བོད་ཡིག

e-texts based on the ACIP/ALL Input

zhu chen gyi lo tsa ba dz+nyA na ku ma ras zhus nas bsgyur te gtan la phab pa'o// (//thabs kyi zhags pa pad mo'i 'phreng ba'i 'grel pa bzhugs/) /'phags pa thabs kyi zhags pa padmo 'phreng gi don bsdus pa'i 'grel pa/ dpal rdo rje sems dpa' la phyag 'tshal lo/ theg pa chen po la don rnam pa gnyis te/ mtshan nyid kyi theg pa dang/ rdo rje'i theg pa'o/ /de la mtshan nyid kyi theg pa ni/ mdo sde dag la sogs pa'i tshul gyis/ byang chub sems dpa' i spyod pa spyad pas bskal pa grangs med pa gsum gyis gnon pa ste/ yun ring po nas pha rol tu phyin pa bcu la sogs pa/ dka' ba sna tshogs pa dpyad pas grub ces 'byung/ rdo rje'i theg pa ni gsang sngags kyi sgo nas 'jug pa ste/ rdo rje lta bu rnam pa gsum gyi mthu rnyed nas/ tshe 'di la 'grub ces 'byung ba ste/ de ni theg pa chen po'i yang chen po zhes bya'o/ /'di mgo mjug tu/ 'jig rten dang 'jig rten las 'das pa'i chos thams cad dkyil 'khor gsum du 'dus shing/ zhing dang dpyod yul yongs su dag pas/ yon tan gyi khyad par gong na med de/ bcom ldan 'das kyis gsungs pa thams cad kyi nang na yang bkri ba'i don ma yin gyi/ nges pa'i don gtan la phab pa dang/ rmad du byung ba'i sde las btus te bstan to/ /de la 'phags pa thabs kyi zhags pa/ padmo 'phreng gi don bsdus ba zhes bya ba ni/ de la 'phags pa ni nyan thos dag kyang 'jig rten las 'phags mod kyi skabs 'dir de la mi bya'o/ /theg pa chen po'i yang chen po/ nyan thos dang yun ring po nas 'grub pa las 'phags pa ste/ tshe 'di nyid la grub pa dang/ sangs rgyas bcom ldan 'das chen po la bya'o/ /thabs kyi zhags pa zhes bya ba ni thabs ni snying rje chen po ste/ mtshams med pa lnga la sogs pa la rol cing/ phyin ci log la zhen pa'i sems can rnams sgrol ba'o/ /zhags pa ni mi gtong ba ste/ 'khor ba nyid mnyam pa'i chos su mkhyen pas/ 'khor bar mi gtong bar sbyor ba la bya'o/ /'di ni sbyor ba rnam gnyis zhes kyang bya/ che mchog rnam gnyis zhes kyang 'byung/ pad mo zhes bya ba la/ pad ma ni shes rab kyi rtags to/ chos thams cad la dpyod kyang/ bag chags su mi 'gyur ba'o/ /phreng zhes bya ba ni/ thabs kyi rtags te/ sprul pa'i phreng ba rgyun mi 'chad pa la bya'o/ /dper na thabs dang shes rab zung 'brel pas/ 'khor ba dang mya ngan 'das pa la mi gnas pa'i don to/ /don bsdus pa zhes bya ba ni/ gsung rab bcu gnyis dang/ tan tra ? co brgyad la sogs pa las bsdus pa'o/ /de nas bcom ldan 'das dpal kun rig rnam par snang mdzad la/ bcom ldan 'das rdo rje sems dpa' rig pa'i byin brlabs las byung ba'i mchod pas/ rgya yongs su ma chad pa'i gzhal yas khang/ bla re dang/ gdugs dang/ rgyal mtshan dang/ sgeg mo la sogs pa phyi nang gi mched pa brgyad kyis mchod de/ lan gsum skor ba byas nas/ sa so rig pa bdun pa'i phyag 'tshal nas/ spyan sngar 'dug ste/ 'di skad gsol to/ /zhes bya ba ni bcom ldan 'das/ dpal rnam par snang mdzad la/ rdo rje sems dpas don bsdus bar gsol ba'i phyir/ rig pa'i byin gyis brlabs las byung ba'i mchod pa'i sprin chen pos mchod de/ 'og nas byung ba'i 'di skad gsol ba btab pa'i don to/ /bcom ldan 'das dus gsum du gshegs pa'i sangs rgyas bcom ldan 'das kyis mkhyen pa/ sangs rgyas bcom ldan 'das rnams kyi dpyod yul/ nyan thos dang thun mong ma lags pa thabs gang gis rtogs pa de/ tshe 'di nyid la thams cad mkhyen pa'i go 'phang thob par 'gyur ba'i don brlabs te bshad du gsol/ zhes lan gsum du gsol ba btab bo/ zhes bya ba'i tha tshig go/ de skad gsol ba btab pa dang/ ci yang mi gsung bar 'dzum pa mdzad nas 'di skad bka' stsal pa/ zhes bya ba ni/ rdo rje sems dpa' don bsdu bar gsol ba gnang nas/ da ltar dang ma 'ongs pa'i sems can thams cad la phan pa'i phyir/ don bsdu bar gsol ba 'di yin no snyam nas dgyes te/ 'dzum pa mdzad nas 'og ma nas 'byung ba skad bka' stsal ces bya ba'i tha tshig go /sems dpa' chen po nyon cig /don 'di dang phyi nang gi chos thams cad 'dra ste/ bden pa gnyis su 'dus so/ /bden pa gnyis la yang tshul 'di ltar rig par bya'o/ zhes bya ba ni/ go bar bya ba'i phyir/ sems dpa' chen po zhes/ rdo rje sems dpa' la pos ba'o/ /'di'i don dang phyi nang gi chos thams cad 'dra ste zhes bya ba ni/ thabs kyi zhags pa padmo 'phreng gi don dang/ phyi snod kyi 'jig rten dang/ bcud kyi 'jig rten gyi chos thams cad 'dra po zhes bya ba'i don to/ /ci'i phyir 'dra zhe na/ zhes bya ba smos te/ snod bcud kyi 'jig rten gyi chos dang/ thabs kyi zhags pa pad+ma 'phreng gyi don dang 'dra ste/ chos thams cad bden pa gnyis su 'dus pa'i tha tshig go / de la bden pa gnyis ni gad/ tshul ci ltar rtog par bya zhe na/ bden pa gnyis la tshul 'di ltar rig par bya zhes smos te/ bden pa gnyis ni don dam pa'i bden pa dang/ kun rdzob kyi bden pa'o/ /de yang nyan thos kyi ltar ma yin gyis/ chos thams cad mtshan ma med pa las byung bas/ don dam pa'i rgyu'o/ /sgyu ma tsam du snang bas/ kun rdzob ni 'bras bur rig par bya'o/ /de nyid bstan pa'i phyir/ bden gnyis rgyu dang 'bras bu'i tshul/ /de bzhin nyid la gnas bcas nas/ /phyi nang snod bcud rnam par dag/ byed dpyod thams cad tshogs gnyis 'gyur/ zhes gsungs te/ snod kyi 'jig rten lta bu/ chen po lnga gcig gi nang na yang lnga yod de/ de'i chas gzhigs na/ chen po lnga yang ma grub ste/ rang bzhin med pa dang/ nang bcud kyi 'jig rten lta bu yang/ sems dang sems las 'byung ba'i chos/ snga ma ni 'das/ phyi ma ni ma 'ongs pa'o/ /da ltar ni mi gnas pas rang bzhin med do/ /rang bzhin med pa ni/ don dam pa'i bden pa ste rgyu'o/ /de las so so'i rtsal sgyu ma tsam du yod pa ni/ kun rdzob kyi bden pa ste 'bras bu'o/ /chos de dag gi de bzhin nyid ni don dam pa ste/ rgyu la mi gnas pa'i tshul gyis gnas na/ phyi nang gi snod bcud kyi 'jig rten 'bras bu'i chos la ji ltar dpyad kyang sgrib pa rnam gnyis su mi 'gyur te de ltar chos thams cad la dpyad kyang/ mtshan nyid med pas/ bag chags su mi 'gyur ba ni ye shes kyi tshogs so/ /bdag dang 'phags pa thams cad mnyam pa'i phyir/ /spyod pa ni bsod nams kyi tshogs su 'gyur zhes bya ba'i don no/ /bsod nams dang ye shes kyi tshogs ni/ pha rol tu phyin pa bcu dpyad pas rdzogs zhes 'byung na/ de dag rdzogs sam zhe na/ rdzogs par bstan pa'i phyir/ pha rol phyin bcu rdzogs pa ste/ /sa bcu rim gyis bkod pa la/ /mnyam nyid rig pa'i rdo rje yis/ / sa rnams mnyam pa nyid du sbyor/ zhes gsungs te/ bag chags su mi 'gyur bas/ chos thams cad la dpyod pa ni/ sbyin pa'i pha rol tu phyin pa'i 'bras bu dang bcas pa'o/ /nyon mongs pa rnam par byang ba mi zhan par rig nas/ bdag dang 'phags pa thams cad so so ma yin tha mi dad par rtog pa ni/ tshul khrims kyi pha rol tu phyin pa'o/ /'di lta bu'i chos la bzod pa 'am/ 'khrul par 'gyur kyang sgrib par mi 'gyur ba dang/ mtshan dang dpe byad 'og nas 'byung ba ltar rig pa ni/ bzod pa'i pha rol tu phyin pa'o/ /spyod lam rnam bzhir gnyid log kyang/ bsod nams dang ye shes kyi tshogs su rig pa ni/ 'bad pa med pa'i brtson 'grus kyi pha rol tu phyin pa'o/ /dbang po lnga ni rigs lnga/ yul lnga ni yum lngar rig nas/ sems g.yos kyang/ chos dbyings las mi 'gyur par rig cing/ rdo rje lta bu'i ting nge 'dzin gyis/ chos thams cad la thogs pa med par 'jug pa ni/ bsam gtan gyi pha rol tu phyin pa'o/ /'khor ba'i chos la spyod kyang/ mya ngan las 'das pa dang/ so so ma yin par rig pa ni/ nyan thos las khyad par che bas/ shes pa'i na? ma khyad par cha 'am/ phul zhes bya ste/ shes rab kyi pha rol tu phyin pa'o/ /kun nas nyon mongs pa'i chos thams cad rnam par byang ba'i chos su rig cing/ 'phags pa thams cad mnyes pas/ bdag dang gzhan gyi don du 'gyur zhing grol ba ni/ thabs kyi pha? rol tu phyin pa'o/ /bdag dang 'phags pa thams cad so so ma yin pa dang/ zhing dang dpyod yul thams cad yongs su dag par rig pa ni/ smon lam gyi pha rol tu phyin pa'o/ /'khor ba dang kun nas nyon mongs pa las/ mya ngan las 'das pa dang/ rnam par byang na? gung na med par rig ste/ 'khor ba dang kun nas nyon mongs pa gnon pa ni/ stobs kyi pha rol tu phyin pa'o/ /gang zag la bdag med par rtogs pas/ bag chags la sogs pa'i gnas med cing chos la bdag med pas/ bag chags rang rang gi ngo bo yang med par rig cing/ de ltar rig pa'i ye shes su dus thams cad du 'gyur ba ni/ ye shes kyi pha rol tu phyin pa'o/ /de'i 'bras bu ni/ sa dang po nas bcu pa'i bar du ste/ nyan thos kyi ltar rim gyis bgrod pa ni ma yin gyi/ stong pa nyid kyi ye shes rdo rjes/ mnyam pa nyid du sbyor bas/ sa bcu yang tshe 'di nyid la skad cig gis rdzogs par byed do/ /de ci'i phyir zhen/ sems dpa' chen po nyon cig /zhes bya ba ni/ kun nas nyon mongs pa'i chos dang/ rnam par byang ba'i chos/ mtshan nyid gcig tu ston pa las the tshom za bar dogs nas/ 'di skad gsungs so/ /rdo rje lta bu'i ye shes kyis/ /chos kun sgyu mar rig pa'i phyir/ /dngos dang dngos med bag chags bsregs/ /yang na ye shes me zhes bya/ zhes gsungs te/ stong pa nyid kyi ye shes kyis chos thams cad sgyu mar rig pa'i phyir/ dngos po rtog par lta ba dang/ stong pa chad par lta ba la sogs pa/ las legs nyes gnyis kyi bag chags bsreg pa'i phyir/ ye shes kyi me zhes bya'o/ /yang gsungs pa/ dgu dang 'bras bu rnam smin ni/ /med min rgyu 'bras mthun par grub/ /de bzhin mnyam nyid ye shes kyis/ /rig pas tshogs su 'gyur bas so/ /zhes gsungs te/ las dge sdig gi 'bras bu ni/ dper na mun pa'i nang du sgron me byung na/ mun pa'i bsam pas sgron ma 'ongs pas mun pa bros so snyam du yang mi sems kyi/ sgron mas kyang/ mun pa bsal lo snyam du mi sems mod kyi/ sgron ma byung na/ mun pa chos nyid kyis 'gro ba dang 'dra bar/ las dge sdig kyang mtho rim dang/ ngan song bsgrub bo snyam yang mi sems/ mtho ris ngan song gis kyang/ dge sdig bsgrub bo snyam mi sems mod kyi/ sems kyi khyad par gyis de ltar grub bo/ /de bzhin du chos thams cad mnyam pa nyid du rig pas kyang/ sangs rgyas su bsgrub bo snyam du mi sems kyi/ chos nyid kyis grub ces bya ba'i tha tshig go /de la yang mnyam pa nyid la yang rnam pa bzhi ste/ phyi'i yul chen po lnga ste/ de bzhin gshegs pa lngar mnyam pa dang/ nang gi sems ye shes mnyam pa dang/ kun rdzob tu lha dang/ lha mo'i tshul du mnyam pa dang/ don dam par skye 'gag med par tshul du mnyam pa'o/ /de lta bu chos mnyam pa nyid kyi rig pa dang mi ldan na/ mi dge ba bcu'i las kyi 'bras bu ni/ ngan song gsum gyi sdug bsngal du ltung ngo/ /dge ba bcus ni 'dod khams kyi lha dang mir grub bo/ /mi g.ye bas ni gzugs dang gzugs med pa'i khams su skyes te/ de dag ni rnam par smin pa zad nas/ ngan song du ltung ngo/ /de bas na dpal mchog dang po las/ sems dpa' chen po rang gi rig pa'i ye shes kyis sems can thams cad mnyam pa nyid rtogs pa med na/ sangs rgyas kyis la spyi bo nas lag gis drangs te bzhag na yang/ sems can dmyal ba'i gnas su mthong ngo/ /rang rig dang ldan na/ dmyal ba'i gnas kyang/ sangs rgyas kyi zhing yongs su dag par mthong ngo/ zhes gsungs so/ /dper na lha'i bu dri ma med pa'i 'od kyang/ /ngan song sbyong ba'i dkyil 'khor byas pas/ ngan song las mtho ris su thar gyi/ rang rig pa'i ye shes med pas/ sangs rgyas ma grub bo/ /zhes bshad do/ /de bas chos thams cad la mnyam pa nyid du rig nas/ dge sdig gi chos thams cad 'dra ste/ bsod nams dang/ ye shes kyi tshogs su 'gyur zhes bya ba'i tha tshig go / mnyam pa nyid kyi don gsal bar rig pa med pa rnams kyis ni/ dge ba bcu la goms par bya bar rigs so/ /mnyam pa nyid du rtogs pa rnams kyis kyang/ dge ba bcu la/ gtsor len pa ni/ de nyid mnyam par mi rung? ste/ nyan thos kyis yin no/ /theg pa chen po'i chos gnyis ka /sangs rgyas kyi snod rim pa dang sbyar te/ sems can gyi don du 'gyur