Input 
| བོད་ཡིག | e-texts based on the ACIP/ALL Input |
baNi DI gra ma sA d+ha naM/ bod skad du/ bsdus pa'i rim pa'i bsgrub thabs /
'jam dpal gzhon nur gyur pa la phyag 'tshal lo/ /'jig rten gsum gyi spyod pa las grol mkha' dang mnyam rtogs
dngos po kun gyi ngo bo nyid/ /dag cing zhi la rnam dben mchog zhi'i rang bzhin rnal 'byor pa rnams nyid kyis rtogs bya ba/ /
rtogs par dka' zhing rnam par dpyad par dka' la rang gzhan rab phan khyab cing mtshan ma med/ /rgyal ba rnams sku bde ba
mnyam med mnyam pa'i rnam par sku gcig la phyag 'tshal/ /dpal ldan 'dus pa'i rgyud kyi ni/ /mdza' drug don
ni rtogs pa las/ /sems can kun la phan bskyed pa/ /bsdus pa'i rim pa bdag gis bshad/ /rnam rtog bag chags nyes pa yiS//
'gro ba gsum po rnam rmongs la/ /blo dang ldan pas legs bltas nas/ /de rnams rnal 'byor rgyud kyis sbyangs/ /'dod pa lnga ni
yongs spangs nas/ /dka' thub kyis kyang ma gdungs par/ /rnal 'byor rgyud kyi rjes 'brangs nas/ /bde bas byang chub bsgrub par bya/ /
de yis 'dir ni sdom gnas 'di'i/ /rtag tu mi phyed rtul zhugs pas/ /sku gsung thugs kyi rdo rje yi/ /sgrub pa yang ni brtsams par bya/ /dgon pa chen
po sa phyogs mchog / me tog 'bras bu sogs pas brgyan/ /ri bo skye bos dben pa ru/ /dngos grub thams cad bsdus pa bsgrub/ /'jam pa'i stan la
'dug nas ni/ /sems dpa' i skyil krung legs gnas te/ /zhe sdang rdo rje'i ting 'dzin gnas/ /gnas bsrung ba ni brtsam par bya/ /'bar ba'i
'od 'phro 'jigs par byed/ /nyi ma la gnas hUM las byung/ /g.yon brkyang ba yi gom pas gnaS/ /khro bo bcu ni spro bar bya/ /phyogs bcu'i
dkyil 'khor rtse mor ni/ /rim pa bzhin du bsam par bya/ /bgegs kun rnam par gzhig pa'i phyir/ /gnod mdzes bka' bsgo phur bus
gdab/ /aoM sum+b+ha ni sum+b+ha hUM/ grih+Na grih+Na hUM/ grih+Na pa ya grih+Na pa ya hUM/ A na ya ho:b+ha ga wAn bidya rA dza hUM phaT/ 'di yis
khro bo'i gzugs kyis ni/ /bgegs kyi dbang po kun bkug nas/ /blo dang ldan pas sbyor ba yis/ /cho ga bzhin du phur bus gdab/ /rdo rje bdud rtsi rgyal
po che/ /au dpal sngon po'i 'dab ltar ljang/ /'bar phreng 'khrigs pa'i 'od ldan pa/ /rdo rje phur bu rnam par bsgom/ /lte ba'i phyogs nas smad kyi cha//
rtse mo'i rnam par rnam bsam zhing/ /stong ni khro bo'i dbyibs can te/ /zhal gsum phyag drug rnam par bsgom/ /'og tu bgegs kyi tshogs bstas nas/ /
de yi sngags ni legs brjod cing/ /bgegs kyi lus la mi g.yo bar/ /rdo rje phur bu nges par gdab/ /aoM g+ha g+ha/ g+hA ta ya g+hA ta ya/ sarba duSh+TaM/
phaT phaT/ kI la ya kI la ya/ sarba pA pA na/ phaT phaT/ hUM hUM hUM/ badzra kI la ya /badzra d+ha ro adz+nyA? pa ya ti/ sarba big+h+nAM/ kI ya bA ka tsIt+ta badzra kI la ya/ hUM hUM hUM phaT/ rdo rje tho ba phyag bsnams pa'i/ /gnod mdzes
rgyal po rnam par bsam/ /rdo rje'i mtshan ma kun tu me/ /rnam par 'phro pa nges par bsgom/ /gdug pa bros pa phan tshun du/ tshig par gyur pa rnam par bsam/ /phyogs bcur phur bus btab nas ni/ /'og dang
steng yang byin brlabs nas/ /dam pa'i don du srid pa gsum/ /rang dngos med par bsgom par bya/ /dngos po med la sgom pa med/ /sgom pa sgom pa ma yin nyid/ /de ltar dngos po dngos med de/ sgom
pa dmigs su med pa'o/ /tshigs bcad 'di yis brtan g.yo yi/ /bdag nyid stong par bsgoms nas su/ /cho ga'i sbyor ba 'di yis ni/ /ye shes sa gzhi byin gyis brlabs/ /nam mkha' i khams kyi
dbus gnas par/ /sa bon hUM gnyis yaM las byung/ /rdo rje gnyis dang yang dag ldan/ /rlung gi dkyil 'khor sgom par bya/ /sa bon hUM gnyis raM las byung/ /rdo rje gnyis dang yang dag ldan/ /me yi dkyil 'khor nyid
kyang ni/ /de yi steng du rnam par bsam/ /sa bon hUM gnyis baM las byung/ /rdo rje gnyis dang yang dag ldan/ /chu yi dkyil 'khor nyid kyang ni/ /de yi steng du rnam par bsgom/ /sa bon hUM gnyis lam las byung/ /rdo rje
gnyis dang yang dag ldan/ /sa yi dkyil 'khor nyid kyang ni/ /de yi steng du rnam par bsam/ /dkyil 'khor bzhi po yang dag bsdus/ /rdo rje sa yi dkyil 'khor la/ /der ni b+h+ruM yig las byung ba'i/ /gzhal yas khang
pa rnam par bsgom/ /gru bzhi dang ni sgo bzhi dang/ /rta babs bzhi yis mdzes byas pa/ /srad bu bzhi dang yang dag ldan/ /ka ba brgyad kyis nye bar mdzes/ /dra ba dra ba phyed ba dang/ /rdo rje nor bu zla phyed dang/ /sgo dang sgo khyud
mtshams rnams su/ /rdo rje rin chen rnams kyis spras/ /bum pa ka ba rdo rje che/ /mda' yab kyang ni logs can dang/ /ba dan dril bu mdzes byas pa/ /rnga yab sogs kyis rnam par brgyan/ /bdag nyid phyag rgyar
ldan pa ni/ /zhal gsum phyag drug rnam pa la/ /ain+d+ra nI li'i 'od mnyam pa/ /dkyil 'khor dbus su bsgom par bya/ /rnam snang mdzad dpal rin chen dang/ /'od dpag med dang las kyi rgyal /zhal gsum
