བོད་ཡིག

e-texts based on the ACIP/ALL Input

/rgya gar skad du/ au bde shapra kAsaSha TaM g.yog /bod skad du/ rnal 'byor yan lag drug pa man ngag gsal ba/ rdo rje sems dpa' la phyag 'tshal lo/ /slob dpon dam pa'i zhabs pad ring du bstan/ /gus pas bkas gnang thob pas bdag nyid kyi/ /dran pa'i skye gnas man ngag 'bri ba la/ /blo ldan mkhas pa su zhig dmod par byed/ /'di la bskyed pa'i go rim de kho na nyid bzhi la gnas nas yan lag drug pa sgom mo/ /de la dran la gcig pa ni so sor bsdus pa'o/ /thig le'i rnal 'byor dang phra mo'i rnal 'byor khog bshig pa'i sbyor ba ni bsam gtan yin te/ ldang dang 'jug pa dang/ yang na kum+b+ha kas/ 'bar ba dang 'dzag pa 'dir yang man ngag gis shes bar bya'o/ /thig le bsam pa ni rtog pa'o/ /phra mo'i dkyil 'khor de'i nang du chud pa ni dpyod pa'o/ /bdag med ma 'bar bas dga' ba'o/ /nor bu'i thig le ni bde ba ste/ /yang na lte bar bde ba g.yo ba med ba 'byung ngo/ /gzugs las 'das pa ni rtse gcig pa dang 'brel ba'i shes rab po/ /de nas rdzogs pa'i de nyid bzhi po rang gi nor bu dang snying kha'i sna rtser zla ba dmar po la hUM zhes bsam mo/ /mtshan ma lnga mthong nas/ aoM A:hUM zhes 'jug pa dang ldang ba dang gnas pa la/ dkyil 'khor bzhi las mi shigs pa'i sngags bzlas pa dang/ dbang po'i lam las kyang de ltar bya ste/ mig dang yid kyi bar du mngon par shes pa drug tu 'gyur ro/ /rlung rnams gsal ba dad bde bar gyur pas/ rdo rje dang thod pa'i A li sa bon las steng dang 'og dang so sor bzlas pa bya'o/ /srog dang rtsal ba'o/ /'dzin pa'i ye shes bskyed par byed pa lte ba'am gsang ba las/ las kyi rlung gis sbang pa'i tsaN+Da lIs de bzhin gshegs pa'i bdud rtsi zla ba'i 'od zer lta bu dgug par byas nas bsgom pa 'dis ni dga' ba bzhi po 'thob de sgo dag 'gag go / 'khor lo bzhi 'gag go /sgo gnyis dbye'o/ /chos kyi phyag rgya'i ye shes so/ /phyi'i bu mo rang gi rigs can yongs su sbyangs la/ /de kho na nyid dang lha'i gzugs la yi ger bcas pa ji ltar dbye bar mi 'gyur ba de ltar bsgom mo/ /nyams dga' i rol pas kun tu blta zhing de rjes sbrang rtsi 'dra ba'i tshig 'jam dang/ dga' ba'i dri bsrung lag pa'i mcho skyes bskyang nas de la kun mkhyud pa'i/ /chags ba'i ro mthung gcod dang bzhibs pas bdag kyan ci 'gyur ma shes te/ g.yon g.yas khu rdul rab 'bab g.yon gyi dpus gnas rdor dbyings dbang phyug ma/ b+hag kurma'i dbus su sor mo gsum/ /yang na khong nas sid kyi sgra byung ba/ /de srid lce yi thur mas bskul byas nas/ /de nas chos khams bde ba 'di la bsgrub// skad cig bzhi dang bcas pa las/ /dga' ba bzhi po mtshon par bya/ /'di mi byin rlabs rim pa'i phyir/ /kun khyen ye shes de lta bu/ /dbang po las 'das dbang po thams cad pa/ /skye med nyid na'ang rang rig spyod yul can/ /shes rab thabs kyi rang bzhin dag las 'das/ /chu 'dzin stug po mkha' ru thim pa bzhin/ /yang na snying kha nas nyams dga' ba'i bu mo phyung ste spyad do/ /dam tshig gi phyag rgya'o/ /'khor lo bzhi la dga' ba dang/ bde ba nyams su myong ba na gzugs las 'das pa bsgom ste/ rig ma dang stan cig ye shes gsum/ las kyi phyag rgya'o/ /mngon du gyur nas don dam par 'gyur ba yin no/ /ye shes chos kyi phyag rgya la yang 'di sbyar te de kho na nyid bsgom mo/ /de'i mtshan ma lnga po mthong zhing/ ye shes des bzung ba dang 'dzin pa bsad nas de las langs pa na chos brgyad ni rang bzhin med pa'i phyir mnyam la/ /nyon mongs pa'i tshogs dang/ gnod pa thams cad dang/ dge ba gang gis mi brdzi bar de nyid bde ba thob pa rgyun mi chad na dro ba thob pa zhes bya'o/ /'di las smig rgyu la sogs pa yang 'byung ba yin no/ /ye shes 'di la bskal pa 'am/ bskal pa stong du yang sbrang bu dang rnga bo che dang/ mchon dang me dang char pa la sogs pas kyang mi 'phrog shing bde bas mnyam par bzhag go / phyag rgya chen po'o/ /de dag ni bzung ba'i yan lag go /de las ni bde ba chen po'i sems myos pa rlung dang lhan cig par dkyil 'khor 'khor lo bsgom mo/ /byis pa rnams kyi rmi lam dang/ srid pa bar ma zhes bya ba ye shes kyi sku/ mtshan dpyad? pe byad dang ldan pa