CLOSE WINDOW

N3505: bdud rtsi thigs pa
བོད་ཡིགe-texts based on the ACIP/ALL Input

a mri tasta tha nA ma/ bod skad du/ bdud rtsi thigs pa zhes bya ba/ dpal he ru ka la phyag 'tshal lo/ /bcom ldan bder gshegs thugs kyi thugs/ /gsang gsum don las byung ba yi/ /mthar phyin don la rab zab pa/ /rdo rje gzhon nu rab zab thugs/ /sprul sku'i ngo bor gnas pa'i tshe/ /'khor lo bzhi yi bdag nyid can/ /'bar ba'i 'od kyis 'khrigs pa yi/ /don dam zab mo'i sku mchog la/ /lus ngag yid kyis phyag 'tshal nas// rnal 'byor rgyud kyi rjes 'brangs nas/ /yang dag don chen zab mo'i 'grel/ /bdud rtsi'i thigs ltar bdag gis bkrol// sngags kyi sku la gsal 'jug pa/ /de ni bskyed pa'i rim pa'o/ /sems la dmigs pa tsam zhig ni/ /bskyed pa'i rim ba rdzogs pa'o/ /de gnyis kun rdzob bden pa'o/ /zung 'jug don las gang byung dang/ /mthar phyin man ngag rab zab ston/ /don dam bden pa zhes su gsungs/ /sngags dang dam tshig spyod pa dang/ /'khrul 'khor rdzas te thams cad kun/ /kun rdzob bden pa'i grangs su'o/ /zung 'jug rim dang don dam pa/ /byang chub sems kyi ngo bo rgyu/ /don dam bden pa'i grangs su'o/ /bden gnyis don la rab gnas pa/ /rgyud kun gyi ni don bsdus pa'o/ /byang chub sems te kun gyi dngos/ /gsang ba sbas pa'i don rab gsal/ /dpal ldan rdor gzhon rgyud yin te/ /de bas rgyud rgyal kun gyi rtse/ /tshig nyung ba la don zab pa/ /rdor gzhon rgyud ni rnyed dka' zhing/ /zung 'jug don ni rtogs dka' bas/ /khams gsum sems can thams cad 'khor/ /de bas bla ma'i bka' drin gyis/ /yongs su 'bad de shes nas ni/ /zung 'jug don la rab gnas kyis/ /gleng gzhi'i don ni rgyu ru gsungs/ /gleng bslang ba ni rkyen du gsungs/ /bshad pa'i tshig ni 'bras bu ste/ /rgyu rkyen 'bras bu gsum du gsungs/ /dgos 'brel rnam pa bzhir yod de/ /mi yi skye ba 'khrungs pa'i tshe/ /rgyud ces brjod de brjod pa yin/ /btsun mo padmo'i nang nas byung/ /gleng gzhir 'dod de 'brel pa'o/ / sngags la sdom par bstan pa ni/ nges pa'i tshig ste dgos pa yi/ /zung 'jug 'dod pas chos spyod pa'o/ /de ni 'dod chags bral chos te/ /yang dgos yin zhes rgyal bas gsungs/ /'dod chags can la 'di ltar gsungs/ /rigs lnga'i ngo bor bskyed pa ni/ /rgyud ces bya ste brjod pa'o/ /lnga po rigs gcig gyur pa ni/ /gleng gzhi yin te bral ba'o/ /sku gsung thugs kyi rdo rje ni/ /nges pa'i tshig ste dgos pa'o/ /btsun mo la sogs spyod pa ni/ /rgyu zhes bya ste yang dgos so/ /skye bo don la 'jug pa la/ /yid ches phyir na dgos 'brel bstan/ /tshig gi tshogs la dga' ba dang/ /dngos po'i spyod la dad pa dang/ /rtog pa'i chos la bzlog pa'i phyir/ /de la kun rdzob bden pa bstan/ /yang dag don la mos pa dang/ /zab mo'i chos la dad pa dang/ /byang chub sems kyi don la mos/ /de la don dam bden pa bstan/ /rim pa gnyis pa bstan nas ni/ /bshad pa'i dbye ba gsungs pa yin/ /'jig rten blo rnams dpag med pas/ /gang zag rnam pa lngar 'dod de/ /aud pa la 'dra'i gang zag dang/ /pad dkar 'dra ba'i gang zag dang/ /pad ma dmar 'dra'i gang zag dang/ /tsan dan 'dra ba'i gang zag dang/ /rin po che yi gang zag go /rang bzhin gcig ste tha dad min/ /thams cad mkhyen pas gsungs pa'o/ /'dzin pa mkhas pa'i brjed 'gyur ba/ /aud pal zhes bya'i gang zag go /mang po thos shing ston mi nus/ /pad kar zhes bya'i gang zag go /dad ldan thos brtson snying rje che/ /pad dmar zhes bya'i gang zag go / thos med nga rgyal mang du smra/ /rjes su gzung ba'i don med pa/ /tsan dan zhes bya'i gang zag go /dam tshig dag cing shes rab ldan/ /rgyud thos legs par ston pa ni/ /rin chen zhes bya'i gang zag go / aud pal pad kar pad dmar tsan dan bzhi/ /kun rdzob bden pa bstan pa'i gang zag gi /rdzogs pa'i rim la dad pa dang/ /rtag tu spyod pas slob dpon 'khur/ /rin chen 'dra ba'i gang zag ste/ /de la don dam bden pa bshad/ /de ltar snod kyi rim brtags nas/ /bla ma dam pa mkhas pa yis/ /bshad pa rnam pa gnyis bya'o/ /de ltar 'dus pa'i don bstan nas/ / nga ni yan lag gi don rnam par dbye ba'i phyir/ gzhung nyid la 'jug par bya ste/ 'dir sdud par byed pa rdo rje chos kyis ji skad du thos pa thugs la bzhag nas/ gdul bya rnams la bstan pa'i phyir/ 'di skad bdag gis thos pa zhes bya ba gsungs te/ 'di skad ces bya ba ni/ rgyud kyi don ma lus par ston pa'i tshig ste/ ston pa'i bka' o/ /bdag gi zhes bya ba ni/ sdud pa po bdag nyid kyis ston pa las mngon sum du thos kyi/ gzhan dag las brgyud cing brgyud nas thos pa ni ma yin no/ /dus gcig na zhes pa ni/ tshes grangs dang zla ba dang lo dang dus ni nges pa med do/ /de ci'i phyir zhe na/ sems can rnams rtog pa skye ba'i phyir/ nges pa med do/ /thos pa'i dus ni nges pa med do/ /ston pa'i zhal nas gsungs pa'i dus gcig gi tshe na bdag gis 'di thos la gzhan du ni gzhan dag thos pa 'am/ yang na dus gcig ste skad cig ma la thos so zhes pa ste/ 'di dag gis ni bdag nyid thos pa mang ba dang/ shes rab phul du byung ba yin par ston to/ / gang las gang du gang dang lhan cig thos zhes gleng gzhi bstan pa'i phyir/ bcom ldan 'das zhes bya ba la sogs pa gsungs te/ bcom ldan zhes pa ni/ ston pa phun sum tshogs pa bstan pa yin te/ don zab mo phun sum tshogs pa dang/ mi mthun pa'i phyogs bcom pas na bcom ldan 'das so/ /de ni kun rdzob kyi bden pa'o/ /don dam pa'i bden pa bstan pa'i phyir/ gsang ba mchog gi bdag po zhes bya ba la sogs pa gsungs te/ gsang ba mchog gi bdag po zhes pa ni/ sku'i 'khor lo'i sgo bzhi pa dang/ gsung gi 'khor lo'i sgo brgyad pa dang/ thugs kyi 'khor lo'i sgo dgu pa dang/ bde ba chen po'i 'khor lo'i sgo drug pa rnams ni rnal 'byor phyi ma'i rgyud la/ med pas gsang ba'o/ /dkyil 'khor bzhi po 'di kun gyi mchog yin pa dang/ bzhi po'i mchog kyang bde ba chen po'i pho brang ngo/ /pho brang de ni bcom ldan 'das byang chub kyi sems kyi rang bzhin du bzhugs so/ /de'i dus na khams gsum gyi sems can kun kyang byang chub kyi sems kyi rang bzhin du gyur to/ /'khor rnams la yang cang mi gsung ba'i tshul gyis chos ston to/ /de ltar bzhugs pa'i phyir bdag po'o/ /sku'i pho brang na bzhugs pa bstan pa'i phyir/ thig le byang chub kyi sems rdo rje zhes pa gsungs te/ bde ba chen po'i gnas nas lha mo bzhi'i mtshan nyid bslang ste/ spyan drangs pa'i dus na/ 'od kyi gong bu thig le'i gzugs su shas te/ de'i mtshan nyid la ni byang chub kyi sems rdo rje zhes bya'o/ /sku de'i mtshan nyid bstan pa'i phyir/ de bzhin gshegs pa thams cad kyi rnam par dag pa'i mtshan nyid ces pa gsungs te/ de bzhin gshegs pa'i gnas su gshegs shing gshegs pas na/ de bzhin gshegs pa ste/ de lta bu'i sku gdos pa can du bzhugs pa ni bzhugs pa ma yin te/ rang bzhin gyis rnam dag pa'i bdag nyid du bzhugs so/ /de ltar bzhugs nas kyang 'khor rnams la ting nge 'dzin gyi sgo nas chos ston to/ /gsung gi pho brang na bzhugs pa bstan pa'i phyir/ pad mo chen po rnam par dag pa'i gsung zhes pa la sogs pa gsungs te/ pad mo chen po zhes pa ni/ pho brang ste pho brang de ye nas rnam par dag pas pad mo'o/ /'jig rten pa'i gnas dang rten pa'i gnas dang /rten gyi gnas gzhal yas las khyad par du 'phags pas che'o/ /de'i gnas na sprul pa'i sku mtshan nyid du bzhugs te/ gsung rdo rje lta bu'i ting nge 'dzin la mnga' brnyes nas bzhugs so/ /de'i dus na 'gro ba rigs drug la ji ltar 'tsham pa'i chos ston to/ /thugs kyi pho brang na bzhugs pa bstan pa'i phyir/ yid bzhin gyi nor bu rin po che zhes bya ba la sogs pa gsungs te/ thugs kyi pho brang ye phyi mo nas rang bzhin gyis grub pa'i yi ge a gcig gnas te/ de'i dbus na bcom ldan 'das thugs kyi rang bzhin hUM gi dbyibs su bzhugs te/ dran rtog thams cad de las 'byung ste/ shes pa kun gyi gnas so/ /de la ni yid bzhin gyi nor bu rin po che zhes bya'o/ /de ni kun gyi mchog tu gyur pas rgyal po de'i mtshan nyid ni thams cad du rang bzhin gyis 'od gsal ba'i shes pa dang brjod pa'i mdza' las 'das pa'i yon tan de lta bur bzhugs nas/ mnyam pa chen por kun tu khyab par mdzad pa'i sgo nas chos ston te/ thabs gang gi sgo nas kun 'dul ba'i 'phrin las cis 'dul ba'i sgo yangs par kun tu mdzad do/ /de dag kun gyi don bsdus pa bstan pa'i phyir/ sku gsung thugs yon tan dam tshig chen po ma lus pa'i bdag nyid chen po zhes bya ba la sogs pa gsungs te/ de bzhin gshegs pa thams cad kyi sku dang gsung dang thugs kyi 'khor lo yang mnga' brnyes pa'i yon tan gyi sgo nas sems can gyi don mdzad de/ dam tshig chen po ma lus pa'i bdag por gyur pa ni/ bdag nyid chen po'o/ / phyi dang nang du snang ba'i chos gcig gi ngo bor bstan pa'i phyir/ dus gsum gyi chos ma lus mi lus lus pa med pa'i chos thams cad ces pa la sogs pa gsungs te/ dus gsum gyi sngar 'das pa dang da ltar dang phyis so/ /de ltar snang ba thams cad sku gsung thugs kyi gsang bar 'dus pas na/ ma lus te/ sngar 'das pa mi lus te da ltar bzhugs pa lus pa med pa ste/ phyis byon pa de rnams kyi dngos po thams cad bcom ldan 'das bde ba chen po'i gnas su mngon par 'du bar mdzad de/ gnyis su med pa'i rang bzhin las thabs mkhas pa'i rol pa'i rdzu 'phrul rnam pa sna tshogs pa ji ltar 'dul ba la sgra'i tshul du sprul nas don mdzad de/ de lta bu'i don la mnga' brnyes pa ni bcom ldan 'das dpal kun du bzang po'o/ /de ni ston pa phun sum tshogs pa ste/ don dam pa'o/ /gnas phun sum tshogs pa bstan pa'i phyir/ 'og min gyi gnas gsang ba mchog gi dkyil 'khor chen po zhes bya ba la sogs pa gsungs te/ 'og min gyi gnas zhes pa ni gong nas gong du gyur pa ste/ 'jig rten pa'i gnas las yum lnga'i mkha' ni khyad par du 'phags so/ /nyan thos dang rang rgyal pa dang rnal 'byor phyi pa la gsang ba'i gnas kun gyi thun mong ma yin pa'i mchog dam pa'i dkyil 'khor chen po ste/ gong du bshad zin to/ /gsang ba'i gnas bstan pa'i phyir/ btsun mo zhes bya ba la sogs pa gsungs te/ btsun mo ni sangs rgyas kyi shes rab ma ste/ de nyid ni nyon mongs pa rnams 'joms pas na b+ha ga'o/ /de lta bu'i b+ha ga de ni yang dag pa'i pho brang rang bzhin gyis lhun gyis grub pa der thams cad 'dus shing 'byung bas/ dur khrod kyi gzhal yas khang brtsegs pa de la pad+ma sna tshogs kyis steng dang 'og med par brgyan par pad+ma de rnams kyang dbyibs sna tshogs pad+ma kha dog sna tshogs pa la sogs pa'i 'dod pa'i yon tan lnga'i mi mthun pa'i khyad par rin po che sna tshogs kyi rnam grangs las 'das pa dang/ dpe dang tshad med pa rnams kyi gzhal yas khang gi phyi dang nang med par phyogs bcur 'khrigs? shing rnam par klubs par thog ma dang tha ma med par ye nas rang byung gi gnas na 'od kyi tshul du bcom ldan 'das bzhugs so/ /de ni gnas phun sum tshogs pa ste/ don dam kun rdzob gnyis ka'o/ /'khor phun sum tshogs pa bstan pa'i phyir/ rnal 'byor gyi dbang phyug chen po rgyal ba sangs rgyas zhes pa la sogs pa gsungs te/ 'di nas mar 'khor rnam pa lngar shes par bya'o/ /de ci'i phyir zhe na/ dkyil 'khor lnga yod pa'i phyir ro/ /'khor mang po bstan pa'i phyir/ rnal 'byor gyi dbang phyug chen po zhes gsungs te/ yang dag pa'i ye shes la mnga' brnyes pa'i phyir/ rnal 'byor pa phyi dang nang du snang ba'i mtshan nyid la dbang sgyur zhing thams cad kyi bdag nyid chen por gyur pa'i rgyal ba sangs rgyas brjod du med pa/ bgrang ba las 'das pa yon tan chen pos klubs pa nam mkha' i mdza' klas pa 'khor ba med pa'i tshul gyis bskor nas bzhugs so/ /bde ba chen po'i 'khor/ sku'i pho brang gi tshul bstan pa'i phyir/ rnal 'byor ma chen mo zhes bya ba bstan te/ sa'i mtshan nyid rnal 'byor ma chen mo sangs rgyas spyan dang/ me'i mtshan nyid rnal 'byor ma chen mo gos dkar mo dang/ chu'i mtshan nyid rnal 'byor ma chen mo mA ma kI dang/ rlung gi mtshan nyid rnal 'byor ma chen mo dam tshig sgrol ma la sogs pa grangs med pas bskor nas bzhugs so/ /sku'i 'khor ro/ /thugs kyi pho brang gi 'khor bstan pa'i phyir/ rnal 'byor chen po sems pa chen po zhes pa la sogs pas bstan te/ rnal 'byor chen po zhes pa ni yang dag pa'i ye shes phyin ci ma log pa'i rnal 'byor dam pa yang dag pa'i don la rtse gcig tu sems pa'i sems pa chen po btsun mo sems ma dang bcas pa brjod du med pa bgrang ba las 'das pa ste/ brjod du med pa'i yang brjod du med pa'i zhing gi rdul snyed kyis bskor ba med pa'i tshul gyis bskor nas bzhugs so/ /thugs kyi pho brang gi 'khor ro/ /gsung gi pho brang gi 'khor bstan pa'i 'khor/ gzhan yang zhes bya ba la sogs pa gsungs te/ gzhan yang zhes pa ni thugs kyi pho brang gi 'khor las gzhan pa ste gsung gi 'khor lo zhes pa'i tha tshig go / he ru ka rol pa'i tshogs zhes pa ni/ he ni yang dag pa'i don la dgyes pa'o/ /ru ni yang dag pa'i don gyi yul de la chags pa'o/ /ka ni bskyod par byed pa'i 'phrin las so/ /de lta bu'i ngang du rol pa'i tshogs kyis 'khor grangs med pa brjod du med pa rnams kyis bskor ba med pa'i tshul gyis bskor nas bzhugs so/ /gsung gi pho brang gi 'khor ro/ /gsang ba'i pho brang gi 'khor bstan pa'i phyir/ sprul pa chen po sras kyi 'khor ji snyed pa la sogs pa zhes pas bstan te/ /de bzhin gshegs pa'i sku dang gsung thugs las sprul pas sprul pa chen po ste/ de bzhin gshegs pa sras kyi 'khor ji snyed pa la sogs pa dang sems dang sems las byung ba ste/ rig pa las bskyed pa'i sras kyi 'khor dang 'byung ba dang 'byung ba las byung ba ste/ rnal 'byor ma'i tshogs mang po'i 'khor dang/ yang dag pa'i gong ma'i 'khor ji lta ba dang gsang ba'i 'di nyid kyis 'khor ji snyed pa rnams dang/ bcom ldan 'das thabs gcig tu rnam par rtog pas/ snyengs pa mi mnga' bar pho brang na bzhugs pa'i tshul ni dper na yungs 'bru snum gyis gang ba bzhin du gang nas khyab par bzhugs so/ /zhes pa ni gnas par mdzad pa'o/ /bcom ldan 'das kyi btsun mo ni yum kun tu bzang mo yin te/ bcom ldan 'das nyid kyi sku la gnyis su med par 'khril ba'i tshul gyis byang chub kyi sems gyi ngo bor snyel ba mi mnga' bar thams cad dbyings su bsdu bar mdzad do/ de yan chad du 'khor lnga'i mtshan nyid bstan nas/ da ni sdud pa po phun sum tshogs pa bstan pa'i phyir/ 'khor gyi dkyil 'khor de nyid kyi ni zhes pa la sogs pa gsungs te/ 'khor gyi dkyil 'khor du gsungs pa de nyid kyi nang na sdud pa po rnal 'byor gyi dbang phyug rgyal ba sangs rgyas nyid las mi gzhan pa'i rdo rje yid kun tu bzang po yang ston pa'i mtshan nyid btsun mo kun tu bzang mo dang gnyis su med pa'i tshul gyis ston pa bcom ldan 'das kyi spyan snga na bran jo bo la bka' nod pa'i tshul du spobs ba can du bzhugs so/ /sdud pa po phun sum tshogs pa ste kun rdzob don dam gnyis so/ /ston pa des thams cad la rdzu 'phrul gyi spyan gyis gzigs par bstan te/ de'i phyir de nas zhes pa la sogs pa gsungs te/ de nas zhes pa ni de ma thag pa'o/ /nyon mongs pa bzhi bcom zhing legs pa'i yon tan drug dang ldan pas na bcom ldan no/ /rtag pa dang? chad pa'i mdza' la mi gnas pas bdas pa ste/ de lta bu'i ngang tshul mnga' ba'i ston pa gsang ba mchog gi bdag po des phyi dang nang du snang ba la 'di ltar gzigs so/ /sems dang sems las byung ba ni rten can gyi rang bzhin du gzigs pa med pa'i tshul du gzigs la/ 'byung ba dang 'byung ba las gyur pa ni rten gyi rang bzhin te yum lnga'i mkha' rang bzhin du gzigs te/ dus gsum dang srid gsum gyis bsdus pa'i chos de yang dag pa'i ngo bo nyid byang chub kyi sems su gzigs so/ /gzhan yang bstan te/ bsam gtan gsum pa'i lha'i rim la sogs pa dang/ snyoms par 'jug pa ste nyan thos zhi ba'i phyogs la 'jug pa dang/ 'gog pa ste/ nyan thos tshogs drug bkag nas yul drug las 'gog pa dang/ sa'i khyad par la sogs pa sa dang po nas bcu'i bar du ste/ de ltar bye brag tu snang ba'i chos dang re? ngo gang la snang bar grags la bcom ldan 'das dpal kun tu bzang pos ni rdzu 'phrul gyi spyan gyis rang bzhin gyis 'od gsal bar kun tu khyab par gnyis su med pa'i ngang du gzigs so/ /phyin ci ma log par rnam par gzigs so/ /'og ma'i chos rnams gzigs pa de bzhin du sa bcu gcig pa la gnas pa'i phyogs bcu dus gsum kyis? rgyal ba grangs med pa rnams la ma bcos pa'i spyan gyis gzigs so/ /ngo bo nyid kyis rnam par gzigs nas phyi dang nang du snang ba'i chos thams cad ye nas rnam par dag cing ma bcos pa byang chub kyi sems stong pa chen por gzigs te/ nyid kyang stong pa chen po'i don la brnal te smra bsam las 'das pa bcos ma ma yin pa de bzhin nyid kyi ting nge 'dzin la snyoms par zhugs so/ /ston pa de bzhin nyid kyi ting nge 'dzin las gnas pa de'i tshe 'khor ba ste/ khams gsum gyi sems can mya ngan las 'das pa ni rnam par dag pa'i chos thams cad yang dag pa'i ye shes stong pa chen por gyur te/ dper na nam mkha' i mtshan nyid tsam du 'di yin no/ /bsgrub du yod pa ma yin no/ /de ltar chos kyi dbyings na bzhugs pa des sems can gyi don mi mdzad par yum kun tu bzang mos gzigs te/ de las bslang ba'i phyir de nas zhes bya ba la sogs pa gsungs te/ de nas zhes bya ba ni bcom ldan 'das chos kyi dbyings su rnal? ba'i de ma thag pa de la de nas zhes bya ste/ bskul lo bar 'brel lo/ /sangs rgyas kyi yum kun tu bzang mo des sems can gyi don la dgongs nas bcom ldan 'das gsang ba mchog gi bdag pos dgongs pa chos kyi dbyings la brnal nas bzhugs pa la yum kun tu bzang mos glu 'dis bskul lo zhes pa ste/ 'og nas 'byung ba'i glu 'di'o/ /e zhes pas ni chos 'byung ba'i gnas na bzhugs pa zhes pa ste/ de'i mtshan nyid bstan pa'i phyir/ /e ma'o stong nyid bdag med ces pa la sogs pa gsungs te/ e ma zhes pa ni e ma khams gsum gyi sems can la thugs rje'i spyad? thag bcad nas bzhugs pa 'di snyam pa ste/ yi chad pa'o/ /stong nyid bdag med rnam dag klong yangs nas zhas pa ni stong pa nyid kyang yin la bdag med pa yin pas na/ stong nyid bdag med de ye nas rnam par dag pa ma bcos pa'i yang klong yangs pa de nas khams gsum gyi sems can kun la snyoms pa'i thugs rje khyed kyis 'byung bar mi dmigs kyang/ bdag ni shes rab ma ste/ sems can gyi don bya bar dga' ba'i ched du ye nas ma bcos pa'i chos kyi sku dag pa las ma g.yos par thabs mkhas pa'i mdzad spyod kyis khams gsum gyi sems can la snying rje nam mkha' bzhin du kun la khyab par ston/ ces yum kun tu bzang mos bskul bas gsang ba mchog gi bdag po des yum kun tu bzang mos bskul bar mkhyen nas/ stong pa nyid kyi ngang la rnal ba ni de bzhin nyid de de las kun tu snang gi ting nge 'dzin ni 'khor ba'i chos thams cad la khyab pa chen po'i snying rje bskyed pa'i ting nge 'dzin la snyoms par zhugs so/ /'khor ba'i chos rnams la khyab? pa'i snying rje bskyed par g.yos pa de'i tshe phyi dang nang du snang ba'i chos thams cad la khyab pa'i snying rje nam mkha' i mtshan nyid tsam du gnas par gyur to/ zhes pa de de bzhin nyid las ni snying rje rkyen gyis ma g.yos yi ge'i gzugs su ni ma byung byung la khang ba tsam de'i skabs su glus bskul te de'i phyir de nas yang yum kun tu bzang mos zhes pa la sogs pa gsungs te/ de bzhin nyid las bskul ba'i de ma thag pa de nas yang bskul ba'i dus la bab bo zhes bya ste tshig gi phrad do/ /yum kun tu bzang mo stong pa nyid nam mkha' tsam du gnas pa'i ngang las/ 'og nas 'byung ba'i glu 'dis bskul lo/ /e ma'o ma ltar byams pa'i snying rje chen po ni/ zhes bya ba la sogs pa gsungs te/ e ma'o 'di'i don ni gong du bshad zin to/ /ma ltar byams pa'i snying rje chen po ni zhes pas khams gsum gyi sems can la bu gcig pa la ma byams pa bzhin du khyab pa'i snying rje chen po 'ga' la byams pa lta bu ni ma yin no/ /de lta kun la khyab pa'i mtshan nyid de la ni nam mkha' ltar go yang 'byed cing kun la khyab pa zhes gsungs pa gsungs pa yin te/ nam mkha' i rang bzhin las rig pa'i snying rje longs spyod rdzogs pa'i sku mchog kun tu bzang mo bdag la bstan tu gsol zhes rnam par bskul lo/ /yum kun tu bzang mos bskul ba de ma thag pa de nas bcom ldan 'das gsang ba mchog gi bdag pos yum gyis bskul bar mkhyen nas khams gsum gyi sems can rnams la snying rje bskyed de/ nam mkha' i ngang las yang dag pa'i rig pa'i cho 'phrul ye ge hUM gi rang bzhin du rnam par sprul te yi ge de yongs su gyur pa las nam mkha' i dbyings rum nas zhes gsungs pa yin te de las bcom ldan 'das kyi sku bzhangs pa ste/ nga? la ni snying rje'i sku mngon tu byung ste zhes gsungs te/ sku de las ye shes dang ldan pa'i rtags su sku las 'od zer lnga rnam par 'khrigs pa'i phyir/ dper na nam mkha' i dbyings rum nas nyi ma 'bum dus gcig tu shar ba'i gzi brjid lta bu'i zhes gsungs pa yin no/ /bcom ldan de'i sku mdog dang phyag mtshan gsal bar bstan pa'i phyir/ yum kun tu bzang mos bcom ldan 'das kyi sku yongs su rdzogs par mdzad par bskul ba ni/ de nas zhes bya ba la sogs pa gsungs te/ de nas zhes bya ba ni bcom ldan 'das kyi sku bzhengs pa'i de ma thag pa de nas so/ /yum kun tu bzang mos smin rang bsgyur te/ zhes pa ni bcom ldan 'das kyis shes rab ma thams cad chos kyi dbyings las byung yum ste/ des shin tu chags pa'i smin ring bsgyur te shin tu mdzos pa'i spyan gyis bcom ldan 'das la bltas nas yongs su rdzogs par 'dod pa'i phyir rmad du byung ba'i gar rnam pa sna tshogs pa dang glu ste gsang gsum gyi glu dang der ma bas te glu'i bye brag mang pos rnam par bskul ba'i phyir/ 'og nas 'byung ba'i glu 'di blangs so/ /e ma'o yid bzhin sku mchog nyi ma lta bu las zhes pa gsungs te/ e ma'o zhes pas ni yang dag pa'i chos dbyings kyi ngang las longs spyod rdzogs pa'i sku 'di lta bu byung ba ni ngo mtshar ro/ /zhes pa ni dam pa'i tshig go/ sku de lta bu las mtshan dang dpe byad kyis brgyan pa'i phyir/ yid bzhin sku mchog nyi ma lta bu las zhes pa gsungs pa yin no/ /bcom ldan 'das de yang 'gro ba mdza' dag la sprul pa'i cho 'phrul ji ltar 'dul ba bzhin du ston te ston pa'i dus na yang dbyings rnam par dag pa las ma g.yos te de'i phyir rdo rje gar mdzad cing zhes gsungs so/ /de lta bu'i sku mtshan dang dpe byad kyis brgyan pa shin tu brjid pa'i sku mchog rgyan thams cad yongs su rdzogs pa'i sku 'od zer 'bar bas 'khrigs pa'i sku mchog kun tu bzang mo bdag la bstan du gsol/ /a la la ho zhes yang nas yang du rnam par bskul bas/ bcom ldan 'das kyis yum kun tu bzang mos bskul bar thugs su chud de/ rol pa'i sku zhal gsum pa lta bur snang ba ste/ zhal gsum par snang ba ni rnam par thar pa'i sgo stong pa nyid dang/ mtshan ma med pa dang/ rang bzhin gyis 'od gsal ba gsum mnga' ba'i rtags so/ /zhal gsum po yang g.yas dkar ba/ g.yon dmar ba/ dbus mthing nag du bzhugs so/ /g.yas dkar ba ni nyon mongs pas ma gos ba'i rtags so/ /g.yon dmar ba thugs rje'i spyang thag gis 'gro ba mdza' dag 'dren pa'i rtags so/ /dbus mthing ba ni chos nyid la rnam par rtog pa gang gis kyang ma gos pa'i rtogs so/ /phyag drug ste pha rol tu phyin pa drug mnga' ba'i rtags so/ /g.yas kyi dang po na ye shes kyi rdo rje rtse dgu pa bsnams pa ni/ ye shes dgu las mnga' brnyes pa'i rtags so/ /de lta bu'i sku 'bar ba lta bus dus gsum gyi sangs rgyas rnams kyis gzigs par 'gyur ro/ /de ni yongs su rdzogs pa'i ting nge 'dzin to/ /da ni 'khor sdud pa'i ting nge 'dzin ston te/ de'i phyir de nas bcom ldan 'das zhes pa la sogs pa gsungs te/ chos kyi dbyings las sku yongs su rdzogs par bzhengs pa'i de ma thag pa de nas gong du gsungs pa'i 'khor rnams bcom ldan 'das gsang ba mchog gi bdag po des/ rten can gyi 'khor bskyed pa'i phyir hUM zhes lte ba'i dkyil nas drangs te brjod pas gong ma'i 'khor gyi dkyil 'khor de dag nyid kyi sku la bsdu ba mdzad do/ /bsdu ba mdzad nas bde ba chen po'i gnas na bzhugs par gyur to/ /de ni 'khor 'og ma'i rgyu'o/ /'khor sdud pa'i ting nge 'dzin to/ /'di nas mar yab kyi gleng bslang ba bstan te/ bcom ldan 'das nyid kyis skus sbyor ba'i yan lag rnam pa sna tshogs kyi glu dang gsang ba'i glu dang gar steng sgo'i gar dang lag pa'i gar dang rkang pa'i gar dang/ rked pa'i gar dang/ steg pa ste gnas dgu ru sen mos brud pa dang/ bstim pa ste mchu bzhib pa dang/ sbyor ba ste dbang po gnyis sbyor ba dang/ 'khyud pa ste stod smad nas bsdams pa'i tshul gyis yum kun tu bzang mo la mdzes pa'i tshul gyis smin rings bsgyur zhing chags pa'i spyan zim bag gi tshul gyis gzigs te/ spyan har har lta bu'i ma yin te shin tu mdzes pa'i ting nge 'dzin la snyoms par zhugs te/ gnas nas cang mi gsung bar gyur to/ /de'i dus su yum kun tu bzang mos chags par mkhyen nas gleng 'di skad bslang ngo/ e ma'o rol mo'i cho 'phrul 'bar ba'i sku mchog las zhes pa la sogs pas gleng bslang ste shin tu ngo mtshar ba'i phyir/ e ma'o chos kyi dbyings las rol pa'i cho 'phrul 'od zer gyis 'khrigs pa'i shin tu mdzes pa'i 'bar ba'i sku mchog las byang chub sems kyi rang bzhin kun la khyab pa'i byin brlabs te/ grang nas ji ltar gnas pa bstan te/ sprul pa'i 'khor lo 'dab ma drug cu rtsa bzhi pa dang chos kyi 'khor lo 'dab ma brgyad pa dang/ longs spyod rdzogs pa'i 'khor lo 'dab ma bcu drug pa dang/ bde ba chen po'i 'khor lo 'dab ma sum cu rtsa gnyis pa'i dkyil na/ byang chub sems bzhugs pa de'i mtshan nyid la rdo rje zhes bya ste de gnas nas bskyed par byed pa'i rkyen phyag rgya bzhi'i gar mdzad cing zhes so/ /byang chub sems de gshegs pa'i gnas pa bstan pha'i phyir gsang ba'i b+ha ga zhes bya ba la sogs pa gsungs te/ gsang ba'i b+ha ga ni yum gyi pad+ma ste/ thabs las khyad par du 'phags pa'i gnas te/ bcom ldan 'das kyi bzhugs gnas shin tu yangs pa'i mkha' dkyil du bcom ldan 'das kyis bdag re ba bskongs ba'i yang dag pa'i bdud rtsi char chen po bcom ldan 'das kyis bdag la dbab tu gsol lo a la la ho/ zhes rnam par bskul lo zhes pa ste/ yum gyis gleng bslang ba'o/ /de nas yab kyi gleng bslang ba'i phyir/ bcom ldan 'das gsang ba mchog gi bdag po des zhes pa la sogs pa gsungs te/ rdo rje'i glu 'di blangs so zhes par 'brel to/ /gang blang zhe na/ 'og nas 'byung ba 'di lta ste/ a ho bde mchog 'du 'bral med pa'i dbyings nyid ni/ zhes pa la sogs pa gsungs te/ de'i don thugs su chud cing rig pa la mnga' ba'i phyir a ho zhes gsungs te/ byang chub kyi sems de ni bde ba yang yin la mchog kyang yin pas na bde mchog go /de'i gnas 'du 'bral med pa ni yum gyi pad+ma ste dbyings nyid do/ /de lta bu'i gnas shin tu mdzes pa'i phyir 'dzum pa ste rgyan thams cad kyis brgyan pas 'khril pa/ /nyon mongs bsam gos pas pad+ma shin tu yangs pas b+ha ga ste/ de lta bu'i gnas su chags pa'i phyir/ ru zhes gsungs te/ de lta bu ru gsang ba'i rdo rje bzhugs par bya ba'i dga' mchog rdo rje gsang ba'i byang chub sems zhes pa la sogs pa gsungs te/ dga' mchog ces pa ni dga' ba rnam pa bzhi ste/ dga' ba dang/ mchog tu dga' ba dang/ rang bzhin gyis dga' ba dang/ bral ba'i dga' ba dang bzhi'o/ /rdo rje ste gsang ba'i rdo rje ste rnal 'byor phyi pa la med pas na gsang ba'o/ /byang chub kyi sems gshegs pa'i shul dang/ dga' ba bzhi nyams su myong ba'i gnas yin pa dang/ khu ba dang lhan cig skyes pa'i rang bzhin gyi dga' ba'i gnas yin pas na rdo rje zhes bya'o/ /bde ba chen po'i gnas nas dri ma med pa'i byang chub kyi sems de dga' ba bzhi dang ldan te rdo rje'i rtsa ba dang dbus dang rin po che'i gnas nas 'ong ba dang ni sos ka'i chang bzhin du rdo rje'i rtse mo nas 'bab ste bral ba'i dga' ba'o/ /de gang du 'bab ce na/ rgyun mi 'chad par yum gyi pad ma la 'bab pa'o/ /rgyun mi 'chad na 'on ci rtag par chu bo chen po rgyun bzhin du 'ong ngam ci zhes brgal ba dang/ 'on te de ltar ni ma yin te/ rtag par 'bab pa zhig yin na ni rlung la sogs pa'i rkyen gyis bya rgyu med de de bas na rtag tu 'bab pa ni ma yin no/ /brgal ba 'o na gzhung nyid las kyang sos ka'i char bzhin du rgyun mi 'chad par 'bab bo zhes zer na khyod kyi de ltar ma yin na ni gzhung dang 'gal lo zhe na/ 'on te de ltar ma yin te sos ka zhes smos pa ni sos ka'i dus kyang nyams dga' ba'i dus te/ byang chub sems kyang 'bab pa'i dus na mi dga' ba lta bu ma yin te nyams dga' ba'i phyir mthun pa'i dpes so/ zhes smos pa yin no/ /char bzhin du zhes pa ni sos ka'i char pa yang rgya mtsho'i rlangs pas bskyod de bskyod nas 'bab pa ma yin pa dus rtag tu ni 'bab pa ma yin no/ /de bas na byang chub sems kyang rkyen rnam pa gnyis kyis bskyod pa'i dus su 'bab dus rtag tu 'bab pa ni ma yin no/ /brgal pa 'on te khyod kyis de ltar yin na rgyun mi 'chad zer ba dang 'gal lo/ /mi 'gal te rgyun mi 'chad zer ba ni byang chub kyi sems de'i mtshan nyid ye nas ma bcos pa zhes pa dang/ brjod pa'i mdza' las 'das pa ni dus gsum du rtag tu gnas pa yin pas na de la dgongs nas gsungs pa mi 'gal lo/ /zhes the tsom gcod/ de'i don la dam pa'i phyir ho zhes thabs mchog yab kyis gsungs so/ /de nas yang byang chub kyi sems de la yum gyis gleng bslang ba'i phyir/ de nas chags pa yum gyi byang chub sems kyi zhes pa la sogs pa gsungs te/ de nas zhes pa ni gsal lo/ /chags pa ste yum yab kyi rjes su chags pas na btab? ? gyi byang chub ?? chud nas/ de'i don gyi thabs mchog yab kyi byang chub kyi sems la bskul ba'i cho 'phrul gyi sgro 'og nas 'byung ba 'di skad bsgrags so/ /a ho chags pa chen po yum gyi byang chub kyi sems zhes pa la a ho zhes pa ni a nyid chos nyid ye nas skye ba med pa de la ho ste chags pa'o/ /nyon mongs pa'i dbang la chags pa ma yin pa'i phyir chen po'o/ /phyi dang nang du snang ba'i chos dbang du bsdus pas dbang/ gnyis su med pa'i ye shes su 'gyur bas byang chub kyi sems de lta bu'i byang chub sems de las dus gsum gyi bde bar gshegs pa rnams kyang de las bskyed cing kun gyi 'byung gnas su gyur pa'i phyir rtsa bzhi mchog go /yum gyi sems de la 'khor ba'i skyon gang gis kyang ma gos pa'i phyir/ dri med skyon bral zhes gsungs pa yin te/ byang chub kyi sems kyi rten gnas de'i dbyibs pad mar gnas pa'i phyir pad+ma/ pad+ma de'i ze 'bru nas byang chub sems 'od zer gyi chul du byung ste/ de'i gnas su thabs mchog yab kyi byang chub kyi sems mu tig dkar po dri ma med pa nyon mongs pa gsal ba'i phyir bsil ba'i 'od zer bdag gis pad ma'i ze 'bru la spro ru gsol ho/ zhes mtshan nyid kyi sgo nas/ gleng bslang ba'o/ /yab kyi byang chub kyi sems kyi mtshan nyid la gleng bslang ba'i phyir/ yang thabs mchog yab kyi zhes pa la sogs pa gsungs te/ 'di skad ces bsgrags so/ /zhes par 'brel te a ho gsal zhing dag pa'i zla ba'i dkyil 'khor ni zhes pa ni/ byang chub kyi sems de rang bzhin gyis gsal bas na/ gsal zhing rnam par rtog pa'i skyon gyis ma gos pas dag pa/ kun rdzob byang chub kyi sems kyi kha dog dkar por yod pas zla ba'i dkyil 'khor de ni skyon gyis ma gos pa ye nas rnam par dag pa'i byang chub kyi sems de ni dus gsum gyi rgyal ba rnams kyis ji ltar gnas par thugs su chud de/ de lta bu'i byang chub kyi sems de ni bsil ba ste/ 'od zer gyi tshul du yum gyi pad ma'i ze 'bru'i gnas su byang chub kyi sems spro bar bya'o/ /ho zhes rnam par bskul lo/ / de ltar yab yum gnyis kyis gleng bslang nas byang chub kyi sems gnas su drangs nas spro ba dang bsdu ba'i ting nge 'dzin 'di gsungs so/ /de nas bcom ldan 'das zhes pa dang/ 'di skad brjod do zhes pa ni go sla'o/ /e ma'o bde mchog bde ba'i zhes pa ni byang chub kyi sems gnas nas grangs nas bde ba rnyed pa de ni bde ba kun gyi mchog yin te/ de rdo rje las phar yuM gyi pad+mar spros/ yum gyi ba spu'i bu ga nas par byang chub kyi sems rab tu spros pas khams gsum gyi sems can thams cad kyi lus ma phog pas nyon mongs pa thams cad dag par byas pa la ni 'gro ba kun gyi rgyud sbyangs te zhes dus de nyid kyi skabs su dus gsum gyi sangs rgyas kun gyi thugs la phog pas byang chub kyi sems mchod pa phul/ slar sangs rgyas kyi 'od zer bskul zhing slar yum gyi dbyings su 'dus shing thim pa las byang chub kyi sems thig le'i gzugs su yum gyi pad+ma la gsal bar gyur te/ des de nyid du thig le'i 'od kyis kun la khyab pas de'i phyir byang chub kyi sems kyis kun la khyab ces bcom ldan 'das kyis gsungs so/ /byang chub kyi sems kyi 'od zer des 'gro ba rnams sbyangs pa rnams de'i tshe/ 'khor ba dang mya ngan las 'das pa'i chos thams cad byang chub kyi sems 'ba' zhig du gnas so/ de ltar rten can gyi rgyu bsgrubs nas thog ma nyid du bsnyen bsgrub bya ba'i phyir/ de nas bcom ldan 'das gsang ba mchog gi bdag po des/ zhes pa la sogs pa gsungs te/ de nas zhes pa ni bcom ldan 'das kyi sku longs spyod rdzogs pa'i tshul du bzhugs pa de ma thag pa de nas rten gyi dkyil 'khor bskyed de/ bcom ldan 'das longs spyod rdzogs pa'i skur bzhugs pa'i sku las 'od zer las yi ge a 'phros pa las/ a de yongs su gyur pa las chos 'byung ba'i phyag rgyar gsal te/ yum kun tu bzang mo'i mkha' i rang bzhin gru gsum pa de/ steng nas steng du yongs su rgyas pa'i 'phra la gting zab pa'o/ /de'i nang du rig pa'i byin brlabs las yi ge yaM sngon po 'phros pa las/ yaM de yongs su gyur pa las rlung gi dkyil 'khor sngon po dbyibs sbyangs kyi zhal lta bu phyogs bzhin pa ngan bzhis mtshan pa cis kyang mi shigs pa'o/ /de'i steng du gong ma ji lta ba bzhin du raM dmar ser 'phros pa las/ raM yongs su gyur pa las me'i dkyil 'khor gru gsum pa'o/ /de'i steng du chu'i dkyil 'khor dbyibs zlum po/ kha dog dkar po'o/ /de'i steng du su ser po las gser gyi sa gzhi'o/ /de'i steng du laM las rin po che sna lnga las grub pa'i ri rab zur brgyad pa zhig bskyed de/ 'byung pa bzhi ni yuM sangs rgyas spyan la sogs pa'i rang bzhin de de'i phyir btsun mo'i b+ha ga zhes gsungs te/ de las rten gyi rang bzhin grub par bya ba'i phyir/ dam tshig chen po'i pho brang gru bzhi par byin gyis brlab pa'i phyir/ nyid kyi su dang gsung thugs rdo rje las 'di phyung ngo zhes pa ste/ gang phyung zhe na yi ge bruM 'di ri rab kyi steng du re rab las phyung ste bzhag pa las de yongs su gyur pa las 'khor lo 'khor lo yongs su gyur pa las/ rnam par snang mdzad kyi skur gyur te/ de las 'od zer 'phros pas de bzhin gshegs pa'i gzhal yas khang gi rang bzhin kun bsdus nas slar nyid kyi sku la bzhugs pas sku nyid kyang 'od du zhu/ rlung dang mes gzhu ste 'od kyi gong bu gcig tu gyur to/ /de las gzhal yas khang dpag cing gzhal ba las 'das pa/ sangs rgyas dang sems can mnyam pa'i phyir zur bzhir byung ba la sogs pa'i yon tan 'og nas 'byung bas brgyan pa/ ka ba brgyad kyis bteg pa la sogs pa'i pho brang de'i nang nas seng ge la sogs pa'i yon tan dang ldan pa'i sems can lnga'i khri stengs nas/ nyi ma dang zla ba de'i steng na pad+ma de'i steng na rin po che/ rang byung du grub pa'i gzhal yas khang/ de la 'di skad ces gsungs so/ /e ma sangs rgyas thams cad kyi zhes pa nas/ sna tshogs sangs rgyas kun gyi gnas zhes gsungs so/ /zhes pa'i bar gyis ston te go sla'o/ /de nas gzhal yas bskyed pa'i de ma thag pa de nas yang bcom ldan 'das byang chub kyi sems kyi rdo rje'i zhal nas/ sti ta badzra a zhes brjod de/ dkyil 'khor chen po dbus kyi gdan stengs su bzhugs par 'gyur ro/ /de ltar yuM kun tu bzang mo yang 'khril pa'i tshul gyis gnyis su med par bzhugs so/ /de nas yang 'khor bskyed pa'i ting nge 'dzin bstan te de'i phyir/ de nas yang gnyis su med pa'i zhes pa la sogs pa gsungs te/ thog ma byang chub kyi sems ji skad brjod pa'i de ma thag pa'i de nas 'khor bskyed de/ yuM gyi mkha' la byang chub kyi sems kyi thig le'i ngo bor de gnas pa de las/ phyogs dang mtshams su yi ge'i ngo bor gyur te dbus su tha gnyis ze 'brul lo/ /shar phyogs su ta gnyis/ lho phyogs su da gnyis/ nub phyogs su d+ha gnyis/ byang phyogs su na gnyis/ drag po dang thung ngu gnyis te/ rigs lnga'i sa bon no/ /shar phyogs su ka/ lho phyogs su la/ nub phyogs su ga? thung ngu/ byang phyogs su ga ring po/ de ni phyogs kyi sems dpa' rnams kyi sa bon no/ /shar lho mtshams su sa/ lho nub mtshams su pha/ nub byang mtshams su ba thung ngu/ byang shar mtshams su ba ring po ste 'di dag ni mtshams kyi sems dpa' i sa bon no/ /yang shar phyogs su tsa/ lho phyogs su tsha/ nub phyogs su dza thung ngu/ byang phyogs su dza ring po ste de la sogs pa phyogs kyi sems ma yuM gyi sa bon no/ shar lho mtshams su ya/ lho nub mtshams su ra/ nub byang mtshams su la/ byang shar mtshams su sha/ steng dus la sogs pa'i sa bon te mtshams kyi sems dpa' i yuM rnams so/ /shar phyogs/ lho phyogs nya/ nub phyogs su ma/ byang phyogs su sa ste sgo ba bzhi'i sa bon no/ /de ltar yi ge'i dngos po rnams yongs su gyur ba las/ rdo rje dang 'khor lo dang/ rin po che dang pad+ma dang/ ral gri la sogs so so'i phyag mtshan du gyur to/ /phyag mtshan de yongs su gyur ba las/ chos kyi dbyings kyi gzugs brnyan du gyur te gtso bo nyid kyi sku dang gsung dang thugs rdo rje las gsang ba'i snying po 'di brjod do/ /hUM badzra d+h+rig / de brjod ma thag tu de bzhin gshegs pa thams cad zhe sdang chen po'i skur rjes su dran de/ skur gyur to/ /zhes bshad pa cho ga gsum gyis don 'di nas mar bstan te de'i phyir/ sngags kyi yi ge 'phros 'dus pa las zhes zhus pa la sogs pa bstan te/ sngags kyi yi ge zhes pa ni tha'o/ /de 'phros 'dus pa'i yig 'bru las cho 'phrul gyi sgra 'og nas 'byung ba 'di skad ces bsgrags so/ /dus gsum gyi sangs rgyas thams cad kyi gsung rnam par dag pa'i rang bzhin yi ge'i gzugs su gnas pa de'i phyir/ e ma'o zhes pa nas bsgrags so zhes pa'i bar gyis bstan te/ rigs ni zhe sdang gi sangs rgyas rnams kyis gsung ngo/ /de nas thugs kyi cho ga bstan te/ dus gsum gyi sangs rgyas rnams kyi thugs kyi ngo bo rdo rje'i rang bzhin du gyur te/ de'i mtshan nyid bstan pa'i phyir de nas snying po yi ge re zhes pa nas thugs ni bstan pa'o/ /zhes pa'i bar gyis bstan pa'o/ /de nas yi ge rdo rje'i bum pa'i nang na yod pa las/ rdo rjer 'phros skur 'dus pa las 'od kyi gong bur gyur te de'i skabs su gong du gsungs pa'i sngags hUM badzra d+h+rig brjod pas sku yongs su rdzogs te/ 'jig rten gyi khams su gsang ba'i dkyil 'khor nas 'thon te spros pas sems can zhe sdang can gyi rgyud sbyangs nas slar 'dus pa las/ a zhes brjod pas gtso bo nyid pa thim par gyur to/ de'i phyir de nas thugs de nyid ces pa nas bdag po sku gsung thugs nyid la bzhugs so/ /zhes pa'i bar gyis bstan te go sla'o/ /phung po lnga las rnam par shes pa'i phung po rnam par dag pa'o/ /'di ji ltar rgyas par bstan pa bzhin 'og ma rnams la yang shes par bya'o/ /de nas dang po'i byang chub sems las byung ba'i phyir/ de nas gnyis su med pa'i zhes pa nas snyoms par zhugs nas zhes pa'i bar gyis bstan to/ /sku yongs su rdzogs par bya ba'i rkyen gyis bstan pa'i phyir/ nyid kyi sku gsung thugs zhes pa nas gti mug chen po'i sku rjes su dran te/ zhes pa'i bar gyis bstan to/ /gti mug chen po'i gsung gi mtshan nyid bstan pa'i phyir/ gsung yig 'bru las zhes pa nas gsung dri ma med ces pa'i bar gyis bstan to/ /yi ge de yongs su gyur pa las/ thugs mtshan 'khor lor gyur pa bstan pa'i phyir/ snying po'i yi ge zhes pa nas zur brgyad pa lta bu zhes pa'i bar gyis bstan to/ /gtso bo'i yon tan gyi sgo nas ji ltar 'byung ba bstan pa'i phyir/ de'i tshe 'khor lo zhes pa nas sku'i thugs ni bstan pa'o/ /zhes pa'i bar gyis bstan to/ /de nas 'khor lo de yongs su gyur pa las sngags gong ma brjod pa las snang mdzad chen po'i sku mdog dkar po rgyan thams cad kyis brgyan pa g.yas na 'khor lo g.yon na dril bu bsnams te gsang ba'i dkyil 'khor nas 'thon te 'phro ba dang 'dus pas gong ma bzhin du byas te/ a zhes brjod pas shar phyogs su bzhugs so/ /sku lnga las ni phung po rnam par dag pa'i sku ste?