བོད་ཡིག

e-texts based on the ACIP/ALL Input

/byang chub sems kyi chu yis khrus bya'o/ /khrus kyi cho ga sgrib ba sbyong zhing bar chod gsal ba rdzogs so// //tshe bdag nag po'i dkyil 'khor gyi cho ga dran pa bsal ba zhes bya ba nag por? mdzad pa paN+Di ta de nyid dang lo tsa ba dar ma grags kyi 'gyur// */ / /rgya gar skad du/ sh+rI ya ma A yu kA la maN+Dal bi d+hi/ bod skad du/ dpal gshin rje tshe bdag nag po'i dkyil 'khor gyi cho ga/ /bcom ldan 'das gsung gi dbang phyug la phyag 'tshal lo/ /gang gi brin gyis mun pa gtan bcom zhing/ /gsang ba'i 'od kyis bde ba skyed byed pa/ /thugs rje'i bdag nyid 'jam rgyal rdo rje la/ /lus ngag yid gsum dang pas phyags cal nas/ /gsang sngags lam gyi sgron ma 'di nyid la/ /mos dang dang ba gang zhig yod pa yi/ /rnal 'byor brtson pa rnams la phan bya'i phyir/ /dkyil 'khor chog 'di nyid bshad par bya/ /bla ma mkhas shing rtogs ldan dam tshig ldan pa dang/ /brtse dang bsam gtan byin rlabs zhugs ba dang/ /dman spangs dad pas 'gro ba yang dag 'dren pa ste/ /'di ni bla ma'i 'os te 'gro ba'i don byed pa'o/ /bla ma la gus rtog med snying rje can/ /rtag tu chos 'dod dad pa brtan 'gyur zhing/ /bzod ldan gtong la spro ba'i gang zag ni/ /'di ni rjes su bzung 'os slob ma'i 'os/ /chu gling dur khrod la sogs dben gnas su/ /rdzas dang yo byang tshogs pas bsnyen pa brtsam/ /maN+Dal byi dor byas pas me tog bkram byas la/ /mchod pa lnga dang gtor ma chags gsum bsham/ bla bye la sogs brgyan rnams dgram par bya/ /bde ba'i gtan la 'dug bas rnal 'byor bya/ /byang chub sems bskyed tshad med bzhi bo bsgom/ /yan lag bdun po yongs su rdzogs par bya// 'gror na gsol gdab smon lam rdzogs par bya/ /de rjes stong ba'i rnal 'byor rjes su dran bar bya/ /aoM shU n+ya hA dz+nyA na badzra swa b+hA wa Adma ko haM/ stong pa'i dang las 'byung ba'i rim brtsegs bsgom/ /yaM raM baM laM/ rlung me chu dang gser gyi sa gzhi'i steng/ /bruM las gzhal yas khang chen rnam par bsam/ /gru bzhi sgo bzhi rta babs bzhi dang ldan/ /khyams stong khyams smad steng 'og bar dang bcas/ /ka ba brgyad dang 'thod chen zlum skor gdud/ /dra ba dra phyed rnga yab chun 'chad brgyan/ /'dod yon lha mo rnams dang bcas pa'i dbus dur khrod brgyad ldan thod pa'i gzhal yas khang/ /dbus su 'khor lo rtsibs brgyad rgyas pa'i lte ba la/ /phyogs bzhi gnag la mtshams bzhi dmar/ /pad+ma nyi zla'i steng du du tra yab yum stan/ /ya dang? ma las ra brjod yab yum gnyis/ /gnyis med phyag rgya chen po bsgom par bya/ /sku mdog mthing nag? zhal gsum phyag drug pa/ /g.yas dkar g.yon dmar dbus mthing khro bo'i zhal/ /spyan dgu sngar mig gyen du zlog pas 'jigs/ /mche ba dkar po zla chos srid pa sgrol/ /dbu skra khaM pa gyen brdzes sma ra ser/ /sprul dang thod pa skam rlon dbu rgyan can/ /zhing dang glang chen ko rlon stag sham gsol/ /g.yas pa 'khor lo ral gri rdo rje bsnams/ /g.yon pa thod dbyug brtun shing sdigs mdzub can/ /mi mgo lnga bcu'i do shal phreng bas mdzes/ /yum ni khro mo zhal gcig phyag gnyis ma/ /g.yas pa snying stob g.yon pa thod khrag 'dren/ /'jigs pa'i cha byang chags pa'i spyan gyis blta/ /thugs kar hUM las gsang bdag rdo rje 'chang/ /ljang nag gcer bu rdo rje sdigs mdzub can/ /khros pas klu za pad+ma'i gdan la bzhugs/ /spyi gtsug khrom las bya khyung ga ru Da/ /ser po gnam lcags mchu sngar klu sbrul za/ /lto bar rus spal ser po rngam ba'i zhal/ /sder mo gnam lcags kha gdangs spyan rtsa dmar/ /shar phyogs ya ma ra dza smug nag gzugs/ /zhing dang stag sha ma sprul gyi chun 'chang brgyan/ /'khor lo rtsibs la zhing gi gdan can bsgom/ /lho ru myos byed 'bar ba ser nag 'jigs pa'i gzugs/ /nub tu gshin rje dmar po dmar nag 'jigs pa'i gzugs/ /byang du ra la ba tshar dgu ljang nag 'jigs pa'i gzugs/ /g.yas na 'khor lo g.yon na dbyug