བོད་ཡིག

e-texts based on the ACIP/ALL Input

/ //*/ /bde mchog nam mkha' lding gi bsgrub thabs bzhugs so// //rgya gar skad du/ pa ga ban sh+rI swe ba ra badzra ga ru d+ha sa d+ha na/ bod skad du/ bcom ldan 'das dpal bde mchog rdo rje nam mkha' lding gi bsgrub thabs/ /thugs chen po 'phags pa spyan ras gzigs la phyag 'tshal lo/ /dpa' bo'i dpa' bo zhal bzhi spyan gsum pa/ /bcu drug phyed kyis phyag gis rnam par mdzes/ /lto 'gro bdag po'i gdan la legs bzhugs pa'i/ /gar gyi sa stengs rtag tu rgyal gyur cig /thugs rje chen po'i rol pa yis/ /'go ba'i don la khyab gshegs pa/ /dpal ldan sdom pa la btud de/ /de'i bsgrub thabs bri bar bya/ /yongs dag semS kyis gsum la skyabs song nas/ /byang chub sems bskyed sngags kyi skal ba can/ /gzhan phan lhur len the tshom dang brel yid/ /man ngag legs thob rnal 'byor brtson ldan pas/ /rnam dben yid dang rjes mthun par/ /bde ba'i stan la leD 'dug nas/ /rang nyid sa bon 'od zer gyis/ /sangs rgyas la sogs mdun dmigs ste/ /mchod sogs changs pa'i gnas b+hem pas/ /stong pa'i byang chub rnam par b+hem/ /sngon gyi smon lam rjes dran pas/ /nam mkhar gnas pa'i paM yig las? 'dab rgyad chu skyes lte bar bcas/ /ge sar 'bar dang yang dag ldan/ /der ni hUM byung rdo rje che/ /aud pal sngon po'i mdog mtshungs 'od/ /spros nas slar yang bsdus pa las/ /dpa' o b+ha ma bya zhal bzhi pa/ /bcu drug phyed kyi phyag gis mdzes/ /ain tra ni la mtshungs 'od 'bar/ /g.yas kyi zhal ni dud ka ste/ /g.yon pa ma rag ti'i mdog/ /steng zhal pad+ma ra ga'i 'od/ /klu rnams skrag mdzad mkha' lding sdong/ /rnam par rtsigs dang spyan gsum dmar/ /ral pa'i cod pan zla phyed dang/ /bsnos rdo rje thong pa'i brgyan ldan phyag rgya drug gis mdzes/ /stag gi lpags pa'i gos 'chang zhing/ /'dzagS pa'i phreng bas rnam par brgyan/ /rdo rje sdigs 'dzub zhags par ldan/ /thod pa kha TwAM kha 'dzin cing/ /lcags kyu mdung dang lcang te'u bsnamS dbang po'i pags pa'i na bza' ? 'dzin/ /klu dbang phyud mar bcas pa ni/ /g.yas brkyang gom pas rnam par gnon/ /de mdun gnas pa'i shes rab ma/ /phag mo mdog dmar gcer bu ste/ /spyan gsum skra grol lang tshor ldan/ /phyag rgya lA yis rnam brgun? cing ma sdang la sdigs 'dzub gri gug dang/ /mkhyud pa'i phyag gis thod pa 'dzin/ /zhabs gnyis thabs la mnyam 'khril zhing/ /'dod chags chen pos rjes chags pa'o/ /'dab ma brgyad la lugs 'byung dang/ /lugs las zlog pas mdza' yas dang nor rgyas dang ni 'jog po dang/ /pad+ma pad chen dung skyong dang/ /stobs kyi rgyu dang ma dros pa/ /dkar dang sngo dang dmar dang ljang/ /ser dang du ba'i mdog can dang/ /ljang khu dang ni ser po ste/ /lag gnyis thal mo sbyar ba yis/ /bcom ldan 'das la mngon phyogs cing/ /rang 'da' i rigs mar bcas pa rnams/ /skrag dang bcas pas bka' nod pa'i/ /rang snying ye shes yi ge dang/ /lus dag yid kyi gnas gsum du/ /rdo rje gsum gyis byin brlabs pas/ /cho ga gnyis kyis yang dag bsrungs/ /ye shes dam tshig gnyis med sbyor/ /dbang