བོད་ཡིག

e-texts based on the ACIP/ALL Input

/ //*/ /dges pa rdo rje'i rdzogs rim gyi gzhung sbyar ba bsdus pa zhes bya ba bzhugs so/ /*/ rgya gar skad du/ yuk+ta saM k+Shpti/ bod skad du/ sbyor ba mngon bsdus zhes bya ba/ /dpal he ru ka la phyag 'tshal lo/ /sangs rgyas kun gyi rnal 'byor rgyud/ /dang po de la phyag 'tshal nas/ /bye brag phyed par dka' ba rnams/ /rnal 'byor ma yis lung bzhin bshad/ /mkha' lding sbyor ba 'bum sde ni/ /mi shes lam gyi rjes 'jug ste/ /ma rig de gzhom 'dod pas ni/ /rnal 'byor ma rgyud bsgom par bya/ /de la 'dir de kho na nyid ni 'di yin te/ /ye shes chen po rang lus gnas/ /rtog pa thams cad yang dag spang/ /dngos po kun la khyab pa po/ /lus la gnas kyang lus skyes min/ /de nyid bzung ba dang 'dzin pa spangs pa yin te/ /ngo bos gzugs dang mthong po med/ /sgra med thos pa po yang med/ /dri med snom pa po yang med/ /ro med myong ba po yang med/ /deg med reg pa po yang med/ /sems med sems par bya ba'ang med/ /de la rtsa yi rab tu dbye ba ni/ /rtsa rnams sum cu rtsa gnyis te/ /byang chub sems ni sum cu gnyis/ /bde ba chen po'i gnas de ru/ /'bab cing 'dzag par byed pa po/ /srid gsum yongs gyur thams cad ni// bzung dang 'dzin pa rnam par spangs/ /yang na thabs ni thams cad kyi/ /dngos po'i mtshan nyid du ni brtag /'khor lo bzhi yi rab dbye bas/ /ye ge bzhi dang lha mo dang/ /de bzhin bden pa'i bye brag bzhi/ /rlung gi rab dbye du ma 'byung/ / lha mo'ang rnam pa gnyis yin te/ /dang po khams bzhi'i ye shes so/ /phyi ma phyag rgya'i dbye bar brjod/ /'di yis grol byed 'brel pa'o/ /gang la sku ni bzhi gnas shing/ /dus bzhi la sogs dbye ba 'byung/ /lam rnams thams cad de las spros/ /sku bzhi yi ni skyed pa po/ /de nyid las rlung gi rab tu dbye ba ni/ de ltar yang/ bde ba gnag cing bde ba ser/ /bde ba dmar po bde ba dkar/ /bde pa ljang khu bde ba sngo/ /bde ba rgyu dang mi rgyu kun/ /bde ba shes rab bde ba thabs/ /de bzhin kun tu ru skyes bde/ /bde ba dngos dang dngos med bde/ /rdo rje sems dpa' bde bar brjod/ /ji skad gsungs pa 'dis /don gyi phyoD gcig nas kun rdzob bden pa'i dbang du byas pa'o/ /bde ba nag po la sogs pa ni/ rlung la sogs pa'i dkyil 'khor ro/ /bde ba ljang khu ni nam mkha' i khams te/ 'chi ba'i lus las 'byung bar 'gyur/ zhes pa'o/ /'dir sngon po ni dbu ma'i dbugs so/ /rgyu ba ni sna sgo nas 'byung pa'o/ /mi rgyu ba ni lus la brten cing gnas pa yin no/ /shes rab ni gos dkar mo la sogs pa'o/ /thabs ni pad+ma'i mgon po la sogs pa'o/ /'on kyang rgyud 'dir go rim ni/ /sems can bsam pa'i dbang gi ste/ rang bzhin rnam pa thams cad nyid kyi phyir/ zhes pa ni rigs pa'o/ / rlung de rnams kyi rang bzhin gang yin pa dang/ de'i rnal 'byor rnams kyi las su bya ba'i phyir/ bde pa'i skras smos so/ /kun tu du skyes ni de las 'byung ba'ang yin la/ gzhan yang/ rlung dang thig le 'gog pa'i thabs las so/ /dngos po ni rlung nyid dang/ dngos po med pa ni/ de nyid kyi rang bzhin rlung gi ye shes so/ /rdo rje sems