བོད་ཡིག

e-texts based on the ACIP/ALL Input

/ //de kho na nyid rin po che snang ba'i rnam bshad bzhugs so/ /*/ /rgya gar skad du/ tad twa dang na A lo ka dya khya na/ bod skad du/ de kho na nyid rin po che snang ba'i rnam par bshad pa/ bcom ldan 'das gsung gi dbang phyug la phyag 'tshal lo/ /dpe med ces bya ba la sogs pa la/ gang gis phyag na pad ma bsnams ba de ni/ phyag na pad ma ste bcom ldan 'das spyan ras gzigs dbang phyug ste/ de rgyal gyur cig ces bya bar sbyar ro/ /khyad par ci lta bu zhig dang ldan ba ce na/ dpe med ces bya ba la sogs pa smos te/ dpe med pa dang shin tu gya nom pa nyid dang/ che ba nyid dang/ 'khor ba'i mdza' i bar du gnas ba'i mtshan nyid kyi chos dang ldan pa ste/ gzhan dag la med pa'i phyir ro/ /gang gi rang bzhin bde ba nyid kyi ngo bo dpe dang bral bar gyur pa de la de skad ces bya'o/ /gzhan yang khyad par ji lta bu zhig dang ldan zhe na/ bdag don gyi 'dar ma ka ya dpal gzhan kyi don tu bkag? ste bsod nams dang ye shes kyi tshogs kyi mtshan nyid yin la/ de'i gnas ni gang gi gzhir gyur pa de la de skad ces bya'o/ /chos kyi sku'i ngo bo nyid kyis kun tu 'gro ba nyid yin pa'i phyir so sor nges pa'i gnas med bas na gnas med pa'o/ /yang khyad par ci lta bu zhig dang ldan ce na/ dpe med te gzugs mchog tu gyur pa dang na tshod dang/ sgeg pa la sogs pa'i rang bzhin dang/ snying rje chen po la sogs pa dang ldan pa nyid kyis na dpe las 'das pa'o gzugs rdo rje la sogs pa nas sgrol ma'i mthar thug pa lha mo bcu'i ngo bo rig ma'i 'khor gyis bskor ba gang la yod pa de la de skad ces bya'o/ /rang snang ba'i ngo bo rig pa ste shes rab dang lhan cig 'jug pa'i phyir rig pa dang bcas pa'o/ /srid pa gsum ni srid pa gsum na gnaS pa'i skye bo'o/ /gdal phan pa ni ma 'ongs pa 'phan pa ste/ sangs rgyas nyid la sogs pa dang/ de la bde ba ni bde ba ste/ 'khor lo bsgyur ba nyid la sogs pa'o/ /de thob pa ni rnyed pa ste/ mngon sum du byas pa'o/ /de dag gi rgyu mdzad pa gang yin pa de la de skad ces bya'o/ /yongs su ngan las mi 'da' ba' i chos nyid kyi mi gnas pa'i mya ngan las 'das pa'i ngo bo nyid brnyes pas rnam pa gzhan du 'gyur ba med pa'i phyir 'gyur ba med pa yin te/ de lta bu'i khyad par can gyi bcom ldan 'das rgyal bar gyur cig ces pa'o/ /dus ji srid du ce na/ ci srid ra bar snang ba zhes bya ba smos te/ re ba'i ngo bo'i sgra ni phyogs bcu'i nam mkha' i rang gi ngo bo 'am/ yang na re ba ste sems can thams cad srid pa'i longs spyod la sred pa'o/ /re ba snang ba ni gsal ba ste/ rab tu 'jug pa/ rab tu skye ba'i bar du'o/ /de srid bcom ldan 'das rgyal bar gyur pa ste/ khyab 'jug dang ka pa lha chen po dang/ tshangs pa a ka pa la sogs pa thams cad las khyad par du 'phags par gyur ba zhes bya ba'i don to/ /de la dpe med bde ba'i ngo bo zhes bya ba 'dis ni rang gi don phun sum tshogs pa bstan to/ /dpal gyi gnas gyur ces bya ba 'dis ni/ ha'i? har de'i thabs yin he ra na na gar ba te/ bsod nams dang ye shes kyi tshogs dag ni dpal gyi sgras mngon par brjod ba'i phyir ro/ /srid pa gsum la phan pa dang bde ba thob mdzad ces bya ba 'dis ni gzhan gyi don phun sum tshogs pa bstan to/ /dpe med lha mo bcu'i ngo bo'i rig ma dag dang rig par bcas zhes bya ba 'dis ni de'i thabs yin te/ de lta bu'i lha mo bcu dang dam pa'i sku mtshan sum cu rtsa gnyis dang/ dpe byad bzang po brgyad cu'i rnam pas stong na/ gzhan gyi don phun sum tshogs pa rnam pa thams cad du mdzad pa'i mthu mi mnga' ba'i phyir ro/ /dpal ldan sngags kyi gzhung lugs zhes bya ba'i sgras/ /rnal 'byor rgyud spyir brjod par byed ba yin du zin kyang/ shugs kyis dpal gsang ba 'dus pa yongs su gzung bar bya ste/ gzhan dag la don bzhi pa mi srid pa'i phyir ro/ /lhag ma ni go sla'o?/ /slob dpon du ma'i man ngag gis yongs su dkrugs pa'i rnam par 'khrugs pa rnam par bka' ba ste/ bdun gyi dbye bar?/ /zhes bya ba ni 'das pa dang/ ma 'ongs pa dang/ da ltar gyi slob dpon du gtogs pa'i man dag gi chags yang dag par bsdus pas so/ /gsal bar rtogs par bya ba'i phyir/ zhes bya ba ni bde bar gsal bar khong du chud par bya'o/ /zhes bya ba'i tha tshig go/ de nyid zhes bya ba la sogs pa la/ mu stegs can gang la kun nas 'khrul pa ste/ rnam par 'grub? pa'i blo shes rab kyi bye brag yod pa de la de skad ces bya'o/ /mu stegs can de dag thams cad bdag dang bdag gir 'dzin pa'i ling tog gis blo yid mig khengs par gyur pas/ de kho na nyid ni 'di'am/ bsgrub par bya ba ni 'di'o zhes de kho na nyid dang bsgrub par bya ba de'i rang gi ngo bo gang yin pa rig cing khong du chu dpal de dag 'khrul pa'o/ /lhag ma ni go sla'o/ /gal te de kho na nyid dang bsgrub par bya ba dag la ni blang bar bya ba nyid du ngo bo nyid gcig pa ma yin nam/ ci'i phyir de kho na nyid dang bsgrub bar bya ba dbye ba bstan ce na/ de ni bden pa ma yin te/ de kho na nyid blang bar bya ba nyid yin yang bde ba dang sdug bsngal dang btang snyoms la sogs pa so sor snang ba'i tshogs ma lus pa la khyab par byed pa yin la/ bsgrub par bya ba yang mngon par 'dod pa ma yin pa las bzlog par 'dod pa'i mtshan nyid kyis 'bras bu blang bar bya ba nyid yin yang srog chags thams cad kyis gdon mi za bar bsgrub bya ba ma yin pa las bzlog pa bsgrub par bya ba nyid du mngon par 'dod pa'i phyir nyes pa med do/ /de la rig byed kyi mthar smra ba'i mngon par 'dod pa'i sgrub par bya ba ni/ dga' ba'i ngo bo zhes bya ba la sogs pa smos te/ dga' ba'i ngo bo nyid ni rtag tu bde ba'i rang bzhin nyid yin pa'i phyir ro/ /rang rig pa ni