བོད་ཡིག

e-texts based on the ACIP/ALL Input

/'dir ni ji bzhin don ? dmar/ sbyangs par blo zhan ? de mkhas la 'chags/ /rtsi bzhin bsgyur gang dpal ldan bla ma'i dring/ /dge des 'gro kun snying po'i don rtogs shog/ //*/ grub chen rnal 'byor can kyi dbang ? rgyud kyi rgyal po dge ? gang rang thugs la bzhes bya ba bzhugs so/ /rgya gar skad du/ he badzra piN+DA? tha phra kA sa nA ma/ bod skad du/ dges pa rdo rje'i lus kyi don rab tu gsal ba zhes bya ba/ dpal he ru ka rdo rje la phyag 'tshal lo/ /snying po las kyang snying po mchog / lhan cig skyes la rab btung nas/ /dges pa'i rdo rje rab gsal ba/ /bsdus pa'i don ni bshad par bya/ /'gro bas bla med byang chub ni/ /myur thob gyur cig ces bsam pas/ /mdo tsam 'bri la sdig yod min/ /dge bas dge ba rnam par spel/ /de la rgyud kyi thog mar gleng gzhi'i tshig ste/ yi ge dang/ spyi dang/ sbas pa dang/ mthar thug pa'i tshul gyis bshad par bya'o/ /de'i 'og tu gleng bslang pa'i tshul gyis nyan par gdam pa'o/ /de'i 'og tu rdo rje gsum gyis dris pa dang/ lan dang/ rdo rje bzhi pa'i mtshan don dris pa dang/ lan bstan pa yin te/ de dag ni shes pa dang shes bya'i dbye bas bstan pa yin no/ /de'i 'og tu thabs dang shes rab bdag nyid rgyud/ ces pa la sogs pa ni cho ga rnams mdor bstan pa ste/ sgra ji bzhin pas so/ /de ltar na de rnams ni gzhung mdza' dag gi mdor bsdus pa bstan pa yin no/ /de man chad ni bsdus pa de'i rnam par bshad pa yin te/ rdo rje mi phyed zhes byar brjod/ ces pa la sogs pa rdo rje bzhi po shes pa dang shes bya'i bdag nyid de ston pa ni/ he ru ka ni skyed pa'i rgyu/ /dang por gcig ni bsgom par bya/ /ces pa la sogs pa rdo rje'i rigs kyi le'u'o/ /de yang dngos po dang dngos med las grol ba'i don bsgom pa dang/ de nyid de kun tu khyab pa'i ye shes su bstan pa dang/ de yang gang gi rtogs par 'gyur ba'i thabs su gnad kyi gnas rnam par dag pa dang/ rtsa rnams kyi kun rdzob pa'i dbye ba dang don dam pa'i bsdu ba dang/ thabs bcas kyi shes rab dang/ gsang ba gsum dang/ rdo rje bzhi'i rab tu dbye ba rgyas par bstan pa dang/ gtum mo'i rnal 'byor rnams kyis ni le'u dang po'o/ /gang thabs dang shes rab la sogs pa de dag ni/ rang bzhin gyi gnas pas gnas pa yin la/ de nyid rang bzhin gyi mya ngan las 'das par bstan pa'ang yin no/ /de'i phyir 'khor ba dang mya ngan las 'das pa'ang rnam pa thams cad pa 'dzin pa nyid do/ /gtum mo'i rab tu dbye ba ni/ rang bzhin de la 'jug pa'i thabs so/ /rigs kun tu khyab pa ni rdo rje'i rigs te/ nam yang gzhom du med pa'i phyir ro/ /thabs kyi dbye bas yang de dang rjes su mthun par 'jug pa'i phyir dang/ gang zhig yang dag par sgrub pa rnams la rdo rje dang rjes su mthun par 'phel ba'i phyir de yang rdo rje'i rigs so/ /'di na thabs dang shes rab zung du 'jug pa'i bdag nyid zab mo la lhag par mos pa rnams la nges pa'i don gyis bstan pa kho na ste/ rdo rje'i rigs kyi dum bu'o/ /'chad par 'gyur pa'i le'u 'di rnams kyis ci zhig ston zhe na/ thabs dang shes rab bdag nyid ces bya ba de ston par 'gyur te/ de la le'u gnyis pas ni dgug pa dang/ rengs pa dang/ skrod pa la sogs pa'i thabs rnams rgyas par ston pa ste/ sngags dang de'i cho ga phra mo rnams ston pas na sngags kyi le'u'o/ /de ni sngags dang cho ga dang lha'i rnal 'byor rnams kyis bsdus te/ gang 'dir sngags rnams kyang/ gtor ma la sogs pa bcu dgu po rnams so/ /cho ga ni/ char bab pa la sogs pa bcu gsum po rnams so/ /gang gi lha'i rnal 'byor ni rdo rje ma la sogs pa bdun po rnams so/ /'di dag la yang dgongs te bshad pa mang du yod mod kyis/ zlos par 'gyur ba'i phyir dang/ blo gros dman pa rnams 'khor bar 'gyur ba'i phyir/ sgra ji bzhin pa nyid du bshad par bya'o/ /'di ni thabs dang shes rab cha mnyam pa nyid kyis bstan pa ste/ dman pa la mos pa rnams dang yang thun mong ngo/ /de'i phyir 'di la sngags kyi dum bu ces bya'o/ /da naM? lha rnams ji ltar 'byung ba'o/ /ces pa de nyid bstan pa ni/ lha'i le'u dang/ lha dbang bskur ba'i le'u'o/ /de yang dang po byams pa bsgom par bya/ zhes pa la sogs pa ni cho ga bsdus pa'o/ /re pas nyi ma zhes bya ba ni 'bring po'o/ /nam mkhar rje btsun bltas nas ni/ zhes bya ba ni cho ga rgyas pa'o/ /sngo dang nyi ma mtshungs pa'i mdog /ces bya ba la sogs pa ni/ lha'i rnal 'byor gsum po'i khyad par bstan pa ste/ skyed pa rnam pa dgu yin no/ /da dung lha'i rnal 'byor rdzogs par ma gyur na/ lha dbang bskur ba'i le'u bstan pa yin te/ spyan 'dren pa dang/ gsol ba gdab pa dang/ dbang bskur ba dang/ de'i bkod pa dang/ phyag rgyas gdab pa dang/ thun 'tshams kyi spyod pa rnams bstan te/ 'dir spyan 'dren par bshad pa gang yin pa 'di dang/ phyi mar yang nam mkhar bzhugs pa'i sangs rgyas rnams/ /sku gzugs snying gar rab tu gzhug /ces nges par bstan pa 'di rnams kyis/ ye shes sems dpa' yang dag par dgug pa yang 'phangs pa yin te/ de dang de la de dag dgos pa dang don mtshungs pa'i phyir ro/ /de'i 'og tu ye shes ces bya ba bsdus pa'i don de nyid rgyas par bstan pa ni/ de ltar brtags pa'i rim pa kho nas 'dod pa'i dngos grub thob par mi 'gyur te/ grub pa ni de kho na nyid las so/ /de'i phyir le'u lnga pa bshad do/ /de yang med pa'i de kho na nyid dang/ thabs kyi de kho na nyid dang/ gnyis su med par rgyas btab pa'i de kho na nyid dang/ rang bzhin gyis khyab par bya ba dang/ khyab par byed pa'i lha'i de kho na nyid dang/ phyag rgya chen mo shes rab ma'i de kho na nyid dang/ gang gi de kho na nyid rtogs pa'i phan yon dang/ 'chi ba'i bsam gtan gyi de kho na nyid rnams so/ /'dir lha nyid gnyis su med par gnas pa ni/ de kho na nyid yin la/ med pa'i de kho na nyid ni de'i khyad par ro/ /bde bas gang gi 'chi ba zhes bya ba ni/ thams cad stong pa 'od gsal pa'o yang 'dir/ don byed rnam mang brjod pa dang/ ci zhes bsdus pas don rgyas par bstan pa ni/ de'i 'og tu rig pa'i brtul zhugs bshad pa'i le'u drug pa ste brtul zhugs kyi dgos pa dang/ chu byad bsgyur ba dang/ de'i sgom pa dang/ gnas kyi khyad par dang/ brtul zhugs kyi dus dang/ rig ma sbyang ba dang/ rol pa'i bya ba rnams bstan no/ /de'i 'og tu gong du bstan pa'i cha byang kyi 'phros dang/ sgom pa'i 'phros ston te sngon ma dang bsre bar bya'o/ /de'i rjes la ting nge 'dzin gyi gtso bo dang/ spyod pa'i dam tshig rgyas par bstan pa rnams kyis le'u 'di rdzogs so/ /gang le'u re re'i nang du don phan tshun 'khrugs te gnas pa de dag ni gcig tu bsres te bstan par bya'o/ /'dir spyod pa'i ting nge 'dzin nges par bstan pa ni/ rdo rje thod pa'i spyod pa yis/ /'di dag bzlas dang bsgom pa yin/ zhes pa'o/ /rdo rje dang thod pa ni/ rdo rje dang pad+ma mnyam par sbyor ba'o/ /gzhan du ni stong pa nyid dang bde ba mnyam pa'o/ /de yang yul rnams ni stong pa nyid kyi gzugs brnyan dang pho mnyam par byas pa las/ nang gi bde ba dam pa rgyas pa'o/ /de bzhin du kha zas sbyang ba la sogs pa yang rnam grangs su rig par bya'o/ /spyod pa de dag las/ zhing rnams su kun tu rgyu'i spyod pa ni/ brda dang gnas la nye bar brten pa yin te/ de'i phyir le'u bdun pa brda nges par bstan pa 'di ni/ snga ma'i rjes su 'jug pa yin no/ /brda'i dgos pa dang/ lus kyi brda dang/ 'du ba'i dam tshig rnams ni/ sgra ji bzhin pa nyid du bshad pa yin no/ /'du ba'i gnas nges par bstan pa ni/ sgra ji bzhin pa dang/ ji bzhin ma yin pa dang/ so so skye bo rnams dang/ 'phags pa rnams kyis bcu gnyis dang/ kun rdzob dang/ don dam pa'i gnas pa ni sgra ji bzhin ma yin pa nyid do/ /de'i 'og tu 'du ba'i dus dang/ bza' ba'i dam tshig gi khyad par dang/ sgrub pa'i thabs kyi khyad par dang/ a wa d+hu ti'i spyod pa dang/ de'i phan yon dang/ kha zas sbyang bar 'dod pas rdo rje thod pa'i rnal 'byor rnams bstan pa yin no/ /de ltar na le'u lnga po de rnams kyis/ bskyed pa'i rims dang// rdzogs pa'i rim pa dang/ rig pa'i brtul zhugs rnams yang dag par bstan pas/ sde tshan gcig tu bya ba rdzogs pa yin te/ thabs kyi dum bu'o/ /da ni/ ji ltar rigs par rnal 'byor ma'i/ /skyed dang gnas dang byed rgyu dang/ /ces bsdus pa gang yin pa de nyid rgyas par bstan pa ni/ /rnal 'byor ma'i 'khor lo nges par bstan pa ste/ le'u brgyad pa'o/ /de la rnal 'byor ma zhes bya ba ni gnyis te/ lha mo'i gzugs dang/ lhan cig skyes pa'i de kho na nyid do/ /de'i thabs kyang rnam pa gnyis te/ bskyed pa dang rdzogs pa'i go rim rnam pa gnyis so/ /de yang dang po mdor bstan pa tshigs bcad gcig go /de'i 'og tu/ de la rnal 'byor ma lha mo bco lnga'i dkyil 'khor sgom pa'i thabs cho ga rgyas pa ni/ sgra ji bzhin pa bshad do/ /yan lag drug gi rnal 'byor ni/ bskyed pa dang rdzogs pa'i rim pas so/ /de'i 'og tu rdzogs pa bshad par dam bca' ba dang/ dang por mdor bstan pa rjes su dbye ba dang/ lhan cig skyes pa bzhi'i dbye ba dang/ dga' ba'i gnas pa dang/ dpe'i dga' ba bzhi dang/ mngon par byang chub pa'i gnas pa dang/ lhan cig skyes pa nye bar mtshon pa'i rten dang/ rnam par mi rtogs pa'i rnal 'byor sbro ba dang/ bdag gi de kho na nyid dang/ rnam par mi rtogs pa so sor sdud pa'i rnal 'byor dang/ de bzhin du bsam gtan gyi rnal 'byor dang/ de'i yul bdag gi de kho na nyid byed par bstan pa dang/ nyon mongs chen po'i rang bzhin rnams ni sgra ji bzhin pa nyid do/ /chos 'byung las skyes ye shes ni la sogs pa rnam pa gsum gyis bshad de/ rdo rje gsum gyi rnal 'byor gyi rim pas so/ /khu ba'i rnam pa zhes pa la sogs pa ni/ gnyis su med pa'i rim pa dang/ de nyid ma shes na don med par bstan pa dang/ lam de nyid 'bad pas bsgoms par gdams pa rnams kyis ni/ le'u 'di yongs su rdzogs par bsdus so/ /de dag la bla ma'i dus thabs zhes bya ba ni bla ma rnam pa gsum mo/ /brtan dang g.yo ba'i dngos po gang/ /zhes bya bas ni/ ye shes kyi spyod yul brtan pa dang g.yo bar snang ba rnams so/ /rang gi rig pa'i 'gyur ba zhes bya bas ni/ rang bzhin ma shes pas rmongs bar gyur pa'o/ /da ni lam de dag nyid kyi rnam par dag par 'gyur ba'i rgyu mtshan bstan pa ni/ le'u dgu pa ste dag pa rnam pa gnyis mdod bstan pa dang/ de gnyis kyi rang bzhin dang gang zhig spang bar bya ba dang/ ji ltar bsten pa'i tshul dang/ dag rnam pa gnyis po de dag rgyas par bstan pa ste/ lta dang de bzhin nyid kyi rim pas so/ /de'i rjes su dkyil 'khor gyi bya ba dang dbang bskur ba'i cho ga ston pas ni/ le'u bcu pa ste dkyil 'khor gyi gnas dang/ bsnyen ba'i bya ba dang/ sa'i cho ga dang/ sbyang ba dang/ bzung ba dang/ blang ba dang/ bsrung ba dang/ de bzhin gshegs pa rnams la mchod cing gsol ba gdab pa dang/ bum pa brgya lhag par gnas pa dang/ thig gdab pa dang/ rdul tshon gyi rgyu dang/ dkyil 'khor gyi tshang dang/ dkyil 'khor gyi mtshan nyid dang/ lha'i mtshan ma dang/ slob dpon nyid dkyil 'khor du zhugs te dkyil 'khor gyi bya ba byed pa dang/ mchod pa dang/ bum pa'i dbang bskur ba dang/ rig ma gzhug pa dang/ gsang pa'i dbang bskur ba dang/ shes rab ye shes kyi dbang bskur ba dang/ dbang bzhi pa'i rab tu dbye ba dang/ rtogs bya'i de kho na nyid dang/ sgrub pa po rim pa bzhi dang/ lhan cig skyes pa'i dbye ba dang/ don dam pa'i dkyil 'khor rnams so/ /de ltar na rnal 'byor mi 'khor lo'i le'u nas brtsams te gsum po de dag ni sgom pa dang grub pa'i 'bras bu yang de dang 'bril ba dang/ dbang dang ye shes kyi chad bstan pa'o/ /le'u bcu gcig pa ni nye tshe tsam ste/ de yang blta stang ces pa rgyas par ston pa ni/ blta stang bzhi'i las dang/ de'i rlung gi rnal 'byor dang/ nyams sad par bya ba dang/ 'grub pa'i dus bstan pa ste 'di dag kyang drang ba dang/ nges pa'i don gyi dbye bas bshad par bya'o/ /de'i 'og tu blta stang gi dgos pa dang/ bza' ba'i dam tshig dang/ skye ba bdun pa'i dngos grub dang/ ku ru kul+le'i lta'i rnal 'byor