བོད་ཡིག

e-texts based on the ACIP/ALL Input

/ grub pa'i dbang phyug// rgya gar skad du/ sh+ri badzra yo gi ni swa d+ha nA ma/ bod skad du/ rdo lots+tsha pa'i mtshan rje rnal 'byor ma'i sgrub thabs/ dpal rdo rje mkha' 'gro ma phyag 'tshal lo/ /dang por re shig sngags pa yis/ /bde ba'i stan la nyer 'dug nas/ /dang po byang chub sems bskyed nas/ /sems can kun la khyad par bsgom/ /skad cig gis ni snang ba las/ /pad+ma nyi ma'i gdan stengs su/ /dpal ldan rdo rje Da ki ma/ /phyag mtshan la sogs rdzogs nas ni/ /skad cig tsam las bsaM par bya/ /lte ba'i sa bon las byung ba'i/ /'od kyis gdod nas grub pa yi/ /lha mo spyan drangs mchod par bya/ /bdun pa yongs su rdzogs par bya/ /bzod bar gsol nas gshegs su gsol/ /skad cig gis ni stong pa nyid/ /rnam par dag pa'i ngo bor bsam// stong ba'i ngang las pad+ma dang/ zla ba'i dbus su gnas pa yi/ /baM dmar sa bon bsam bar bya/ /de las 'od 'bros sems can don/ /byas te phyogs bcu'i dpa' bo dang/ /DA ki thams cad mnyes gyur ba'i/ /bde gshegs nus ba dpag med ba'i/ /byin brlabs bkug ste gnas byas bas/ /slar 'dus brtan g.yo gnas gyur nas/ /'od phyung yongs su gyur pa las/ /bdag nyid rdo rje rnal 'byor ma/ /zhal gcig phyag gnyis sku mdog dmar/ /li khri lta bur dmar ba nyid/ /rtsa ba'i zhal ni seng+ge'i gdong/ /dkar la mtsher ba khro tshul can/ /? ba gtsigs pa smar can/ /dbu skra mthon thing thur du bral/ /g.yas na rdo rje gri gug dang/ /Da ma ru dang bcas pa bsnams/ /g.yon pa thod pa khrag bkang dang/ /mchan khung kha TwaM kha ni bsnams/ /skyil krung phyed bzhugs gar stabs can/ /dus mtshan mnan cing pheM pheM sgrogs/ /hUM hUM drag po'i rang sgra can/ /thod ba skam po lnga yis ni/ /dbu rgyan rlon pa'i do shal byas/ /phyag rgya lnga yis sku la brgyan/ /cod pan dar dpyangs dag gis mdzes/ /sku la me'i 'od 'phro zhing/ /rdo rje Da ki dmar mo dang/ /pad+ma gsung gi DA ki dang/ /yang dag thugs kyi DA ki dang/ /yon tan rgyas pa'i DA ki ni/ /phrin las sna tshogs DA ki ma'o/ /rims kyis DA ki de rnams kyang/ /mkha' la spyod dangs la spyod/ /sa 'og spyod pa thams cad dang/ /dur khrod gnas rnams dag tu rol/ /skad cig gcig gis khyab par bsam/ /ye shes sems dpa' rang 'dra yi/ /lha mo spyan drangs bstim bar bya/ /de nas dbang bskur rgyas gdab bya/ /mchod bstong dam tshig bzlas pa ni/ /steng 'og bar snang stong pa e/ /chos 'byung gru gsum dbus su bsam pa ni/ /g.yung dung 'khyil ba dmar ba ni// lte bar baM gnas d+hu tI yin rim bzhin drag tu 'khor ba las/ /sku gsung thugs dang bde chen dang/ /bla na med pa'i bde chen skye/ /aoM sh+rI badzra yo gi ni si na ra ma hUM phaT/ gsang ba'i rim pa 'di nyid de/ /bla na med pa mchog gi lam/ /mthar ni bzlas pa sna tshogs bya/ /skyon rim pa bstus nas ni/ /baM? la thim zhing stong par bsam/ /des ni mchog gi go 'phang thob/ /pho rgyud pho rlung thabs kyi ste/ /mo rlung shes rab bla ma'i rgyud/ /gnyis med ma ning ye shes rlung/ /zung 'jug bsgoms pas bde chen 'thob/ /rtsa rlung byang sems gdam ngag ni/ /rnam shes stong pa zung 'jug phyag rgya che/ /chos rnams sgyu ma bde mchog stod mthong na/ /zag bcas dngos po'i tshogs rnams rtog par 'gyur/ /sgyu ma stong pa'i dngos po sna tshogs kun/ /dbu ma'i dang du thig le gcig tu gsal/ /rmi lam chos nyid snang ba'i ye shes nyid/ /rig pa skye med ye shes lhan cig skyes/ /'od gsal ma lus d+hu ti'i nang du thim/ /rnam shes lus kyi ngo bo gsal zhing stong/ /rig pa sems kyi rnam shes stong la bden/ /dbyer med zung 'jug stong bar phyag rgya che/ /'od gsal sgyu ma'i rang bzhin ? med cing yang snang/ /DA ka sgyu ma'i gar mkhan nyid/ /rang sems sprul pa cing yang ston/ /'dus byas rdzas rnams DA ki mchod pa'i rten/ /'dod yon sna tshogs DA ki longs spyod byed/ /'byung ba'i snang ba gtor chen bo nyid/ /yul snang sgyu mar byin gyis rlobS? ngo snyoms spyod pas chags sdang 'khri ba mchod/ /las kyi phyag rgya bde ba'i lam byed pa/ /thabs dang shes rab sbyor bas rtog med 'grub/ /chos kyi phyag rgya 'od rig thabs dang ldan/ /rang lus bde bar gyur pas mchog gi lam/ /snang stong dbyer med 'od gsal phyag rgya che/ /rlung nyid mas 'jug bde ba yas 'dren pa'o/ /sku gsum dbyer med 'bras bu gsang ba'i lam/ /thig le bde chen dam tshig phyag rgya 'di/ /'gyur med 'chi 'pho med pa'i bde chen yin/ rtog pa rang sar grol na chos kyi lam/ /gzhan lus lam du slongs na bde chen thob/ /zung 'jug byang chub sems kyi ngo bo nyid/ /thams cad ngo bo nyid du chos skur 'char ba'o/ /dpal rdo rje DA ki ma'i gsang ba'i bsgrub thabs/ /slob dpon sing g+ha la pa'i gdams pa/ a tsanyA? dmar po zhabs kyis gnang ba/ mkhas pa rgya'i thugs dam/ zhig po bde 'bar la brgyud pa /sa ma ya tha mi ti// //rgya gar skad du/ Sha Da yo gi ni sa d+ha na/ bod skad du/ rnal 'byor ma drug gi sgrubS pa'i thabs/ rdo rje phag mo la phyag 'tshal lo/ /rigs drug gis ni rang bzhin dang/ /ye shes drug gi ngo bo nyid/

CLOSE WINDOW