/ byang chub kyi sems des phyi dang nang du snang ba thams cad la snang bar mdzad pas na rnam par snang mdzad do/ /gtso bo'i byang chub kyi sems de las dgos 'dod re ba yid bzhin du skong ba de'i phyir/ de nas yang gnyis su med pa'i bdag nyid chen pos rin chen dpal zhes pa nas yon tan phyag rgya bstan pa dang/ g.yas phyogs su bzhugs so zhes pa'i bar gyis bstan te/ sku mdog ni sngo bas des phyag g.yas na rin po che g.yon na dril bu'o/ /phung po lnga las tshong ba'i phung po rnam? par dag ba'o/ /de nas yang byang chub kyi sems kyi mtshan nyid kyis phyi dang nang du snang ba las mdza' yas par khyab pas snang ba mdza' yas te de bstan pa'i phyir/ gsal ba'i sgron ma zhes bya ba nas/ e zhes pa brjod cing rgyab phyogs su bzhugs so/ /zhes bya ba'i bar gyis bstan te/ de yang sku mdog dmar po phyag g.yas na pad+ma g.yon na dril bu'o/ /phung po lnga las ni 'du shes kyi phung po rnam par dag pa'o/ /de nas yang byang chub kyi sems de'i dang du phyi dang nang du snang ba thams cad 'dus shing ye nas rnam par dag par byas te/ 'di ni byas so/ /'di ni ma byas so/ zhes bya ba med de thams cad kyi don gcig gi ngang du bsgrubs te bstan pa'i phyir rdo rje 'phro ba zhes bya ba nas las kyi phyag rgya bstan pa'o zhes pa dang/ g.yon phyogs su bzhugs so zhes pa'i bar gyis bstan to/ /sku mdog ni ljang gu phyag g.yas na ral gri g.yon na dril bu'o/ /phung po lnga las ni 'du byed kyi phung po rnam par dag pa'o/ /de nas byang chub kyi sems de ni gang gi ngo bor yang ma grub par bstan pa'i phyir/ de nas bcom ldan 'das zhes pa nas nam mkha' lta bu'i zhes pa dang rdo rje 'dzin pa'i sku la 'khril pa'i tshul gyis so/ /zhes pa'i bar gyis bstan te sku mdog yab dang mthun phyag g.yas gtso bo la 'khyud g.yon bgrang 'phreng ngo/ /'byung ba lnga las ni nam mkha' i rang bzhin no/ /de nas byang chub kyi sems de nas dus gsum du rnam par rtog pa gang gis kyang bskyong ba ma yin zhing bstan par bstan pa'i phyir bstun pa zhes pa nas snang mdzad sems pa'i sku la 'khril ba'i tshul gyis bzhugs so/ /zhes pas bstan te sku mdog gtso bo dang mthun g.yas dril bu g.yon phreng ba kun la shes par bya'o/ /'byung ba las ni sa'i rang bzhin no/ /byang chub kyi sems de'i rang du phyi dang nang du snang ba thams cad sdud pas na de'i mtshan nyid bstan pa'i phyir sdud ma rdo rje zhes pa nas/ rin chen sems ma'i sku la zhes pa'i bar gyis bstan te/ 'byung ba las ni chu'i rang bzhin no/ /de nas yang byang chub kyi sems des nyon mongs pa srog cing yang dag pa'i dbyings su smin par bstan pa'i phyir/ 'bar ba'i zhes pa nas chos kyi sems pa'i sku la zhes pa'i bar gyis bstan te/ 'byung ba lnga las me'i rang bzhin no/ /de nas yang byang chub kyi sems de'i dang du phyi dang nang du snang ba thams cad la thugs rjes g.yos shing sdud pas na/ de bstan pa'i phyir g.yo ba rdo rje zhes bya ba nas las kyi sems pa'i sku la zhes pa'i bar gyis bstan te/ de ltar 'byung ba rlung gi rang bzhin te de ltar 'byung ba lnga dang rigs lnga'i mtshan nyid ji ltar yin pa bsgoms na/ ji ltar 'dod pa bzhin du 'grub bo/ /de nas byang chub kyi sems de nas mkha' i mtshan nyid du gnas pas nam mkha' i snying po'o/ /byang chub kyi sems de mdza' gnyis su mi ldang zhing yang dag par ma bstan pas na nga'i snying po'o/ /byang chub kyi sems las sgra'i tshul du sku nyid byung nas sems can gyi don mdzad pas spyan ras gzigs dbang phyug go /byang chub kyi sems de'i dang las bzang ngan med pas na kun tu bzang po'o/ /byang chub kyi sems des kun la khyab pas byams pa'o/ /byang chub kyi sems de'i dang las nyon mongs pa mang pas na sgrib pa rnam par sel ba'o/ /byang chub kyi sems de'i ngang du sdud pas na 'jam dpal dus rtag tu de dang mi 'bral bas na phyag na rdo rje'o/ /byang chub kyi sems de dbyings rnam par dag pas na la se la'i ? las gang 'gag pa med par 'byung bsam le'o/ /de'i ngang las ji lta ba'i sgo nas chos ston pa'i gi rti'o/ /ji ltar snang bas na ni rti'o/ /byang chub kyi sems de mnyes shing mnyes pas du pe/ chos kyi byings su spros pas puShpe/ dbyings gsal bar gyur pas mar me ma/ shin tu mnyes pas gandi? ma'o/ /byang chub sems kyi rkyen chos kyi dbyings pas lcags kyu ma/ stong smad nas 'khyud pas zhags pa ma/ rdo rje dang pad mar yang dag par ldan pas lcags sgrog ma'o/ /shin tu dgyes pa'i ro bstar bas dril bu ma'o/ /byang chub kyi sems des 'khor ba'i skyon dag pas ya mAn+ta krid de la 'chi ba med de 'chi bdag gi bdud bcom pas big+han+ta krid byang chub kyi sems de'i ngang du gnyis su mi phyed cing lha'i bu'i bdud bcom pas padmAn+ta krid sha dang las nyon pa rdul tsam yang mi mnga' bas pradz+nyAn+ta krid da/ /de'i phyir gzhan yang sems pa dang zhes pa la sogs pa gsungs te/ gzhan yang rigs lnga yab yum las gzhan pa sems dpa' la sogs pa ste/ de'i phyir sems dpa' ste sa'i snying po la sogs pa brgyad dang/ sems ma ste la se la sogs pa brgyad do/ /khro bo dang zhes pa ni ya mAn ta krid la sogs pa bzhi'o/ /khro bo sgo skyong 'dra ste lcags kyu ma la sogs pa bzhi'o/ /sprul sku la sogs pa ni byang chub sems las sprul pa ste/ thub pa chen po drug ste de rnams bskyed pa dang/ sa bon dang phyag mtshan la sogs pa ni sgyu 'phrul gyi rgyud las ji ltar grags pa bzhin gyi rim pa ji lta bar ro/ /de ltar dkyil 'khor du bkod pa de rnams kyang gang las 'byung zhe na de bstan pa'i phyir/ gnyis med bdag pa byin brlabs las zhes gsungs te/ yab yum gnyis su med pa'i byin gyis brlabs las byung ngo/ /'o na gnas dang lta dang 'di ltar gnas pas rang bzo min nam zhen min te ji skad du/ gnas ngag tu ni dkyil 'khor dang/ 'gro rnams dgong par ji lta bar/ /de ltar ston pa mchog gis mdzad ces so/ /de bzhin gshegs pa thams cad kyi zhes pa ni/ de bzhin nyid kyi gnas su gshegs shing gshegs pas na/ de bzhin gshegs pa ste/ de ma lus pa thams cad kyi sku gsang ba thugs gsang ba ste/ de'i dang du thams cad gnas shing sdud pas na dur khrod/ shin tu dkon pas khu byug /de'i ngang la rol pas rol pa/ de ston pa nyid kyi zhal nas gsungs pas na mdo sde ste/ de las ting nge 'dzin ni don dam pa'i bden pa dang kun rdzob rim par bked pa'i don de/ don dam pa dang/ kun rdzob kyi tshul gyis ji ltar yin pa shes par bya'o/ /le'u zhes bya ba ji ltar gos kyi snal ma mang po bsdoms nas gcig tu byas te/ gon na sbrang bu dang sdig pa la sogs te 'tshe ba'i rnam pa dang rlung dang/ grang ba la sogs pa ste/ gnod pa thams cad bzlog pa de bzhin du/ rgyud kyi don 'dis nyon mongs pa lnga dang 'khor ba'i skye gnas dang phyin ci log gi 'tshe ba las yang dag pa'i dbyings su bzlog pa na gos 'dra ba'i phyir le'u'o/ /rgyud kyi don 'di len cing 'dzin pas ston pa'i gzhung gi tshogs la yang le'u zhes bya ba'o/ /bdud rtsi'i thigs pa zhes bya ba'i/ rgya cher 'grel pa las bden pa gnyis bshad pa'i le'u ste/ dang po'o// //de ltar le'u dang por thams cad bskyed nas/ mthar phyin pa'i don gsal bar bstan pa'i phyir/ de nas zhes pa la sogs pa byang chub kyi sems kyi le'u gnyis pa gsungs te/ bcom ldan 'das la phyag 'tshal nas/ 'di skad gsol ba btab bo/ zhes bya bar sbyar ro/ /bcom ldan 'das sku gsang ba gsung gsang ba thugs gsang ba kun gyi mchog dam pa'i bdag po la mchod pa dang phyag btsal nas 'og nas 'byung ba'i bstod pas bstod de byang chub sems kyi don 'og nas 'byung ba 'di skad ces sdud pa po rdo rje chos kyis bcom ldan 'das la gsol ba gdab bo/ /bcom ldan 'das la bstod pa'i phyir/ e ma'o bder gshegs bcom ldan 'das zhes pa la sogs pa gsungs te/ e ma'o zhes pas ston pa las sdud pa po ngo mtshar pa'i tshig go /bder gshegs kyi don ni gong du bshad zin to/ /bcom ldan 'das zhes pa ni nyon mongs pa thams cad bcom ldan 'das te ston pa la bod pa'i tshig go/ gsang mchog dgyes pa che zhes bya ba ni byang chub kyi sems kyi ngo bo gyur pa la dgyes pa che zhes brjod do/ /rnam par dag pa'i lam zhes bya ba ni bde ba chen po'i 'khor lo la sogs pa'i bdag nyid du gyur pas las/ /zhes brjod do/ /ngo mtshar 'byung ba khyod la 'dud ces bya ba ni byang chub sems nor bu'i nang du gnas pa'i skabs na lhan cig skyes pa'i dga' ba 'byung ba'i bdag por gyur pas ngo mtshar ro khyod la bdag 'dud pas so 'khor rnams kyi don du lus ngag yid gsum gyis 'dud do/ /btung nas ci byed ce na rten dang brten can du snang ba'i de kho na nyid kyi don dang/ don dam pa dang kun rdzob kyi byang chub kyi sems kyi don zhu ba de'i phyir dkyil 'khor rnams kyi de nyid don/ byang chub sems kyi mtshan nyid bsdus pa po dag dang 'khor rnams la bshang du gsol/ zhes 'khor gyis gleng bslang ba'o/ /dkyil 'khor gyi de kho na nyid dang/ byang chub sems kyi mtshan nyid bstan pa'i phyir/ de nas gsang ba mchog gi bdag pos rdo rje yid kun tu bzang po la ston pas bka' stsal pa/ sems dpa' chen po zhes pos nas ngas khyod la bshad kyis lus ngag yid gsum gyi sgo nas nyon cig ces bka' stsal lo/ /sdud pa po yid kun tu bzang po khyod kyis spobs pa bskyed nas 'khor gyi don du zhugs so legs par zhus so zhes lan byin te/ dkyil 'khor gyi de kho na nyid dang/ byang chub sems kyi de kho na nyid dang/ byang chub sems kyi mtshan nyid 'di ni sngon gyi rgyal ba sangs rgyas thams cad dang/ da ltar gyi rgyal ba sangs rgyas thams cad dang/ phyi ma 'byung ba'i rgyal ba sangs rgyas rnams kyi don 'di lam gsungs pa gsung bar rga ba yin te/ de ci'i phyir zhe na/ dkyil 'khor gyi de kho na nyid dang/ byang chub sems kyi mtshan nyid ni brjod du yang med la/ snod du gyur pa yang dkon pa'i phyir ro/ /sems dpa' chen po de bas na khyod nyid la dris shig ces ston pas bka' stsal te/ cang mi gsung bar bzhugs so/ /zhes pa ni de kho na nyid dang sems kyi mtshan nyid ni brjod pa las 'das shing/ gang gi ngo bor ma grub pa'i phyir/ cang mi gsung ba'o/ /de ltar ma gsung pa'i don gyis 'khor rigs lnga dang der ma bas te/ de bzhin gshegs pa thams cad kyi sdud pa po rdo rje chos la zhus shig par bskul ba bstan pa'i phyir/ de nas mi bskyod pa zhes pa nas bka' gsal ba las zhes pa'i bar gyis bstan to/ /de nas sdud pa po rdo rje yid kun tu bzang pos rigs lnga'i sangs rgyas dang/ byang chub sems dpa' rnams kyis bskul bar thugs su chud nas/ 'khor mang po rnams byang chub sems kyi snod du rung bar byin gyis brlabs nas ston pa kun tu bzang po'i zhal du blta nas gnas so/ /zhal du bltas nas gnas pa yang ston pa yang ston pas kyang thugs su chud de/ bde ba bstan pa'i phyir/ de nas bcom ldan 'das zhes pa la sogs pa bsten te/ bka' stsal to zhes par 'brel to/ /zhus pa'i don bstan pa'i phyir/ rdo rje yid kun tu bzang po la sogs pa 'dum pa'i 'khor tshogs rnams nyon cig ces gnang nas bskul te ston pas gleng bslang ngo/ /de nas ston pas 'di skad gsungs so/ zhes bya ba'i don bstan pa'i phyir/ byang chub sems zhes bya ba ni zhes pa la sogs pas bstan te/ byang chub kyi sems de'i mtshan nyid gang yin zhe na/ 'di lha ste brjod dang smra bsam yul las 'das zhes bya ste/ byang chub kyi sems gnas nas bskyod de nor bu'i nang du gnas tsam na khu ba dang lhan cig du skye ba'i dga' ba 'byung ste/ de la yun ring du gnas pa'i dus na phyi dang nang du snang ba rang nyid rang bzhin gyis ston pa'i mtshan nyid du mthong ste/ stong pa'i mtshan nyid de la ni brjod dang smra bsam yul las 'das zhes gsungs te/ dus de nyid du byang chub sems kyi mtshan nyid 'di yin/ 'di lta bu zhig yod do zhes bya ba med de/ brjod pa las 'das so/ /de lta ba'i skabs su don dam pa zhes pa dang/ kun rdzob ces bya ba'i tha snyad thams cad dang bral bas/ don dam kun rdzob tha mi dad ces gsungs pa yin no/ /rang lus ngag yid rdo rje ste zhes bya ba ni/ rang gi lus dang ngag dang yid gsum yang rang bzhin gyis ye nas rnam par dag ste chos kyi dbyings su gyur pas rdo rje zhes gsungs pa yin no/ /gcig gis gnyis kyi las byed pas zhes bya ba ni gcig ces te byang chub sems kyi ngo bo'o/ /las byed pas zhes pa ni/ rten dang brten can gnyis kyis las byed cing bskyed de lha'i dkyil 'khor du snang ba thams cad ni don yod par ma yin te/ ji skad du sgyu 'phrul mtshan mo'i nang nas kyang e ma'o rdo rje phung po yan lag ni/ /rdzogs pa'i sangs rgyas lnga ru grags/ /skye mched khams rnams mang po kun/ /byang chub sems dpa' i dkyil 'khor de/ /sa chu spyan dang ma ma ki/ me rlung gos dkar sgrol ma ste/ /nam mkha' dbyangs kyi dbang phyug ma/ /srid gsum ye? nas rnam par dag ces gsungs te/ /de'i phyir/ lus dang ngag yid ma grub par gsungs te/ de ltar lha'i gzugs su lus ngag yid gsum gnas kyang don dam par ma grub ste/ chos kyi dbyings su rtogs pa'i rig pa'i skyes bu gang su yang rung ba de'i na don dam pa byang chub kyi sems bskyed pa yin zhes bcom ldan 'das kyis gsungs so/ /de ni do dam pa'i bden pa ste/ de gsungs ma thag tu 'khor rnams kyis kyang thugs su chud de/ rang rang gi lus ngag yid gsum la sems nas cang mi smra bar 'khod do/ /de nas bcom ldan 'das la sdud pa po la sogs pa'i 'khor rnams kyis rtogs chad dpung ba'i phyir/ de nas yid kun tu bzang po la sogs pa'i rtogs tshad dbul te/ sngon la sdud pa pos rtogs tshad phul ba/ e ma'o bder gshegs bcom ldan 'das/ /sangs rgyas kun gyi byang chub sems/ /rtogs par dka' ba'i snying po 'di/ /rab tu mi rtog gnas med do/ /zhes bya ba las/ e ma'o zhes pa ni sdud pa pos yid kun tu bzang po de byang chub kyi sems thugs su chud de dam pa'i tshig go/ bder gshegs bcom ldan zhes bya ba ni/ bos pa'i tshog ste/ gnyis su med pa'i gnas ni bde ba ste/ de du gshegs pa'i ngang la bzhugs pa ni/ kye bcom ldan zhes bos pa'o/ /sangs rgyas kun gyi byang chub sems zhes bya ba ni/ gzung ba dang 'dzin pa'i mdza' las 'das pa ni sangs rgyas kun gyi byang chub kyi sems yin te de rab tu rtag dka' ba brjod pa thams cad dang bral ba de la ni/ rtag par dka' ba'i snying po 'di zhes gsungs so/ /mdza' rnam pa gnyis dang bral te mi rtog pa'i ye shes de la rnam par rtog pa gang gis kyang bskyod pa ma yin pa ste rtog par dka' bas/ rab tu ni rtags gnas med pa'o/ zhes gsungs/ rang gi lus ngag yid gsum la sems nas 'dug go/ /de na yang 'khor rigs lnga'i rtogs tshad phul ba ston te/ sngon la mi bskyod pas rtogs tshad phul ba/ ye ma'i gzung 'dzin rnam spangs pa/ /tshig dang yi ga'i spyod yul men/ /chos bdag med pa'i mnyam pa nyid/ /rang sems gdod nas ma skyes pa'o/ /zhes bya ba ni/ gzung 'dzin rnam spangs pa zhes pa ni phyi gzung bar bya ba'i yul ni nang 'dzin par byed pa'i sems nyid snang ba las ma gtogs pa yul logs shig na grub pa med do/ 'o na nang 'dzin par byed pa'i sems nyid yod dam zhe na/ med de nang 'dzin pa'i sems nyid kyang skad cig mas gzhig pas rang bzhin med do/ /'o na skad cig ma'i chos gzhig pa ni snga ma ni 'gags phyi ma ni ma byung da ltar ni mi gnas pas stong pa'i rang bzhin du grub ste/ stong pa ni stong pa'i sems zhugs nas rtag pa'i skyon yin na/ gzung ba dang 'dzin pa ji ltar spang du btub mi btub po/ /lan du de ltar ma yin te/ gzung bar bya ba dang 'dzin par byed pa gnyis ka ma grub ste/ stong zhing bdag med par grub la stong zhing bdag med pa zhes bya ba de la yang gnas pa ma yin te/ shes pa dang brjod pa'i mdza' las 'das pa'i phyir/ gzung 'dzin rnam spangs zhes pa nas/ rang sems bzod nas ma skyes pa'o/ zhes mi bskyod pas gsungs so/ /de nas rnam par snang mdzad kyis rtogs chang phul ba'i 'di skad du gsungs so/ /e ma'o chos kun stong pa'i bdag rang gi ngo bo brjod du med/ /brjod med de nyid sna tshogs pa'i/ /chos rnams kun la khyab par gnas/ /zhes bya ba la/ chos kun stong pa'i bdag ces bya ba ni phyi nang du snang ba'i chos thams cad ni ngo bo nyid kyis stong ste/ me me yis stong/ chu chu yis stong/ sa sas stong/ rlung rlung gis stong/ gzugs gzugs kyis stong/ zhes pa la sogs pa rgyal ba yum chen mo las rgya cher gsungs te/ de'i phyir/ chos kun stong pa'i bdag ces gsungs te/ rang gi ngo bo ma skyes pa de la ni/ so so'i ngo bo 'di lta bu yin bya ba brjod du med rang bzhin gyis 'od gsal ba de'i phyir/ rang gi ngo bo brjod du med ces gsungs so/ / 'o na rang gi ngo? bo? ma? skyes pa de la 'di ltar snang ba la ma khyab bam zhen/ khyab ste ma skyes pa ste/ stong pa gting chad pa ni ma yin te gang la yang 'gag pa med par rang 'byung ste/ 'byung ba'i dngos po thams cad la yang mar me dang 'od kyi tshul du khyab nas gnas te/ de'i phyir brjod med? de nyid sna tshogs pa'i/ /chos rnams kun la khyab par gnas/ zhes bcom ldan 'das rnam par snang mdzad kyis gsungs so/ /de nas yang rin chen sems dpas rtogs tshad phul pa 'di gsungs so/ /e ma'o ngo mnyam byang chub sems/ /ming du btags pa'i chos rnams kun/ /mnyam pa nyid la gnas bcas phyir/ /mnyam pa nyid las gzhan med do/ /zhes bya ba la/ mnyam nyid byang chub sems zhes pa ni 'di ltar snang ba thams cad ye phyi mo nyid ma skyes pa chos kyi dbyings yin la/ de'i ngang la ni sangs rgyas sems can gnyis med de/ /de'i ngang la dus rtag tu gnas bcas shing gnas pas ma mnyam pa nyid las gzhan med do/ /zhes rin chen sems dpas gsungs so/ /de nas yang chos kyi sems pas rtogs tshad phul ba 'di gsungs so/ /chos su snang ba thams cad kun/ /rang gi ngo bos brjod du med/ /de nyid byang chub sems su ni/ /mkhas pas bsgoms na rtogs par 'gyur/ /zhes pa la tshes su snang ba thams cad kun zhes pa ni phyi 'byung ba lnga las grub pa bstan pa'i rang bzhin can gyi chos dang/ nang phung po lnga las grub pa'i g.yo bar snang ba thams cad kun/ ye nas ma skyes pa yin te brjod pa las 'das pa de'i phyir/ rang gi ngo bo brjod du med ces gsungs te/ spros pa'i mdza' brgyad dang bral ba ni byang chub kyi sems te/ de la byang chub kyi sems yin zhes brjod pas 'bras bu mi thob ste/ de'i ngang du yang nas yang du mkhas pas nyams su blangs nas gnyis med pa'i ye shes gdod rtogs bar 'gyur ba de'i phyir/ de nyid byang chub sems su ni/ /mkhas pas bsgoms na rtogs par 'gyur/ zhes chos kyi sems pas gsungs so/ /de nas yang las kyi sems pas rtogs tshad phul ba 'di gsungs so/ /chos kun byang chub sems nyid de/ /nges pa med de dngos rtog bral/ /de nyid dag pa'i rang bzhin pas/ /mkhas pas tsi dgar bsgoms na 'grub ces bya/ chos kun byang chub sems nyid de zhes pa ni/ phyi dang nang du snang ba'i chos kun/ ye nas ma bcos pas byang chub kyi sems nyid yin te/ brtags pa'i dngos po ni gsog gsob ya ma brla yin pas des na/ nges pa med de dngos rtog bral/ /de nyid dag pa'i rang bzhin pas/ /mkhas pas cir dgar bsgoms na 'grub/ ces las kyi sems pas gsungs so/ /don dam pa'i bden pa 'ba' zhig bstan pa'o/ /byang chub kyi sems rab tu sdom pa'i le'u ni byang chub kyi sems kyi le'u'o/ /bdud rtsi thigs pa zhes bya ba'i rgya tshar 'grel pa bshad pa las/ le'u gnyis pa'o// //de ltar byang chub kyi sems kyi mtshan nyid bstan pa dang las dang po'i dang po pa rnams la gzugs kyi dkyil 'khor bstan pa'i phyir/ /de nas zhes pa la sogs pa bstan te/ /de nas zhes pa ni lngar gyi le'u 'das pa'i de ma thag pa de nas so/ /yang yid kun tu bzang pos bcom ldan gsang ba mchog gi bdag po la 'og nas 'byung ba'i tshig 'di skad gsol ba btab bo/ /de nas ci 'dod pa'i phyir gsol ba btab ce na/ brnyan ma'i dkyil 'khor ma 'dres par rim par 'dod pa'i phyir/ e ma bder gshegs rgyal ba'i gtso zhes pa nas bde bar gshegs pas bshad du gsol/ a la? la ho zhes pa'i bar gyis bstan te go sla'o/ /zhus pa'i lan bstan pa'i phyir/ de nas ston pa rgyal mchog gis/ zhes pa la sogs pa gsungs te/ de nas ston pa mdza' rnam pa gnyis la rgyal ba'i rgyal mtshan btsugs shing kun gyi mchog du gyur pa des/ sdud pa po kun tu bzang pos zhus pa'i tshig gsan nas/ snyan ma'i dkyil 'khor thugs dang po'i sgo nas rab tu 'khor rnams la bshad de phyi ba'i gang zag las dang po'i dang po ba rnal 'byor la 'jug par 'dod pa'i ched du'o/ /de yang las dang po pa gang zag rnam pa lnga pos kyang slob dpon gyi mtshan nyid ji lta bus bya ba brtag par bya ba'i phyir/ slob dpon byed dang rjes 'brangs pas zhes pa la sogs pa bstan te/ slob dpon byed dang zhes pa ni gang zag lnga po 'dren par byed pa'i phyir/ slob dpon byed dang zhes bya ba ste/ sngon bde bar gshegs pas ji ltar mdzad pa'i rjes su 'brang po'i slob dpon de'i mtshan nyid bshad par bya ste/ de'i phyir blo yangs rgyud la goms pa dang zhes pa la sogs pa bstan te/ blo yangs rgyud la goms pa dang/ zhes pa ni phyi dang nang du snang ba'i chos la rtog pa mi skye zhing blo yangs par mdzad pa/ rnal 'byor gyi rgyud dang/ rnal 'byor bla na med pa'i rgyud la goms shing mkhas pa dang/ bla ma'i nyams kyis man ngag thob cing ting nge 'dzin las su rung ba dang/ ston pa'i bka' phyi nang gi chos sde snod gsum la ma rmongs shing/ the tshom mi za ba dang yang dag pa'i ting nge 'dzin la sran thub cing lta ba mi ldog pa dang/ yang dag pa'i chos la dad pa'i dad pa che ba dang/ phyin ci ma log pa la yid ches pa'i dad pa che ba dang/ yang dag pa'i chos la dad pa che ba dang la sogs pa'i dad pa mnga' ba gsang ba ste/ 'khor lo bzhi'i bye brag dang/ sbas pa ste/ shes rab ma rab 'bring tham gsum la ji ltar bya ba'i thabs mchog rnams/ snod ngan pa gang zag 'phyar po gsang mi thub pa rnams la mi ster ba dang/ bla ma las mthar phyin pa'i dbang mchog rnams thob pa ni/ rdo rje 'dzin pa'i dkyil 'khor gyi las kun kyang bya ba thams cad la yangs shing/ de lta bu'i mtshan nyid dang ldan pa'i slob dpon de ni rdo rje 'dzin pa'i snyan ma'i slob dpon no/ /de nas 'khor lo can gyi slob dpon bstan pa'i phyir/ yan lag dam tshig mnyams dang zhes bya ba la sogs pa bstan te/ yan lag dam tshig ces bya ba ni 'og nas 'byung ba'i dam tshig bco lnga mnyams shing/ mdog dang ste shin tu mdog ser la 'tsher ba dang/ gzugs dang ste gzugs shin du bzang ba stod smad phyed pa'o/ /stobs dang ldan te shin du mi 'os pa'i stobs yod pa'o/ /'khor lo sgyur ba'i mtshan yod pa'i lag pa g.yon pa'i srin lag gi sbab na 'khor lo rtsibs brgyad yod pa/ lus dri zhim po a ka ru la sogs pa'i dri zhim po'i drang dang ldan pa/ de lta bu'i mtshan ma yod pa de ni sangs rgyas 'khor lo can gyi dkyil 'khor gyi slob dpon yin par rab tu gsungs so/ /de nas yang rin po che'i slob dpon gyi mtshan nyid bstan pa'i phyir shes pa che zhing yon tan ldan zhes ba la sogs pa gsungs te/ shes pa che zhing yon tan ldan zhes pa ni phyi dang nang gi chos la ma rmongs pa dang/ bzo dang rig pa'i gnas la mkhas pa dang/ yon tan sgo yangs te ci la yang ma 'gags par byed pa dang spyod lam dag ste chos spyod rnam par bcu spyod pa dang/ rdo rje slob dpon dpun la gdungs te ci 'tsham pa'i sgo nas slob dpon khur zhing mched la gdung ba de lta bu'i ngang tshul gang la yod pa'i gang zag de ni rin po che'i slob dpon no/ /de nas yang pad+ma'i slob dpon gyi mtshan nyid bstan pa'i phyir/ rtag tu zlos pa brtson pa dang/ zhes pa nas/ padmo can gyi bla mar gzung zhes pas bstan te go sla'o/ /de nas yang las kyi rigs kyi slob dpon gyi mtshan nyid bstan pa'i phyir/ bya ba'i las las rmongs shing zhes pa nas/ sna tshogs las kyi bla mar yin zhes pa'i bar gyis bstan te go sla'o/ /de nas dkyil 'khor spyi'i slob dpon gyi mtshan nyid bstan pa'i phyir/ de dag yon tan ma lus ldan zhes bya ba la sogs pa gsungs te/ de dag yon tan ma lus ldan zhes bya ba ni/ gong ma ji snyed brjod pa'i yon tan kun dang ldan pa'o/ /theg pa kun la 'byam pa ni/ phyi nang gi theg pa kun la mkhas shing goms pa ni spyi'i snyan ma'i dkyil 'khor gyi slob dpon no/ /de nas yang slob dpon gyi slob ma'i mtshan nyid ma brtags na snod ngan pas gnyis ka brlag par 'gyur te/ de'i phyir bla ma lung ldan des kyang ni/ slob ma'i mtshan nyid brtag par ces zhes gsungs so/ /da ni 'di nas mar so so'i mtshan nyid bstan te/ de'i phyir rkyen thub mi ldog dam tshig gnas/ /zhes pa nas rdo rje can gyi slob ma rung zhes pa'i bar gyis bstan te go sla'o/ /'khor lo can gyi slob ma bstan pa'i phyir/ lus dang yan lag mdzes ldan dang zhes pa nas sangs rgyas 'khor lo can gyis bshad ces bshad pa'i bar gyis bstan te mtshan nyid go sla'o/ /rin po che'i slob ma bstan pa'i phyir/ spyod lam rnam bzhi lhun sdug cing zhes pa nas/ rin chen dkyil 'khor dag gi'o zhes pa'i bar gyis bstan te go sla'o/ pad+ma'i? slob bu bstan pa'i phyir/ ngag gi sgo nas shin tu sbyangs zhes pa nas pad+ma 'dzin pa'i snod du bshad ces pa'i bar gyis bstan to/ /las kyi slob ma bstan te/ de'i phyir las la gus shing zhes pa nas sna tshogs rdo rje'i bu yin no/ /zhes pa'i tshig bzhi pas bstan to/ /spyi'i dkyil 'khor slob ma bstan pa'i phyir/ yon tan de kun ldan pa la/ /kun gyis bskur zhing shin tu mdzes/ /yid du 'ong zhing spyod pa ba'o?/ /spyi yi dkyil 'khor dag la shis/ /zhes pa'i tshig bzhi po des bstan te go sla'o/ /de nas yang dkyil 'khor bya ba'i gnas kyi mtshan nyid bstan te/ de la yang gnyis te/ blang bar bya ba dang spang bar bya ba gnyis so/ blang bar bya ba la so so'i mtshan nyid rnams te bye brag dug go /sngon la spang bar bya ba'i gnas bstan ba'i phyir/ gnod sbyin mo'i sbar rjes dang/ zhes pa la sogs pa bstan te/ gnod sbyin mo'i sbar rjes ni brag la gcan zan gyis brad pa 'dra ba yod pas/ grog po shar shor mang ba/ g.yon na g.ya' mchi ris 'dra ba yod pa/ g.yas na g.ya' sngon po ral gri 'dra ba 'am mdung 'dra ba 'am/ dgra sta 'dra ba yod pa ni gnod sbyin mtshon cha'i gshal rjes dang zhes bya'o 'byung po dag gi rgyu sa dang/ zhes pa ni ri thal ba gtor ba 'am/ mang po sna zug pa de lta bu'o/ /klu gdug dag gi rgyu srang dang zhes bya ba ni/ klu gdug pa yod pa'i chu dmig 'gram mam/ rgyu srang de btsan rgyu ba'i gong sum mo/ /rten dang 'brel ba'i gnas dag dang zhes bya ba rten te/ yul gyi lha 'dre gnyen po'i rten brag gam shing la sogs pa'i 'brel pa ni shing dang brag dang lha 'dre 'brel pa'i gnas te de la sogs pa'i gnas rnams su bsgrub na/ lan ma tho ba dang bcas par 'gyur te/ der tshe'i 'du byed byed par 'gyur ro/ /de sbangs na dngos grub ci 'dod pa myur bar 'od do/ da ni blang bar bya ba'i gnas rnams bstan pa'i phyir/ rdo rje brag chen gtams pa 'am zhes bya ba la sogs pas bstan te/ de yang sngon la rdo rje 'dzin pa'i gnas bstan pa'i phyir/ 'og nas 'byung ba'i mtshan nyid 'di gsungs so/ /rdo rje brag chen gtams pa 'am zhes bya ba ni shin tu brag rdo rje 'am sra ba dang/ mkhregs pa dang/ lhun sdug pa'o/ /ri bo 'dus pa'i rtse rnams zhes bya ba ni rin po che spungs pa 'dra ba'i rtse mo'o/ /mdangs bzangs gangs ri brag du zhes bya ba ni mdangs dga' ba'i gnas dang/ gangs ri te brag dkar po gangs ri dkar po rtse la yod pa dang brag dkar pa lhun sdug pa yod pa'i gnas de rnams su rdo rje 'dzin pa'i rnal 'byor pa'i bsgrub pa'i gnas so/ /'khor lo can gyi gnas bstan pa'i phyir/ phug dang dgon pa'i ri dag dang zhes pa la sogs pa bstan te/ phug dang dgon pa'i ri dag dang/ zhes pa ni spang phug bzang po kha shar du ltas pa 'am/ sngon gyi rnal 'byor pas bsgrubs pa'i dgon pa'i gnas sam spang ri zlum po'i shar du kha bltas pa'o/ /nags tshal dra ba gtibs pa 'am/ zhes bya ba ni lung pa kha shar du bltas pa'i nang na tshal chen pos gtibs nas yod pa 'am/ 'on te shar phyogs kyi ngos nas gtibs nas yod pa'o/ /mdangs bzangs shar du gzhol ba'i zhes bya ba ni shin tu mdangs dga' ba'i gnas de lta bu'i sangs rgyas 'khor lo can gyi gnas so/ /rin po che'i gnas bstan pa'i phyir 'og nas 'byung ba 'di gsungs so/ /rin chen sna lnga'i kha dog gam zhes bya ba ni/ shar dkar ba lho ser ba nub dmar ba byang ljang ba dbus sngo ba'i mtshan nyid dam/ yang na gnas de nyid nas tshon sna tshogs pa yod pa'o/ /rin po che zur brgyad dbyibs 'dra bar zhes bya ba ni/ ri nyid rin po che zur brgyad pa lta bu yod pa dang/ yang brag rin po che spungs pa 'dra ba dang/ yang na sa'i dbyibs rin po che 'dra ba'i gnas/ de ni rin po che bsgrub pa'i gnas yin par bshad do/ /de nas pad+ma'i gnas bstan pa'i phyir/ tsan dan zhes pa nas/ padmo bsgrub par de shis so zhes pas bstan te/ go sla'o ste pad+ma'i gnas so/ /las kyi gnas bstan te/ dur khrod ces bya ba nas sna tshogs rdo rje can gyi zhes pa bstan te sna tshogs rdo rje can gyi bsgrub pa'i gnas so/ /spyi'i gnas bstan te/ ri bran mang po 'dus pa'i spyi/ /ri bos bskor ba'i lhun 'phran tshal zhes pas bstan te/ spyi'i dkyil 'khor bsgrub pa'i gnas so// yang na rigs thams cad kyi yon tan cha dang ldan pas bshad ces bya ba ni gnas lnga'i mtshan nyid tshang ba ni spyi'i dkyil 'khor bsgrub pa'i sa'o/ /bla ma dang slob ma'i gnas rnams kyi mtshan nyid ma brtags na mi 'grub pa'i nyen dang kha na ma tho ba'i ya khar bcas pa ste/ dngos grub ring bas de'i phyir dngos grub ring zhes gsungs so/ /de'i mtshan nyid shes pa'i rnal 'byor pas spang blang gnyis bya ba'i phyir blo can gyis shes nas spang bar bya ba yin zhes bya ba yin gsungs so/ /de nas yang ting nge 'dzin dang ldan mi ldan gyi skyon bstan te/ rnal 'byor blo mchog mi ldan na zhes ba dang bder gshegs rgyal ba kun gyi gsungs zhes pa'i bar gyis bstan te go sla'o/ /ting nge 'dzin dang ldan gnas dang/ /slob ma la sogs pa gzhung dang mthun pa med kyang 'grub par bstan pa'i phyir/ blo dang ldan pa'i rnal 'byor pas zhes pa nas/ 'grub 'gyur 'di la the tshom med ces pas bstan to/ /ting nge 'dzin dang gnas la sogs pa gnyis char 'phrugs na dngos grub myur bar bstan pa'i phyir/ 'on kyang gnas dang slob ma dang/ /mtshan nyid rnams ni bshad pa yin/ zhes pa'i bar gyis bstan te go sla'o/ /de nas gnas la sogs pa rnyed nas sa'i 'du bar bya ba bstan pa'i phyir/ zhes pa la sogs pa bstan te/ mtshan mas dngos po gzhol ba'i phyir zhes pa ni lha'i dkyil 'khor ro/ /de'i dngos po rdzas su snang ba gzhom pa'o/ /lha'i dkyil 'khor bsgom pa'i gnas dang sa dang bar snang dang/ de yang rigs rnams so so gnas kyi mtshan ma ltar/ /brtags te rnyed nas nges par gzung ba'o/ /de nas sa sbyangs te de'i ting nge 'dzin bya ba'i phyir/ ting nge 'dzin rtse gcig pa zhes pas bstan te/ bdag nyid yi dam gyi lhar dran pa bya ba ni/ ting nge 'dzin gcig go nges sa sbyang ba ste/ de la yang gnyis yod de/ phyi'i sbyang ba dang nang gi sbyang ba dang ga'i? phyi'i sbyang? ba ni 'byung ba gsum gyis ji ltar sbyangs pa'o/ /nang gi sbyangs pa ni sa'i dngos po thams cad rang bzhin med de stong par bsgom mo/ /sa dang po med pa des kyang/ sa sbyang ba'i las su 'gyur zhes so/ /de nas yang sa gzhi byin gyis brlabs te/ de'i phyir de dbang 'gyur lha mo de zhes gsungs te/ sa gzhi byin gyis brlabs pa de'i tshe bdag nyid kyis sa'i lha mo spyan drangs te thugs ka'i hUM las 'od zer 'phros pa de las lcags kyur gyur te/ lcags kyus sa'i lha mo spyan drangs nas/ rnal 'byor gyi mdun na gnas par bsam mo/ /de la mchod pa 'bul ba'i phyir mchod pa ste/ sprin pa byas na zhes gsungs te/ sa'i lha mo de la mchod pa rnams dbul lo/ /de'i rjes lha mo'i dga' mdangs kyis khyod dkyil 'khor gyis gsung nas/ /lha mo nyid 'od du zhu de sa la thim pas sa yang rin po che'i sa gzhir gyur te de ka la spran ba zhes bya'o/ /ru tra rgol bas mi tshugs shing/ /byin dang ldan pas der 'gyur ro/ /zhes pa ni de ltar sa gzhi byin gyis brlab pa na/ rnam par rtog pa med cing bsod nams kyi tshogs bsag pa'i gzhir 'gyur ro/ /de nas sa gzhi de bslang ste/ /de'i phyir byin dang ldan pa'i sa gzhi de zhes pa la sogs pas bstan te/ byin dang ldan pa'i sa gzhi de zhes pa ni rigs dang mthun pa'i sa gzhi rnyed pa ni byin brlabs can gyi gnas de sa de lta bu de snang ba dang ste sa bdag gi rgyal po la sogs pa la slang ba'o/ /mi snang ba ste sa'i bdag po la ste sa bdag lha klu'o/ /de gnyis la slang ste/ rgyal po la sogs pa la bden pa smra zhing dag 'jam pas rin bcas te slang ngo/ /sa bdag lha klu la gtor ma byin la bden ba bdar la sa slang ba'i phyir/ thugs thub dang ras chod ma yin par rin dang bden pas sgrol slang/ /zhes gsungs pa yin no/ /de nas yang stegs bu'i las bstan ba'i phyir/ de nas stegs bu gru bzhi la/ /zhes pa la sogs pas bstan te/ de nas zhes pa ni chu'i pra dang sa'i bra rtags pa de ma thag pa de nas stegs bu gru bzhi par brtseg go zhes bya'o/ /stegs bu de la ba spu bya ste/ gang gis bya zhe na bdud rtsi rnam lngas skyang nul bya zhes pas bstan te/ bdud rtsi lnga dang sa bzhag mo bsres la shin tu 'thas par bya ste/ 'thug srab pa'i go ba tsam bya'o/ /de nas thig gdab pa'i las bstan pa'i phyir gos rgyan mdzes ma'i grogs mchog ma zhes bya ba la sogs pa bstan te/ gos brgyan mdzes ma'i grogs mchog ma zhes pa ni/ shin tu mdzes ma'i grogs mchog ma des khrus byas pa/ rgyan rnam ba sna tshogs pas brgyan te/ de la sku gsung thugs su byin gyis brlabs la/ sa'i thig skud bkal du bzhug ste/ de'i phyir gsal bar ldan nam byin brlabs la zhes gsungs pa yin te/ thig skud ring thung gi tshad ni dkyil 'khor rgya nyis 'gyur ro/ /de bas ched ldan rdo rje srang bu'i zhes brjod do/ /thig gdab pa'i sbyor ba bya zhes pa ni/ ras bal dkar po la tshon rtsi lnga pos kha dog bsgyur la/ de mnyam por bkal te/ yi ge lnga bkod la 'phro 'du'i so so'i skur bskyed do/ de la ye shes kyi rigs lnga dgug pa dang gzhug pa dang/ bcing ba dang bstan pa byas nas/ de la mchod pa 'bul bar bya'o/ /de'i rjes la 'od du zhu ste srang bu la thim mo/ /srang bu de grogs po la gtad de 'gu ru chu bdag du 'dug cing shi sha byad du 'dug ste 'di skad brjod do/ /dgongs shig rgyal ba 'khor dang bcas/ /nam mkha' gang ba'i bder gshegs rnams/ /thig gi sgra yis bskul nas ni/ /dus 'di sems can don rnams mdzod ces brjod la/ /ye shes thig gdab ste/ sngon la tshangs thig gnyis gdab/ de nas zur thig gdab/ de nas shar phyogs la sogs pa'i phyogs kyi thig rnams ji ltar 'dod do? pa bzhin du cha bgo zhing gdab bo de'i phyir thig gdab pa'i sbyor ba bya zhes gsungs pa yin no/ /de nas dkyil 'khor dri ba'i thabs bstan te/ de'i phyir 'gro ba blo rmongs mi shes pa zhes pa la sogs pas bstan te/ 'gro ba blo rmongs mi shes pa zhes bya ba ni/ 'gro ba bla rmangs shing mi shes pa bstan pa'i phyir/ bsnyan pa'i dkyil 'khor bri ste/ rnal 'byor pa bdag nyid lha'i ting nge 'dzin du 'jug pa'i phyir dang po las kyi sgor zhugs la zhes gsungs pa yin no/ /de nas tshon byin gyis brlab pa la sogs pa byas nas/ rab 'brid tham gsum ste/ rab ni rin po che sna lnga'o/ /'brid ni 'bras la sogs pa la tshon gyis kha dog bsgyur ba'i tha ma ni sa la byin gyis brlab pa'o/ /de'i phyir kha dog nyi shu rtsa lnga 'am/ lnga'i tshon gyis bri bar bshad/ /kha dog so so'i dkyil 'khor byang shar gyi mtshams nas mdzub gang mnyam por drang ste byin gyis brlabs nas 'dren kar 'di brjod do/ /hUM 'di ni chos dbyings dgab ste/ /de phyung rigs lnga'i ngo bor snang/ /sems can ma lus don bya'i phyir/ /tshon gyi las ni bdag gis btsams/ zhes brjod la ri mo 'di bri'o/ /ri mo de mtho dman du song na dngos grub med pa'i ltas so/ /yon por gyur na bgegs yod pa'i ltas so/ /chad par gyur na slob dpon dang slob ma gnyis ka 'chi ba'i ltas so/ /ri mo de log par gyur pa gang yin pa byung pa'i dus de na/ phur pa gdab par bya ba yin te/ de yang phur pa sgrol bdag du byin gyis brlabs la/ hUM badzra kI li kI la ya sarba sha truM phaT ces brjod pas phur pa gdab bo/ /de nas rnam lnga'i tshon gyis dkyil 'khor dam pa de bri bar bya'o/ /de nas rdo rje 'dzin pa'i dkyil 'khor bshad pa'i phyir/ rab tu zlum po'i dkyil 'khor la zhes pa la sogs pa gsungs te/ rab tu zlum po'i dkyil 'khor la zhes bya ba ni/ dbus kyi pho brang bstan pa yin te/ rab tu zlum po bri ba ste/ lha rnams kyi nang rol cha chung phyed nas bskor ro/ / de'i nang rol cha chung zhig la bskor te bsdoms pas cha che chung phye dang gnyis la rdo rjer ba'o/ /thig bzhi gdab pas dkyil 'khor dgu zhes bya ba ni/ rdo rje ra ba'i dbus su thig cha chung ngu re re bzhag ste/ so so'i thig gzhan ma phyis pas phyogs bzhi mtshams bzhi ste brgya do dbus dgu'o/ /cha chung re re bzhag sa de rnams la rdo rje'i gdung bzhi dang/ rdo rje'i ka pa brgyad gnas so/ /gru chad par khyams sgo khyud bcas/ zhes bya ba ni gru chad ni lha rnams kyi nang rol/ rdo rje bum pa'i phyi rol/ bar 'khyams ni lha snam nyid do/ sgo khyud la sogs pa rta babs dang/ rin po che'i rgyan rnam pa sna tshogs gyis brgyan ta la'i skyed shing dang bya dang ba la sogs pa rgyas par bri'o/ /de nas dkyil 'khor la phyag mtshan dgod pa ni spyi'i dkyil 'khor du gsungs pa'i rim pa ji bzhin no/ /so so'i kha dog dang bzhugs thabs bstan pa ni/ dbus su sangs rgyas rdo rje 'dzin pa zhes bya ba la sogs pa gsungs te/ dbus su sangs rgyas rdo rje 'dzin zhes pa ni le tsha'i dbus ma gang yin pa'i bzhugs gnas te/ de'i gnas su nyon mongs pa thams cad spangs pa'i sangs rgyas phyin ci ma log pa'i don dam pa dang/ dus rtag tu mi 'brel bas rdo rje 'dzin pa de lta bu'i ngang tshul dang ldan pa de bzhugs so/ nam mkha' i dbyings dang 'khril ba'i tshul zhes bya ba ni stong pa dang snying rje dbyer med pa'i phyir nam mkha' i dbyings phyug ma/ 'khril ba'i tshul du bzhugs pa da gang na bzhugs pa zhe na/ pho brang gi dbus seng ge'i gang na de'i steng nyi zla pad+ma rin po che'i gdan la/ yang dag par gnas so/ /rnam pa'i mchog rnams rdzogs par yang gsal zhes bya ba ni/ mgur chu dang dpung rgyan dang sen mo do dang do shal la sogs pa'i rnam pa'i rgyan gyi mchog rnams yongs su rdzogs shing gsal bar bya'o/ /sku mdog ni mthing ga ste/ 'od zer lngas 'khrigs par yid kyis blta'o/ /de'i spyan sngar snang mdzad sems zhes bya ba ni/ rdo rje 'dzin pa de'i spyan sngar ni shar phyogs kyi le tshe de'i gnas su bsgom par bya'o/ /rdo rje dbyings dang thabs cig tu zhes bya ba ni/ rdo rje dbyings phyug ma dang 'khril ba'i tshul gyis stobs glang po che'i gdan la yang dag par gnas pa ste/ sku mdog dkar po 'od zer lngas 'khrigs pa kha dog dkar po 'od 'bar ba'o/ /zhes gsungs pa yin no/ /rin chen sems pa g.yas su ste/ zhes bya ba ni rdo rje 'dzin pa zhal shar du gzigs pa ste/ de'i g.yas gang yin pa ni lho phyogs gyi le'u tse ste de'i gnas su bsgom par bya'o/ /rin chen dbyings phyug ma dang bcas zhes bya ba ni/ sems can dgos 'dod re ba yid bzhin du skong ba'i rin chen dbyings phyug ma de dang/ 'khril pa'i tshul gyis rdzu 'phrul rta'i khri la yang dag par bzhugs so/ /'dzam bu na ti'i gser 'od 'dra zhes bya ba ni/ sku mdog ser po gser gyi 'od 'dra ba ste/ 'od zer lngas 'khril ba'i rgyab tu chos kyi sems pa ste/ zhes bya ba ni/ rdo rje 'dzin pa'i rgyab ni nub ste/ nub kyi le'u tse la chos kyi sems pa bsam par bya ba'i gnas yin te/ de'i gnas su bsam par bya'o/ /chos kyi sems mar bcas pa dang zhes bya ba ni/ sems can gyi don mdzad kyang 'khor ba'i skyon gyis ma gos pa'i chos kyi sems ma de dang 'khril pa'i tshul du dbang rma bya'i khri la yang dag par bzhugs so/ /sku mdog dkar po rgyan thams cad kyis brgyan pa ste/ de'i phyir dmar po pad+ma rA ga'i mdog ces bstan pa yin no/ /las kyi sems pa'i g.yon du ste/ zhes bya ba ni/ rdo rje 'dzin pa'i g.yon gang yin pa de byang gi phyogs kyi le'u co ste/ gnas de ru las kyi sems pa bsam par bya'o/ /las kyi dbyings phyug ma dang 'khril zhes bya ba ni/ chos thams cad rang gi ngo bos ma skyes pa'i ngang du mdzad pa'i las kyi dbyings phyug ma dang/ 'khril ba'i tshul gyis nam mkha' lding gi khri chen la yang dag par bzhugs so/ sku mdog ljang gu ain+d+ra ni la'i mdog 'dra'o/ /phyi nang sems dpa' sems ma rnams zhes bya ba ni dkyil 'khor gyi bar 'khyams la bsam par bya ba ste/ shar phyogs kyi 'khyams la pad+ma dkar po'i gdan stangs su byang chub sems dpa' sa'i snying po sku mdog dkar po phyag g.yas na rin chen 'bar ba/ g.yon pas rtsa ba bzung nas la se dkar mo dang/ 'khril ba'i tshul gyis bzhugs so/ /lho phyogs kyi khyams la nam mkha' i snying po sku mdog sngon po phyag na ral gri bsnams nas ma lo sngon mo dang 'khril ba'i tshul gyis pad+ma sngon mo'i gdan la bzhugs so/ /nub phyogs kyi khyams la byang chub sems dpa' spyan ras gzigs dbang phyug sku mdog dmar mo/ phyag na pad+ma bsnams pa gir ti dmar mo sku la 'khril nas pad+ma dmar po'i gdan la bzhugs so/ /byang phyogs khyams la byang chub sems dpa' phyag na rdo rje sku mdog ljang gu phyag na rdo rje rgya gram bsnams nas nir ti ljang gu'i sku la 'khril ba'i tshul gyis pad+ma ljang gu'i gdan la bzhugs so/ /de ni nang gi sems dpa' dang sems ma'o/ /shar lho mtshams kyi khyams la byang chub sems dpa' byams pa mai tri sku mdog dkar skya phyag na klu shing bsnams nas/ du be dkar mo sku la 'khril nas pad+ma dkar skya'i gdan la bzhugs so/ /lho nub kyi khyams la byang chub sems dpa' sgrib pa rnam par sel ba/ sku mdog ser po phyag na pu ti bsnams nas puShpe ser mo'i sku la 'khril nas bad ser gdan la bzhugs so/ /nub byang gi khyams la byang chub sems dpa' kun tu bzang po sku mdog dmar po/ /phyag na rin po che bsnams nas a lo ke dmar mo sku la 'khril nas pad+ma dmar mo'i gdan la bzhugs so byang shar mtshams kyi khyams la byang chub sems dpa' 'jam dpal gzhon nu sku mdog ljang gu phyag na aud pa la bsnams nas gnod ljang gu'i sku la 'khril te pad+ma ljang gu'i khri la bzhugs so/ /de ni phyi'i sems dpa' dang sems ma'o/ /de rnams bstan pa la ni phyi nang sems dpa' sems ma rnams zhes gsungs pa yin no/ /phyi nang gang la'ang de bzhin bri zhes pa ni nang gi sems dpa' dang sems ma rnams kyi dkyil 'khor 'dri ba'i dus na nang gi gru chad la bri bar bya'o/ /phyi'i sems dpa' dang sems ma rnams ni phyi'i gru chad la bri bar