rnams so/ /le'u bzhi po de ni shes rab kyi dum bu nges par bstan pa'o/ /rdo rje snying po mngon par byang chub pa ni/ drang ba'i don gyi na mngon par rtogs su gzhug pa ste/ ma rtogs pa rtogs par byed pa'o/ /rtag pa dang po ni rtsa ba'i rgyud nges par bstan pa yin la/ rtag pa phyi ma ni bshad pa'i don gyi ste/ sngar ma gsal ba yang bstan cing/ bstan pa la yang nges pa skyed par byed pa'o/ /rgyas par bstan pa ni le'u bzhi ste/ gnyis pa dang/ gsum pa dang/ bzhi pa dang/ lnga pa'o/ /phra mo thor bur bstan pa ni/ le'u lhag ma brgyad po dag yin no/ /le'u dang po ni/ rdo rje snying pos rab gnas dris te/ rab gnas kyi dkyil 'khor dang/ sku gzugs sbyang? ba dang/ sta gon dang ye shes pa gzhug pa dang/ rab tu gnas pa'i slob dpon gyi mtshan nyid rnams dang/ mchod pa'i sngags dang/ sa bon dang/ sbyin sreg las/ babs kyi dbyibs dang/ tshad dang/ kha dog dang/ sreg rdzas dang/ me lha spyan drangs ba dang/ gshegs su gsol ba dang/ sa'i lha mo lhag par gnas pa rnams so/ /le'u gnyis pa ni/ dngos grub gtan la dbab pa ste ji ltar dngos grub 'grub pa'i tshul dang/ bsgrub par bya ba dngos kyi rang bzhin dang/ sgrub par byed pa'i rim pa rnams gtan la 'bebs par byed pa 'di ni de zhes bya'o/ /'di la rdo rje snying pos dris pa mngon du 'gro bas/ rtse gcig par bsgrub par gdams te ston pa las/ gnas kyi khyad par dang/ dus kyi khyad par dang/ sems stobs dang/ bsgom bya lha'i rnal 'byor dang/ spyod lam gyi rnal 'byor dang/ sgrub pa chen po'i rim pa ste/ de rnams ni bskyed pa'i rim pa dang/ rdzogs pa'i rim pa gnyis kyi bshad par bya'o/ /de nas sgrub pa po sems brtan par byed pa'i rgyu dang/ sems brtan cing dro bar gyur pa'i rtags dang/ shin tu gsang ba'i brtul zhugs dang/ rig pa'i brtul zhugs kyi phyag rgya rnam pa gsum gyi brtul zhugs dang/ sdig spong gi brtul zhugs skye ba'i mngon du sbyong pa dang/ lha mo'i rnal 'byor can gyi the tshom gcod pa dang/ bden pa gnyis kyi rnal 'byor gyis dri ma spong ba dang/ rim pa gnyis zung du 'jug pa rnams so/ /de'i rjes su sgyu ma lta bu'i rnal 'byor dang dbang gi ye shes dang/ bde ba rnam pa thams cad par bstan pa gsuM ni/ sbas pa dang mthar thug pa'i don du bshad par bya'o/ /de'i 'og tu bden pa gnyis rten dang rten pa'i mtshan nyid dang ldan par bstan pa dang/ de gnyis dbye ba med pa ni/ sangs rgyas kyi ye shes de lta bu mtshon par bya ba dang/ zung du 'jug pa'i sku bstan pa dang/ de nyid sems can rnams kyi rang bzhin du gnas pa dang/ thabs la mkhas pa'i khyad par gyi che ba dang/ ye shes lnga'i rigs kyi khyad par rnams so/ /de'i 'og tu le'u gsum pa ni/ dang por mdor bstan pa tshigs bcad gcig go? /bde ba chen po'i sdom pa dang/ skad cig ma bzhi dang/ dbang gi rab tu dbye ba dang/ dkyil 'khor 'khor lo dang/ dgongs te gsungs pa'i dam tshig dang/ stong pa'i de kho na nyid dang/ shin tu spros pa med pa kun 'dar gyi spyod pa dang/ dbang po rnams kyi rnam par dag pa'i go cha dang/ dag gi brda dang/ tshogs kyi 'khor lo spyod pa'i phyag rgya dang/ tshogs kyi 'khor lo'i bya ba 'ga' zhig rnams so/ /le'u 'di ni ci rigs par nye bar phan 'dogs pa yin te e yig dang baM yig rgyud thams cad la gnas pa nyid la nges pa sbyin pa nyid kyis na gleng gzhi'o/ /le'u bzhi pa la ni the tshom rnam pa bzhi zhu ba dang/ rdo rje'i glu gsungs pa dang/ tshogs kyi 'du par spyod pa'i glu dang gar gyi bya ba dang/ lha bco lnga rnams kyi rigs kyi bdag po dang/ rnal 'byor ma rnams kyi sa bon dang/ rtsa rnams kyi rnal 'byor ma'i dag pa dang/ de bzhin du bde ba chen po dang/ de'i rten la the tshom zhus nas rten dang brten pa gnyis su med pa'i de kho na dang/ de rtogs par byed pa'i thabs dang/ rang bzhin pa'i rgyud kyi ngo bo dang/ gang gi rjes su chags pa las rjes su mthun pa'i mi 'gyur ba dang/ phyag rgya chen po'i rnal 'byor rjes su dran pa dang ting nge 'dzin gyi rim pa dag ste/ 'di dag kyang shes pa dang shes bya'i dbye bas bshad par bya ba dag go /de nas sgom pa'i gnas la gsol ba btab pa dang/ mkha' 'gro ma rnams kyi dra ba sdom pa'i rang bzhin dang/ sku bzhi dang/ sde pa bzhi dang/ 'bras bu bzhis bstan pa/ gang 'dir srid pa'i 'ching ba dang ldan pa'i skye bo thams cad nyan thos dag gsang sngags smra ba dang/ byang chub sems dpa' rnams kyang de dag nyid la rigs kyi tshul gyis yang dag par gnas pa ste/ de bzhin gshegs pa nyid du ma zad ces pa yang ngo/ /de bzhin du dang po'i sangs rgyas nyid dang/ rang bzhin bde ba chen po dang/ rgyas btab kyi the tshom gcod pa dang/ 'byung po thams cad kyi gtor ma'i cho ga dang/ rgyas gdab pa la yid gnyis sel ba'i 'phros dang rigs kyi dbye ba rnams kyang gsungs so/ /bde ba dam pa dang/ sku rnam pa bzhi dang rgyu dang 'bras bu'i rgyas btab pa dang/ mtshon par byed pa lha'i rigs kyi rgyas 'debs pa nyid kyis na le'u'i ming yang de skad ces skad ces bya'o/ /le'u lnga pa las ni/ snying po he ru ka'i rnal 'byor gyi rim pa rgyas par bstan pa/ 'phreng ba'i sngags kyi phan yon dang bzlas pa'i grangs dang/ bzla ba'i thabs dang/ 'phreng ba'i sngags nyid dang/ bkod pa'i dkyil 'khor dang/ rdul tshon dang/ lha'i mtshan ma dang/ bum pa dgong pa dang/ dkyil 'khor gyi las rgyud gzhan la mngon du phyogs pa dang/ khyad par gyi rig ma gzhug pa dang/ tshogs kyi 'khor lo mngon du 'gro bas mchog gi dbang bskur ba dang/ de kho na nyid btsan thabs kyi sbyor ba dang bcas pa rnams so/ /mngon par 'byung ba ni dkyil 'khor nyid gsal bar bskyed pa'o/ /le'u drug pa las ni phyag rgya lnga'i dgos pa dang/ ras bris kyi cho ga rgyas par bstan pa'o/ /le'u bdun pa las ni glegs bam gyi bya ba dang/ tshogs kyi dkyil 'khor mchod pa dang bcas pa bstan no/ /le'u brgyad pa las ni pad+ma can gyi mtshan nyid dang/ smon lam gdab pa dang/ gdul dka' sbyang ba'i rim pa rnams bstan no/ /le'u dgu pa las ni kha