བོད་ཡིག

e-texts based on the ACIP/ALL Input

bcom ldan 'das 'phags pa spyan ras gzigs dbang phyug pa phyag 'tshal lo/ /mi mnyam dang mnyam bde chen byang chub che phyogs sum cu rtsa bdun chos/ /rang bzhin lus la gnas pa'i rtsa'i 'khor lo bzhi'i dngos/ /ma bcu gnyis dang gsal byed sum cu rtsa bzhis rnam par brgyan/ /sku gsung thugs kyi 'khor lo'i dbye bas phye ba gnas pa'i gnas la stsogs/ /sa'i dbang phyug kun 'gro kun snying nam mkha' i dbus gyur mchog zhi ba/ /he ru ka dpal mchog tu mya ngan 'das pa de nyid dngos/ /ba san ti la ka spros rab gsal nye bar mkho ba'i mdo/ /rang dang gzhan don dge ba sku gsum rab tu rgyas par ni/ /bsags pa rtsa'i 'khor lo 'gro ba'i mgon la phyag 'tshal lo/ /dpal ldan rdo rje mkha' 'gro ma'i/ /rang gi lus la gnas dngos grub/ /shin tu nyung ma dga' rnams kyis/ / gsal bar rtogs par bya ba'i phyir/ /rnal 'byor gnas las byung ba'i/ /phyi dang nang du bcas pa'i tshul/ /'khor lo sdom pa'i rim pa las/ /ba san ti la ka bshad bya/ /bcos ma'i sbyin bsreg las dang ni/ /bcos ma'i dkyil 'khor spangs par bya/ /bcos ma yis ni bsgoM pa dang/ /bcos ma'i bzlas brjod de bzhin te/ /de la sogs pa'i bcos ma kun/ /rnal ma'i sbyor ba'i tshul la min/ /rang bzhin rtogs par bya ba'i phyir/ /phyi rol bcos ma rab tu sbyar/ /rang bzhin rtogs par gyur nas ni/ /phyi rol bya ba dogs pa med/ /dper na pha rol don gnyer 'ga' / / gzings la brten nas 'gro byed de/ /pha rol phyin nas 'dor bar byed/ /phyi rol bya byed de bzhin no/ /bcos ma yi ni blo can la/ /las rgyas pa'i rgyud dag las/ /dngos mchog rig pa'i rgyal ba yis/ /dkyil 'khor la sogs las rnams gang/ /de dag gsal bar ldan mdzad ba/ /thams cad legs dang legs min gzung/ /ji ltar sgra rnams shes bya'i phyir/ /de'i bstan bcos drang srong byas/ /las kyi rjes 'gro skyes bu yis/ /phyi rol bya byed de bzhin no/ /'bad pas nyon mongs kun bslangs nas/ /rang gi sems ni 'tsher byed/ /de phyir dkyil 'khor rtsogs cho ga / bya ba'i 'bad pa thams cad ni/ /rnam par thar par mi 'gyur zhing/ /mchog tu nyon mongs rgyu ru zad/ mi rtog pa las sangs mi rgya/ /de bzhin rtog dang pa'i tshul gyis su/ /shin tu rnam dag spongs shes na/ /brnag pa can ni de nyid 'gyur/ rang bzhin nyid ni bya bas ste/ /byed pa po yang rang bzhin nyid/ /bya ba byed por rnam phye na/ /dngos po'i rang bzhin nyid spangs 'gyur/ /rnam pa'i ni dbye ba kun/ thog mdza' med pa'i tshul gyis su/ /rgya mtshor rin chen rnams ji bzhin/ /rang bzhin nyid la yang dag gnas/ /'jig rten rtag tu tha snyad de/ /'jig rten las 'das de dang 'gal/ /yod pa'am ni med nyid kyis/ /rang bzhin rtogs par nus ma yin/ /de nyid kyis ni sangs rgyas shing/ /de nyid kyis ni 'joms zhes bya/ /rnal ma'i lam la brten nas ni/ /thams cad byas kyang rnam par grol/ /ba san ta til ka las/ /bcos ma'i dkyil 'khor dang sbyin bsreg dang/ mchod sbyin dang/ bzlas brjod dang/ bsgom pa la sogs pa'i cho ga dang/ gzung ba dang 'dzin pa'i dngos po las mngon par zhen pa'i rnam par gcod pa sngon du 'gro ba rnal ma zhes bya ba nges par bstan pa ste dang po'o/ / //de nas gzhan yang mdor bstan pa dang/ rgyas par bstan pa la sogs pa'i tshul du gsungs pa'i rgyud kyi bdag nyid / phung po dang khams dang skye mched kyi rang bzhin / lus can rnams kyi lus ji lta ba bzhin du lha'i rang bzhin du bstan par bya ste/ gzugs ni sangs rgyas rnam snang mdzad/ /tshor ba rdo rje nyi ma ni/ /'du shes pad+ma gar dbang phyug /'du byed rdo rje rgyal po'o/ /rnam shes rdo rje sems dpa' ste/ /thams cad rang bzhin he ru ka /'dren byed rdo rje gti mug ste// nyan byed zhe sdang rdo rjer brjod/ /snom pa phrag dog rdo rjer brjod/ /lce ni 'dod chags rdo rjer brjod/ /lus ni ser sna rdo rje'o/ /de dag sbom po'i lha lnga yin/ /skye mched khams rnams thams cad ni/ /dbang phyug che mchog he ru ka /sa'i khams ni ltung byed ma/ /chu'i khams ni gsor byed brjod/ /me'i khams ni 'gugs byed ma/ /rlung ni gar gyi dbang