བོད་ཡིག

e-texts based on the ACIP/ALL Input

/ //rgya gar skad du/ sh+rI tsakra sam+ba ra tra yo da sAt+ma ka sya b+hi She kA bi d+hi nA ma/ bod skad du/ dpal 'khor lo sdom pa'i bcu gsuM ma'i bdag nyid kyi dbang bskur ba'i cho ga zhes bya ba/ rdo rje mkha' 'gro la 'tshal lo// phag mo dang ni mnyam par sbyor/ /he ru ka dpal mgon la 'dud/ /rdo rje slob dpon bka' dran gyis/ /de yi dbang bskur cho ga bshad/ /sngags dang rgyud kyi sbyor ba la// lha yin chod pa sngon 'gro dang/ /sems can don bya mdza' thug pa/ /dbang bskur med bar grub mi 'gyur/ /de phyir de la ji lta ba bzhin du dbang bskur zhing rjes su gnang ba thob pa dang/ de nyid bcu rig cing cho ga ji lta ba bzhin du dam tshig bsten pa la sogs ba'i bsam pa rnam par dag pa dang/ /rig ma dang bcas shing lus bsrung bar byas pas rnam par brgyan pa dang/ /rnal 'byor bzhi'i ting nge 'dzin la mkhas pa dang/ /sngon du bsnyen pa'i cho gas legs par gsang sngags bzlas pa dang/ /lha mchod pa la gus pa dang/ /legs par yongs su brtags pa'i slob ma yongs su 'dzin par 'dod pa'i slob dpon gyis/ /rgyal po dang chom kun la sogs pa'i nye bar 'tshe ba thams cad dang bral ba'i dkyil 'khor bya? pa la sogs par/ /chog ji lta ba bzhin bris pa'i rdul tshon gyi dkyil khor ram bris sku la sogs pa'i dkyil 'kho ram/ mngon par rtogs pa'i rim pas dmis la/ rnam pa sna tshogs pa la sogs pa'i mchod pa rnams kyis dkyil 'khor la mchod ngo/ /mtshan nyid thamss cad dang ldan pa'i bum pa yang dag par bzhag ste/ dgongs ka'i dus su dpal sngom pa bcu gsum gyi bdag nyid can rim pas lhag par gnas par bya'o/ /bcu gsum mam lnga'am med na gcig kyang rung ste/ de la rnam par rgyal pa'i bum pa la 'dab ma sna tshogs pa'i pad+ma'i lte pa la gnas pa'i dkar mo dang 'phrog byed kyi snying ga'i steng du nyi ma'i dkyil 'khor la/ rdo rje sngon po dang rdo rje dmar po gnyis bri bar bya'o/ /lhag ma rnams la ro'i snying ga'i steng du nyi ma'i dkyil 'khor la gi gug pri bar bya'o/ /sman lnga dang rin po che sna lnga dang/ /'bru lnga dang shing lo lnga dang ldan pa/ gos kyis mgul par dkris pa/ gdugs dang ba dan lnga yis rnam par brgyan pa/ las thams cad pa la sna tshogs rdo rje 'am bdud rtsi 'khyil pas mtshan pa bri bar bya'o/ /dri zhim po'i? chu yiS yongs su bkang pa de la skad cig gis dkyil 'khor gyi 'khor lo rim gyis bsgoms te/ gsang gtor dang mchod yon la sogs pa phul la/ ye shes kyi bdud rtsi'i ngo bor bzhugs par bya'o/ /de'i rjes la me tog gi phreng bas nye bar brgyan pa'i rdo rje dang/ pad+ma'i snod kyi steng du legs par gzhag ste/ rang rang gi sngags lan brgya rtsa brgyad yongs su bzlas la blos bdud rtsi'i ngo bor bzhug bar bya ste/ me tog la sogs bas yang dag par mchod la/ rkang ba brgyad pa'i sngags sam/ khyod ni rnal 'byor ma yis mdzes par bskor/ zhes bya ba la sogs pas bstod pas nye bar bsdu bar bya'o/ /cang te'u la sogs pa'i sgra rnams kyis bkra shis kyi tshigs su bcad pa sngon du 'gro bas rnal 'byor ma'i lag pas 'dab ma dang bcas pa'i bum pa bzung la/ skor ba gsum byas te/ rang rang gi gnas su dgod par bya'o/ /las thams cad pa ni dbang ldan gyi phyogs char legs par bzhag la/ phyogs skyong rnams la khyad par du gtor ma phul la yi ge brgya pa'i sngagS lan gsuM brjod de bzod par gsol bar bya'o/ /dkyil 'khor mchod pa dang/ /bum pa lhag par gnas pa'i cho ga'o/ /de'i rjes su 'khor bzhi po 'am rjes su gnang ba/ snying rje che ba dang sngags kyi theg pa'i snod du rung ba'i slob mas maN+Dal byas te/ /me tog gi phreng ba bzung bas pus mo'i lha da sa la btsugs te/ /la la gsang sngags grub don gnyer/ /'di ni dkyil du 'jug par byed/ /bsod nams 'dod pas de las gzhan/ /gzhan dag 'jig rten gzhan don gnyer/ /'jig rten pha rol don gnyer ba'i/ /dang pa mang du byed pa yis/ /blo ldan dkyil 'khor du 'jug bya'i/ /tshe 'di yid la 'dod pa la de bzhin 'jig rten pha rol med/ /'jig rten pha rol don gnyer skyes/ /'jig rten 'di yi 'bras bu rgyas/ zhes bya bas rjes su mnyan par bya'o/ /de'i rjes su tshor ma la sogs pas me spar la/ lag ba g.yas dang g.yon gyis yungs kar bzung ste/ g.yas dang g.yon du skor zhing bskor bas me la bskyur bar bya'o/ /aoM sarba pA paM da ha na badzra ya ma ma sarba shi Shu sya sarba pA paM da ha na swA hA/ zhes bya ba'i sngags 'dis so/ /de bzhin du chu blangs la gter ma'i snod du blugs par bya'o/ /slob ma de rnams blos dpal he ru ka'i gzugs su rang gi lus la bcug ste/ rdo rje'i lam nas phyung la rdo rje phag me'i pad+ma'i gnas su song ba rnams la de bzhin gshegs pa'i zhu bas dbang bskur bar bsamS te/ dkyil 'khor gyi shar skor mngon sum du bzhag la 'jug par gsol ba gdab par bya'o/ /dpal chen khyod bdag ston pa bas/ phag mo dang ni mnyam par sbyor/ /byang chub chen po'i tshul brtan pa/ mgon po chen po bdag 'tshal la/ /dam tshig de nyid bdag la gsol/ /byang chub sems kyang bdag la gsol/ /he ru ka dang phag mo yi/ /gnas la sogs pa bcu yi ming/ /sangs rgyas chos dang dge 'dun te/ /skyabs gsum dag ni bdag la gsol/ / thar pa chen po'i grong mchog du/ /mgon po bdag nyid 'jug par 'tshal/ /de nas bla mas slob ma cig la gtsor byas la brjod par bya ste/ /bu tshur theg pa chen po yi/ /gsang sngags sbyod tshul cho ga na/ /byod la yang dag