sbyor dbye ba dang/ rang bzhin yongs su sbyang ba las yang dag par 'gyur pa dang/ rnam par dag pa'i cha shas dang/ sngags btu ba rnams so/ /le'u bcu pa las ni/ las so so'i bgrang 'phreng dang/ bza' ba'i dam tshig rnams so/ /le'u bcu gcig pa las ni/ rigs tha dad pa'i skyes bu'i mtshan ma dang/ rdo rje gsum gyi dam tshig dang/ 'dod chags chen po'i spyod pa'i gnas dang/ de'i ting nge 'dzin dang/ kA ra Na'i bye brag dang/ rdo rje zla ba yongs su bcings pa dag gsungs so/ /bcu gnyis pa las ni/ dbang bzhi po rnams kyi don dang/ rdo rje dang pad+ma byin gyis brlabs pa'i sngags dang/ steng dang 'og dang sku dang gsung dang thugs byin gyis brlabs pa dag bstan no/ /'dir sgyu ma'i rtags pa zhes bya ba la/ sgyu ma'i sgra ni lha mo ste drang ba'i don du na de rnams kyi ma rtogs par byed pa'o/ /'di dag rnam pa du ma ru/ /legs par phye ba gang yin de/ /bzlos te brjod par bya ba min/ /ha cang mang min nyung min pa'o/ /tshig gcig la yang don gyi gnas/ /mdza' yas rnam par rab gnas mod/ /ma tshang med pa'i don ston 'dir/ /nyung du mchog tu dge ba yin/ /da ni lus kyi don ma 'khrugs pa nyid du bstan par bya ste/ dang po kho nar chos rnams kyi rang bzhin bstan pa las/ yul rnams de yang ci lags ces pa la sogs pa de rnams kyi rnam par rtog pa 'gags pa ni/ gzugs dang phung po ngo bos med pa ces pa la sogs pa'o/ /gzhan gyi dbang gi mtshan nyid ni/ /rang gi rigs pas 'gyur ba las/ zhes bya ba la sogs pa'o/ /de rnams nyid kyi rnam par bcad pa'i de kho na nyid ni rang bzhin gdong nas ma skyes pa ces pa la sogs pa'o/ /shin tu rnam par dag pa don dam las brtsams pa ni/ gcig dang du ma bral ba ste/ ces pa la sogs pa'o/ /de gnyis kun tu khyab pa'i rang bzhin du bstan pa ni/ nga las 'gro ba thams cad 'byung/ /zhes bya ba la sogs pa'o/ /de nyid dngos po dang dngos po med pa mdza' dag las grol pa ni/ dngos pa dngos po dam yin/ /zhes bya ba la sogs pa'o/ /de nyid gdong ma nyid nas dkyil 'khor dam par gnas pa ni/ rdo rje btsun mo'i b+ha ga ni/ ces pa nas/ lhan cig skyes dga' i rang bzhin dang/ ces pa'i mthar ro/ /rgyu de'i phyir chos thams cad mnyam pa nyid du bsgom pa rgyas par bstan no/ /de nyid dbang bzhi pa dang/ rgyu'i rgyud ces bya ba yang yin no/ /de nyid rang rig pa dang mkha' mnyam gyi gzugs dang/ srog dang/ bdag dang/ yi ge la sogs pa ste/ rang rig ye shes nyid du 'gyur/ zhes pa la sogs pa'o/ /de nyid kun gzhi zhes bya ba ste/ dngos dang dngos med de la 'byung/ /ces so/ /de nyid rnam pa thams cad pa/ /ces bya ste/ gzhan rnams gang rnams de rnams dang/ /rnam par shes pa kun gyi tshul/ / zhes pa la sogs pa'o/ /'khor ba dang mya ngan las 'das pa de dag gi ngo mnyam pa nyid ni/ rnam dag ye shes gzugs can dang/ /zhes pa dang/ sangs rgyas byang chub sems dpa' dang/ /ces pa'o/ /rnam pa 'di lta bu dang/ rtags 'di lta bus grol ba'i rgyu mtshan bstan pa ni/ /rnam par dag pa'i le'u dang/ /ma phug pas ni sbyor dral 'gyur/ /ces pa nas/ rus pa bden pa bzhi po nyid/ /ces pa'i mthar ro/ /ci'i phyir 'khor ba 'jug par 'gyur snyam na/ de ni rang gi rig pa'i 'gyur ba las te/ dmyal ba yi dags byol song dang/ /ces pa nas/ bde ba gang phyir mi shes pa/ /ces pa'i mdza' dang/ de bzhin du/ byis pa mi shes pas sgrib pa/ /ces pa'i mthar ro/ /da ni de lta bu bden pa gnyis kyi de kho na la/ rgyud gsum gyi 'jug pa rab tu bshad par bya ste/ ji skad du/ rgyud ni rgyun chags zhes bya ste/ /rgyud de rnam pa gsum du 'gyur/ /zhes gsungs pa'i phyir ro/ /de la rgyu'i 'jug pa ni/ sangs rgyas nyid dang/ bde ba chen po nyid dang/ rnam pa gnyis kyi sku nyid dang/ lhan cig skyes pa'i ye shes nyid dang/ /ye shes rnam pa lnga nyid dang/ /rang bzhin gyi rigs nyid dang/ sku bzhi'i yang dag par gnas pa nyid dang/ de las byung ba'i rnam par 'gyur ba rnams so/ /de la sems can rnams ni sangs rgyas nyid dang/ ces pa ni dang po'o/ /rtag tu rang bzhin bde ba can/ /zhes pa ni gnyis pa'o/ /zhal phyag rnam pa'i gzugs can nyid/ /ces pa ni gsum pa'o/ /'dir sku rnam pa gnyis ni/ shes rab dang/ thabs kyi ste rang gi don dang/ gzhan gyi don no/ /lus la ye shes chen po gnas/ /ces pa dang/ lhan cig skyes las gang skyes pa/ /ces pa ste bzhi pa'o/ /'byung ba lnga yi rang bzhin las/ /ces pa ni lnga pa'o/ /rigs dang 'byung ba lnga rnams dang/ /zhes pa dang/ rigs ni lnga po de nyid las/ /ces pa ni drug pa'o sku gsum lus kyi nang du ni/ /ces pa la sogs pa ni bdun pa'o/ /'dir rnam par 'gyur ba'i tshul ni 'khor ba thams cad te/ de dag kyang skyes bu'i rab tu dbye ba ni/ lus can rang gi rigs bshad kyi/ /ces pa nas/ de'i rigs su 'ang de 'gyur ro/ /ces pa'i mthar thug pa'o/ /rtsa dang rlung dang thig le'i byed pa can gyi phyir/ gzod nas rang bzhin med pa yis/ /ces pa la sogs pa dang/ kyai rdo rje'i lus la rtsa du lags ces pa ni brgyad pa'o/ /thabs kyi che ba bstan pa ni// 'jig rten 'di dang pha rol tu/ /de med pas ni dngos grub med/ /ces pa dang/ gdol pa smig mkhan la sogs pa/ /ces pa'o/ /'dod chags chen po'i 'thad pa ni/ /gang gi mi shes 'jig rten pa/ /ces pa dang/ dug gi dum bu gang nyid kyis/ ces pa'o/ /slob ma sbyangs pa'i rim pa ni/ /dang por gso sbyong sbyin par bya/ /ces so/ /'dir gang du dbang bskur ba'i dkyil 'khor ni/ dman pa rnams la rdul tshon gyi dkyil 'khor rgyas par bstan no/ /shes rab bcu drug lon pa la/ /zhes pas lus kyi dkyil 'khor ro/ /e yi cha byad bzang po gang/ /zhes pas b+ha ga'i dkyil 'khor ro/ /byang chub sems ni bde chen po/ /ces pas ni byang chub sems kyi dkyil 'khor ro/ /'khor lo zhes bya nam mkha' i khams/ /ces pa ni don dam pa'i dkyil 'khor ro/ /de nas dkyil 'khor gyi rim pa bshad pa la/ rang 'dod lha mnyam rnal 'byor pa/ /ces pa ni slob dpon gyi mtshan nyid do/ /bla ma la gus snying rje ldan/ /zhes pa ni slob ma'i mtshan nyid do/ /'khor