gsal ba'i ngo bo nyid kyiS bdag nyid rab tu snang ba nyid kyi phyir ro/ /mi g.yo ba zhes bya ba ni/ me rtog pa nyid kyis bskyod par mi nus pa'i phyir ro/ /zhi ba ni nyon mongs pa dang nye ba'i nyon mongs pas stong pa nyid du yongs su brtags pa'i phyir ro/ /rnam pa de lta bu bsgrub par bya ba la 'dun pa ni 'dod pa'o/ /gang nyan thos dang bcas pa'i 'jug pa'i rang rgyal ba ni ba se ru lta bu ste/ gcig bu rgyu ba dang/ tshogs kyi spyod pa'i rang sangs rgyas bag bsgrub byar 'dod do/ /ci 'dra ba zhig ce na/ gzugs la sogs pa'i phung po dang bral ba'o/ /gzugs dang tshor ba dang 'du shes dang/ 'bu byed rnams dang/ rnam par shes pa'i mtshan nyid dag gi phung po rnams ni sdud pa ste/ bral ba dang/ rnam par chad pa dang/ 'gag par gyur ba zhes bya ba'i bar dul/ 'di skad du bstan par 'gyur te/ nyan thos dang rang sangs rgyas thams cad ni phung po lhag ma dang bcas pa dang/ /phung po lhag ma med pa'i dbye bas mya ngan las 'das pa tha dad kyang/ phung po lhag ma med pa'i mya ngan las 'das pa kho na mngon sum du bya ba'i phyir bsgrub par byed par zhugs pa yin no/ /da ni pha rol tu phyin pa'i chul du smra ba dag mngon par 'dod pa'i bsgrub par bya ba rnam pa bzhi bstan pa'i phyir/ rnam pas stong pa zhes bya ba la sogs pa smos te/ rnam pa ni sngon po dang/ ser po dang/ bde pa dang/ sdug bsngal la sogs sna tshogs pa'i ngo bo'o/ /des stong pa ste rnam pa brdzun pa'o/ /rnam pa med pa de nyid kyi phyir nam mkha' lta bu'o/ /gang gi rang bzhin zla ba dang 'dra bar 'od gsal ba'i ngo bo nyid yin pa de la de skad ces bya'o/ /so so rang rig ces bya ba ni rang rig pa gcig bu'i ngo bo rig pa'o/ /'dir sdug bsngal dang sdug bsngal rnam par bdzun pa'i gzhung gyi rgyu dag las 'gro ba ma lus par 'don par 'dod pa'i snying rje'i rang bzhin gang yin pa de la de skad ces bya'o/ /'di skad du bshad par 'gyur te/ pha rol tu phyin pa nye bar ston pa'i sgras brjod par bya ba sngon po dang/ phung po ser po la sogs pa'i rnam pa sna tshogs pas stong mi dge ba ? las dang nyon mongs zhing snang ba med la/ dri ma med pa nam mkha' lta bur dag pa 'gro ba ma lus pa'i don byed pa'i snying rje chen po dang ldan pa so so rang gis rig pa ni bsgrub bar bya ba yin te/ pha rol tu phyin pa'i tshul gyi bsgrub par bya ba dang po'o/ /mdzes pa yang de nyid yin la mtshan yang de nyid yin bas na/ mdzes pa'i mtshan sum cu rtsa gnyis zhes bya ste/ des brgyan pa'o/ /don te skye bo rnams kyis dgos pa mdzad pa'i dang tshul can gyi rang bzhin gang la yod pa de ni de'i don mdzad pa'o/ /sbyin pa la sogs pa pha rol tu phyin pa bcu'i rnam pa dang bcas pa rgyu mthun pa de ni rab kyi mdza' i stobs nyid kyis 'dra ba'i 'bras bu'o/ /sdug bsngal sngar spangs pa nyid kyi phyir dang/ ? ba yang mngon sum du byas pa'i sa nas skabs na med pa'i phyir/ btang snyoms kyi ngo bo nyid kyis bde ba nyid med pa'i ni bde bral ba'o/ /'di skad du bstan bar 'gyur te/ mtshan sum cu rtsa gnyis 'dzin cing/ dpe byad bzang po brgyad cus rnam par spras ba'i sku 'gro ba ma lus pa'i don mdzad pa/ sbyin pa la sogs pa'i pha rol tu phyin pa goms par mdzad ba'i stobs kyis byung ba yang dag bar rdzogs pa'i sangs rgyas kyi ngo bo nyid bde ba dang/ sdug bsngal spangs pa'i btang snyoms kyi ngo bo nyid bsgrub par bya ba gnyis pa yin no/ /dga' bcas zhes bya ba la sogs pa la/ dga' ba dang lhan cig 'jig pa'i phyir de dga' ba dang bcas pa yang yin la/ mdzes pa'i mtshan gyis brgyan pa'i sku yang yin pas so/ /yang dag longs spyod pa ni chos ston pa'i sgo nas nye bar longs spyod par gyur ba'o/ /su rnam bcas kyi gzhung zhig gis zhe na/ sa bcu'i dbang phyug rnams kyis te/ sa lhag ma rnamS na gnas pa'i spyod yul ma yin pa nyid kyi phyir/ sa bcu pa brnyes pa spyan ras gzigs dbang phyug dang/ 'jam dpal la sogs pa rnams kyis longs spyod par bya ba yin no/ /zhes bya ba'i bar du'o/ /lhag ma ni go sla'o/ / 'di skad du bshad par 'gyur te/ gnas gtsang mi ster na yang dag par rdzogs pa'i sangs rgyas kyi pho brang stug po bkod pa zhes bya ba na/ ji ltar bcom ldan 'das dga' ba'i ngo bo longs spyod rdzogs pa'i sku'i bdag nyid can/ sprul pa'i sku'i sgo nas 'gro ba ma lus pa'i don yang dag bar sgrub par mdzad pa/ nyan thos dang rang sangs rgyas dang sa dgu'i dbang phyug rnams kyis kyang ma mthong ba'i sku can/ sa bcu'i dbang phyug mchog tu gyur ba'i byang chub sems dpa' kho nas chos gsan pa'i sgo nas nye bar longs spyod par bya ba 'khor ba ji srid gshags? te/ de lta bu ni bsgrub par bya ba gsum pa yin no/ /spyin sogs zhes bya ba la sogs pa la/ yon tan du byed goms par byed pa'i phyir sbyin pa la sogs pa'i pha rol tu phyin pa nyid yon tan yin la/ de dag yang dag par rdzogs pa ste/ yongs su rdzogs bar byas nas/ gang rdzogs pa'i sangs rgyas rnams kyis nges par mdzad par dbu ma pa'i gzhung bya ba ma lus ba de yang mdzad nas/ yang dag mdza' ste/ gang sems dang sems las byung ba 'gog pa'i bdag nyid kyi stong ba'i mtshan nyid mngon sum du mdzad pa'o/ /de yang bsgrub byar yod pa yin no zhes pha rol tu phyin pa'i tshul la gnas pa de dag skad du smra ba bsgrub par bya ba bzhi pa'o/ b+ha/ da ni sngags kyi tshul du bshad pa'i bsgrub par bya ba rnam pa bdun bstan par bya ba'i phyir/ nyid mtshungs lha mo zhes bya ba la sogs pa smos te/ nyid dang mtshungs pa'i lha mos 'khyud pa'i dang tshul can gyi rang bzhin gang la mnga' ba de ni nyid mtshungs lha mos 'khyud pa can no/ /rtog pa dang bral ba ni rnam par rtog pa med cing rnam par rtog pa spangs pa zhes