bar gsungs par 'dra bas/ nyan thos kyi chos la lhag par sun dbyung zhing spang bar mi rung ngo/ /rang gi shes rab rtul bas/ chos mnyam pa nyid ma rtogs pa'i phyir ro/ /chos mnyam pa nyid sun dbyung bar mi bya'o/ /rnam pa gcig tu na sems can dmyal ba'i chos kyang mi bkol ces 'byung na/ nyan thos lta ci smos te/ thams cad mnyam par dpyad de/ tshe 'di nyid la thams cad mkhyen pa'i go 'phang thob ces gsungs pa bstan pa'i phyir/ lam gyi nang na nye lam bde rdzogs pa/ /thabs kyi nang na mnar dam pa ste/ /bsgrubs nas tshe 'dis sangs rgyas che ba yang/ /blang dor med pas sku rdo rje thob ces gsungs te/ 'dod pa'i yon tan rnam pa lnga ni/ mchod pa rnam pa lnga'i rang bzhin pas/ 'dod chags ni longs spyod rdzogs pa'i sku'o/ /zhe sdang gtum khro thugs rje chen po'i stobs/ stong pa bdag med pa'i don dang sbyar nas/ sems can log par phyogs pa dag/ hUM gis rnam par shes pa bsdus/ ho ye shes kyi rlung gis btags te/ dmigs su med pa'i don la sbyor zhing/ gang stobs pa'i phyir/ zhe sdang gi sprul pa'i sku'o/ /gti mug gi ni chos thams cad rnam par mi rtog pa'i khongs su 'dus pas/ chos kyi sku'o/ de lta bas na dug gsum ma spangs par/ sku gsum du gyur pas nye lam mo/ /rnam pa gcig tu nyan thos kyi ltar byas na/ khams gsum gyi nyon mongs pa bsgom pas spang bar bya ba 'ba' zhig kyang/ brgya dgu bcu rtsa brgyad yod de de dag spangs na dgra bcom pa'i 'bras bu thob po/ /de nas sdod shes bya'i sgrib pa spong ste/ bskal pa grangs med pas/ chos mnyam pa nyid rtogs nas sangs rgyas so/ /de ltar chos mnyam pa nyid rtogs nas/ nyan thos kyi ltar kun nas nyon mongs pa dang/ rnam par byang ba'i chos so sor lta zhing/ nyon mongs pa ni spong/ rnam par byang ba'i chos thob par 'dod pa lta bu ni yin gyi/ rim gyis spang du med de/ kun nas nyon mongs pa'i rang bzhin med par rig nas/ rnam par byang ba yin pas/ spang du med de/ dper na nyi ma shar nas yul khams rgyud de shar ba ni ma yin gyi/ 'dzam bu gling dus gcig du lhag gis 'char ba dang 'dra bar/ chos mnyam pa nyid du rig nas/ sgrib pa rim gyis spang du med de/ thams cad mkhyen pa'i go 'phang dus gcig du thob bo zhes pa'i tha tshig go /bcom ldan 'das kyis kyang/ sems can drang pa'i thabs bsam gyis mi khyab pa zhig gsungs te/ de dag gi nang nas dam pa 'di yin no/ /de bas na 'di las 'byung ba bzhin bsgrubs na/ tshe 'di nyid las ye shes mnyam pa nyid kyi klong chen du gyur nas/ sangs rgyas kyi sa phyi mar bsdad? mi dgos te tshe 'di nyid la 'grub bo/ /nyan thos ltar dge ba ni rung/ mi dge ba ni sgribs 'dos pa lta bu ni ma yin gyi/ ci ltar dpyad kyang bsod nams dang/ ye shes kyi tshogs su 'gyur zhes bya ba'i tha tshig go /'phags pa thabs kyi zhags pa pad 'phreng gi bden pa gnyis bstan pa'i le'u ste/ dang po'o// // da ni sgor 'jug pa'i 'tsham tshim bstan pa'i phyir/ sems dpa' chen po dam tshig ni/ bdag dang gzhan la phan pa'i phyir ngas bshad do/ zhes gsungs te/ gti mug zhe sdang nga rgyal/ 'dod chags phrag dog ni/ bsrung du med pa'i sdom pa can/ /de ni dam tshig rdo rje yin/ /zhes gsungs te/ gti mug ni rnam par snang mdzad kyi dam tshig ste/ ci'i phyir zhe na/ ma rig pa ni spang du med/ rig pa ni bsgrub tu med/ chos kyi dbyings su ro gcig pa'i phyir ro/ /zhe sdang ni mi 'khrugs pa'i dam tshig ste/ chos kyi dbyings las kyang ma gyur ? thams cad du 'dus pa'i phyir ro/ /nga rgyal ni rin chen 'byung ldan gyi dam tshig ste/ chos thams cad mnyam pa nyid du bden par rig nas/ de la sran tshugs pa'i phyir/ 'dod chags ni snang ba mdza' yas kyi dam tshig ste/ thams cad dbang du byed pa'i tha tshig go / phrag dog ni thams cad gdon mi tha bar grub pa'i dam tshig ste/ chos mnyam par ma rtogs pas/ dge sdig yod pa'i phyir phrag dog go /mdor na chos thams cad mnyam pa nyid du chud de/ rang rig pa'i ye shes can du gyur na bsrung ba dang mi bsrung ba med de/ thams cad chos kyi klong du gyur pas/ grub pa yin pa'i phyir bsrung du med kyi/ ma grub cing sems la ye shes nyams pa med bzhin du dam tshig ma bsrungs na/ dmyal ba'i yang gting du 'gyur te/ mnyam pa'i ye shes ma rtogs pas/ mnyam la skur pa btab pa yin no/ /dam tshig chen po ni/ dag pa rnam pa gsum ste/ de nyams su myong zhing/ log par bya ba'i gnya' non du/ dam tshig lnga dang/ /dam rdzas lnga dang/ chos la dge sdig med pa dang/ zas la gtsang sme med pa'i dam tshig ma nyams na/ dug lnga spyod kyang/ de'i skyon gyis mi gos pa ni lus rdo rje zhes bya/ dag gis sna tshogs su smras kyang/ nyes pa'i skyon gyis ma gos pa'i phyir dag rdo rje zhes bya'o/ /de ltar rig pa ni sems rdo rje zhes bya'o/ /'phags pa thabs kyi zhags pa padmo phreng ba las/ dam tshig bstan pa'i le'u ste/ gnyis pa'o// //da ni dkyil 'khor gsum sems dpa' chen po dbang 'di dag ni/ rang gi rig pa'i rtsal gyis thob bo/ zhes gsungs te/ dkyil 'khor rnam gsum gyi tshul gyis/ chos thams cad mnyam pa nyid du rig pa ni/ dbang rang bzhin gyis 'thob bo zhes pa'i don to/ /thabs dang shes rab dbang chen te/ /rdo rje dril bu rig pas 'dzin/ /mya ngan 'das dang 'khor ba yi/ /'dod pa'i chos la dbang byed pa'o/ zhes gsungs te/ de yang ci lta bu zhe na/ mya ngan las 'das pa dang/ 'khor ba'i chos thams cad la/ ji ltar 'dod pa bzhin dbang byed ces gsungs te/ rigs kyi gtso bo ni thabs te/ longs spyod rdzogs pa'i sku'o/ /rigs kyi gtso bo ni shes rab ste/ chos kyi sku'o de dag gi byin gyis brlabs las byung ba'i byang chub kyi sems skye ba ni/ sprul pa'i sku'o/ /de dpyod pa 'phags pa thams cad dang/ bdag tu tha mi dad par dpyod pa ni/ sku gsum thob pa'i dbang ngo/ rdo rje ni thabs kyi rtags te/ chos thams cad la dpyod pa'o/ dril bu ni shes rab kyi rtags te/ chos thams cad la sgyu mar rig pa'i phyir/ 'khor ba dang mya ngan las 'das pa'i chos thams cad la/ ji ltar 'dod par dbang sgyur zhing dpyod do/ glang po las kyang/ phyogs bcu'i 'jig rten gang nas kyang/ /sangs rgyas rnyed par yod mi 'gyur/ /rig pa'i sems nyid sangs rgyas te/ /sangs rgyas gzhan tu ma tshol cig /ces 'byung ba lta bu'o/ 'phags pa thabs kyi zhags pa padmo 'phreng ba las dbang gi le'u ste/ gsum pa'o// //da ni mchod pa'i mchog bstan pa'i phyir/ sems dpa' chen po mchod pa'i dpa' i mchog ni 'di ltar rig par bya'o/ nyan thos las khyad par cher 'phags pa'i phyir mchod pa'i mchog ces bya'o/ /ci'i phyir mchod pa dang mchod ces gsungs te/ bdag mchod kun mnyes thams cad 'drangs/ /kun la phan pa'i sman yin te/ rnal 'byor bdag nyid chen po yis/ /thams cad brgyan cing bza' bar bya/ zhes gsungs te/ 'phags pa thams cad dang/ stong khams kyi sems can dang/ bdag tu chos kyi dbyings mnyam pa nyid kyi so so ma yin pa mi dad par rig pa'i rnal 'byor pas/ bdag nyid zhal zas 'dod pa'i yon tan lnga rtag tu dpyad te/ bdag tshim pas/ 'phags pa thams cad mnyes par gyur pa dang/ 'di lta bu'i byin gyi brlabs kyis khams gsum gyi sems can thams cad kyang 'drangs shing dga' bas rnal 'byor pas ni/ dus thams cad du mchod pa dang/ gtor ma bya ba dang/ hom yang 'phags pa dang/ bdag so so ma yin pa'i ting nge 'dzin gyis lus kyi nang du ni yi ge bruM las/ gzhal med khang du gyur pa'i dbus na/ 'phags pa rnams bzhugs par gsal bar dmigs te/ kha ni hom bung/ lce ni las/ gang bya ba'i gtso bo dang bcas pa/ lag pa ni hom gzar du dmigs te/ de ltar phun sum tshogs pa'i don yin pas/ bdag nyid khyad par du 'phags pa'i sems dang ldan pas/ bdag ma nor pa'i dbang phyug chen po yin pa'i phyir/ zhal zas dang rgyan gyis brgyan par bya'o/ zhes bya ba'i tha tshig go/ 'phags pa padmo phreng gi don las mchod pa'i le'u ste bzhi pa'o// //de ni dkyil 'khor gsum phye ste bshad par bya'o/ /kun tu 'od kyi sa las 'das/ /pad+ma'i spyan du gyur pas ni/ /rig pa'i byin brlabs chen po las/ /rang 'byung 'od kyi 'du 'dra'i tshul/ /ces gsungs te/ chos kyi sku ni kun tu khyab par gnas so/ /de las 'das par khyab pa ni/ ma chags pa'i spyan gyis chos kyi sku la bltas na/ ji lta bu'i tshul du yang ma mthong ba/ de ltar mthong ba'i tshe/ 'bad pa med par rig pa'i byin brlabs las/ rang 'od kyi 'du 'phro ltar byung ngo/ /dang po yang chos kyi sku'i byin gyis brlabs las 'byung/ slar yang der 'dus te/ mtshan ma med pa las rang bzhin gyis gnas so/ /de ltar 'byung ba gang bcas na/ bstan pa'i phyir/ yi ge tshogs chen 'khor lo ste/ /mchan dang dpe byad kun las 'phro/ /rang bzhin gdum pa'i gzugs can dang/ /mgyogs pa mgyogs ma'i pho nyar ldan/ zhes gsungs te/ yi ge 'bru lnga pos mtshon pa las/ ye shes lnga las gtso bo rnam par snang mdzad dang/ mi 'khrug pa dang/ rin chen dpal dang/ snang ba mdza' yas dang/ gdon mi za bar grub pa'o/ /ye shes lnga'i yul lnga nas/ gtso bo kun tu bzang mo dang/ yangs ma'i spyan dang/ mA ma kI dang/ na bza' dkar dang/ dam tshig sgrol ma'o/ /de'i byin gyis brlabs pa las byung ba ni rtsa gnyis dang sbyar/ sems dpa' bcu drug dang/ sems ma bcu drug ste/ bcu drug gnyis ni sum cu rtsa gnyis te/ mtshan sum cu rtsa gnyis dang sbyar/ sems dpa' bcu drug la/ dbu rgyan lta bu'i rigs lnga lnga zhig 'byung ba ni/ spyir brgyad cu ste dpe byad bzang po brgyad cu dang sbyar ro/ /sems ma la dbu rgyan yod kyi/ gnyis gyi byin gyis brlabs las 'byung bas/ dpe byad kyi skabs su bshad/ rtsis las 'das pa'i nang du rtogs so/ rig pa'i byin rlabs las byung ba'i sems dang/ sems las ma gtogs pa'i mtshan dang dpe byad ni/ 'khor lo bskor ba'i rgyal po yang yod de/ de ni sangs rgyas ma yin no/ /khro bo dang khro mo rnams ni/ mtshan ma'i dpyod yul la/ khro zhing gtum pa de rtag chad kyi mdza' la khro gtum zhes bya ba'i don to/ /pho nya ni 'gro ba med par kun tu phyin pa ste/ chos kyi dbyings dang tha mi dad pa'i don to/ /'di dag 'bad rtsol med par rang 'byung bas/ rang bzhin gyi dkyil 'khor ces bya'o/ /de la 'di ni thig le rdo rje yin/ 'di nas gang zag bdag med pa/ /rtogs par bya phyir ngas bshad de/ /mkhas pas de la sbyor bar gyis/ zhes gsungs te/ de la thig le ni chos kyi dbyings so/ /rdo rje ni lha dang lha mo'i tshul du yod pa la bya'o/ /don tu na rdo rje dbyings kyi dkyil 'khor zhes bya'i tha tshig go / ting 'dzin gyi dkyil 'khor 'di bshad pas/ gang zag la bdag med par rtags pa'i phyir bshad do zhes pa'i don to/ rnal 'byor pas 'bad mi dgos pas/ lha dang lha mo'i tshul du ji ltar 'byung bar rtogs pa 'am/ 'byor par gyis shig pa'i tha tshig go/ // 'phags pa thabs kyi zhags pa padmo 'phreng ba las/ ting 'dzin gyi dkyil 'khor gyi le'u ste/ lnga pa'o// //da ni gzugs brnyan gyi dkyil 'khor bstan pa'i phyir/ sems dpa' sbyed yul thams cad ni/ 'di ltar rig par bya'o/ zhes gsungs te/ chen po lnga la de bzhin gshegs pa gcig la lnga lngar rig par gyis/ khams gsum bdag nyid yin pa ste/ sku gsum zhes kyang de la bya'o/ /nam mkha' rnam par snang mdzad/ sa mi 'khrug pa/ chu rin chen 'byung ldan/ me snang ba mdza' yas/ rlung gdon mi za bar grub pa'o/ /sa gcig pu la yang sra ba dang/ 'du ba dang/ dro ba dang/ g.yo zhing bskyed pa ste/ de rnams gzhigs na/ nam mkha' bag ma zhi bas lnga lnga yod de/ de bzhin du lhag ma rnams la de bzhin du rig par bya'o/ /de ni sems dpa' dang sems ma'i mtshan nyid do/ /lus ni gzugs kyi khams/ dag ni 'dod pa'i khams/ yid ni gzugs med pa'i khams/ lus ni longs spyod rdzogs pa'i sku yin/ sems ni chos kyi sku yin/ ngag ni sprul pa'i sku'o/ /yang gsungs pa/ ye shes dang ni 'gro ba lnga/ /mnyam pas so sor dbyer med de/ sngags dang phyag rgyas dbang bskur bas/ /spyod lam kun du ma 'da' la zhes gsungs te/ de ltar mnyam pa nyid du rtogs pa ni/ de bzhin gshegs pa dang/ bdag so so ma yin bar rig pas/ sangs rgyas gud nas dpyad mi dgos/ ngag smras so cog