བོད་ཡིག | e-texts based on the ACIP/ALL ![]() ![]() |
bdag khyung po rnal 'byor pas nyams su myong par byas pa'o/ //sgyu ma lam rim bzhugs so// //rgya gar skad du/ ma ya d+ha na kra ma nA ma/ bod skad du/ sgyu ma lam
gyi rim pa zhes bya ba/ sangs rgyas dang byang chub sems dpa' thams cad la phyag 'tshal lo/ /gdod nas rang bzhin 'od gsal ba/ /dgos 'dod ma lus 'byung 'gyur zhing/ /yid bzhin nor bu lta bu yi/ /sems nyid khyod la phyag
'tshal lo/ /rgyal brgya tsho'i thugs kyi bcud/ /brjod bya'i snying por gyur pa yi/ /sgyu ma lam gyi rim pa 'di/ /gzhan la phan phyir bshad par bya/ /sgyu ma gdod nas ma grub pa/ /thog ma med pa'i dbyings nyid ni/ /chos rnams kun gyi
sa bon te/ /bde gshegs snying po dge ba 'ang de/ /snying po kun gzhir grags pa'o/ /chos rnams sgyu ma lta bu la/ /dad brtson gus pa'i mchog ldan pas bsgyu ma lta bur sgoms byas na/ /sgyu ma lta bu?
sangs rgyas/ /de yang lam lnga sa bcu rnams/ /legs par bshad kyis nyan par byos/ /brtan dang g.yo ba ji snyed pa/ /sgo lnga'i yul du gang snang kun/ /thams cad snang stong lha'i sku/ /lha sku mdza' bral sgyu ma te/ /byang chub ?
chos thams cad dang/ /lha sku sgyu ma dbyer med par/ /mkhas pas nyams su blang bar bya/ /lam lnga sa bcu'i ra mi pa rnams/ /mos gus stobs kyis bsgrod par byed/ /bla ma'i snang ba mi 'bral ba/ /rgyud bde dgongs pa gnang ?
mchog / de ltar snang grags chos rnams kun/ /lha dang bla ma'i rang bzhin du/ /nyams su len pa khyad par 'phags/ /dbyibs dang kha dog dug lnga dang/ /las rigs grub pa rigs lnga ste/ /cir snang snang dang stong pa nyid//
bskyed dang rdzogs dang zung 'jug go / gang zhig dag byed bum pa ste/ /dbyer med dkar dmar gsang ba la/ /bde ba'i cha ni gsum pa ste/ /brjod med bzhi par shes par bya/ /gang la bde gsal mi rtog pa/ /de ni sku gsum rang shar te//
gsal la mi rtog mkhyen gnyis so/ /de yang zhi gnas lhag mthong gnyis/ /zung du 'brel ba'i phyir dang ni/ /bla na med ba'i phyir dang ni/ /phyin par 'dod pas lam zhes bya/ /sdig pa chung yang spong byed cing/ /dge ba rnams ni dang du len/
chos nyid sgyu ma thob don du/ /tshogs sogs bas na tshogs lam mo/ /de la che 'bring chung gsum ste/ /re re la yang bzhi bzhir 'dod/ /dran pa bzhi dang sbod ba bzhi/ /rdzu 'phrul rkang pa rnam bzhi'o/ /bag med dran nyams ltung ba'i
rgyu/ /de phyir thog mar dran ba bshad/ /snying po med lus rgyal ba'i sku/ /snang stong dbyer med sgyu ma la/ dran dang shes bzhin nyams su len/ /lus kyi dran pa nyer gzhag go /bde sdug btang snyoms dmigs pa dang/ /chos su btags ?
thams cad kyi/ /tshor ba la ni tshor bar shes/ /tshor ba 'dren pa nyer gzhag go /chos rnams thams cad sems yin te/ sems ni phyi nang rnyed mi 'gyur/ /sems gang ma grub sgyu ma ste/ /sems kyi dran pa nyid gzhan ?