bya a na ga badzra/ ba'i bar du'o/ /gzhan ni go sla'o/ /don ni 'di yin te/ yang dag par 'khyud pa ste/ nyid dang mtshungs pa'i lha mos 'khyud pa can 'gro ba'i don mdzad pa'i sku mtshan sum cu rtsa gnyis la sogs pas rnam bar brgyan pa btang snyoms kyi ngo bo nyid du 'khor ba ji srid du bzhugs pa mngon sum du bya ba yin zhes bya ba ni bsgrub bya dang po'o/ 11/ dang po nyid nas zhes bya ba la sogs pa la/ rang lha'i rnam pa'i khyad par te/ bdag nyid kyi 'dod pa'i lha rnams pas stong pa dang/ rnam pa med pa zhes bya ba'i bar du'o/ /dang po nyid nas zhes bya ba ni thog ma nyid nas bshad ma thag pa'i lha'i rnam pa nyid la bltos pa med sha rab bar bde ba yang dag par bsgom par bya ba bsgom pas/ mngon du bya ba gsal ba ma yin pa gsal bar byas par gyur pa ni bde ba chen po zhes bya bar 'gyur ro/ /de yang 'gro don mdzad pa ni yid bzhin gyi nor bu dang mtshungs pa'i tshul du'o/ /'di skad du bshad par 'gyur te/ bshad ma thag pa'i nyid kyi sngags dang phyag rgya dang lha'i rnam pa nyid spangs ste/ bsgoms pas gsal por byas pa bde ba chen po zhes bya ba yid bzhin gyi nor bu bzhin du 'gro ba'i don mdzad pa/ sgyu ma lta bu 'khor ba ji srid par bzhugs pa ni bsgrub par bya ba gnyis pa'o/ /rang bdag ces ? a ka ra ? na ti bya ba la sogs sa bon las lha'i sku pa smos pa la/ rang gi bdag po ste/ rang gi 'dod pa'i lha nyid dang/ bde ba'i ngo bo ni bde ba gcig bu'i rang bzhin no/ /mngon byas pa ni kun nas mngon sum du byas pa yin no/ /phyis lha'i rnam pa nyid yongs su btang nas bsgrub par bya ba'i 'bras bu bde ba tsam la rnam par gnas par 'gyur ro/ /mngon sum du byas nas kyang lha'i rnam pa ngo bo nyid btang bar bya ba yin pa de lta na ni/ dang po nyid ci'i phyir rnam pa bsgom par byed de/ bsgrub par bya ba gnyis pa bzhin du bde pa tsam nyid ci ste bsgom par mi byed ma yin nam/ dal ba don med pas ci zhig bya zhe na/ dag pa zhes bya ba la sogs pa smos te/ dag pa 'ba' shig lha'i rnam pa dang rnam par bral ba'i bde ba tsam kho nas mngon sum du byed mi nus te/ rnam pa dang bral ba'i bde ba mi dmigs pa'i phyir ro/ /rgyu de'i phyir rang gi bdag po rnam par bsgom par byed pa zhes bya ba gsum pa yin no/ /don ni 'di yin to/ lha nyid kyi bde ba rnam pa dang ldan pa'i bde ba kho na rnam par bsgom par bya ba mngon sum du byas nas lha'i rnam pa nyid btang ste/ bde bde ba'i ngo bo ba? tsam kho na bsgrub par bya ba yon tan can du 'chad do/ /sku ni zhes bya ba la sogs pa la/ rang gi 'dod pa gang gi sku nam mkha' dang mtshungs pa 'da' tshon lta bur ni sgyu ma dang 'dra bar dpyad mi bzod pa'o/ /gang gi yan lag mtshan gyis ste/ mtshan sum cu rtsa gnyisy dang dpe byad bzang po brgyad cus spras par gyur pa'o/ /dpe med ces bya ba ni lhun che ba nyid dang/ bar mod pa nyid dang/ 'khor ba ci srid par rab tu 'jug pa nyid dang/ zag pa med pa nyid la sogs pa rnams kyis dpe med pa'i phyir/ dpe las 'das pa'i bde bas gang ba ni/ da slu'i rtse mo'i mthar thug par yang dag par gang par gyur pa'o/ /nyid dang mtshungs pa yang de lta bur gyur pas 'dus pa ste kun nas 'khyud par gyur pa'o/ /thub pa'i dbang po dpag tu med pa 'phro ba yang de lta bur gyur pa kho nas sems can thams cad kyi don mdzad pa'o/ /chad pas zhes bya ba ni 'gog pas stong pa ste spangs pa'o/ /'di skad du bshad par 'gyur te/ nam mkha' dang sgyu ma dang/ smig rgyu dang/ dri za'i grong khyer dang/ chu zla dang gzugs brnyan dang/ rmi lam dang 'dra bar gcig dang/ du ma dang/ dngos po dang/ dngos po med pa dang/ gzung ba dang/ 'dzin pa'i rang bzhin bral ba/ thog ma dang tha ma med pa'i dngos po ma lus pa'i rang bzhin snang ba med pa dri ma med pa dpe thams cad las shin tu 'das pa/ mchog tu phra zhing shin tu zab pa shes rab kyi ngo bo nyid kyis chos kyi sku'i rang bzhin yin pa dang/ sku mtshan sum cu rtsa gnyis kyis brgyan cing dpe byad bzang po brgyad cus rnam par spras pa mchog tu sgeg cing na tshod la sogs pa dang ldan pa dang/ sku nyid dang mtshungs pa'i lha mos 'khyud cing/ gzugs rdo rje la sogs pa nas sgrol ma'i mthar thug ba'i lha mo'i tshogs kyis mtshan med pa'i rang gi ngo bo'i rab tu dpag tu med pas mchog tu dga' ba la nye bar longs spyod pa'i sgonas gzugs brnyan dang 'dra bas yang dag par longs spyod pa ni snying rje'i rang bzhin rgya che ba nyid kyis longs spyod rdzogs pa'i ngo bo nyid dang/ gdul bya'i skye bo mos pa sna tshogs pa yongs su smin par bya ba'i don du rdzu 'phrul dang cho 'phrul rnam pa du ma'i sgo nas rigs kyi nang du chud pa'i rdzogs pa'i sangs rgyas dang byang chub sems dpa' i sprul pa dpag tu med pa spro ba dang/ bsdu ba mdzad pa nyid kyis na sprul pa'i sku'i bdag nyid dang/ stong nyid dang snying rje dang tha mi dang pa'i byang chub kyi sems kyi rang bzhin dri ma med pa/ shes rab dang thabs kyi ting nge 'dzin las yang dag par byung ba'i bde ba dam pas gang 'khor ba ji srid por bzhugs pa'i chos can/ mi gnas pa'i mya ngan las 'das pa'i ngo bo dang/ mar me rlung gis ma bskyod pa'i rtse mo bzhin du dri ma med pa'i rgyun gyis rtag pa nyid kyi 'gog pas stong pa ni bsgrub par bya ba bzhi pa'o/ /rang bdag ces bya ba la sogs pa la/ rang gi bdag po mngon sum du byas nas phyis btang ste/ btang snyoms kyi ngo bo gang yin pa'i ye shes de tsam zhig bsgrub byar 'gyur ro/ /gzhan ni rtogS par sla'o/ /'di skad du bshad par 'gyur te/ dkyil 'khor gyi 'khor lo'i ngo bo mngon sum zla grags kyi gzhung du byas nas phyis de bkag cing btang snyoms kyi ye shes tsam du 'byung ba ni bsgrub par