phyag drug rnam par ni/ /shar la sogs pa'i phyogs su bsam/ /gti mug dga' sogs lha mo rnams/ /zhal gsum phyag drug rnam par ni/ /mi yi phyogs su brtsams nas su/ /
rim pa ji bzhin nges par dgod/ /de bzhin gzugs kyi rdo rje sogs/ /phyi yi mtshams ni rnam pa bzhir/ /reg bya rdo rje nyid kyang ni/ /rdo rje sems dpa'
dang ldan gnas/ /byams pas yi snying po dag /shar gyi rnam bur dgod par bya/ /phyag na rdo rje mkha' snying po/ /brtul zhugs can gyis lho du dgod/ /'jig rten dbang phyug 'jam pa'i dbyangs/ /nub tu yang ni dgod par bya/ /sgrib pa thams cad rnam sel ? kun tu
bzang po byang phyogs su/ /gshin rje gshed ni shar gyi sgor/ /gzhan gyis mi thub lho phyogs su/ /nub phyogs su ni rta mgrin te/ /bdud rtsi 'khyil pa byang du'o/ /mi g.yo 'dod pa'i rgyal po dang/ /dbyug sngon dang ni stobs po che/ /shar gyi mtshams sogs nas brtsams te/ /ji lta ji bzhin
bsgom par bya/ /gnod mdzes rgyal po khro bo che/ /'og tu rab tu rnam par bsam/ /gtsug tor 'khor los bsgyur ba yang/ /de bzhin steng du rnam par bsgom/ /cho ga ji bzhin dkyil 'khor pa/ /de rnams lhag par mos bsams nas/ /slar yang kha sbyar sbyor ba yis/ /rang gi lus la de
rnams gzhug / lus kyi 'khor lor gtogs sangs rgyas/ /de ltar ji lta bzhin bsams nas/ /don dam pa yi 'khor lo yi/ /de bzhin nyid du gzhug par bya/ /de bzhin gshegs pa'i tshogs bsad na/ /dngos grub rab mchog thob par 'gyur/ /'di don rdo rje phreng ba las/ /
gsal par ji bzhin rnam phyed ste/ /gzugs phung gtogs pa me long dang/ /sa khams mig gi dbang po dang/ /gzugs kyang lnga par 'gro ba ste/ /khro bo byams par yang dag ldan/ /tshor ba'i phung po mnyam nyid dang/ /chu khams rna ba'i dbang po dang/ /sgra yang lnga par 'gro bar te
khro bo gnyis dang yang dag ldan/ /'du shes so sor rtog pa dang/ /byin za sna yi dbang po dang/ /dri yang lnga par 'gro ba ste/ /khro bo gnyis dang yang dag ldan/ /'du byed bya ba grub pa dang/ /rlung khams lce yi dbang po dang/ /ri? yang lnga par 'gro ba ste/ /khro bo gnyis dang yang dag
ldan/ /steng 'og khro bo shin tu bcas/ /rang bzhin snang ba nyid kyang ni/ /rnam shes phung por kun nas 'gro/ /rnam shes kyang ni 'od gsal du/ /mya ngan 'das dang kun stong dang/ /chos kyi sku yang bshad pa yin/ /brtan par byed pa rgyu yi phyir/ /sngags 'di gsal bar brjod
par bya/ /aoM shU n+ya ta dz+nyA na badzra swa b+hA wa ad ma konyahaM/ 'di ni don dam dkyil 'khor ste/ /snang ba med pa'i mtshan nyid do/ /don dam bden pa zhes kyang bya/ /de bzhin gshegs pa kun gyi gnas/ /'od gsal bar ni rab zhugs nas/ /sngags
kyi sku yi sbyor ba yis/ /lha yi dmigs pa'i don ched du/ /ldang ba yang ni bstan par bya/ /nam mkha' i khams kyi dbus gnas par/ /nyi ma'i dkyil 'khor bsgom par bya/ /sngags pas yang ni de'i steng du/ /zla ba'i gzugs ni rnam par bsam/ /der yang pad+ma 'dab brgyad
pa/ /kha dog dmar po bsgom par bya/ /pad+ma'i steng du sngags chen po/ /yi ge gsum yang bsam par bya/ /sngags dang pad+ma nyi ma dag/ zla ba'i dkyil 'khor la zhugs pas/ /zla ba'i dkyil 'khor kun rdzogs pa/ /byang chub sems su rnam par bsgom/ /rgyu dang mi rgyu
thams cad ni/ /de nyid du ni rnam bsam zhing/ /brtan par bya ba'i don du ni/ /sngags 'di rab tu brjod par bya/ /aoM d+harm ma d+hA tu swa b+hA wa At+ma konyahaM/ /de ltar rnal 'byor dmigs nas ni/ /rjes su rnal 'byor brtsams par bya/ /rnal 'byor pa yi yig gsum yang/ /zla ba'i
dbus su rnam par bsam/ /de nas yig gsum las byung dang/ /kun da zla ba dang mchungs dkar/ /dang po'i mgon po bsams nas kyang/ /shin tu rnal 'byor yang dag brtsam/ /mi bskyod pa ni rjes zhugs pas/ /zhal gsum phyag drug 'bar ba dang/ /ain+d+ra ni la'i
'od 'bar ba/ /rdo rje sems dpa' rnam par bsgom/ /rdo rje 'khor lo pad+ma ni/ /de bzhin g.yas pa'i phyag tu bsam/ /dril bu rin chen ral gri ni/ /g.yon pa'i phyag tu bsam par bya/ /de nas phung po la sogs la/ /rnam snang la sogs gnod mdzes mthar/ /sa bon
dgod pas dgod par bya/ /de nyid kyis ni rnam par bsgom/ /rnam snang mdzad kyi sa bon ni/ /kha dog dkar po yi ge aoM/ /gzugs phung ngo bo nyid kyis ni/ /sngags shes pas ni spyi bor dgod/ /mgon po 'od dpag med gyi A:/ /'du shes phung po'i bdag nyid can/ /
mdog dmar kha la bsam nas ni/ /dag gi dbang phyug nyid thob bya/ /mi bskyod pa yi yi ge hUM/ /rab tu bzang ba'i mthing shun mdog/ rnam shes phung po'i ngo bo yi/ /sngags pas snying gar rnam par dgod/ /rin chen mgon po'i yi ge swA/ /tshor ba'i phung po'i ngo bo yis/ /tshor ba dag