phyug brjod/ /rab tu brtan pa nam mkha' i khams/ /pad+ma'i dra ba can du bstan/ /'di ni lus can rnams kyi lus/ /phung po la sogs lha bdag nyid/ /bde dang sdug bsngal de bzhin las/ /nyon mongs la sogs skye ba nyid/ /skye dang 'jig pa la brten nas/ /srid dang mya ngan 'das thob pa'o// // bsan ta til ka las/ phung po dang/ khams dang/ skye mched de bzhin gshegs pa'i skur ji ltar gnas pa'i rnam par snang mdzad la sogs pa'i lha rnams kyi rang bzhin du nges par bstan pa ste gnyis pa'o// //de nas gzhan yang de bzhin gshegs pa'i sku la sku dang gsung thugs su gyur pa'i ma dang/ 'bring dang rab kyi dbye bas sgo'i dbye ba bshad par bya ste/ ka ba gcig dang sgo dgu ste/ /ragS pa lnga ni lhag pa'i lha/ /bu ga dgu'i lam dag ni/ /sgo dgu zhes ni bya bar grags/ /sbom po'i lha ni rnam sprul pa/ /lus kyi sgo ni tha ma yin/ /me dang de bzhin rlung dang ni/ /dbang chen sa dang de bzhin chu/ /'khor lo'i sems ni 'pho ba ste/ /steng dang logs dang thad ka 'og /de ltar gzhan ni rnam pa bzhi dag gi sgo ste 'bring por bshad/ /gsum pa yid kyi sgo yin te/ /zla ba nyi ma'i bye brag gis/ /'jug pa dang ni 'byung ba nyid/ /rab tu gyur pa'i sgo zhes bshad/ /tso bo mchog gi sgo yin te/ /'og dang steng zhes rab tu grags/ /'og sgo rnam par shes pa ste/ /steng gi sgo rub mas rnams so/ /rnam snang la sogs sangs rgyas rnams/ /'og tu yang dag gnas nas su/ /de rnams steng gi sgo nas bskyod/ /'og tu spyan drangs steng gshegs gsol/ /spyan drangs gshegs gsol tshul gyis ni/ /'gro dang 'ong bar rab tu 'jug /dus gsum gyi ni sangs rgyas dang/ /mkha' 'gro ma dang sbyor ba'i ma/ /'jug pa dang ni ldog pa las/ /yon tan skyon kyi rang bzhin te/ /bde dang sdug bsngal ngo bo nyid/ /lhan cig skyes pa'i rang bzhin 'grub// //ba san ta til ka las/ /phung po dang khams dang skye mched kyi bdag nyid kyi de bzhin/? gshegs pa'i sku'i sgo rnams kyi dbye ba nges par bstan pa ste gsum pa'o/ / //de nas gzhan yang de bzhin gshegs pa'i sku'i gnas la sogs pa sa bcu'i gnas bstan par bya ste/ bu ga dgu'i rtsa rnams gang/ /sgo dgu ru ni yang dag gnas/ /de las gzhan ni shin tu gtso/ /bcu pa b+ha ga'i dbus su'o/ /dpral ba'i gnas nas brtsams nas su/ /haM ni rtsa'i 'khor lor nges/ /byang chub sems ni sum cu gnyis/ /nyin dang mtshan du 'dzag par brjod/ /gnas sogs kyi rang bzhin du/ phyi dang nang du bcas par gnas/ /rnal 'byor ma brgyad mkha' la rgyu/ /de bzhin gzhan yang sa la rgyu/ /gang zhig sa 'og gnas pa dag /thams cad du ni shin tu gnas/ /sku gsung thugs kyi 'khor lo yis/ /gnas ni so sor dbye bar bya/ /gnas la sogs pa rnam pa bcu/ /rtsa ni nyi shu rtsa bzhir dbye/ /ji ltar gnas pa'i rang bzhin gyis/ /lhan cig skyes pas mnan te bzhugs/ /de ltar yang dag bshad de dag /rab tu dga' la sogs pa'i sa/ /dbang po la sogs rang bzhin gyis/ /byang chub sems dpa' rnamS dang ni/ /phung po la sogs khyad par gyis/ /sangs rgyas rnams ni kun gyi gnas/ /sangs rgyas byang chub sems rnams kyis/ /sangs rgyas nyid du 'jug pa'i mchog /byang chub sems ni sum cu gnyis/ /gang tshe 'dir ni yongs gang ba/ / de tshe sangs rgyas sras bcas rnams/ /nye bar sangs rgyas nyid du 'gyur/ /rang gi lus la sangs rgyas bzhugs/ /gzhan du gang na'ang sangs rgyas med/ /mi shes mun pas bsgribs pa rnams/ /lus las sangs rgyas gzhan du 'dod/ /gnas dang nye ba'i gnas dang ni/ /zhing nyid dang ni nye ba'i zhing/ /de bzhin rol sa nyid dang ni/ /nye ba'i rol sa dag yin te/ /de bzhin du ni 'du sa dang/ /nye ba'i ni 'du sa'o/ /dur khrod nye ba'i dur khrod de/ /gnas sogs sa ni rnam bcu yin// //ba san ta ti la ka las// de bzhin gshegs pa'i sku'i bu ga dgu'i rgyun dang/ b+ha ga'i dbus su son pa'i rtsa rnams kyi/ gnas la sogs pa sa bcu'i rang bzhin du/ nges par bstan pa ste bzhi pa'o// //de nas gzhan yang de bzhin gshegs pa'i sku'i bu ga dgu'i rgyan dang/ b+ha ga'i dbus su son pa'i rtsa'i rang bzhin gnas la sogs pa sa bcu dang/ pha rol tu