tho bsnams/ /rgyan dang na bza' cha lugs 'dra ba bsgom/ /mtshams bzhir yab yum bzhi bsgom pa yab dang 'dra/ /skad cig chu las nya ljang tshul du bskyed/ /bdag nyid dam tshig sems dpa' gsal ba dang/ /grub ba'i gnas las ye shes semS dpa' ni/ /rang dang 'dra ba dur khrod brgyad dang bcas/ /dza:hUM baM ho:spyan drang gnyis med bstim/ /bstod pa rnams kyis bstod cing mchod pa dbul/ /sku gsung thugs su byin brlab dbang bskur blang/ /'phro 'du bsnyen 'dzin bya zhing bsnyen pa dang/ /gtso bo la ni 'bum maM rtags sbyar bya/ /'khor la khri ste grangs kyi bsnyen pa yin/ /mtshan ma bzang po mthong na sgrub pa brtsam/ /dus tshod chos grangs gza' skar bzang po la/ /sa chog sta gon gang rung rgyas bsdus bya/ /tshogs sogs sgrib pa sbyang phyir zhi ba'i sbyin sreg bya/ /maN+Dal byi dor byas la mchod pa bsham/ /smon dang 'jug pa'i sems bskyed la sogs bya/ /sngon du 'gro ba'i cho ga rdzogs pa dang/ /dkyil 'khor 'dri ba'i las la mkhas pa yi/ /rdul tshon dkyil 'khor gzhung dang mthun par bri/ /bskyed dang spyan dang mchod bstod rdzogs par bya// sngon du bdag nyid 'jug pa'i cho ga yang/ /'og nas 'byung bzhin dbang bskur blang bar bya/ /slob ma 'jug pa'i rim pa bstan pa ni/ /yol ba'i mdza' nas yon dbul gsol gsum gdab/ /sangs rgyas kun gyi rang bzhin sku/ /bla ma'i sku la skyabs su mchi// sangs rgyas kun gyi rang bzhin gsung/ /bla ma'i gsung la skyabs su mchi/ /sangs rgyas kun gyi rang bzhin thugs/ /bla ma'i thugs la skyabs su mchi/ /sangs rgyas grong khyer nyams dga' bar/ /'jam rgyal rdo rje 'khor lo yis/ /snying po'i dkyil 'khor 'di ru ni// mgon po bdag ni 'jug par mdzod/ /zhes brjod phyag 'tshal me tog gtor/ /dga' chen khyod bdag ston pa bas/ /slob dpon khyod ni dgongs su gsol/ /mgon po chen po tshul bstan pa/ /dam tshig de nyid bdag bstsol/ /sangs rgyas chos dang dge 'dun te/ /skyabs gsum dag kyang bdag la stsol/ /thar pa chen po'i grong mchog tu/ /mgon po bdag ni 'jug par 'tshal/ /de nas bla mas snang ba sbyin/ /bu tshur theg pa chen po la/ /khyod ni tshul chen snod yin te/ /gsang sngags spyod ba'i cho ga 'di/ /khyod la yang dag bshad par bya/ rdzogs pa'i sangs rgyas gang 'das dang/ /de bzhin gang dag ma byon dang/ /da ltar byung pa rdzogs sangs rgyas/ /'gro la phan phyir bzhugs pa rnams/ /de dag kun gyis gsang sngags kyi/ /cho ga bza' po 'di mkhyen pa/ /dpa' bos byang chub shing drung du/ /thams cad mkhyen pa'i mtshan nyid mnyes/ /gsang sngags sbyor ba mnyam med des/ /skyob pa dpal ldan 'jam rgyal gyis/ /bdud sde shin tu mi bzad pa/ /dpung chen dag kyang de yis bcom/ /de bas kun mkhyen thob bya'i phyir/ /bu yis blo gros 'di gyis shig / sangs rgyas chos dang dge 'dun la/ /rtag tu khyod kyis skyabs tshol cig /'jam rgyal rdo rje la sogs te/ /'khor lo bzhugs pa'i bdag nyid can/ /kun la rtag tu skyabs song zhig/ de nas slob mas 'di skad brjod/ /dpal ldan khrag 'thung dpa' po dang/ /'jam rgyal rnam snang la sogs te/ /byang chub sems dpa' dpag med pa/ /thams cad bdag la dgongs su gsol/ /bdag ni dus 'di nas bzung nas/ /tshangs spyod gnyis med sar gnas par/ /bdag gis sdom pa legs par bzung/ /gtso bo bdag la sdom pa stsol/ /thub pa nyi ma ma lus pa'i/ /sangs rgyas rnams ni bdag la dgongs/ /bdag ming 'di zhes bgyi ba ni/ /slob dpon spang du gnas pa la/ /sangs rgyas rol pa las byung ba'i/ /mi ldog pa'i 'khor lo sbyor/ /thar pa'i rang bzhin grong mchog tu/ /slob dpon bdag ni 'jug par mdzod/ /de nas bla mas 'di skad brjod/ /rtog pa rnams ni legs par bsdus nas kyang/ /shin tu bsam pa bzang po ldan pas nye na/ /brjed ngas glo la rdo rje sems dpa' sogs kyi/ bed bar gshegs pa rnams kyis byin mi rlob/ /sangs rgyas chos dang dge 'dun te/ /bla na med pa'i dkon mchog gsum/ /dkon mchog gsum la skyabs su song/ /'di ni sangs rgyas