བོད་ཡིག

e-texts based on the ACIP/ALL Input

/ //*/ /pad+ma rgyal po dang pad ma zab pa gnyis ka'i dbang chog sbyin sreg dza lan d+ha ra pas mdzad pa'i rgya gzhung bzhugs so// //rgya gar skad du/ sh+rI manyA ka ru Ni ka A b+hi She ka pra ka ra Na au de sha nA ma/ bod skad du/ dpal thugs rje chen po'i dbang bskur pa'i man ngag rab tu byed pa zhes bya ba/ /bcom ldan 'das dpal pad+ma'i snang ba chen po rab tu rgyas pa la phyag 'tshal lo/ /dang por re shig rnal 'byor gyi dbang phyag gang zhig / pad+ma rab tu zab pa'i dkyil 'khor ram/ pad+ma rgyal po gang yang rung ba'i dbang dang gnang ba thob pas/ rtsa ba'i sngags la bsnyen pa 'bum phrag gsum song nas/ slob ma rjes su bzung bas 'dod na/ gnas dben zhing nyams dga' ba'i sar/ /slob ma ni dang pa dang snying rje dang shes rab che ba/ 'khor ba la skyon du mi lta zhing mang du thos pa/ bla ma la gus shing theg pa chen po'i chos la the tshom med pa/ khyad par du nges pa'i don dang/ spyan ras gzigs la mos shing dbang po rno ba'i gang zag des/ bla ma la gsol ba 'debs ba ni/ sangs rgyas snang ba mdza' ys kyi/ /pad+ma'i rigs kyi dam tshig dang/ /pad+ma'i dkyil 'khor chen po ru/ /pad+ma'i dbang bskur zhu bar bgyi/ /de nas bla mas gnang ba sbyin pa ni/ /bcom ldan 'das kyis dkyil 'khor 'dir/ /mi mkhas pa ni 'ching bar 'gyur/ /mkhas pa rnams ni grol bar 'gyur/ /sems can dang can smin par phyir/ /dus gsum sangs rgyas thams cad kyang/ /srid pa'i 'dam las 'di yis brgal/ /pad+ma'i rigs kyi dkyil 'khor 'dir/ /nga yis 'bod kyi yid gnyis spongs/ /zhes brjod cing slob ma bzung bar bya'o/ /de nas slob dpon gyi dkyil 'khor bri ba ni/ /pad ma nyi zla rab tu zab pa dang/ pad+ma rgyal po gang gi byed kyang rung ste/ de la dang por sa brtag pa dang/ sa bslang ba dang/ sa sbyar bar bya ba ni/ lto 'phya'i lto ba nas brkos te/ sa bslangs nas/ gnas khang dang 'tshams par sa stegs gru bzhi pa byas la/ sa yi lha mo la gtor ma phul tes byin gyis brlab po/ /de nas ba'i rnam lnga dang/ dri bzangs kyi chus byug la/ thig gi cho ga lag len bzhin du gdab bo/ /tshon gyis bri ba ni/ tshon kha dog lnga ye shes lngar byin gyis brlabs la/ pdma zab pa'i dkyil 'khor la dbus kyi lte ba dang phyogs bzhir pad+ma 'dab bzi dmar po la/ mtshams kyi 'dab ma dang gong ras mdzes tshon/ mu khyud la pad+ma'i phreng ba bri'o// pad+ma rgyal po'i dkyil 'khor ni/ /lte ba dmar po la ze'u 'bru dang gong ras ci mdzes// 'dab brgyad kyi phyogs bzhi dmar po mtshams bzhi dang mu khyud rnams mdzes tshon du bya'o/ /de'i rgyab tu pad+ma 'dab brgyad phyogs bzhi phyogs tshon la/ mtshams mdzes tshon du bya'o/ /de'i phyi rol yang pad+ma 'dab ma bcu dmar po 'am ser por bya ba 'am/ lha snam dmar po 'am/ yang na 'khyams phyin chad spyi dang 'dra bal bris la/ rgyan bkram pa ni/ bla res dang/ yol ba bre/ rten dgram ste/ mchod pa lnga dang gtor ma lnga la sogs pas mdza' ma legs par bskor la/ gzhan yang dgos pa rnams gzhung bzhin bsham mo/ /bum pa gtsang ma la bgegs bskrad pa ni/ gu gul gyis bdug cing gro ba'i sngags bzlas te/ nang du bcud chu gtsang ma dang/ sman dang/ dri lnga dang/ 'bru lnga dang/ snying po lnga dang/ ratna lnga/ 'o ma la sogs pa blugs la/ dar ram ras kyi mgul tshings dang gzungs thag btags te/ 'bras bu can gyi shing