thos rang rgyal thams cad kyi/ /ji snyed chos su btags pa yin/ /ming tsam btags pa bla bur ste/ /chos kyi dran pa nyer bzhag go /mi dge ba ni sdug bsngal rgyu/ /de las thar par 'dod pa yis/ /sdig rnams dug du? lta ba'i
phyir/ /yang dag spong ba rnam bzhi ni/ /sdig pa mi dge ba yi chos/ /ma skyed pa rnams mi skyed phyir/ /'dun pa 'bad rtsol sems 'dzin cing/ /yang dag rab tu 'jog byed do/ /gang zhig sdig pa mi dge'i chos/ /skyes pa rnamS
ni sdod pa'i phyir/ /mdun pa bskyed dang 'bar la sogs/ /gong bzhin du ni shes par bya/ /dge ba'i chos ni ma skyes pa/ /rnams ni bskyod par bya ba'i phyir/ /'dun pa'i stsol pa bskyed pa dang/ /'bad pa la sogs gang/
bzhin no/ /dge chos skyes nams? gnas pa dang/ /'phel ba nyams par mi 'gyur ri?/ /chung mi za bar bya ba'i phyir/ /mdun pa bskyed sogs gong bzhin no/ /de yang sdig pa mi dge'i chos/ /ma skyes pa rnams mi bskyed cing/ /
kun? pa bskyed ces bya ba ni/ /tshul bzhin yid la byed pa ste/ /cing snang sgyu ming nyams blangs pas/ /mi dge'i chos rnams 'gyur mi 'gyur/ /de yang tshul khrims ting 'dzin dang/ /shes rab mi mthun phyogs rnams ni/ / /
sdig pa mi dge'i chos zhes bya/ /tshul bzhin yid la byed pa yis/ mi dge de dag spad pa'i phyir/ /mdun pa la sogs bskyed pa ni/ /yang dag spong ba dang por 'dod/ /gzhan yang mi dge'i chos rnams ni/ /'dod
pas chags la khong khros sdang/ /ma rig pas ni gti mug go/ tshul bzhin yid la byed pa ni/ /mi gtsang 'dod chags zhi bar byed/ /byams pas zhe sdang rten 'brel gyis/ /gti mug zhi bar byed pas te/ /rang gzhan
med par shes pa yis/ /nyon mongs zhi bar byed pa ni/ /yang dag spong ba gnyis par 'dod/ /dge chos ma skyes bskyed pa'i phyir/ /mdun ma bskyed cing 'bad rtsal gyis/ /sangs rgyas bsgrub la mdun pa na/ /dge rtsa
kun gyi rtsa ba ste/ /sems 'dzin nyams len dge ba'i mchog /yang dag spong ba gsum par 'dod/ /dge chos skyes rnams mi nyams dang/ /chud mi za phyir 'dun pa bskyed/ /'bad rtsol sems 'dzin yang dag 'jog/
dge rtsa sgyu ma'i nyams len ni/ /khams gsum dag tu mi gnas pa/ /thams cad mkhyen par bsgos pa yis/ /mdza' ni zad par mi 'gyur ba/ /yang dag spong ba bzhi par 'dod/ /'khor ba sdug bsngal rgya mtsho
la/ /rgal nas mya ngan 'das pa yi/ /sa la phyin par 'dod rnams kyis/ /ting 'dzin rdza 'phrul rnams bzhi ni/ /chos rnams thams cad sgyu ma ltar/ /gang du ma grub mdza' bral ba'i/ /chos la mi sgra ga spong zhing bdun
de phyir 'dun pa'i ting 'dzin no/ /'dun ma rgyu ma'i nyams len tshe/ /'jig rten zhen pa dor byas nas/ /le lor gyur spangs brtson 'grus ldan/ /de nas brtson 'grus ting 'dzin no/ /rgyun mi 'tshad pa'i brtson 'grus des//
sems ni phyi nang gang du yang/ /mi dmigs 'dzin phral sgyu ma la/ /rtse gcig sems kyi ting 'dzin no/ /rtse gcig gyur pa'i ting 'dzin gyis/ /'gro 'chags nyal 'dug thams cad du/ /bden med sgyu ma'i le 'khyer kyis/ /
sbyod ba'i phyir na spyod ba'o/ /spyod pa'i ting 'dzin la sogs pa'i/ /'du byed dang ldan rdzu 'phrul gyi/ /rkang pa zhes bya kun la sbyar/ /ting nge 'dzin gyi rang bzhin ni/ /rdzu 'phrul gyis ni rkang pas te/ /'dzin ma de de yis log pa yis//
chos rnams yang dag spangs nas ni/ dge dang yang dag dge bar byed/ gang zhig dge pI chos de yang/ /rnam par mi rtog rtog pral byed/ /ting 'dzin rdzu 'phrul rang bzhin no/ /lam mchog dri ma med pas te/ /yang dag gnas su phyin byang phyir/ /rdzu 'phrul rkang
pa zhes bya'o/ /chogs lam rtags ni dad brtson ldan/ /tshul khrims dag phyir dbang po'i sgo/ /kha na ma tho phra la 'dzom/ /phyi rol tshigs snang yul rnams kun/ /gzhan min rang la skye bar shes/ /skyes ba de nyid sgyu mas te/ /nyin
mtshan spyod lam kun du spang/ /'dun pa drag po'i bag chags 'byung/ /'di ltar snang ba'i dngos po la/ /sngon gyi bag chags btab pa yis/ /rtag cing bden par mi rtog pa/ /bdon med the tshom skye mi 'gyur/ /brgya la the tshom skyes ?
? pa'i dra ba 'jig gyur na/ /'dus byas chos rnams mi rtag par/ /shes shing thag chod smos ci dgos/ /de phyir 'khor ba sdug bsngal gyi/ /rtsa ba bdag 'dzin btang byas pas/ /mi de bde dang phrad pas des/ /mi ma yin
brjod ? gang gis 'dun pa sngon sor ba'i/ /sems ni dang po bskyed pa nas/ /drod kyi ye shes ma skyes par/ /tshogs lam yin par shes par bya/ /mthong lam mi rtag sgyu ma la/ /s? ba'i phyir na sbyong lam mo/ /drod
dang rtse mo ting 'dzin no/ /dbang po rnam pa lnga yin te/ /srog la? kyang sdig mi byed/ /stobs dang mi 'jigs stong nyid dang/ /sgyu ma'i don la dang pas te/ /dang pa'i dbang po zhes bya'o/ /dang gyur sgyu ma'i nyams len
la/ /rgyun chad med par goms gyur pa/ /brtson 'grus dbang po bskyed pas na/ /brtson 'grus dbang po zhes bya'o/ /brtson 'grus las byung sgyu ma ste/ /dran pas chus zos mi byed par/ /bden zhen thams cas spangs par ?