sngags yin pas/ snying po lhag par brjod du med/ /lus bskyod do cog phyag rgya yin pas/ phyag rgyas bsrung mi dgos te/ sngags dang phyag rgyas ni/ bdag nyid chen po'i rig pa'i ye shes kyi rtsal? chen por dbang bskur ro/ dper na dbang po lnga ni yab lnga/ yul lnga ni yum lnga ste/ lus ni be ro tsa na/ mig ni ak+Sho b+hya/ rna ba ni a mi de ba/ sna ni rang na sam b+ha ba/ lce ni a mo ka si ti/ gzugs thams cad ni rdo rje sgeg mo/ sgra thams cad ni rdo rje dbyangs/ dri thams cad ni rdo rje phreng ba/ ro thams cad ni rdo rje gar ro/ reg thams cad ni kun tu bzang mo/ tshogs bye ba ni/ bdag gi byin rlabs thams cad 'dus shing/ tshogs pa'i phyir tshogs zhes bya'o/ /dkyil ces bya ba gang zhe na/ thams cad bdag gi sems las sprul pa'i phyir/ ye shes thams cad chos nyid dag pa las sprul pas/ chos dang sems dang rig pas mnyam par gyur pa las/ dkyil de sems la bya'o/ /'khor gang zhe na/ thams cad dbus mdza' med par ye shes kyis khyab cing rdzogs par spyod pa ni 'khor zhes bya'o/ /de lta bu ni tshogs kyi dkyil 'khor zhes bya'o/ /yang rnam gcig tu sgo lnga'i rnam par shes pa rang thad du ma 'phros te/ yang rnam gcig tu/ sems dang yid dang/ rnam par shes pa zhes bya ste/ 'di gsum du kun 'dus pas/ dkyil 'khor thams cad 'byung ba'i rgyu yin no/ / de la sems kyi rang bzhin kun gzhi'i rnam par shes pa la/ bag chags sna tshogs pa bsags pas gnas gyur te/ bsod nams kyi zhing dag pa ni/ chos kyi dbyings rnam par dag pa'i ye shes te/ de bzhin gshegs pa'i rigs so/ /kun gzhi'i rnam par shes pa phyi nang gi 'jig rten la/ rgyun mi 'chad par rtogs shing sna tshogs kyi rang bzhin du 'jug pa nyid/ rang thang tu 'phros te/ ye shes su 'phros pas rnam par dag pa'i thabs su rig cing/ gnas su gyur pa ni me long lta bu'i ye shes rdo rje'i rigs so/ /nyon mongs pa'i yid bdag tu lta ba gnas su gyur pa ni mnyam pa nyid kyi ye shes te/ rin po che'i rigs so/ /sgo lnga'i rnam par shes pa rang thad du ma 'phros te/ ye shes su blta bas su/ rnam par dag pa'i thabs su rig cing gnas gyur pa ni/ bya ba nan tan gyi ye shes te las kyi rigs so/ /yid kyi rnam par shes pa gzung 'dzin gyi dang du rtogs pa can/ yul la rang thad du ma 'phras pas/ rnam par dag pa'i thabs su rig cing gnas gyur pa ni/ pad+ma ltar thabs kyi sgo sna tshogs kyis/ so sor kun tu rtogs pa'i ye shes te pad+ma'i rigs so// ye shes su ltas pas ni/ rnam par dag pa'i thabs su rig pas/ kun tu lta ba'i bsnol te khar ni rab sbyar nas/ ldan pa g.yas su byo ba las/ /chags pa'i tshul gyis lta ba las/ /rdo rje 'bebs pa'i phyag rgya yin/ /lag gnyis thal mo mnyam sbyar nas/ /sor mo rgyab tu bsnol nas su/ gung mo gnyis gshibs bsgreng ba ni/ /rdo rje sems dpa' i phyag rgya yin/ /lag gnyis sor mo bsnol nas su/ /gung mo gnyis kyi rtse mo rnams/ /myu gu'i tshul du bkug pa ni/ /rdo rje rin chen ma'i phyag rgya/ /lag gnyis sor mo rnams bsnol te/ /phan tshun gsum po bsdams pa las/ /gung mo bar du bkug bsnol nas/ /rdo rje las ma'i phyag rgya yin/ /'phags pa thabs kyi zhags pa padmo phreng ba las/ phyag rgya'i le'u ste bcu pa'o// //da ni rig sngags gcod pa'i le'u bshad de/ de nas dkyil 'khor gyi lha dang/ lha mo rnams la phyag na rdo rje la sogs pa byang chub sems dpa' brgyad dang/ 'khor phal po che dbyangs dang mthun par bstod nas/ /aoM phyogs bcu'i 'jig rten rab 'byams ni/ /rgyal ba gang bzhugs 'khor dang bcas/ /bla med lha lnga lha mo yi/ /grub pa'i byin brlabs bsam mi khyab/ /aoM sems pa bcu drug rigs kyi gtso/ /sems ma bcu drug rigs kyi yum/ /mthu chen khro bo khro mo dang/ /pho nya 'jig rten skyong dang ldan/ /aoM sngon gyi thugs dam chen po ni/ /'jig rten ma lus thams cad kun/ /rgyal ba'i zhing du sbyor bas na/ /phyag rgya chen por bdag sbyor cig/ aoM dpa' po chen po mthur ldan rnams/ thugs rje chen po'i byin brlabs kyis/ /bdag gi lhag pa'i bsam pa rnams/ /grub par byin gyis brlab tu gsol/ /aoM khams gsum zhing du sbyor la phyag 'tshal lo/ /dmigs med chos kyi sku la phyag 'tshal lo/ /longs spyod rdzogs pa'i sku la phyag 'tshal lo/ /cir yang sprul pa'i sku la phyag 'tshal lo/ zhes bstod nas/ nyid kyi thugs kar zhugs te/ rol pa khro bo zhes bya ba'i ting nge 'dzin la snyoms par zhugs nas/ khro bo'i rtog pa bshad do/ /de nas bcom ldan 'das rdo rje sems dpa' la/ lag na rdo rjes 'di skad ces gsol to/ /bcom ldan 'das da ltar dang/ ma 'ongs pa'i dus na/ gcer bu pa dang/ kun tu rgyu la sogs pas/ so so'i rig sngags kyi las kyis/ lha ma hA de ba la sogs pa/ 'jig rten gyi lha dang/ gnod sbyin mthu bo che dang/ 'phra men thams cad bskul nas/ sems can la srog gi bar chad bgyid 'tshe bar bgyid/ shin du sdug bsngal bar bgyid na/ de thabs gang gis bzlog par bgyid/ sbyor ba bcad par bgyi/ bka' stsal pa/ lag na rdo rje nyon cig /'di ni de bzhin gshegs pa'i sku dang gsung dang/ thugs rdo rje'i bdag pos sngon yang bshad de/ lag na rdo rje khyod kyis byas pa'i gsang sngags dang/ srid bzad par bya ba'i gsang sngags thams cad kyang bzlog par byed/ gnon par byed na/ kun tu rgyu la sogs pa gzhan lta ci smos/ de nas bcom ldan 'das kyis rdo rje mtshon cha'i/ ting nge 'dzin la snyoms par zhugs nas/ sku dang gsung dang thugs rdo rje las/ gsang sngags bzlos shing gnon pa dang/ sbyor ba gcod pa zhes bya ba 'di gsungs so/ /aoM dzwa la badzra hUM/ man+t+ra sum ba ni/ aoM dzwa dzwa la hUM/ aoM bruM/ hUM bruM traM bruM/ traM bruM/ a bruM/ 'di gsungs ma thag tu/ phyogs bcu nas mtshon cha'i char chen po bab ste/ lag na rdo rje nyid kha spub tu 'gyel nas/ khrag tu skyugs bar gyur to/ /lha dang gnod sbyin thams cad brgyal te/ lus dum bur chad par gyur to/ /de nas bcom ldan 'das kyis/ de dag gi sbyor ba chad par rig nas/ slar langs te/ aoM badzra swa da twa ra dza dzha/ de nas bcom ldan 'das kyis/ lag na rdo rje la bka' stsal pa/ lag na rdo rje khyod nyid kyang/ 'di las 'da' bar ma byed cig/ khyed kyi 'khor thams cad kyang 'di las 'da' bar byed na/ thams cad rlag par 'gyur ro/ /de bzhin du lag na rdo rje khyod kyis/ lha dang gnod sbyin thams cad la yang bsgo zhig /de nas lag na rdo rjes gsol pa/ bcom ldan 'das 'di na srid gsum 'dul bar bgyid la/ mthu po che thams cad kyi nga rgyal gcod pa dag lags te/ ci ltar bcom ldan 'das shAkya thub pas/ mthu stobs dang ldan pa'i slad du/ bdag gi ming lag na rdo rje zhes btags nas/ 'dir rdo rje sems dpas/ bcom ldan 'das kyi byin gyis brlabs kyis/ sngags 'di smras pas/ bdag kyang khrag tu skyug cing 'gyel bar gyur na/ gzhan lta ci smos te/ 'di ni 'da' bar dka' ba'o/ /gnod sbyin rnams la yang bsgo'o/ /de nas bcom ldan 'das kyis ma 'ongs pa'i dus na/ gsang sngags 'di grub pa'i cho ga bshad de/ ma las nyi ma'i dkyil 'khor du dpal chen khrag 'thung spyan drang ngo/ /sku ni dud ka chen mo la/ /dbu skra kham nag ral pa can/ /dbu gsum po la phyag drug ste/ /dmar dang dung ka gnag pa'i yin/ /g.yas kyi gsum na thogs pa ni/ /sti ra'i dbyug pa chen po dang/ /dung chen dmar gyis bkang ba la/ /rdo rjes dkrug cing 'thung bar brtag/ g.yon gyi gsum na thogs pa ni/ sti ra'i rgyu ma thogs pa dang/ /khyung gi khra chen thogs pa dang/ stir 'phra mo'i gsus pa nas/ /glo snying nang khrol 'dren cing za/ /gtsug tu rnam par snang mdzad nyid aoM/ /phrag pa g.yas pa ak+Shob+hya hUM/ /g.yon na ratna sa ma b+ha ba traM/ /rkang pa g.yas na a mo si ti a/ /g.yon na a mi de ba h+rI:/ pruM las rdo rje 'khor lo dang/ /rdo rje rnams ni rig sngags brtag/ ke ri dang ni tse'u ri dang/ pra mo ha dang pe ta li/ gzhan yang bya tri mu ka dang/ sid ha mu ka dang/ sri la mu ka la sogs mgyogs ma rnams/ /sti ral ni 'bru tshugs su/ /lta zhing rtod pa'i tshul las ni/ /ha ha de nas skad cig yud tsam la/ sngags nyid dang spod gtong bcas te/ 'gugs pa'i pho nyar brtag par bya/ /ras sam gro ba 'am rtswa rnams la/ /khro bo'i gzugs su bris pa 'am/ /yang na skud pa nag pos bcing/ /ha ha'i gad mo chen po dang/ /rdo rje bskul pa'i glu blangs te/ /pho nya rnams kyang mdag par bya/ /de nas rig sngags bzung nas kyang/ /rtsa'i gzugs la gnas pa dang/ /'khor lo la sogs mtshon cha yis/ /de dag phye mar rlag par bya/ /badzra tsag kra bruM/ phye ma de dag gtubs nas kyang/ /thod pa gzhu dang bcas pa yis hoM khung gru gsum sgo ca du/ /raM zhes bya ba'i me spar nas/ /drang srong 'khor rnams g.yab mos bod/ /de nas rig sngags bsreg par bya/ /de ltar lha dang bdag sbyar nas/ /rnam lnga'i chis dang ldan par bya/ /ma mo chen mo sha la spyon/ 'byung po'i sha ni zan pas zhim/ /'byung po'i khrag ni chang bas zhim/ /ma mo chen mo khrag la spyon/ /ma mo chen mo rkang la spyon/ /'byung po'i rkang ni mar bas zhim/ /'byung po'i rus pa zhim pa ste/ /'di dag gsol ste mnyes par mdzod/ /glu dang gar dang gang rgyangs kyis/ /so sor mchod de bsgrub par bya/ /zin pa'i sems can gang yang rung/ /de dag skud pa nag pos bcing/ /de yang dum bur gcad par bya/ /de nas mi de snga ma bzhin/ /tshe gnas bya phyir 'bru lnga yis/ /gnas lnga dag tu rnams bkod de/ /zin pa'i sems can srung bar bya/ /tsha zhing rtsub pa'i shin dang ni/ /sha dang chang dang yo byad rnams/ /gnag cing tsha ba rnams sbyar te/ /lha chen rnams la mchod par bya/ /de nas las rnams grub pa dang/ /ha ha la sogs gang mo dang/ /glu dang rdo rje dbyug pa yis/ /lha rnams dag la thim par bya/ /'di ni bdag nyid bsrung ba dang/ las rnams thams cad grub par byed/ /shar phyogs na 'phre men ma ke'u rim/ /kha dog sngon mo phyag gnyis te/ phyag g.yas pa na badna d+ha tsan dan dmar pos bkang ba thogs pa/ g.yon zhing chung gi dbyug pa thogs pa ste/ aoM badzra ke ri dza dza hUM/ zhes stong rtsa brgyad bzlas te bcol na/ sangs rgyas kyang 'gugs nus na/ gzhan lta smos kyang ci dgos/ che ge mo zhig khu gcig ces bcol la/ gtor ma tsan dan dmar chen gyis arga la/ aom ru lu ru lu hUM b+hyo/ zhes brjod cing/ arga lan gsum sbred do/ /lho phyogs nas tse'u ri kha dog ser mo/ /phyag na mda''gengs pa/ aoM badzra tse'u ri ha dza dza/ zhes stong rtsa brgyad bzlas te bcol na/ phyag na rdo rje'i mthu yang 'phrog nas na/ gzhan lta smos kyang ci dgos/ nub phyogs na pra mo ha kha dog dmar mo/ phyag na chu srin gyi rgyal mtshan thogs pa/ aoM badzra pra mo ha dza dza zhes brgya rtsa brgyad bzlas te bcom na/ phyag na rdo rje yang rang bzhin gyi mthu gzhan nas dbang du 'od na/ gzhan lta smos kyang ci dgos/ byang phyogs na pe ta li/ kha dogs ? phyag g.yon gzhir rung 'dzin ces bya ba/ phyag g.yas na rdo rje 'byar ba/ aoM badzra pe ta li hUM dza dza/ zhes stong rtsa brgyad bzlas te bcol na/ 'jig rten dang 'jig rten las 'das pa'i dngos grub thams cad kyang 'grub na/ 'jig rten gyi bsgrub pa 'phran tshegs lta ci smos/ /shar lho mtshams nas pu ka si kha dog dmar ser/ phyag gnyis zhing chung gi ba su ta 'dren cing za ba/ aoM badzra pu ka si hUM dza dza/ zhes bzlas te bcol na/ phyag na rdo rje yang 'chi zhing 'dren par nus na/ gzhan lta ci smos/ lho nub kyi mtshams na/ kas ma ri/ kha dog ljang gu/ phyag g.yon ban d+ha tsan dan dmar pos bkang ste/ rdo rjes dkrug cing 'thung ba/ aoM badzra kas ma ri hUM dza dza/ zhes stong rtsa brgyad bzlas te bcol na/ phyag na rdo rje yang myos par 'gyur na/ gzhan lta smos kyang ci dgos/ nub byang mtshams na/ badzra sma shin kha dog ljang gu/ /zhing chung lag pa gnyis kyis bzung ste/ snying gnas zab/ aoM badzra sma sha ni hUM dza dza/ zhes stong rtsa brgyad bzlas te bcol na/ za ma dang ma ning yang rgyud 'phel bar 'gyur na/ dbang po tshang zhing nyams pa med pa lta ci smos/ tshe dang dbang thang 'phel bar bya ba lta ci smos/ 'phra men ma 'di rnams 'phrin las