བོད་ཡིག

e-texts based on the ACIP/ALL Input

slob dpon mkhas pa dpal 'dzin gyis mdzad pa rdzogs sho// //rgya gar gyi mkhan po paN+Di ta shan ti b+hang tra dang/ lo tsa ba dge slong tshul khrims rgyal bas bsgyur cing zhus te gtan la phab pa// // 'khor lo'i gsal byed bud? d+ha sh+ris mdzad pa'o/ / */ /rgya gar skad du/ ya mA ri kriSh+Na tsakra aud tya ta/ bod skad du/ gshin rje gshed nag po'i 'khor lo'i gsal byed/ bcom ldan 'das gshin rje gshed la phyag 'tshal lo/ /'dir gsungs pa/ 'khrul 'khor rim gsum byas nas ni/ /brgyad dang bcu gnyis bcu drug par/ /cho ga bzhin du mkhas pas bri/ /sngags ni kun tu bgod par bya/ /dbus su ya ste shar du k+She/ /lhor ni 'jam pa'i rdo rje ma ste/ /me ni nub du bri bar bya/ /byang du rtan da rngam na bri/ /'tshamS kyi stong pa rnams su ni/ /sgrub bya'i ming ni bri bar bya/ /hUM phaT gnyis kyis rten byas pas/ /dgod pa thams cad 'grub par byed/ /brtul shugs can gyis bcu gnyis par/ /grub pa'i sngags ni dgod par bya/ /yats+tsha ni rA dzA sa do ru Na yo ni ra/ /'di las sogs pa'i phyi rol dang/ /g.yon nas brtsams te bri bar bya/ /rgyu dang mi rgyu'i 'jig rten gsum/ /ma lus lus pa med par 'grub/ /ya ma rA dzA/ sa do me ya/ ya me do ru/ Na yod ya/ ya da yo ni/ ra ya k+Sha ya/ ya k+She yats+tsha/ ni rA ma/ ya/ don kun rab tu bsgrub pa'i phyir/ /rim pa gsum po de la ni/ /kun tu cha re bor ba la/ /shar nas brtsams te bri bar bya/ /h+rI:Sh+TrI:la sogs sngags rnams ni/ /de yi bar bdag thams cad kyi/ /cha brgyad bor ba dag tu bri/ /a mu ka mA ra ya/ au tsa Ta ya/ wa shing ku ru/ wi de sha ya/ shan+tiM ku ru/ puSh+Ti ku ru/ 'di las sogs pa dang rjes su 'thun par ro/ /aoM dang na ma mdza' ma bral/ /mdza' mar bo Sha Ta da dang sbyar/ /hUM phaT ldan pa'i sa bon gyis/ /zhi dang rgyas dang dbang du byed/ /khrag dang ro bsregs thal ba dang/ /dug dang tsha dang ske tshe dang/ /mar khu smon pa'i khu ba yis/ /dur khrod ras las 'khor lo gnyis/ /khwa ta'i sgro yi myu gu yis/ /rnal 'byor khros pas lhor bltas te/ /nyi ma phyed pa'i dus su ni/ /rim pa ji bzhin bri bar bya/ /ro tsa na dang rgya skyegs dang/ /kha che yi ni khyad par gyis/ /zhi ba dang ni rgyas pa dang/ /dbang du bya ba gro gar ni/ /bsad pa gshin rje'i lus la gnas/ /dbye ba rta dang ma he yi/ /bskrad pa rnga mo'i lus la skyon/ /zhi ba zla ba'i dkyil 'khor la/ /rgyas pa zla ba ser por gnas/ /btsun mo'i snying khar dbang du bya/ /ra la skyon pas lkugs par byed/ /ri bo'i skyil du rengs bya bzhag /shar wa 'am seng ges dgug /de bzhin gzhan yang mtshon par bya/ /kham phor kha sbyar nang bzhag ste/ /dur khrod dag tu sba bar bya/ /gshin rje gshed gyi rnal 'byor pas/ /h+rI:Sh+TI:la sogs sngags bzlas so/ /lho phyogs bltas te tshar bcang bya/ /dge ba'i sems kyis bzung byas na/ /'grub 'gyur 'di la the tshom med/ /zhi ba gti mug rdo rje che/ /rgyas pas phra ma rdo rje yis/ /'dod chags rdo rjes dbang du byed/ /rdo rje las kyis thams cad do/ /mdza' yi ya bor zhi ba la/ /yi ge ni gnyis dbyi bar bya/ /phyi nas dkyil gyi ya spangs te/ /yi ge lhag ma ci bder bya/ /'di rnams kyi ni bri gzhi ni/ /n+ya gro ta yi lo ma la/ /'khor lo