pa'i rgyu nyid ni/ /kha dog ser po lte bar dgod/ /rkang pa gnyis la yi ge hA/ /'du byed phung po'i ngo bo dang/ /las kyi mgon po'i de nyid kyis/ /sngags pas kha dog ljang gur dgod/ /gti mug dga' sogs sngags pa yis/ /sa la sogs par rab tu zhugs/ /sa nyid gsher nyid
dro ba dang/ /g.yo nyid der ni rim pa bzhin/ /thliM? mig tu bkod nas ni/ /sa yi snying po rnam par bsgom/ /aoM yig rna pa dag la dgod/ /phyag na rdo rje bsgom par bya/ /aoM yig sna la rnam bkod de/ /nam mkha' i snying po rab tu bsgom/ /aoM yig lce la bkod nas ni/ /'jig rten
dbang po brtag par bya/ /yid la yi ge hUM bsams nas/ /'jam pa'i dbyangs ni rab tu bsgom/ /yi ge aoM ni lus kun la'ang/ /bsgoms nas sgrib sel dran par bya/ /yi ge maiM? ni mgor bzhag nas/ /byams pa nyid du yongs su brtag /chigs kun la ni saM bkod
de/ /kun tu bzang po bsgom par bya/ /lag pa g.yas par bshin rje gshed/ /g.yon par gzhan gyis mi thub pa/ /rta mgrin kha la bsam par bya/ /rdo rje la ni bdud rtsi 'khyil/ /dpung pa g.yas par mi g.yo ba/ /g.yon par 'dod pa'i rgyal po'o/ /pus mo g.yas
par bsams pa ni/ /dbyug pa sngon po cher 'bar ba/ /pus mo g.yon par stobs po che/ /spyi bor gtsug tor 'khor los bsgyur/ /gnod mdzes rgyal po bsams pa ni/ /rkang pa gnyis la dgod par bya/ /phung po sogs la cho ga bzhin/ /sngags pas dgod par byas
nas ni/ /sku yi dkyil 'khor rdzogs gyur pas/ /de nas rnal 'byor chen po brtsam/ /zla ba'i dkyil 'khor yang dag rdzogs/ /mgo bo'i dbus su gnas par bsam/ /der ni yi ge aoM dkar po/ /'od zer lnga ni rab 'phro ba'o/ /de nas lha mo phyung nas ni/ /bdag po'i
rab tu sbyor ba la/ /spyan ma rnam pa du ma ni/ /nam mkha' thams cad rab gang bsam/ /de nas sku yi rdo rje ni/ /nam mkha' gang bar bzhugs bsams te/ /de la dbus su bdag po ni/ /sum cu rtsa gnyis mtshan 'chad zhing/ /dpe byad brgyad cus brgyan pa dang/
bdag nyid mdun du gnas par bsam/ /de nas sngags pas tshigs bcad gnyis/ /brjod cing gsol ba gdab par bya/ /sangs rgyas sku 'dzin dpal dang ldan/ /rdo rje gsum dang mi phyed dngos/ /bdag la byin gyis brlabs gnas deng/ /sku yi rdo rje rnams kyis
mdzod/ /phyogs bcur bzhugs pa'i sangs rgyas rnams/ /rdo rje gsum dang mi phyed dngos/ /bdag la byin gyis brlabs gnas deng/ /sku yi rdo rjes rnams kyis mdzod/ /spyan ma lhan cig mnyam ldan par/ /rtag pa yang ni rnam par bsam/ /de bcug nas ni phung po
lnga/ /rab tu gang bar byin gyis brlab/ /sangs rgyas kun gyi sku gang zhig/ phung po lnga yi rab tu rgyas/ /sangs rgyas sku yi ngo bo yis/ /bdag kyang de dang 'drar gyur cig /aoM sarba ta thA ga ta kA ya badzra swa b+hA wa an ma ko haM/ a yig kha dog dmar ldan pa/ /lce
dbus pad mar gnas bsam ste/ /gos dkar zhes bya tshogs dang bcas/ /nam mkha' i khams rnams gad bar spro/ /gsung gi rdo rje ga sngags pas yang/ /nam mkha' gang bar bzhugs pa la/ /de nas sngags pas tshigs bcad gnyis/ /brjod cing gsol ba gdab
par bya/ /chos nyid gsung lam dpal dang ldan/ /rdo rje gsum dang mi phyed dngos/ /bdag la byin gyis brlabs nas dang/ /gsung gi rdo rje mdzad du gsol/ /phyogs bcur bzhugs pa'i sangs rgyas rnams/ /rdo rje gsum dang mi phyed dngos/ /bdag la byin gyis brlabs
gnas deng/ /gsung gi rdo rje rnams kyis mdzod/ /gos dkar mo ni lhan cig nyid/ /rang gi gtso bor yang dag ldan/ /lce la zhugs par rab bsams te/ /gsung gis byin gyis brlab pa tsam/ /rdo rje chos kyi gsung gang zhig/ nges pa'i tshig ni phun sum tshogs/ /bdag
gi tshig kyang de 'dra bar/ /chos 'dzin pa dang 'drar gyur cig /aoM sarba ta thA ga ta wAka badzra swa b+hA wa at+ma ko haM/ sngags pas snying gar nyi ma yi/ /gzugs brnyan 'bar ba bsams bya ste/ /der ni mthing shun lta bu yi/ /hUM yig 'od zer lnga ldan dgod/ /de las lha mo mA
ma ki/ tshogs dang bcas pa dbyung bar bya/ /de bzhin thugs kyi rdo rje bsgom/ /de la sngon bzhin gsol ba gdab/ /rdo rje thugs 'dzin dpal dang ldan/ /rdo rje gsum dang mi phyed dngos/ /bdag la byin gyis brlab gnas deng/ /thugs kyi rdo rjes mdzad du gsol/ /phyogs
bcur bzhugs pa'i sangs rgyas rnams/ /rdo rje gsum dang mi phyed dngos/ /bdag la byin gyis brlab gnas deng/ /thugs kyi rdo rje rnams kyis mdzod/ /mA ma ki tshogs ma lus pa/ /thugs rdo rje dang yang dag ldan/ /snying gar yang ni bcug nas su/ /thugs kyi byin gyis brlab pa brtsam/ /kun tu
bzang po'i thugs gang zhig / gsang ba'i bdag blo ldan pa/ /bdag gi sems kyang de 'dra bar/ /rdo rje 'dzin dang 'drar gyur cig /aoM sarba ta thA ga ta tsit+ta badzra swa b+hA wa adma ko haM/ /de ltar rigs gsum dbye ba yis/ /so sor byin gyis brlabs nas ni/ /slar yang blo ldan sngags 'di yis
thams cad bdag nyid can du bya/ /aoM sarba ta thA ga ta kA ya wA ka tsit+ta badzra swa b+hA wa At+ma ko haM/ de ltar byin brlabs bdag nyid ni/ /zla ba'i dkyil 'khor dbus gnas par/ /mtshan ma drug dang yang dag ldan/ /dam tshig sems dpa' bsam par bya/ /snying ga'i dbus gnas phra