mdzad par skul ba'i tshe/ arg+haM dang gtor ma dbul ba ni gong du smos pa bzhin du tshul bzhin du bgyi/ 'khros nas thams cad kyi phyag cha h+ri bul 'bar ba/ g.yon rde'u chung bsnams pa/ gdan me smug nag gi steng na bzhugs pa/ sku'i kha dog nag po la/ /khrag dang zhag dang thal ba'i thig les tshom bur byas shing/ ba su tas rked pa bcings pa/ gser gyi pags pa gos su gyon pa/ so tra a 'dzas lus brgyan te/ gcer bu'i tshogs smug nag 'bar ba/ g.yon rde'u chung bsnams pa/ gdan me smug nag 'jig rten gyi khams zad cing sreg par byas nas/ slar dpal chen po'i skur thim par byas so/ /de'i phyir rim par bshad par bya ste/ shar phyogs nas sid+d+ha mu ka/ kha dog ser mo zhing kha na thogs pa/ lag pa g.yas g.yon bsnol ba/ seng ge'i mgo can/ lho phyogs na bya gri mu ka/ kha dog dmar po/ lag pa gnyis bsnol te/ mdun na zhing gnas pa la lta ba/ stag gi mgo can/ nub phyogs na sri la mu ka/ kha dog nag po/ lag pa gnyis na zhing chung 'dzin cing lces ldag pa/ wa'i mgo can/ byang phyogs na shon mu ka/ kha dog mthing ga/ zhig lag pa gnyis kyis khong dral te/ lta ba khyi'i mgo can/ shar lho'i mtshams na/ kri ta mu ka/ kha dog dmar gnag/ zhing chung ngu'i ba su ta kha na thogs pa/ lag pa g.yas na ban d+ha/ g.yon na gri thogs pa/ bya rgod mgo can/ lho nub kyi mtshams na/ kang ka mu ka/ kha dog dmar ba lag pa g.yas pa la zhing 'gel zhing rkang pa nas bzung ba/ g.yon pas mgo 'dzin pa/ bya kang ka'i mgo can mchu ring ba/ thor to bkug pa ze ba dmar ba/ nub byang gi mtshams na/ kha kha mu ka kha dog nag mo/ mchus zhing thogs pa/ lag pa g.yas pa pad+ma ban d+ha 'dzin pa/ byang shar gyi mtshams su hu lu mu ka/ kha dog sna tshogs/ lag pa g.yas pa dung chen khrag gis bkang ba 'thung ba/ g.yon pa rdo rje lcags kyu 'dzin pa 'ug pa'i mgo can/ /nang rim 'ug pa'i 'khor gyis bskor ba/ de'i phyi rim bya rog gi 'khor gyis bskor ba de'i phyi rim bya kang ka'i 'khor gyis skor ba/ de'i phyi rim bya rgod kyi 'khor gyis bskor ba/ de dag thams cad kyang zhing mang po gsar rnying spungs pa'i steng na/ zhing la stong pa'i phyir 'thab pa'i tshul ston pa sha dag go /'di dag gi snying po ni 'di rnams so/ /hUM ha he phaT hUM/ /'di kun 'bru re re la yang lan bzhi bzhi brjod do/ /hUM gis gtso bo bskyed/ has nang gi lha mo bskyed/ nyes phyi'i lha mo rgyad bskyed/ phaT kyis thams cad khro bor skul/ hUM gis thams cad 'od zer 'bar bas/ phyogs bcur khyab par bgyi'o/ /lha mo 'od ldan chags kyi bdag/ /he ru ka la phyag 'tshal lo/ /slob dpon lha ni brnyas byed dang/ /rnal 'byor bar du gcod pa dang/ /dam tshig gnyan po 'dral ba dang/ /rdo rje sdun la 'khu ba rnams/ /khyod kyis rdul du brlag nas ni/ /gnod sems ma lus gtan nas phyung/ /dpal chen stan 'ga' na'i tshogs chen po la gshegs pa'i tshe/ sku gsung thugs kyi khro bo'i gzi brjid kyis/ gdug pa thams cad gtan nas 'byin cing/ longs spyod chen po'i tshogs chen po la/ 'ging zhing 'ging ba'i glu bangs te/ thams cad dgyes par mdzad pa yi/ dbyangs 'dis dgyes par mdzad do/ /rdo rje pad+ma'i phyag rgya dpal 'bar bcings nas phyar te mchod cing/ 'khor thams cad gcer bur byung nas/ skra ba shig cing rgyug ste sngags 'di gsung ngo/ /aoM e a ra li ho h+ri h+ri h+ri/ de nas tshogs su ? nas/ 'khor thams cad la spyan bgrang nas/ gzigs shing 'dzum ba'i brdas ha ha sang sang sgra phyung ste/ 'khor thams cad kyis kyang/ mgrin gcig tu dbyangs 'di gtso bo la bstod do/ /e ma'o chos/ e ma'o chos kyi don 'byung ba/ /chos don dag pa bdag med pa/ /nam mkha' dang ni mnyam pa'i gnas/ /rdo rje rgyal la phyag 'tshal lo/ zhes brjod pas gtso bo mnyes nas/ /'khor thams cad la gzigs shing/ dam gsal ba'i dbyangs 'di gsungs so/ /kha ga lhya/ sha ta ba ka/ a la la ho/ ma ha pany+tsa a mri ta/ kha ram yo gi ni/ kha raM ta ki ni/ a la la ho/ b+ha ga bAn/ kha kha kha/ lha mo rnams rnga brdung zhing dbyangs zhe na/ rgyud gsum gyi glu tshig/ ta ke ma ta ke ma ta kem/ ge tem ge tem/ ta kem ta kem/ k+Shem k+Shem k+Shem/ /'phags pa thabs kyi zhags pa pad+ma 'phreng las/ rig sngags gcod pa'i le'u ste/ bcu gcig pa'o// //nga na rdo rje srin po rnams kyi dkyil 'khor bshad de/ sems dpa' chen po nyon cig ces gsungs pa ni/ rdo rje srin pa'i dkyil 'khor bshad pa'i phyir/ rdo rje sems dpa' la dbos so/ /hUM bskal pa me ltar 'bar ba yi/ /'od zer 'du 'phro'i klong dkyil nas/ /khro bo chen po rnams bzhugs pa/ /brkyang bskum tshul du gnas pa ste/ zhes gsungs te/ bdud dang bgeg la stsogs pa/ sba skong zhing brlag par gdul pa'i phyir/ 'jig rten gyi khams thams cad me dpung chen po 'bar zhing/ tug com gyi sgra nang du/ 'od zer sna tshogs 'phro zhing 'khyil pa'i dbus na/ khro bo'i 'og nas 'byung ba rnams/ zhabs brkyang bskum gyi tshul du khro gnyer sdang smig tu gzigs shing bzhugs pa'i don to/ /gzhan du na rtag chad kyi mdza' dang/ mtshan ma'i spyod yul dang/ lta ba'i gnas drug cu rtsa gnyis ni/ yang dag pa'i dbyings nyid la 'jug pa'i bar du gcod pas/ bgegs su 'gyur la/ spyir mi rtogs par gyur pas bdud de dag 'joms shing/ skrag pa'i shes rab kyi me la bya/ ye shes lnga'i 'od zer sna lnga las/ thogs pa med par 'jug pa dang/ dbyings nyid la 'khyil te gnyis su med pa'i ting nge 'dzin du thim nas/ mdza' las 'bras te sku mi dmigs pa dkyil lo/ /don gong ma ltar go ba ni sgra ste/ kun tu khyab pa'i phyir sgra chen po zhes bya'o/ /ye shes lnga tha dad par rig cing go ba ni sgra sna tshogs pa yin ces gcig la spros pa'i tan tra las 'byung ste/ brkyang ba ni shes rab ste/ dbyings la dmigs pa'i don to/ /bskum pa ni thabs te/ dbyings nyid la mi dmigs par chud pa'i don to/ /dbus kyi khrag 'thung chen po ni/ /dbu dgu phyag rgya bco brgyad de/ /gshog pa rdo rje gtams pas rdengs/ /zhabs kyang brgyad du rnam par bstan/ zhes gsungs te/ khro bo 'og nas 'byung ba'i dbus na he ru ka gtso bor bzhugs te/ dbu dang po dbus dkar/ g.yas dmar/ g.yon ljang gu/ /bar ma dbus ser/ g.yas sngo/ g.yon dmar skya/ tha ma dbus nag po/ g.yas dmar smug/ g.yon ljang nag go/ dbu skra ral pa? 'am nag gyen du 'khyil ba/ thod pa skam po'i 'phreng bas brgyan pa'o/ /sku mdog nag po zhes kyang 'byung ste/ /sku yang ni mdog dang sku cir yang 'gyur ces 'chad pa mang ngo/ /thod pa rlon pa'i 'phreng ba so ral khar thogs pa/ phyag bco brgyad pa/ g.yas g.yon dang bo gnyis ni/ rdo rje dang dung chen khrag gis bkang ba dkrug cing gsol ba/ /de'i 'og ma gnyis na/ stir zhing chen po rlon pa'i glo snying 'byin cing gsol ba/ de'i 'og ma gnyis na/ sti ra chen po'i nang zhags pa bsngogs te/ lam rgyud lnga'i sems can thams cad la 'debs te/ dbyings la sbyor zhing lta na byed/ de'i 'og ma gnyis na/ sti ra chung dun chad par bcangs te/ ril ming mdzad pa/ de'i 'og ma gnyis na/ nyi ma zla ba thugs kar 'dzin/ de'i 'og ma gnyis na cir yang 'gyur ba'i mtshan cha/ de'i 'og ma gnyis na/ 'phra men mgyogs ma zhes bya ba dang/ gsong ma zhes bya ba khyung dang 'ug pa lta bur sprul pa'i khra thogs nas/ dam las 'gal ba gtong zhes pa'o/ /de'i 'og ma gnyis na/ rlung dang me'i dkyil 'khor thogs pa ste/ 'jig rten thams cad mthor zhing sreg go /de'i 'og ma gnyis na/ chu'i dkyil 'khor dang ri thags te/ 'jig rten gyi khams gnon cing g.yeng bar mdzad do/ /de'i 'og ma gnyis na/ rin po che'i mdzod dang yi bzhin gyi za ma tog ste/ rnal 'byor ba rnams la cis kyang mi tshugs pa'i gra cha la sogs pa dang/ dngos grub rnam gsum yang thob par mdzad do/ /gzhan du na mthar gyis gnas pa'i snyoms par 'jug pa dgu/ chos nyid dang tha mi dad la/ rims su yang snang ba'o/ / stong pa bco brgyad du rig pa de nyid/ ye shes brgyad kyis phyi nang gi dngos po 'jig pa'i phyir/ phyag bco brgyad dang sbyar te/ de ni thabs yin no/ /spyan dgu ni chos nyid las gzhan du mi gzigs so/ /spyan bco brgyad ni/ stong pa bco brgyad la dmigs pas shes rab bo/ /de ltar thabs dang shes rab 'brel pas/ /spyan drang/ snyan dang/ shang dang/ ljags dang/ sku gsung thugs kyang stod pa bco brgyad du gzigs pas/ bco brgyad phrag ste/ khro bo brgya rtsa brgyad do/ /khro bos gzigs pa'i yul gzugs dang/ sgra dang/ dri dang/ ro dang/ reg bya dang/ stong pa bco brgyad phrag drug ste/ de ni dmigs pa'i yul yin pas khro bo brgya rtsa brgyad do/ /de lta bu sha stag ste/ chos thams cad khro bo dang khro mo yin par mkhas pas/ rigs te/ grangs med do des gcig las spros pa'i tan+t+ra las 'byung ngo/ /mkha' lding gi rgyal po'i tshul du rdo rje gshog pas gdengs pa'o/ /phyag mang po gdengs ba la yang bya zhes kyang bshad/ gshog pa ni rdo rje bstams pa ste/ 'jig rten gdengs pa tsam du gdengs pa'o/ gzhan du na chos kyi dbyings las/ ye shes 'phro ba dang thams cad du khyab pas phyin pa'i don te/ zhabs brgyad kyis g.yas g.yon gnyis ni/ ma hA ka la pho mo gnyis brdzis pa'o/ /de'i 'og ma gnyis ni/ tshogs kyi bdag po pho mo gnyis brdzis pa'o/ /de'i 'og ma gnyis ni/ byin ya ka pho mo gnyis brdzis pa'o/ /gzhan du na rnam par thar pa brgyad la zhon pa'i tha tshig ste/ bsam gtan bzhi dang/ snyoms par 'jug pa bzhi sgom zhing chos nyid ma rtogs pa ni/ 'jig rten lha'i bsam gtan no/ /chos nyid rtogs pa ni rnam par thar pa brgyad du 'gyur te/ de'i phyir 'jig rten gyi lha brgyad zhabs kyis brdzis pa ni 'jig rten gyi lha'i bsam gtan chos nyid du mkhyen to/ /chos rtags pas rnam par thar pa brgyad la zhon zhes bya ba'i don to/ /de'i dkyil 'khor khro bo ni/ /dbu gsum phyag drug gsheg pa can/ /zhabs drug rdo rje brag stengs na/ 'jig rten skyong bas 'dud tshul lo zhes gsungs te/ sh+rI he ru ka'i 'khor gyi khor bo re re la yang yan lag nyi shu rtsa bdun/ phyag rgya lnga bcu rtsa bzhi dang ldan par bstan no/ /shar phyogs su khro bo rnam par rgyal ba sku mdog dkar ba dbu dbus dkar ba/ g.yas sngo g.yon ljang ser/ phyag g.yas g.yon dang po gnyis na/ rdo rje dang dung chen dmar gyis bkang ba dkrug cing gsol ba/ de'i 'og ma gnyis na/ tri shul dang 'khor lo bsnams tha ma gnyis na/ sti ra'i dbyug pa dang pha bang bsnams pa'o/ /gshog pa ni gong du bshad pa dang mthun no/ /rdo rje brag gtams pa la brten te/ 'jig rten skyong ba brgya byin zhabs kyis brdzis te bzhugs so/ /gzhan dbu gsum ni/ rnam pa thar pa'i sgo gsum dang sbyar ro/ /phyag drug ni ye shes drug dang sbyar ro/ /zhabs drug ni ye shes drug /yul drug la mi dmigs pa'i tshul gyis mi 'gyur bar bstan te/ bstan pa'i phyir rdo rje brag ces smos so/ /'jig rten skyong ba ni/ dge ba bcu'i las kyis grub pa la/ de la bcings pa ni/ dge ba bcu las 'das pa'i phyir/ mnyam pa nyid la spyod pa'i don to/ /de bzhin du khro bo khro mo 'og nas 'byung ba'i phyag mtshan rnams kyang tshul de ltar sbyar ro/ /shar lho mtshams su be con sngon po/ sku mdog sngo skya/ dbu gsum la dbus sngo/ g.yas kar/ g.yon dmar/ phyag g.yas g.yon dang po gnyis na/ rdo rje dung chen khrag gis bkang nas dkrug cing gsol ba/ bar ma gnyis na dbyug pa rin po che dang me rbal bsnams/ tha ma gnyis na sti ra'i dbyug pa dang khwa bsnams pa/ zhabs drug me lta brdzis pa'o/ /gzhan ni gong ma dang 'dra/ /sngo phyogs su gshin rje gshed po ste/ sku mdog sngon po/ dbu gsum la dbus sngon po/ g.yas sngo skya/ g.yon ljang gnag /phyag g.yas g.yon dang po gnyis na/ rdo rje dung chen khrag gis bkang nas dkrug cing gsol ba/ bar gnyis na dbyug pa mi mgo can dang dgra sta bsnams/ tha ma gnyis na sti ra'i dbyug pa dang bya rog bsnams/ zhabs drug gshin rje la brdzis te bzhugs/ lho nub mtshams su mi g.yo mgon po sku mdog ljang sngon/ dbu gsum pa dbus ljang sngon/ g.yas sngon po/ g.yon smug nag/ phyag g.yas g.yon dang po gnyis na/ rdo rje dung chen khrag gis bkang nas dkrug cing gsol ba/ bar