phyin pa rnams dang/ sku gsung thugs kyi 'khor lor gyur pa'i gnas kyi bye brag gis yul gyi dbye ba bshad par bya ste /mgo ni ma la ya yul te// spyi gtsug dza lan d+ha ra yin/ /de bzhin rna ba g.yas pa ni/ /au rgyan zhes ni rab tu brjod/ /rgyab kyi sgal tshig ar bu ta/ /bzhi po gnas kyi ming can yin/ /rna ba g.yon pa'i rang bzhin ni/ /go da ba rir shes par bya/ de bzhin smin ma'i ni bar/ rim shwa rir yang dag gnas/ /mig ni de bI sa ko Ti ste/ /gzhan yang dpung ma la la be/ /'di dag nye ba'i gnas yin te/ /thugs kyi 'khor lor yang dag gnas/ /gnas kyi khyad par tshul gyis ni/ /mkha' la rgyu ma rnams zhes bya/ mtshan khung kam ru pa ste/ /nu ma ao tre ? ?? yin/ /nye ba'i rol sa zhes bya yin/ /yul de rnams ni thams cad kyang/ /gsung gi 'khor lor yang dag gnas/ /gnas kyi khyad par tshul gyis ni/ /sa la rgyu ba rnams zhes bya/ /mtshan ni pre ta pu ri ste/ /bshad lam gi ha de ba ta/ /de dag 'du sar rab tu brjod/ /brla na so'u raSh+Tar brjod/ /byin pa gnyis su rnam bshad pa/ /gser gling zhes bya'i ming can yin/ nye ba'i 'dus nyid yin te/ /sor ma rnams ni na ga ra/ /rkang pa'i bo la ni sin du ste/ /dur khrod zhes ni bya bar brjod/ /mthe bong ma rung brjod pa ste/ /pus mo ku lu ta zhes bya// de dag nye ba'i dur khrod ste/ /gnas la sogs pa sa bcu'o/ /de dag rang lus las skyes pa/ /thams cad gnas kyi dbye pas phye/ /phyi dang nang du bcas te gnas/ /sangs rgyas rnams kyi sa bcu'o/ /sku dang gsung dang thugs rnams ni/ /nyi shu rtsa bzhir rnam par phye/ /rtsa rnams thams cad gnas rnams su/ thams cad du ni yang dag gnas/ /gnas de rnams kyi mkha' 'gro ma/ /rtsa'i gzugs su yang dag gnas/ /ba san ta ti la ka las/ /gnas la sogs pa'i sa bcu'i yul gyi dbye ba nges par bstan pa ste lnga pa'o// de nas gzhan yang de bzhin gshegs pa'i sku'i gnas ji lta ba bzhin du son pa'i rtsa'i 'khor lo bstan par bya ste/ snying ga'i dbus gyur pad+ma ni/ /'dab ma brgyad dang ge sar bcas/ /de'i dbus su gnas pa'i rtsa/ /mar me lta bu'i gzugs can te/ /chu shing gi ni me tog ltar/ /rtag tu 'phyang zhing 'og tu lta/ /de'i dbus bzhugs dpa' bo ni/ /nyungs kar sbom po'i tshad tsam ste/ /hUM gi sa bon mi shigs pa/ /kha ba lta bur 'bab pa yin/ /ba san? ta zhes bya ba ste/ /lus can rnams kyi snying dga' byed/ /rgod ma'i kha ni me'i gzugs phag mo til ka zhes brjod/ /las kyi klung gis bskyod nas su/ /lte ba'i dkyil 'khor nas ni 'bar/ /ba san ta dang phrad nas mnyes/ /snyoms par 'jug pas yang dag bzhugs/ /'di ni sh+rI he ru ka'i/ /ba san til ka zheS brjod/ /rnal 'byor ma'i gzugs bzung nas/ /rgyu dang mi rgyu yang dag bzhugs/ /sku gsung thugs kyi bye brag gis/ /sgo gsum nas ni yang dag rgyu/ /'gro ba dang ni 'od pa du/ /de dag thams cad lus la gnas/ /lte bar a'i gzugs kyis ni/ /thung du zhes ni bya bar grags/ /snying gar gnas pa'i yi ge hUM/ /ring po cha gnyis tshad du brjod/ /mgrin par aoM gyi gzugs kyis te/ /cha gsum 'dren par yang dag brjod/ /dpral bar gnas pa'i yi ge haM/ /sgra dang thig le'i mi shigs pa/ /'khor lo bzhi'i bye brag gis/ /sa rtsogs 'byung ba chen po'i/ /'tshams bzhi ru ni yang dag gnas/ /skad cig bzhi las yang dag byung/ /dga' ba bzhi'i rang bzhin te/ /sbyor ba bzhi'i pha rol 'gro/ /mchog tu dga' ba'i gzugs kyis ni/ /bya ba dang ni byed pa'i dngos rdo rje sems dpa' i rang bzhin gyis/ /'dir ni ji ltar bde bar rol/ /phyogs ni rnam pa bzhir gnas pa'i/ /'dab ma dag gi rnam pa bzhi/ /'byung ba chen po'i rang bzhin te/ /sems kyi rdo rje'i go 'phang gnas/ /mkha' 'gro de bzhin lA ma dang/ /dum bskyes ma dang gzugs can ma/ /phyogs mtshams bzhi la gnas pa'i/ /rtsa ni rnam pa bzhi dag kyang/ /bdud rtsi lnga ni rgyu ba ste/ /mchod pa'i gzugs kyis de la brten/ /rang bzhin bzhi po de dag ni/ /mchod pa bzhi po bya bar bshad/ /'di ni lus can snying dbus na/ /rtsa brgyad du ni rnam pa'i? gnas/ /sku gsung thugs kyi 'khor lo yis/ /nyi shu rtsa bzhir nye bar brjod/ /gnas