བོད་ཡིག

e-texts based on the ACIP/ALL Input

/ //bcom ldan 'das dpal rdo rje sems dpa' la phyag 'tshal lo/ /rang gi lha la phyag 'tshal nas/ /phyag bya'i rnal 'byor 'dod pa'i phyir/ /lung dang man ngag rjes 'gro ba/ /bskyed pa'i rim pa dgrol bar bya/ /sgyu 'phrul dra ba'i dkyil 'khor du/ /phan nus bco lnga thob byas te/ /sngon du dpung bskyed phyi nang gi/ 'brel gcad shes bya yang chub par/ /gang gi rkyen rigs ci rigs bsdu/ /phyi bzhin bde ba'i yan lag bya/ /'du 'dzi g.yeng ba'i rdung mtshams dag/ dur rkun shugs kyis dor bar bya/ /sems can ma lus thams cad la/ /snying rje'i thag ba ma chad bar/ /bu gcig 'dra bar blo bzhag ste/ /ma bral gdung bas sbyab par bsam/ sngon du yo byad ltag pa lnga/ /song bas bkra shis lo rgyus ldan/ /tsha grang mnyam zhing nye ring spangs/ /gsum spangs gsum ldan rna nyan med/ /'tshe bas mi tshugs yid dang zhing/ /mun dang snang bdan pa btsal/ /des der 'dod bzhin 'tshams par bya/ /me lang ngos ltar byas ba der/ /bsrung phyir byugs bdug tshul bzhin te/ /lha ba lhub bri zhing brtan bzhugs bya/ /shar nas chu lha'i phyogs ltas te/ /khru gang maN+Dal gyi ngor can/ /steng du 'ba' li a mri ta/ /bzhag ste ba pi ra stan la 'dug /gzhon nu ma yig du bu ltar/ /gcig bu rgyu bas myur nyid du/ /byang chub chen po 'dod pa yis/ /bya ba'ang che chung rjes su 'gro/ /de la rim par mos bya ba'ang/ /snying la ri bor can steng du/ /jo las 'dod kyis bla ma dang/ /rigs snga de rigs 'dzin pa rnams/ /drangs te gang yin rten nyid la'o/ /de blar bla ma gnas byas te/ /sams dpa' rigs bzhi 'khor du yang/ /byas te dbang po nyid du bsam/ /de la yan lag bdun rdzogs nas/ /yongs gyur 'ang bsdus bdag sbyangs te/ /hUM zhes las gyi sems dpar bskyed/ /de nas byin gyis brlab par bya/ /bdud rtsi chu bdag sa bon gyis/ /sbyangs te bdud rtsi rgya mtshor bskyil/ /mtheb srin nyi zlas h+ri bzung la/ /dgug pa'i sngags brgya rtsa brgyad du/ /bzlas te nam mkha' bdud rtsir bsdu/ /ji ltar mos snang bsam pa bya/ /nyi zla yig gnyis der thim nas/ /nyams sgrib bsal zhing b+ha li ma bsang/ /mi mthun phyogs la gtor byas na/ /drag po gtum bo'ang lhan ner 'gyur/ aoM A:hUM sarba panyca a mri ta hUM h+ri tha/ aoM bi shud d+he a mri ta hUM phaT/ aoM d+harma a mri ta hUM phaT/ aoM badzra a mri ta kunDa li ha na ha na hUM phaT/ de nas hUM AMma la ni/ ba la ba ti gu hya sa ma ya swAhA/ zhes brjod de/ nam mkha' gang ba'i lha mor bya'o/ /bdag dang bdag gi gzhan rnams ni/ /shin tu mi dmigs dbyings su bsgom/ /de nas bdag dang 'gro ba rnams/ /ma 'gags gnyis ming snying rje bsam/ /shin tu dman pas de bzhin nyid/ /bdag gi dngos po hUM du bsam/ /bri yi mig gis bltar yong bar/ /yang nas yang du 'dris pa dang/ /'od zer gang po 'phro bar bya/ /phyogs bcu dus bzhi gang ba dang/ /slar yang hUM la bstim pa bya/ /hUM nyid mi dmigs