བོད་ཡིག

e-texts based on the ACIP/ALL Input

/rgya gzhung rtsa ba rdo rje'i tshig rkang bzhugs/ /dpal ldan mchog tu mi 'gyur ba'i bde ba ye shes 'byung ba'i gnas rdo rje tshig gis rnam par dbye ba dpal dus kyi 'khor lo la phyag 'tshal lo/ gang gi dkar dmar rig byed zhabs kyis tshangs dbang rab bsnan nam mkha' i mdog can mgrin gsum dpung drug ldan/ /rgya mtsho'i zhal gyi gdul bya la gzigs brgyad gnyis na tshod brgyad gsum phyag gis rnam rgyan gar gyi rol// zhal bzhi phyag brgyad gser gyi mdog can sna tshogs yum dang lhan cig rnam rol dus kyi 'khor lo la btung de/ /de gzhung dri med ye shes le'u'i zab don sbas pa'i rnam par bde chen rdo rje'i tshig 'di dbye/ /gang zhig khams kyi snying po bde ba 'dzin byed dge slong chen po yin? phyir dam tshig gi sdom pas brgyan/ /rgas pa'i 'jigs bral rnam par mdzes ldan gzugs bzang dri med gzi 'ong rab brgyan yun ring bde bar 'tsho/ /rdo rje'i sku thob mtshan dpes rab brgyan lha dang lha min gnod sbyin gdengs ka mkha' 'gro dbang du bsdud/ rgyal ba'i thugs mthong dmyal ba'i 'jigs 'joms de'i drung na rdo rje 'chang gnas gshin rje'i grong las ring/ /byang chub sems nyams mkha' 'gro'i grong khyer bye ba 'jig 'gyur lha dang bla mas bsgrubs la spyan mi lta/ /bde ba spangs phyir tshul khrims 'chal 'gyur dam tshig las 'das thub dbang slus pas dmyal ba'i sdug bsngal myong/ /gzi 'od rab zad rgud pas nyer gzir phrin las nyams shing dngos grub ring 'gyur rgas pa'i 'chi bas 'joms/ /ltung ba'i bde bas ye shes mi mthong 'dod chags dbang gyur rnal 'byor lam min tshe 'dir 'bras bus 'gag /so so skye bo'i nyams phyir 'bras chang zag dang don tshangs sbyong skam 'gyur don chung gla rtsi bzhin/ /rnal 'byor thabs dang ldan pas thig le don ldan? 'gyur te mdzangs? ma'i nor bzhin yon tan rab tu 'phel/ /rnal 'byor laM la yun ring 'bad kyang skad cig gis nyams lo zla'i 'bras bus ser bas bcom pa ltar/ /rdzas dang kha zas /spyod lam 'khrul 'khor rlung dang dmigs pa gzhan lus sna tshogs 'di 'phel bya/ /tshad med snying rjes rab brgyan skyabs 'gro sems bskyed rgya chen sems dpa' gsum ldan sngon du stong ra bsnyom?/ /rkang pa rdo rje skyil krung lag gnyis mnyam gzhag lus srang mgrin pa dgug cing dpung mgo legs par brgyad/ /sna rtser mig lta phyir la rlung 'bud nang du rdub dang skyar te 'gengs shing 'jug tu gyen la 'phang/ /ro rkyang mi byed phra gzugs sten/ /'dzin rtog med gang bo'i/ dbus der 'bar ba'i a thung la sems bya/ /me dang nyi ma lan tshwa nas 'thun pa'i rjes stan thog mar rang lus bsnyom bya dge ba bsngo/ /cha zhing gzer zug 'them chus lhag pa lus dang rtsa yi stong ra bug pa rlung me chus bsgems/ /nam mkha' sdig mdzub rdo rje rol pa seng+ge rnam rol brkyang bskum rol thabs ri bong brgyad 'dzin dang/ /ka ran ste 'khrul 'khor 'di drug mdun rgyab g.yas g.yon rdo rje'i gar bya drag po'i rlung gis 'bud/ /steng dang 'og tu lta zhing 'dug ste brtson pas 'bad na rtsa yis