lo rlon pas brgyan pa'i bum pa gnyis la rnam rgyal gyi bum pa dang/ /las thams cad pa'i bum pa dang/ dbang gi bum pa la sogs ci 'byor bshams/ nang du lha bskyed la/ mchod pa phul nas/ dbang gi bsnyen pa bya'o/ /rnam rgyal gyi bum pa dkyil 'khor gyi dbus su bzhag go /las bum gang ba der dgong/ de nas rang stan bde ba la 'dug nas/ bris ba'i dkyil 'khor dang/ bum pa'i nang du dkyil 'khor rgyas pa bsgoms/ las bum nang du rta mgrin bsgom pa ni/ h+rI:? las rta mgrin dmar po zhal gsum phyag drug pa/ zhal dbus dmar ba/ g.yas dkar/ g.yon sngo/ dbu skra dmar ser gyen du 'bar ba/ rta mgo ljang zhur rdog? ma dmar ba/ rta skad sgrogs pa/ phyag g.yas kha TwAM ga rtse gsum bsnams pa/ g.yon na rje'u chung 'khrol pa/ par ma gnyis kyis lha srin sde brgyad kyi tsit+ta'i phreng ba bsnams pa/ g.yas 'og mas zhing dbyug /g.yon gyi 'og mas thod pa lcang lo can lha ma srin sde brgyad kyi khrag gis bkang ba zhal du gsol ba/ zhas g.yas bskum/ g.yon brkyang pas bzhugs pa/ sku smar steg wags kyi sham thabs byas la/ sku stod zhing lpags kyi g.yang gzhi mnabs pa/ sprul rigs bzhis dbu dang yan lag brgyan pa/ me dpung gi dbus su bzhugs par gsam/ sngags ni/ aoM h+rI:ha ya gri pa pad+ma ta krit badzra kro d+ha ha ya grI pa hu lu hu lu sarba pA peM shud+d+he shud+d+he shud+d+he ye hUM phaT swAhA/ zhes brjod pas khro po'i sku gsung thugs kyi bdud rtsi'i chus gang bar bsam/ de nas slob ma rnams la las bum gyi phyir khrus bya ste/ nang du btang la maN+Dal phul nas gral la rim par bzhag go /de nas gdong g.yogs bcings la/ lag tu me tog bzung la gsol ba gdab bo/ /de nas bdag nyid dang dkyil 'khor dang bum ba gsum ka mi dmigs pa'i dang las/ bsod nams kyi sbrin kha dog lnga lnga las 'og phyogs kyi 'jig rten gyi khams thams cad khyab/ de yi steng du rnam bar shes pa yi ge h+rI:dkar po thig le gnyis dang bcas par bsgom/ de las yig 'gru kha dog sna tshogs pa sprin gyi thog tu 'phros pa las/ de bzhin gshegs pa thams cad kyi sku gsung thugs kyi/ 'od zer las grub pa'i gzhal yas khang chen po/ /shar shel dkar po/ lho be bUrya/ nub pad ma rA ga /byang ainDa nI la las grub pa gru bzhi pa/ sgo bzhi pa/ ka pa dang rta babs bzhis mdzes pa/ rin po che'i la gu dang/ dra ba dra phyed kyi brgyan pa/ ri dags gdugs/? chos 'khor dang bcas pa mtho pa/ 'dod yon gyi snam bu dmar po la/ mchod pa'i lha mos bskor ba'i nang du/ pad+ma rim gnyis pa'i gdan gyi dbus su yi ge h +rIg.yon dkar/ de'i steng ma dbus dmar ba/ g.yas dkar pa/ g.yon ljang khu/ zhal de rnams ni/ kun nas zhi ba bzhad pa 'dzum pa/ spyan gsum gsum zhi bas gzigs pa/ de'i steng du khro bo'i zhal nag po/ mche ba gtsigs pa/ spyan gsum pa/ dbu skra dmar ser me ltar 'bar ba'o/ /zhal dgu po ni/ dbu skra nag po la rin po ches brgyan pa'o/ /zhal nag po'i steng na 'od dpag med kyi zhal dmar po mgrin pa yan chad byung ba/ spyan gsum pa/ gtsug tor dang bcas pa'o/ /phyag brgyad kyi dang po gnyis kyis yum la 'khyud pa thal mo sbyar ba'o/ /g.yas 'og mas mu tig gi phreng ba/ g.yon 'o ma ma pad ma dmar po/ /g.yas gsum pas mchog sbyin/ g.yon gsum pas spyi blugs/ g.yas bzhi pas chos kyi 'khor lo/ /g.yas g.yon bzhi bas pad+ma'i mda' gzhu'o/ /sku dang yan lag thams cad la rin po ches brgyan pa'o/ /yum rdo rje rnal 'byor