བོད་ཡིག

e-texts based on the ACIP/ALL Input

bla ma chen po kampa la ni cA NA sh+ri rnams kyi zhal snga dang bod kyi dge slod rmongs pa kun dga' snying pos g.yar khral du 'tshal ba'o// //de nyid bdun gyi 'grel pa bzhugs so// // aoM swa sti/ nam:sid+haM/ rgya gar skad du/ sapta twa brit+ti/ bod skad du /de nyid bdun gyi 'grel pa/ sangs rgyas la phyag 'tshal lo/ /slob dpon 'gro ba'i bla ma la/ /btud nas de nyid rab tu bshad/ /thub pa chen po'i chos rnams kyi/ /phung po stong phrag brgyad cu bzhi/ /gang gis de nyid mi shes pas/ /de yis thams cad 'bras bu med/ /de bas bcud len dam pa ste/ /de kho na nyid yang dag len/ /de nyid gcig pu stong pa nyid/ /gnyis ni rim pa gnyis su brjod/ /dkyil 'khor lha dang sngags ye shes/ /bzhi po'ang rab tu brjod pa yin/ /gzhan du rnam pa bcu bzhir bstan/ /lus dang spyod pa spros pa sogs/ /shes rab ma yi b+ha ga dang/ /khu ba bcings sbyor de bzhin no// nyi ma zla ba'i rlung dgag dang/ /bdag med don dang ye shes sku/ /'od gsal bar ni 'jug ba dang/ /zhu ba khu ba'i lus bde ba/ /yang dag mdza' las rdo rje'i lus/ /mi gnas myang rang thig le/ /phyag rgya mchog gis gnas bcings pa/ /rgyal bas dbang bskur nyid bzhi'i rlung/ /gsum gyis thim pa'o de bzhin du/ /bzlas dang gnas dang thim pa dang/ /bde ba rnams ni sngags su brjod/ /de rdzogs pa yi phyogs nyid yin/ /zab dang rgya che khyab pa dang/ /rtag pa sku dang zung 'jug bde/ /gcig gi rang bzhin bdun du sgrags/ /ngo bo dang po'i rgyud du brjod/ /bzhi dang rgyu dang rkyen rnams dang/ /dmigs pa rnam pa byed pa dang/ /las dang 'bras bu zhes pa ni/ /gnyis pa'i rgyud du brjod par bya/ /gcig dang dang po gnyis pa rnams/ /bsdus dang rgyas dang cher rgyas pa'o/ /rang bzhin med dang rang rig pa/ /'phel dang bri ba med pa dang/ /rnam par mi rtog snang ba po/ /bsod nams ye shes yul dang ni/ /dmigs pa 'jug pa las rnams ni/ /rgya cher rab tu bshad pa yin/ /yul dang dus dang rgyud gsum dang/ /steng dang mnyam pa nyid kyis khyab/ /rgyun mi 'chad cing 'gog pa med/ /phra rab med cing 'gyur ba med/ /bsam yas ye shes rtag pa nyid/ /kha sbyor rang bzhin bde ba dang// snying rje chen po gsum rang bzhin/ /yid ni rlung bcas thim pa dang/ /zhu ba dang ni mi 'dzag bde/ /stong pa las skyes sdug bsngal 'gog /gar yang phyin dang mi g.yo ba/ /yid dang rlung gi lus can dang/ /skad cig gcig gis kun ston dang mtshan dang dpe byad sprin spro ba/ /de ni rdo rje'i sku ru gsungs/ /gnyis min mi rtog rang bzhin bzhugs/ /snang med kun tu kun tu kun nas snang/ /nam yang g.yo ba med pa'i phyir/ /rdo rje sems dpa' i zung 'jug go /yang na kun gyi gzhi dang ni/ /'jig rten 'jig rten 'das pa'i dbang/ /blo ldan skyed dang rdzogs 'byung ba/ /sku gsum gyis kyang bshad par bya/ /rang bzhin dang ni spang bya dang/ /grogs dang 'gal zla gya nom dang/ /zag bcas zag pa med rgyun chad/ /rtag pa la sogs khyad par gyi/ /the tshom