stobs lus kyi nang rnams 'joms /dbugs rdam rgod 'gag log 'tshub stor ba rlung dang ngag ste g.yas g.yon mdun rgyab steng 'og bug pa bsgom/ /stag lo'i skyug stangs sprul gyi bya snyed rgod kyis lding thabs ri bong mchod 'gros rma bya'i mjing skor dang/ /seng ge'i sprug stangs 'khrul 'khor 'di drug hA ri hi thu hUM zhes drag po'i rlung dang bcas te 'bud// des ni log tshub stor ba'i skyon spong rlung gis stobs brgyas dag gis nad rnams 'joms par byed/ /'byam dus steng pa yid kyi skyon te nyams shing skam 'gyur chag dang zug rdu skyes pa thig le'i gag /sems shi bsdu phyir hUM gyur snang zhugs dbu mar thim ste gseng zhing 'phang bya gang 'dod yid la bsam/ /gu gul nyungs dkar thal chen gri khrag dug dang rus chen sprang mar gcan gzan lpags pa tsha ba gsum/ /'khrul 'khor dug dang rdzas sngags dmigs pas bzung bzlog dgram ste thig le'i stobs rgyas yid kyis nang rnams 'joms/ /me 'phreng sdong po rtsub shing 'khor lo sum 'gyur kun khyab me yi dkyil 'khor drod kyis bogs su 'gyur/ /rlung gi gzhu yis me yi mda''phang haM gi 'beb bcom lta ba'i snyoms 'jug yid 'phrog pad+ma dang/ /steng 'og rlung gi 'khor lo kha sbyar 'og sgo 'byed 'dzum yid kyi rig pa bde stong bogs su 'gyur/ /padmo'i phreng ba til gyi mar me mthing gi rgya mtsho rlung gi ba dan gsal ba'i bogs su 'gyur/ /lag pa'i phyag rgyas rigs lnga'i mkhro gsang ba'i rdo rje zhi bas gsor te dkar gsil ri bong dbab/ /'og rlung 'then zhing sgo gnyis bsdams te gling bzhi bsdus nas rig byed sor mos lam gnyis mtshams su mnan/ yid kyis phyag rgya yid 'ong la sems ting 'dzin g.ye ba'i bde steng dga' ba dang po'o/ / //mchog gi gnyen pos rtsol ba dor la dam? mo zlog cing lam gnyis gling bzhi rtsol mang mgrin pa dgug /steng 'og rlung la 'dor len bya zhing chags pas mi 'phrog ting 'dzin ro snyoms rig pa haM la gtad/ /rdo rje khu tshur gling bzhi bsdu zhing ngan 'gro'i lam dgag rgya mtsho'i ring ba la sbyar lhun po dgug /ro 'dzin nyi zla steng phyogs thur srel gyen la 'dren zhing sems dang thig le nam mkha' i mthong su gtang/ /lha dbang lhun po glang po sna 'dzin rnam 'gying rol pa rdo gtsug tor gyang kyi stabs 'dzin dang/ /rtse gsum gdong ka 'di drug hig? dang hUM gis steng 'og rlung bzung drag tu 'then pas bdun gyis 'drongs/ sprug pa gar dang seng ge rtsal sprug rnam ril rnam 'gying gzhon nu'i kun spyod lha mo'i rol thabs kyis/ /ldang dang 'dug cing thams cad spyod pas sna tshogs lus sprug rab tu bsig? cing dkyil krung gngan? las 'phar/ /rlung dang bcas pas ro stong ro smad mgo dang dbang po yan lag bzhi ste gang 'dod gnas su dgram/ /thig le kun khyab ye shes bde chen ros gang bsgoms pas bzhi pa'i dga' ba rdo rje 'chang du 'gyur/ /bsgrubs 'dod slob ma theg chen rigs 'gyur gsang sngags la mos bla ma bzang 'dzin thar pa 'dod rnams kyis/ /dang po'i don du rnam bdun dbang sbyin mchog dbang bskur la slob ma smin bya skal ldan nyid du bsgrub/ /bla ma la gus blo