Input 
| བོད་ཡིག | e-texts based on the ACIP/ALL Input |
/slad nas khyung po rnal 'byor pas zhus te nyams su myong bar bgyis pa'o// //sgyu ma lam gyi rim pa'i 'grel? pa zhes bya ba bzhugs so// //
rgya gar skad du/ ma ya d+ha na kra ma brid ti nA ma/ bod skad du/ sgyu ma lam gyi rim pa'i 'grel pa zhes bya ba/ /sangs rgyas dang byang chub sems dpa' thams cad la phyag 'tshal lo/ /rgyal ba rgya mtsho rdo rje 'chang/ /khyod
zhabs bdag ni gus btud nas/ /sgyu ma lam rim gsal byed don/ /mdo dang rgyud las gsungs bzhin bris/ /deng 'dir rgyal pa'i bka' yang dag pa'i don nye bar mngon sum du gtan la 'bebs pa'i bstan bcos phyin
ci ma log? gang zhe na/ /gang gis gang brten gang brtsams/ /de'i rgyu/ dgos pa/ don rab tu gsal byed do/ /de la dang po gang gis na/ /dag pa'i sa gsum la gnas shing/ /rdo rje 'chang gis rjes gnang thob pa bdag gos?
so/ /gang la brten na/ nyams myong mdo rgyud du ma las so/ /gang brtsams na/ sgyu ma lam gyi rim pa'o/ /rgyu ni 'gro ba la phan 'dogs pa de la spro ba'o/ /dgos pa ni/ 'khor 'das kyi chos thams cad la 'dzin pa'i bar du
kyis bcings pa las grol bar byed pa'o/ /don gsal bar byed pa gang zhe na/ bar chad las grol bar byed pa'i phyag dang/ mthar phyin pa'i dam bca' dang/ don gsal bar byed pa'i gzhung//
de la thog mar sems nyid nor bu rin po che 'di la/ /tshogs gnyis kyi byi dor byas pas/ /dgos 'dod thams cad 'byung bas na phyag gi 'os te/ /bram ze chen pos/ /rang gi sems ni kun gyi sa bon te/ /gang la
srid dang mya ngan 'das 'phro ba/ /'dod pa'i 'bras bu ster bar byed pa yi/ /yid bzhin nor 'dra'i sems la phyag 'tshal lo/ /yang na sems lta ba'i dra ba 'dzin byed thams cad bral bI gsal stong 'dzin med bde ba chen po la
bzhag pa ni phyag rnams kyis nang nas mchog tu gyur pa ste/ /rdo rje phreng ba las/ ji ltar chu la chu bzhag dang/ /ji ltar mar la mar bzhag ltar/ /rang gis rang gi ye shes ni/ /legs mthong gang yin 'dir phyag 'tshal/ /
zhes so/ /dam bca' ni/ drang srong rnams kha 'og tu lus tshud pa 'am/ /rgyal po'i bya ba khas blangs pa lta bu'o/ /don rab tu gsal bar byed pa'i gzhung ni/ /ye shes mngon par 'byung ba'i rgyud rgyas pa laS/ /sgyu ma chos dbyingS
kun gzhi ste/ /sgyu ma lta bu'i choS rnaMs la/ sgyu ma lta bur bsgoms byas na/ /sgyu ma lta bur mngon sangs rgya/ /lam lnga sa ni bcu gnyis te/ /'di ni gzhan gyis rtogs pa min/ /gzhi dang rang bzhin 'gras bu'i don/ /thab dang rgya cher dbyer med
pa'o/ /zhes so/ /de'i don gang zhe na/ ji ltar gnas pa'i gzhi zung 'jug gtan la dbab/ thabs kyi rang bzhin lam zung 'jug nyams su blangs/ 'bras bu zung 'jug mngon gyur rang shar/ /de la ji ltar gnas
pa'i gzhi zung 'jug kun gzhi dang/ dbang bzhi las/ ji ltar gnas pa'i gzhi gang zhe na/ kun gzhi rnam par shes pa dang/ nyon mongs pa can gyi yid dang/ yid kyi rnam par shes pa dang/ sgo lnga'i rnam par
shes pa'o/ /de la kun gzhi'i rnam par shes pa la dbye na/ kun gzhi'i rig pa lung ma bstan dang/ kun gzhi kun gyi sa bon dang/ kun gzhi las bag chags su smin pa dang/ kun gzhi'i rnam shes su ji ltar bzhag
pa'o/ /dang po ni rig pa gsal stong lung? ma bstan kun gzhi'i rnam shes te/ snying po rab tu gsal ba'i mdo las/ /rig pa gsal stong kun gzhi ste/ /lung ma bstan du grags pa'o/ /zhes so/ /kun gzhi gsal stong de cig dang
tha dad pa ma yin pa'i zung 'jug ste/ dri med snying po'i mdo las/ /kun gzhi gsal stong lung ma bstan/ /cig dang tha dad ma yin zhing/ /stong dang stong min zung du 'jug /de ni chos rnams sa bon no/ /zhes so/ /de las rigs
gsal stong de/ /las kyi bag chags kyis g.yogs pas zla ba 'grib pa dang/ 'grib med kyi dpe ltar/ /kun gzhi sems can gyi khams na 'khor yang skye 'grib med pas rang bzhin gyis 'od gsal te/ /rgyan stug? po bkod
pa las/ /lus can kun gyi gzhi 'di ni/ /las kyi bag chags rnams kyis g.yogs/ /dbang po tshes pa'i zla log ltar/ /dbye ba'i zhing du snang ba ste/ /ri rab gnas shing 'khor ba yang/ /dngos po'i 'jig pa ma yin rgo?/ /de
bzhin sems dang rna? mang? ches yid/ /sems can khams na 'khor mod kyi/ /rtag tu rang bzhin 'od snan ba'o/ /ces gsungs so/ /kun gzhi kun gyi sa bon ni/ kun gzhi'i steng du dge mi dge lung ma bstan gyi bag chag
bsags pas sa bon du gyur te/ de nyid las kun gzhi sna tshogs gzugs can ni/ /rnam shes kun gyi gnas yin no/ /bag chags rnams dang ldan pa yi/ /kun gzhi kun gyi sa bon can/ /de las bag
chags snga ma'i sa bon las phyi ma ste/ snying po gsal ba las/ /snga ma snga ma'i bag chags las/ /phyi ma skye phyir sa bon no/ /bag chags de rnams bsags zhe na/ /stug po bkod pa las byis pa rnams kyis 'khor
gzugs rtags/ /de yi dbyibs las thog ma med/ /gnas ngan len dang las kyi rkyen/ /bag chags thog ma med pa bsags/ /de ltar thog ma med pa'i kun gzhi dang/ /bag chags gnyis ji ltar gnas zhe na/ /snying po
rab gsal las/ gser dang g.ya' ni ji bzhin du/ /kun gzhi'i bag chags de bzhin no/ /yang chu rngo dang nya lcibs lta bu ste/ rgyan las/ ji ltar chu rting rngo ba dag /nya lcibs dag gis yongs dkris pa/ /de bzhin kun gzhi'i
rnam shes kyang/ /bag chags dri ma can du byas/ /zhes so/ /kun gzhi la bag chags su smin pa ni/ /kun gzhi'i steng du dge mi dge lung du ma bstan gyi bag chags phra ba las rags par smin pas/ rigS drug so so'i
rnam par smin pa'o/ /snying po rab gsal las/ /dge dang mi dge bar ma yi/ /bag chags smin las riD drug 'khor/ /zhes so/ /kun gzhi'i rnam shes su ji ltar bzhag pa ni/ /kun gzhi stong gsal 'od kyi rang bzhin du
rnam par shes shing/ /rig pa'i cha nas kun gzhi'i rnam shes te/ sa sde las/ kun gzhi'i rnam shes gsal la rtog med kyi rnam par shes pa rnam par shes te/ rnam par shes pa nyid gsal la rtog pa med pa'o/ /
zhes pas/ kun gzhi'i rnam shes la phyi rol gyi yul du grub pa ma dmigs pas/ dmigs pa brgya yongs su chad pa med do/ /de yang 'khor 'das thams cad kyi gzhi rten par gyur bas na/ rnam byang dang tha dad pa med do/ /rgyan
las rnam par byang dang tha dad med/ /kun gzhi tha dad gyur pa min/ /de de rnam byang tha dad na/ /kun gzhi'i rtag pa ma yin 'gyur/ /snying po gsal ba las kun gzhi kun gyi gzhir gyur pas/ /de phyir rnam byang gzhi yin no/ /yed? gzhan
las kyang de ltar ro/ /de las thog ma med pa'i dus kyi dbyings/ /gzhi khams zhes bya ste/ lang kar gshegs pa las/ thog ma med pa'i dus kyi dbyings/ /chos rnams kun gyi gzhi yin te/ /de yod pas na/ 'gro kun kyang/ /
mya ngan 'das pa thob par 'gyur/ /yang na kun gzhi 'am/ bde gshegs snying po ste/ rgyud bla ma las/ thog ma med can gyi ni khams/ /de yod pas na 'gro kun kyang/ /mya ngan 'das pa 'byung bar 'gyur/ /yang na kun
gzhi 'am/ bde gshegs snying po ste/ rgyan las sa rnams sna tshogs kun gyi gzhi/ /bde gshegs snying po dge ba'ang de/ /snying po de yang kun gzhi'i sgra/ /de bzhin gshegs pas ston par byed/ /snying po kun gzhi?
