བོད་ཡིག

e-texts based on the ACIP/ALL Input

/ //aoM ku ru ku le hI hUM swa swAhA/ /aoM ta re tu da ta re tu re swA hA/ bkra shis par shog/ //*/ /rgya gar skad du/ /ba d+hi ra d+ha ra sto tra/ bod skad du/ seng ldeng nags kyi sgrol ma la bstod pa/ 'phags ma seng ldeng nags kyi sgrol ma la phyag 'tshal lo/ /'phags ma'i pho brang seng ldeng nags na sgrol ma rtse/ /au dum wa ra seng ldeng rgya shug n+ya gro ta/ tsan dan 'bras bu gsum stong dza ti li shi'i tshal/ /kha brum la bye me tog shing lo nyams dga' gnas/ /ljon shing 'bras bu smin dang ma? smin ? po la/ /yan lag brgyad ldan chu ni lhung lhung sgra snyan la/ /rma bya ne tso khu khyug bzhad rnams sgra snyan sgrogs/ /stags gzig rgyug cing e nas gar byed de ma dred mchongs/ /lce sbyar glu len spre spre khri snyan be'u snun/ /lha'i du mo gzhon nu nags na drug ldan len/ /dge slong klu grub seng ldeng nags na grub chen mdzad/ /sgrol ma gshegs bzhud zhing khams gnas la phyag 'tshal bstod/ /skye med thugs rje'i mtsho las pad ma mar gad mdog /me tog zla mdzes bud med rin chen bcud kyis mdzes/ /ngang pa'i 'gros ltar bgyid zhing gnyis 'thur dreg bzhin gzigs/ /bde gshegs thugs rje'i rlan gyis gang mos skur ston ma/ /gser gyi pad mas snyan rgyan aud pal dar dbyangs can/ /rin chen rtse bran dbul don grub cod pan bzhugs/ /mu tig btso ma byu ru'i chun 'phyangs 'gur chu mdzes/ /phyag zhabs gdu? gu dpung rgyan sku reg dar sgeg ma/ /thugs rje 'khod ba las sgrol phyag na pad mo yis/ /spyan gyi chab las lha mo sku 'khrungs 'od dpag med/ /smon lam mthu yis brtse chen gzhan gyi don la brtson/ /zhing mchog rnam dag seng ldeng nags kyi gzhon nu ma/ /zhal gyi pad ma yid 'ong bzhin ni zla ltar rgyas/ /chu skyes spyan mdzes dkyus ring dkar nag mdangs gsal ba/ /mgor skyes khur bu gser gyis sgra brgyan bud ltar gnag / bi'i rdzi 'dra snum zhing mdzod spu dud 'khyil ma/ /bden gnyis phyag ni aud pal kha 'byed bdag sogs gyi/ /gti mug mun sel snying gi chu skyes kha dbus na/ /aud pal g.yon bsnams ye shes rgyas mdzad g.yas pa yis/ /'gro rnams bung ba'i me tog sngon po kha 'byed ma/ /srid par lhungs nas mya ngan smre sngags 'don pa la/ /sems can don mdzad seng ldeng nags nas bzhengs la gshegs/ /lang tso dar bab 'o ma rgyas pa'i nu 'bur can/ /sna tshogs thabs kyis srid zhi g.yo zhing bskyod mdzad ma/ /khyu mchog spyad mo 'gying bag lte ba pad ma can/ /dza ti tsam pa li shi dri dad bzang por ldan/ /phyag zhabs par ma ltar dmar 'khor ba'i skyon mgos/ /pan tsa li ga lha dar stod smad brgyan byas ma/ /nyi tshe'i sku min khyab pas thugs rje'i 'phrin las sku/ /thub bas rgya mtshor gsungs pa klu grub snying po yis/ /nags su gzigs so sems can ngal gyis khur chen khyer// tshad tshangs srid pa'i nags nas zhi bar sgrol mdzad ma/ /bsgres mo gzhon nu'i tshul 'dzin sangs rgyas kun gyi phyi/ /ming tsam dran pa nyid kyis 'jigs la bskyod mdzad ma/ /yun ring 'khor bar mi skyo zhi bar mi gnas pa'i/ /sa bcu'i dbang phyug rgyal sras rnams kyi thugs rjes/ /rje btsun yon tan mdza' yas bdag gis brjod mi nus/ /kun tu rtogs spangs ye shes mnga' brnyes chos kyi sku/ /gzhan gyi don phyir sku ni seng ldeng nags na gshegs bzhud mdzad/ /srid las bdag grol nags kyi bu mo phyag 'tshal bstod/ /'od zer ral cig ser sngo? g.yas g.yon phyogs char gshegs/ /zhi khro'i phyag gnyis rdo rje a sho gri khug thogs/ /snga phyir bzhud cing dpe med gus ldan bsnyen bkur mdzad/ /mdzes ma nye 'khor 'od zer ral cig phyag 'tshal bstod/ /sngon mchod phyi nas gdugs khur rigs rgyal ? mo'i tshogs/ /rnga yob? ting shag rnga gling pa bid? glu gang 'gengs/ /lha'i bu mo bco lnga rgyan ldan na bza' mdzes/ /sna tshogs sku yis mchod bsnams rol la phyag 'tshal bstod/ /nags tshal lnga? mo sku mdzes dag ma 'khor btsas la/ bdag gis bstod bgyis mi bzang dge ba bzang po nges/ /'gro ba kun thugs rje'i chu'i nyon mongs kun dag nas/ /srid pa'i nags nas zhi ba'i tshal du phyin par shog /gzhon nu kha ti ta re ma la bstod pa tshigs su bcad pa bcu drug pa/ /slob dpon 'phags pa klu grub kyis mdzad pa rdzogs so// // aoM tha ma hA b+ha pa/

CLOSE WINDOW