sogs sa bcu la brten nas/ /gnas rnams su ni rnam par gnas/ /mgo bo las ni yang dag byung/ /rtsa ni mgo las skyes zhes brjod snying stobs rdul dang mun rang bzhin/ /de rnams dbus na gtso bo yin/ /pu li rar ni rab gtum mo/ /so dang sen mo 'bab par brjod/ /dzA lan d+ha rar gtum mig ma/ /de bzhin skra dang spu ni 'bab/ /au rgyan zhes bya'i gnas chen du/ /'od ldan ma ni rnam par bzhugs/ /g.yas kyi gnas su brten te gnas/ /lpags pa dri ma 'jag pa'o/ /ar bu tar ni sna chen ma/ /mkha' 'gro ma ni sha 'bab pa'o/ /de ltar brtan pa rnam pa bzhi/ /mkha' 'gro ma ni gnas kyi gtso/ /gang zhig rgyus pa 'bab pa'i rtsa/ /go ta ba dir rnam gnas pa/ /dpa' bo'i blo ma zhes bya ste/ /brtan pa'i gzugs kyis gnas pa yin/ /ra me shwa ri rtsa gang yin/ /rus pa'i phreng ba 'bab pa yin/ /mi thung ma zhes bya bar grags/ /mkhrang pa'i gzugs kyis gnas pa yin/ /de ba'i go Ti'i rtsa gang yin/ /mnyen zhing lang ka'i dbang phyug 'dod/ /de ni mchin pa 'bab pa ru/ /thams cad lus la rnam par gnas/ /ma la ber ni shing grib ma/ /rgyal ba'i dbang po snying dbus gnas/ /nye ba'i gnas su bshad pa yin/ /mkha' 'gro ma ni sbyor ba'i ma/ /gnas dang nye ba'i gnas bzhugs pa/ /thugs kyi 'khor lo mkha' la rgyu/ /gang zhig mig gi 'bab pa'i rtsa/ /ka ma ru par rnam par gnas/ /gzugs rnams mthong ba'i dngos kyis ni/ /sa sungs ma zhes bya bar bshad/ /ao twe mkhris pa 'bab pa'i rtsa/ /'jigs byed chen mo zhes byar brjod/ /de dag zhing du gnas pa yin/ /mkha' 'gro ma ni sbyor ba'i ma/ /tri sha ku ne las byung ba/ /rlung gi shugs ma glo ba 'bam/ /kos lar ni chang 'thung ma/ /rgyu ma'i phreng ba gsal bar 'khrug /nye ba'i zhing du bstan pa yin/ /mkha' 'gro sbyor? ba'i ma yin no/ /ka ling sngo bsangs lha mo ste/ /rtsib logs gnyis kyi skad ma'i rten/ /lam pa ka zhes bya bar grags/ /shin tu bzang mo lto ba'i gnas/ /rol sa zhes ni bshad pa yin/ /mkha' 'gro sbyor ba'i ma yin no/ /kan tsi la gnas rta snga ma/ /rtag tu? bshad ba 'bab ba pa dang/ /gangs can du gnas bya gdong ma/ /mtshogs ma'i srubs ni 'bab pa dang/ /nye ba'i rol sar bshad pa yin/ /mkha' 'gro ma dang sbyor ba'i ma/ /gsung gi 'khor lo las byung ba'i/ /pho nyas la rgyu bas gnas/ /pre ta pu ring gnas pa yi/ /'khor lo'i shugs ma mchil ma 'bab/ /gang zhig rtag tu rnag 'bab rtsa/ /bri ha de btang gnas pa'i/ /dum skyes ma zhes bya bar bshad/ /mkha' 'gro ma'i dbang phyug mchog /'dus zhes ni bya bar bshad/ /mkha' 'gro ma dang sbyor ba'i ma'o/ /sau raSh+Tar glang sna ma/ /rtag tu khrag ni gnas gyur dang/ /gser gling la ni rab rten pa'i/ /'khor los sgyur ma zhes bya gang/ /'bar bas kun du 'khrigs pa ni/ /rdul ni rab tu 'bab pa'i rtsa/ /nye ba'i 'du sa zhes bshad pa'i/ /mkha' 'gro ma dang sbyor ba'i ma'o/ grong khyer shin tu dpa' mo'i ni/ /tshil dang sbos mo'i lus can dang/ /mya ngan dang bcas mchi 'dzag pa'i/ /sin du stobs chen zhes bya ba/ /dur khrod du ni gnas pa yi/ /mkha' 'gro ma dang sbyor ba'i ma'o/ /ma dor 'khor las sgyur ma ni/ /lud pa skam po 'bab pa dang/ /ku lu tar ni brtson chen ma/ /sna chu 'bab pa rnam pa gnyis/ /nye ba'i dur khrod la gnas pa'i/ /mkha' 'gro ma'i sbyor ba'i ma'o/ /sku'i 'khor lo'i mkha' 'gro ma/ /phyi rol sa 'og gnas pa yin/ /sngar bstan dag gi sgo bzhi la/ /mkha' 'gro ma'i rnam pa bzhi/ /da'i mtshams kyi rtsa bzhi la/ /gzhad dag bzhi bo brten te gnas/ /rtsa ba'i sgor ni khwa gdong ma/ /gnyis pa 'ug pa'i gdong can bzhugs/ /gsum pa la ni khyi gdong ste/ /bzhi pa phag gi gdong can no/ /mtshams rnams gshin rje brtan ma dang/ / de bzhin gshin rje pho nya ma/ /gzhan yang gshin rje 'jigs chen dang/ /gshin rje mche ba zhes bshad dang/ /bzhi pa shes bya 'jigs byed ma/ /gshin rje 'joms ma dag tu 'dod/ /'di dag rdo rje mkha' 'gro ma/ /rtsa'i gsugs kyis yang dag gnas/ /sems kyi rdo rje rnal 'byor ma/ /sum cu rtsa bdun dag tu 'dod/ /shes rab pha rol phyin ma ste/ /de dag lus la yang dag gnas/ /ba san ta ti la ka