ma sku mdog dmar mo/ /zhal gcig phyag gnyis ma/ spyan gsum pa/ g.yas kyi zangs gri bsnams pa/ g.yon thod khrag yab la 'khyud pa/ skra grol ba rus pa'i rgyan gyis brgyan pa/ zhabs g.yon yab dang sbyar nas brkyang ba/ g.yas kyis yab kyi dang sham grol pa la 'khang pa'o/ /yab kyi phyag dgu brgya dgu bcu rtsa gnyis/ mchog sbyin pa'i phyag mthil la mdzes par gzigs pa'i spyan stong mnga' ba/ sku'i phyag stong dang spyan stong las 'od zer kha dog sna lngas 'jig rten gyi khams ma lus par khyab bar bsam mo/ /mdun gyi pad+ma la rdo rje phag mo dmar mo zhal gnyis ma'i spyi bor phag zhal g.yas gri gug /g.yon thod pa/ mchan khung na kha TwaM ga bsnams la/ rus pa'i rgyan gyis brgyan pa'o g.yas su yum chen mo ser mo zhal gcig phyag bzhi ma/ g.yas thugs gar rdo rje 'dzin pa/ g.yon pa autpal gyi steng na po ti bsnams pa/ 'og ma gnyis mnyam bzhag 'dzad pa'o/ /rgyab phyogs su sgrol ma ljang khu/ zhal gcig phyag bzhi ma/ phyag dang po gnyis thugs kar thal mo sbyor ba/ g.yas skyabs sbyin/ g.yon 'og ms autpal 'dzin pa'o/ /g.yon phyogs su yum yi ge drug ma dkar mo zhal gcig phyag bzhi'i dang po gnyis thugs gang thal mo sbyor ba/ g.yas 'og mas mu tig gi phreng ba 'dzin pa/ g.yon 'og mas pad+ma bsnams pa'o/ /mtshams bzhir bum pa bdud rtsis bkang ba'i steng du ka pA la re re gnas par bsam mo/ /lha mo bzhi po dang gyi sham thabs can rin po che'i rgyan dang bcas pa'o/ /de'i phyi'i pad+ma'i gdan la/ shar phyogs su mi bskyod pa sku mdog sngon po/ /zhal gcig phyag bzhi pa/ dang po gnyis kyis yum mA ma kI la 'khyud pas thal mo sbyar ba/ g.yas 'og mas rdo rje/ g.yon 'og mas pad ma 'dzin pa/ zhabs g.yas brkyang ba mA ma kIs 'khyud pa'o/ /lho phyogs su rin chen 'byung ldan zhal gcig phyag bzhi pa ser sngon mo gra gug dang thod pa 'dzin pa po/ dang po gnyis kyi yum sangs rgyas spyan ma'i ser mo gri gug dang thod pa 'dzin pas yal? la 'khyud pa rgyab tu thal mo sbyor ba/ sngon ma gri gug dang thod ba 'dzin pa g.yas 'og mas rin po che g.yon 'og mas pad+ma 'dzin pa'o/ /rgyab phyogs su rnam par snang mdzad/ dkar po zhal gcig phyag bzhi pa/ dang po gnyis kyis yum gos dkar mo la 'khyud pas thal mo sbyor ba/ g.yas 'og mas 'khor lo bsnams pa'o/ /byang phyogs su don yod grub pa ljang khu/ zhal gcig phyag bzhi'i dang po gnyis kyis yum dam tshig gi sgrol ma la 'khyud me tog dkar dmar gnyis bsnams pa pas thal mo sbyor ba/ g.yas 'og mas ral gri bsnams pa'o/ /g.yon 'og mas pad+ma zhabs g.yas brkyang g.yon bskum pa/ dar sham dang rin po ches brgyan pa'o/ /auM gnyis ni zhal gcig phyag sku mdog ljang ser autpal dang pad+ma bsnams pa gnyis kyis gri gug dang thod pa 'dzin pas g.yon autpa la yab la 'khyud pa/ rus pa'i rgyan can sku mdog yab dang mthun pa zhabs gnyis kyis yab kyi dar sham cung zad grol ba la 'khyud par bsgoms/ yab kyi g.yon gyi gnyis pa ni pad+ma 'dzin pa'o/ /mtshams bzhir ni/ mkha' 'gro ma bzhi zhal gcig phyag dang po gnyis thugs kar thal mo sbyor ba/ g.yas gri gug /g.yon thod khrag bsnams pa/ sku mdog ni dkar mo dang/ ser mo dang/ dmar mo dang/ ljang khu'o/ /zhabs g.yas brkyang ba/ g.yon bskum pa'o/ /de'i phyi'i rgyab pad 'dab bcu'i gdan la/ phyogs bcu'i pad ma rigs kyi sangs rgyas bcu po ni/ gser gyi mdog can/ chos gos dmar ser gsol