dpa' ni/ gang rlung rnams thig le la yongs su thim pa nyid do/ /slar yang de kho na nyid rnam pa gnyis ni 'di yin te/ zhal phyag rnam pa'i gzugs can nyid/ /mchog tu bde ba gzugs med pa/ /de kho na nyid rnam lnga ni/ 'byung pa lnga yi rang bzhin las/ /kun tu du las lnga ru 'gyur/ /dga' ba chen po gcig nyid las/ /dbye bas lnga ru 'gro bar 'gyur/ zhes pa la sogs pa rnams so/ /de ltar rang bzhin gyi de kho na nyid yongs su shes par byas nas/ 'dir ye shes kyi dbye ba bshad pa/ lte bar gtum 'bar ba yis/ /de bzhin gshegs pa lnga sreg shing/ spyan ma mig la sogs pa yang/ /sregs pas ri bong can rnams 'dzag/ ces pa ni gtu mo'i rab tu dbye ba'o/ /yang gsungs pa/ chos 'byung las skyes ye shes ni/ /mkha' mnyam lhan cig thabs dang bcas/ /thabs dang shes rab rang bzhin las/ /'jig rten gsum po de las skyes/ /ces pa ni rdzogs pa'i rim pa rnams kyi mdor bstan pa'o/ /'dir gtum mo ni rnam pa gnyis te/ dmigs pa dang bcas pa dang dmigs pa med pa'o/ /chos 'byung gi sgras ni/ nam mkha' dang/ rtsa'i khong stong nyid dang/ sgyu 'phrul dra pa rnams so/ /de las byung ba ni mnyam par gzhag pa'i sems 'ja''tshon lta bu'i snang ba dang/ rab tu 'bar ba'i snang ba ches gsal ba dang/ gnyis su med pa dam pa'i bde ba rnams so/ /rnam pa 'di lta bu'i man ngag ni 'di yin te/ dbyung ba nyid kyis ltung bar byed// rdub pa yis ni dbang du bya/ /bgang ba yis ni dgug pa nyid/ /gzhil ba yis ni rangs par byed/ /ces pa ni phra mo'i rnal 'byor te/ /rdul mdza' can dang/ bgang? ba can dang/ bum pa can dang/ ma ning gi sbyor ba rnams rim pas so/ /de ngag gi blta ba yang man ngag gi rim pas/ g.yas dang/ g.yon dang/ dpral ba dang/ sna'i rtse mo rnams su'o/ /de'i 'og tu 'khor lo bzhi 'am/ gnyis kyis 'bar ba dang/ 'dzag pa yang dag par tbsgom par bya'o/ /thig le'i rnal 'byor ro/ /phra mo dang thig le de dag shin tu goms pa nyid las dang/ gle bur du bzlog pa'i sbyor ba rnam pa du ma dag gis kyang brtan par 'gyur ro/ /de'i rjes su las kyi phyag rgya las nges par mtshon par bya ste/ gang gsungs pa lhan cig skyes pa'i gzugs can ma/ /de rnyed nas ni dngos grub 'gyur/ /tshal dang skye bo med gnas dang/ /bdag gi khyim gyi nang du yang/ /gcer bu phyag rgya cher byas nas/ /rnal 'byor rigs pas rtag tu mchod/ /ces pa la sogs pa'o/ gang zhig yid kyi sgom pa de yang/ rnam par brtags pa las gsal ba nyid du gyur na te/ 'di yang 'di'i khongs su gtogs pa nyid do/ /'dir ni gang gsungs pa/ bud med gzugs ni spangs nas gzhan/ /bcom ldan 'das kyi gzugs su bya/ / gsal bar nus pa'i rnal 'byor pas/ /de phyir phyag rgya'i dngos grub 'gyur/ /kha cig tu ni ye shes kyi phyag rgya ces bya ba'i ming gis bstan no/ /gang phra mo dang thig le'i rnal 'byor du bshad pa de ni dam tshig gi phyag rgya yin te/ mi mo dang yid kyi de ni 'dir las kyi phyag rgyar bshad cing/ yang 'dir gsungs pa/ dman pa 'bring dang mchog rnams dang/ /gang rnams gzhan rnams de rnams kyang/ /ngo mnyam de nyid sgom pa yis/ /'di kun mnyam pa nyid