བོད་ཡིག

e-texts based on the ACIP/ALL Input

/ //phyi mo ltar gcig zhus// //rgya gar skad du/ 'gu'ya ma ha ko sha na ma sha sra/ bod skad du/ sngags kyi bstan chos gsad ba'i mdzod ces bya ba/ dpal kye'i rdo rje la phyag 'tshal lo/ /rang byung gdong nas dag ba'i/ /kye rdo rje la phyag 'tshal te/ /rang dang gzhan gyi grub mdza' dang/ /theg pa'i rim pa rnam par dbye/ /theg pa'i rim pa thug med la/ /re shig bdag gis 'di ltar dbye/ /'jug pa'i gang zag bsrung? pa'i tshul/ /bgrod pa'i lam dang thob pa'i 'bras/ /mnyam bzhag blta dang rjes thob sbyod/ /dang por gang zag rim pa yang/ /sgra dang tha snyad ma zhugs shing/ /gzhan gyi rjes su ma zhugs pa'i/ /skye bo chad lta la zhugs yin/ /chad lha la zhugs gang zag ni/ /rtag lta la 'dzug gang zag yin/ /kyi'i rtul shugs la sogs pa/ /de'i bsrung ba'i tshul khrims yin/ /lam ni lnga ste tshogs dang sbyor/ /mthong dang sgom dang mthar phyin lam/ /lam des thob pa'i bras bu ni/ /tshangs pa dang ni khyab 'jug dang/ /ma ha de ba la sogs thob/ /lta ba rnam gnyis re shig ste/ /ji ltar 'jig rten grags 'di la/ /mu stegs rang gi sems 'khrul bas/ /snang ba med las rtag pa dang/ /chad par 'di ltar snang ba mthod/ /'di ni kun rdzob lta ba ste// grangs can 'gyur ba la sogs pa/ /bla ma'i zhal nas shes par bya/ /shes pa shes sgong dag pa dang/ /chos nyid stong pa lhun grub dang/ /nyi tshe'i stong pa la sogs pa'i/ /stong ba brgyad ni don dam gyi/ /lta ba yin par mu stegs smra/ /spyod pa mi'i mchod spyin stsogs/ /snying rje bral ba'i yin par 'dod// //nyan thos 'jug pa'i gang zag ni/ /rtag lta las log gang zag go /tshul khrims nyis brgya lnga bcu'i stsogs/ /bgrod pa'i lam ni rnam pa lnga/ /tshogs la stsogs pa gong ma bzhin/ / 'di dag mtshan nyid so so'o/ /'bras bu skyes bu zung bzhi dang/ /gang zag ya brgyad yin par gsung/ 'di'i lta ba rnam pa gnyis/ /'di ltar snang zhing grags pa kun/ /nyan thos rang sems 'khrul pa nyid/ /phra rab rtul tu rang sems snang/ /de ni kun rdzob lta ba ste/ /don dam stong pa bcu gnyis te/ /'di ni don dam lta ba'o/ /spyod pa khrus dang rtsar spra sogs/ /sbyangs ba'i yon tan bcu gnyis ?/ /so sor thar pa'i sbyong pa'o/ /rang rgyal 'jug pa'i gang zag gi/ /nyin thos sngon du so pa'o/ /bsrung ba go dang 'og ma dang/ /rten cing 'brel pa bcu gnyis so/ /lam yang thun mong yin par gsung/ /'bras bu bse ru lta bu dang/ /na tsho lta bur rig par bya/ /lta ba rnam pa gnyis yin te/ /ji ltar snang zhing grags pa kun/ /rten cing 'brel par gtogs pa dang/ /stong pa bcu drug rtogs pa'o/ /spyod pa nyan thos thun mong dang/ /thun mong min pa shes bar bya/ /rang sangs rgyas kyi bye brag go/ /de nas rnal 'byor spyod pa'i/ /'jug pa'i gang zag rang rgyal gyi/ /rten 'brel sngon du seng ?