mo ni/ /ye shes sems dpa' rnam par bsgom/ /ting 'dzin semS dpa' zhes bya ba/ /hUM yig de yi snying gar dgod/ /de ltar sems dpa' gsum bdag nyid/ /rnal 'byor chen por bdag bskyed nas/ /cho ga'i sbyor pa 'di yis ni/ /phyag rgya bsgrub pa brtsam par bya/ /rme sha can ni bdag
nyid che'i/ /bu mo autpal mthing ka yi/ /'dab ltar sngo sangs mig yangs ma/ /gzugs dang lang chos brgyan brnyed nas/ /bsgrub pa po la gus mnyes gshin/ /legs par bslabs pa blangs nas su/ /aoM yig mgo bor bsam par bya/ /ahUM yig snying gar bsam bya zhing/ /lte bar swA dang rkang gnyis hA/ /spyan dang mA ma ki dang ni/ /de bzhin du ni gos dkar mo/ /sgrol ma yang ni sngags pa yi/ /sa la sogs pa rnam par dgod/ /lha mo gzugs kyi rdo rje sogs/ /de nyid la ni rnam bsam zhing/ /sa
snying la sogs de rnams dang/ /snyoms par 'jug par bsgom par bya/ /lag g.yas rdo rje ro langs ma/ /g.yon par gzhan gyis mi thub ma/ /de yi khar ni khro gnyer ma/ /gsang bar ral pa gcig ma'o/ /gzhan yang dpung pa g.yas na yum/ /sna tshogs rdo rje de bzhin
gshegs/ /g.yon du sna tshogs rin chen ma/ /phyag rgya rab tu bsgom par bya/ /pus mo g.yas la gnas par yang/ /sna tshogs pad ma de bzhin gshegs/ /sna tshogs las ma g.yon pa la/ /spyi bor nam mkha' i rdo rje ma/ /rkang pa gnyis kyi mdza' ru ni/ /sa 'dzin lha mo bzhag
byas te/ /de ltar 'dus byas rnal 'byor pas/ /rdo rje pad+ma yang dag brtsam/ /sngags pas hUM yig las skyes pa'i/ /rdo rje rtse mo lnga pa bsam/ /de bzhin de rtse dbus ma la/ /aoM ni rnam par bsam par bya/ /de bzhin A'od zer lnga yis khyab bsams la/ /de 'og bsgrub pa brtsam par bya/ /aoM sarba ta thA ga ta a nu rA ga Na badzra swa b+hA wa at+ma ko haM/ rdo rje 'dzin pa'i nga rgyal legs 'chang zhing/ /hUM gi glu yis kyang ni bskyod par bya/ /rang gi byang chub sems nyid byung ba'i tshe/ /'di
ltar phaT kyi gsang sngags des brjod bya/ /phyung ba'i mthar yang sngags pa yis/ /phyogs bcur bzhugs pa'i sangs rgyas rnams/ /byang chub sems kyis mchod bya zhing/ /sngags 'di gsal bar brjod par bya/ /aoM sarba ta thA ga ta pU dza badzra swa b+hA wa at+ma ko haM/ rab
sngags yi ge las byung ba/ /rdo rje gsum gyis byin brlabs rang/ /pad+ma'i dbus su bskyod nas ni/ /slar yang zhe sdang rdo rjer gyur/ /badzra d+h+rika sngags las byung ba'i/ /mi bskyod rdo rje can bsam pa/ /mgon po ral pa'i thor tshugs 'chang/ /mi bskyod pas ni dbu rgyan byas/ /mthing
shun bzang po'i mdog ltar snang/ /sngo gnag dkar dang dmar ba'i zhal/ /rgyan rnams thams cad yongs su rdzogs/ /phyag drug par ni rnam par bsgom/ /rdo rje 'khor lo pad ma ni/ /g.yas pa'i phyag tu bsam bya zhing/ /dril bu yid bzhin nor bu dang/ /ral gri de yi g.yon du bsam/ /'di ni
thugs ka las byung nas/ /phyogs bcu rnams su gzigs nas ni/ /sangs rgyas rdzu 'phrul kun mdzad nas/ /chos kyi 'khor lo rab bskor ste/ /zhe sdang rdo rje'i gzhir gnas pa'i/ /sems can ma lus legs sbyangs nas/ /slar byon rdo rje mgon po yi/ /spyan snga ru ni 'dug pa gyur/ /sngags
pas de ni bdag nyid kyi/ /snying gar rjes su zhugs par bsgom/ /snga ma'i gzugs ni yongs su gyur na/ /zhe sdang rdo rje'i gnas la bzhugs/ /ain+d+ra ni la'i 'od 'bar ba/ /nyi ma'i dkyil 'khor dbus na zhugs/ /dpa' bo rang gi phyag rgyas 'khyud/ /rgyan rnams kun gyis rnam par brgyan/ /drag
po zhi dang 'dod chags che/ /zhal gsum gyis ni rnam mdzes pa'o/ /zhe sdang rdo rje ting 'dzin gnas/ /dkyil 'khor thams cad spro bar bya/ /dza na dzi ka sngags las rdzogs pa'i/ /gtso bo rnam par snang mdzad dbyung/ /ston ka'i zla zer ltar snang zhing/ /thor tshugs cod pan dag gis
brgyan/ /dkar dang gnag dang dmar ba'i zhal/ /phyag drug zhi ba'i gzugs can dang/ /'khor lo rdo rje pad ma dkar/ /g.yas pa rnams su rnam par bsam/ /dril bu yid bzhin nor ral gri/ /'di yi g.yon du rnam par bsgom/ /de bzhin thugs ka las byung ste/ /gti mug spyod gnas skye dgu rnamS//
yang dag sbyangs te slar byon nas/ /shar phyogs kyi ni 'khor lor bzhugs/ /ratna d+h+rika sngags las skyed pa'i/ /rin chen tog ni mkhas pas dbyung/ /zhi ba thor tshugs cod pan 'chang/ /mi bskyod pas ni dbu brgyan byas/ /ser dang nag dang dkar ba'i zhal/ /phyag drug pa ni rnam par
bsgom/ /yid bzhin nor bu rdo rje dang/ /'khor lo de yi g.yas su bsgom/ /dril bu pad ma ser po dang/ /ral gri g.yon du bsgom par bya/ /de bzhin thugs ka las phyung ste/ /nga rgyal gnas la gnas pa rnams/ /yang dag sbyangs nas lho yi char/ /rin po che yi dbus su bzhugs/ /a ro lika