du blta/ /ces pa dang/ bza' dang btung dang blugs pa dang/ /nyal dang log dang sems pa na/ /phyag rgya chen po mngon 'dod pa/ /de nas mngon du 'gro bar 'gyur/ /'dis ni gnas pa dang/ spyod lam gyi dbye bas/ chos kyi phyag rgya rab tu bstan pa yin te/ de ni dam tshig gi phyag rgya dang/ las kyi phyag rgya de dag nyid kyi rjes su 'brang ba las 'byung ngo/ /de rnams ni rdzogs pa dang nye ba'i phyir/ rdzogs par brjod kyi dngos por na bskyed pa nyid do/ /phyag rgya chen po ni gang gsungs pa/ phyag rgya chen po'i dbang bskur bar/ /ji ltar shes pa'i bde chen po/ /de yis 'di ni byin rlabs yin/ /gzhan las dkyil 'khor 'byung ba med/ /ces pa'o/ de'i sgrub pa yang yan lag drug gis bsgrub par bya ste/ 'dis ni 'khor lo rnam bsgom na/ /dngos grub myur du thob par 'gyur/ /yan lag drug bsgom rnal 'byor pas/ /dga' bral mthar yang de bzhin no/ /ces pa'o/ 'di'i don ni rnam pa gnyis te/ bskyed pa dang rdzogs pa'i rim pa'o/ /'khor lo ni rdzogs pa'i dkyil 'khor yin la/ dga' bral gyi mdza' ni lhan cig skyes ba ste/ ji lta ba de ltar bsgom par bya'o/ /nag po'i sgras ni nam mkha' ste/ /yan lag dang po'o/ /dmar po'i sgras ni gzugs la yongs su chags pa ste/ yan lag gnyis pa'o/ /ser po zhes bya ba ni rdo rje mkha' 'gro ma rnams kyi gsang ba'i tshig ste/ lte ba'i dkyil 'khor sa la yang dag par srog 'dres pa ste/ yan lag gsum pa'o/ /ljang khu zhes bya ba ni 'phrog pa'i don te/ gang srog rnams kyi stobs rdul thig les 'phrog par byed pa ste/ yan lag bzhi pa'o/ /yang na sna tshogs pa'i don du rnam par bzhag ste/ lta ba dang/ mgrin pa dang/ snying ga dang/ spyi bo'i dbye bas kha dog sna tshogs pa'i phyir ro/ /'dir sngon po zhes bya ba la/ nI ra la b+ha ni/ gang gi chu'i rgyun lta bu'i yang dag pa'i sems/ bde ba chen po rab tu thob pa ste/ yan lag lnga pa nyid du brjod do/ /dkar po'i brdas ni/ gang gsungs pa/ rnal 'byor pa gad dkar po che/ /de yi lha ni rnam snang mdzad/ /ces pas te/ mchog tu sbom po gzugs kyi phung po yang/ /bzhi dang bcas pa dag par byed pa'i phyir ram/ lus dang ngag dang yid kyi nag nog rnams spangs te/ dkar por byed pa'i phyir yan lag drug pa nyid do/ /yan lag drug po de yang/ 'dus su pa la sogs pa rgyud gzhan las gsungs pa/ so sor sdud dang bsam gtan dang/ srog rtsol de bzhin 'dzin pa dang/ rjes su dran dang ting nge 'dzin/ /sbyor ba yan lag drug tu 'dod/ /de ltar na/ dang por nag po rab tu bsgom/ /gnyis par dmar po rnam par bsgom/ /gsum pa la ni ser po bsgom/ /bzhi par ljang khu de bzhin no/ /lnga par kha dog sngon po dang/ /drug par dkar po'i lus can te/ /gang zhig de ltar gsungs pa de nyid phyin ci ma log pa'i nges pa'o/ /dang po nas drug pa'i bar du bstan pa gang yin pa de ni/ snga ma dang phyi mar rim pa drug gsal bar byas pa'ang yin no/ /gang phyir yid kyis mi bsgoM par/ /'gro ba thams cad bsgom par bya/ /thams cad chos ni yongs shes na/ /sgom pa nyid ni sgom pa min/ /bsam pa thams cad yongs spangs te/ /lha yi gzugs su sems pa yis/ /rgyun