bya ba lnga ba'o/ /dkyil 'khor zhes bya ba la sogs pa la/ dkyil 'khor bde ba'i rang bzhin can mngon sum du byas nas/ de rang gi 'dod pa las nges par ldog pa ni 'gog pa'o/ /gal te mngon sum du byas nas kyang phyis rang gi 'dod pas 'dod par bya ba yin na ni/ de'i tshe yun ring por goms par byas pa'i snying rje med par 'gyur ma yin nam/ de yang med pa'i phyir sems can gyi don med bar 'gyur zhes dogs pa la/ sems can don yang yod de 'dir med min zhes bya ba smos te/ phyogs 'di ji srid gyi don byed pa med pa ma yin te/ gang gi phyir 'gags pa'i 'khor lo las snying rje'i rang bzhin can sems can gyi don tu rab tu 'byung ba yod pa yin no/ /de ni 'di skad du bstan te/ bde bas yang dag par gang pa'i 'khor lo mngon sum du byas nas dus ji srid 'dod par rnam par gnas te phyis de rnam pa thams cad du mar me bzhin du 'gog pa yin no/ /yang gang gi tshe sems can gyi don mngon par 'dod par 'gyur na/ de tshe 'gag pa nyid las 'khor lo'i khyad par 'byung zhing sems can gyi don mdzad pa'am/ 'khor lo'i khyad par 'gyur ba yang/ ring du 'gags pa'i 'khor lo kho na las skal ba ji lta ba bzhin du gdul bya rnams kyis mngon par 'dod pa rnyed par 'gyur ro zhes bya ba ni drug pa'o/ /de rnams las zhes bya ba la sogs pa smos pa la/ phyogs drug po rnams kyi nang nas 'bras bu bsgrub bya gang kho na mngon par 'dod pa de kho na nyid mngon suM du byas shing/ de'i 'og tu rnam pa thams cad du mar me bzhin du 'gog pa dus gzhan na sems can gyi don la sogs pas stong pa mngon sum du bya ba yin no/ /phyogs drug gi dbye bas 'gog pa yang drug kho nar 'gyur ba ma yin nam/ 'gog pa de ji ltar na gcig kho nar 'gyur zhes dogS pa la/ gang phyir zhes bya ba la sogs pa smos te/ tha mi dad pa'i ngo bo gang yin pa de la de skad ces bya ste/ phyogs drug gis mtshan nyid kyi dbye bas kyang 'gog pa rnams la tha dad pa yod pa ma yin te/ 'gog pa ni dngos po med pa'i ngo bo nyid du gcig cing mtshungS pa nyid kyi phyir ro/ /don ni 'di yin te/ phyogs gzhan zhig mngon sum du byas nas/ de'i 'og tu de'i rgyun chad pa'o ngo bo 'gog pa ni bsgrub par bya ba bdun pa'o/ /shes rab ye shes zhes bya ba la sogs pa la/ shes rab dang ye shes te/ dbang bskur ba'i bye brag go/ phyis te rdzogs pa'i dus kyis byang chub gang zhe na/ sems te bdud rtsi'i ngo bo lces kun nas blang ba gang yin pa de ni bzhi pa ste/ dbang bskur pa bzhi bar 'ga' zhig smra ba de ni mchog ma yin pa dang/ dman pa dang shin tu smad pa zhes bya ba'i bar du'o/ /ci'i phyir mchog min zhe na/ gang phyir sngags dang phyag rgya dang lha nyid la sogs pa'i rnam pa bsgom pa la 'bad pa dang/ gzhan yang de bzhin gshegs pas gsungs pa'i bsgrub pa'i mtshan nyid don med pa thob par 'gyur ro/ /gang las zhes na/ de 'bras bu ste/ bsgom pas bsgrub par bya ba'i 'bras bu byang chub kyi sems kyi ro myang ba'i dus nyid na rab tu grub pa nyid dang/ thob pa nyid dang/ 'bras bu khyad par can med pa'i phyir zhes bya ba'i bar du'o/ /shes rab ces bya ba la sogs pa la/ shes rab ye shes las dus phyis phyis gzhan las ji lta ba bzhin du rnyed pa'i dga' ba ste/ bud thob de yin na med gang yin pa de dang reg pa'i sgo nas ro myong ba'i dbang bskur ba gang yin pa de ni dman pa'o/ /lhag ma'i don ni rtogs par zad do/ /de la de ltar de bzhin gzhi pa yang zhes bya ba bshad pa la/ gsum pa shes rab ye shes las ltos nas bzhi pa zhes bya'o/ /de ltar zhes bya ba ni da'i? sgras shes rab ye shes de nyid kyi ngo bo de mtshon par byed pa yin no/ /yang zhes bya ba ni yang gi sgras de las khyad par du gyur pa yin la/ khyad par yang zag pa med pa shin tu rgyas pa nyid rgyun mi chad par skye ba nyid kyi mtshan nyid do/ /de bzhin zhes bya ba ni de bzhin gyi sgras de dang 'dra ba nyid du bstan pa yin la/ de dang 'dra ba nyid kyang ci 'dra ba'i shes rab dang ldan pa'i tshogs pa las/ shes rab ye shes ci 'dra ba skye ba bzhin du/ phyis kyang de dang 'dra ba'i tshogs pa las kyang de dang 'dra ba bskyed kyi gzhan du ma yin no zhes bya ba ni/ de bzhin gyi sgra'i don yin no/ /'dir mtshon par bya ba dang mtshon par byed pa'i dngos pos don khong du chud par bya ba yin te/ 'dis mchen par byed pas na mtshon byed ste/ nyams su myong bar gyur pa'i shes brtson 'grus bar ma chad rgyun mchod rab ye shes so/ /rtogs par ma gyur pa ni mtshon byed nyid du mi 'thad pa'i phyir dang/ khyad par ma bzung bar khyad par gyi gzhi rtogs par mi 'gyur ba'o/ /zhes bya ba'i rigs pas 'dis mtshon par byed shes par byed/ khong du chud par byed bsgrub par byed pas na mtshon par bya ba mngon sum du gyur pa ni bzhi pa'o/ /'dir 'ga' zhig bzhi pa ni yang dag par ma dpe yin no zhe na/ de don lta na de ma yin pa gzhan de ltar de bzhin bzhi pa yang zhes bya ba der bzhi pa zhes bya ba'i tshig bcom ldan 'das kyis gsungs pa yod pa ma yin nam/ de bsgom pas ci ltar med ces brjod/ bden te/ bcom ldan 'das gzhan dag na re kyis man ngag bsrung rgol lan ba'i phyir dang/ sems can mgo rmongs par bya ba'i phyir gsum pa kho na la bzhi pa'i rgyud phyi ma sgras gsungs pa yin gyi/ gzhan lung gis bsal bdun de ltar de bzhin bzhi pa yang zhes gsungs par mi rgol 'gyur ro// de ni shin tu 'brel ba med pa yin te/ tshad mas grub pa bzhi pa gong du bstan pa'i phyir dang/ bstan par bya ba nyid yin pa'i phyir ro/ /gzhan ngag? bsgrub pa chen po bzhi pa yin zhes bya ba la sogs pa'i bzhi zhes pa'i tshig yod pa gang yin pa de nyid 'dir rnam par bkro'i ba'i phyir gsungs pa yin gyi bzhi pa lan zhes bya ba'i dbang bdun dang de ltar gsuM bskur gyi khyad par yang yod pa ni ma yin no zhe'o/ /bzhi pa de'i 'dod pa de nyid ltar na 'di la 'bad bsten bsgrub yan lag bzhi las pa'i phyir bsgom pa don med pa'i nyes par 'gyur ro/ /'bras bu dang bcas pa khas len na yang bzhi sa grub pa yin no/ /de la mtshon par byed pa shes rab ye shes nyid ni khong du chud la mtshon par bya ba la thams cad rmongs ma hA mu tra par 'gyur bas de rnam par dpyad par bya ste/ mtshon par bya ba yang srid mdon gyi ngo bo zhig gam shes pa'i ngo bo zhig tu lha'i sku dang bde ba dang/ tshig la mi mthun don lam thun? 