bya'o/ /bsgom par bya ba'i gnas skabs na ni khyams thabs phyogs dang mtshams su bsgom par bya/ bar khyams dag la sprul sku dang zhes bya ba ni bar khyams kyi shar phyogs su pad+ma ser po'i gdan la sprul sku shAkya thub pa sku mdog ser po phyag na bseg par bsnams nas bzhugs so/ /shar lho phyogs kyi khyams la pad+ma dkar po'i gdan la sprul sku brgya byin thub pa ni/ sku mdog dkar po phyag na pi bang bsnams nas bzhugs so/ /lho'i khyams la pad+ma mthing ga'i gdan la sprul sku dmyal ba'i thub pa ni sku mdog mthing na gshin rje'i zhes bya ba phyag na me chu bsnams pa'o/ /nub phyogs kyi khyams la sprul sku byol song gi thub pa ni/ sku mdog smug po a ba glang mgo can zhes bya ba phyag na po ti bsnams nas pad+ma smug po'i gdan la bzhugs so/ /nub byang gi khyams la sprul sku lha ma yin gyi thub pa sku mdog sngon po thag bzangs ris zhes bya ba phyag na ral gri bsnams nas pad+ma sngon po'i gdan la bzhugs so/ /byang phyogs kyi khyams la sprul sku yi dags kyi thub pa kha 'bar ma zhes bya ba sku mdog ljang gu phyag na rin po che'i sgrom bu bsnams nas pad+ma ljang gu'i gdan la bzhugs so/ /shar phyogs kyi khyams dang nub phyogs gnyis kyi khyams la kun tu bzang po yab yum gnyis bsgoms te/ sku mdog dkar po phyag na rdo rje bsnams so/ /yum gyi phyag na dril bu'o/ /sgor ni sgo ma dang bcas pa zhes bya ba ni shar phyogs kyi sgor khro bo rnam par rgyal ba sku mdog mthing nag phyag na mi mgo gdengs pa bsnams nas/ me dpung 'bar ba'i dkyil na rta gdong lcags kyu ma sku la 'khril nas bzhugs so/ /lho phyogs kyi sgor ni khro bo gshin rje gshed sku mdog dud ka phyag na be con bsnams nas/ yum phag gdong zhags pa ma dang gnyis 'khril ba'i tshul gyis me dpung gi dbus na bzhugs so/ /nub phyogs kyi sgor ni khro bo rta mgrin sku mdog dmar po phyag na thod sprul dang zhags pa'o/ /yum nyi zla lcags sgrog ma dang 'khril ba'i tshul gyis me dpung nang na bzhugs so/ /byang phyogs kyi skor ni khro bo bdud rtsi 'khyil pa sku mdog ljang gu phyag na rdo rje rgya gram bsnams nas yum thal byed dril bum sku la 'khril nas me dpung nang na bzhugs so/ /'di ji ltar rgyas par bstan pa bzhin du dkyil 'khor phyi ma rnams la yang de bzhin du shes par bya ste/ dkyil 'khor 'di ni dkyil 'khor dam pa yin te/ dkyil 'khor thams cad 'di las 'byung ba'i phyir na/ sangs rgyas rdo rje 'dzin pa'i dkyil 'khor nyams dga' dam pa'o/ zhes gsungs pa ste/ rin po che 'dra ba'i gang zag la bstan pa'o/ /de nas pad+ma dkar 'dra'i gang zag la bstan pa'i phyir/ sangs rgyas 'khor lo can gyi dkyil 'khor gsungs te/ gtso bo gang yin pa bsgyur bar shes par bya ste/ bri ba dang lha'i sku mdog la sogs pa rgyas par gong du gsungs pas kun la shes par bya'o/ /'khor lo can gyi dkyil 'khor bstan pa'i phyir/ sangs rgyas 'khor lo can gyis gsungs zhes pa nas/ rdo rje 'dzin pa 'dra ba yin zhes pa'i bar gyis bstan to/ /de nas pad+ma 'dra ba'i gang zag la rin chen dkyil 'khor bstan pa'i phyir/ rin chen dkyil 'khor dam pa ni zhes pa nas rdo rje 'dzin pa'i lho phyogs su zhes pa'i tshig lngas bstan to/ /de nas tsan dan 'dra ba'i gang zag la/ /pad+ma'i dkyil 'khor bstan pa'i phyir/ /pad+ma 'dab ma brgyad pa la/ /zhes pa'i tshig bzhis bstan to/ /de nas aud pa la 'dra ba'i gang zag la/ /las kyi dkyil 'khor bstan pa'i phyir/ /sna tshogs las kyi dkyil 'khor zhes pa nas gzhan yang de bzhin rgyas par bri zhes pa'i bar gyis bstan te go sla'o/ /de nas dkyil 'khor de dag la rgyan bkod pa bstan pa'i phyir/ dkyil 'khor nyams dga' de dag la/ zhes pa la sogs pa gsungs te/ bum pa brgyad dam brgyad gnyis la zhes bya ba ni bum pa brgyad dang/ yang bcu drug tu byas la de'i nang du blugs pa'i rdzas bstan pa'i phyir/ ci 'byor btung ba snum po 'am zhes pa la sogs pa gsungs te/ ci 'byor btung ba snum po 'am zhes bya ba ni/ 'byor pa bza' ba'i bye brag bu ram la sogs pa ci 'byor pa glugs te che ba'i yon tan gyis brgyan pa'i rtags so/ /bdud rtsi lnga'am rin chen bcas zhes bya ba ni/ sman lnga blugs pa de byang chub kyi sems kyi rtags so/ /'bru lnga'i lha rnams kyi mtshan ma'i rtags so/ /rin po che lnga ni lha'i sku mdog gi rtags so/ /gang ba'i rin chen bum pa ni zhes bya ba gong ma'i rdzas rnams kyis kyang gang ba'o/ /dang po gser gyi bum par yang bshad ces bya ba ni rdo rje 'dzin pa'i dkyil 'khor la brgyan par bya'o/ /gnyis pa shel dang dngul gyi de zhes bya ba ni sangs rgyas 'khor lo can gyi'o/ /gsum pa bai DUrya'i zhes bya ba ni rin po che'i rgyan no/ /bzhi pa zangs kyi bum par bya zhes bya ba ni/ pad+ma'i dkyil 'khor gyi rgyan no/ /lnga pa lcags kyi bum par bshad ces bya ba ni/ sna tshogs las kyi dkyil 'khor gyi'o/ /drug pa la ni sna tshogs pa/ /bum pa gang bar bzhag par bya ba zhes bya ba ni spyi'i dkyil 'khor gyi bum pa'o/ /gzhan yang rgyan gyi khyad par dang/ rol mo yid 'ong ci 'byor dang/ zhes bya ba ni bum par ma zad de bla re dang 'phan dang gdugs rgyal mtshan dang ba dan dang dar gyi lda ldi dang rgyan gyi khyad par mang pos brgyan no/ /der ma zad de sbos dang gar dang glu dang rnga dang rnga bo che dang rdza rnga dang pi bang dang/ gling bu dang cang te'u dang cha lang dang dril bu la sogs pa sgra mang po thogs la dkyil 'khor la bskor ba bya'o/ /mchod pa'i yo byad thams cad dang/ gtor ma la sogs mdzes par dgram zhes bya ba ni mchod pa'i yo byad de sbos dang me tog dang mar me dang dri chab dang a rgal sogs pa rim pa ma nor bar bkram mo/ /gtor ma la sogs pa ni phyogs skyong gi gtor ma la sogs pa mang po bkram mo/ /de nas rnal 'byor bas bsgom pa'i rim pas bya ba bstan pa'i phyir/ de nas rnal 'byor can gyis ni zhes bya ba la sogs pa bstan te/ de nas rnal 'byor can gyis ni zhes bya ba ni/ dkyil 'khor 'khor lo'i rgyan la sogs pa thams cad bkram pa'i de ma thag pa de nas/ rnal 'byor pas ting nge 'dzin bsgom pa'i rim pa bya'o/ /de yang ji ltar bya zhe na/ dang por de bzhin nyid kyi ting nge 'dzin bsgom par bya ba dang/ gnyis pa kun tu snang gi ting nge 'dzin bsgom par bya ba dang/ gsum pa rgyu'i ting nge 'dzin bsgom par bya ba ste/ rgyu'i yi ger gnas pa'i skabs nyid na/ dbang chen gyi dkyil 'khor bskyed pa'i gong du gsungs pa'i rim pas bskyed pa ste/ rten gyi dkyil 'khor gdan dang bcas pa'i rjes thogs su rten can gyi dkyil 'khor bskyed de/ gong ma'i rig pa ji bzhin du bya ba ste/ rten can gyi 'khor lo rdzogs pa'i rjes thogs su sku gsung thugs su byin gyis brlabs nas/ phyag rgya bzhis rgyas gdab bo/ /de nas dbang nod pa de dbu rgyan la sogs pa la rigs lnga char gyis brgyan pa'o/ /lhag ma rnams ni rang re rigs lnga so so'i rgyan kho na'o/ /de yan chad du bsnyen bsgrub yan lag bzhi tshang ste/ gtso bo'i sku yan lag du bcas par rdzogs pa ni bsnyen pa'o/ /'khor gyi sku bskyed pa ni nye ba'i bsnyen pa'o/ /sku gsung thugs byin gyis brlab pa ni bsgrub pa'o/ /ye shes sems dpa' bsgom pa ni bsgrub pa chen po ste/ spyir bsnyen bsgrub bzhi'o/ /de nas ye shes sems dpa' i dkyil 'khor spyan drangs te/ bdag nyid kyi thugs kar yi ge hUM las 'od zer 'phros pas/ 'od zer ram/ lha mo lcags kyu mar gyur te/ lha mo de rang bzhin grub pa'i gnas nas ye shes kyi dkyil 'khor pho brang dang bcas par mdun gyi nam mkha' la byon pa dang/ de la phyi nang mchod pas mchod do/ /mchod pa'i rjes la bstod pa yang bya ste rdo rje'i tshig tu 'di skad brjod do/ /hUM chos sku ye nas dag pa la?/ / 'khrul pa'i mtshan ma med pa ste/ /sems can 'khor bar 'khyams don du/ /gzugs brnyan ston pa khyod la bstod ces brjod do/ /zhags pa mas lho sgor zhugs pa dang lcags sgrog mas bstim pa dang/ dril bu mas dgyes par bya ste/ nam sems can gyi don ma grub kyi bar du bstan par bya'o/ /de ltar ting nge 'dzin gyi rim pa bya ba'i phyir/ dbyings nas dkyil 'khor spyan drangs mchod ces gsungs pa yin no/ /de nas dam tshig gi dkyil 'khor dang/ ye shes kyi dkyil 'khor cig 'gyur ba de la mchod pa dbul te/ bdag nyid kyi thugs ka nas 'od zer 'phros pas/ 'od zer las lha mo'i tshogs la sel sogs pa mang po sprul te/ de bzhin gshegs pa thams cad la slar thim /de bzhin gshegs pa rnams kyi thugs ka nas/ lha mo mang po slar 'thon nas/ /bdag nyid dkyil 'khor dang bcas pa la mchod pa dang stod pa byad pa de'i phyir/ mnyes nas nye bar gyur ba'i dang zhes gsungs so/ /las bzhi'i mchod pa brtsam byas te/ zhes bya ba ni/ mi 'dra ba bzhi ste/ gzugs sgra dri ro reg la sogs pa'o/ /dbyibs dang kha dog mtshan mar bcas zhes bya ba ni/ dbyibs ring bo dang thung du dang zlum po dang gru bzhi dang ngo/ /kha dog dkar po dang ser po dang dmar po la sogs pa'o/ /lha so so'i phyag na 'dod pa'i yon tan bsnams nas mchod pa'i phyir/ gzugs sgra dri ro reg bya yis zhes gsungs pa yin no/ /mchod pa'i lha mo de rnams kyis/ /bdag dkyil 'khor pa rnams la mchod pa'i phyir/ mchod sbyin stobs pa'i las rnams bya zhes gsungs pa yin no/ /kun rdzob kyi bden pa 'ba' zhig bstan pa'o/ /de nas slob ma la dbang bskur ba'i rim pa bstan pa'i phyir/ de nas rigs kyi bu mchog de zhes pa la sogs pa gsungs te/ de nas rigs kyi bu mchog de zhes pa ni /slob dpon nyid kyi rang bzhin gyi dkyil 'khor du dbang nos pa de'i de ma thag pa de nas gzhung mthun pa'i slob ma de ste/ rigs so so'i mtshan nyid gang dang ldan pa de la dbang bskur ba brtsam par bya'o/ /gsang ba'i dkyil 'khor bstan par bya zhes bya ba ni/ nyan thos las gsang ba'i phyir gsang ba ste/ brnyan ma'i dkyil 'khor de bstan par bya'o/ /ci dga' zhes dris nas ni zhes bya ba ni/ slob dpon kyis dris pa'i bka' lung de gnang ba gsal ba'i tshig go bdag ni 'di la dga' ba'o/ /zhes bya ba ni/ slob ma'i bdag ni gsang ba'i dkyil 'khor la lta bar 'tshal lags so/ /zhes pa ste zhus tshig go /'jug pa pos kyang lan du sbyin zhes pa ste/ gong gi tshig nyid la bsnyags so/ /de nas mna' brtag pa'i phyir/ bla ma lung ldan dam pa des/ /ma na'i rdo rje sbyin pa'i phyir/ /bzlas pa'i chu ni glud par bya/ zhes gsungs te/ bla ma lung dang ldan pa'i dam pa des/ /slob ma mas mi mnga' bar bya ba'i phyir/ pad+ma'i nang du bdud rtsi lnga sbyar ba/ /de la sngags 'di brgya rtsa brgyad du bzlas la blud do/ /aoM sarba pany+tsa a mri ta kuN+Da li hUM zhes brjod la/ de nas blud de rdo rje tshig du yang 'di skad yang brjod do/ /'di ni khyod kyi dmyal ba'i chu/ dam tshig nyams na sreg par byed/ /dam tshig bsrungs na dngos grub rgyu/ /rdo rje bdud rtsi chu 'dis 'grub ces brjod la blud de/ /de na dam tshig bstan pa'i phyir/ /gsang ba'i dam tshig sgrags zhes bya ba la sog pa gsungs te/ gsang ba'i dam tshig 'og nas 'byung ba 'di dag bsgrags so/ /skal dang ldan pa'i rigs kyi bu/ /khyod kyis bsrung bar bya ba ni/ /chos nyan pa'i skal dang ldan pa rigs kyi bu zhes slob ma la bos nas khyod kyis bsrung bar bya ba ni 'og nas 'byung ba 'di rnams bstan to/ /zhes bstan par bya ba'i phyir/ lha dang bla ma sbun mi spangs zhes pa la sogs pa gsungs te/ lha dang bla ma spun mi spang zhes bya ba ni yi dam gyi lha dang rtag tu 'grogs par bya ba dang/ rdo rje spun rtag tu mi 'bral ba dang/ rdo rje slob dpon bla ma dam pa ste mi spang ste rtag tu rten par bya'o/ /sngags dang phyag rgya de bzhin de zhes bya ba ni gsang ba'i sngags bzlas pa dang/ de bzhin gshegs pa'i phyag rgya bcas ba dang mi 'bral bar bya'o/ /gsang ba gzhan la spel mi bya zhes bya ba ni/ gsang ba'i man ngag 'di lta bu yin zhes snod ngan pa la bsgrags par bya ba ma yin no/ /bsgrub pa'i rdzas ni rnam pa lnga rtag tu bza' zhing bca' bar bya zhes bya ba ni/ bsgrub pa'i rdzas rnam pa lnga ni zla ba nyi mchu smad dri dang lnga ste/ dus rtag tu bza' zhing spyad par bya'o/ /sha lnga dang ni chang lnga dang/ /'dod pa rnams ni rtag tu bsten zhes bya ba ni/ sha lnga ni glang po'i sha dang/ rta'i sha dang khyi'i? sha dang nam mkha' lding gi sha dang sha chen te lnga'o/ /'dod pa rnams ni 'dod chags chen po dang/ zhe sdang chen chen po dang/ gti mug chen po dang/ nga rgyal chen po dang/ phrag dog chen po dang/ de rnams ni mi spang ste/ rtag tu bston par bya ba'o/ /sbyor dang sgrol dang 'phra ma dang/ /mi snyan sku dang sbyad par bya zhes bya ba ni/ sbyor ba'i yang dag pa'i don la sbyor ba'o/ /sgrol ba ni gnyis med pa'i dang du khams gsum gyi sems can sgrol ba'o/ /'phra ma de phyin ci log dang brel ba'o/ mi snyan pa ni yang dag pa'i don la yid ches pa'i tshig smra ba'o/ /sku ni gnyis su med pa'i don te gzhan gyis ma byin yang blang bar bya ba'o/ /spyad par bya ba ni gnyis su med pa'i byang chub kyi sems de ni spyad par bya'o/ /dka' thub dka' ba spyad mi bya/ /khrims dang sdom pas bcings pa min/ /zhes byab ni yang dag pa'i don la yid ches pa med na dka' thub khrims nyis brgya lnga bcu bsrung bar yang lus ngag yid gsum gyi sdom pa byas kyang rnam par rtog pas bcings ba ste/ de ltar byas pa ma yin no/ /yang dag pa'i don la yid mches na ni ji ltar byas ba rtog pa'i don yin no/ /snying nas slob dpon smod pa ni/ /bsgrubs kyang 'grub par mi 'gyur ro/ /zhes bya ba ni snying gi gting nas zhe sdang skyes te slob dpon thabs g.yo yis smod na thabs kyi sgo nas bsgrubs kyang dngos grub thob par mi 'gyur ro/ /de ni dkyil 'khor du bzhugs pa'i rim pa ste/ dkyil 'khor dang po bsgrubs pa'i dbang zhes bya'o// de nas dkyil 'khor bstan pa'i rjes su bum pa'i dbang bskur ba brtsam te/ bum pa brgyad dam bcu drug rnams gcig tu bsdom pa las/ 'on te rang las bya ste/ hUM las rdo rjer 'gyur/ rdo rje las mi bskyod pa'i skur bskyed do/ /de la dgug dang gzhug dang gti ma byas nas/ de nas dkyil 'khor bstan pa'i rjes su bum pa'i dbang bskur ba brtsam te/ bum pa brgyad dam bcu drug rnams gcig tu bsdom pa las/ 'on te rang las bya ste/ hUM las rdo rjer 'gyur/ rdo rje las mi bskyod pa'i skur bskyed do/ /de la dgug dang gzhug dang gtim byas nas/ mchod pa dang bstod pa bya ba'i rjes la mi bskyod ba zhu nas chu'i gzugs su gyur te/ des dbang bskur ba ni/ gnyis pa rdo rje rgyal po'i dbang zhes bya'o/ /de nas cod pan gyes dbang bskur te/ swa las rin po che las rin chen 'byung ldan gyi skur gyur te/ de la yang dgug pa dang bstod pa yan chad bya ste/ de yongs su gyur pa las cod pan gyi gzugs su gyur te/ nges dbang bskur ba ni gsum pa gsang ba'i gsang ba nyan ba'i dbang zhes bya'o/ /de nas rdo rje'i dbang sbyin te/ aM las pad+ma las snang ba mdza' yas kyi skur gyur te de la mchod bstod bya ste/ de yongs su gyur pa las rdo rjer gyur te nges dbang bskur ba ni bzhi bar chad pa'o dbang yang sbyin zhes bya'o/ /de nas dril bu'i dbang bskur yi ge ha las ral gri de yongs su gyur pa las don yod grub pa'i skur gyur te/ de la mchod bstod? bya ste/ de yongs su gyur pa las dril bur gyur te/ des dbang bskur ba ni las kyi dbang ni lnga bar sbyin zhes bya'o/ /de nas ming gi dbang bskur te slob dpon gyi lag bslob? ma'i mgor bzhag ste/ rdo rje tshig tu yang 'di skad brjod de/ khyod ni sangs rgyas dngos yin te/ /rab tu bsngags pa'i gsang ba'i ming/ /rdo rje che ge mo zhes pa/ /de ring khyod la dbang bskur ro zhes pa ni drug pa rab 'byams rgyal po'i dbang zhes bya'o/ /de nas slob dpon gyis dbang bskur ba dang/ gsang ba'i dbang dang shes rab kyi dbang dang ye shes kyi dbang ste/ de rnams la sog pa'i dbang rnams ji snyed pa tshang bar bskur du rung bar bshad ces gsungs so/ /de nas drin la lan gyis glan pa'i phyir yon dbul bar bstan te/ de'i phyir nas dbang thob bya'i phyir zhes bya ba la sogs pa bstan te de nas dbang mchog thob bya'i phyir zhes bya ba ni/ dbang bskur ba'i de ma thag ba de nas/ de dbang gi mchog rnams thob par bya ba'i phyir yon dbul lo/ /rigs kyi bu mchog de dag gis zhes bya ba ni/ rigs so so'i mtshan nyid dang ldan pa'i bu mchog gang yin pa de dag gis/ yon gyi mchog rang gi bye brag gi dbul te/ de yang srog lus la ma 'jungs pa'i sems kyis dbul te/ de'i phyir yon mchog dag ni dbul bar nges/ srog lus man chad rdzas kyi rnams/ ma 'dungs pa'i sems kyis dbul te/ zhes pa la sogs pa gsungs pa yin no/ /de nas rdo rje 'dzin pa'i yon bshad pa'i phyir/ rang gi lus dang sems dga' dang zhes pas bstan te/ rang gi lus dang sems dga' dang zhes bya ba ni/ rang gi lus dbul gyis bzhes shig bdag gi sems dbul gyis bzhes shig pa ste/ lus ngag yid gsum gyi sgo nas slob dpon dam pa mnyes byed pa'o/ /snying yang yon gyi mchog yin te zhes bya ba ni/ snying brtse zhing gdung ba ni yon gyi mchog dam pa'o/ /sems kyi dgongs pa gang dang gang zhes bya ba ni/ slob dpon dam pa de'i thugs dang ji ltar 'tsham pa gang dang gang ste/ de dang de ru dbul bar bya'o/ gong du bstan pa'i yon rnams ni/ rdo rje 'dzin gyi yon du bshad do/ /de nas sangs rgyas 'khor lo can gyi yon bstan te/ mi chen dag ni 'dod pa yi/ /yon tan sna tshogs dbul ba ni/ /zhes bya ba ni mi chen ni bran gyi nang na snying nye dbul ba dang/ rdzas sdug pa dbul ba dang/ 'dod pa'i yon tan lnga la sogs pa dbul ba ni/ sangs rgyas 'khor lo can gyi yon yin no/ /de nas rin po che'i yon tan te/ rin po che dang nor gyi dbyig /ji snyed pa thams cad ni zhes bya ba ni/ rin po che sna lnga la sogs pa thams cad dang/ nor gyi dbyig phangs pa thams cad dang/ ci 'os shing mtsham pa'i nor ji snyed yod pa thams cad ni/ rin chen 'dzin gyi yon yin no/ /de nas padmo'i yon bstan te/ ma dang bu mo chung ma dang zhes bya ba ni ma las zhes pa med de bu mo dang chung ma dang snying du sdug pa dbul lo/ /sring mo shin tu brgyan pa dang zhes bya ba sring mo la gzi g.yu la sogs pa rin po che sna tshogs pas brgyan la dbul bar bya'o/ /mi'i ming dang mtshan ma can zhes bya ba ni/ rta la sogs pa mi'i mtshan ma yong ba dang/ dud 'gro'i rigs mo'i mtshan ma yong pa de rnams padmo can gyi yon yin no/ /de nas las kyi yon bstan te/ glang po rta dang shing rta dang zhes bya ba ni/ glang po che dang rta bzang po dang/ shing rta legs mo dang/ der ma zad de byol song ji ltar 'degs che ba rnams dbul ba'i phyir ro/ /chogs rnam pa sna tshogs dang/ theg pa'i bye brag thams cad kun zhes pa gsungs te/ sna tshogs rdo rje'i yon yin no/ /de nas spyi'i dkyil 'khor gyi yon ni sangs rgyas kun la zhes pa nas/ spyi'i dkyil 'khor dag tu dbul zhes pa tshig lngas brtan go sla'o/ /de nas yon de rnams slob dpon la phul bar ma zad de/ shes rab ma la yang dbul bar bstan pa'i phyir/ dkyil 'khor dag gi de dag tu zhes pa la sogs pa gsungs te/ gong du gsungs pa'i dkyil 'khor de dag tu sbas pa dang gsang ba'i dbang bskur na/ de'i rkyen gzungs ma de dang de dag la yang gong du gsungs pa'i yon gyi bye brag de dang de dag dbul lo/ /de nas dbang rtags sbyin pa bstan pa'i phyir/ ? ? mchog la zhes pa la sogs pa gsungs pa bstan te/ dbang mchog thob pa'i rigs kyi bu mchog de la ni dang po kho nar sems bskyed pa brjod par bya zhing 'di lta ba'i rgyu des 'bras bu 'di lta ba thob pa'i gtan tshigs sbyin de de'i phyir dang po sems kyi gtan tshigs sbyin zhes gsungs so// gnyis pa phyag rgya bsgom pa gtad ces bya ba ni/ dbang gnyis pa thob pa'i rtags ni rten dang rten du snang ba bsgoms pa'o/ /gsum pa gsang ba'i nges don bshad/ ces bya ba ni/ dbang gsum pa'i rtags su yon tan gyi che rnams te/ rten gyi yon dang rten can gyi yon tan bsgrags ba'o/ /bzhi par chos kyi glegs bam bshad ces bya ba ni dbang bzhi pa thob pa'i rtags ni gsung rnam par dag ba ste/ gzhan dang gzhan don la rgyu'i chos ston ba'o/ /lnga par las bzhi'i rgya rtags sbyin zhes bya ba ni/ dbang rdzogs pa'i rtags su 'phrin las rnam pa bzhi rtags sbyin pa'o/ /drug par rin ba'i bdun nam/ rdzas kyi khyad par can dag dang/ /yang na sna tshogs tshang bar sbyin zhes bya ba ni/ dbang drug pa rdzogs pa'i rtags du rdo rje las drangs pa'i ming ste/ rin po che sna bdun gyis mjug bsdus pa'i ming gdags pa ste/ gsang ba'i ming ngo/ der ma zad de rdzas kyi khyad par rin po che sna bdun nyid du yang sbyin par bya'o/ /der ma zad de yang sna tshogs pa'i rtags sbyin par bya'o/ /de nas dbang ji ltar thob pa'i rmi ltas bstan pa'i phyir/ dbang mchog thob pa'i rmi ltas na zhes bya ba la sog pa gsungs te/ slob ma sta gon la gnas nas ku sha'i stan la seng ge'i nyal thabs kyis nyal ba'i dus na/ dbang ji ltar thob par 'ong ba'i rmi ltas dag dang 'byung bar des te/ de yang 'og nas 'byung ba 'di rnams te/ des yang sngon la rdo rje 'dzin pa'i dbang thob pa'i rmi ltas bstan pa'i phyir/ rang gi sems la dbang thob dang zhes bya ba nas/ /mthong nas rdo rje 'dzin pa'i dbang thob pa'i snga ltas yin par nges zhes pas bstan te/ dgrol mi dgos dkyus nyid na gsal lo/ /de nas sangs rgyas 'khor lo can gyi dbang thob nas 'ong ba'i sde ltas bstan pa'i phyir/ lus kyi rdzu 'phrul thob pa dang zhes pa nas 'khor lo can gyi dbang thob ltas zhes pa'i bar gyis bstan te/ dkyus nyid gsal lo/ dgrol mi dngos so/ /de nas rin po che'i dbang thob pa'i snga ltas bstan pa'i phyir/ rin chen sna tshogs sbyor ba dang zhes pa nas/ rin chen rigs kyi dbang thob ltas zhes pa'i bar gyis bstan te go sla'o/ /de nas pad+ma'i dbang thob nas 'ong ba'i snga ltas bstan ba'i phyir/ pad+ma'i rdzi ngan rtse ba dang zhes pa nas/ rdo rje chos kyi dbang thob yin zhes pa'i bar gyis bstan te dkyus nyid gsal lo/ /de nas sna tshogs rdo rje dbang thob pa'i snga ltas bstan pa'i phyir/ las rnams kun la 'jug pa dang/ zhes pa nas sna tshogs rdo rje'i dbang thob ltas zhes pa'i bar gyis bstan te go sla'o/ /de nas phyi'i dbang thob pa'i snga ltas bstan pa'i phyir/ rmi lam mtshan ma ji snyed pa la sogs pa gsungs/ gong du bstan pa'i rmi ltas dang mtshan ma dang ji ltar rmis shing mthong ba de rnams spyi'i dbang thob pa'i rtags so/ /yang na ci yang ma mthong ba'am zhes pa ni gong du bstan pa'i ltas rnams med do/ /rmi lam na chos nyid stong ba 'di lta bu yin no zhes ston cing bdag gis kyang bstan pa'i rmi lam na gtogs pa'o/ /sngon sum gsang ba thams cad kun zhes bya ba ni rmi lam du mngon gsum dang 'dra bar khyod kyis lus la ni 'khor lo rnam pa bzhi yod do/ zhes ston pa dang rang gis kyang yid kyi yul du gsal ba mthong ba de ni ci'i dkyil 'khor gyi dbang thob pa'i snga ltas? su rung bar bshad do/ /de nas dbang thob pa'i yon tan bstan pa'i phyir/ gang zhig dkyil 'khor 'di dag tu/ zhes pa la sogs pa bstan te/ gang zhig dkyil 'khor 'di dag tu zhes bya ba ni rigs kyi bu gang su yang rung ba'i dkyil 'khor gong du gsungs ba'i bye brag de dag tu zhugs nas dbang thob pa'i gang zag de'i yon tan ni 'og nas 'byung ba 'di rnams so/ /'jig rten gtso dang 'khor gyis bskur zhes bya ba ni/ 'jig rten 'di na dbang che ba'i gtso bo dang/ de'i 'khor rnams kyis bskur ste byang par 'gyur ro/ /tshe ring bde ba phun sum tshogs pa zhes bya ba ni/ 'jig rten 'di ru tshe ring zhing longs spyod phun sum tshogs par 'gyur ro/ /kun gyis bstod cing bkur ba dang zhes pa ni/ 'jig rten pa kun gyis bstod pa dbul zhing thams cad kyis bkur sti byed pa'o/ /sdug cing bsngags pa brjod pa dang zhes bya ba ni/ kun gyi yid du 'ong zhing yon tan gyi bye brag brjod pa'o/ /nad med lang tsho bde ba dang zhes bya ba ni/ nad med cing shin tu gzhon par gyur pa dang/ shes rab phul du byung ba'i lang tsho ba dang/ lus yang zhing bde ba phun sum tshogs pa'o/ /'jig rten mthu chen 'dul ba dang zhes bya ba ni/ 'jig rten 'di na mthu che ba'i gnod sbyin la stsogs pa 'dul ba'o/ /sangs rgyas kun gyi sras su dgongs zhes bya ba ni/ dus gsum sangs rgyas kun gyis kyang dus dam par thugs kyis dgongs so/ /rgyal sras rnams kyi grogs su mthong zhes bya ba ni/ rgyal ba'i sras po rnams kyis spun dang grogs su mthong ngo/ /de la sogs te bsam mi khyab ces pa la sogs pa ni/ 'jig rten 'di'i yon tan mang po 'byung zhing mi dang lha dang lha ma yin dang gnod sbyin la sogs pas kyang bkur sti byed do/ /de nas sku'i dkyil 'khor dang thugs kyi dkyil 'khor dang gsung gi dkyil 'khor gsum po gang yang rung ste/ zhugs pa'i yon tan 'dra bar bstan pa'i phyir/ sangs rgyas dag ni thams cad kyi/ zhes pa la sogs pa gsungs te/ gong du gsungs pa'i dkyil 'khor thams cad kyi nang nas/ sku'i dkyil 'khor tsa ka li bkod pa las/ de'i dkyil 'khor du zhugs nas/ rnam pa thams cad 'grub par 'gyur te/ de ji ltar bsam pa bzhin du 'grub bo/ /gsung gi dkyil 'khor du 'jug pa'i yon tan bstan pa'i phyir/ gzhan yang sangs rgyas thams cad kyi zhes pa la sogs pa bstan te/ gong du gsungs pa'i sangs rgyas kyi gsung gi dkyil 'khor yi ger bkod pa'i phyir/ yi ge gsung gi dkyil 'khor bris pa las zhes gsungs te/ so so'i gdan stengs su so so'i yi ge gsal bar bkod pa'i phyir/ yi ge gsung gi phyag rgya tshogs/ /ji bzhin gsal bar bkod pa'o zhes gsungs te/ de ltar dkod pa'i gsung gi dkyil 'khor der zhugs pa'i yon tan yang gong ma dang 'dra ba'i phyir/ dkyil 'khor dag tu slob ma rnams/ /zhugs pa yang ni de bzhin no/ /zhes pas bstan te/ de nas thugs kyi dkyil 'khor du zhugs pa'i yon tan kun 'dra bar bstan te/ thugs kyi dkyil 'khor dam pa de ni phyag mtshan dgod pa ste/ de bstan pa'i phyir thugs kyi dkyil 'khor dam pa ni zhes pa la sogs pa gsungs te/ bstan pa'i dkyil 'khor sku'i 'khor lo dgod pa dang/ gsung yig 'bru dgod pa dang/ thugs phyag mtshan dgod pa gsum gyi dam par gyur pa thugs kyi dkyil 'khor bri bar bstan te/ 'jig rten dkyil 'khor bris nas kyang zhes gsungs pa yin no/ /brnyan ma'i dkyil 'khor so so'i bzhugs gnas su so so phyag mtshan bri ba'i phyir/ so so'i rang rtags phyag mtshan rnams/ /ji bzhin gnas su dgod pa ru/ /zhugs pa la sogs byas pa na/ /yon tan de dang 'dra ba thog ces gsungs so/ /de nas dkyil 'khor gsum du nges pa med par bstan pa'i phyir/ sku dang gsung thugs kyi rnams zhes pa la sogs te/ sku'i dkyil 'khor la yang gsum/ gsung gi dkyil 'khor la yang gsum/ thugs kyi dkyil 'khor la yang gsum ste de'i phyir/ gcig la yang gsum gsum yod pa yin zhes gsungs so/ /gsum po re re yang gsum du 'gyur te/ de bas na rnal 'byor pa blo dang ldan pas ni dkyil 'khor la nges pa med par shes par bya'o/ /zhes ston pas gsungs so/ /sku gsung thugs kyi gzugs kyi dkyil 'khor bstan pas na gzugs kyi dkyil 'khor gyi le'u'o/ /bdud rtsi thigs pa zhes bya ba rgya cher 'grel pa las/ kun rdzob kyi bden pa 'ba' zhig gi bshad pa'i le'u ste/ gsum pa'o// //de ltar gzugs kyi dkyil 'khor bstan kyang ting nge 'dzin gyi dkyil 'khor ma shes na/ rtag pa'i mdza' la gnas pa de gsal ba'i phyir/ de nas zhes pa la sogs pa gsungs te/ gzugs kyi le'u bshad pa de ma thag pa de nas ting nge 'dzin gyi dkyil 'khor bshad de gsungs pa ste/ de'i phyir/ de nas rgyal ba rdo rje 'dzin zhes bya ba ni/ ston pa'i ngo bo nyid de yang dag pa'i don dang gnyis mi 'bral bas rdo rje 'dzin zhes brjod do/ /thams cad mi 'gyur nam mkha' che zhes bya ba ni/ ston pa'i ngo bo nyid de/ phyi nang du snang ba'i chos thams cad sku gsung thugs kyi dkyil 'khor de yang don dam par yod pa ma yin te/ de snang la rang bzhin med pa'o/ /rang bzhin med pa de dus gsum du 'gyur pa med do/ brjod pa dang bral ba nam mkha' bzhin de ltar gsum gyi dkyil 'khor gsum du gsungs pa dang don dam par rang bzhin med par bstan pa ni/ gsung rnam par dag ste de'i phyir rnam dag gsung mchog rgyal po des/ gsung ni 'di skad bka' stsal to/ /mgo nas 'byung ba 'di skad bka' stsal to/ de yang ting nge 'dzin gyi ma zin na ji ltar byas pa de thams cad skyon du 'gyur ba de bstan pa'i phyir/ rdo rje thig ni btab pa dang/ zhes pa la sogs pa gsungs te/ rdo rje thig ni btab pa dang zhes bya ba ni/ dang pos rtag pa dang mjug thig gdab pa'i bar du ji ltar byas pa'i las so/ /tshon rtsi dag ni dgye ba'i? bsnyan ma'i dkyil 'khor te zhes bya ba ni tshon dgye ba'i las dang phyag mtshan dang yig 'bru dang/ sku la sogs pa dgod pa'i brnyan ma'i dkyil 'khor de/ rnal 'byor pa yang dag pa'i don la sems mi bya'o byas na skyon ci yod ce na/ yod de bsnyan ma'i dkyil 'khor byas na dngos po? la? mngon par zhen pa'i skyon yod pas gnyis su med pa'i dngos grub rnyed par dka' ba'i phyir/ byas na dngos grub rnyed par dka' zhes gsungs pa yin no/ /de nas ting nge 'dzin gtso blang ba'i phyir/ de bas ting nge 'dzin nan tan bsgom zhes gsungs so/ /de nas so so'i ting nge 'dzin bsgom pa bstan pa'i phyir/ nam mkha' dbyings kyi dbus gnas par zhes pa la sogs pa ste/ nam mkha' dbyings kyi dbus gnas par zhes bya ba ni/ nam mkha' i dbyings kyi dbus dbyings te/ yi ge e las grub pa'i chos 'byung ba'i gnas te/ de'i dbus su bsgom par bya'o/ /ci bsgom zhe na dbang chen dkyil 'khor bsgom par bya zhes gsungs te/ chos 'byung ba'i nang du rlung gi dkyil 'khor e las grub pa dang/ me'i dkyil 'khor yi ge ram las grub pa dang/ chu'i dkyil 'khor yi ge baM las grub pa dang/ sa'i dkyil 'khor yi ge sum las grub pa dang/ rin po che'i ri rab yi ge laM las grub pa de rnams bsgom par bya'o/ /gzhal yas khang me 'bar ba bsgoms zhes bya ba ni/ dpag cing gzhal ba las 'das pas gzhal yas te/ yi ge bruM las grub pa'i gzhal yas khang/ rta babs la sogs pa rgyan rnam pa sna tshogs pas 'khrigs shing gzhal yas de'i phyi rol na hUM las grub pa'i rdo rje gur la me 'od 'bar ba ste/ des 'khrigs pa'o/ /'khor lo'i rgyan dang rol mo'i tshogs zhes bya ba ni chos kyi 'khor los brgyan pa dang/ gang du brgyan zhe na rta babs kyi steng du brgyan pa'o/ /rol mo ni 'dod pa'i lha mo ste/ gzugs kyi lha mo gar mkhan ma la sogs pas brgyan pa'o/ /gang du brgyan na rmad gi phyag la brgyan no/ /de ni rang sngags bdag po bsgom zhes bya ba ni/ gzhal yas khang gang na dang bcas pa der ni rang gi sngags kyi bdag mo'i 'khor dang bcas pa bsgom mo/ /'dir ji ltar gsungs pa bzhin du 'og ma rnams la yang sbyar bar bya ste/ spyi'i tshig de kun la khyab pa'o/ /de nas rdo rje 'dzin pa'i ting nge 'dzin bstan pa'i phyir/ nam mkha' dbyings kyi dbus ni rdo rje dkyil 'khor bsgom par bya zhes bya ba ni/ chos 'byung ba'i phyag rgya de ni nam mkha' ste de'i dbus su gzhal yas khang bsgom pa de/ de'i nang du rdo rje dkyil 'khor bsgom par bya'o/ /rang sngags rdo rje can gyi gzugs zhes bya ba ni rang gi kun gzhi rnam par shes pa rdo rje 'dzin pa'i sku bsgoms na/ 'phags pa'i gnas thob pa'i dus su gnyis su med pa'i rdo rje can du 'gyur ro zhes ston pas gsungs so/ /de nas 'khor lo can gyi ting nge 'dzin bstan pa'i phyir/ /nam mkha' dbyings kyi dbus su ni zhes bya ba la sogs pa gsungs te/ bsgoms na 'khor lo can du 'gyur zhes pas ston to/ /de nas rin po che'i ting nge 'dzin bstan pa'i phyir rin chen dkyil 'khor bsgoms par bya zhes pa dang/ rin chen mdzes pas bstan to/ /padmo'i ting nge 'dzin bstan pa'i phyir padmo zhes pa nas padmo can du 'gyur zhes pas bstan to/ /las kyi ting nge 'dzin bstan pa'i phyir las kyi zhes pa nas/ /las kyi sems par 'gyur zhes pas bstan to/ /de nas phyi'i dkyil 'khor du ting nge 'dzin bstan pa'i phyir/ sangs rgyas kun gyi zhes pa nas sangs rgyas kun dang mnyam par 'gyur zhes pas bstan te/ ye shes drug pa'i ngo bo nyid do/ /de nas ting nge 'dzin de bsgom par bya ba'i gnas bstan pa'i phyir/ rab tu dben pa'i gnas dag gam zhes pa la sogs pa bstan te/ rab tu dben pa'i gnas ni dur khrod de la ma mo'i dben pa dang/ ri bo ni sbrul gdug pa yod pas dben pa dang/ chu gling gi chu srin gyis dben pa dang/ nags 'dab ni stag dang dom gyis 'jigs pas mi 'ong bas de lta bu'i gnas su ting nge 'dzin bsgoms na ni/ rnal 'byor pa nyid ji ltar 'dod pa'i dngos grub thob par 'gyur ro/ de ci tsam du bsgoms na thob pa'i tshad bstan pa'i phyir/ rnal 'byor can gyi zla drug tu/ bsgoms na dngos grub thob par 'gyur zhes pas bstan te/ yang dag pa'i ting nge 'dzin dang/ 'byor pa'i rnal 'byor pas zla ba drug tu bsgoms na nges par ji ltar 'dod pa 'grub par 'gyur ro// de nas rnal 'byor la gnas pa'i dus su/ nang gi sbyin sreg bya ba bstan pa'i phyir/ glang po'i sha la sogs pa'i zhes bya ba la sogs pas bstan te/ a las band+ha dkar po sgo nga gcas pa 'dra ba zhig bskyed do/ /de'i 'og du raM las me'i dkyil 'khor gru gsum pa zhig bskyed do/ /de'i 'og tu yaM las rlung gi dkyil 'khor gzhu dbyibs 'dra ba sngon po ba dan bzhis mtshan pa zhig bskyed do/ /de nas ban d+ha'i nang du glang po'i sha dang rta sha dang nam mkha' lding gi sha dang khyi'i sha dang bya'i sha ste lnga bsam mo/ /de'i steng du dri chen dang dri chu dang/ pad+ma rak+ta dang/ mangs dang/ byang chub kyi sems dang lnga bsam par bya'o/ /de'i steng du a las zla ba'i dkyil 'khor lnga bsam par bya'o/ /de'i steng du aoM aM dang hUM swa dang ha rnams so/ /sa'i phyogs su bsam par bya'o/ /ban d+ha de'i nam mkha' las zla ba'i dkyil 'khor de'i steng du hUM las rdo rje rdo rje'i bum pa'i nang du yang hUM ngo/ yig 'bru lnga po de las 'od zer 'phros pas/ dus gsum gyi bde bar gshegs pa thams cad kyi sku dang gsung dang thugs la phog pas/ thugs dam gyi rgyud bskul te/ slar yig 'bru la thim pas/ yi ge dang bdud rtsi lnga rnams yongs su gyur pa las/ rigs lnga'i sku mdog dang phyag mtshan du rgyan rnams shin tu gsal bar blta'o/ /sha lnga las ni glang po che'i sha glang po che gdan la sogs pa'i gdan lngar gyur ta/ glang po che'i sha las ni glang po che'i gdan du 'gyur ro/ /rta sha las ni rta'i gdan nyid du 'gyur ro/ /bya sha las ni rma bya'i gdan du 'gyur ro/ /nam mkha' lding gi sha las ni shang shang gi gdan du 'gyur ro/ /khyi sha las ni seng ge'i gdan du 'gyur ro/ /de nas rdo rje bum pa'i nang na gnas pa'i hUM las 'od zer 'phros pas/ bde bar gshegs pa thams cad rigs lnga'i mtshan nyid du mdzad de/ de spyan drangs nas bstim nas de la mchod pa rnam pa lnga dbul bar bya'o/ /de'i rjes la so so rang rang gi thugs ka nas 'od zer lcags kyu 'phros pas/ de dus gsum gyi sangs rgyas thams cad kyi bdud rtsi'i ngo bor spyan drangs te/ rigs lnga la thim pas rigs lnga gdan dang bcas par bdud rtsi'i ngo bor zhu bar gyur to/ /de'i skabs nyid du rdo rje'i hUM las 'od zer gong ma bzhin du 'phros pas bdud rtsi yang dgug ste bstim pa'i rjes la/ hUM gi 'od zer gyis rlung gi dkyil 'khor bskyed do/ /des me'i dkyil 'khor sbar/ mes ban d+ha bskol te gcig gis gcig bskyod pas/ rdo rje yang lhung ste bdud rtsi'i ngo bor 'gyur te/ band+ha dang rdo rje gnyis thabs dang shes rab bo/ de las bdud rtsi dkar lhung lhung gnas pa de las yi ge gsum gyis byin gyis brlabs te/ aoM Agyis band+ha'i kha bcad pa'o/ /de ni bdud rtsi byin gyis brlabs pa'o/ /de nas bza' ba'i ting nge 'dzin bstan te/ bdag nyid kyi ye shes sems dpa' i thugs kar dkyil 'khor 'khor lo skad cig ma'i ting nge 'dzin gyis bskyed la/ /bdag nyid kyi lce la hUM las rdo rje'i bum pa'i nad na hUM gnas pa de'i 'od zer gyis drangs nas bza' bar bsam/ las kyi rdo rje byin la bza' ba dang/ gnyis su shes par bya'o/ /de ltar rnal 'byor pas bza' bar bstan pa'i phyir/ sha lnga dag la byin gyis brlab/ /zas phyir 'di dag bza' bar bya ste/ kha zas gzhan la chags mi bya zhes pa la sogs pa gsungs te/ bdud rtsi'i zas bza' ba las ma rtogs par zas phal pa la chags par bya ba ni ma yin no/ bdud rtsi des bdag nyid kyi thugs ka'i 'khor lo chim par bsam pa ni/ nang gi sbyin sreg bya zhes bya ba ste/ za ba'i ting nge 'dzin to// de nas yang sku gsung thugs kyi dkyil 'khor bsgom par bstan te/ de yang sngon la sku'i dkyil 'khor bsgom par bstan pa'i phyir/ nam mkha' dbyings kyi dbus gnas par/ /rang sngags sku ni rnam pa kun/ /ji ltar bsgoms na 'grub par 'gyur/ /zhes pa la sogs pa gsungs te/ chos 'byung ba'i dbus su gong gi rim pa ji bzhin pa'i gnas su sku'i dkyil 'khor bsgoms na/ 'phags pa'i gnas su gyur pa'i dus na mtshan dang dpe byad du ldan par 'gyur te/ yongs su rdzogs pa'i ting nge 'dzin to/ /de nas gsung gi ting nge 'dzin bsgom pa bstan te/ de'i phyir nam mkha' dbyings kyi dbus gnas par/ /rang sngags yi ge'i rnam pa kun/ /ji bzhin bsgrubs na 'grub par 'gyur/ /zhes pa ni/ 'phags pa'i dus na gsung 'gag pa med pa'i ting nge 'dzin la mnga' brnyes pa ste/ chos kyi phyag rgya dang ldan pa'o/ /de nas yang thugs kyi dkyil 'khor bstan pa'i phyir/ nam mkha' dbyings kyi zhes pa nas 'grub 'gyur 'di la the tshom med ces pas bstan te/ las dang po pas ting nge 'dzin goms pas lan cig 'phags pa'i sku thob pa'i dus na thugs spros pa med pa'i ting nge 'dzin ni la dbang sgyur ro/ /de nas ting nge 'dzin bsgoms la snyan la sogs pa'i rdzas dang/ yo byad la sogs pa med kyang 'gal ba med cing bsgrub par bstan pa'i phyir/ rtse gcig pa'i ting nge 'dzin zhes pa ni gong du gsungs pa'i ting nge 'dzin la gzhan du mi g.yo bas rtse gcig pa ste/ de la gnas shing bsgom na/ gang 'dod pa las byed pas na de la ni cho ga ste bskyed pa'i rim pa dang/ rdzas dang yo byad rnams tshogs na yang ni gtso bor bshad de/ ting nge 'dzin dang ldan na nges par 'grub pa ste/ de bas ting nge 'dzin la nan tan cher bskyed de/ yang nas yang du ting nge 'dzin gyi dkyil 'khor bsgom par bya ba'o/ /de nas yang ting nge 'dzin gyi sems 'dul ba'i thabs dpe bstan pa'i phyir/ dper na glang chen smyon pa dag /gdul thabs lcags kyus 'dul ba ltar zhes bya bas bstan te/ dper na glang po che smyon pa dag 'dul ba'i dus na/ skyes bu rtsal po ches lcags kyus dpral ba nas bzung nas 'dul ba ltar/ byang chub kyi sems kyang 'dul bar bstan pa'i phyir/ rang sems dmu dgod 'dul dka' yang zhes bya ba la sogs pa gsungs te/ /rang sems dmu dgod 'dul dka' yang zhes bya ba ni/ rang gi sems ni rlung la zhon nas kun nas 'gro ste shin tu 'dul bar dka' ba'o/ /'on te gang gis thub par 'gyur zhe na/ mnyam gzhag ting 'dzin rtse gcig gis/ /btul nas dngos grub ya mtshan 'gyur zhes bya bar bstan/ dang por rang gi sems dbugs kyi rta la zhon nas mi thub par yul phyin pa'i dus su/ rten gyi rigs thams cad gzhal yas khang gi rang bzhin du bstan/ rten gyi rigs thams cad lha'i skur bstan te/ des sems brtas par bya ba'i las te/ kun rdzob kyi bden pa'o/ /sems de bskyed pa'i rim pa la bstan par gyur tsam na/ rdzogs pa'i rim pa la gnas par bya ste/ lta ba'i dngos po thams cad kyang snang la rang bzhin med de/ byang chub kyi sems 'ba' zhig tu 'gyur ro// byang chub kyi sems 'ba' zhig du gyur tsam na sems 'phro bar gyur pa'i bya ba'i yul med de/ mnyam pa nyid du 'gyur ro/ /de'i phyir mnyam gzhag ting 'dzin rtse gcig gi zhes bya ba yin te/ de'i dang la gnas shing gnas pa'i dus na/ gnyis su med pa'i ye shes thob par 'gyur te/ de la ni btul nas dngos grub ya mtshan du 'gyur zhes gsungs pa yin no/ /de nas mtshan ma la sogs pa bsgoms na gnyis su med pa'i ye shes mi 'byung ngam zhe na/ mi 'byung bar bstan pa'i phyir/ mtshan ma dag gi gzugs brnyan dang zhes pa la sogs pas bstan te/ mtshan ma dag gi gzugs brnyan dang zhes bya ba ni/ mtshan ma'i gzugs brnyan lha'i sku ru bsgoms pa dang/ gsung gi mtshan ma yig 'bru bsgom pa dang/ thugs kyi mtshan ma phyag mtshan du bsgoms pa la sogs pa byas kyang gnyis su med pa'i ye shes mi 'byung ste/ rtag pa'i skyon gyis bcings pa'i phyir ro/ /der ma zad de lugs ma la sogs pa phyag rgya la sogs pas kyang gnyis su med pa'i ye shes mi skye ste/ de'i phyir mtshan ma'i ting nge 'dzin bsgom byas nas kyang/ rang gi rnal 'byor mi 'byung ste zhes gsungs pa yin no/ /'o na rnal 'byor gang las byung zhe na/ de bstan pa'i phyir/ byang chub sems la gzhol ba'i mis zhes pa la sogs pas gsungs te/ byang chub kyi sems la yang gnyis las don dam pa'i byang chub kyi sems dang/ kun rdzob byang chub kyi sems kyi don dam pa byang chub kyi sems mtshon pa yin te/ byang chub kyi sems bde ba chen po'i gnas nas drangs pa'i dus na/ nor bu'i nang du rin po che'i gnas su bzung ba dang/ ye shes bskyed de de la ni/ /rang gi rnal 'byor lngar 'gyur ro zhes gsungs te/ bde ba chen po'i lha zhes bya'o/ /ye shes la ni khu ba dang lhan cig skyes pa'i ye shes zhes bya'o/ /de'i ngang las yang nas yang du 'dris pa dang/ dus nam zhig na rang bzhin lhan cig skyes ba'i ye shes rtogs par 'gyur te/ de'i phyir de bas nan tan rtse gcig gis/ /mtshan ma med la brtson bar 'bad ces gsungs so/ zhes pas bstan te don dam pa'i bden pa'o/ /ting nge 'dzin gyi dkyil 'khor dngos su ston pa'i le'u ni ting nge 'dzin gyi dkyil 'khor gyi le'u'o/ /bdud rtsi thigs pa rgya cher bshad ba las/ bden pa gnyis kyi bshad pa'i le'u ste/ bzhi pa'o// //de ltar gzugs brnyan gyi dkyil 'khor dang ting nge 'dzin gyi dkyil 'khor bstan kyang/ sngags dang phyag rgya ma gsungs na/ /sems can gyi don mi 'grub pa'i phyir/ de nas zhes pa la sogs pa bstan te/ bcom ldan 'das gsang ba mchog gi bdag po la sdud pa pos sngags dang phyag rgya'i don zhus pa bstan pa'i phyir/ de nas yang bcom ldan 'das gsang ba mchog gi bdag po la rdo rje yid kun tu bzang po la gsol ba zhes pa ni bshad par bya ba'i tshig phrang ngo ci zhig gsol zhe na 'og nas 'byung ba'i tshig 'di rnams so/ /bcom ldan sangs rgyas thams cad kyi sngags dang phyag rgya rnams kyi mtshan nyid sems can thams cad la sman pa'i slad du bshad du gsol zhes pas zhus pa'i tshig ste/ /bcom ldan 'das zhes pos nas/ sangs rgyas thams cad kyi sngags bzlas pas ci ltar 'gyur/ phyag rgya bcas pas ji ltar 'gyur/ sngags dang phyag rgya'i mtshan nyid de phyi rabs kyi rnal 'byor pa dang sems can rnams la sman pa 'di slad du bcos nas bcom ldan 'das kyis bshad du gsol zhes sdud pa pos zhus pa'i tshig go / de zhus pa'i tshig de la lan blan pa'i phyir/ de nas bcom ldan 'das gsang ba mchog gi bdag pos sngags dang phyag rgya 'di dag bshad do/ /zhes pa la sogs pas bstan te/ bcom ldan 'das kyis bshad do zhes pa'i tshig gi phrad do/ /sems pa chen po nyon cig ces bya ba ni bod pa'i tshig ste/ sems pa chen po zhes sdud pa po la bos nas/ sngags dang phyag rgya'i don 'di bshad kyis lus ngag yid gsum gyi sgo nas tshur nyon cig ces pa'o/ /da nas sngags dang phyag rgya'i don bstan pa'i phyir/ 'di ni sangs rgyas thams cad kyi zhes pa la sogs pa gsung te/ 'di ni sangs rgyas thams cad kyi zhes 'byung ba 'og nas 'byung ba'i sngags 'di ni sangs rgyas thams cad kyi dkyil 'khor gang yin pa bsgom zhing sems brtas par byas te sngags 'di zlas nas phyag rgya bcas na ji ltar yang 'grub par 'gyur te/ de'i phyir las gang bsgrub pa'i snying po yin zhes gsungs so/ /'di la gang zhig dang mos pa/ /snang mdzad sems pa nyid 'drar 'gyur zhes bya ba ni sngags dang phyag rgya 'di la mos pa'i gang zag des dang po lha'i rnal 'byor la sems bstan par byas la/ de nas bdag nyid kyi snying kha nas pad+ma 'dab ma brgyad ba'i steng na zla ba'i dkyil 'khor/ de'i steng na nyi ma'i dkyil 'khor de gnyis kyi bar na 'khor lo'i lta ba'i nang na zla ba'i dkyil 'khor de'i dbus na aoM gnas te lhag ma yi ge rnams kyis langs ba'i thabs su g.yas nas bskor bar gnas te/ de nas dbugs 'byung ba'i dus na rtsa g.yas nas zhugs te/ sna bug g.yas nas byung nas ji tsam du dbugs byung ba'i yi ge'i phreng ba de lta bu'o/ nang du dbugs 'jug pa'i dus na yang sna bug g.yon nas 'jug ste/ rtsa g.yon pa'i gnas nas yang bzhi po la thim ste ci srid nang na gnas pa'i bar du gzung bar bya'o/ /de ltar byas shing yang nas yang du goms pa dang/ 'jug ji srid 'dod pa bzhin du 'grub ste/ bde bar gshegs pa mchod par 'dod pa'i dus na bde bar gshegs pa la dmigs nas phyag rgya bcas sngags bzlas bas sngags dang phyag rgya las mchod pa'i lha mo mang po 'thon nas mnyes pa dbul bar 'gyur ro/ / sems can gyi don byed par 'dod na gang yin pa'i sems can de la phyag rgya gtang nas sngags bzlas pas bla na med pa'i ye shes kyi sa thob par 'gyur ro/ /sngags dang phyag rgya de las rnam pa gnyis gnyis su grub pa'i phyir/ aoM bud d+ha bai ro tsa na aoM zhes pa nas byang chub mchog tu gdon mi za'i zhes pa'i bar gyis bstan te/ bdag nyid kyis 'bras bu ji lta bu thob pa'i ting nge 'dzin gyi le'u las bstan te/ 'dir ma bkod do/ /las gnyis ni 'phags pa mchod pa'i las dang/ sems can gyi don bya ba gnyis las/ mnyes shing mnyes pa zhes pas 'phags pa mchod pa'i las so/ /byang chub mchog tu gdon mi za'o/ /zhes pas sems can gyi don no/ ji ltar 'dir rgyas par bstan pa bzhin du 'og ma rnams la yang shes par bya'o/ /phyag rgya'i mtshan nyid ni dkyus nyid gsal lo/ /de nas yang rdo rje 'dzin pa'i sngags dang phyag rgya bstan pa'i phyir/ gzhan yang rdo rje 'dzin nyid kyi zhes pa nas rdo rje mi 'khrugs phyag rgyar bshad ces pas bstan te/ bsgom pa'i rim pa ni gong du gsal bar bstan te/ dbus kyi snying po ni hUM de so so'i snying po dang phyag mtshan nyid do/ /las nyid bstan pa'i phyir ro/ /sngags dang phyag rgya 'di yis ni/ /sangs rgyas grags pa chen po yang zhes pa la sogs pa bstan te/ grub pa'i dus na phyag rgya gtad sngags bzlas pas/ dus gsum gyi sangs rgyas kyang bskrag cing 'dar bar gyur na/ bdud rnams lta smos kyang ci dgos zhes pa'o/ /de nas rin chen 'dzin pa'i sngags dang phyag rgya bstan pa'i phyir/ gzhan yang rin chen 'dzin pa'i zhes pa nas/ rin chen 'dzin pa'i phyag rgya yin zhes pas bstan te go sla'o/ /las gnyis pa bstan pa'i phyir/ sngags dang phyag rgya 'di yis ni/ bde ba mchog rnams sbyin par byed ces pa ste/ gong du gsungs pa'i sngags dang phyag rgya 'dis grub pa'i dus na/ phyag rgya gtang sngags bzlas pas 'chi ba'i dus las bzlog pa ste/ shin tu bde ba'i mchog rtsa rgyas par byed pa'i phyir/ gang dga' ba yang rab 'gengs na zhes gsungs pa yin te/ tshe zad pa yang 'gengs na bgegs las phyung ba smos ci dgos zhes so/ /de nas yang chos kyi sems dpa' i sngags dang phyag rgya bstan pa'i phyir/ gzhan yang chos kyi sems dpa' i zhes pa nas pad ma sems dpa' i phyag rgya bstan pa yin zhes pa'i bar gyis bstan te/ dkyus nyid gsal lo/ /las nyid bstan pa'i phyir sngags dang phyag rgya 'di yis ni zhes pa la sogs pa gsungs te/ gong du gsungs pa'i phyag rgya 'di yis ni/ dus gsum gyi sangs rgyas grags pa chen po'i kun kyang phyag rgya gtang sngags bzlas pas dbang du gyur par gdon mi za bar khams gsum gyi skye bo smos kyang ci dgos te/ mi dgos so zhes pa'i tha tshig go /de nas yang las kyi sems dpa' i sngags dang phyag rgya bshad pa'i phyir/ gzhan yang las kyi sems dpa' i zhes pa nas las kyi yin zhes pa'i bar gyis bstan te/ go sla'o/ /las gnyis bstan pa'i phyir/ sngags dang phyag rgya 'di yis ni/ /las rnams thams cad byed par 'gyur zhes pas bstan te/ sngags 'grub pa'i dus na phyag rgya dang sngags bzlas pas 'phags pa mchod pa dang sems can gyi don ji ltar 'dod bzhin du 'grub ste/ grub pa thob pa'i dus su'o/ /de nas yang yum rnams kyi sngags dang phyag rgya bstan te/ de yang sngon la dbyings phyug ma'i sngags dang phyag rgya bstan pa'i phyir/ de nas gzhan yang bshad bya ba zhes pa la sogs pa bstan te/ thebs las ni gzhan pa shes rab ma'i bshad pa'o/ /dbyings phyug ma'i sngags 'di yin zhes bya ba ni dbyings phyug ma'i gsang ba'i sngags ni 'og nas 'byung ba 'di yin te/ de yang thabs la ji skad gsungs pa bzhin 'dir yang ngo/ /aoM bud+d+ha lo tsa na aoM zhes bya ba'i sngags gang yin pa dang/ sbyar bar bya'o/ phyag rgya ni go sla ste ma bkrol lo/ /de nas mchod par bya ba dang/ sems can gso bar bya ba ni/ rdo rje dbyings phyug ma'i sngags dang phyag rgya bstan te/ sems can thams cad bsrung bar bya ba ni/ ma ma gi'i sngags dang phyag rgya bstan to/ /de nas yang chos kyi gsung rnam par dag pa sems can gyis thob par bya ba pad+ma dbyings phyug ma'i sngags dang phyag rgya bstan to/ /de nas yang sangs rgyas dang sems can gnyis dbang du bya ba de bstan pa'i phyir/ las kyi dbyings phyug ma'i sngags dang phyag rgya bstan to/ /de nas yang sku gsung thugs kyi phyag rgya bstan te/ de yang sngon la sku'i phyag rgya bstan te/ sems can gang la byin gyis brlabs pa do sku'i gnas su yi ge aoM/ dkar po la rnam par snang mdzad kyi sku yongs su rdzogs par bskyed nas byin gyis brlabs te/ sku'i sngags dang phyag rgya byin gyis brlabs pa'o/ /de nas yang gsung byin gyis brlab pa ni/ gsung gi gnas rta mgrin gyi 'khor lo'i dbus yi ge aoM dmar po las/ snang ba mdza' yas kyi skur byin gyis brlabs pa ste/ gsung gi sngags dang phyag rgyas bstan to/ /de nas yang thugs kyi byin gyis brlabs pa bstan te/ de yang thugs kyi gnas snying ga'i rtsa gsum gyi g.yas pa'i nang du yi ge hUM las mi bskyod pa'i skur bskyed la byin gyis brlabs te/ thugs kyi yang sngags dang phyag rgyas bstan to/ de nas yang sngags dang phyag rgya brjod pa las 'das pa bstan te/ de'i phyir de la sogs te mdza' yas mchog ces pa la sogs pa gsungs te/ gong du gsungs pa'i sngags dang phyag rgya de la sogs pa bgrang ba las bsam yas pa gang gis kyang 'grang zhing dpag pa las 'das pa las ni mchog ste/ de ni chos dbyings mnyam dang mi mnyam zhes brjod pa ni/ 'di ni chos kyi dbyings dang mnyam pa yin la/ 'di ni mi mnyam pa yin zhes brjod par bya ba dang bral te/ de'i phyir nam mkha' dbyings kyi mdza' klas pa zhes gsungs pa yin te/ nam mkha' ni dpag pa las 'das pa yin te/ de'i dbyings ni chos kyi dbyings rnam par dag pa yin pas/ brjod med brjod du med pa'i zhes gsungs te/ nam mkha' i dbyings ni brjod med de las 'das te/ shes pa dang brjod pa las 'das pa ni brjod du med pa ste/ de'i yon tan mdza' klas pa bsam gyis mi khyab pa 'byung zhes ston pas gsungs so/ /sngags dang phyag rgya spro ba ston pa la/ sngags dang phyag rgya spros pa'i le'u'o/ /bdud rtsi thigs pa las zhes bya ba rgya cher bshad pa las bden pa gnyis bshad pa'i le'u lnga pa'o/ / //de nas yang rigs lnga'i dkyil 'khor dang/ sku gsung thugs kyi dkyil 'khor rnams ni ston pas gsungs pa yin la/ de las gzhan ni ma gsungs so/ /snyam pa'i blo 'khor rnams la skye ste de gsal ba'i phyir/ de nas zhes pa la sogs pa bstan te/ sngags dang phyag rgya bstan pa'i de ma thag pa de nas sdud pa po rdo rje yid kun tu bzang pos ston pa bcom ldan 'das gsang ba mchog gi bdag po la 'og nas 'byung la 'di skad bshad do/ /e ma'o rnam dag stong pa'i lam zhes pa la sogs pa gsungs te/ e ma'o rnam dag stong pa'i lam zhes pa ni/ e ma'o ni ngo mtshar ba'i tshig ste/ gang la ngo mtshar rang gi lus la stong pa'i lam yod ba ngo mtshar ba'o/ /rnam dag ni ye nas ma bcos pa stong pa'i lam 'di ni rang la rang chas su yod pa 'di lta bu'o zhes pa'i stong ba'i lam ni byang chub kyi sems kyi lam ste/ de yang ji ltar yin zhe na 'khor lo rnam pa bzhi ste/ sprul pa'i 'khor lo'i 'dab ma drug cu rtsa bzhi ba dang/ chos kyi 'khor lo 'dab ma brgyad pa dang/ longs spyod kyi 'khor lo 'dab ma bcu drug pa dang/ bde ba chen po'i 'khor lo 'dab ma sum bcu rtsa gnyis pa'o/ /'on te de rnams gang na gnas she na/ dpal rdo rje rtse mo'i rgyud las kyang kun rdzob brjod pa ma yin te/ lte ba mdza' zad shes rab la/ /thabs ni ze 'bru'i rtser zhes bya/ /rtsa bar 'dab ma drug cu bzhi/ /ma skyes pa yi snying po can/ /so dbus chos su bstan pa ste/ /kun 'byung lam chen brgyad yod pa/ /sngon la brgyad cha gnyis yod pa/ /rtsa bzhi nang gi ma mo bzhi/ /phyogs bzhi rtsa bzhi thabs bzhi ste/ /bcud ni phung po 'byung bar bshad/ /rtag par chos su 'di bstan te/ /snying po'am chos kyi sku zhes bya/ /de nyid ye shes snying po yin/ /'di yi 'khor lo nam mkha' i khams/ /thams cad kun la khyab chen po/ /de gnyis steng du longs spyod de/ /sngon las brgyad cha gnyis yod pa/ /'byung bzhi bar yang stong ba'o/ /ye shes lnga yi snying po can/ /chags pa rtag tu rang 'chad bas/ /log lta rtag tu sgral bar dka' / /'byung 'jug sgo gsum thar bar 'gyur/ /bde chen mtshan ldan pad+ma mdzes/ /rtag par gzhol med yi ge hUM/ /rang bzhin chos skur mang zhes bya/ /ting 'dzin goms pa'i ye shes kyis sa gnas kun tu bde ba che/ /bde chen mgo bor gnas phyir ro/ /dkyil 'khor yan lag bcas sprul sku/ /de gnyis bde ba bsdu byas te/ /g.yas dang g.yon dang dbus dang gsum/ /rim gyis stong par 'jug pa ste/ /ye shes skye ba nges pa med/ /sems nyid bde la gang gnas pa/ /goms pas 'od kyang mi dmigs shing/ /skra'i rtse mo brgyar bshags bya/ /mthar ni dmigs par mi 'gyur te/ /bde ba yid kyis mi bya zhing/ /mdza' rnams ci la 'ang mi gnas te/ 'gro don 'dod pa'i sku gnyis kyang/ /sgra yi tshul las thogs pa med/ /rang bzhin dang ba'i ye shes ni/ /snang stong gnyis su ma yin pas/ /rtag tu thig le chen por gsungs/ /stong pa'i lam zhes de la bya'o/ /zhes gsungs so/ /sangs rgyas kun gyi sku'i mchog zhes bya ba ni/ dus gsum sangs rgyas thams cad kyi sku'i mchog ni chos sku ste/ chos sku de la thams cad 'byung ba'i bdag por gyur pa'i phyir/ sna tshogs las byung khyod la 'dud ces bstod pa'o/ /sangs rgyas kun gyi gsung gi mchog ces bya ba ni dus gsum gyi sangs rgyas thams cad kyi gsung rnam par dag pa'i 'byung ba'i don gsal ba'i sgra chen khyod la 'dud ces gsung gi sgo nas bstod pa'o/ /sangs rgyas kun gyi thugs chen po zhes bya ba ni/ dus gsum gyi sangs rgyas thams cad kyi thugs rnam par mi rtog pa'i ye shes kyi mnga' bdag gi gtso bo khyod la phyag 'tshal 'dud ces thugs kyi sgo nas bstong pa'o/ /sangs rgyas ye shes rdo rje can zhes bya ba ni/ dus gsum sangs rgyas thams cad kyi yang dag pa'i ye shes mnga' ba'i rtags su rdo rje 'dzin pa bstod de ston pa'i ngo bor rdo rje 'dzin pa khyod la 'dud ces pas bstod pa'o/ /chos kyi 'khor lo rab bsgyur ba zhes bya ba ni/ ston pa'i thugs yang dag pa'i ye shes kyis phyi dang nang du snang ba thams cad la gsal zhing chos kyi 'khor lo bskor bas de'i phyir sangs rgyas 'khor lo khyod la 'dud ces bstod pa'o/ /nor bu 'dzin pa khyod la 'dud ces bya ba ni/ ston pa'i thugs ye shes kyi sems can gyi dgos 'dod re ba yid bzhin skod bas nor bu 'dzin zhes brjod pa'o/ /de ltar ston pas sems can gyi don mdzad kyang 'khor ba'i skyon gyis ma gos pas de'i phyir padmo 'chang la 'dud ces pa'o/ /de ltar phyi nang gi don gang la yang ma 'gags pas don yongs su grub ste/ sna tshogs las la phyag 'tshal 'dud ces sdud pa pos ston pa la gsol ba btab bo/ /don dam pa'i bden pa'o/ /'khor gyi rtog pa de gsal ba'i phyir/ de nas bcom ldan 'das zhes ba la sogs pa bstan te/ ston pa thugs spros pa med pa'i dbyings su sku gnas sku gsung thugs kyi sprul pa bsam yas par dgye ba'i phyir/ de bzhin nyid la dmigs nas cad mi smra bar bzhugs so/ zhes pa ste/ thugs spros pa med pa'o/ /de ltar ston pas sku gsung thugs kyi sprul pa dgye ba de'i tshe rigs lnga bde bar gshegs pa thams cad dang 'khor rgya mtsho dang bcas pa rnams kyis/ bcom ldan 'das kyis sprul pa dgye pa la 'di ltar gzigs pa'i phyir/ 'dul ba'i thabs ni sna tshogs kyis zhes pa la sogs pa gsungs te/ 'dul ba'i thabs sna tshogs zhes bya ba ni/ 'gro ba rigs drug la sogs pa'i 'dul thabs sna tshogs pas 'dul te de'i phyir/ 'gro rnams sna tshogs 'dul bar 'gyur zhes gsungs pa yin no/ /la las sku'i don mdzad 'gyur zhes pa ni so so'i 'dul skal gyis/ sku yis don mdzad par 'gyur ro/ /'gro rnams kun la sdig spong gzugs zhes bya ba ni/ 'gro ba rigs drug char la don mdzad kyang log pa'i spyod pas don ma mdzad de/ phyin ci ma log cing sdig pa thams cad spangs nas/ yang dag pa'i ye shes dang ldan pa'i sgo nas don mdzad do/ /sprul pas so sor 'dul ba rnams ni zhes pa ni so sor las kyis mthong ba bzhin 'dul lo/ /de yang skus so sor 'dul ba bstan pa'i phyir/ dmyal ba rnams la gshed pos 'dul zhes pa nas/ 'thun byas sku ni sna tshogs 'dul zhes bya bas bstan te go sla'o/ /de nas gsung spros pa med pa'i sgo nas don mdzad pa bstan pa'i phyir/ chos kyi 'khor lo sna tshogs ni zhes pa nas/ de snyed sgra skad tha dad ston zhes pa'i bar gyis bstan te go sla'o/ /de nas yang sku ltam pa la sogs pas 'dul bar bstan pa'i phyir/ la lar lhums su gshegs pa'i tshul zhes pa nas byin brlab cho 'phrul de ltar bstan zhes pa'i bar gyis bstan te go sla'o/ /de nas yang so sor 'dul zhing chos kyi 'khor lo bskor ba'i byin gyis brlabs kyi sems can rnams ji ltar mos par gyur pa bstan pa'i phyir ro/ /de tshe 'gro rnams thams cad dang zhes pa la sogs pas bstan te/ de yang ston pas sku gsung gi cho 'phrul rnam pa'i bye brag gis/ 'gro ba rnams la so sor chos kyi 'khor lo bskor ba de'i tshe/ 'gro ba rigs drug thams cad kyang yang dag pa'i byang chub la dad par 'gyur te/ 'o na ma dad pa gang yin zhe na de bstan pa'i phyir/ las kyi stobs kyis dbang sgyur ba/ /log pa can gyi ru tra rnams/ /log lta'i mthu snyems ma rtogs pa zhes pas bstan te/ sngon gsang ba'i zab mo ni thos yang dag pa'i lta ba ni ma shes pa'i las kyi stobs kyis/ dbang gis tshe 'di nyid la ldog pa la dga' ba yang dag pa'i don la smod pa'i ru tra rnams ni log par lta ba 'jig rten 'dir ni mthu che ba dag gtum tshig du smra ba de ni ma rtogs pa/ tshogs par bstan par 'khor rnams kyis gzigs pas gong gi the tsom skyes pa'i rtogs pa gsal/ lhag pa'i sems can rnams sangs rgyas kyi bstan pa la dad par 'gyur te/ byang chub spyod pa'i sgo ji snyed pa'i sgo nas spyod pas khams gsum gyi sems can de snyed 'bras bu bde la 'god de/ yang dag pa'i sa la gnas par 'gyur ro/ /de ltar so so'i sgos 'dul ba'i cho 'phrul sna tshogs par bstan par 'khor rnams kyis gzigs pas gong gi the tsom skyes pa'i rtog pa bsal te/ gnyis su med pa'i don la sems nas gnas so/ /de nas 'dul ba'i 'khor tshogs rnams kyis sdud pa po la bstan pa'i phyir/ de nas 'khor lo der 'dus pa'i zhes pa la sogs pas bstan te/ ston pa'i cho 'phrul 'khor rnams la bstan zin pa'i de ma thag pa de nas ston pa'i 'khor der 'dus pa rnams sdud pa po yid kun tu bzang pos ston pa la bskul nas cho 'phrul rnam pa sna tshogs pas 'gro ba'i don mdzad pa de la ngo mtshar du gyur te/ sdud pa pos rdo rje yid kun tu bzang po la 'khor rnams kyis 'og nas 'byung ba'i don 'di skad ces gsol te/ e ma'o zhes pa ni ngo mtshar ba'i tshig go /e ma'o rdo rje kun tu bzang zhes bya ba ni/ ston pa'i sprul par gyur cing ston pa nyid sdud pa po yin 'khor rnams kyang rtogs te de'i phyir kun bzang zhes bos pa'o/ /ngo mtshar khyod la phyag 'tshal 'dud ces bya ba ni/ ston pa las tha mi dad par gyur pa ni ngo mtshar te khyod la deng 'khor rnams kyang phyag 'tshal lo zhes so/ /e ma gsang sngags ya mtshan che zhes bya ba ni/ gsang ba'i sngags ni gsang sngags te/ yang dag pa'i ye shes so/ / e ma'o ston pa cho 'phrul che zhes pa ni/ the tshom skye ba bsam pas/ ngo mtshar ba'o/ /e ma'o sngags kyis mi 'dul med ces bya ba ni/ nyon mongs pa lnga'i gnyen por mdzad pa'o/ /'di ni ngo mtshar ya mtshan no/ zhes bya ba ni gong du ston pas mdzad pa 'di ni shin tu ngo mtshar lags so/ /zhes 'khor rnams kyis sdud pa po la gsol ba dang/ de nas sdud pa pos 'khor gyi byang chub sems dpa' de thos pa'i the tshom skyes pa'i rgyu bstan pa'i phyir/ rdo rje yid kyis bka' stsal pa zhes pa la sogs pa gsungs te/ rigs kyi bu khyod tshur nyon cig ces bya ba ni/ 'dus pa'i 'khor tshogs yang dag pa byang chub sems kyi rigs kyi bu rnams nyon cig ces bskul ba'i tshig go /gsang ba'i theg pa 'di nyid la su zhig mos pa'i skyes bu des zhes bya ba ni gsang ba'i theg pa bla na med pa de las rnal 'byor pa gang su yang rung ba zhig mos pas 'jug na rnal 'byor pa des mi bya ba ni gang yang med de/ mi 'grub pa ni gang yang med ces bya ba ni gsang ba'i rdo rje theg pa 'di la zhugs pa'i rnal 'byor pas ni 'og nas 'byung ba'i las 'di rnams bya ba'o/ /de yang ldem po ngag gi sgo nas gsungs te/ don dam pa'i bden pa bstan pa'i phyir/ rtag tu gsod la brtson pa dang zhes bya ba la sems pa bstan to/ /de yang ji ltar zhe na rtag tu gsod la brtson pa dang zhes bya ba ni/ bdag nyid kyi snying la rtsa'i dangs ma brgyad gnas te/ de yang gsum chos kyi rtsa'o/ /gcig ye shes kyi rtsa'o/ /gsum ni rang rgyud kyi rtsa'o/ /gcig ni yon tan gyi rtsa'o/ /de ltar rtsa 'phra mo brgyad yod do/ /chos kyi rtsa la ni/ 'od ser po gcig gnas so/ /dbyibs ci 'dra na zlum po'o/ /tshul ni dngul chu zhun ma la gzhol mar gyi zol song ba dang 'dra'o/ /snying po ni aoM mo/ sa bon su dang tri'o/ /de gsum gyi kha dog ni za 'og gur phug pa 'dra'o/ /ye shes kyi rtsa la ni 'od mthing ga zhig gnas te/ dbyibs ci 'dra zhe na zhags pa 'am sbrul 'khyil ba lta bu'o/ /tshul ni dar skud le brgan la shel sgong brgyus pa lta bu'o/ /snying po ni hUM ngo/ sa bon ni a dang nri'o/ /rang rgyud kyi rtsa la ni 'od dmar po gcig gnas te/ dbyibs ni zla gam dmar po lta bu'o/ /tshul ni sos ka'i chu la mig rgyu ba 'am/ rtsi skya ba'i kha la zil pa chags pa lta bu'o/ /kha dog ni zangs ma'i zhun ma la ra gan gyi zol song ba lta bu'o/ snying po ni a'i sa bon ni pre dang du'o/ /de yang ma rtogs pa'i dus na 'khor ba'i rgyu ste/ a dang ni la sogs pa'o/ /rtogs pa'i dus na ye shes te/ aoM la sogs pa'o/ /de yang ji ltar srog ce na/ 'od ser po la kun bzhi rnam par shes pa gnas pa dang/ 'od mthing ga la yid kyi rnam par shes pa gnas pa dang/ 'od dmar po la nyon mongs pa can gyi yid gnas so/ /dmar nag la sgo nga'i rnam par gnas so/ /de yang lha mi gnyis su skye ba'i kha 'dzin ni yid kyi rnam par shes pas byas nas a dang ni la sogs pa'o/ /lha ma yin dang byol song du skye ba'i kha 'dzin ni kun gzhi rnam par shes pas byas nas sa bon su dang tri gnyis la sog go/ yi dags dang dmyal bar skye ba'i kha 'dzin ni sgo nga'i rnam par shes pa dang/ nyon mongs pa can gyi yid kyis byas nas bre dang du las sog go / de ltar gnas pa 'di 'gro ba rigs drug gi sems can la rang chas su yod pa'o/ /de lta bu'i rtsa 'phra mo brgyad po de yang thag pa khug pa bzhin gnas pa'o/ /de lta bu brgyad 'dom pa'i dbus na rtsa'i dangs ma'i yang dangs ma dar gyi skud pa lta bu la dbyibs ba thag khug pa 'dra ba gcig yod do/ /de'i sbom 'phra ni rta rnga bcu ru gshags pa tsam gyis 'brel dar dkar gyi skud pa lta bu de la/ dbugs kyi dangs ma gser sa 'og na gnas pa'i rlangs pa tsam cig rgyu'o/ /dbugs kyi dangs ma de la kha dog rnam pa sna tshogs pa gnas so/ /de'i dkyil na byang chub kyi sems thig le chen por bzhugs so/ /de'i dpe ji lta bu zhe na/ gser zhun ma'i sbubs kyi nang nor bu rin po che ke ke ru zhes bya ba bcug pa lta bu'o/ /kha dog ni nyi ma shar ba'i dkyil 'dra ba'o/ /de ni chos kyi dbyings so/ /rtsa'i dangs ma'i yang dangs ma dar dkar gyi skud pa lta bu la gdod ma nas phung po rten byed pas na/ 'byung ba'i dangs ma de sa ltar snang ba yum sangs rgyas spyan du gsol ba yod pa'o/ /de'i stong pa chen po'i ye shes te/ khams thams cad dbyings rnam par dag pa'i ngang du gyur pa med pa'i rten byed pa'i/ dar dkar gyi skud pa lta bu de la khrag gi dangs ma mtshal lcog la ma lta bu gnas pa'i gdod ma nas phung po long 'dogs pas 'byung ba'i dangs ma chu ltar snang ba ste/ yum mA ma kI'o/ /de nyid mnyam pa nyid kyi ye shes te/ thams cad bkol ba med pa'i dbyings gcig tu bsdus pas so/ /de nyid la dbugs kyi dangs ma gser sa le sbram sa 'og na gnas pa'i rlangs pa tsam zhig gnas pa'i gdod ma nas phung po yang zhing g.yo ba'i rgyu byed pas 'byung ba rlung du snang ba'o/ /de ni bya ba grub pa'i ye shes te/ bya ba thams cad la g.yo bas na'o/ /byang chub kyi sems de ni thabs dang shes rab snyoms pa yang yod la/ khams gsum par yang yod de/ thig le de la a ni la sogs pa'i yi ge rnams bsdus shing byang chub kyi sems thig le'i ngo bor brtags pas/ sangs rgyas kyi ye shes nam mkha' i rang bzhin lta bu skye zhing 'gro ba rigs drug rgyun gcod pa'o/ /de yang ji ltar gcad ce na thig le byang chub gyi sems las su rung nas/ 'od dang ldang ba'i ngo bor gyur tsam na/ aM gi gong dang 'og na su dang tri gnas pa dang/ hUM gi gong 'og na a dang nri gnas pa dang/ a'i gong 'og na pre du gnyis gnas pa 'od du 'bar te/ thig le la rang bzhin med par thim zhing song bas/ thig le yang rang bzhin med par dar gyi skud pa lta bur rta rnga bcu ru gshags pa tsam la thim nas mtshal cog la ma'i dangs ma tsam du gnas pa ste/ bde ba chen po chags par byed pa yin no/ /de yang 'od du 'bar zhing 'bar bas dbugs kyi dangs ma gser sa 'og na gnas pa'i rlangs pa tsam zhig gnas pa de bde ba chen por g.yo ste 'bar bar byed do/ /de'i 'og tu 'bar bas der drod kyi dangs ma me long nyi ma la bzhag pa'i ngang tsam zhig gnas pa de gdod ma med pa nas phung po smin par byed pa'i rang bzhin 'byung ba me ltar snang ba'i rang bzhin te 'od kha dog lnga pa'o/ /de ni so sor rtog pa'i ye shes te/ thams cad bde ba chen po'i dbyings su rtogs pa'i sgron ma'o/ /'od de'i dkyil na yi ge med pa'i thig le chen po'i byang chub kyi sems bzhugs pa de ni dangs mo? chen po'o/ /de'i gdod ma nas phung po gsal bar byed pa'i rten byed pa'i 'byung ba'i dangs ma de rtsa bug rnams dang/ nam mkha' ltar snang ba'o/ /de ni khyab pa chen po'i ye shes yum kun tu bzang mor gsal ba ste/ thams cad yang dag pa'i dbyings su gsal ba'i go skabs 'byed pa'o/ /de ltar thig le gser zhun ma lta bu ni shes rab ste/ yum thams cad kyi ngo bo'o/ /der rin po che ke ke ru bcug pa dang 'dra ba ni/ thabs kyi rgyal po ste/ kun tu bzang mo la sogs pa yab rnams kyi'o/ /de ni me long lta bu'i ye shes byang chub kyi sems thig le chen po de la me long lta bu'i ye shes te/ lta ba ni mthong ba med pa'i tshul du mthong ba'o/ /de'i yab gang yin pa yum yin la yum gang yin pa yab yin zhing/ 'od gyi gong bu der tha dad pa ma yin par mthong ngo/ /dangs ma chen po'i thig le nyid kyang rang bzhin med par song ste/ ye nas lhun gyis grub pa nam mkha' i gzugs su byung ba de nyid ni thig le chen po byang chub kyi sems zhes bya ba chos nyid kyi sku'o/ /de ltar gyur pa'i ngang la ni 'gro ba rigs drug gi sems can rtsad gcad pa zhes bya'o/ /de la rtag par ting nge 'dzin gnas pa ni/ rtag tu gsod la brtson pa dang zhes gsungs pa'o/ /ma byin len dang mi tshangs spyod ces bya ba ni/ byang chub kyi sems de ni ma byin par yang dag par blang bar bya'o/ /yang dag pa'i don de dus rtag tu spyad par bya ba'o/ /rdzun dang tshig rtsub smra ba dang/ zhes pa ni/ rdzun yang smra bar bya ba ma yin te/ brjod dang bral ba'i don 'di lta bu yin no/ zhes ston pa ni rdzun du smra ba'o/ /ngag rtsub smra ba gang yin te/ rnam par rtog pa'i shes pa med pas ngag rtsub smra ba'o/ /de nas bdud rtsi lnga bza' ba bstan te/ zas su sha dang/ bshang gci dang/ rnag khrag bron mo 'thung ba dang zhes bya ba ni/ sha chen dang bshang ba ste/ dri chen dang gci ba ste/ dri chu dang rnag ste/ byang chub kyi sems khrag ste/ pad+ma rak+ta te bdud rtsi lnga'i ngo bo ru bza' zhing btung ba'o/ /ngan zos ngan spyad thams cad kyis/ / gsang ba 'di nyid 'grub par 'gyur/ zhes bya ba ni/ bdud rtsi lnga ni zos shing spyad pas gsang ba'i don 'di nyid 'grub par 'gyur te/ dam tshig go/ pha dang khu bo mes po dang/ /bu dang spun dang tsha bo rnams/ zhes bya ba ni pha ste 'dod chags dang/ khu bo ste zhe sdang dang/ mes bo ste gti mug dang/ bu ste nga rgyal dang/ spun te phrag dog dang lnga'o/ /tsha bo rnams ni de kun gyi spyi'i mtshan nyid do/ /zhe sdang sems kyis gsang byas na/ /rdo rje rigs kyi zhing du 'khrus/ zhes bya ba ni nyon mongs pa lnga/ spyi'i mtshan nyid dang/ drug po ni me long lta bu'i ye shes la sogs pa lnga stong pa chen po'i ye shes dang drug gi ngang du zhe sdang chen po'i ting nge 'dzin gyis gsad na gnyis su med pa'i ye shes ma bcos pa rdo rje rigs su 'gyur ro/ /don dam pa'i bden pa'o/ /de nas byang chub kyi sems bde ba chen po pho brang nas bskyod pa la rkyen gnyis te/ ting nge 'dzin gyis bskyod pa dang shes rab ma'i rkyen gyis bskyod pa'o/ /de la ting nge 'dzin gyi rkyen gyis bskyod pa'i le'u 'di nyid kyi stod nas gsungs so/ /shes rab ma'i rkyen gyis dbab pa bstan pa'i phyir/ ma dang bu mo sring mo dang gdol pa mo phyal ba la zhes pas bstan te/ ma ni rdo rje rigs ma'o/ /bu mo ni 'khor lo'i rigs ma'o/ sring mo ni rin po che'i rigs ma'o/ /gdol pa mo ste las kyi rigs ma'o/ /phyal ba ste pad+ma'i rigs rnams la byang chub kyi sems rtogs par 'dod pa'i rigs kyis sbyar na 'byung ba bzhi'i rkyen gyis drangs nas/ dga' ba dang mchog tu dga' ba dang/ bral ba'i dga' ba rnams ni nyams su blang bar bya ba ma yin te/ khu ba dang lhan cig skyes pa'i ye shes bya ba rang bzhin dga' ba de nyams su blang bar bya'o/ /de yang gnas gang du nyams su blang zhe na/ rdo rje'i bum pa'i dbus su ste yi ge bzhi'i dbus su'o/ /'o na yi ge bzhi'i dbus su ni bzung la gzhan du mi gzung ba ci ste na yi ge bzhi'i dbus su gzung ste yi ge suM par ma 'das na ni khu ba dang lhan cig skyes pa'i ye shes mi skye la yi ge bzhi la slebs na ni mi zin pa'i skyon yod pas dbus su bzung bar bya ba kho na yin no/ /'o na yi ge bzhi rang gang yin zhe na/ yi ge ni 'di rnams so/ /aoM aM hUM phaT ces pa rnams so/ 'o na yi ge lnga 'dug na bzhi zhes bya ba mi 'gal lam zhe na/ mi 'gal te/ 'byung ba bzhi dang sbyar na/ aoM ni sa'i rang bzhin yin ba dang/ hUM ni me'i rang bzhin yin pa dang/ aM ni chu'i rang bzhin yin pa dang/ phaT ni rlung gi rang bzhin byang chub kyi sems ni nam mkha' i rang bzhin pa'i phyir mi 'gal ba'i phyir ro/ /'o na 'byung ba lnga de ru smos nas ci dgos she na/ dgos pa med pa ma yin te/ rdo rje'i rtse mo'i nang nas kyang/ byang chub sems ni rab za ba/ /bde ba'i gnas nas spyan drangs nas/ /rin po che yi gnas su ni/ /'byung ba gsum gyis gzung bar bya/ zhes gsungs te mi 'gal lo/ /de ltar byang chub kyi sems nyams su len pa'i dus na yang dag pa'i ye shes su 'gyur te/ 'khor ba'i skyon gyis ma gos pas pad+ma'i rigs su nges par skye zhes gsungs pa yin no/ /de lta bu'i don la dgongs te gsungs ba'i tshig de la 'khor byang chub tu sems skye ba rnams bcom ldan 'das 'di lta bu'i tshig ngan pa smra ba snyam nas/ byang chub sems dpa' rnams bskrag ste/ rab tu brgyal nas sa la 'gyel bar 'gyur ro/ /de nas yang 'khor de rnams kyi the tshom bsal ba'i phyir/ de nas yang rdo rje yid kun tu bzang pos/ bcom ldan 'das gsang ba mchog gi bdag po la bltas te/ bcom ldan 'das byang chub sems dpa' 'di rnams sngon gyi 'du shes ngan pa yid la dran nas brgyal nas 'gyel na 'di dag slar gso bar gsol zhes gsol ba btab pa dang/ de bslang ba'i phyir/ bcom ldan 'das kyis byang chub kyi 'od zer gyi zhing 'khyil pas 'khor de dag bstims te/ byang chub kyi sems kyis byin gyis brlabs mdzad do/ /byang chub kyi sems bstims shing byin gyis brlabs pa des/ byang chub sems dpa' rnams slar dran pa rnyed de/ sa las langs nas bcom ldan 'das gsang ba mchog gi bdag po'i zhal du mig mi 'dzum par lta ste 'khod do/ /de nas 'khor gyi the tshom de bsal ba'i phyir/ de nas bka' stsal to zhes bya bar sbyar ro/ /de nas yang lung bsgo ba'i phyir rigs kyi bu rnams rang rang gi 'du byed ngan ba de rnams thong zhig ces gsungs te/ thong zhes pa ni zlog pa ste/ khyed rnams kyi bsam pa mang pos ci zhig bya/ bcom ldan 'das ngas dgongs pa bshad pa'i tshig la khyed rnams kyis drang por bzung bas tshig ngan par 'gro ste/ de'i bsam pa ngan pa rnams ma smra bar thong zhig pa'o/ /byang chub spyod pa'i gnas 'di yin zhes pa la sogs pa ston pa yis/ 'khor rnams kyi the tsom bsal ba'i phyir tshig go /byang chub spyod pa'i gnas 'di yin te zhes bya ba ni/ byang chub spyod pa de'i gnas na bde ba chen po'i gnas de nyid yin no// thams cad nam mkha' i rang bzhin te zhes bya ba ni/ bde ba chen po'i don de thams cad nam mkha' i mtshan nyid yin te/ mtshan nyid de la yang mi gnas pa'i phyir/ nam mkha' la yang mtshan nyid med ces brjod pa yin no/ /de nyid 'jig rten sna tshogs te zhes bya ba ni/ mtshan nyid med pa de nyid 'di ltar rnam pa sna tshogs par snang ste/ snang ba de nyid kyang gzugs su snang ba thams cad de/ de bzhin gshegs pa'i sku'i rang bzhin yin pa dang/ sgra ru grags pa thams cad de bzhin gshegs pa'i gsung gi rang bzhin yin pa'i phyir te/ phyag rgya'i tshogs chen de nyid do/ /zhes gsungs pa yin no/ /de ltar phyi dang nang du snang ba yang sgyu ma tsam du snang la don dam par de bzhin gshegs pa'i thugs spros pa med pa yin pa'i phyir/ chos sku sgyu mar dbang sgyur ba/ /de la dngos po ga la yod ces gsungs pa yin no/ /ci spyod ci bsgrub ci bsgoms kyang/ /byang chub nyid de ltung gnas med ces bya bsgom bsgrub la sogs pa ji ltar spyad kyang don dam pa'i dbyings las ma g.yos par shes na byang chub nyid de lhung gnas med do/ /lhung gnas nyid yang dag pa'i ye shes su 'gyur ba bstan pa'i phyir/ dmyal ba'i gnas nyid bla med gnas zhes gsungs te/ dmyal ba'i gnas su gdags pa'i gnas med de/ ye nas rnam par dag pa'i gnas so/ /de nas yang khams gsum gyi sdug bsngal nyid gnyis su med pa'i ye shes yin pa'i phyir/ sdug bsngal nyid ni byang chub la/ /'khor ba nyid ni mya ngan 'das/ /sgrib pa nyid na mngon sangs rgyas zhes gsungs pa yin te/ khams gsum gyi sdug bsngal ni yang dag pa'i ye shes yin te/ ma bcos pa'i byang chub kyi sems te/ de ltar ngo bo nyid kyis sangs rgyas pa'i rang bzhin la 'khor ba zhes bya ba ga la yod de mya ngan las 'das pa'o/ /de ltar nges pa'i don de la sems rtse gcig tu gnas par bya ba'i phyir/ /nges don de la 'dud par sbyor zhes bcom ldan 'das kyis gsungs pas/ byang chub sems dpa' de som nyi dang bral nas rang rang gi de bzhin nyid la dmigs nas/ brjod pa las 'das te/ cang mi smra bar 'khod de/ zhes don dam pa'i bden pa'o/ /thugs rjes 'dul ba'i ston pa'i le'u la thugs rjes 'dul ba'i le'u'o/ /bdud rtsi'i thigs pa zhes bya ba rgya cher bshad pa las/ bden pa gnyis kyis bshad pa'i le'u ste/ drug pa'o// //de ltar thugs rjes 'dul ba bstan kyang log pa'i lam pa dregs pas myos pa de zhi bas mi 'dul te/ de la khros pa'i tshul gyis 'dul bar 'khor rnams kyis ston pa la bskul ba bstan pa'i phyir/ de nas zhes pa la sogs pa bstan te/ de nas bcom ldan 'das rigs lnga'i bde bar gshegs pa la sogs pa thams cad dgongs pa gcig tu gyur te zhes bya ba ni rigs lnga'i bde bar gshegs pa'i 'khor gyi byang chub sems dpa' thams cad dgongs pa chos kyi dbyings gcig tu gyur te so so ma yin pa'o/ /log pa'i lam pha dngos po la mngon par 'chel ba/ mngon pa'i nga rgyal gyi mthu bsnyems nas/ sangs rgyas kyi bstan pa la mngon par mdad pas/ 'jig rten 'phung bar byed ba rnams zhes bya ba ni/ sngon gsang sngags zab mo'i don dang lta spyod la sogs pa thob kyang yang dag pa'i shes rab kyis ma zin pas de bzhin gshegs pa'i sku mdog dang phyag mtshan rang rgyud du gzung bas skye ba phyi ma la gzugs 'jig pa lag cha gdug pa'i ru trar gyur te/ shin tu nga rgyal gyi mthu bsnyems nas gnas pa'o/ /sngags hUM hUM phaT phaT la sogs pa'i don gsung rnam par dag par ma rtogs pas/ ngag gtum tshig sod cod la sogs pa'i sgras sems can brgyal bar byed pa sgrogs pa'o/ /thugs spros pa med par ma rtogs pas/ zhe sdang mnar sems dang ldan pa'i ru tra dregs pas myos pas dngos po la 'chel ba sangs rgyas kyi bstan pa la shin tu yang ma dad pa de la zhi bas 'dul ba'i skabs la ma bab ste/ de bzhin gshegs pa'i mdzad spyod kyis 'dul bar 'khor rnams kyang gzigs nas/ bcom ldan 'das gsang ba mchog gi bdag po la 'og nas 'byung ba'i don 'di skad ces 'khor rnams kyis gsol ba btab bo/ /e ma'o log pa'i lam gyis mnar ba la/ /zhi bas phan par mi 'gyur te/ zhes pa la sogs pa gsung te/ log par lta bas mnar ba de la zhi bas phan par 'di nyid la mi 'gyur te/ phyis kyang ngu 'bod kyi gnas su lhung ba'i phyir/ 'o dod 'bod pa lhung bar 'gyur zhes gsungs te/ lus ngag yid gsum gyi sgo nas khro zhing gtum par gnas pa'i phyir/ shin tu khro gtum gtum pa la zhes gsungs pa yin te/ de la ni gang gis kyang 'dul bar mi 'gyur te/ ye shes khros pas 'dul bar 'gyur ba de bas na/ sangs rgyas bcom ldan 'das kyi 'khor rnams mngon par 'du bar mdzad par rigs zhes 'khor rnams kyis gsol ba dang/ gdug pa can de khro bos 'dul bar bcom ldan 'das kyis thugs su chud nas 'khor rnams la spyan gzigs te/ hUM hUM hUM zhes brjod pas rigs lnga bde bar gshegs pa la sogs pa'i 'khor thams cad stong pa nyid kyi ba spu'i bu ga nas zhugs nas thugs kar thim bsdus te gnyis su med pa'i dbyings su mi snang bar mdzad do/ /de nas gnas kyi dkyil 'khor la sogs pa thams cad/ bcom ldan nyid kyi sku'i dbyibs la bsdus te dngos po mi snang bar mdzad do/ / de nas bcom ldan 'das nyid kyi yang dag pa'i dbyings su thim ste/ de bzhin nyid kyi ting nge 'dzin gnas par 'gyur ro/ /de yang ci mngon zhe na/ dpal bdud rtsi rgyud las/ zhi bas ma 'dul las 'di la/ /drag pos khros pas 'dul 'gyur te/ /ting 'dzin gsum la rab gnas nas/ /de byung khros pa'i gzugs brtag go zhes gsungs so/ /ting nge 'dzin gsum ji ltar yin zhe na/ ji skad du bshad pa'i rgyud kyi rjes su 'brangs nas/ rdo rje khros pas zhe sdang gcod/ /mtshon chen sngon po 'bar ba ni/ /nam mkha' i dkyil nas thigs pa shar zhes gsungs so/ /bcom ldan 'das de bzhin nyid la gnas pa'i dus na rdo rje ste/ de bzhin nyid kyi ting nge 'dzin te rgyu'i rnam pa'o/ /de la dregs pa can 'dul bar dgongs pa'i ting nge 'dzin gyis g.yos pa ni/ kun tu snang ba'i ting nge 'dzin te/ rkyen ni de la ni khros pas zhe sdang gcod pa'o/ /de nas 'bras bu'i ting nge 'dzin khros pas bskul ba ni/ yi ge hUM sngon po 'bar ba 'byung ste de ni khros pa'i rgyal po'i thugs mtshon pas chen po ste/ yi ge la 'od rnam pa lnga 'phros/ yi ge yongs su gyur pa las/ nyid kyi sku khro bo 'du bar mdzad pa'i phyir hUM badzra kro ta ma ha ra tsa phaT ces pa'i sgra brjod cing/ rdo rje khro bo'i ting nge 'dzin la snyoms par zhugs te zhes bya ba ni sngags kyi sgra grags pa ni shin tu khros pas bskul te rdo rje gyur pa de/ ye shes kyi rdo rje rtse dgu pa can la ni snyoms par zhugs pa'o/ /rdo rje yongs su gyur gyur pa las sngags kyis bskul te bslang pas/ khros pa'i sku mngon par 'du mdzad de/ dbu dang zhabs dang phyag stong khams kyi rdul snyed rab tu 'jigs pa mdza' yas par snang bar mi zad par 'thon par 'gyur ro/ /de ni yongs su rdzogs pa'i 'bras bu'i ting nge 'dzin to/ /de nas gzhal yas khang byin gyis brlabs pa bstan te/ de'i phyir thugs ka nas zhes gsungs pa yin te/ khros pa'i rgyal po'i thugs ka nas/ hUM 'phros te hUM las rdo rjer gyur te phyogs dang mtshams kun rdo rjer gtams pa'i steng dang 'og dang rdo rje sa gzhi dang gur ro/ /de'i dbus su yi ge e las/ chos 'byung ba'i phyag rgya yum kun tu bzang mo'i mkha' gru gsum pa ste/ yongs su brtag par bya ba'i de'i dbus su yum bzhi'i ngo bor ji ltar rgyas par gzhan nas bstan pa ste/ rim pa ji ltar sbyor/ de nas rked dus kyi ri rab kyi steng du rig pa'i bruM smug nag yongs su gyur pa las 'byung ba'i gzhas yas khang ste/ de yang rlung nag rdo rje'i dkyil 'khor la brten pa dang khrag gi rgya mtsho 'khrugs pa'i dkyil na/ rkeng rus chen po ri rab 'bar ba'i steng na drag po e'i gzhal yas khang bruM gyi dbus su byung ste/ de yang rgyan nam mkha' i rgya dang mnyam pa rdo rje'i gur las kyang 'bar ba'i 'phro bas 'khrug pa gzhal yas khang las kyang 'od zer lnga 'phros zhing 'khril bar 'gyur ro/ /de nas khros pa'i rgyal po'i yum bskyed pa'i phyir/ de nas zhes pa la sogs pa gsungs te/ aoM badzra ma ha kro ti zhes khros pa'i rgyal po brjod pas/ de bzhin nyid kyi dbyings las khro mo dbang phyug ma mngon par phyung ste/ thabs dang shes rab 'jug pa'i phyir/ aoM sarba ta thA ga ta a nu ra ga badzra swa b+ha ba At+ma ko haM/ zhes pa ste/ chags pa'i rang bzhin no/ de nas yang pad+ma dang/ rdo rje yang dag par ldan pa las/ gnyis su med pa byang chub kyi sems byung ba las/ hUM hUM hUM hUM b+hi sha gro t+ta dzwa la maN+Da la phaT phaT phaT ha la ha la hUM phaT ces khros pa'i rgyas pos brjod pas/ phyogs bcu'i sangs rgyas thams cad sngon gyi smon lam bskul ba yis/ zhe sdang rdo rje'i sku rjes su dran nas dbu stong phyag stong mnga' ba dang/ spyan stong mnga' ba phyag na gdug pa'i mtshon cha kha TwAM ga la sogs pa bsnams nas/ 'jig rten drug tu 'thon par 'gyur ro/ /khro bo rnams kyi zhal nas kyang/ hUM hUM phaT phaT da ha na da ha la sogs pa'i sgra mang po brjod pa de'i tshe/ 'jig rten drug gi phyogs mtshams thams cad g.yos rab tu g.yos so/ /kun tu rab tu g.yos par 'gyur ro/ /zhabs sa la brdabs pas kyang/ 'khrug rab tu 'khrug kun tu 'khrugs so/ /spyan gyi 'od zer gyis kyang tshig rab tu tshig kun tu tshig go /shangs kyi rlung gis kyang 'thor rab tu 'thor ro/ kun tu rab tu 'thor ro/ /de ltar khro bo'i byin brlabs byung ba de'i tshe/ 'jig rten 'phung bar byed pa'i dregs pa chen po dang/ lha'i dbang po brgya byin dang 'jig rten gyi mes po tshangs pa dang/ lha ma hA de ba dang/ lha khyab 'jug rnams rang rang mthu dang stobs dang che ba ston cing shin tu khro gtum mo/ /de nas yang las kyi lha sras mchog rdo rje gzhon nus dregs pa ji ltar bsgral ba bstan pa'i phyir/ de nas zhes pa la sogs pas bstan te/ 'jig rten drug gi phyog mtshams g.yos p a'i de ma thag pa de nas 'jigs byed chen pos hUM hUM hUM badzra kro ta sarba big nan phaT hUM zhes gong du spros pa'i khro bo dbu dang phyag stong mnga' pa'i khro bo chol pa de dag gis phyogs bcu nas gnas pa'i dregs pa bsgral lo de nas yang hUM hUM zhes 'jigs byed c hen pos brjod pas khro bo de dag slar 'dus te khrag 'thung chen po'i mdun du sbas mchog rdo rje gzhon nu'i sku mthing nag dmar nag de dbus mthing nag g.yas ljang nag g.yon dmar nag gi tshul gyis zhal rngam pa pha rol du phyin pa drug gi rtags su phyag drug zhabs bzhi shin tu bgrad pas stongs tshul du bzhugs pas/ rdo rje gshog pas gtams pas sangs rgyas lnga dbu la rdzogs shing skra kham nag gyen du 'khyil zhing sku la dur khrod kyi rgyan gyis brgyan pa/ stong rdo rje'i cha lag pa smad rdo rje'i phur bas gtams pas dur khrod kyi me 'bar ba'i dkyil na yum ral cig ma ngang? 