mi 'chad par nyin mtshan gcig /goms pa yongs su brtag par gyis/ /ces pa ni so sor sdud pa'i rnal 'byor ro/ /de rnams dam pa gcig yod min/ /rang rig bde ba chen po nyid/ /rang rig nas ni byang chub 'gyur/ /rang rig phyir na sgom pa nyid/ /ces pa ni bsam gtan gyi yan lag ste/ /bdag med rnal 'byor ldan pa'am/ /yang na he ru ka dpal gzugs/ /gzhan pa'i sems kyis skad cig kyang/ /dngos grub 'dod pas mi gnas so/ /ces pa la sogs pa'o/ /shes rab brtul zhugs can nyid kyis/ /rnal 'byor ma ni rnam par bsgom/ /'dis ni so sor sdud pa dang/ /bsam gtan de dag gi spro ba dang sdud pa dang/ ye shes yangs par byed pa bstan no/ /rang gi khyim du mtshan dus/ ces pas ni/ de dag nyid kyis mun pa'i rnal 'byor te/ /rnal 'byor ma ni 'dir nam mkha' i mtshan nyid dang/ he ru ka dang la ni gzugs kyi mtshan nyid do/ /slar yang rnal 'byor ma bsgom/ ces pa dang/ yang na he ru ka dpal zhes bzlos te bstan pas ni/ nyin mo bcom ldan rdo rje can/ /mtshan mo shes rab brtag par bya/ /ces pa'i nges pas nam mkha' dang/ /bla gab med pa'i rnal 'byor/ /las kyi rlung gis bskul pa yis/ /las la bcom ldan shes rab spyod/ /ces pa 'di ni gsung gi rdo rje'i rnal 'byor te/ gang phra mo'i rnal 'byor du bshad pa de nyid kyis ni/ srog rtsol gyi rnal 'byor gsal bar bya'o/ /kun rdzob don dam gzugs can gyi/ /byang chub sems ni rab tu bskyed/ /kun rdzob kun da lta bu nyid/ /don dam bde pa'i gzugs can no/ /bud med kak+ko la bde ba can/ /e waM yi ge'i gzugs can du/ /bde ba bsrung pa nyid kyi phyir/ /bde ba can zhes rab tu sgrags/ /ces pa 'dis ni 'dzin pa'i yan lag gsal bar byas pa'o/ /shin tu bzhin bzang mig yangs ma/ /zhes pa la sogs pas ni/ de rnams nyid kyi btsan thabs kyi sbyor ba'o/ /de yi bde ba phyag rgya che/ /lte ba'i dkyil 'khor du ni gnas/ /dang po'i byangs kyi rang bzhin te/ /blo zhes sangs rgyas rnams kyis brtags/ /de las skyes pa'i rnal 'byor pa/ /de yi bde ba bza' ba nyid/ /gzugs sgra de bzhin dri dang ni/ ro dang de bzhin reg bya nyid/ /chos kyi dbyings kyi rang bzhin yang/ /shes rab kyis ni dpyad par bya/ /ces pa 'di ni rjes su dran pa'i yan lag go /de nyid phyir na dga' pa ni/ /bzhi yi rab tu dbye ba yis/ /skye med rim pa'i phyogs las ni/ /'di ltar lhan cig skyes rnam bzhi/ /mtho ris mi yul sa 'og gi / skad cig la ni sku gcig 'gyur/ /rang gzhan cha yi rnam rtog gis/ /gnan pa nyid ni nus pa min/ /ga bur nyid ni bdag med ma/ /bde ba bdag med tshul can nyid/ /de dang lhan cig phyag rgya che/ /bde pa sbyin pa'i dngos grub 'gyur/ de nyid lhan cig skyes pa'i gzugs/ /bde chen bzang po'i rnal 'byor ma/ /de nyid dkyil 'khor 'khor lo dang/ /ye shes lnga yi rang bzhin can/ /'dis ni ting nge 'dzin gyi yan lag nyid gsal bar bstan no/ /las kyi rlung gis bskul ba yis/ /las la bcom ldan shes rab spyod/ /ji ltar byas pa de bzhin spyod/ /rgyu mthun zhes ni rab tu bsgrags/ /las chung 'bras bu che ba'i phyir/ /rnam par smin pa de las bzlog /bskyed pa skyes bu byed pa nyid/ /rnal 'byor