བོད་ཡིག

e-texts based on the ACIP/ALL Input

lo tsa ba dge slong sang rgyal gyis bsgyur pa'o// //*/ /rnal 'byor bcu pa bzhugs sho// //aoM swa sti sid+d+haM /bla ma dang mgon po 'jam pa'i dbyangs la gus pas phyag 'tshal lo/ /shin tu stong pa'i dag nyid can/ /ye shes lnga'i rang bzhin dngos/ /he ru ka dpal las btud de/ /de'i bsgrub pa'i rim pa bshad/ /dbang bskur ba thob cing dam tshig dang ldan pa'i rnal 'byor pa dgos? lo sdom pa lhan cig skyes pa bsgom pa'i gang zag gis/ gnas dben par stan bde ba la sdad/ skyabs su 'gro ba dang byang chub kyi sems bsgom/ de nas/ aoM swa b+ha wa shud d+ha sarba d+harma swa b+ha wa shud d+ho haM/ zhes brjod pas snang ba thams cad stong par bsgom/ stong pa'i ngang las rang nyid bde mchog lhan cig skyes pa/ sku mdog sngon po zhal gcig phyag gnyis pa/ g.yas pa rdo rje/ g.yon dril bu 'dzin pas yum la mu? khyud ? spyan gsum pa zhal mche ba brtsigs pa/ ral pa'i thor tshugs kyi sbyi bor bcings pa'i rtse mo na yid bzhin gyi nor bus brgyan pa/ g.yon gyi cha la tshes gcig gi zla bas mtshan pa/ spyi bo'i gtsug tu sna tshogs rdo rjes mtshon pa mi mgo skam po lnga'i dbu brgyan can/ sku la rus pa'i rgyan drug gis brgyan pa/ pad+ma dang nyi ma'i dkyil 'khor gyi steng na/ zhabs g.yas bskyad pas dbu ma dmar mo mnan pa/ g.yon bskum pas 'jigs byed nag po mnan pa/ mgul rgyan sbyin pa/ rna rgyan bzod pa/ gang du gu tshul khrims/ ske rags brtson 'grus/ sbyi gtsug 'khor lo bsam gtan/ thal rgya shes rab po/ stag gi pags pa'i sham thabs grol ba/ /mi mgo rlon pa lnga bcu'i do shas byas pa/ gar gyi nyams dgu? dad ldan pa/ mi bskyod pas dbu brgyan pa can no/ /yum rdo rje phag mo sku mdog dmar mo/ spyan gsum ma/ mche ba rnam par gtsigs ma/ skra go la ba/ thod ba skam po lnga'i thod can/ skam po lnga bcu'i do shal can/ rnam par snang mdzad kyis dbu brgyan pa/ phyag g.yas gri gug dang bcas pas sdigs 'dzub mdzad pa/ g.yon thod pa khrag can 'dzin pas yab la 'khyud ba/ gcer bu phyag rgya lngas brgyan pa/ yab yum gnyis ka snyoms par 'jug pa/ ye shes kyi me rab tu dbang ba'i dbus na bzhugs pa'o/ /de'i thugs kha nas hUM las sangs rgyas rigs lnga dpag tu med pa spros nas/ sems can thams cad lhan skyes kyi go 'phangs la bkod/ tshur 'dus rang la thim par bsam mo/ /de nas bdag dang sems can thams cad sangs rgyas kyi dkyil 'khor 'ba' zhig yin la/ de thams cad snang la rang bzhin med pa me long gi gzugs brnyan lta bur bsams la rang gi blo re zhig mnyam par bzhag par bya'o/ /de ni bskyed pa'i rim pa'o/ /rdzogs pa'i rim pa bsgom par 'dod na/ lus kyil krung/ lag pa mnyam bzhag /sgal tshigS drang por byas nas/ lte ba'i nang du a shad kyi rnam pa lta bu/ phra ba rtsub pa dar dang ldan ba cig bsams nas/ de'i nus pas rang gi sdig pa dang nad dang sdug bsngal thams cad bsregs/ spyi po nas byang chub kyi sems ? nas nges lus thams cad khyab pas bde pas grang/ bde ba des rtog pa thams cad 'gags nas ba'i? stong zung 'jug gi dang la mnyam par bzhag par bya'o/ /goms pas drang dang bde