བོད་ཡིག

e-texts based on the ACIP/ALL Input

/ //*/ /rnal 'byor mdor bsdus zhes bya ba bzhugs so// //rgya gar skad du/ yo ga sak+ShiM? lta/ bod skad du/ rnal 'byor mdor bsdus pa/ dpal sangs rgyas thod pa la phyag 'tshal lo/ /he ru ka yi rgyud rgyal las/ /mdor bsdus man ngag bstan pa ni/ /chu yi dbang bskur la sogs pa/ /gsang ba phyi yi lnga yin no/ /gsang sngags brtul zhugs gnyis dang ni/ /phyir mi ldog dang lung bstan dang/ /gsang dang rig pa bdun du bshad/ /gsang ba shes rab gnyis su bshad do/ /de dag dbang ni bcu bzhi ste/ /gcig bsdus pa ni don dam mo/ /de rnams la ni de nyid bshad/ /ces pa de nyid bzhi po'o/ /de ni rdzogs pa'i rim pa la mtshams sbyor bas 'jug pa ste/ de ltar yang /de nas zla ba bsam par bya/ zla ba'i steng du nyi ma'o/ /de yi dbus su sa bon ni/ /hUM dang a yi rang bzhin no/ /gzhan yang/ yang ni hUM byung 'od zer te/ /rtsa yi 'khor lo thams cad la/ /reg ma thag pa'i mod la ni/ /rtsa yi 'khor lo las 'bab 'gyur/ zhu ba de yis sa bon bkru/ /ha ni mi shigs shes rab kyis/ /bdag nyid au dang thig le dag /gnyi ga gcig tu gyur pa ni/ /yi ge hUM gi mchog blta'o/ /hUM las byung ba'i 'od zer rnams/ /de yis bde ba che bskul te/ /bem lta bu'i ri mo can/ /nyi mar lhan cig zhu gyur cing/ /dkyil 'khor gnyi ga gcig gyur pa/ /nyi ma mchog tu blta bar bya/ /de la rtsa yis 'dam skyes bzhi yi mdud ba'i bu gar yi ge bzhi nyid de/ /lte ba'i pad+ma la a ni zar ma'i me tog lta bu sgra dang thig ler bcas pa ste/ chos dang sprul pa dag gi hUM dnag a'i yi ge ni zla ba dang nyi ma'i gnas la'o/ /hUM gi 'od zer gyis bkug pa'i bdud rtsi rtsa stong phrag bdun cu rtsa gnyis las byung bas de nyid skru ba dang/ /'bar ba snying gar 'dres pa dang/ thig le rnams sprul pa'i 'khor lo'i nyi ma la zhugs pa ste/ thig le'i rnal 'byor rnam pa gsum goms pa brtan pa las /brtan pa dang g.yo ba nges par khyab pa'i rtags rnam pa lnga dmigs par 'gyur ro/ / de las ni gang yang kha sbyor la sogs pa'i rim pa las dpyid dang thig le kha sbyor bar gsungs pa de ji bzhin du 'gyur te/ bar ma chad par bsgom par bya ba ni de dag gi rims pas so/ /de las rim pas lhan cig skyes par 'gyur te/ grub pa'i dpa' bos ra ha'i man ngag las/ zhing kun gnas dang nye ba'i gnas la sogs/ /phyin ste ltas pas rtogs par gang smra ba/ /lus dang 'dra ba'i mu gnas gzhan na med/ /mkhas pa nga yis nges par yang dag mthong/ /'dab ldan pad+ma'i sdong po ge sar gyi dpus na/ /shin tu phra ba'i snal ma dri dang kha dog ldan/ /bye brag 'ongs shing rmongs pa mya ngan gyi/ /gdung bas 'bras bu med par ma byed cig /gangs du tshangs pa khyab 'jug mig gsum dang/ /'jig rten ma lus thams cad zhi gyur pa/ /ris med de la mchod na las kyi yang/ /mdza' yi tshogs ni yang dag zad par 'gyur/ /'dir bye brag ces bya ba la sogs pa la/ a wa d+ha ti ni bye brag med pa ste/ /bi she Sha bzung ba dang/ 'dzin pa'i khyad par rnam pa mang po de dag ni la la na dang/ rA sa na dag la rlung 'ongs shing de las don dam pa mthong ba nyams pas rmongs pa'o/ /tshangs pa la sogs pa ni sku dang gsung dang thugs kyi dbye bas rtsa dang rlung dang thig le'i dbye ba gsum gsum dag go / ci ste dbu mar srog 'gag par ma gyur na/ thur sel btsan thabs su dgag par bya la/ yang na mgrin pa dang snying gar longs spyod kyi rlabs dang/ mchan khung gi sbyor bas/ dgag par bya ba ni man ngag go /gang du srog dbu mar rtag tu 'bab pa/ rang bzhin gyis thig ler bcings par bya ba yin mod kyi/ /'on kyang ring du 'bad pas 'gegs par ma gyur na/ de'i tshe ba tsan thabs kyi sbyor bas dgag par bya ste / snying ga la gnas pa'i hUM gi sgra dang/ /spyi bo la gnas pa'i ha mig ste/ mi shigs pa'i yi ge gnyis kyis so/ /de nas las kyi phyag rgya sgrub ste kunda lta bu btsan thabs su bkag ste bsgom pa las/ /rim gyis dbu ma'i thig ler srog bcings par 'gyur te/ /za zhing 'thung la gnyis spong kyis dga' zhing/ /rtag tu yang dang yang du 'khor lo 'gengs/ /chos 'di lta bus 'jig rten pha rol 'gro 'gyur te/ /rmongs pa'i 'jig rten mgo bor rdog pas mnan nas songs gzhan yang/ /gang zhig blangs nas skye shi gnas gyur pa/ /de nyid blangs nas bde chen sgrub po ces/ /skad gsang mthon pos mda' bsnun smra byed kyang/ /'jig rten byol song mi go ji ltar bya/ /skye ba dang 'chi ba'i gnas ni kun rdzob pa'i lhan cig skyes pa'o/ /mchog gi sgras ni don dam pa ste de kho na nyid kyi ye shes so/ /'o na de nyid las/ gal te mngon sum gyur na bsam gtan ci/ /gal te lkog tu gyur na mun pa 'jal/ /lhan cig skyes pa'i rang bzhin de nyid ni/ /dngos dang dngos po ma yin te/ /gzhan yang bsam gtan rdzun pas thar brnyed min no/ /sgyu 'phrul dra bas ji ltar bar du mkhyud/ /bla ma dam pa'i bka' yis bden par yid ches na/ /de yis brjod du yod pa min zhes mda' bsnan smra/ /ces bshad pa ma yin nam /rdzun pa'i rnal 'byor dang brdzun pa'i phyag rgyas/ mngon sum can la nye bar mkho ba med cing/ de kho na nyid ma rig pa dag la ni des kyang long ba ltar mthong bar mi nus so/ /zhe na bden te/ 'on kyang 'di ni/ mo gsham bu mo dang 'grog las /rmi lam du ni bde 'gyur ltar/ /zhes pa bcom ldan 'das kyi nges pa ste thabs su gyur pa ni yod do/ /mngon sum gyur pa de yang khams gsum pa'i rnam pa can me long gi gzugs brnyan lta bu ste/ nam mkha' mngon sum du gyur pa ni ma yin no/ /de las mchog gi bde bar gyur pa na bsam gtan brdzun pas ci zhig bya/ /don dam pa lkog tu gyur pa ni thabs las rigs par bya dgos kyis/ rang bzhin med par bsaM pas ni mun pa'o/ /rdzun pa de dang de dag thar pa ma yin pa kho na'o zhes dgongs/ /de la lhan cig skyes pa ji ltar bsgom zhe na de skad du /'dod chags ma yin chags bral min/ /bar mar dmigs pa ma yin te/ /gsum po spangs pa kho na las/ lhan cig skyes pa byang chub brjod/ gang du dbang po nyams gyur dang/ bdag gi rang bzhin nges par nyams/ /lhan cig skyes dga' rtogs de yin/ /bla ma'i zhal las 'dri na'o/ /gang zhig shar dus tshon dbang po dang/ /yul rnams nub gyur de la phyag 'tshal lo/ /mkhas pa rnams kyi snying spas? su sad pa/ /phyis ni mngon dga' rgyal ba'i mdzes sku gcig /ces gsung ste/ gang zhig bdag dang dbang po dang/ /yul du 'dzin pa nub pa ni/ /nor bu byang chub kyi sems bcings pa las/ /de las don dam pa mtshon te/ yan lag drug gi rim pas rdzogs pa'i rim pa bsgom pa po'i sems la skye bar 'gyur ro/ /gang zhig sogs la ji ltar nyi ma 'char ba dang/ nub pa med kyang/ yul phyogs gang la sgrib pa med pa na shar ba'o/ zhes 'dogs pa yin no/ /de bzhin du lhan cig skyes pa yang ste/ sgrib pa po bzung ba dang 'dzin pa nub pa na de bzhin gshegs pa rnams la lkog tu ma gyur yang/ byis pa rnams la rang gi de kho na spas pa gang yin pa sad par 'gyur te/ ci zhig sad tse na/ rgyal ba rnams kyi sku gsum pa gang du ro mnyam pa'i lhan cig skyes pa mngon par dga' ba zhes bya ba'i sku gcig pa'o/ /gang yang gnyug ma la bsam gtan par gnas pa nges ni /gzugs tsam gyi rnal 'byor lhur mi bya zhing /de la brnyas par mi bya ste rang bzhin dbye ba med pa'i phyir ro/ /ye shes de ni mnyam pa nyid kyi sprad pas mthar byung na/ 'dod ba'i dngos grub chen por 'gyur te/ de nas nang gis sa rnams las/ ye shes chen po'i sangs rgyas su 'gyur bar the tshom med do/ /rdzogs pa'i rim ba'i don 'di rgyas par ni/ grub pa'i dbang pos ra has nye bar sbyar ba mi zad pa'i mdzod dang/ mi zad ba'i gdams ngag tu shes par bya'o/ /dpa' sangs rgyas thod ba'i rgyud kyi rim pas bstan pa'i rdzogs pa'i rim pa'o/ /rnal 'byor mdor bsdus pa zhes bya ba rtsod pa'i dus su byung ba grub pa'i slob dpon zhi ba spos pas mdzad pa'o/ / //rgya gar gyi paN+Di ta ni twa? na sh+rI dang/ rmongs ba tA ra na tha'am ming gzhan kun dga' snying pos bskyur ba'o/

CLOSE WINDOW