བོད་ཡིག

e-texts based on the ACIP/ALL Input

mar pas bsgyur ba'o// athiiau rgyan mkha' 'gro sku gsum bdag / dpa' bo chen pos brtan pa yis/ /srog 'chang de yis 'phrin las mdzod/ /da'i dgongs pa ji lta ba/ /rdo rje 'dzin pa'i thugs yin ste/ /tshig phyir 'brengs pas rtogs mi srid/ /ma bcos ye? nas sangs rgyas pas/ /byin brlabs gnyis med de shar yin/ /des na byin brlabs shugs 'byung gis/ /rang rig lhan cig skyes rtogs na/ /de nyid mngon sum nga yin te/ /rigs brgyud mchod rdo rje 'chang/ /'di la dus gsum sangs rgyas dag/ srog 'dzin sku gsum mkha' 'gro yis/ /dbang bskur byin brlabs dngos grub ni/ /brgyud 'dzin de la smin par mdzod/ /des na nga'i dgongs pa 'di/ /yi ge'i tshig la mi ltos par/ /rnal 'byor rig pa'i mngon sum du/ /nor bu rin chen gsum rtogs na/ /brgyud pa brgyud ldan bya ma 'phur/ /dgongs pa byin brlabs drod tshad ldan/ /bla med don rtogs bstan pa 'dzin/ /des na 'di nyid sbyin pa'i yul/ /byin brlabs shugs 'byung rten 'brel yin/ /de phyir nga'i rgyud 'dzin pa/ /thabs shos? zla phyed grangs nges cher?/ /au rgyan yul du sku gsum gyis/ /bsdu ba byas nas bstan pa 'dzin/ /mi rnams tshig gi rjes 'brang zhing/ /dgongs pa'i byin brlabs na bun yal/ /nga? srog yid bzhin nor bu gtong/ /nam mkha' skra bshad brag chag?// tho yor log pa'i shes pa yis/ /mngon sum nor bu ga la rnyed/ /nga yi dgongs pa ji lta ba /rtogs par 'dod na yid bzhin gyis/ /nor bu rin chen me long ltos/ /rang gi bzhin ni mthong ba'i tshe/ /mtshan mkhan dag la legs bris nas/ /rdo rje gdan gyi rgyal sa gtad/ /gzhi ni 'khor 'das chos rnams kun/ /rang byung ye shes rang gsal bas/ /lhan cig skyes pas che ba yin/ /de na 'khor 'das ma lus pa'i/ /phyi nang? rten 'brel rang la 'char/ /gshis la tha dad chos bden na/ /sangs rgyas dgongs ba gnyis med 'khrul/ /mkhyen pa'i ye shes ci la 'char/ /rang sems mdza' dbus med ba'i phyir/ /sangs rgyas sems can mu mdza' med/ /'dzam gling bye ba phrag brgya sogs/ /sems kyi che ba cir yang gsal/ /sangs rgyas sems can gnyis med phyir/ /kun mkhyen ye shes rang la 'char/ /phra mo'i rten 'brel smos ci dgos/ /'das dang ma 'ongs da ltar kyang/ /mnyam nyid dus sam cig gi dang/ /de'ang rang grol ye shes yin/ /rtogs pa'i gdeng gi pho 'gyur med/ /phyi nang rten 'brel ? gis gsal/ /rang 'byung 'gag med rig pa'i brtsal/ /rtsa rlung byang chub sems kyi sdangs/ /mun khud sgron mas de nyid rig /dngos su mthong ba'i rgyal ba yis/ /rten 'brel sgo rnams ma lus rtag /kun kyang gsal ba'i mi rtog ste/ rang gsal dang gsal dngos su mthong/ /yid bzhin nor bu brtson pa yis/ /ded dpon rgyal po 'dzin pa des/ /'dod pa'i 'bras bu gzhan la gter/ /rten 'brel che ba thugs su chud/ /de phyir bu yis bla ma la/ /lus dang srog la ma ltos par/ /bla ma'i thugs dgongs bsgrub byed cing/ /dngos po bdag tu mi 'dzin par/ /ji ltar mchod dang bskur byed pa/ /rloms sems med par gyur pa'i tshe/ /dgongs pa rgya mtsho'i brlabs bzhin 'gyur/ /des na gzhan gyi tshul mi bzung/ /der spyod nor du rgyal mtshan 'byar bdag nyid kun gyis bskur bar 'os/ /drod thob skyes bu da la 