'khril pa'i tshul gyis gnas pa cig du gyur te/ bka' nod pa'i tshul du khrag 'thung chen po la phyogs nas/ gnas shing dregs pa kun zhabs 'og du brdzis te gnas pa las/ khrag 'thung gi rgyal pos phyogs bcu nas/ sras mchog rdo rje gzhon nu la dbang bskur ba'i phyir byang chub sems kyi 'od zer gyi phyogs bcu dus gsum gyi sangs rgyas thams cad zhe sdang rdo rjes bskul te bkug nas mdun gyi dkyil 'khor na gnas pa las/ bshad pa'i rgyud kyi rjes 'brangs nas/ /rdo rje gzhon nu'i rigs 'dzin rnams/ /srid pa'i phur bu grub mdzod cig /sangs rgyas kun gyi ye shes sku/ /dang nyid rdo rje chos dbyings las/ /'bar ba'i khro bo mi zad pa/ /sku yi dbyings su rdzogs gyur cig /thabs kyi spyod pas 'gro don du/ /byams dang snying rjes gang 'dul ba/ /sangs rgyas 'phrin las rdzogs byas nas/ /dbang dang byin brlabs 'dir stsol cis ces pas dbang bskur bar mdzad do/ / de nas ye shes kyi dkyil 'khor gyis dbang bskur te/ phyi nang gsang pa'i dbang rdzogs par bskur te de'i phyir/ khros pa'i rgyal po dbang bskur ba'i phyir zhes gsungs pa yin te/ dbang thos pa'i rtags su hUM badzrA kro ta dz+nyA na badzra zhes brjod nas/ las kyi rdo rje rtse dgu pa ni phyag g.yas dang por byin/ ye shes kyi rdo rje rtse lnga pa ni/ g.yas par mar byin nas/ dbang ste rang bzhin grub pa'i gnas su gshegs so/ /de nas sras rdo rje gzon nu nyid kyis gong du btul ba'i dregs pa de dag la kha TwAM ga phyag g.yon gyi bar mar 'phros nas/ phog pa'i ?mnga' las rgyal ba'i rtags su bsnams pa'o/ /de nas yang khrag 'thung chen pos sras phur pa lnga bskyed nas dregs pa can/ nyon mongs pa lnga bsgral ba'i phyir/ de nas yang khrag 'thung chen pos zhes pa la sogs pa gsungs te/ khrag 'thung chen pos/ thugs ka nas 'od zer 'phros te dus gsum gyi de bzhin gshegs pa thams cad zhe sdang rdo rje gzhon nu dang/ nga rgyal rdo rje gzhon nu dang/ 'dod chags rdo rje gzhon nu dang/ phrag dog rdo rje gzhon nu dang/ gti mug rdo rje gzhon nu la sogs pa bkug ste byang chub sems kyi lam nas phyung nas de nas hUM lngar gyur te/ yongs su gyur pa las sras phur pa lngar gyur te/ de bstan pa'i phyir/ rdo rje las 'thon te zhes pa nas thugs ka nas ye shes sems dpa' dang ldan pa zhes pa'i bar gyis bstan te dkyus nyid gsal lo/ /de nas yum gyi mkha' la gdon pa bstan pa'i phyir/ rdo rje las 'thon te zhes pa nas thugs ka nas ye shes sems dpa' dang ldan pa zhes pa'i bar gyis bstan de dkyus nyid gsal lo/ / de nas yum gyi mkha' la gdon pa bstan pa'i phyir/ e'i gdan la zhes pa bstan te/ shes rab ma la 'byung ba'i phyir/ e'i gdan la sras mchog rdo rje gzhon nu'i spyan mnga' na bka' nod pa'i tshul du bzhugs so/ /de nas sras mchog rdo rje gzhon nu'i zhabs 'og nas gzir ba'i dregs pa can de rnams bsgral ba'i khrag 'thung chen pos bskul ba ni/ hUM mthing nag grub gsum zhes pa'i tshig bzhis bstan te/ thob ces pa'i bar du'o/ /de nas sras mchog rdo rje gzhon nus kyang bsgral ba bstan pa'i phyir/ khro bo las kyi skye gnas bzung/ /de zhes pa nas rim pa thil bar khyab 'jug pho mo 'khor dang bcas pa bsgral lo/ zhes pa'i bar gyis bstan te dkyus nyid gsal lo/ /de nas yang khrag 'thung chen pos sras mchog rdo rje gzhon nu la sku za byed chen por dbang bskur zhing byin gyis brlabs pa'i phyir/ khrag 'thung chen pos dzwa la raM zhes brjod pas me dpung dud kha 'bar nyid 'phro ba sras mchog rdo rje gzhon nu phyag g.yas dang por phul te bsgrol ba'i dbang bskur/ dregs pa can bsgral ba'i nyon mongs pa thams cad bsregs spyangs/ snying dang nad grol dang phung po rnams ha ha zhes zhal du gsol nas phung po lhag ma dang bcas par mdzad do/ /de nas yang sras mchog rdo rje gzhon nus phyogs bcu'i khro bo dang/ khro mo bcu mthong nas khro mos bsgral bar bstan pa'i phyir/ de'i tshe zhes pas bstan te/ khrag 'thung chen pos sras mchog rdo rje gzhon nus dbang bskur ba de'i tshe/ sras mchog rdo rje gzhon nu yab yum gnyis su med pa'i byang chub sems kyi sprin las gsang b a'i pad+ma la 'od zer du 'phros 'od zer las yi ge hUM hUM la sogs pa bcu ru gyur dzaphyag mtshan de rnams yongs su gyur pa las gtso bos sngags kyi le'u nas byung ba'i/ aoM badzra kro ta hUM kar hUM zhes bya ba la sogs pa'i khro be bcu'i bskyed pa'i sngags brjod pas song/ /so so'i sku yongs su rdzogs par bskyed de yang ji lta zhe na khro bo hUM ka ra zhes bya ba ni khro bo chen po hUM ka ra dbu gsum phyag drug pa dbu gsum pa sku dang zhal dbus ma sngo skya g.yas dkar g.yon dmar ba'i/ phyag drug la g.yas g.yon dang po gnyis na rdo rje dung chen dmar gyis bkang ba 'khrug cing gsol ba'o/ /bar ma gnyis na mda' gzhu 'gengs pa/ tha ma gnyis na ri rab phur bu 'dril ba'o/ /rnam par rgyal ba dang zhes pa'i zhal dbus dkar ba'o/ /g.yas sngon po g.yon ljang ser phyag bar ma gnyis rdo rje dang 'khor lo'o/ /dbyug pa sngon po zhes bya ba ni sku dang zhal dbus sngo skya g.yas dkar g.yon dmar skya'o/ /phyag byar ma gnyis na dbyug pa rin po che dang/ me dpal bsnams pa'o/ /gshin rje gshed po dang zhes pa ni sku dang zhal dbus sngon po g.yas sngo skya g.yon ljang nag phyag bar ma gnyis na dbyug pa mi mgo can dang/ dgra sta bsnams pa'o/ /mi g.yo mgon po dang zhes pa ni/ sku dang zhal dbus ljang g.yas sngon po/ g.yon smug nag phyag bar ma gnyis na rdo rje dang zhabs pa'o/ /rta mgrin dang zhes pa ni sku dang zhal dbus dmar nag /g.yas dkar ba g.yon sngon po phyag bar ma gnyis na ral gri dang sprul gyi zhags pa'o/ gzhan gyis mi thub pa dang zhes bya ba ni sku dang zhal dbus dmar skya g.yas ser po g.yon ljang gu phyag par ma gnyis na ban d+ha dang rnga yab po/ /bdud rtsi 'khyil pa zhes bya ba ni/ sku dang zhal dbus ma ljang nag g.yas ser po g.yon dung ka phyag bar ma gnyis na rdo rje rgya gram dang rin po che dbyug pa'o/ /khams gsum rnam par rgyal ba dang zhes bya ba ni/ sku zhal dbus ser po g.yas dkar/ g.yon ljang gu phyag par ma gnyis na 'khor lo dang mnga' gzhu'o/ stobs po che rnams so/ zhes bya ba ni sku dang zhal dbus dud ka g.yas nag po g.yon dmar po phyag bar ma gnyis na zhags pa dang thob bsnams pa'o/ /khro mo rdo rje sgra 'byin ma rnams dang/ zhes pa la sogs pa sku mdog yab dang 'dra khyad par ni phyag gnyis na dril bu thogs nas mgul pa nas 'khyud nas gnas pa'i phyir/ 'khyil ba'i chul gyis 'thon te zhes gsungs te/ gsang ba'i dkyil 'khor nas 'thon te/ phyogs bcur sems can gyi don la skye ste/ phyogs skyong 'og nas 'byung ba yang skabs 'di nyid du bsgral par rig par bya'o slar 'dus nas phyi rol gyi dkyil 'khor du rang rang so so'i gdan 'og nas gsungs pa rnams la bzhugs so/ /tshul ji ltar bzhugs she na de bstan pa'i phyir/ dbu gsum phyag drug zhabs thur du gtams pa gdug pa'i zhes pa la sogs pa sha stag ste/ zhes pa'i bar gyis bstan te de ltar zhugs so/ /de nas 'khor gyi 'phra men ma skyed par bya ste/ phyogs bcu'i khro bo yab yum gnyis su med pa'i byang chub kyi sems las sprul pa lcam dral bskyed de/ thabs dang shes rab kyi cha so sor smin par 'gyur te/ mche ba can g.yas su'o/ gshog pa can g.yon du'o/ /de ltar sprul pa lcam dral bskyed nas 'khor gnas pa bstan pa'i phyir/ de dag gi 'khor na zhes pa nas rlung yang mi shor bar gtams nas zhes bya ba'i bar gyis bstan to/ khro bo rnams kyi gdan bstan pa'i phyir/ nyi zla dang zhes pa nas gong ma ltar bsgral lo/ zhes pa'i bar gyis bstan te/ nyi ma dang zla ba ni thabs kyi shes rab brtags so// phyogs skyong ba bcu yis ni gdan mdzad pa ni mi dge ba bcu rnam par dag nas dge ba bcu la gnas pa'i rtags so/ /de yan chad du ni rtsa ba'i dkyil 'khor gsungs te/ skra ga'i mgo can la sogs pa bzhi yan chad do/ /nga ni las la btang ba'i lha bskyed par bya ste/ de'i phyir de nas zhes pa la sogs pa gsungs te/ dpal khrag 'thung chen pos gsang ba rol pa'i ting nge 'dzin la snyoms par zhugs te zhes bya ba ni bsod nams dang ye shes kyi tshogs gnyis rdzogs pa'i ngang tshul can de ni dpal de'i ngang du khams gsum gyi nyon mongs pa sdud pa'i rtags su/ khrag 'thung bas khrag 'thung gzhan las khyad par du 'phags pas chen po/ de'i thabs dang shes rab kyi rjes su chags pa'i gsang ba gnyis su med par rol pa'i ting nge 'dzin la snyoms par zhugs te/ de nyid du yang khams gsum thams cad mnyam nyid kyis rgyas btab par 'gyur ro/ /de nas dregs pa chen po'i ma dang bu mo dang chung ma rnams dbang du bsdu ba'i phyir/ 'od zer lcags kyur 'phro bas spros shing hUM hUM e a ra li ru lu ru lu hUM dza/ zhes khrag 'thung chen pos brjod pas dregs pa chen po'i ma dang bu mo dang chung ma'i tshogs kyi gtso mo ni nyi shu rtsa brgyad 'khor grangs med pa dang bcas nas khrag 'thung chen po'i thad du yud tsam gyis 'dus par 'gyur ro/ /de nas yang khrag 'thung chen pos e a ra li ho zhes brjod pas 'dus pa rnam gnyis kyi sku la 'khyil te/ dgyes pa'i sprin la ho/ zhes brjod pas rdzogs pa'i tshul du skad cig re re la sal sal bskyed de/ sku mdog dang phyag mtshan ni sgyu 'phrul las ji skad gsungs pa bzhin no/ /de nas yang seng gdong ma la sogs pa bskyed de/ dgyes pa'i sprin las he he zhes brjod pas brjod pa'i de ma thag pa de nyid du sku rdzogs par gsal bya ste/ dkyil 'khor gyi phyi mtshams su 'khod do de nas yang de 'dren par byed pa la sogs pa'i pho nya 'gyed pa'i phyir/ yang dgyes pa'i sprin las phaT ces brjod pas skad cig ma re re la gsal bar byas la sgo sgor 'khod do/ /de rnams ni las kyi lha yin par shes par bya'o/ /de nas yang ma mo de rnams rang gi gnas su bkrad pa'i phyir/ khrag 'thung chen po rab tu khros pa'i ting nge 'dzin gyis phaT zhes pas bskrad de/ ma mo de rnams rang rang gi gnas ga la ba der yud tsam gyis phyin par dgye'o/ /de nas sngar gyi dregs pa rnams myos nas yong pa de rnams slar myos par bya ba'i phyir/ de nas khro bo rnams phyag brang la bsnol te btsir bas mi gtsang ba'i phyag rgya rgya mtshor 'khyil te/ dran pa med par byas so/ de nas yang dran pa med pa de rnams gso bar bya ba'i phyir/ khrag 'thung chen pos thugs rjes bdud rtsi 'byung ba'i ting nge 'dzin la snyoms par zhugs nas/ rnams nas khro mo sme sha 'thon te des mi gtsang ba'i rgya mtsho brdubs pas rgya mtshod drags pa de dag slar dran pa thob ste/ kun rdzob kyi bden ba mthong/ de nas phyogs skyong de dag gis kyang dpal chen po 'bangs su mna' por te khas blangs so/ /de nas yang lus khro bo rnams kyi gdan brir phul te/ bdag gi lus nyon mongs pa 'di khro bo rnams la gdan du dbul gyis bzhes su gsol/ /bdag gi sems kyis ni phyi rabs kyi rnal 'byor pa phyogs skyong bar bgyid lags so/ /zhes khas blang zhing dam bcas so/ /de ltar btus shing dbang du bsdus pas/ de'i tshe gdon phyogs skyong ba rnams khro bo rnams kyi zhabs 'og du bzhag pa yin no/ /de'i dus na ma dang bu mo dang chung ma rnams kyang dpal chen po'i 'khor du phul te/ dpal khrag 'thung gi rgyal pos kyang ma dang bu mo rnams la lce la bdud rtsi bzhag ste/ dam tshig phog ste phyi rab kyi rnal 'byor pas ci bsgo pa'i las bya bar khas blangs nas dam yang bca' o/ /de nas las kyi lha ru dbang bskur te/ gzhal yas khang gi mu ran la bzhag go /dregs pa can btul pa'i le'u'o// //bdud rtsi thigs pa zhes bya ba rgya cher bshad pa las kun rdzob kyi bden pa 'ba' zhig gis bshad pa'i le'u ste/ bdun pa'o// //de ltar gdug pa can btul ba dang/ ji ltar phur pa gdab pa bstan pa yang las dang po pas bstan pa'i dkyil 'khor la brten nas btub dgos pa'i phyir de nas zhes pa la sogs pa gsungs te/ de nas bcom ldan 'das las phyung zhes par bya bar 'brel te ci byung zhe na nyid kyi dkyil 'khor 'di phyung ngo/ gang nas phyung zhe na/ sku gsung thugs las phyung ngo zhes bya'o/ /ci'i phyir na gdug pa can bsgral ba'i phyir phyung ba'o/ /de nas dkyil 'khor bya ba'i gnas bstan pa'i phyir/ dur khrod dang ni rim? grog gnas/ zhes pa la sogs pas bstan te/ dur khrod ni ma mo 'dul ba'i gnas yin pas/ drag po bsgrub pa'i las la shis pa'o/ dam grog gi gnas ni klu btsan gdug pa can gnas pa der bya ba'o/ rkang gcig shing ni rkang gcig ste/ the rang gi 'du ba'i gnas yin pas/ der shis pa'o/ /sum mdo ni lam gyi sum mdo ste/ tho rang gi lha 'dre thams cad rgyu ba'i srang te der bsgrub pa'o/ khang stong ni bud med 'du ba'i gnas te/ der bsgrub bar bya ba'o/ /gnas de rnams su rdo rje drag po'i dkyil 'khor bya'o de'i dbyibs ji ltar bya zhe na/ de bstan pa'i phyir/ 'bar ba'i 'khor lo rtsibs brgyad pa/ zhes pa la sogs pas bstan te/ dpal khrag 'thung chen po'i thugs las/ rnam par thar pa brgyad kyi sgo nas nyon mongs pa bsgral ba'i phyir/ 'khor lo rtsibs brgyad par phyung ba'o/ /gru chad bzhi ni 'khor lo'i phyi rol khyams kyi nang gang yin pa'o/ /gru bzhi'i sgo khyud bzhi dang ldan zhes bya ba ni khyams te/ lha snam mo/ sgo khyud bzhi ni phyogs bzhi'o/ /'bar ba'i bar khyams gnyis kyis mdzes zhes bya ba ni sgo'i phyi rol tu khyams gnyis bya ba ste/ der yang me ri bri ba'o/ /dbus kyi lte ba zlum po la zhes bya ba na 'khor lo'i lte ba zlum po ste/ de la thig bzhi btab pas le tshe brgyad du 'gyur te/ de'i le'u tshe dbus dang phyogs gnyis te/ shar phyogs nub phyogs dbus dang gsum po de dag la ni mthing nag gi gru gsum pa la mdza' me ri 'od 'bar ba bri ba ste/ 'khor lo rtsibs rnams la yang bri bar bya'o/ /dra ba dang dra ba phyed pa rin po che pha gu la sogs pa'i rgyan thams cad rgyas par bri ba ni/ rgyud gzhan dag las ji ltar rgyas par bstan pa bzhin bri bar bya'o/ /de nas lha dgong pa'i rim pa bstan pa ste/ de'i phyir dbus su dregs pa'i gdan dag la/ zhes pa la sogs pa bstan te/ dbus su dregs pa'i gdan la rdo rje gzhon nu yab yum dgod ces bya ba ni/ bsnyen pa'i dkyil 'khor ba yang dgod par bya ba yin la/ dregs pa bsgral ba'i 'og dus su yang gnas pa'o/ /spyan nga nyid dang phyogs bzhi ru/ /gru gsum me 'od 'bar ba la/ /sras mchog phur pa lnga po dgod ces bya ba ni spyan de'i bcom ldan 'das rdo rje gzhon nu'i mdun nyid do/ /phyogs ni mar phyogs la sogs pa bzhi'o/ /de'i gnas rnams su gru gsum pa'i phyi rol nas me 'bar bas bskor ba de la sras mchog phur pa lnga dgod pa ste/ sngon dregs pa can bsgral ba'i dus su bkod la/ bsgrub pa'i skabs su bgegs bskrad pa'i ched du bya ba ste/ rdo rje gur byas pa'i de ma thag bar ro/ /'khor lo rtsibs brgyad pa la ni/ rnam rgyal ces pa nas gdan la brkyang bskum tshul du gnas zhes pa'i bar gyis bstan te/ dkyus nyid gsal lo/ /nang dang phyi'i grwa rnams su zhes pa ni nang gi 'khor lo'i phyi rol du/ phyi ni lha rnams la ji ltar dkyus nas gsal bar bstan pa'i lha ni las la gtong ba'i lha ste las kyi dus su shes par bya'o/ phyi rol me 'khyams dang po la zhes bya ba ni sgo'i phyi rol gyi khyams dang po la/ pho nya drug cu gnas par rtag pa ste/ de yang las kyi dus su sbyor cig bsgrub pa'i dus nyid du thabs kyi g.yas shes rab g.yon gang yin pa nas las byed pa ste/ zhor las 'byung ba'i ting nge 'dzin no/ /sgo bzhi dag tu sgo srungs kyis dgong ces bya ba ni/ sgo ni shar phyogs la sogs pa bzhi'o/ /sgo srungs ni lcags kyu ma la sogs pa bzhi'o/ /phyi rol me khyams bar ma la zhes pa ni sgo'i phyi rol gyi khyams gnyis pa la/ slas dang byi mo'i tshogs kyis gtso bo bcu dang/ brgyad kyis skor zhes bya ba ni/ bcu pa gnyis la nyi shu tham pa/ de'i steng du brgyad kyis bsnan pas nyi shu rtsa brgyad dgong par bya ste/ de yang las kyi dus so/ de'i phyi rol gyi khyams la dam can lha mo 'khor dang bcas pa dang/ bdag nyid chen mo yang shon mu ka yang bsam par bya ba ste/ las dus su de nas yang dkyil 'khor la rgyan gyis brgyan pa'i phyir dur khrod thod pa dgu nang du zhes pa la sogs pa bstan te/ dur khrod thod pa dgu nang du zhes bya ba ni/ thod pa'i le tshe dgu'i nang du tshil chen gyi me mar dgu byas la dur khrod kyi ngas le ldong bu byas la/ me mar kha dgu gtang ste/ thod pa ni nga dang bdag med pa'i rtags la/ mar me ni ye shes kyi dbyings rtogs pa'i rtags so/ /rdo rje sha chen thang mar brdal dmar gyi rag ta rgya mtsho dkyil/ zhes bya ba la sogs pa gsungs pa/ sha chen thang mar brdal ba ni/ ma mo dang mkha' 'gro ma'i dam rdzas te/ dmar la sogs pa'i yang de bzhin du shes par bya'o/ /phyogs bzhi mtshams bzhi ste/ brgyad du yang stag gi rgyal mtshan dang shun chen bse'i rgyal mtshan te/ chu srin gyi rgyal mtshan zhing gi rgyal mtshan te re re la gnyis gnyis te brgyad gzugs par bya'o/ zhing lpags g.yang gzhi sprin ltar gtibs zhes bya ba ni/ bla bre zhing gi g.yang gzhis bre bar bya'o/ /de la sogs pa'i rgyan gyi rnams/ /ci rigs par ni bre bar bya'o/ /zhes bya ba ni dar mthing nag gi yol ba bre ba dang/ zhing gi phran phyogs nas gdags pa dang/ band+ha bgegs pa phyogs nas bzhag pa yang ngo/ /de nas yang dkyil 'khor la lha rnams kyi rang rang mtshan mar rdzas bzhag pas bstan par bya ba'i phyir/ 'bar ba'i tshogs kyi zhes pa la sogs pa gsungs te/ 'bar ba'i tshogs kyi bdag po rnams/ /rang rang skos su bzhag par bya zhes bya ba ni/ dkyil 'khor gyi lha rnams kyi rang rang rdzas su bzhag par bya ba ni/ mgo nas 'byung ba'i 'di'o/ mtshan ldan ban d+ha cang lo can/ /dbang po lnga dang ldan pa ni/ /gtso bo yab yum mtshan mar bzhag ces bya ba ni mtshan dang ldan pa'i ban da gling gsum pa 'am bu gcig pa ste/ de'i nang du dbang po lnga blugs la dkyil 'khor gyi dbus su bzhag par bya'o/ /dur khrod rkang gi phur pa lnga/ /sras mchog phur ba'i mtshan mar dgod ces bya ba ni/ bgegs gdon pa'i dus so/ /dur khrod kyi phur pa lnga la sras mchog tu byin gyis brlabs nas mchod pa phul phyogs bzhi dang dbus dang lngar gzugs par bya ste/ bsgrub pa 'di ma thon gyi bar du/ bar chod kyi bgegs ma btang zhes brjod la mtshams gcad do/ thod pa'i dum bu bcu drug gi /zhes bya ba ni thod pa'i le'u tshe bcu drug ni/ 'phra men ma bcu drug ni mtshan mar dgod pa ste las kyi lha'o/ /yan lag ni sems can thams cad ni/ khro bo khro mo rnams kyi rdzas zhes bya ba ni sor mo nyi shu ni khro bo dang khro mo rnams kyi rdzas so/ so dang ne'u rtseg 'bar ba 'bur rnams pho nya rnams kyi mtshan mar bzhag ces bya ba ni/ rus pa'i mgo kun bzhag par bya'o/ /rgal tshigs la sogs rnams kyi rdzas/ /ci bgyi tshogs kyi rdzas su bzhag ces bya ba ni/ rgal tshigs nyi shu rtsa brgyad ni slas dang byi mo'i rdzas su'o/ /yan lag bzhi'i mtshan ma ni zhes bya ba ni/ lag gnyis rkang ba gnyis bzhi ni sgo bzhir bzhag pa ste/ de yang rdzas rnams la bri bar bya ba'i thabs bstan te/ so so gsung gi yi ge 'bru rnams ni/ /rang rang rigs kyi mtshan ma la/ /yab yum byang chub sems kyi bri zhes bya ba ni/ yig 'bru hUM hUM la sogs pa'i so so rang rang gi mtshan ma gang yin pa la byang chub sems kyis bri bar bya ste/ dur khrod kyi snyug gus so/ /de nas yang ting nge 'dzin bstan te/ bla ma lung ldan des kyang ni/ /khros pas drag po'i rnal 'byor bya zhes bya ba ni bsgrub par bya ba ngang las gnyis ka'i dus su shin tu khros pa'i ting nge 'dzin bya ba yin gyi/ bsnyen pa'i dus su ma yin no/ /de nas drag po'i dkyil 'khor bstan te/ dbang ldan phyogs kyi grwa la yang/ zhes bya ba ni/ sras phur pa'i dkyil 'khor gyi byang shar gyi mtshams su bya'o/ /ci bya zhe na/ 'brub khung las kyi dkyil 'khor ni zhes bya ba ni/ gang bzas pa po de brlag par bya ba'i gnas la/ 'brub khung zhes bya'o/ /dbyibs ji ltar bya zhe na/ drag po'i hom khum dbyibs 'dra la zhes gsungs te/ zur gsum bskor ba bya ba ste/ phyogs re re la sor nyi shu'o/ /zabs su sor bcu bskor ba'o/ /de'i phyogs re re la sor nyi shu nyi shu'o/ /zabs su sor bcu bskor ba'o/ /de'i phyogs ji ltar bsgo zhe na/ rtse mo lho phyogs su bstan zhes gsungs te/ rtse mo ni lho'i phyogs su bstan la bsko'o/ /'o na de la brgyan par bya ba med ngam zhe na/ hUM hUM dang phaT kyis bskor bar bya zhes gsungs te/ gru gsum nyid nag pos byug pa'i mkha' la/ hUM dang phaT kyis spel la bri bar bya'o/ /de'i nang du gzhug par bya ba'i rdzas bstan pa'i phyir/ dus la bab cing zhes pa la sogs pas bstan te/ dus la bab pa'i sems can de/ /las la bab pa'i rnal 'byor pas/ /mtshan ma ming du bcas par bya/ zhes bya ba ni/ bsgral bar bya ba'i dus la bab pa'i sems can de nyams dang ldan pa'i rnal 'byor ba des/ mtshan ma dang bcas par bya ba yin to/ de'i rgyu ni srub ma'i lo ma dang grog mkhar gyis dang/ khre dang chu me'i phub ma dang ba ru dang/ glang ru dang/ rta ru mig rnams ni bong bu'i bdud rtsis sdus? la gzugs byas te/ zhing gi ras ma'i shun la zhing gi bam khrag gis badzra kI la ya che ge mo mA ra ya phaT ces bya ba bris la snying gar blan pa de'i phyir/ mtshan ma'i ming du bcas par bya zhes gsungs so/ /'o na de la ji ltar bzhag ce na/ de bstan pa'i phyir/ mgo ni lho nub mtshams su bzhag /rkang pa byang shar mtshams su bstan/ /hom khung nang du bzhag par bya zhes gsungs te/ mgo lho nub mtshams su bstan pa ni/ srin po yod pa'i gnas yin pas so/ /rkang pa byang shar mtshams su bstan pa'i phyir bsgrol ba las kyi bdag mo'i gnas yod pa'i phyir bstan pa'o/ /hom khung gi gnas gon du bzhag pa ni bsgral ba'i gnas yin pas gzhug pa'o/ /'o na hom khung gru gsum ni bsgral ba'i gnas yin la gzhan ni ma yin pa ci zhe na/ lan du hom khung gru gsum ni bsgral bar bya ba kho na'i gnas yin te/ zur gsum du 'byung ba ni/ log par lta ba sgrol ba'i rtags su 'byung ba drag po'i gnas so/ /'o na ci zur gsum du bya ba thams cad bsgral ba'i gnas yin/ chos 'byung ba'i nang du rten gyi dkyil 'khor bsgom pa de yang 'gal te/ chos 'byung ba bsgral? ba'i gnas su 'gro ba'i skyon yod de 'gal lo/ /lan du mi 'gal te chos 'byung nyid du bsgral ba'i gnas yin te/ ci'i phyir zhe na/ chos 'byung ba'i dbyibs yin pa'i phyir/ khams gsum gyi sems can de'i dbyings su bsgral bas/ chos 'byung ba'i bsgral bar bya ba'i gnas kho na yin zhes gsungs so /de nas rnal 'byor pas ye shes kyi dkyil 'khor spyan drang pa bstan pa'i phyir/ de nas zhes pa la sogs pas bstan te/ gdeng dang ldan pa'i rnal 'byor des zhes bya ba ni/ bdag nyid dam tshig sems pa'i dkyil 'khor du gyur pa des so/ /rdo rje sbyugs pa blangs nas ni zhes bya ba ni hUM ring po ni rdo rje sbyugs pa ste/ thugs ka'i hUM las hUM byung ba'o/ /khrag 'thung tshogs kyi sprin phung rnams zhes bya ba ni/ dus gsum gyi sangs rgyas thams cad bcom ldan 'das rdo rje gzhon nu'i dkyil 'khor rten dang rten du byas pa gnas pa'o/ /rdo rje'i g.yab mos spyan drangs te/ zhes bya ba ni/ rdo rje'i bum pa'i nang na hUM gnas pa de las 'od zer 'byung ba ni rdo rje'i g.yab mo'o/ /de las lha mo lcags kyu mar gyur te/ des rang bzhin grub pa'i gnas nas ye shes kyi dkyil 'khor spyan drangs te/ mdun gyi nam mkha' la byon par lta'o/ /de nas yang dam tshig gi dkyil 'khor la bstim par bstan pa'i phyir/ / gnyis med brten par gtims nas ni zhes gsungs te/ zhags pam dang lcags sgrog ma dang dril bu mas rim pa ji lta bar bstan pa byas nas/ de nas yang lha la dbang bskur ba'i phyir/ /bdag nyid kyi thugs ka nas 'od zer 'phros pas 'od zer lha mo'i tshogs su gyur te/ phyogs bcu'i bde bar gshegs pa'i sku la thim nas gsang ba'i mchod pa phul/ dbang bskur cig par bskul/ slar la phyogs bcu'i bde bar gshegs pa'i thugs ka nas lha mo 'tshogs mang po byung ste/ la la ni skra skrol/ la la ni byug pa byed/ la la ni tsan dan gyi char 'bebs/ la la ni gdugs dang rgyal mtshan 'dzin/ la la ni bum pa thogs te spyi bor blugs pa ni dbang gi rgyu'o/ /dbang gi 'bras bu ni so so rigs kyi dbu brgyan pa'o/ /slob dpon la la ni ye shes kyi dkyil 'khor bstim pas yongs su rdzogs par 'gyur bas des cho ga gsung ngo/ /de nas yang yongs su rdzogs pa'i dkyil 'khor de la mchod pa dbul pa bstan pa'i phyir/ rmad du byung ba'i mchod pa brtsam/ /'dod pa'i yon tan lnga yis mchod ces gsungs te/ rmad du byung pa'i mchod pa ni/ bdag nyid kyi thugs ka nas 'od zer rnam pa lnga 'phros pas/ 'od zer lnga las lha mo'i tshogs mang po 'byung ba ste/ bde bar gshegs pa'i sku la bzhugs pas mchod pa'i rgyud bskul/ bde bar gshegs pa'i thugs ka nas lha mo mang po slar 'thon te/ bdag gi dkyil 'khor la bskor nas phyi mchod pa'i rnam pa dang/ nang mchod pa'i rnam pa dang/ gsang ba'i mchod pa'i rnam pa rnams/ bdag la gnas phul bstod pa 'di skad brjod do/ /hUM bskal ba me ltar 'bar ba yi/ /'od zer 'du 'phro'i klod dkyil na/ /khro bo khro mo rnams bzhugs pa/ /sku ni jir yang 'gyur ba'i gzugs/ /hUM dbu skra kham nag ral pa can/ /gyen du 'khyil cing srid rtser 'bar/ /mi nyams khro gnyer sdang mig ni/ /log pa blta ba 'dul ba'i spyan/ /hUM mche bzang yag gtsigs pa ni/ /skye shi rtsang nas gcod pa'i tshul/ /sku gsung thugs kyi byin brlabs las/ /phyag mtshan sna tshogs cir yang snang/ /hUM thugs rje'i byin brlabs sprin ltar gtibs/ /byams pa'i 'od zer glog bzhin 'byug / rngam pa'i sgra skad 'brug ltar bsgrogs/ /sprul pa'i thog thog char ltar 'bebs/ /hUM thugs rje chen po'i byin brlabs kyis/ /bdag la byin gyis brlabs mdzad cing/ /bdag gi lhag pa'i bsam pa rnams/ /grub par byin gyis brlab du gsol/ /hUM 'khyil cing rgyan dang 'khyil pa yi/ /sems la brjod med sku mi mnga' / /sgra las 'das pa'i sbyor ba ste/ /bsam dang bral ba'i ye shes lags/ /hUM srid gsum 'joms pa'i lha la phyag 'tshal bstod/ /mnyam nyid ngang gis khrol phyag 'tshal bstod/ khros bas longs spyod mdzad la phyag 'tshal bstod/ /rdo rje 'du 'phro tshogs la phyag 'tshal stod ces gsungs te/ de nas sgra'i tshul du lha mo'i tshogs rnams mi snang bar gyur to/ /de ltar yang nas yang du bsgrubs pa dang/ grub pa'i rtags 'ong ste/ de yang rab 'bring gsum las/ bsnyen pa gsum ni lha'i dkyil 'khor gsal ba dang/ zhal 'dzum pa dang bzhad pa'o/ /de lta bu'i mtshan ma mthong na gdod bsgrub pa la 'jug par bya'o/ /bsgrub pa'i rtags gsum ni phur pa las 'od 'byung ba dang/ phur bu ldeg pa dang 'phar ba gsum mo/ /de ltar rtags byung zhing las su rung pa ni mnyes na nye bar 'gyur ba dang/ zhes gsungs pa yin no/ /de nas 'grub pa'i rtags byung ba dang/ drag pa'i las la 'jug par bya ste/ de gang la dmigs par bya ba bstan pa'i phyir/ rdo rje slob dpon brnyas byed dang/ zhes pa nas/ rnal 'byor ci'i dgrar gyur pa/ zhes pa'i bar gyis bstan te/ dkyus nyid gsal lo/ /de nas dmigs par bya ba de gnas nas dus ci ltar dgug pa bstan pa'i phyir/ brnag pa'i nan thur bya ba ni zhes pa la sogs pa bstan te/ khro bo gsum pa'i sbyor ba'am/ zhes pa'i khro bo lcags kyu thogs pas bzas pa po gang yin pa de rlung gi dkyil 'khor gyi steng du bzhag nas rlung gi lcags kyus gzung nas drangs/ khro bo la la phyag na rdo rje dang tho ba thogs nas rang dbang med par rtog cing 'dod de/ rnal 'byor pas kyang sngags bzlas pas bya ba'i sngags ni 'di'o/ /hUM suM b+ha ni suM b+ha hUM/ grih+na grih+na hUM/ grih+na pa ya grih+na ba ya hUM A na ya ho b+ha ga ban bidyA ra tsa ya hUM phaT ces brjod cing/ bdag nyid kyi thugs ga nas ye shes sems dpa' i thugs ka nas rdo rje rdo rje'i nang na zla ba'i dkyil 'khor la hUM gnas pa de las khro bo dmar po rgyud mar phyung la dgug pa bya ste/ gzugs la bstims pa'i las bya'o/ /yang lcags kyu rnal 'byor gyis zhes bya ba ni 'on te khro bo sum b+ha ni'i sbyor ba mi byed na yang 'di yis dgug ste/ bdag nyid kyi hUM las dza brtsegs mar phyung te/ de las lha mo lcags kyu can du gyur te/ pho yin na kha nas sbubs la zhon nas snying dkar nag mtshams na shes pa de dgug / mo yin na mtshan ma nas yar pad+ma'i rtsa ba'i bu gu nas zhugs nas/ mas dgug pa bya ste bstims la bsgral ba'o/ /yang na yum gyi pad+ma la dza brtsegs gcig bzhag la/ yab kyi byang chub kyi sems kyis bskul bas/ dza las 'od 'phros 'od la 'phra me nams lcags kyu nan tan du gyur te/ rtsa'i bu ga nas shes pa drangs te bstim pa bya ba'o/ /dgug pa'i dus bstan pa'i phyir/ nyin mtshan gung la rab bkug ste zhes gsungs te/ nyin mo dang mtshan mo'i gung la shes pa nyams nas yod pas der dgug par bya'o/ /yang na nam stod dang nyi ma dros 'byam tsam na/ shes pa nyams nas yod pas dus de dus su bzlas pa ni shi ga la bya'o/ /de'i rnam shes rlung 'dra ba/ /mtshan ma'i ming du bcas pa la/ /srin bu me khyer 'drar bcug ste/ gzugs la phab cing sgrog gis bcing zhes bya ba de bzas pa po gang yin pa de'i rnam par shes pa snying gi dbugs rtsa gsum pa'i dbus gang yin pa de na shes pa gnas te/ shes pa de'i brda' ni rlung yin te/ rlung de la bskyod pa bkug ste de'i dus nyid na yang thogs pa med pa'i gzugs dang dbang po tshad ba ste/ mtshan ma ming du bcas par dgug go /de yang rlung gi dkyil 'khor la bskyon te/ thogs pa med par dgug pa ni/ srin bu me khyer ba bzhin du dgug ste/ gzugs la phab ste de yang bdag nyid kyi sngags bzla zhing zhags pa'i sgrog gis bcing par bya'o/ /de nas ri rab la sogs pa phyag rgya bzhi'i rgyas gdab bar bya ste/ ting nge 'dzin nang sngags kyis sbyor ba bya ste/ bla ma'i bka' las shes par bya'o/ /de nas yang 'go pa'i lha dang dbral ba'i phyir/ lce pog nag po'i dud pas dgug /'go ba'i lha dang dpral bar bya zhes gsungs te/ lce pog nag po'i ni gu gul nag po'i dud pas 'go ba'i lha yang yin pa de/ dud pas bdug cing des pa rgyal bar 'gyur te bral nas 'gro'o/ /de yang sngags kyi sbyor ba bya ba'o/ /de'i lus tsha ba bskyed pa'i phyir lus ngan ske tshe cha ba dug gis dgang zhes gsungs te/ bzas pa po de'i lus kyi nang du tsha ba bskyed de/ dug gi gtor mar byin gyis brlabs la khong du 'thung du gzhug par bya'o/ /dug de 'thung bas rtsa'i bu gu nas rgyas te shes pa mnyams kyi bar du tsha ba dang na ba'i sdug bsngal bsam pa 'byung bar bsam ste/ de nas shes pa nyams na rang gis mi rigs pa'i las byas pa dran nas 'gyod pa drag po byed par bsam par bya'o/ /dug gis bsgral zhing shes par bya ba ji ltar bsdu ba ni gab pa'i 'khor lo las shes par bya'o/ /de nas phur pa rdzas kyi dkyil 'khor las bskyed de gdab par bya'o/ /de nas phur pa rdzas kyi dkyil 'khor ni/ /grub ba'i rtags byung ba dang/ phur pa rdzas kyi dkyil 'khor bzhengs su gsol bar bya ba yin te/ de yang dpus kyi pho brang nas gru gsum mthing nag nyi shu rtsa gcig tu bri bar bya'o/ /tha ma'i rgyan rnams mi bsgrub pa'i dus nyid dang 'dra'o/ /byang shar gyi mtshams rdo rje gur gyi nang du drag po'i dkyil 'khor gong du gsungs pa bri bar bya ba ste/ drag po'i dkyil 'khor de'i grwa'i phyogs su spungs te bzhag ces gong nas gsungs te/ khro bo'i phur pa mang po kun zhes bya ba ni/ sras phur pa so so'i rigs te/ sku gsung thugs kyi rigs las byung ba nyi shu rtsa gcig go /de la ni mang po kun zhes gsungs so/ /grwa'i phyogs zhes bya ba ni/ pho brang na bzhugs pa'o/ /spungs te bzhag ces pa ni/ las kyi bzlas pa'i dus su phur pa gzi byin bskyed par bya ba ste/ phur pa de re re la kI li kI li zhes bya ba'i sngags nyi shu rtsa gcig bzlas par bya ba ste/ de bzlas shing phur pa dril bas bdag nyid kyi thugs ka nas 'od zer mthing nag tu 'phros phur pa las kyang 'od zer 'phros pas dus gsum gyi sangs rgyas thams cad la drag po'i dus las bab po bar bskul bas/ de dag gi thugs zhe sdang rjes su dran thugs ka nas khro bo gdug pa can dang bcas pa mang po 'phro zhing phur pa ma thim pas/ phur pa shin tu drag po'i 'od zer 'bar zhing bsgral ba'i mthu dang ldan par gyur pa de/ phur pa kun la bya ba yin te/ rang re las kyi sngags dang bsgrags shing/ de ni phur pa gzi byin bskyed pa de phur pa gso ba'o/ /de nas gdab pa'i gnas kyi gtso bo rnams bstan pa'i phyir/ rdo rje drag po'i phur pa yis/ /lte ba snying mgrin dpung mgo dang/ /gsang gnas yan lag lnga la gdab ces gsungs te/ lte ba snying ga dang mgrin pa dang/ dpung mgo dang gsang gnas lnga rnams ni gnas kyi gtso bo lnga'o/ /yan lag gi rnam par shes pa ni tshogs gzhan dag go /gdab pa ni mgo nas gsal lo/ /yungs kar mtshon cha'i char gyis dbab ces pa ni/ 'phra men drug pa'i sngags kyis yungs kar brgyab pas/ yungs kar las mtshon cha gdug pa mang por gyur te/ gzas pa po'i lus la lhag par yang gzer nas bsgral bar bya'o// de nas mtshan ma'i dngos po bzhi ste/ mtshon cha'i rab tu brtson pa yis/ /rkang pa g.yas g.yon gang yin nas/ /rdul du gtub cing sbyin sreg bya'o/ /zhes bya ba ni/ gtub pa'i las bstan te/ phur pa gdab pa'i mtshan ma'i dngos po zhig de la khro bo rab tu 'bar bas mtshon cha'i char brtson par rab tu phab ste/ pho yin na g.yas nas btubs/ mo yin na g.yon nas rdul du gtub par bsams pa'o/ /gtubs pa'i dum bu de bsreg par bstan te de'i phyir/ drag po hom gyi dkyil 'khor du/ /tsher ma can gyi me sbar te/ /lha'i tshogs la thim par dbul zhes gsungs pa yin te/ drag po hom gyi nang du tsher ma can gyi shing la me sbar te/ der drag po'i skabs nas 'byung ba'i ting nge 'dzin byas te lha la phul na/ sangs rgyas nyid kyang 'jig par 'gyur na/ sems can rnams ltas mo kyang ci dgos te mi dgos so zhes ston pas gsungs so/ /drag po'i dkyil 'khor ston pa'i le'u la ni/ drag po'i dkyil 'khor ston pa'i le'u'o// //bdud rtsi thigs pa zhes bya ba rgya cher bshad pa las/ kun rdzob kyi bden pa 'ba' zhig bshad pa'i le'u brgyad pa'o// //de ltar drag po'i dkyil 'khor bstan kyang sngags dang phyag rgya ma bstan par mi 'grub pas de bstan pa'i phyir/ de na zhes pa la sogs pa gsungs te/ bcom ldan 'das des bshad do zhes sbyar ro/ /de yang sngon la khrag 'thung chen po'i sngags dang/ phyag gyi bstan te de'i phyir/ aoM sh+rI badzra ku ma ra ya k+Sha hUM/ /zhes pa la sogs pas bstan te bdag nyid kyi thugs ka'i ye shes sems dpa' i rdo rje'i nang na zla ba nyi ma kha sbyar gyi dbus na/ hUM las sngags kyi 'phreng ba g.yon bskor du bskor nas gnas pa la/ zla ba dang nyi ma ni 'byung ba bzhi'i rang bzhin yin pas des bskyed de/ rtsa g.yas nas 'gro ste/ ji ltar spro ba dang bsdu ba bstan pa'i rim par 'gyur ba'am/ yang na sngags mang po bzlas pas yi ge mngon par mthong ba 'am/ yang na yi ge'i 'phro 'du byas shing sngags bzlas pas/ sgrub pa'i tshed me tog la sngags bzlas nas nam mkha' la bskyur ba dang slar la mi ltung bar nam mkha' la 'dug pa ni/ 'grub pa'i tshad do/ /de ltar 'grub pa dang/ las 'di ltar 'grub par 'gyur te/ phyag rgya bcas nas gang yi pa la gdod nas sngags bzlas pa dang ji ltar 'dod pa bzhin du 'grub ste/ sngags kyi grub ste mthar phyin pa'o/ /ji ltar rgyas par bshad pa bzhin/ /'og ma rnams la'ang shes par bya'o/ /khros pa'i stengs su gnas nas kyang zhes bya ba ni rab tu spyan zlog pa la bya'o/ /g.yas pa rdo rje gdangs pa'i sa/ /zhes bya ba ni/ lag pa g.yas pas rdo rje gzung ste 'phyar ba'o/ /lhag pa g.yon pa phur pa 'debs chul du zhes bya ba ni/ lag pa g.yon pas phur pa 'debs tshul du khu tshur bcangs la phar gtad pa'i tshul du bya ba'o/ /zhabs gnyis ni g.yas pa brkyang g.yon pa bskum pa'i tshul du gnas par bya ba ni dpal khrag 'thung chen po'i sngag dang phyag rgya yin par bshad do/ /gong du gsungs pa'i sngag dang phyag rgya grub pa'i dus 'di yis ni/ sangs rgyas rdo rje 'dzin pa yang rab tu bsgral te/ 'chi bar 'gyur na/ khams gsum gyi skye bo smos kyang ci dgos te/ 'chi bar 'gyur ro zhes pa'i tha tshig go /de yang khros pa'i rgyal mo'i sngags dang phyag rgya bstan te/ aoM badzra kro ta e ka badzra hUM ya zhes bya ba ni/ khro mo'i sngags so/ /phyag rgya nyid dkyus nyid gsal lo/ /dbang du 'gyur bar nges zhes bya ba ni rdo rje gsang ba bka' gnod pa'i nang nas kyang/ mo gzugs 'jig rten dbang du 'gyur zhes gsungs te/ mau'i gzugs des sems can 'dod chags can dbang du 'du ba'o/ /de nas sras phur pa'i sngags dang phyag rgya bstan te/ aoM badzra kI li kI la zhes pa nas/ khams gsum skye bo smos ci dgos zhes pa'i bar gyis bstan te go sla'o/ /de nas hUM ka ra'i sngags dang phyag rgya bstan te/ aoM badzra kro ta hUM ka ra hUM zhes bskyed pa rkyen gyi sngags so/ /gardza gardza hUM phaT/ ces pa ni bzlas pa las kyi sngags so/ /sngags 'di las kyi dus su rtsa ba'i sngags dang 'grogs te/ bzlas pa las khro bo hUM ka ra'i hUM las sku gsung thugs kyi khro mo mang po rgyud par 'byung nas lag na lcags kyu thogs nas dgug par byed pa'o/ /de'i phyag rgya ni go sla'o/ /de nas rnam par rgyal ba'i sngags dang phyag rgya bstan pa'i phyir/ aoM badzra kro ta bi tsa ya hUM zhes pa ni bskyed pa'i rkyen gyi sngags so/ /ha na ha na hUM phaT ces pa ni bzlas pa las kyi sngags so/ /sngags 'di bzlas shing gnas na grub pa'i dus na ci yang bzlog par byed do/ /drag po'i dus su sngags bzlas pas gzas pa po la grogs byed pa'i lha klu gang yin pa de bzlog par byed pa ste/ /dad nas 'gro ba'o/ /de nas dbyug pa sngon po'i sngags dang phyag rgya bstan te/ aoM badzra kro ta nI la daN+Da hUM zhes bskyed pa rkyen gyi sngags so/ /da ha da ha hUM phaT ces pa ni bzlas pa las kyi sngags te/ sngags 'di bzlas pa'i dus na dbyug pa sngon las khro bo 'chol pa mang po 'thon te/ gzas pa po gang yin te gsod pa'o/ /phyag rgya dkyus nyid gsal lo/ /de nas gshin rje gshed po'i sngags dang phyag rgya bstan te/ aoM badzra yamAn+ta ka hUM zhes pa ni bskyed pa rkyen gyi sngags so/ /pa tsa pa tsa hUM phaT ces pa bzlas pa las kyi sngags so/ /sngags 'di bzlas shing phyag rgya bcings pa'i dgug par bya ba'i dus na lcags kyu can du 'phro ba dang bsang par bya ba'i dus na mtshon chas gdug pa can thogs pa 'phro ba dang dbye ba'i dus na gdug pa la sogs pa spro ba dang/ skrad pa'i dus na rnga mo la skyon nas ded nas 'gro ba'i las byed pa'o/ /de nas yang mi g.yo mgon po'i sngags dang phyag rgya bstan te/ aoM badzra kro ta arya a tsa le hUM zhes pa ni/ bskyed pa rkyen gyi sngags so/ /band+ha band+ha hUM phaT ces pa bzlas pa las kyi sngags so/ /sngags 'di bzlas shing phyag rgya bcas pas/ /lha dang klu dang gnod sbyin thams cad ci bsgo ba'i las thams cad byed par 'gyur te /bgegs bsal bred cing brgyal bar 'gyur ro/ /de nas yang rdo rje'i sngags dang phyag rgya bstan te/ aoM badzra kro ta ha ya grI ba hUM/ bskyed pa rkyen gyi sngags so/ /hu lu hu lu hUM phaT ces pa ni/ bzlas pa las kyi sngags so/ /sngags bzlas phyag rgya bcings te/ gtad pas dug 'joms par 'dod pa'i dus na rta mgrin yab yum gyi bdud rtsi dug gis zin pa'i bu gar drangs zhing bstim pas dug sel bar gyur to/ /ser ba bzlog pa'i dus na ba spu'i bu ga nas kyang khro bo ral gri thogs pa mang po byung ste/ sprin ral par bsam mo/ /bdag nyid kyis kyang mig bzlog la sngags bzlas so/ /nad ba bsrung bar 'dod na/ bdud rtsi'i chu rgyun seng ge'i sgo nas drangs la nad pa la bstim ste nad thams cad byang bkrus par bsam mo/ /yang gzhan gyis mi thub pa'i sngags dang phyag rgya bstan te/ aoM badzra kro ta a pa ra tsi ta hUM/ bskyed pa rkyen gyis sngags so/ /tista tista hUM phaT ces pa ni bzlas pa las kyi sngags so/ /sngags bzlas phyag rgya bcings nas gtad pas gdon la sogs pa thams cad gzir bar byed pa'o/ /de nas yang bdud rtsi 'khyil ba'i sngags dang phyag rgya bstan te/ aoM badzra kro ta hUM a mri ta kuN+Da li hUM zhes pa ni bskyed pa rkyen gyi sngags so/ /tshin tshin hUM phaT ces ba ni bzlas pa las kyi sngags so/ /sngags bzlas phyag rgya gtad bas sangs rgyas dang byang chub sems dpa' yang bskyod bar nus na gzhan la sprad pa lta smos kyang ci dgos zhes so/ /de nas yang khams gsum rnam par rgyal ba'i sngags dang phyag rgya bstan te/ aoM badzra kro ta tre lokya bi tsa ya hUM zhes bskyed pa rkyen gyi sngags so/ /bind+ha bind+ha hUM phaT ces pa ni bzla pa las kyi sngags so/ /sngags ? phyag rgya bcings te/ bdag gi thugs ka nas khro bo'i zhags pa thogs pa ? bar byed do/ /de nas stobs po che'i sngags dang phyag rgya bstan te/ aoM badzra kro ta hUM ma ha pa la hUM zhes pa ni bskyed pa rkyen gyi sngags so/ /spo ta ya spo ta ya hUM phaT ni bzlas pa las kyi sngags so/ /sngags bzlas phyag rgya gtad pas