ba/ phyag na pad+ma 'dab ma stong dang ldan pa re re bsnams pa/ dbu reg zhabs rjen can no/ /gra bzhi la/ byang shar du 'jam dpal dmar ser/ g.yas ral gri/ g.yon autpa la'i steng du po ti bsnams pa'o/ /shar lhor phyag na rdo rje ljang khu/ g.yas rdo rje/ g.yon autpa la'o/ /lho nub tu byams pa dmar ser/ g.yas klu zhing/ g.yon lha rnams kyi 'tshams? bzhir/ autpa la'i steng na bum pa'o/ /nub byang du sgrib ba rnam par sel ba ser skya/ g.yas nor bu/ g.yon gyis autpa la'o/ /zhabs gnyis bzhengs pa/ rin po che dang dar gyis brgyan pa'o/ /shad sgor 'dod pa'i rgyal po dkar po/ zhal gcig pa/ g.yas 'khor lo/ g.yon sdigs mdzub mdzad pa'o/ /lho sgor gshin rje bshed ser nag /zhal gcig pa/ phyag g.yas be con/ g.yon sdigs 'dzub/ nub sgor rta mgrin dmar po/ rta mgo ljang gu/ phyag g.yas pad+ma'i dbyug pa g.yon sdigs 'dzub mdzad pa'o/ / byang sgor bdud rtsi 'khyil pa ljang nag / zhal gcig /phyag g.yas ral gri/ g.yon sdigs 'dzub mdzad ba/ dbu skra dmar ser 'bar ba/ sprul rigs pa zhes brgyan pa/ sku smad stag gi sham thabs can/ zhabs g.yas brkyang g.yon bskum gyis bzhugs pa'o/ /phyi rol du lha mo me tog ma dkar mo/ bdug spos ma ser mo/ mar me ma dmar mo/ dri chab ma ljang gu/ zhal zas ma dkar mo/ /sil snyan ma zla ba'i mdog can ma rnams kyis gtso bo la mchod par bsam mo/ /sgo khang du tshad med pa'i lha mo bzhi bsgom mo/ /de'i phyi rol tu rgyal po chen po bzhi ni/ byang phyogs su rnam thos sras ser po/ g.yas me tog au dum wa ra gtso bo la 'bul ba/ g.yon ne'u le'i byams pa tshad med pa'i lha mo dkar mo dngul kyi me long lta ba/ snying rje'i lha mo ser mo gser gyi me long lta ba/ dga' ba'i lha mo dmar mo zangs kyi me long lta ba/ btang snyoms kyi lha mo sngon mo g.yu'i me long lta ba rgyal pa 'dzin pa'o/ /shar phyogs su yul 'khor bsrung dkar po/ g.yas me tog g.yon pi waM 'dzin pa'o/ /lho phyogs su 'phags skyes po sngon po/ g.yas me tog g.yon ral gri 'dzin pa/ nub phyogs su spyan mig bzang dmar po/ /g.yas me tog g.yon sbrul zhags 'dzin pa'o/ /de'i phyi rol tu ye shes lnga'i 'od kha dog lnga rdo rje'i gur du bsam mo/ /'od kyi nang du yi ge drug pa'i gsung gi sgra rang bzhin gyis grag par bsam mo/ /de nas thugs ka'i h+rIye shes sems dpa' rang sgom pa dang 'dra ba gcig spyan drangs la mdun gyi nam mkhar bzhugs pa la/ dpal ldan sangs rgyas sku 'chang ba/ zhes pa'i tshigs su bcad pa brjod cing ye shes pa dgug gzhug bya ste/ sku gsung thugs byin gyis brlabs par bya'o/ /de nas lha thams cad gsol btab la snyen pa bya ba ni/ thugs ka'i h+rIphaT/ ha ri ni sa hUM phaT hwA?hA/ zhes ba'i sngags kyis bskor ba la dmigs nas bzlas pa bya ba dang/ 'od zer gyis phyogs bcu'i de bzhin gshegs pa thams cad la mchod pa phul te/ de rnams kyi byin brlabs rang gi thugs ka'i h+rI:la bsdu'o/ /bum pa'i nang du de bzhin gshegs pa rnams bsams la/ de dag zhu bas bdud rtsi'i chur bsam zhing bsnyen pa bya'o/ /pad+ma zab pa byed na ni/ sgrub thabs las byung ba bzhin du/ bsgom zhing bzlas par bya'o cho ga gzhan dag rnams ni 'dra bas thun mong du shes par bya'o/ /de nas slob ma la skyabs su 'gro ba thun mod ba byin la/ sems bskyed pa ni sgrol ma'i rgyud nas gsungs pa/ dkon mchog gsum la skyabs su mchi/ /sdig pa mi dge so sor bshags/ /'gro ba'i dag la rjes yi rang/ /sangs rgyas byang chub yid kyis bzung/ /sems can rnams la phan slad du/ /byang chub mchog tu sems bskyed do/ /de ltar skyabs su 'gro ba dang sems bskyed la/ yang dam tshig dang sdom pa sbyin pa ni/ sangs rgyas chos dang dge 'dun la/ /rtag tu bdag ni skyabs su mchi/ /sangs rgyas pad+ma rnams rgyas dang/ /gsang sngags rgyal ba mkha' 'gro ma/ /bdag ni rtag tu skyabs su mchi/ /byang chub sems dpa' bdag nyid che/ /khyad par du yang slob dpon la/ /rtag par bdag ni skyabs su mchi/ /mgon po spyan ras gzigs dbang po/ /rnal 'byor ma dang snang mdzad tshogs/ /thams cad bdag la dgongs su gsol/ /bdag ni dus 'di nas bzung ste/ /ji srid gnyis med la gnas par/ /de yi tshangs spyod gnyis med pa/ /nyi shu rtsa gnyis legs par bsrung/ /zhes khas blang ngo/ /de nas zab pa dang rgya che ba'i chos bshad de nges shes bskyed pa ni/ rnam snang mngon byang nas gsungs te/ 'jig rten du ni kun mkhyen nyid/ /au dum wa ra'i me tog bzhin/ /brgya lam na ni re 'ga' zhig 'byung 'gyur yang ni mi 'byung ngo/ /gsang sngags s? ba'i tshul 'byung ba/ /de bas kyang ni dkon pa ste/ /gang gi sems can mnyam med don/ /mya ngan mi mda' byed par nus/ /bskal ba bye ba du ma ru/ /sngon chad sdig pa bgyis pa gang/ /de kun dkyil 'khor 'di 'dra ba mthong bas byang bar 'gyur ba na/ /grags ba mtha yas sngags spyod pa'i/ /tshul la gnas na smos ci dgos/ /skyob ba'i gsang sngags bzlas nas ni/ /go 'phangs bla na med bar 'gro /gang dag spyod pa mchog 'di la/ / blo gros shin tu mi g.yo ba/ /de dag gis ni ngan 'gro'i rgyu/ /rdzu 'phrul kun 'byung rab tu bcad/ /bdag nyid chen po khyed rnams kyis/ /rnyed pa mnyam med de ring rnyed/ /gang phyir rgyal ba sras bcas pa/ /bdag nyid chen po kun gyis ni/ /bstan pa 'di la khyed rnams kun/ /yongs su bzung la skye bzhin par/ /de phyir khyed rnams theg chen la/ /dbang bskur ba du skye bar 'gyur/ /theg pa chen po cher 'byung ba'i/ /lam mchog 'di ni dpal dang ldan/ /byed rnams lam 'dir 'gro ba ni/ /de bzhin gshegs pa rnams su 'gyur/ /zhes gsungs pa la/ de yang 'jig rten 'dir sangs rgyas 'gyur ba shin tu dkon te/ dper na me tog au dum wa ra dang 'dra'o/ /me tog de gang du skye na/ mtsho ma dros pa'i byang phyogs na ri rtse lnga pa ces pa yod/ /de'i phyi rol na au dum wa ra'i tshal yod pa de ni nam zhig sangs rgyas dga' ldan du byon te/ yum gyi lhums su zhugs pa'i tshe/ tshal de kha 'bus par 'gyur ro/ /'di? gtan pa'i tshe kha bye bar 'gyur ro/ /dka' ba spyod pa'i tshe rnying la/ sangs rgyas pa'i tshe rab tu rgyas par 'gyur ro/ /nam tshe'i 'du byed 'dor pa'i tshe rnying par 'gyur ro/ /tshad naM shing rta'i 'bang lo tsam mo/ /kha dog ni sangs rgyas rgyal rigs su 'byon na ni dkar po rab tu 'byung ngo/ /bram za'i rigs kyi nang du dkar por 'byung bar 'gyur ces gsungs so/ /gtan la dbab pa'i mdo las/ 'byung ba kun dga' bo 'di lta ste/ au dum wa ra'i me tog ni/ sangs rgyas skye ba dang dus gcig tu 'byung ste/ kha dog dang ldan zhing gsal ba/ 'od bzang ba/ drin dpag tshad gcig 'khor yug tu khyab par byed do/ /me tog de'i yon tan ni/ mig gi rab rib med par byed/ dran pa gsal bar byed/ nang rab tu zhi bar byed/ dri dan pa thams cad rab tu sel par byed pa/ dri zhim po 'byin pas sems can thams cad kyi khams dangs shing lus yang bar 'gyur