བོད་ཡིག

e-texts based on the ACIP/ALL Input

/ /athii? //rgya gar skad du/ ya k+Shi ni kun d+ha li sa d+ha na ma/ bod skad du/ gnod sbyin ma kun nas 'khyil pa'i gwa thabs kyi don bsdus pa'i 'grel ba/ dpal phyag na rdo rje la phyag 'tshal lo/ /mkha' 'gro ma'i gwa thabs 'di la don rnam pa lngas? bstan ste/ /dang po brten bca' ba dang cig/ lha sgom zhing bsnyen pa byed pa dang gnyis/ /bla rdo bzung ba dang gsum/ thun 'tshams su gtor ma gtang zhing gsol ba gtab pa dang bzhi/ las la sbyar ba dang rgyun tu nyams su blang ba dang lnga'o/ /dang por brten bcwa'? ba ni/ ro ras sam/ shing shun la gur gum gyis chus byugs la/ de la gnod sbyin ma kun nas 'khyil pa dpon g.yog gsum bri/ /de la gtso mo sku mdog mthing nag/ g.yas ljang khu/ g.yon dmar po/ thams cad zhal cig phyag gnyis ma/ g.yas pa thams cad dgra sta/ g.yon pa na ga pa la mtshan dang ldan pa bsnams pa'o/ /zhabs g.yas bskum g.yon rkyang ba/ pad ma dang aud pa la'i steng na bzhugs pa'o/ /sku la rus pa'i brgyan gyis brgyan pa/ spyan zhal 'dzum pa dang bcas pa /dbu skra lcang lor 'khyil gi? rin po tsha'i rgyan du mas brgyan pa/ nu ma 'bur ba/ sku gzhon ba'i cha lugs su bri'o/ /skya rengs kyi dus su thugs khar snying po dang rgyab du mtshan bri'o/ /mtshon gseb du/ rang byung rak+ta/ sin d+hur/ gur gum/ tsan dan dmar po dang/ yang yang na bu mo gson gshin gtsang ma gang yang? rung ba'i khrag dang bsres ba bri'o/ /thal chen yang bsre'o/ /rtan rin po che ga'u'i nang du de mis ma 'thong bar spa'o/ /brtan la gdams pa gces so/ /gnyis pa lha sgom zhing bsnyen pa bya ba ni/ dang por mdun du mN+Dal mda' gang pa gcig la me tog gi tshom bu skram/ gong gi rten de der bzhugs la/ ci 'byor ba'i mchod pa dang gtong ma bsham/ skyabs 'gro sems bskyed bya/ /khyad par du bdag bla na med pa'i byang chub gwa pa la/ bdag gzhan thams cad kyis dbul zhing 'phongs pa'i sdug bsngal dang bral nas/ longs spyod phun sum tshogs pa gwa snyam du bsams la/ de nas yid dam gyi lha gang yin bsgoms pa'i mdun du/ tsa ka li gsum las/ gnod sbrin ma gsum bsgoms pa ni/ dbus kyi gtso mo sku mdog mthing nag/ g.yas ljang khu/ g.yon dmar po/ zhal cig phyag gnyis ma/ g.yas thams cad dgra sta/ g.yon thams cad na mtshan ldan ka ba la/ spyan zhal 'dzum pa/ dbu skra li ba la rin po che dang rus pa'i brgyan gyis brgyan pa'o/ /zhabs g.yas brkum pa/ g.yon brkyang ga rin po che dang pad+ma'i gdan la bzhugs pa bskyed la/ rang gi thugs kha nas 'od zer gyis/ /lho nub nas lha mo gsum spyan drangs la/ mdun bskyed pa stim la gnyis su med par bya'o/ /de nas rten gsum pos bdag gi bka' nyan par bsams la/ sngags bzlas so/ /dang po gsung gi lha mos zas gwa pa ni/ aoM ai ling ki/ pi ling ki/ ki ling kI swAhA/ /de la zhag bdun snyan pa bya'o// de