rim pa gsum pa bri/ /dang po rtsibs brgyad par pa rtsibs/ /bcu gnyis gsum pa rtsibs bcu drug pa'o/ /de dag la dgos pa'i sngags ni/ /yats+tsha ni rA/ dzA sa do ru/ Na yo ni rA/ zhes gsungs pas? rtsibs brgyad pa'i dbus su/ yi ge ya dgod/ phyogs bzhir/ k+She ma me de'i yi ge bzhi dgod 'chams bzhi la sgrub bya'i ming gi yi ge dgod/ rtsibs bcu gnyis pa'i shar du ya/ gnyis par ts+tsha/ /gsum par ni/ bzhi par rA/ lnga par dzA/ drug par sa/ bdun par do/ brgyad par ru/ dgu par Na/ bcu par yo/ bcu gcig par ni/ bcu gnyis par rA'o/ /de bzhin du gsungs pa/ ya ma rA dzA/ sa do me ya/ ya me do ru/ Na yo da ya/ ya da yo ni/ ra ya k+She ya/ ya k+She yats+tsha/ ni rA ma ya/ zhes bya pa'i sngags su 'gyur ro/ /'khor lo rtsibs brgyad pa dang/ bcu gnyis pa'i nges pa'o/ /rtsibs bcu drug pa'i bar gyi 'tshams brgyad las bsgrub bya'i ming ngo/ /phyogs rnams la ni/ aoM h+rI:Sh+nI:wi kri tA na na hUM hUM phaT phaT swAhA/ zhes pa'i yi ge bcu bzhi pa'o/ /bsad pa la ni gtso bor ya bzhag go /zhi ba la k+She/ rgyas pa la ma/ dbang du bya ba la me/ las thams cad pa la da/ bskrad pa la ya/ 'khyams pa la ts+tsha/ dgug pa la mi dag? rengs pa la ra/ dri ma 'gog pa la dzA/ dbye ba las/ mdzes thebs pa la do/ yid rengs pa la ru/ /grang ba'i rim pa la Na/ tsha ba'i rim pa la yo/ chu 'gag pa la ni/ 'khyam pa'am gdon gyis zin pa la nga'o/ /'dir ni/ las kyi dbang gis yi ge gang dbus su gtso bor gyur pa de'i gnas su yi ge ya bri bar bya'o/ /gshin rje gshed kyi 'khor lo nges pa 'di/ dang po sangs rgyas kyi rgyud dang/ gshin rje gshed kyi rgyud 'di nyid las byung ba'o/ /'di rnams kyi zhi ba la sogs pas 'chang par 'gyur ba'i 'khor lo bri ba'i cho ga brjod de/ de la zhi ba dang rgyas pa'i 'khor lo ni/ gro ga 'am smyug kun? rlan? dang ma bral ba'i gzhi la/ g+hi haM dang gur gum gyi chu yis/ ngur ba 'am/ smyug ma'i smyug gus so/ /de bzhin du/ bsad pa dang/ bskrad pa la/ dur khrod kyi ras la/ dug dang/ khrag dang/ sol bas/ bya rog gi sgro rkang dang/ mi rus kyi smyug gus so/ /dbang du bya ba dang/ dgug pa la/ gro ga 'am/ ras la/ rgya skyegs kyi khu ba 'am/ tsan dan dmar po'i khu ba 'am/ srin lag gi khrag gis/ seng ldeng 'am/ tsan dang dmar po'i smyug gus so/ /rengs pa dang/ rmongs pa la/ dur khrod kyi rus la/ yung ba'am/ ba bla'i khu bas/ ka ped dang/ mchod sbyin shing gi smyug gus so/ /'khor lo bris pa de rnams kyi phyi rol gyi nges pa gsungs te/ de la zhi ba'i 'khor lo'i phyir rol du zla ba'i dkyil 'khor gyis skor cing/ re ka dkar pos skor bar bya'o/ /rgyas pa la zla ba ser po 'am/ glang po ches skor bar bya ste/ ji ltar glang po che'i lto bar 'khor lo tshud par bya'o/ /bsad pa la gshin rje'i lto bar ro/ /bskrad pa la rnga mo'i lto bar ro/ /dbang du bya ba la/ btsun mo'i chos 'byung ngam/ ri dags kyi lto bar ro/ /dgug pa la seng ge'i lto par ro/ /lkugs pa la lug gi lto bar ngam?