las/ /de bzhin gshegs pa'i skur gyur pa'i rtsa sum cu rtsa bdun gyi 'khor lo nges par bstan pa ste drug pa'o// // de nas gzhan yang de bzhin gshegs pa'i sku'i rtsa rnams kyi 'khor lo byang chub kyi phyogs kyi chos sum cu rtsa bdun gyi rnam par dag pa bshad par bya ste/ lus dran pa nye bar gzhag pa ni mkha' 'gro ma'o/ /tshor ba dran pa nye bar gzhag pa ni lA ma'o/ /chos dran pa nye bar gzhag pa ni dum skyes ma'o/ /sems dran pa nye bar gzhag pa ni gzugs can ma'o/ /'dun pa'i rdzu 'phrul gyi rkang pa ni/ /rab gtum ma'o/ /brtson 'grus kyi rdzu 'phrul gyi rkang pa ni gtum mig ma'o/ /dpyod pa'i rdzu 'phrul gyi rkang pa ni 'od ldan ma'o/ /sems kyi rdzu 'phrul gyi rkang pa ni sna chen ma'o/ /dad pa'i dbang po ni dpa' bo'i blo ma'o/ /brtson 'grus kyi dbang po ni mi'u thung ma'o/ /dran pa'i dbang po ni lang ka'i dbang phyug ma'o/ /ting nge 'dzin gyi dbang po ni shing grib ma'o/ /shes rab kyi dbang po ni sa srungs ma'o/ /dad pa'i stobs ni 'jigs byed chen mo'o/ /brtson 'grus kyi stobs ni rlung shugs ma'o/ /dran pa'i stobs ni chang 'thung ma'o/ /ting nge 'dzin kyi stobs ni sngo bsangs ma'o/ /shes rab kyi stobs ni shin tu bzang mo'o/ /ting nge 'dzin yang dag byang chub kyi yan lag ni rta sna ma'o/ /brtson 'grus yang dag byang chub kyi yan lag ni bya gdong ma'o/ /dga' ba yang dag byang chub kyi yan lag ni 'khor lo'i shugs can ma'o/ /shin tu sbyangs pa yang dag byang chub kyi yan lag ni dum skyes ma'o/ /chos rnam par 'byed pa yang dag byang chub kyi yan lag ni glang sna ma'o/ /dran pa yang dag byang chub kyi yan lag ni 'khor lo'i go cha ma'o/ /btang snyoms yang dag byang chub kyi yan lag ni/ /shin tu dpa' mo'o/ /yang dag pa'i lta ba ni stobs chen ma'o/ /yang dag pa'i rtog pa ni 'khor los sgyur ma'o/ /yang dag pa'i dag ni brtson 'grus 'grus chen mo'o/ /yang dag pa'i las kyi mdza' ni khra gdang ma'o/ /yang dag pa'i 'tsho ba ni 'ug gdong ma'o/ /yang dag pa'i rtsol ba ni khyi gdong ma'o/ /yang dag pa'i dran pa ni phyag gdong ma'o/ /yang dag pa'i ting nge 'dzin ni dpal he ru ka'o/ /dge ba'i chos ma skyes pa rnams skyed pa ni/ gshin rje brtan ma'o/ /dge ba'i chos skyes pa rnams srung zhing spel ba ni/ gshin rje pho nya ma'o/ sdig pa mi dge ba'i chas skyes pa rnams spong ba ni/ /gshin rje mche ba ma'o/ /sdig pa mi dge ba'i choS ma skyes pa rnams mi skyed pa ni gshin rje 'joms ma ste 'di dag ni lus la gnas pa'i rtsa dang zhal dang phyag dang mdog dang/ dbyibs la sogs pa'i lha rnams byang chub kyi phyogs kyi chos sum cu rtsa bdun gyis sbyangs pa'o/ /ba san ta til? ka las/ rtsa'i 'khor lo byang chub kyi phyogs kyi chos sum cu rtsa bdun gyi rnam par dag pa nges par bstan pa ste/ bdun pa'o// //de nas gzhan yang de bzhin gshegs pa'i sku'i dkyil 'khor dang/ sbyin sreg dang/ mchod sbyin dang/ bzlas brjod dang/ bsgom pa la sogs pa'i cho ga'i bya ba rnams/ phyi dang nang du bcas pa'i tshul gyis rnam par dag pa bshad par bya ste/ byang chub che phyogs chos rnams ni/ /sum cu rtsa bdun mtshan nyid gnas/ /dpal ldan he ru ka sogs pa/ /rtsa'i gzugs su shin tu gnas/ /ji skad gsungs pa'i sgo bzhir ldan/ /lus kyi dkyil 'khor nyams dga' ba/ /rang gi yan lag las byung ba/ /ka ba brgyad kyis bstan pa yin/ /dngos po kun tu mnyam pas na/ /gru bzhi par ni rab tu grags/ /sku gsung thugs kyi tshul gyis ni/ /'khor lo gsum gyi bdag nyid brjod/ /bla ma brgyud pa'i rim gyis ni/ /rdzogs pa'i dkyil 'khor nyid du gsal/ /be 'am la sogs rim bzhin gnas/ /mgo bo'i pad+ma ri bo yin/ /rkang mthil gzhu'i dbyibs kyis ni/ /be ram ba'i rlung du gnas/ /gru gsum rked pa'i phyogs nyid ni/ /de bzhin gru gsum 'bar pa'i me/ /lto ba zlum po'i gzugs nyid ni/ /chu zhes bya bar brjod pa ste/ /snying ga kun nas gru bzhi ni/ /sa'i dkyil 'khor nyid yin no/ /sgal tshigs ri rab lhun po ni/ /de bzhin du ni dbyibs yin no/ /der ni mgo bo'i char gnas pa/ /sum cu rtsa gnyis mtshan 'dam skyes/ /dbyangs