བོད་ཡིག

e-texts based on the ACIP/ALL Input

/ //phag mo skor gsum bzhugs so/ /*/ /aoM a tha/ rgya gar skad du/ badzra bA ra hi artstsa naM sad+ha na/ bod skad du/ rdo rje phag mo mchod pa'i sgrub thabs/ rdo rje phag mol phyag 'tshal lo/ /rdo rje rdo rje dpal lha mo/ /rdo rje'i bu mo bA rA tI/ /khyod la phyag 'tshal gus pas 'dud/ /bdag gi sems la khyod bstan mdzod/ /sgrub pa po dbang bskur ba thob cing/ dam tshig dang ldan pas/ rdo rje phag mo'i mchod pa brtsam par bya ste/ de la ye shes 'pho ba'i gnang bskob bas sngon du bsnyen pa bya'o/ /dang por khrus byas rdo rje yi/ /yi ge srung ba ched dang bcas/ /bde bar gshegs sogs spyan drangs la/ /yan lag bdun gyi mchod pa brtsams/ /aoM shU n+ya ta dz+nyA na badzra na badzra swA b+ha ba At+ma konyahaM/ chos dbyings e dang sna tshogs pa'i/ /chu skyes bdung ba'i dbus gnas pa/ /mdog bzang yi dags mig gsum pa'o/ /steng phyogs baM gyi 'od 'phro ba/ /de las dpal rdo rje phag mo me ltar 'bar zhing/ spyan gsum gyen du gzigs pa/ gri gug dang thod pa bdud rtsis gang ba bsnams pa/ khro gnyid rim par gtsigs shing mche ba gtsigs pa/ g.yas pa phag gi gdong ni mi gdug pa'o/ /nu ma rgyas shing lang tshe la bab pa/ 'dod chags chen po kha TwAM ga dang 'dus pas bde brgyas pa/ g.yon brkyang ba'i gang dang ldan pa/ rus pa'i phyag rgya dang mgo bo'i phreng ba dang/ thod pa'i cod phan dang dar dbyangs bcings pa/ phag mo la sogs pas bskor ba'o/ /de dag thams cad keng rus kyi gnas la gnas pa/ 'phrog byed gsol ka drag pos bstod/ /mes po mig stong rnga yab gdugs/ /ro langs gar mkhan ce spyad rnams/ /glu len zhal zas dur khrod na/ /mkha' lding gnod sbyin rig 'dzin dang/ /ma mo rnams kyis brjid par byed/ /ma bskyod la sogs dbu rgyan ni/ /rnal 'byor pa yis rab tu brtag /rkang pa mnan cing gyen du lta/ /steng du phaiM gyi sgra grags pas// phyogs bcu'i 'jig rten khams bzhugs pa'i/ /dpa' bo rnal 'byor ma rnams dgug /'dzub mo 'dud sogs phyag rgya dang/ /dza hUM baM ho gnyis med gyur/ /aoM baM haM aoM h+ri moM h+reM h+riM hUM hUM phaT phaT/ 'dod yon thim pa'i lha mo rnams/ /mchod par bcas pa gnyis med gyur/ /sa bon sngags dang 'khyil ba dang/ /snying po rnam gsum sbyar bar bya/ /de ltar lte ba las byung ba/ /glog dang 'od zer rnam lnga ni/ /khu ba dang ni ze'u 'bru g.yo?/ /a ba d+hU te gang bar lta/ /aoM aoM aoM sarba bud d+ha DA ki nI ye badzra bar+Na nI ye/ badzra bi ro tsa nI ye hUM hUM hUM phaT phaT phaT swAhA/ re zhig snying gar 'phreng ba bkod/ /phyi nas ngag gi bzlas pa spangs/ /rlung 'joms de bzhin sems med pas/ /mchog tu bde ba thob par 'gyur/ /thim pa yis ni thim pa dang/ /brtan pa yis ni brtan pa dang/ spro ba yis kyang spros byas nas/ /sems can don la 'jug par bya/ /de ltar zla ba drug dgan/ /spu ldang bde ba bla med 'gyur/ /de nas zla ba yar ngo dang/ /mar ngo yi yang bcu dag la/ /bla med mchod pa yang dag bya/ /dben pa dag tu dkyil 'khor ni/ /sgrub bya dang por lag gi song/ /byin rlabs lha ni rab bsgrubs la/ /dkyil 'khor me tog maM sa dang/ /chang gis rab tu mchod bya ba/ /rang ming rdo rje gsum sngags kyis/ /de nas yang ni bstod pa bya/ /mda' ri ro yis mchod dngos grug /yang yang blang bya de nas gshegs/ /sha chang bza' ba'i gtor ma gang/ /pad+ma'i snod nang rdzas bcu po/ /ye shes ye shes bdud