dran pa'i dbang pa zhes bya'o/ /dran 'dun sgyu ma'i ting 'dzin la/ /ma yengs rtsa gcig gyur pa ni/ /ting 'dzin rtse gcig bsdus pa'i phyir/ /ting nge 'dzin gyi dbang po yi/ /ting 'dzin bsdus pa'i sgyu ma de/ /shes rab so
sor rtags byas pas/ /chos rnams rang bzhin ma grub par/ /shes pas shes rab dbang po'o/ /mi mthun phyogs kun zil gnon pas/ /de phyir dbang po lnga zhes bya/ /de ltar nyams su blangs pa yi/ /nyin par snang
grags chos rnams kun/ /bden med sgyu ma'i nyams myong 'byung/ /dus dang lus dang dmigs pa yin/ /bden pa'i gnas su rmi lam bzung/ /rmi lam ji snyed rmis gyur kyang/ /bag chags bzhi las mi 'das te/ /dge dang
sdig dang lung ma bstan/ /goms shugs ye shes chen po'o/ /de phyir blo dang ldan pa yis/ /rmi lam gser snang lta bu la/ /dge sdig bcas nas blang dor bya/ /rmi lam sgyu ma'i don la sbyar/ /rmi lam zin tsam don yin
te/ /mi rtog sgyu ma rang shar gyi/ /mi'i snga rtags yin pas dod/ /gzugs sogs snad stong dbyer med cing/ /'phel 'grib med pas sgyu ma ste/ /sgyu ma rmi lam rang shar du/ /bag cam 'byung ba rtse mo'o/ /de yang dran
'dun mos gus dang/ /bsre 'pho'i gnas kyi mtshams sbyar nas/ /gnyid log sang par gyur pa de/ /sngar gyi rmi lam zin pa dang/ /sang pa'i 'khrul snang khyad med bsgom/ /de yang mig ni mi 'byed par/ /dran snang rtogs pa'i ri mo rnams/ /
sgyu ma rmi lam thag bcad nas/ /'dun pa drag pos nyams su blang/ /'khrus snang byung na yang yang skyang/ /phyi nang snod bcud thams cad kun/ /rten dang brtan par bsgom byas nas/ /de nyid sgyu ma rmi lam du/ /yang yang sbyangs pa gnang du che/
'khor ba skyed med dga' gdud dang/ /snang ba bslu 'brid mkhan 'di la/ /skyo shas drag pos rgyab phul nas/ /mdun ma drag po'i bcud la bor/ /tshe 'di blo yis ma thongs na/ /ci byas don med sdug bsngal te/ /'khor
g.yog mang yang grog tshang 'dra/ /longs spyod mi rtag sprin dang mtshungs/ /nags khrod 'dug kyang ri dags la/ /tha snyad mkhas kyang ne tse 'dra/ /de phyir bsam dan ldan pa yis/ /'jig rten 'di la chags mi bya/ /spyod lam snang
grags thams cad kun/ /gnyis song 'dun pas nyams su blang/ /dngos su snang dang rmi lam gnyis/ /khyad par cig kyang yod min te/ /ma rtogs pa la gnyis su snang/ /de phyir de las gzhan du min/ /drod rtags phung po lnga pa
yis/ /byed na 'dzin 'du shes sgyu mas bzlog /yang dag zab don sgyu ma la/ /the tshom sems nyid med pa dang/ /bdag gzhan dge ba dag la sbyor/ /lus sogs rang bzhin byams sems ldan/ /gnyid rmugs la sogs dbang mi
'gro/ /nyon mongs bag chags 'joms pa'i phyir/ /sgyu ma'i dran par shes bzhin ldan/ /rtse mo'i rtags ni gos gdan sogs/ /dri ma'ang mi 'chags shing lus yi phyi nang sems can med/ /ser sna ming cing lus ngag yid/
g.yo rgyu med dang dben pa'i gnas/ /dga' zhing rten par byed pa'o/ /bzod dang tshos mchog ting 'dzin ni/ /stobs ni rnam pa lnga yin te/ /dad mos sgyu ma'i nyams len tshe/ /bdud ni sangs rgyas gzugs spral nas
de ni chos min bzlog sngags zhes/ /bsgyur kyang mi 'gyur dad pa'i stobs/ /brtson 'grus kyis ni sgyu ma la/ /brtan pa'i stobs kyis mthu stobs kyang/ /mthar phyin tshon ltar bcas kyi/ /bzlog par mi nus brtson 'grus stobs/
dran pa'i stobs bskyed sgyu ma yi/ /don la sems ni mi yengs pas/ /rtog par yer bar mi nus shing/ /nyon mongs 'jigs pas dran pa'i stobs/ /rtog bral sgyu ma'i ting 'dzin gyis/ /chags sdang yul rnams thams
cad la/ /der 'dzin pas 'du 'dzi las/ /dben pa'i stobs thob ting 'dzin stobs/ /shes rab kyis ni chos rnaMs kyang/ /rang bzhin ma grub sgyu ma shog /'jig rten pa dag sgrol bar byed/ /shes rab las byung shes
rab stobs/ /mi mthun phyogs kyis mi g.yo ba'i/ /de phyir stobs lnga zhes bya'o/ /snang yang 'dzin med sgyu ma yi/ /zab don mi skrag bzod pa ste/ /rmi lam zin pa'i spyod spel gyis/ /mi skug? pa na bzod pa'o/ /de'i rtags
ni spyod lam kun/ /sgyu ma'i don dang ldan pa dang/ /tshig gis mtshon la bzod ldan zhing/ /don 'gyur de myal sogs skye bar nus/ /log pa'i choS kyis mi 'gyur zhing/ /chos ltar bcos pa'i bdud rnams kyis/ /dbang du
'gro par mi 'gyur ro/ /rmi lam na yang chos rnams kun/ /rmil ma nyid du shes pa de/ /bzod pa dag gi rtags yin te/ ngan song gsum du yongs mi ltung/ /rmi lam zin nas lha yi sku/ /rang shar yud tsam byung gyur na/