'dun/ /nga'i srog 'dzin pa yin te/ /skyes bu dbugs phyin pa la gnas/ /tha dad zhen bral mchod byed na/ /yid bzhin nor gter kha phyed phyir/ /ltos pa med par gsung bsgrub na/ /rang gter rang gi 'don du gzhug /skyes bu gter chen thob pa yis/ /ltas gsuM mthong bar ma gyur na/ /dbul ba bral pa'i nor dang sprad/ /zas kyi phung po'i rtsa mdud grol/ /zag med ye shes mngon du gyur/ /za hor yul du sprel? pa bstan/ /nyi shu rtsa bzhir 'khor lo bskor/ /mchog thob skyes bu grangs las 'das/ /skyes bus gter chen de thob na/ /mtshan mkhan dag la logs bris la/ /phrin las tshad med don la brtag /smin byed bltas chen ma mthong na/ /lta phrug mdzes pa brgyan gyis bcom/ /rang rtog mdzes pa'i me tog la/ /ltas chen mthong na bu yin ni/ /nga'i yid bzhin nor bu long/ /bdag nyid rgyal po dmangs su phob/ /mnyen dul gus dang bcas pa yis/ /'dud par gyur na bdag nyid kyis/ /'dod 'jo'i 'o ma 'thungs nges pas/ /doms nas gzhan la ci gter na/ /tshangs pa'i 'jig rten skyong la bris/ /'dud par 'dod pa'i skyes bu des/ /dregs tshig nga rgyal gzhogs ngoms na/ /rjes 'jug de'i don bsgoms kyang/ /nor bu sbyin pa'i yul mi rnyed/ /chos la skyon 'tshol bcos tshig smra/ /rjes 'jug mkhas kyang 'dam du byings/ /bre mo co 'dri the tshom gyi/ /tshig smra tshe thung gus phyir du/ /mdud pa bya rog bu dang mtshungs/ /phrad ma thag gam yun du ni/ /brtags pas gus pa'i tshul rnams shes/ /rten 'brel dang lugs thugs 'byung gis/ /legs pa'i bltas chen mthong ba'i tshe/ /myur du nga rgyal aoM la zhugs/ /rdo rje 'dzin par ma shes shing/ /rlung sems nad kyis byis pa 'khrul/ /nor bu gus par blangS gyur kyang/ /rdo rje slob dpon grogs spyod la/ /nga yi che bar ma shes pas/ /'jig rten bcas pas dgongs pa yi/ /ngo tsha zhum pas gzhan dag la/ /rgyal mtshan spro bas brten ma nus/ /nor bu bcangs kyang don med 'gyur/ /rang che nga rgyal gzhan doms kyis/ / rlung sems nyams pa'i rtsar phyin pas/ /nor bu 'das gyis khrod du sbas/ /gal te song song smra 'dod kyang/ /nor bu len pa cig 'ga' tsam/ /skyes bu don chen spyod pa na/ /nor bu rgyal mtshan rtse la 'phyar?/ /kla rgyal ri ba'i rtse nas ni/ /ya nga med pa'i skyes bu da? de//? rdo rje 'dzin pa bzhugs pa'i tshe/ /dngos po rdzas rnams ma lus la/ /don med bya rogs skungs dang/ /yi dags phyag rgya 'dzin pa ni/ /mthong ba de yi 'bras bu 'byung/ /tshe 'dir 'dod don mi grub la/ /'og min gdul bya'i me tog yal/ /de tshe ? yis/ /rlung sems bde ba byis pa yis/ /sbyin pa'i 'bras bu nyams par byed/ /lus srog longs spyod thams cad la/ /ltos pa med pas bdag gzhan gyis/ /yid bzhin nor bu lta bur 'gyur/ /rdo rje 'dzin pa gong ma yis/ /dgongs pa'i? bdud rtsi phab pa'i tshe/ /de ltar gyur pa'i tsi? ngo? zhes/ /khrel dang the tshom gyur pa'i tshe/ /log pa'i shes pa'i skyon la brjod/ /nyi zla khyab 'jug kha ru tshud/ /myur 'gro mi med rtser sleb ste/ /lte sprin chen po dgung la yal/ /bdud rtsi'i thigs pa lce yis blangs/ /chu? bo rgyun la ngoms par 'thungs/ /'dzam gling tshangs pa'i gsung sgrags tshe/ /'gyur cog lon ni brjod gyur na/ /rang gi don yod brjod gyur kyang/ /yid du mi 'ong tshig lan 'debs/ /myur 'gro 'phro bdag kha la sprin/ /rdo rje'i gsung du shas pas bsgrubs mnyam 'dog brjed pas? spongs so kyis/ /bdag gzhan the tshom yid ma ches/ /myur 'gro mdun nas dri ma sleb/ /de ma thag par gsung rjes 'jug /rgyus med la? 