bzang lang tsho brtson bcas gyur na gdam pa mchog sbyin dam tshig gi don du sten/ /rnal 'byor rtog bral dkar po mi nyams ting 'dzin rgyas byed kun mkhyen thob phyir thabs dang ldan pas sten/ /gang gi dkar po mi nyams mi 'dor rnal 'byor pas ni rgyal ba'i bde ba bsgrubs phyir pho nya'i lam/ /dpal ldan 'dus sog ma lus rgyud du thub dbang rnams kyis yang dag phyag rgya sten par gsungs/ /dri dang tsan dan aud pa la dang sngon po ji bzhin zag bcas thig le bde chen ye shes gnas/ /rten dang rten pa sku dang ye shes yon tan 'phrin las khams gsum ma lus de yi dbang du 'gyur/ /dbang bskur dang bral ye shes yon tan dngos grub brlag 'gyur khrims 'chal rdo rje 'dzin pa'i dge slong nyams/ /bla ma'i lung gis ma gnang de yi bsod nams rab zad mi dge rab 'phel skal pa'i dge ba 'joms/ /'dod pa'i dbang gis ri bong can zag ltung ba bskyed phyir gang na 'dug kyang mya ngan sdug bsngal rgyu/ /rgyal ba rnams kyi yon tan bskyed phyir 'di las gang 'das sangs rgyas lam min dmyal ba'i gnas su 'tshod/ /gag sems 'dod pa'i dbang gyur mi gtsang bu ga la sten 'khrig? pI ro myang mngal gyi grong du gnas/ /tha shal thar med mi dge'i 'bras bus chu tshag khol mar bskal par gnas pas go cha bgo bar bgyis/ /bsgrub po nang med lang tsha lus dar rtsa bzang brtson byas blo gros bzang ldan dbang gi rnam par smin/ /gsum pa'i dbang thob sngags dang rgyud kyi pha rol son zhing bla ma'i lung gis bsgrub dang skyon sel mkhas/ /dbang gi ye shes sngon du byas te rtsa dang rlung 'byod thig le la dbang gnyen pos 'dzin nus shing/ /rang 'dod la snyam rtogs pa'i rtsal gyis 'dod chags zil gnan tha mal chags bral bde chen ye shes sbyor/ /rgas shing rgud dang rma dang gcod can zhig dang nyams pa bag med 'dod ldan yid mi 'jug phyir spang/ /dbang ldan gzugs bzang lang 'tsho bzhin mdzes ngag gnyen dri zhim bram ze rgyal rigs rje'u dmangs rigs gdol pa dang/ /rig lnga'i rigs can lhan skyes sngags skyes glang sna can dang ri dags dung can me tog pad+ma can/ /nu ma bsra mkhregs bde skyed rnam 'gyur 'dod pa'i sgra 'byin pad+ma rub cing dam pa'i mchog /kha sbyor bde bas ye shes spros bral yon tan 'phel byed 'dod pa dbang po yid kyis 'dzin nas pa/ /gzhon sogs yon tan bcu gsum mchog dman khyad par che ste smon lam dbang gyur rang gis byed pa'o/ /skyabs 'gro sems skyed sngon du tshogs 'khor dbang bdun bskur la thabs kyi phan yon rig ma nges phyogs bya/ /tha mal lus sbyangs skad cig pa ltar bskyed ye shes pa stim snang stong zung 'jug sgyu ma'i lha skur lta/ /lus la go cha'i lha dgod gnas gsum dag dang mkha' dang gsang ba sbyangs bskyed byin gyis rlabs nas ni/ /nag tshal ri phug dben pa'i gnas su bde ba'i gdan la gcer bur 'dug ste bde chen rnam par rol/ /lha dang lha min gdengs chen sgeg mdzes 'dzol bag 'gyings ldem rnam gzigs sdig 'gros rngam 'jog dang/ /gyad dang rol pas 'khril sbyor rab 'khyud mkha' lding seng ge glang chen rus sbal 'dug stangs bcu drug gis/ /rang sems nam mkha' i padmo la sems rig byed rtsa dang lam chen thur sel rlung bsdu dal bus bskyod/ /nam yang mi 'dor srog las gces 'gyur ba gzhan mi dmigs sgyu ma'i yul 'di spros bral dbyings su lta/ /reg pas stobs skyed lus 'dar skyig bun thig le g.yobs gsal ba'i nyams 'di bde dga' dang po'o/ / //bsnun pas rlan 'byung dbugs rgod rtsa dang lus po g.yo zhing sbrid? 