par byed do/ /'jig rten du gser gyi 'khor lo bsgyur ba 'byung yang me tog de mi 'byung ngo zhes gsungs so/ /de bas kyang gsang sngags 'byung ba dkon te/ bskal ba bzang po 'di la sangs rgyas stong 'byon te/ sangs rgyas shAkya thub pa dang/ phyag na rdo rje sangs rgyas pa'i tshe ma yin par gsang sngags mi 'byung ngo zhes gsungs so/ /au dum wa ra'i me tog pas/ sangs rgyas stong 'byon pa dang/ gsang sngags 'byung bar dkon zhes mdo sde dang rgyud sde gnyis ka nas gsungs te/ de yang de ltar sangs rgyas 'khor ba 'jig / gser thub /'od srung 'byon pas kyang rgyu mtshan nyid kyi theg pa min pa gsang sngags ma gsungs/ shAkya thub pa 'di nyid kyi bstan pa la/ ri bo po ta la'i shar phyogs su spyan ras gzigs kyi/ ayon pad+ma 'byung gnas la dbang bskur/ des za her gtsug lag 'dzin gyi pho brang du/ dza lan d+ha ra la dbang bskur/ {ka} des tshe'i dngos grub thob nas lo nyis stong nyi shu rtsa lnga nas bram ze mai tri pa la dbang bskur/ des rgya gar gyi rgyal rigs badzra pI Na la rdo rje gdan gyi shar phyogs su dbang bskur ro/ /des bal yul rin chen tshul gyi gtsug lag khang du bal po ye rangs pa la dbang bskur/ des bal yul yam bur ras pa badzra kir ti la dbang bskur/ des lo ro tshe kong gi dgon par mgos ston dbang phyug rdo rje la dbang bskur/ des yar lungs sog kar gru gu ras pa la dbang bskur/ des karma ras pa puN+ye badzra la dbang bskur/ des po ma rag snar d+harma bla ma la dbang bskur/ des shar phyogs spung ri'i dgon par/ bla ma mnyan ras pa la dbang bskur/ des rin po che rang byung rdo rje la dbang bskur/ {kha} zhes brjod/ de nas slob ma'i mgor rdo rje bzung la khyod kyi pad+ma rgyal po dang/ pad+ma zab pa'i dkyil 'khor chen po 'di/ smod min pa la bstan na/ dam tshig nyams par 'gyur ba'i phyir/ sngon dkyil 'khor ma mthong ba dang/ 'dilam dad pa'i snod la/ 'di lta bu 'di khyod kyis yang su rung rung la smra zhing brjod par mi bya'o/ /de nas ka pA la'i nang gi bdud rtsi'i chu byin la/ 'di ni rdo rje'i bdud rtsi'i chu/ /ma gsang sreg bar byed pa'i dug /bsrungs na dngos grub thob pa ni/ bdud rtsi lnga yi chus grub po/ aoM pany+tsa a mri ta au da ka Tha tha/ de nas slob ma'i snying gar rdo rje bzhag ste/ spyan ras gzigs dbang rdo rje phag mo deng/ /khyod kyi snying la yang dag zhugs par 'gyur/ /gal te tshul 'di gzhan la smra mi bya/ /smras na de ma thag tu dral te gshegs/ /yang spyi bor rdo rje bzhag la/ de ring khyod dpa' bo dang? rnal 'byor ma rnams kyi rigs su zhugs kyi/ ngas khyod la sangs rgyas pad ma rnam rgyas spyan ras gzigs kyi ye shes bskyed par bya ste/ ye shes gang gis khyod de bzhin gshegs pa thams cad dang/ spyan ras gzigs dang/ dpa' bo dang rnal 'byor ma thams cad kyi dngos grub kyang thob par 'gyur na/ dngos grub gzhan lta ci zhig smos/ khyod kyis dkyil 'khor ma mthong ba rnams kyi mdun du brjod par mi bya ste/ dam tshig nyams par gyur ta re/ yang rdo rje spyi bor bzhag la/ deng phyin chad khyod kyi spyan ras gzigs nga yin gyis/ gang ngas pamma'i rgyal p+p spyan ris gzigs kyi dkyil 'khor chen po bsgoms shig ces bgo ba de khyod kyis bya'o/ /khyod kyis ngal brnyas par mi bya ste/ khyod mi bde ba ma spangs par 'chi ba'i dus byas nas/ dmyal bar lhung bar gyur ta re zhes brjod do/ /ye shes gzhug kyi dkyil 