grags pa yang/ /blo ngan rnams kyis mi shes so/ /yang na len pa'i rnam shes lus kyi gzhi/ kun gyi gzhi/ sems brten pa zhes bya ste/ sa sde las/ rnam par shes pa nges de ltar lus 'di bzung zhing nye bar blangs
pa nas len pa'i rnam shes zhes kyang bya'o/ /lus 'di'i gzhir gyur pas na kun gzhi zhes bya'o/ /lung du ma bstan pas ni sems can zhes kyang bya ste/ rnam par shes pa thams cad nga la brten nas 'byung ba'i phyir
ro/ /zhes gsungs so/ /de ltar thog ma med pa'i dus/ rig pa/ dbyings/ khams/ kun gzhi/ de bzhin nyid/ chos dbyings/ snying po/ chos sku/ ma skyes pa/ kun gzhi'i
rnam par shes pa/ sems can kun khyab gzhi rten/ gsal stong/ lung ma bstan/ rig pa 'od kyi khang pa/ gnas pa'i gzhi la sogs pa/ mdo las/ rnam grangs dpag tu med do/ /sngags nas rgyu'i
rgyud/ gzhi'i rgyud/ bcud kyi rgyud/ brten pa'i rgyud/ kun gyi rgyud/ thog ma med pa'i rgyud/ snying po'i rgyud la sogs pa rnam grangs du ma bshad do/ /de ltar mdo rgyud nas/ kun gzhi'i rnam grangs dpag tu med
pa bshad pa'i ming don la ma rmongs par kun gzhi dang/ sems dang rnam par shes pa'i gsang ba la mkhas pa ni/ sangs rgyas kyi chos thams cad la ma rmongs shing/ /khong du chud pa'o/ /zhes sa sde'i mdo
las gsungs so/ /nyon mongs pa can ni? yid ni/ kun gzhi'i rnam par shes pa rig pa gsal stong 'od kyi rang bzhin de la dmigs pa ma yin pa'i bdag tu 'dzin pa ni nyon mongs pa can gyi yid do/ /yid
gyi rnam par shes pa ni/ phyi nang gi chos sam yul rnams 'dzin par byed pas na yid kyi rnam par shes pa ste/ lang kar gshegs pa las/ sems ni kun gzhi'i rnam shes te/ /bar sems de ni nyon mongs
yid/ /gang gi yul rnams 'dzin pas na/ /de ni rnam par shes par brjod/ /sgo lnga'i rnam par shes pa ni/ /mig gi rnam shes kyis gzugs 'dzin pa'o/ /rna bas sgra/ snas dri/ lces ro/ /lus kyis reg bya 'dzin pa'o
de ltar yul de rnams kyi rnam par shes shing rig pas na rnam shes su 'dzin pa'o/ /yang sems kun gzhi ni lung ma bstan no/ /nyon mongs pa can gyi yid ni mi dge ba'o/ /yid kyi rnam par shes pa ni dge mi dge gnyis su 'gyur te/ lang
kar gshegs pa las/ sems ni kun tu lung ma bstan/ /yid ni gnyis kar 'gyur ba ste/ /rnam par shes pa 'byung ba yang/ /de ni dge dang mi dge ba'o/ /zhes pas yid kyi dge ba ni bcu'o/ /yid kyi mi dge ba ni drug
rtsa ba'i nyon mongs pa nyi shu nye ba'i nyon mongs pa'o/ /des na yid ni dge mi dge gnyis su 'gyur ro/ /sgo lnga'i rnam par shes pa ni lung ma bstan no/ /de ltar yang/ ting nge 'dzin mchog gi mdo las/ /sems ni lung du ma
bstan pa'o/ /nyon mongs can ni mi dge'o/ /yid ni dge sdig gnyis ka ste/ /sgo lnga lung du ma bstan pa'o/ /zhes gsungs so/ /gsang bsngaD kyi gzhi ni dbang bzhi ste/ ye sheS? mngon byung laS/ /gzhi yi rgyud ni dbang bzhi ste/ /bskyed rdzogs gzhi rten yin phyir ro/
mkha' 'gro gsang ba las/ rgyud ni dbang bzhi'i ngo bo ste/ /brjod bya rjod byed rgyud du 'gyur/ /zhes gsungs so/ /de dag gis ji ltar gnas pa'i gzhi bstan to/ /de nas thabs kyi rang bzhin nam/ /lam zung 'jug rtags
mtshungs ldan du bstan par bya ste/ de dag gang zhe na/ lam mdor bstan pa dang/ rgyas par bshad pa'o/ /dang po byang chub kyi phyogs kyi chos dang/ /sgyu ma rmi lam dbyer med du bstan pa ni/ /khri brgyad stong pa las/ lha'i
? dag dran pa nye bar bzhag pa rnams ni/ /rmi lam lta bu/ sgyu ma lta bu/ de bzhin du yang dag par spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag
rnams dang/ 'phags pa'i yan lag brgyad pa yang rmi lam lta bu/ sgyu ma lta bu yin no/ /lha'i bu dag/ de bzhin gshegs pa'i stobs bcu yang rmi lam lta bu/ sgyu ma lta bu yin no/ /de bzhin du mi
'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres ba bco brgyad kyang rmi lam lta bu/ sgyu ma lta bu yin no/ /dam tshig bkod pa'i rgyud phyi?
ma las/ gsang ba'i bdag po sgo lnga'i yul gyi rten dang/ dbye ba thams cad rten gzhal yas khang dang/ brten pa lha sku sgyu ma lta bur rtogs par gyis shig /de ltar rten dang rten pa de dag kyang/ /byang chub kyi phyogs kyi chos dang
dbyer med du rtogs par gyis shig / de ltar rten dang brten pa de dag kyang/ /sgyu ma dang byang chub kyi phyogs kyi chos rnams la gnyis su med de/ gnyis su byar med do/ /zhes so/ /de las kyang lam mchog tu gyur pa/ bla ma'i
mos gus lo zlas sa lam bgrod de?/ /ye shes mngon 'byung las/ sa dang lam gyi rim pa rnams/ /bla ma'i mos gus lo zlas bskyod/ /bla ma'i snang ba ma bral na/ /sangs rgyas rnams dang 'bral med gnas/ /zhes so/ /dam
tshig bkod pa las/ g.yo med mos gus zla drug gis/ /rdo rje 'chang gis thob 'gyur zhes so/ /rgyud sde lnga bcu las kyang de ltar ro/ /de yang snang ba thams cad rigs lngar gnas pa de lam du blangs nas bsgoms pas/ snang
pa gzhan gyi sel mi 'dug pa ni gsang sngagS kyi dam tshig la gnas pa ste/ rigs lnga'i dam tshig bkod pa las/ sgrib pa rnam par sel ba gang de la rigs lnga'i dam tshig la gnas par 'dod pas/ snad ba'i dbyibs thams cad
phyag mtshan lngar shes par bya'o/ /kha dog sna tshogs rigs lngar shes par bya'o/ /de bzhin du 'byung ba lnga dang/ shar lha sku de'i snang cha bskyed ri?/ tshogs pa'ang rigs lngar shes par bya'o/ /de ltar dbyings
dang/ kha dog dang/ 'byung ba dang/ phung po dang/ nyon mongs pa dang/ sems can sna tshogs pa dang/ rigs lnga la gnyis su med de gnyis su byar med do/ /yang na chogs bskyed pa 'am/ rang shar lha sku de'i snang cha bskyed ri?/
stong cha rdzogs rim/ rang bzhin dbyer med zung 'jug ste/ mngon 'byung las/ tha mal dag byed lha'i sku/ /snang ba'i cha las bskyed pa dang/ /stong pa'i cha las rdzogs rim ste/ dbyer med tshul 'di bstan pa'o/ /yang de nyid las/
dngos rnams snang stong dbyer med pa/ /bskyed dang rdzogs dang zung 'jug dang/ /bskyed rdzogs ma yin chos 'ga' med/ /byang chub tshul 'di bstan pa'o/ /lha'i snang ba gsal ba sprul sku/ bde ba longs sku/ mi rtog pa chos skur
lam du blangs te/ dam tshig bkod pa las/ chos rnams gsal ba sprul pa'i sku/ /de la mi rtog chos kyi sku/ /rtog bral bde phyir longs spyod rdzogs/ /byang chub tshul 'di bstan pa'o/ /de ltar chos thams cad gsal la rtog
pa med par shes pa ni lam gyi ye shes tshes gcig gi zla ba lta bu dang/ 'bras bu'i ye shes zla ba nya gang ba lta bu dang/ /dri ma med par grags pa'i mdo las/ /gang gis ting 'dzin mchog la gnas/ /de ni gsal la rtog med
do/ /rnam rtog mi mnga' sa le mkhyen/ /lam dang 'bras bu'i ye shes te/ /chos? cig dban po rgyas bzhin no/ /de ltar snang ba dang lha dang byang chub kyi phyos kyi chos dang/ sgru ma rnam gnyis su med par lam du slongs pa ni/ rgyal
ba'i mdo rgyud thams cad khong du chud par shes par bya'o/ /de nas nyams myong dang/ /lam lngas bcu sgyu ma dbyer med du rgyas par bshad par bya ste/ de yang lam gyi ngo bo zhi gnas dang/ lhag mthong
zung du 'brel pa'i lam mo/ /nges tshig ni/ bla na med pa'i byang chub la phyin par 'dod pas na lam mo/ /dbyen tshogs lam/ sbyor lam/ mthong lam/ bsgom lam/ mthar phyin pa'i lam mo/ /de la chogs lam gyi ngo bo
sdig pa sdod zhing dge ba dang du len pa'o/ /nges tshig ni/ chos nyid thob pa'i don du tshogs stog pa'o/ /dbye na tshogs lam chung ngu/ 'bring bo/ chen po'o/ /de la bag med pa dran pa nyams pa ltung ba'i rgyu yin la/ tshogs laM
chung ngu'i ting nge 'dzin gyi dran pa nye bar bzhag pa bzhi 'byung ste/ byang chub sems dpa' blo gros rab brtan gyi mdo las/ blo gros rab brtan gyis gsol ba/ bcom ldan 'das dran pa nye bar bzhag pa bzhi ji ltar bsgom
par bgyi/ /bcom ldan 'das kyis bka' stsal pa/ blo gros rab brtan/ gang de la byang chub sems dpa' lus la lus kyi rjes su lta ba'i dran pa nye bar bzhag pa gang zhe na/ lus sngon gyi mdza' dang/ phyi ma'i mdza' dang/
de ltar byung pa so so'i brtags te/ kye ma /lus 'di rgyu dang rkyen pa brtags pa mi rtag cing 'gyur ba sgyu ma lta bu ste/ lus 'di la nga yir mi bya bar/ lus 'di snying po med pa la snying po blang bar bya'o/ /snying? po gang zhe na de
bzhin gshegs pa'i sku bsgrub cing thob par bya'o/ /de ni lus kyi dran pa nye bar bzhag pa'o/ /blo gros rab brtan/ tshor ba la tshor ba'i rjes su lta ba'i dran pa nye bar bzhag pa gang zhe na/ chor ba gang ci'ang dung ste/ bde
ba'i tshor ba la dga' bar byed/ sdug bsngal gyi tshor ba la zhe sdang bar byed/ gnyis ka ma yin pa la rmongs par byed/ /bdag gi tshor ba thams cad sgyu ma lta bur rang bzhin med par sbyangs la/ sems can thams cad kyi tshor ba
rgyun chad pa'i phyir chos bstan par bya'o/ /de ci'i phyir zhe na/ rtogs pa'i tshor ba ni bde ba/ ma rtogs pa'i tshor pa ni sdug bsngal bar 'gyur bas na/ /dmigs pa dang/ yid la byed pa thams cad dang/ ji srid chos su brtags
pa thams cad kyi tshor ba thams cad sgyu ma lta bur shes pa ni tshor ba dran pa nye bar bzhag go / blo gros rab brtan/ sems la sems kyis rjes su lta ba'i dran pa nye bar bzhag pa gang zhe na/ sems ni skyes nas 'jig cing mi
gnas pas/ bdag gis thog mar sems bskyed cing/ /gnas pa de yang zad cing/ gang nas kyang mi gnas pas/ sems kyis sems mi mthong ngo/ /de la sems kyi mtshan nyid ni/ /sgyu ma 'dra ba ste/ mtshan nyid med pas
'dzin pa dang bral ba la gnas par bya'o/ /de ni sems dran pa nye bar bzhag pa'o/ /blo gros rab brtan/ chos la chos kyi rjes su lta ba'i dran pa nye bar bzhag pa gang zhe na/ gang stong pa nyid dang/ mtshan ma med pa dang/ /