/ /bsrung ba lus dang dag dang yod/ /sdom pa gsum la gnas pa'o/ /lam ni tshogs lam la sogs lnga/ /khyad par lam du shes par bya/ /'bras bu byang chub sems dpa' o/ /lta ba shes rab rang gsal te/ /gzur pa med pas de 'dzin med/ /'di ni don dam lta ba ste/ /kun rdzob ji ltar snang ba 'di/ /rang gi sems nyid gyur par 'dod/ /sbyong pa byang chub sems dpa' i/ /pha rol phyin drug las sogs pa/ /de'i spyod pa yin par gsung/ /de dag rnal 'byor spyod pa'o/ // dbu ma'i 'jug pa'i gang zag ni/ /shes pa rang gsal rtogs pa'o/ /bsrung ba'i tshul khrims thun mong ste/ /gnyis ga lta bas khyad par 'phags/ /lam yang gang gi lnga nyid/ /mchog gi byang chub chos las stsogs/ /lam gyi mtshan nyid mkhas pas brtag / sa ni gsum dang bcu dang yang/ /bcu gcig bcu gsum rim pa yin/ /rang rgyal nyan thos mu stegs kyi/ /sa ni dgu ru shes par bya/ /sa'i mtshan nyid so so'o/ /dus ni skal pa grangs med gsum/ /dbang po la sogs tha ma yin/ / 'bring gis grangs med gnyis yin te/ /rab kyis grangs med cig gis so/ /skal pa cig? pa yis/ /dgu ru mkhas pas shes par bya/ /kri ya skye ba bcu gnyis dang/ /bcu drug dang ni nyi shu'i dus/ /dbang po rab 'bring rim pas dbye/ /yo ga skye ba brgyad dang ni/ /bcu dang bcu gnyis yin par gsungs/ /thabs kyi rgyud ni che gnyis te/ /shes rab tshe gcig yin par 'dod/ /gnyi ga'i rgyud ni gong 'og gi 'cha las mkhas pas shes par bya/ /rang rgyal grangs med lnga yin te/ /bdun dang dgu dang bcu gcig sogs/ /nyan thos dang ni mu stegs kyi/ /dus kyi nges pa yin par gsungs/ /tshogs kyi lam rtags bcu gnyis sogs/ /byang chub sems dpa' i rtags yin te/ /bgegs zhi rims nad zhi las sogs/ /kri ya'i rtags te thun mong gi /rtags rnams gong bzhin shes par bya/ /dril bu nam mkhar 'jog las sogs/ /yo ga'i rtags su 'dod pa yin/ /'jig rten mtshan ma brgyad las sogs/ /theg pa gong ma'i mtshan ma yin/ /nyan thos rtags ni lnga yin te/ /rang rgyal gong dang de nyid yin/ mu stegs rtags ni gsum dang lnga/ /'di dag sems kyi rtags yin te/ /rtags kyi sgo nas sa dang lam/ /sems kyi dag pa'i mtshan nyid rtogs/ /de ltar ma gyur grub mdza' 'am/ /theg pa gang yang yod ma yin/ /sems kyi de nyid ma rtogs pas/ /'bras bu tha snyad sangs rgyas so/ /lta ba gnyis med spros bral te/ /mdor na stong pa bco brgyad do/ /kun rdzob 'di ltar snang ba kun/ /sgyu ma lta bur 'dod pa yin/ /byang chub sems dpa' i chen po'o/ /pha rol phyin bcu la sogs pa/ /dbu ma pa'i spyod par 'dod/ / kri ya'i 'jug pa'i gang zag ni/ /dbu ma mdza' ru phyin pa'o/ /phyi khrus nang khrus las sogs pa'i/ /rig pa'i rtul shugs bcu gnyis te/ /'di ni bsrung ba'i tshul khrims yin/ /stan gding bdag bsrung la sogs nas/ /nad pa bsrung dang bkra shis sogs/ /kri ya lugs kyi