dag phyir dri med nyid/ /chos dang longs spyod sprul pa dang/ /de bzhin du yang bde chen nyid/ /skye gnas snying mgrin mgo por yang/ /sku gsum rab tu gnas dang yang/ /ces pas ni 'bras bu bzhis rab tu phye ba'i sku bzhi ste/ ting nge 'dzin gyi gnas pa rnams so/ /po la'i bde ba phyag rgya che/ /rdo rje skye mched thams cad nyid/ /'dis ni gsang ba'i snyoms 'jug pas/ /phyi rol gnyis gnyis bstan pa med/ /ces pa 'dis ni rjes dran dang/ /ting nge 'dzin de dag gis/ phyag rgya chen po'i sbyor ba bstan no/ slar yang rdzoD pa'i rim pa'i dbya ba ni gnyis te/ dkyil 'khor 'khor lo'i thabs dang ni/ /rang byin brlabs pa'i rim pas kyang/ /kun rdzob don dam gzugs can gyi/ /byang chub sems ni rab tu bskyed/ /kun rdzob kun da lta bu nyid/ / don dam bde pa'i gzugs can no/ /de yang dkyil 'khor 'khor lo ni kun rdzob kun da lta bu'i byang chub kyi sems rnam par dag pa'o/ /rang byin gyis brlabs pa ni/ don dam stong pa nyid kyi gzugs byang chub kyi sems te/ rjes su dran pa'o/ /gtum mo'i rnal 'byor ni/ yan lag thams cad la yang ste/ khyad par 'jug pa/ srog rtsol la ni/ las kyi gtum mo'o/ /'dzin pa la ni chos kyi gtum mo'o/ /rjes dran dang ting nge 'dzin dag gi ye shes kyi gsum mo'o/ /thams cad kyang lhan cig skyes pa'i rnal 'byor te / dga' ba dang po dpa' po nyid/ /mchog tu dga' ba rnal 'byor ma/ /shin tu bde dga' thams cad nges/ /de de'i thabs las yang dag rig /dga' bas bde ba cung zad de/ /mchog tu dga' ba de las lhag /dga' bral dga' ba chags bral yin/ /mchog tu dga' ba srid par brjod/ /dga' bral las ni mya ngan 'das/ /dbu ma dga' ba tsam nyid do/ /'dis ni lhan cig skyes pa spangs/ /ces pa ni/ snang ba dang/ snang ba mched pa dang/ snang ba nye bar thob pas mtshon pa'i/ dga' ba dang/ mchog tu dga' ba dang/ khyad par gyi dga' ba'i gnas pa rnams so/ /lhag ma lhan cig skyes dga' nyid/ /ces pas ni lhan skyes kyi gnas pa'o/ /'dod chags med cing chags bral med/ /dbu mar dmigs par mi 'gyur ro/ /'di la thabs dang shes rab med/ /yang dag de nyid snang ba po/ /ces pa ni/ mngon par byang chub pa'i gnas pa'o/ /gsum po sbyangs pa kho na las/ /lhan cig skyes pa byang chub brjod/ /yang na de nyid thams cad bdag /yang na kun gyis rnam par spangs/ /ces pa 'dis ni mngon par byang chub pa chen po'i gnas pa bstan pa yin no/ /dbye ba lhag ma ni 'dir ma bstan no/ /slob dpon snga mas mi gsal bar/ /byas gang go ba'i phyir brjod/ /nyung dur 'dod pa de dag la/ /'dir ni khyad par gsal por phye/ /ces pa slob dpon chen po dpal ldan bde ba chen po'i rdo rjes nye bar sbyar ba/ dgos pa rdo rje'i snying po rjoD pa'i rim pa'i sgrub thabs sbyor ba mdor bsdus zhes bya ba rdzogs so// //yul gu ji ra ta'i mkhas pa chen po pur+NA? badzra las zhus te/ rgyal khams pa tA ra nA thas bsgyur ba'o/ / /*/ /rgya gar skad du/ pradI pe ko bde sha /bod skad du/ sgron me gcig pa'i man ngag /dpal he ru ka la phyag 'tshal lo/ /rab mchog rdo rje theg pa yi/ /lung bzhin bla ma mchog 'dis bstan/

CLOSE WINDOW