ba dang mi rtog pa'i ting nge 'dzin skye bar 'gyur ro/ /rdzogs pa'i rim pa'o/ /de nas bzlas pa byed par 'dod na rang gi snying kha'i nyi ma'i steng du hUM sngon po bsam/ de la sngags kyi phreng ba 'od kyi rnam par byung nas rang gi zhal nas 'thon/ yum gyi zhal du zhugs/ yum gyi mkha' nas 'thon yab kyi rdo rje'i sbu gu nas zhugs shing 'khor bas sdig pa dang sgrib pa dag / bsod nams dang ye shes kyi tshogs rgyas/ sangs rgyas thams cad kyi ye shes 'jug par bsam zhing/ aoM h+ri:ha ha hUM hUM phaT ces ci nus su bzlas so/ /bzlas pa'i rnal 'byor khrum? byed pa'i tshe rang bzhin gyi gnas nas sangs rgyas rigs lngas rin po che'i bum ba chu so gang bas bdag gi spyi bo nas blugs pas lus ngag yid gsum gyi dri ma sbyangs par bsam zhing yi ge brgya pa brjod la khrus bya'o/ /khrus kyi rnal 'byor ro/ /de nas mchod pa dang gtor ma'i rnal 'byor ni/ chu gnyis sngon du 'gro ba'i mchod pa lnga dang gtor ma bshams nas/ aoM suM b+ha ni/ ni suM b+ha hUM hUM phaT /aoM gri h+na gri h+na hUM hUM phaT/ gri h+na pa ya gri h+na pa ya hUM hUM phaT/ aoM a na ya ho/ b+ha ga wan badzra za hUM hUM phaT/ ces brjod pas mdag pa bsang/ gong du brjod pa'i swa b+ha ba'i sngags kyis stong par bsam/ stong pa'i ngang las lha rdzas las grub pa'i mchod pa'i sprin gyi phung po bsam gyis mi khyab pa bskyed nas aoM a:hUM gis byin gyis brlab bo/ /de nas rang gi snying kha'i hUM las 'od 'phros pas rang bzhin gyi gnas nas 'khor lo bde mchog lha drug cu rtsa gnyis kyi dkyil 'khor spyan drangs nas/ mdun gyi nam mkhar bzhugs par bsam nas de la mchod par bsaMs la/ aoM sarba ta thA ga ta sh+ri tsakra sam+b+ha ra maN+Da la zhes pa kun la sbyar la/ aoM arg+haM pra tits+tsha ye swAhA/ pa taM pra ti tsa ye swA hA /badzra bus paM a hUM/ du pe a lo ge/ g+han d+he/ ni wi te/ aoM badzra shab ta a hUM/ zhes bya bas mchod yon dang/ zhabs bsil dang/ me tog/ spos/ mar me /dri/ zhal zas/ rol mo rnams kyis mchod nas/ de'i spyan sngar /dkon mchog gsum la bdag skyabs mchi/ /sdig pa thams cad so sor bshags/ /'gro ba'i dge la rjes yi rang/ /sangs rgyas byang chub yid kyis bzung/ sangs rgyas chos dang tshogs mchog la/ byang chub bar du skyabs su mchi/ /rang bzhin don ni rab bsgrub phyir/ /byang chub mchog gi sems ni bskyed par bgyi/ /byang chub mchog gi sems ni bskyed bgyis nas/ sems can thams cad bdag gis mgron du gnyer/ /byang chub spyod mchog yid 'ongs spyad par bgyi/ /'gro la phan phyir sangs rgyas 'grub par shog/ zhes bya ba yan lag bdun pa lan gsum brjod do/ /de nas gtor ma sbyangs la sum b+ha ni'i sngags kyis bsang/ swa b+ha bas stong par bsam/ stong pa'i dang las khams gsum khyab pa'i thod pa chen po ye shes kyi bdud rtsis yongs su gang bar bskyed do/ /'bar ba'i phyag rgya dpral ba'i dbyings su bskor zhing pheM zhes brjod pas rang bzhin gyi gnas nas 'khor lo bde mchog mkha' 'gro chos skyong bsrungs ma dang bcas pa spyan drangs la/ de rnams kyis gsol bar bsam zhing rdo rje thal mo kha gyen du phye ba'i phyag rgya bcas nas/ aoM