བོད་ཡིག

e-texts based on the ACIP/ALL Input

mi bcos su mi rung ba rnams bcos shing don la ston pa nyid du gtan la phab pa'o// //rdo rje phag mo'i bstod pa rim pa gnyis pa dge /*/ /rgya gar skad du/ kra ma dwa yaM badzra bA rA hI ste h+raM/ bod skad du/ rdo rje phag mo'i bstod pa rim pa gnyis pa/ rdo rje btsun mo la phyag 'tshal lo/ /he ru ka dpal mchog tu rab dgyes pa'i/ /'o mtsho yid 'ong zla ba'i 'od byed ma/ /'gyur med rnam sgeg lha mo yi/ /lhun grub dpal gyi bdag la skyong gyur cig / lha dang lha min gtsug gi nor bu yi/ /'od zer tshogs rnams bstan ba'i phreng ba yis/ /khyod zhabs chu skyes la ni nyer mchod pa'i/ /dbang phyug mdzes mas bka' drin rab tu stsol/ /'jig rten gsum gyi dbang phyug rab stsol bas/ /mchog tu gsal bar gar mdzad zhabs sen ni/ /'jam mnyan sor mo la mdzes rtag pa ru/ /dgyes pas bdag gi spyi bor bzhag du gsol/ /rab gsal dri med dkyus ring spyan dag dang/ /snyan cha phyogs su 'khrol zhing 'dzum zhal can/ /chu skyes dmar po'i mdangs gsal yuM/ gyi gdong/ /bdag gi mig la mngon sum mthong ba stsol/ /bdud bzhi'i khrag gis yongs gang ka pA la/ /rab dkar phyag g.yon pad+ma la chags pa/ /yongs rdzogs nyi ma'i dkyil 'khor gnyis kyi dbus/ /zla ba gzhon nu zhugs ba lta bur mdzes/ /lha rnams la ni khyed cag thogS med kyi/ /blo ngan rnam par 'joms shes dbugs dbyung phyir/ /g.yas pa phyar pa'i gri gug gyen phyogs par/ /'dzin mkhas khyod ni 'gro ba'i ma ma'o/ /rab dmar byi ru'i phung po mngon mtho ba/ /mu tig phreng bas yongs su dkris pa bzhin/ / phyag rgya lnga yis sku la rab brgyan cing/ /nu 'bur rgyas pa do shal 'od kyis mdzes/ /kun tu 'gro ba'i sdig pa mun pa'i dpung/ /'joms shing 'phro bas phyogs bcu kun khyab pa'i/ /'od zer tshogs rnams khyod kyis yongs 'dzin pa/ /ma lus 'gro ba bsgral pa'i ched du lags/ /gru mo'i kha TwaM rtser son thod pa ni/ /'ching grol bral las rdo rje'i gdan thob ces/ /phreng bar brgyus pa'i mgo rnams dbugs btang nas/ /lha mor mkhyud pas do shal byas pa bzhin/ /gan rgyal bsgyel ba'i mi ro'i zhabs 'og na/ /khyod la gyen? du phyogs par blta pa 'di/ /skyabs gzhan bral ba bdag la'ang khyed kyi 'od/ /bdag 'dra'i mgon du gyur ces gnas pa snyam /me tog chun po rnams ni cher gnag pa'i/ /dbu skra sil bur 'phyang la ci ltar btags/ /ngo tsha mchog dang sna tshogs dang 'chad na/ /gcer pu'i cha lugs dag gis bsnyims pa lci/ /rnam mang rin chen tshogs kyis bkra ba yi/ /mdangs ldan gser gyi rgyan cha spangs nas khyod/ /rgyan mchog mi yi rus pa las bzhed na/ /dgyes phyir rin chen 'bul 'di ji ltar 'gyur/ /khyod zhal mngon par ming 'ong gyur nas ko/ ras khros phag? zhal g.yas su ston 'di gang/ /khyod sku rnam par sgeg pa'i tshul 'dzin na/ /gcer pu ngo tsha bral 'dra 'di ci zhig /khyod kyi spyod yul 'jig rten las 'das shing/ /rnam lnga'i dbang po bde bas brgyal de'i phyir/ / stong par gyur kyang khyod kyis gnam ma lags/ /de slad bdag gi stong tshul ci 'drar 'gyur/ /thog med ma rig mun pas tsal? ba yi/ /sgron ma g.yo med rab tu spang ba'i phyir/ /bsam gyi mi khyab gzugs can gsang ba yi/ /chos 'byung snying po'i ze'u 'brur gnas pa khyod/ /rdo rje chu skyes sbyor pa'i las kyis ni/ /rang gnas las bskyod lhun po'i khyim dag tu/ /rtsol med 'bar pa'i glog gi 'khor lo gsum/ /bcom las rnam rtog klong 'khor tshogs zhi la/ /'dod ma khyod kyi spyan sngar bkod pa yi/ /mchod pa'i rgyan la mi gzigs rol mo'i sgra/ /mi bsan dri bzang mi snom bdud rtsi'i bcud/ /myang dang reg la'ang