dbyings su thim/ thim gyur dbyings nas a dkar 'bar/ /thams cad ar ni gyur par bsgom/ /de bzhin nyid du 'dris gyur par bsgom/ /de bzhin nyid du 'dris gyur nas/ /a las nyi ma'i dkyil 'khor du/ /am gsal bar 'byor gyur nas/ /nyi zla gang ba sgril bar bsgom/ /h+ri gsal pad+ma chags med bsgom// rin chen 'bar ba'i gzhal yas khang/ /nyi zla gdan dang gzhal yas khang/ /thams cad 'dus shing 'phra bar bsgom/ /'od 'phros dbyings su slar bsdus nas/ /de dkyil yi ge hUM gnas par/ /mthing kha mtsher la gsal ba yi/ /'od zer 'phros pas rnam par bsgom/ /'od 'phros dbyings su slar bsdus nas/ /shin tu rdo rje phra bar bsgom/ /rdo rje 'od 'phros gsal 'bar nas/ /dbyings su yang ni bstim par bya/ /de nyid sems dpa' i skur gyur nas/ /shin tu 'phra? zhing 'dus par sgom/ /de bzhin med pa gsal gyur nas/ /sku gcig rdo rje dril 'bar sgom/ /de bzhin nyid du gyur pa dang/ /dbu gsum phyag drug nyid du bsgom/ /gang bsgoms yi ge so so las/ /bskyed de snga ma ji bzhin bsam/ /spyir ni gang bsgoms kun tu 'dra/ /rdo rje sems dpa' nyid du 'du/ /gang rung gnas gcig gnas gsum dang/ /gnas lnga dag tu bya ba/ gdan stengs tsit+tar ye shes sems/ /lha gsum rigs lnga'i dbang ldan bya/ /ka la bak sogs gsum brgyad bsngags/ /brjod dbyin dbang nga rgyal bya'o/ /sa mdza/ e hya hi/ se gol gyo ga ta yi rgyas/ /byon la ma rag gshegs par bya/ /rje:hUM baM ho:sa bstims brtan la/ /mched pa kun bzang rnam lnga dang/ /rnam gnyis 'byor pa dbul bar bya/ /che ba'i yon tan brjod byas te/ /dus gsum 'phags la bzod par gsol/ /gang yin yab yum rtsa bas mchod/ /gsum dang lnga la rang sngags brjes/ /ma hA pany+tsa a mri ta/ kha hi brjod pa shin tu shis/ /'bru gsum rim par gnas blangs te/ /'phro 'du rdo rje gsum thob pas/ /nga rgyal chen pos skyed pa'i phyir/ /ka ya bkra sogs sngags kyis bskul/ /aoM A:hUM/ pu ra to sa po ka ma la ma le badzra/ a mri ta/ ha ran pra ti tsa/ b+ha ga wan?/ dza:hUM baM ho:/ a la la ho:/ pa na pe na/ se nu su ra to/ ti bu pa ra mur sarba ta tha ga ta si ta 'u/ sa ma yo ta mu/ sarba mahA su hi sa ti'u zhes brjod/ de nas lha la lha 'am/ chos nyid ye shes rol bar dbul/ /de nas ye shes gnas bcas par// mdun du phye la rang sngags gyis/ /bzlas ba skyon bcu spangs pa yis/ /gsal ba gsum dang ldan par bya/ /dang po gsum dang bar thugs dang/ /tha ma phra mo sku 'phro 'du/ /yang na rdo rje bzlas pa 'am/ /yang nam mkha' zhal 'du 'phro bya/ /srog ldan bzlas pa bskyed pa dang/ /thun mong nyid dam ba zlas sngags shis/ /'du 'phro bdag gi gnas thim nas/ /bstod de yongs gyur bdag la bsdu/ /byin dbang dngos grub thob bsams la/ /go bag lus bsrungs tshul bzhin bya/ /spyod lam 'gro nyal 'dug longs spyod rnam bzhi nang gi sbyin bsreg bya/ /de grol yang na 'di ltar spyad/ /gong bsgoms nyid dam gzugs sgra dri/ /ro reg chos yul lha mo drug/ dkar ser sngo dmar ljang dkar mo/ /gzugs mdzes bi wang pog por can/ /mkhar gzhong ros gang lha'i gos/ /rdo rje las mtshan dar mo ta/ / thogs pa sgo drug thim bsams na/ /thun mong zhen las de grol te/ /mthong thos ma spangs 'dzin dang bral/ /sngon tshe bcom ldan rigs lnga yis/ /mkha' 'gro sum cu rtsa gnyis po/ /slas su mdzad ces khas blangs phyir/ /lhag ma mchod sbyin bya bar gces/ /gang te mchod pa mi lcogS na/ /a mi ta'am ting 'dzin mchod/ /blo yi shes bar che chung las/ /rim pa bzhin du sgom par bya/ /yang na gcig char sgom par bya/ /rang rig lhun grub rang gsal las/ /snying po dran pas skur skyed de/ /dbang byin ldan par bsam bya ba/ /nyi zla gza' skar dus gcig tu/ /chu dkyil dang bar gsal ba bzhin/ /dbab drang bstim brtan la sogs kun/ /rjes su 'thun byas spyod lam 'bad/ /de ltar rnal 'byor gnas pa'i tshe/ /g.yo thob goms brtan mu bzhi yis/ /mig dud srin me nyi ltar 'byung/ / dang po mig rgyu dud rjes 'byung/ /'di tshe byid rgod 'gyur ba bdun/ /byid ba'ang 'dron dang dpa' byed rkyen/ mun dang rab rib bsnya bsnyo? la?/ sgom dang dran pa brten pa dang/ 'dod chags rga lam bying bar myung/ /de min ma goms dbang bsgyur bying/ /yang na stong dmigs brtson pas bying/ /'du byed rten dang grogs 'chal rgod/ /ma goms bral dang rgod pa dang/ /so sor rtog brten rgod pa 'byung/ /dbyibs dang kha dog grangs dang chad/ /cha lugs bzhugs tshul 'gyur ba dang/ /kha dog 'ba' zhig snang ba dang/ /rim par nub pa brtag par bya/ /'di tshe rgyu yang bsred bkru bcag/ yon tan bsam zhing sdong por gdags/ /dmigs pa brjed dang le lo dang/ /dogs dang btang snyoms chog mi shes/ /byung na spong ba'i 'du byed brten/ /tha mchog shes mi nyams bya/ /nub na gtso bo spyi la sgom/ /mi ldan bye brag nyid la sgom/ /du ma gcig gi gsal byed ltar/ /'gyur bas dman pas phyogs gtad gces/ /ca co 'byung rkyen yid 'phrog dang/ /'grog rga bying dgod rgyu bsten dang/ /bar bar mi mthun spyod pa dang/ mthun pa mi bsten nyams par 'gyur/ /des de thun tshor khams rab 'bring/ /rab kyi nyin mtshan thad mnyam tshod/ /'phel 'grib rim pas mnyam shes bya/ /mnyam pa'i tshad la dkar nag gi/ sum cha bar tshe thun drug bcad/ /nag po stod smad thun rer bya// 'bring gi dkar po bzhi cha las/ /thun drug nag po stod smad du /tha ma nag pos btang snyoms la/ /dkar po bzhi cha thun brgyad do/ /de dag bar bar thun bcad de/ /ma sun thun tshod gyen du spar/ /gtong tshe dal bus 'grogs thabs min/ /de bzhin 'jug pa snyoms la 'jug/ nag po tshen stod smad du/ /rab rib ma spangs 'jug mi bya/ /mi gsal yun rings 'khrug sun dbyung/ /nyams shing mi mos 'gyur ba'i phyir/ /gsal bar thung ba bar mi bcad/ /de yang 'byang rkyen ma yin pa'o/ /yang na chu tshod 'pho bas brtag/ de min grangs sam grib ma'ang rung/ /de'ang khams gcad dus dang gnas/ /shes bya spyir ni tsha drang snyoms/ /de brten me'i nad ldan pas/ /shin tu drod dang tsha ba'i tshe/ /ser kha nyid gung mtshan byed la/ /'ju ba'i tshe na de 'khrug pas// de tshe bsil ba'i zas gnas bsten/ /'phel 'grib cha yis spong zhing 'dug/ sa'i cha ldan rnal 'byor pas/ /grang zhing shin tu grang zhing pa'i/ /dbyid dang srod dang snga dro cha?