smin pa med pa ma gtogs pa'i chos su grub pa'ang rdul tsam mi dmigs te/ chos de la lta zhing gnas pa ni chos nyid yang dag pa mthong gis/ chos ma yin pa la yang dag par rjes su yi mthong ngo/ /de la dran pa nye bar
bzhag ba zhes bya ba ni/ /sangs rgyas kyis chos ji snyed du bnyags? pa thams cad ming tsam mo/ /ming dang chos phyi nang gang duAng mi rnyed bsam mdza' med cings grub pa ni chos kyi dran pa nye bar bzhag go /de yang tshogs lam 'khrid? bor
sdig pa mi dge ba sdug bsngal gyi rgyu la dug tu bltas nas spong ba'i phyir/ yang dag par spong ba bzhi bsgom pa ste/ blo gros rab brtan gyis gsol pa/ yang dag spong ba bzhi ji
ltar lta bar bgyi/ /bcom ldan 'das kyis bka' stsal pa/ blo gros rab brtan/ byang chub sems dpa' i lam bzhi gang zhe na/ sdig pa mi dge ba'i chos ma skyes pa rnams mi bskyed pa'i phyir 'dun pa bskyed/ 'bad pa byed/
brtson 'grus brtsams/ sems rab tu 'dzin/ yang dag par rab tu 'jog go /sdig pa mi dge ba'i chos skyes pa rnams rab tu spong ba'i phyir 'dun pa bskyed pa la sogs snga ma bzhin no/ /dge ba'i chos
ma skyes pa rnams bskyed pa'i phyir/ 'dun pa bskyed pa la sogs pa snga ma bzhin no/ /dge ba'i chos skyes pa rnams gnas pa dang/ phyir bzhin 'phel ba dang/ nyams par mi 'gyur ba dang/ chud mi za ba'i phyir
'dun pa bskyed pa la sogs pa snga ma bzhin no/ /blo gros rab brtan/ gang sdig pa mi dge ba'i chos rnams zhes bya ba ni/ tshul khrims dang/ ting nge 'dzin dang/ shes rab kyi mi mthun phyogs so/ /tshul
khrims kyi mi mthun phyogs ni/ /tshul khrims nyams pa dang/ tshul khrims nyams par 'gyur ba'i chos rnams so/ /ting nge 'dzin gyi mi mthun phyogs ni/ sems g.yeng bar byed cing/
ting 'dzin nyams par byed pa rnams so/ /shes rab kyi mi mthun phyogs ni lta ba nyams pa dang/ lta ba mchog 'dzin gyi yang dag par sgrib pa'i chos rnams so/ /tshul bzhin yid la byed pa ni/ mi dge ba'i chos spong ba'i
phyir 'dun pa bskyed/ 'bad par byed/ brtson 'grus rtsom sems rab tu 'dzin/ yang dag par 'jog pa ni yang dag par spong ba dang po'o/ /gzhan yang mi dge ba'i chos rnams zhes bya ba ni/ 'dod pas chags/ khong khros sdang/
ma rig pas rmongs te/ rgyu gang las byung zhes pa'o/ /tshul bzhin yid la byed pa ni/ mi gtsang bas 'dod chags/ byamS par? zhe sdang/ rten 'brel gyis gti mug zhi bar byed do/ /gang nyon mongs pa de dag tha dad du brtags pas spong zhes bya yis/
gang spong ba de ni rnyed par mi 'gyur bas yang dag par spong ba gnyis pa'o/ /gang dge ba'i chos ma skyes pa rnams bskyed pa'i phyir/ 'dun pa bskyed/ 'bad/ brtson/ sems yang dag par rab tu 'jog ces bya ba ni/ bsgrub par bya ba'i dge
ba'i chos tshad med pa la 'dun pa dang/ sems rab tu 'dzin pas nyams su len par byed pa ni/ dge ba'i rtsa ba thams cad kyi rtsa ba ste/ yang dag par spong ba gsum pa'o/ /dge ba'i chos skyes pa gnas pa dang/ nyams par mi 'gyur ba dang/
chud mi za bar bya ba'i phyir dge ba'i rtsa ba thams cad byang chub tu bsngo'o/ /de ci'i phyir zhe na/ gang yang dge ba'i rtsa ba thams cad khams gsum la mi gnas par thams cad mkhyen par bsngos pas de la zad par 'gyur ba gang yang med pas
yang dag par spong ba bzhi pa'o/ /de nas tshogs lam chen por ting nge 'dzin gyi rang bzhin/ rdzu 'phrul gyi rkang pa bzhi bsgom par bya ste/ blo gros rab brtan gyis gsol pa/ bcom ldan 'das rdzu 'phrul gyi rkang pa bzhi ji ltar blta bar bgyi/
bcom ldan 'das kyis bka' stsal pa/ blo gros rab brtan byang chub sems dpa' i lam la bzhi ste/ bzhi gang zhe na/ 'dun pa'i ting nge 'dzin spong pa'i 'du byed dang ldan pa'i rdzu 'phrul gyi rkang pa dang/ brtson 'grus kyi ting nge 'dzin
spong ba'i 'du byed dang ldan pa'i rdzu 'phrul gyi rkang pa dang/ sems kyi ting nge 'dzin spong ba'i 'du byed dang ldan pa'i rdzu 'phrul gyi rkang pa dang/ spyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang
pa'o/ /blo gros rab brtan/ gang de la chos thams cad gang duAng ma grub pa sgyu ma lta bu dang/ gang du yang mi dmigs shing 'dzin pa bral ba'i chos thams cad la ming dang/ dngang? par mi 'gyur bar dga' pa spro ba 'dun pa de ni 'dun pa'i
ting nge 'dzin to/ /blo gros rab brtan gang dad pa rtse cig dang ldan pa'i 'dun pa des 'jig rten gyi chos thams cad kyi brtson pa 'dong? zhing/ le lo gyur pa thams cad kyis mi tshugs par brtson 'grus rgyun chad med pa dang ldan pa ni
brtson 'grus kyi ting nge 'dzin to/ /blo gros rab brtan gang rtsol ba'i rtsol ba rgyun mi 'chad pa dang ldan pa nges sems ni gang du yang ma grub cing mi dmigs te/ sems kyi rang bzhin 'od gsal ba de la sems rtse cig pa ni/ sems kyi ting
nge 'dzin to/ /blo gros rab brtan/ gang rtse cig tu gyur pa'i ting nge 'dzin dang ldan pa nges 'gro ba dang/ 'chag pa dang/ 'dug pa dang/ nyal ba'i dus thams cad duAng ting nge 'dzin las mi 'da' bar spyod pa ni spyod pa'i ting nge 'dzin to//
yang blo gros rab brtan/ de la ci'i phyir rdzu 'phrul gyi rkang pa ces bya zhe na/ ting nge 'dzin des log par gyur pa'i chos thams cad spong bar byed/ yang dag par dge bar byed de/ yang dag pa'i gnas su phyin par byed/ bgrod par
byed pas na ting nge 'dzin gyi rang bzhin rdzu 'phrul gyi rkang pa zhes bya'o/ /tshogs lam chung ngu'i thar pa'i cha 'thun dkon mchog la dad pa'i dmigs pa khyad par can dang/ chos thams cad so sor 'phyed pa'i dad pa khyad par can rgyud
la skyes pa'o/ /'bring po'i mthar pa'i cha 'thun ni/ pha rol tu phyin pa drug la dmigs pa'i spro ba dang brtson pa skye ba'o/ /chen po'i thar pa'i cha 'thun ni/ rnam par mi rtog pa'i ting nge 'dzin rgyun thung la grangs mang ba rgyud la skya ba'o//
de ltar tshogs lam bzhi gsum bcu gnyis kyi rtags ni/ tshul khrims dag pa'i dbang po'i sgo tshul bzhin ma yin pa las bsngams nas/ kha na ma tho ba'i sdig pa phra mo la 'dzems pas/ phyi rol chags sdang gi dgra thams cad dang? las
byung bar shes shing bdag dang gzhan med par shes pa'o/ /spang bya ni dug gsum gyis bsdus pa'i mi dge ba bcu'o/ /sa 'tshams ni/ 'dun pa sngon du song ba'i sems dang po bskyed pa nas drod kyi ye shes ma skyes par du tshogs
lam mo/ /de nas sbyor lam bshad par bya ste/ sbyor lam gyi ngo bo ni/ zhi gnas lhag mthong zug 'jug tu go ba'o/ /nges tshig ni/ mthong lam la sbyor ba'i phyir na sbyor lam mo/ /dbye ba la bzhi ste/ drod/ rtse mo/ bzod pa/ chos mchog go/
mtshan nyid ni/ mthong lam rnam par mi rtog pa'i ye shes kyi me'i snga ltas yin pas drod/ yang na nyon mongs pa skyes pa rnams gzhi med dam rang bzhin med par rtogs pas drod de/ dge ba'i rtsa ba rnams g.yo ba'i phyir ram/ rnam byang
gi chos rnams gsal stong 'dzin med du bag tsam rtogs pas rtse mo'i ye shes so/ /yid la byed pa'i bsgom pa ni drod dang rtse mo'i dus su dbang po lnga bsgom par bya ste/ blo gros rab brtan gyis gsol pa/ bcom ldan 'das dbang po lnga
gang lags/ bcom ldan 'das kyis bka' stsal pa/ blo gros rab brtan/ byang chub sems dpa' i lam la lnga ste/ lnga gang zhe na/ dad pa'i dbang po dang/ brtson 'grus kyi dbang po dang/ dran pa'i dbang po dang/ ting nge 'dzin gyi dbang po dang/
shes rab kyi dbang po'o/ /de la dad pa'i dbang po gan zhe na/ 'khor ba na spy+d pa'i 'jig rten pa'iyang dag pa'i lta ba la mngon par ngad ste/ las kyi rnam smin la 'jigs pas sdig pa srog gi phyir yang mi byed pa dang
byang chub sems dpa' i spyod ba la zhugs pa dang/ stong pa nyid dang/ mtshan ma med pa dang/ stobs dang/ mi 'jigs pa la sogs pa sangs rgyas kyi chos thos nas the tshom med par dga' zhing dad pa ni dad pa'i dbang po'o/ /
brtson 'grus kyi dbang po gang zhe na/ chos gang la dad pa brtson 'grus kyi dbang pos bskyed par byed de/ de brtson 'grus kyi'o/ /dran pa'i dbang po gang zhe na/ chos gang brtson 'grus kyis bsdus pa de dag dran pa'i dbang pos chud
mi za bar byed pa de dag ni dran pa'i dbang po'o/ /ting nge 'dzin gyi dbang po gang zhe na/ chos gang dran pa'i dbang pos chud mi za bar byed pa'i chos de dag ting nge 'dzin gyi dbang pos rtse cig tu ma yengs par byed pa de ni ting nge 'dzin gyi dbang
po'o/ /shes rab kyi dbang po gang zhe na/ chos gang ting nge 'dzin gyis rtse cig tu byed pa de dag shes rab kyi dbang pos brtags pas chos thams cad sgyu ma ltar yongs su ma grub par shes pa ni shes rab kyi dbang po'o/ /de la
sbyir sbyor lam bzhi la gnas pa'i rtags nyi shu la/ dang po drod rtags bcu ni/ byams mgon gyis gzugs sogs 'du shes ldog pa dang/ the tshom yid la zad pa dang/ bdag nyid dge la gnas pa dang/ gzhan yang de la 'gong
gro? dang/ /gzhan gyi rten? sogs sbyin pa dang/ /zab mo'i don la som nyi med/ /byams sems lus sogs sgrib pa ni/ /rnam pa lnga dang mi 'grogs dang/ /bag la nyal kun 'joms pa dang/ /dran pa dang ni shes bzhin no/ /zhes so//
ye shes mngon byung las/ sgyu ma lta bu'i nyams myong ni/ /cung zad drod kyi ye shes te/ res 'ga' spyod pa'i ye shes bstan/ /de yis nyams myong 'phel bar byed/ /ces so/ /rtse mo'i rtags bzhi ni/ byams pas/ gos la sogs
pa gtsang ma dang/ /lus las srin bu rnams mi 'byung/ /gya gyu med sems sbyangs pas ni/ /len dang ser sna med sogs dang/ /rmi lam na yang chos rnams kun/ /rmi lam lta bur lta la soD/ /rtse mor phyin pa sbyor ba'i rtags/ /rnam pa bcu
gnyis dag tu bzhed/ /rgya mtsho'i rgyud phyi ma las/ rmi lam nub cig zin gyur na/ /rnal 'byor zla phyed bar du bde/ /lha klu dri zas mchod cing bstod/ /dpa' bo mkha' 'gro dngos su 'du/ /ngan song mtsho? las sgrol ba'i gru/ /zhes so/ /
de nas stobs lnga bzod pa dang chos mchog tu bsgom par bya ste/ blo gros rab brtan gyis gsol pa/ bcom ldan 'das stobs lnga gang lags/ bcom ldan 'das kyis bka' stsal pa/ blo gros rab brtan/ byang chub sems dpa'
