བོད་ཡིག

e-texts based on the ACIP/ALL Input

/rgya gar skad du/ de ba shAn ti nA ma tan tra/ bod skad du/ zhi ba'i lha rgyud zhes bya ba/ dpal kun tu bzang po rdo rje sems dpa' la phyag 'tshal lo/ /skyes bu dam pa gang dag gis ni nges dgongs pa/ /gang la dgongs pa gang gis nges par 'grel pa ni/ /skye med chos las skye ba'i cho 'phrul mang snang zhing/ /thugs rjes zhing 'dul cho 'phrul bdag la phyag 'tshal lo/ /skye ba med las thams cad skyes shing skyes nyid skye med dang/ /bdag gzhan kun rtog dbang gi 'khor la snying rje mchog gi sems/ /skyed par gsungs pa'i lung la bsten te nges don snying po la/ /dgongs shing gsungs mdzad lha rgyud don 'grel bdag gzhan rtog pa 'dul bar bshad/ /phung po la sogs chos rnams byang chub sems su gcig /ma 'dres yong rdzogs zhi gnas lhag mthong rnam pa gnyis/ /don dam nye bar brtags pas bde rol phan mdzad pa/ /lha rgyud dag gi kun smin kun gzhir gyur pas mos/ /de yang gdul bya'i dbang gis mdo dang rgyas snang ba/ /gnyis gsum gnyis gnyis gsum gsum bcu bdun gcig la sogs/ /rtog 'dul mtshan ma spyi dang khyad par mtshan nyid dang/ /rab 'bring tha ma'i blo yis ma 'ongs dus su dpyad/ /de 'ang sku mdog phyag mtshan dang/ /bzhugs thabs gdan khri rgyan chas kyi/ /ma nor de nyid nges par gzung/ /de nyid rnam pa lngar shes bya/ /de la dang po gnyis yin te/ /rang bzhin gyis ni sku mdog dang/ /rigs kyi kha dog bstan pa yin/ /rang bzhin sku mdog bzhi ste dung dang ni/ /ku su ta dang zla nyi ma'o/ /rigs ni lnga ste bai dUrla dang ni/ /kang ka ri dang leb rgan lta bu dang/ /gser sbyangs pa dang sna tshogs lta bu'o/ /gnyis pa la'ang gsum ste phyag mtshan dang/ /phyag rgya'i rnam pa gsum ste rnam par dbye/ /phyag ni gnyis sam drug ste bzung 'dzin dang/ /ye shes rnam pa drug la dgongs pa'o/ /phyag mtshan rjes mthun thabs dang shes rab dang/ /dbyings dang ye shes pha rol phyin pa drug /phyag rgya bzhi ste ma bcos mi 'da' dang/ /ma nges pa dang 'brel pa las kyi rgya'o/ /ma bcos gnyis te ma skyes ma 'gags pa'o/ /ma 'gags pa yang rnam bzhir shes bya ste/ /kha dog yul dang mtshon pa'i gzugs dang ni/ /mtshan rtags nye bar brtags pa'i phyag rgya'o/ /mi 'da' gsum ste zin mdzad mi bskyod pa'o/ /ma nges grangs ni tha dang gcig tha yas/ /'grel pa gnyis las las dang dam tshig go/ gsum pa gsum ste thabs gnas tshul nyid do/ /thabs ni rang bzhin khyad par rnam pa gnyis/ /gnas ni phyi nang mdza' dbus med pa ste/ /yon tan bsam yas rjod 'da' gcig gnyis su/ /tshul 'di gsum gsum yang na bcu gnyis gsum/ /bzhengs dang gshegs pa dang ni gzigs pa dang/ /gnyen lcug 'khril ba'i tshul dang ldem pa dang/ /gzhon nu gsal mtsher tshul dang lhun sdug dang/ /gzi byin 'bar ba'i tshul dang 'khrug pa'i tshul/ /dgongs dang bsten dang brten dang 'byongs pa'i tshul/ /'dud pa cam me ma le lhan ne dang/ /sal le'i tshul du spyi dang khyad par gyi/ /bye brag ci rigs par ni rnam par dpyad/ /gzhi la gsum ste d+harmA tsakra dang/ /sa yi khyad par yon tan che ba'o/ /lnga pa gnyis te rgyan chas gdan dang ldan/ /gzhan yang rnam par mang por brjod pa ste/ /dbu rgyan snyan cha ngo shal 'gur chu dang/ /phreng ba se mo phyag gdub rgyan te bdun/ /chas ni sku dang gsung thugs yon tan las kyis bsgyings/ /de phyir chos gos smad dkris ze'u ldir dang/ /smad g.yogs gsang dgos rnam lngas brjid par snang/ /gzhan yang mtshan dpe 'phags pa'i lam la sogs/ /rdzogs par mnga' phyir sras kyi tshogs rnams kyang/ /bkra shis brgyad kyis yongs su 'khyil ba'o/ /de las sogs pa dpag med brjod las 'das/ de dag spyir snang khyad par rab snang 'di'o/ /rnam shes tshogs brgyad ye shes lngar gyur pa/ /dus gsum bde gshegs rgyal ba kun gyi yab/ /rdo rje sku dang gsung dang thugs ldan pas/ /dug gsum 'jom mdzad bcom ldan rdo rje sems/ /kun gzhi gnas gyur chos dbyings ye shes thugs/ /bde ba chen po longs spyod rdzogs pa'i sku/ /sku yi longs spyod mdza' 'das brda mjal gsung/ /dug lnga zhi mdzad bcom ldan rnam snang mdzad/ /nyon mongs yid gyur mnyam nyid ye shes thugs/ /bsam 'das brjod med dmigs med chos kyi sku/ /gzhan gyi mi brjod rig pa'i ye shes gsung/ /yon tan rgyas mdzad bcom ldan rin chen 'byung/ /yid gyur so sor rtog pa'i ye shes thugs/ /mtshan rdzogs mngon par byang chub brnyes pa'i sku/ /ljags kyi mi brjod yi ge med pa'i gsung/ /gdul bya dbang mdzad bcom ldan snang mdza' yas/ /sgo lnga gnas gyur nan tan ye shes thugs/ /thugs rje chen po cir yang sprul pa'i sku/ /ljags kyi stong gsum kun tu grags pa'i gsung/ /bdag gzhan don mdzad bcom ldan don yod grub/ /ye shes thugs rje chen pos 'gro ba rnams/ /rnam thar sgo gsum gnas su 'dren mdzad kyang/ /thugs kyi longs spyod thamS cad mi dmigs pa/ /kun 'byung yum chen nam mkha' kun tu bzang/ /ye shes thugs rjes 'gro kun sangs rgyas 'god/ /re dogs med par ye shes spyan gzigs kyan/ /sku'i longs spyod sna tshogs mi dmigs pa/ /kun skyed yum chen sa gyur/ sangs rgyas spyin/ /ye shes thugs rjes 'gro la ma lta bur/ /dgos 'dod ra ba yid bzhin bskongs gyur kyang/ /yon tan longs spyod sna tshogs mi dmigs pa/ /kun bsdud yum chen chu gyur mA ma ki/ ye shes thugs rjes 'gro ba'i don mdzad kyang/ /tshul khrims gos la dri mas ma gos shing/ /gsung gi longs spyod sna tshogs mi dmigs pa/ /kun smin yum chen me 'gyur gos dkar mo/ /ye shes thugs rje chen po'i thugs dam gyis/ /'gro kun 'khor ba'i 'dam las sgrol mdzad ma/ /phrin las longs spyod sna tshogs mi dmigs pa/ /kun grol yum chen rlung gyur dam tshig sgrol/ /chos kyi dbyings kyi ye shes khyad par las/ /rnam par snang mdzad thugs kyi sprul pa ni/ / dang po sems bskyed rin