bsal bar bya ba yin/ /man ngag med pa'i mkhas smra la/ /'di yi gtam yang yod ma yin/ /sbyor ba bdun dang de nyid bdun/ /stong nyid snying rje dbyer med pa/ /dbang bskur bzhi pa bla na med/ /shes rab ye shes rang bzhin no/ /me long la sogs ye shes ni/ /de nyid rnam pa lnga ru brjod/ /ngo bo nyid dang ye shes dang/ /longs spyod rdzogs dang sprul pa ni/ /sku yi de nyid rnam pa bzhi/ /gzhan yang dbang phyug de nyid brgya/ /lhan cig skyes dang phra ba'i bdag/ rang bzhin med dang rgya che dang/ /sku dang mkhyen dang las kyis khyab/ thig la dga' ba 'od gsal dang/ /ye shes sku dang sgyu ma'i tshul/ /de ltar bcu gnyis gsungs pa'ang yin/ /e ma'o lhan skyes bdag nyid che/ /chos rnams kun gyis rang bzhin nyid/ /sna tshogs khongs su chud cing rgyas/ /e ma'o bde chen 'dod pa yis/ /sa gsum po ni gang ba ste/ /e ma'o ji lta ji ltar bza' / /e ma'o zhi ba'i bde la 'bab/ /e ma'o bde ba chen po/ /sgyu ma'i rnam 'phrul chogs pa rnams la de shes ji bzhin nyid/ /skyo dang dga' ba mdza' dag mnyam pa nyid du rab spyod cing/ /'jigs dang 'jigs par byed med bde ba 'byung pa'ang yod ma yin/ /de ltar rnal 'byor pa ni rang bzhin de bzhin nyid rjes 'gro/ 'gro ba chu yi zla ba ji bzhin mthong gyur cing/ /thos pa dang ni brag cha gcig tu yang dag 'jug sems kyang mya ngam smig rgyu lta bur lta bya zhing/ /bza' ba btung ba nam mkha' lta bu gang gi tshe/ /mnyams sa dag ni nam mkha' i me tog dri lta bu/ /zla ba nyi ma ji bzhin bskor ba byed pa'i yid/ /yang dag gnas pa rnams kyang ri rab de mtshungs te/ /dmigs pa gzhon nu ma yi rmi lam ji bzhin no/ /tha snyad dag ni sgyu ma mig 'phrul lta bur gnas/ /de ltar ji bzhin lhan skyes bde 'byung de bzhin du/ /dngos po'i rang bzhin dang bral bsam gyis mi khyab tshul/ /rtag tu 'char ba bde gshegs lam mchog phyag 'tshal lo/ /bde ba rnam pa thams cad dang/ /so sor 'byed dang rang bzhin stong/ /lhun grub mnyam pa nyid dang mnyam/ /de nyid zab dang rgya che ba/ /thabs dang shes rab yan lag bdun// 'dir ni re zhig khu ba gsum/ /de bzhin rlung yang rnam pa gsum/ /sems dang ye shes rnam gsum ni/ /gyur med bde ba dam pa yin/ /yang na de nyid thams cad bdag /yang na kun gyi rnam par spangs/ /rgyu dang mi rgyu 'jig rten gsum// 'gro kun g.yon las byung ba yin/ /rus dang rnam pa thams cad du/ /rnal 'byor can ni sna tshogs 'jug /ye shes dkyil 'khor dpag med/ /rtsa rnams thams cad mkha' 'gro ma/ /phung po lnga yang dkyil 'khor te/ /'di ltar snang dang mi snang kun/ /dkyil 'khor dam pa nyid du shes/ /yi ge brgya pa zhes dang po/ /nges par brjod pa 'di gsungs pa/ /'gyur med dam pa rig brgya ste/ /rnam pa kun du nA de'i dbyangs/ /gsang sngags brtan pa mi 'gyur ba/ /gcig bu ces pa bdag nyid sems so ming tsa ming ste dngos po kun/ /'od gsal bar ni zlas pa bya/ /'gro ba 'di kun sangs rgyas mnga' bdag nyid/ /gar mkhan dang ni mo bzang ltar snang/ /gang yang drug