sngags las skyes pa'i/ /mdza' yas rdo rje can 'byung ste/ /zhib pad+ma rA ga'i 'od/ /mi bskyod pas ni dbu rgyan byas/ /mgon por la pa'i thor tshugs 'char/ /dmar dang gnag dang dkar ba'i zhal/ /sgeg pa'i nyams dang yang dag ldan/ /phyag drug par ni rnam
par bsgom/ /g.yon pas dril bu dang bcas pa'i/ /pad+ma'i sdong bu 'dzin mdzad cing/ /pad+ma thugs ka'i phyogs gnas pa/ /g.yas pa yis ni 'byed par mdzad/ /rdo rje 'khor lo g.yas gnyis kyi/ /rin chen ral gri g.yon gnyis kyis/ /sngon bzhin 'dod chags can sbyangs nas//
rgyad kyi pad+ma la bzhugs pa'o/ /pradzrnyA d+h+rik sngags las sprul pa'i/ /sngags pas don yod rdo rje can/ /mgon po sku mdog ljang gu dbyung?/ /thor tshugs cod pan dag gis brgyan/ /ljang dang gnag dang dkar ba'i zhal/ /phyag drug 'od zer rnam par 'phro/ /ral gri sna tshogs rdo
rje dang/ /'khor lo g.yas su bsgom par bya/ /phyag g.yon rnams na dril bu dang/ /pang ljang nor bu de bzhin du/ /log pa'i ngag can sems can rnams/ /rnam par sbyangs nas slar byon te/ /de bzhin byang gi phyogs su ni/ /sna tshogs rdo rje dag la bzhugs/ /zhe sdang gti
mug de bzhin chags/ /yid bzhin nor bu dam tshig ste/ yigs ni lnga po 'di rnams nyid/ /'dod dang thar pa rab bsgrub pa'o/ /mo ha ra ti'i sngags las skyes/ /lha mo spyan ni dbyung bar bya/ /dkar zhing zhi ba'i nyams dang ldan/ /snang mdzad kyis ni spyi por mtshan/ /dkar dang
gnag dang dmar ba'i zhal/ /phyag drug par ni rnam par bsgom/ /'khor lo rdo rje de bzhin du/ /autpal dkar po g.yas rnams su/ /dril bu de bzhin rin chen dang/ /ral gri g.yon du bsgom par bya/ /de bzhin thugs ka nas phyung ste/ /phyogs bcu rnams su gzigs nas ni/ /gdon
dang nad gdung 'jig rten rnams/ /thugs rje chen pos zhi mdzad ste/ /slar byon zla ba'i dbus nyid du/ /shar gyi mtshan su bzhugs pa'o/ /dwe Sha ra ti'i sngags las byung/ /lha mo ma ma ki dbyung ste/ /autpal po'i 'dab ltar sngo/ /bzhin bzang shin tu yid du 'ong/ /gnag dang
@ 008a
sngags las skyes pa'i/ /mdza' yas rdo rje can 'byung ste/ /zhib pad+ma rA ga'i 'od/ /mi bskyod pas ni dbu rgyan byas/ /mgon por la pa'i thor tshugs 'char/ /dmar dang gnag dang dkar ba'i zhal/ /sgeg pa'i nyams dang yang dag ldan/ /phyag drug par ni rnam
par bsgom/ /g.yon pas dril bu dang bcas pa'i/ /pad+ma'i sdong bu 'dzin mdzad cing/ /pad+ma thugs ka'i phyogs gnas pa/ /g.yas pa yis ni 'byed par mdzad/ /rdo rje 'khor ro g.yas gnyis kyi/ /rin chen ral gri g.yon gnyis kyis/ /sngon bzhin 'dod chags can sbyangs nas//
rgyad kyi pad+ma la bzhugs pa'o/ /pradzrnyA d+h+rika sngags las sprul pa'i/ /sngags pas don yod rdo rje can/ /mgon po sku mdog ljang gu dbyung?/ /thor tshugs cod pan dag gis brgyan/ /ljang dang gnag dang dkar ba'i zhal/ /phyag drug 'od zer rnam par 'phro/ /ral gri sna tshogs rdo
rje dang/ /'khor lo g.yas su bsgom par bya/ /phyag g.yon rnams na dril bu dang/ /pang ljang nor bu de bzhin du/ /log pa'i ngag can sems can rnams/ /rnam par sbyangs nas slar byon te/ /de bzhin byang gi phyogs su ni/ /sna tshogs rdo rje dag la bzhugs/ /zhe sdang gti
mug de bzhin chags/ /yid bzhin nor bu dam tshig ste/ yigs ni lnga po 'di rnams nyid/ /'dod dang thar pa rab bsgrub pa'o/ /mo ha ra ti'i sngags las skyes/ /lha mo spyan ni dbyung bar bya/ /dkar zhing zhi ba'i nyams dang ldan/ /snang mdzad kyis ni spyi por mtshan/ /dkar dang
gnag dang dmar ba'i zhal/ /phyag drug par ni rnam par bsgom/ /'khor lo rdo rje de bzhin du/ /autpal dkar po g.yas rnams su/ /dril bu de bzhin rin chen dang/ /ral gri g.yon du bsgom par bya/ /de bzhin thugs ka nas phyung ste/ /phyogs bcu rnams su gzigs nas ni/ /gdon
dang nad gdung 'jig rten rnams/ /thugs rje chen pos zhi mdzad ste/ /slar byon zla ba'i dbus nyid du/ /shar gyi mtshan su bzhugs pa'o/ /dwe Sha ra ti'i sngags las byung/ /lha mo ma ma ki dbyung ste/ /autpal po'i 'dab ltar sngo/ /bzhin bzang shin tu yid du 'ong/ /gnag dang
dkar dang dmar ba ste/ /mi bskyod pas ni dbu rgyan byas/ /rdo rje 'khor lo de bzhin du/ /au dpal sngo dmar g.yas rnams na/ /dril bu rin chen ral gri phyag /g.yon na bsnams pa phyung nas ni/ /bgegs chen 'jigs pas gzir ba rnams/ /thugs rje chen pos bsrungs mdzad de/ /slar mi byon par
mdzad nas su/ /bden bral du ni bzhugs pa'o/ /rA ga ra ti'i sngags las byung/ /gos dkar mo ni dbyung bya ste/ /dmar dang gnag dang dkar ba'i zhal/ /nor bu pad ma rA ga'i 'od/ /'od dpag med bcas ral pa'i tshogs/ /phyag drug par ni rnam par sgom/ /g.yon pa dril bur bcas pa
yi/ /aud pal sdong bu 'dzin mdzad pa/ /zugs kar gnas pa'i aud pa la/ /dmar po g.yas kyis 'byed par mdzad/ /rdo rje 'khor lo g.yas dag na/ /nor bu ral gri g.yon dag na/ /bsnams pa rnam par phyung nas ni/ /nad chen rnam par zhi mdzad de/ /slar byon pad ma'i dpus nyid du/ /rlung gi