lam la lnga ste/ lnga gang zhe na/ dang pa'i stobs dang/ brtson 'gras kyi stobs dang/ dran pa'i stobs dang/ ting nge 'dzin gyi stobs dang/ shes rab kyi stobs so/ /de la dad pa'i stobs gang zhe na/ gang la dar? cing mos pa rtse gcig
pa de la gang gis kyang mi brji ba ste/ de'i drung du bdud kyis sangs rgyas su bsgyur nas 'ong ste/ khyod kyi de ni chos ma yin no zhes bsgyur bar byed do/ /bzlog par byed kyang/ de ni 'bral par mi byed 'byar par mi byed do/ /de yang
'byung? ba chen po bzhi ni 'byung srid kyi/ /dad pa'i stobs la mos pa de ni/ /stobs de las 'bral bar mi nus pas na dad pa'i stobs so/ /brtson 'grus kyi stobs gang zhe na/ gad brtson 'grus rtsom zhing dge ba'i chos
gang dang gang la brtan pa'i stobs kyi mthu stobs kyang gnas der ma phyin par la brtson pa'i stobs de sus kyang bzlog par mi nus pa de ni brtson 'grus kyi stobs so/ /dran pa'i
stobs gang zhe na/ chos gang dang gang la dran pa nye bar bzhag pas sems mi g.yengs te/ de la nyon mongs pa gang gis kyang brdzi bar mi nus pa dran pa'i stobs te/ nyon mongs pas dran pa de mi choms pas na dran pa'i stobs zheS
bya'o/ /ting nge 'dzin gyi stobs gang zhe na/ dran pa bag yod nyon mongs pas mi brdzi ba de gang du gnas kyang 'du 'dzi las dben pa ste/ gzugs la sogs pa chags sdang gi yul thams cad la der 'dzin gyi 'du shes ma zhugs
par chos gang la yad rnam par mi rtog pa ni 'du 'dzi las dben pa'i stobs thob pa ste/ ting nge 'dzin gyi stobs zhes bya'o/ /shes rab kyi stobs gang zhe na/ 'jig rten dang 'jig rten las 'das pa'i chos thams cad
shes rab kyi stobs des yongs su shes nas/ 'jig rten pa rnams 'khor ba las sgrol bar byed pa de ni shes rab dang ye shes kyi stobs las byung ba na shes rab kyi stobs zhes bya'o/ /de la ci'i phyir stobs lnga zhes bya zhe
na dbang po lnga brtan zhing/ de'i stobs rgyas pas na stobs lnga zhes bya ste/ de la bzod pa'i stobs ni/ byams pas/ chos nyid ldan par 'gro ba dang/ sems can don du dmyal rtsol dang/ /gzhan gyis sgrib par mi nus dang/ laM
gzhan nye bar ston bdud dang/ /bdud ces bya bar rtog pa dang/ zhes dang bu mo bzhis zhus pa las/ nags khrod cig pur gnas bcas nas/ chos rnams sgyu mar nyams blangs pas/ rmi lam sna tshogs rmi lam shes/
bzod pa la gnas ngan song bral/ /chos mcho rtags ni cig pa ste/ /sangs rgyas dgyes pa'i spyod pa'o/ /rtags ni nyi shu de dag gis/ /drod dang rtse mo bzod bcas dang/ /chos mchog rnams la gnas pa ni/ /rdzogs pa'i byang chub la mi ldog?
khye'u rab snad las/ 'jig rten zhen pa kun bral nas/ phan pa'i sems dang gang ldan pa/ /rgyal ba mnyes par byed pa yi/ /chos gzhan yod pa ma yin no/ /spang bya ni gong bzhin no/ /sa 'tshams ni drod kyi ye shes nas 'jig rten chos
mchog gi bar ro/ /de nas mthong lam bshad par bya ste/ mthong lam gyi ngo bo ni/ bden bzhi don dmigs med do/ /nges tshig ni sngar ma mthong ba'i chos nyid mngon sum du mthong lam mo/ /dbye na bzhi ste/ sdug bsnal/ kun 'byung/
'gog pa/ lam mo/ /dbye ba'i mtsh+n+nyid ni/ sdug bsngal la sogs pa'i bden bzhi stong pa nyid du mthong ba ni/ chos shes pa'i bzod pa/ de'i steng du skad cig phyi ma'i shs pa stong nyid de rgya cher mthong pa ni/ /mthong lam gyi chos nyid mthong
ba'o/ /bzod pa dang chos shes pa gnyis byang chub thob pa'i rgyu phyin ci ma log par dug snyam du rtogs pa de/ bden pa bzhi la rjes su shes pa'i bzod pa'o/ /de ltar rtogs pa de ma nor thag chod nges shes skyes pa ni bden pa bzhi la rjes su
chos shes pa'i bzod pa'o/ /de ni mthong lam gyi ye shes kyi mthong ba'o/ /de rnams ni chos nyid rgya chung ba de bas che ba dang/ shin tu che ba dang bzhi ste/ /bya ba che chung gi khyad par du byas pa'o/ /yid la byed pa'i ting nge 'dzin ni/ byang chub kyi
yan lag bdun te/ byang chub sems dpa' blo gros 'byung gnas kyis zhus pa'i mdo las/ blo gos 'byung gnas kyis gsol pa/ /bcom ldan 'das byang chub kyi yan lag bdun ji ltar blta bar bgyi/ bcom ldan 'das kyis bka'
blo gros 'byung gnas/ gang dran pa med cing yid la byar med pa'i phyir/ chos thams cad rang gi mtshan nyid kyis stong pa ste/ gang de la ches thams cad ngo bo ma grub par mthong ba de ni dran pa yang dag byang chub kyi yan
lag go / blo gros 'byung gnas gang gis dge ba dang mi dge ba dang/ lung du ma bstan pa yang ma grub pa'i phyir ro/ /chos su btags pa thams cad gang du mi dmigs pa sgyu ma lta bu ni/ chos rnam par 'byed pa byang chub kyi yan lag go /blo gros
'byung gnas/ gang gi chos thams cad kyi 'du shes shin tu bshig pa'i phyir khams gsum dang mya ngan las 'das pa'i chos thams cad mi len mi 'dod par/ lam gyi de mngon par rtogs pa 'dzin pa dang bral ba la/ spro ba dang/ mi rtog
pa'i mos pa dang/ brtson pa yi 'dor ba 'di ni/ brtson 'grus yang dag byang chub kyi yan lag go /blo gros 'byung gnas/ gang gis dga' ba dang/ mi dga' ba thams cad rnam par bshig pa'i phyir 'du byed kyi chos thams cad la dga'
pa mi bskyed par/ kun nas nyon mongs pa sel ba 'di ni dga' ba yang dag byang chub kyi yan lag go /blo gros 'byung gnas gang gi dmigs par 'gyur ba'i chos rdul tsam yang mi dmigs pa'i phyir/ chos thams cad lus shin tu
sbyangs pa dang/ sems shin tu sbyangs pas sgrib pa med pa dang/ dmigs pa med pa'i ting nge 'dzin la sems gnas pa ni/ sems shin tu sbyangs pa yang dag byang chub kyi yan lag go /blo gros 'byung gnas/ gang gis chos thams cad
kyi 'dzin pa rnam par bshig pa'i phyir ram/ rtogs pa'i phyir sems ni gang la yang mi dmigs te/ gang la sems mnyam par bzhag cing chos rnams rtogs par 'gyur gyi/ sems mnyam par bzhag pa ma yin pa dang/ sems
mnyam par bzhag pas sangs rgya yi/ /mnyam par ma bzhag pas ma yin no/ /de ltar 'dzin pa dang bral bar mnyam par 'jog pa de ni ting nge 'dzin yang dag byang chub kyi yan lag go /blo gros 'byung gnas/ gang gis chos thams cad
gang la'ang gnas par mi byed/ bsten par mi byed/ chags par mi byed/ 'ching bar mi byed/ gang yang yid bde sdug bar ma la sogs pa'i chos thams cad la sems mi 'dzin te/ 'jig rten gyi chos thams cad kyis mi 'phrog shing/
des chos thams cad yang dag par rjes su mi mthong ba'i btang snyoms can du gyur nas/ dga' ba thob pa 'di ni btang snyoms yang dag byang chub kyi yan lag go /blo gros 'byung gnas byang chub kyi yan lag bdun de ltar du blta bar bya'o/ /de
ltar ting nge 'dzin de stobs kyis/ /chos nyid mngon su mthong ba dang/ /mngon shes dag dang ldan dus su/ /dga' la du bro'i shes pa dang/ /rtag tu tshangs par spyod pa dang/ /sems phyir lus 'di bsgyur stub dang/ /chos phyir srog ni gtong
phong dang/ /blo ldan mthong ba'i lam la skye/ /phyir mi ldog pa'i rtags su bshad/ /de ma yin pa'i yon tan ni/ /brgya phrag bcu gnyis 'byung bar 'gyur/ /phal po che las/ sa thob gyur ma thag tu 'jigs pa lnga dang
bral/ /'tshe ba med dang 'chi ba mi bsngags ngan 'gro dang/ /'khor gyi 'jigs bral de la bag tsha'i rnam pa med/ /ci'i phyir zhe na de la bdag gis gnas med do/ /zhes pas 'jigs pa lnga bral du shes par bya'o/ /de las dang
po'i/ /mthong spangs brgya rtsa bcu gnyis ni/ /kun brtags kyi nyon mongs pa drug gi bye brag ste/ drug gang zhe na/ ma rig pa/ 'dod chags/ nga rgyal/ phrag dog/ khong khrod the tshom lta ba'o/ /lta ba la lnga ste/ /'jig tshogs kyi
lta ba/ mthar 'dzin/ log lta/ tshul khrims / brtul zhugs kyi lta ba mchog tu 'dzin pa'o/ /de la lta ba lnga dang/ ma rig pa la sogs lta ba ma yin pa lnga sdebs pas nyon
mongs pa bcu/ de ltar lta ba'i nyon mongs pa bcu po de / 'dod khams na bden pa bzhi po re re la phrag bcu bcu 'byung bas bzhi bcu'o/ /khams gong ma gzugs khams dang/ gzugs med kyi khams gnyis na/ khong khro ma
gtogs pa'i dgu po de bden pa bzhi la dgu dgu sbyar bas/ gzugs khams la dgu bzhi sum cu so drug /gzugs med na dgu bzhi sum cu so drug ste/ bdun cu don gnyis/ de'i steng du 'dod khams kyi bzhi
bcu mnan pas mthong spang brgya dang bcu gnyis so/ /de yang spong tshul ni / mthong spangs so drug de'i steng du 'dod khams kyi bzhi bcu bsnan pas mthong spang brgya dang lnga bcu rtsa gnyis zer ba don thog du dgos saM? snyam pa deg yin na gong du mthong spang brgya dang lnga bcu
rtsa gnyis zer ba'ang dgos/ kyis nyon mongs pa chen po'i chen po mun nag lta bu ste/ ye shes chung dus te/ mar me lta bus spong ngo/ /de yang gong bzhin bden pa bzhis spong ba dang /bdag med rtogs pas cig char du spong ba'o//
de yang bsngags kyi bden pa mthong tshul ni/ /ye shes sngon 'byung las/ bde chen las kyi phyag rgya yis/ /nyin par bden 'dzin rtsa 'dud grol/ /mtshan mo 'khrul pa'i rtsa 'dud grol/ /byang chub tshul 'di bstan pa'o/ /de nyid
las/ phyag rgya'i bde ba bde ba che/ /bla ma'i drin las byung ba yi/ /chos nyid dngos su mthong ba ste/ /dang po'i bden pa zhes su grags/ /dam tshig bkod pa las/ nyin bar snang stong sgyu ma dang/ /mtshan mo rmi lam lha'i sku//
rang shar de las ma g.yos tshe/ /de ni rgyal ba longs spyod rdzogs/ /skad cig bar dor mya ngan 'das/ /rgyun la gnas na smos ci dgos/ /sgyu ma 'od gsal de bzhin no/ /'di ni gzhan du brjod mi bya/ /ye shes gsal ba'i rgyud phyi ma las//
phyogs bcu'i zhing khams gang yin pa/ /rmi lam lus kyi bkod pas sbyangs/ /dang po sa yi yon tan rnams/ /de nas byung gis gzhan du min/ /de nyid las / nyin par dang ni rmi lam gyi/ /'khrul ba'i bag chags ma dag par//