bar do zin par the tshom med/ /sgyu mar gyur pa de dang mtshungs/ /chos rnams skye 'gag bral gyur pa/ /sgyu mar gyur pa chos kyi mchog /rmi lam yul rnams rang sems su/ /rtogS pa 'jig rten chos kyi mchog /chos mchog rtags ni spyod lam
kun/ /ci byed sems can don du byed/ /sangs rgyas dgyes pa'i spyod pas te/ /tshe 'di'i zhen pas 'bris dang bral/ /chos brgyad dug gi me tog rnams/ /sgyu ma nyid du yang dag grol/ /rmi lam zin nas 'od gsal rtogs/ /des ni
bar do 'joms pa yin/ /drang nas 'jig rten chos mchog bar/ /sbyor ba'i lam du shes par bya/ /chos mchog skad cig phyi ma la/ /mthong lam rnam par mi rtog pa'i/ /ye shes sgyu ma rang shar nyid/ /phyin ci ma log mtshan nyid
can snga ma mthong ba mthong bas na/ /mthong ba lam gyi ye shes so/ /byang chub yan lag rnams bdun ni/ /mthong ba lam gyi ting 'dzin te/ /sgyu ma blo las 'das pa yis/ /dran pa yid la byar med phyir/ /chos rnams dngos po med mthong ba//
dran pa byang chub yan lag go / sgyu ma lta bu'i chos rnams la/ /sgyu ma lta bur nyams blangs pas/ /dge dang mi dge lung ma bstan/ /chos rtags mi grub mi dmigs pa/ /chos rnams 'byed pa'i yan lag go /sgyu ma 'dzin pa kun
'dra ba/ /'du shes thams cad bshig pa'i phyir/ /chos rnams mi len mi 'dod pa/ /brtson pas brtson 'grus yan lag go/ dgag bsgrub bral ba'i sgyu ma la/ dga' dang mi dga' bshig pa'i phyir/ /'du byed kun la
dga' mi bskyed/ /gdul sems dga' ba yan lag go /sgyu ma ngo bo ma grub pas/ /gang dmigs thams cad mi dmigs phyir/ /chos rnams kun la sems sbyangs pas/ /sems sbyangs byang chub yan lag go /sgyu ma nyid
kyang ma grub pa/ /chos rnams bshig pa rjes rtogs pas/ /sems ni gang dag mi dmigs pa/ /ting 'dzin byang chub yan lag go /sgyu ma gang duAng mi gnas shing/ /rten dang 'chag dang 'ching mi byed/ /
chos rnams rjes su mi mthong ba/ /btang snyoms byang chub yan lag go /ting 'dzin de la goms byas pas/ /nyin dang mtshan phyed bar dag du/ /snang grags rnam pa thams cad kun/ /rang bzhin ma grub mdza' bral ba'i//
snang stong dbyer sde sgyu mar shar/ /de yang dangs pa'i rgya mtsho? las/ /chu bur 'byung zhing thim gyur pa/ /de bzhin rnam rtog chu bur yang/ /chos nyid rgya mtsho ma rtogs pa/ /gzhan du 'gyur bar mi srid kyis// dgag
bsgrub mi bya glod la zhog / de tshe rtogs tshogs na bun rnams/ /gzhi med gyur pas g.yo mi nus/ /deS nes? bskyed cing thag bcad nas/ /gsal gzhag med pas goms par bya/ /mos gus bsre bas mtshams sbyar nas//
lha sku gsal la rtog pa med/ /bde ba 'dzin med zhan bral ba'i/ /rang shar rang grol 'dus ma byas/ /tog bral kun mkhyen 'od gsal ba/ /gnyid dang rmi lam bar do 'am/ /yang na rmi lam zin pa dang// rang shar 'byung ba
longs sku ste/ ji srid ma g.yos bar du'o/ /nyin mtshan dbyer med bsre ba dang/ /cir snang 'khor yug sum ldan du/ /ma yengs nyams su blangs byas na/ /mchod pa 'bul zhing gsol ba gdab/ /de yis rmi lam sprul bsgyur
ba/ /bstan pa thob pas sangs rgyas nas/ /'jag mig srin bu yan chad la/ /sgyu ma'i rtsal ni sbyangs pa las/ /dmigs med sgyu lus dngos grub nas/ /sgyu ma lha sku mngon gsal rnams/ /dbyer med gyur pas gsal snang
mched/ /yul snang ji bzhin bgrod gyur pas/ /mthong spangs brgya dang bcu gnyis spangs/ /mngon par shes par gyur nas ni/ /dga' zhing 'jigs pa'i snang ba 'byung/ /sgyu ma'i gsal snang skyes pa'i rtags/ /gnyid kyi dus
su gzhan du yang/ /skad cig yud tsam thab? cig la/ /yon tan brgya phrag bcu gnyis te/ /ting 'dzin brgya la snyoms 'jug dang/ /sangs rgyas brgya yi zhal lta dang/ /sangs rgyas brgya la chos nyon dang/ /'jig rten khams brgyar
bskyod pa dang/ /sangs rgyas zhing brgyar 'gro ba dang/ /zhing brgyar 'od kyis 'gengs pa dang/ /sems can brgya ni smin byed dang/ /chos kyi sgo brgya 'byed pa dang/ /bskal pa brgyar ni gnas pa dang/ /sngon dang phyi mdza' brgyar 'jug
dang/ /lus kyi sprul brgyar 'gyed nus dang/ /lus re la yang 'khor brgya yis/ /yongs su bskor nas ston par byed/ /chos phyir srog kyang bteng nus phyir/ /'dod pa'i yon tan grogs su 'gyur/ /sbyin pa rnam bzhi rdzogs byed
cing/ /lhag ma rnams kyang ci nus byed/ /sa thob 'jigs pa lnga bral te/ /'tsho ba med dang 'chi ba dang/ /ngan 'gro'i tshigs bcud ma yin brjod/ /'khor gyi 'jigs bral bag tsha spangs/ /des ni snang grags thams cad kun/ /bden med