than pa byung ba'i dus na klu thams cad bred cing brgyal nas char 'bebs par byed do/ /ha cang yang char ches na dur khrod kyi ras la dug nas sngags mjug nas bzlog ste bzlas na tshar pa 'chad par 'gyur ro/ /de nas yang khro mo rnams kyi mtshan nyid thabs kyi las ji ltar yin pa ltar shes par bya'o/ /dkyus ni dgrol mi dgos so/ /gzhan yang sprul pa'i pho nya dang zhes pa la sogs pa rnams ni/ nges pa med par rgyal bas gsungs so/ /sngags dang phyag rgya'i le'u las ni sngags dang phyag rgya'i le'u'o/ /bdud rtsi thigs pa'i rgya cher bshad pa la skun rdzob kyi bden pa 'ba' zhig gis bshad pa'i le'u ste/ dgu pa'o// //de ltar sngags dang phyag rgya la sogs gsungs kyang sras bskyed pa la sogs pa'i ting nge 'dzin gyi rim par che ba med na las kyi go skabs kyis mi phyed pas/ ting nge 'dzin rim par phye ba bstan pa'i phyir/ de nas zhes pa la sogs pa gsung te/ bcom ldan 'das kyis 'di gsungs so/ zhes bya ba sbyar ro/ /gang gsungs she na/ thabs 'og nas 'byung ba 'di gsungs so/ /nam mkha' i dbyings kyi dbus ngas bar/ /nyi ma'i dkyil 'khor bsgom par bya zhes bya ba ni/ nam mkha' i dbyings ni chos kyi 'byung gnas te/ de'i nang du yi ge bsams la de yong su gyur ba las nyi ma'i dkyil 'khor bsgom mo/ /de dbus bdag po'i gzugs bsam ste/ las rnams thams cad brtsam par bya zhes ba ba ni nyi ma'i dkyil 'khor de'i dbus su yi ge hUM hUM de las rdo rje rtse dgu pa de las bdag po'i gzugs su bskyed de/ sku yongs su rdzogs pa dang/ las thams cad brtsam par bya'o/ /nam mkha' i 'khor lo rab bsgyur bas zhes bya ba ni/ nam mkha' i gnyis med pa'i ye shes stong pa nyid yin la/ de'i 'khor bcom ldan 'das rdo rje gzhon nus bsgyur pa las rnams thams cad byed par 'gyur te/ mi bya ba gang yang med do/ /don dam pa byang chub kyi sems so/ /de nas sras phur pa bskyed pa'i ting nge 'dzin bstan pa'i phyir/ de nas zhes pa la sogs pa gsungs te/ phur pa rgyun gyi ting nge 'dzin 'di gsungs so/ /zhes bya ba ni/ mgo nas 'byung ba 'di rnams so/ /gdeng dang ldan pa'i rnal 'byor pas/ zhes bya ba ni yang dag pa'i ting nge 'dzin dang dus rtag tu mi 'bral zhing/ sems bde ba'i nyams yod pa ni/ gdeng dang ldan pa'i rnal 'byor pas/ des bsgom par bya ba ni/ 'di ste dang po dngos med byang chub sems/ /stong pa chen po'i ting nge 'dzin las/ zhes bya ba ni/ dang po chos kyi dbyings spros pa'i mdza' brgyad dang bral ba de nyams su blangs nas bsgoms te/ dngos po ci yang med pa'i ngang la rdzas kyi phur pa khro bo'i gzugs su bstan te/ de yang ji ltar rtag ce na/ rgya mdud steng du gzhal yas khang/ khrag 'thung tshogs kyis rnam par bsgom/ zhes pa'i bar gyis bstan te/ rgya mdung dbu ma'i steng rin po che zur brgyad pa'i nang du gzhal yas khan bsgom par bya'o/ /rgyan la sogs pa gzhung gzhan las gsungs pa ji bzhin pa'i rim pa'o gzhal yas khang de'i nang du zhing rnams kyi gdan stengs su gsal ba'i steng ste/ nyi ma dang zla ba gnyis brtsegs pa'i steng du khrag 'thung gi tshogs 'od zer gyis spyan drangs nas/ gzhal ya khang gi nang du rgyas par bsgom mo/ /de la ting nge 'dzin gyi mchod pa dbul lo/ /de las sras mchog la yang zhes bya ba ni/ rten dang brten can du de las sras mchog kI la ya zhes bya ba ni/ rten dang brten can du bcas pa'i phur pa de las te rten dang brten can du bcas pa'i bdag gi zhal du thim nas lte ba'i dbus su ye shes kyi mes bzhu nas/ yum gyi pad+ma la gsang ba'i rdo rje yis 'phros pas sras phur du bsnyen bsgrub gnyis la ni gcig du 'gyur/ las kyi dus su nyi shu tsa cig go /de yang 'od dbung las phyag mtshan las skur bskyed do/ /zhal gcig phyag bzhi pa'o/ /dbu ska kham nag gyen du 'bar ba spyan gsum pa can/ de las sras mchog kI la ya zhes bya ba'o/ /rgya mdung man chad khro bo'i gzugs zhes bya ba ni/ zur gsum par gnas pa'o/ /phur pa'i lha nyid gsal bar bsgom zhes bya ba ni/ phur pa'i thugs ka nas hUM las yi ge'i phreng bas bskor bar gnas te/ yid kyis gsal bar bris lta bar bya'o/ /de nyid byin dang ldan pa'i phyir zhes bya ba ni/ sras phur ba de byin dang yang ldan par bya ba'i phyir/ aoM h+ri phaT ces yig 'bru bsam zhes bya ba ni/ yi ge gsum pa'o/ /yongs su bsam par bya ba'o/ /de gang du bsam zhe na/ spyi bo rked pa rtse mo la zhes gsungs te/ spyi bo aoM dkar po/ rked pa h+ri dmar po/ rtse la phaT mthing nag go /de lar bkod pa ji ltar bsgom zhe na/ sku gsung thugs su bsgom par bya zhes gsungs te/ aoM las zla ba'i dkyil 'khor gyi steng du sku'i rdo rje bsgom mo/ /h+ri las pad+ma 'dab brgyad pa'i steng du gsung gi rdo rje bsgom mo/ /pha las nyi ma'i dkyil 'khor gyi steng du thugs kyi rdo rje bsgom ste/ skus sku rnam par dag gcing brjod par byin gyis brlab pa dang/ gsung gis gsung rnam par dag cing drag po'i gdang sgra dang ldan par byin gyis brlab pa dang/ thugs kyis thugs rnam par dag cing zhes sdang chen pos sgrol ba'i mthu dang ldan pa'o/ /de nas ye shes lnga dang ldan par byin gyis brlab te/ ye shes lnga'i ye shes lnga zhes bya ba ni/ me long lta bu'i ye shes la sogs pa las byung ba'i yi ge 'og nas 'byung ba 'di lnga'o/ /aoM a hUM swaha/ lnga po 'di'o/ /de gang du bsgom zhe na/ spyi bo lce dang snying ga dang rked pa yan lag dag la te / zhes bya ba ni/ spyi bo ste/ steng gi sgor aoM bsgom mo/ /de ni chos kyi dbyings kyi ye shes las byung ba ste/ de dang ldan par byin gyis brlab pa'o/ /lce la aM ste so sor rtog pa'i ye shes las byung ba ste/ de dang ldan par byin gyis brlab pa'o/ /rked par swa ste mnyan pa nyid kyi ye shes las 'byung/ de dang ldan par byin gyis brlab pa'o/ /snying gar hUM ste me long lta bu'i ye shes las byung ba ste/ de dang ldan par byin gyis brlab pa'o/ /yan lag gi rked mtshan du ha ste/ bya ba grub pa'i ye shes las byung ba ste/ de dang ldan par byin gyis brlab pa'o/ /de tar ye shes lnga dang ldan par byin gyis rlabs nas/ da ni spro bsdu'i yi ge thugs ye shes rtse gcib par byin gyis brlabs te/ de bstan pa'i phyir/ spro dang bsdu ba'i yi ge ste/ hUM gsum dang ni phaT gsum gyis/ gsungs te spro bar bya ba ste phaT to/ bsdu ba'i yi ge hUM ngo/ /de lta ba'i yi ge drug po gang du bkod ce na/ ngos gsum dang zur gsum la rtse mo gcig tu bsgom par bya'o zhes gsungs te/ ngos gsum la hUM gsum/ zur gsum la phaT gsum/ ngos kyi hUM gsum ni/ thugs kyi rang bzhin la rnam par thar pa'i sgo stong pa nyid dang/ mtshan ma med pa dang/ rang bzhin gyis 'od gsal ba gsum nga'o bas hUM gsum ste/ des nyon mongs pa 'joms pa'i rtags tu/ zur gsum la phaT gsum du byung ba'o/ /de nas gsang ba'i dkyil 'khor ni/ sku shin tu rtas pa de'i phyi rol gyi e'i gdan la gdon bar bya ste/ aoM badzra kI li kI la ya tib ta tsakra hUM dza zhes brjod pa/ gsang ba'i gnas nas e'i gdan la bzhugs su gsol lo/ / bzhugs pa de la dbang bskur bar bya ste/ de bstan pa'i phyir rigs kyi dbang mchog thob bya'i phyir/ zhes pa la sogs pa gsungs te/ rang gi rigs kyi dbang bskur te/ zhes bya ba ni rang gi rigs so so'i dbang bskur te/ /de yang ji ltar zhe na/ 'chol bar spros la so sor bstim zhes gsungs te/ 'chol bar spros pa ni sku'i rigs la yang sku gsung thugs spros la sku gsung thugs las yang de bzhin no/ /de ltar 'chol bar spros pas dus gsum gyi sangs rgyas thams cad la ma chod pa phul nas/ sku gsung thugs su dbang bskur cig par bskur/ khams gsum gyi nyon mongs pa sbyangs slar la rang rang gi rigs ma 'chol bar bsdus nas bstim pas/ so so'i dbang thob ste/ /byin dang ldan par 'gyur ro/ /de nas yang byang chub kyi sems kyis dbang bskur zhing/ byin dang ldan par bya ba'i phyir/ g.yas g.yon thabs dang shes rab las zhes pa la sogs pa gsungs te/ lag pa g.yas pa thabs kyi rang bzhin te/ de'i mthil du ma bsams la/ de las nyi ma'i dkyil 'khor de'i steng du/ a bsam a las kun tu bzang po'i skur bskyed de/ lag pa g.yon pa shes rab kyi rang bzhin te/ de'i mthil du a bsam/ de las zla ba'i dkyil 'khor de'i steng du/ a bsam de las kun tu bzang mo'i bskur bskyed do/ /de'i rjes las g.yas g.yon gnyis ka'i sor mo'i mthil bcu la zla ba'i dkyil 'khor bsam par bya'o/ /de nas thal mo mnyam por sbyar la su ra ta stom zhes brjod pas/ kun tu bzang po yab yum sbyor ba mdzad pas/ byang chub kyi sems 'od zer du 'phros te/ zla ba'i dkyil 'khor dag gi steng du gnas par gyur te/ g.yas pa'i lnga la gung mo la aM mthe bong la hUM mdzub mo la h+raM/ srin lag la h+ri/ mthe chung la ha bsam par bya'o/ /g.yon pa rnams la yang de rnams bsam par bya'o/ /de las sku yongs su rdzogs par bskyed de las sor mo yab yum bcur sgom zhes gsungs pa'o/ /yab yum bcu po sbyor ba'i brda' bskul te/ aoM badzra a tsa la hUM zhes brjod pas/ yab yum rdo rje dang pad+ma phrang pa ste/ sor mo cung zad bsnol la aoM badzra ban hUM zhes brjod pas yab yum stod smad 'khyud pa ste/ sor mo rgyab tu bsnol te bsdam pa'o/ /de nas byang chub kyi sems yum gyi mkha' la gnas pa la/ aoM sarba ta thA ga ta pu tsa dz+nyA na badzra swa b+hA ba at+ma ko haM zhes brjod pas/ yum gyi ba spu'i bu ga nas byang chub kyi sems 'phros te/ dus gsum gyi bde bar gshegs pa la mchod pa phul/ sras phur pa 'di la byang chub sems kyis dbang bskur cig pa'i byin brlabs 'od 'phros pas/ zhes gsungs pa yin no/ /de nas phur pa lag pas blangs la sa ma ya stwaM zhes brjod la blang/ mthe bong dang srin lag gung mo ni sku gsung thugs gsum gyi dbus su btsug lag pa'i rting pa phye stwaM zhes brjod la blang/ mthe bong dang srin lag gung mo ni ya a zhes brjod pas/ dus gsum gyi bde bar gshegs pa yab yum gyi byang chub kyi sems mu tig dkar po dri ma med pa ltar/ sras phur pa la thim ste/ thim pas byang chub sems kyi dbang thob nas shin tu 'od 'phros par 'gyur ro/ /de la ni 'du byed las kyis byin gyis brlabs zhes gsungs te/ lag pa g.yas g.yon gyi thabs shes rab gnyis kyi 'du byed kyis bskul te byin gyis brlabs pa'o/ /phyogs bcu rgyal pa yab yum gyi byang chub kyi sems kyi sras de la bstims pas de la ni/ phyogs bcu'i rgyal ba yab yum gnyis med sbyor ba'i byang chub sems dpar ma chad bar de la bstims/ zhes gsungs te/ sras phur pa de la bar ma chad par bstim zhing dbang bskur ba'o/ /des kyang byin chen 'dus par 'gyur zhes bya ba ni/ byang chub sems kyi dbang bskur ba des kyang dus gsum gyi bde bar gshegs pa'i byang chub kyi sems kyi byin brlabs thams cad sras phur pa la 'dus par gyur to/ de nas yang sku gsung thugs dbang ste/ de'i phyir de nas sku gsung thugs nyid du/ /byin gyis brlab cing bstan bya ste/ zhes gsungs te/ sngon la thugs su byin gyis brlab cing dbang bskur ba bstan te/ bdag nyid las thugs phyag mtshan mang po spros pas las gnyis byas te sems can gyi kun gzhi la gnas pa'i bag chags sbyangs/ bde bar gshegs pas sras phur pa la/ thugs rjes byin gyis rlobs shig par bskul nas/ gphar 'phros pas slar 'dus pa dang dus gsum gyi bde bar gshegs pa'i thugs kha nas kyang phyag mtshan mang po sras phur pa la gnyis su med par bstims pas sras phur pa'i thugs ka'i hUM la thim pas shin tu thugs bstan zhing 'od 'phro bar 'gyur te/ phyag rgya bcas te/ aoM badzra swa ta ra tsa hUM zhes brjod cing bstim pa'o/ /des ni thugs nyid rdo rjer 'gyur zhes gsungs te/ brtan pa'i phyir rdo rje'o/ /de nas gsung gis dbang bskur zhing byin gyis brlabs te lag gnyis sor mo rtse sprad de zhes bya ba ni/ lag pa'i sor mo kun sbrang cing ma sprad la khad pa tsam bya ste/ /pad+ma lta bur byas pa'i phur pa lag pa'i rting pa'i bar du bcug ste/ rting pas phur bu dril bar bya zhing/ rnal 'byor rdo rje'i tshig tu brjod pa'i sngags ni 'di yin te/ aoM phur bu b+ha ta phaT/ ces brjod pas bdag nyid kyi thugs ka nas hUM/ mang po 'phros te las gnyis byas te/ sems can ngag gi mi dge ba thams cad sbyangs dus gsum gyi bde bar gshegs pa thams cad la sras phur pa la gsung gis dbang bskur zhing byin gyis rlobs shig par bskul bas/ hUM 'phros pa nyid dang bde bar gshegs pa'i thugs ka nas gsung yig 'bru mang po slar 'dus nas sras po'i gsung gi gnas su byin gyis brlab cing bstim mo/ /de ni gsung nyid rdo rjer 'gyur zhes te/ dbang bskur zhing byin gyis brlabs pas gsung bstan zhing khros pa'i gdangs dang ldan pa'o/ /de nas yang sku'i dbang bskur zhing byin brlab pa ston te/ lag gnyis sor mo rgyab bsnol te/ mthe bong gshibs ba'i chang ba ru zhes bya ba ni/ /lag pa gnyis bsnol thal mo sbyar la sor mo rnams brgyab tu bsnol te/ mthe bong gnyis gzhibs te/ de'i bar du phur pa bcug la rdo rje bcug la rdo rje phur bu de 'dril bar byas shing rnal 'byor pas kyang/ rdo rje'i tshig tu brjod pa'i sngags 'og nas 'byung ba 'di'o/ /aoM ha na ha na sti sta tsakra hUM phaT ces brjod pas bdag nyid kyi thugs ka nas sku mang po spros pa las gnyis byas te/ sems kyi lus kyi mi dge ba thams cad sbyangs/ /bde bar gshegs pas sras phur pa la dbang bskur cig par bskul bas/ sku 'phros pa de nyid dang bde bar gshegs pa'i thugs ka nas sku mang po byung nas sras phur pa la thim pas sku'i gnas gang yin pa de la byin gyis brlabs shing dbang bskur bas des ni lus nyid rdo rjer 'gyur/ de nas sras phur pa de la mchod pa bya ba bstan te/ de'i phyir de nas phur bu rgyan gyi ting nge 'dzin 'di gsungs so/ zhes bya ba ni/ sras phur pa la dbang bskur ba'i de ma thag pa de nas mchod par bya ba 'og nas 'byung ba 'di gsungs so /e yi gdan la bzhugs pa yi/ /khros pa'i rgyal po de nyid la /zhes bya ba ni e'i gdan la bzhugs pa ni shes rab las byung ba'i rtags te/ khros pa'i rgyal pos de nyid la mchod par dbul bar bya ba yin te/ bdag nyid kyi thugs ka nas du ba la sogs pa'i lha mo rnams ston nas/ des phyi'i mchod pa dbul ba'o/ /la se la sogs pas nang gi mchod pa dbul ba'o/ /yungs kar rgyal pos brdeg bya zhing/ zhes pa ni/ lag mthil gnyis la nyi ma dang zla ba bsams la/ nyi ma dang zla ba ni thabs dang shes rab kyi rang bzhin te/ gnyis kyi dbus su yungs kar bzhag pas thabs dang shes rab kyi mthus yungs kar khro chung du gyur te/ des phur pa la brdegs pas khro chung phur pa la thim pas shin tu rno zhing dpal dang ldan de 'od zer 'bar bar gyur te/ rtse gcig rdo rjer byin gyis brlabs zhes gsungs so/ /lag mthil g.yas su sbyar ba yi/ /gu gul dud pa sprin phung gis/ gtug chen mchod pas mchod par bsgom zhes bya ba ni/ lag mthil g.yas su yi ge ho bsam la / yi ge yongs su gyur pa las me dpung 'bar bar bsams pa de la gu gul bsregs te / sras phur pa la gtugs pas gu gul gyi dud pas mchod pa phul bar bsam/ ho las 'byung ba me'i dur khrod kyi me dpung gi dkyil na bzhugs par bsam mo/ /phyi nang mchod pa ci 'byor bas/ mchod de las gang bsgom par bya zhes bya ba ni/ phyi nang gi mchod pa ni gong du gsungs so/ /de ltar mchod pa byas pa'i rjes la bstong pa ni/ /hUM bskal pa me ltar 'bar pa'i klong dkyil nas/ mthing nag gru gsum 'bar ba'i dkyil 'khor du/ /badzra 'dus pa'i sras mchog kI la ya/ /thugs rje mnyam pa'i dbyings nas sprul pa 'gyed/ /zhe sdang bdud 'dul sku la phyag 'tshal bstong/ /bskal pa me ltar 'bar ba'i klong dkyil nas/ /mthing nag gru gsum 'bar ba'i dkyil 'khor du/ /b+hud ta 'dus pa'i sras mchog kI la ya/ /sku mchog rdzogs pa'i sku la 'od zer 'phro/ /gti mug bdud 'dul sku la phyag 'tshal bstod/ /bskal pa me ltar 'bar ba'i klong dkyil nas/ /mthing nag gru gsum 'bar ba'i dkyil 'khor du/ /rang na 'dus pa'i sras mchog kI la ya/ /yon tan rgya mtshor 'khyil zhing dbyings nas gsal/ /nga rgyal bdud 'dul sku la phyag 'tshal bstod/ /bskal pa me ltar 'bar ba'i klong dkyil nas/ mthing nag gru gsum 'bar ba'i dkyil 'khor du/ /pad+ma 'dus pa'i sras mchog kI la ya/ /gsung mchog bsgrags pas 'gro ba mdza' dag 'dul/ /'dod chags bdud 'dul sku la phyag 'tshal bstod/ / bskal pa me ltar 'bar ba'i klong dkyil nas/ /mthing nag gru gsum 'bar ba'i dkyil 'khor du/ /kar ma 'dus pa'i sras mchog kI la ya/ /'phrin las drag pos log lta 'dul mdzad cing/ /phrag dog bdud 'dul sku la phyag 'tshal lo/ zhes bstong nas bdag gi brnag pa'i las 'di lta bu grub par mdzod cig / ces bsgo ba'o/ /de nas yang ston pas bzlas mchog rgyun gyi ting nge 'dzin 'di gsungs so/ /bdag nyid dang po rnal 'byor du 'dug ste/ /snying gar nyi ma'i dkyil 'khor la/ zhes bya ba ni/ bdag nyid dang po bdag la mchod pa dang bstod pa byas pa'i de ma thag par/ lha'i rnal 'byor las ma 'phos par/ /bdag nyid kyi ye shes sems dpa' i thugs ka nas rdo rje'i nang na nyi ma'i dkyil 'khor bsgom mo/ /de'i steng du mthing nag 'bar ba'i hUM bsgom mo/ /hUM de la aoM badzra kI li kI la ya/ hUM phaT/ ces pa ni bsnyen pa'i dus su bskor la bya'o/ /bsgrub pa'i dus su shar la 'byung ba bya'o/ /las kyi dus su zhar la 'byung ba bya ba'o/ /las kyi dus su gang gis spros pa'o/ /de la bskor ba la ni/ sngags kyi yi ge rab bskor zhes gsungs pa'o/ /phur pa la yang de bzhin te zhes bya ba ni/ phur pa la yang gong du bstan pa bzhin du bya ba'o/ /rang sngags tshigs su brjod pa las zhes bya ba ni/ yi ge bskul ba dang spro ba'i sngags te/ aoM badzra kI li kI la ya hUM phaT ces rdo rje'i tshig du brjod pas/ /hUM yan chad ni bskul ba'o/ /phaT kyis bskul ba ni spro ba'o/ /de ltar sngags drag dal phyed par bzlas pas/ yi ge las 'od du 'phros pas/ 'od de rtsa g.yas nas zhugs sna'i bu gu g.yas nas 'thon/ sras phur pa'i sna g.yon nas zhugs snying ga'i yi ge'i rnams bskul sras phur pa nyid shin tu 'od zer 'phro ba byas/ rtsa dbus mnas mar zhugs lte ba'i dbus nas 'byung bdag nyid kyi lte ba'i sbu gu nas zhugs bdag gi lus 'od zer can du byas snying ga'i yi ge bskul rtsa g.yas pa nas 'od du 'bar de bzhin du mgal me chad pa la bskor ba ji bzhin te/ spro ba dang bsdu ba'i yi ge'i las kyi skabs kyis 'khor ro/ /de'i zhar la byung ba'i ting nge 'dzin bsnyen pa'i dus su 'od zer phar 'phro ba tsam na/ de la 'od zer mgar ba'i tsha tsha bzhin du phyogs bcur 'phros pa de'i las gnyis byas te/ khams gsum gyi sems can log par lta ba rnams bsgral bde bar gshegs pa rnams la drag po'i phur pa 'di byin gyis rlobs shig par bskul bas/ dus gsum gyi bde bar gshegs pa'i thugs ka nas/ phur pa phra mo'i skur 'phros te/ sras phur bu rab tu khros pa'i snying gar bstim la byas nas gzi byin bskyed cing mthu bskyed par bya ba 'o/ /sgrub pa'i dus su zhor las byung ba'i ting nge 'dzin te 'od las khro chung lcags skyu can du gyur te/ des gzas pa po gang yin pa'i rnam shes de bkug nas sras phur bu'i 'og tu chud par bsams pa'o/ /las kyi dus ni bdag dang phur bu gnyis dang/ phyogs bcu'i khro bo bdun gyi thugs ka nas/ spro zhing dgug par bya ba'o/ /grangs kyi bsnyen pa'i dus su ni sa ya'o/ /bsgrub pa'i dus su ni 'bum mam nyis 'bum mam/ sum 'bum mo/ las kyi dus su ni re re la brgya rtse brgyad brgyad do/ /de lta bu'i grangs kyi bsnyen pa tshad pa ni/ mtshan ma dbyung bar gdon mi za zhes bya ba'i mtshan ma rnam pa lnga ste/ dang po du ba 'dra ba dang gnyis pa mar me'i dra ba dang/ zhes pa la sogs pa 'byung ngo/ /mdor na rtags sku'i mtshan ma byung na'o/ / drag po'i rtags gsum ni/ /rab kyis mngon du khugs pa dang/ 'bring gis ling gar khugs pa dang/ tha mas mtshan ma rtag tu 'ong ste/ de lta bu'i mtshan ma byung ste/ bsnyen pa grangs tshang na'o/ /dus kyi mtshan ma ni zla grangs dang lo grangs zhag grangs kyi dus su'o/ / mtshan ma'i bsnyen pa ni mtshan ma nam byung gi bar du ste/ mtshan ma mthong ba na bsnyen pa tshang ba'o/ /de ltar bsnyen pa dang bsgrub pa dang las kyi mtshan ma byung ba dang/ gdong las 'og nas 'byung ba la sbyar ba'o/ /de nas phur pa gdab pa'i ting nge 'dzin bstan te/ de'i phyir de nas gdab par rgyun gyi ting nge 'dzin 'di gsungs so/ zhes pa la sogs pas bstan te/ tib ta tsakra phur pa'i lha zhes bya ba ni/ sras phur ba nyid la bya ste/ rdzas kyi phur pa'i lha'o/ /khros pa mi zad 'bar ba yi/ sras phur pa de shin tu yang khros pa mi zad pa'i 'od zer 'bar ba'o/ /rked nas lag g.yon 'debs tshul du zhes bya ba ni/ phur pa'i rked pa nas lag pa g.yon pas bzung ste/ 'debs pa'i tshul du gzas pa po'i g.yas pa'i thobs rdeg tshul du bya zhes pa ni/ g.yas pa'i tho bas 'byar tshul gyis brdeg pa ste 'byor ba'o/ /rdo rje sder mo'i sngags 'di yis/ /bdun nam nyi shu rtsa gcig tu zhes bya ba ni/ 'debs pa'i dus dus su/ so so'i sngags dang sgrogs la grangs ni bdun nam nyi shu rtsa gcig bzlas pas gdab pa'o/ /rdo rje sder mo'i sngags 'di'o/ / a oM na madang sgrogs pa ste ci drag tu brjod la gnas su gdab pa ste/ sngon la snying la gdab pa ste/ skabs de ru tshe lung khrus lung gnyis bya ba ste/ sngags 'og nas 'byung bas bya'o/ /de nas gzugs de nyid bkug cing bstan par bya'o/ / bstan par bya zhing gdab pa'i phyir / zhes bya ba la sogs pa gsungs te/ gzugs la bsdu zhing mtshan mar gdab par bya ba'i phyir/ rdo rje tshig tu 'og nas 'byung ba 'di brjod do/ /dam tshig can gyi dus la bab ces bya ba ni/ bdag nyid chen mo'i sngon bcom ldan 'das kyi spyan snga ru rang gi srog gi snying po mdong sol du phul nas rnal 'byor pa'i grogs bya bar khas blangs shing dam bcas pa'i dam tshig can dang/ sho na mu ka sngon gdug pa can 'joms pa'i dus na zangs kyi wa mo la zangs kyi mi mo zhon nas lcags kyi spyang ki brgyad ni g.yon na khrid dpal gyi khyi brgyad ni g.yas nas khrag 'thung gi rgyal po ci bgyi bka' bstsal du gsol zhes zer zhing 'ong ba'i dus su dam tshig pho gcig dam la brtags pa'i dam tshig can dang/ sa bdag chen mo'i phur bu'i srung mar khas blangs shing dam bcas te/ dbang bskur bas mos pa'i sa la dbang bas sa bdag ste de'i dus su dam la btags pa'i dam tshig can dang/ de rnams kyi srog gi snying po'i dam la ma 'da' bar las gyis shig pa ste/ dgug pa'i las bskul zhing btang ba'o/ /de yang ji ltar btang zhe na/ bdag nyid chen mo ni mthu'i bdag nyid du gyur pa re ma ti bskul te/ bsgrub pa'i dus su sha chen dang gsur chen dang nal gyi sha dang khrag chen dang gla ba shing kun tsan dan dkar dmar rnams kyi mchod pa dbul zhing/ gzhung gzhan nas byung ba'i tshig bshad kyis bcol ba bya zhing srog gi snying po nas drang zhing las la btang ngo/ /de nas yang sho na mu ka'i bskul ba ni/ nyi ma'i mchod pa phul la las bcol ba ni/ de yang ci'i phyir zhe na/ bshad pa'i rgyud kyi rjes 'brangs nas/ sho na mu ka bskul ba ni/ nyi ma'i mchod pa phul la bskul zhes pa ste/ de yang srog gi snying po nas drangs shing las bcol lo/ /de nas yang sa bdag chen mo la las bcol te/ snod kyi khrag snod kyi sha las gzhi blangs pa'i gtor ma byin la sngon gyi lo rgyus dang/ dam ji ltar gsal ba yang brjod la srog gi snying po nas drangs la las bcol lo/ /de nas 'phra men ma las la bskul te/ snying sna mang po dang/ khrag sna mang po dang/ gtor ma byas te/ ming nas bos la 'phra men ma bcu drug las la gtang ngo/ /de nas yang srin mo'i tshogs la las bcol te/ snying gi rtsa ba ni srog pa rtsa ste/ de las gzhi blangs te gtor ma byas la mtshan tshig nas bos la gtor ma byin la las bcol ba ste/ gtor ma byin gyis brlab pa bdud rtsir byin gyis brlab pa ste/ gong nas gsungs pa'i rim pa'o/ /de ni bsgrub pa'i dus su sbyor cig /drag po'i dus su ni las kyi sngags bzlas shing khrag spungs kyi brdeg pa'o// bsnyen pa'i dus su ni gtor ma byin gyi las bcol ba ni ma yin no/ /de ltar gtor ma byin nas las bcol ba ni/ ci la dgos she na/ de bstan pa'i phyir/ byang chub mchog tu sems bskyed cing zhes pa la sogs pa bstan te/ de yang chos kyi dbyings su bsgom pa'i don dam pa byang chub mchog tu sems bskyed pa dang/ sku gsung thugs kyi dkyil 'khor du sku phyag rgya chen por bsgom pa kun rdzob byang chub mchog tu sems bskyed cing/ dus gsum gyi rgyal ba sangs rgyas thams cad kyi gdung 'tshob cing bde bar gshegs pa'i sku'i rigs dang/ gsung gi rigs dang thugs kyi rigs dang/ rnal 'byor pa'i lus ngag yid gsum gyis 'dzin cing bsgom pa'i rnal 'byor pa bdag cag rnams la ni/ bdag gi sgom la gnod cing lus dang tshe la gdug pa'i sgra dang bgegs sam gang yin pa dang/ 'on te bdud dang ste srog gi bar du gcod pa dang/ dgra ste dge ba la bar du gcod pa rnams ni/ bsgral ba'i gnas de'i bdud kyis ni dngos grub 'phrog par byed la/ dgras ni rnam par 'tshe bar byed de/ de rnams dbang du bsdu ba'i phyir/ khro bo chen po'i byin brlabs kyis/ yud tsam gyis ni de bkug nas/ /mngon spyod tshul bzhin bsgral ba dang/ /lus ngag rdul du bshig nas kyang/ /sdug bsngal nyams su myong bar mdzod/ ces gsungs/ khro mo chen mo bcom ldan 'das rdo rje gzhon nu'i byin brlabs kyis bdag nyid chen mo dang/ sho na mu ka dang/ sa bdag chen mo dang/ 'phra men ma dang/ za byed ma dang/ mche ba can dang gshog pa can la sogs pa'i pho nya'i tshogs kyis se gol gtogs pa tsam thang cig yud tsam gyis 'dul bar bya ba'i zhing gang yin pa de gnas nas 'dir bkug nas/ dbang po mngon sum du drag po'i las kyi mngon spyod kyi tshul bzhin du bsgral nas/ kun gzhi rnam par shes pa rgyal ba'i sras su bya ba dang/ nyon mongs pa'i bag chags nye bar len pa'i phung po bshig pa'i phyir 'byung ba bzhis bskyed pa'i lus ngag yid gsum rdul du bshig nas kyang/ las dang nyon mongs pa'i bsgrib pa sbyangs pa'i phyir/ mnan cing gzir ba'i sdug bsngal gzas pa po gang yin pa'i lus ngag yid gsum gyis nyams su myong bar mdzod cig /ces pa las bcol te/ 'on te las byed du ma 'dod na bdag nyid kyis bsnyen phur dril zhing bdag nyid kyi lce la nyi ma'i dkyil 'khor gyi steng du hUM de las rdo rje bum pa'i nang na hUM gnas pa de'i 'od zer gdug pa de bdag nyid chen po la sogs pa'i steng gi sgo nas rtsa'i bu ga kun nas phar zug ste/ 'od zer nges bdag nyid chen mo la sogs pa'i snying khrag zhal du rdubs pas bdag nyid chen mo la sogs pa rab tu myos nas 'gyel bar bsam mo/ /de'i phur pa dang gnyi ga las 'od 'phro ba'o/ /de nas yang phur pa'i rtse mo dam can rnams la gtad de dril zhing bdag nyid bdud rtsi 'byung ba'i ting nge 'dzin du zhugs te/ dam can rnams gan kyal du dgyel ba'i snying kar gtad pas phur ba las bdud rtsi dkar la dag pa'i chu rgyun 'byung bas ma mo rnams kyi lus bsos te/ gzi mdangs can du byas nas/ bdag gi dam tshig ni gang lags las ni ci bgyi zhes zer zhing 'dug par smra ba'o de las bdag nyid kyi las ni dam can rnams kyi kha ru bdud rtsi blud de/ aoM a mri ta ma ma ya ha ha nan ra gan zhes blud pas sngon ji ltar dam bcas shing khas blangs pa de rjes su dran nas rnal 'byor pa ji ltar 'dod pa'i las byed par 'gyur ro/ /de ni dam can rnams thugs dam gnas la phab la drag po'i las la bskul ba'o/ /de nas mnan par bya ba'i snying po gsungs te de'i phyir/ aoM laM zhes bya ba la sogs pa gsungs te/ de'i aoM laM zhes gsungs pa ni/ gzas pa po gang yin pa'i spyi bo yi steng du laM bsam par bya ba'o/ /laM de yongs su gyur pa las/ gser gyi ri rab shin tu brjid che zhing lcib zhig bskyed ba ste/ de ni aoM laM ste rngos po ri rab bo/ rngos po de yang bcom ldan gyi thugs rnam par mi rtog pa bsam g.yos pa'i phyir hUM laM mo/ de lta bu dang ldan pa'i ri rab des gzas pa po gang yin ba gzir ba'i phyir na bstan pa ni zhes pas gzir cig pa'o/ /rngos po'i ra rab de rngos lhad de snang ba sku'i rang bzhin/ de las 'od 'phro ba gsung gi rang bzhin de las don dam par rang bzhin med pa thugs kyi rang bzhin de'i phyir mo ha ga ya b+ha ga ban da zhes gsungs pa yin te/ mo ha na sku dang ldan pa'i ri rab/ g.yan gsung 'od zer dang ldan pa'i ri rab/ b+ha ga bAn da na thugs spros pa dang bral ba bcom ldan 'das dang ldan pa'i ri rab bo/ /sku gsung thugs dang ldan pa'i ri rab des gzas pa po las dang nyon mongs pa gzir ba'i phyir/ sh+ri kri bi kri zhes gsungs pa yin te/ las gzir ba ni sh+ri kri las kyis bskyed pa'i nyon mongs pa gzir ba ni bi kri'o/ /de yang gzir ba'i las la byin can du bya ba'i phyir badzra hUM ka ra ste ri rab de'i steng du ma bsam ste de yongs su gyur pa las nyi ma'i dkyil 'khor de'i steng du hUM bsams te/ / / yongs su gyur pa las rdo rje rgya gram du gyur/ de'i steng du nyi ma'i dkyil 'khor de'i steng du hUM yongs su gyur pa las rdo rje ste de las ni/ hUM ka ra'i sku yongs su gyur par bskyed de/ bskyed pa'i sngags badzra hUM ka ra hUM zhes pas ? gsal bar bskyed de/ de'i zhal nas gdug pa'i sngags hUM hUM hUM phaT phaT phaT ces sgrogs shing/ gzas pa po gang yin pa de/ 'bros su mi gnang bar zil gyis gnon pa'o/ /de nas yang 'dren par byed pa'i sngags sgras bstan te/ de'i phyir/ aoM badzra kI li kI la ya dzadang/ rgyud mar byung nas dgug pa ste le'u brgyad pa nas 'byung ba dang sbyar ro /de nas yang tshe lung dang khrus lung bstan te de'i phyir rdo rje'i tshig tu brjod nas ni/ bkrag dang gzi mdangs bdag la bstim zhes pa la sogs pa gsungs te/ rdo rje'i tshig tu 'og nas 'byung ba'i sngags 'di brjod nas kho'i bkrag dang gzi mdangs phrogs nas bdag la thim par bya ste/ de yang snyan phur gdab pas phur pa'i 'od zer gyis gzas pa po'i snying dkar nag gi mtshams su btab pas tshe rabs thog ma med pa'i dus nas kun gzhi la bag chags ngan pa bsags pa ste phur pa'i 'od zer gyis bsregs par bsam mo/ /de'i skabs las ni rnam par byang ba'i byang chub sems zhes bya ste khrus lung ngo/ /de nas kun gzhi'i rnam par shes pa shel dag pa'i rang bzhin du gnas pa ste/ phur pa'i 'od zer gyis bzhu nas dngul chu zhun ma bzhin du gnas pa ste/ phur pa'i rtse mo la 'ub kyis 'dus nas a'i rang bzhin gnas te de'i dus su ri rab kyi steng na bzhugs pa'i khro bo hUM ka ra bzhengs nas gnas pa de la bdag nyid kyi phur pa dam tshig gi phyag rgyas bton nas/ aoM sarba bignan kI la ya hUM hUM phaT phaT ces pa ni gzhan du man ngag gis sbyar bar bya'o/ /aoM badzra hUM ka ra hUM a zhes brjod nas/ hUM ka ra la gtad pas hUM ka ra bzhengs pa des blangs nas bdag nyid kyi steng gi sgo nas mar thim par bya ste/ gzas pa po'i tshe phrogs nas/ bdag gi tsher gyur par bsam mo/ /de ni yang dag pa'i ye shes zhes bya ste/ don dam pa byang chub kyi sems so/ /lung las ni tshe lung zhes bya'o/ de yang dkyus nyid las/ a nyid byang chub sems kyi khrus/ /phur pa nyid kyang gzi byin bskyed/ 'od dang mthu dpung lhag par bskyed/ ces gsungs te/ bdag nyid kyi snying gi dkyil na ye phyi mo nas grub pa'i ye shes a ni kun gzhi'i rang bzhin te ye nas rnam par dag par gnas pa nyid byang chub kyi sems kyi khrus yin par bstan te/ de phur pa la 'dus pa ni byang chub sems dbang du bsdu ba ste/ phur pa nyid kyang gzi byin can du gyur pa'o/ /de nas yang dbu zhabs kyi tshig gsal bar bstan pa'i phyir / de nas phyogs bcu'i khro bo la zhes pa la sogs pas bstan te/ rdo rje'i tshig gis 'og nas 'byung ba 'di skad bskul lo/ /dngos grub bar chad byed pa'i bgegs/ /bdug cig sdang sems ldan pa rnams zhes bya ba ni/ sku gsung thugs kyi dkyil 'khor la gnas shing mi gnas pa'i ye shes chen po'i dngos grub bsgrub pa'i bar du gcod pa'i bgegs dang yang dag pa'i ting nge 'dzin la gnas pa'i zhe sdang gi sems kyis gdug cing phrag dog gi sems kyi sdang ba'i sems dang ldan pa'i gzas pa po de 'khor ba'i gnas nas drang ba'i phyir zung zhig pa de/ khro bo rnam par rgyal ba'i byin brlabs las bskul ba ste/ dza dang sbyar ro/ gzas pa po de rang gi bde ba'i gnas nas bskul pa'i phyir/ rgyob cig pa de rnam par rgyal pa'i rigs dbyug pa sngon po can gyis brgyab nas rgyob cig /dbang po'i yul la mi gtong ba dang/ yan lag 'khum mi nus par bya ba'i phyir/ rnam par chings shig ces pa ste/ khro bo g shin rje gshed po'i byin gyis brlabs las bskul ba ste hUM dang sbyar de nas yang bag chags kyi phung po phur pa btab nas yang dag gi shes pa dang ni phral log pa'i shes pa bsgral ba de mtshon gyis btub pa'i las byas nas gnas pa de brlag par bya ba'i phyir/ gtogs shig pa ste/ gshin rje gshed po'i rigs can/ khro bo mi g.yo mgon po yis/ phung po gtum zhing 'phrag gis brdungs pa ste/ kha tha dang sbyar ba'o/ gzas po de la stong pa dang/ grogs byed srog la skyob pa'i lha 'dre gang yin pa de dang 'bral pa'i phyir/ grogs dang 'bral bar gyis zhes gsungs pa ste/ rta mgrin gyi rigs gzhan gyis mi thub pa'i byin gyis brlab pa'i grogs dang dbral ba ste/ ha sa ya ra na dang sbyar ro/ /myur du bsgral zhing dbang du 'dus nas rigs gang yin min smra ru gzhug pa'i phyir rings par khug la smra ru chug cig / ces pa ste/ khro bo bdud rtsi 'khyil pa'i byin gyis brlabs las smrar gzhug pa ste/ dzwa la pa ya dang sbyar/ gzas pa po'i shes pa srin bu me khyer bzhin du bkug pa ste gzugs dang ri mo la dbab pa'i phyir/ phob cig ces pa ste/ khro bo rta mgrin gyi byin gyis brlabs las phyung ba'i baM ste/ a be sha dang sbyar/ gzas pa po'i las dang nyon mongs pa gzir ba'i phyir/ rnam par gzir bar byos zhes gsungs te/ hUM ka ra'i byin brlab las byung ba ste/ aoM laM dang sbyar ro/ /gzas pa po de'i dkyil 'khor du chud nges par bya ba'i phyir/ de'i dbang du gyur nas ni zhes gsungs te rdo rje'i rigs khro bo stobs po che'i dbang du byas nas/ de'i rigs khams gsum rnam par rgyal ba yis / bsgo ba'i bka' rnams nyan bar gyis zhes pa la sogs pa bstan te/ drag po spyi'i tshig go /de nas bsod pa'i las kyi sngags bstan pa'i phyir/ hUM pa ra bid dan zhes pa la sogs pa gsungs te/ hUM pa ra bid tan zhes bya ba ni/ rdo rje gzhon nus bsod pa'i las kyi sngags te/ kI la ya bco brgyad dang sbyar te/ kun gzhi rtsad nas phyung ba'i dus su sbyar bar bya'o/ /tshin d+ha tshin d+ha badzra hUM phaT/ ces bdud rtsi 'khyil ba'i bsod pa'i las kyi sngags te sngags 'di brjod cing lte ba'i dkyil du brgyab pas bdud rtsi 'dzag pa'i sgo gcad de/ de yang ye shes su byas pa'o/ /binda binda badzra phaT ces pa ni khams gsum rnam rgyal gyi gsod pa'i las kyi sngags te/ sngags 'di bzlos shing khams gsum rnam par rgyal pa'i cha las byung ba'i phur bas pus mo'i lha nga bo'i ltag na stobs bskyed pa'i rtsa yod pa la btab ste/ rtsa'i sbubs nas stobs 'phrog ste/ ye shes su bya ba'o/ /de nas yang gri na g+h+ri nwa badzra hUM phaT ces bya ba rdo rje rta'i gsod pa las kyi sngags te/ sngags 'di brjod cing rdo rje rta'i cha las byung ba'i phur pa des/ mgrin pa dag gi gnas su btab pas/ ro'i longs spyod thams cad phrogs nas ye shes su byas pa'o/ /de nas yang ha na ha na badzra hUM phaT rnam par rgyal ba'i cha las byung ba'i phur pa des sngags 'di brjod cing mig la btab pas mig gi rnam par shes pa dbang du bsdus ye shes su bya'o/ /de'i rnam par rgyal ba'i bsod pa'i las kyi phyag rgya'o/ /de nas yang mi g.yo mgon po'i bsod pa'i las kyi sngags bstan pa'i phyir/ banda banda badzra hUM phaT ces gsungs pa ste/ sngags 'di bzlas shing mi g.yo mgon po'i cha las byung ba'i phur pa blangs nas lce'i dbus zla ba kham pa 'dra ba'i dbus su btab pas lce'i rnam par shes pa phrogs te ye shes su bskyed pa'o// de nas yang stobs po che'i sa bod pa'i las kyis sngags bstan pa'i phyir/ tadya thA badzra hUM phaT ces pa yin te sngags 'di zos shing stobs po che'i cha las byung ba'i phur pa rkang mthil na bskyod par byed pa'i rtsal stobs bskyod pa'i stobs phrogs nas ye shes su bskyed pa'o/ /de nas yang dbye bar byed pa'i las kyi sngags bstan pa'i phyir ha sa ya ra ni h+ri ra na hUM phaT/ ces bya ba yin te/ stong grogs dang bral bar bya ba'i dus su sbyor cig /de nas yang bcing bar byed pa las kyi sngags bstan pa'i phyir/ sh+ri krin an ya hUM phaT ces pa yin te/ 'ching bar byed pa'i skabs gang yin pa'i dus su sbyor cig /de nas yang smra bar byed pa'i snying po bstan pa'i phyir/ dzwa la pa ya dzwa la ya hUM phaT/ ces pa yin te/ yungs kar la bsngags la rdo rje spyan dmig rno la gtor la gong du gsungs pa'i rigs la sogs pa'i gang yin pa 'dri ba'o/ /de nas 'bebs par byed pa'i snying po bstan pa'i phyir/ a be sha ya a be sha ya hUM phaT/ ces bya ba ni 'bebs pa'i skabs gang yin par sbyar ro/ gzugs dang gnyis su med par bya'o de nas zhal dbye ba'i sngags bstan pa'i phyir/ bi da ya bi da ya hUM phaT ces pa yin te/ gtung ba'i phung po de zhal du bstabs pa'i phyir zhal phye zhig pa ste/ bstan pa'i dus su'o/ /de nas yang rdo rje 'phra men tshogs rnams la bskul bar bstan pa'i phyir/ rdo rje 'phra men tshogs rnams la/ zhes pa la sogs pa bstan te/ rdo rje las byung bas rdo rje 'phra men ma'o/ /mngag pa'i phyir tshogs rnams la rdo rje'i tshig gis bskul bar bya ste/ thabs dang shes rab las byung zhing/ thabs kyi bcol zhing sems can gyi don la brtson par 'bad pa'i phyir na bran zhes bya la/ theg chen chos kyi dbyings las 'byung zhing rim pa nas sprul zhing mngag par bya ba'i phyir gnas su phyin par 'gro ba'i phyir na/ pho nya gtso bo rnams kyis ji ltar bcol zhing bka' stsal nas zhi ba dang rgyas pa dang/ dbang du bya ba dang/ bskra par bya ba dang/ bsad par bya ba dang bsgo ba nyan pas bka' nyan te/ las kyi lha rnams kyis mngon spyod kyi 'phrin las bya ba'i dus la bab ces bya ba'o/ /khyed kyi dam tshig dus la bab ces pa ni/ las kyi lha khyed kyi dam tshig dus la bab ces pa'o/ /tha tshig ji ltar bcas pa bzhin zhes bya ba ni/ sngon bcom ldan 'das kyi spyan snga ru ji ltar dam bcas shing khas blang bzhin du drag po'i 'phrin las myur du byos zhes bcol ba'o/ /gal te 'am 'o na te las byed du mi 'dod cing tha tshig las 'das par gyur na/ rdo rje chu yis brdeg par nges zhes bya ste/ las kyi lha la phur pa gtad cing dril la gnad la dbab pa ste/ gong du gsungs pa'o/ /de nas yang gzhan gyis mi thub pa'i sngags bstan pa'i phyir/ /ha na ha na badzra hUM phaT ces pa yin te/ sngags 'di bzlas shing gzhan gyis mi thub pa'i cha las byung ba'i phur pa de blangs te dril nas bud pa'i rtsa gyen du 'greng ba ste/ g.yas kyi rtsa dang g.yon gyi rtsa gnyis la btab pas thabs dang shes rab rgyu brgyun gcad de ye shes su bya ba'o/ /de nas yang dbyug pa sngon po'i las kyi sngags bstan pa'i phyir/ da ha da ha badzra hUM phaT ces pa yin te 'di bzlos shing dbyug pa sngon po'i cha las byung ba'i phur pa blangs te dril nas rna ba'i rnam par shes pa la gtab pas rna ba'i rnam par shes pa dbang du bsdus nas/ ye shes su bya ba'o/ /de nas yang gshin rje gshed kyi gsod pa las kyi sngags bstan pa'i phyir/ pa tsa pa tsa hUM phaT ces pa yin te/ sngags 'di bzlas shing gshin rje gshed kyi chad las byung ba'i phur pa blangs te dril nas rna ba'i rnam par shes pa dbang du bsdus nas btab pas rna ba'i rnam par shes pa dbang du 'dus nas ye shes su bya ba'o/ /de nas yang bdag nyid chen mo gsod pa'i las kyi sngags bstan pa'i phyir/ ma ta ma ta badzra hUM phaT ces pa yin te/ bdag nyid slu la sngags 'di bzlas shing khrag dang nyung nag gis brgyab nas gzugs dpung thal bar brlag par bsam ste/ ma mo'i thun no/ /de nas yang sho na mu ka'i gsod pa'i las kyi sngags bstan pa'i phyir/ dzwa la dzwa la badzra hUM phaT/ ces pa yin te/ sho na mu ka bskul la sngags 'di bzlos shing yungs nag gis brgyab pas/ gzugs kyi phung po de la 'phar spyad la sogs pa mang po stong cing za bar bsam pa'o/ /de nas mche ba can gyi bsod pa'i las kyi sngags bstan pa'i phyir/ su ru su ru badzra hUM phaT ces pa yin te/ /sngags 'di bzlos shing mche ba can bskul nas/ yungs nag gzugs la brgyab pas mche ba can gyi tshogs grangs med pas gzugs la stod cing za ba'o/ /de nas yang gshog pa can gyi gsod pa'i las kyi sngags bstan pa'i phyir/ /mu ru mu ru badzra hUM phaT ces pa yin te/ bskul la sngags 'di bzlos shing yungs nag brgyab pas gzugs kyi phung po de la gshog pa can gyi tshogs stong cing za bar bsam mo/ /de nas yang dpal lha mo dbang gri bsod pa las kyi sngags bstan pa'i phyir/ ka ta ka te zhes pa yin te/ dpal lha mo dbang bskur la sngags bzlos shing yungs nag gi brgyab pas gzugs kyi phung po de la tho ba'i char phab par bsam mo/ /de nas yang lha mo dbang gi gsod pa las kyi sngags bstan pa'i phyir/ dza ya bi dza ye zhes gsungs pa yin te/ lha mo dbang bskur la sngags bzlas shing yungs nag gis brgyab pas gzugs kyi phung po de yang lhag par yang dum bu dum bur gyur par bsam mo/ /de nas yang klu mo dbang gis bsod pa las kyi sngags bstan pa'i phyir/ a tsin te/ a pa ra tsi ta mar sa na zhes pa yin te/ klu mo dbang bskur la sngags 'di bzlos shing yungs nag gis 'phangs pas gzugs kyi phung po de lhag par yang thal bar 'gyur bar bsam mo/ /de nas yang legs mo dbang gis bsod pa las kyi sngags bstan pa'i phyir/ /bra mar tan ya hUM phaT ces pa yin te/ legs mo dbang bskur la sngags 'di bzlas shing yungs nag gis brgyab pas gzugs kyi phung po de lhag par chu srin byed pas gnyis