chen myu gu bsnams/ /sems las 'od 'byung thugs mchog sa'i snying/ /mnyam pa nyid kyi ye shes khyad par las/ /rin chen 'byung ldan thugs kyi sprul pa ni/ /nyon mongs sgribs gcod shes rab ral gri bsnams/ /yon tan mthar phyin thugs mchog nam mkha' i snying/ /so sor rtogs pa'i ye shes khyad par las/ /snang ba mdza' yas thugs kyi sprul pa ni/ /shes bya'i sgrib sbyong pad ma dkar po bsnams/ /gsung dbyangs rnam dag thugs mchog spyan ras gzigs/ /bya ba nan tan ye shes khyad par las/ /don yod grub pa thugs kyi sprul pa ni/ /mkhyen lnga lhun grub rdo rje rtse lnga rnams/ / 'phrin? las mthar phyin thugs mchog rdo rje can/ /chos kyi dbyings kyi ye shes khyad par las/ /rnam par snang mdzad sku yi sprul pa ni/ /dang po sems bskyed dga' bas 'gying ba'i tshul/ /sku yi 'gro 'dul ? la skye? ma/ /mnyam pa nyid kyi ye shes khyad par las/ /rin chen 'byung ldan sku'i sprul pa ni/ /bsod nams tshogs rdzogs rin chen phreng ba bsnams/ /yon tan 'gro ba 'dul mdzad mA khye ma/ so sor rtog ba'i ye shes khyad par las/ /snang ba mdza' yas sku yi sprul pa ni/ /sku lnga lhun grub cir yang 'gyur ba'i lha/ /'phrin las 'gro 'dul badzra nirti? ma/ /chos kyi dbyings kyi ye shes khyad par las/ /rnam par snang mdzad gsung gi sprul pa ni/ /gti mug las kyi chos 'chang klu shing bsnams/ /chos dbyings ye shes thugs rje byams pa'i gsung/ mnyam pa nyid kyi ye shes khyad par las/ /rin chen 'byung ldan gsung gi sprul pa ni/ /nga rgyal lam sbyong chos 'chad po ti bsnams/ /mnyam nyid ye shes sgrib pa sel ba'i gsung/ /so sor rtogs pa'i ye shes khyad par las/ /snang ba mdza' yas gsung gi sprul pa ni/ /'dod chags lam sbyong chos 'chad rin chen ste/ /rtogs pa'i ye shes kun tu bzang po'i gsung/ /bya ba nan tan ye shes khyad par las/ don yod grub pa gsung gi sprul pa ni/ /phrag dog lam sbyong chos 'chang auta pa la bsnams/ /nan tan ye shes 'jam dpal gzhon nu'i gsung/ /chos dbyings ye shes rnam par snang mdzad dang/ phyogs dus 'phags pa mchod pa'i phrin las ni/ /snang ba gzugs mdzes mchod pas mnyes mdzad pa/ /spyan mnyes mdzad pa'i gzugs mchog me tog ma/ /mnyam nyid ye shes rin chen 'byung ldan dang/ /phyogs dus rgyal ba mchod pa'i 'phrin las ni/ /dri 'byung ye shes mched pas mnyes mdzad pa/ /shangs mnyes mdzad phyir dri mchog 'dug pa ma/ /rtog pa'i ye shes snang ba mdza' yas dang/ phyogs dus rgyal ba mchod pa'i 'phrin las ni/ /sgra gsang sgra snyan mchod pas mnyes byed de/ /sgras mnyes mdzad pa rdo rje sgrol ma'i sku/ /nan tan ye shes don yod grub pa dang/ /phyogs dus rgyal ba mchod pa'i 'phrin las ni/ /rol pas reg bya'i mchod pas mnyes mdzad pa/ /sku mnyes mdzad phyir reg bya'i dri chab ma/ /chos dbyings ye shes rnam par snang mdzad kyis/ /shar phyogs lha'i 'jig rten 'joms mdzad pa/ / lta ngan lam