'gyur grang na/ de la don gyi ngo bo nyid ni ma yin te/ don nyid med pa'i dpe phyir dang/ don gcig dang du ma'i rang bzhin dang bral ba'i tshad mas de bsal ba nyid kyi phyir ro/ /sngags don kyi tshul la yang yul la rnam par shes par smra ba dang/ dbum pa'i 'dod gzhung gtso bo nyid yin ba'i phyir/ shes pa'i ngo bo nyid du gcig dang du ma dang? bral bas 'gyur grang na/ shes pa yang rnam pa dang bcas pa zhig gam/ rnam pa med pa zhig tu 'gyur/ rnam pa dang bcas pa la yang shes pa gnyis med pa'i ngo bo'am/ du sems tsam du ma'i ngo bo zhig tu 'gyur zhes rnam par brtag par bya ba yin no/ /de la rnam med par smra ba dag ni rnam par shes pa rnam pa dang bcas pa ni thams cad du yod pa ma yin te/ nam ka'i me tog dang 'dra'o zhes smra'o/ /mngon sum la sngon po dang/ ser po dang/ dkar po la sogs pa dang/ bum pa dang/ snam bu dang/ shing rta la sogs pa'i ngo bor rnam pa rnams snang ba ma yin nam/ don de rnam pa dag kyang med pa'i phyir shes pa'i ngo bo nyid kyang med yin na/ de ji ltar rnam pa dang bcas pa ma yin zhe na/ bden te rnam pa rnams snang ba nyid ni yin mdo kyi 'on kyang brdzun pa'i ngo bor yang brdzun pa'i ngo bo nyid du gcig dang du ma dang bral ba'i tshad ma'i mtshan nyid kyis rab tu 'grub bo/ /tshad ma'i ngo bo de yang gzhan dag tu bshad pa nyid kyis 'dir ma spros so/ /brdzun pa nyid du grub pas kyang/ sgyu ma'i rang bzhin dang 'dra bar rnam par 'khrul pa'i rang bzhin du rab tu ston la/ 'khrul pa ldog pas kyang shel sgong dag pa lta bu rnam pa med pa kho na don dam par grub par 'gyur ro/ /dbu ma de kho na nyid la 'jug pa de bas na rnam pa dang bcas pa'i rnam par shes pa ni shes pa gnyis med pa'i ngo bo 'am/ du ma'i ngo bor yod do zhes pa'i rtog pa gnyis bsal ba yin no/ /rnaM pa med pa'i shes pa yang dmigs pa'i rig byar gyur pa'i rmi lam na yang mi dmigs pa ma yin nam/ de ji ltar na don dam par yod par grub pa zhes bya/ 'on te shes pa'i nang na bde ba la sogs pa'i rnam pa yongs su bsal ba'i ngo bo rnam pa med par rig pa kho na yin la/ sngon po la sogs pa'i rnam pa yang brdzun par snang ba yin no/ /gzhan du de dag bden pa nyid yin na ni/ rnam pa thams cad bden par gyur la/ de ltar yang bzung ba dang 'dzin pa'i dngos po la sogs pa'i yang bden par 'gyur ro/ /snang ba bden pa nyid du 'gyur ba de bas na de dag thams cad kyang grol ba nyid du thal bar 'gyur te/ cung zhig dang sems log pa'i rnam par 'khrul ba'i rnam pa yang ngo bo mi snang ba'i phyir ro/ /de skad du yang dang yang dag nyid la yang dag lta/ yang dag mthong na rnam par grol zhes gsungs so/ /de'i phyir sems can mi 'dod du zin kyang sngon po la sogs pa'i rnam pa brdzun pa nyid du blta bar bya'o/ /bde ba la sogs pa'i rnam pa brdzun pa bden par dmigs pa yin na/ de ci ltar na dmigs pa ma yin zhe na/ bde ba la sogs pa'i rnam pa yang rnam pa dang bcas pa'i shes pa kho na la dmigs pa yin te/ bde ba la sogs pa'i rnam pa'i rang bzhin nyid yin pa'i phyir ro/ /bde ba la sogs pa'i rnam pas stong pa'i rnam par shes pa ni rmi lam na yang rig pa med pa ma yin nam/ 'on te 'khrul pa ma lus pa dang bral ba'i sa brgyad ba la dmigs pa'i rig byar 'gyur ro/ zhe na/ 'di la yang mna' dor ba ma yin pa'i sgrub par byed pa'i tshad ma ni yod pa ma yin pas/ de ni bden pa ma yin te/ bsam pa yongs su mi shes pa'i phyir dang/ bde la sogs pa nyid sngon po la sogs pa'i rnam pa dang bral ba'i rnam par shes pa la rnam med pa nyid du 'dod pa nyid kyi phyir/ 'on te de yang da ltar nyid na rang rig pa'i tshad mas grub pa srog chags thams cad la yod pa yin na/ ji ltar dmigs par ma gyur zhe na/ de yang gcig dang du ma dang bral ba'i phyir brdzun pa nyid dang 'khrul pa tsam yin te/ gcig dang bu ma'i rang bzhin dang bral ba nyid kyis rnam pa dang bcas pa dang rnam pa med pa'i shes pa gcig du ma'i la khyab pa nyid kyi phyir ro/ /gal te rigs pa 'dis rnam pa dang bcas pa dang rnam pa med pa'i shes pa ma lus pa brdzun par rab tu bsgrub pas cung zhig kyang don dam pa'i dngos po de kho na nyid du yang med pa / ma yin nam/ de ji ltar na mtshon par bya ba'i rang bzhin du tshad mas nye bar mtshon par bya zhe na/ nyes pa de ni med dbu ma ? 