par bsam mo/ /des kyang bstan pa'i las su 'gyur zhes bya ba ni phur ba btab pa'i las kyis bsgral nas/ de'i ting la khrag dang yungs nag dang/ las kyi lha'i sgrol sngags kyis brgyab pas lhag par yang bsod pa'i las te brtan par 'gyur ro/ /de nas yang gzugs de gdab par bya ba'i phyir/ de nas sras mchog bskul bar bya zhes pa la sogs pa gsungs te/ de nas sras mchog bskul par bya zhes bya ba ni sras mchog sprul pa bskul bar bya ba yin te/ bdag nyid dkyil 'khor gyi lha 'khor dang bcas pa'i thugs ka nas/ khro bo mang po 'phros te/ de rnams kyi lag na ral gri dang dgra sta dang/ 'khor lo dang be con la sogs pa'i mtshon cha gdug pa mang po thogs te lus dum bu dum bur btub par bya ba'i phyir/ rdo rje gsang ba'i bka' las ni/ /sdig can gang zhig 'da' byed pa/ /stobs chen khro bo chen pho yis/ /klang pa tshal pa rgya ru khos/ /zhes pa gsungs te/ rdo rje gzhon nu'i gsang ba'i bka' las ni mi dge bcu byed pa'i sdig can dang/ mtshams med lnga byed pa'i pha gsod pa dang/ ma gsod pa dang/ rnal 'byor gyi sku la 'tshang 'dod pa dang/ gtsug lag khang gi sku 'khor la sku ba dang/ mthun pa'i bar du dbyen 'jug pa la sogs pa'i las byed cing thugs rje spyang thag tshad cing ngan song gsum du skye nges pa'i sdig can gang zhig 'da' bar byed pa dang/ bcom ldan 'das dpal rdo rje gzhon nu 'khor dang bcas pa rnams kyi ye shes kyi stobs dang/ dbyings kyi don chen po dang ldan pa'i khro bo chen po las nyon mongs pa'i bag chags sbyangs shing ma rig pa'i rgya mo dral ba'i phyir ye shes lnga'i mtshon cha'i char phab nas klad pa tshal pa brgya du bkas pa dang/ lus dum bu stong du btubs shig pa'o/ /nyon cig bgegs dang log 'dren rnams/ /rdo rje bka' las 'da' ma byed ces bya ba ni/ rdo rje gzhon nu'i byin gyis brlabs kyis las dang nyon mongs pa'i bag chags par nas chos thos pa'i skal ba dang ldan pa'i phyir/ rna ba'i dbang pos nyon cig dge ba dang srog gi bar du gcod pa'i bgegs dang/ sku gsung thugs kyi dngos grub bsgrub pa la rnam par 'tshe bar byed cing log par 'dren pa'i dgra bo'i tshogs rnams bcom ldan rdo rje gzhon nu nga'i bka' la 'da' bar ma byed cig ces brjod cing/ rnal 'byor pa bdag nyid kyis kyang phyag tu ral gri thogs nas sngags 'di brjod cing btub bo/ hUM ma ma ba shi ku ru ma taM dz+nyA na ka ra ai dan de ma ma kar ma sh+ri kAM re swAhA/ zhes pa na ma mo rnams kyi gdug pa'i sngags te/ sngags 'di brjod cing ling ga dum bu dum bur btub par bya'o/ /de nas yang stong grogs byed pa'i lha dang dbral ba bstan pa'i phyir/ de nas dbye ba rgyun gyi ting nge 'dzin 'di gsungs so/ /zhes pa la sogs pa bstan te/ gsung ngo zhes bya ba ni 'og ma 'di'o/ /gdug cing sdang sems ldan pa yi/ /lha 'am 'on te bdud kyang rung/ /de yi mthu dpung byed pa rnams/ mthu dang rdzu 'phrul med par mdzod ces bya ba ni/ log par lta ba'i sems can de'i lus kyi sgo dang ngag gi sgo nas gdug cing yid kyi sgo nas/ zhe sdang gi sems byed pa'i gdug pa can gyi tshogs tshangs pa dang/ brgya byin dbang phyug chen mo ma hA de ba dang khyab 'jug chen po dang/ srin po lang ka mgrin bcu la sogs pa'i 'jig rten pa'i bdud dam 'on te lha yang rung ba 'am/ 'jig rten 'di na mthu che ba ston pa su yang rung ba/ sgrub pa po bka' gzhung bzhin du byed pa'i rnal 'byor pa nga la bar chad byed pa'i dgra bgegs rnams gzhan la gnod pa byed pa de'i mthu dpung byed pa rnams kyi pha rol pos nyams su blang du mi 'dod pa'i rdzu 'phrul ston pa de gnyis med par gyis shig ces pa ste/ tra sa ra trin zhes pa dang sbyar ro/ /rdzu 'phrul 'brog pa'i snying po ni/ tadya thA hUM phaT ces pa yin te/ sngags 'di brjod cing gong du gsungs pa'i bdug pas bdug pa'o/ /de nas yang hUM ka ra'i gsod pa las kyi sngags bstan pa'i phyir/ sarba ma na ya badzra hUM phaT ces pa yin te/ hUM ka ra'i cha las byung ba'i phur pa blangs te dril te/ sngags 'di brjod cing tshangs pa'i bu gar gdab pas lus mgo mjug bcu dang bral nas yang dag pa'i ye shes su byas so/ /de nas yang btubs pa'i phung po btung ba'i phyir ro/ /de nas btung ba rgyun gyi ting nge 'dzin 'di gsungs so/ /zhes pa la sogs pa bston te/ gsung ngo zhes bya ba ni 'og ma 'di'o/ /khro mo rnams kyi dkyil 'khor du zhes bya ba ni/ khro mo rnams kyi mkha' gru gsum pa'i nang du'o/ /rdo rje thob bsgom bya zhing zhes bya ba ni rdo rje tho ba ni thabs kyi gsang ba'i rdo rje'o/ /dngos bor gyur pa'i gnas chen kun zhes bya ba ni btubs pa'i dngos po ma lus pa kun/ rdul phran bzhin du brdung bar bya zhes gsungs pa ste/ rdo rje tshig gis bskul bar bya ba ni/ 'og nas 'byung ba 'di'o/ /rdungs shing rdo rje 'bar ba'i gtun zhes bya ba ni nyon mongs pa'i sgrib pa mang po 'byongs par yod pa de sbyangs shing bag chags kyi phung po bshig pa'i phyir/ gang yin pa'i phung po de/ rdo rje thobs brdungs shing/ ye shes kyi rdo rje de la'o/ 'bar ba dang khro mo'i dbyings la 'od 'bar ba'i gtun du/ brdung bar bya ba ni dus gsum gyi bde bar gshegs pa'i bka' las 'da' bar byed cing lus ngag yid gsum gyis mi dge ba byed pa'i sdig can rnams yang dag pa'i gsang ba'i rdo rje las byung ba'i me dpal dang chas pa'i rdo rje gzas pa po gang yin pa'i gdug pa'i snying bsregs nas rnam par rtog pas rtags pa'i sgyu ma'i lus ngag rdul phran bzhin du/ brdungs shig pa'o/ 'on te gang du brdung zhe na/ de bstan pa'i phyir/ khro mo 'bar ba'i gtun khung du/ /rdo rje tho bas brdung byas te/ zhes bya ba gsungs te/ khro mo khams gsum gyi gtun du/ thabs khro bo gsang ba'i rdo rje tho bas brdung bar byas nas/ lha yang rung ste brlag par bya zhes gsungs te/ 'jig rten gyi lha tshangs pa dang rgya byin la sogs pa yang brlag par 'gyur na/ gzhan sems can lha smos ci dgos te brlag par 'gyur ro/ /zhes pa 'di brdung bar byed pa'i snying po ni 'di yin te/ kha thaM kha thaM kha thaM hUM hUM hUM phaT phaT phaT ces gsungs te/ sngags de yang gsum gdebs su byas nas bzlas shing/ rnal 'byor pas dngos su yang gtun gru gsum du tho bas brdung bar bya ba'o/ /de nas yang brdung ba'i lhag rol de khro mo rnams kyi zhal du bstabs pa bstan pa'i phyir/ bstabs pa rgyun gyi ting nge 'dzin 'di gsungs so/ /zhes bya ba la sogs pa bstan te/ rdo rje khro bo 'bar ba dang/ zhes bya ba ni/ rdo rje ni yang dag pa'i rdo rje ste/ stong pa nyid kyi ye shes so/ /de las byung ba'i khro bo ni/ bcom ldan 'das dpal rdo rje gzhon nu'i sku la 'od 'bar ba ste/ de'i zhal du bstabs pa'o/ /rdo rje za byed srin mo dang zhes bya ba ni/ bcom ldan 'das dpal rdo rje gzhon nu'i byin brlabs las byung ba'i/ /khro bo rab tu rngam pa'i mi bzad pa mche ba gtsigs pa log par lta ba za bar byed pa de'i zhal du stabs par bya ba ste/ de yang khro mo dang za byed pho nya bcu sbrul pa dang lcam dral rnams la bstab par bya'o/ / de rdo rje gnod sbyin zhal gdangs par zhes bya ba ni/ gnyis med pa'i ye shes las ma g.yos pa ni rdo rje ste/ de las 'byung ba'i bdag nyid chen mo dang/ sa bdag chen mo la sogs pa'i zhal du bstabs pa'o/ /mtshan ma'i dngos po bstims par bsgom zhes bya ba ni/ mtshon gyis gtubs pa'i dum bu mtshan mar srad ba'i dngos po de khro bo dang khro mo dang 'phra man ma'i bdag nyid chen mo'i zhal du bstabs pas/ de rnams kyis thim mar gsol bar bsam mo/ /de yang zhal du bstabs pa'i dus su/ rdo rje tshig 'og nas 'byung ba 'dis bskul bar bya ste/ nam mkha' i khra ma'i zhal gdangs su/ zhes bya ba ni/ chos nyid ma bcos pa'i don gyis ngo bo de ni nam mkha' ste/ de las byung ba'i khro bo mi bzad pa zhal gdangs pa ru khams gsum gyi sems can nyon mongs pa lnga yis bcing snas ngan song gsum du 'khor ba de thugs rje chen po'i byin gyis brlabs kyis/ thang cig yud tsam la 'gro ba kun zhal du 'phra men ma nges bstabs pas/ khro bo rol pa'i tshogs khyod kyi zhal du yud tsam la btims par mdzod cig pa'o/ /de nas zhal du 'khor ba mdza' dag gsol ba'i gting la/ dgyes nas dkyil 'khor du byams pa dus gcig tu bzhad pa de'i phyir/ rol pas dgyes pa'i gang rgyangs sgrogs zhes gsungs pa yin no/ /sdus shing sregs la myur du zo bya ba ni khams gsum gyi 'khor ba ma lus par sdus shig / 'od zer gyi bsregs la myur du za'o/ zhes pa ste/ stabs par bya ba'i sngags ni 'di yin te/ bi da ya'i sngags brjod pa'i rjes la badzra kro ta yag sha rag sha kro ta khA hi khA hi/ zhes pas zhal du gsol nas/ gsal ba'i gting la dgyes pa'i gang mo 'di yin te/ ha ha ha zhes bzhad nas/ de nas gnas phyi mo dang phrad pa'i phyir/ hUM hUM hUM zhes pas rnam par shes pa hUM du bsdus nas lte ba'i dbus su ye shes kyi mes bzhu nas phaT phaT phaT ces pas yum gyi pad+ma la spros pas yum gyi pad+ma de ni gnas phyi mo ste/ de ni gnas phyi mo dang phrad pa'o/ /de'i gnas su bcom ldan 'das rdo rje 'dzin par bskyed de/ de la dbang tshang bar bskur nas 'jig rten gyi khams su sems can gyi don la btang ngo/ /de ni las bya ba la 'bras bu yang pa zhes bya ste/ sangs rgyas kyi sras so/ /de ltar byas pa'i gnas kyi man ngag ste/ las ma grub bar du bya ba ma yin no/ /byas na skyon ci yod ce na/ byang chub sems kyi 'khor la dbang bskur bas/ rnal 'byor dam pa yin pa'i gral du 'gro bas rnal 'byor pa nyid dam tshig nyams pa dang/ las mi 'grub pa'i skyon yod do/ /'grub nges pa dang gnas kyi man ngag de ltar las mthar phyin par bya ba'o/ /de nas yang de ltar ma yin nas phung po lhag rol de sreg pa zhig yin na/ hom gyi las bstan pa'i phyir de nas/ bsreg pa rgyun gyi ting nge 'dzin 'di gsungs so/ zhes pa la sogs pa bstan to/ 'di gsungs so/ zhes pa mi bsreg par bya ba'i don ston pa'i zhal nas 'og nas 'byung ba 'di gsungs so/ /klong yangs 'khyil ba'i hom khung du/ zhes bya ba ni/ chos kyi dbyings dang mnyam pa'i hom khung du/ chos 'byung ba'i phyag rgya ste/ dbyings rnam par dag pa'i ngang du 'khyil pa'i hom khung du/ 'bar ba rab tu 'khrug pa 'dug pa can gyi me sbar te/ bskyed pa me lha dang ye shes dang dbyer med par byas pa'i 'bar ba'i me dpung gi dngos por 'gyur ba gzugs dum bu rnams ye shes kyi me'i nang du sreg par bya ste / rdo rje tshig tu bsgral bar bya ba ni/ 'og nas 'byung ba 'di'o/ /raM me dpung 'bar ba'i klong dkyil du/ mtshan mar gyur pa'i dngos po 'di/ /bsreg pas dngos po kun brlag ste/ slar mi ldog par bsreg par 'gyur zhes gsungs te/ raM zhes pa ni dang po'i me lha'i sa bon no/ /de la yang sku yongs su rdzogs pa'i dus na/ sku las 'od 'bar bas me dpung 'bar ba ste/ de lta bu'i me lha'i klong dkyil du/ brdungs pa'i phye mar snang ba'i dngos po 'di/ bsregs sam phye mar snang ba kun brlag nas slar mi ldog par bsregs pas thal bar gyur pa rtag go /me sbar bar bya ba'i sngags ni 'di yin te/ raM dzwa la dzwa la pa ra na hUM phaT ces pas me sbar la/ tsher ma can gyi sreg shing gi nang du gzhug par bya'o/ /de nas bsregs pa'i thal ba de gtad khram bya zhing mnan par bya bar bstan pa'i phyir/ de nas mnan la rgyun gyi ting nge 'dzin gsungs so/ zhes bya ba la sogs pa bstan te/ nam mkha' i rdo rje'i dkyil 'khor du zhes bya ba ni/ nam mkha' ni 'byung ba ste/ gru gsum du gnas pa'o/ de lha 'am klu 'am gnod sbyin nam the'u rang ngam/ ma mo la sogs pa gang la 'dod pa'i gnas su chos 'byung ba dgos pa de'i nang du gzhug pa'o/ /de gang gzhug ce na gzas pa bo de gzhug pa'o/ /ji ltar gzhug ce na/ gang la gtong pa'i gzhug gi rgyu bdun la gzugs byas la gzhug pa ste/ de yang re ba ni drag po'i las la shis pa yin pas de'i nang du btums la ra rog dang khyi dkar po'i spul bsgril ba yi dkar nag gis bcings la/ rdo rje rgya gram gyis ni drag po'i las kyi rgya ste/ des rgyas btang la ho khung du gzhug par bya ba'o/ /de'i steng du g.yam pa sngon po la yang rdo rje rgya gram bris la kha bcad la bzhag par bya ste/ rlung gi dkyil 'khor rtag par bya ba'o/ /de'i steng du raM las me'i dkyil 'khor rtag par bya ba'o/ /de'i steng du baM las chu'i dkyil 'khor brtag go /de'i steng du suM las sa'i dkyil 'khor bskyed de'i phyir dbang chen dkyil 'khor bsgom par bya zhes gsungs so/ /dbang chen dkyil 'khor steng du lam las ri rab zur brgyad pa shin tu brjid cing brtan pa cig bskyed do/ /de'i steng du ma las nyi ma'i dkyil 'khor du gyur pa'i steng du yi ge hUM las rdo rje rgya gram du gyur/ rdo rje rgya gram gyi lte ba la yang nyi ma'i dkyil 'khor brtag par bya ba ste/ de'i mdza' ma yang me lce'i phreng bas bskor nas gnas pa'o/ de'i phyir/ ri rab steng du rdo rje bskyed/ rgya gram steng du bsam pa ni zhes gsungs pa yin no/ /nyi ma'i dkyil 'khor de'i dbus su hUM bsam hUM yongs su gyur pa las/ rdo rje bsgom par bya'o/ las kyi rdo rje de yongs su gyur pa las bcom ldan 'das don yod grub pa de bskyed par bya'o/ /bcom ldan 'das de'i 'khor na yang gdug pa'i 'khor grangs med pa me dpung gi nang na bzhugs par bsgom ste/ de ltar bsgom pa des skye 'gro gdug pa can gyi las dang nyon mongs pa mnan nam/ bskal pa mdza' i bar du thar ba'i dus med par brtag pa'i phyir/ las kyi rdo rje dkyil 'khor bsgom/ skye 'gro thams cad mnan par bsam zhes gsungs so/ /de nas yang gnon pa'i dus de nyid du/ /rdo rje tshig tu brjod pa ni/ 'og nas 'byung ba'i 'di'o/ /hUM las kyi rdo rje 'khor dang bcas/ /'jig rten khams ni rab 'byams na/ /leg par lta ba'i sems can rnams/ /skad cig yud la mnan par shog ces brjod par bya ba ste/ las kyi rdo rje'i dkyil dang 'khor du bcas pa yis/ khams gsum gyi nyon mongs pa thams cad thar ? ? la gnon cig pa'o/ /de yang ming? ba bskyed pa'i sngags ni 'di'o/ /aoM badzra su me truM zhes pas bskyed pa'o/ /las kyi rdo rje bskyed pa'i sngags 'di'o/ /hUM sa ma ya ? zhes pa ste/ las kyi rdo rje bskyed do/ /de nas ting nge 'dzin yongs su gsal zhing goms pa'i nus mthu bstan/ de'i phyir/ dkyil 'khor dag ni thams cad du/ /ting 'dzin dkyil 'khor mdza' yas mchog /las su rung pa'i rnal 'byor pas/ /de yis mi 'grub gang yang med/ /mi bya ba ni gcig kyang med ces bya ba 'di gsungs te/ bsnyan pa'i dkyil 'khor thams cad la/ ting nge 'dzin gyi dkyil 'khor mdza' yas pa med na don mi 'grub ste/ rtag pa'i nang du 'gyur ro/ /ting nge 'dzin te dkyil 'khor de'i ngang du yang nas yang du 'dis shing sems las su rung ba'i rnal 'byor pa des las ji ltar 'dod pa bzhin du 'grub pa gang yang med do/ zhi ba dang rgyas pa dang dbang gis las dang/ bskrad pa dang/ bsad pa'i las mi bya ba ni gcig kyang med do/ /de nas yang ting nge 'dzin la gnas pa'i rnal 'byor pa de bde bar gshegs pa yin bar bstan pa'i phyir/ ting 'dzin kyang du 'dis pa yi/ /mi zhes bya ba bder gshegs yin /sangs rgyas zhes ni gud na med/ /ces gsungs te/ ting nge 'dzin la dus rtag tu gnas shing klong du gyur ba'i mi re ni bde bar gshegs pa nyid yin te/ de ci'i phyir zhe na/ bde ba'i gnas ni chos kyi dbyings spyos pa dang bral ba yin la/ ting nge 'dzin ni gnyis su ma pa'i ye shes te/ de la gnas pa ni spros pa dang bral ba'i ye shes kyi rgyu las bzhugs pa de'i phyir bde bar gshegs pa'o/ /de ltar gnyis su med pa'i shes pa de la gnas shing gnas pas dus nam? zhig na spros pa dang bral ba mngon du rtogs par 'gyur te/ de'i dus na nyon mongs pa thams cad ni/ ye shes kyi ngo bor gyur/ sangs rgyas kyi che ba'i yon tan ni yongs su rgyas pa de nyid la/ sangs rgyas zhes ni gud na med ces ston pa dpal kun tu bzang bas? gsungs so/ /de ni don dam pa'i bden pa'o// //rgyun gyi ting nge 'dzin rim par phye bas so sor bstan pa'i le'u pa? ni/ rgyun gyi ting nge 'dzin rim par phye ba'i le'u'o/ /bdud rtsi'i thigs pa zhes bya ba rgya cher bshad pa las/ don dam pa'i bden pa dang/ kun rdzob kyi bden pa gnyis kyi bshad pa'i le'u ste/ bcu pa'o// //de nas rgyun gyi ting nge 'dzin la sogs pa gsungs kyang/ 'phrin las bzhi'i bye brag 'di ma bstan na/ sems can gyi don mi 'grub pas de bstan pa'i phyir/ de nas bcom ldan 'das gsang ba mchog gi bdag po des/ lhun gyis grub pa'i 'phrin las kyis rnam par sbyong ba 'di gsungs so/ zhes pa ste/ gsungs pa'i don ni 'og nas 'byung ba 'di/ kun tu sna tshogs las kyi rnams zhes bya ba ni/ zhi ba bsgrub pa ste/ sangs rgyas 'khor lo can gyi bsgrub pa'i gzhung gang yin pa bsgrubs zhi ba'i las bya ba dang/ rin po che'i bsgrub pa byas la/ rgyas pa'i las bya ba dang/ pad+ma'i las bya ba dang dbang gi las bya ba dang/ gdon mi za'i bsgrub pa byas la drag po'i las bya ba dang/ kun tu sna tshogs rnal 'byor gyis zhes bya ba ni/ kun tu sna tshogs kyi dkyil 'khor spyi'i kha dog ji lta ba bzhin du/ ting nge 'dzin du bdag gnas nas/ sems can gyi don du zhi ba dang dbang dang mngon spyod la sogs pa sna tshogs kyis sems can gyi don bya'o/ /de ltar spyi'i tshig bstan nas/ 'di nas mar ni 'phrin las so so'i gzhung bstan te/ sngon la phyi dang nang du snang ba'i rnam par rtog pa sbyang zhing zhi bar bya ba'i phyir/ zhi ba'i las sngon las bstan pa'i phyir/ 'jig rten khams ni rab 'byams na zhes pa la sogs pa bstan te/ 'jig rten khams gsum gyi sems can rab tu rmugs shing yid thim par yod pa dang gal te pha rol gnod pa byed cing yid rmugs par byed pa'i sems can la/ de gsal bar bya ba'i phyir/ sna tshogs las kyis zhi ba sbyar ba bya'o/ /de yang ji ltar zhe na/ bkra shis dben pa'i gnas dag tu zhes bya ba ni/ le'u gsum las gsungs pa'i sangs rgyas 'khor lo can gyi gnas gang yin de ru bsgrub par bya'o/ / bkra shis mtshan ldan yum mchog gzungs zhes bya ba ni/ dang po bsgrub pa'i dus su bkra shis pa'i yum ni sha dkar la srab pa rked pa phra la/ mig dkyus ring la smin ma bar ma chad pa sor mo 'phral ring ba/ smad zheng che ba ring thung gnyis spangs pa'i yum mchog de/ gzung bar bya ba'o/ /las kyi dus su ni g.yon phyogs su bzhag pa las brtsam par bya'o/ /rnam snang mdzad kyi rnal 'byor ram/ mi bskyod phyag rgyar bdag gnas la zhes bya ba ni/ rnam par snang mdzad kyi dkyil 'khor gsal bar bsgrub pa 'am/ yang na mi bskyod pa'i dkyil 'khor bsgrubs la/ 'od zer dkar po bdud rtsi'i/ chu rgyun 'bab cing sems can gang yin pa la stems pas/ de'i bag chags ngan pa byang nas so so'i pas gang yin ba de gsal bar 'gyur ro// dkar la zlum pa'i dkyil 'khor la zhes bya ni/ zhi ba'i thab khung ni kha dog dkar por byug pa'o/ /dbyibs ni zlum po'o/ /che chung ni khru gang du bya ba'o/ /zabs su ni khru phyed brko ba'o/ /kha khyer sor bzhi bskor bar bya ste/ dbus kyi kha khyer la/ rdo rje 'od 'phro bas brgyan/ zhes bya ba sde/ rdo rje rab gtang bar bya'o/ /de'i phyi rol gyi rgya sor bzhi yod pa la dpangs su sor cig yod pa'i cha ga de la 'khor los bskor bar bya'o/ /de ni me thab bca' thabs so/ /de nas yang phur pa dgong pa'i rim pa ni zhe ba'i phur pa gzhung du byed na/ lha'i mtshan nyid kun kyang sku mdog dkar po zhal gcig phyag gnyis pa bsgrub pa'i dus su bsnyen phur yang dkar po la bya ba ste/ de bstan pa'i phyir/ rin chen kha dog dkar po'o/ dkar po'i shing las byas pa'i zhes pa ni/ rin chen kha dog dkar po ni dngul la byas pa ste/ de la phur pa 'am yang na de med na 'o ma can gyi shing dkar po la bya ste/ de la phur pa byas la 'od zer yang dkar por spro bar bya ba'o/ /de ni bsgrub pa'i dus su ni phur pa zlum po drug gdab ste/ zhes bya ba ni/ sras phur pa zlum po'i rtse mo zlum po drug gdab ste las bya'o/ /gang du gang ba cen/ bde bar gshegs pa'i sgo drug tu'o/ /der btab bas cir 'gyur zhe na/ phur ba'i 'od zer dkar po yis bde ba chen po'i sgo drug nas zhugs nas/ sems can gyi nyon mongs pas 'thibs nas rmugs pa de dang/ nang pa la sogs pa nang rnam pa mang po gang yin pa dang/ sems can gdug pa can yin na sems la gdug pa'i zhe sdang yod pa de/ ye shes kyi chus bkrus nas/ yang dag pa'i shes pa dang ldan par byas pa'o/ de ni las kyi dus su sbyar ba'o/ /de nas me lha bskyed pa'i rim pa ston pa te/ de la yang gnyis las thab khung nyid gzhal yas khang du byas nas/ 'jig rten pa'i me de me lha'i skur bskyed nas/ de la rang bzhin grub pa'i gnas nas ye shes kyi me lha spyan drangs te bstims nas/ mchod pa phul nas zhi pa'i las bcol lo/ ye shes kyi me lha gshegs su gsol la/ dam tshig gi me lha'i thugs kar zhi ba'i lha gnyis kyi gzhung gang yin pa bskyed de / de la ye shes kyi dkyil 'khor spyan drangs la bstim pa'i phyir/ zhi ba'i lha tshogs spyan yang drangs zhes gsungs so/ /yang thab khung gong ma 'dra bar gzhal yas su byas la de'i nang du dam tshig sems dpa' i dkyil 'khor gzhung gnyis gang yin pa bskyed pa la/ lha rnams kyi zhal nyid 'jig rten pa'i me yin par bsams la/ de ni me lha zhal du bya ba yin te de las ye shes kyi dkyil 'khor spyan drangs te/ bstim la mchod pa dbul bar bya'o/ /snying rje byams pa'i mchod sbyin bya zhes bya ba ni/ khams gsum gyi sems can rmugs pa la sogs pa la snying rje bskyed de/ de la byams pas mchod pa bya ba dang/ mi dge ba bcu spangs nas dge ba bcu la gnas pa'i phyogs skyong bcu la las bcol ba'i phyir/ bsreg rdzas sbyin par bya'o/ /yam shing dkar la sbar ba'i me zhes bya ba ni/ yam shing gi rim pa ston te/ rlon la sbam dang bcas rtse mo cha las byung ba chur mdzub gang yod pa/ sbams su chag pa gang yod pa/ mngar zhing 'o ma yod pa'i shing la bya'o/ /shing de ma gas mi 'khyogs pa 'bus ma zos pa la bya'o/ /'o na gas pa la sogs pa byung na skyon ci yod ce na/ yod de gas par gyur na sha kra can du skye ba dang/ yon por song nar dbang po ma tshang bar skye ba dang/ 'bus zos na yan lag ma tshang bar skye bas skyon yod pas/ gzabs la legs par bya'o/ /'on te 'khyogs pa las ma rnyed pa zhig yin no/ bdud rtsi 'khyil pa'i sngags kyis byin gyis brlabs la bya'o/ /dkar la sbar ba'i me zhes pa ni dngul la dkar po'i snod sar par shing dkar po legs mo blugs btsugs pa 'am/ dkon pa'i gnas nas me blangs la/ shong ba'i shing nang du glugs la gong du gsungs pa'i sngags kyis me sbar bar bya ste/ rlung yab kyis bud par bya'o/ /de ltar me legs bar sbar nas bud shing gi nang du me blugs par bya'o/ /dkar la mngar pa'i rdzas rnams kyis/ zhi ba'i tshul du sbyin sreg bya/ zhes bya ba ni/ zhi ba la sngon la mar dbul bar bya ba yin te/ aoM badzra kI li kI la ya shan ting ku ru swAhA/ zhes dbul bar bya'o/ /gzhung gcig tu bya ba yin na/ aoM na ma sa man+ta bud+d+ha naM ru ru pu ru dzA la ni tI ta? lo tsha ni sarba a to na ye shan+taM? ku ru swAhA/ zhes pas mar dbul bar bya ba yin te/ /gzhung gnyis so/ /aoM sarba saM ba de swAhA zho zan gyi'o/ /aoM sarba ga ga da ha ni badzra a swAhA/ zhes pa ni til lo/ aoM badzra A yu she swAhA/ zhes pa ni dur ba'i 'o/ aoM badzra? ? sha ye swAhA/ zhes pa ni 'bras so ba'i'o/ /aoM pwa ti ha na ya badzra swAhA/ zhes pa ni ku sha dbul ba'o/ aoM badzra badzra ya swAhA/ 'bras lag par dbul ba'o/ /aoM ma ha be ga ya swAhA zhes pa nas tshan? no/ /aoM ma ha pa la swAhA zhes bas 'bras can no/ aoM kas ma ri swAhA gro can no/ aoM badzra adz+nya pra da ya she na ga ya swAhA yam shing gi'o/ /rdzas rnams thams cad g.yas su dgram/ mchod rdzas rnams ni g.yon du'o/ /rdzas dang mchod rdzas kun la mngar gsum blugs par bya'o/ /kha dog kun kyang dkar por byug / dngul phye 'bras can dkar po la gtor ma byas te sbyin par bya'o/ zhes bya ba ni/ dngul phye dang 'bras can dang 'o ma mar kar la gtor ma byas te las gyi lha la byin la las bcol te/ bsgrub pa'i dus su yang po/ /baM gyi tshogs kyi dkyil 'khor du/ / gti mug las kyis 'chal ba rnams zhi bas gyur par dbyings su rol zhes bya ba ni/ baM ni zlum por ste zlum por byas pa'i dkyil 'khor du zhi ba'i lha tshogs spyan drangs shing/ mchod pa phul zhing lo ser gyis/ /gti mug las kyis 'chal ba rnams/ bsal zhing sbyangs pas rmugs pa la sogs pa'i sems can nyon mongs pa'i sbyangs shing/ zhi bar gyur pa yang dag pa'i don rtogs shing rnam par rtog pa med par 'gyur ro/ /de ni zhi ba'i 'bras bu ste don dam pa'i bden pa'o/ yaM shing la sogs pa ni kun rdzob kyi bden pa'o/ /don dam pa'i 'bras bu skye ba mi slu ba'i bden pa'o/ /de ni zhi ba'i las so/ /de nas rgyas pa'i las bstan pa'i phyir 'jig rten khams ni rab 'byams na/ zhes pa la sogs pa bstan te/ 'jig rten khams ni khams gsum gyi sems can log 'phongs par gyur pa gnyis yod pa las/ tshes 'phongs pa dang zas nor gyis 'phongs pa'o/ /tshes 'phongs pa la gnyis rang gi tshes 'phongs pa dang bu tsha'i tshes 'phongs pa'o/ /de ltar 'phongs pa yod pa de la ni 'phongs par 'gyur ba'i 'gro gang la zhes pa gsungs pa yin te/ de lta bu'i ched du/ sna tshogs las kyis rgyas par sbyar bar bya ba yin te/ de yang gang du bya zhe na/ tsan dan nags tshal me tog dang/ nyams dga' skyed mo tshal du zhes bya ba ni/ tsan dan gyi nags tshal de dri zhim po sna tshogs pa yod pa'i gnas sam/ me tog dri zhim po yod pa'i gnas sam/ nyams dga' zhing skyed mos tshal mang po yod pa'i gnas su bya'o/ /gnas kyi dam pa der lcug phran ma yum mchog gzungs/ zhes bya ba ni/ lo bcu drug ma'i yum mchog gzung la bsgrub par bya'o/ /las kyi dus su ni g.yon du gzhag par bya'o/ rin chen sems dpar bdag gnas par zhes bya ba ni/ rin chen sems ma'i dkyil 'khor gsal bar brtag cing rgyas pa'i las bsgrub par bya'o/ /de yang 'od zer yang ser po 'phros pa tshe'i gnas su bstim pa dang/ nor zas la sogs so/ sa'i gnas su bstim par bya'o/ /ser po gru bzhi dkyil 'khor la zhes bya ba ni/ me thab bya ba bstan te/ kha dog ser por byug /khru ngo gru bzhi pa ste khru gang zabs su brko ba'o/ /brkos pa'i sa las 'phang sor bzhir bskyed la/ kha khyer sor bzhi par bya'o/ /zheng dang dpangs gnyis gsor bzhi bzhir bya'o/ / rin chen chu skyes dag gis brgyan zhes bya ba ni/ dbus kyi kha khyer la rin po che gtang bar bya'o/ /nang du pad+ma'i 'bras bu'o/ /phyi rol gyi sor bzhi la pad+mas bskor bar bya'o/ /slob dpon kha cig gi gzhung nas brgyad par byed pa yin la/ dbus kyi kha khyer la rdo rje ra ba gtang bar bya ba yin na/ phyi rol sor bzhi la yang 'khor lo'i 'phreng ba btang bar bya ba yin zhes gsungs te/ de las kyi bye brag gis brgyan pa yin no/ /de nas yang las gnyis pa'i gzhung bstan pa'i phyir/ rin chen kha dog ser po 'am zhes bya ba ni/ rin po che gser te de la phur pa'i rgyu byas te/ bsgrub pa'i dus su lha rnams kyang kha dog ser por bya ba yin no/ /'od zer yang ser por spros la de las gang yin pa de bya ba yi/ ser po'i las byas pa'i phur pa zur bzhi pa bzhi btab ste zhes bya ba ni las kyi dus su ni bya ba ste/ sras phur pa'i shing las byung ba bzhin ni cha las 'byung ba ste/ bde ba chen po'i gnas kyi sgo bzhir btab pas/ phur pa las 'od ser po 'phros de'i tshe'i gnas gang yin pa de ru zla ba dang nyi ma ga bur gnas pa'i nang du che bstim zhing bstan bar byas shing rgyas par lta'o/ /spyod pa rgyas par 'dod na phur pa las 'od 'phros pas 'jig rten gyi khams khengs pa'i nor phyugs kun bkug cing rang rang gi gnas kyi nor phyugs la bstim te/ phur pa yang khang pa'i phyogs bzhir gdab bo/ bu tsha 'phel bar 'dod na phur pa las 'od 'phros pa las tshangs rigs man ni gdab kyi pho'i mtshan can thams cad 'gugs te/ pho'i skye gnas la bstims pa bu tsha 'phel bar 'dod do/ /rgyas pa'i lha tshogs spyan drangs zhes bya ba ni/ ye shes kyi dkyil 'khor spyan drangs pa'i rim pa ste/ tshogs kyi dkyil 'khor gyi rim pa dang/ dam tshig gi me lha bskyed pa'i gzhung gnyis ka gong du gsungs pa'o/ /las kha dog ser por yod pa'o/ /de nas ye shes kyi me lha dang/ ye shes kyi dkyil 'khor spyan drangs la bstim la mchod pa phul la/ de'i rjes la dang ba'i sems kyis mchod de/ dkyil 'khor gyi lha la'o/ sbyin zhes bya ba ni/ phyogs skyong la sbyin par byas nas rgyas pa'i las bcol ba'o/ /ser po'i shing las sbyar ba'i me zhes bya ba ni/ ser po'i shing la yam shing la bya ba yin te/ gru bzhi pa chur khru gang ba spom du chag pa gang yod pa dbus kyi cha las byung ba'o/ me sbar ba'i me zhes bya ba ni gser ram ser po'i shing snod sar par ser po'i shing legs mo blangs la/ shar rgyal po'i khyim nas me blangs te sbar bar bya ba'i me de bud shing gi nang du blugs par bya'o/ /kha ba'i ro ldan ser po'i rdzas rgyas pa'i tshul du sbyin bsreg bya zhes bya ba ni/ ro khang pa yod pa kha dog rdzas thams cad ser por byas pa'o/ /rgyas pa'i tshul du sbyin bsreg bya zhes bya ba ni/ rgyas pa'i sna drang ba'i ni zho'i sa drangs la lhag ma rnams ni rim bzhin du dbul ba'o/ /sngags ni aoM badzra kI li kI la ya bA b+hyo swa che ge mo rgyas par gyur cig ha thams cad ces pas dbul lo/ /gzhung gcig gi aoM na ma sa man ta bud+d+ha nan bA b+hyaM swa che ge mo rgyas par gyur cig ces dbul te/ rdzas lhag ma rnams ni gong du ji ltar gsungs pa'i rim pas dbul bar bya'o/ /de nas gtor ma bya ba'i rgyu bstan pa'i phyir/ gser phye 'bru rnams ser po la gtor ma byas te rgyas par bya zhes bya ba ni/ bsgrub pa'i dus su bya ba ste/ gser phye dang 'bru las byas pa'i gtor ma byas pa thams cad kha dog ser por byas la/ gtor ma de las kyi lha la bsngo ste/ byin la rgyas pa'i las bcol lo/ /de nas yang dkyil 'khor du ji ltar bya ba bstan pa'i phyir/ ma mo'i tshogs kyi dkyil 'khor du/ /nga rgyal las kyis 'chel ba rnams /rgyas par gyur par gdon mi za zhes gsungs so/ /ma ni gru bzhi ste de'i dkyil 'khor du/ rgyas pa'i lha tshogs gzhung gnyis pa'i lha rnams gsal bar bsgom zhing/ rgyas pa'i don gang yin pa bsgrub na 'grub pa dang nga rgyal gyis 'chel ba'i sems can rnams kyi 'dod pa rgyas par gyur te/ bsam pa rangs nas yang dag pa'i dbyings su rol par gyur to/ dbyings las ma g.yos par te yang dag pa'i dbyings su gnyis med pa'i ye shes kyi rol pa ste/ bden pa gnyis su shes par bya ba ste/ rgyas pa'i las so/ /de nas yang dbang gi las bstan pa'i phyir/ 'jig rten khams ni thams cad kun zhes pa la sogs pas bstan te/ 'jig rten gyi khams 'di na gang dang gang la chags par 'gyur ba'i sems can de'i don du/ dbang du bya ba 'di sbyar bar bya'o gsungs so/ /de nas gang du bya zhe na/ de bstan pa'i phyir/ zla mtshan can gyi chu gling du zhes gsungs te/ star bu g.yon pa 'am/ srub ma'i 'bras bu yod ba'i chu gling du bsgrub par bya ba yin te/ gang du bsgrub ce na/ ? cig ma'i gzungs ma gzungs zhes gsungs te /sdong cig ma ni zhes bya ba ni/ rabs chad mo de dbang du bya ba'i sku mchog du shis pas/ de dang grogs la bsgrub par bya ba'o/ las kyi dus su ni g.yon du gzhag par bya ba yin/ snang ba mdza' yas pa'i dkyil 'khor bsgom par bstan pa'i phyir/ snang ba mdza' yas rnal 'byor raM zhes bya ba gsungs te/ snang ba mdza' yas kyi dkyil 'khor gsal bar bsgoms la/ /bsgrubs te 'od zer 'phro zhing gang yin pa'i las bya ba'o/ gzhung gnyis pa bstan pa'i phyir rdo rje ltar ni rnam par bsgom zhes gsungs te/ dbang gi sgrub pa byed pa'i dus su dbus kyi gtso bo ni rta ste de'i mgo gang yin ba ru bcom ldan 'das nyid bzhugs pa ste/ de'i dkyil 'khor gyi lha rnams kyi sku mdog dang kun dmar por bya ba ste/ 'od zer yang dmar por 'phros shing gang yin pa dbang du bya ba'o/ /de nas yang dbang gi me thab bstan pa'i phyir/ zla gam dmar po'i dkyil 'khor la/ 'od zer 'phro ba mda' gzhu brgyan zhes gsungs pa yin te/ de dbang gi thab khung ni dbyibs zla gam du 'dug pa ste/ zla gam gyi mkha' la sor nyi shu yod pa/ rgyab la sor bzhi bcu yod pa'o/ zabs su sor bcu bskor ba bya ste/ kha dog ni dmar po'i/ kha khyer ni sor gsum gtang zhes pa dang/ dpangs su sor gsum mo// dbus kyi kha khyer la mda' gzhu dang lcags las shin tu 'od zer 'phros pas brgyan par bya'o/ de'i phyi rol gyi sor gsum la zhags pas brgyan par bya'o/ zangs la sogs pa'i rin chen nam dmar ba'i shing las byas pa'i zhes bya ba ni/ gzhung gnyis pa bsgrub pa'i dus su zangs sam dmar po'i shing las byas pa'i bsnyen phur la 'od du 'phro ba'i 'od zer dmar pos spro zhing/ las gang dbang du bya ba de 'dus par bsam mo/ /las kyi dus su ni phur pa zla gam lnga btab ste/ dmar po rgyud las byas pa'i phur brtse mo zla gam du 'dug pa rim pa lnga'i cha las byung ba'i phur pa de gang dbang du 'dod pa'i gnas lnga ru gtugs shing btab pas/ gang gi gnas lnga nas bskul te dbang du 'gyur ro/ /de nas yang ye shes kyi dkyil 'khor spyan drangs pa bstan pa'i phyir/ dmar smug 'phro ba'i lha mchog rnams/ rdo rje sbyags pas spyan drangs te/ zhes bya ba gsungs te/ bskyed pa'i rim pa ni/ gong du rgyas par gsungs so/ /dam tshig gi me lha ni gsus pha ldir ba ral pa mchod phyir phyang ba phyag na 'gun de la sogs pa bsnams pa ste/ mdog ni las kyi bye brag dang sbyar bar bya'o/ de la ye shes kyi dkyil 'khor dang ye shes kyi me ltar dmar la smug pa'i mdangs ston pa'i sku mdog dang 'od zer 'phro ba des rdo rje sbyugs pas spyan drangs te/ stims te de la mchod par bya ste/ de yang shin tu dga' zhing chags pa'i yid kyis mchod par bya ba ste/ dkyil 'khor gyi lha la sbyin zhes bya ba ni/ phyogs skyong bkug la bsreg rdzas byin la las bcol ba'o/ /de nas yam shing dang me sbar ba'i rim pa bstan pa'i phyir/ dmar po'i shing las sbar ba'i me zhes gsungs te/ dmar po'i shing las zhes bya ba ni yams shing la bya ba ste/ dmar po'i shing la dbyibs zla gam du byas pa/ mchur sor lnga sboms su chag gang yod pa de lta bu bya ba'o/ /sbar ba'i ma zhes bya ba ni zangs gzhong sar pa'i nang du dmar ba'i shing legs par brdzangs la tshos ma'i khyim nas me blangs te/ sbar ba'i me de bud shing gi nang du blugs par bya'o/ /de nas yang rdzas dbul ba'i rim pa bstan pa'i phyir/ skyur zhing dmar ba'i rdzas rnams kyis/ /dbang gi tshul du sbyin sreg bya zhes gsungs te/ rdzas kun kyang kha dog dmar por bsgyur zhing/ /yung ba las sna drangs la dbul bar bya ste/ dbul ba'i sngags ni 'di'o/ /aoM badzra kI li kI la ye pu ti hUM che ge mo? dbang du 'dus par gyur cig hUM zhes pas dbul lo/ /gzhung gong ma'i sngags ni aoM na ma sa man+ta bu ta nan pu ti hUM che ge mo dbang du 'dus par gyur cig hUM zhes pas dbul lo/ /gzhan glong du bstan pa'o/ /de nas yang gtor ma'i rgyu bstan pa'i phyir/ zabs phye 'dru rnams dmar po la/ gtor ma bya ste dbang du bsdu pa'o/ zhes bya ba gsungs te/ bsgrub pa'i dus su zangs phye dang 'bru rnams la sogs pa'i gtor ma kun dmar por byas te/ las kyi lha la byin la dbang gi las 'di khyod kyis grub par gyis shig ces bsgo ba'o/ gang dbang du bya ba de dbang du 'du'o/ /de nas yang dkyil 'khor du ji ltar bya ba bstan pa'i phyir/ ma'i tshogs kyi dkyil 'khor du/ 'dod chags las kyis 'chil ba rnams/ dbang du bsdus pas dbyings su rol zhes gsungs te/ ma'i dkyil 'khor ni zla gam ste/ dkyil 'khor dmar po ru/ /dbang gi lha rnams gsal bsgom zhing/ de'i 'od zer gyis 'dod chags la dad pa'i sems can bsdus na dbang du byas te byang chub sems kyis rgyas btab pa de ni dbyings su rol pa ste/ don dam pa'i bden pa'o/ /rdzas la sogs pa'i bye brag gis kun rdzob kyi bden pa ste/ dbang gi las so/ /de nas yang drag po'i las bstan pa'i phyir/ 'jig rten khams ni rab 'byams na zhes bya ba la sogs pa gsungs te/ 'jig rten gyi khams 'di na/ shin tu gdug pa'i sems can la drag shul gyi spyod pa sbyar byas nas zhes bya ba ni shin du gdug cing log par lta ba'i sems can de la zhi bas 'dul ba ma yin te/ drag shul spyod pa sbyar byas nas 'dul bar bya'o/ /de yang gnas gang du bya zhe na/ rkang gcig can nam dur khrod du zhes gsungs te/ mtshan nyid gong du gsungs pa dang sbyar bar bya'o/ /rigs ngan dme sha can la sogs/ mi reg ma'i gzungs ma gzungs zhes bya ba ni/ bsgrub pa'i dus su ni rigs ngan dme sha can ni gsod byid bshan pa'i rigs te/ drag po'i las byed pa'i bsgrub pa'i dus su rten bar bya'o// mi reg ma ni lugs ma ste/ de ni gdug pa'i gzungs ma ste/ las kyi dus su g.yon du gzhag pa'o/ rdo rje khro bor bdag gnas la zhes bya ba ni bcom ldan 'das rdo rje gzhon nu nyid du bdag gnas par byas la/ dkyil 'khor gyi lha rnams kyang sku mdog mthing nag khros pa'i zhal gdangs shing mche ba gtsigs pa'o/ /de nas me thab kyi rim pa bstan pa'i phyir/ nag po gru gsum dkyil 'khor la/ /rtsang thod rgyan gyis brgyan bar bya'o zhes gsungs te/ drag po'i me thab ni zur gsum pa'o/ /kha dog nag por byug pa ste/ ngos re la sor nyi shu nyi shu'o/ /zabs su sor bcu skor sor gsum gyi dgye/ zheng dang dpangs gnyis sor gsum mo/ de'i phyi rol du sor gsum du btang bar bya ba ste/ dbus kyi kha khyer la thod pas bskor/ de'i phyi rol tu rdo rje rtse dgu ba dang mda' gzhu dang mdung rtse gsum pa dang dgra sta dang/ kha TwAM ga dang gdug pa'i mtshon cha kun ka sti la la gtang/ de'i phyi rol gyi dkyil 'khor gyi mu ran la rtsang dmar pos bskor bar bya'o/ de nas yang srog chags bsad pa'i rgyu bstan pa'i phyir/ lcags sam nag po'i shing rnams la/ tsher ma can gyi shing rnams sam/ mi'i rus pa'i phur pa ni zhes bya ba gsungs te/ lcags sna la phur pa byas te/ gnam lcags dang khro chung dang sgo gser dang/ srog chags bsad pa'i mdung rtse dang/ srog chags bsad pa'i dgra sta dang lnga la bya'o/ /yang na nag po'i shing gi dug shing ste/ ? tshor yod pa'i shing ? phur pa bya ba'o/ /de med na tsher ma gdug ba yod pa'i shing la phur pa bya ba'o/ /mi rkang gi phur ba la sogs pa'i rnams kyi rtse mo zur gsum du byas la brnyen phur gyi dus su ni gcig gis bya ba yin la/ las kyi dus su ni gsum gdab ste zhes gsungs te/ sku gsung thugs kyi ? las phyung ba'i phur pa rnams so/ /gdab pa'i gnas dang ji ltar gdab ba ni/ ting nge 'dzin gyi rim par phye ba la sogs pa gsungs pa ji lta ba'o/ /de nas ye shes kyi dkyil 'khor dang/ ye shes kyi me lha spyan drangs pa bstan pa'i phyir/ mthing nag ? gsum ?? lha tshogs rnams/ /dregs pa gdul phyir spyan drangs te/ zhes bya ba gsungs te/ mthing nag 'khrug pa'i ye shes kyi lha tshogs rnams gdug pa can ? zhing zhal du gsol ba'i phyir spyan drangs te/ dam tshig gi dkyil 'khor la bstims la btang snyoms khros pa'i mchod pa bya'o sbyin pa'i las kyi lha rnams dang/ phyogs skyong la byin la las bcol lo/ /de nas yang me sbar ba dang yams shing gi go rims bstan pa'i phyir/ tsher ma'i shing las zhes bya ba gsungs te/ tsher ma can gyi shing la byas te/ mchu ru sor bzhi sboms su chag pa phyed yod pa/ rtsa ba'i cha las byung ba'i gdug pa'i shing las bya ba'o/ /sbar pa'i me zhes bya ba ni lcags gong sar pa'i nang bshan pa'i khyim nas me blangs nas sbar ba de bsreg shing gi nang du blugs pa'o/ /de nas yang rdzas rtsub pa'i rim pa bstan pa'i phyir/ nag po'i tsha shing rtsub ba yis/ drag po'i tshul du sbyin sreg bya zhes gsungs te/ drag po'i rdzas kun kyang kha dog nag por bya ba yi/ rdzas kyi ro kun kyang rtsa bzhi rtsub par bsam yod par bsam pa'o/ /sna drang ba ni gdug pa'i tsher ma can gyi sna drangs la/ dbul ba ste dbul ba'i sngags ni/ aoM badzra kI li kI la ya sum pa hUM che ge mo mA ra ya phaT/ ces pas dbul ba'o/ /de nas yang drag po'i gtor ma'i rgyu bstan pa'i phyir/ lcags phye 'bru nag sha khrag las/ sbyar ba'i gtor mas drag shul spyad ces gsungs te/ lcags phye dang 'bru nag po las byas pa'i gtor ma de drag po'i dus su 'phra men ma dang sring mo'i tshogs dang bdag nyid chen mo dang/ sa bdag chen mo la sogs bskul la gtor ma de gzugs la brdeg cing bsad pa'i las bya'o/ /sha khrag sna tshogs las byas pa'i gtor ma ni las kyi lha 'khor dang bcas pa la bsngos la btang ngo/ /de nas yang dkyil 'khor du ji ltar bya ba bstan pa'i phyir/ e'i tshogs kyi dkyil 'khor du/ zhe sdang las kyis 'tshe ba rnams/ brlag par gyur pa'i dbyings su rol zhes gsungs te/ e ni chos 'byung pa'i dkyil 'khor te de'i gnas su bcom ldan 'das khrag 'thung gi tshogs gsal bar bsgoms la/ de'i nang du stong khams kyi sems can zhe sdang las kyis 'tshal ba rnams zhal du gsol nas/ dngos po phur po rags par byas nas/ yang dag pa'i ye shes ni dbyings su gsal bar ba ste/ bzhugs pa ni don dam pa'i den pa'o/ rdzas la sogs pa ni 'bras bu longs spyod mi slu bas bden pa ste kun rdzob bo/ de nas yang bskrad pa yang bya ste/ dur khrod kyi ras ma la/ 'khor lo'i rtsibs brgyad pa bris la de'i dbus su rnga mo'i gzugs shig bris la/ de la gzas pa po gang yin pa skyon la dbang gi dgos pa ji ltar bzhin du bya ste/ gzugs des bstims nas 'khor lo'i rtsibs rnams la yang/ aoM badzra kI li kI la ya hUM dza dza zhes pa bris te 'og gi thad kar nas g.yon bskor du bskor nas bri ste/ rnal 'byor pa'i zil gyis kyang/ bzlas pa'i bsngags pa'i sde nyid yin te/ ting nge 'dzin gyis kyang kho'i khang phyi khyim gyi 'og tu rlung gi dkyil 'khor bsgoms la/ de'i ba dan bzhi bskyod pas rnga mo'i dmigs bzhi rang dbang med par bskyed nas khro bo'i las la ni sngags te/ khrid la las ni tho ba dang