nas sku'i lha mos gos? gwa ba ni/ aoM an la/ kun d+ha li g+h+ri na/ b+hin d+ha/ bi sha tsi ni ye swAhA/ /de'ang zhag bdun no/ /de nas thugs kyi lha mos nor gwa pa ni/ aoM na mo/ shu kwa mu khri ma ha bi sha tsa ni ye swAhA/ /'di'ang zhag bdun baS? po/ /de'i bla na ? bzung ba ni/ /kar sha ba ni sbrum? na gsum/ byi ru gsum /mu men/ mu tig gsum/ dar dmar pos dril la rten tsak li dang bcas pa/ 'chan khung g.yon du bcad do/ /de ni bla rdo bzung ba'o/ /thun 'tshams su gtor ma btang ba ni/ shing thig dang/ sha khrag gis brgyan pa'i gtor ma gsum bshams la/ lha mo gsum mdun du mngon sum bsams la/ gtor ma de yi ge gsum gyis bdud rtsir byin gyis brlabs la 'bul ba ni/ aoM ai ling ki/ pi ling ki/ ki ling ki/ a na le kun d+he li/ g+h+rin sin d+ha bi sha tsi ni ye/ na ma shu kra mu khri/ mahA pi sha tsi ni ye/ ai daM b+ha ling ta/ kha kha khA hi khA hi/ ces lan gsum gyis 'bul lo/ /de nas gsol ba gdab pa ni/ gnod sbyin sha za mkha' 'gro khyed gsum gyis/ bdag gi mchod pa dang gtor ma ni bzhes la/ bdag dang gzhan gyi don du byang chub gwa pa'i phyir/ sbyin pa'i pha rol tu phyin pa'i bsod nams yongs su rdzogs pa'i slad du/ chos sgrub ba'i mthun rkyen phun sum tshogs pa snang bar mdzad du gsol/ /ces lan gsum gsol ba gtab bo/ /de nas bstod pa ni/ dur khrod chen po shing drung nags tshal chen po ru/ /lhag pa'i gnas bcas sha za mkha' 'gro gsum/ /sgyu ma'i skur ston 'phrin las mdzad pa'i lha/ /sna tshogs ston mdzad yid bzhin nor 'dra'i dpal/ /dpag bsam shing ltar dgos 'dod re ba bskong/ /mi zad gter las grub ba'i bum pa 'dzin/ /dgos 'dod ci 'dod 'byung la phyag 'tshal bstod/ /ces pas bstod do/ / las sbyor rgyun du nyams su len pa ni/ rang zas za ba'i dus su/ byang chub kyi sems dang ldan pas/ dkon mchog la mchod pa phul la/ de'i rjes su mdun du lha mo gsum bsgom pa ni/ /de yang sku mdog mthing nag/ g.yas ljang khu/ g.yon dmar mo zhal cig phyag gnyis ma/ phyag g.yas nor bu'i bum pa rin po ches bkang ba thugs khar bsnams pa/ g.yon yid bzhin gyi nor bu rin po che bsnams pa'o/ /zhi ba'i zhal cung zad dmar ba/ zhabs g.yas skum g.yon brkyang ba'i phyed dkyil gyis pad+ma dang rin po che'i gdan la bzhugs pa/ rin po che dang rus ba'i rgyan du mas brgyan pa/ gwa pa po la dgyes pa'i tshul du zhal gzigs te/ ji ltar bsams pa'i dngos grub gter ba cig tu bskyed la/ zan gyi chang bul bsngags la/ sa la sgyur ro/ /chang bu dang po la/ aoM ai ling ki/ bi ling ki/ ki ling ki swAhA/ ces lan bdun no/ /gnyis pa la aoM na ma shu kra mu khrim ha bi sha tsi ni ye swAhA/ ces lan bdun no/ /gsum pa la/ aoM a na le kun d+ha li/ g+h+ri na sin d+ha/ bi sha tsi na ye swAhA/ ces pa'i sngags 'di gsum/ chang bu re re la lan bdun bdun gtab pas la dor ro/ /rjes la/ chos kyi grogs