'dod pa'i tshad mas brdzun pa nyid du grub kyang/ gcig dang du ma'i rang bzhin dang bral ba chos can gyi ngo bo snang ba sgyu ma lta bu ma bkag pa'i phyir ro// brdzun du snang ba de nyid yin la mtshon par bya ba dang/ mtshon par byed pa dang/ 'khor ba dang mya ngan las 'das pa dang/ dkyil 'khor gyi 'khor lo la sogs pa bsgoms pas 'gro ba ma lus pa'i don byed pa la sogs pa/ gnod pa med pa rnam par gzhag pa grub pa yin no/ /de skad du yang sangs rgyas dang rdo rje sems dpa' nyid kyang/ kun rdzob nyid du rab tu bsgrub ces gsungs pas so/ /'on te dngos po skyes pa thams cad brdzun pa'i ngo bo nyid kyis snying po med pa ma yin nam/ de'i tshe ci'i phyir dkyil 'khor gyi 'khor lo la sogs pa bsgom pa'i 'bad pa byed ce na/ de ni bden pa ma yin te/ log par sgro 'dogs spangs pa'i phyir/ grol ba po ni med dang brtson/ zhes bya ba'i tshig gis/ ji ltar yang rnam par dbyed na yang dag pa'i dngos po'i ngo bo nyid med pa/ de lta na yang bdag bde bar gyur cig sdug bsngal bar ma gyur cig ces pa'i sred pa srog chags ma lus pa la yod do/ /'di ltar dge ba dang/ mi dge ba'i rmi lam log pa nyid du mtshungs kyang/ dge ba'i rmi lam mthong bas yid bde bar 'gyur la/ mi dge ba'i rmi lam mthong ba las ni yid mi bde bar 'gyur te/ de bsal ba'i phyir dam pa'i chos klog pa dang/ sngags zlos pa la sogs pa la rab tu 'jug par 'gyur ro/ /de bzhin du brdzun pa nyid du khyad par med kyang/ sdug bsngal la sogs pa rang bzhin gyi rnam par rtog pa spang ba'i phyir dang yang dag par rdzogs pa'i byang chub kyi mtshan nyid 'bras bu thob par bya ba'i phyir rtog pa dang ldan pa'i don du gnyer ba rnams rab tu 'jug par 'gyur ro/ /gal te gang gi don du 'di brtsams pa'i/ /de'i don ni nyams par 'gyur/ /'di ltar mtshan gzhi dang mtshan nyid dpyad pa'i skabs la bab? na/ de yang gtam gzhan du thal bas brjod pa'i phyir/ gang du song ba mi shes so zhe na/ de bdun du dbye bas byas pa nyid ma yin nam/ bden te bu ram dang dar bzhi pa bshad ba'i bshad pa'i dus bzhi ba ba'i tshul gyis de ltar ni mi shes so/ /de las snying po bzhi pa dang snying po ma yin pa gang yin zhe na/ smras pa/ sngags kyi tshul la brjod pa'i rim pa med pa'i phyir dang/ snyoms par 'jug pa sgom pa don med pa'i phyir/ rig pa med pa'i phyir dang snying po med pa'i nyid de/ 'di ltar tshogs pa dang tshogs pa can la 'bras bu gang yin pa de gdon mi za ba nyid yin no/ /gzhan du mtshogs pa dang tshogs can longs spyod rdzogs pa'i bdun mi tshad/ nyid du de mi 'gyur ro/ /mngon sum du byas bde ba med pas gsum dang bdun pa'i gnas skabs na bde ba tshogs pa dang tshogs pa can de yod pa/ des na de gdon mi za bar 'gyur ro/ /de ltar gyur rdo rje dang pad+ma dang lha'i nga rgyal tshogs pa las pa dang po nyams pa yin no/ /sku la sogs lus bde ba pa'i bzhi pa rnam pas stong pa'i longs spyod rdzogs snying rje rgyun bde ba chen po zag pa med bde ba'i ngo bo 'ba' shig maM dmigs pas/ gnyis pa bden pa nyid ma yin te/ 'di ltar mtshan mas rnam par nges pa nyid rtog pa dang ldan pas/ bsgom par bya ba yin gyi gang yang rung ba ni ma yin no/ /tshad mas grub pa'i ngo bo thams cad du dmigs la de nyid skye bo thams cad kyis 'dod par bya ba nyid du snang ngo/ /de bas na gcig pu ma dmigs pa'i phyir dang/ 'dod pa/ de ltar de bzhi ? yang bdun med pa'i phyir dang/ 'khor lo'i rnam pa'i rang bzhin ma dmigs pa'i drug phyir bzhi pa dang/ mngon du bye mang? mi nus pa'i phyir dang/ 'bad pa nyid mtshungs pa'i phyir gnyis pa rnam par rtag pa tsam yin no/ /gnod bzhi par ? khyer pa med pa nyi yang dag pa'i don gyi rang bzhin nyid kyis rang dbang du gyur pa dor bar mi nus pa nyid kyi phyir dang/ ldan pa'i ngo bo la bye brag med pa'i phyir dang/ dgos pa med pa'i phyir gsum pa lha'i sku bde ba dge ba ma yin te/ 'di ltar lhan cig dmigs nas de'i bdag nyid byung? ba las/ bzhi? gcig yongs su dor na gzhan yang gdon mi za bar yongs su spang ba 'am/ yang na 'ga' zhig kyang gnyis pa dang ma yin no/ /spros pa nyid kyis 'bad pa mangs pa nyid kyi phyir dang/ rnam par dpyad mi bzod pa nyid kyis lha'i rnam pa 'khrul pa'i ngo bo nyid yin pas don dam pa'i ngo bo nyid ma lha'i ngo bo yin pa'i phyir/ gsum pa'i mdza' bde ba ma'i phyogs kyang legs pa ma yin no zhe na/ de la 'ga' zhig bzhi pa rigs pa brjod par byed de/ spros pa'i ngo bo nyid du gyur kyang phra mo dang thig le la sogs pa yang dang yang du bsgom pa na/ yang ji srid mngon sum du gyur pa de srid du 'bad pas yang dang yang du bsgom pa'i phyir thams cad du bsgom par bya ba'i dngos po yod do/ /de la 'dir gal te 'bad pas 'jigs na ni/ bskyed ba'i rim pa'i sgro bsdu/ cung zhig dang bsgom par mi bya'o/ /spros pa nyid kyis ngo bo nyid yin pa'i phyir ro zhe na/ 'khor lo'i rnam pa spros pa dang spros 'khor lo'i rnam pa ba med pa thig le dang phra mo dag thig le dang phra mo bsgom pa'i gnas skabs na khyad par ci zhig yod/ 'on te spros pa med pa myur du brtan thig le por gyur pa 'di khyad par yin no/ zhe na/ dmigs pa gang kho na la sems yun ring por rgyun mi chad par yang dang yang du gtad pas de nyid brtan por 'gyur zhes bya ba ni lung yin no/ /'di la rigs pa yang yod de/ 'di skad du de phyir yang dag min/ /gang gang shin tu bsgoms pa las/ /bsgom pa'i stobs ni rdzogs pa na/ de gsal mi rtog blo'i 'bras bu/ /zhes gsungs so/ /'dir thag mi ring ba na gnas pa na yang/ e ma'o rmongs nyid e ma'o snyoms las can/ e ma'o mdzes pa'i don la rgyab kyis de nyid bskyed phyogs/ /rang sems tsam dang 'brel pa'i sangs rgyas nyid/ /rang mi gnas kyang gang zhig rten mi byed/ /ces gsungs pa ma yin nam/ de rang sems bas na 'di la khyad par med do/ /'khrul pa'i ngo bo nyid kyis don dam pa ma yin pa nyid do/ zhe na/ thams cad du bsgom pa'i yul gyi dngos po ni/ 'khrul pa yin rang sems rtogS phan don pas cung zhig kyang bsgoM sems la bar bya ba med par 'gyur la/ de bas na rnam pa thams cad du thar pa'i lam bsgom pa la don bskyed pa med par 'gyur ro/ /'khrul pa'i ngo bo la yang sgyu ma lta bu'i rnam par zhugs pas/ spros pa med pa'i sgom par 'gyur ba la skyon yod pa ma yin no zhe na/ spros pa de la sgyu ma'i rnam par zhugs pa mtshungs pas de la yang de skyon gyi skabs ci zhig yod/ de bas na don du gnyer bas spros pa 'am/ spros pa med pa yang rung/ gang