'brel the tshom dang/ /mu tsor smran de'i tshe/ /myur 'gro rnam shes dza la thim/ /de tshe bag dang ldan bas spyad/ /don chen smras par gyur pa'i tshe/ /tshod yod po med phyal pa yiS/ /che sar 'dod dang dma' ba ltar/ /'gro ba med de 'gyur ba'i tshe/ /de tshe rlung sems dang la thim/ /'du shes phyogs 'dzin skad cig la/ / log bar rlung sems 'dus pa yis/ /'dod pa'i yon tan ma lus pa/ /des na rten 'brel che ba 'dis/ /nang gi bsams pa'i khyad par yin/ /bag yod lus ni gus pa yis/ /dang po'i rten 'brel che ba yis/ /rgyal ba'i dgongs pa lhan cig skyes/ /de'i srog gi snying po 'di/ /mthar ni mi nub bcang ba'i phyir/ /dus gsum sangs rgyas dpang du gsol/ /mgon po khyod la gtad pa'i phyir/ /rang gi rjes thob thogs thugs sras/ /bstan pa'i srog 'dzin pa'i bu/ /ye shes rgyan lam ma chad par/ /mchog thob rjes zhugs 'di min pa /nyi ma'i zer chen yan gyur na/ /nga srog dpa' bo mkha' 'gros bsdus/ /dka' lung zo lums ra chod byed/ /ming tshig rjes 'brengs skyes bu de/ /bstan pa'i spyan min 'di nyid du/ /au rgyan sku gsum mkha' 'gro dang/ /srog 'dzin dpa' bo mkha' 'gro rnams/ /dpal ldan nag po chen po yis/ /don 'dral de yis srog ched la/ /rjes zhugs bdun rgyud tshun chad du/ /dam 'gal mi mthun rkyen thong ste/ /byang chub sems dang gtan bral nas/ /'khor dang bcas pa ngan 'gro'i gnas/ /'di la rten 'brel las kyis bsgrub/ /ltos pa med pa'ang rjes 'jug pa/ /na ros dka' spyad shes par gyis/ /bla ma'i bya ba gang la yang/ /gsung gi brjod pa ma byung kyang/ /rang gi legs par brtags byas te/ /ltos ba med par bsgrub par bya/ /'di dang mya ngan 'das 'og tu/ /phrin las chen po lhun gyis grub/ /rgyal tshab skyes bur 'os pa'i tshe/ /dpa' bo mkha' 'gro'i lung bstan 'byung// sngon du pra khrid legS mthong na/ /de la bdud kyi bar chad med/ /rdo rje 'chang gi lung byin la/ /dbang bskur bstan pa'i srog kyang gtad/ /de tshe bu'i dam bca' 'di/ /tshe rings bsod nams rgyas pa'i phyir/ /dngos po gang la'ang ma chags par/ /rang gi rdo rje 'dzin pa mchod/ /rab 'bring lo'i grangs tshad kyis/ /bsgrub pa'i dam bcas srog tu bzung/ /bla ma ci gsung bsgrub byed cing/ /de nas bzung nas rang ched kyis/ /bya ba nam mkha' i me tog yal/ /drod tshad rnyed na skyes bu des/ /ltas chen mthong ngam yang na mi// legs par rtogs pa'i dben gnas su/ /lung bstan skyes bu de yis bsgrub/ /tha snyad la brten theg chen gyis/ /go ba dog phyir lus pa la/ /mngon sum dag tu ngo sprad la/ /dbugs phyin pa la skyes bu bzhag /yang dag don gyi dgongs ba la/ / mtho dman 'phel 'grib med pa la/ /sku gsum rang chas ngo sprod la/ /bag chags rang grol ye shes bstan/ /tshig la bstan pa'i thad ka yis/ /go ba skyes kyang the tshom gyis/ /sgro 'dogs can la gang snang la/ /bde sdug rang snang bla ma bstan/ /spang blang rang grol chos skur rtogs/ /rjes yengs ye shes ngo sbrad kyis/ /'khrul snang rang grol mngon sum bstan/ /gnas dang longs spyod thams cad la/ /rang snang zhen 'khris med par go /snang ba dbang du 'dus pa yis/ /'gal rkyen rang grol bogs? 