pa'i sangs rgyas zhes bya ba/ /gcig pu nyams ni du mas gar mdzad do/ /gang la dngos kun gsal ye shes/ /ma brtags par yang thams cad mkhyen/ /rang bzhin stong nyid rnam shes pa/ /de che thams cad shes par 'gyur/ /chos kun ngo bo rab shes pas/ /rnam kun shes pa nyid du 'gyur/ /ji lta ji snyed gnas pa kun/ /mngon sum gyis ni tshad mar byed/ /rten cing 'brel 'byung skye med ni/ /yod dang med dang yod med 'das/ /rgyu dang rkyen gyis 'dus ma byas/ /gcig dang du ma dang bral ba/ /thog mdza' med cing zag pa med/ /yul dang dus las yongs su 'das pa/ /gzungs 'dzin med cing khams kyang med kyang med/ /bdag med chos las yang dag byung/ /rang rig bde chen 'di stong pa/ /chos rnams kun gyi snying po ni/ /stong nyid gcig bu de len pas/ /rnam pa thams cad mtshan nyid bral/ /dkyil 'khor de nyi yang dag rig/ /rang bzhin dri ma gtan bral zhing/ /nang gi bde rig yon tan gang/ /chos kyi lus ni lhun grub pa'o/ /gnyis pa thams cad rnams spangs shing/ /rang bzhin gcig tu gyur pa ste/ /snang ba med cing g.yo ba med/ /tsan dan ste'u mtshungs pa dang/ /gcig dang dum mnyam par 'gyur/ /sku dang ye shes zung 'jug pa/ /de ni bden gnyis mnyam pa nyid/ /gnyis su mi snang gnyis su med/ /ji ltar bud med byis gtam rjes yi rang/ /chags smra phrang pa'i gtam yang brjod byed la/ /lam yang brjod cing 'ching bar byed pa ltar/ /rnal 'byor lam ngan de ltar shes par bya/ /yang dag bral dang thob pa dang/ /yul dang gang zag dus dag la/ /nye ring med phyir rab tu khyab/ /ye shes 'gyur ba med pa dang/ /sku ni rgyun mi 'chad phyir rtag/ las kyi phyag rgya rnyog pa can/ /skad cig drug bcu bzhi dag dang/ /byed pa'ang drug cu bzhis dbyibs/ /spros pa rnam pa du ma yin/ /stong nyid phyag rgya'i bde chen po/ /spros pa med cing kun rtog 'joms/ /sbyor ba stong du mchog pa/ /drag po yis ni gang bshad pa/ /de lta bur yang de bstan pa/ /stong nyid bde chen sgrub byed pa'o/ /'khyud dang tsum ba de bzhin du/ /so yis gdab dang seng ris brgyad/ /sbyor dang sgra dang nye ba dang/ /skyes pa'i tshul brgyad drug cu bzhi/ /'dren pa bcom ldan bden nyid gsung// 'on kyang don ldan don gzhan tshig / de 'dra'i tshul gyis gzhan nyid gsungs/ /las dang dam tshig chos spros pa/ /phyag rgya chen po spros med ces/ /brjod na'ang spros dang bcas de'i phyir/ /de 'dra'i bde ba de nyid min/ /rtog dang med dang med dngos dang/ /sbyor byung las ni bde chen min/ /so so rang rig mtshan nyid do/ /zhu ba bde ba thun mongs min/ /de yi khyad par byas rang bzhin/ /ye shes sku ni ye shes dang/ /rnam par dag pa'i sku gnyis dang/ /rnam par dag pa sbyor ba bdun/ /zag bcas zag med rnam phye bas/ /ye shes rnam shes rnam gsum brjod/ /de yi sku yang de nyid de/ /he ru ka dpal rgyal chen po/ /'dod pa kun gyi dbang phyug gtso/ /kun tu phyag dang zhabs ldan zhing/ /kun tu spyan dang dbu dang zhabs/ /kun du thos ldan 'jig rten na/ /thams cad g.yogs