/ ra'i lto bar ro/ /dri ma 'gag pa la te lo'i lto bar ro/ /mdzes thebs pa la sbal pa'i lto bar ro/ /rims kyis thebs pa la ro langs mgo gsum lag gsum mo/ /chu 'gags pa la/ chu byi'i lto bar ro/ /'khyam pa la khyi'i lto bar ro/ /ji ltar 'khor lo lte bar 'gyur/ phyi rol gzugs kyang de bzhin bya/ /de rnams kyi mdza' rten dang bskul tshig ni/ zhi ba'i las la mdza' rten aoM dang bskul tshig shin+taM? ku ru'o/ /de bzhin du rgyas pa la/ swAhA dang puSh+TiM ku ru'o/ /dbang du bya ba la/ ho dang wa shing ku ru'o/ /dgug pa la h+ri dang dza dang a ka ra sha ya dza dang/ rengs pa la lam dang/ ka ya staM b+ha ya'o/ /ngag rengs pa la wag staM pa ya ku ru laM/ 'khyam pa la bra ma ra ya hUM phaT/ dri ma 'gag bi? la/ b+hi d+ha ni ro d+ha ya hUM phaT/ mdzes thebs ba la/ kuSh+Ti? b+ha wan tu hUM phaT/ yid rengs pa la/ ma na staM b+ha ya hUM phaT/ grang ba'i rims la/ swo ta dza ra ya phaT/ tsha ba'i rims la/ au Sha ma dza ra ya/ chu 'gag pa la/ mu da ni ngo da ni ya hUM phaT/ 'khyam pa 'am/ gdon gyis zin pa la/ pra? ta gra ta Na'o?/ /'khor lo de rnams kyi rab tu gnas pa'i cho ga bya ba ni/ zhi ba dang rgyas ba'i 'khor lo bris la/ 'khor lo la sogs skud pa dkar pos bcing bar bya'o/ /ji ltar 'khor lo mi mthong ba'i tshul lo/ /de bzhin du/ las kyi bye brag gis zhi ba la skud pa dkar po dang/ rgyas ba la ser po la sogs pas bcing bar bya'o/ /de nas 'khor lo de rgyas pa dang zhi ba la sogs pa'i rnams la ni/ mar dang/ sbrang dang/ 'o mas bkang ba'i rdza phor kha sbyar du bzhag par bya'o/ /bsang ba dang/ bskrad pa la sogs pa tshar bcad pa'i 'khor lo rnams ni/ dug dang khrag gis bkang ba'i thod pa kha sbyar du bzhag par bya'o/ /de nas zhi ba dang/ rgyas pa'i 'khor lo ni/ gnas gtsang zhing bkra shis pa'i khang par/ rlan? dang bcas pa'i maN+Dal gyi steng ngam/ rgyal mchen rtse mor bzhag par bya'o/ / bsad pa dang bskrad pa la dur khrod kyi gnas su dong brus la bzhag par bya'o/ /dbang dang dgug pa la thab kyi 'og tu sba bar shis so/ /mnan pa dang/ rmongs pa'i 'khor lo ni/ bzhi mdo 'am/ zam pa'i rdur gyi 'og tu sba bar bya'o/ /dge ba dang mi dge ba'i las kyi 'bras bu 'di ni sngags pas rig par bya'o/ /las rtsogs de rnams kyi dus kyi nges ba gsungs te/ zhi ba la snga dro dang po kha shar du bltas pas mchod par bya'o/ /rgyas pa la nyi ma phyed la byang du bltas te mchod do/ /dbang du bya ba ni nyi ma nub kha/ kha nub tu bltas pas so/ /bsad pa la sogs pa ni/ mtshan phyed na kha lhor bltas pa'i sgo nas sgrub par bya'o/ /zhi ba dang/ rgyas pa la ni sna bug g.yon nas rlung rgya ba'i dus su'o/ /bsad pa dang/ bskrad pa la ni/ sna bug g.yas nas rlung rgyu ba'i dus su bya'o/ /de bzhin du bsad pa la ni/ lha zhe sdang gshin rje gshed kyis so/ /zhi ba la/ gti mug gshin rje gshed kyis so/ /rgyas pa la/ phra ma gshin rje gshed kyis so/ /rengs pa la/ phrag dog gshin rje gshed kyis bya'o/ /de bzhin du bskrad pa la sogs pa la/ tho ba gshin rje gshed la sogs pa'i lha rnams shes par bya'o/ /yang na/ las thams cad pa la phrag dog gshin rje gshed kyis bya'o/ /'khor lo'i cho ga gsal bar byed pa'i/ de kho na nyid bsdus pa/ bsod snyoms pa b+hud+ha sh+ri dz+nyU nas mdzad pa rdzogs so/ / //rgya gar gyi paN+Di ta d+hi paM ka ra sh+ri dz+nyA na dang/ lots+tsha ba tshul khrims rgyal bas bsgyur ba las/ dus phyis dge slong rdo rje grags kyis bcos pa'o// //rtog pa gsum pa bzhugs so/

CLOSE WINDOW