བོད་ཡིག | e-texts based on the ACIP/ALL ![]() ![]() |
//*/ /sgrol ma nor sbyin ma bzhugs so// //rgya gar skad du/ d+ha na da tA ra sA d+ha na/ bod skad du/ sgrol ma nor sbyin ma'i sgrub thabs/ 'phags ma sgrol ma la phyag 'tshal lo//
de nas bcom ldan 'das ma sgrol ma'i dkyil 'khor gyi 'khor lo'i rim pa ni mdor bsdus pa bri bar bya'o/ /dang por bcom ldan 'das ma sgrol ma bsgom pa'i bdag nyid kyi rigs kyi bus ma la
nas ldang ba'i dus su/ rang gi snying gar a las skyes pa'i zla ba'i dkyil 'khor la tAM yig tu snang ba'i 'od zer 'phro ba bsgoms nas/ de las 'od zer 'phras pas lha mo sgrol mas gtso mdzad pa'i de bzhin gshegs pa
thams cad mdun du bltas nas/ me tog dang bdug pa la sogs pa rnams kyi yig kyi rang bzhin gyi mchod pa bya'o/ /de la gnas pa'i sems kho nas langs nas/ kha bkrub la sogs ba sngon du byas te/ bsam
gtan kyi khang par byams pa dang snying rje'i bdag nyid kyis/ sna'i rtse mo dang 'brel par blta bas bsam gtan dang 'brel ba'i phyag rgyas/ aoM swa b+hA wa shud d+hassarba d+hArmAd+harmAs swa b+hA? wa shu n+yo haM/ aoM shUn+ya tI dzwa? na badzra swa b+hA wAt+ma konyahaM/ zhes pa'i sngags dran la sngon du 'gro bas khams gsum po thams cad dang ring gi lus stod pa nyid du bsam nas/ rang gi bdag nyid me long gri
gzugs brnyan dang 'dra bar blta bar bya'o/ /de'i rjes su rang gi snying ga'i pad mar a las skyes pa'i zla ba'i dkyil 'khor la taM yig gi 'od zer gyis spyan drangs pa'i bla ma dang sangs rgyas dang byang chub sems dpa'
rnams mdun du bltas te mchod yon dang me tog la sogs pa rnams kyis yid kyi rang bzhin gyi mchod pas mchod par bya'o/ /de la tshigs su bcad po ni/ aoM sangs rgyas kun la bdag phyag 'chal/ rgyal bas
gsungs pa'i chos dang ni/ /dge 'dun tshul khrims bzang ldan pa/ /dkon mchog gsum po khyed la 'dud/ /dkon mchog gsum la bdag skyabs mchi/ /sdig pa thams cad so sor bshags/ /'gro ba'i dge la rje yi
dang/ /sangs rgyas byang chub yid kyis bzung/ /sangs rgyas chos dang tshogs mchog la/ /byang chub bar du skyabs su mchi/ /rang gzhan don ni rab sgrub phyir/ /byang chub sems ni bskyed bar bgyi/ /byang chub mchog gi
sems ni bskyed bgyis nas/ /sems can thams cad bdag gi 'gron du gnyer/ /byang chub spyod mchog yid 'ong spyad par bgyi/ /'gro la phan phyir sangs rgyas 'grub par shog /ces pa la sogs pa smon
lam gyi mthar thug pa byas la/ /lha mo sgrol mas gtso mdzad pa'i de bzhin gshegs pa de thams cad rang gi lus la gzhug go /'di ni bsod nams kyi tshogs spel ba'i cho ga'o/ /de nas ye shes kyi cho gas rdzogs
pa'i don tu cho ga bri bar bya ste/ paM las skyes pa'i pad+mar raM las skyes pa'i nyi ma la hUM las skyes pa'i bgegs mthar byed drag po'i gzugs can g.yon brkyang gis gnas pa/ g.yas na rdo rje 'dzin pa/ g.yon pa sdigs
'dzub can/ mdog nag po zhal cig sbyan gsum pa bsgom par bya'o/ /de la sngags ni/ aoM a mri te ha na ha na sarba bi g+h+nAn da ha da ha sa rba pA yAn? hUM phaT/ ces pa bgegs nye bar zhi bar byed pa'i sngags so/ /de'i rjes su/ li ri
baM saM zhes pa'i sa bon gyi yi ge rnams kyis/ rlung dang me dang chu dang sa'i dkyil 'khor rnams bsam par bya'o/ /de nas rdo rje'i sa la sogs pa bya'o/ /de la sngags ni/ aoM me di ni badzrI b+ha wa ban d+ha hUM/ aoM badzra pany+dza ra hUM pi
hUM/ aoM badzra bi tA na hUM biM hUM/ aoM badzra sha rA dzA la traM shaM traM/ aoM badzra dzwA lA na lArka hUM hUM hUM/ 'di ltar bsrung ba'i 'khor lo bsgoms nas/ puM yig las skyes pa'i ri rab la a las