lo'i bdag po'i bzlas pa 'bul ces pa ni bsnyan pa'o/ /tshal dang skye bo med gnas dang/ /ces pa ni gnas so/ /gong gi a sogs sngags kyis ni/ /ces pa ni sa blang ba'o/ /dang por lha yi bdag nyid kyis/ /ces pa ni bdag gi rnal 'byor dang sa sbyang ba'o/ /gong du gsungs pa'i ces pa dang/ /ji ltar bsam gtan zhes pas ni/ /sngags dang ting nge 'dzin gyis srung ba'o/ /ma ma rin chen sna tshogs 'dzin/ /zhes pas ni/ nor 'dzin ma lhag par gnas pa'o/ /mchod dang gsol ba gdab pa nyid/ /ces pas ni/ dkyil 'khor lhag par gnas pa'o/ /bum pa brgyad la sogs pa ldan/ /zhes pas ni/ bum pa lhag par gnas pa'o/ /rang 'dod lha yi gzugs kyis ni/ /ces pa thig gdab pa'o/ /rdul tshon dam pa'i tshon dang ni/ /ces pa dang phyi mar yang/ rin chen lnga yi phye ma dang/ /ces pas rdul tshon no/ /de nas dkyil 'khor khru gsum dang/ /ces pas ni dkyil 'khor gyi tshad do/ /gru bzhi yang dag 'bar ba nyid/ /ces dang/ /'phar ma gnyis bzang rnam bris nas/ /ces pa dang/ 'phar ma gcig dang sgo bzhi pa// ces pa la sogs pas ni/ dkyil 'khor gyi mtshan nyid bstan no/ /myur du dkar mo la sogs bri/ /ces pas ni lha'i gzugs brnyan dgod pa'o/ /shar du gri gug rnam par bri/ /ces pa dang/ dbus su skyes pa'i thod pa ni/ /ces pas ni mtshan ma dgod pa'o/ /de nas rnam rgyal bum pa nyid/ /ces pas ni bum pa dgod pa'o/ /rdo rje sems dpa' i snyems byas nas/ /ces pa nas/ hi hi rnam pas 'jigs byed bdag /ces pa ni/ dkyil 'khor sgrub pa'o/ /me tog sna tshogs nye bar brgyan/ / zhes pas ni mchod pa'o/ /de nas gtor ma sbyin pa ni/ /gtor ma'i cho ga nyid kyis so/ /sreg blugs kyang srag blugs kyi skabs nyid las so/ /dkyil 'khor du 'jug pa'i las rnams dang/ chud bcod pan dang rdo rje dang dril bu dang ming dang brtul zhugs dang/ rdo rje dang dril bu dang phyag rgya dang/ dkyil 'khor dang/ lha dang slob dpon gyi de kho na nyid rnams ni/ ji ltar de nyid bsdus pa yi/ /ces pa'o/ /'dir dpal de kho na nyid bsdus pa ni mtshon pa ste/ rgyud kyi rgyal bo gzhan rnams las kyang/ /sngon dang phyi ma thams cad du/ /bla ma dam pa'i man ngag gis rtogs par bya ba ni/ gang zhig dbang ni rab phye ba/ /ces pa'o/ /rdzogs pa'i rim pa'i dbang rnams la/ /rig ma gzhug pa ni/ der ni rigs lnga las byung ba'i/ /ces pa'o/ /dbang bzhi po rnams kyi rab dbye ba ni/ dbang ni bzhi yi grangs nyid kyis/ ces pa'o/ /slob dpon gyi dbang ni/ shes rab bcu drug yon pa la/ /zhes pa dang/ rdo rje rab gnas rdo rje nyid/ /ces pa la sogs pa'o/ /gsang ba'i dbang ni/ /shin tu bzhin bzang mig yangs ma/ ces pa dang/ ji srid khu ba ldan gyur ba/ /ces pa dang/ ji ltar 'das pa'i sangs rgyas kyis/ /zhes pa'o/ /shes rab ye shes kyi dbang ni/ /do? mnyam slob ma'i spyod yul nyid/ /ces pa dang/ ston? pas shes rab rab tu mchod/ / ces dang/ lha mo dga' sbyin gnas sbyin ma/ /ces dang/ sna tshogs spangs pa'i skad cig ma/ /ces so/ dbang de dag nyid kyi slob dpon dang lha la bsnyen bkur ba'i bya ba ni/ ji ltar dbang bskur gsol btab pa'i/ /ces thun mong du bstan pa yin no/ /bzhi pa'i dbang bskur ba ni/ 'di nyid ye shes chen po ste/ /ces dang/ rang gzhan yang dag rigs pa spangs/ /ces dang/ ye shes 'di ni ches phra zhing/ /ces dang/ 'dir ni thog ma dbus mdza' med/ /ces pa la sogs pa'o/ /cho ga lhag ma gang zhig mi gsal ba de thams cad ni/ rgyud kyi rgyal po gzhan las rtogs par bya ba'o/ /ci ste brtul zhugs mchog gi dbang bskur bar 'dod bdag gi /khyad par gyi rig ma gzhug pa ni bcu gnyis lon pa yis/ /ces pa ste/ slob mas 'bul bar bya ba nyid do/ / rjes su chags pa'i dkyil 'khor sgrub pa ni/ dam 'khyud tsum pa na byed pas/ /ces pas so/ /de'i tshogs kyi rol ba ni/ /de la chang? yang btung ba dang/ ces pa'o/ /dkyil 'khor du 'jug pa ni/ de nas thun tshong gnyis pa las ces pa'o/ /dbang bskur ba ni/ mtshan mo skye bo med khyim du/ /ces pa ste/ rig ma brgyad po de dag las ji lta ji ltar bsten pas dga' ba thob par 'gyur ba/ de lta de ltar bsten cing sbyin par bya ba nyid do/ /mdza' yi mdza' ru skye? ba nyid/ ces pa ni/ bcu drug gi rab tu dbye pa ste/ gsang ba zab mo? rab tu bstan pa'o/ /rgyud kyi rgyal po gzhan gyi rim pas/ mkha' 'gro ma rnams kyi kun du spyod pa yang/ tshig 'di dag nyid la brten pa rab tu 'phangs pa yin no/ /rgyud 'dir bri ba'i dkyil 'khor gang yin pa de ni/ gru bzhi sgo bzhi pa nyid du gsungs shing/ sgom pa'i dkyil 'khor la ni dkyil 'khor gru gsum pa dang/ gzhal med khang yangs pa yang bstan na/ dkyil 'khor de dag tu ni ting nge 'dzin 'ba' zhig gis dbang bskur ba bstan no/ /de'i phyir ting nge 'dzin gyi dral? te dkyil 'khor rnam pa drug go/ rgyud 'dir dam tshig gi tshogs pa ni/ skye bo rnal 'byor mthar phyin pas/ /ces pa dang/ mnar med spangs pa'i rgyu yi phyir/ /ces dang/ bza' ba'i dam tshig rnams kyi phyogs mtshon par byas pa yin la/ lhag ma ni/ rgyud gzhan las rtogs par bya bar dgongs so/ /brtul zhugs kyi spyod pa'i dam tshig ni 'og tu bshad par bya'o/ /'dir lha'i rnal 'byor ni/ rnam pa gnyis te rgyas pa dang bsdus pa'o/ /gang dkyil 'khor 'khor lo'i rnam pa de ni rgyas pa'o/ /rkyang pa'i lha mi bsdus pa'o// sku dang gsung dang thugs kyi rdo rje'i dkyil 'khor dang/ le'u brgyad par bstan pa rnal 'byor ma'i chos 'byung gi dkyil 'khor dang/ bcu pa las nges par bstan pa rnal 'byor ma'i rgyas pa dang/ snying? po'i he ru ka'i dkyil 'khor rgyas pa rnams so/ / bsdus pa ni/ /sku dang gsung dang thugs kyi rdo rje rnams dang/ ku ru ku ble? dang/ rdo rje ma la sogs pa bdun po rnams so/ /bris sku dang/ glegs bam gyi bya ba ni/ gtso bo cho ga gang gis dang/ ces pa dang/ glegs bam yang ni ji ltar 'gyur/ /zhes pa'o/ /cho ga ni bsdus pa dang/ cung zad bsdus pa dang/ 'bring por dang/ cung zad rgyas pa dang/ rgyas pa rnams so/ /bsdus pa ni/ dang por byams pa bsgoms par bya/ /ces pa la sogs pa ste/ sbyong ba