'don bya/ /de ltar rtogs pa'i skyes bu des/ /ma bgrangs bcu gsum sa sgrol te/ /nga dang dbyer med rdo rje 'chang/ /des na nga'i rang bzhin ni/ /chos dbyings mu mdza' bral ba yis/ /dam chos srog bcad bla ma bslus/ /nga'i thugs rjes mi skyob ste/ /nges par 'di yi srog chen kyang/ /dpa' bo mkha' 'gro ma rnams dang/ /dpal ldan nag po chen po yiS/ /las ngan myur du bcom pa'i phyir/ /de ma thag tu sreg tshed la/ /dri med snyan brgyud dgongs pa 'di/ /au rgyan gnas su bsdu bar mdzod/ /lung bstan rje'o snod ldan gyis/ /yid bzhin nor bu rnam pa gsum/ /brda' dang byin brlabs la brten nas/ /snying gi snying po'i don nyid ni/ /dbyer med lhan cig skyes rtogs te/ /bstan pa'i srog 'dzin skyes bu des / nga dang tha dang ci zhig gu/ /'gro rnams don du skyes bu ni/ /lha mo'i grangs kyis 'dzin par shog /nyi zla gnyis kyi gter chen 'dzin/ /na ro chos dbyings pho brang snyogs/ /nam mkha' i dbyings nas bde chen 'jo/ /gnyis med dang du kun chims nas/ /te lo thugs kyi klong du thim/ /rigs gsum khyab 'jug gza' yis zin/ /nam mkha' i 'brug sgras stong gsum khebs/ /bdud rtsi'i char gyi lo tog rgyas/ /'dzam gling bye ba phrag brgya du/ /sgron me'i rnam pa kun gsal kyang/ /zla ba rgyas pas mun pa sangs/ /ri rab rtsa nas rgyangs mig gis/ /khyab 'jug chen po'i srog dang 'jal/ /rgyal chen bzhi'i 'khor lo bskor/ /thub pa'i dbang po lag tu gtad/ /gcig gis 'dzam gling kun tu rgyas mkha' 'gro ma yis sreg chen bzung/ /thub pa'i dbang po nyid la gtang/ /shes bya'i sgro 'dogS ma rig spangs/ /rang bzhin gnyis med don ston te/ /rgyal ba de nyid de nyid rang/ /dgu la bstan pa'i srog bzung ste/ /rgya mtsho rba rlabs tha dad grol/ /ngar ldan mtshon gyiS dgra bo? bsang/ /gza' dang rgyu skar srog bzung ste/ /thabs shes ldan pa'i 'od zer gyis/ /rgya mtsho'i rting gi mun pa gsal/ /rgyal chen bzhi'i lag tu gtang/ /yul 'khor bsrung gi gter kha phye/ /dur khrod nyi shu yul chen te/ /gtso bo yul gyis 'dzin par 'gyur/ /bdag sems nor bu rin chen 'di/ /ye shes lnga'i brgyan dang ldan/ /kun tu rtog pa sna tshogs kyang/ /bzung 'dzin gnyis kyi khol por 'gyur/ /nam mkha' stong ldan 'di nyid la// 'byung ba lnga'i 'gro don byed/ /skye 'gro srid pa ma lus kun/ /'phags pa'i lam la de nyid 'jug/ mo bsham bu yis mnga' ka des/ /shar phyogs ri bo'i ri dags bsad/ /dus mtshams byed pa sgra sgrogs tshe/ /kun gyi chos nyid gter? rnyed? de/ / rgyud dag rab tu rgyas pa'i tshe/ /re re drung du sku gsum gyis/ /mkha' 'gro mya ngan 'das 'og tu/ /au rgyan gnas su bsdu ba byed/ /nga nas nga'i chos nyid 'di/ /rdo rje lus kyi gnas lugs yin/ /phyi nang rtsa khams grol ba yis/ /za nye? ra tshangs pa'i gnas su drangs/ /da yongs 'jig rten khams 'di ru/ /srog 'dzin skyes bu dus mnga' yis/ /rang srog nor bu rin chen bzung/ /des na nga'i rtsa khams 'di/ /'khor 'das kun gyis 'byung