mtshams su bzhugs pa'o/ /badzra ra ti'i sngags las byung/ /yid 'ong sgrol ma dbyung byas te/ /ljang dang gnag dang dkar ba'i zhal/ /dur ba'i lo ma'i 'od dang mnyam/ /don yod pas ni gtsug tor byas/ /phyag drug par ni rnam par bsgom/ /sna tshogs rdo rje 'khor lo dang/ /aud pa la sngon po g.yas rnaMs
su/ /dril bu rin chen ral gri ni/ /brtul zhugs can gyis g.yon du bsam/ /de bzhin sems can kun dbang mdzad/ /sna tshogs rdo rje'i gdan la ni/ /phyung 'di slar yang byon nas su/ /zhi pa'i gnas su zhugs pa'o/ /rim pa gnyis par rnal 'byor pas/ /gzugs rdo rje la sogs pa dbyung/ /me yi
mtshams su dgod bya ba/ /lha mo yid 'ong gzugs rdo rje/ /zhal gsum phyag drug dkar ba ste/ dbu rgyan rnam par snang mdzad dpal/ /gnyis kyis me long 'dzin pa ste/ /lhag ma gti mug dga' dang mtshungs/ /bden bral du dgong lha mo ni/ /sgra yi rdo rje phyag drug ma/ /zhal gsum sku mdog
ser mo ste/ /dbu rgyan rin chen 'byung ldan yin/ /phyag gnyis pi wang gis 'brel zhing/ /lhag ma mA ma ki dang mtshungs/ /rlung gi gnas dgod lha mo ni/ /dri yi rdo rje phyag drug ma/ /zhal gsum sku mdog dmar mo ste/ /'od dpag med dang thor tshugs 'chad/ /phyag gnyis kyang ni dung gis 'brel
lhag ma gos dkar mo dang mtshungs/ /dbang ldan du dgod lha mo ni/ /ngo yi rdo rje phyag drug ma/ /zhal gsum sku mdog ljang gu ste/ /dbu rgyan la ni snga sgra can/ /phyag gnyis na ni ro yi snod/ /lhag ma sgrol ma'i rnam pa yin/ /rdo rje sems dpa' legs
mkhyud ste/ /'khor lo'i dbus na rnam bzhugs pa'i/ /reg bya rdo rje bsam bya ste/ /zhal sogs bdag po lta bu'o/ /rim pa gsum pa'i shar gyi ni/ /skam bur brtul zhugs can gyis dbyung/ /maiM thlI? sa bon las rdzogs pa/ /byams pas yi snying po dag /aoM gyi sa bon dag las
byung/ /phyag na rdo rje mkha' snying po/ /lho yi phyogs kyi snam bu la/ /sngags pas go rims ji bzhin du/ /aoM dang hUM las yang dag byung/ /'jig rten dbang phyug 'jam pa'i dbyangs/ /'di dag nub tu dbyung bar bya/ /byang phyogs su yang dbyung ba ni/ /aoM dang saM gi sa bon skyes/ /sgrib
sel kun tu bzang por bcas/ /'di rnams dbu rgyan rang gi mgon/ /sku mdog la sogs de dang mtshungs/ /phyag dang mtshon cha dag kyang slar/ /rang gi bdag po rnams dang mtshungs/ /byams pa 'ba' zhig g.yas pa na/ /klu shing me tog rnam par bsnams/ /'di rnamS
sems can rnams kyis ni/ /skye mched rnams ni rnam sbyangs nas/ lha yi spyan sogs rtsol ba po/ /slar byon gdan rnams la bzhugs pa'o/ /ya mAn+ta k+tita sngags las gyur/ /sngags pa gshin rje mthar byed dbyung/ /gnag dang dkar dang dmar ba'i zhal/ /me 'phro 'thabs?
bo kun nas 'khrigs/ /dbyug pa rdo rje 'khor lo ni/ /phyag g.yas rnams na bsnams de bzhin/ /thugs kar sdigS mdzub zhags pa dang/ /dri bu dag? sta g.yon rnams na/ /dbang po la sogs tshogs kyang bcas/ /mi bzad bgegs rnams skrag mdzad cing/ /pad+ma nyi ma mnyam
gnas nas/ /shar gyi phyogs su bzhugs pa'o/ /pradz+nyAn+ta krita sngags las byung/ /rin chen 'byung ldan dbu rgyan can/ /sku mdog dkar zhing sprul gyis brgyan/ /gzhan gyis mi thub sngags pas dbyung/ /gsus khyim che zhing spyan gsum pa/ /dkar dang gnag dang
dmar ba'i zhal/ /mche gcigs shing rnam par gnyer/ /me 'phro 'thibs po kun nas 'khrigs/ /rdo rje dbyug pa ral gri ni/ /g.yas kyi phyag rnams na bsnams shing/ /snying gar sdigs mdzub zhags pa dang/ /dril bu dgra sta g.yon rnams na/ /mi band+ha? bgegs ni skrag par mdzad//
g.yon rkyang ba yi go ma stabs kyis/ /pad ma nyi ma mnan nas ni/ /gshin rje'i phyogs su de bzhugs so/ /pad man+ta krit sngags las byung/ /rta mgrin sngags pas dgyur? ba? bya/ /spyan gsum pad+ma rA ga'i 'od/ /dmar dang gnag dang dkar ba'i zhal/ /zhal rtsub gsus khyam che ba dang/ /'od
dpag med pa'i cod pan can/ /dpa' ba g.yon rkyang ba yis gnas/ /me 'bar tshogs ni rnam par 'khrug/ pad ma ral gri gtun shing ni/ /g.yas kyi phyag rnams na bsnams shing/ /snyems ba dang bcas dril bu dang/ /dgra sta zhags pa g.yon rnams na/ /pad ma nyi ma la gnas
te/ /phyogs bcu dag tu gzigs nas ni/ /klu rnams skrag par mdzad nas su/ /chu bdag phyogs su bzhugs pa'o/ /bag+h+nIn+ta krita sngags las byung/ /rnga sgra yi ni cod pan can/ /autpal sngon po'i 'dab ltar ljang/ /bdud rtsi thabs sbyor dbyung bar bya/ /sngo dang dkar dang dmar ba'i zhal/ /
zhal gdangs pa yi rnam par 'gyur/ /gsus khyim che zhing spyan gsum pa/ /dmar po 'bar bas rnam par brgyan/ /sna tshogs rdo rje 'khor lo dang/ /gtun shing yang ni g.yas rnams na/ /de bzhin sdigs mdzub zhags pa dang/ /dril bu dgra sta g.yon na bsnams/ /bgegs rnams