sa brgyad la yang mi gnas na/ /pad+ma can la smos ci dgos/ /tshangs ba kun dge'i mdo las/ sa dang lam gyi yon tan rnams/ /rmi lam skabs las rtogs par bya/ /sa 'tshams ni/ chos mchog nas mthong lam gyi bar ro/ /de nas/
bsgom lam bshad par bya ste/ /ngo bo ni rnam par mi rtog pa'i ye shes so/ /nges chig ni chos nyid bden pa mthong zin gom par bya ba'i phyir bsgom lam mo/ /dbye na bsgom lam las dgu ste/ /dri ma med pa'i sa la sogs pa'o//
yid la byed pa'i ting nge 'dzin ni/ /'phags pa'i lam yan lag brgyad de/ blo gros 'gyur gnas kyis gsol pa/ /bcom ldan 'das byang chub sems dpa' i 'phags lam yan lag brgyad ji ltar blta bar bgyi/ bcom
ldan 'das kyis bka' stsal pa/ blo gros 'byung gnas/ de la chos thams cad mnyam pa nyid ni/ /yang dag pa'i lta ba ste/ de la bdag tu blta ba dang/ gang zag dang/ sems can dang/ srog dang/ stong nyid du lta ba yang
dag par mi byed do/ /de la lta ba'i dmigs pa chung du nas mya ngan las 'das pa'i bar dang/ gang yang rab 'bring tha ma'i lta bar gyur pa thams cad dang bral ba ni yang dag pa'i lta ba'o/ /blo gros 'byung gnas ? de la
rtog pa gang gis rtog pa spong bar 'gyur ba'o/ /de yang zhi gnas kyis bsdus pa'i lhag mthong la mkhas pa ste/ de la chos bzang ngan du rtogs pa dang/ yongs su rtog pa dang/ rnam par rtog pa
thams cad spangs te/ cir yang mi rtog /rnam par mi rtog /yang dag par yang mi rtog pa 'di ni yang dag pa'i rtog pa'o/ /blo gros 'byung gnas/ de la tshig gang gis bdag gzhan thams cad la mi gnod pa ste/
de la bdag kyang nyon mongs par mi byed / gzhan yang nyon mongs par mi byed par/ tshig gang gis chos thams cad mnyam pa nyid du nges par rtog par byed pa 'di ni yang dag pa'i dag go /blo gros 'byung gnas/
de la las gang zad cing ma grub pa ni las kyi mdza' o/ /de la las nyon mongs pa zhi bar 'gyur gyi/ nyon mongs pa 'bar ba'i phyir ma yin pa dang/ las gang nyon mongs pa dang bral bar 'gyur gyi/ nyon mongs pa skye ba'i
phyir ma yin pa dang/ dkar ba dang/ gnag pa dang/ 'dres pa'i las kyi mdza' thams cad dang bral zhing/ ma grub pa ni yang dag pa'i las mdza' o/ /blo gros 'byung gnas/ de la nyon mongs pa mi sog pa ni yang dag
pa'i 'tsho ba ste/ de la 'tsho ba gang bdag la yang mi gnod par gzhan la yang mi gnod de/ chos kyi don rdzogs par 'gyur ba 'di ni yang dag pa'i 'tsho ba'o/ /blo gros 'byung gnas/ de la zab cing spros pa dang bral
ba 'dus ma byas pa'i chos bsgrub? pa la rtsol ba ste/ de'i phyir sems rab tu 'dzin pa dang/ 'dun pa dang/ brtson pa dang/ mi zhum par yang dag pa'i nan tan mngon sum du byed pa 'di ni yang dag pa'i rtsol ba'o/ /blo
gros 'byung gnas/ de la dran pa gang gis nyon mongs pa thams cad kyi skabs mi rnyed pa'o/ /de la byang chub kyi yan lag sems dang/ tshad med pa dang/ pha rol tu phyin pa drug gi dran pa ste/ dran pa gang gis bdud kyi skabs mi rnyed
pa dang/ dran pa gang gis lam log par mi 'gyur pa dang/ dran pa bgo ba lta bus sems dang sems byung gi chos mi dge ba thams cad kyi skabs mi rnyed pa 'di ni yang dag pa'i dran pa'o/ /blo gros 'byung gnas /bdag mnyam pa
nyid las chos thams cad mnyam pa nyid dang/ bdag rnam par dag pas chos thams cad rnam par dag pa dang/ bdag stong pa nyid las chos thams cad stong pa nyid du yang dag par snyoms par 'jug la/ yang dag pa'i ting nge 'dzin
gang gis sems skad cig dang ldan pa'i shes rab kyis thams cad mkhyen pa dang/ thams cad mkhyen pa'i ye shes kyis mngon par sangs rgyas pa 'di ni yang dag pa'i ting nge 'dzin to/ /blo gros 'byung gnas/ byang chub sems dpa' i
lam yan lag brgyad de ltar blta bar bya'o/ /de'i rtags ni/ zab mo'i don khong du chud nas/ goms zhing brtan par 'gyur bas/ mthu dang rdzu 'phrul dang ldan par 'gyur te/ sa gnyis pa nas bcu pa'i bar du/ yon tan brgya phrag bcu gnyis
bsam gyis mi khyab par 'byung bar 'gyur ro/ /de yang bsgom spangs kyi nyon mongs pa bag la nyal ba'i lhan skyes las phyi nang drug ste/ drug gang zhe na/ ma rig pa dang/ 'dod chags/ khong khro/ the tshom/ nga rgyal /'jig tshogs
su lta ba'o/ /'dod khams na nyon mongs pa drug po re re la che 'bring dgu dgur phye nas/ de la ye shes kyang che 'bring dgu dgur phye nas spong ste/ dgu pa drug la lnga bcu rtsa bzhi/ gzugs kham na khong khro bor ba'i lnga po la/ bsam
gtan dang po'i nyon mongs pa lnga po la che 'bring dgu dgur phye nas de ye shes che 'bring dgus spong ngo/ /dgu pa lnga la bzhi bcu zhe lnga/ gnyis pa dang/ gsum pa dang/ bzhi pa rnams la zhe lnga lnga ste/ brgya brgyad
cu lnga? gzugs med la yang/ nam mkha' mdza' yas skye mched la bzhi bcu zhe lnga/ de bzhin du rnam shes mdza' yas dang/ yod min med min dang/ ci yang med pa'i skye mched gsum po la zhe lnga lnga ste/ brgya dang brgyad cu /de ltar
brgya brgyad cu gnyis la gsum brgya drug cu/ de'i steng du 'dod khams kyi lnga bcu rtsa bzhi mnan pas bsgom spang bzhi brgya dang bcu bzhi'o/ /de nas mthar phyin pa'i lam bshad de/ /bsam gyis mi khyab pa bstan pa'i mdo las/ de
la rigs kyi bu/ mthar phyin pa'i lam gang zhe na/ bla na med pa'i byang chub myur du thob par byed pa la chos gzhan gyis bar chad med pas na bar chad med pa'i lam zhes bya/ gang de la rigs kyi bu/ bsgom par bya ba'i lam gyis sgrib
pa kun spangs nas/ sa bcu rgyun gyi tha ma la sgrib pa phra zhing phra ba de nyid rdo rje lta bu'i ting nge 'dzin nus pa thogs med dang ldan pa des 'joms par 'gyur ro/ /dgongs pa bla na med pa'i rgyud las /gsal stong 'dzin med bde ba che//
'od gsal dang shar 'dus ma byas/ /ge sar gsang ba'i bde ba dang/ /byin brlabs stobs las 'byung ba ste/ /mun khung sgron me gser gsal ltar/ /phra zhing phra ba'i sgrib pa de/ /rang dag rang grol stobs kyis 'joms//
'di ni gsar ba'i spyod yul la/ /de ltar shes bya'i sgrib pa dag pa'i sangs rgyas de ji lta bu zhe na/ ye shes bla na med pa'i rgyud las/ /'dus ma byas pa'i dbyings nyid dang/ /ye shes gnyis su med pa ste/ /nyon mongs shes bya yod
dag pa'i/ /chos sku dag pa gnyis ldan te/ /mi 'gyur ma skyes mtshan med pa'i/ /sangs rgyas rnams ni chos kyi sku/ /de la bzhengs bzhugs mi mnga' yang/ /sngon gyi sems bskyed bsod nams tshogs/ /smon lam bskyed rims rgyu rgyan
las/ /gzugs sku gnyis ni rang shar 'byung/ /de yang 'og min pho brang du/ /snang mdzad longs sku rdo rje 'chang/ /mtshan bzang dpe byang rab tu ldan/ /dpe bral snang stong dri med sku/ /zhen bral bde stong dbyer med rdzogs/ /sangs rgyas
byang chub sems dpas bskor/ /mdza' bral bde stong dbyer med chos/ /skye med rang sgra sgrogs par byed/ /gnas dus ston pa 'khor la sogs/ /sbrul sku gang 'dul rang shar gyis/ /gdul bya gang 'dul skur gyur nas/ /skyon bral yang
ltar smin grol byed/ /yang na nor bu dpag bsam ltar/ /yang dgongs pa bla na med pa las/ /bskyed rims bde ba'i mtshan nyid can/ /de la sku gnyis 'byung 'gyur te/ /rdzogs rims las ni chos kyi sku/ /dbyer med tshul 'di bstan
pa'o/ /de yang chos sku las longs sku/ longs sku las sprul sku 'byung pa 'am 'char te/ gser 'od dam pa las/ dper na/ nam mkha' stong pa la brten nas klog snang ngo/ /de bzhin du chos sku la brten nas bsod nams kyi sku snang ngo/ /bsod
nams kyi sku la bsten te sprul sku snang ngo/ /sku gsum du bgrang du yod kyi/ /ngo bos ni gsum du med do/ /mdor na chos sku nam mkha' lta bu la/ /gzugs sku 'ja' tshon lta bu 'byung zhing/ /rtog bral shes bya thams cad ma lus pa ji lta
bu bzhin mkhyen te/ rnam rtog mi mnga' cing yangs le mkhyen/ /chos sku mkha' 'dra gzugs sku mdzes sku ldan/ /de la chos sku'i ngo bo gsum ste/ 'dus ma byas pa lhun gyis grub ste/ de la rkyen gzhan gyis bsgyur bar mi nus pa'o/ /gzugs sku'i
ngo bo la yang gsum te/ mkhyen pa dang brtse ba dang/ nus par ldan pa'o/ /de ltar yang byams pas/ lhun gyis grub cing 'dus ma byas/ /gzhan gyi rkyen gyis rtogs min pas/ /mkhyen dang brtse dang nus par
ldan/ /de yang ye shes lnga las sku bzhi grub/ tshul dang/ bskyed rdzogs dang/ tshogs gnyis las sku bzhi dang/ dbang bzhi las sku bzhi 'grub tshul la sogs pa spros pa las dga' bar gyur na mdo rgyud du ma las shes par
bya'o/ /'di ni rtse cig tu sgrub pa'i nyams myong dang/ mdo rgyud kyi dgongs pa mi 'gal bar mdor bsdus nas bstan pa yin gyi/ shes bya dang theg pa ma lus pa shes par bya ba'i long med cing thug mdza' med de/ lang kar
gshegs pa las/ ji srid 'du shes yod kyi bar/ /theg pa'i mdza' la thug pa med/ /'du shes med par gyur pa na/ /theg pa med cing brjod du med/ /ces gsungs so/ /sa 'tshams ni/ sa bcu rgyun gyi tha ma nas sku bzhi
'phrin las dang bcas pa'i bar la mthar phyin pa'i lam du shes par bya'o/ /de nas sa'i rim pa bshad par bya ste/ sa'i ngo bo ni/ 'jig rten las 'das pa'i lhag mthong gnyis bral lo/ /des tshig ni/ yon tan
thams cad kyi rten naM gong du bgrod pa'i bzhi yin pas na sa zhes bya ste/ mdo sde rgyan las/ 'byung po dpag med 'jig byed phyir/ /dpag tu med pa de dag la/ /phyi phyir gong du 'gro ldan phyir/ /de dag nyid ni sar 'dod do//
ces so/ /dbye ba ni rab tu dga' ba la sogs sa bcu'o/ /sa bcu so so'i mtshan nyid ni/ /gser 'od dam pa las/ de la rigs kyi bu phyir na/ sa dang po rab tu dga' ba zhes bya zhe na/ de ni thog mar 'jig rten las 'das
pa'i sems sngon ma mthong ba de mngon du gyur te/ don chen po'i bsams pa phun sum tshogs pa thob pa'i phyir/ sa dang po rab tu dga' ba zhes bya'o/ /ltung ba phra mo'i dri ma dang/ /tshul khrims kyi nyes skyon thams cad dag pa'i phyir/ ?