spyod chos 'chad pi wang bsnams/ /brdung ba zhi mdzad lha dbang brgya byin sku/ /chos dbyings ye shes rnam par snang mdzad kyis/ /shar phyogs lha min 'jig rten don mdzad pa/ /nga rgyal lam spyod chos 'chad go cha bsnams/ /'thab rtsod zhi mdzad lha min thags bzangs rigs/ /chos dbyings ye shes rnam par snang mdzad kyis/ /shar phyogs mi yi 'jig rten don mdzad pa/ /phrag dog lam spyod chos 'chad sreg spar bsnams/ /'gyur ba zhi mdzad mi dbang shAkya thub/ /chos dbyings ye shes rnam par snang mdzad kyi/ /shar phyogs byol song 'jig rten don mdzad pa/ /gti mug lam sbyong chos 'chad po ti bsnams/ /glen lkugs zhi mdzad seng ge rab brtan mgon/ /chos dbyings ye shes rnam par snang mdzad kyis/ /shar phyogs yi dags 'jig rten don mdzad pa/ /'dod chags lam spyod chos 'chad rin chen sgrom/ /bkres skom sdug bsngal zhi mdzad kha dbang? ma/ /chos dbyings ye shes rnam par snang mdzad kyis/ /shar phyogs dmyal ba'i 'jig rten don mdzad pa/ /zhe sdang lam sbyong chos 'chad med chu bsnams/ tsha grang sdug bsngal zhi mdzad chos gyi rgyal/ /ye shes bzhi la rigs bzhi phrin las kyis/ /drug gi 'jig rten bye ba phrag brgya ru/ /sprul pa bye ba phrag brgyas 'gro drug gis/ / don rnams ji ltar 'dul mdzad thub pa drug / chos kyi dbyings kyi ye shes khyad par las/ /rnam par snang mdzad drag po'i 'phrin las ni/ /sku yi dngos po 'joms pas thod dbyug bsnams/ /de phyi bshar sgo bsrung ba'i gshi ma rje'i gshed/ /mnyam pa nyid kyi ye shes khyad par las/ /rin chen 'byung ldan 'phrin las drag pos ni/ /thugs kyi dngos po 'joms pas rdo rjes gnon/ /de phyir lho sgo bsrung ba'i rnam par rgyal/ /so sor rtog pa'i ye shes byin brlabs las/ /snang ba mdza' yas 'phrin las drag pos ni/ /gsung gi dngos po 'joms mdzad thod sbrul gnon/ /de phyir nub phyogs bsrung ba'i rta mgrin dpal/ /bya ba nan tan ye shes khyad par las/ /don yod grub pa'i 'phrin las drag po ni/ /'phrin las dngos po 'joms mdzad rgya gram gnon/ /de phyir byang sgo bsrung ba'i bdud rtse 'khyil/ /chos kyi dbyings kyi ye shes khyad par las/ /rnam par snang mdzad 'phrin las drag pos ni/ /brtag pa lta ba 'joms bsdud lcags kyu bsnams/ /log 'dren snying 'dren rta gdong lcags kyu ma/ /mnyam pa nyid kyi ye shes khyad par las/ /rin chen 'byung ldan 'phrin las drag pos ni/ /chad par lta ba 'joms bsdud zhuD pa bsnams/ /log lta zhi mdzad phag gdong zhags pa ma/ /so sor rtog pa'i ye shes khyad par las/ /snang ba mdza' yas 'phrin las drag pos ni/ /mtshan ma lta ba dbang bsdud lcags sgrog bsnams/ /log lta dbang bsdud nyi zla lcags sgrog ma/ /bya ba nan tan ye shes khyad par las/ /don yod grub pa'i phrin las drag pos ni/ /bdag tu lta ba 'joms mdzad dril bu bsnams/ /log lta brlag byed thal byed dril bu ma/ /stong pa nyid kyis ye shes khyad par las/ /'khor ba mya ngan 'das pa'i rnam rtog rnams/ /bde chen mnyam pa'i dang la 'god mdzad pas/ /phyag zhabs mnyam bzhag yid gyur kun tu bzang/ /stong pa nyid kyi ye shes khyad par las/ /'dus byas 'dus ma byas kyi chos rnams kun/ /chos dbyings rnams par dag pa'i dbyings gyur pas/ /gsang gsal phyag rgya chos gyur kun bzang mo/ /kun 'byung kun gzhi chos nyid dbyings/ /ma skyes mi 'gag kun tu snang/ /smra bsam brjod med yul las 'das mdza' yas mdza' yas bskyed pa'i bzhi/ /mi rtog dang las rtog nyid du/ /brtags pas stong pa gang byung ba/ /de nyid rtags pa chen po ste/ /gang mi rtogs pa rtog pa'i rgyu /stong nyid mi g.yo nam mkha' la/ /mi bskyod bde bar gshegs mdzad pa'i/ /mi dmigs mi rtog de bzhin nyid/ /rtog pa sna tshogs bskyed par mdzod/ nam mkha' dbyings kyi snying po las/ /rang bzhin gun tu snang ba'i dngos/ /yod la khyab pa'i snying rje'i yum/ /mdza' yas rgyal sras bskyed par mdzod/ /tha dad rnam par snang mdzad nas/ /gsung gi phyag rgya'i ye shes las/ /rgyal ba rnams ni yi ger snang/ /yi ge ye shes bskyed par mdzod/ /ye shes pha rol phyin rdzogs pa'i/ /rnal 'byor rig pa'i sgo mtshon pa/ /thugs kyi rtag snang snang par mdzod/ /rnam grol ye shes snang bar mdzod/ /stong nyid mi rtog ye shes las/ /ma skyes mi 'gag gzugs snang ba/ /mkha' la 'ja' snang ji bzhin du/ /dbyings las phyag rgya bzhes su gsol/ /de nyid yi ge'i rang bzhin te/ /rang byung yi ge muM du gsal/ /thams cad yi ge'i rang bzhin te/ /ma skyes gsal ba'i yi ge a:/ /sems nyid yi ge'i rang bzhin te/ /sna tshogs yi ge hUM du gsal/ /dug gis nad sel ji bzhin du/ /rtog pas rtog pa zhi bar mdzod/ /dang po'i las can nges par 'byung pa'i gdul bya dag / rab 'bring thams mtshan ma med dang mtshan ma yi/ /rnal 'byor rim pas 'bad de nyams su blangs bya'o/ /dam pa'i dgongs pa dman pas dpag par mi 'os kyang/ /bsam pas da ltar ma 'ongs dus kyi bdag gzhan la/ /phan phyir lung la ston pa'i bka' sgros rjed byang 'di/ /tshig don 'gal 'khrul 'phags dang mkhas pa rnams la bzod par gso/ /de ltar mos pa dag dang mos pa'i dga' ba gang dang gang/ / bsam dpyod dge bskul shes rab 'phel 'gyur gcig pa yi/ /dag bci mchis ma 'ongs don du bsngos pa yis/ /'di la mos pa mdza' dag grol zhing smin gyur cig /slob dpon bi ma la mi tras/ zhang dz+nyA na la gnang /rgyud thams cad kyi 'grel pa/ lung dam pa'i bcud/ man ngag mdza' dag gi snying po/ /rnal 'byor gyi lam dam pa/ log pa'i rtog pa zhi bar byed pa/ zhi ba rtog pa'i lha rgyud do/ /gang dag dam pa 'di la mos pa med/ /snod min rnams dang nam duAng ma 'phrad cig / gal te 'phrad na'ang mos pa skye ba dang/ /mos shing 'phrad nas smin zhing grol bar shog /rdzogs so// //*/ /sgyu 'phrul tshogs kyi 'khor lo thugs kyi sgrub pa bzhugs so/ /he ru ka la phyag 'tshal lo/

CLOSE WINDOW