bzhi dang dngos gzhi bzhi'o/ /'di ni byang chub pa rnaM pa bzhi pa zhes bya'o/ /cung zad bsdus pa ni/ re phas nyi ma mngon du rnam bsgoms nas/ ces pa la sogs pa ste/ stong pa'i rjes su ni srung ba'i 'khor lo dang gdan no/ /gnyis pa la ni/ sa bon dam mtshan ma'o/ /de yang sa bon gyis mnan pa ste gnas skabs gsum pa'i cho ga'o/ /'bring po ni/ nam mkhar rje btsun bltas nas ni/ /ces pa la sogs pa ste/ dang por mtshed pa yang mngon du 'gro ba'i tha tshig go /A li zla ba kA li nyid/ /ces pa A li dang kA li dag gi zla ba dang nyi ma dang/ spro ba dang bsdu ba yang ngo/ /de rnams lha'i le'u nyid kyis rgyas pa la sogs pa gsum mo/ /cung zad rgyas pa ni/ 'khor lo sa dang chu ni sngon/ /zhes pa la sogs pas srung ba'i 'khor lo nang du ni chos kyi 'byung gnas so/ /'byung ba chen po rnams las ni pad+ma'o/ /rang lha'i sa bon phyag mtshan nyid/ /ces pa 'di ni nges pa ste/ snga ma la ni sa bon tsam gyis kyang ste ji ltar bshad pa nyid do/ /rgyas pa ni/ 'byung ba bzhi las gzhal med khang pa'o/ /rnam pa 'di gnyis ni rnal 'byor ma'i 'khor lo la'o/ /'di'i sa bon bsdu ba ni/ A li dang po bdag med ma/ /ces pa'o/ /de bzhin du bla ma'i man ngag las ni/ rnal 'byor ma bdun pa'i dkyil 'khor yang ste/ cho ga ni shin tu bsdus pa'o/ /cho ga rgyas pa ni phyi ma las gsungs pa ste/ phyag ni bcu drug zhes pa la sogs pa/ 'khor lo ji ltar sngar gsungs pa/ /ces pa nas brtsams te/ gau rI la sogs pa yi gdan/ /zhes pa'i mthar thug pa'o/ /'di ltar lnga po de rnams las/ /snga mi? snga ma'i khyab byed gang yin pa de ni/ phyi ma phyi ma la yings su 'jug pa yin no/ /'on kyang 'dir ches rgyas pa la mngon par mi dga' na/ rgyu'i he ru ka ni rdzus te skyes pa'i tshul lo/ /de'i tshe ni he ru ka de yang zla ba dang nyi ma'i don no/ /rim pa phyi ma thams cad la byang chub gnyis pa na gnas kyi de kho na nyid dang rjes su 'brel pa yin la/ srung ba'i 'khor lo dang yang ngo/ /de'i phyir yan lag gnyis pa 'di ni/ sa bon bsdu ba dang/ rim gsum bsdu ba dang/ mngon par byang ba bzhi bsdu ba dang/ rgyu'i ting nge 'dzin rgyas pa rnams su 'gyur ro// 'di dga' la yang rgyas pa dang bsdus pa'i dbye ba dag go / de'i 'og tu yan lag drug byin gyis brlab pa ni/ mig tu gti mug rdo rje ma/ /ces so/ rdo rje gsum byin gyis brlab pa ni/ aoM Amkhar bzhugs pa'i sangs rgyas kun/ /zhes pa la sogs pa'o/ /de bzhin du rang gi snying gar sa bon bsam/ /ces pa'o/ /dang po'i le'u lnga pas ni/ /lha dbang bskur ba'o/ /'di rnams kyi rigs bdag gis rgyas gdab pa ni/ phyag rgya rtags dang mtshan ma ste/ /ces pa dang/ sa ni puk+ki sir bshad pa/ /ces pa dang/ phyag rgya gang gi mkha' spyod ma/ /ces pa'o/ /'dis ni rnal 'byor ma'i 'khor lo'i rgyas btab pa ste/ de lta mod kyi he ru ka'i dkyil 'khor la yang gsal bar bstan pa yin no/ /de dang de dag sdoms pa ni dbang gi yan lag / de nyid dang/ dbang gi don du mchod pa dang/ /bstod par bshad pa dag gis ni/ /ting nge 'dzin gyis dkyil 'khor la yang mchod pa dang bstod pa 'phangs so/ /phra mo dang thig le'i rnal 'byor ni de dang de dag gi skabs nyid las so/ /spros pa med pa'i dkyil 'khor ni/ /gsang sngags rig pa rnams kyis smras pa gang dag gzhan du rgyas par brjod pa de'o/ /'di dag gi de kho na nyid ni gsungs pa/ dang por stong nyid byang chub ni/ /'chi ba'i mdza' la'ang 'pho ba'i bde/ /gnyis pa sa bon bsdu ba ba ni/ /ma yi mngal gyi khu rdul lo/ /khu ba rdul dang sngags dang ni/ /srog gi rlung dang rnam shes nyid/ /lnga po rnams kyi lus rdzogs pa/ /gzugs brnyan rdzogs par brjod par bya/ /a wa d+hutIr bde bas rgyal/ /rnam lnga mngon rdzogs byang chub pa'o/ /phyi yi skye mched longs spyod che/ /bde ba chen po rgyas byed de/ /puk+ka sI dang ri khrod ma/ /gdol pa mo dang g.yung mo ste/ /sa dang chu dang me rlung gis/ /rmi lam gnas skabs rang bzhin las/ /byis pa de rnams kyis blang ba/ /ma yi mngal nas phyir phyung ste/ /sad pa'i gnas skabs thob pa ni/ /mig la sogs pas byin brlabs pa/ /rnam shes drug pa rab sad las/ /yul lnga po rnams 'dzin par byed/ /ces so/ de bzhin du khyad par gyi 'khor lo dang/ lha yi rnam par dag pa ni/ /slar yang rnam par dag pa'i le'u las rtogs par bya'o/ /phyi ma las kyang/ rtsa ni gnyis gnyas rnal 'byor ma/ ces pas kyang ste/ rnal 'byor ma'i 'khor lo la'o/ /rgyud 'dir gsungs pa'i sngags bshad pa/ /sa bon gyi sngags ni/ rigs lnga dang/ he ru ka shes rab ma dang rig ma brgyad dang/ ku ru kul+le'i 'o/ /snying po'i sngags ni/ he ru ka bzhi'i 'o/ /de nyid rtsa ba'i sngags zhes kyang bya'o/ /gnyis ka'i ni rnal 'byor ma rnams kyi sngags so/ /'phreng ba'i sngags ni/ rab tu rgyas pa'i he ru ka kho na'i 'o/ /sgrub pa dang las kyi sbyor ba'i sngags ni/ rnal 'byor ma bdun po rnams kyi'o/ /ku ru kul+le'i sngags ni snying po yang yin no/ /las kho na'i sngags ni 'di rnams yin te/ grong khyer skyod pa dang/ char 'bebs pa dang/ sprin bral ba dang/ rdo rje gri gug dang/ rdo rje dgra sta dang/ rim gyis 'debs pa dang/ dbang du bya ba dang/ zla ba nyi ma rnam par gnon pa dang/ rdo rje skar ma dang/ srog chags bzhi sprod pa'o/ /'dir myos byed skyugs bar byed pa ni/ ting nge 'dzin tsam zhig gsungs so// khyi skrod pa yang phyag rgya tsam zhig ste/ /bla ma'i drin gyis ni de dag kyang sngags dang bcas pa rtogs par bya dgos so/ /bya ba'i sngags ni 'di lta ste/ srung ba dang/ rdo rje gsum byin gyis brlabs pa dang/ dbang bskur ba'i don du gsol ba gdab pa gnyis dang/ dbang gi tshig bzhi dang/ ling ga gnyis dang/ gtor ma'i sngags gnyis dang/ mchod pa'i sngags brgyad dang/ me lha dgug pa dang/ slar btang ba rnams dngos su bstan la/ gzhan du 'phangs pa ni mchod yon dang zhabs bsil lo/ /de las rtsa ba'i sngags ni phan yon dang bcas pa'o/ /ji ltar bzla ba ni/ bzlas pa khri yis gsal ba dang/ /ces so/ /yan lag rnams las gtor ma'i