gnyis pa dri ma me dang zhes bya'o/ /mtshan ma med pa yid la byed pa med pa'i tshang med pa'i ye shes dang/ ting nge 'dzin gyi ye shes kyi 'od snang ba de bskyod par mi nus shing gang gis kyang zil gyis mi non pa dang/ thos pa 'dzin pa'i
gzungs la gnas pa'i phyir sa gsum pa 'od byed pa zhes bya'o/ /ye shes kyi me des nyon mongs pa thams cad bsreg cing/ byang chub kyi phyogs kyi chos bsgoms pa'i me 'od 'phro ba phyir 'byung bas na/ sa bzhi pa 'od 'phro ba
zhes bya'o/ /de bsgoms pa'i thabs dang/ mchog gi ye shes la dbang bskur dka' ba dang/ mthong spang dang/ bsgom spang gi nyon mongs pa thul bar dka' ba thul ba'i phyir sa lnga pa sbyangs dka' ba zhes bya'o/ /'du byed
kyis chos thams cad bar tshad med pa mngon du gyur te/ mtshan ma med pa yid la byed pa thams cad mngon du byed pas/ sa drug pa mngon du gyur pa zhes bya'o/ /zag pa med pa'i chos la bar chad med cing mtshan ma
med pa yid la phyed pas rnam par grol ba'i ting nge 'dzin yun ring du bsgoms pa de rnams dag cing thogs pa med pa dang/ nyam thos dang rang rgyal las ring du song ba'i phyir/ sa bdun pa ring du song ba zhes bya'o/ /mtshan
ma med pa yid la byed? pa bsgom pa la dbang thob ste/ nyon mongs pa rnams kyis g.yo bar mi nus pas nas brgyad pa mi g.yo ba zhes bya'o/ /rnaMs pa thams cad la chos ston pa la dbang du gyur pa dang/ kha na ma tho
ba med cing blo gros shin tu yangs pa thogs pa med pa thob pa'i phyir/ sa dgu pa legs pa'i blo gros zhes bya'o/ /chos kyi sku nam mkha' lta bu la ye shes chen po sbrin lta bus khyab par 'grims
pa'i phyir sa bcu pa chos kyi sprin zhes bya'o/ /zhes gsungs so/ /sa bcu pa'i snga ltas ni/ bsam gyis mi khyab pa bstan pa'i mdo las/ rigs kyi bu de la byang chub sems dpa' sems dpa' chen po'i/ byang chub sems dpa' sa dang
po'i snga ltas ni/ stong gsum gyi stong chen po'i 'jig rten gyi khams gter bye ba khrag khrig brgya stong gis yongs su gang ba mthong/ rigs kyi bu de la byang chub sems dpa' sems dpa' chen po'o/ byang chub sems dpa' i sa gnyis
pa'i snga ltas ni/ stong gsuM gyi sdong chen po'i 'jig rten gyi khams lag mthil lta bur gyur pa la/ rin po che bye ba khrag khrig brgya stong du mas rab tu brgyan par mthong ngo/ /rigs kyi bu zhes 'og ma rnams la'ang sbyar ro/ /sa gsum pa'i snga lham?
ni/ bdag nyid dpa' zhing lag cha dang go cha sra ba thogs nas phas kyi rgol ba thams cad 'dul bar mthong ngo/ /sa bzhi pa'i snga ltas ni/ phyogs bzhi ni rlung gi dkyil 'khor thams cad dang ldan pa'i sa'i dkyil 'khor chen po la/
me tog sna tshogs kyis mngon par mthor ba mthong/ sa lnga pa'i snga ltas ni/ rgyan thams cad kyis brgyan pa'i bud med kyis dbu la me tog tsam pa ka'i phreng ba 'dogs? pa mthong ngo/ /sa drug pa'i snga ltas ni /rdzing? them kas bzhi dang
ldan pa'i gser gyi phye ma brdal ba rnyog pa med cing dang ba la yan lag brgyad dang ldan pa'i chus yongs su gang/ me tog aud pa la dang/ ku mu ta dang/ pad+ma dkar pos brgyan pa'i chur mthong ste/ de la bdag nyid rtse dga' zhing yongs su
sbyong ba mthong ngo/ /sa bdun pa'i lnga ltas ni /phyogs g.yas g.yon gnyis nas sems can dmyal ba'i g.yang sa mthong ste de nas bdag nyid ma gnad ma nyams par slar ldog par mthong ngo/ /sa brgyad pa'i snga ltas ni/ phrag pa gnyis so?
na ri dags kyi rgyal po seng ge ral pa can cod pan thogs pa gcan zan phra mo thams cad skrag par byed cing 'dug par mthong ngo/ /sa dgu pa'i snga ltas ni/ 'khor los bsgyur ba'i rgyal por mthong ste/ skye bo khrag khrig brgya stong du
mas yongs su bskor zhing/ mdun gyis bltas la/ mgo bo'i steng na rin po che sna tshogs kyis spris pa'i gdugs dkar po 'dzin par mthong/ sa bcu pa'i snga ltas ni/ de bzhin gshegs pa'i sku mthong ste/ kha dog gser lta
bu/ 'od 'dom gang ba/ tshangs pa bye ba khrag khrig brgya stong du mas yongs su bskor zhing mdun gyis ltas na chos ston pa mthong ste/ bcu po de dag ni byang chub sems dpa' sems dpa' chen po rnams kyi byang chub sems dpa'
sa bcu'i snga ltas yin no zhes gsungs so/ /gser 'od dam pa las kyang de ltar ro/ /sa gang gis pha rol tu phyin pa gang non pa ni/ rigs kyi bu/ de las dad pa'i byang chub sems dpa' ni sbyin pa'i pha rol tu phyin pa non to/ /de bzhin dus
gnyis pas tshul khrims so/ /sa gsum pas bzod pa/ /sa bzhi pas brtson 'grus/ sa lnga pas bsam gtan/ sa drug pas shes rab/ sa bdun pas thabs la mkhas pa'o/ sa brgyad pas smon lam/ sa dgu pas stobs/ rigs kyi bu de la byang
chub sems dpa' sa bcu pa la gnas pa'i byang chub sems dpa' ni/ ye shes kyi pha rol tu phyin pa gnon te/ / pha rol tu phyin pa bcu'i mtshan nyid ni/ phal chen las /de la sangs rgyas kyi ye shes tshol zhing/
sems can rnams la dge ba'i rtsa ba thams cad yongs su gtong ba ni sbyin pa'i pha rol tu phyin pa'o/ /nyon mongs pa'i gdung ba thams cad rab tu zhi ba ni tshul khrims so/ /byams pa dang snying rje sngon du 'gro bas sems can la 'tshig pa?