sgyu mas rtogs las byung/ /nyin? par dang ni rmi lam gyi/ /'khrul pa'i bag chags ma dag na/ /sa brgyad la yang mi gnas te/ /pad+ma can la smos ci dgos/ /de phyir snang ba sna tshogs ni/ /sgo lnga'i rnam shes bsal dangs la/ /yid
kyi 'dzin pa ma zhugs pa/ /de ni gsal stong dbyer med de/ /zhen med rgyu ma rang snang ngo/ /rmi lam dag gi chos rnams kun/ /bde chen gsal stong 'dzin med rtogs/ /mthong ba lam gyi ye shes de/ /phyir mi ldog pa'i rtags
su bshad/ /chos mchog rjes gnang sa gnyis par/ /mthong lam yin par shes par bya/ /sgom lam mi rtog sgyu ma'i don/ /mthong ba goms phyir sgom lam mo/ /sa ni gnyis nas bcu'i bar//
yid la byed pa'i ting 'dzin ni/ /'phags lam yan lag brgyad yin te/ /'khor 'das la sogs chos rnams kun/ /thams cad sgyu mar mnyam pa ste/ /lta ba'i dmigs gsal kun bral ba/ /yang dag pa'i lta ba'o/ /gang
du rtog pa thams cad kun/ /sgyu ma nyid du yang dag khrol/ /rtog pa thams cad rnam spangs pa/ /yang dag pa'i lta ba'o/ /gang du rtog pa thams cad kun/ /sgyu ma nyid du yang dag khrol/ /rtog pa thams cad rnam spangs pa/
/ yang dag pa'i rtog pa'i/ /tshig gi bdag gzhan rtog pa bral/ /cho ga brjod pas chos rnams kun/ mnyam nyid sgyu mar rtogs byed pa/ de ni yang dag ngag yin no/ /las kyi mdza' ni zas gyur te/ dkar
nag 'dus byas 'dus ma byas/ /thams cad mdza' dang bral pa ni/ /yang dag pa yi las mdza' o/ /'tsho ba gang zhig gnod 'tshe bral/ /sems can 'tsho ba dag gyur te/ /bdag gzhan don rnams mthar phyin pa/ /yang dag
pa'i 'tsho ba'o/ /zab cing spros bral sgyu ma'i don/ /bsgrub phyir sems ni rab tu 'dzin/ /rtsod dang mi zhu ma nan tan byed/ /de ni yang dag brtsol ba'o/ /gang zhig sgyu ma rang shar la/ /bdud dang mi dge gol sa yis/ /bar
chad skabs ni mi rnyed pas/ /yang dag pa'i dran pa'o/ /bdag gzhan sgyu mar mnyam pa nyid/ /chos rnams sgyu mar rnam dag ste/ /skad cig nyid la thams cad mkhyen/ /thob pa yang dag ting 'dzin no/ /sa ni gnyis pa dri
med nas/ /bcu pa chos kyi sprin gyi bar/ /bsgoms spangs bzhi bcu bzhi ste/ /mthu dang rdzu 'phrul ldan la sogs/ /sa dgu'i rtagS dang yon tan rnams/ /sa bcu'i skabs las shes par bya/ /mthong lam rjes la thob pa nas/ /sa
bcu man chad sgom lam mo/ /sgrib pa kun las rnam grol ba'i/ /sgyu ma yang dag rdzogs sangs rgyas/ /bla na med pa'i byang chub ste/ /myur du thob par byed pa la/ /chos gzhan bar chad med pas na/ /bar chad med pa'i lam
shes bya/ /sgom lam sgrib pa kun spangs nas/ /sa bcu rgyun gyi tha ma la/ /sgyu 'dzin phra zhing phra ba ni/ /shes bya'i sgrib par shes par bya/ /yang na lta ba mthar thug pa/ /bzang por 'dod pa'i sgrib pa yin/ /sgrib pa de
nyid spong ba ni/ /rdo rje lta bu'i ting 'dzin te/ /gsal stong 'dzin med bde ba che/ /'od gsal rang shar 'dus ma byas/ /byin brlabs stobs kyis 'byung ba ste/ /mun khung sgron me gser srang ltar/ /phra zhing phra ba'i sgrib pa ni//
thogs med nus pas rang dag pas/ /'dus ma byas pa'i dbyings nyid dang/ /ye shes gnyis su med pa ste/ /nyon mongs shes bya yang dag pa'i/ /chos sku dag pa gnyis ldan no/ /sku ni rten dang bsags pa dang/ /khyab
dang rang bzhin grub pa ste/ /mi 'gyur ma skyes mtshan med pa'i/ /sangs rgyas rnams ni chos kyi sku/ /de la bzhengs bzhugs mi mnga' yang/ /sngon gyi bsod nams sems bskyed dang/ /smon lam bskyed rims stobS
las ni/ /gzugs sku rnam gnyis rang shar te/ /de yang 'og min pho brang du/ /longs sku snang mdzad rdo rje 'chang/ /mtshan? bzangs dpe byad rab tu ldan/ /spros bral snang stong dri med sku/ /byang chub sems dpa' i tshogs dang
bcas/ /mdza' bral theg chen chos kyi sgra/ /rgyun mi 'chad par sgrogS par byed/ /sprul sku rang shar gang 'dul te/ gnas dus ston pa chos 'khor sogs/ /gdul bya gang la gang mos pa/ /bkod pa
bsam gyis mi khyab pas/ /de dang de yi skur bstan nas/ /'khor ba'i rgya mtsho ma stongs par/ /'dam gyis ma gos pad+ma 'am/ /nor bu dpag bsam lta bu? yis/ /sems can smin cing grol bar byed/ /ye shes tshogs dang rdzogs
rims lam/ /skye 'gag bral ba'i chos sku thob/ /choD gnyis bskyed rdzogs dbyer med las/ /sku gsum dbyer med bde chen thob/ /mdor bsdus mkha' 'dra'i chos sku las/ /gzugs sku 'ja' tshon rang shar pa/ rnam rtog
mi mnga' thams cad mkhyen/ /dbyer med rang grol lhun grub bo/ /ngo bo nyid dang longs spyod rdzogs/ /sprul pa chos sku mdzad par bcas/ /rnam bzhi'i legs bshad gang yin pa/ /spros pa la ni dga' 'gyur? ma mdo?