ma gnyis na ral gri dang dar zhags bsnams/ tha ma gnyis na sti ra'i dbyug pa dang 'ug pa bsnams/ zhabs drug bden bral brdzis pa'o/ /nub phyogs su ha ya grI ba sku mdog dmar po/ dbu gsum la dbus dmar g.yas dkar/ g.yon sngon po/ phyag dang po gnyis na/ rdo rje dung chen khrag gis bkang nas dkrug cing gsol ba/ bar ma gnyis na zhags pa dang spu gri bsnams pa/ tha ma gnyis na sti ra'i dbyug pa dang/ nam mkha' lding bsnams pa/ zhabs drug klu la brdzis pa'o/ /nub byang gi mtshams na gzhan gyis mi thub pa sku mdog dmar skya/ g.yas ser po/ g.yon ljang gu/ phyag dang po gnyis na rdo rje dung chen bkang pa dkrug cing gsol ba/ bar ma gnyis na ban d+ha dang rdul yab bsnams pa/ tha ma gnyis na sti ra'i dbyug pa dang skrag snams pa/ zhabs drug be ram la brdzis pa'o/ /byang phyogs su bdud rtsi 'khyil ba sku mdog ljang nag/ dbu gsum la dbus ljang/ g.yas ser po/ g.yon dung ka/ phyag drug g.yas g.yon dang po gnyis ma rdo rje dung chen khrag gis bkang ba bkrug cing gsol ba/ bar ma gnyis na dbyug to dang rgya gram bsnams pa/ tha ma gnyis na sti ra'i dbyug pa dang pu shud bsnams/ zhabs drug gnod sbyin brdzis pa'o/ /byang shar mtshams su khams gsum rnam par rgyal ba sku mdog ser po dbu gsum la dbus ser po/ g.yas dmar/ g.yon ljang gu/ phyag drug g.yas g.yon dang po gnyis na/ rdo rje dung chen khrag gis bkang pa dkrug cing gsol ba/ bar ma gnyis na gzhu dang mda' bsnams/ tha ma gnyis na sti ra'i dbyug pa dang srin bya bsnams/ zhabs drug dbang ldan brdzis pa'o/ /'og gi phyogs su stobs po che sku mdog dung ka/ dbu gsum la dbus dung ka g.yas nag po/ g.yon dmar po/ phyag drug g.yas g.yon dang po gnyis na/ rdo rje dung chen khrag gis bkang ba dkrug cing gsol ba/ bar ma gnyis tho ba dang zhags pa bsnams pa/ /tha ma gnyis gshol dang gtun shing bsnams/ zhabs drug phag brdzis pa'o/ /steng gi phyogs su hUM ka ra sku mdog sngo skya/ dbu gsum la dbus sngo skya/ g.yas ser po/ g.yon dmar po/ phyag drug g.yas g.yon dang po gnyis na rdo rje dung chen khrag gis bkang ba dkrug cing gsol ba/ bar ma gnyis na mda' gzhu bsnams/ tha ma gnyis na tho ba dang chu gri bsnams pa/ zhabs drug nyi zla gza' skar brdzis pa'o/ /de dag thams cad thod skam gyi dbu rgyan byas pa/ thod rlon gyi 'phreng pa sha stag go de'i pho nya bka' nyan ni/ /rdo rje 'phra men gtum bag can/ /'jigs pa'i gzugs can mang po ste/ /de dag cir yang 'grub par byed/ ces gsungs te/ 'phra men ma stag gi mgo can dang/ g.yag gi mgo can dang/ sha ba'i mgo can dang/ gzig gi mgo can dang/ byi la'i mgo can dang/ spyang ki'i mgo can dang/ dom gyi mgo can dang/ dred kyi mgo can dang/ phag gi mgo can rnams te/ de dag g.yas pa ni sti ra thogs nas za zhing rgyug g.yon pa ni cir yang 'gyur pa'i mtshon cha thogs nas/ khro bo'i bka' bzhin las byed pa'o/ /gzhan dun rdo rje 'phra men ma ste/ sems dang sems las byung ba'i chos lta bu ste/ ye shes dang ye shes kyi byin rlabs las byung ngo/ /'phags pa thabs kyi zhags pa padmo 'phreng las/ khro bo'i dkyil 'khor thams cad kyi le'u ste/ bcu gnyis pa'o// //da ni khro bo'i dkyil 'khor bshad de/ rdo rje srin ma chen mo ni/ /'jigs byed chen mor snang ba ste/ /phyag kyang srin po chen po ltar/ /mthun te zhabs kyang de dang 'dra/ zhes gsungs pa'o/ /khro mo rnams kyi sku dang phyag dang zhabs khro bo dang 'dra/ mi mthun pa phyag g.yas par dril bu thogs/ gzhan du na dril bu shes rab/ rdo rje thabs so/ /de zung du 'brel pa las/ dur mo rdo las ma byung nas/ brtsal bsreg pa'i tshul du/ pho nya pho dang pho nya mo byung nas/ ci yang brlag par byed ces bya'i don to/ /de la khro mo ni gtso mo ral gcig ma/ shar phyogs su rdo rje snyems ma/ de bzhin du rdo rjer sder mo/ rdo rje dur khrod bdag mo/ /rdo rje gtun khung ma dang/ rdo rje gtum mo dang/ rdo rje bsnyems ma dang/ rdo rje sgro 'byin ma dang/ rdo rje gsod ma dang/ rdo rje skul byed ma dang/ rdo rje rlung 'byin ma dang/ rdo rje brjod byed ma dang/ rdo rje 'jigs byed ma dang/ rdo rje bdud rtsi sbyor byed ma dang/ rdo rje 'phrog ma rnams so/ /nang gi pho nya bcu gnyis ni rdo rje rmongs byed ma dang/ rdo rje yid 'phrog ma dang/ rdo rje khrag 'jib ma dang/ rdo rje che 'joms ma dang/ rdo rje rmugs byed ma dang/ rdo rje srin mo snying za ma dang/ rdo rje sku la byed ma dang/ rdo rje 'bebs ma dpal bdag ma dang/ rdo rje rkang 'jib ma dang/ rdo rje gnas ma mgyogs byed ma dang/ rdo rje tshe sgrub ma dang/ tshe 'dzin ma rnams so/ /'di rnams kun kyang rin po che dang/ rdo rje rgyu las byung ba'i gshog pa gdengs pa/ dbu dang sku la sogs pa/ thod rlon sprul nag dang/ zhing chen dang/ chu srin gyi stod g.yogs dang/ smad g.yogs dang/ za byed kyi kha 'bar bas zhags pa kun gyi phyag na/ sbod gtong rdo rje nam mkha' lding dang/ khra dang 'ug pa dang/ /bya rgod dang/ byan lag dang/ kang ka'i lus la chu srin gyi mgo can/ gshog sbub dang sbu gseb thams cad nas/ lcags kyi rgyun btabs pa 'dra ba 'byung ba/ sder mor thams cad rdo rje lcags kyu/ mchu rdo rje rtse gcig pa'i bzod dang/ rdo rje si gri dang/ rdo rje kha gdengs dang/ rdo rje kar ma bud ka /rdo rje 'ching bar byed pa'i mchu dang/ 'jigs par byed pa'i gzugs can/ 'di lta bu phyag na bsnams so/ /gzhan du na rnam par grol ba yi/ skye mched bcu gnyis kyis yul gzhig ste/ chos kyi dbyings su gyur pa la bya zhes/ rtse cig bsdus pa las 'byung ngo/ /pho nya 'phra men ma rnams te/ bya rgod mgo can dang/ 'ug pa'i mgo can dang/ khwa'i mgo can dang/ pu shud kyi mgo can dang/ khra'i mgo can dang/ pha bang gi mgo can dang/ sre mong gi mgo can dang/ bya'i mgo can dang/ smigs bu'i mgo can rnams so/ /gzhan du na chos kyi dbyings kyi byin rlabs las 'byung zhes 'chad/ de'i dkyil 'khor du/ rin chen me tog bor nas su/ /gang la bab pa'i lha de ni/ /nye bar 'grub pa the tshom med ces gsungs pa yin no/ /gong ma lta bu'i dkyil 'khor du/ rin po che'i me tog bor te/ gsang ba'i lha de bsgrub na/ 'grub bo zhes bya ba'i don to/ /gzhan du na/ chos kyi dbyings khro bo dang/ khro mo'i tshul du snang ba la gnyis su med pa'i ye shes kyi rig pa ni/ ye shes rig pa'i me tog bor ro zhes bya ste/ khro bo khro mo thams cad bdag tu tha mi dad pas/ bsgrub pa yin no/ / zhes rtse gcig bsdus pa las 'byung ngo/ /de nas slob ma'i dam tshig bstan te/ dge dang mi dge'i chos rnams la/ /lhag par bstan par mi bya ste/ mnyam nyid rig pa'i klong zhugs nas/ /ci la yang thogs pa med par spyod do/ zhes bsgo bo zhes gsungs te/ lhag par dge ba la gtsor spyod pa ni/ nyan thos pa yin/ mi dge ba la gtsor spyod pa ni/ sems can phal pa yin no/ /theg pa chen po'i chos thams cad kun rdzob tu khro bo khro mor mnyam la/ don dam par skye 'gag med par mnyam pas/ ci la yang thogs pa med par 'jug pa'i don to/ /de nas 'khor dang bcas pa spyan drang ba ni/ de yi pho nya bka' nyan ni/ rdo rje 'phra men gtum bag can/ /rdo rje dbyugs? pa blangs nas su/ g.yab mo lngas kyang g.yab par bya/ /de nas dkyil 'khor bzhugs par brtag /mchod pa chen po dbul bar bya zhes gsungs te/ de la bdag gis lus la bsdu na gtso bo sh+rI he ru ka lus la khyab par bsdu'o/ /hUM ka ra klad pa'i rgyas su bsdu'o/ /rnam par rgyal ba ni dpral bar bsdu'o/ /ha ya grI ba ni kha nas thod ka'i bar du bsdu'o/ /khams gsum rnam par rgyal ba ni lag pa g.yas pa la bsdu'o/ /be chon sngon po ni g.yon pa la bsdu'o/ /bdud rtsi 'khyil pa snying gar bsdu'o/ /ya man+ta ka ni lte bar bsdu'o/ /gzhan gyis mi thub pa rkang pa g.yas pa la bsdu'o/ /mi g.yo mgon bo ni rkang pa g.yon pa la bsdu'o/ /stobs po che gsang ba la bsdu'o/ /de ltar bsdus la/ dbus kyi gtso bo he ru ka 'am/ gang bsgom pa'i lhar bsgom mo/ /pho nya thams cad ba spu'i bu ga thams cad la bsdu'o/ /srin mo rnams kyang tshul de ltar bsdu'o/ /gzhan tu na osems dang sems las byung ba'i chos gnas gyur pa la bya ste/ ye shes kyi byin rlabs las byung ba ni/ chos kyi dbyings nyid de la/ dbyings kyi ye shes kyis mnyam pa nyid du sbyor zhing mi dmigs par snyoms par 'jug pa'i tshe/ sems dpa' gnas gyur pas ni/ reg pa dang yid la byed pa dang/ 'dun pa dang/ mos pa dang/ dran pa dang/ ting nge 'dzin dang/ 'byed pa dang/ dad pa dang/ gnyid gnas gyur pa'i bar du slong zhing skul bar byed pa ste/ chos kyi dbyings dang ye shes las byung nas/ slar dbyings su 'dzud pas sems dpa' gnas 'gyur ba ni/ 'phra men bskul ma zhes bya ste/ gzhan reg pa la stsogs pa snyoms par gyur pa'i gnas/ gzhan gyis bsad pa'i gong la 'brang ba'i phyir/ /bya rgod kyi mgo can zhes bya'o/ /ri bo rtsegs pa las ni mgyogs pa'i phyir/ bya rgod mgo can ces smos pa'i phyir ro/ /'dun par gyur pa ni dbyings dang ye shes mnyam pa nyid du 'dod pas/ 'phra men za byed ces bya'o/ /bya rog gi mgo can no/ /yid la byed pa gnas gyur pa/ dbyings ye shes mnyam pa nyid du shes pas/ 'phra men nam 'grangs ma zhes bya ba ste/ chos kyi dbyings ni nyal zhing ye shes kyi phyir mi 'brang bas/ mtshan mo langs la nyin mo nyal bas/ 'ug pa'i mgo can no/ /mos par gyur pa ni dbyings dang ye shes mnyam par gyur pa 'dzin pas/ 'phra men ma 'dzin ces bya ste/ khra'i mgo can no dran par gyur pa ni mnyam par gyur pa nyid ma brjed pas/ 'phra men ma bsgrin ma zhes bya ste/ pha wang gi mgo can no/ /'byed par gyur pa ni mnyam pa nyid kyi nang du rdul rtsam yang log par rtog pa mi gnas te/ dper na mar khol ba'i nang du chu mi gnas pa dang 'dra bar/ sel cing skems pa'i phyir/ 'phra men ma bsod ma zhes bya ste/ sre mong gi mgo can no/ /ting 'dzin gnas gyur pa ni/ mnyam pa nyid las gzhan du mi g.yo bas/ 'phra men ma sbad ma zhes bya ste/ khwa'i mgo can no/ /dang pa gyur pa ni mnyam pa nyid du 'gro bas/ 'phra men ma mgyogs ma zhes bya ste/ pu shud kyi mgo can no/ /gnyid gyur pa ni mnyam pa nyid gsal te/ mnyam pa dang mi mthun pa'i rnams myos par byed pas/ 'phra men ma myos byed ma zhes bya ste/ spyang ki'i mgo can no/ /de rnams kyi las kyi skabs kyi bye brag la ni/ 'phra men ma 'bros ma zhes bya ste/ bya'i mgo can no/ /ci'i phyir 'phra men ma bya zhe na/ dbyings dang ye shes kyi dbyings kyi byin gyis brlabs pa ste/ dbyings kyi byin gyi rlabs kyis ni de kun la byams/ ye shes kyi byin gyi rlabs kyis ni dngos po kun za ba'i phyir ro/ /de rnams kyi lus su grub pa dkyus nas smos pa nyid do/ /dbyings dang ye shes ni lus dang yan lag go /de las 'phro zhing 'byung ba ni/ ba spu'i bu ga gnas 'byung ste 'phra men no/ /gzhan yang 'phra men ma/ kha spu can dang/ ral gri'i spu can no/ /lcags kyi sbu can dang/ zangs kyi kha spu can dang/ zangs kyi pags pa can la sogs pa/ bye ba 'bum phrag dang brgya rtsa brgyad cig 'byung ba yang 'di rnams las 'phros so/ /zhes gcig las 'phros pa'i tan tra las 'byung/ se gol gtogs pa tsam gyis kyang/ /mgyogs mas phyogs bcu gar yang phyin/ /de la zhon nas 'gro byed pa/ /bya rog mgo can la sogs yin pa kun/ zhes gsungs te/ gang la bya ba'i skabs kyis mgyogs ma dang za ba mo la sogs pa zhon te 'gron 'grub pa'i don to/ /gzhan du na mgyogs ma nyid chos kyi dbyings kyis byin gyis brlabs las/ dbyings kyis kun la khyab pas/ 'gro ba med par phyin pa'o zhes/ dpal 'phreng dkar po las bshad de/ sbed byed mas ni sbas pa na/ mthu chen lha srin gang gis kyang/ /de la mthong bar mi nus na/ gzhan gyis mthong bar ga la nus// gzhan du na speng byed ma ni/ chos kyi dbyings mi dmigs pa'i byin rlabs yin pas/ dmigs su med de/ so so'i gnas su spyan drangs te/ dmar chen arga gsol nas kyang/ mchod yon gzhan yang dbul bar bya/ /rdo rje dbyangs kyis bstod byas te/ /de nas las rnams bsgrub par bya zhes gsungs te/ sha chen dang bzhi la sogs pa sman sna lnga dang