skrag par mdzad nas su/ /g.yon brkyang ba yi gom pa'i stabs/ /pad ma nyi nang? mnyam btsugs nas/ /lus ngan phyogs su bzhugs pa'o/ /rang sngags yi ge las byung ba/ /mi g.yo ba yang dbyung bar bya/ /spyan gsum ain+d+ra ni la'i mdog/ dbu? brgyan rnam par snang mdzad dpal
mche ba rnam par gtsigs pa'i zhal/ /gnag dang dkar dang dmar ba'i zhal/ /mi bzang ha ha zhes bzhad sgra/ /gsus khyim che zhing stobs po che/ /ral gri rdo rje 'khor lo ni/ /g.yas kyi phyag rnams na ba snams shing/ /sngags mdzub dang ni dgra sta dang/ /zhags pa g.yon
gyi phyag rnams na/ /bgegs dang rims sogs bcom nas ni/ /g.yon brkyang ba yi gom pa'i stabs/ /pad ma nyi mar mnyam btsugs nas/ /me lha'i phyogs su de bzhugs so/ /rang sngags yi ge las rdzogs pa/ /brtul zhugs can
gyi 'dod rgyal dbyung/ /dpa' bo ain+d+ra nI la'i 'od/ /rin chen 'byung ldan dbu brgyan can/ /gnag dang dkar dang dmar ba'i zhal/ /gsus khyi che zhing 'jigs su rung/ /phyag gnyis rdo rje hUM mdzad kyi/ /phyag rgya dag ni 'chang bar mdzad/ /rdo rje ral gri g.yas dag gis/ /g.yon
pa zhags pa lcags kyu'o/ /bgegs 'jigs byed pa bden bral du/ /g.yon brkyang ba yi nyi mar bzhugs/ /rang sngags yi ge las byung ba/ /brtul zhugs can gyis dbyug sngon dbyung/ /spyan gsum sprin sngon lta bu ste/ /'od dpag med pa'i dbu rgyan can/ /sngo dang dkar dang dam pa
ba'i zhal/ /gsus khyim che zhing 'jigs pa bskyed/ /dbyug pa ral gri 'khor lo ni/ /g.yas kyi phyag rnams na bsnams shing/ /snying gar sdigs mdzub zhags pa dang/ pad ma dgra sta g.yon rnams na/ /yams dang 'tshe ba'i 'jigs bsal nas/ /g.yon brkyang gom
stabs gnas pa yis/ /pad+ma nyi mar mnyam btsugs te/ /rlung lha'i phyogs su bzhugs pa'o/ /rang sngags yi ge las byung ba/ /rnga sgra yi ni dbu rgyan can/ /stobs po che ni sngags pas dbyung/ /autpal sngon po'i 'dab 'dra'i 'od/ /gnag dang dkar dang dmar ba'i zhal/ /
spyan gsum 'jigs pa'i sgra dang ldan/ /yan lag thams cad sbrul gyis brgyan/ /gsus khyim che zhing 'jigs su rung/ /dbyug pa ral gri 'khor lo ni/ /g.yas kyi phyag rnams na bsnams shing/ /snying gar sdigs 'dzub zhags pa dang/ /pad+ma dgra sta g.yon rnams
na/ /mkha' 'gro la sogs 'jigs pa 'joms/ /g.yon brkyang goms pa'i stabs kyis te/ /pad ma nyi mar mnyam btsugs nas/ /dbang ldan phyogs su bzhugs pa'o/ /rang sngags yi ge las byung ba'i/ /gtsug tor 'khor los bsgyur ba dbyung/ /mkha' ltar sngo sangs
drag bo ni/ /mi bskyod pa yi dbu rgyan byas/ /gnag dang dkar dang dmar ba'i zhal/ /gtso bo spyan gsum gsus pa 'phyang/ /g.yas dag g.yon gyi phyag gnyis kyi/ /spyi bor gtsug tor 'dzin mdzad cing/ /rdo rje pad ma g.yas dag gis/ /sdigs 'dzub ral gri g.yon dag gis
'tshe ba thams cad rnam 'jig cing/ /g.yon brkyang goms stabs snyems pa yis/ /pad ma nyi mar mnyam gnas nas/ /tshangs pa'i gnas su de bzhugs so/ /rang sngags yi ge las rdzogs pa/ /gnod mdzes rgyal po sngags pas dbyung/ /spyan gsum nam
mkha' bzang po'i 'od/ /gnag dang dkar dang dmar ba'i zhal/ /gsus khyim che zhing gtsigs pa'i zhal/ /mi bskyod pas ni dbu brgyan byas/ /rdo rje 'khor lo rin chen ni/ /g.yas pa'i phyag rnams na dzin cing/ /snying gar sdigs mdzub zhags pa dang
par ma ral gri g.yon rnams na/ /brtan pa dang ni g.yo ba'i dug/ kA la ku Ta la sogs kun/ /bcom nas bgegs kyi bdag po ni/ /thams cad kun tu zhi mdzad nas/ /ma lus bka' ni rdzogs byas te/ /g.yon brkyang gom stabs gnas pa yis/ /pad ma nyi mar
mnyam gnas te/ /sa yi 'og tu de bzhugs so/ /lha ni sum cu gnyis rang bzhin/ /dkyil 'khor thams cad phyung nas ni/ /'khor lo'i dbus su gnas gyur nas/ /de nas phra mo'i rnal 'byor brtsam/ /sna yi rtse mor nyungs kar bsams/ /nyungs kar rgyu dang mi rgyu ba/ /ye shes
gnas ni nyams dga' ba/ /gsang ba'i ye shes brtags pa bsgom/ /rin chen chen po kha dog lnga/ /nyungs kar gyi ni 'bru tshad tsam/ /sna yi rtse mor nan tan du/ /rnal 'byor gyis ni rtag tu bsgom/ /rin chen brtan par gyur na spro/ /brtan par ma gyur yong mi
spro/ /sangs rgyas 'bar ba mnyam pa'i 'od/ /rab mchog sprin rnams spro bar bya/ /slong mo za zhing mi bzlas te/ /bslangs la dga' bar yang mi bya/ /'dod pa kun la longs spyod cing/ /sngags kyi yan lag dbyer med bzlas/ /brjod nas rdo rje spro bya zhing/ /rdzogs nas
rab tu bsdu bar bya/ /'di ni sangs rgyas thams cad kyi/ /don dam pa yi bzlas par gsungs/ /phra mo'i rnal 'byor bzlas pa yang/ /rnam gnyis ci 'dod byas nas su/ /slar yang sngags pas bdag nyid ni /de bzhin nyid la gzhug par bya/ /de nas
dkyil 'khor gnas lha mo/ /gzhi yis bdag po ma mthong nas/ /tshigs su bcad pa 'di bzhi yis/ /bde ba chen po sad par byed/ /sems can khams ni gnas kyi dbang phyug khyod ni rdo rje'i thugs/ /dga' ba yid 'ong don chen 'dod pas bdag la skyabs su gsol/ /mgon