dang byams mgon mdzad pa rnams/ /gus bas blang zhing shes par bya/ /'dir ni bsgrub pa gtsor byed pa/ /tha snyad dmigs rgyud dag dang mtshungs/ /de phyir tshe la long med pas/ /'jig rten 'di ni blos btang ste//
bla ma dam pa mcho ga brten nas/ /rtogs pa mngon du gyur par bya/ /che 'di yun thung shes bya mang/ /tshe'i tshad kyang mi ngas pas/ /ngang pas mtsho la 'o? ma len pa ltar/ /rang gi dgos pa blang bar bya/ /ji srid 'ang? shes
yod kyi bar/ /theg pa'i mdza' la thug pa med/ /'du shes med par gyur pa na/ /thog pa med cing brjod du med/ /lam dang sa'i rtags rnams ni/ /goms pa che chung stobs khyad dang/ /rgan gzhan dag gi khyad par
gyis/ /phyi rol yul snang mthong snang dang/ /ngo bo mthong dang yon tan thob/ /dgra bcom rgyan can rgyan med dang/ /rgur chu tshes stong tshes smad sogs/ /phyi rol rdzu 'phrul rim pa rnams/ /mdo dang rgyad las shes par bya/ /sa bcu
rgyun gyi tha ma nas/ /mkhyen gnyis sku bzhi mdzad par bcas/ /rang gzhan lhun grub par ngag tu/ /mthar phyin lam du shes par bya/ /de nas byang chub sems dpa' yi/ /sa bcu legs par bshad kyis nyon /'jig rten 'das
pa'i zhi gnas dang/ /lhag mthong zung du 'brel pa ni/ /'dzin med sgyu ma rang shar te/ /rnam par mi rtog ye shes so/ /yon tan ngag gi gzhi rten cing/ /gong du bgrod pas sa zhes bya/ /dbye na rab dga' la sogs dang/ /lha?
ltas bcu ni shes par bya/ /de yang sa bcu'i mtshan nyid ni/ /blo 'das mdza' bral sgyu ma'i don/ /snga ma mthong ba mngon gyur cing/ /don grub gyur pas dga' ba skyes/ /de phyir rab tu dga' ba'o/ /lus ngag yis ?
'khrul pa'i tshogs/ /skye ba med pas sgyu mar rtogs/ /tshul khrims dri ma'i skyon bral bas/ /dri ma med pa zhes bya'o/ /snang grags chos rnams thams cad kun/ /gsal la 'dzin med sgyu mar shar/ /ye shes dbang?