sbyar te/ zhe sdang rdo rje 'khor bcas pas/ /'jig rten khams ni rab 'byams kun/ /khros pas yud las rlag mdzad de/ /rlag par ma gyur gang yang med/ ces bstod do/ /'phags pa thabs kyi zhags pa padmo 'phreng las/ las kyi le'u ste/ bcu bdun pa'o// //da ni drag po'i las rnams bshad par bya ste/ rdo rje 'phra men sbyor ba yi/ /yud tsam gyis ni 'dir bkug nas/ /stong pa'i tshul du rab bstabs nas/ /lha yang rung ste brlag par 'gyur/ zhes gsungs te/ 'phra men ma stag gi mgo can la sogs ba/ mgyogs ma rnams mngags te/ gang la bya ba yud tsam gyis/ snying la gzung nas/ khro bo dang khro mo'i zhal du bstabs ste/ bstong pa'i tshul du gsol bar bsgoms nas/ lam brgyud drug gi sems can gang yang rung ste/ mong la 'chi bar 'gyur ro/ /gzhan du na chos kyi dbyings dang/ stong pa nyid kyi ye shes lnga'i byin brlabs/ rnam par grol ba'i skye mched bcu gcig gis/ lam rgyud lnga'i sems can dngos por lta ba ni/ stong pa nyid dam tshig las 'gal bas/ de dag rang bzhin gyis za bar 'gyur zhes tan tra karma ma le las bshad to/ /'ug pa'i mgo can la sogs pa'i/ /'phra men rnams sbad de/ /mig dang rna ba sna dang lce/ /de bas mchog bsgoms nyams par 'gyur zhes gsungs te/ khyung dang khwa la sogs bya rged? mgo can la sogs pa khrag 'thung btang ste/ gang la bya ba'i dbang po 'byin par bsgoms na/ de'i dbang po nyams nas/ de'i mig long ba dang/ rna ba 'on ba dang/ sna zhom pa dang/ lce lkugs pa dang/ sems myos te glen par 'gyur/ /gzhan du na stong pa nyid kyi ye shes drug gi byin rlabs kyis/ ril por lta ba'i dngos po rnams yang dag pa nyid las 'gal ba'i phyir/ rang bzhin gyis mnyam par byed ces tan tra karma ma le las 'byung ngo/ 'phra men rnams ni sbad bya ste/ de'i bsgrub par ba gcad cing/ /gsang ste 'khrugs par bsgoms byas na/ /bsgrubs pa nyams shing 'byed par 'gyur/ zhes gsungs te/ 'phra men ma rnams kyis/ gang la bya ba'i las thams cad mi 'grub par gegs byed pa dang/ gsang sde thams cad 'byed pa'i dkrugs ma byed pa sgoms na/ don du gnyer pa mi 'grub cing gsang sde gcig gcig shar gnyer te 'bye par 'gyur ro/ gzhan du na stong pa nyid kyi ye shes kyi byin brlabs kyis/ dngos po la gtso bor bsgrubs pa byed pa dang/ tshig gi sgral gtsor byas te/ phyogs gcig tu byed pa ni/ stong pa nyid las 'gal ba'i phyir/ don du bsgrub pa ma 'grub cing/ gsang sde yang byed par 'gyur ro zhes kar ma ma le las 'byung ngo/ /'phags pa thabs kyi zhags pa padmo 'phreng las/ drag po'i las kyi le'u ste bco brgyad pa'o/ //da ni drag po'i hom gyi las bshad de/ hom khung zur gsum gdengs pa la/ /rdo rje mda' gzhu ldan byas te/ thod pa dag gis rnam par brgyan/ spyan drang bsregs na lha yang 'chi/ zhes gsungs te/ thab khung zur gsum du byas la/ grwa mda' gzhu rnam par bkang nas/ khro bos 'phen par bsgom tha ma phur pa nag po gsum btab la/ lcags thag gam thag pa nag pos bskor te/ khro bo dang khro mo dang 'phra men ma rnams spyan drangs te/ tsher mi'i shing las mer spar nas/ /tsha ba'i mar dang lan tshwa dang/ dug dang mi khrag nga'i khrag /skye tshe ldong ros lcags phye las/ /khro bo khro mo 'phra men gyi/ /gsang sngags rnams ni bzlas nas su/ /gang la bya ba'i gzugs dag ni/ /ming rus bsregs na 'grub par 'gyur/ /'phra men mngags te bkug nas ni/ /thab khung bsregs na mong la 'chi/ /gsung dang bsregs pa'i sha rnams kyis/ lha rnams thams cad mchod bar bya/ /rdo rje'i glu ni blangs nas su/ /'byung po'i sha ni shin tu zhim/ /'byung po'i khrag ni shin tu zhim/ 'byung po'i rus pa zhim pa ste/ gsol te thams cad dgyes par mdzod/ /a lo la ho/ ha ha ha hUM/ zhes brjod par bya'o/ /gzhan du sku gsung thugs kyi ye shes kyi mas/ sku gsung thugs dang mi mthun pa'i phyogs thams cad bsreg pa dang/ ye shes kyi byin gyis brlabs kyis mda''phangs pa ltar/ 'phro bas phog phog ste/ sku gsung thugs dang mthun par gyur pa ni/ khro bo dang khro mo'i rang bzhin gyis mnyes pa yin zhing/ de ltar go ba ni glu dbyangs blangs shing ri bo brtsegs pa'i tan tra las 'byung ngo/ /thabs kyi zhags pa padmo 'phreng las/ drag po'i haM gyi le'u ste bcu dgu pa'o/ / //da ni drag po'i phur pa'i las bshad de/ lcags sam nag po'i shing rnams la/ /mgo bo rgya mdud rtse zur gsum/ /khro bo khro mo rnams bsgoms te/ /btab ste lha yang rlag par 'gyur/ ces gsungs te/ lcags sam shing nag po kha dog can la phur pa/ rgya mdud rtse zur gsum du gzhogs te/ rgya mdud kyi steng du hUM ka ra dang/ ral pa gcig ma dngos su go rims bzhin du/ khro bo dang khro mo rnams bsgoms te/ gang la bya ba'i gzugs dang ming rus la btab na/ lha yang gzer thabs dang rims kyis btab ste 'chi bar 'gyur ro/ /ri rab dang gling bzhi'i ngos la sogs pa la bris te btab na/ phur pa gcig gis phyogs bcur btab par 'gyur ro/ /gzhan du na gnyis su med pa'i ye shes stong pa nyid kyis byin brlabs/ khro bo dang khro mo yin la/ des ma khyab pa med de/ sems kyi phur pa gcig btab pas/ phyogs bcur btab par 'gyur zhes gu hya ti la ka dang/ ki la ya bcu gnyis kyi tan+t+ra las byung ngo/ /thabs kyi zhags pa padmo 'phreng las/ drag po'i phur pa'i le'u ste/ nyi shu pa'o// //drag po'i gtor ma bshad do/ lcags dag dang ni rdo rje dag /khrag las sbrus te bsreg pa dang/ /mu dga' can dang sbyar ba dag /sbyar bas gtor na de rlag 'gyur/ zhes gsungs te/ lcags phye dang rdo rje dug rnams/ mi 'am khyi 'am ra'i khrag la sbrus te/ sran mud dga' 'am/ 'bru nag po tsan dan dang sbyar te/ gang la bya ba bkug ste byin na/ mthong bos khrag tu skyugs rul nas 'chi bar 'gyur ro/ /gzhan du na stong pa nyid kyi ye shes kyis kun la khyab pa'i phyir/ de nyid bsgoms pas rang bzhin shing rul par 'gyur ro/ zhes sgyu 'phrul dra pa las 'byung ngo/ /thabs kyi zhags pa padmo 'phreng las/ drag po'i gtor me'i le'u ste/ nyi shu gcig pa'o// //da ni drag po'i sbyor ba'i las bshad de/ khro bo khro mo'i dkyil 'khor gtun chen du/ / khro po'i tho bas brdungs pa yi/ /rdo rje'i gtun phrugs bsgoms byas nas/ /lha yang rung ste rlag par 'gyur/ zhes gsungs te/ khro mo rnams kyi dkyil 'khor du/ khro bo rnams kyis brdung bar bsgoms na/ gang yang rung te brdungs par 'gyur ro/ /gzhan du na khro mo lta bu chos kyi dbyings nyid ni/ 'jig rten thams cad khyab pa'i gtun no/ /khro bo lta bu'i dbyings nyid rig pa ni/ 'jig rten thams cad la brdung ba'i tho ba zhes/ thabs kyi 'phreng ba'i tan tra las byung ngo/ /gzhan gyis drag po'i sbyor ba zhig byas na yang/ las 'di rnams kyis byed pa nyid la slar ldog par 'gyur ro/ /drag po'i las byed pa'i tshe/ chos gos nag po rnam pa lnga dang ldan par bya'o/ /drag po'i las rnams bshad zin no/ /thabs kyi zhags pa padmo'i 'phreng las/ drag po'i las kyi le'u ste/ nyi shu gnyis pa'o// /da ni gnas btab pa'i cho ga bya ste/ drag po'i las kyis sgrol ba'i rnams/ /'khor pa lam lnga'i sgo bcad nas/ /rnam shes hUM gis bas? rdungs nas/ /'og min gnas mchog bla na med/ gtso bo lnga 'am gtso mo lnga/ /sems dpa' dang ni sems ma dang/ /khro bo dang ni khro mo rnams/ /sbyor ba'i lhums su phaT kyis 'phang/ zhes gsungs te/ drag pa'i las kyis bsgral ba'i rnams/ lam rgyud lnga/ sngags 'bru lngas sgo cad par bsgoms nas/ rnam par shes pa hUM gis bsdus nas/ bdag gi ltor brdungs nas/ 'og min gyi gnas na lha gong na smos pa'i rnal 'byor pa mdzad pa'i lhums su/ phaT kyis 'phangs te btang na/ nges bar 'grub ces tan tra du ma las 'byung ngo/ /tan tra snying rje rol pa las kyang 'byung ngo/ /gzhan du na chos kyi dbyings mnyam pa nyid la snyoms par zhugs pa'i tshe/ sems can dmyal bar lta ba'i rgyu ni zhe sdang la dngos po yod par lta ba ni yin te/ zhe sdang la rang bzhin med par shes shing/ zhe sdang gis sems mi skye bas na/ dmyal ba'i sgo gcad pa yin no/ /de bzhin du yang 'dod chags dang/ gti mug la rang bzhin med par shes shing/ de dag gi sems mi skye bas na/ yi dags byol song gi sgo yang bcad pa yin no/ / lha dang mir skye ba'i rgyu ni/ dge ba bcu dang bsam gtan bzhi dang/ snyoms par 'jug pa bzhi bsgrubs pa yin no/ /de dag rang bzhin med par rig pa ni/ sems mi skye ba ni lha dang mi sgo gcod pa yin no/ /bdag gi lto zhes bya ba ni chos kyi dbyings te/ bla na med pa'i phyir 'og min gnas zhes bya ste/ chos kyi dbyings nyid rig pa'i tshe/ lha dang lha mo'i tshul 'brel par rig pa ni/ de nyid byang chub kyi sems yin pas/ rang gi rnam par shes pa der 'byo bar sgoms na nges par 'grub bo/ dper na rgyal po ram Nas bsang pa thams cad lhar skye bar 'gyur bar smon lam btab pas/ de bzhin du sngar nas bsang ba lhar 'grub po zhes drang srong mngon par shes ba can gyis bshad pa ste/ 'di ltar chos kyi dbyings la snyoms par sbyor ba lta ci smos te/ snying rje rol pa'i tan tra las 'byung ngo/ /gnas bstab pa'i cho ga bshad zin to/ /thebs kyi zhags pa padmo 'phreng las/ gnas bstab pa'i le'u ste/ nyi shu gsum pa'o// //da ni dbang gi las bshad de/ zla gam dkyil 'khor rtsibs brgyad par// khro bo khro mor spyan drangs te/ /mchod pa'i glu la sogs pas mchod/ /de nas las rnams rtsam par bya/ zhes gsungs te/ dbang gi dkyil 'khor du/ lha rnams go rim bzhin du spyan drangs te/ de nas glu gar dang arga la sogs pa/ yo byad dmar pos mchod pa bya'o/ /chags pa'i rdo rje 'khor bcas pa/ /'jig rten khams ni rab 'byams kun/ /chags pas yud la dbang mdzad de/ /dbang du ma gyur gang yang med ces ston to/ /de nas chas gos rnam lnga yang ldan par bya'o/ /de yang gzhung las rdo rje 'phra men mngags nas su/ /bkug nas khro bo chen po yis/ chags pa'i tshul gyis de lus la/ /dpal dang gzi brjid bsdus nas 'grub/ ces gsungs te/ rdo rje 'phra men ma rnams mngags nas/ gang dbang du bya ba de bkug pa ste/ de'i lus dang ngag dang sems dang dpal dang/ gzi brjid bsdu zhing/ ci yang nyan par bsgoms na/ dbang du 'gyur te/ bu la byams pa 'am/ lus la grib ma 'khor ba dang 'dra par/ bdag la 'khor zhing rigs mi mthun pa zhig na yang/ lus ston cing ci bsgo ba bran bzhin byed/ ci sems pa yang smra na/ gzhan lta ci smos te 'grub pa'o/ /gzhan du na stong pa nyid kyi chos kyi dbyings kyis/ phyi nang gi dngos po thams cad la khyab pas tha mi dad pa chags pa yin/ de ltar chags pa'i rig pa'i ye shes kyis/ phyogs bcu'i snod bcud kyi 'jig rten thams cad/ bdag dang tha dad par rig pas/ rang bzhin gyis byams shing 'khor ba yin te/ bran bzhin byed pa yang bdag dang tha mi dad pas/ thams cad bdag yin pa'i phyir/ bdag nyid chen po zhes kyang de'i phyir bya/ rnam gcig tu thams cad bdag gis sprul pa yin zhes bya/ dbang chen sdus pa'i tan tra las 'byung ngo/ /'phra men ma rnams ni mngags so/ /de'i mig rna ba sna dang lce/ /lus dang sems bsgyur rnams bsgoms nas/ /kun la mdzes shing dga' bar 'gyur zhes gsungs te/ rdo rje 'phra mon ma rnams mngags te/ de'i mig dang rna ba dang sna dang lce dang lus dang sems/ bdag gis nyes pa byas na yang/ mdzes pa dang/ dbang pos bsgyur bsgoms na/ de bzhin du 'grub ces bya ba'i tha tshig go /gzhan du na stong pa nyid kyi ye shes kyis kun la khyab pas/ bdag dang tha mi dad par rig pa nyid kyis/ dbang po la khyab par 'gyur ba yin te/ de bar na bla bcol mkhan gyis mi rigs pa zhig byas na yang/ kun dga' bar gyur te rgod pa lta bu'o/ zhes ri po brtsegs pa las 'byung ngo/ /thabs kyi zhags pa padmo 'phreng las/ dbang gi las bstan pa'i le'u ste/ nyi shu bzhi pa'o// //da ni dbang gi hom bshad par bya ste/ hom khung zla gam gdangs pa las/ /rdo rje zhags pas brgyan par bya/ /de nas lha rnams spyan drangs te/ /mi 'pham rnam rtog bsregs na 'grub/ ces gsungs te/ hom khung zla gam la/ rdo rje zhags pas brgyan te/ kha dog dmar po phur pa btab ste/ mthal thag pa dmar pos bskor te/ shing dri ma mnam pa la me