lam lnga yin/ /yo ga'i tshul las shes par bya/ /sa ni bcu gnyis bcu gsum pa/ /kri ya yo ga'i sa ru 'dod/ /sems kyi bye brag ma rtogs pas/ /'bras bu ring ba'i sangs rgyas yin/ /sems nyid stong par rtogs pa'i/ /'di'i don dam lta ba ste/ /kun rdzob rigs gsum dkyil 'khor yin/ /kri ya'i rgyud las gsungs pa'i/ /spyod pa 'di'i spyod pa yin/ /yo ga la 'jug gang zag ni/ /kri ya rtogs pa'igang zag go /bsrung ba'i tshul khrims khrus bzhi dang/ /de bzhin gos gsum rje ba dang/ /rig pa'i rtul shugs bcu drug sogs/ /'di ni gsung ba'i tshul khrims so/ /lam ni rnam pa lnga yin te/ /lce la byin rlabs nas bzung nas/ /dkyil 'khor bsdu ba tshogs kyi lam/ /gzugs brnyan sbyor ba'i lam yin te/ //ye shes dbab pa mthong ba'i lam/ /'gro ba sbyang ba sgom pa'i lam/ /rten gyi rdo rje sems dpa' sogs/ /mthar phyin lam du shes par bya/ /lam lnga de dag re re la/ /sbyor ba bar chad med pa dang/ /rnam par grol dang khyad par gyi/ /lam bzhi'i rim pas shes par bya/ /'bras bu rtogs pas sangs rgyas te/ /sku bzhi ye shes bzhi las sogs/ /lta ba rang sems stong par rtogs/ /kun rdzob dkyil 'khor bzhi las sogs/ /spyod pa klog dang sa cha dang/ /sbyin sreg las sogs rim pa yin/ /thabs kyi 'jug pa'i gang zag kyang/ /rnal 'byor sngon tu song ba'o/ /bdud rtsi lnga las sogs pa ni/ /bsrung ba'i tshul khrims yin par 'dod/ /lam lnga lam ni nyi shu yang/ /rim pa lnga dang bsnyen bkur sogs/ /ci rigs pa ru shes par bya/ /sngags kyi sa la sogs pa'i/ /sa'i rim pa de bzhin no/ /'bras bu 'od gsal zung 'jug yin/ /lta ba rang sems dkyil 'khor lnga'i rim pa yin/ /spyod pa 'bu su ka las sogs/ /gsum du nges par shes par bya/ /thabs rnams sngon tu song ba de/ /shes rab 'jug pa'i gang zag yin/ /khyad par bdud rtsi lnga las sogs/ /'di'i bsrung ba'i tshul khrims yin/ /dbang bzhi bskyed rdzogs bye brag las/ /lam gyi rim pas shes par bya/ /'bras bu rang nyid ye shes te/ /sku lnga ye shes lnga sogs yin/ /kun gzhi ma skyes spros dang bral/ /rang rig ye shes gdod nas gsal/ /'di ni don dam lta ba ste/ /rgyud lnga dkyil 'khor lnga las sogs/ /kun rdzob lta bar bya bas na// lta ba'i ngo bo zhes bya la/ /de ltar rtogs pa'i shes rab ni/ /lta bar byed bas lta ba yin/ /'og ma kun la shes par bya/ /'bu su ku las sogs pa'i/ /khyad par spyod pa gsum yin no// //de ltar theg pa rim bcu 'di/ /'du shes bcu pa dgongs nas gsungs/ /'di ni mdor bsdus theg pa ste/ /de nas bye brag 'bring po yang/ /nyi shu rtsa bzhi drug cu ni/ /gzhan gyi sde pa'i theg pa yin/ /bzhi dang brgyad dang bco brgyad dag/ nyan thos kyi ni theg pa yin/ /rnal 'byor gnyis la dbu ma gsum/ /de bzhin gnyis su 'dod pa yin/ /kri ya gsum la yog bzhi/ /thabs la lnga ste shes rab la/ /bzhi dang bcu drug nyi shu sogs/ /'di dag theg pa'i bye brag ste/ /sems can 'du shes ji tsam pa/ /rang dang gzhan gyi grub pa'i mdza' / /theg pa'i mdza' la thug pa med/ /tshul khrims la sogs da bzhin no/ /de ltar theg pa'i rim bstan nas/ /bzhi pa mdzo'i bstan chos kyis/ /gong ma gong ma'i khyad par gyis/ /'og ma 'og ma sun yang dbyung/ /ji ltar 'jig rten grags pa 'di/ /gang du yang ni mi spyod cing/ /sgra dang tha snyad mi 'jug pa/ /de dag 'du shes dman pa ste/ /de dag chad ltas sun yang dbyung/ /byis pa blun po 'dir nyon cig /sgra dang gtang ka mi tshol min/ /'jig rten grag 'di yod med kyis/ /ma shi tshe la tshe tshol cig / shin de'i spyod yul min/ /mi shi thal pa bzhin song ste/ /slar 'tsho ba dag ga la srid/ /dper na mtsho'i 'khyag pa dang/ /nam mkha' i ni sprin bzhin tu/ /med par nges so byis pa rnams/ /chad lta ma yin don dam ni/ /nam yang yod pa ma yin no/ dngos por smra ba yod srid kyi/ /dngos po'i gnas thabs yod ma yin/ /rang sems 'khrul pa yod par snang/ /yod pa ma yin mi rtag min/ /dngos po'i mtshan nyid chad par 'dod/ /chad nas bde'o byis pa rnams/ /zhes pa chad lha'i rigs pa'o/ /de nas rtag par lta ba yis/ /dngos po chad pa ma yin te/ /rtag pa'i rang bzhin yin par nges/ /rtag pa bdag gi rang bzhin can/ /mi 'gyur skra rtse brgya'i char/ /dkar la 'tsher ba snying la gnas/ /snying gi bdag ni bye'u dra/ /bdag gi nyes legs rdzam? 'dra/ /? chag bye 'phung ji bzhin tu/ /bdag la dus gsum 'gyur ba med/ /de phyir mi las mi ru 'byung/ /dper na rtsa las rtswa 'byung bzhin/ /bdag las phyar dang dbang phyug sogs/ /'gyur ba las ni 'gro bar 'dod /chad na 'khor ba stong par 'gyur/ /mi rtag 'khor ba 'phel bar 'gyur/ /rtag pas 'khor ba 'phel 'grib med/ /'di ni rtag pa'i grub mdza' o/ /rig byed sde pa 'di ltar 'dod/ /rtag pa gzugs su yod ma yin/ /gzugs ni mi rtag chu bur 'dra/ /de'i phyir na bdag ma yin/ /rang sems 'khrul par bdag ltar snang/ /rang sems shel sgong dag pa la/ /bdag dang phya dang dbang phyug 'dod/ /'di ni dngos po'i de nyid pas/ /rtag pa'i gzugs 'or 'di la gnas so/ /gsang ba chen po'i sde pa ni/ /sems ni rtag pa ma yin te/ /sems kyi rang bzhin 'khrul pa'i phyir/ /bdag tu yang ni mi 'gyur ro/ /skye med 'od gsal nam mkha' i dang/ /bya rtsal bral ba'i lhun grub nyid/ /'di ni so so'i mtshan nyid pas/ /'di la gnas pa dam pa yin/ /byis pa rang sems 'khrul pa dag / shes pa shel sgong dag par snang/ /gsang ba chen po'i grub mdza' o/ /de nas nyan thos bye brag pa/ /ji ltar 'jig rten grags 'di la/ /bdag dang rtag pa yod ma yin/ /phyi na bdag med nang na med/ /bar la sogs la bdag med phyir// dngos po'i mtshan nyid rdul phran te/ /'byar ba dang ni bskor ba dang/ /bar med pa'i rim pa ste/ /bral ba'i rdzas rnams ji snyed pa/ /ldan pa'i rdzas rnams de snyed do/ /bye brag pa'i grub mdza' yin/ /de nas nyan thos mdo sde pa/ /phyi dang nang gi dngos po la/ / rdzas dang rdul phran yod ma yin/ /tha dad la sogs gnod phyir ro/ /ji ltar snang ba btags pa'i/ /rdzas kyi rang bzhin yin par 'dod/ /don dam stong pa so sor 'dod/ /rang sems 'khrul pa rdzas ltar snang/ /rdzas dang rdul phran ming yang med/ /mdo sde pa'i 'dod pa yin/ /de nas rang rgyal grub mdza' yang/ /phyi dang nang gi dngos po yang/ /btags dang rdzas kyi ming yang med/ /phyi nang rten 'brel ngo bo ste/ /'di ni dngos po'i mtshan nyid yin/ /don dam spyi'i stong par 'dod/ /rang rgyal ba'i 'dod pa'o/ /de nas rnal 'byor spyod pa yang/ /'di ltar snang zhing srid pa kun/ /rang gi sems kyi snang ba ste/ /dper na me dang snang ba bzhin/ /thams cad sems gyi sgyur pa las/ /rten 'brel? rang bzhin ming yang med/ /rang sems 'khrul pa rten 'brel ltar/ /snang ba rang rgyal 'khrul pa ste/ shes pa rang rig rang gsal ni/ /don dam tshul du 'dod pa dag /rnal 'byor spyod pa'i 'dod pa'o/ /de nas dbu ma'i 'dod pa yang/ /phyi nang kun rdzob sgyu ma ste/ /don dam phyi nang skye med stong/ /spros bral lhun gyis grub pa las/ /shes pa rang rig rang gsal ni/ /ming yang yod pa ma yin te/ /rang rig mi rung las sogs dang/ /sems ni 'khrul pa'i rang bzhin/ /gnod pa can gyi tshad ma mang/ /'di ni dbu ma'i 'dod pa yin/ //de nas kre ya'i grub mdza' yang/ /phyi dang nang du snang ba kun / rtog bcas rigs gsum ngo bor snang/ /don dam rang bzhin spros dang bral/ /kun rdzob sgyu mar snang ba'i/ /de la tha snyad tsam yang med/ /rang sems 'khrul pas sgyu mar snang/ /don du med de don ltar snang/ /snang ba dag pas rigs gsum snang/ /kri ya ba'i 'dod pa yin/ /de nas ya? ga'i grub mdza' yang/ /rtog bcas rigs gsum snang ba yang/ /rman pa yin phyir yod ma yin/ /rtog me dkyil 'khor bzhi'i ni/ /lha ru phyi nang dngos po snang/ /don dam skye med stong pa ste/ /yo ga pa'i 'dod pa'o// // de nas thabs kyi grub mdza' yang/ /rang las gzhan pa'i dkyil 'khor yang/ /gzhan pa'i phyir na rang ma yin/ /des ni snying po des mi len/ /rang gi phung po la sogs pa/ /lha ste phyi nang dngos por snang/ /'khrul gzhi las sogs rnam rtog las/ /'byung ba rtog phyir lha ma yin/ phud? sogs rang 'byung dkyil 'khor te/ /thabs des snying po len phyir ro/ /don dam 'od gsal stong pa yin// //de nas shes rab bla ma ni/ /phyi nang dngos po ma lus pa/ /ye nas dpa' o'i rang bzhin las/ /phung sogs lha'i dkyil 'khor gyi/ /tha snyad rang byung 'di la med/ /phung sogs yin phyir lha ma yin/ /de gnyis snang ba 'gal phyir ro/ /de ltar thabs kyi snang ba rman/ /de las shes rab don dam yang/ /de shig 'di ltar shes par bya/ /ji ltar 'jig rten grags