gis 'od snang pas/ /de phyir 'od byed pa zhes bya/ /gsal snang gang yang bden med sgyu mar 'gyur/ /nyon mongs gdul dka' thul mongs bsreg byed 'od 'phro bas/ /'od 'phro can zhes bya ba'o/ /spang bya gnyen po'i bden 'dzin kun
gang yang bden med sgyu mar 'gyur/ /nyon mongs gdul dka' thul pa'i phyir/ /de nas sbyangs pa dka' zhes bya/ /'khor 'das la sogs chos rnams kun/ /dbyer med mdza' dral sgyur? pa ste/ /rang bzhin gnas pa mngon gyur pas
mngon du gyur pa zhes bya'o/ /chos rnams sgyu mar yang dag grol/ /dmigs med snying rjes don rnams byed/ /nyan thos rang rgyal ring gyur pas/ /de phyir ring du song zhes bya/ /sgyu ma blo 'das brtsol ba med/ /lhun
grub rang shar chen po la/ /nyon mongs g.yo par mi nus pas/ /mi g.yo pa zhes brjod par bya/ /ji srid chos su 'dzin pa rnams/ /sgyu ma nyid du grol gyur pa/ /blo gros yang sheng? thogs med? phyir/ /legs pa'i blo gros zhes
bya'o/ /tshogs gnyis zung 'jug sgyu ma yis/ /phrin las la ni dbang thob cing/ /chos sku'i mkha' la ye shes sprin/ /khyab pas chos kyi sbyin zhes bya/ /sa bcu pha rol phyin bcu'o/ /gang gis gang non rim pa ni/ /dang po
sbyin pa gtsa zhing rdzogs/ /lhag ma rnams ni ci nus bsgrub/ /gnyis pa tshul khrims pha rol phyin/ /gsum pa dag gis bzod pas te/ /bzhi pa brtson 'grus pha rol phyin/ /lnga pa yis ni bsam gtan te/ /drug pa
shes rab pha rol phyin/ /bdun pa yi ni thabs yin te/ /brgyad pa smon lam pha rol phyin/ /dgu pa yis ni stobs yin te/ /bcu pa ye shes pha rol phyin/ /de ltar pha rol phyin bcu yis/ /mtshan nyid ma nor bshad
par bya/ /ye shes 'tshol phyir sems can ni/ /dge rtsa stong pa sbyin pa ste/ /nyon mongs gdung ba thams cad kun/ /zhi ba'i phyir na tshul khrims so/ /byams dang snying rjes sems can la/ /'tshig pa med pas bzod pa ste/ /dge
pa'i chos rnams tshol ba las/ /mi ngos brtson pas brtson 'grus so/ /mkhyen pa'i ye shes mngon byed la/ /'gyod med sems ldan bsam gtan no/ /rang bzhin gyis ni ma skyes pa/ /mngon du gyur pas shes rab bo/ /rgyal ba'i ye
shes tshad med pa/ /sgrub par byed pa thabs yin te/ /ye shes las ni 'gyur bas na/ /mngon par bsgrub pas smon lam mo/ /phas kyi rgol dang bdud tshogs kyis/ /lam brgyud mi gcod stobs yin te/ /chos rnams ji bzhin togS
pa 'di/ /ye shes pha rol phyin par 'dod/ /byang chub sems dpa' sangs rgyas la/ /sa ni bcu dang bcu gcig yin/ /rmongs pa nyi shu rtsa gnyis kyi/ /sgrib pa gang yin shes par bya/ /gang gis rmongs na der
'dzin rmongs/ /de phyir sa yi chos rnams la/ /gang du 'dzin pa yongs spangs nas/ /'dzin med sgyu mar rtogs par bya/ /gal te sgyu ma tsam de yang/ /'dzin par gyur na de yang spangs/ /sgyu ma yod med las 'das shing//
spang thob dgag sgrub rang sar grol/ /gang du 'dzin pa kun rdzob ste/ /'dzin med rang grol blo las 'das/ /de phyir sa yi chos? rnams kun/ /'dzin? med goms byas sgrib pa 'dab/ /rang shar rtogs pa'i rim pa dang/ /rtags
rnams rim par 'char bar 'gyur/ /sgyu ma rang shar don rtogs pas/ /'khor gsum yongs dag sbyin rtsol med/ /nyin dang mtshan mo dus kun tu/ /sgyu ma lta bur rang shar 'gyur/ /de yang chos
dbyings sgyu ma ni/ /kun 'gro khyab pa'i don du rtogs/ /gsal snang brgya phrag bcu gnyis so/ /phyi nang rtags ni gong bzhin no/ /dri med pa la sgyu ma dang/ /lha sku zhen bral dri med sku/ /'gro 'ong? yong med blo las 'das/ /de nyid goms
brtan mchog yin te/ /chos dbyings sgyu mar rab? nyid/ /mchog tu gyur pa'i don du rtogs/ /rtags ni nyin mtshan gang la yang/ /skad cig yud tsam thang cig la/ /ting nge 'dzin stobs la snyoms 'jug sogs/ /stong phrag
bcu gnyis shes par bya/ /'od byed pa la 'od gsal dang/ /lha sku bde chen dbyer med do/ /gsal dang rmi lam dus nyid du/ /sems can dpag med 'dul pa'i phyir/ /bsam gyis mi khyab lha yi sku?/ /
rang shar khams khengs chos sgra sgrogs/ /chos kyi dbyings su chos rnams kun/ /sgyu mthun dag gi don rnams rtogs/ /ting 'dzin brgya stong snyoms 'jug sogs/ /brgya stong phrag ni shes par bya/ /'od 'phro can la lha yi
sku/ /rtsol med goms phyir 'bang byas pas/ /rtsol ba'i dug las grol gyur nas/ /chos dbyings yongs su 'dzin pa ni/ /med pa'i don du rtogs pa'o/ /ting 'dzin khrag khrig snyoms 'jug sogs/ /khrag khrig brag
ni bcu gnyis so/ /sbyad dka' i sa la chos rnams kun/ /skye med rtogs pa'i dang nyid nas/ /'gag med dmigs med snying rje yis/ /gzhan don lha sku phyag rgya che/ /spyod lam kun dang dbyer med gyur/ /chos kyi dbyings rnams
thams cad kun/ /rgyu gzhan gra dang med par rtogs/ /skad cig yud tsam thang cig la/ /ting 'dzin khrag khrig stong dag la/ /snyoms par 'jug la sogs pa ste/ /khrag khrig stong phrag bcu gnyis so/ /mngon du gyur la
'khor 'das kyis/ rgyu 'dras thams cad mngon gyur pas/ /rten cing 'brel 'byung lha yi sku/ /gsal la 'dzin med 'od gsal 'char/ /chos dbyings kun nas nyon mongs dang/ /rnam byang tha dad med par rtogs/ /ting 'dzin
khrag khrig brgya stong sogs/ /khrag khrig brgya stong bcu gnyis so/ /ring pos yi chos rnams kun/ /skye 'gag bral ba sgyu ma'i sku/ /zung 'jug mdza' 'bral bde ba che/ /nyin mtshan spyod lam thams cad du/ /zhen
med de la dran thob pas/ /phyir mi ldog par shes par bya/ /chos dbyings chos kyi mtshan nyid dang/ /tha mi dad pa'i don du rtogs/ /bye ba khrag khrig brgya stong la/ /snyoms par 'jug sogs bcu gnyis so/ /mi g.yo'i sa la nyin?