'khor du pa ni/ bdag nyid kyi dkyil 'khor gsal bar bsgoms nas/ slob ma rnams spyan ras gzigs su gsal bar bskyed la/ 'og min gyi gnas gcod? ma'i gzhal yas nas/ sangs rgyas pad+ma'i rgyal po dang/ spyan ras gzigs kyi dkyil 'khor gyi lha tshogs thams cad spyan drangs la/ bdag nyid dang slob ma rnams la gzhug go /spos la sogs pa'i mchod pa'i bye brag rnams kyang dbul/ dag tu/ dpal ldan sangs rgyas sku 'chad ba/ rdo rje mi phyed gsum gyi sku/ bdag la byin gyis brlab tu gsol/ /phyogs bcur bzhugs pa'i sangs rgyas kun/ /rdo rje mi phyed gsum bsgoms pas/ /sku yi byin gyis brlab tu gsol/ /aoM/ dpal ldan sangs rgyas gsung 'chang ba zhes tshig bsgyur la shes par bya'o/ /Abai ro tsa nI ye/ ha ri ni sa/ A be sha ya A be sha ya/ sarba ta thA ga ta a b+hi Shiny+dza hUM Abyung ba dang/ lha la dbang bskur bar gsol ba gdab pa ni/ sangs rgyas pad+ma rnam rgyas dkyil 'khor du/ /'od dpag med pa'i rgyal sras spyan ras gzigs/ /pad+ma'i rigs kyi mchog gyur chen po yi/ /skal ldan rnams la dbang bzhi bskur du gsol/ /ces maN+Dal dbul la gsol ba gdab bo /de nas bum dbang bskur ba ni/ bdag dkyil 'khor gtso bor gsal ba'i thugs ka nas/ rdo rje rnal 'byor ma dang/ mkha' 'gro ma bzhi dang lnga spros te/ bum pa thogs nas/ slob ma'i spyi bor dbang bskur bar bsam zhing/ bkra shis brjod pa dang/ yid la spyan ras gzigs kyi dkyil 'khor du bum pa'i chus dbang bskur bar bsam zhing/ dngos su rnam rgyal bum pa slob ma'i spyi bor bzung nas/ ji ltar sangs rgyas pad+ma rnam rgyas kyi/ /'od dpag med pa'i rgyal sras spyan ras gzigs/ /chos kyi rgyal srid chen por dbang bskur ltar/ /de bzhin bdag gis khyod la dbang bskur ro/ /tsa ltar bltams pa tsam gyis ni/ /de bzhin gshegs la khrus gsol ltar/ /lha yi chu ni dag pa yis/ /spyan ras gzigs dbang dbang thob bo?// aoM Abai ro tsa nI ye/ ha ri ni sa/ aoM sarba ha thA ga ta a b+hi Shiny+tsa maM/ zhes brjod do/ slob ma mgon po pad+ma'i snang ba rab tu rgyas pa'i dkyil 'khor du byin gyis brlabs te/ bskyed rims rgyas bar bsgoms pa la dbang ser dgos so// bum chu yar 'khyil pa las spyi bor 'od dpag med pas dbu brgyan bar bsgoms/ /nges lus ngag pa ye shes lnga'i ngo bo/ mgon po spyan ras gzigs kyi sku'i dkyil 'khor du dbang thob pa yin no/ /slob ma la mchod pa rnam bcu'i de ba dang/ bdag gis gsang ba'i dbang bskur bar bsam rtsis bkang ba lag du bzung la/ de'i dbus su sangs rgyas pad+ma rnam rgyas yab yum gyi sbyor mtshams nas bdud rtsi bab par bsams la/ de'i 'od zer yi ge drug ba'i sgra dang bcas pa phyogs bcur spros pas/ phyogs bcu'i de ba dang/ bdag gis gsang ba'i dbang bskur bar bsam zhing/ 'od dpag med pa spyan ras gzigs dbang gsung gi mdzod/ /yi ge drug pa phyogs bcur? chos 'khor bskor ba'i gsung/ /rgyal ba'i gsung dbyangs yan lag drug cu'i dbang thob pas/ /brgyad khri bzhi stong gsang ba'i chos kyi dbang bskur ro/ /sngags gong ma dang/ sarba ta thA ga ta a b+hi Shiny+tsa hUM zhes brjod do/ /des ngag gi sgrib pa dag nas/ skye ba med pa'i sku gsung chos kyi 'khor lo bskor ba gsang ba'i dbang bskur ba thob pa yin no/ /de nas shes rab ye shes kyi dbang ni/ me long g.ya' dag pa la/ rdo rje phag mo'i gzugs brnyan 'char du bcug la/ de la spyan ras gzigs kyi yum mar me las mar me chad pa bzhin du chang nas de