བོད་ཡིག

e-texts based on the ACIP/ALL Input

/ //rje btsun ma 'phags ma sgrol ma la bstod pa bzhugs so// //*/ /rgya gar skad du/ arya ta ra stong tra/ bod skad du/ 'phags ma sgrol ma la bstod pa/ rje btsun ma 'phags ma sgrol ma la phyag 'tshal lo/ /rig pa las skyes dbyings na bzhugs/ /spras med rtog bral bde ba che/ /rnam dag don dam byang chub sems/ /sgrol ma chos sku phyag 'tshal lo/ /gzhon nu'i tshul ldan mdzes pa'i sku/ /kha dog mchog ldan brjid pa'i zhal/ /lha mo'i dkyil 'khor dbus na bzhugs/ /sgrol ma longs spyod phyag 'tshal lo/ /thugs kyi gsang ba'i dkyil 'khor nas/ /yang dag rig pa'i gzugs 'phro ma/ /'gro drug sems can sgrol mdzad ma// sgrol ma sprul sku phyag 'tshal lo/ /log rtog ma rig gnyid spangs nas/ /thugs mchog shes bya kun la khyab/ /yang dag rdzogs sangs rgyas mchod brnyes/ /sgrol ma sangs rgyas phyag 'tshal lo/ / bde chen zhi ba mya ngan 'das/ /dam pa'i chos mchog ye shes bcu/ /pha rol phyin pa bcu ston ma/ /dam chos sgrol ma phyag 'tshal lo/ /dus gsum bder gshegs thams cad kyis/ /sku dang gsung dang thugs grub ma/ /'dus pa'i ye shes mkha' 'gro ma/ /sgrol ma dge 'dun phyag 'tshal lo/ /'gro ba'i sdug bsngal zhi 'dod pas/ /khams gsum po la rjes su chags/ /ma ltar brtse ba'i lha mo'i gzugs/ /'dod chags sgrol ma khyod phyag 'tshal/ /srid pa'i rang bzhin dag par mkhyen/ /khams gsum po la chags mi mnga' / /rgyal ba bskyed mdzad yum gyi sku/ /chags bral sgrol ma khyod phyag 'tshal/ /thabs dang shes rab mnyam sbyor bas/ / srid dang zhi la mi gnas pa/ /'dod chags ma yin chags dral min/ /mi gnas sgrol ma khyod phyag 'tshal/ /sangs rgyas kun gyi ye shes sku/ /gti mug mdongs pa'i sems can gyi/ /ma rig mun pa sel mdzad ma/ / bde gshegs sgrol ma khyod phyag 'tshal/ /sangs rgyas kun gyis yon tan tshogs/ /khengs pa zil gnon sems can gyi/ /nga rgyal ri bo 'joms mdzad ma/ /rin chen sgrol ma khyod phyag 'tshal/ /sangs rgyas kun gyi dri med gsungs/ /'dod chags kyis gdungs sems can gyi/ /srid pa'i gdung ba sel mdzad ma/ /pad+ma'i sgrol ma khyod phyag 'tshal/ /sangs rgyas kun gyis mdzad pa mchog /phrag dog gis bsnun sems can gyi/ /phrag dog zug rnga 'byin mdzad ma/ /'phrin las sgrol ma khyod phyag 'tshal/ /sangs rgyas kun gyis rdo rje'i sku/ /khong khro bcom pa'i sems can gyi/ /zhe sdad mtshon cha gcod mdzad ma/ /rdo rje sgrol ma khyod phyag 'tshal/ /gzugs brnyan lta bu'i sku 'dzin ma/ /phra dang rags pa'i gzugs dang bral/ /mtshan dang dpe byed rnam par spras/ /rdo rje'i sku la phyag 'tshal bstod/ /sgra brnyan lta bu'i gsungs brjod pa/ /brjod dang yi ge nam par spangs/ /tshig dang ngag gal? ma las 'das/ /rdo rje'i gsung la phyag 'tshal bstod?/ /rmi lam lta bu'i thugs mnga' ma/ /dngos dang dngos med sogs mi mthong/ /rtag dang chad pa sogs mi shes/ /rdo rje'i thugs la phyag mtshal bstod/ /rdul bral mkha' bya ba sgrol ma la/ /phyag bya phyag byed mi dmigs par/ /yan lag med cing lus med pa'i/ /gzugs med rdo rje'i lus kyis 'dud/ /rtog med spros bral sgrol ma la/ /bstod bya bstod byed mi dmigs par/ /snga dang brjod pa rnam bral ba'i/ /brjod med rdo rje'i tshig gis bstod/ /tshor bral dmigs med sgrol ma la/ /bsam bya bsam byed mi dmigs par/ /'dzin pa med cing rig bral ba'i/ /rdo rje sems kyis rab tu 'dud/ /slob dpon a k+Sho b+hya badzras mdzad pa'o/ / //*/ /rgya gar skad du/ sa ma ya ta ra staM ba/ bod skad du/ dam tshig sgrol ma la bstod pa/ srid pa sgrol mdzad sgrol ma khyod la phyag 'tshal lo/ / srid pa'i yum ni khyod lags sdug bsngal med par mdzod/

CLOSE WINDOW