/ /de 'phel ldang bas drod bsten brtsal/ /de bzhin rlung dang ldan pa yis/ /grang dang shin tu grang ba'i dus/ /sos ka tho rangs phyi dro'i dus/ /zhu rjes 'khrugs pas 'thun par bya'o/ /me tog chu ldan stong gsum tshe/ /'thun bsten dkar la sgom mi bya/ /de bas rnal 'byor mthar bya'i phyir/ /du gshad thos 'khor skyag bro zhing/ /'khrug pa sa g.yos brtag byas tshe/ /gos ba'i chog rgyas bar bya/ /de ltar 'bad pas thob pa yis/ /mun pa me khyer lta bu snang/ /de tshe me long khyad par sgrib/ /ma goms zhun du btang snyoms la/ /'dir sgrib btang snyoms ga la rung/ /'di la sngon gyi skyon 'bring cha/ /sgrib po sgra sogs rkyen cha lnga/ /sgrib pas shin tu bcos bar gces/ /de rgyus goms tshe chu klung tshul/ /mun la bstan ba'i mar me bzhin/ /brgya bzhi ba spu rgyan chan chad/ /shin tu gsal bar snang ba'i tshe/ /chog mi shes pas rtsol bas nyams/ /chod du byed rnams sgribs pa'i phyir/ /btang snyoms gnas bas thun rkyang nus/ /bstan pa'i cho ga mi dgos so/ /dran pas dus mtshungs rang gsal tshe/ /mi men mchod sogs mtshan ma mthong/ /brtan ba'i mu la nyi shar tshul/ /nyin mtshan phyed par gnas pa la/ /bdud kyi spyod yul thams cad mthong/ /shugs snang ci mthong rang gi sems/ /snang phyir de la dga' brod med/ /gnyis med don gyis chags mi byed/ /de ltar spyod pa'i rnal 'byor pa/ /tshe sgrub do lon rab mchog ste/ /'chi bdag bslu bar 'gyur pa yin/ /de phyir de la zhen par bya/ /gang zhig rkyen gyis bcad bzad pa'ang/ /'pho ba'i rnam shes lhar gsal bas/ /las ngan rgyun gcod dang po pa'ang/ /de dang 'phrad par the tshom med/ /srin bu 'ang ni sgrub pa por/ /'gyur te mar me rnam smin rigs/ /khyur dang seng ge ji lta ba'o/ /mar me 'das pa'i nyi lta bu/ /phyag rgya chen po 'das kyang smin/ / thob pas 'pho ba'i dran pa gcas/ /gal te dgon pa skyob ba na/ /kun kyang rang rig snang ba'i lha/ /ma rtog dngos la gdod nas med/ /rtog pa dran pas rang zhi ba'ang/ /dman pas grong dang grogs skyon bsam/ /dgon pa'i yon tan bsam par bya/ /bu ram mdar ba'i sgras bshad pa/ /ro ni myong bar mi 'gyur ro/ /gang zhig bu ram zos pa'i tshe/ /mngar ba'i ro ni myong 'gyur bzhin/ /ting nge 'dzin mdags pa brjod tsam gyis/ /ma sgoms grub par gal 'gyur/ /gang zhig rnal 'byor 'bang byas nas/ /des ni byang chub snying po len/ /bsgoms ba'i mi yas grags gar spyod/ /'bras bu 'grub bar 'gyur ma yin/ /de ltar yun rings rnal 'byor na/ /lus dang ngag dang sems dag dang/ /rtags dang nges bar 'byung ba yin/ /dang bo stan la