bstan par bya/ /khyod ni tshul chen snod yin te/ /dus gsum 'byung ba'i sangs rgyas rnams/ /sku gsung thugs kyi rdo rje can/ /rdo rje gsang sngags mthu yis ni/ /ye shes mnyam med yang dag brnyes/ /gsang sngags sbyor ba mnyam med de/ /he ru ka dpal rtsogs mchog gis/ /bdud sde shin tu mi bzang pa/ /stobs chen gang yin pa rnams bcom/ /'jig rten rjes 'jug spyad nas ni/ /'khor lo bskor nas mya ngan 'das/ /de bas kun mkhyen thob bya'i phyir/ /bu yis blo gros 'di gyis shig / ces brjod la/ de rnams kyis dkon mchog gsum la bdag skyabs mchi/ sdig pa thams cad so sor bshags/ /'gro ba'i dge la rje yi rang/ /sangs rgyas byang chub yid kyis gzung/ /zhes skyabs gsum gyi tshigs su bcad pa slob ma de rnams kyis lan gsum du brjod par bya'o/ /aoM badzra kuN+Da li badzra hUM phaT ces pas bsang gtor dang bcas pas sngags kyis bsrung ba byas la/ de rnams kyi snying ga dang/ mgrin pa dang/ mgo bor rim pa ji lta ba bzhin du zla ba la gnas pa'i rdo rje dang pad+ma dang 'khor lo rnams kyi lta ba rnams la/ hUM A:aoM/ bsam par bya'o/ /de rnams kyi 'od gzer rnams kyis mkha' spyod ma dang sa sbyod ma dang sa 'og gnas ma rnams bsgom par bya'o/ /slob mas kyang de'i 'od zer lus la gsal ba'o/ /rdo rje g.yas pa'i khu tshur gyis gzung la slob dpon langs te/ slob ma rnams kyi snying ga dang/ lkog ma dang/ mgo bo rnams su yang dag par reg la/ hUM A:a zhes brjod cing tsan dan la sogs pas yang dag par byugs la/ dbyi por me tog/ mdun du spos/ mar me mig la/ dri snying gar/ lha bshos lag tu sbyin par bya'o/ /de'i rjes la sor bcu gnyis pa'i tshad kyi so shin? chag pa ma gas pa/ a shwat tha la sogs pa'i me tog gi phreng bas bcings pa/ las thams cad pa'i sngags bzlas la slob ma rnams la so sor sbyin par bya'o/ /de rnams kyis kyang shar dang byang du kha bltas la bca' zhing ba ko tsam ba yus byugs pa'i sar dor bar bya'o/ /de nas shar la sogs par kha bltas na rim pa bzhin zhi ba la sogs pa'i las bstan par bya'o/ /gang gi sngon du kha bltas na de'i dngos grub mchog tu shes/ thur du bltas nas 'og 'og gi dngos grub bo/ /gyen du kha bltas nam mkha' la sbyod pa nyid du the tshom med do/ /dkyil 'khor gyi pha rol tu lhung na dngos grub med do/ /de'i rjes la kha bshal pa'i don du chu khyor ba gsum/ aoM hUM bi shud+d+ha d+harma sarba pA paM ni tsa sh+ya bi sho d+ha ya sarba pi kal pA a ba nA ya hUM/ kha bshal ba'i don du sbyin no/ /mdun du bzhag la/ aoM badzra kuN+Da li zhes bya ba la sogs pa'i sngagS lan bdun bzlas la/ ku sha stan dang sngas kyi don du de rnaMs kyi lag par sbyin par bya'o/ /dpung pa g.yas pa la yang sngags 'di nyid kyis lan bdun du mngon par sngags la/ gsum bsgral ba mdud pa gsum pa can gyi bsrung skud dmar bo bcings la/ chos bshad pas spro ba bskyed par bya'o/ /'jig rten du ni kun mkhyen rnams/ /au dum wa ra'i me tog bzhin/ /brgya lam na ni res 'ga' zhig /'byung 'gyur yang na mi 'byung ngo/ /gsang sngags spyod pa'i tshul 'byung ba/ /de las kyang ni dkon pa ste/ /gang gis sems can mnyam med don/ /mya ngan mi 'da' byed par nus/ /bskal pa bye ba du ma ru/ /sngon du sdig pa byas pa gang/ /dkyil 'khor 'di ni mthong ba yis/ /de rnams thams cad zad par 'gyur/ /de dag kun gyi ngan 'gro rnams/ /sdug bsngal kun 'byung rab tu bcad/ /gang dag spyod pa'i mchog 'di la/ /blo gros shin tu dri med pa/ /bdag nyid chen po khyed rnams kyis/ /rnyed pa bla med de ring rnyed/ /gang phyir rgyal ba sras bcas pa'i/ /bstan pa 'di la khyed rnams kun/ /thams cad kyis ni yongs 'dzin par/ /bdag nyid chen po skye bar 'gyur/ /gang gis khyed rnams theg chen la/ /legs pa nyid du skye bar 'gyur/ /zhes bya ba la sogs pa'i tshigs su bcad pa rnams kyis chos bshad pa nyan du bcug la/ /slar yang las thams cad pa'i sngags 'di nyid kyis legs par bsrungs la/ /slob dpon gyiS sdom pa gzung bar bya ste/ /mi ldog 'khor lo mchog dbang bskur/ /stsal nas mgon po bdag la ni/ /'khor lo lha yi de nyid dang/ /slob dpon gyis ni las rnams dang/ /sangs rgyas kun gyi dam tshig dang/ /sdom pa gsang ba dam pa dang/ /sems can kun gyi don gyi phyir/ /rtag tu slob dpon bdag 'gyur gsungs zhes gsol ba btab pa'i rjes la bla mas mkha' dang 'gro dang mkha' 'gro ma rnams la gsol ba gdab par bya ste/ che ge mo zhes bya ba ni/ /byang chub sems ni yongs 'dzin pa/ /gsang ba'i don ni 'khor lo 'dir/ /dam tshig sdom pa 'jug par 'tshal/ /gsang ba chen po'i rigs dag pa'o/ /gsang pa yongs su len pa ni/ /bdag nyid chen po khyod 'dod dam/ /slob mas kyang 'tshal zhes brjod la/ /de nas sangs rgyas chos dang dge 'dun te/ dkon mchog gsuM la skyabs su song/ /bla ma mchod pa rtag tu bya/ /sangs rgyas 'gro la gus byams pa/ /sbyin pa rnam bzhi rtag tu sbyin/ /mi dge la sogs las rnams spang/ /rtsa ba'i ltung ba yongs su sbang/ /sbom po'i ltung ba de bzhin no/ /sems can rnams la mchod pa bya/ /theg pa dman la 'dod pa'i da min/ /ma bsgral ba rnams bsgral bar bgyi/ /ma grol ba rnams grol bar bgyi/ /'khor ba'i sdug bsngal 'khrugs pa las/ /sems can rnams mi dbugs phyung gis sems can don byed tshul khrims kyang/ /rtag tu khyod kyis so sor bzung/ /zhes brjod par bya'o/ /slob mas kyang ni brjod par bya ba ni/ /gtso bos ji ltar bka' stsal pa/ /de ltar bya ba bdag