pos gal te de ring bdag ni gson par mchis bzhed na/ /sems can yab gnyen mchog chen bdag la dgyes par mdzad du gsol/ /rdo rje'i sku khyod bka' yi 'khor lo sems can mang por phan/ /sangs rgyas rnams don byang chub mchog don phan pa rjes bstan pa//
mgon pos gal te de ring bdag na gson par mchis bzhed na/ /chags pas 'dod chags dam tshig bdag la dgyes par mdzad du gsol/ /khyod ni rdo rje'i gsung ste kun la phan zhing thugs rtse ba/ /'jig rten dag gis dgos pa'i don mdzad pa la rtag tu brtson/ /mgon pos gal te
de ring bdag ni gson par mchis bzhed na/ /rab dga' i spyod pas kun tu bzang po bdag la dgyes par mdzod/ /khyod ni rdo rje'i 'dod pa dam tshig mchog gi phan don che/ /rdzogs sangs rgyas kyi gdung mchog mnyam nyid rjes su thugs brtse ba/ /mgon poS gal te de ring bdag ni gson
par mchis bzhed na/ /yon tan rin chen mang po'i gter gyur bdag bzhin gshegs rnams bstod par mdzad/ /mi bskyod rdo rje ye shes bslang ba'i mgon po la/ /mi bskyod la sogs ngo bo yi/ /de bzhin gshegs rnams bstong par mdzad/ /mi bskyod rdo rje ye shes che/ /rdo rje dbyings ni mkhas
pa che/ /rdo rje gsum mchog dkyil 'khor gsum /gsang ba gsung khyod phyag 'tshal lo/ /rnam par snang mdzad dag pa che/ /rdo rje zhi ba dga' ba che/ /rang bzhin 'od gsal chos rnams ni/ /ston mdzad rdo rje khyod phyag 'tshal/ /rin chen rgyal po rab tu zag?/ rdo rje nam mkha' dri med mkha' / /rang
bzhin dag pa gos pa med/ /gsang ba gsungs shig khyod phyag 'tshal/ /rdo rje dpag med rgyal po che/ /mi rtog nam mkha' rdo rje can/ /'dod chags pha rol phyin pa bsnyes/ /rdo rje gsung khyod phyag 'tshal lo/ /don yod rdo rje rdzogs sangs rgyas/ /bsam pa thams cad yongs rdzogs mdzad/ /dag
pa ngo bo nyid las byung/ /rdo rje sems dpa' khyod phyag 'tshal/ /sangs rgyas kyis bstod de nas 'khor lo mnyes mdzad ste/ /gsang ban chog ni ji lta ji bzhin dang gsal byas/ /rang gi lus kyi 'khor po la ni 'khor lo bzhug /mgon po bde ba chen po gcig pu bzhugs par gyur/ /de ltar rnal 'byor bde
byed rnal 'byor las/ /hUM yig snying por 'jig rten rab tu bsgom/ /de byung 'gro ba rdo rje sems dper blta/ /langs nas de'i blos ji bzhin dpyad par bya/ /sngags pa ting 'dzin la dmigs pas/ /gang tshe lus ni skams 'gyur na/ /lus ngag yid ni tsam byed pa'i/ /sbyor ba 'dini bsgom par
bya/ /mtho gang tsam gyis spags bar ni/ /mgo bor dkyil 'khor brtag par bya/ /aoM yig dbus su gnas bsam nas/ /bdud rtsi lnga pa dbab par bya/ /rdo rje sbyor ba 'di yis ni/ /? cig gis cig ? can 'gyur/ /lus dang ngag sems bder gnas par/ /'gyur bar
'di ni the tshom med/ /de ltar slob dpon sngags pa yi/ /sbyar zhing rtogs bya de bzhin du/ /lkog ma snying ga legs sbyangs nas/ /de bzhin gshegs rnams tshim par bya/ /hUM yig gis ni legs sbyangs la/ /yi ge Abzas sbyar ba'o/ /dang po mgrin par dud? bsams te/ /der ni h+ri las byung ba yi/ /pad ma 'dab ma brgyad ba bsgom/ /lte ba'i steng du yi ge hUM/ /hUM yig las skyes rdo rje tshe/ /rtse mo lnga ba rnam par bsgom/ /rtse mo dbus ma'i rtse mor aoM/ /rnam bsam lkog ma sbyar ba'o/ /sprin gyi sgra ni snying
gang? bsgom/ /rtse gsum me ni de las spro/ /der ni bza' ba sbyin bsreg bya/ /'di ? nang gi sbyin bsreg yin/ /rlung gis me ni 'bar bar byed/ /nges kyang chu ni 'ched par byed/ /dbang chen dkyil 'khor dang ni gnas/ /gang du kun tu rgyu ba yi/ /bsreg bya bza' btung gang cung zad/ /de dag
thams cad chu yis ni/ /bza' btung kha yi pad ma yis/ /snying ga'i pad mar yang dag gzhug /lte ba'i pad mar phyin rjes la/ /kha sbyar byed pa'i sbyor ba las/ /gsang lam pad ma las thon nas/ /thal ba'i
mthar ni rnam par bstan/ /rgas pa med cing nad kyang med/ /dug la sogs pas mi 'chi zhing/ /'di ni dus min 'chi mi 'gyur/ /'tshe ba thams cad rnam 'jig pa'o/ /rdo rje phreng bas dpal mchog srubs shing gis/ /'dus pa chu gter
zab mo bsdubs pa las/ /bsgrub pa'i yan lag bdud rtsi gang thob des/ /'jig rten mdza' dag 'chi med nyer thob shog /bsdus pa'i rim bsgrub thabs/ slob dpon chen po dpal klu sgrub kyi zhal snga nas mdzad pa rdzogs so// //
rgya gar gyi mkhan po A tsarya sh+rad+d+ha ka ra warma dang/ zhu chen gyi lo tsa ba ban de rin chen bzang pos bsgyur cing zhus te gtan la phab pa'o/ /slad kyi rgya gar gyi mkhan po bla ma rje btsun rdo rje 'chang chen po re ben+t+ra'i zhal snga nas/ chag lo tsa ba dge slong chos
rje dpal gyis ma g+ha d+ha'i dpe ltar legs par bcos shing gtan la phab pa'o/ / //shu lo ka sum brgya dang sum cu bzhugs so// //dpal gsang ba 'dus ba'i man ngag rim pa lnga pa zhes bya ba bzhugs sho// //
rgya gar skad du/
CLOSE WINDOW