བོད་ཡིག

e-texts based on the ACIP/ALL Input

/ //rdo rje bag mo'i sgrub thabs// //rgya gar skad du/ sh+rI badzra pA rA hI sA d+ha nA ma/ bod skad du/ dpal rdo rje phag mo'i sgrub thabs/ dpal gshin rje gshed dmar po la phyag 'tshal lo/ /gang zhig sgrub ba bos gdug pa can rnams sangs rgyas kyi bstan pa la gzhug pa'i phyir/ skal ba dang ldan pa'i sgrub pa pos dben pa'i gnas su song ste/ stan bde ba la 'dug nas mchod pa dang gtor ma sngon du song bas/ rdo rje phag mo sgom par bya'o/ /zhal gcig phyag gnyis ma/ /sku mdog dmar mo phyag g.yon thod khrag gis gang ba thugs kar 'dzin pa/ de'i steng du g.yas gri gug 'jog pa/ pad+ma dang zla ba'i steng du g.yon brkyang bas bzhugs pa/ g.yas bskum pas de'i byin pa'i steng du reg ba'i brkyang bskum gyis bzhugs pa/ spyan gsum pa dbu skra grol ba cung zad khro ba'i rnam ba can/ /dus pa'i rgyan gyis brgyan pa/ gar gyi ro dang ldan pa bsgom mo/ /de'i snying ga'i chu skyes las zla ba'i steng du h+rIte g.yas skor du mgo gyen du bstan pa mdog dmar po bsam pa/ ji srid mi skyo'i bar du bsgom par bya'o/ /de nas sngags bzlas bar bya ste/ aoM a A ai a'i au a'u ri rI li lI e ai ao aau aM asems kyis bzlas so/ /de'i man ngag ni rang gi snying ga'i hUM h+rIkyi yi ge bsam la/ bdag gi snying gnas sna bug g.yas nas h+rIbsam mo/ /h+rI:la thim pas skom pa'i gdung ba sel ba dang/ bde ba skyes ba de gzhibs nas/ yang snying gar bsdus pa la 'og gi tshig bcad kyi don dran par bya'o/ /de ltar zhag bdun gyi mthar mtshan thog thag bya'o/ /des 'grub par 'gyur/ /yang rang ? tu bstan pa'i mdun du me long la dris byugs te/ sin d+hu ra bkram la/ de la pad+ma 'dab ma bzhi pa lte ba dang bcas pa bris te/ lte bar trI/ shar dang lho dang nub dang/ byang du yaM raM baM laM rim pa bzhin bkod pa dang/ ji ltar 'byor pa'i mchod pa dang/ nam mkha' la yi ge lnga bris pa lta bu ste/ nag po dang/ dmar po dang/ dkar po dang ser po'i rnam par bsams la me long gi yi ge rnams la bstims/ yi ge'i rnam pa can gyi mkha' 'gro ma rnam pa lnga la sngags de nyid brjod cing me tog dmar po dang chang gis mchod pa bya'o/ /de nas phreng ba dmar po gzung ste/ yaM raM baM laM h+rI:zhes bzlas so/ /lte ba'i yi ge las 'od kyi phreng ba sbros te/ mdun gyi sngags la thim pa la sogs pa spro ba dang bsdu ba'i rnam pa bya'o/ /de ltar sa ya phrag gnyis bzlas so/ /de nas nya'i nub mo mtshan thog thag bya'o/ /de ni bsnyen pa bya ba'o/ de nas rang byung gi me tog sin d+hu ra dang bcas pa'i maN+Dal sngar bzhin bkram ste/ shar la sogs pa'i yi ge 'bru yaM la sogs pa bkod la/ /snga ma ltar yi ge la bstim/ mchod pa rgya chen po bya zhing/ sngags bzlas pas/ chu skyes kyi h+rIte sgrub bya mdun du bkug ste/ 'gyel ba dang yang h+rIle sems kyang med/ /'di ni bde ba chen po'i mchog bdag dang gzhan du yod ma yin/ /zhes brjod do/ /de ltar zhag bdun gyis 'grub par 'gyur ro/ /rdo rje phag mo'i sgrub thabs grub thob kyi 'khor lor sgyur ba'i slob dpon dpal 'dzin gyis mdzad ba rdzogs so// rgya gar gyi paN+Di ta chen po rgyal ba'i sras bi b+hu ti tsan+d+ra'i zhal snga nas/ dpal chos kyi dbyings kyi gtsug lag khang rang byung du mdzad pa las blo bo lo tsa ba dge slong shes rab rin chen gyis zhus te gtan la phab ba'o// // rgya gar skad du/

CLOSE WINDOW