giS bgyi/ /zhes brjod par bya'o/ /de ltar slob dpon gyi sdom pa bzung la ku sha'i stan la nyal bar bya'o/ /rma lam ci mthong ba de nga la smros cig /de nas dkyil 'khor gyi khang par bzhugs la las thams cad pa'i sngags bsrung ba'i bdon du bzlas par bya'o/ /de'i rjes la khyad par du gtor ma btang bar bya'o/ /zhes pa ni slob ma lhag par gnas pa'i cho ga'o/ /de nas nang par phyir byung ste slob ma de rnams bos la dge ba dang mi dge ba'i rmi lam dris la /rmi lam dang rjes su mthun par bsgrubs la/ /bris pa'i dkyil 'khor la sogs pa rnams la mchod pa rgya chen po byas la/ rang gi lha'i rnal 'byor sngon du 'gro bas slob ma 'jug pa'i cho gas rang zhugs la/ phreng ba'i dbang bskur ba dang rjes su gnang ba'i mthar thug pa yid gyis slangs la/ slob ma rnams dkyil 'khor du gzhug pa'i don du bden pas gsol ba gdab bar bya'o/ /chos rnams gzugs brnyan lta bu ste/ gsal zhing dangS la rnyog pa med/ /gzung du med cing brjod du med// rgyu dang las las kun du 'byung/ /de bzhin nyid de de nyid skyes/ /de ltar bden pas dkyil 'khor du/ /gzugs brnyan gsal bar slob ma rnams/ /kun g+hi? dri ma med mthong shog /ces bya ba ni gsol ba gdab par bya'o/ /de bzhin du yol ba'i phyi rol du yon phul ba'i slob ma dbang bskur ba'i snod du rung ba rnams rnam par snang mdzad kyi gzugs su dmigs la/ a khaM bAM? ra hUM/ zhes bya ba'i sngags kyis me tog gi phreng ba gzung ste/ gdong g.yogs dmar pos bcing la/ lam thams cad pa'i chu yis bsang ste/ slob dpon gyis dkyil 'khor du 'jug pa'i phyir dri bar bya'o/ /kye 'dod pa la dga' ba de khyod su yin/ /des ji ltar brjod par bya ste/ /bdag bde ba chen po'i skal pa dang ldan pa lags so/ / de nas bla mas slob ma'i snying gar rdo rje gzhag la/ aoM sarba yo ga tsi taM aut pa tA yA mi/ aoM su ra te sa ma ya stwaM ho:sid+d+hi badzra ya thA su khaM zhes bya bas byang chub tu sems bskyed la 'di brjod par bya'o/ /deng khyod de bzhin gshegs pa thams cad kyis byin gyis rlabs kyis de bzhin gshegs pa thams cad kyi mchog tu gsang ba 'di khyod kyis dkyil 'khor du ma zhugs pa rnams la mdun du smra bar mi bya ste/ dad pa dang mi ldan pa rnams la ma yin no/ /aoM dzra hUM sh+ri he ru ka ya bida? ma ha bi dya rA dzA yA d+hi ma he swAhA/ /zhes pa 'dis bkug ste yol ba'i nang du bcug la dkyil 'khor gyi shar sgor bzhag ste 'di skad brjod par bya'o/ /deng khyod de bzhin gshegs pa thams cad kyi rigs su zhugs kyis ngas khyod la rdo rje ye shes bskyed par bya yis ye sheS gang gis khyod de bzhin gshegs pa thams cad kyi dngos grub kyang thob na/ /gzhan lta smos kyang ci dgos/ /khyod kyis 'di dkyil 'khor ma mthong ba rnams kyi mdun du smra bar mi bya ste/ khyod dam tshig nyams par 'gyur ta re/ de nas spyi bor rdo rje yang dag par bzhag ste/ 'di ni rdo rje'i dam tshig ste/ /dam tshig rdo rje 'di yis ni/ /gal te 'ga' la khyod kyis ni/ /smras na rma go bo 'gems par byed/ /me tog dang bcas pa'i rdo rje snying gar yang dag par bzhag ste/ /aoM rdo rje sems dpa' deng khyod kyi/ /snying la yang dag zhugs par 'gyur/ /gal te tshul 'di smras gyur na/ /de ma thag tu dral te gshegs/ /zhes bya ba 'dis mna' bsgag par bya'o/ /slar yang bdud rtsi lnga pa'i snod du song ba'i yi ge gsum byin gyis brlabs la aoM badzra a mri ta au da ka Sha?/ zhes bya ba ni lan bdun bdun bzlas la/ /'di ni khyod kyi dmyal ba'i chu/ /dam tshig 'das na sreg par byed/ /dam tshig bsrungs na dngos grub thob/ /'thung zhig rdo rje bdud rtsi'i chu/ /zhes brjod la 'thung du gzhug go/ de'i rjes la bla ma'i man ngag las dbab par bya'o/ /zhal bzhi pa'i sngagS kyi sgras/ /mtshams bcing ba ni yang nas yang du bya'o/ /slob ma'i lus la rang de bzhin/ /mdzes pa'i go cha kun gyis bya/ /slar yang 'jug pa sngags kyi mchog / gti mug mkha' 'gro'i gzugs la yang/ /lte par pad gnas 'khor lo'i mchog /dngos grub chen po rab ster ba/ /'bar zhing shin tu gsal ba yi/ /g.yung drung 'khyil ba 'khor bar bsgom/ /he ru ka dpal nga rgyal ni/ /mi brjed par ni yang dang yang/ /khrag dang bsres pa'i sha dang ni/ /gu gul dang lhan cig sbyar/ /rdo rje rnal 'byor ma'i sngags/ /brgya rtsa brgyad ni bzlas par bya/ /de yis bdugs pa tsam gyis ni/ /'bebs par 'gyur bar the tshom med// 'bad ba yis ni dril bu dkrol/ /bsgyings dang bcas pas gsang sngags bzlas/ /aoM tiSh+Tha mahA kro d+ha badzra bA rA hI a be shA stam+bA ya ra ra tsa la ya tsAl ya hUM ha A dzheM/ zhes bya ba'i sngags 'dis so/ /'bab pa yi ni lte la yang/ /a yig dmar po bsam bya ba/ /gsung gi rdo rje'i rang bzhin khyod?