bzang pa dang/ /shig dang rag pa phra mo rnams/ /mi tshor nyung dang dri mi 'byung/ /mun pa'o? skye mched choms pa dang/ /khams bde mi bde med sogs 'byung/ /ting 'dzin zas kyis 'cha bar 'byung/ /gang gi bden 'jug grub pa dang/ /gang la dmigs pa bzhin du 'grub/ /rig pa ting 'dzin gsal ba dag/ rmi lam duAng 'byung bar 'gyur/ /'gyu ba'i dbugs la dbang thob ste/ /skal bar gnas dang 'pho ba dang/ /ji ltar dga' ba bzhin du 'grub/ /mdon shes drug dang cho 'phrul bzhi/ /'byung zhing rdzogs ba nyid du 'gyur/ /de sngon skye mched rnam gsum mthad/ /tha mal bcu yang zhar la mthong/ /ting 'dzin bsgyur tu rung nas ni/ /mi lcogs med pa thob pa'i cho/ /nga ltar goms rtogs rnal 'byor des/ /zhi ltar dbang bsgyur bzhin 'grub phyir/ /mtshad ma 'byung ba'ang bsgrub pa'i phyir/ /gang ltar mos pa'ang goms la sbyong/ /ting 'dzin mthar sus byas ba yis/ /rnal 'byor chen pos mthong 'di la/ /mkha' la 'phyo dang rig 'dzin gnas/ /chu rgyun bzlog mi 'gul/ /ri brag la sogs thogs med 'dul chul mi 'bying mes mi tshig/ dug dang mtshon gyis tshugs mi 'gyur/ /mi snang ba dang mang bor sprul/ /gzhan yang ji ltar 'dod pa bzhin/ /lha srin rnams la dbang bsgyur dang/ /tshe dang dus la bsring bstung dang/ /stong gsum nyungs 'brur shod ba dang/ /nyungs 'bras stong gsum bskyed pa dang/ /ji ltar dmigs pa bzhin du 'grub/ /sbrul dang gcan gzan gdug pa rnams/ /khyi bzhin phyi bzhin 'brang bar 'gyur/ /bdud dang gdug pa la sogs pas/ /tshugs par mi 'gyur bran bzhin 'gyur/ /lus ma spangs par rig 'dzin nas/ / lus dang phung por bcas pa yis/ /tshe la dbang ba'i rig 'dzin 'grub/ /rig pa 'dzin pa'i tshe nyid kyis/ /bla med kun tu bzang bor 'gyur/ /ye shes bsod nams longs spyod kyis/ /yi ge 'khor lo tshogs mchog brnyes/ /thugs rje sprul pa'i byin rlabs kyis/ /so sor thar pa'i lam yang stong/ /de ltar 'bad de brtson byas na/ /'bras bu mngon du ma gyur kyang/ /byang chub sems la gnas bco bas/ /dper na mngal dang sgo nga yang/ /mngon du mi 'byung sgribs 'gyur yang/ /rtsal chen 'dul ba 'byung ba bzhin/ /rnam rtog gzugs ni bor ma thag/ thams cad kun la dbang bsgyur ba'i/ /rigs 'dzin dam pa 'dzin par 'gyur/ /rdo rje sems dpa' dang mnyam pa'i/ /dngos grub mchog rnams yongs su rdzogs/ /bde ba can gyi zhing yang 'thob/ /byang chub mchog la rol bar 'gyur/ /lha mi rnams kyi ston pa po/ /lus dag sems la dbang thob nas/ /ji ltar dmigs pa bzhin du 'grub/ /tshad med bzhi la dbang byed 'gyur/ /bde ba'i ro mchog kun la spyod/ /skye rgan 'chi med sogs pa'i/ /sdug bsngal zad pa'i go 'phang thog/ rang sems ma nges cir yang snang/ /de phyir ye shes rgyu yin phyir/ /gang bsgoms ming du ma bsgyur yang/ /gang bsgoms de ltar de brtas na/ /bsrings nas brtson pas gang 'dod de/ /mngon gsum dga' bar red par 'gyur/ /yi dam lha yi mtshan nyid ni/ /de bzhin gshegs