བོད་ཡིག

e-texts based on the ACIP/ALL Input

gter du bcang ngo// //rtsa 'grel gnyis ka sangs rgyas gsang bas mdzad pa gnyags dz+nyA na'i 'gyur ro// //sgyu 'phrul dra ba lhan cig skyes pa'i ye shes snang ba zhes bya ba bzhugs so// //*/ /bcom ldan 'das ye shes rang gnas rtog pa mi mnga' ba'i rgyal po la phyag 'tshal lo/ /sgyu 'phrul dra ba'i rgyud chen rgya mtsho las/ /dug gis dug gsal lta bu'i don gyi phyir/ /lhan cig skyes pa'i snang ba 'di brtsams pas/ /'gro ba ma lus 'dod chags kyis grol bya dang brtson brtul shugs ldan pa la/ /phan pa'i dbang sbyin nus ba'i dbang/ /rim pa bzhin du thob? byas nas/ /shin tu dben pa'i gnas nyid du/ /gnyen pa dar ni nye bsnyen pa/ /bsgrub pa dang ni bsgrub chen po/ /yum gyi pad+ma'i dkyil 'khor du/ /bde ba thuD kyi dkyil 'khor sbro/ /dang po brtsal ba bshad bya ba/ /lha mo klu mo rigs ngan mo/ /dbye 'am yang na mi dbye bar lus 'bul byed na kun snyoms bya/ /spu gu ring zhing mdzos pa dang/ /pad+ma gong ma autpal ldang/ /sil che chung ran pa dang/ /smad zheng che la ba ga? rang?/ pad+ma rak+ta cung zad mang/ /sil ga bur yod pa dang/ /zhal ni shin tu mdzes pa dang/ /si la yon tan bcu gcig ldan/ /si la gsum ste/ aoM la gsum/ /hUM la'ang gsum ste traM la gsum/ /ji ltar sbyar tu btub pa ste/ /de naM skyed byed zhing dang 'dra/ /zhing med sa bon 'debs pa ni/ /sa bon gtan du rlags? par 'gyur/ /gnyis pa bshad par bya ba ni/ /brlabs dang rgyan dang stan chos cha/ /rnam pa gsum du bshad pa yin/ /dang po yum dang pad+ma dang/ gsang ba yin te rnam gsum 'dod/ /bdag nyid gang yin yum bsams la/ /lag pa g.yas g.yon kha dang ni/ byi'i pad+ma'i bar khyams la/ /gzhan gyis mi thub ro langs dang/ /khro gnyer ma dang ral gcig dgod/ /spyi bo lce snying lte ba dang/ /nang gi pad+ma de dag tu/ /aoM dang aM hUM swa hA las/ kun bzang gos dkar sangs rgyas spyan/ /ma ma ki dang sgrol mar rlab/ /pad+ma brgyad dkyil ge sar aM/ ra las rtsa dang bcas par rlab/ /hUM las gsang ba sbu gur phaT/ /de ltar rim pa bzhin du rlab/ /shin tu sgeg pa'i gzi brjid 'bar// yid bzhin rin chen phreng pa 'bar/ /dbyangs snyan yid 'phrog gzi ldan 'bar/ /gzugs mdzes bskyod pas phyogs bcur g.yo/ /kun tu tshim byed dri gsung thim/ /la mdzes rin chen phung po 'bar/ /'od gsal 'phro bas kun tu 'bar// bdud rtsi bsil dri 'jam pa tri/ /dgug dang 'dzin pa la sogs pa/ /rgyud las gsungs pas don mi 'gal/ /stegs bu dris byugs sil bkram bar/ /bshud phud khrus byas lnga dris byug/ tsan dan lde gus de bzhin te/ /rgyan dang lha'i tsa ka li/ /rgyan sogs rim pa de bzhin te/ /bde ba bskyed phyir sun mi byed/ /lde gu pad+mar bcug bzhin bya/ /chags pa bskyed phyir 'di lta ste/ /spu gu 'dzum zhing dbye ba dang/ /spu gu nyid la tsum pa'i bya/ /pad+mar tsum pa'i gnyis la'o/ /rA ga rSha ga ngag gi yin// dris byug srin po lag pa yi/ gsang ba'i pad+ma 'dab rgyas bya/ /dung gi phur pas dgeg stod gdab/ /nyid lag sum gnyis 'thur ba brtse/ /mnyam dang brtul