བོད་ཡིག

e-texts based on the ACIP/ALL Input

rje btsun dam pa rgya gar gyi gdams pa rdzogs so// //rgya gar skad du/ bA d+hi rA dzA many+dza sA d+ha naM/ bod skad du/ rdo rje rnal 'byor mas gsungs pa'o/ /'jam dpal ngag gi rgyal po'i sgrub thabs/ 'jam pa'i mgon po la phyag 'tshal/ /gur kum bzang po ltar dmar gzhon nu'i sku la dpal gyis mtshan/ /rdzogs pa'i sangs rgyas 'od kyis rmongs pa'i dra ba bcom pa bzhin/ /dbang phyug yongs bcings ? gis chos 'chad pa yi tshul mdzad pa/ /rol pa'i stabs bzhugs 'dod sbyin dag gi rgyal po la phyag 'tshal lo/ /snga bar langs nas dang por ni/ /paM yig snying gar sna tshogs pa/ /a las zla pa'i dkyil 'khor steng/ /h+rigur gum lta bur dmar/ /bltas nas zhal bsang la sogs bya/ /bsam gtan khang pa gtsang ma ru/ /bde ba'i stan la yang dag gnas/ /sngags dang sangs rgyas yon tan gnas/ /byams pas 'gro la bu sdug bzhin/ /dga' bas yon tan stong ldan ltar/ /sdug bsngal rgyur gyur sdug bsngal las/ /'don par 'dod pas snying rje yi/ /rtag tu rab dga' de bzhin du/ /yon tan dam par rab sbyor 'dod/ /rang gi don la mi lta par/ /btang snyoms gzhan gyi don byed pa/ /sngags pas sgom bya 'od zer tshogs/ /spros nas rgyal rnams gdam drangs te/ /de yis nam mkha' gang bar blta/ /yid kyis rang bzhin las byung mchod/ /byug pa dril phyi khrus rnams dang/ /sna tshogs rgyan gyis brgyan par bya/ /mchod pa'i sprin tshogs 'phro ba yis/ /khams gsum yang dag lnga ru sbro/ /so so so sor grangs med pa'i/ /lus sbrul nas ni phyag bya'o/ /'dod chags zhe sdang gti mug dang/ /rnam gsum lus ngag yid dbang gis/ /byas pa'i sdig dang byas pa la/ /rjes su yi rang de rnams bshags/ /sems can don byed dang bcas pa'i/ /sdom pa yang nas yang du bzung/ /rdzogs pa'i sangs rgyas 'jam dbyangs sogs/ /sbyin pa la sogs dge las skyes/ /yang dag tshogs la gsol 'debs shing/ /yun ring dam chos gsung bar bskul/ /dkon mchog gsum la skyabs 'gro zhing/ /byang chub sems kyi lam mchog bsten/ /aoM shu n+ya tA dz+nyA na badzra swa b+ha ba At+ma ko haM/ /de nas sna tshogs pad+ma la gnas/ /aoM yig las skyes zla steng gnas/ /yi ge'i tshogs 'phros lta byas nas/ /'gro pa rnams la 'jam dbyangs mchog / dgug gzhug byas nas sngags pa yis/ /ngag gi rgyal po sgom par bya/ /gur gum lta bur mdzes pa'i sku/ /sgyu ma 'dod lha las rgyal ba/ /ha ri seng ge'i gdan la bzhugs/ /'khrul pa med par rol pa'i stabs/ khyag g.yon sdong bu dang bcas pa'i/ /autpal sngon po yongs bsnams pa/ /rdzogs pa'i sangs rgyas yon tan tshogs/ /rin chen gyis rgyan rab mdzes pa/ /'od zer 'phro zhing thon gyur nas/ /sangs rgyas tshogs kyi phreng ba blta/ /chos kyi 'khor lo'i phyag rgya che/ /phyag gi pad+ma nges bar sbyar/ /de bzhin autpal dang 'dra ba'i/ /h+ri yig 'od zer sna tshogs kyis/ /gzhan gyi mgon byed gdan drangs te/ /gzhal yas khang pa dang mtshungs par/ /de dang mtshungs nyid gdan drangs te/ /dam tshig rnam gsum snyam bar bya/ /de nas yang dag rdzogs sangs rgyas/ /dgug gzhug dbang du bya ba rnams/ /aoM badzra satwa sa ma ya tri sh+ya ho:sa ma ya stwaM sa ma yo haM sa ma ya stwaM/ a hi dza hUM paM ho:aoM gyis sku byin gyis brlab/ /A yis gsung byin gyis brlab/ /hUM gyis thugs byin gyis brlabs nas/ /autpa la'i phyag rgya dang yi ge'i tshogs kyis ye shes byin gyis brlabs pa yang dag par bskul nas rdzogs pa'i sangs rgyas kyi sku las thon te b+ha'i? rnam par bkug nas bum pa'i ye shes kyi chu dang rdo rje sbyin par bya'o/ /phyogs bcu'i sangs rgyas rnams kyis mchor/ /sangs rgyas mchod pa'i dpung gnyen gyis/ /slar yang srid par 'gyur ba yi/ /srid pa 'grub cing dag par 'gyur/ /slar yang bsgom bya las thob pas/ /lus dang sems ni shin tu sbyangs/ /do shal phreng ba'i rim pa yis/ /de nas sngags bzlas yang dag brtsam/ /khams gsum ma lus yon tan gyi rgya mtshor byas nas gzhug pa la sogs pa bya ste rnam par bsgoms nas/ /aoM A hUM zhes pas bkug nas bzod par gsol ba bya ba la sogs pa bya'o/ /bdag nyid 'jam dpal mchog tu gyur/ /'gro ? de yis rang bzhin blta/ /gad dang yang dag sbyor rnams la/ /sems can don la de bzhin dgong/ /dkon mchog gsum la rab dang ba'i/ /slob ma rnams kyis shes byas la/ /'jig rten dngos grub nges pa ni/ ngag gi rgyal po'i sgrub thabs yin/ /bla ma dang sangs rgyas dang byang chub sems dpa' dang yi dam gyi lha thams cad nang du bsgoms nas de'i maN+Dal mdor bsdus pa brtsam par bya'o/ /aoM h+ri:swAhA zhes pa ni lag pa bkru ba dang/ zhal gsang ba'i sngags so/ /aoM hUM stan byin gyis brlab ba'i sngags so/ /aoM badzra b+hu mi hUM sa yongs su bzung ba'i sngags so/ /aoM sarba bi g+hA nut pa ra ya hUM swAhA/ ba'i lci ba la sogs pa len pa'i sngags so/ /de nas legs par byugs nas/ aoM badzra re khe hUM zhes pa ni re kha byin gyis brlab pa'i sngags so/ /yang me tog cig maN+Dal la phul nas/ aoM su re khe sarba ta thA ga ta d+hi tiSh+Tha na tu swAhA/ /zhes brjod nas lag pa bkru bar bya'o/ /de'i rjes su me tog cig gzung nas/ aoM ma Ni d+ha ri badzra Ni mahA pra ti sA re rak+Sha rak+Sha maM hUM swAhA/ /zhes pa rang gi sbyi bor me tog bzhag nas bdag nyid bsrung bar bya'o/ /yang aoM A:hUM zhes pa ni bdag nyid bsrung ba'i sngags so/ /maN+Dal de la sna tshogs pad+ma'i gzugs su dmigs nas/ de'i steng du zla ba de'i steng du gur gum ltar dmar ba'i bcom ldan 'das kyi sa bon gyi 'od zer gyis thog ma med pa nas yang dag par grub pa'i bcom ldan 'das rab tu 'bar ba gdan drangs te/ rim pa bzhin du byon nas/ de la de bzhin du rab tu zhugs shing bcom ldan 'das bskyed nas/ aoM many+dzu g+ho shA ya badzra puShpe hUM aoM ak+Sh+yo b+hya badzra puShpe hUM aoM bai ro tsa nA ya badzra puShpe hUM/ ratna saM b+ha ba dang/ a mi tA b+ha ba dang/ a mo g+ha sid+hi dang/ lo tsan dang/ mA ma kI dang/ pAN+Da? tA ra rnams sngon ma bzhen du me tog dang/ spos dang mar me dang zhal zas dang/ dri bzang dang/ gos 'phyang ba la sogs pa byin gyis brlabs nas dbul bar bya'o/ /phyag 'tshal ba dang sdig pa bshags pa dang bsod nams la rjes su yi rang ba rnams byas nas/ sngags bzlas par bya'o/ /de nas gshegs pa ni/ aoM badzra mu:zhes so/ /aoM a kA ro mu khaM sarba d+harma NAM a byA nutpa ? ta/ aoM A hUM phaT swAhA zhes pa ni 'byung po thams cad kyi gtor ma'i sngags so/ /aoM ha rI tyi mahA yak+Shi n+yi ha ra ha ra sarba pA ba ni me k+Shi sarba ya ? Ni pra be shA ni swAhA/ 'phrog ma'i sngags so/ /aoM a gra pi Na DA sha ni b+hyA swAhA?/ /phud? kyi chang bu'i sngags so/ /aoM auts+tshiSh+Ta ? Da sha ne b+hya:swAhA/ lhag ma'i chang bu'i sngags so/ /aoM A:sarba ta thA ga tA a b+hi She ka sa ma ya sh+ri ye hUM hUM/ zhes pa ni sku gzugs la sogs pa sku khrus gsol ba'i sngags so/ /rdo rje rnal 'byor mas gsungs pa'i 'jam dpal ngag gi rgyal po'i sgrub thabs rdzogs so/ / //*/ /'jam dbyangs dkar po'i bstong pa paN+Di ta mi tas mdzad pa kha che paN chen dang gro? phul lo ? 'gyur bzhugs so// // rgya gar skad du/

CLOSE WINDOW