pa thams cad kyi// lha spangs dge spyad don med 'gyur/ /dam tshig bsrungs dang sngags bzlas dang/ /phyag rgya rgyun mi bcad pa bzhi/ /brtson 'grus che zhing brtan par bzung/ /rnal 'byor brtson 'grus chung gyur na/ mi 'grub nyen yang che bar gsungs// ji ltar ral gri so la nan tan du/ /skyes bu'i myur du ma bzung na/ /nges par lag pa gcod par 'gyur/ /de bzhin nan tan med pa'i gsang sngags pa/ /'chi 'am yang na 'bras bu med bar 'gyur/ /de bas bar chad rtson med na/ /dper na sa bon tshig ba la/ 'bras bu 'dod pa dang 'dra ste/ /grub pa'i 'bras bu med par 'gyur/ /mi khom 'khor bar brgyud par 'gyur/ /sngags 'chad bsal por rtogs bya ba/ /sngags shes rab tu bsgrags pa ni/ /don dam kun rdzob dbyer med pa'i/ /mnyam pa'i dkyil 'khor chen po ru/ sku gsung thugs kyi yi ge aoM/ /de la sogs pa'i yi ge lte/ /phyag rgya chan po'i mtshan nyid ni/ /phyogs bcu dus bzhi gshegs pa yi/ /sku gsung thugs dang yi ge lnga/ /bdag dang dbyer med phyag rgya tshe/ /gsal la brtan pa'i yon tan ldan/ /yid bzhin ma chags dbang bsgyur te/ /goms shing brtan bar bya ba yin/ /rnal 'byor las su rung rnams kyis/ /phyag rgya chen po rdzogs 'gyur cing/ /gsang ba yid gnyis med pa na/ /dkyil 'khor chen po 'bang bar 'gyur/ /lha'i sku ni gsal bsgoms na/ /bsod nams gzugs sku 'thob par 'gyur/ /de nyid chu zla'i tshul shes na/ /ye shes tshogs chen thob bar 'byung/ /de phyir 'di tshe? phyi chos spyod bcu'i/ /gcig cha blangs te gzhan dor bya/ /lkug pa'i brtul zhugs spyad bar byos/ /gnyid chad le lo bcos brda bsrung/ /'di ltar ston pa'i bla ma de/ rgyal yum rigs 'dzin yab yin phyir/ /lus la dbang ba'i rgyal po bas/ /shin tu lhag ba'i bkur sti bya/ /drin chags bskyed ba'i pha ma bas/ /shin tu gtso bor blang bar bya/ /tsho 'di tsam gyi sdug bsngal gyis/ /bla med byang chub thob ba'i phyir/ /sbyo dang sdug bsngal bzod par bya/ /btang snyoms tsam gyi tshul bzung min/ /dang po nas bzung rdzogs bar du/ /dam ba de la ma ltos par/ /rang gang spyad bas 'grub ba ni/ /ma byung mi 'byung 'byung mi 'gyur/ /de phyir long spyod lngas mtshon phyir/ /snying gi mchog ni thob par bya'o/ /don 'dir sbyin ba'i rim pa'ang snod/ /yid bzhin mdzod 'byor bka' gnas/ /phyi nang theg pa bstan bcos dang/ /stong phrag brgyad cu rtsa bzhi rnams/ /spyad dang sgom dang bzlas pa dang/ /sdom pa kun la mkhas pa yis/ /bsgom pa'i sran dang chos phyogs dang/ /bstan par 'dzin par nus pa yi/ /gsang ba'i snying po mchog tu gtad/ /gzhan la bsnyad bar ma yin no/ /mi 'khrugs blo zab rkyan thub cing/ /yid bzhin sbyor bas mos pa la/ /rtsa ba yan lag dam tshig bstan/ /zla dang bcas pas dam tshig ste/ /sbyor ba gnyis ka mkhas pa dang/ /lung dang tshad du ldan thub dang/ /gzhan la bsnyad par ma byed cig /bstan pa mchod par byed pa bo/ /nye ba'i bsnyen ba dam tshig la/ /bsgrub ba