skyes pa'i pad+ma la/ b+h+ruM yig las skyes ba'i khang pa rtsegs pa rnam par snang mdzad kyi rang bzhin gru bzhi sgo bzhi pa rta babs bzhis brgyan pa/ do shal dang do shal phyed pa dang me tog gi phreng ba dang me tog la sogs pas
brgyan pa de'i dbus su sna tshogs pad+ma 'dab ma brgyad pa/ sgo bzhir yang sna tshogs pad ma rnams so/ /dbus su gnas pa'i sna tshogs pad+ma las skyes pa'i zla ba la rar gi lus taM yig gis sa bon las byung ba'i lha
mo sgrol ma'i rang bzhin gyi bdag nyid 'od kyi snang ba zhal cig spyan gnyis phyag bzhi ma/ sngo ljang sems dpa' i skyil krung can/ g.yas pa mchog sbyin dang bgrang phreng 'dzin pa/ g.yon pa autpal dang po ti sa mtshan
pa bsgom par bya'o/ /de'i/ thugs gar traM yig go /de las byung ba'i yi ge gsum ni aoM kha dog dkar po rnam par snang mdzad ni spyi bor bsgom par bya'o/ /A:yig kha dog dmar po 'od dpag tu med pa ni
kha'i nang du bsgom par bya'o/ /hUM yig kha dog ljang gu don yod grub pa ni snying gar bsgom par bya'o/ /'dir sngags ni/ aoM sarba ta thA ga ta ka ya wAka tsit+ta badzra swa b+hA wAt+ma konyhaM/ de nas rang gi lus la sngags
dgod pa ni/ spyi bor aoM/ dpral bar tA/ mig dag tu re/ sna'i rtse mor tu/ mgrin par t+tA/ snying gar re/ lte bar tu/ gsang bar re/ pus mo dag la swA/ rkang pa dag la hA/ 'di ltar bkod pa'i sngags kyi yi ge
rnams kyis rang gi lus sgrol ma'i rnam par bsgom par bya'o/ /de'i rjes su/ tAM yig de las byung ba'i yi ge bcu gsum rnams ni/ khaMma'i zla ba rnams dang sgor gnas pa'i sna tshogs pad+ma'i nyi ma rnams la dgod par bya'o/ /de'i 'od kyis spyan drangs pa'i de bzhin gshegs pa rnams yi ge de rnams nyid la rab tu gzhug go /de la shar gyi 'dab mar bcom ldan
'das ma rdo rje sgrol ma nag mo mi skyod pa'i rang bzhin phyag gnyis rdo rje dang autpa la 'dzin pa/ lhor rin chen sgrol ma ser mo rin chen 'gyur ldan gyi rang bzhin phyag gnyis na rin po che dang autpa la 'dzin la/ nub tu par ma
sgrol ma dmar mo 'od dpag tu med de'i rang bzhin phyag gnyis pa pad+ma dad autpa la 'dzin pa/ byang du sangs rgyas sgrol ma dkar mo rnam par snang mdzad kyi rang bzhin 'khor lo dang autpa la 'dzin pa/ 'di rnams dkyil 'khor
gyi 'dren ma dang bcas pa lha mo lnga po rnams rim pas/ bya ba grub pa'i ye shes dang/ shin tu rnam par dag pa chos kyi dbyings kyi ye shes dang/ mnyam pa nyid kyi ye shes dang/ so sor rtog pa'i ye shes dang/ me long lta
bu'i ye shes shes bya ba ste ye shes lnga'i rang bzhin du bsam par bya'o/ /mer me tog sgrol ma dkar mo me tog gi phreng ba 'dzin pa sa'i khams kyi rang bzhin/ bden bral du bdug spos sgrol ma nag mo chu'i khams kyi rang
bzhin/ phyag gnyis na spos phor 'dzin pa/ rlung du mar me sgrol ma dmar mo phyag gnyis mar me'i kong bus mtshan pa me'i khams kyi rang bzhin/ dbang ldan dru dri'i sgrol ma gur gum gyi dmog can dri'i dung chos 'dzin pa rlung gi
khams kyi rang bzhin can/ shar sgor rdo rje lcags kyu ma nag mo lcags kyu 'dzin pa dad pa'i dbang po'i rang bzhin g.yas rkyang ba can/ lho sgor rdo rje zhags pa ma ser mo zhags pa 'dzin pa brtson 'grus
gyi dbang po'i rang bzhin g.yas brkyang ba can/ nub sgor rdo rje lcags sgrog ma dmar mo lcags sgrog 'dzin pa dran pa'i dbang po'i rang bzhin g.yas brkyang ba can/ byang sgor rdo rje dril bu ma dkar mo rdo rje dril bu
