བོད་ཡིག

e-texts based on the ACIP/ALL Input

/ //rgya gar skad du/ arya ta ra mang gal gi ti/ bod skad du/ 'phags ma sgrol ma'i bkra shis pa/ /dpal dag gi dbang phyug la phyag 'tshal lo/ /phyogs bcu'i sangs rgyas rnams kyis yum gyur dge mche/ /dus gsum rtag par zla rgyas zhal can yid 'od sgegs/ /gzhon nu'i rol pas 'jig rten khyab par gsal mdzad sgrol/ /'gro ba sgrol mdzad sgrol ma'i bkra shis bde legs shog / phyogs bcu'i dus gsum kun tu byang chub sems dpa' lcam/ /pad+ma rgyas pa'i zhal nas 'od zer 'bum dang bcas/ /yud tsam skad cig blo 'gyu zhing khams du ma khyab/ /'gro ba sgrol mdzad sgrol ma'i bkra shis bde legs shog / phyogs bcu'i gsung dbyangs du mas chos kyi char pa 'beb/ /yan lag bcu gnyis gsung dbyangs yi ge bcur bsdus nas/ /pha rol phyin bcu'i tshus gyis gdul bya 'dul byed pa/ /'gro ba'i sgrol mdzad sgrol ma'i bkra shis bde legs shog / phyogs bcur 'od kyis 'gengs mdzad mgon po bcom ldan 'das/ /rse dpag med pa dbu la rgyan mdzes khur du khur/ /bla ma skyong mdzad dam tshig mi spang sdom pa can/ /'gro ba sgrol mdzad sgrol ma'i bde legs shog / phyogs bcu'i 'phags lam 'gro ba ma lus pa/ /thugs rjes gzigs nas bde thabs du mas rtsol mdzad pa/ /dgra bcom rang rgyal sogs dang bu mo'i gzugs 'dzin rgyal/ /'gro ba sgrol mdzad sgrol ma'i bkra shis bde legs shog /phyogs bcur 'gro ba rnams su rtag par 'jigs pa brgyad sel phyir/ /kha dog dkar dmar sngo ljang ser nag sogs/ /du ma'i gzugs bzang rlung bzhin myur du rgyu bar mdzad/ /'gro ba sgrol mdzad sgrol ma'i bkra shis bde legs shog /phyogs bcu kun tu gsal mdzad nyi ma'i 'od zer can/ /lha'i 'khor los gsang ba'i brag phug nang gnas pa/ /thugs rje'i spyan gyis rgyan chad med par gzigs pa'i/ /'gro ba sgrol mdzad sgrol ma'i bkra shis bde legs shog /phyogs rnams gzugs mdzes khyab pa'i lha'i 'khor lo ni/ /nor bzang 'od zer can dang phag mo khro gnyer can/ /rtag par phyi bzhin 'brang mdzad mdzes pa'i 'khor gyis brgyan/ /'gro ba sgrol mdzad sgrol ma'i bkra shis bde legs shog /po ta lar ni 'jig rten dbang phyug mgon po'i mthus/ /rig pa'i lha mo tshogs rnams 'gro don bya'o zhes/ /rtag par zhal gyis bzhes nas nad gdon kun sel ba'i/ /'gro ba sgrol mdzad sgrol ma'i bkra shis bde legs shog /phyogs bcu'i dang ldan bsgrub pa rnams kyis dran tsam gyis/ /rgyal po me chu glang chen rkun po gdon sprul gdug / mu ge mtshon 'khrugs nad yams dran pas zhi byed pa'o/ /'gro ba sgrol mdzad sgrol ma'i bkra shis bde legs shog /phyogs bcur bud med gzugs mdzes rnams ni bsdus/ /sgrol ma'i sku'i brgya'i char nye bar lha mi klu mo lha min ma/ /gnod sbyin mo mdzes rnams kyis bcu drug char mi phod/ /'gro ba sgrol mdzad sgrol ma yi bkra shis bde legs shog /phyogs bcu'i lha mo rnams dang rin chen rnams kyi 'od/ /kun bsdus sgrol ma'i 'od kyi brgya'i char mi nya/ /'on kyang rin chen tshogs mnga' rab sgegs mdzad rnams brgyan/ /'gro ba sgrol mdzad sgrol ma'i bkra shis bde legs shog /phyogs bcu'i rgyal ba rnams kyi mtshan ni yi ge bcu/ /aoM yig ta re dang bcas khyad par tud ta re/ /ta re swAhAs mya ngan 'das mchog zhib bsgrub/ /'gro ba sgrol mdzad sgrol ma'i bkra shis bde legs shog /phyogs bcur spyan dang ma mgos kar la sogs rigs/ /mi'i tshogs kyis rnga yab dri za can thogs nas/ /sil snyan tshogs dang snyan pa'i dbyangs kyis sgrol ma bstod/ /'gro ba sgrol mdzad sgrol ma'i bkra shis bde legs shog /phyogs bcur rigs 'dzin tshogs rnams 'gro phan gang spyod kyang/ /rje mo khyod dran tsam gyis nyi ma'i 'od zer ltar/ /nyon mongs mun pa sel cing sdug bsngal tshogs las skyobs/ /'gro ba sgrol mdzad sgrol me'i bkra shis bde legs shog /phyogs bcu'i khro bo chen po gshin rje gshed swo rnams/ /sgrol ma dran byed rnam kun bsrungs la brtson/ /khyab 'jug la sogs lha chen rnams kyis rjes 'brang ba/ /'gro ba sgrol mdzad sgrol ma'i bkra shis bde legs shog /'phags ba sgrol ma'i bkra shis brjod pa rdzogs so// //paN Ti ta surya sri dang/ lots+tshab longs sa dge slong tshul khrims rtsags kyis bsgyur ba'o/ / //aoM ku ru ku le hI hUM swa swAhA/ /aoM ta re tu da ta re tu re swA hA/ bkra shis par shog/ //*/ /rgya gar skad du/ /ba d+hi ra d+ha ra sto tra/ bod skad du/ seng ldeng nags kyi sgrol ma la bstod pa/

CLOSE WINDOW