ rgya gram rnams kyi 'khor lo bskor ba rnams la tshig gong bzhin du spel bar bya'o/ /de nas rjes kyi cho ga bstan par bya ste/ de yang lung bstan pa ni/ khyod kyi phung po lnga khams lnga/ /dpag med yab yum yin par ni/ /ded 'di rangs khyod lung bstan bya/ /rdo rje sems dpa' de bzhin gshegs/ /srid pa rang bzhin rnam dag pas/ /lha yi 'khor lor gnas pa'o/ /ces brjod do/ /gzengs bstod pa ni/ yi dam lha dang mnyam par ni/ /dus 'di nyid du gyur pa ste/ /dgang zhing spro ba chen po yis/ /phyi rol mi bsam na 'du'o/ /ces brjod do/ /de nas dbugs dbyung ba ni/ bde chen theg pa 'di la ni/ / sla na chad 'chi ba yod min te/ /mi tshugs pa dang mi song bas/ /cis kyang mi 'chi dga' bar gyis/ /ces brjod do/ /de rnams brtan pa'i yan lag tu/ /brtul zhugs kyi dbang sbyin pa ni/ sbrang rtsi dang bdud rtsi bsres la/ 'chi med ye shes bdud rtsir byin gyis brlabs la/ slob ma la sbyin te/ 'di ni 'chi med ye shes chu/ /gang gis reg dang 'thungs pa yis/ //mchog dang thun mong dngos grub kun/ /thams cad da lta mngon du 'gyur/ / bgegs dang log 'dren kun 'joms shing/ /gzhan gyis rdzi bar mi nus pa'i/ /mi shigs rdo rje pha lam 'gyur/ /lhun grub bde ba chen po'o/ /zhes lan gsum brjod par bya'o/ /de nas dkyil 'khor gyi nub phyogs su/ pad+ma dmar po 'dab ma brgyad pa'i steng du/ tshe dpag med yab yum zhal sbyor du bsam/ de la ye shes gzhug /sku gsung thugs byin gyis brlabs nas/ mchod pa dang bstod pa byas nas/ gsang bsgrub ltar bzlas pa bya/ /rang yang gtso bo yab yum du bsams nas snyoms 'jug byas pas/ byang sems dkar dmar gsang gnas nas 'thon/ yab yum rnams kyang snyoms 'jug byas pas/ gsang gnas nas byang sems dkar dmar nar byung bar bsam/ de nas ka pA lar sbrang dang bur ma sbrang rtsi bsres la/ der byang sems dkar dmar bstim pa dang/ ka pA la 'chi med ye shes kyi bdud rtsi byang sems dmar pos mer khengs par bsam mo/ / de nas maN+Dal gyi steng du bla ma dang gtso bo yab yum gnyis su med pa'i gsang gnas nas byang sems kyi chu bo'i rgyun byung te/ slob ma'i lce thog tu thim pas/ bde stong gi nyams rgyud la skyes pa dang/ lus byang sems dmar pos khengs par bsams nas/ ka pA li'i bdud rtsi byin la/ phyogs bcu'i rdo rje 'chang rnams kyis/ /gsang ba'i gnas las byung ba yi/ /nga yi byang chub sems kyi rgyun/ /de ring khyod la bskur bar bya/ /ces brjod par bya'o/ / shes rab ye shes kyi dbang ni/ dkyil 'khor gyi lho phyogs su/ pad+ma 'dab ma brgyad phyogs mtshon kyi steng du/ slob ma yab du bskyed/ yum gos dkar mo dang gnyis su med ba'i sbyor ba byas pas/ yum gyi byang sems dmar pos/ rtsa gsum 'khor lo bzhi rims kyis dmar mer gyis khengs par bsams la/ gzhon nu yid 'ong bde ba'i mchog /the tshom spangs nas bsten par bya/ /brjod bral lhan cig skyes dga' ba/ /dus 'di nyid du mngon du 'gyur zhes brjod/ dngos sam yid kyis brten par bya'o/ /de nas dbang bzhi pa/ byang du ras dkar po'i steng du dbang bskur bar bya ste/ rang gtso bo yab yum du gsal ba'i gnas bzhir/ tshe dpag med mgon mtshon gang tsam pa re zhal sbyor du bsams te/ dmigs pa med pa'i dang du gnas par bya'o/ /de yang ma bcos pa rang grol du bzhag la/ ltos cig ltos cig sems la ltos/ /sems nyid cir yang grub pa med /gsal zhag dgag sgrub ma grub pa/ /rang grol nyid du gnas pa'o/ /ces phyag rgya chen po'i ngo sprod yang bya'o/ /dus 'dir rang grol lhun grub tu rtogs par 'gyur ro/ /bcom ldan 'das mgon po tshe dang ye shes dpag tu med pa'i dbang bzhi bskur ba'i cho ga'i las khrigs/ 'chi med ye shes kyi bdud rtsi'i bum pa zhes bya ba/ ye shes kyi mkha' 'gro ma grub ba'i rgyal mos mdzad pa rdzogs so// //'di rtsa rgyud le'u 'bum pa dang/ bshad rgyud 'od zer dra ba las phyung bas so/ /'di'i rgyud pa ni/ bcom ldan 'das tshe dpag med/ grub pa'i rgyal mo/ ras chung ba/ mnga' ris byang chub rdo rje/ grub thob rgyal tsha/ bla ma bzang yul ba/ sangs rgyas ston pa/ mkhas grub gzhon nu grub chos rje/ zhang ston chos rje 'ang zer/ byang chub shes rab/ de la bla ma pu N+yad+hwa bsod nams rgyal mtshan dpal bzang po rdo rje grags dza dang/ mkhas kun dga' shes rab gnyos ston rin chen ldan brtson 'grus seng ge btsun sangs rgyas rnams so/ / //*/ /dbang po rta mgrin gyi bsgrub thabs bzhugs/ /rgya gar skad du/ ha ya g+h+ri ba sA d+ha na ma/ bod skad du/ rta mgrin gyi bsgrub thabs/ pad+ma gsung gi lha la phyag 'tshal lo/

CLOSE WINDOW