dang gsal byed las byung ba'o/ /byang chub sems ni sum cu gnyis/ /mgo bo'i dbus na glad pa zhes/ /bya bar grag pa de nyid ni/ /pad+ma'i dbus gyur gang yin pa/ /zla ba'i dkyil 'khor zheS byar brjod/ /de'i dbus su yi ge haM/ /thig le'i gzugs can mi shig pa/ /mi gsal gsal ba'i bdag nyid can/ /sa bon gzugs kyis yang dag gnas/ /de nyid brtan dang g.yo bcas pa'i/ /'gro ba kun gyi rtsa ba ste/ /lus can kun gyi gzugs rnams ni/ /dang thos kyi ni sangs rgyas dang/ /de bzhin rang sangs rgyas rnams /nyin dang mtshan du rnam par gnas/ /de nyid kyis ni sgra yang phye/ /me ni mnyes par byed ba yin/ /des ni dkyil 'khor yongs rdzogs par/ /'gyur pa nyid du the tshom med/ /de nyid dkyil 'khor zhes bshad de// dngos po rnams kyi snying po mchog / len cing 'dzin par byed pas na/ /lus kyi dkyil 'khor nyid du 'dod/ /rtsa chen sum cu rtsa gnyis kyis/ /'khor lo'i dkyil 'khor de nyid de/ /byang chub sems kyi rin po che/ /snying po len pas dkyil 'khor yin/ /de ni phyi nang sna tshogs pa/ /khyab bya'i gzugs kyis yang dag gnas/ /phyi ni gzugs dang sgra sogs pa/ /dbang po thams cad 'jug pa'o/ /nang ni khu ba la sogs pa/ /grub pa'i rdzas su gnas pa te/ /phyi dang nang gi de dag nyid/ /byang chub sems kyi rdo rje can/ /sbom po dang ni phra gzugs kyis/ 'gro ba'i rtsa lag rang bzhin nyid/ /sangs rgyas byang chub sems rnams kyis/ /dam tshig don du gsungs pa yin/ /tshe 'di nyid du sangs rgyas ni/ /thob pa dkyil 'khor rig las byung/ /nyan thos kyi ni sangs rgyas dang/ /de bzhin rang sangs rgyas rnams dang/ /tshang la sogs pa'i lha rnams kyang/ /dkyil 'khor bsten las byung ba yin/ /nang gi khu ba la sogs dang/ /de bzhin phyi'i gzugs la sogs/ /shes rab me chen 'bar ba la/ /sbyin sreg byas pas bsreg par bya/ /skye mched drug dang khams rnams dang/ /phung po la sogs khyad par du/ /de rnams lha'i rang bzhin te/ /de bzhin du ni mkha' 'gro ma'i/ /sbyor ba'i mchog tu bshad pas ni/ /mchod pas de dag mnyes par 'gyur/ /'di la mgo bo'i thod pa ni /bsreg rdzas kyi ni snod du brjod/ /rang sa na ni glug gzar te/ /thugs kyi 'khor lo'i la la na/ /dgang gzar du ni bshad pa yin/ /lte ba'i dkyil 'khor thab khung du/ /las kyi rlung gis bskyod pa yi/ /tshangs pa'i me ni rked par gnas /sgra ni sngags su gsungs pa ste/ / 'byung 'jug 'khor ba bzlas pa yin/ /sgom pa so sor snang ba te/ /gnyis med sbyor ba dkyil 'khor yin/ /rgyal bI dkyil 'khor la sogs pa lhan cig skyes pa la ni gnas/ /slob dpon sems kyi rgyal po ste/ /dkyil 'khor gtso bo'i rang bzhin yin/ /e baM la sogs gang gsung pa/ /thams cad 'dir ni shes par bya/ /ba san ha ti la ka las dkyil 'khor dang/ sbyin sreg dang mchod sbyin dang/ bzlas brjod dang/ bsgom pa la sogs pa'i gtan la dbab pa nges par bstan pa ste brgyad pa'o// //de nas gzhan yang de bzhin gshegs pa'i sku'i sngags thams cad btab? rnam par bshad par bya ste/ gru gsum dkyil 'khor nyams dga' ba/ /rdo rje rol pa zhes brjod pa/ /btsun mo'i b+ha ga zhes bya dang/ /chos 'byung zhes kyang bya bar bshad/ /de'i dbus gyur pad+ma ni/ /'dab ma brgyad dang lte bar bcas/ /der ni A li kA li'i/ /sde tshan brgyad ni rnam par gnas/ /lus can rnamS la sngags gzugS kyis/ /las kyi tshogs rnams byed par 'gyur/ /yi ge lnga bcu tham pa nyid/ /rig byed la sogs yang dag gnas/ /rgyud dang sngagS dang rnams nyid dang ni/ /phyi rol gyis ni bstan bcos gzugs/ /de dag 'di'i rang bzhin te/ /'di la gzhan du ci yang med/ /a ka tsa Ta ta pa ya sha'i/ /sde tshan 'di dag mnyam pa ni/ /lnga bcu tham pa yin par brjod/ /rdo rje rol pa pad 'dab brgyad/ /phyogs dang phyogs mtshams rnams su son/ /de'i dbus kyi lte ba la/ /mchog gi dbang phyug ma bzhugs pa/ /mchog tu mi 'gyur dam pa ste/ /sde mtshan brgyad kyis yang dag bskor/ /a ni yig 'bru kun gyi mchog /don chen sde tshan rnams kyi gtso/ /lus can rnams kyi sngags rnams ni/ /de nyid las ni yang dag byung/ /ral gri mig sman rkang mgyogs dang/ /ri