mtshan kun/ /lha sku 'od gsal rtsal pa bral/ /rang shar long sku'i cha 'thun de/ /phyogs bcu dus gsum sangs rgyas kyi/ /zhing khams sgyu ma'i bkang? pas sbyong/ /rnam dag lhun grub mkha' bzhin no/ /chos dbyings 'phel
'grib med gyur cing/ /zhing dag pa la dbang thob rtags/ /skad cig la ni ting nge 'dzin/ /stong dang sum brgya stong phrag bcu/ rdul? ni phra rab rnyed thob pa/ /phrag ni bcu gnyis shes par bya/ /blo gros sa la 'od gsal ni/ /chos
ni mdza' bral 'dus ma byas/ /'gro 'ong skyed shing gag? bsgrub dral/ /smra bsam brjod 'das skye ba bral/ /bsgom bya bsgom byed gnyis med cing/ /sprin med dag pa'i mkha' bzhin no/ /spobs pa thegs pa med pa yi/ /ye shes dam
pa'i don du rtogs/ /skad cig la ni ting nge 'dzin/ /sangs rgyas zhing ni grangs med pa/ /brgya stong phrag bcu'i rdul snying la/ /snyoms par 'jug sogs bcu gnyis so/ /tshogs gnyis chung 'jug chos sprin la/ /mi gnas gnaS
med 'od gsal te/ /rang bzhin rnam dag rtog med sku/ /'dzin pa'i rtog bral sa le mkhyen/ /blo 'das dmigs pa'i mdza' dang bral/ /nam mkha' lta bur skye 'gag med/ /mtshan nyid kun brol mkha' ltar dag /smra
bsam spyod bral blo las 'das/ /nyin mtshan dus rnams thams cad du/ /snang stong bde stong dbyer med mchog par phel 'grub med par 'char ba ste/ /phrin las dbang pa'i don du rtogs/ /de yang sa bcu'i mgon pa lags//
dbang bskur pa ni rmad byung che/ /khams gsum gyi ni yang dag che/ /mi 'jigs seng ge'i khri la bzhag /phyogs bcu rgyal ba'i phyag dang ni/ /'od zer chen po'i dbang bskur bas/ /skad cig yud? po?
thang cig la/ /chos kyi snang ba chen po dang/ /'od dang chos sprin tshad med dang/ /de bzhin gshegs pa tshad med pa'i/ /chos kyi snang ba chos kyi 'od/ /chos kyi sbrin chen tshad med thob/ /srid pa mar gyur pa dang/ /shes?
bya'i sgrib pa legs spangs nas/ /rdo rje lta bu'i ting 'dzin rtogs/ /nang ltar bcu gcig mgon po ste/ /'og min btsun mo'i gzhal yas su/ /zag med ma hA'i dbang bskur bas/ /'od gsal rdo rje'i ting 'dzin rtogs/ /bcu gnyis na
chags pad+ma can/ /yang dag sangs rgyas der sangs rgyas/ /sprul pa po gcig 'dir 'tshang rgya/ /byang chub sems dpa' sangs rgyas khyad/ rgya mtsho ba lang dmigs rjes mtshungs/ /dag pa sa gsum yon tan kyang/ /dpag cing
gzhal bar mi nus na/ /thams cad mkhyen pa'i yon tan ni/ /brjod cing dpag par smos ci dgos/ /nam mkha' sa gzhi gang yin pa/ /skra rtses gzhal bar nus srid kyis/ /rgyal ba'i yon tan rgya mtsho ni/ /bskal par grangs med
brjod mi nus/ /de phyir thams cad mkhyen pa yi/ /spyod yul brjod las 'das pa'o/ /de ltar sa rnams bgrod pa yis/ /lcags sregs bzhin du gnas gyur te/ /nyon mongs yid la mi rtogs dang/ /sgo lnga'i rnam shes ye
shes lnga/ /kun gzhi gnas gyur mthar thug sku/ /zag med bde chen 'dus ma byas/ /dbyings dang ye shes gnyis med cing/ /phrin las lhun grub rgyun chad med/ /mdza' bral rang shar chen po'o/ /sgyu ma lam gyi ri? ba
'di/ lung bstan thob nas mdo rgyud nas/ /legs btus nyams su myong ba ltar/ /'gal 'khrul med par yi ger bkod/ /dge ba dri med rgya chen des/ /'gro kun sdug bsngal gzir gyur rnaMs/ /sgyu ma'i lam la rab sbyangs nas/ /'od
gsal chen po thob par shog / sgyu ma lam gyi rim pa dri med snying po zhes bya ba/ ye shes kyi mkha' 'gro ma ni gu maS mdzad pa rdzogs so// //ye shes kyi mkha' 'gro ma de nyid dang/ /lots+tsha? ba ?
dar ma blo gros kyis bsgyur ba'o/ /slad nas khyung po rnal 'byor pas zhus te nyams su myong bar bgyis pa'o// //sgyu ma lam gyi rim pa'i 'grel? pa zhes bya ba bzhugs so// //
rgya gar skad du/
CLOSE WINDOW