dang gnyis su med par bzhugs nas/ thugs ka nas 'od zer gyi phreng ba kha dog sna lnga 'phros/ phyogs bcu'i de bzhin gshegs pa rnams kyi yum rnams bskul nas/ de dag rnal 'byor ma la thim/ de mthong ba tsam gyis zag med kyi bde ba ster nus pa'i lha mo me long nang gi gzugs brnyan lta bu/ bdag dang dkyil 'khor gyi lha tshogs de yang/ me long nang gi gzugs brnyan lta bu/ me long nang gi lha mo lag pa g.yon pas gtad la/ dus gsum byang chub sems dpa' rnams/ /shes rab rdo rje rnal 'byor ma/ /bde chen nyid du rnam sbyar bas/ /nyon mongs shes bya'i sgribs spangs/ shes rab nam mkha' lta bu yi/ /rnal 'byor ma dang 'bral mi bya/ /gong gi sngags dang/ tsit+ta pradz+nyA sarba ta thA ga ta na a b+hi Shiny+tsa mi/ des shes rab ye shes kyi dbang thob pa yin no/ /da ni tshig dbang rin po che bskur ba ni/ /bzhi pa'i mi dmigs pa'i ye shes kyis/ /'gro ba drug gi snang ba'i yul med de/ /snang med ye shes nam mkha' dang mnyam pas/ /chos kyi sku las longs spyod rdzogs sku dang/ /sprul pa'i sku ni ye shes dpag med che/ /mkha' dang mnyam pa bdag med don mdzad do zhes brjod do/ /rjes la slob ma lhar gyur pa la mchod pa lnga 'bul/ bkra shis kyi tshig rnams brjod do/ /de ni tshig dbang ngo// de nas tshogs kyi 'khor lo'i cho ga bzhin du bskor bar bya'o/ /gtor ma rnaMs? rgyas par bsngos la btang ba dang/ lhag ma'i gtor ma dang/ rjes kyi cho ga rnams byas la/ slob dpon la me tog dbul pa dang/ dge ba'i rtsab bsngos te/ dkyil 'khor mi dmigs par bya'o/ /sbyin sreg bya bar 'dod na/ nang gi sbyin sreg rtsa gsum 'dus mdor/ ma las thob pa'i nyi ma byang chub kyi sems kyi me 'byung ba bzhi'i rlung gis sbar nas/ bzung 'dzin gyi rtog pa skye ba med par bsreg pa'i dbu ma nas snying gar phyin pas/ pha las thob pa'i zla ba byang chub kyi sems dang snying gar 'dzoms pas lus sems mi dmigs pa'i bde gsal chen po ni/ sbyin sreg rnams kyi mchog go /zhes spyan ras gzigs kyi rgyad nas gsungs so/ /phyi'i sbin sreg ni/ sa khru gang la 'dzub gang mar brus/ kha khyer 'dzub gang phyir bskyed/ dbus su pad+ma dmar po 'dab ma brgyad pa dmar po bya/ mu khyud pad+ma'i phreng bas bskor/ de'i nad du tsan dan gyis zla gom du rtsigs/ dbang gi bsreg rdzas dang dgang blugs dang gtor ma dang/ de rnams g.yas g.yon dang mdun du bzhag la/ rgyan dang gos dang lta stangs rnams las dang mthun par byas te/ me lha bskyed la mchod pa dang sreg rdzas dbul/ bstod pa bya'o/ /de nas me lha mer gyur pa'i dbus su/ spyan ras gzigs kyi dkyil 'khor rgyas bsdus gang rung bskyed/ bsreg rdzas rnams byin gyis brlabs te/ dbul ba ni rgyal po'i rim pa can nam/ rgyal po'i rim pa dang/ bram ze'i rim pa med de/ gang 'thad kyis dbul lo/ /gsol ba gdab pa dang/ sngags kyi 'od zer ni zhi ba dang/ dbang rgyas dang/ drag po rnams gang byed kyang/ rtsa ba'i sngags kyi bsham du las bzhi'i sngags btags pas dngos grub bsgrub pa'o/ /spyin sreg gi rim pa'o/ /spyan ras gzigs kyi rgyud pad ma zab pa dang/ pad+ma rgyal po'i dkyil 'khor du dbang bskur ba'i rab tu byed pa 'di/ dpal dza lan d+ha ra pas mdzad pa'o/ /mnga' bdag mai tri pa'i phyag dpe las/ rgya gar phyag na'i zhal snga nas dang/ bod kyi lots+tsha ba pradz+nyA kIr tis bsgyur cing zhus te gtan la phab pa'o/ /rdzogs so// // jo bo'i gzhung/

CLOSE WINDOW