lus 'og gnod sbyin mo/ /'jig rten gsum gyi khongs? rgyu dang/ /dngul chu las kyi rjes 'gro 'grub/ /bdag nyid chen mo rnams kyi ni/ /rang bzhin bden dang 'dod bcas 'grub/ /sde tshan brgyad dbus dbyangs mchog las/ /sde tshan rnams ni yang dag 'byung/ /skye bo rnams kyi gang cung zad/ /ngag gi spros pa de yi 'grub/? /des na sngags rnams thams cad kyi/ /gzugs ni de las skyes pa yin/ /lus can rnams ni thams cad kyi/ /sgra ni sngags zhes bya ba ste/ /sna tshogs mdud pa'i gnas chen las/ /chos kyi rol pa yang dag 'byung/ /dngos grub rdzu 'phrul rnams gnas pa'i/ /sngags kyi nges pa ci yang med/ /sde tshan rnams kyi dbang phyug gtso?/ /skye med rang bzhin sngags yin no/ /ba san ta ti lag las sngags pa nges par bstan pa ste dgu ba'o/ / //de nas gzhan yang de bzhin gshegs pa'i sku chos dang/ longs spyod dang/ sprul pa gsum gyi sku gzugs dang/ bde ba chen po'i ye shes bshad par bya ste/ mgo dang lte ba'i 'khor lo/ ni/ /e'i gzugs su gnas pa ste/ /snying dang mgrin pa gnas 'khor lo/ baM dang 'dra par shes par bya/ /lte ba'i dbus gnas pad+ma ni/ /'dab ma drug cu rtsa bzhir ldan/ /mgo bo'i dbus su rnam gnas pa'i/ /pad+ma 'dab ma sum cu gnyis/ /mgrin par gnaS/ pa'i pad+ma yang/ /'dab ma bcu drug dag tu gyes/ /de bzhin snying ga'i pad+ma ni/ /'dab ma brgyad dang ldan pa yin/ /drug cu rtswa? bzhi 'dab ldan pa/ /sprul pa zhes ni rab tu grags/ /pad+ma chen po 'dab brgyad pa/ /chos kyi skur ni rab tu 'jug/ bcu drug 'dab ma longs spyod rdzogs/ /de bzhin 'dab ma sum cu gnyis/ /bde ba chen po ye shes che/ /kun tu yang dag gnas pa'o/ /sprul pa'i 'khor lo'i dbus su ni/ /yig 'bru rnams kyi mchog rang bzhin/ /a ni yi ge dam pa ste/ /sde tshan brgyad kyis rab tu bskor/ /chos kyi 'khor lo zhes bya ba/ /mi shigs par 'dod yi ge hUM/ /dbyangs yig lnga dang yang dag ldan/ /yar la was rnam par brgyan/ /longs spyod 'khor lo'i dbus gnas pa/ /yi ge rnams kyi gsal byed aoM/ /dbyangs yig rnam pa bzhi yis ni/ /kun tu yongs su bskor ba yin/ /bde ba chen po'i 'khor lo la/ /haM ni thig le'i gzugs can no/ /g.yas dang g.yon gyi ngos gnyis su/ /zla ba nyi ma zhes bya ste/ /g.yon gyi mgrin pa nas brtsams nas/ /lte ba'i dbus su rtag ngal so/ /'og tu bltas te bdud rtsi 'dzag /longs spyod rdzogs pa'i sku zhes bya/ /lte ba nas ni steng bltas te/ /gang zhig khrag ni 'bab pa'i rtsa/ /mgrin pa'i dbus su rtag ngal so/ /sprul pa'i sku zhes bya bar bshad/ /bdud rtsi zla ba zhes bya ste/ /khrag ni nyi mar brjod pa yin/ /steng dang 'og tu brten nas su/ /sgo gnyis las ni byung ba yin/ /de dag nyi ma zla ba yi/ /rtsa gnyis su ni rab tu 'jug /dpa' bo mkha' 'gro ma rnams kyis// /'gro dang 'ong pa nges par brjod/ /'char ba dang ni nub pa dang/ /gnyid log sad pas gnas pa yin/ /g.yas dang g.yon gyi ngos gnyis su/ /dbyangs yig bcu gnyis gnas pa te/ /rtag tu steng du bltas par bshad/ /ka sogs 'og tu bltas pa ni/ /ngos gnyis dag tu spel ba'i// dbus su de ni sbyar bar bya/ /'og gi cha la gnas pa ste/ /yi ge k+Shas ni bskor bas bsrung/ /gang zhig mgrin gnas chags chen te/ zla ba'i gzugs kyis yang dag gnas/ /de ni longs spyod zhes bya ste/ /sangs rgyas rnams kyi sku'i mchog/ sprul pa'i sku zhes bya ba ni/ /nyi ma'i gzugs su yang dag gnas/ /sangs rgyas byang chub sems dpa' rnams/ /de yis bskyed cing spro bar byed/ /gang tshe longs spyod rdzogs skur ni/ /nub par gyur cing sna rtse dang/ /gang tshe rdo rje rtser gnas pa/ /'di ni b+ha ga'i dbus gyur pa'i/ /nyungs dkar zhes ni bya bar brjod/ /pad+ma gar dbang rgyal ba yis/ /pad+ma 'byed ba'i sbyor bas ni/ /de nas nyi ma nub 'gyur ba/ /sprul pa'i sku yi rang bzhin nyid/ /gang gi byang chub sems zhes bya/ /gong bur gyur pa dri ma med/ /'khor ba'i lam ni gcod pa po/ /spros pa nyer zhi dge ba dang/ /gnyis med mchog tu dga' ba yis/ /rdo rje sems dpa' i rang bzhin dang/ /dpal ldan he ru ka zhes bya/ /rgod dang rta dang lag bcangs dang/ /srin bu yi