bskur mchod dang bstong mnyes pas/ /rang sngags bsnyen pa sngon du sde/ /brgya phrag bcu yis nges par 'grub/ /klu rnams so so'i sngags rnams la/ /khri phrag re re mngon par bzlas/ /aoM sh+rI badzra te te ru ru kaM hUM naM par she pa bar sha sma? ya hUM Di ka ni dzwA saM ba ra swA hA/ /a'oM ba ru na yA na ga d+hi pa ta ye nan ga naM par Sha sa ya hUM naM hUM swA hA/ a'oM aM a nan ta ya hUM naM hUM swA hA/ /aoM baM ba spu ki hUM naM hUM swAhA/ /a'oM taM ta Sha k+Sha ka hUM noM hUM swA hA/ /aoM paM pad ma hUM naM hUM swA hA/ /a'oM maM ma hA pad ma hUM naM hUM swa hA/ /a'oM paM saM kha sA la hUM naM hUM swA hA/ /aoM kaM kaM ko Da ka hUM naM hUM swAhA/ /aoM aM naM ba pata ba ta hUM naM hUM swA hA/ /'o na chu yis khrus byas nas/ /'o ma za zhing 'thungs pa yis//bum pa 'o mas legs bkang ste/ /'o ma dang bcas sa lu'i/ /'bras kyi gtor ma sbyin par bya/ /'o ma can gyi bud shing la/ /me sbar yam sreg 'o ma can/ /'o mar bcas pa'i sbyin bsreg bya/ /de lta'i mchod bcas thun 'tshams bzhir/ /brgya phrag bcu ru mngon bzlas nas// zhag bdun gyis ni sa stengs rnams/ /khyab pa'i chur rgyun mngon par 'babs/ /dngul gyi snod du nyungs dkar dang/ /chu la bcu phrag gnyis dang/ /mngon par bzlas te sangs rgyas kyi/ /gzugs brnyan sku gdung bcas pa la/ /dri zhim chu dang 'o ma yis/ khrus byas chu 'grams dag dang/ /lhan cig klu'i gzugs byas ste/ /nub tu mngon par phyogs pa la/ /chu yis dbang bskur chu klung du/ /dor bas klu rnams mngon dgyes nas/ /kun tu khyab pa'i char 'bebs shing/ /nor dang 'bru rnams 'phel ba dang sems can bde ba la reg 'gyur/ /ri stengs mthon por 'dzegs pa'i sa/ /rtse gsum sa la yongs bzlas na/ /ser ba gcod par byed pa dang/ /cad te'u la mngon par sngags/ /bskor bas 'jig rten gsum rgyu gsod/ /yongs su bzlas pa'i mgo bo yis/ /'chi ba slong bar byed pa dang/ /rdo rje la bzlas gsor ba yis/ /sa 'og dngos grub nyid du 'gyur/ /dril bur bzlas te bas 'bebs/ /glang po'i lpags pa la bzlas nas/ /bting bas mkha' la 'gro bar 'gyur// phyag brgya drug la legs bzlas pas/ /lus la btags na mi snang dang/ /sa stengs ji ltar bde ba ru/ /yongs su rgya zhing spyod par 'gyur/ /dpal ldan mngon brjod bla ma las/ /ji ltar gsungs pa'i sbyor 'di rnams/ /man ngag rnam par rig pa yis/ /gdon mi za bar grub sbyin 'gyur/ /shes rab bsrungs pa gzhan phan la dga' zhing/ /bla ma'i zhabs pad rten pa'i bdud rtsi yis/ /'gro la phan pa mngon par spel ba'i/ /bsgrub pa'i yan lag 'di ni legs bkod pas/ /bdag kyang skye zhing skye ba thams cad du/ /tshul bzang bla med lam gyis bgrod par shog /bcom ldan 'das dpal bde mchog nam mkha' lding gi bsgrub thabs/ /slob dpon mkhas pa chen po pradz+nya rak+Shi ta sa mdzad pa rdzogs so// // bal po'i mkhan po mu te ta sh+ri dz+nya'i zhal mnga' nas/ /a tsa ra mar pa chos kyi dbang phyug gis bsgyur ba'o// // */ /ste rdo rje bzlas /'gar pa dri pas mdzad pa'i bsgrub thabs kyi dbu bzhugs/ / rgya gar skad du/

CLOSE WINDOW