reg mi mdzad a ye/ /de ni rang gi rje btsun nyid la khyod/ /rjes su chags pa'i bzhan dbang gyur las te/ /nga? phyir khyod bsgoms pa las stong pa nyid/ /'bras bur bdag gi skye ba 'bras bur bcas/ /lhun po'i rtser son pad+ma'i rnal ma ltar/ /phra ba'i sku yi 'od zer dus mdza' i mes/ /kun tu dbang po 'jug pa'i nags gsregs nas/ /ri dbang spo la mngon par phebs bzhin gnas/ /rab 'bar rtse mo can gyis rgyu skar gyi/ /bdag po bzhu ba las bab bdud rtsi'i char/ /blugs gtor rgyun gyis rnam rtog bag chags bcas/ /ding? don bde chen zab mo'i rgya mtshor thim/ /dmigs med thugs rje can khyod yid bzhin gyi/ /nor bu dpag bsam shing ltar rim dbang las/ /lus can kun la rtag tu 'bad med par/ /dga' dang dpal dang rtag bde sbyin par mdzad/ /skye 'jig dang bral chung ngu chen po dang/ /phyin ci log 'das shes rab thabs dag las/ /rtag tu dka' ba dam pa rab 'bar bas/ /bdag gis nyon mongs shes bya'i sgrib pa chom/ /rnams mar gya gyu'i dang chul ldem po can/ /chom rkun lta bur rnam pa mang po'i don/ /nye ba len cing yul rnams za byed pa/ /de phyir sems la ci slad rmongs mi bgyid/ /'on kyang 'gro spyod kun spangs stong nyid kyi/ /khyim du ci dgar zhugs las bde ba che'i/ /mchog gi rol khyod ni rol gyur pa/ /em? 'o sems 'di'i nye len mi lags sam/ /gang tshe steng du song bas rnam gsum gyi/ /'khor lo kun bsregs bde ba chen po ni/ /bzhu zhing bkug las spros pa med pa yi/ /lha mo rang gi gnas la yongs su zhugs/ /de tshe rlung 'di'i rgyu ba gang du byed/ /dbang po phyin ci log pa'ang gang du 'gyur/ /kun nas gya gyu'i sems ni gang du g.yo/ /yul la longs spyod tshul kyang gang du 'gyur bgo ba dang bral mi nus rgyan du byas/ /rol gnas shing thed ba'i snod 'chang ba/ /dngos po bral bas stong par zhugs de'i phyir/ /mi 'chi las gzhin 'byed la dngos ci blang/ /'on tang 'gro kun skye shi'i 'jigs pa ni/ /'joms shing skyong ba'i dam bcas bsnyems ma ? / bdag kyan rnal 'byor che la shes rab thabs/ /brtan las phyag rgya chen pa'i dngos grub stsol/ /khyod la dad pas stod par rab brtson la/ /blo dman bdag gis nongs sam nyes med srid/ /gang phyir khyod nyid 'go ba'i mgon gyur slad/ /nongs na'ang mchog gis las bzod par rigs/ /khyod la bstod pa'i dge ba dri med gang zhig gi /bdag gis thob pa de yis srog chags phung po rnams/ /mi dman rab dga' i dga' bas rtag tu snying btams nas/ /phyag rgya chen po'i dngos grub dam pa rnyed gyur cig /rdo rje phag mo'i bstong pa rim pa gnyis pa zhes bya ba/ rdo rje btsun mo 'di nyid kyis mngon sum du byin gyis brlabs pa'i grub pa'i dbang phyugs rgya gar shar phyogs kyi paN+Di ta chen po sh+rI ba na ratna'i zhabs kyis mdzad pa rdzog sho// //paN+Di ta chen po de nyid dang/ chos 'khor lots+tsha ba 'jam dpal ye shes kyis 'bras yul nor bu'i gling du bsgyur pa las/ phyis mi 'phrogs pa'i mkhyen pa dang dad pa rnam par dkar pa'i lugs gnyis kyi dbang phyug dam pa a mo g+ha sid+d+his bka' gnad pa las/ paN+Di ta chen po de nyid kyi bka' drin gyis 'tsho ba'i dge slong chos smra brgya mtsho'i sde zhes bya bas mi bcos su mi rung ba rnams bcos shing don la ston pa nyid du gtan la phab pa 'di ni/ lho phyogs kyi ri bo'i brgyud rin po che'i gling bskal bzang dga' ba'i tshal zhes bya ba'i mdun sa dam par grub par bgyis pa/ / //phag mo skor gsum bzhugs so/ /*/ /aoM a tha/ rgya gar skad du/ badzra bA ra hi artstsa naM sad+ha na/ bod skad du/ rdo rje phag mo mchod pa'i sgrub thabs/ rdo rje phag mol phyag 'tshal lo/

CLOSE WINDOW