/ /smros shig bu yiS dge mi dge /zhes shes par byas la/ /aoM tiSh+Tha badzra sa ma ya pA rI pA li te/ hUM hUM hUM ho ho ho swA hA /zhes bya ba'i sngags kyis rdo rje spyi bor yang dag par bzhag la gshegs su gsol bar bya'o/ /'bebs pa'i cho ga'o/ /de'i rjes la slob ma rnams kyi yang lag pa nas bzung la g.yon skor gyis lan gsum bskor bar bya'o/ /dkyil 'khor 'di ni dngos grub ste/ mkha' 'gro ma'i dra ba sdom/ /thang pa chen po'i grong mchog tu/ /bu khyod nga yis bkug pa yin/ /mkha' la sbyod pa rnams la sgo lho nas phyag 'tshal du bzhug ste/ /aoM na ma ste hUM/ aoM na ma mi hUM aoM na mo na ma hUM/ zhes bya bas so/ /dpal ldan mkha' 'gro rnal 'byor ma mchog mgul nas 'khyud/ /dpa' bo 'dus las lus byas tha dad med pa'i gzugs/ /'khor gnas sdom pa thugs rje'i stobs kyis gzigs/ /bla ma mchog la spyi bos gus pas rtag tu 'dud/ /slar yang shar sgor/ gti mug gis mnan 'gro mthong nas/ /gti mug thams cad zhi bya'i phyir/ /lha mo mkha' 'gro ma gzugs 'dzin/ /de phyir mkha' 'gro ma khyod 'dung //slar yang byang gi sgor/ phrag dog gis mnan 'gro gzigs nas/ /phrag dog thams cad zhi bya'i phyir/ /lha mo la ma'i gzugs 'dzin ma/ /de phyir lam la phyag 'tshal/ /slar yang nub kyi sgor/ /'dod chags kyis mnan 'gro gzigs nas/ /'dod chags chen po zhi bya'i phyir/ /lha mo khaN+Da ro ha ra 'khrungs/ /de phyir dum skyes khyod phyag 'tshal/ /slar yang lho'i sgor// nga rgyal chen po zhi bya'i phyir/ /lha mo gzugs can ma gzugs 'dzin/ /de phyir gzugs can ma phyag 'tshal/ /phyag 'tshal 'dud cing khyod phyag 'tshal/ /phag mo dang ni gnyis med gzugs/ /ye shes lnga dang sku gsum phyir/ /rdo rje mkha' 'gro khyod phyag 'tshal/ /de'i rjes la khyod kyi mig sngar ci snang zhes dri bar bya'o/ /des smras pa/ dkar po dang/ ser po dang/ dmar po dang/ sngon por snang na/ zhi ba dang/ rgyas pa dang/ dbang dang/ sngon spyod kyi snod du rung bar rim pa ji lta ba bzhin du bstan par bya'o/ /dkyil 'khor 'dir ni yang dag par/ /bdag gis slob ma bzhug par bya/ /de ltar bsod nams de bzhin du/ /lha rnams rigs kyi rim par shog /'dir ni dngos grub ji ltar 'byung/ /gang gi rigs kyi snod 'gyur ba/ /ji ltar bsod nams nus mthus kyang/ /dkyil 'khor dag tu de bzhin shog /de nas me tog gi phreng ba de hUM yig dang traM yig gis yang bzlas la dkyil 'khor du ngor bar bya'o/ /pra tIts+tsha badzra hO zhes bya ba 'dis so/ /de nas me tog babs pas dman pa dang mtshog la sogs pa 'dis dngos grub mtshon par bya ste/ /lha rnams kyi dbu 'am mdzod spu 'am/ /gtsug tor la babs na de tshe phyag rgya chen po'i dngos grub bo/ /spyan dang zhal la sngags kyi dngos grub po/ /sku mchog la mchog go / sku'i dbus la 'bring ngo/ /smad kyi cha la tha ma'o/ /sku las ring na yun ring po na'o/ /lha'i gnas kyi re mig la sogs pa thams cad la shes par bya'o/ /dkyil 'khor gyi phyi rol du lhung? na slar len gsum du dor bar bya'o/ /slar yang de nyid du babs na dngos grub med do/ /zhes bya ba ni me tog 'dor ba'i cho ga'o/ /dor ba'i me tog gi phreng ba de bzung la/ /slob ma'i mgo bo la bcing bar bya ste/ /sems dpa' stobs po che 'dri bzung zhes brjod do/ /de nas mig gnyis la aoM yig gnyis/ gzi brjid 'bar ba bsams la/ /rdo rje sems dpa' deng khyod kyi/ /mig 'byed pa ni brtson par mdzad/ /mig ni thams cad 'byed mdzad de/ /rdo rje'i mig ni bla na med/ / ces brjod la gdong g.yogs dkrol te/ /dkyil 'khor gyi lha tsam bstan par bya'o/ /de kho na nyid kyi rang bzhin ni gsang ba'i dbang gi rjes la bstan par bya'o/ /zhes bya ba ni dkyil 'khor du 'jug pa'i cho ga'o/ /da ni dbang bskur bshad par bya ste/ /slar yang maN+Dal sngon du 'gro bas thal mo snying gar bzhag la/ /byang chub rdo rje sangs rgyas la/ /mchod chen ji ltar gsol ba ltar/ /bdag kyang rab tu bskyab pa'i phyir/ /nam mkha' rdo rje bdag la gsol/ / phyag 'tshal ba sngon du 'gro bas/ /de ltar gsol ba btab pa dang/ /ldan pa'i slob ma mi bskyod pa'i gzugs su dmigs la/ rang gi snying ga'i sa bon hUM las byung ba'i mkha' 'gro ma rnams kyiS dbang bskur sngon du 'gro bar bsam la/ /slar yang rdo rje dang bcas pa'i khu tshur gyiS bum pa'i chu blangs la rdo rje chen po dbang bskur ba/ /khams gsum kun gyis phyag byas pa/ /gsang ba gsum gyi gnas las byung/ /sangs rgyas kun las sbyin par bya/ /aoM badzra a b+hi Shiny+tsa zhes brjod la/ /slob mas 'khor lo sgyur ba lta bur dbang bskur bar bya'o/ /zhes bya ba ni chus dbang bskur ba'i cho ga ste/ /me long lta bu'i ye shes so/ /de'i rjes la slob ma rdo rje nyi ma'i gzugs su bsams pa/ /gser dang gos la sogs pa las byas pa'i traM yig las skyes pa rang bzhin gyi cod pan mkha' 'gro ma la sogs pa rnams kyis dbang bskur sngon du 'gro bas/ rdo rje chen po dbang bskur ba khams gsum pa yis phyag byas pa/ /gsang ba gsum gyi gnas nas byung/ /sangs rgyas kun gyi sbyin par bya/ /aoM badzra mu ku Ta a b+hi Shiny+tsA mi/ zhes brjod la de'i mgo bo la sbyin par bya ste/ nam mkha' dkyil na gnas pa'i de bzhin gshegs pa thams cad rigs kyi gtso bo'i gzugs kyis dbu rgyan la zhugs par bsam par bya ste/ zhes bya ba ni cod pan gyi dbang bskur ba ste/ mnyam pa nyid kyi ye shes so/ /de nas snang ba mdza' yas kyi gzugs su slob ma rnams bsams la hUM yig las skyes pa'i rdo rje bzung la sngon bzhin dbang bskur te/ sangs rgyas kun gyi rdo rje dbang/ /de ring khyod la bskur bar bya/ /sangs rgyas kun tu rab grub phyir/ /rdo rje 'di ni khyod kyis bzung/ /zhes brjod la rdo rje snying ga la sogs par reg la snying gar lag pa g.yas pas sbyin par bya'o zhes? bya ba ni rdo rje'i dbang bskur ba ste/ so sor rtog pa'i ye shes so/ /de'i rjes la slob ma don yod grub pa'i gzugs su dmigs la/ a yig las skyes pa'i dril bu bla ma'i gzugs su dmigs pa lag pa g.yon par byin la rdo rje dril bu lag pa dag gis 'khyud cing rol pos sngon bzhin du dbang bskur la/ aoM badzra a d+hi pa ti traM a b+hi Shiny+tsA mi tiSh+Tha badzra sa ma ya stwaM/ zhes brjod do/ /zhe bya ba ni bdag po'i