bsnyen ba nye bsnyen ba/ /ci nus bar ni shin tu brtson/ /sems can dang tshul kun bor nas/ /gang gi yid kyang mi 'khrug cing/ /mchod pa stobs la tshogs la rug? / bud med 'gugs pas gtso la 'bul/ /bzung thub gsang la mkhas pa yis/ /nges ba can la shin tu gtang/ /gzhan du bstan par mi bya'o/ /bud med dang ldan dam srun cing/ /blo rno dad che chos la gus/ /chags par na par bka' nyan cing/ /gnas la dga' zhing lung nyan la/ /rtsa ba yan lag dam tshig bsgrub/ /mchod pa'i gnas shom sdom pa bsrung/ /rigs nges dbyo bzod yon tan ldan/ sed sna spangs la shin tu gtad/ /bud med yon tan kun yod kyang/ /thog med phyal par 'dod pa spyod/ /'dod chags kun dang 'thun sbyod la/ /rtsa ba dang du blang ba dang/ 'tsham bar lha yi sku bstan te/ /nye bsnyen gsal ba'i man ngag rnams/ /nams kyang sbyin par mi bya'o/ /de la sbyor stangs de bstan nas/ /gzhan du bstan par ma gsungs so/ /dam tshig mi ldan spyod ba rtsid/ /bting nas bstan pa mi 'dzin pa/ /'dod chags spel bar mi byed cing/ /nges pa'i don ni mi ston la/ /dbang dang bslab pa'i rim pa rnams/ /rim par 'tsham par rab tu sbyin/ /gnas ngan pho mo 'dod sbyong? na/ /spro thung 'dod chags rab tu che/ /blo zhan phrag dog sgro skur can/ /gnyid che chang dang brtson 'grus chung/ /slab la mi gus nan tan med/ /slob dpon mi dran sbun sems chung/ /gal te dam la gnas na yang/ /gsang sngags dam pa 'dzin pa la/ /mngon du dga' bar mi nus te/ /blta zhan bka' las 'das pa dang/ /'grol bar dka' zhing nus mthu zhan/ /mun dang rkog dang skye bo la/ /gar dben 'phrad bar 'dod par spyod/ /'dod chags dga' lam de dag la/ /dngos kyi don dang mthun pa las/ /gsang pa'i snying bo sbyin mi bya/ /skal pa'ang 'jig rten par dag tu/ /thugs kyi bde ba mi spro zhing/ /nams kyang bstan par mi bya'o/ /dper na gru gang chu klung gis/ /pha rol 'gro ba'i sems can dang/ rtswa dang shing la sogs bsdus te/ /chu las brgal ba'i gzengs bcas nas/ /de las 'jug ste legs brgal nas bor de bde bar 'gro bltar/ /de bzhin 'khor ba'i pha rol gyi/ /chos kyi mal ni skyed byas la/ /chos dang chos min rnam spangs nas/ /byang chub bde ba thob pa bzhin/ /zab mo yi ni chos spel to/ /de bzhin gshegs pas gsungs lam nas/ /sngags rig rnam rtog ma byed cig / rnal 'byor gcig don khong chud nas/ /dben par song ste sgom byas nas/ /sdig pa kun las rnam grol zhing/ /tshe 'di nyid las sangs rgyas kyi/ yon tan rnam pa mang po 'thob/ /rin chen gser gling gru brgal len la chu srin nya ming dag/ /'byung 'joms dod dang na? mkhas pas gnyen pos bzlog nas gter blangs nas/ /dbul bral lta bur 'khor ba'i rgya mtshe ting 'dzin gru brgal nas/ /bdun gter len dgra 'joms byed de bul sel 'di bsdus yongs la bsngo/ /phyag rgya bzhi pa'i bsam gtan rdzogs so// //*/ /khro bo phyag rgya gcig bzhugs dpal he ru ka la phyag 'tshal lo/

CLOSE WINDOW