kho na 'dod pa'i tshad ma dang ldan pa'am/ gcig shos de nyid la le lo spangs nas phyag rgya chen po don du gnyer bas sgom par bya ste/ shin tu thal bas chog go /de la snying po dang gcig shos kyi rnam par dbye ba yang/ bla ma mnyes par byed pa rnams kyis shes pa yin no/ phyir dang/ gsang sngags kyi tshul gyi rim pa med pa'i phyir lnga pa skyon dang bral ba ma yin no/ /sngar mngon sum du byas pa'i phyir sngags yan lag bdun pa nas kyi tshul la rab tu sbyor ba yod pa ma yin nam/ de ci'i phyir de la med ce na bden te/ bsgrub par bya ba 'bras bu mngon du gyur pa'i gnas skabs na de yang rim pa 'di la med ba dang/ mngon sum du gyur pa yongs su btang ba la dgos pa yang ma mthong ba'i phyir ro/ rab tu dbye ba rtog pa'i dri mas stong pa ma yin te/ 'di ltar 'ga' zhig ldog pa ni rgyu ldog pa'am/ khyab par byed pa ldog par 'gyur na/ de la mngon sum du byas pa'i dkyil 'khor gyi 'khor lo ldog par byed pa ni/ rgyu 'am khyab par byed pa log pas yang ma yin no/ / rang gi 'gog par yang mi nus pa ni mi mthun pa med pa'i phyir te/ sdug bsngal la sogs pa 'gog par 'dod pa na yang sdug bsngal la sogs pa la 'jug pa mthong ba'i phyir ro/ /stong pa nyid kyis ldog par byed pa yod ma yin nam/ 'di ltar shin gi phung bo la me rab tu 'bar bas shing ma lus pa thal bar byas nas/ de'i 'og tu bdag nyid kyang rang gi dang kho nas ldog par 'gyur ba de ltar dkyil 'khor gyi 'khor lo stong pa nyid kyi ye shes kyi me rab tu 'bar bas mngon sum du byas nas kyang/ dkyil 'khor gyi 'khor lo ma lus par ldog? par byed la/ bdag nyid kyang rang gi ngang gis ldog par 'gyur ro zhen/ de ni me rang bden pa ma yin te/ dpe la skyon yod pa'i phyir ro/ /'di ltar de la shing 'gyur par byed pa'i rgyur gyur pa'i me ni shing 'gyur ba yang dag par skyed pa nyid kyis/ shing 'gyur bar byed pa ni me yin no zhes 'jig rten pa rnams sems la/ 'dir ni stong pa nyid ni dkyil 'khor gyi 'khor lo 'gyur bar byed pa'i rgyu ma yin na/ de'i phyir de ldog par byed pa yin/ stong pa nyid la rang gi ngang gis ldog go zhes kyang smra bar bya ba ma yin no/ /rgyur mi 'gyur du chug na stong pa nyid khyab bar byed pa ni 'gyur ba ma yin nam/ khyab par byed pa shing ldog pas khyab par bya ba shing sha pa ldog pa bzhin du ldog par 'gyur ro zhe na/ de yang snying po ma yin te 'di ltar shes bya'i dkyil 'khor thams cad la khyab par byed pa de kho na nyid kyi stong pa nyid de la ldog pa yang? yod pa ma yin n/ /gal te 'gyur na yang dag par rdzogs pa'i byang chub mngon sum du byed pa las dus snga ma 'am/ de ma thag tu sangs rgyas bcom ldan 'das 'dog par 'gyur na/ de lta ni ma yin te/ yang dag par rdzogs pa'i sangs rgyas su gyur nas kyang thugs rjes dus ji srid cig gi gnas skabs nyid kyis zhal gyis bzhes pa'i phyir 'gyur pa yang ma yin no/ /'on kyang stong pa nyid kyang ye shes kyi ngo bo yin la/ 'khor lo yang ye shes kyi ngo bo nyid yin no/ /stong pa nyid kyi ye shes skyes pas 'khor lo'i ye shes ni ldog na/ stong pa nyid kyi ye shes gang gis ldog par byed/ /de nyid kyis ldog pa yang 'gal ba med pa'i phyir dang/ rgyuAm khyab par byed pa med pa las med pa bsan/ stong pa nyid kyi ye shes la ldog pa med do/ /dkyil 'khor gyi 'khor lo yang stong pa nyid kyis ldog go zhes bya ba yang ma yin te/ stong pa nyid kyis ldog par byed pa ma yin pa rang gi dang la/ stong pa nyid kyis ldog par byed pa yin zhes su zhig smra/ rang? gis 'on kyang ldog par byed pa gang yin pa de ni bla ma'i man ngag las shes so zhes zer ba 'di yang snying po ma yin te/ bla ma'i man ngag las kyang stong pa nyid kyis ldog par byed pa ma yin ldog pa'i tshad ma cung zhig kyang yod pa ma yin pas so sor skad cig ma'i 'jigs pa dang/ skad cig gis nyams pa'i ngo bos dngos po thams cad la khyab pa'i tshe rgyud kyi rgyun ldog par byed pa ni ma yin no/ /de'i phyir rang gi 'dod pas mi 'gyur te/ ldog pa'i snying po med pa yang rtog pa dang ldan pa rnams la dgos pa yod pa ma yin no/ /de skad du yang sems can rnams ni grol gyur la/ /rab dga' rgya mtsho gang yin de/ /de nyid kyis rdzogs ma mi gnas pa'i mya ngan 'das yin nam/ /thar pa ro bral ci lhag med zhig dgos/ /zhes gsungs so/ /sems can don yang ldog pa pa? med do/ /nam ka dang nam ka'i me tog la nam yang don gyi bya don bya ba cung zhig kyang 'khor ba mya ngan las pa mi srid do/ / yun ring por 'gags kyang dngos po med pa'i ngo bo 'das pa'i 'khor lo las sems can gyi don 'byung bar 'gyur ro/ zhes bya ba yang snying po ma yin te/ yun ring por lon pa'i khyim bya shi ba'i sgra sgrogs par thal ba'i phyir ro/ /'on te rnal 'byor pa'i byin gyis brlabs kyis nam mkha' las kyang don byed pa srid pa ma yin nam zhe na/ rnal 'byor pa'i byin gyi brlabs nyid sems kyi ngo bo nyid kyis don byed pa yin la/ nam mkha' ni ma yin te/ de'i ngo bo nyid ma yin pa'i phyir ro/ /'on te dkyil 'khor gyi 'khor lo 'gags pa las sems can don byed pa'i dus na yang 'byung zhing/ de las don byed par 'gyur ba ma yin nam/ de bas yang 'gog cing yang skye bar 'gyur ro zhe na/ de ni bden ba ma yin te/ ji ltar sems can gyi don byed pa de las 'byung ba med pa de bzhin du 'khor lo yang de las mi srid do/ /'gags pa las yang 'byung ba la yang dgos pa cung zad yod pa ma yin te/ shin tu spros pas chog go /drug pa'i phyogs la bshad pa'i skyon gyi tshogs bdun pa la yang yod pas/ btags pa la 'thag pa mi bya'o/ /drug pa dang bdun pa mtshungs pa nyid kyi phyir de las bdun pa khyad par ci yod ce na/ khyad par yod de snga ma'i gnas skabs su 'khor