pas rnam par bzhugs/ /mtho ris mi yul sa 'og rnams/ /skad cig gis ni sku gcig 'gyur/ /skad cig rnam pa'i rnal 'byor gyis/ /skad cig gis ni gsang sngags brjod/ /sngon nas ji lta phyis de ltar/ /rang dang gzhan gyi sgrib 'joms pas/ /rdo rje'i sku ru gsungs pa yin/ /rdo rje 'chang ba'i sku zung 'jug/ me long nang gi gzugs brnyan dang/ /chu zla 'ja' tshon lta bur ni/ /shes rab ye shes dpang dang ni/ /skyed par yang ni rnam par bya/ /gnas pa de ltar bsgoms pas 'grub/ /gcig dang gnyis gsum bzhi pa dang/ /bzhi dang lnga dang bdun pa gsum/ /bcu bzhi re re phan tshun bsdu/ /kho bo snying po la dga' bas/ /spros pas rnam par ma phye'o/ /yang dag rdzogs sangs rgyas pa'i sku/ /'dis ni nye bar bstan pa ste/ /rnam pa gzhan ni gzhan gyis bstan/ /bla ma'i man ngag dam pa ste/ /gzhan gyis yongs su mi shes so/ /bcu gnyis sa dang lam gyi tshul/ /gzhan dag gzhan du rnam par dkrol/ /mchog gi dngos grub de yi no/ /rtag ni rnam pa brgyad du dran/ /thams cad gsal byed sgron ma ni/ /dang po'i mtshan ma ngag tu lta/ /gsal byed glog gi cha tsam ste/ /mtshan ma gnyis pa dag tu brtag/ /dkar po'i 'od kyi tshul can ni/ /phyogs bcu dag tu lta bya ste/ /nyon mongs 'byin pa gsum pa yin/ /rnal 'byor pa yi rnam par brtag/ /'dod pa'i lha yi longs spyod ni/ /bzhi pa rnam shes dag tu bstan/ /gzugs dang rig sogs lha mo ni/ /phyogs kyi ye shes lnga pa yin/ /drug pa gzugs med ye shes te/ /bdun pa dag ni chos kyi dbyings/ /brgyad pa rang nyid 'dod bzhin du/ /sangs rgyas 'bras bu dag yin no/ /gang zhig 'di ni rtag bsgom pa/ /sa la 'dod pa kun dbang phyug /de bzhin gshegs pa'i sa thob cing/ /rnal 'byor pa rnams 'pho tshe dpal/ /khrag 'thung sogs dpa' ? rnal 'byor ma/ /me tog sna tshogs lag na thogs/ /rgyal mtshan ba dan sna tshogs dang/ /rol mo'i sgra ni sna tshogs dang/ /glu yi mchod pa sna tshogs kyis/ /mkha' spyod gnas su 'khrid par byed/ /skye dang kye bar bde gshegs kyi/ /rigs skye chos ldan rgyal por 'gyur/ /'jig rten pa dang 'das pa'i dbang/ /skye dang rdzogs 'byung rim par yang/ /sangs rgyas 'di bzhin de nyid bdun/ /'bde bsgom par bya'o skye/ /'di dang gzhan gyis legs byas kyis/ dpag med 'gro ba ma lus pa/ /skyon kun bral na cis ma rung/ /nam zhig yon tan kun ldan 'gyur/ /tA ra nA thas gsol ba btab gyur pas/ /dpal ldan 'khor lo sdom par yang dag gsal/ /dzA land+ha ris glu ru blangs pa'i don/ /de nyid bdun gyi 'grel pa 'bad de byas/ /ces pa ni de kho na nyid bdun gyi 'grel pa shar phyogs karba lwa pa dang gnyis su ma mchis pa/ /sangs rgyas spas pa'i zhal snga nas mdzad pa'o/ /rdo rje slob dpon chen po gu ru lho phyogs pa de nyid dang/ kun dga' snying pos g.yang khral du 'tshal ba'o/ / //'khor lo sdom pa'i man ngag bzhugs so// //rgya gar skad du/ sh+rI sam+ba ro pa de sha/ bod skad du/ dpal 'khor lo sdom pa'i man ngag /bla ma dam pa rnams kyi zhabs la phyag 'tshal lo/

CLOSE WINDOW