ni tshul gyis su/ /rgyud ni rnam pa gsum du gnas/ /'dod chags nyid dang chags bral ni/ /zos nas srin bu gnyis su gnas/ /rtsa rnams thaM cad mnyam sgor? ba/ /mkha' 'gro ma'i dra ba sdom/ /gsang ba sa'i khams zhes bya/ /de bzhin mchog ni chu yin te/ dgyes pa me zhes bya bar bshad/ /thams cad bdag/ nyid rlung yin te/ sangs rgyas kun gyi bde ba'i mchog/ rtag tu bzhugs zhes bya bar gsungs/ /yang na mo long rang bzhin dang/ /de bzhin mnyam pa nyid dang ni/ /so sor rtog pa'i ye shes dang/ /de bzhin bya ba grub rnams te/ /shin tu rnam dag rang bzhin ni/ /rtag tu bzhugs zhes bya bar bshad/ /yang na rnam par snang mdzad dang/ /de bzhin rin chen 'byung ldan dang/ /'od dpag med dang don grub dang/ rtag tu bzhugs pa rdo rje semS bdud rtsi lnga dngos gong bu ni/ /thig la'i gzugs can yid kyi dngos/ /shin tu rnam dag ye shes che/ /lha mo kun gyi rang bzhin no/ /rdo rje sems dpa' zhes brjod pa/ /mchog tu bde ba yang dag brjod/ /rang 'byung gi ni ye shes te/ /chos kyi sku zhes bya bar grags/ /'di ni shes rab lhan skyes gnas/ /der 'gro ma'i gzugs 'dzin ma/ las kyi rlung gis bskyod nas su/ /lte ba'i dkyil 'khor nas ni 'bar/ /phag mo zhes ni bya ba ste/ /ba san til? ka zhes brjod/ /sgra? rtse stong gi tshad tsam ste/ /'od zer glog stong 'khyug pa bzhin/ /lha'i rnal 'byor dus ni/ bsdu'i bu ga'i mtshams rnams su/ /byung ste phyogs bcur gnas pa'i/ /lha dang lha min sdigS par mdzad/ /snying gar chos kyi 'khor lo ni/ /bsregs nas longs spyod gnas song ste/ /sna phug g.yas kyi bu gnas/ /byung ste g.yon du song nas kyang/ /smin 'tshams mdzod spu nas byung ste/ phyogs bcu'i sangs rgyas byang sems kyi/ shangs sgo g.yon du zhugs nas ni/ /spyi gtsug 'khor lo bsregs nas ni/ /slar byung sngon gsungs sgo nas ni/ /slar yang mgo bo'i dbus zhugs nas/ /bsregs pa'i sangs rgyas dag bskyed do/ /lte ba'i gnas su 'ongs gyur nas/ sngon bzhin du ni gnas par gyur/ /bsan ta ti la ka las/ /chos dang/ /longs spyod dang/ sprul pa dang/ bde ba chen po la zhen pa sngon du 'gro ba'i ba san ta zhes bya ba dpal he ru ka dang/ ti la ka zhes bya ba'i rdo rje phag mor brjod pa'i 'gro ba dang 'ong pa la rgyud dang/ sngags dang/ ye shes dang/ gsang ba'i rim pa rnams sprul pa dang/ long spyod dang/ chos dang/ bde ba chen po'i 'khor lor son pa'i pad+ma bzhi la dbyangs yig bcu gnyis dang/ gsal byed sum cu rtsa bzhi dang/ dus gsum gyi de bzhin gshegs pa thams cad kyi rang bzhin nges par bstan pa ste bcu po// // de dag gi gang yang ral gri dang/ mig sman dang/ rkang mgyogs dang/ ri lu dang/ sa 'og dang/ gnod sbyin mo dang/ khams gsum gyi khongs su 'phro ba dang/ dngul chu'i rjes su 'gro ba'i las rnams ni/ /ba san ta ti la ka zhes bya ba bdag nyid chen po rnams kyi rang bzhin gyi bde ba 'dod pa thams cad dang ldan pa'i mthu las byung bar gsungs so/ /'di ni dpal 'khor lo sdom pa'i bzhed gzhung las/ blo gros dman pa rnams kyis phyi dang nang du bcas da'i tshul gyis rnal ma'i bsam gtan gsal bar rtogS par bya ba'i phyir/ /slob dpon nag po pa zhes bya ba/ brtul zhugs kyi spyod pa la bzhugs pas bla ma'i man ngag las 'ongs ba bzhin/ rje btsun dpal he ru kas rmi lam du lung bstan pa nges par bzung nas/ mdzad pa'i ba san ta ti la ka zhes bya ba yin te/ dpal he ru ka dang/ phag mo'i ba san ta til ka ston par byed pa'i gzhungs pa yang de skad ces bya'o/ / //slob dpon nag po'i zhal snga nas kyis mdzad pa'i ba san ta ti la ka zhes bya ba rdzogs sto// //rgya gar gyi paN Ti ta g+ha ya d+ha ra dang/ bod kyi lo ts+tsha pa 'gos lha bcas kyis bsgyur te gtan la phab pa'o// // a'i thI/ /*/ /rdo rje phag mo'i gsang bsgrub bzhugs so/ / */ /rgya gar skad du/ sh+ri badzra dzwo gi sdu ya sad+ha na ma/ bod skad du/ dpal rdo rje rnal 'byor ma'i gsang ba'i sgrub thabs zhes bya ba/ dpal rdo rje rnal 'byor ma la phyag 'tshal lo/ /shin tu bde ba rgyas pa yis/ /'dod pa'i don rnams gter mdzad cing/

CLOSE WINDOW