rtsir gyur/ /aoM A:hUM brjod rang sngags kyis/ /lan bdun phul nas mchod pa bya/ /de nas phyi rol bzhi mdo 'am/ /yang na dur khrod sogs song nas/ /sha chang sgog bcas khrag gis ni/ /drag mo rigs kyi mkha' 'gro dang/ /'byung bo kun la gtor ma ni/ /rnal 'byor ma rgyud las gsungs pa'o/ /yang ni phyogs bzhir sreg blugs ni/ /stong phrag brgya dang bdun cu dbul/ /bum pa lha mo bzlas byed la/ /mchod nas bzod pa bya dang de/ /dag byed bdud rtsi mchod nyid la/ /b+ha ga bum pa nyid gyur cing/ /lha mo yang ni bdud rtsir gyur/ /lha sku sngags kyis byin brlabs pa/ /yi ge 'od lnga'i khu ba rnams/ /'phung zhing tshon rtsi'i thig les bde/ /dga' chen bzhi la rnam gnas pa/ /spyi po rkang pa lte bar gzhug / 'od zer gyis ni snang ba kun/ /thim pas rdo rje'i lha nyid bsgom/ /sngags dang ting 'dzin lhur len bya/ /de ltar lan bdun bsgrub pas ni/ /bsod nams chung duAng 'grub par 'gyur/ /phra mos las kyi cho ga 'ga' / /de nas da ni phyogs tsam smos/ /ting 'dzin 'khor lo bya ba ni/ /baM yig las byung mchod byas nas/ /rigs sngags 'bum du bzlas pa bya/ /brtan byas gang la rtags gyur pa/ /'byung po ro langs yi dagS dang/ /sha za yis kyang mthong mi 'gyur/ /'khrul 'khor drag po 'jigs dud? pa/ /lha rnams sregs blugs dam pa ni/ /stong phrag brgyad kyis dges par bya/ /de nas me yis grong khyer dang/ /klu yi gnas su phur bu btab/ /rgya skyegs ri lu bdun gyis ni/ /zla ba bdun gyis gsod par 'gyur/ /gdol pa seng+ge khra sogs kyis// sangs rgyas 'dzems pa de bas de/ /mgrin pa mnan cing rdo rje yis/ /dral zhing dral nas 'thung bar bya/ /rdo rje 'dzin pa'ang 'jigs 'gyur na/ /mi dbang lo ni gdon mi za/ /phyir zlog sngags dang lha yi chu la/ /rtsibs drug rtsibs bcu de dag la/ /dpal ldan phag mo go cha drug / klag ma/ ? spyod d+hu? ?/ /ye shes dang dbang bzlas pa bya/ /sarba duSh+TaM staM b+ha ya pra tyaM gIr? h+rI:rang sngags sbyor ba 'di yis ni/ /sngags dang 'khrul 'khor rnam par 'jig /rang sngags rak+Sha spel ba cho ga bzhin/ /rdul gyi ras la ke sar gur gum gyis/ /de bzhin tsan dan dmar pos bris byas la/ /mchod pa sgrub bya 'di ni srung ba che/ /gzhan yang mchod pa rnam pa mang po yis/ /lha mo dgyes nas rnal 'byor rnal 'byor ma/ /bcu gnyis bla mar bcas la mchod pa brtsams/ /rang sngags rnal 'byor rnam pa gnyis sgrubs nas/ /yo byad bsgrubs nas dang por slob dpon dang/ /lha la mchod nas dpa' bo sogs la phul/ /rnam rtog med pas rdo rje sems 'dra ba/ /de dag rnams kyis ma hA b+hai ra ba/ /mchod nas lha dang lha mos rnam par spyad/ /brda dang glu gar kun d+hu ra mchod pa/ /ting 'dzin bcas pa'i nang gi sregs blugs bya/ /de nas ma mo dgu dang 'byung po dang/ /sha za mtshan mo rgyu ba'i ston mo bya/ /sleb dpon gyis ni byin rlabs de la sbyin/ /skye rengs dus su 'od gsal la gnas pas/ /ma lus rdo rje 'dzin pa rab grub 'gyur/ /rdo rje phag mo 'dir mchod pa'i/ /tshul 'di mdo tsam bdag gis ni/ /sbyar ba yis yang sems can rnams/ /sangs rgyas kun gyi yul du gyur/ /bA rA hI mchod pa'i sgrub thab zhes bya ba gnyis su med pa'i ye shes rdo rje'i zhal sngas mdzad pa'o/ / //'di bris pa'i dge bas sems can thams cad bde ba chen por gyur cig/ //rdon pa'i man ngag /*/ /rgya gar skad du/ luDd+ha? ko pa de sha/ bod skad du/ rngon pa'i man ngag /rdo rje 'chang la phyag 'tshal lo/

CLOSE WINDOW