dbang bskur ba ste/ bya ba grub pa'i ye shes so/ /de nas rnam par snang mdzad gyi gzugs su slob ma dmigs la/ mgo bor rdo rje dang dril bu lag pa dag gis bzung ste/ sngon bzhin du dbang bskur bar bsam zhing/ badzras twa a b+hi Shiny+tsa mi badzra nA la ya b+hi She ka ta/ kye dpal rdo rje he ru ka rdo rje zhes bya ba la sogs pa rigs dang rjes su mthun pa'i ming gdags par bya'o/ /zhes bya ba ni ming gi dbang bskur ba ste/ /chos kyi dbyings shin tu rnam par dag pa'i ye shes so/ /sangs rgyas lnga'i rang bzhin phyir/ /brtan g.yo kun gyi bdag nyid can/ / des na dang po dbang lnga ni/ sbyin bya bde ba sgrub byed pa'o/ /gcig kyang du ma nyid kyi gzugs/ /gar na sangs rgyas nyid kyi gang/ /sangs rgyas gang dang gang bsgoms te/ /he ru ka dpal go 'phangs gnas/ /'di rnams kyis kyang bsngags dang rgyud la sogs pa nyan pa la sogs pa la dbang bar 'gyur ro/ /de ltar rig pa'i dbang bskur du bshad de/ thams cad du mkha' 'gro ma la sogs pa rnams kyi bya ba yin pa'i phyir ro/ /zhes bya ba ni dbang lnga'i cho ga'o/ /de'i rjes la mchod pa nus dang gus pa yis/ /bla ma'i zhabs la phyag 'tshal te/ /snying ga g.yon du thal mo bzhag /dbang bskur don du gsol ba gdab/ /'gro ba bskyabs phyir gzi brjid gang/ /bdag la khyod kyi bka' drin gyis/ /rdo rje slob dpon dbang bskur kye// thugs rje'i gnyer gyis bdag la gsol/ /zhes bya ba 'dis gsol ba btab pa dang ldan pa'i slob ma lha'i sgong bzhag la/ /dpal he ru ka'i gzugs su seng ge'i khri la 'dab ma sna tshogs pa'i pad+ma'i dbus su bzhag la phyag rgya la sogs pas brgyan pa/ /steng du lha mos bzung ba'i gdugs mdzes pa dang/ cad te'u dang de bzhin du glu la sogs pa rnams dang/ sna tshogs pa'i mchod pa la sogs pa rnams kyis de ltar 'bad pas mchod la/ /snying ga'i sa bon 'od byung mdza' yas kyis/ /lha mo'i tshogS kyis kyang ni nam mkha' gang/ /gang gyi phyag gis ye shes chu yis bum pa bsnams/ /me tog la sogs char 'bab rnam par bsam/ /tshogs bcad brjod pas dbang bskur ba/ /'khor lor rab zhugS gtso bo'i sku ni 'gying/ /rdo rje dril mchog phyag gis rig ma 'khyud/ /bde chen go 'phangs gang bas rgyas pa'i lus/ /tshigs su bcad pas rdo rje chen pos dbang bskur ba/ /khams gsum kun gyi phyag bas pa/ /gsang ba gsum gyi gnas las byung/ /sangs rgyas kun gyis sbyin par bya/ /me tog dang bcas pas rdo rje chu bzung la/ /aoM sarba ta thA ga ta a b+hi She ka ta sa ma ya sh+ri ye hUM /zhes bya ba 'dis dbang bskur bar bya'o/ /dam tshig gsum kyang gzung par bya ste/ /rgyu lnga? dang ni rigs pa yi/ /rdo rje zhes ni brjod par bya/ /hUM yig de nyid las skyes pa/ /rdo rje sems dpa' phyag na gnas/ /thog mdza' med pa'i sems dpa' ni/ /rdo rje sems dpa' dga' ba che/ /mkha' 'gro dra ba kun gyi bdag /rdo rje bsnyams ma bdag po'i bdag / ces bya ba 'dis rdo rje lag pa g.yas su 'dzin du gzhug go /zhes bya ba 'di ni rdo rje'i dam tshig go /dril bu a yig yang dag skyes/ /sbyin bya mkhas pas de rnams la/ /'di de rnal 'byor ma kun gyi/ /shes rab dbyangs kyi rjes 'gror bshad/ /khyod kyis kyang ni rtag tu bcang/ /byang chub mchog tu rgyal ba bzheng/ /ces bya ba 'dis lag pa g.yon par sbyin la srid pa ngo bo nyid kyis dag /ngo bo nyid kyis srid bral byas/ /rang bzhin dag pa'i sems dpa' mchog / srid pa mchog tu byed par 'gyur/ /zhes bya ba 'dis dril bu dkrol bar bya'o/ /zhes bya ba ni dril bu'i dam tshig go /phyag rgya dam tshig rab tu gsungs/ /yid kyi lus ni brtan pa ste/ /gang giS lus kun brtan pa ste/ /des ni phyag rgya rab tu grags/ /de nas he ru ka sbyor bdag /bla ma blo ldan mnyam gzhag pas/ /sdom pa slob ma dam pa rnams/ /cho ga bzhin du de la sbyin/ /'khor lo'i gzugs kyis mi bskyod pa/ /rna cha'i bdag nyid 'od dpag med/ /mgul gyi phreng ba rin chen dbang/ /lag pa rnam par snang mdzad brjod/ /ska rags la ni don yod gnas/ /thal ba rdo rje sems dpar 'gyur/ /drug po de dag phyag rgyar shes/ /sbyin pa la soD rab 'jug pa/ /kha TwAM ga lha yi sku/ /shes rab Da ma ru yi sgras/ /nyin mo bcom ldan rdo rje can/ /shes rab min mtshan mor brjod/ /ces bya ba ni rdo rje slob dpon gyi dbang ngo/ /de'i rjes la slob dpon gyiS slob ma la rdo rje'i brtul zhugs sbyin pa la sogs pa bzhi slob dpon gyi dbang gi mthar raM bzhi pa'i dbang gi mthar sbyin no/ /slob ma dpal he ru ka yi gzugs su dmigs la/ /'di de dpa' o thams cad nyid/ /he ru ka yi phyag na gnas/ /khyod kyis kyang ni rtag tu bcang/ /he ru ka'i brtul zhugs brtan/ / z hes bya ba 'dis hUM yig las skyes pa'i rdo rje lag tu bzung la aoM sarba bi ra yo gi twaM sid d+hi badzra sa ma ya tiSh+Tha e kha TwaM d+ha ra yA mi badzra sa twa twaM h+rigzung bar bya ste/ /slob ma'i lag pa g.yas par sbyin/ /zhes bya ba ni rdo brtul zhugs so/ /de nas sangs rgyas kyis gzugs su bdag nyid bsam la snying gar g.yon pa'i khu tshur gyis chos gos kyi rna ba bzung la/ /g.yas pa mchog sbyin gyi lag pas/ /'di yis ngas khyod lung bstan te/ /khrag 'thung rdo rje de bzhin gshegs/ /srid pa shin tu dag pa'i phyir/ /srid pa'i ngan 'gro nyid las bton/ /che ge mo zhes bya ba de bzhin gshegs par grub par sa ma ya stwaM bur b+hu ba swA hA/ /zhes bya bas lung bstan la/ /phyag rgya 'di yis lung bstan par bya'o/ /mkha' 'gro ma dang mkha' 'gro ma la sogs pa