བོད་ཡིག

e-texts based on the ACIP/ALL Input

//*/ /dbyangs can ma'i bstod pa paN+Di ta nag mo'i khrol gyis mdzad pa paN+Ti ta dz+nyA na shI la dang/ dge slong chos 'bar gyi 'gyur bzhugs so// */ /rgya gar skad du/ swo ra swo stot+tra na ma/ bod skad du/ lha mo dbyangs can gyi bstod pa/ ston zla rab rgyas ku mud dung dang chu shel gangs ri ltar dkar ba/ /rab dkar dkar gsal gzi ldan yi 'phrog lha mo dbyangs can phyag 'tshal lo/ /mi shes gti mug rmongs pa'i chags ni kun nas 'joms/ /smra ngan sun 'byin thogs med kun gzigs spobs pa'i gter mchog rgyas par mdzod/ /sgrib gnyis sprin bral blo gros 'od zer stong ldan rab tu 'char ka yi/ /nyi ma'i zer gyis 'byed bya'i padmo rab dul kha 'byed rnam rgyas pas/ /rab tu dri zhim bsil dang? ldan pa'i padmo'i ze 'bru'i ngos dag la/ /bdag bla'i gus bas 'thungs pas blo gros cher rgyas sbrang rtsis 'gro rnams skyongs/ /gser gyi ri dang kun mkhyen chu gter lta bur kun nas lhun chags pa/ /rtsod pa'i phye ma leb dang bdud dang dus kyi rlung gis bskyod ma yin/ /bcu drug na tshod lta bu'i bu mo rab mdzes sgeg pa'i nyams dang ldan/ /lha yi rgyan rnams du mas khyod kyi lus dang yan lag mdzes pa yis/ /chu 'gram gnas nas mgrin sngon dga' bskyed rgya mtsho'i lha mo dbyangs can ma/ /khyod la phyag 'tshal brtse bas bdag blo'i mi shes mun pa myur du sol/ /rab tu snyan pa'i dbyangs ldan dri za'i bu mo yid 'phrog ma/ /lag gi 'du byed rab tu bsgyur bas tshangs pa'i gsung dbyangs rnams 'byung bas/ /sgra dang tshad mi snyan ngag mngon brjod sdeb sbyor legs bshad chos rnams kun/ /pha rol yid 'phrog 'dzin par nus pa ci'i phyir bdag la mi stsol lags/ /khyod kyi thugs ni kun tu mi g.yo rgya mtsho chen po lta bu ste/ /thugs rje'i brlabs shugs drag tu bskyod pas 'gro ba'i gdung ba rab tu sol/ /dbang gi rgyal po'i 'byung gnas yid bzhin re skong dbyangs can rgya mtsho yis/ /rmongs pa'i gdung bas gdungs pa'i skye bo rings por skyong ba dang/ gti mug dag gis blo dman skye bo'i re ba myur du skongs/ /bdag blo'i ku mung da ni rab tu kha zlum rnam par gnag pa la/ bsil zer byed pas rab tu sprin bral dkyil 'khor rnam par rgyas pa yis/ /ku mung kha bye rab rgyas ze 'bru'i bsil dang rnam par sel bar mdzod/ /rab tu dri bral rkyen gyi dri mas ma phog ma 'gags khyod kyi sku/ /kun tu tshangs pa'i dbyangs can ca co'i dri bral khyod kyi gsung/ /shes bya kun la thogs pa med pa'i ye shes dang ldan khyod kyi thugs/ /bstod pa 'di yis bstod la dbyangs can ma yis blo gros mchog rab rtsol/ /dbyangs can gyi bstod pa 'di ni/ /lho phyogs gyi rgyud du byung ba'i mkhas pa chen po paN+Di ta nag mo'i khol gyis dbyangs can ma zhal gzigs pa'i dus su dgyes te bstod pa rdzogs so/ / //gang zhig 'di 'don pa la shes rab stsol bar khas blangs so/ /rgya gar gyi mkhan po paN+Di ta dz+nyA na si la dang/ lots+tsha ba dge slong chos 'bar gyis bsgyur ba'o// //*/ /tshe dpag med kyi rgya gzhung bsgrub thabs bzhugs so// //rgya gar skad du/ a yu a pa ra mi ta sa d+ha nas/ bod skad du/ tshe dpag tu med pa zhes bya ba'i sgrub thabs/

CLOSE WINDOW