bzhugs skyil krung ngam// yang na pad+ma nyid kyis so/ /'da' 'da' 'og mas mchu gzung bya// de la sogs pa gtsug lag las/ /gsungs pa ji bzhin mkhas tha'o/ /gsum pa ji bzhin ril 'thang pa// rgyu dang thabs? dang yon tan no/ /rgyu ni gnyis gnyis dang po la/ /bcu gsum gnyis la yi bshud phung dri/ chu skyes dag byas rgyas pa'i nang/ /bsrub gnyis pa dang/ /bzhi gnyis lam phyir der 'byung ste/ /tha ma bde ba bskyed ces bshad/ /g.yas nas chu dang g.yon nas ni/ /nyi ma dbus nas ga bur yin/ /yum yang de bzhin kho na 'dra/ /de yis bskyad pas rgyu yin no/ /sil bshud phung dri/ chu skyes dag byas rgyas pa'i nang/ bsrub thabs khams bzhi yum bzhis kyang/ /bde ba bskyed ces bya ba ste/ /dgug dang 'dzin dang de bzhin te/ /'khyud dang bsdams dang bskyod pa yis/ /bde chen ga pur? spyan drangs la/ /mi drag mi dal mi 'bral bar/ /ho bas 'bras bu bskyed par byed/ /de phyir lha mo 'khor gyis bskor/ /g.yo dang bskyod dang 'jug pa dang/ /'bras bu dag gi don yin no/ /dbang po rdo rje pad+mar ldan/ /gnyis med byang chub sems 'phro na/ /mi dmigs bde dang longs spyod 'phro/ /bco brgyad 'byung ba'i gnas yin te/ /byang chub grub pa'i zhing yang yin/ /bde ba sbyin pa'i rgyu yin te/ /gsang ba'i mtshan nyid brjod pa ni/ /dbang po rdo rje gsang ba'i rgyal/ /yum gyi pad+ma bde mchog dbyings// sems ni byang chub 'byung ba'i gter/ /dbang po yul sems ldan gyur na/ /gsang ba mchog gi 'phrul chen po/ /dkyil 'khor rdul snyed grangs med dang/ /phun sum tshogs pa lhun grub rnams/ gsang ba mchog gis 'byin par byed/ /de phyir nges par dang du blang/ tha ma rten dang rten? can dang/ /skyon yon dag ste gsum du bshad/ /rten kyang 'di ltar shes par bya/ 'byung bzhi'i rim pa'i bde zhu nas/ /'og nas 'og tu 'phro bar 'gyur/ /reg 'kham dbang 'khyud sbyor ba yis/ hom khung phur bus bskyod pas ni/ /raM gyis khong du spar ba yis/ /tsakra bye gsal? kha bye bas/ /de zhu a ni tsakra las/ /au da 'dzag pas baM thig 'dra/ /de nas sprul pa'i tsakrar? ni/ /gnyis 'dus gnyis las ga phur dang/ rA ga 'dzag par byed pa yin/ /mngal gyi dbus na brten gnas pa/ /theg pa'i dbyibs su rgyud las bshad/ /dga' ba bskyed pa'i rtags bshad pa/ /'dar dang rdul dang ba spu langs/ /skad 'gag pa dang mdog gsal dang/ kha dog 'gyur zhing mchim myos/ /dga' dang mchog dang chad ba dang/ /rang bzhin dag tu gsungs pa yin/ /gang tshe nor bu sems gang ba/ /de ni dga' bar brjod pa ste/ /de nas 'bru gsum mchog tu dga' / /gsum gyi gsum su chad pa 'byung/ /de nas gsum ni rang bzhin no/ /rang bzhin de las g.yos pa ste/ /bde chen g.yos nas smen phrag sleb/ /de ni dga' bar bshad ces gsungs/ /gsum phrag gnyis nas bcu gsum gnyis/ /de ni mchog gi dga' ba yin// //de n a d+harmAbcu drug bshad bya na/ /'dod dang 'dar dang 'gro ba dang/ dga' ba bzhi ni dga' ba yin/ /rgyas dang 'dud dang 'byung ba dang/ /mchog tu skye ba mchog dga' yin/ /'bar dang thig le myos pa dang/ /chad pa zhes byar bshad pa yin/ /au tang ni tshul