med pa ni bzod pa'o/ /gong nas gong du dge pa'i chos tshol bas ni ngoms pa 'di ni brtson 'grus so/ /thams cad mkhyen pa'i ye shes mngon du bya ba la 'gyod pa med pa'i lam dang ldan pa 'di ni/ bsam gtan no/ /rang bzhin gyis ma skyes pa
mngon du gyur pa 'di ni shes rab bo/ /rgyal ba'i ye shes tshad med pa bsgrub pa 'di ni thabs so/ /ye shes de la dmigs shing de nyid mngon par bsgrub pa 'di ni smon lam mo/ /phas kyi rgol ba thams cad dang bdud kyi tshogs thams cad kyis
lam rgyud yongs su mi gcod pa 'di ni stobs so/ /chos thams cad ji lta ba bzhin du rtogs pa 'di ni ye shes kyi pha rol tu phyin pa dang bcu'/ /ting nge 'dzin gong bzhin dus dang po'i byang chub kyi sems yan lag bdun dang /sa gnyis
pa nas sa bcu pa'i bar gyi 'phags pa'i lam brgyad do/ /spang bya ni mthong spang dang bsgom spang ngo/ /rmongs pa nyi shu'i sgrib pa ni/ de la rigs kyi bu chos pa? dang gang zag la mtshan ma can du zhen pa'i rmongs pa dang/ 'khor ba dang
ngan song gi nyon mongs pas 'jigs pa'i rmongs pa dang/ rmongs pa 'di gnyis kyi sa dang po la sgrib pa'o/ /ltung ba phra mo'i 'khrul pa la rmongs pa dang/ las dang spyod pa sna tshogs skye ba la rmongs pa dang/ rmongs pa 'di gnyis kyis sa
gnyis pa la sgrib po/ /ma thob pa thob par 'dod pa'i rmongs pa dang gzungs dam pa'i mchog thob pa la rmongs pa dang/ rmongs pa 'di gnyis kyis sa gsum pa la sgrib bo/ /mnyam par bzhag pa'i re'i dga' bas sreng pa'i rmongs pa dang
chos rnam par dag ba'i sred pa la rmongs pa dang/ rmongs pa 'di gnyis kyis sa bzhi pa la sgrib bo/ /'khor ba la shin tu skyo ba'i rmongs pa dang/ mya ngan las 'das pa la mngon par gzhol ba la rmongs pa dang/ rmongs pa 'di gnyis kyis sa lnga pa
la sgrib po/ /'du byed kyi rgyu ba sngon du gyur ba'i rmongs pa dang/ mtshan ma sbom po'i mngon du gyur pa'i rmongs pa dang/ rmongs pa 'di gnyis kyi sa drug pa la sgrib po/ /mtshan ma phra mo mngon du gyur pa'i rmongs pa dang/ mtshan ma med pa
yid la byed pa med pa'i rmongs pa dang/ rmongs pa 'di gnyis kyis sa bdun pa la sgrib po/ /mtshan ma med pa la ched du rtsol ba'i rmongs pa dang/ mtshan mar 'dzin pa la dbang thob pa'i rmongs pa dang/ rmongs pa 'di gnyis kyis sa
brgyad pa la sgrib po/ /gang chos ston pa la tshad med pa dang/ tshig dang yi ge tshad med pa la mkhas par ma gyur pa'i rmongs pa dang/ sbobs pa la dbang ma thob pa'i rmongs pa dang/ rmongs pa 'di gnyis kyis sa dgu pa
la sgrib po/ /mngon par shes pa chen po la dbang bsgyur ba ma thob pa'i rmongs pa dang/ don dam la sogs pa'i phra mo la mkhas par ma gyur pa'i rmongs pa dang/ rmongs pa 'di gnyis kyiS sa bcu pa la sgrib po/ sbyor yul shin tu
gra ba thams cad la shes bya'i sgrib pa'i rmongs ba dang/ nyon mongs pa shin tu phra ba'i gnas ngan len la rmongs pa dang/ rmongs pa 'di gnyis kyis sangs rgyas kyi sa la sgrib po/ /sgrib pa dang bral
pa'i rtog pas gang gis gang rtogs pa ni/ khye'u rab snang gi mdo las/ rigs kyi bu gang de las dang po ni/ chos kyi dbyings kyis kun tu khyab pa'i don du rtogs so/ /sa gnyis pa chos kyi dbyings dri ma dang bral ba mchog gi don du
rtogs/ /so gsum pa chos kyi dbyings su 'thun pa rang bzhin 'od gsal bar rtogs so/ /sa bzhi pa chos thams cad yongs su 'dzin pa med pa'i don du rtogs so/ /sa lnga pa chos thams cad chos kyi dbyings
su cig pas rgyud tha dad med pa'i don du rtogs so/ /sa drug pa nyon mongs pa dang rnam par rtogs pa thams cad ma grub pa'i don du rtogs so/ /sa bdun pa 'khor ba la mi skyob dang/ chos thams cad mtshan ma med pa'i don du rtogs so//
sa brgyad pa zhing dag pa dang/ rtogs pa'i tshogs dang bral ba'i don du rtogs so/ /sa dgu pa chos dang yi ge tshad med pa dang spobs pa thogs pa med pa'i don du rtogs so/ /sa bcu pa 'phrin las dbang bsgyur ba'i don du rtogs so//
sa bcu gcig pas ni kun gnas 'gyur ba'i chos kyi sku dang/ sgo lnga'i rnam shes gnas 'gyur ba'? longs sku dang/ nyon mongs pa'i rtog pa sna tshogs kyis yid gnas 'gyur ba'i sprul sku dang/ dbyer med cing mdza' thams cad dang bral
ba mchog tu gyur pa dang/ gong na med pa yang dag pa'i don du rtogs so/ /khye'u rab snang gi mdo las/ khye'u rab snang gis gsol pa/ bcom ldan 'das sa la gnas pa'i byang chub sems dpa' rnams kyi rtags ji ltar blta bar bgyi /bco
ldan 'das kyis bka' stsal pa/ rigs kyi bu/ de la byang chub sems dpa' i sa dad po la gnas pa'i rtags ni/ 'dod na skad cig yud tsam thang cig la ting nge 'dzin brgya rab tu thob cing snyoms par 'jug pa dang/ sangs rgyas brgya
mthong ba dang/ de dag gis byin gyis brlabs yang dag par shes pa dang/ 'jig rten gyi/ bams? brgya bskyod pa dang/ sangs rgyas kyi zhing brgyar 'gro ba dang/ 'jig rten gyi khams brgya yang dag par snang bar byed pa dang
sems can brgya yongs su smin par bya ba dang/ bskal pa brgyar gnas par bya ba dang/ sngon gyi mdza' i bskal pa brgya dang/ phyi ma'i? bskal ba brgya la 'jug pa dang/ chos kyi sgo brgya rnam par 'byed pa dang/ /lus brgya yongs su ston pa
dang/ lus re re la yang byang chub sems dpa' 'khor brgya brgya yang dag par ston pa'i brtson 'grus rtsom zhing yon tan de nyid dang ldan pa'o/ /sa thob 'jig pa lnga dang bral/ /'tshe med 'chi dang mi bsngags dang/ /ngan 'gro 'khor rgya
'jigs bral ba/ /ci phyir rang bzhin shes phyir ro/ /sa thob gyur ma thag tu ni/ /dga' la du bro'i shes pa dang/ chos phyir srog ni 'dor nus pa/ /blo ldan de la skye bar 'gyur/ /rigs kyi bu sa gnyis pa la gnas pa ni/ skad cig yud
tsam thad cig la ting nge 'dzin stong thob cing snyoms par 'jug pa dang/ sangs rgyas stong mthong ba dang/ de dag gi byin brlabs yang dag par rab tu shes pa dang/ 'jig rten gyi khams stong bskyod pa dang/ sangs rgyas kyi zhing stong du 'gro
ba dang/ 'jig rten gyi khams stong du snang bar bya ba dang/ sems can stong yongs su smin par bya ba dang/ bskal pa stong du gnas par bya ba dang/ sngon gyi mdza' i bskal pa stong dang/ phyi ma'i mdza' i bskal? pa stong la 'jug pa dang/ chos
kyi sgo stod 'byed pa dang/ lus stong yongs su ston pa dang/ lus re re la yang byang chub ba sems dpa' i 'khor stong stong rab tu ston to/ /rigs kyi bu sa gsum pa la gnas pa ni skad cig yud tsam thad cig la ting nge 'dzin brgya stong rab tu thob
bo/ /sangs rgyas brgya stong mthong ba dang/ de dag gi byin brlabs yang dag par shes pa dang/ 'jig rten gyi khams brgya stong rab tu bskyod pa dang/ sangs rgyas kyi zhing brgya stong ldu 'gro ba dang/ 'jig rten gyi khams brgya stong snang
bar bya ba dang/ sems can brgya stong yongs su smin par bya ba dang/ bskal pa brgya stong du gnas par bya ba dang/ sngon gyi mdza' i bskal pa brgya stong dang/ phyi ma'i mdza' i bskal pa brgya stong la stoms par
'jug pa dang/ chos kyi sgo brgya stong 'byed pa dang/ lus brgya stong yongs su ston pa dang/ lus re re la yang byang chub sems dpa' i 'khor brgya stong brgya yang dag par rab tu ston to/ /rigs kyi bu sa bzhi pa la gnas pas skad
cig yud tsam thang cig la ting nge 'dzin khrag khrig thob cing snyoms par 'jug pa dang/ sangs rgyas khrag khrig mthong ba dang/ de dag gi byin brlabs yang dag par rab tu shes pa dang/ 'jig rten gyi khams khrag khrig bskyod
pa dang/ sangs rgyas kyi zhing khrag khrig tu 'gro ba dang/ 'jig rten gyi khams khrag khrig snang bar bya ba dang/ sems can khrag khrig yongs su smin par bya ba dang/ bskal pa khrag khrig tu gnas par bya ba dang/ sngon gyi
mdza' i bska/ ? pa khrag khrig tu gnas pa dang/ phyi ma'i mdza' i bskal pa khrag khrig la 'jug pa dang/ chos kyi sgo khrag khrig 'byed pa dang/ lus khrag khrig yongs su ston pa dang/ lus re re la yang byang chub sems
dpa' i 'khor khrag khrig yang dag par rab tu ston te/ /rigs kyi bu sa lnga pa gnas pas skad cig than cig yud tsam la ting nge 'dzin khrag khrig stong thob cing/ de dag la snyoms par 'jug pa dang/ sangs rgyas khrag
khrig stong mthong ba dang/ de dag gi byin brlabs yang dag par rab tu shes pa dang/ 'jig rten gyi khams khrag khrig stong bskyod pa dang/ sangs rgyas kyi zhing khams khrag khrig stong du 'gro ba dang/ 'jig rten gyi
khams khrag khrig stong snang bar byed pa dang/ sems can khrag khrig stong yongs su smin par byed pa dang/ bskal pa khrag khrig stong du gnas par bya ba dang/ sngon gyi mdza' i bskal pa khrag khrig stong dang/ phyi ma'i mdza' i bskal pa khrag khrig
stong du 'jug pa dang/ chos kyi sgo khrag khrig stong 'byed pa dang/ lus khrag khrig stong yongs su ston pa dang/ lus re re la yang byang chub sems dpa' i 'khor khrag khrig stong yang dag par rab tu ston to/ /rigs kyi bu sa drug pa la
gnas pas/ 'dod na skad cig yud tsam thang cig la ting nge 'dzin khrag khrig brgya stong thob cing/ de dag la snyoms par 'jug pa dang/ sangs rgyas khrag khrig brgya stong mthong ba dang/ do dag gi byin brlabs yang dag par rab tu shes pa dang/ 'jig
rten gyi khams khrag khrig brgya stong bskyod pa dang/ sangs rgyas kyi zhing khrag khrig brgya stong du 'gro ba dang/ 'jig rten gyi khams khrag khrig brgya stong snang bar bya ba dang/ sems can khrag khrig brgya stong yongs su
smin par bya ba dang/ bskal pa khrag khrig brgya stong gnas par bya ba dang/ sngon gyi mdza' i bskal pa khrag khrig brgya stong dang/ phyi ma'i mdza' bskal pa khrag khrig brgya stong du 'ju pa dang/ chos kyi sgo khrag khrig brgya stong 'byed pa dang/ lus khrag khrig
brgya stong yongs su ston pa dang/ lus re re la yang byang chub sems dpa' i 'khor khrag khrig brgya stong yang dag par ston to/ /rigs kyi bu sa bdun pa la gnas pas/ 'dod na skad cig yud tsam thang cig la ting nge 'dzin bye ba khrag khrig brgya
stong thob cing/ de dag la snyoms par 'jug pa dag sangs rgyas bye ba khrag khrig brgya stong mthong ba dang/ de dag gis byin gyis brlabs pa yang dag par rab tu sheS ba dang/ 'jig rten gyi khams bye ba khrag khrig brgya stong bskyod pa dang/
sangs rgyas kyi zhing khams bye ba khrag khrig brgya stong du 'gro ba dang/ 'jig rten gyi khams bye ba khrag khrig brgya stong snang bar bya ba dang/ sems can bye ba khrag khrig brgya stong yongs su smin par bya ba dang/ bskal
pa bye ba khrag khrig brgya stong du gnas par bya ba dang/ sngon gyi mdza' i bskal ba bye ba khrag khrag brgya stong dang/ phyi ma'i mdza' i bskal ba bye ba khrig khrig brgya stong du 'jug pa dang/ chos kyi sgo bye ba khrag khrig brgya stong 'gyed pa dang/
lus bye ba khrag khrig brgya stong yongs su ston pa dang/ lus re re la yang byang chub sems dpa' i 'khor bye ba khrag khrig brgya stong yang dag par rab tu ston to/ /rigs kyi bus brgyad ba la gnas pas 'dod na skad cig yud tsam thang cig
la/ ting nge 'dzin sum stong sum brgya stong phrag bcu'i rdul phra rab snyed thob cing/ de dag la snyoms par 'jug pa dang/ sangs rgyas stong sum brgya stong phrag bcu'i rdul phra rab snyed mthong ba dang/ de dag gi byin gyis brlabs yang
dag par rab tu shes? pa dang/ 'jig rten gyi khams stong sum brgya stong phrag bcu'i rdul phra rab snyed du bskyod pa dang/ sangs rgyas kyi zhing khams stong sum brgya stong phrag bcu'i rdul phra rab snyeng du 'khro ba dang/ /'jig rten gyi
khams stong? sum brgya stong phrag bcu'i rdul phra rab snyed du snang bar bya ba dang/ sems can stong gsum brgya stong phrag bcu'i rdul phra rab yongs su smin par bya ba dang/ bskal pa stong sum brgya stong phrag bcu'i rdul phra rab snyed du
gnas par bya ba dang/ sngon? gyi ? bskal? ba stong sum brgya stong phrag bcu'i rdul phra rab snyed la 'jug pa dang/ phyi ma'i mdza' i bskal pa stong sum brgya stong phrag bcu'i rdul phra rab snyed la 'jug pa dang/ chos kyi sgo stong?