rigs dag pa'i/ /sdom pa dam tshig yin par gsungs/ /rdo rje rigs mchog chen po yi/ /rdo rje dril bu phyag rgya yang/ /blo mchog khyod kyi bzung bar gyis/ /byang chub sems gang rdo rje de/ /rdo rje dril bu zhes bshad do/ /slob dpon dag kyang gzung bar gyis/ /rin chen rigs mchog chen po yi/ /dam tshig yid du 'ong ba la/ /zang zing mi 'jigs chos dang byams/ /sbyin pa rnam bzhi rtag tu sbyin/ /byang chub chen po las byung ba'i/ /pad+ma'i rigs mchog dag pa yi/ /phyi dang gsang ba'i theg pa gsum/ /dam chos khyod kyis bzung bar gyis/ /las kyi rigs mchog chen po la/ /sdom pa thams cad ldan par ni/ /yang dag nyid du bzung bar gyis/ /mchod pa'i las kyang ci nus gyis/ /rtsa ba'i ltung ba bcu bzhi ni/ /phas phaM par ni rab tu bshad/ /kha na ma tho sbom por 'gyur/ /khyod kyis srog chags bsad mi bya/ /ma byin par yang mi blang ngo/ /'dod pa log par mi spyod cing/ /brdzun du smra bar mi bya'o/ /phung khrol kun gyis rtsar gyur pa'i/ /chang ni rnam par spang bar bya/ /sems 'dul phyir ni rtogs pa yi/ /bya ba ma yin thams cad spangs/ /dam tshig rnams ni nyer bsten cing/ /rnal 'byor dpa' bo bsnyen bkur bya/ /lus kyi las ni rnam pa gsum/ /dag gi rnam pa bzhi dag dang/ /yid kyi rnam pa gsum dag ni/ /ci nus par ni rjes su skyongs/ /theg pa dman la 'dod mi bya/ /'gro ba'i don la rgyab phyogs min/ /'khor bdag kyang mi spang zhing/ /rtag tu mya ngan 'das mi bya/ /lha dang lha min gsang ba la/ /khyod kyis brnyas pa mi bya zhing/ /phyag rgya gzhon pa mtshon cha dang/ /mchin ma 'gom par mi bya'o/ /'di dag dam tshig yin par gsungs/ /khyod kyis kyang ni srung bar gyis/ /de nas slob mas 'di skad brjod/ /mgon po bdag la dgongs su gsol/ /ma lus bzhugs pa'i sangs rgyas rnams/ /dus 'di nyid nas sangs rgyas par/ /bla med bdag la dgongs su gsol/ /ji ltar dus gsum mgon po rnams/ /byang chub tu ni nges mdzad pa'i/ /byang chub sems ni bla na med/ /dam pa bdag gis bskyed par bgyi/ sangs rgyas 'jam dbyangs sdom pa la/ /tshul khrims kyis ni blang ba dang/ /dge ba'i chos ni sdud pa dang/ /sems can don byed tshul khrims gsum/ /bdag gis brtan por bzung bar bgyi/ /sangs rgyas chos dang dge 'dun te/ /bla na med pa'i dkon mchog gsum/ /deng nas brtsams te gzung? par bgyi/ /nam du yang ni mi spang ngo/ /rdo rje rigs mchog chen po la/ /rdo rje dril bu'i phyag rgya yang/ /yang dag nyid du bzung bar bgyi/ /slob dpon dag kyang bzung bar bgyi/ /rin chen rigs mchog chen po yi/ /dam tshig yid du 'ong ba la/ /nyin re bzhin ni dus drug tu/ /sbyin pa rnam bzhi rab tu sbyin/ /byang chub chen po las byung ba'i/ /pad+ma'i rigs mchog dag pa la/ /phyi dang gsang ba'i theg pa gsum/ /dam pa'i chos ni bzung bar bgyi/ /las kyi rigs mchog chen po yis/ /sdom pa thams cad ldan par ni/ /yang dag nyid du bzung bar bgyi/ /mchod pa'i las kyang ci nus bgyi/ /byang chub sems ni bla med pa'i/ /dam pa bdag gis bskyed bgyid nas/ /sems can kun gyi don gyi phyir/ /bdag gis sdom pa ma lus bzung/ /ma bsgral ba rnams bdag gis bsgral/ /mgrol ba ni grol bar bgyi/ /dbugs ma phyin pa dbugs dbyung zhing/ /sems can mya ngan 'das la dgod/ /de ltar lan gsum khas blangs pa'i/ /byang chub sems dpa' i slob ma la/ /me tog la sogs mchod pa bya/ /aoM sarba ta thA ga ta A tha su khaM su ra ta stwaM/ /zhes pa rdo rje gnas gsum gtug /'di ni phyi 'jug chos ste/ /nang 'jug rim pa bstan pa ni/ /las kyi bum pas khrus byas te/ /gdong g.yogs bcings la skal ldan dri/ /yol pa'i nang du drang bar bya'o/ /rigs kyi bu khyod su zhig yin/ /bdag ni skal pa bzang po'o/ /dza:zhes pas ni shar sgo nas/ /lha snam steng du phyin par bsam/ /ho:yis byang du baM gyis nub/ /hUM gis lho sgo nas zhugs nas/ /lha snam steng du phyin par bsam/ /lha yi dam tshig tshig bskrag pa ni/ /deng khyod lha rnams thams cad