spar nas/ zangs phye dang bu ram dang/ yungs kar dmar po dang/ gang la bya ba'i snying po rgya skyags kyis bris te/ bsreg cing rdo rje 'phra men mas bdag la mi phan zhing/ mi mdza' ba'i sems pa'i rtog pa bsregs par bsgoms na/ ci bsgo ba nyan cing phan par sems par 'gyur ro/ /gzhan du na rnam par rtog pa ni bdag tu lta ba las 'byung ste/ stong pa nyid kyi ye shes kyi mes/ bdag tu lta ba dang/ de las byung ba'i rnam par rtog pa thams cad bsregs nas/ mnyam pa nyid kyis bdag nyid chen po dang/ ro gcig pa ni 'jar ba zhes bya/ bdag tu lta ba'i dngos por zhen nas rnam par rtog pa ni 'khor ba'i rgyu chen po yin pas/ mi phan pa zhes bya ste/ bdag med pa'i ye shes rig nas 'khor ba dang bral bas sems zhes bya ste/ de ltar rig nas bdag dang gzhan du tha mi dad pas/ gzhan yang rang bzhin gyis 'jar zhing sems par 'gyur ro/ zhes glang po che las bshad do/ thabs kyi zhags pa pad+ma 'phreng las/ dbang gi hom gyi le'u ste/ nyi shu lnga pa'o/ / //da ni dbang gi phur pa'i las bshad de/ zangs sam kha dog dmar po yi/ /shing la rgya mdud rtse zla gam/ /mgo la rgya mdud rtse zla gam/ /mgo la khro bo khro mor bsgoms te/ btab na nges par 'grub po/ zhes gsungs te/ zangs sam kha dog dmar po'i shing la/ phur pa mgo bo rgya mdud la rtse zla gam du bzhogs pa/ rgya mdung kyi steng dang ngos su khro bo khro mo rnams bsgoms te/ gang dbang du bya pa'i de'i gzugs sam/ ming rus bris pa la btab ste/ bka' bzhin du byin bar bsgoms na/ nges par dbang du 'gyur ro/ /ri rab gling bzhi la sogs pa bris te btab na/ /phur pa gcig btab na/ phyogs bcur btab par 'gyur te/ thams cad dbang du 'gyur ro zhes bya ba'i don to/ /gzhan du na chos kyi dbyings kyis/ phyogs bcu thams cad du khyab la/ de ltar rig pa'i ye shes ni phur pa yin te/ thams cad du btab par 'gyur zhing/ bdag dang tha mi dad par las thams cad rang bzhin gyis dbang du 'gyur ba yin no/ /zhes phur pa bcu gnyis kyi rgyud phyi ma las 'byung ngo/ /dbang gi phur pa bshad zin to/ /thabs kyi zhags pa padmo 'phreng las/ dbang gi phur pa bstan pa'i le'u ste/ nyi shu drug pa'o// //da ni dbang gi gtor ma bshad de/ zangs phye dang ni bu ram dang/ /dmar po'i 'bras chan la sogs pa/ /sbyar bas gtor ma gtang bar bya/ /mthong bas ngas par dbang du 'gyur/ zhes gsungs te/ zangs phye dang 'bras dmar po'i chan la sogs pa/ 'bru kha dog dmar po'i chan dang/ bu ram chu la sogs pa la sbyar te/ rdo rje 'phra men gyis/ gang dbang du bya ba bkug ste phyin nas mthong bas de dbang du 'gyur te/ zos pa lta ci smos/ ci bsgo ba yang nyan cing dbang du 'gyur ro/ /gzhan du na chos kyi dbyings mtshan nyid med pas thams cad du khyab ste/ bdag nyid chen po dang tha dad pas rang bzhin gyis dbang du 'gyur te/ de ltar rig pa'i ye shes ni/ gtor ma btang ba yin no zhes/ thabs kyi zhags pa'i rgyud phyi ma gnyis las 'byung ngo/ /thabs kyi zhags pa padmo 'phreng las/ dbang gi gtor ma'i le'u ste/ nyi shu bdun pa'o// // da ni sbyor ba'i las bshad de/ khro mo rnams kyi dkyil 'khor du/ /khro bo'i dkyil 'khor sgoms byas na/ /lha yang rung ste dbang du 'gyur/ /de ni bde ba chen po yin/ zhes gsungs te/ khro mo'i dkyil 'khor du/ khro bo'i dkyil 'khor sbyor ba'i las kyis/ lha man chad gang yang rung ste/ thams cad dga' zhing dbang du 'gyur bar bsgoms nas/ de bzhin du 'byor 'byor ro/ /gzhan du na chos kyi dbyings mtshan nyid med pas kun la khyab pa/ de ltar rig pa'i ye shes kyis ni/ gnyis su med par 'byor te/ de ltar 'byor cig pa nyid ma nor bar rig pa ni/ byang chub kyi sems zhes bya ste/ de ni bde ba chen po'i dbang ngo/ /kun tu khyab par rig pa ni/ rang bzhin gyis dbang du 'gyur ro zhes/ dbang chen bsdus pa'i tan+t+ra las 'byung ngo/ /thabs kyi zhags pa padmo'i 'phreng las/ dbang 'byor pa'i le'u ste/ nyi shu brgyad pa'o// //da ni rgyas pa'i las bshad de/ gru bzhi'i dkyil 'khor rtsibs brgyad par/ /lha rnams 'khor bcas spyan drangs te// mchod pa glu la sogs pas mchod/ /de nas las rnams brtsam par bya/ zhes gsungs te/ rgyas pa'i dkyil 'khor du lha 'khor dang bcas pa spyan drangs te/ yo byad ser por byas la/ nga rgyal rdo rje 'khor bcas pa/ /'jig rten khams 'di rab 'byams kun/ /dpal dang gzi brjid chen po rnams/ /yud tsam gyis ni rgyas mdzad de/ zhes bstod do/ /de nas chas gos rnam pa lnga dang ldan par bya'o/ /khro bo khro mo 'khor bcas yang/ /rdo rje 'phra men 'khor bcas pa/ /dpal dang gzi brjid 'phel sgoms na/ /bdag nyid chen por der 'gyur ro/ zhes gsungs te/ lha rnams kyis bdag gi dpal dang gzi brjid 'phel bar sgoms na/ nges par de bzhin du 'grub par 'gyur ro/ zhes bya ba'i don to/ /gzhan du na chos kyi dbyings nyid med pas/ phyi nang gi dngos po thams cad la khyab ste/ da ltar rig pa'i ye shes kyis/ snod dang bcud kyi 'jig rten thams cad dang/ bdag tu tha mi dad pas/ phyogs bcu thams cad nas/ bsod nams dang spyod pa thams cad la sogs pas/ bdag yin pa'ang/ bdag gi yin par bsgoms nas/ dper na nyi ma'i dkyil 'khor bar snang la shar ba ni/ nyi ma'i rang bzhin dro ba yin pas/ gzhan du dro ba yang nyi ma yin pa 'am/ yang na nyi ma'i 'od yin pas/ nyi ma yin pa dang 'dra bas thams cad bdag gam/ bdag gi yin par 'gyur te/ de'i phyir bdag nyid chen po yin ces dpal 'phreng dkar po las 'byung ngo/ /thabs kyi zhags pa padmo 'phreng las rgyas pa'i le'u ste/ nyi shu dgu pa'o// // da ni rgyas pa'i ho ma bshad do/ /hom khung gru bzhi gdengs pa la/ /rdo rje 'khor lo brgyan par bya/ /de nas lha rnams spyan drangs te/ /bsregs pas mched cing dpal 'phel sgom/ zhes gsungs te/ hom lum gru bzhi la rdo rje 'khor los brgyan par bris te/ phur pa kha dog ser po bzhi btab la/ mdza' thag pa ser pos bskor te/ de nas lha rnams spyan drangs te/ rin po che sna lnga dang/ 'bru sna lnga dang/ 'bras chan dang/ mar khu la sogs pas bsregs shing mchod na/ bdag gi dpal la sogs pa 'phel par sgoms na de bzhin du 'grub par 'gyur ro/ zhes bya ba'i don to/ /gzhan du na chos kyi dbyings la/ me long lta bu'i ye shes dmigs pa'i dus gcig na/ gtso bo lnga dang gtso mo lnga'i sku lta bur byung/ sems dpa' bcu drug dang sems ma bcu drug ni/ mtshan lta bur phyung la/ de'i dbu rgyan lnga lnga ni dpe byang du byung ste/ spyir ye shes kyi dngos po bsregs shing/ rang bzhin gyis brgyan par 'gyur la/ nyan thos las khyad par che ba'i phyir ro/ /dpal 'phel zhes bya thabs kyi zhags pa las 'byung ngo/ /thabs kyi zhags pa padmo 'phreng las/ rgyas pa'i hom gyi le'u ste/ sum cu pa'o// //da ni rgyas pa'i phur pa'i las bshad de/ gser ram ser po'i shing rnams la/ /mgo bo rgya mdud rtse zur bzhi/ /lha rnams bsgoms te gdab par bya/ /'di ni rgyas pa'i las la shis/ zhes gsungs te/ gser ram ser po'i shing rnams la/ mgo bo rgya mdud zur bzhi par bzhogs te/ rgya mdud la lha rnams bkod de/ gdab na gang la bya ba de la btab na 'grub cing/ dpal dang gzi brjid rgyas par 'gyur ro/ /gzhan du na chos kyi dbyings la longs spyod rdzogs pa 'byung/ longs spyod rdzogs par 'byung ba nyid/ ting nge 'dzin phur pa yin pas/ rang bzhin gyi dpal dang gzi brjid rgyas pa yin no/ zhes tan tra du ma las 'byung ngo/ /thabs kyi zhags pa pad+ma 'phreng las/ rgyas pa'i phur pa'i le'u ste/ sum cu gcig pa'o// //da ni rgyas pa'i gtor ma bshad de/ gser phye 'bras chan ser po rnams/ /'o ma sbrang rtsi gtor ma ni/ /rgyas par 'gyur pa'i gtor ma ste/ /gtang na thams cad rgyas par 'gyur/ /zhes gsungs te/ gser phye dang 'bras ser po'i chan la sogs pa/ 'o ma dang sbrang rtsir sbyar te/ btang na dpal dang gzi brjid rgyas shing 'phel bar 'gyur ro/ /gzhan du na chos kyi dbyings mtshan nyid med pa thams cad la khyab ste/ bdag nyid chen po dang tha mi dad pa rang bzhin gyis thams cad rgyas par 'gyur te/ de ltar rig pa'i ye shes ni/ phyin cing gtong ba yin ces/ sgyu 'phrul dra ba las 'byung ngo/ /'phags pa thabs kyi zhags pa padmo'i 'phreng las/ rgyas pa'i gtor ma'i le'u ste/ sum cu gnyis pa'o// //da ni rgyas pa'i sbyor ba'i las bshad de/ lha mo rnams kyi dkyil 'khor du/ /lha'i dkyil 'khor rdzogs par bsgom/ /byang chub sems ni spro bsgoms na/ /de yis rgyas pa'i las 'grub bo/ /zhes gsungs te/ lha mo rnams dang lha sbyor ba chen po mdzad cing/ bde ba chen pos rol cing longs spyod rgyas par bsgoms nas/ de bzhin du 'grub bo/ /gzhan du na ting nge 'dzin gyi dkyil 'khor ni/ lha dang lha mo'i tshul du sbyor la/ de ltar rig pa ni/ byang chub kyi sems spros pas/ longs spyod chen po rgyas pa yin zhes/ ri bo brtsegs pa las 'byung ngo/ /rgyas pa'i las bshad zin to/ /'phags pa thabs kyi zhags pa padmo 'phreng las/ rgyas pa'i sbyor ba'i le'u ste/ sum cu gsum pa'o// //da ni zhi ba'i las bshad de/ zlum po'i dkyil 'khor rtsibs brgyad par/ /lha rnams 'khor bcas spyan drangs te/ /dkar po'i yon gyis mchod par bya/ /de nas las rnams brtsam par bya/ /zhes gsungs te/ dkyil 'khor zlum por byas te/ lha rnams spyan drangs te/ yo byad dkar po dang dbyangs la sogs pas/ mchod par byas nas/ zhi ba'i las brtsam zhes bya ba'i don to/ /gti mug rdo rje 'khor bcas pas/ /'jig rten khams ni rab 'byams kun/ /yud tsam nyid la zhi mdzad de/ /zhi bar grub la phyag 'tshal lo/ zhes bstod de/ chas gos rnam pa gsum dang ldan par byas de las bya'o/ /lha rnams 'khor bcas thams cad kyis/ 'khrug pa thams cad zhi mdzad par/ /bsgoms na thams cad yud tsam gyis/ /zhi bar gyur te the tshom med/ ces gsungs te/ lha dang lha mo 'khor bcas pa 'khrug pa la sogs te/ gnod sdig thams cad zhi bar bsgoms na/ de bzhin du 'gyur ro/ /gzhan du na chos kyi dbyings stong pa nyid kyi ye shes zhi ba'i ting nge 'dzin gyis/ thams cad du khyab pas thams cad du zhi bar 'gyur ro/ / gzhan las kyi 'phreng ba las 'byung ngo/ /'phags pa thabs kyi zhags pa padmo'i 'phreng ba las/ zhi ba'i las kyi le'u ste/ sum cu bzhi pa'o// //da ni zhi ba'i hom bshad de/ hom khung zlum po gdengs pa las/ /rdo rje pad+ma rgyas par bya'o/ /phur pa dkar po drug btab ste/ spyan drangs dngul phye la sogs mchod/ ces gsungs te/ hom khung zlum po gdengs pa las/ lha gong ma 'khor dang bcas pa spyan drangs te/ yo byad dkar pos bsreg cing mchod de/ 'khrug pa la sogs pa thams cad zhi bar bsgoms na/ gzhan du na chos nyid kyi ting nge 'dzin gyis/ rnam par rtogs la sogs pa/ 'khrug pa thams cad rang bzhin gyis zhi zhing/ lha rnams kyang mchod par 'gyur ro zhes/ tan tra glang po chur zhugs pa las 'byung ngo/ /'phags pa thabs kyi zhags pa padmo 'phreng las/ zhi ba'i hom gyi le'u ste/ sum cu lnga pa'o// //da ni zhi ba'i phur pa'i las bshad de/ mgo bo rgya mdud rtse zlum po/ /lha rnams bsgoms te btab par bya/ /'di ni zhi ba'i las la shis/ zhes gsungs te/ rdul lam shing mdog dkar po las/ phur pa rgya mdud zlum por gzhogs la/ rgya mdud la lha rnams bkod de/ zhi bar bsgoms te btab na/ lha gzhan zhi bar 'gyur ro/ /gzhan du na chos nyid ma nor bar rig pa nyid ting nge 'dzin gyi phur pa yin te/ thams cad rang bzhin gyis zhi bar 'gyur zhes rtse gcig bsdus pa las 'byung ngo/ 'phags pa thabs kyi zhags pa padmo'i 'phreng ba las/ zhi ba'i phur pa'i le'u ste/ sum cu drug pa'o// //da ni zhi ba'i gtor ma bshad de/ dngul lam 'bras chan dkar po rnams/ /'o mar sbyar ba'i gtor ma ni/ /zhi bar 'gyur ba'i gtor ma ste/ /mkhas pas zhi bar bsgoms zhing gtor/ ces gsungs te/ dngul dang 'bru dkar po'i chan la sogs pa/ 'o ma dang sbyar te/ gtor na lha man chad 'chi bar 'gyur ro/ /gzhan du chos thams cad kyi chos nyid kyi zhi ba yin pas/ de ltar rig pa'i ye shes kyis/ dngos po thams cad la khyab pas zhi bar 'gyur ro/ zhes sgyu 'phrul dra ba las bshad do/ /'phags pa thabs kyi zhags pa padmo 'phreng las/ zhi ba'i gtor