lo'i rnam pa nyid nges par byas nas/ yang rang gi 'dod pas 'gog cing rang gi 'dod pas skyed par byed pa'i phyir la/ bdun pa la yang med pa de bas na mtshungs pa dang tha mi dad pa ma yin par bstan to// rdo rje'i sa bon zhes bya ba la sogs pa la de dag ni bla ma'i man ngag las shes par bya'o/ /gsal byed lnga zhes bya ba la sogs pa smos pa la/ gsal byed lnga'i sgra ni/ ba glang dang/ khyi dang/ glang po dang/ rta dang/ mi'i mtshan nyid do/ /bdud rtsi lnga'i sgra ni/ be dang/ mu dang/ tra chu mang dang/ ? sha ra dang ka ta drag shu'i mtshan nyid do/ /rtag tu bsten pa kho na bsgrub byar sems so/ /thig le zhes bya ba ni/ snying kar zla ba la gnas pa'i thig le 'od 'phro bar gyur pa de kho na nyid bsgrub bya yin no zhes sems nas rnam par ? ste phyi bsgom par byed do/ /zla ba zhes bya ba ni snying ka'i gnas su zla ba'i bzhi dum bu 'am zla ba rgyas pa 'am/ zla ba rgyas pa snying kar pad+ma la gnas pa 'ga' zhig rnam par bsgom par byed do/ /smin dbus thig le las byung dkyil 'khor zhes bya ba ni/ smin ma'i dbus te mdzod spu'i gnas su thig le rnam par sgom par bya'o/ /thig le de las byung ba'i dkyil'khor ni rlung dang chu dang dbang chen gyi dkyil 'khor dang/ me'i mtshan nyid do/ /'di skad du bshad par 'gyur te/ kha dang rna ba dang sna dang mig lag pa'i sor mos bkab la smin? ma'i dbus su thig le blta bar bya'o/ /de yang gsal por gyur pa'i gnas skabs su dge ba dang/ mi g.yon dang ? lag? gnyi ga dge ba'i ltos? yang?/ kha dog mthun par g.yal dag par ston par byed pa dbang chen gyi la sogs pa'i dkyil 'khor rab tu skyed pa'i thig le de la yang de kho na nyid du sems so/ /rlung gi rang bzhin zhes bya ba ni phu ra ka dang/ kum b+ha ka dang/ re tsa ka dang/ rab tu zhi ba'i mtshan nyid dang/ dbugs dbyung rngub la sogs pa'i mtshan nyid yin no/ /'di skad du bshad pa yin te/ de la 'di ltar shi ba dang grangs can la sogs pas bstan pa'i rlung gi rang bzhin shes par byas nas/ dbugs 'gengs byed 'dzin byed 'byin byed 'gag pa'i sgom tha ma sangs/ pa brtan po? ? byas nas nam mkha' la rgyu bas 'ong ba dang/ gzhan gyi grong la 'jug pa dang/ grol ba'i bar mngon sum du byed par 'gyur ro/ /zhes bya ba ni rlung gi de kho na nyid du smra ba rnams kyi'o/ /lce'u chung zhes bya ba ni/ mid pa'i phyogs lce'i phugs kyi steng na glang po che'i sna'i rnam pa lta bu kha 'og tu ltas pa nye ba'i lce'i ming can lce'i chung yod do/ /de yang nus pa'i rang bzhin no de'i 'og na zhi ba'i ngo bo yod pa de kho na nyid yin no/ /de la yang lce'i rtse mos reg par gyur pa na bdud rtsi'i rgyun mi 'chad par 'dzag par 'gyur ro/ /bdud rtsi'i rgyun 'bab pa des don dam pa'i bdag nyid tshim par gyur par sgom mo/ /zhes bya ba ni lce'u chung gi de kho na nyid yin no/ /sogs pa'i sgras zhi ba'i ngo bo snying ka'i dbus kyi 'khor lo rtsibs bcu drug pa'i dbus na gnas pa ye shes kyi rang bzhin zhi ba'i ngo bo de kho na nyid bsgom par bya'o zhes bya ba la sogs pa bzung ngo/ /de yang smras pa/ bcu las drug lhag rtse dang ldan pa'i 'khor lo'i dkyil na gnas pa snying gang rnam par gnas pa'i bdag / des ni de'i khyad par lta bu yi grub pa ster/ /de ni mngon par mi g.yo ba'i yid dag gis/ /rnal 'byor pa yis de ltar mngon par bsam par bya/ /nus par gyur pa'i mgon po rgyal bar gyur/ /de ni nus pa dag gis de ni yongs su bskyor dang bcas/ zhes de lta bu mu stegs la sogs pa de kho na nyid du mngon par 'dod pa de dag thams cad ni de kho na nyid ma yin zhes bdag nyid kyis brtag bar bya/ dpyad par bya zhes bya ba'i bar du'o/ /rmi lam mig 'phrul zhes bya ba la sogs pa la/ rmi lam dang/ mig 'phrul lta bu dang/ gzugs brnyan dang/ sgyu ma dang/ smig rgyu dang/ dri za'i grong khyer dang/ chu zla lta bu'o/ /gzhan gyi sgras ni nam mkha' dang/ brag cha dang/ dbu ba lta bu'o zhes bya ba la sogs pa'i sgras so/ /de lta bur mngon par brjod pa ni smra pa pos de lta bus bstan pa'i bsgrub bya las gzhan med pa nyid de/ gzhan du yang 'dir bshad pa kho na bsgrub bya yin no zhes sgra de las rab tu 'jug par rang nyid kyis shes par bya'o/ /zab mo stong nyid so so snang ba tsam/ /zhi ba shin tu sgras brjod min/ /ma gos dngos gral dri med la sogs dang/ /zhes bya ba la sogs pa'i sgra/ yis/ zhi ba dang rnam pa med pa dang/ spros pa med pa dang/ thog ma med pa dang/ 'gag pa med pa zhes bya ba la sogs sgra yis kyang 'khrul par mi bya zhing/ gzhan bsgrub tu yod pa ni/ gzhan gyi bsgrub par bya ba yod pa ste/ 'dir yod pa'i sgras des bshad pa'i sgrub par bya ba las mchog 'ga' zhig yod do zhes 'khrul par mi bya ste/ bshad pa bsgrub bya kho na de dag thams cad kyis brjod par bya ba yin zhes nges par bya'o/ /dpal ldan gsang ba 'dus pa las/ /dri med dang mchog mthar phyin pas/ / ngag gi dbang phyug de yis 'di/ /byas pas blo ngan 'jigs gyur cig /bdag gis 'di bshad pa las pad kar kun da kha bye dang/ 'o ma lta bur skad ma lta bu'i bsod nams dpag med gang bsags pa/ /des 'bro ba ma lus pa dag nyid mtshungS? rig mas nyer 'khyud pa'i/ /dpe med bde chen gang ba'i ngag gi dbang phyug dpal 'gyur shog/ //de kho na nyid rin po che snang ba'i rnam par bshad pa/ slob dpon ngag gi dbang phyug grags pas mdzad pa rdzogs so// yul rang don phun sum tshoD pa// gshin rje gshed nag po'i sgrubs thabs bzhugs so/ /*/ /rgya gar skad du/ kri sna dza mA ri sa d+ha na ma/ bod skad du/ gshin rje gshed nag po'i sgrubs thabs zhes bya ba/ dpal gshin rje gshed la phyag 'tshal lo/ /bla ma la gus de rjes gshin rje gshed nag po rdo rje la/

CLOSE WINDOW