dang/ /slob dpon gyis ni byin brlabs kyis/ /dpal 'tham pa'i rdo rje dang rigs kyi khro bo rnams kyi rigs su zhugs kyis/ /ngas khyod la ye shes gang gis dpal 'jam pa'i rdo rje dang/ /rigs kyi khro bo rnams kyi dngos grub kyang 'grub par 'gyur na/ /dngos grub gzhan smos sta? ci dgos/ /de lta bu'i ye shes bskyed par bya yis/ /gsang ba'i dkyil 'khor ma mthong ba rnams dang/ /dang pa dang mi ldan pa rnams la smra bar ma byed cig /khyod dam tshig nyams par gyur ta re zhes brjod la slob ma'i snying gar rdo rje bzhag/ 'jam rgyal rdo rje deng khyod kyi //snying la yang dag zhugs pa ni/ /gal te tshul 'di smras na ni/ /de ma thag tu dra ba nas gshegs/ /de nas mna' chu blud pa ni/ /thod pa'i nang du dri chu la/ /bdud rtsi btab cing yi ge gsum/ /bzlas pa'i tshig 'di brjod par bya/ /'di ni khyod kyi dmyal ba'i chu/ /dam tshig 'das na bsreg par byed/ /dam tshig gsungs na dngos grub ni/ /rdo rje bdud rtsi chu 'dis 'grub/ /aoM pany+tsa a mri ta ga thA/ /zhes brjod pas ni blud par bya/ /de nas dam tshig bsgrag pa ni/ /deng phan chad khyed kyis 'jaM? pa'i rdo rje nga yin gyi?/ /ngas 'dir? gyis shig ces bsgo ba gang yin pa de bya dgos so/ /khyod kyis nga la brnyas par ma byed cig /byas na khyod yi bde pa ma spangs par tshe'i dus byas nas dmyal bar ltung bar gyur ta re/ zhes brjod do/ /de nas ye shes dbab par bya ste/ /maN+Dal la slob ma blang par bya ste/ rkang ba gnyis brkyang lag zhu'i ? bsu khang? pa brkyang la thal mo sbyar bar bya ste/ /yaM las rlung gi dkyil 'khor rkang 'og tu/ /gsang bar me'i dkyil 'khor gru gsum bsam/ /lte bar yi ge dzE ni rab 'bar bsam/ /yaM las rlung byung me'i dkyil 'khor bskyed pas/ /lte bar dze spros 'od kis lus gang bsan dbugs kyang cung zhig nang du then par bya/ /shes pa gzhan du ma yengs rig pa nang du gzir/ /spos kyi dud pa sna sgor bdug par bya/ /rnga gdung dril bu bsil zhing sngags 'di bzlas/ /aoM ra ra tsa la ya a be sha ya a A dzhai/ /ye shes dbab par gyur pa la/ /de la tiSh+Tha badzra brjod/ /de nas snang ba bstan pa ni// kyi he ru ka mu gu rdo rje/ /rang gi dngos po ji ltar snang/ /zhes brjod ltas pas dkar ser sgos/ /snang bas zhi rgyas la sogs 'grub/ /de nas me tog dor ba ni/ /me tog thogS nas shar sgo nas pra tits+tsha badzra ho/ /zhes pas dal du 'thor du gzhug /gang la bab pa lha ru gzung/ rigs dang mthun pa'i gsang mtshan gdags/ /aoM pra ti g+h+ri na swa mi maM swAhA/ haM ba la/ zhes pas slob ma'i mgo la bcing/ /de nas gdong g.yogs dgrol ba ni/ /mig gnyis aoM las 'od zer bsam/ /rdo rje rtse mos mig la gdug/ 'jam rgyal rdo rje deng khyod kyis/ /mig 'byed par ni brtson par mdzad/ /rdo rje mig ni bla na med/ /de ring nyid du 'byed par shog /aoM badzra mai tra a pa ha ra pa Ta laM hUM zhes bas gdong g.yogs dgrol par bya/ de nas dkyil 'khor bstan pa ni/ /dkyil 'khor bzang po 'di la ltos/ /nga ni dad pa rab tu bskyed/ /khyod ni 'jam rgyal rigs su skyes/ /sngags dang phyag rgyas byin gyis brlabs/ /'gro ba phun sum tshogs pa kun/ /dngos grub kun khyod mngon sum 'gyur/ /dam tshig thams cad bskang ba dang/ /gsang sngags la yang brtson par gyis/ /de nas lha rnams ngo yang bstan/ /'di ni 'jug pa'i yan lag go/ de nas tshogs pe tag yon phul nas/ /phyag bstsal thal mo sbyar bas 'dug/ de la bum pa'i dbang bskur ba/ /bum pa thogs la sbyi por bzhag/ bum pa yum gyi rang bzhin las/ /snying po rigs sngags nyid du bsam/ /ji ltar ltams pa tsam gyis ni/ /de bzhin gshegs kun khrus gsol ltar/ /lha yi chu ni dag pa yis/ /de bzhin bdag gis khrus gsol lo// aoM sarba ta thA ga ta ma b+hi shiny+tsa paM/ /zhes pa dang/ khams gsum kun gyis phyag byas pa'i/ /gsang ba gsum gyi gnas las byung/ /dbang bskur ba ni rdo rje che/ /phyir mi ldog pa'i dbang bskur ro/ /aoM sarba ta thA ga ta a b+hi shiny+tsa ? ma ya sh+rI hUM/ rnam shes phung po rnam dag pa'i/ /me long lta bu'i ye shes kyis/ /zhe sdang rnam dag mi bskyod pa/ /dpal ldan chu yis dbang bskur ro/ /zhes pas chu sbyin no/ /de nas cod pan gyi dbang bskur sbyin pa/ /cod pan rigs lha'i rang bzhin las/ /rin chen rigs bdag nyid du bsam/ /sangs rgyas kun gyi rgyal srid che/ /dbu rgyan rin chen dam pa ste/ /rin chen rnams kyi mchog gyur pa/ /rdzogs sangs rgyas kyis dbang bskur ro/ /aoM sarba ta thA ga ta ratna mu gu ta a b+hi shiny+tsa maM/ tshor pa'i phung po rnam par dag pa yi/ /mnyam pa nyid kyi ye shes kyis/ /nga rgyal rin chen 'byung? ldan gyi/ /cod pan gyi ni dbang bskur ro/ /zhes pas cod pan sbyin/ /de nas dril bu'i dbang sbyin pa/ /dril pu gsung gi rang bzhin las/ /gsung mchog rigs bdag nyid du bsam/ /'jam dbyangs rdo rje dril bu'i dbang/ /de ring khyod la bskur bar bya/ /'jam rgyal rdo rje rang bsgrub phyir/ /dril bu 'di ni khyed kyis thod/ /aoM sarba ta thA ga ta a ti ba ti staM a b+hi shiny+tsa mi tiSh+Tha badzra sa ma ya stwaM/ 'du shes phung po rnam dag pa'i/ /so sor rtog pa'i ye shes kyis/ /'dod chags snang ba mdza' yas kyi/ /dril bu yis ni dbang bskur ro /zhes pas dril bu gsil du gzhug / de nas rdo rje'i dbang sbyin pa ni/ /rdo rje las kyi rang bzhin las/ /khong seng rigs bdag nyid du bsam/ /'jam dbyangs rdo rje las kyi dbang/ /di ring khyod la bskur bar bya/ /'jam rgyal rdo rje las bsgrub phyir/ /rdo rje 'di ni khyod kyis long/ aoM sarba ta thA ga ta badzra karma a b+hi shiny+tsa mi ta badzra gand+ha sa ma ya stwaM/ 'du byed phung po rnam dag pa'i/ /bya ba grub pa'i ye shes kyis/ /phrag dog don yod grub pa yi/ /rdo rje yis ni dbang bskur ro/ /zhes pas rdo rje rgya gram snying gar gzhag/ de nas ming gi dbang bskur ba/ /slob ma'i spyi por aoM las ni/ /'khor lo de las rnam snang bskyed/ /sangs rgyas kun gyi ming gi dbang/ /di ring khyod la bskur bar bya/ /sangs rgyas kun tu rab bsgrub phyir/ /rdo rje ming 'di khyod kyis long/ /aoM sarba ta thA ga ta na mA b+hi shud+ha d+harma d+hA tu dz+nyA na a b+hi shiny+tsa maM/ /kye rdo rje che ge mo zhes bya bas ming dbang sbyin/ /spyi bor rdo rje dril bu bzung la/ /gzugs kyi phung po rnam dag pa'i/ /chos kyi dbyings kyi ye shes kyis/ /gti mug rnam par snang mdzad kyis/ dpal ldan ming gi dbang bskur ro/ /rdo rje dril bu brtul zhugs dbang/ /lag tu rdo rje dril bu gtad/ /'di ni sangs rgyas thams cad kyi/ /phyag na rdo rje'i lag na gnas/ /khyod kyis kyang ni rtag tu bcang/ /phyag na rdo rje brtul zhugs brtan/ /aoM sarba ta thA ga ta sid d+hya badzra sa ma ya tiSh+Tha e ? stwaM d+hA ra ya mi badzra swAhA hi hi hi hi hUM/ 'bying ba'i tshul du 'dug nas ni/ /rdo rje gsor la dril bu bsil/ /de nas phyag mtshan dbang bskur ba/ /'khor lo log la gcod par byed/ /dbyug thos gzung 'dzin rab spangs pa'i/ /phyag mtshan gyis ni dbang bskur ro/ /rgyan tsha'i dbang yang bskur bar bya/ /mgul rgyan gdub bu ske rags dang/ /do shal dang ni sna bdun te/ /rgyan cha yis ni dbang bskur ro/ /sku'i na bzas dbang bskur ba/ /glang chen zhing dang stag lpags gos/ /na bza' yis ni dbang bskur ro/ /sku gsung thugs kyi dbang bskur ba/ /rdo rje dril bu lag tu gtang/ /thog mdza' med pa'i sems dpa' ni/ /rdo rje sems dpa' dga' ba che/ /kun tu bzang po kun bdag nyid/ /rdo rje snyems tshul bdag po'i bdag/ ces pas rdo rje g.yas su sbyin/ /'di lha thams cad kyi bdag po kun tu bzang po yin par gyis shig ces brjod do/ /srid pa ngo bo nyid kyis dag/ ngo bo nyid kyis 'gal srid byas/ /rang bzhin dag pa'i sems dpa' ni/ /srid pa mchog tu grub par byed/ /ces pas dril bu 'khrol du gzhug/ srid pa'i bde ba shin tu chung/ /sdug bsngal chen po dag bya'i phyir/ /shin tu bde ba dam pa'i thabs/ /dam pa'i 'di ni rtag tu bskyed/ /'dod pa'i long