cho ga ni phyi ma'i bzhi pa las so/ /rab gnas dang/ sbyin sreg ni/ 'di nyid kyi dang po las so/ /tshogs kyi 'khor lo ni/ rdo rje can gyi bza' ba bstan/ /zhes pa dang rdo rje'i glu nas brtsams te/ glu'i byin rlabs mtshan nyid do/ /ces pa'i bar ro/ /de bzhin du/ rnal 'byor ma rnams legs 'du ba'i/ /ces pa dang/ dbang gi skabs las kyang ngo/ /bza' ba'i dam tshig gzhan ni/ na dang ga ha ces pa la sogs pa'o/ /de bzhin du/ bza' dang btung dang blugs pa dang/ /nyal dang ldang dang sems pa dang/ /ces pa dang/ rkang pa 'khrus dang bza' ba dang/ /ces pas ni thun 'tshams kyi spyod pa bstan pa yin no/ /gnas dang dus ni/ rang gi khyim du mtshan dus su/ /ces pa ste bsnyen pa'i 'o/ /shing gcig dang ni dur khrod dang/ /ces pa ni sgrub pa'i'o/ /sgrub pa las brtan par bya ba'i bsam gtan ni/ bsam gtan nyon mongs 'jig byed pa/ /ces pa'o/ /'dir phra mo'i las ni grong khyer skyod pa dang/ rnal 'byor ma rnams kyi las bdun dang/ char dbab pa la sogs pa dgu dang/ srog chags skrod pa lnga dang/ ku ru kul+le'i dang/ sbyin sreg gi las bzhi dang/ ting nge 'dzin gyi kha sbyor dbye ba rnams so/ / las rnams kyi bgrang 'phreng dang/ bza' ba'i dam tshig ni/ shel gyis rengs pa'i bzlas pa nyid/ /ces so/ /de dang de las/ rdo rje gri gug la sogs pa 'ga' zhig ni ting nge 'dzin gyi brtul zhugs dang 'brel pa yin no/ /rgyud 'di ni snying po nyid kyi phyir/ /lta stangs bzhi'i grub pa las gzhan pa 'jig rten pa'i grub pa ni ma bstan no/ /de yang kha sbyor thig le la sogs pa rgyud gzhan las nges par bstan pa bzhin bsgrubs bas ma lus shing lus pa med pa 'grub pa'o// da ni mchog gi sgrub pa brjod par bya ste/ 'dir rdzogs pa'i rims pa ni/ sgom med sgom pa po yang med/ /ces so/ de'i khyad par gyi sgrub pa'i thabs 'ga' zhig ston par bzhed nas/ de la phra mo'i rnal 'byor ni/ /mnyam par ma rungs dpral ba can/ /zhes pa la sogs pa'o/ /thig le'i rnal 'byor la 'khor lo bzhi nges par bstan pa ni/ lte bar gtum mo 'bar ba yis/ /ces pa'o/ /'khor lo gnyis pa nges par bsgom pa ni/ zla ba dang nyi ma ni shes rab dang thabs so/ /e baM ma ya ni ces pa'o/ /'khor lo gcig pa nges par sgrub pa ni/ de yi bde ba phyag rgya che/ /ces pa dang/ a yi rnam pa sdom pa'i gnas/ /ces pa'o/ /las kyi phyag rgya ni/ sngo sangs dal ba rigs bzang ma/ /ces pa la sogs pa dang/ shin tu ring min thung ba min/ /zhes dang/ tshal dang skye bo med gnas dang/ /ces pa'o/ /ye shes kyi phyag rgya ni/ bud med gzugs ni spangs nas gzhan/ /zhes so/ chos kyi phyag rgya ni/ dman pa 'bring dang mchog rnams dang/ /bza' dang btung dang blugs pa dang/ / brtan dang g.yo ba'i dngos po gang/ ces pa'o/ /phyag rgya chen po ni/ phyag rgya chen po'i dbang bskur ba/ /ces dang/ bo le'i bde ba phyag rgya che/ /ces dang/ de yi bde ba phyag rgya che/ /ces pa'o/ de'i dbye ba ni gnyis te/ dkyil 'khor 'khor lo'i thabs dang ni/ /ces dang/ dkyil ni snying po zhes brjod do/ /ces so/ de'i khyad par bstan pa ni/ /gang phyir skye 'gro skyed pa'i phyir/ /zhes pa la sogs pa'o/ /de'i sgrub pa ni/ 'dis ni 'khor lo rnam bsgom na/ /ces pa'o/ /so sor sdud pa ni/ gang phyir yid kyis mi sgom par/ /ces pa dang/ bsam gtan nyon mongs 'jig byed pa/ /ces pa'o/ /bsam gtan gyi yan lag ni/ brtan dang g.yo ba'i dngos po gang/ /ces pa dang/ bdag med rnal 'byor ldan pa 'am/ /ces so/ /srog dang rtsol pa ni/ las kyi rlung gis bskul ba yi/ ces dang/ dbyung ba nyid kyis btung bar byed/ /ces pa'o/ /bzung ba'i yan lag ni/ kun rdzob don dam tshul can gyi/ /ces pa'o/ /de dag gi btsan thabs kyi sbyor ba ni/ las kyi phyag rgya'i tshig rnams nyid do/ / de yi bde ba phyag rgya che/ /ces pa la sogs pa ni rjes dran gyi yan lag go /de ltar rim pa de gsum gyi mtshan nyid ni/ lte bar gtum mo sbar ba yis/ /ces pa'o/ /ting nge 'dzin gyi yan lag ni/ /de nyid phyir na dga' ba ni/ /ces dang/ mtho ris mi yul sa 'og rnams/ /ces dang/ ga bur nyid ni bdag med ma/ /ces pa nas/ ye shes lha yi rang bzhin can/ /zhes pa'i mthar ro/ /de bzhin du/ bo la'i bde ba phyag rgya che/ /ces pas ni/ yan lag de gnyis kyi phyag rgya chen mo'o/ /de'i mtshan nyid nam mkha' dang lus la gnas pa ni/ rnal 'byor ma lus dbus gnas so/ /ces pa'o/ /de la rigs pa'i brtul zhugs kyi sbyong pa ni/ spyod pa'i le'u nyid las rgyas par bstan pa yin te/ phal cher sgros med kyi spyod pa'o/ /spros bcas kyi spyod pa la ni/ de rnams nyid la dur khrod ri yi bya skyobs? dang/ tsas pa tshogs kyi dkyil 'khor dang/ /dran pa mi 'phrog rnal 'byor las/ /zhes pa la sogs pas tshogs kya bya ba rnams te/ 'dis ni spros bcas kyi mtshan nyid rdzogs par 'gyur ro/ /shin tu spros pa med pa'i spyod pa ni/ /bza' btung ji ltar rnyed pa dang/ /ces pa la sogs pa'o/ /gsang ba'i spyod pa ni/ zla ba gcig tu gsangs la spyang/ /smyon pa'i spyod pa ni/ mi bya cung zad yod ma yin/ /gang rgyas par bstan pa 'di ni/ /rgyal tshab kyi spyod pa'o/ /phyogs las rnam par rgyal ba ni/ /ji ltar bdag nyid de ltar gzhan/ /zhes pa nas/ ka ni gang du 'ang mi gnas pa'o/ /spyod pa de rnams nyid kyi drod bstan pa ni/ sa dang chu dang rlung dang ni/ /ces pa dang/ 'chags dang 'jig pa dag gis kyang/ /ces dang/ 'jigs smyo de bzhin sdug bsngal dang/ /ces pa la sogs pa'o/ /gcig tu gnas pa'i spyod pa ni/ /shing gcig dang ni dur khrod dang/ /ces pa'o/ /yul du rgyu ba ni/ gnas ni dza land+ha rar bshad/ /ces pa'o/ /da ni rnal 'byor grub pa'i rim pa gang gsungs pa/ /dang po sprin dang 'dra ba nyid/ /ces pa dang/ lta stangs bzhi po sgrubs nas ni/ /ces pa ni/ rnal 'byor gyi gnas skabs rnams bzhi'o/ /dga' ba dang po dpa' bo nyid/ /ces pa la sogs pas ni/ drod kyi rim pa gsum mo/ /des na bzhi pa bsgom par bya/ /ces pas ni lhan cig skyes pa ste/ /nye bar thob pa chen po'o/ /ji ltar sgyu ma rmi lam dang/ /ces pas ni spyi bo'i rim pa'o/ /de yi 