gnas yin/ /nga yi dus gsum mnyam nyid rtogs/ /thams cad mkhyen pa'i thugs la gsal/ /des na dus gsum sangs rgyas dang/ /dpa' bo mkha' 'gro ma rnams kyis/ /deng 'dir gzugs dang dpang mdzod la/ /kye ho yid bzhin nor bu 'di/ /sangs rgyas bstan pa'i srog 'dzin pa/ /rgyal chen bzhi las gtad de aM/ /rgyal tshab skyes bu dpang gsol te/ /de dus yongs su rdzogs par sbyin/ /rgyal chen dngos su ma bstan kyang/ /bla ma rdo rje 'chad du 'dzin/ /nor bu rin chen bstan khugs na/ /de la dam tshig legs bsgrags te/ /brda' tshigs mkha' 'gro dbang gsol ste/ /chu srin lta bu'i gdams pa bcwa'/ /gnyis kyi gang la gang bltas pa/ /nga yi dam tshig ma 'da' bar/ /dpa' bo mkha' 'gro de nyid du/ /srog chen snying khrag dron mo mthungS bstan pa'i gnyer chen bstod de kye/ /gal te rdo rje slob dpon gyis/ /'jig rten grags pa gtsor bzhag ste/ /do dga' i tshul gyis smras gyur na/ /dam tshig rjes 'brengs mkha' 'gro dang/ /dpal ldan nag po chen po yis/ /bcas la 'gal byed slob dpon ste/ /de ma thag tu bsgrol bar mdzod/ /dgongs pa mkha' 'gro rnams kyis bsdus/ /snying du bsam pa'i slob bu yis/ /bcas pa'i rgyal mtshan 'di bral na/ /dam tshig dag las 'gal ba'i phyir/ /'di yis bstan pa'i srog gcod pa/ /de ma thog tu bsgal bar gyis/ /gnyer chen 'di las gang 'das pa/ /dpa' bo mkha' bro khyed rnams kyang/ /de tshig gdud ba ? laM ci/ de bas dus 'dir 'phrin las mdzad/ /kye ho lung bstan rjes thob pa'i/ /bla ma'i gsung la bdud rtsi yis/ /char chen srog yang 'dzin mdzad cing/ /tshang yang brjod cing tshad ma ru/ /de nyid brten pa de la sbyin/ /'jig rten bya ba kun spangs te/ /lus dang longs spyod srog bcas la/ /ltos pa med pa'i bu 'di la/ /dus gsum rgyal ba ma lus pas// dbang bskur byin gyis brlabs pa dang/ /dpa' bo mkha' 'gro ma rnams kyis/ /'di yis bar chad zhi bar mdzod/ /yid bzhin nor bu gtad pa'i gnas/ /gsum ldan cig la nges pa med/ /rang gi rang gter 'don pa'i phyir/ /srog dbang bskur ba de la byin/ /ngag gi yon tan tshang gyur kyang/ /lus kyi yon tan mi ldan pas slog gi bar chad 'byung bar nges/ /lus kyi yon tan ldan gyur kyang/ /ngag gi yon tan mi ldan na/ /'gro don ston ka'i me tog yal/ /lus ngag gnyis kun tshogs gyur kyang/ /sems kyi yon tan mi ldan na/ /bcud chen snod kyis mi thub ste/ /thugs nas yun rings ma lon par/ /de tshe ri srog nyams par byed/ /gong ma'i yon tan mi lan na/ /sems kyi yon tan mi 'byung ste/ /'di ni bstan pa'i spyan chen yin/ /des na 'di 'dra'i lag tu ni/ /bstan pa'i spyan chen sho ra ro/ /phrin las rjes su bsgrub pa yis/ /dpa' bo mkha' 'gro dbang gtsugs la/ /rgyal chen rgyal mthe gnyis ka yis/ /mchod rdzas gtor ma sbyir blangs te/ / dbang du gtsugS la mna' chen dor/ /des na bla ma'i thugs dgongs 'di/ /slob mar nges bar gyur na ni/ /snyan brgyud yongs rdzogs gtad pa'i yul/ /des na snod dang mi ldan par/ /'di ni gtad pa'i gnas min pas/ /spra khrid tshul ldan shes par mdzod/ /spra khrid lung bstan te lo dus gsum mkhyen pa'i gsungs rdzogs so/ /athii/ /rgya gar skad du/ Sha Da d+ha rmA/ au pa de sha na maphyag 'tshal lo/

CLOSE WINDOW