badzra a ra li ho/ dze hUM? baM ho/ badzra Da ki ni sa ma ya sto ma tri sha ho/ /aoM a:hUM/ zhes pa lan lngas phul la mchod pa lngas mchod/ 'dod pa'i don la gsol ba btab nas bzod par gsol te/ gtor ma 'gron dang tshogs kyi zhing aoM badzra muM zhes pas gshegs su gsol/ mchod pa dang gtor ma'i rnal 'byor ro/ /kha zas la longs spyod pa'i tshe zas de aoM a:hUM gis bdud rtsir bskyed/ rang lhar gsal gdab/ de'i snying khar bla ma dang sangs rgyas dang/ byang chub sems dpa' i tshogs dang/ lte bar chos skyong dang/ 'jig rten pa'i tshogs dmigs nas/ de rnams mchod pa'i bsam pas lag pa g.yon pas bza' bar bya'o/ /kha zas kyi rnal 'byor ro/ /de nas spyod lam ni ngag tu hUM brjod pas rang lhag pa'i lhar gsal btab nas/ yang hUM zhes gnyis pa brjod nas snang ba thams cad lha'i skur gsal btab nas /aoM a hUM zhes lan gsum brjod pas brtan par byas nas lus kyi bya ba phyag rgya dang/ ngag tu brjod pa sngags dang/ sems kyi bsam pa ting nge 'dzin du bsam par bya ste thams cad du 'khor gsum zhen pa dang bral bar bya'o/ /spyod lam gyi rnal 'byor ro/ /snyoms par 'jug pa'i rnal 'byor ni/ rnal 'byor pa rig ma brten pa yin na/ dbang bskur thob cing dam tshig dang ldan pa'i rig mdong? snyoms par 'jug pa'i tshe/ skad cig giS rang he ? ka dang rig ma rdo rje phag mor dmigs la/ snying ka dprla ba mgrin pa dang/ snying kha rnams su aoM a:hUM gsum bkod nas snyoms par zhugs pas zag pa med pa'i bde ba myong bar bya zhing/ bde ba des sangs rgyas dang byang chub sems dpa' rnams mchod snyam du bsams nas chags pa dang bral ba'i tshul gyis brten par bya'o/ /snyoms par 'jug pa'i rnal 'byor ro/ /nyal ba'i rnal 'byor ni/ nyal ba'i tshe stong pa nyid chos kyi sku'i ngang du nyal bar bya'o/ /nyal ba'i rnal 'byor ro/ /ldang ba'i rnal 'byor ni/ nang par ldang ba'i tshe skad cig gis gzugs kyi sku lha'i rnam par ldang bar bya'o/ ldang ba'i rnal 'byor ro/ /nyin zhag phrugs? gcig gi bya ba 'dis yongs su rdzogs par bya'o/ /skal ldan gdul bya rnams kyi phyir/ rdo rje 'chang bas gsungs pa'i tshul/ /bla ma'i drin gyis gsal rtogs nas/ /gzhan gyi don du bdag gis sbyar/ /de las byung ba'i dge ba des// 'gro kun zab mo'i lam zhugs nas/ /sku gsum ye shes mnga' bdag nyid/ /rdo rje 'chang dbang thob par shog /'khor lo bde mchog lhan cig skyes pa'i bsgrub thabs/ bla ma brgyud pa'i man ngag gis brgyan pa yan lag bcu pa zhes bya ba 'di ni/ chos smra ba'i btsun pa 'phags pa zhes bya ba la/ yu gur gyi yul du skyes pa'i ban d+he/ mngon pa'i sde snod 'dzin bsaM g+ha mi Ta zhes bya bas gsol ba btab pa'i dor sbyar ba'o// // ? b+hi he ru kas mdzad pa'i dpa' po gcig pa'i sgrub thabs bzhugs sho?/ / rgya gar skad du/ e kaM bi ri sa de na ma/ bod skad du/ dpa' bo gcig pa'i sgrub thabs zhes bya ba/ dpal he ru ka la phyag 'tshal lo/ /dang po mal nas langs te/ rdo rje snying? ? bzhin du bshad ste ? rdul thim pa sogs pa bzhi'i skad cig ? chags su byas pa'i gnyid de ltar skad ma nyams su rgyad bas sa dang po'i brten pa dang khyad med/

CLOSE WINDOW