'di ni byin rlabs yin/ /zhes pa nas brtsams te/ bde bshes rab bde ba thabs/ /ces pa ni nges par bzod pa'o/ /'dod chags ma yin chags bral min/ /zhes pa la sogs pa ni mthong ba'i lam ste/ de'i phyir na/ mchog tu dga' ba srid par brjod/ /ces pa la sogs pa ni/ 'jig rten chos kyi mchog tu don gyis 'phangs so/ /de'i 'og tu ni 'phags pa'i sa bcu gnyis so/ /bzod pa dang chos kyi mchog de dag dang/ 'phags pa'i gnas pa de dag tu sa bcu gnyis kyi rim pa 'byung ba dag ni/ gnas dang nye ba'i gnas dang ni/ /zhes pa la sogs pa gzhung gcig gis lhan cig tu bstan no/ /yang de dag nyid du/ sku bzhi dang/ sde pa bzhi dang/ 'bras bu bzhi 'byung ba ni/ mas brtan pa'i dga' ba'i gnas pa bzhir yang bshad par bya ste/ sku gsum lus kyi nang du ni/ /ces pa nas/ sems can sa bcu'i dbang phyug go / ces pa'i mthar thug pa'o/ /zung du 'jug pa phyag rgya'i dngos grub kyi mtshan nyid gang zhe na/ 'chags dang 'jig pa dag gis kyang/ /thabs dang shes rab gnod mi 'gyur/ /skyed pa dang rdzogs pa'i go rim gang zhe na/ skyed pa'i rim pa'i rnal 'byor gyis ces so/ /dga' ba'i rab tu dbye ba las/ /skad cig pa'i dga' ba gang zhe na/ mchog mdza' dga' bral dang por ni/ /ces pa la sogs pa ste/ de bzhin du/ dang po reg par 'dod pa dang/ /ces pa'o/ /gnas pa'i dga' ba bzhi ni dro ba dang/ /chos kyi mchog tu bstan pa ste/ /yas babs dang mas brtan gyi dbye bas so/ /dang po dga' ba 'gro ba'i gzugs/ /zhes bya ba yang mas brtan pa'i gnas pa'o/ /lhan cig skyes pa yang rnam pa gnyis te/ ci'i slad du 'byung ba chen po'i phung po lags/ /dga' ba rnams kyi spyi'i mtshan nyid dang/ /sna tshogs dang po'i dga' ba nyid/ /ces pa la sogs snga ma dang/ phyi mar mang du bstan no/ /mngon par rtogs par bya ba mthar thug pa ni/ yang dag pa'i sa bcu gnyis kyi mthar 'gyur pa yin te/ gsum po spangs pa nyid kyi phyir/ /ces so/ de rnams kyi 'og tu 'bras bu'i rim pa bstan pa ni/ bde ba dngos dang dngos med bde/ /ces pa dang/ khyab dang khyab byed tshul gyis ni/ /ces pas/ lhan cig skyes pa'o/ /dngos dang dngos po da ma yin/ /zhes pa ni chos so/ /btsun mo'i b+ha ga bde chen du/ /zhes pa la sogs pa ni longs spyod rdzogs pa'o/ /gang+ga'i klung ni bcu yi bye snyed cig /ces pa ni sprul pa'o/ /de ni me long ye shes gzugs/ /ces pa ni ye shes lnga'o/ /rigs ni rnam pa drug brjod cing/ /ces pa nas/ brjod par bya ces pa'i mthar thug pa dang/ mi bskyod rnam snang rin chen 'byung/ /zhes pa la sogs pa ni rigs kyi dbye ba'o/ /rnam snang mi bskyod don yod dang/ /ces pa ni lha'i dbye ba'o// 'di nyid kyi yon tan bcom ldan la sogs pa ni/ sangs rgyas 'di la b+ha ga mnga' / /ces pa'o/ /de bzhin kun du ru skyes bde/ /ces pa dang/ gzhan yang de rnams nyid kyis/ longs spyod rdzogs pa la sogs pa yan lag bdun 'phangs par rig par bya'o/ /de rnams nyid kyi sku dang gsung dang thugs dang snying po ye shes kyi rdo rje gang yin pa de dag ni/ gang phyir rdo rje sems dpa' lags/ /ces pa nas brtsams te/ badzra 'od shes rab brjod par bya/ /ces pa'i mthar thug pa'o/ de ltar na dgyes pa'i rdo rje las gzhung phal cher gyi don mdor bstan zin te/ lhag ma cung zad rnam par ma phye ba gang yin pa de dag kyang/ 'di rnams nyid las 'bad pa med par rtogs par nus so/ /mdza' drug gi 'chid bas bcings pa'i rgyud ni/ rgyan bdun gyi bshad par bya'o zhes/ ye shes rdo rje kun las btus pa'i rgyud las bcom ldan 'das kyis gsungs so/ /rnal 'byor dang/ rnal 'byor ma'i rgyud sbas pas bstan pa gang yin pa de thams cad ni/ rigs pa 'di dang rjes su 'brel ba yin la/ gang zhig sgra? tsam yis pa de dag ni/ bla ma dam pa'i man ngag kho nas kyang ngo/ /yang gang zhig rtsa ba'i rgyud kyi rjes su 'jug pa dang/ rgyud ni rgyud gzhan gyis rtogs par byed pa dag kyang yod de/ de dag las 'dir ni bshad pa rnam pa bzhi dang mdza' drug pa bden pa rnam pa gnyis so/ /de yang gang zhe na/ kun rdzob ni bskyed pa dang/ shes pa dang/ sgrub byed do/ /don dam pa ni rdzogs pa dang/ shes bya dang/ bsgrub bya'o/ /de dag las gang khyab par bya ba ni kun rdzob bden pa'o/ /'ga' zhig khyab par byed pa po ni don dam pa'i bden pa'o/ /de rnams nyid kyi rang bzhin mnyam pa nyid ni zung du 'jug pa'i mtshan nyid do/ /'di tsam gyi ni rgyud kyi don/ /ma tshad med pa'i rgyas pa ste/ blo zhan rnams kyis rgyud kyi don/ /rtogs pa'i ched du 'di bris so/ /'bad par rgyud sde btsal gyur yang/ /mdza' dag rnyed pa gal zhig /dgos pa'i don lam tshad med/ /'di gcig pus kyang rnyed par 'gyur/ /zhes pa rgyud kyi rgyal po dges pa rdo rje'i lus kyi don rab tu gsal bces bya ba/ slob dpon chen po rig pa'i brtul zhugs spyod pa shAn+ti guptas mdzad pa rdzogs so/ / //mkhas pa chen po gang ba'i rdo rje las zhus te/ phyis rgya dpe'i steng nas/ rmongs pa tA ra nA thas g.yar khral du bsgyur ba'o// //aoM na mo lo ka nA thA ya/ dzan? d+ha raM sau mya bi shA la lo tsa naM/ sa tA pra san+na na na tsaN+Da maN+Da laM/ su rA su rai bandi ta pA da padka dzaM/ na mA mi nA thaM ma Ni pad+ma sam+b+ha baM/ sa ro dza pa trA ya da di bya lo tsa naM/ ku driSh+Ti saM shod shud+d+ha lo tsa naM aoM 'jig rten mgon po la phyag 'tshal lo/ / ? las 'char ? 'dog dang mtshungs yangs pa'i spyan/ /rtag tu dangs ba'i zhal ras zla ba'i dkyil 'khor 'dra/ /zhabs kyi 'dam gskyes lha dang lha min rnams kyis btud/ /nor bu pad+ma las khrungs mgon la phyag bgyi'o/ /mtsho skyes 'dab ma dang mtshungs de ni lha yi spyan/ lta ngan kun nas bcom pa dag pa'i spyan dang ldan/ /kri yA mri tA traM dzam deg po tsan?/ ? d+ha raM sau mya ri shA la lo tsa naM/ /*/ /dgyes rdzong gyi bsdul don cung zad dran pa bzhugs so/ /*/ /aoM swa sti/ rgya gar skad du/ kiny+tsi tshmri ti/ bod skad du/ cung zad dran pa zhes bya ba/ /dpal he ru ka la phyag 'gro rnams 'dir ni gcig tu bcu? rtsir mdzad pa'i spyan/ 'tshal lo/

CLOSE WINDOW