kun gyis mgrin gcig tu bla na med pa yang dag par rdzogs pa'i byang chub tu lung ston par byed de dad par bya'o// zhes slob ma la? brjod par zhes pa ni lung bstan pa'o/ /de nas gti mug mkha' 'gro la sogs pa'i gzugs kyis dmigs la/ /rjes su gnang ba sbyin par bya ste/ /sems can kun gyi don gyi phyir/ /sems can kun la thams cad du/ /ji ltar gdul bya sna tshogs pa/ /chos kyi dkyil 'khor 'khor lo rab tu bskor/ /zhes bya ba 'dis chos kyi gnas su rdo rje dang/ /rin po che dang/ pad+ma dang/ las gzhug par bya ste/ /rim gyiS sngar gyur pa'i tshigs su bcad pas rjes su gnang ba sbyin no// de nas gsang ba brjod par bya ste/ /'dod chags bral ba lta bu'i sdig /khams gsum na ni gzhan yod men/ /de phyir 'dod la chags bral ba/ /khyed kyis rtag tu ma byed cig /mahA sa ma ya hUM phaT/ ces bya ba 'dis gsang ba bstan par bya'o// mchog gsang dkyil 'khor dam pa ru/ /mthong ba dang ni zhugs pa yis/ /sdig pa kun las nges grol bar/ /khyed rnams de nyid legs par gnas/ /bde chen theg pa 'di la ni/ /slar khyod 'chi ba yod pa min/ /srid pa shin tu phag? pa na/ /srid pa'i sdug bsngal las khyod 'das/ /byang chub sems ni btang mi bya/ /phyag rgya rdo rje gang yin pa'o/ /gang zhig skyes pa tsam gyis ni/ /sangs rgyas nyid du the tshom med/ /dam pa'i chos ni spang mi bya/ /nam yang dor bar mi bya'o/ /mi shes pa 'am rmongs pa la/ /de nyid bstan par mi bya'o/ /rdo rje dril bu'i phyag rgya yang/ /blo chen khyod kyis rtag tu bzung/ /slob dpon nam yang smad mi bya/ /'di ni sangs rgyas kun dang mnyam/ /rang gi bdag nyid yongs spangs nas/ /dka' thub kyis ni gdung mi bya/ / 'di ni rdo rje'i rigs dngos grub/ /sdom pa dam tshig yin par bshad/ /ji ltar bde bas bde bar zung/ /'di ni ma byon rdzogs sangs rgyas/ /de ring dkyil 'khor slob dpon gyur/ /khyod ni sngags dang rgyur 'dzin gyur/ /mkha' 'gro mkha' 'gro ma kun gyi/ /lha rnams kun ni bzhed pa yin/ /'di ni sangs rgyas rigs dag pa/ /sdom pa mchog gi go 'phang yin/ /sems can rnams la rtse ba'i don/ /khyod kyis dkyil 'khor cho ga bzhin/ / nan tan bskyed de bri bar bya/ /sgrub pa po rnams rgyud la sbyar/ /sdom pa mchog ni bsrung bar gyis/ /lhan skyes thabs kyi mtshan nyid ni/ /dpal ldan bde mchog las gzhan med/ /ces pas dbugs dbyung ba sbyin pa'o/ /de nas rdo rje slob dpon dpal/ /sangs rgyas sras kyi mchog de la/ /cho ga dag pas dngos grub ster/ /dam tshig sdom pa sbyin par bya/ /na dang ga da bzhin ha dang/ /mthar shwa dang po swa de bzhin/ /bdud rtsi lnga dang mnyam par ldan/ /rtag tu lha yi btung pa dang/ /bzang po btung ba bskyang bar gyis/ /sdom pa dngos grub rgyu yi phyir/ /he ru ka dpal zhes pa rgyal/ /mkhas pas sbyor ba bzhin du min/ /legs mchod dril sgra sna tshogs pas/ /legs bstod bdud rtsi'i btung bas chi ma/ /rang gi slob ma dga' bo bde ldan blta/ /sngags kyi sbyor de cho gas rab tu sbyin/ /bla mas rang gi snying gar nyi ma las sa bon bsgoms la/ /de la sngags kyi 'phreng bas bskor bar bya ste/ /lan brgya rtsa brgyad yongs su bzlas la de nas de las spro ba'i sbyor pas rnam par phyung la slob ma'i kha ru zhugs te/ /snying gar zhugs pa'i phyir brjod pas rang rang gi sngags zhal nas zhal du'o/ /bcom ldan khyod la bdag gis stsal/ /'di la nye bar mdzad du gsol/ /slob mas kyang nam mkha' la song ba de rnams rang gi sems kyis sa bon gyi gzugs la 'jug par byed cing brjod de/ /bcom ldan bdag gis bzung lags kyi/ /bdag la nye bar mdzad du gsol/ /zhes bya ba 'dis sngags kyi dngos grub kyi skal ba dang ldan par 'gyur ro// de'i rjes la langs la gdugs dang bcas pa'i slob mas kyang/ /Da ma ru dang/ thod pa dang/ kha TwAM ga bzung ste/ phyag rgya lnga la sogs pas brgyan la/ dkyil 'khor chen po dang/ /bla ma la bskor ba gsum byas te/ /zhabs la spyi bos phyag byas te/ 'di skad brjod par bya/ /gang cung zad bka' stsal pa de thams cad bdag gis bgyi'o/ /zhes bya ba ni dbang bcu'i cho ga'o// //de'i rjes la yol ba la sogs pas dben par byas pa'i phyogs su/ /slob mas rang gi yid du 'ong ba'i gzugs dang lang tshe dang ldan pa/ dam tshig dang sdom pa'i snod du rung pa/ /rigs lnga dang 'brel pa/ /me tog dang ldan pa'i shes rab ma gsang ba'i dbang gi don du bla ma la dbul bar bya'o/ /maN+Dal la sogs pa mchod pa sngon du song bas phyag byas la/ /bla ma'i sngon du pus mo phab ste thal mo sbyar la/ /skyabs med pa rnams kyi skyabs/ /skyob ba med pa rnams kyi skyob pa/ /dpal 'khor lo sdom pa ltos pa med pa'i thugs rje chen po/ /mgon med pa rnams kyi mgon du bdag grub par mdzad cig / ji ltar khyod rnams theg chen la/ /ting nge 'dzin te gtso bos mdzod/ /'khor ba yin ni 'dam tshogs su/ /bdag nub mgon gyi bdag la skyobs/ /zhes bya ba 'dis gsol ba gdab par bya'o/ /de'i rjes la dar gyis gdong ni bcing byas la/ /dam tshig kyang ni sbyin pa gang/ /thal sbyar spro ba che ba yi/ /slob ma ring pa min par bzhag /de nas bla mas lung nas gsungS pa'i rim pas gsang ba'i dbang bskur ba'i don du brtsam par bya ste/ bdag nyid dpal he ru ka'i rnal 'byor bstan par bya zhing bsgom pa'i rim pas dkyil 'khor gyi 'khor lo yongs su rdzogs pa de bzhin du/ rigs kyi gtso mo la go cha chen mo la sogs pa rnams kyi go cha gon la sku la sogs pa gsum byin gyis brlab par bya'o/ /pad+ma dang rdo rje dag byin gyis brlab par bya'o/ /slar yang blo bzang sems mnyam par bzhag pa nges/ /lte ba dang snying ga dang/ kha dang/ dpral ba'i phyogs su sngags kyi tshogs dang lhan cig byin gyis brlab par bya ste/ snying po dang nye ba'i snying po'i sngags gnyis dgod par bya'o/ /bdud rtsi lnga dang bcas pa'i rdo rje rnam par dag par byas pa'i pad+mar bzhag par byas la/ /'khyud pa dang 'o la sogs pa rnams kyis dga' ba'i bstan bcos nas bshad pa bzhin du chags pa chen po nyams su myong ba'i rigs pa lhan cig skyes pa'i dga' ba skyes pa'i sems la/ rdo rje pad+mas kyang ni dbang bskur sbyin par bya/ /gsang sngags gsum ni legs par bzlas shing bzlas/ /aoM A hUM ha ho h+ri/ zhes bya ba'i yi ge gsum po rnams kyis gshegs su gsol bar bya'o/ /dus mnyam du nyams su myong ba skyes pas gsang ba gnyis kyi rgan po dang/ /ming med dag gis mnan la slob ma'i khar btung par bya'o/ /ji ltar 'das pa'i sangs rgyas sras/ /rdo rje 'dzin sogs dbang bskur ba/ /byang chub sems ni mdzes pa yin/ /de bzhin bu khyod dbang bskur ro/ /sangs rgyas zhu ba'i yid dbang gis/ /slob ma rtag pa'i rnal 'byor ldan/ /kye ma bde zhes brjod par bya/ longs spyod la ni gzhag par bya/ shes rab kyang langs la de bzhin du sbyin par bya'o/ /phan yon kyang brjod par bya'o/ /'di de sangs rgyas thams cad kyis/ /dbang bskur cho ga mchog gyur pa/ /gsung gi rdo rje rnam dag pas/ /sngags rnams thams cad 'grub par 'gyur/ /zhes bya ba ni gsang ba'i dbang bskur ba'i cho ga'o/ /de nas gsang ba'i dbang thob pa'i slob ma dam pa la shes rab ye shes kyi don chos sku rtogs par bya ba'i phyir/ phyi rol gyi yan lag ma de nyid dam/ /de nyid gzhan yang mtshan nyid thams cad dang ldan pa bstan la sbyin par bya'o/ /de la dang po yan lag lnga'i phyag byas te pus mo g.yas pa'i lhar sa la bcugs la/ /g.yon pa'i snying gar thal mo sbyar te/ sngon nas sngon du gnas la sngon du bshad pa'i tshigS bcad gnyis kyis gsol pa btab pas bslad par bya'o/ /de'i rjes la shes rab kyi lag par de'i lag pa bzhag la/ mkha' 'gro dang mkha' 'gro ma'i tshogs thams cad dbang por byas la/ khyod kyis srog chags gsad par bya/ /brdzun gyi tshig gi kyang sma bar bya/ /ma byin par yang khyod kyis yang?/ /gzhan gyi bud med bsted par gyis/ /zhes bya ba rdo rje spyi bor bzhag la brjod par bya'o/ /lha mo 'di ni phyag rgya che/ /bde ba mdza' yas ster byed ma/ /blangs nas bu yes dus kun tu/ /bla na med pa'i mchod pa gyis/ /zhes brjod par bya'o/ /de'i rjes la lha mo de yis bka' stsal pa/ /dpa' bo bu khyod ci la spro/ /byang chub sems ni bza' pa dang/ /rigs lnga las ni yang dag byung ? rig ma gus pas yang dag mche'o/ /bshad ga rtsi stobs dang dri chen sogs/ /des na so sor bza' ba dang/ /gzhan yang mdzes pa'i dam tshig ni/ /ji ltar spro ba bu yis smras/ /zhes so slob mas kyang 'di skad ces brjod par bya ste/ /lha mo ci'i phyir bdag mi spro/ /dam tshig la sogs 'dzin par bgyi/ /bya ba rtag tu cis mi gus/ /bud med? pad+ma cis mi mchod/ /de nas dga' bas lha mo des/ /skra bkrol gis dang bral ba yis/ /pad+ma rnam pa brgyas byas nas/ /bde baS pad+ma bsten par gsungs/ /gye ma bdag gi pad+ma 'di/ /bde ba kun dang yang dag ldan/ /cho ga yis ni gang bstan pa nga ni de yi mdun na gnas/ /sdom pa mchod la sogs pa ni/ /ji ltar bya ba pad+mar gyis/ /bde chen rgyal po rang nyid ni/ /'di nyid na ni rtag tu gnas zhes so/ /rang nyid lha yi rnal 'byor bdag /phag mo'i gzugs su bsams byas la/ /bo la ka ko la sbyar nas/ /cho ga bzhin du rtag tu mchod/ /de'i rjes la mgo bo dang/ /snying ga dang/ lte ba dang/ gsang ba dang/ brla nas rkang pa'i mthar thug par/ /aoM hUM a swAhA/ /'bar ba'i yi ges rigs lnga rdzogs pa'i sangs rgyas lnga'i rang bzhin du byin gyis brlab par bya'o/ /rdo rje dbyings phyug ma yi rtsa/ /bud med g.yon pa'i ch ala gnas/ /sor mo cung zad bskyod bya ba/ /bla ma'i man ngag las shes bya/ /aoM sarba ta thA ga ta a nu rA ga ? Na badzra sa b+hA ba At+ma ko haM/ zhes bya bas dga' ba brtsam par bya'o/ /de nas pad+ma dang rdo rje bskyod pa'i dga' bar gyur pas bar snang gi de bzhin gshegs pa'i rigs kha nas bkug la zhu bar gyur pas ni nor bu'i lte ba dag gis dbus su thig le gnyis kyi bdag nyid lhan cig skyes pa'i dga' ba'i rang bzhin du gnas par bsams la/ phyag rgya chen po'i don la mngon du phyogs par bya'o/ /sa bon kha sbyor dbus na gnas/ /thig le gnyis po mi 'gyur ba/ /phyag rgya chen po'i rang bzhin can/ /rtag tu rnal 'byor pa yis bsgom/ /byang chub sems ni mi 'dor ba/ /ji srid rnal 'byor pa yis bya/ /de srid rgyun ni chad pa thob/ /dga' la skyes pa'i bde ba'ang ci/ /zhes brjod par bya'o/ /slob mas snyoms 'jug bltas nas ni/ /bla na lhag pa'i rnal 'byor ldan/ /snying ga'i sa bon nges byung lha/ /dbang bskur byas nas rab tu bzhug /de zhu rab tu zhugs pa yis/ /bde ba'i rnam pa bde chen po/ /rang gi lhag pa'i lha'i gzugs/ /mnyam par bzhag pas slob ma blta/ /zhes bya bas bla ma'i brdas/ /slob ma'i nyams su myong ba bltas la/ /dbang bskur ba ni rdo rje tshe/ /khams gsum kun gyi phyag byas pa/ /gsang ba gsum kyi gnas las byung/ /sangs rgyas kun gyis sbyin par bya/ /zhes bya ba'i tshigs su brjod la/ /mkhas pas de kho na nyid kyi rtog pa bskyed par bya'o/ /byang chub chen po'i sems? dpa' ? che/ /gzuD ma 'di ni bde ba che/ /ji srid byang chub ma thob bar/ /rdor 'dzin sems can don rnams kyis ye shes 'di ni shin tu phra/ /rdo rje snying po nam mkha' ltar/ /dri med thar ba zhi ba ni/ /de ni khyod kyi pha yang yin/ /slob mas bsams la legs par zung/ /pad+ma'i nang du lhum? gyur na/ /byang chub sngon du 'gro ba'i sems/ /de nas longs spyod kyis ni blangs/ /zhes bya ba ni shes rab ye shes kyi dbang bskur ba'i cho ga'o// // de'i rjes la chu la sogs pa shes rab ye shes kyi mthar thug pa mngon sum du legs par thob pa/ /yang dag brgyud pa dang ldan pa/ /? gi dbang bskur maN+Dal dang/ /ji ltar nus pas gsol ba gdab/ /mchod dang bsnyen bskur gus pa dang/ /yang dag dang? pa mnyam ldan pa/ /bzhi pa'i don ni bstan par bya/ /shes rab ye shes kyi dbang mngon sum du ma thob par/ /slar yang cho ga tsam gyi dbang sbyin par mi bya ste/ /dam tshig nyams pa'i phyir ro/ /de'i phyir de gsungs pa/ rnal 'byor gang gis dbang ? thob/ /'dir ni rnal 'byor pa nyid 'dod/ /mkha' la khu tshur rdeg pa dang/ /ri dags smig rgyu 'thung dang mtshungs/ /de phyir kha sbyor thig la'i rgyud chen po las kyang gsungs pa/ /slob ma lhag par mos pas yid kyis brtag /ji ltar gsungs pa'i cho gas dbang bskur sbyin/ /zab? dang rgya che'i? tshul la lhag par mos/ /dbang bskur rin chen tshig gis sbyin par bya/ /ji ltar shes rab ye shes kyi dbang kho na dbang bskur ba zhes brjod par bya zhe na/ /de kho na nyid kyi rang bzhin rtogs par byed pa'i nus pa yong pa'i phyir ro/ /ji ltar na bcom ldan 'das kyis dbang bskur ba ni tha dad gsum/ /rgyud 'di ru ni rab tu gsal/ /slob dpon gsang ba shes rab dang/ /bzhi pa de yang de bzhin no/ /zhes gsungs pas so/ /bden de thabs gzhan kho na'o/ /dang po yi ni las can rnams/ /dam pa'i don la gzhug pa'i phyir/ /thabs 'di rdzogs pa'i sangs rgyas kyis/ /skas kyi rim pa bzhin du gsungs/ /de kho na nyid kyi rang bzhin du/ /shes rab ye shes kyi dbang kho na dang/ /tha mi dad pa'i phyir ro/ /de gsungs pa/ dpal kye'i rdo rje'i rgyud kyi rgyal po las/ /e ya chi byang bzang po gang/ /dbus su ba yig rnam par brgyan/ /bde ba thams cad kyi ni gzhi/ /sangs rgyas rin chen za ma rtog/ ces gsungs pa'i phyir/ /de ltar dga' ba mchog dang ni/ /dga' bral lhan skyes de bzhin te/ /rnam pa sna tshogs rnam par smin/ /rnam par nyed dang mtshan nyid bral/ /bo la ka ko la sbyor ba/ /thams cad shes rab las byung ba/ /bzhi pa'i rang bzhin lhan cig skyes pa de gang yin zhe na yul dang dbang po rnams ni mnyam du nub 'gyur ba/ /gang yang mngon dga' rgyal ba mdzes pa'i lus gcig pu/ /su zhig sad pa'i mkhas pa rnams kyi snying la 'dzin/ /dus mnyam 'char ba gang yin de la phyag 'tshal lo/ /tha ga pa'i zhabs kyis kyang gsungs pa/ /dga' ba gnyis kyi dbus su skyes/ /shin tu bsod nams legs thob pa/ /de dus ji ltar yid ches rdo rje chus/ /skyes sbyor ba yi go 'phang ste/ /de phyir mi 'gyur bde ba kho na skye bo dam pas 'bad pas bsten/ /de la yun rings gnas pa mnyam bzhag skye bos slar yang de nyid 'dzin/ /gshin rje nag po'i rgyud las kyang gsungs pa/ /rgyal mtshan can gyi khyams mthong nas/ /de ni 'o ma mang po rab tu bsgrubs/ /'o ma la sems rtse gcig goms byas pas/ /phyag rgya chen po rab bsgrub bya/ /zhes gsungs pa dang/ rdo rje chu skyes yang dag sbyor/ /dga' ba ru ni rab tu grags/ /shin tu bskyod pa dag ni mchog /'phos pas de bzhin dga' gral skyes/ /mchog dang dga' bral dag ni dbus/ lhan skyes yang dag byang chub bshad/ /chags pa ma yin chags bral min/ /dbu ma la yang mi dmigs so/ /gsum gyis spangs pa kho na la/ /lhan cig skyes pa zhes su gsal/ /bla ma'i man ngag thams cad la/ /rang blo de nyid shes par bya/ /lhan cig skyes pa zhes bya ba/ /thabs gang gis bskyed par bya ba yin na/ /dkyil 'khor la sogs pa'i thabs dang/ /rang byin gyis brlab pa'i rim pa dang/ /bla ma'i zhabs kyi bka' drin gyis dang/ /rang bsod nams chen po dang ldan pas sogs?/ lhan cig skyes pa'i ye shes ni/ /ngag gi lam gyis spyod yul 'das/ /byin gyis brlabs pa'i go 'phang 'di/ /kun mkhyen ye shes de rang bzhin/ /skyes pa zhes bya'i mtshan nyid ci zhe na/ /gsungs pa/ dbang po gang du nub 'gyur ba'i/ /de gi ngo bo med 'gyur ba/ /de skye lhan cig skyes pa dga' ba'i lus/ /gsal bar bla ma dag la dris/ /de gang zhe na gzhan gyis ma bstan lhan cig skyes/ /gang gis kyang ni thob mi 'gyur/ /bla ma'i rgyud pa bstan pa las/ /bdag gis bsod nams dag las shes/ /de phyir bla ma sangs rgyas bla ma chos/ /de bzhin bla ma dge 'dun nyid/ /dge ba'i bshes gnyen legs par bsten/ /bla ma dam pa bsnyen bkur bya/ /bde ba mchog gi dkyil 'khor la/ /dbang bskur cho ga byas pa las// bsod nams de yis 'jig rten du/ /rdo rje mkha' 'gro'i go 'phang shog /gzhung la lhag dang chad gyur pa/ /mthong bas de ni sun 'byin pa/ /bla ma la ni skyon yod min/ /rang gi blo sun 'byin pa yin/ /dpal 'khor lo sdom pa bcu gsum ma'i bdag nyid kyi dbang bskur ba'i cho ga slob dpon gnyis med rdo rjes mdzad pa rdzogs so/ / //bal po AtsArya dz+nyAn badzra'i zhabs pa/ /bod kyi lo tsa ba chen po gang zhung gis bsgyur cing zhus te gtan la phab po// // rdo rje theg pa'i rtsa ba dang yan lag gi ltung ba'i bshags pa bzhugs so/

CLOSE WINDOW