'gyur rab tu g.yos pas bde dga' gnyis pa'o/ /bskyod pas drod 'byung chags pa'i sgra 'byin bde bas rab myos rnam par rtog bral shin tu g.yo ba gsum pa'o/ /de las thal na dkar po nyams phyir tha mal nyid de bde ba med pas dga' bral bzhi pa'o/ /ri bong can g.yo rtsol ba dong? la dmig med kyis rig byed rtsa dang lam chen thur sel glod// steng rlung bzung zhing gzugs dang ro 'dzin ba sgrad sgrims bdag sems nam mkha' i dbus su rab tu 'phangs/ /bde chen ma skyes rdzogs bskyod rtse mor mi bzung g.yo dang ro myong mi skyod rdo rje'i rtsa bar bzung/ /gang gis zin tshe pad+ma rub 'gyur gtsug tor sra zhing stobs rtsal rnams rgyas nyams na de las gzhan/ /'og sgo'i gnas dang lto ba'i dkyil 'khor rkang lag mgrin pa lce dang mig ste 'di drug dbang du bsdud/ /de drug dang bcas 'khrul 'khor drug gis sa 'brug mkha' la ? zug bgrad cing steng rlung rab tu bzung/ /gsang bar hUM gis bde chen 'dren byed rig ma zhu bas rdo rjes 'thung phyir haM la thiM gyur de nyid 'phang/ /hUM ring hUM thung hig dang bcas pas drag po'i sgra ldan gsum lnga bdun gyis 'khor lo bzhir ni 'grongs/ /rnal 'byor bas ni sems g.yeng mi 'gyur ye shes yid tshim bde chen 'dzag med rdo rje ma 'gyel bar/ /zlog pas rdo rje'i dar? 'chor sbubs su nub 'gyur lus sems dbang po yang dang bde mnyen nyams na gzhan/ /dgram pa'i gnad drug 'og rlung steng rlung bum pa can du sprug sig 'cham brdeb 'phang dang mchod rgyug bya/ /rtsa gnas stong dang bug par bde chen bcud kyis gang zhing mi rtog spros bral chos dbyings dang du bzhag /gang gi khrems tshe lus po sgra 'byin ro bcud kyi ? gang bde dang mnyan 'gyur gsal dang mi rtog bskyed/ /dbab bzung bzlog dgram sna tshogs 'khrul 'khor man ngag ro ldan rig pa'i mtshon bsnun nyams dang bral na gan/ /yul 'di snang stongs sgyu ma'i phyag rgyad bltas la thog mdza' bar du dga' bzhi stong pa'i rgyas btab bya/ /bskyod pa'i tshe na g.yo ba'i bde bas rgyal ba mchod dang de yi ngo bo chags bral mtshan mas stong/ /'dod pa'i rnam rtog rag ste de dag gi gsal 'gyur byang sems g.yos pas bde ba bskyed cing ma rtog pa/ /zag bcas bde ba skyed pa'i rnam rtog de ni skye 'gag rtag chad 'gro 'ong mdza' dbus med par lta/ /rgas dang bkres sam lus zung ma rgyas nang kyis gzir dang ngal dub rtsa ngan bde tshan nyams par 'gyur/ /bskyod pa drag pos mda''phangs bzhin 'gyur ngad? bas rang myos 'dod la chags gyur gnyen pos ma zin nyams/ /sman dang dmigs pa rdzas dang 'khrul 'khor kha zas spyod lam sna tshogs rig ma 'dug stangs yul gyis skyur/ /thig le 'tshor 'gyur