su 'gro bar gsol ba gdab bo/ /gnod sbyin ma kun nas 'khyil ba'i gwa thabs/ /slob dpon klu grub kyis mdzad nas /de'i 'grel ba bla ma rdo rje gdan bas mdzad pa/ lots+tsha ba rin chen grags pas bsgyur nas rim par rgyud ba'o/ /'di la the tshom bya mi dgos so/ /'di'i sgrub rtags ni bud med dang skye bo mang pos bsnyen bkur byed pa dang/ lo tog rtsas ma rnga ba dang/ 'bru'i char 'bab pa dang/ rin po che'i gter rnyed pa dang/ 'di rnams dngos sam rmi lam du 'byung gsung/ 'di'i dam tshig du/ bud med la mi smod/ bud med la brnyas par mi bya/ mo mtshan la ched du mi lta'o/ /dus rgyun du yi dam du bya ba ni/ tad ya thA/ aoM tsha me/ au la ni/ du khan swAhA/ /ces pa'i sngags 'di/ srod la bzhi brgya tsam re bzlas so/ /des ni dngos grub myur du 'grub par gsungs so/ /gnod sbyin ma kun nas 'khyil pa'i gwa thabs/ slob dpon klu grub kyis mdzad pa rdzogs so// //slob dpon klu grub/ bla ma rdo rje gdan pa/ mkhas pa pa ri lots+tsha ba/ bu ston rin chen grub/ mkhan chen bsod nams bzang po/ dgos po sla sgo gi bla ma 'jam dbyangs ShAkya seng ge/ gon gyi bud+ha pa la/ de la bdag mi skyod rdo rjes zhus so/ /de ltar rims pas rgyud pa'i gdam dag 'di ni/ phyogs kri yang rtogs/ /rgyud sha za rig pa 'dzin pa'i rgyud nas bsdus/ ngon mched/ gang zag dang pa dang ldan pa dbul ba sel ba'i don du mdzad/ bla ma pa ri lots+tsha rgya gar na chos gsan pa la/ yo byad kyi dngos po ci yang med pas/ bla ma rdo rje gdan pa'i zhal nas/ khyod longs spyod kyis nyon mongs par 'dug pas/ khyod la zas kyis mi 'phongs par tshogs med bar 'ong ba'i gdam ngag gcig spyin gyis gsung nas gnang ngo/ /'di dang po bsnyen pa zhag nyi shu rtsa gcig byas na/ zas dang gos dang/ nor la tshogs med par 'ong gsung/ /'di sku gsung thugs kyi mkha' 'gro ma gsum yin gsung/ gnas ni/ rdo rje gdan gyi lho nub 'tshams na/ dur khrod shing drung nags tshal la brten byas nas gnas/ 'jig rten khams kyi nor gyi bdag mo yin/ 'di la the tshom dang yid gnyis bya mi dgos gsung ngo// athiikhar snying po dang/ rgyab du rten 'brel snying po khri zer ba yang snang ngo// //yang rigs gcig la/ dbang du bya ba'i 'khor lo ni/ rtsibs bzhi pa la/ aoM a b+ha shi ba a/ aoM ma pi/ a du pa shi swAhA /zhes g.yon bskor bri/ lte ba la/ dmigs bya'i ming rus dang/ dbang du sdus cig bri/ de nyid mdun du bzhag la/ zhag gsum sngags kyi bsnyen pa khri tsho cig bzlas la/ rang gi the 'ong g.yas pa la rtse mo/ /des ni dbang du 'dus nas/ sbyin bdag du 'gyur ro/ /dag zhing bkra shis par gyur cig/ //gnod sbyin yid 'grog gi bsgrub thabs bzhugs so// //*/ /rgya gar skad du/ a pa ra tsi ta me ru b+ho dang ka ra rad na b+ha las d+ha naM/ bod skad du/ gzhan gyis mi thubs dang/ ri rab mchog ma rin po che bzang po'i bsgrub thabs/

CLOSE WINDOW