dang gnyid/ /rang bzhin dga' bar brjod pa ste/ /de ni mtshan mar brjod pa yin/ /de ltar mtshan ma med pa la/ /sbom po dbang mas cung zad myong/ /bsrub dang bsrub ba las byung ba/ /bskug cing hUM ring las byung ba/ /gcig dang du mar bral ba yi/ /mdza' dang dbus med de bzhin nyid/ /sangs rgyas kyis kyang mi gzigs te/ /rang byung ye shes gnas med snang/ /dngos rnams nyid na dngos med par/ /rtog pa'i smra bsam yul las 'das/ /de bzhin nyid dbyings ye shes te/ /de yis dngos med rtogs bar 'gyur/ /yang dag gshegs dang log rtog dang/ /gzhan yang sprul pa bsam yas kyis/ /de la gsang cing gzung su med/ /kha dog dbyibs dang gnas rigs med/ /rtog med rang rig 'od gsal ba/ /byang chub sems zhes brjod pa ni/ /gang nas ma 'ongs gar mi 'gro/ /rtog med 'od gsal thams cad mkhyen/ /thams cad ma lus chos so cog/ sems nyid las ni gzhan ma yin/ /sems dang chos su dbyer med pas/ /byang chub lam de ring ba men/ /'jig rten 'das dang 'jig rten pa'i/ /sna tshogs ji snyed brjod pa yang/ /so so'i mtshan nyid ma gtogs pa/ /ba spu'i cha tsam brjod pa med// chos rnams ma lus thams cad kun/ /rang bzhin ye nas dag pa yi/ /sus kyang ma byas dang gis gsal/ /ma chags pad+ma 'dra ba yi/ /ye shes can gyi spyod yul te/ /kun dang thun mong de ma yin/ /de bzhin gshegs pa'i spyod yul te/ /skyes bu rno rtsal rab kyis gtogs/ /phyogs bcu dus bzhi thams cad kyang/ /rtog pa'i mtshan ma so sor snang/ /snang ba nyid na dbyer med do/ /mdza' dbus med de bzlum bu'i tshul/ /de bzhin rang gi rig pa yang/ /mdza' dang dbu med du ma men/ /gang du mi 'gro kun tu khyab/ /kun la de bzhin mi gnas pa'i/ /dkyil 'khor ldan pa'i dkyil 'khor gyis/ /dkyil 'khor la ni dkyil 'khor bsgom/ /dkyil 'khor dkyil 'khor las byung pa/ /thugs kyi dkyil 'khor dkyil 'khor mchog/ gsang ba'i don mchog 'di dag kun/ /lta ba dman la bshad byas nas/ /dus min bar ni srog zad nas/ /mgo 'gas snying yang 'tshig par 'gyur/ /khab len gyis ni lcaD bsdud ltar/ /mi 'dod bzhin du dbang med par/ /ngan song mi khom skal bar bltud/ /de bas shin tu gsang bar bya/ /gang na gsang chen 'di yod bar/ me ma mur gyi dong 'bigs shing/ /spu gri nags tshal gtams pa la/ /'dzegs nas bu dag 'gro bar byos/ /chags pas chags pa grol ba ni/ /dug kyang sman du 'gyur ba bzhin/ /'dod chags ye shes chen po 'dis/ /sku lnga lhun grub thob par 'gyur/ /sgyu 'phrul rgya mtsho me long la soD rgyud chen las/ /mthun pas mthun pa dgrol ? khyi gu tshul gyis 'dod chags kyis/ /mos pa'i gang zag lhan cig skyes pa'i ye shes kun gyis thob par shog /sgyu 'phrul dra ba lhan cig skyes pa'i ye shes snang ba zhes bya ba rdzogs so// //rgag pa rdo rjes mdzad pa/ ban d+he dz+nyA na ku ma ras sgyur pa'o// //bi ma la'i sgyu 'phrul 'jam thig zhugs so// //rgya gar skad du/ 'gu ya pa ta sha mu ka bA bin du nam/ bod skad du/ gsang ba'i man ngag 'jam pa'i thigs pa zhes bya ba/ /dpal kun tu bzang po la phyag 'tshal lo/ /gang la yi ge kun 'dus pa/

CLOSE WINDOW