te? nas/ /rnal 'byor spyod pa man cad ni/ /dngos por smra ba kho na ste/ /dbu ma nas bzung thabs kyi bar/ /dngos po stong ba skye med ni/ /rtogs pa ma yin shes pa min/ /stong pa 'am skye med 'dra bar rtogs/ /'dra pa'i phyir na dngos ma yin// kun gzhi ma yin phyi nang gi / gzugs sogs stong bar gang rtogs pa/ /de ni 'dra ba'i stong pa ste/ /dngos po'i stong pa de ma yin/ /rang rig ye shes ma yin phyir/ /phyi dang nang du snang ba yang/ /de dag gzhan pa ma yin te/ /kun gzhi kho na'i snang ba'i phyir// de dag kun gyi stong pa yang/ /kun gzhi kho na'i stong ba ste/ /cig gi stong nyid gang yin pa/ /de ni kun gyi stong nyid yin gcig gi snang ba gang yin pa/ /de ni kun gyi snang pa yin/ /de phyir 'khor dang mya ngan 'das/ /kun gzhi kho nar mi shes pa/ /de dag 'khrul par mkhas pas brtag / de ltar rang las gzhan pa'i/ /'khor dang mya ngan 'das pa med/ /rang gi lus ngag yid gsum las/ /lus ngag yid gsum mi brtan la/ /'gyur ba la sogs ngo bo la/ /gnyis po'i ngo bo de dag min/ / sems dang sems las byung ba las/ /sems las byung ba gnyis ma yin/ /nyi ma dang 'od yin phyir/ /sgo lnga'i rnam shes gnyis ma yin/ /rnam shes yin yang mi brtan phyir/ /yid kyi rnam shes gnyis ma yin/ /mi brtan rtogs bcas yin pa'i phyir/ /gnyid las sogs na med pa ste/ /med pa rgyu 'bras gnyis mi rung/ /dper na nam mkha' i me tog bzhin/ /nyon mongs yid kyang gnyis ma yin/ /mi brtan nyon mongs yin pa'i phyir/ /sa brgyad pa dang dgra bcom na/ /med ste khyim bya shi ba bzhin de ltar phyi dang nang nas ni/ /rang gi nyon mongs yid kyi bar/ /'khor ba'i ngo bor mi 'gyur bar/ /shes rab mtshon gyis legs gshags shing/ /man ngag brgyud pas shes par bya/ /'khor ba'i ngo bo gang yin pa/ /mya ngan 'das pa'i ngo bo yang de/ /'khor ba'i ngo bo kun gzhi ste/ /sa bcu skad cig tha ma'i bar/ /brten zhing lung tu ma bstan la/ /rnam rtog shes pa phra mo ni/ /de dag bag chags ngo bo ste/ /de gnas phyir na kun gzhi yin/ /kun gzhi kun gzhis stong pa las/ /kun gyi gzhan gyis stong pa min/ /'khor ba yongs su shes pa la/ /mya ngan 'das zhes de la bya/ /sems dang bag chags kun gzhi ni/ /'khor ba'i ming gi rnam grangs yin/ /gzhan kyi skye ba med min te/ /kun gzhi kun gzhing ma skyes pa/ /mya ngan 'das pa'i ngo bo ste/ /skye med stong pa'i 'od gsal te/ /sangs rgyas de bzhin gshegs pas sogs/ /mya ngan 'das pa'i rnam grangs yin/ /thog mar kun gzhi ma skyes pas/ /skye ba med ces de la btags/ /rang gis rang gi mtshon nyid shes/ /rtogs dang nyams su myong ba la/ /ye nas stong pa'i ngo bor shes/ /de la ye shes gsungs pa yin/ /me long ye shes las sogs dang/ /dngos su yod pa ma yin no/ /ma rig mun pa ye nas med/ /de'i phyir na 'od gsal yin/ /rang gsal rang rig yod ma yin/ /sprin med mkha' 'dra rnyog med chu/ /g.ya' med zer 'dra rang sems shes/ /rtogs dang nyams su myong ba la/ /de la sangs rgyas zhes gsungs kyi/ /ji ltar gsungs pa'i sangs rgyas ni/ /drang don yin gyi nges don min/ /kun gzhi'i rtogs pas sangs rgyas te/ /kun gzhi ci ta'i hUM la gnas/ /de nyid 'og mer gnas su nges/ /zhing khams dag pa drang don yin/ /chos nyid rang rig 'od gsal la/ /spyi dang rang gi mtshan nyid ste/ /spyi ni rigs dang man ngag gis/ /ji ltar gtan la phab pa la/ /dmigs shing mos pa byed pa ste/ /dper na dmus longs sems can la/ /nyi ma'i gtam byas mi mthong mang/ /nyi ma lta bar 'dod pa ste/ /dmigs kyi sgrib yogs ma bral bar/ /nyi ma mthong bar mi 'gyur ro/ /de bzhin rnam rtog ma bral bar/ /rang gi mtshan nyid rtogs ma yin/ /mdo ? kyi rnam shes kyis/ /dmigs pa'i chos nyid gang yin pa/ /chos nyid spyi'i rnam pa ste/ /tshogs dang sbyor ba mthong ba dang/ /sgom pa'i lam gyi bar tu ni/ /chos nyid spyi'i rnam pa las/ /rang gi mtshan nyid rtogs mi 'gyur/ /sa bcu'i dbang ? ma la/ /klog gi rnam pa skad cig mthong/ /mthar phyin lam du chos nyid kyi/ /rang gi mtshan nyid rtag tu rtogS/ /rang gi mtshan nyid rtogs pa na/ /sangs rgyas sa'i rtags rnams 'byung/ /dper na sman ni 'thungs pa las/ /nad rnams sel ba sman gyi rtags/ /chos nyid spyi la sems gnas na/ /tshogs kyi lam las sogs pa'i/ /rtags rnams so sor 'byung bas na/ /rtags kyi sgo nas rang sems la/ /sa dang lam gyi rim pas brtags/ /sa dang lam rtags ma skyes pa'i/ /shes pa de la sgro mi gdags/ /lam gang yang rung med pa ru/ /sems nyid rang gsal smra ba naM/ /pi lu rang pi tha ra/ /mu stegs sde pa'i grub mdza' yin/ /de ltar grub mdza' rnam bkod na/ /phyi nang snang ba'i 'jug kyang bsdu/ /ji ltar 'jig rten grags sde nas/ /shes rab rnal 'byor bla ma'i/ /bzhi pa spyi'i rnam pa'i bar/ /thams cad mkhyen par snang bas na/ /brtags pa kho nar snang pa ste/ /rang sems ngal zhing dub pa la/ /re shig dbugs dbyung ste gnas sa/ /dper na chu'i dngos po la/ /lha dang mi dang dud 'gro dang/ /dmyal ba dang ni yi dags kyis/ /dngos cig snang ba tha dad par/ /gang yang ma grub snang ba bzhin/ /snang ba ma grub pa ru brtag/ /blta ba'i me long bzhi'? ba'i mdzod/ /gzhon pa'i glang chen la sogs 'dra/ /bdag gis bstan bcos 'di brtsams pas/ /'gro bas 'di don rtags par shog/ /gsang ba'i mdzod ces bya ba/ 'gu ru mtsho skyes rdo rjes mdzad pa rdzogs so// //paN Di ta gnya' na sh+ri dang/ dge slong shaka kya 'od kyis bsgyur ba'o/ / bkra shis// //*/ /dpal dgyes pa rdo rje'i gtor ma'i cho ga bzhugs// / * / /dpal dgyes pa'i rdo rje la phyag 'tshal lo/ /dpal ldan gnyis med ye shes la/ /kun nas dang bas phyag 'tshal te/ /thun mong mchog gi dngos grub dang/

CLOSE WINDOW