bcad du med pa de bla ma dam pas nye bar ma bzung ba'i phyir 'khor ba zhes bya la/ de nyid bla ma'i drin gyis mgrin par longs spyod rdzogs pa'i skur 'gyur ro/ /rjes su dran pa'o/ /de nas snga ma bzhin du stong par 'jug ste/ rig ma'i nang gi bde ba lnga po bsgrubs nas ji ltar 'dod pa sems mi 'khrug pa de ltar longs spyod de/ lhan cig don dam pa bsgom pas dpe las 'das pa thob par byed do/ /sems 'khrugs pas ni g.yengs shing nyon mongs te/ nyon mongs sdig pa de yis dmyal bar 'gro goms pa de yi bag chags bgo ba ste/ grogs dag sems ni mi g.yeng 'khrug mi bya/ rim pa 'di ltar gnyid stug po dang/ mthar dus byed pa dang/ 'khrig pa'i sbyor ba dag la rlung rnams gu d+har du thim zhing nyi ma dang zla ba'i 'gros zad pa dang/ ye shes gsum rang bzhin la 'jug ste/ srid pa ldog pa yang bla ma'i man ngag gi snying khar chos kyi sku zhes mngon du 'gyur ro/ /gang de las ldang ba? ni bar ma chod par lha'i rang bzhin dkyil 'khor 'khor lo'i 'bras bu de nyid ye shes gsum gyi mthar 'od gsal dang gnyis su med pa ste/ rim pa de ltar gnyid sad pa dang/ skyes pa dang bud med dbang po gnyis sbyor ba'i bde ba las ldang ste/ ji ltar gnyug ma'i lha dang/ sems kyi rang bzhin bde ba de de nas yang blo bur gyi lus la 'jug ste/ bla ma'i man ngag gis lte bar sprul pa'i sku'o/ /ting nge 'dzin gyi yan lag go /byis rnams rtag tu 'di la gom byed cing/ /'di rnams kho na'i gtam dang gtam gyi 'da' / /'on kyang mi shes 'dod la chags de rnams/ yang yang rnam par smin pas 'khor bar 'gyur/ /de ltar bla ma'i man ngag bslabs pas rig ma dang lhan cig gnyis ka'ang ltos pa med par mngon par byang chub pa ldas 'dod pa'i dngos grub tu 'gyur ro/ /rnam par rtog pa thams cad 'dror ba zhes rtogs pa dang/ yang na dkyil 'khor dang dbyer med pa bsgom nas 'dod pa thams cad la ci 'dod par spyad na phyag rgya'i dngos grub du 'gyur te/ de'i phyir lus la mi smad cing mchod par bya'o/ /gnas gsum gyi mi mo dang/ ye shes sku kha sbyor dang/ de kho na nyid dang/ ye shes kyi sku chen po rnams ni phyag rgya bzhi ste/ las dang dam tshig dang/ chos dang/ phyag rgya chen po zhes pa rnams so/ /'dir da ni rab tu mi spro ste/ bla ma'i man ngag gis rgyud sde rnams mnyam par bya'o/ /mang du smras pas ci zhig bya ste/ bsam pa thams cad yongs spangs te/ man ngag gcig pu sgom gyur na/ 'phral du mngon du byed pa yin/ /rnyed bkur med par rjes su bzung mdzod ces 'dod de nyid thob ma thag /rdo rje'i rgyud shes da lta da? shes slob dpon gyis yang thog mar smra/ mchog gi mi dmod chang dang bud med nor la rab chags bla ma la/ mnyam zhes 'gran byed mi la dpal chen rdo rje sems dpa' ang 'jigs zhes gsungs/ /de 'dra dpa' chen rang gi bu/ /de yi chung ma skal ldan na/ /khyim gcig tu yang mna' ma la/ /smra yi de la 'bad nas gsang/ /skal bzang bla ma rab gus shing/ /zab mo'i chos dang sdom la gnas/ /de ni tshong 'dus dbus gnas na/ /shub pur yang ni de nyid bshad/ /gzhan gyi dbang byed la bdag po/ /yul gzhan song na de nyid sbyin/ /ngan pa de la ming tsam yang/ /brjod par mi bya grogs dag kye/ mi srun rjes su bzung na gnyis ka ltung/ /blo bzang thams cad bde ba'i 'bras ldan pas/ /'dis ni rnal 'byor brtson par bsgrubs pa la/ /rdo rje sems dpa' gzhan du don bcas yin/ /dges pa'i rdo rje'i man ngag gsal ba a sati g+han zhes bya ba dang po log pa'i lam la zhugs pa'i spyod pa pa byed la'i gdam pas 'dod pa'i dngos grub brnyes pa'i zhabs kyis mdzad pa'o/ /yul lho phyogs kyi rgyud du 'khrungs pa/ pan grub kyi bla ma dam pa mang po'i zhal lung gis thugs sim pa las rdo rje 'chang gis gnas brnyes pa/ rje btsun bud+ha guptanA tha'i zhal las byung ba ltar/ dges pa'i rdo rje'i man ngag kusA las mdzad pa dang/ spron me gcig pa dang/ rnal 'byor yan lag drug pa rnams kyang kun dga' snying pos g.yar khral du sgyur ba'o/ / //*/ /rnal 'byor mdor bstan bzhugs so/ /aoM na mo badzra DAkA ya?/ /dpa' bo khyod dga' mgu rangs par byos shig /srid pa'i rab rib kun sel ba'i sman 'dis rdo rje sems dpa' i mig 'thob ste/

CLOSE WINDOW