ral gri dang dgra sta dang thogs nas ded nas 'gro bar dmigs la/ bsnyen pa yang thon pa dang/ sgrub pa la 'jug ste/ 'dzab grangs thon pa ngang las la sbyar te/ las kyi dus su stong thon pa dang/ dur khrod kyi ras ma btags la/ dbang gi tshul du sbyin sreg byas la/ bskul ba'i sngags bskrad pa'i sngags nyid kyis bya ste sbyin sreg zin pa dang so'i? them pa'i 'og tu spes la bzhag go / de'i rjes la lho phyogs kyi khams kyi gshin rje gshed po'i yul du bskyal bar bsam ste/ gnas bskyod pa'i man ngag go /de nas rtags thon pa dang rdzas slar la dbyung bar bya'o/ /de ni bskrad pa'i man ngag go / de nas yang 'phrin las bsam las pa yod par bstan pa'i phyir/ ji snyed 'phrin las bsam yas kun/ /'gro ba bsam yas bsam pa rnams/ /ji snyed 'dul ba'i thabs tshul du/ bsam yas 'phrin las rnam par spros zhes gsungs te/ sangs rgyas kyi sku gsung thugs kyi 'phrin las bsam yas par kun gsungs shing mdzad pa yang/ 'gro ba rigs drug gi bsam pa bsam yas par yod pa de/ de rnams gdug pa'i thabs sam mthun pa'i tshul du/ sangs rgyas kyi sku gsung thugs las 'phrin las bsam yas pa rnams spros so/ /de nas yang 'phrin las spros pa de rnams yang dag pa'i ngang du lhun gyis grub par bstan pa'i phyir/ mnyam nyid dbyings kyi ngang nyid la/ /las kyi bye brag rtsis las 'das/ /bya med ngang du lhun gyis grub pa ste/ ma bcos pa'i don dam pa'i bden pa'o/ /'phrin las so so'i 'dul tshad ni/ kun rdzob kyi bden pa rnam pa gnyis su 'du shes bcom ldan 'das dpal kun tu ma bcos pa brjod pa'i tha snyad dang bral ba'i ngang du ye nas lhun gyis grub pa ste/ ma bcos pa'i don dam pa'i bden pa'o/ /'phrin las so so'i 'dul tshad ni/ kun rdzob kyi bden pa rnam pa gnyis su 'du shes bcom ldan 'das dpal kun tu bzang pos de skad ces gsungs so/ /las kyi rim par phye nas bstan pa la ni las kyi rim par phye ba'i le'u 'o/ /bdud rtsi thigs pa zhes bya ba rgya cher bshad pa las/ bden pa gnyis kyi bshad pa'i le'u ste/ bcu gcig pa'o// // de nas yang? las kyi rim par phye ba la sogs pa gsungs kyang dam tshig 'di ma gsungs na 'bras bu 'grub par mi 'gyur bas de bstan pa'i phyir/ de nas bcom ldan 'das zhes bya ba la sogs pa gsungs te/ dam tshig gsang ba 'di gsung so/ zhes bya ba ni/ mi 'da' ba' i phyir dam tshig ste/ rtogs 'dul dam tshig de ? sbom/ /spros med dbyings la g.yos pa med/ ces bya ba gsungs te/ 'di nas mar spyi'i dam tshig gsungs te/ e ma'o zhes pa ni ngo mtshar ba'i tshig ste gang la ngo mtshar na sku gsung thugs kyi dam tshig rtsa ba dang yan lag tu bcas pa la ngo mtshar ba'o/ /sna tshogs log rtog bsam yas la zhes bya ba ni/ sems can gyi bsam pa log par rtog pa mi mthun bsam yas pa la/ de rnams kyi rtog pa 'dul ba'i phyir/ rtsa ba dang yan lag tu bcas pa'i dam tshig de snyed cig spros te/ chos nyid kyi don gyi ngo bo la ni spros pa med de/ yang dag pa'i dbyings la g.yos pa med do/ /gnyis su med pa'i ye shes de ni sngags kyis 'dul ba chen po ste/ bsrung ba med pa'i bsrung ba chen po'i 'o/ /'di ni dam tshig rdo rje ste/ zhes bya ba ni gong du gnyis med pa'i ye shes 'di nyid dam tshig ste/ de ci'i phyir zhe na/ rnam par rtog par mi 'gyur ba'i phyir ro/ /de nyid rdo rje ste dngos po mtshan mas mi shigs pa'i phyir ro/ /sku gsung thugs kyi dam tshig ni/ grub nas 'jig pa'i dus mdza' med ces bya ba ni/ sku'i dam tshig ni skur snang ba thams cad de bzhin gshegs pa'i sku ste/ bzang pa dang ngan pa dang/ ring ba dang thung ba la tha snyad btags na de bzhin gshegs pa'i sku la smad pas sku'i dam tshig nyams pa yin te/ ltar byang ma yin no/ /gsung gi dam tshig ni sgrar grags pa thams cad de bzhin gshegs pa'i gsung ste/ sgra snyan pa dang mi snyan pa la sogs pa la tha snyad btags na/ de bzhin gshegs pa'i gsung la smad pas na/ gsung gi dam tshig nyams pas/ de ltar ? ?? kyi dam tshig ni gnyis su med pa ste/ spos pa dang bral ba'o/ /de la yod med du btags na sgro skur btab pa ste/ thugs kyi dam tshig nyams pas ye nas ma bcos pa dang/ brjod pa las 'das pa'i ngang las ma g.yos par bzhag pa'o/ /sku gsung? ?? de ltar 'grub pa la ni/ 'jig pa'i dus mi ? de/ de'i phyir 'gyur na 'jig pa'i dus ma zab? med ces gsungs pa yin no/ /sku gsung thugs kyi dam tshig de dus gsum du ye nas gnas pa'i phyir/ rdo rje dam tshig lu gu rgyud ces gsungs te/ mi 'bral ba'i phyir ro/ /sku gsung thugs las rnal 'byor pa dus rtag tu mi 'da' bas/ rnal 'byor dka' thub dam tshig ces gsungs te/ rnal 'byor pa'i lus ngag yid gsum gyi sdom pa'o/ /rnal 'byor pas sku gsung thugs dang bral na/ srog dang 'dra ba'i gnyis med pa'i ye shes mi 'grub pa de'i phyir/ du ma gcig tu bsdus pa'i srog ces gsungs te/ spros pa dang bral ba ste/ bcom ma yin pa'i don dam pa'o/ yan lag dam tshig 'da' bar dka' zhes bya ba ni/ sku gsung thugs kyi dam tshig mnyams na yan lag dam tshig nyams kyang mi nyams pa'i phyir/ 'da' bar dka' zhes gsungs so/ /de ltar spyi bstan nas/ da 'di nas mar ni/ rtsa ba'i dam tshig rgyas par bstan pa'i phyir/ rdo rje bla ma slob dpon zhes pa la sogs pa bstan te/ rdo rje bla ma slob dpon la zhes bya ba ni/ sku'i dam tshig bstan te/ slob dpon ni bka' gzhan gyi bcag par bya ba ma yin pa'i phyir/ rdo rje spyi gtsug bkur ba'i phyir bla ma man ngag bsten pa'i phyir/ slob dpon de la slob mas srog la bab kyang bkur bar bya'o/ de nas yang slob dpon gyi rim pa bstan pa'i phyir/ dam tshig dbang dang shes rgyud dang/ /man ngag 'bras bu slob dpon la zhes pa la sogs pa gsungs te/ dam tshig dbang gi slob dpon ni/ dang po bdag la dbang bskur zhing dam tshig sgrogs pa'i slob dpon na/ shes rab rgyud kyi slob dpon ni bdag gi rigs la sogs pa la chos ston pa ste/ chos ston pa'i slob dpon no/ man ngag 'bras bu'i slob dpon ni/ shes rab kyi ye shes kyi sgo nas khu ba dang lhan cig skyes pa'i ye shes ston cing/ rang bzhin lhan cig skyes pa rtogs par byed pa'i slob dpon gsum gyi bye brag de la ji ltar bkur bar bya ba yin nam/ gcig gi mtshan nyid yin mnyam pa la de gsal bar bya ba'i phyir/ lta zhing bskur bar bya ba ni/ pha dang ma dang mig 'bras ltar/ /bskur zhing gces par bya ba yin zhes gsungs te/ dam tshig dbang gi slob dpon la/ /bkur bar bya ba'i rim pa ni/ /'jig rten na pha las gces pa med pas pha bzhin du bkur bar bya'o/ /shes rab kyi rgyud kyi slob dpon la ni 'jig rten na pha las gces shing gnyen pa med pas na/ pha bzhin du bskur bar bya'o/ man ngag 'bras bu'i slob dpon la ni/ mig gi 'bras bu ltar bkur bar bya'o/ /ci'i sgo nas kyang bkur zhing gces par bya ba yin no/ /de'i phyi bzhin be'u ltar 'brang zhes bya ba ni/ slob dpon gsum ga la yang ste/ lhag par yang man ngag ston pa'i slob dpon de'i phyi nas be'u bzhin 'brang ba ste mthun pa'i dpe'o/ sna tshogs sna tshogs ci sgo nas/ /mnyes shing dgongs pa bskang ba yin zhes bya ba ni/ slob dpon kyi thugs ka dang ji ltar 'tsham pa bzhin bya ba yin te/ mnyam par bya ba'i tha tshig go /bla ma spun dang ming sring la/ man ngag bya ba'i sems bor te/ /rdo rje theg pa'i spun yin pas/ /gcig la gcig ni mig bzhin blta/ zhes bya ba ni bla ma'i spun zla dang/ rang gi nyal rogs pho mo gang yin pa de la mngan bya ba ma yin te/ phyin ci log gi sems dor bar bya ba'o/ de la mngan mi bya ba ci'i phyir zhe na/ rdo rje theg pa'i spun yin pas/ zhes gsungs te gsang sngags rdo rje theg pa spun yin pas/ de la ni mngan bya ba yang spang bar bya ba'o/ /'o na ji ltar blta zhe na/ gcig la gcig ni mig bzhin blta zhes gsungs te/ gcig la gcig ni mig gi nang du rdul song na mi bzod pa de la rdul song gis dogs nas bsrung ba ltar/ gcig la gcig nyes pa bsrung zhing lta bar bya'o// 'di ni sku'i sa ma ya'o/ zhes bya ba ni/ gong gsungs pa de ni sku'i dam tshig go /de nas yang gsung gi dam tshig ni/ aoM badzra kI li kI la ya sum pa ni hUM che ge mo mar ya phaT ces dpul bar bya ba'o/ /de nas yang drag po'i gtor ma bstan pa'i phyir/ lcags phye dang 'bru nag po la byas pa'i gtor ma de drag po'i dus su 'phra men ma brgyad dang/ sring mo'i tshogs dang/ bdag nyid chen mo dang/ sa bdag chen mo la sogs pa bskul la/ gtor ma de gzugs la brdeg cing/ gsod pa'i las bya'o/ sha khrag sna tshogs la byas pa'i gtor ma ni las kyi lha 'khor dang bcas pa ni bsngos pas las la gtang ngo/ /de nas yang dkyil 'khor du ji ltar bya ba bstan pa'i phyir/ e'i tshogs kyi dkyil 'khor du zhes las kyis 'chel ba rnams brlag par gyur pas dbyings su rol zhes bya ba gsungs te/ e ni chos 'byung ba'i dkyil 'khor te/ de'i gnas su bcom ldan 'das khrag 'thung gi tshogs gsal bar bsgoms nas/ de'i ngang du khams gsum gyi sems can zhe sdang las kyis 'chel ba rnams/ zhal du gsol nas/ dngos po'i phung po brlag par bya ba nas yang dag pa'i shes pa ni/ ye shes kyi dbyings su gsal bar byas te/ bzhugs pa'i don dam pa'i bden pa'o/ /rdzas la sogs pas 'bras bu longs spyod mi slu bas bden pa ste/ kun rdzob po de nas yang bgrad pa yang bya ste/ dur khrod kyi ras ma la 'khor lo rtsibs brgyad pa bris pa de'i dbus su rnga mo'i gzugs gcig bris pa de la gzas pa po gang yin pa skyon la/ dbang gis dgongs pa ji lta ba bzhin du byas te/ gzugs la bstim la/ 'khor lo'i rtsibs brgyad rnams la yang/ aoM badzra kI li kI la ya hUM dza dza zhes pa bris te/ 'og gi thad ka nas g.yon bskor du bskor nas bris te/ rnal 'byor pa nyid kyis bzlas pa'i sngags de yin no/ /ting nge 'dzin gyis kyang kho'i khang khyim gyi 'og tu rlung gi dkyil 'khor bsgoms la/ de'i ban da bzhin bskyed pa'i rnga mo'i mig bzhi rang dbang med par bskyod nas/ khro bo la las ni rnga mo'i sna nas drangs te khrid/ la las ni thob dang ral gri dang dgra sta thogs nas ded nas 'gro bar dmigs la bsnyen pa thon pa dang/ bsgrub pa la 'jug ste/ 'dzab grangs khri thon pa dang las la sbyar te/ las kyi dus su stong thon pa yang dur khrod kyis sa ma ya la gtubs la/ dbang gi tshul du sbyin sreg bya ste/ bskul ba'i sngags bskrad pa'i sngags nyid kyis bya ste/ sbyin sreg zin pa dang/ sgo'i them pa'i 'og tu sbas la gzhag go /de'i rjes la b+ho phyogs kyi khams gshin rje'i rgyal po'i yul du bskyal bar bsams te/ gnas bskyod pa'i man ngag go / de nas sngags thon pa dang/ rdzas de slar la dbyung bar bya'o/ /de ni bskrad pa'i man nag go /de nas yang 'phrin las bsam yas par yod par bstan pa'i phyir/ ji snyed 'phrin las bsam yas kun/ /'gro ba bsam yas bsam pa rnams/ /ji snyed 'dul ba'i thabs tshul du/ /bsam yas 'phrin las rnam par spros zhes gsungs te/ sangs rgyas kyi sku gsung thugs yi 'phrin las bsam yas pa gsungs shing mdzad pa yang 'gro ba rigs drug gi bsam yas yod pa de rnams 'dul ba'i thabs pas? mthun pa'i tshul du/ sangs rgyas kyi sku gsung thugs las 'phrin las bsam yas pa sgros pa'o/ /de nas yang 'phrin las spros pa de rnams yang dag pa'i ngang du lhun gyis grub par bstan pa'i phyir/ mnyam nyid dbyings kyi ngang nyid las/ / las kyi bye brag rtsis las 'das/ /bya med dad du lhun gyis grub ces gsungs te/ mnyam pa nyid kyi dbyings gnyis su med par bstan pa'i phyir/ dang po tha tshig bcas pa ltar/ zhes bya ba la sogs pa bstan te/ dang po tha tshig bcas pa ltar? ces bya ba ni/ dang po dbang bskur ba'i dus su ji ltar dam bzhin du sngags rnams dus rtog tu ? mi 'chad pa dang lha'i sku phyag rgya dus rtag tu bcas pa ni thun mong dang bcas thun mong ma yin pa'i dngos grub 'byung ba'i rgyu yin pas sngags dang phyag rgya 'di dag lus ngag yid gsum gyis dus rtag tu brtan bor gzung nas mi 'bral ba ni gsung gi sa ma ya ru ston pas bshad do/ /de ni gsung gi dam tshig go /de nas yang thugs kyi dam tshig bstan pa'i phyir/ phyi gsang bzhi dang bar gsang bzhi zhes pa la sogs pa gsungs te/ phyi gsang bzhi dang bar gsang bzhi zhes bya ba ni/ dkyil 'khor gyi de kho na nyid dang/ lha'i de kho na nyid phyag rgya'i mtshan nyid rnams ni phyi gsang bzhi'o/ bar gsang bzhi ni/ bde ba chen po'i 'khor lo dang/ longs spyod kyi 'khor lo dang/ chos kyi 'khor lo dang/ sprul pa'i 'khor lo dang bzhi'o/ /yang gsang bar 'os pa dang zhes bya ba ni/ dga' ba bzhi yis mtshon nas yang dag pa'i ye shes nyams su len ba ni gsang bar 'os pa'o/ /de lta bu'i don de gzhan la ma smra zhig ces dang po slob dpon gyi gnyer ba'i gsang ba'i man ngag 'bras bu rnams/ gzhan dang gzhan dag 'di lta bu yin no/ zhes snod ngan pa phal la mi spel ba 'di ni thugs kyi sa ma ya'o/ /de lta bu sku gsung thugs kyi dam tshig 'di ni/ dus gsum du 'jig pa'i dus mdza' med de/ bsrung bar bya'o/ /spyir sa ma ya ni rdo rje ste zhes gsungs so /de dag nyams par gyur na ni/ /rtsa ba nyams te rigs rlag 'gyur/ zhes bya ba ni sku gsung thugs kyi dam tshig de nyams par gyur na/ rtsa ba'i dam tshig nyams te/ 'bras bu'i de bzhin gshegs rigs brlag par 'gyur ro/ /de ni nyams pa'i skyon no/ de nas yang pha rol po'i dam tshig nyams pa'i rnal 'byor skyon bstan par bya ste/ de'i phyir nyams 'gyur nyes pa brjod mi lang zhes bya ba gsungs te/ pha rol pos sku gsungs thugs kyi dam tshig nyams na de'i nyes pa brjod kyis mi lang ste/ de ni rtsa ba'i dam tshig nyams pa yin pas dam la gnas pa'i rnal 'byor pa de dang nyams pa gnyis skad cig tsam yang yud tsam yang smra ba de mi bya'o smras na skyon ci yod ce na/ de bstan par bya ba'i phyir/ smras na 'bras bu nyams par 'gyur zhes gsungs te/ smras pas nyid kyis rtsa ba'i dam tshig nyams par 'gyur ro/ /de nas yang yan lag gi dam tshig bstan pa'i phyir/ 'dod chags zhe sdang gti mug dang/ zhes bya ba la sogs pas bstan te/ 'dod chags zhe sdang gti mug dang/ /nga rgyal phrag dog chen po ni/ /bder gshegs lnga'i rang bzhin bas zhes bya ba ni/ /'dod chags ni 'dod cing chags pa ste/ de spangs na grol ba ma yin 'dod chags kyi mtshan nyid ni/ gnyis su med pa'i ye shes 'dod cing/ chos nyid la chags pas rnam par dag ste/ 'od dpag med kyi rang bzhin bas mi spang ngo/ /zhe sdang ni pha rol la zhe sdang ba de/ de spangs pas grol ba ni ma yin te/ zhe sdang gi mtshan nyid ni/ phyin ci log gi nyon mongs pa la zhe sdang zhing med par byed pas zhe sdang rnam par dag pa ste/ mi bskyod pa'i rang bzhin bas mi spang ngo/ /gti mug ni mi shes shing tshor ba med pa ste/ de spangs nas gral ba ma yin te/ gti mug gi mtshan nyid ni phyin ci log gi rtog pa gang yang 'byung ba ma yin zhing/ shes pa dang brjod pa las 'das ?? bas na gti mug rnam par dag pa ste/ rnam par snang mdzad kyi rang bzhin bas mi spang ba dang/ nga rgyal ni ma rig pas smra ba ste/ de yang spangs nas grol ba ma yin te/ nga rgyal gyi mtshan nyid de ni/ chos nyid gnyis su med pa'i don la gnas shing/ phyin ci log gi don la nyon mongs pa ni mi gnas pas nga rgyal ba ste/ nga rgyal rnam par dag pa ste/ rin chen 'byung ldan gyi rang bzhin bas mi spang ba dang/ phrag dog ni gzhan gyi yon tan la phrag dog ste/ de spangs nas grol ba ma yin te/ phrag dog gi mtshan nyid ni/ chos kyi dbyings spros pa'i mdza' brgyad dang bral bas/ spros pa med par phrag dog ste/ phrag dog rnam par dag pas gdon mi za bar 'grub ba'i rang bzhin bas mi spang ba ste/ de'i phyir chen po zhes gsungs te/ chung ngu rnam par dkar ba'o/ /de ni mi spang ba'i dam tshig lnga'o/ /de nas yang dor bar mi bya ba'i dam tshig bstan pa'i phyir/ sha chen bshang gci khu ba khrag/ dbang ba'i rgyu ste bdud rtsi spos/ dor bar mi byas ma ya ho/ zhes gsungs te/ sha chen dang bshad ba dang/ gci ba dang khu ba dang/ khrag lnga ni rnam par rtog pas mi gtsang ba dang/ sogs pas bdud rtsi ste de las zlog pa'i phyir/ dag pa'i rgyu ste bdud rtsi ngos? zhes gsungs te/ sha chen la sogs pa lnga ni/ ye nas rnam par dag pa'i ye shes lnga'i dngos po ste/ de rnam par rtog pa'i bdud las zlog nas bdud rtsi ye shes lnga'i rang bzhin te/ mi gtsang ba de nas dor bar bya ba ma yin te/ ye shes lnga'i rang bzhin bas dor bar mi bya ba'i sa ma ya'o/ de ni dor bar mi bya ba'i dam tshig lnga'o/ /de nas spyad par bya ba'i dam tshig bstan pa'i phyir/ rdzun dang tshig rtsub smra ba dang/ /sbyor dang sgrol ba'i dam tshig ni/ /bder gshegs lnga'i mdzad spyod pas/ /rtag tu spyad pa'i dam tshig go /zhes gsungs te/ brdzun ni chos nyid dngos po med pa'i rang bzhin la/ 'di lta bu yin no zhes drang ba'i don du ston pa'i rdzun te/ mi bskyod pa'i mdzad pa yin pas rnal 'byor pas kyang spyad par bya ba yin pa dang/ tshig rtsub ni 'di ltar snang ba thams cad 'khrul pa yin te/ yod pa ma yin no/ zhes 'byung ba ni/ tshig rtsub mo ste rnam par snang mdzad kyi mdzad spyod yin pas/ rnal 'byor pas kyang spyad par bya ba yin pa dang/ rku ba ni 'di ltar snang ba'i chos thams cad ye nas ma bcos pa'i rang bzhin 'od gsal ba de ni rin po che 'dra ba yin pa 'di ni rtogs par bya ba yin zhing 'di ni nyams su blang ba'o/ zhes phyin ci log thams cad yang dag pa'i dbyings su rku ba ni/ rin chen 'byung ldan gyi mdzad spyod de/ rtag tu rnal 'byor pas spyad par bya'o/ /sbyor ba ni 'di ltar snang ba thams cad kun rdzob tu lha dang lha mo'i ngang du 'byor la/ don dam par skye ba med pa'i ngang du 'byor pa ni/ 'od dpag tu med pa'i mdzad spyod do/ /rnal 'byor pas rtag tu spyad par bya'o/ /sgrol ba ni khams gsum gyi sems can thams cad rnam par rtog pas bcings pa thams cad skye ba med pa'i ngang du sgrol la/ skye ba med ces bya ba de yang mi gnas par sgrol ba ni/ gdon mi za bar 'grub pa'i mdzad spyod de/ rnal 'byor bas dus rtag tu spyad par bya ba'i phyir/ /bde bar gshegs pa lnga'i mdzad spyod pas rtag tu spyad pa'i dam tshig go /zhes gsungs te/ de ni spyad par bya ba'i dam tshig lnga'o/ /mi spang mi dor spyad par bya zhes bya ba ni/ /nyon mongs pa lnga bde bar gshegs pa lnga'i rang bzhin pas/ mi spang ba dang/ bdud rtsi lnga ye shes kyi rang bzhin pas mi dor ba dang/ brdzun dang tshig rtsub la sogs pa bde bar gshegs pa'i mdzad spyod yin bas/ spyad par bya ba'o/ yan lag bco lnga'i dam tshig ni/ zhes bya ba ni/ mi spang bar bya ba'i dam tshig lnga dang/ mi dar bar bya ba'i dam tshig lnga dang/ spyad par bya ba'i dam tshig lnga ste bco lnga'o/ /srog gi phyir yang mi gtang zhes bya ba ni/ rang la phan pa'i srog yin te/ srog ma chang na mi 'chi ba dang 'dra bar gnyis med pa'i ye shes te rtogs shing khong du chud nas skye ba med pa'i dbyings rnam par dag ste/ de la 'chi ba ga la yod de/ 'bras bu de thob par bya ba'i phyir mi gtong/ gad mi gnang? zhe na/ rtsa ba dang/ yan lag tu bcas pa'i dam tshig tu ni gnyis med pa'i ye shes thob par bya ba'i bzhi 'am rmang min pa'i phyir na mi btang ba'o/ /btang na skyon ci yod/ de bstan pa'i phyir/ btang na 'bras bu ga la 'byung zhes gsungs te/ rtsa ba dang yan lag tu bcas pa'i dam tshig med cing ma bsrungs na/ srog dang 'dra pa'i 'bras bu ga la 'byung ste/ mi 'byung ste rlag par gyur pa'i tha tshig go /de'i nyes pa brjod las 'das zhes pa ni/ rtsa ba dang yan lag tu bcas pa'i dam tshig nyams pa'i nyes pa ni/ brjod pa las 'das te brlag par 'gyur ba'i tha tshig go /de nas yang dam tshig nyams pa de thugs rjes ma gzung na dmyal bar 'gro bas/ de thugs rjes gzung ba'i phyir/ snying nas slob dpon smod pa dang/ zhes pa la sogs pa bstan te/ snying nas slob dpon smod pa dang/ zhes bya ba ni/ dang po shes pa slob bu'i dus na slob dpon de la kha 'jam dang/ spyod pa legs mos 'dris par byed cing/ shes pa lobs nas slob dpon de yis bya ba med pa'i spyod pa byed cing/ chos dang slob dpon de las ma 'ongs par gzhan la 'ong ba bskur zer zhing rang gi shes pa las slob dpon gyis mi shes pa skad zer ba ni/ snying nas slob dpon smod pa ste/ de ma bsgral na mnar med du ltung ba'o/ /sangs rgyas bstan ba la gnas pa dang zhes bya ba ni/ sangs rgyas kyi bstan pa la gnas par byas nas/ spyod pa phyin ci log bzhi byed cing rdzun dang rku ba dang sgyu dang g.yo la sogs pa de ni thugs rjes ma gzung na/ mnar med par ni ltung ba'o/ /theg pa chen po smod pa dang zhes bya ba ni/ sangs rgyas kyi bstan pa theg pa chung ngu la gnas par byas nas/ theg pa chen po'i nang nas kyang/ rnal 'byor bla na med pa'i theg pa la smod pa ni mnar med pa'i dmyal bar 'gro bas/ de thugs rjes gzung ba'o/ /sems can yongs la gnod byed dang zhes bya ba ni/ dang por sangs rgyas kyi bstan pa la dad cing zhugs nas/ phyis de las ni log nas/ sangs rgyas kyi bstan pa la yang smod sems can yongs la 'tshe bar byed pa'i gang zag de/ mnar med par ltung ba ste/ de thugs rjes gzung ba'o/ rnal 'byor gzung ba'o/ /rnal 'byor spyod pa'i dkar? la gyur ni zhes bya ba ni/ chos 'khor gnyan po gshig pa dang/ dben ris gnyan po 'joms pa dang/ gtsug lag khang gi dkor rku ba dge 'dun mdun pa'i bar du dbyen 'dzud pa la sogs te/ de ni rnal 'byor spyi dgra yin te/ /de lta bu'i rigs rnams la myur du bsgrims te ma bsgral na/ rtsa ba dang yan lag tu bcas pa'i rdo rje'i dam tshig nyams pas na/ rnal 'byor pas lus ngag yid gsum gyi sgo nas/ grims phyung las sngags dang phyag rgya'i shugs kyis bsgral bar bya'o/ /de ltar bsgral na yang dag pa'i gnas dang phrad pa de ni/ thugs rjes gzung ngo/ /de nas yang dam tshig gi yon tan bstan pa'i phyir/ dam tshig 'di ni smad po che zhes pa la sogs pa gsungs te dam tshig 'di ni smad pa che zhes bya ba ni/ rtsa ba dang yan lag tu bcas pa'i dam tshig 'di ni yang dag pa'i ye shes bsgrub pa'i gzhi yin pa'i phyir na smad po che ste/ de'i phyir sangs rgyas bsgrub pa'i rgyu dang gzhi/ zhes gsungs pa yin no/ /de nas yang dam tshig gi ngo bo bstan pa'i phyir/ yid bzhin nor bu rin po che zhes gsungs te/ dam tshig gi ngo bo ni yid bzhin gyi nor bu rin po che ste/ ma bcos pa'i don dam pa byang chub kyi sems ni/ dam tshig gi ngo bo'o/ /de nas yang dam tshig bsrungs ba'i yon tan bstan pa'i phyir/ dam tshig gnas rnams mi gcod ba zhes bya ba la sogs pa gsungs te/ rtsa ba dang yan lag tu bcas pa'i dam tshig gi gnas rnams bsrung zhing mi gtong ba'i rnal 'byor pa de ni/ legs pa'i yon tan brjod kyis mi lang ba 'byung ste/ sangs rgyas kyi rgyu la gnas pas na/ sangs rgyas dang 'dra bar 'gyur ro zhes gsungs so/ dngos grub gzhan lta smos ci dgos zhes bya ba ni/ rtsa ba dang yan lag tu bcas pa'i dam tshig bsrungs na sangs rgyas dang 'dra bar 'gyur na gzhan gyis dngos grub smos kyang ci dgos te de ltar thob? pa'i phyir ye nas nan tan bskyed do/ rtsa ba dang yan lag gi dam tshig bsrung/ zhes ston pa dang dpal kun tu bzang pos gsungs so/ /dam tshig rim par phye nas ston pa la ni dam tshig rim par phye ba'i le'u'o/ /bdud rtsi thigs pa zhes bya ba rgya cher bshad pa las/ bden pa gnyis kyis bshad pa'i le'u ste/ bcu gnyis pa'o// //de ltar dam tshig la sogs pa bstan kyang don bsdus nas so so'i don re re la gol du dogs pa'i phyir/ de nas zhes bya ba la sogs pa bstan te/ de yang sngon la gong du gsungs pa'i le'u bcu gnyis pa yan chad kyi don la dam zhing ston pa la yid rang bstan pa'i phyir/ yid kun tu bzang po la sogs pa 'dus pa'i 'khor tshogs ma lus pa rnams rang rang gi bsam pa rangs par gyur te/ zhes bya ba ni 'khor thams cad gnyis su med pa'i byang chub sems su mngon du gyur nas/ ston pa la 'khor rnams kyis gtsug gi 'dus pas rnal 'byor mchog gi tshul du phyag bya ste/ bcom ldan 'das kyi sku gsang ba gsung gsang ba thugs gsang bar zhugs pa'i bdag po la 'khor rnams kyis mdun gyis ltas te/ ston pa la ngo mtshar nas rmad du byung ba'i tshig gis 'og nas 'byung ba 'di skad ces bsgrags so/ /e ma'o ngo mtshar rmad du byung ba'i mnyam nyid dbyings mchog nas/ /thugs rje chen po gsal la ma 'dres kun du khyab par brdal zhes bya ba ni/ /rmad du byung ba'i chos nyid ma bcos pa'i dbyings nyid nas khams gsum gyi sems can gyis dag pa'i chos nyid ma rtogs pa las thugs rje chen pos lta ba dang spyod pa dang dbang dang dam tshig la sogs pa so sor bsal zhing ma 'dres par bstan cing kun tu khyab brdal ba'i phyir/ sku dang gsung thugs yon tan 'phrin las/ phyag rgya'i dkyil 'khor brjod mi lang zhes gsungs te/ sku'i dkyil 'khor la yang gsum/ gsung gi dkyil 'khor la yang gsum/ de bzhin du thugs dang yon tan 'phrin las la yang gsum gsum ste/ phyag rgya'i dkyil 'khor brjod mi lang ba zhig gsungs pa yang 'gro ba rigs drug gi bsam pa mi mthun pa bsam yas ba yod pa'i ched du ste/ de'i bsam pa rnams rlog pa'i phyir/ phyag rgya'i dkyil 'khor bsam yas pa zhig gsungs so/ /de ltar thugs rje chen pos 'gro ba rnams gzung ba'i phyir/ 'gro ba bsam yas rnam rtog de snyed/ thugs rjes phyogs pa/ e ma'o ngo mtshar che'o/ zhes gsungs so/ /de nas yang ston pa'i byin brlabs las don dam kun rdzob gnyis la ngo mtshar ba bstan pa'i phyir/ e ma'o rmad du byung ba'i chos/ /nam mkha' dang ni mnyam ba la/ /sgyu 'phrul rnam par 'phrul ba rnams/ /kun rdzob tsam du bstan pa mtshar zhes bya ba ni/ ston pa'i thugs rnam par mi rtog pa'i ye shes de las/ sku'i dkyil 'khor la sogs sgyu 'phrul rnam par 'phrul ba bsam yas pa rnams don dam par chos nyid las ma g.yos shing kun rdzob tu sgyu ma tsam du bstan pa ngo mtshar che'o zhes 'khor rnams kyis ston pa la ched du glengs so/ /de'i tshe bcom ldan 'das gsang ba mchog gi bdag po ni/ brjod du med pa'i dgongs pa dus bzhi mnyam pa nyid kyi dbyings la dgongs nas cang mi gsung bar bzhugs so/ /de nas yang sdud pa po ston pa la don bsdu bar gsol ba btab par bstan pa'i phyir/ /de nas rdo rje yid kun du bzang pos gsol ba btab bo zhes bya bar 'brel te/ gsol ba btab pa'i tshig ni/ bcom ldan 'das zhes bos nas/ bsgo bar gsol ba btab pa'o/ /de nas yang ston pas gong du gsungs pa'i don kun mdor bsdus nas bshad par gnang bar bstan pa'i phyir/ de nas zhes bya ba la sogs pa gsungs te/ gsang ba mchog gi bdag pos 'di skad ces bka' stsal to/ zhes bya bar 'brel to/ /gsungs pa'i tshig ni 'di ste/ sems dpa' chen po zhes bos nas lus ngag yid gsum gyis nyon cig ces gnang ba gsal to/ /rgyud kyi rgyal po chos kyi don 'di nyid ston pa ngas don bsdus te khyed la bshad par bya'o/ zhes gsungs te/ bshad pa'i gsung ni 'di'o/ /e ma'o chos rnams thams cad sems kyi 'khrul pa ste/ sems las ma rtogs chos 'ga' tsam yang yod ma yin zhes bya ba ni/ phyi dang nang du snang ba'i chos thams cad ni/ tshe rabs thog ma med pa'i dus nas rtog pa'i dbang gis/ brtags pa'i ngo la 'khrul bar snang ba ste/ chos su snang ba yang nang gi shes pa nyid snang ba las ma gtogs pa/ yul logs shig na grub pa med do bar bstan pa'i phyir/ sems las ma rtogs chos 'ga' tsam yang yod ma yin zhes gsungs so/ /de nas yang ston pas dkyil 'khor la sogs pa gsungs pa/ de yang 'khrul pa'i ro la snang gi yang dag pa'i blo can la mi snang bar bstan pa'i phyir/ 'khrul ba bzlog phyir rgyal bas chos bstan pa/ /de'i sgyu 'phrul sgyu 'dra 'khrul pa snang/ zhes gsungs te/ khams gsum gyi sems can gyis ye nas med pa'i rang bzhin pa la/ sems 'khrul ba'i dbang gis mtshan mar bzung ba de las bzlog pa'i phyir/ lha'i dkyil 'khor sgyu ma tsam du bstan te/ rags pa'i mtshan ma mi gnas par bya ba'i phyir bstan to/ /lha'i dkyil 'khor sgyu ma 'dra ba bstan pa'i de nyid kyang 'khrul pa la snang bar zad kyi yang dag pa'i shes pa ni snang ba med do/ /'khrul dang 'khrul la snang ba'i chos rnams kun/ /rang gi sems yin snang bar zad ces bya ba ni/ phyi'i yul med pa la 'khrul ba yod pas bzung bas 'khrul ba/ de las zlog nas lha'i dkyil 'khor du bstan pa de yang 'khrul pa la snang ba yin te/ de ltar snang ba'i chos rnams kun rang gi sems nyid yin te sems nyid snang ba las ma gtogs pa yul logs shig nas snang sgyu med pa'o/ /de nas yang sems nyid ma grub pa bstan pa'i phyir/ sems kyi rang bzhin dngos po ma grub ste/ snga phyi gsis nas rang bzhin yongs kyis med ces gsungs te/ sems kyi rang bzhin de dngos por grub pa ma yin te/ skad cig ma snga phyis gses pas snga ma ni 'gags/ phyi ma ni ma byung/ da ltar ni mi gnas pas/ rang bzhin med par gyur pas nang gi sems dngos por ma grub pa'o/ /de nas yang sems ma grub ces bya ba de la mi gnas par bstan pa'i phyir/ gzod nas ma skyes ye nas rnam par dag /yi ge med cing sgra dang tha snyad bral zhes gsungs pa yin te/ sems ma grub pa de yang sems yod pa las rkyen gyis byas nas med pa ni ma yin gzod ma na ma skyes shing/ ye phyi mo nas rnam par dag pa ste/ rnam par dag pa de la yi ges brjod pa med cing/ tshig gi sgra dang tha snyad dang bral ba'o/ /de nas yang sgra dang tha snyad dang bral zhes pa de ni/ stong pa nyid stong pa nyid de stong pa nyid ces pa de nyid brtags pa ste/ de las kyang 'das par bstan pa'i phyir/ stong pa'i spyod pa nyid de stong pa'i yul las 'das/ zhes gsungs te/ stong pa'i stong pa ni stong pa'i yul te de la yang mi gnas te/ mi gnas pa'i ye shes chen po mthar phyin pa'i man ngag ste/ bcos ma ma yin pa'i don dam pa'o/ de ltar 'khrul pa dang yang dag pa gnyis ka sems las byung ba'i phyir sems ni chos kyi rtsa ba ste/ rtsa ba de nyid srid ba dang grol bar snang zhes gsungs te/ 'khrul bar snang ba ni rang gi sems snang bas sems nyid yin la/ sems de nyid ye nas ma bcos par gnas pa ste/ /rtsa ba'o/ /rtsa ba de nyid rang bzhin gyis 'od gsal ba srid pa dang grol bar snang zhes ston pas 'khor ba rtsa bas bcad de/ dgyes pa med pa dgyes pa'i tshul gyis dgyes par bstan te ho zhes gsungs so/ /de nas yang gong du gsungs pa'i don kun mi gnas pa'i ye shes chen po nyid kyi ngang du bstan la mi gnas pa'i ye shes chen po de la ci yang med par bstan pa'i phyir/ de la e ma'o sems nyid stong pa chen po'i ye shes la zhes pa la sogs pas bstan te/ ye nas ma bcos pa'i dbyings nyid la ni gnas dang ston pa 'khor zhes ga la yod ces gsungs te/ gnas zhes bya ba dang/ ston pa zhes bya ba dang/ bstan pa zhes bya ba kun rdzob kyi bden pa yin te/ don dam pa'i bden pa la ni ga la yod de med do/ ting nge 'dzin dang yig 'bru phyag mtshan dang/ rdzogs pa dang bzhugs thabs rim du bgrang du med ces bya ba ni/ ting nge 'dzin rnam pa gsum dang lha rnams bskyed pa'i yig 'bru dang/ yig 'bru las gyur pa'i phyag mtshan dang/ phyag mtshan de la sku yongs su rdzogs pa dang rdzogs nas gdan la bzhugs pa'i thabs rnams rim du bgrang ba de ni kun rdzob kyi bden pa ste/ rnam par rtog pa zlog pa la mi bslu bas bden pa'o/ /bcos ma ma yin pa'i don dam pa la ni bgrang du 'ang med pa'o/ /stong nyid snying rje byang chub sems bskyed med ces bya ba ni stong pa nyid bsgom zhes bya ba dang/ de'i ngang las khams gsum gyi sems can snying rje bskyed ces bya ba ni/ byang chub kyi sems rnam pa gnyis bskyed ces gsungs pa ni/ kun rdzob kyi bden pa'o/ /bcos ma ma yin pa'i don dam pa la ni bskyed pa la sogs pa yang med do/ gzugs brnyan med cing ting 'dzin bsam dang bral zhes bya ba ni/ gzugs brnyan te brnyan ma'i dkyil 'khor la sogs pa dang/ ting nge 'dzin gyi dkyil 'khor gsungs pa rnams ni kun rdzob kyi don dam pa'o/ bcos ma ma yin pa'i don dam pa la ni bsam par bya ba dang/ bsam par byed pa med pas ting nge 'dzin bsam dang bral zhes gsungs so/ /sngags dang phyag rgya med cing thugs rjes 'dul ba'ang med ces pa ni/ sngags ni so so'i sngags dang sngags kyi las bstan pa dang/ lha so so'i phyag rgya dang/ phyag rgya'i las bstan pa dang/ khams gsum gyi sems can la so so'i 'dul tshad bstan pa la ni kun rdzob kyi bden pa'o/ /ma bcos pa'i don gyi ngo bo la ni/ /thugs rjes 'dul ba yang med do/ /gzungs? gdul du med cing drag po'i dkyil 'khor med/ /snying po bstan tshul med cing rgyun gyi ting 'dzin med/ bya ba med cing sdom pa kun las 'das/ zhes bya ba ni/ ma rung ba log? par lta ba'i dregs pa can gdul ba dang/ drag po'i dkyil 'khor gyi bye brag gsungs pa dang/ so sor drag po'i snying po gsungs pa dang khro bo so so'i stangs thabs gsungs ba dang/ rgyun gyi ting nge 'dzin gyi rim pa gsungs pa rnams ni kun rdzob kyi bden pa'o/ /ma bcos pa'i don dam pa'i bden pa la ni de ltar gong du gsungs pa'i rim par byang med cing sdom pa kun las 'das ba de/ gong du gsungs pa'i rnam grangs de kun cig tshig gi tha snyad yin te don dam par med do/ /'o na dkyil 'khor la sogs pa ji snyed pa gsungs pa de yis ci bya zhe na/ de gsal bar bya ba'i phyir/ 'khrul ba bzlog phyir kun rdzob tsam du bstan/ zhes gsungs pa'o/ 'o na lha'i dkyil 'khor la kun rdzob tsam du bstan pa 'di dor bar bya ba yin nam zhe na/ de gsal bar bya ba'i phyir/ de bas bstan pa 'di la rab bstan te/ don dam bden pa nges par rig par bya zhes gsungs te/ kun rdzob tsam du lha'i dkyil 'khor du bstan pa 'di la rnal 'byor ba las dang po bas sems sbyang bar bya ba'i phyir/ sgyu ma tsam du bstan pa 'di la brten par bya ba ni de bas na bstan pa sgyu ma 'di la rab tu brten te sbyangs la don dam pa'i bden pa nges pa po nang rig par bya'o/ de nas ma rtogs pa'i dus na lha'i dkyil 'khor la sogs pa thams cad don dam pa'i bden pa rtogs pa'i thabs? su bstan la/ don dam pa'i bden pa rtogs pa'i dus ni/ brjod par bya ba kun sgrib pa yin par bstan pa'i phyir/ sems las 'das pa'i chos kyi rang bzhin ni/ tshig dang yi ge tha snyad kun las 'das/ /mthun pa'i dpes kyang? de la mtshon du med ces bya ba gsungs te/ dang po sgyu ma tsam du bstan pa'i lha'i dkyil 'khor la/ sems sbyangs nas/ sems las su rung ba byas la las su rung ba'i sems de yang don dam par? rung? bzhin med pa ste/ rang bzhin med pa'i sems de ?? 'das pa'i? chos nyid kyi rang bzhin ni/ tshig gis brjod pa dang yi ges mtshon pa dang/ tha snyad gyis 'di ltar yod bya ba med de/ tha snyad kun las 'das pa yi/ de la ni mthun pa'i dpe nam mkha' ste nam mkha' des kyang mtshon du nus pa ma yin te/ mtshon du med de mtshon par mi nus pa'i gtan tshigs de las gang du bstan pa'i rim pa de kun don dam pa'i bden pa rtogs pa'i dus na kun bsgrib pa yin pa'o/ /mtshon med blo ldan de la ngad? mi 'gyur zhes bya ba ni/ mtshon du med pa'i blo dang ldan pa de ni sgrib pa dang bya ba dang/ rnam par byang ba dang zhes bya ba dang/ don dam kun rdzob ces bya ba de la dad par mi 'gyur ro/ /de ci'i phyir zhe na/ chos thams cad gang gi ngo bor yang ma grub pa'i phyir ro/ 'o na bden pa gnyis gang gi ngo la snang zhe na/ bden gnyis blo ldan de la snang bar zad/ ces bya ba ni/ sems can gyi bsam pa la bden pa rnam pa gnyis snang bar zad de/ rgyu dang 'bras bu yin pas so/ zhes ston pas gsungs pas 'khor rnams ston pa'i bkas bsam par ngas? nas rab tu dga' ste ston pa'i 'khor du 'dus pa'i 'khor tshogs ma lus pa rnams bcos ma ma yin pa'i de kho na nyid don la sems shing gnas nas cang mi smra bar gyur te gnas so/ /de nas yang sdud pa po la dbang bskur ba bstan pa'i phyir/ de nas bcom ldan 'das gsang ba mchog gi bdag po des zhes pa la sogs pa gsungs te/ sdud pa po rdo rje yid kun du bzang po'i lce la pad+ma'i steng du ston pas yi ge hUM bzhag hUM de yongs su gyur pa las/ las kyi rdo rje rgya gram gcig tu gyur/ las kyi rdo rje de yongs su gyur pa las lce pad+ma de la thim ste/ don bsdus pa'i nus mthu dang ldan par byin gyis brlabs shing/ dbang bskur zhing dus de nyid du ming rdo rje chos su btags pa de'i phyir/ rdo rje chos su dbang bskur te/ don bsdu bar byin gyis brlabs nas/ 'og nas 'byung ba'i tshig 'di ston pas bka' stsal pa/ sems pa chen po zhes bos nas/ dang po ngo mngon par rdzogs par sangs rgyas nas 'jug mdo bshad kyi bar du sems can gyi don du tshig gcig tsam yang bshad cing brjod pa med do/ / de ci'i phyir zhe na/ dris pa dang chos thams cad ni bshad cing brjod pa dang bral ba'i phyir ro/ /bshad cing brjod pa dang bral ba'i don de ltar sus rtogs par 'gyur zhes dris pa dang/ lan du phyogs bcu dus bzhi'i sangs rgyas rnams ni bshad cing brjod pa dang bral? ba'i don thugs su chud nas/ mngon par rdzogs par sangs rgyas pa'o/ /sngar sangs rgyas pa de bas na da yang ma 'ongs pa'i rnal 'byor dad pa can rnams kyis kyang/ brjod pa dang bral ba'i don de bde blag du rtogs shing thugs su chud par bya ba'i phyir/ mdo 'di ni nges bshad de/ rnal 'byor pa phyi ma'i don du ngas brjod de sems dpa' chen po zhes bos nas/ bsgo ba bya ba'i tshig 'di gsungs so/ /da sdud pa po khyod kyis kyang ma 'ongs pa'i rnal 'byor pa'i don du ngas bshad pa'i mdo 'di'i don bsdus la/ rnal 'byor phyi ma la mi nub par bya ba'i phyir ngo bo gsung chos kyi yi ge snang zhing mi nub par gyis shig / nga yis gsungs pa'i mdo 'di yang dag pa'i lam de/ rnal 'byor phyi mas lam 'di la brten nas chos nyid ma bcos bar de kho na nyid rnal 'byor phyi ma de dag gis khong du chud par sdud pa po khyod kyis kyis shig / de ltar khyod kyis ngas bshad pa'i mdo 'di rnal 'byor phyi ma dad pa can gyi don du gsung chos kyi yi ger snang bar byas pa na/ 'on tang na dad pa can gyi rnal 'byor pa phyi ma de dag gi ni gsang ba rdo rje theg pa'i don la yid ches nas/ gting 'jug shing rnal 'byor gyi dbang phyug chen po'i rgyud 'dzin par 'gyur ro/ /sems dpa' chen po zhes bos nas/ gong du gsungs pa'i gtan tshigs de bas na/ ngas bshad pa'i mdo 'di ni rnal 'byor phyi ma rnams kyi yang dag pa'i nye lam chen po nyid yin par khyed kyis shes? par bya'o/ zhes ston pas bsgo ba med pa'i tshul gyis sdud pa po la bsgo ba dang/ de'i tshe sdud pa pos kyang ston pa la stod cing sdud par khas blangs pa'i phyir/ rdo rje yid kun du bzang pos zhes pa la sogs pas bstan te/ rdo rje chos rab tu dga' ba'i yid kyis zhes bya ba ni chags pa'i yid kyis so/ /rang gi rdo rje gnas su gsor zhing zhes bya ba ni/ rang gi rang nyid do/ /rdo rje ni gsang ba'i rdo rje ste/ de'i gnas ni yum gyi b+ha ga ste/ btsun mo bya ba mo dang gnyis su med pa'i tshul gyis/ bcom ldan 'das la byang sems kyi mchod pa phul nas 'og nas 'byung ba 'di skad ces bstod do/ /e ma'o bcom ldan dgyes pa che/ /mi nub rgyal mtshan yongs kyi bdag /bder gshegs kun gyi thugs kyi thugs/ /byang chub sems la phyag 'tshal bstod ces bya ba ni/ byang chub sems kyi ngo bo la bstod pa ste/ 'khor lo rnam pa bzhi dang dga' ba rnam pa bzhis ji ltar byang chub kyi sems thab cing rang bzhin gyis dga' ba'o/ /de la phyag 'tshal zhing bstod nas don zhu ba'o/ /don bsdu bar byed pa'i phyir/ bcom ldan 'das zhes pa la sogs pa gsungs te/ /bcom ldan 'das zhes sdud pa po rdo rje chos kyis bos nas/ rnal 'byor gyi dbang phyug sngar 'das pa dang/ da ltar zhugs pa dang/ phyis ma 'ongs pa'i lam chen po lta bur ston pas gsungs pa'i mdo chen po 'di bdag la snang ba lags pas na/ da bdag cag gis kyang mdo 'di mi nub pa'i rgyal mtshan chen por gnas par bgyi'o/ /rnal 'byor phyi ma'i don du bdag gis gsung chos kyi yi ger yang gnas par bgyi'o/ /bcom ldan 'das gsang ba mchog gi bdag nyid du yang bdag gis gnas par bgyi'o/ /mdo 'di'i don 'tshal zhing ston pa'i gang zag skyes bu dam pa des gzhan la phan 'dogs par yang bdag gis gnas par bgyi'o/ /mdo 'di'i don 'chad cing ston pa'i gang zag skyes bu dam pa des gzhan la phan 'dogs par yang bdag gis gnas par bgyi'o/ /rnal 'byor pa'i dgos pa skong bas yid bzhin gyi nor bu rgyal po lta bur yang bdag gis gnas par bgyi'o/ /mu stegs la sogs pa gzhan gyi sde pas rab tu mi/ chod pa yang bdag gis bgyi'o/ zhes sdud pa po rdo rje chos kyis khas blangs shing ston pa la gsol to/ /de'i tshe bcom ldan 'das gsang ba mchog gi bdag po/ gnyis su med pa'i ngang la rnal te/ cang mi gsung bar gyur to/ /rgyud yongs su gtad cing snga ma bzhin du gos dang 'dra ba'i phyir na/ le'u'o/ /bde bar gshegs pa'i gsang gsum ston pa'i rab zab rgyud/ /bden gnyis don rtogs bshad tshul yang dag shes/ /tshul des nyon mongs pa la bdud rtsi thigs pa ltar/ /bdag gi rgyud kyi don nyid mthar thug bshad byas pas/ /bdag gi dge ba gang thob de ni bdud rtsi'i thigs pa ltar/ /'gro ba rtog pa'i nad kyis gdungs pa rnams la rgyas par shog/ //bdud rtsi thigs pa zhes bya ba'i rgya cher bshad pa las le'u bcu gsum pa'i bden pa gnyis kyis bshad pa'o// de bzhin gshegs pa thams cad kyi sku dang gsung dang thugs gsang ba dur khrod khu byug rol pa'i rgya cher bshad pa/ bdud rtsi thigs pa zhes bya ba slob dpon mtshos kyis rdo rjes mdzad pa rdzogs so// //rgya gar gyi mkhan po pad+ma'i thod phreng gi zhal snga nas/ zhu chen gyi lo tsa ba dz+nyA na ku ma ras zhus nas bsgyur te gtan la phab pa'o// (//thabs kyi zhags pa pad mo'i 'phreng ba'i 'grel pa bzhugs/) /'phags pa thabs kyi zhags pa padmo 'phreng gi don bsdus pa'i 'grel pa/ dpal rdo rje sems dpa' la phyag 'tshal lo/

CLOSE WINDOW