spyod thams cad la/ /ci 'dod par ni brten bzhin du/ /rang dang lha yi sbyor ba yis/ /bdag dang gzhan la mchod par gyis/ /zhes brjod pas ni phyag rgya che/ /sku ru rgyun tu bsgom du gzhug /mi gnyis la ni rdo rje dkar/ /nas 'bras tsam pa bsam byas la/ /gser las byas pa'i thur ma yis/ /spyan 'byed tshul du dbye bar byed/ /ji ltar mig mkhan rgyal po yis/ /'jig rten ling thogs bsal bltar// bu khyod kyis ni mi shes pa'i/ /rab rib rgyal ba rnams kyis bsal/ /aoM badzra nai tra a pa ha ra pa ta laM haM/ /zhes pas mig 'byed tshul du bya'o/ /sku'i dbang mda' dang gzhu yin te/ /ho yig lhag mthong mda' drug dang/ /zhi gnas rang bzhin gzhu byin la/ /phyogs bzhi steng dang 'og tu 'phang/ /khyod kyis zhi gnas lhag mthong gis/ /phyogs rnams thams cad dbang du gyis/ /gsung gi dbang phyug bril bu ni/ /chos rnams nam mkha' i mtshan nyid de/ /nam mkha' la yang mtshan nyid med/ /nam mkha' sems dang mnyam sbyor ba'i/ /kun mchog mnyam pa nyid du gsal/ /thugs kyi dbang me long brtan pa yin te/ /hUM zhes me long rab bstan la/ /rdo rje sems dpa' me long bzhin/ /chos rnams gzugs brnyan lta bu ste/ /dag cing gsal la rnyog pa med/ /gzung du med cing brjod du med/ /rgyu dang las las kun tu byung ngo bo nyid med gnas med par/ /de ltar chos nyid shes nas ni/ /sems can don la mnyam med byos/ /'on kyang sangs rgyas sras su skye/ /sangs rgyas kun gyi rang bzhin ni/ /bu khyod kyi ni snying la zhugs/ /zhes pa'o/ /kye bu khyod kyi gang lhag pa'i lha'i bdag po byang chub kyi sems ni 'di yin par shes par gyis shig ces brjod do/ /bsgom pa'i rjes su gnang ba ni/ /dus 'di nas ni bzung nas ni/ /'khor ba'i nyes pas mgos par/ /'jam pa'i rdo rje 'khor bcas rnams/ /bsgom pa dag la brtson par gyis/ /zhes pa'o/ /sngags ? rjes gnang sbyin pa ni/ /bcom ldan 'di la stsal lags kyis/ /'di la 'gro? bar mdzad du gsol/ /lhag pa'i bsam la bstan pos bzung/ /nam yang btang bar ma byed cig/ /lan gsum brjod la gnang ba sbyin/ /slob ma'i lag tu phreng ba gcad/ /sangs rgyas kun mgyis mi phyed pa'i/ /gsang sngags bla na med pa ste/ /snying po yid bzhin nor bu yis/ /skyob pa sngags kyi dbang bskur ro/ /slob mas tshig tu 'di brjod blang/ /bcom ldan bdag gis bzung lags kyis/ /bdag la mgo bar mdzad du gsol/ /lhag pa'i bsam pa brtan po yis/ /nam du yang ni mi btang ngo/ /zhes pa yis ni sngags bzlas so/ /gar gyi rjes su gnang ba ni/ /de nas brtsams te rdzogs sangs rgyas/ /rje btsun lha dang dpa' bo la/ /shes rab thabs kyis bsnyims chen gyi/ /gang mchod bde bas mchod dga' bgyi/ /zhes pas gar byed tshul du bya/ /glu'i rjes su gnang ba ni/ /lus can kun la dam chos kyi/ /khyed kyis blu ni blang bar bya/ /de nas rnal 'byor ma de dang/ /myur du bde ba myong bar 'gyur/ /zhes pas chos don glu yang blang/ /mchod pa'i rjes su gnang ba ni/ /sangs rgyas sku la dri ma mi mnga' yang/ /lha'i chu rgyun dag pa yis/ /rgyal ba rnams la sku khrus gsol/ /sku gsung thugs la yon chab 'di gsol bas/ /rnam rtog n yon mongs dri ma dag gyur cig/ /sgeg dang bcas pa'i me tog phreng/ /sangs rgyas kun sogs 'jam dbyangs la/ /nam yang 'bral bar mi 'gyur te/ /phreng ba de'i brgyan yin no/ /rdzogs sangs rgyas la spos phul bas/ /brtul shugs bzang pos legs tshim gyis/ lus can bde gshegs cha lugs su/ /ye shes kyis ni tshim gyur cig /chos kyi mar me legs par bas/ /pad+ma gar dbang bdag nyid de/ /sems can ma rigs ldongs la la/ /ye shes sgrom mas snang gyur cig /tshul khrims ting 'dzin shes rab dang/ /rnam grol ye shes mthong ba yi/ /dri med rgyal pa rnams kyi dri/ /lus can byang chub thob gyur cig zhal zas ro mchog 'od phul bas/ /ro drug sred pa dag gyur te/ /bsam gtan ting 'dzin zas mchog ldan/ /gnyis su med pa'i ro rtog shog/ /rol mo glu gar sgra snyan tshangs pa'i dbyangs/ /khu byug gzhon nu'i