'dzin pa/ ting nge 'dzin gyi dbang po'i rang bzhin g.yas brkyang ba can no/ /dkyil 'khor kyi gtso mo khaM yig las skyes pa'i don yod grub pa'i cod pan can no/ /de nas bskyed pa'i dkyil 'khor gyi gtso mo'i
snying gar gnas pa'i sa bon tAM? yig las 'od zer sna tshogs 'phros pas me tog can gyi 'jig rten gyi khams nas ye shes kyi dkyil 'khor spyan drangs te/ dza:hUM baM ho:zhes pa'i sngags kyis dgug pa dang
gzhug pa dang bcings pa dang mnyes pa la sogs pa'i rig pas dkyil 'khor gyi 'khor lo thams cad la bsgom par bya'o/ /de nas dbang bskur ba bzung ba'i don du spyan ma la sogs pa'i lha mo'i tshogs spyan
drangs te/ aoM A:sarba ta thA ga tA b+hi She ka pa ma ya sh+ri ye hUM/ aoM sarba ta thA ga tA badzra de byo ma mA b+hi Shiny+tsan+tu swAhA/ zhes pa'i sngags kyis dbang bskur ba bzung bas rang lha mo sgrol ma'i rang gzugs yin yo de
rnal 'byor pa'i bsod nams kyi tshogs mngon par 'phel ba'i slar du phyi'i dkyil 'khor spro par bya ste/ de la sngags rnams ni/ aoM ta' re tut+tA re swA hA/ zhes pa'i rtsa ba'i sngags kyi dbus su dkyil 'khor
gyi 'dren ma'o?/ /shar du/ aoM badzra tA re swAhA/ lhor aoM ratna tA re swAhA/ nub tu aoM pad+ma hA re swAhA/ byang du aoM bud+d+ha tA re swAhA/ mer aoM buShpa tA re swAhA/ bden bral du/ aoM d+hU pa hA re swAhA/ rlung du/ aoM pI pa tA ? srA ?/
dbang lam du/ aoM gand+ha tA re swAhA/ shar sgor/ aoM dza:badzrAM ku shi hUM phaT swAhA/ lho sgor/ aoM hUM badzra pA shi hUM phaT swAhA/ nub sgro/ aoM baM badzro spho Ta hUM phaT swAhA/ byang sgor/ aoM hom/ badzra g+haN+Te hUM phaT swAhA/ zhes pa sgo'i?
lha mo bzhi pa ste/ sngags 'di rnams kyis dkyil 'khor pa byas te 'dug spos dang sgrol ma la sogs par dbul bar bya'o/ /'dir gtor ma'i sngags ni/ aoM tA ra su tA re da ha ha sarba pA sA na pa ca pa tsa ku ru ku ru/ sarba
b+hU? ta sat+ta? rpa? NaM/ ta ra ta ra tA ra ya tA ra ya/ sarba du:kha ma hAr+N+Na the b+hyo mI sarba sa twAM shtsa sa ma ya ma nu sma ra a? maM pa liM pra tIts+tsha swAhA/ zhes pa gtor ma'i sngags so/ /de nas las thams cad pa'i gtor ma'i sngags bri
bar bya'o/ /ji ltar na/ aoM brarmA dyA:/ de wa tA:/ sarbA ain+nyA? b+hyA:/ lo ka rak+Sha kA:/ nA gAthams cad pa'i gtor ma'o/ /de na smon lam gyi tshigs su bcad pa brjod de/ aoM badzra mu:zhes pa'i sngags kyis dkyil 'khor gyi 'khor lo rang gi lus la gzhug go /aoM b+hU ta ga Na mu:zhes pas gtor a'i 'gron
gshegs su gsol lo/ /ji srid mi skyo ba'i bar du/ rtsa ba'i sngags dang/ aoM tA re tut+tA re tu te d+ha naM med da swAhA/ zhes pa'i sngags bzlas par bya'o/ /sgrol ma nor sbyin ma'i bsgrub thabs paN+Di ta chen po sa ha dza sh+rI sa
mdzad pa rdzogs so/ / //mkhyen rab dang thugs rje rab kyi phul du byung ba dpag tu med pas spras pa chos rje bla ma dam pa spyan snga rin po che grags pa byang chub rgyal mtshan
dpal bzang po'i bka' lung dang/ dpon po grags pa rin chen gyi gsung bzhin du/ sne gdong nang sa nas yo byad phun sum tshogs pa stsal te gnas de nyid du/ kha che'i paN+Di ta chen po ku mA ra sh+rI b+ha tra dang/ bod
kyi lots+tsha ba nam mkha' bzang pos bsgyur ba'o/ /'di yi brgyud pa ni/ rje btsun ma sgrol ma/ mahA paN+Ti tas ha dza sh+rI?/ mahA paN+Ti ta ku mA ra sh+rI b+ha dra/ mahA lots+tsha ba nam mkha' bzang po/ mahA lots+tsha pa thugs rje dpal la'o/ /
sgrol ma au bra'i? sgrub thabs? kyi rjes gnang bzhugs so/
CLOSE WINDOW