ma'i le'u ste/ sum cu bdun pa'o// //da ni zhi ba'i sbyor ba'i las bshad de/ lha mo rnams kyi dkyil 'khor du/ /lha'i grub pa bsgom par bya/ /byin rlabs thams cad zhi sgoms nas/ /lha rnams kun kyang zhi bar 'gyur/ zhes gsungs te/ lha dang lha mo grub pa'i dkyil 'khor las/ thams cad zhi bar bsgoms na/ lha nyid kyang zhi pa yin na/ gzhan lta ci smos/ zhi bar 'gyur/ /gzhan du na chos kyi dbyings kyi ye shes lha mo'i rang bzhin lta bu yang/ yongs kyis zhi ba yin la/ de ltar rig pa'i ye shes lha'i rang bzhin lta bu yang rang bzhin gyis zhi ba yin te/ de'i byin brlabs kyis thams cad du khyab pa yang/ rang bzhin gyis zhi ba yin pas/ thams cad zhi bar 'gyur ro/ zhes rdo rje bkod pa'i tan+t+ra las 'byung ngo/ /'phags pa thabs kyi zhags pa padmo'i 'phreng las/ zhi ba sbyor ba'i le'u ste/ sum cu rtsa brgyad pa'o/ / //da ni las bsdu ba bshad de/ mtshan nyid med pa'i phyag rgya dang/ /de las dngos 'byung phyag rgya rnams/ /nges pa med par dpa' bos bshad/ /mkhas pas ci dga' sgyur na 'grub/ ces gsungs te/ gang du bshad pa thams cad mtshan nyid med pa'i phyag rgya ste/ chos kyi sku la dngos por snang ba dang/ mtshan mar bsgoms pa thams cad 'byung bas/ chos kyi skur 'dus te/ chos kyi sku ma nor bar rig na/ rnal 'byor pas sgoms pa dang/ phyag rgya dang mtshan ma thams cad ji ltar bde ba dang/ ci rigs su sbyar zhing/ las rnam bzhi brtsams na/ mi 'grub pa med do zhes/ bai ro tsa na nyid kyis bshad do/ /tan tra thabs kyi zhags pa dang/ dpal 'phreng dkar po dang/ sgyu 'phrul dra ba la sogs te/ tan tra du ma sde lnga las bshad do/ /'phags pa thabs kyi zhags pa padmo'i 'phreng ba las/ las btus pa'i le'u ste/ sum cu dgu pa'o// //da ni las drag po'i phan yon bshad de drag pos thams cad 'dul bar 'gyur/ /dbang gis 'byor pa mchog kyang 'grub/ /rgyas pas gzi brjid rnam par 'phel/ /zhi bas bde ba'i mchog kyang 'grub/ ces bshad do/ /drag po spyad pas ni 'di dang gzhan du lha dang bdud la sogs pa thams cad thul bar 'gyur ro/ /dbang gi las byas pas ni 'di dang gzhan du longs spyod mchog dang/ 'khor phun sum tshogs par 'gyur ro/ /rgyas pa'i las byas pas ni 'di dang gzhan du dpal dang gzi brjid 'phel bar 'gyur ro/ /zhi ba'i las spyad pas ni/ 'di dang gzhan du bde ba'i mchog thob par 'gyur ro/ /'di dag ni bsod nams kyi tshogs chen po yin te/ mtshan nyid med pa las mi gnas par rig pa ni/ ye shes kyi tshogs chen po yin pas/ phyag rgya chen po'i don rig par byas la/ las rnam bzhi rgyun du brtsam par bya'o/ zhes ma ha yo ga'i tan tra du ma las bshad do/ /gong nas 'byung ba'i lha cig la bsgrub na yang/ dngos grub grangs med pa de bsam gyis mi khyab pa'o/ zhes kyang du ma las bshad do/ /'phags pa thabs kyi zhags pa padmo 'phreng ba las/ las bsgrub pa phan yon gyi le'u ste/ bzhi bcu pa'o// //dkyil 'khor 'di'i mtshan nyid ni/ /dbang chen bsdus pa'i dkyil 'khor te/ /de la dkyil 'khor gzhi zlum po bya ba ni/ chos kyi dbyings spros pa med pa'i don to/ /'khor lo'i rtsibs zur can du bya zhing/ gzhi zlum po'i nang na gnas pa ni/ chos kyi dbyings spros pa med bzhin du byin gyis brlabs kyis/ lha dang lha mo dang / khro bo dang khro mo dang/ pho nya la sogs pa dang nyid kyis 'phro ba'i don to/ /rnam gcig tu na chos kyi dbyings rnam par rtog pa med bzhin du/ thams cad mkhyen pa'i ye shes ci yang mkhyen pa lhun gyis grub pa la bya ba'i don to/ /mdza' gru bzhir bya ba ni/ phyogs bcu'i snod dang bcud kyi 'jig rten thams cad la dbang sgyur bas/ bde ba chen po rgyas pa'i don to/ /dkyil nas lha mo kha phyir lta ba ni/ lha mo ni dbyings nyid nye ba'i byin rlabs te/ sems dpa' dbyings nyid dang nye ba'i mthong ba'i don to/ /sems dpa' lnga nang du lta ba ni/ chos nyid nye ba la lta ba'i don to/ /sems dpa' gzhan phyir lta ba ni/ chos nyid thams cad du/ sa rdo lta bur bems po ni ma yin gyi/ mkhyen pa'i ye shes dang ldan zhing/ sems dpa' nyid kyang dbyings las mi zhan pa'i tha tshig go / sems ma gzhan nang du lta ba ni/ mkhyen pa'i ye shes dang dngos po la sogs pa thams cad du rnam par rtog pa ma yin gyi/ dbyings nyid dang ldan zhing/ dbyings nyid mkhyen pa'i ye shes las mi zhan pa'i tha tshig go /rnam cig tu na sems dpa' phyir lta ba ni/ snod dang bcud kyi 'jig rten thams cad dbang du sgyur ba'i don to/ /sems ma nang du lta ba ni/ snod dang bcud kyi 'jig rten thams cad dbang du 'dus pa'i don to/ /sems dpa' dang sems ma phyi nang du gcig la gcig gcig gzigs pa ni/ mnyes par byed pa'i tha tshig go /khro bo dang khro mo ril phyir lta ba ni/ phyi'i dngos po dang rgol ba la sogs pa 'joms shing 'dul ba'i don to/ /de la dbyings ni dper na nyi ma'i dkyil 'khor lta bu'o/ /mkhyen pa'i ye shes ni nyi ma'i 'od snang zhing gsal ba lta bu'o/ /de'i byin brlabs ni dro zhing tsha ba lta bu'o/ /phyi'i dngos po la sogs pa 'joms shing 'dul ba ni/ rtsi shing skyes shing 'tshig pa lta bu'o/ /lha mo dang sems dpa' ni/ chos kyi dbyings nyid rig pa'i don dbyings la snang ba'o/ /lha dang sems dpa' ni/ dbyings la snang ba'i don mthong ba'o/ /dbyings nyid la snang ba dang mthong ba'i byin rlabs ni/ rang bzhin gyi dngos po dang/ rgol ba'i rang bzhin lhun gyis 'joms zhing/ dbyings su sbyor bar 'dul ba ni/ khro bo dang khro mo las rnam bzhi rang bzhin lhun gyis mdzad cing/ thugs rjes 'jig rten skyong ba'i don to/ /'jig rten skyong ba la sogs pa ni/ byin rlabs pho nya lta bu gnas pa yin/ rnam gcig tu 'jig rten gyi lha mthu bo che dang mthu mo che 'khor du 'dus pa'i rtags so/ /bkra shis brgyad ni thams cad la dbang sgyur zhing 'khor ba la longs spyod kyang/ nyon mongs pas 'ching bar mi 'gyur ba dang/ mya ngan las 'das pa la spyod kyang/ nyan thos zhi ba phyogs gcig par mi 'gyur te/ gang gis kyang zil gyis mi non pas bkra shis so/ /de la dpal gyi be'u ni/ mkhyen pa'i ye shes dang ldan bas bkra shis so/ /'khor lo ni/ thabs la dbang sgyur ba dang/ chos kyi 'khor lo bskor bar bkra shis so/ /rin po che ni/ zad mi shes pa'i gter dang ldan pas bkra shis so/ /pad+ma ni/ 'khor bsam zin pa'i bkra shis so/ /gdugs ni/ nyon mongs pas mi gdugs pas bkra shis so/ /bum pa ni/ ro mchog dang ldan pas bkra shis so/ /dung ni/ rgol ba thams cad skong bas sgra sgrogs pa'i bkra shis so/ /nya ni/ lam rgyud lnga'i sems can dang/ ngan song kun las sgrol pa'i thugs rjes thabs mkhas pa'i bkra shis so/ /gling bzhi ni rigs lnga'i byin brlabs yin pa 'am/ lam lnga'i sems can la/ de bzhin gshegs par rang bzhin yod par bstan pa 'am/ thugs rje de dag gi don mdzad pa'i tha tshig go /rnam pa gcig tu thams cad dbang du 'dus pa'i don to/ /de la gtso bo dang gtso mo 'khor lnga lnga dang bcas pa ni/ ci yang mi mdzad do/ /sems dpa' dang sems ma nyi shu ni/ kun la bu gcig bzhin no/ /de ltar byams pa'i shugs kyis/ khro bo dang khro mo 'khor dang bcas pa ni/ phyi nang thams cad kyi dngos po la/ rngon pas ri dags mthong ba bzhin du ni/ de ltar zhe sdang gi shugs kyis/ thams cad dbyings nyid la sbyor ro/ /'byor na 'khor ba'i chos la spyad kyang/ longs spyod chen po ste/ nyon mongs pas 'ching bar mi 'gyur bas/ de ltar grub pa ni 'dod chags so/ /chos kyi dbyings dang gis gsang bas phrag dog go /chos nyid spros pa med pas gti mug go / chos nyid de lta bus khams gsum las rgyal bas nga rgyal lo/ /de la gtso bo'i 'khor lnga'i byin brlabs ni/ thams cad khyab mod kyi/ nye ba ni dbus nas 'dun dang/ thod ka yan chad rgyab mjug ngo yan chad do/ /mi 'khrugs pa'i 'khor lnga'i byin rlabs ni/ phyag g.yas dang rtsibs logs g.yas so/ /rin chen 'byung gnas kyi 'khor lnga'i byin rlabs ni/ phyag g.yon dang rtsibs logs g.yon no/ /'od dpag med kyi 'khor lnga'i byin rlabs ni/ zhabs g.yon nas rked pa man chad do// don yod grub pa'i byin rlabs ni zhabs g.yas pa nas/ rked pa g.yas man chad do/ /khro bo dang khro mo thams cad ni/ rigs so so'i byin brlabs bzhin no/ /de ltar 'khor lnga po gcig la yang lngar lngar 'gyur te/ sra ba'i bya ba byed pa thams cad ni/ rdo rje'i rigs so/ /dro ba'i bya ba byed pa thams cad ni/ rin po che'i rigs so/ /gsher ba'i bya ba byed pa thams cad ni/ pad+ma'i rigs so/ /bskyod pa'i bya ba byed pa thams cad ni/ las kyi rigs so/ /de rnams mnyam pa las/ dngos su gzhag pa de bzhin gshegs pa'i rigs so/ /thams cad bdag nyid ma'i/ 'khor lnga'i byin rlabs ni/ dbus su 'gyur ba thams cad de/ sra? ba'i rang bzhin med pa ni/ yangs pa'i spyan/ 'khor lnga'i byin brlabs so/ /dro ba'i rang bzhin med pa ni/ ma ma ki /'khor lnga'i byin brlabs so/ /gsher ba'i rang bzhin med pa ni/ gos dkar mo 'khor lnga'i byin brlabs so/ /bskyod pa'i rang bzhin med pa ni/ sgrol ma'i 'khor lnga'i byin brlabs so/ /don du bya ba byed nus pa ni sems dpa' o/ /de bzhin du rang bzhin med pa ni/ sems ma'o/ /de ltar rig pa'i ni khro bo dang khro mo'o/ /de la bsdu zhing spro ba yang thams cad de ltar bya'o/ /phyi nang gi chos thams cad kyang de ltar brtag go /'phags pa thabs kyi zhags pa padmo 'phreng las/ dbang chen bsdus pa dkyil 'khor gyi le'u ste/ bzhi bcu rtsa gcig pa'o// //de skad ces dpal rnam par snang mdzad kyis bka' stsal pa/ rdo rje gzhon nu'i sde 'bum phrag du ma yi rang ste/ 'di skad ces bstod do/ /hUM bskal pa me ltar 'bar ba yi/ /'od zer 'du 'phro'i klong dkyil na/ /khro bo khro mo rnams bzhugs pa/ /sku ni cir yang ma nges 'gyur ba'i gzugs/ /hUM dbu skra kham nag ral pa can/ /gyen du 'khyil pas sring rtser 'bar/ /mi mnyam khro gnyer sdang dmigs ni/ /log par lta ba 'dul ba'i mtshan/ / hUM mche ba zang yag gtsigs pas ni/ /skye shi nang? nas gcod pa'i tshul/ /sku gsung thugs kyi byin brlabs ni/ /phyag cha sna tshogs cir yang snang/ /hUM thugs rje'i byin brlabs sprin ltar gtibs/ /byams pa'i 'od zer glog bzhin 'gyur/ /rngam pa'i sgra skad 'brug ltar sgrogs/ /sprul pa'i thog chen char bzhin 'bebs/ /hUM sngon gyi thugs dam chen po ni/ /klan ka chen po bdud la tshol/ rkyal ka chen po bgegs la mdzad/ /bdud dpung ma lus 'dul ba dang/ /bgegs rnams thams cad 'joms mdzad cing/ / dam tshig can la dngos grub stsol/ /hUM thugs rje chen po'i byin rlabs kyis/ /bdag la byin gyis brlabs mdzad cing/ /bdag gi lhag pa'i bsam pa rnams/ /grub par byin gyis brlab tu gsol/ /hUM 'khyil cing brgyan yang 'khyil pa la/ /sems kyi chos la sku mi mnga' / /sgra las 'das pa'i sbyor ba de/ /bsam dang bral ba'i ye shes lags/ hUM srid gsum 'jom pa'i lha la phyag 'tshal lo/ /mnyam nyid ngang gis khro la phyag 'tshal lo/ /khro bos longs spyod mdzad la phyag 'tshal lo/ /rdo rje 'du 'phro mdzad la phyag 'tshal lo zhes bstod do/ /nyid kyi thugs kar zhugs nas mi snang bar gyur to/ /mnyam las spros te 'byung ba'i las/ /skyes bu gang zhig rig pa nges/ /gang zhig ji skad brjod pa'i sgra/ /thams cad tan tra zhes pa ni/ /'og min bla med gnas mchog tu/ /mgon po bdag nyid chen po yis/ /rdo rje 'khor lo bskor ba na/ /ljags kyi dbang po bkram pas gsungs/ /de las brten te mgon po yis/ /sku gsung thugs kyi gsang ba rnams/ /rnal 'byor bsgrub pa rtogs bya'i phyir/ /ma nor tsam du bshad pa yin/ /dngos grub mchog brnyes ya mtshan chen po yis/ /'jig rten ma 'gyur pad+ma'i rgyal po las/ /de bzhin gshegs pa'i man ngag gsang chen rnams/ /klong nas bkrol mdzad de la phyag 'tshal lo/ /'phags pa thabs kyi zhags pa padmo'i 'phreng ba las/ rtog pa'i rgyal po don bsdus pa'i le'u ste/ bzhi bcu rtsa gnyis pa'o// //'phags pa thabs kyi zhags pa padmo'i 'phreng gi 'grel pa rdzogs so// //rgya gar skad du/ ma hA rA dza tan+t+ra sh+rI gu ya garb+ha nA ma ti ga /bod skad du/ rgyud kyi rgyal po chen po dpal gsang ba'i snying po'i 'grel pa zhes bya ba/

CLOSE WINDOW