sum brgya stong phrag bcu'i rdul phra rab snyed rnam par 'byed pa dang/ lus stong sum brgya stong phrag bcu'i rdul phra rab snyed yongs su ston pa dang/ /lus re re la yang byang chub sems dpa' i 'khor stong sum brgya stong phrag bcu'i rdul
phra rab snyed pa yang dag par rab tu ston to/ /rigs kyi bu sa dgu pa la gnas pas/ 'dod na skad cig yud tsam thang cig la/ ting nge 'dzin sangs rgyas kyi zhing khams grangs med pa brgya stong phrag bcu tshang ba'i rdul phra rab snyed rab
tu thob cing/ de dag la snyoms par 'jug pa dang/ sangs rgyas grangs med pa brgya stong phrag bcu tshang ba'i rdul phra rab snyed mthong ba dang/ de dag gi byin brlabs yang dag par rab tu shes pa dang/ 'jig rten gyi khams grangs med
pa brgya stong phrag bcu tshang pa'i phra rab snyed du bskyod pa dang/ sangs rgyas kyi zhing khams grangs med pa brgya stong phrag bcu tshang ba'i rdul phra rab snyed du 'gro ba dang 'jig rten gyi khams grangs med pa brgya stong phrag bcu tshang? ba'i rdul phra rab snyed du 'go bar
bya ba dang/ sems can gras med pa brgya stong phrag bcu tshang ba'i rdul phra rab snyed yongs su smin bar bya ba dang/ bskal pa grangs med pa brgya stong phrag bcu tshang ba'i rdul phra rab snyed du 'jug pa dang/ sngon gyi mdza' i bskal ba grangs med pa
brgya stong phrag bcu tshang pa'i rdul phra rab snyed dang/ phyi ma'i mdza' i bskal pa grangs med pa brgya stong phrag bcu tshad ba'i rdul phra rab snyed du 'jug pa dang/ chos kyi sgo grangs med pa brgya stong phrag bcu tshang ba'o rdul phra rab snyed rnam
par 'byed pa dang/ lus gangs med pa brgya stong phrag bcu tshang ba'i rdul phra rab snyed yang dag par ston pa dang/ lus re re la yang byang chub sems dpa' i 'khor grangs med pa brgya stong phrag bcu tshang ba'i rdul phra rab snyed
yang dag par ston to/ /rigs kyi bu sa bcu pa la gnas pas/ de bzhin gshegs pa cig las kyang/ skad cig yud tsam thang cig la chos kyi snang ba chen po dang/ chos kyi 'od chen po dang/ chos
kyi sprin chen po tshad med pa rnams bzod do/ /yang dag par len to/ /yang dag par 'dzin to/ /bdag gir byed do/ /de bzhin gshegs pa gnyis dang gsum nas tshad med pa'i bar dag kyang/ skad cig yud tsam thad cig la chos kyi snang ba
chen po dang/ chos kyi 'od chen po dang/ chos kyi sprin chen po tshad med pa'i bzod pa thob po/ /yang dag par 'dzin to/ /yang dag par len to/ /bdag gir byed do/ /de ci'i phyir zhe na/ 'di yang nam mkha' lta bu'i chos sku las/ ye
shes sam chos kyi sprin bsam gyis mi khyab pa dang ldan pas chos kyi sprin zhes bya'o/ /sangs rgyas tshul ni phar phyin dang sngags kyi lugs so/ /de yang pha rol tu phyin pa la theg chung dang/ theg chen gnyis so/ /de la theg pa chung ba
ni/ rgyal bu don thams cad 'grub pa des/ sa bcu rang rgyud pa cig 'og min nam/ rdo rje gdan du sangs rgyas par 'dod do/ /theg chen pa ni/ rgyal ba 'dis bskal pa grangs med pa'i sngon du sangs rgyas zin par 'dod do/ /mdo sde
pad+ma dkar po las/ rigs kyi bud ni bskal pa bye ba khrag khrig mang po 'das pa'i sngon rol tu sangs rgyas so zhes pa dang/ yab sras mjal ba las/ da ni 'das pa'i dus na bskal pa dpag tu med pa grangs med pa 'das pa'i dus na/
sangs rgyas dbang po'i tog ces bya bar sangs rgyas zhes so/ /gsang sngags rnal 'byor gyi lugs kyis rgyal bu don grub 'og min du byon pa dang/ til gyi gang bu kha phye ba lta bu'i sangs rgyas rnams kyis/ rigs kyi bu khyod ji ltar
sangs rgyas bar bya snyam pa'i rjes la/ phyi'i mngon byang lnga la bsten nas sangs rgyas par 'dod do/ /rnal 'byor bla med pha rgyud ni/ /'og min du rnam par snang mdzad chen po la dbang bskur zhus nas/ der sangs rgyas la/ de'i sprul pa 'dir
sangs rgyas par 'dod de/ zla gsang thig le las/ /gtsang ma'i rigs dag spangs nas ni/ 'og min stug po nyams dga' bar/ yang dag rdzogs sangs der sangs rgyas/ /sprul pa po cig 'dir sangs rgyas/ /zhes so/ /
yang na sa bcu'i byang chub sems dpa' de 'og min gyi gnas su rdo 'chang la dbang bskur zhus pas/ de nyid kyis dbang bskur des sangs rgyas par 'dod de/ 'dul ba don yod pa'i rgyu las/ gsang ba'i gnas mchog 'og min dam par
ni/ /byang chub sems dpa' gtso chen dbang phyug des/ /chos kyi lo brang der ni dban bskur ba/ /kun tu bzang po rdo rje dbyings kyis bskur/ byang chub sems kyi rdo rjes byin brlabs pas/ /de nyid du ni mngon par yang dag byang
chub pas/ /bla med snying? po rdo rje 'chang du gyur/ /rang byung bde ba chen por mngon sangs rgyas/ /zhes so/ /ma rgyud pa ni/ grags chen gyi sangs rgyas sa bcu gcig pa de/ /'og min btsun mo'i gzhal yas khan du dbang bzhi
rdzogs par zhus pas/ /bud med mchog la bsten nas/ sa bcu gsum rdo rje 'dzin pa thob ste/ rab tu mi gnas pa'i rgyud las/ /bcu gcig sangs rgyas rnams kyis kyang/ /bud med phyag rgya bsten byas nas/ /rdo rje 'dzin pa'i sa thob
?/ /zhes? so/ /yang na sa bcu pa'i byang chub sems dpa' o des 'og min du longs sku rdo rje 'chang? chen po zhal sbyor bde ba chen po'i sku drug pa rdo rje 'chang chen po e la dbang bzhi rdzogs zhus pas/ sa bcu bzhi bgrod do/ /
rdo rje bde ba'i rgyud dang/ ye shes thig le'i rgyud las/ bum pa'i dbang ni bcu gcig ste/ /gsang ba'i dbang ni bcu gnyis mchog /shes rab ye shes bcu gsum pa/ /de ltar de bzhin bcu bzhi
pa/ /dbang re la ni sa re ste/ /'di rnaMs sa yi dbang phyug bdag /ces so/ /de la 'ga' zhig ni/ gtsang ma'i rigs kyi 'og min ni 'jig pa yin la/ 'og min stug po bkod pa ni mi 'jig ste/ rdo rje rtse mo las/ 'og min
bstug po nyams dga' zhing/ /stug po zhin khams 'jig med par/ /de na sangs rgyas rnams kyi chos/ /rdzogs par longs spy+d tshul 'di 'byung/ /zhes pas/ rnam snang gdas chen mtsho chen po longs spyod rdzogs pa'i
sku de la 'khor sa bcu pas bskor nas bzhugs pa'i gnas ni stug po bkod pa yin no/ /de ni mi 'jig la/ de'i nang na gnas pa'i zhing khams chung ngu thams cad ni sprul sku'i zhing khams yin pas 'jig pa'o/ /zhes
'dod de/ de ltar na gangs chen mtsho'i zhing mi 'jig na/ 'di yang mi 'jig ste/ 'di yang de'i zhing khams su bshad pa dang/ gnyis ka la 'jig rten gyi khams su bshad pa'i phyir ro/ /de la dper na/ skyes bu'i yan
lag dang/ mig dang rna ba la sogs pa'i bye brag thams cad la mi rtag na/ phyi lus kyang mi rtag ste/ spyi dang bye brag gi mdza' can yin pa'i phyir ro/ /des na gtsang ma rigs kyi gnas ni 'og min yin la/ /gtsang ma'i
rigs ngag spangs pa'i gnas 'og min ni grong las dgon pa lta bu ste/ ngo ni mi 'jig ste sa? bcu 'ba' zhig gi snang ngo yin pa'i phyir ro/ 'jig pa ni ma dag pa so so skye bo'i snang ngo yin te/ de na so so skye bo med pa'i phyir ro/ /des na
lung thams cad de nyid kyi lung ste/ gnyis med rnam par rgyal ba'i rgyud las/ ye shes bla na med pa'i gnas/ /gtsang ma'i gnas mchog lags gnas pa/ /bcom ldan 'og min 'dir rtag bzhugs/ /kun tu bzang po'i sa phyogs so
zhes so/ /yang na sems nyid lhan cig skyes pa'i ye shes 'og min te/ ye shes bla na med pa'i rgyud las/ sems nyid bde stong lhan cig skyes/ /'og min gtsang ma'i gnas mchog go /zhes so/ /de la byang chub sems dpa' dang/ /
sangs rgyas kyi khyad par ni rgya mtsho dang ba lang gi rmig rjes kyi chu lta bu ste/ phal po che'i mdo las/ byang chub sems dang sangs rgyas khyad/ /rgya mtsho ba lang rmig rjes mtshungs/ /dag pas gsum yon tan kyang/ /dpag cing gzhal
bar mi nus rta/ /thams cad mkhyen pa'i yon tan ni/ /brjod cing dpag par smos ci dgos/ /zhes pa dang/ bsam mi khyab bstan pa'i mdo las/ nam mkha' sa gzhi gang yin pa/ /skra rtses gzhal bar nus srid kyis/ /rgyal ba'i yon tan rgya
mtsho ni/ /bskal? pa grangs med brjod mi nus/ /dpag cing brjod pa'i yul las 'das/ /de phyir bsam gyis mi khyab po/ /zhes so/ /sgyu ma lam rim gsal byed pa'i 'grel ba 'di ni bdag gis byas/ /dge des 'dzin byed bdud
bcom? nas/ /dbyer med ma bzhi thob par shog /sku pa lam gyi rim ba'i don 'grel/ ye shes kyi mkha' 'go ma ni gu mas mdzad pa rdzogs so// //ye shes kyi mkha' 'gro ma de nyid dang/ lots+tshe? ba
bla na dar ma blo gros gyis bsgyur ba'o/ / slad nas bdag khyung po rnal 'byor bas zhus te nyams su myong bar byas pa'o// //athIi?// //DA ki'i zhal gdams bzhugs so/ /na mo gu ru/ rtsa? kha 'byed
pa'i man ngag ni/
CLOSE WINDOW