skad 'dra 'di phul pas/ /bde gshegS sku'i mnyes dang ldan gyur cig/ lha'i rna ba rnam dag thob gyur cig zhes pa'o/ /dngos grub rjes su gnang ba ni/ /zhi rgyas dbang drag bzhi po dang/ /bskrang dang bcings dang rengs la sogs/ /las de rnams ni grub par gyis/ /spyod pa'i rjes su gnang ba ni/ /dang po las kyi spyod pa dang/ /nyon mongs gsang ba'i spyod pa dang/ /kun tu bzang po'i spyod pa dang/ go rim bzhin du slab par gyis/ /rdo rje slob dpon rjes gnang ni/ /sems can sdug bsngal gsal bya'i phyir/ /'jig rten kun la thams cad du/ /bya ba'i rgyud dang spyod pa'i rgyud/ /rnal 'byor rgyud dang gsang pa yi/ /chos kyi 'khor lo bskor bar gyis/ /khyod ni the tshom dogs med par/ yid gnyis med pa'i sems kyis ni/ /chos kyi dung ni bla med pa/ /dri med kun du gang bar gyis/ /dung bud gdugs dang po ti sbyin/ /de nas lung bstan sbyin pa ni/ /rang nyid 'jam dpal ting 'dzin gyis/ /g.yon pa khu tshur bcad byas te/ /chos gos 'dzin pa'i tshul du bya/ /g.yas pa skyabs sbyin phyag rgya bcas/ /aoM nga yis 'di ltar lung bstan te/ /'jam pa'i rdo rje de bzhin gshegs/ /dngos po mchog tu sgrub pa'i phyir/ /srid pa'i ngan 'gro gnas nas bton/ /kye che ge mo myu gu rdo rje// gnas che ge mo zhes bya ba/ /bde ba can gyi zhing khams su/ /rdo rje 'chang chen por mngon par rdzogs par sangs rgyas par 'gyur ro/ /sid d+hi b+hur? b+hu lwa swa/ /'di ltar lung bstan bus dag tu/ /sngags pa bde gshegs kun ldan cig/ bla na med pa'i byang chub tu/ /mgrin gcig tu ni lung bstan mdzad/ /de ltar lung bstan gyur pa 'di/ /sngags dang phyag rgya'i mthu yin pas/ /sngags dang phyag rgya'i nus pa la/ yid ches pa ni dad par gyis/ /lung bstan thob nas sems bde ba/ /de ni gzengs bstod yod par 'dod/ /dbugs dbyung ba'i cho ga ni/ mchog gsang dkyil 'khor dam pa 'dir/ /mthong ba dang ni zhugs pa yis/ /sdig pa kun las nges grol pa'i/ /khyed rnams 'dir ni legs par gnas/ /phyin chad 'chi ba yod min te/ /mi tshugs pa dang mi sod pa/ /cis kyang mi 'jigs dga' bar gyis/ /dam tshig sdom pa grub par gyis/ /rtag tu khyod kyis bsrung par bya/ /sangs rgyas kun gyis mthun par gsungs/ /dam pa rtag pa'i bka' yin no/ /de ring bdud las rnam par rgyal/ /grong khyer mchog tu rab tu zhugs/ /khyed rnams kyi ni sangs rgyas kyi/ de ring thob par the tshom med/ /de nas slob mchog rdzogs pa des/ /rgyal ba rnams kyi sras su 'dzin pa yin/ /mchod pa'i bye brag rnams kyang de la bya/ /slob mas bla ma dam pa'i drin dran phyir/ /chogs dang gtor ma mchod pa'i bye brag dang/ /'dod pa'i longs spyod rnams ni de la mchod/ /rta dang glang po yul zhing bud med kyang/ /bla ma dam pa de la mchod phyir dbul/ /de bzhin dbul ba'i dbang bskur cho ga rgyas gyur pas/ /gsang ba'i dbang bskur 'dod pas gsol ba gdab/ /tshogs kyi mchod pa btegs la bsod nams bsags/ /phyag bstsal maN+Dal phul la gsol ba gdab/ /sangs rgys byang chub sems dpa' yis/ /spyan sngar slob dpon dgongs su gsol/ /khyod zhabs pad+ma spangs nas ni/ /bdag la gzhan nas skyabs ma mchis/ /dag gi dri ma sbyong mdzad pa'i/ /dbang bskur mchog ni bdag la gsol/ /ji ltar 'phags pa'i sangs rgyas kyi/ /byang chub sras la dbang bskur ba/ /de bzhin gshegs pa'i dbang bskur ni/ /sems kyi rgyun gyis dbang bskur ro/ /de nas dbang bskur sbyin pa ni/ /mtshan ldan thod pa'i bdud rtsi la/ /srin lag g.yon pas blangs nas ni/ /slob ma'i lce la gzhag par bya/ /ye shes dbang pa'i dus kyi nyams/ /de nyid du ni dran par bya/ /nyams dang bdud rtsi ro myong bas/ /bde ba skyes pa gang yin pa/ /gsang ba'i dbang ni thob pa yis/ /de yi dam tshig dbog pa ni/ /sha chen byang sems myos pa'i chu// rak+ta dri chen rdo rje'i chu/ /'di drug khyod kyi dam tshig ste// skal ldan khyod kyis rtag tu skyongs/ /mchod dang gtor ma btang ba dang/ /yon phul zhabs pad spyi bos blang/ /'di ni gsang ba'i dbang bskur ba'i/ /shes rab ye shes dbang bskur ba/ /mchod dang gtor ma tshogs mchod sogs/ /gzhung bzhin bteg la yon phul nas/ /gsum ba zhu ba'i bsol pa gdab/ /aoM sangs rgyas byang chub sems dpa' yi/ /spyan sngar slob dpon dgongs su gsol/ /dpal ldan chos kyi rdo rje la/ /gsang ba'i de nyid bstan pa ltar/ /yid kyi dri ma sbyod mdzad pa'i/ /dbang bskur mchog ni bdag la rtsol/ /'di ni sangs rgyas thams cad kyi/ /rig pa'i brtul zhugs bla na med/ /bde chen rgyal po rang nyid ni/ /'di nyid du ni rtag tu gnas/ /de nas dbang bskur sbyin pa ni/ /g.yon pa'i srin mtheb gnyis po yis/ /bdud rtsi blangs la spyi bo dang/ /snying ga lte ba gsum la reg / rte bar hUM la dmigs pa gtad/ /mgrin pa'i rtsa gnyis srin mtheb kyis/ /dal gyis mnan la bde ba dang/ /bla mas bde stong nyams dran pas/ /slob ma'i rgyud la gos par bsam/ /bde stong nyams de skyed pa na/ /mchod pa phul la dam tshig/ pog slob dpon dang ni rig ma la/ /phung po lnga la mnyes byed pa/ /dus dang gnas skabs thams cad du/ /khyod kyis srog bzhin bsrung bar gyis/ /de nas phyag byas yon phul la/ /bde ba'i sems kyis gnas par bya/ /de nas bzhi pa'i dbang bskur ba/ /sngon du slob mas bla ma la/ /maN+Dal mchod dang yon phul la/ /bzhi pa bskur bar gsol ba gdab/ /aoM sangs rgyas byang chub sems dpa' yi/ /spyan sngar slob dpon dgongs su gsol/ /dri ma rnam gsum sbyod mdzad pa'i/ /dbang bskur mchog ni bdag la stsol/ /de nas maN+Dal me tog bkram pa la/ /'dzag ste rkang pa'i long bu bshibs/ /me tog thogs te thal mo sbyar/ /drang po brkyang la lus po sgrim/ /sna rtser 'khor lo 'khor ba la/ /rig pa gtud de bde ba bzung/ /'dar dang g.yo dang smra dang rgod/ /shes pa bde ba rtog med mas/ /ye shes rnal du phebs pa na/ /me long bstan la don bstan bya// kye te ru ka myu gu che ge mo/ /chos thams cad ni ngo bo nyid kyis ma skyes pa ste/ /rkyen las skyes pa'o/ /de yang dper na me long gi rkyen gyi gzugs su snang ba bzhin du/ /sngon gyi smon lam dang gdul bya las dag pa'i dbang gis chos nyid spros pa thams cad dang bral ba las yul rnam 'phrul du shar ba ste/ /don chos nyid spros pa thams cad dang bral ba'o/ /kye che ge mo khyed la nyams gang shar ba de ngal smos shig /de'i tshe shes pa gsal pa las/ /mi rtog pa skye ba gang yin pa/ /nges gzung med pa'i nyams shar ba/ /'di ltar byung zhes brjod du med/ /bzhi pa phyag rgya chen po'i nyams/ /de la dam tshig bstan pa ni/ /rang bas bla ma mnyam par bya/ /rgyud la shar ba'i phyag rgya che/ /nam yang brjed bar mi bya'o/ /dman la mos pa'i gang zag dang/ /nam yang mi 'grogs dben pa bsten/ /dbang ba ni thob par ma gyur pa'i/ /gang zag rnams la de'i don/ /tshig tu brjod par bya'o/ /de nas bla ma'i zhabs la 'dud/ /phyag dang mchod ? gtor ma dang/ /tshogs dang yod dbul bskur bsti bya/ /'di ni bzhi ba'i cho ga'o/ /gang zhig lus ngag ngag pa yi/ /bde ba 'dod pas zab mo'i don/ /bla ma'i zhabs pad sten pas blang/ /gzhan yang phyag rgyal brten pa'i/ /dbang bzhi 'dod pa'i gang zag gis// man ngag las byung cho ga yis/ /dben pa'i gnas su yang dag btsal/ /bsod nams 'dod dang mthar pa rab brtson pa'i/ /gang zag dam pa rnams kyi don bya'i phyir/ /dkyil 'khor cho ga rgyas dang bsdud pa las/ /dge ba gang yin sems can don du ? dpa' gshin rje tshe bdag nag po'i dkyil 'khor gyi cho ga/ dran pa gsal pa zhes bya ba/ /dpal nag po zhabs kyis mdzad pa rdzogs so// //paN+Di ta chen po nag po'i zhabs de nyid dang/ lo ce ba gnyan gyis bsgyur cing zhus te gtan la phab pa'o/ / //rdo rje'i tshig dbye bzhugs so// // ma 'byung ba'i gnas/ du kha che 'joms bde ba rab rgyas bde chen ma he'i zhal/ /chags las rnam rgyal chagS bral rab 'joms mtshan ma legs bsgrengs pa'i/ /bcom ldan 'jigs mdzad he ru ka la kun nas gus phyag 'tshal/

CLOSE WINDOW