dngos sam kha chub de med 'dzag cing lam gnyis zug rdu gsang gci rlung gi skyon/ /lus gnang drug dang 'khrul 'khor drag gis rlung bzung gar bya stong dang bug pa ku snye sprug dang brdung/ /gnas nas ma 'drongs rdo rje kha chu haM dang ma 'dres spyod lam dang bcas bshang gci'i zhor la 'byung/ /lam gnyis sdom dang gsang ba'i gnas lci gtsug tor 'bras bu gzer zug la sogs so zlog pa'i gag rnams ni/ /skyil krungs 'theb 'dren rkang mthem phyir 'dren lag gnyis pus 'khyud sor bcu mthil mnon rdo rje rgyab lag dang/ /lhun po mgrin dgug 'di drug mdun rgyab g.yas g.yon steng 'og kha sbyar gzung la 'phang zhing drag tu sprug/ /skran dang rde nang dmu? chu? skya babs skrangs dang sha khra khol bur na dang spu byi zas mi 'ju/ /lus phyed che chung skam dang 'phrad so yan lag lto ba 'phral sbom lci 'gyur 'gram pa'i gag/ /rta yi bzhi 'phra lug gis stag sprugs spre'u'i shing rtsed khyi yis 'dung mchongs phag gi 'jol rgyug dang/ /byi la'i? gab 'gros glang gi bsig brdung dgram dang brdung zhing sprug dang dku mnye stong dang bug me bsgom/ /pho bde zug bcas mo bde 'jam 'gyur zung 'jug bde stong bde chung yun rig ma spos la bsgrub/ /gzhon mdzes 'dod ldan chags pa'i dbang song sna tshogs gar bsgyur dben par gcer bu pad+ma la lta zhing/ /sha dang myos byed mkha' me'i bar rten snyoms par mi 'jug 'dzum dang reg cing lta dang 'khyud par bya/ /rlung dang 'khrul 'khor rdzas dang dmigs pa kha zas spyod lam mthun pa'i rkyen gyi phung po rten par bya/ /'o dang 'khyud pa so dang sen mo pad+ma la reg bde ba'i rol rtsed sna tshogs thabs kyis rtsal/ /rgyal po'i dpung gi btsun mo'i pho brang dbus su mi gzhom dmangs kyi grong khyer mdza' nas bshig / dro dang rnam 'gyur rlan dang dbugs 'byin chags pa'i sgra sgrogs rtsa sna bstan phyir rdzas dang 'khrul 'khor bya/ /sems dang ri bong 'khor lo bzhir bzung byang sems 'dzin byed bde ba rgyas 'gyur ye shes mngon du bya/ /sgyu ma'i phyag rgya ma long nang du gcer bu ltas te dbyer med rig ma sgyu ma'i gzugs su lta/ /chos rnams de bzhin ma chags mi 'phreng stong pa'i yid kyis 'khor bas sgyu ma'i sprul par lta/ /bdag kyang ma grub bde chen stong pa chags bya chags byed 'dod pa'i yid 'dir dngos 'dzin mtshan ma zhig/ /dbang dang dkyil 'khor lha sngags rdzogs rim gzhan lus gzhan gyi sems nyid nges rtogs bcu mngon du 'gyur/ /lus 'tshong ma'i byi ru sin d+d+hu ra dang me tog glang sna mtshal dang thig les zla mtshan rnams/ /phye mar btags la snyoms 'jug rlan gyis cig tu bsgrubs te ku ru ku le mtshon gang tshad tsam bya/ /dri zhim gyis byugs mi yi phru ma leb rgan gyis gril pad+mar bcu ga la bdun phrag gsum du bsgrub/ /de nyid phyung la brdar ba'i phye ma srin lag g.yon gyis gang la reg pa bdag g.yi? dbang du 'gyur/ /khyi yi pho mtshan gar chang sbrang dang sbyar ba'i lde gu rdo rje la byug snyoms 'jug 'bral med 'gyur/ /mi yi thod pa ga bur sbrang rtsi d+ha ru rtsa tu ra yis brdang la dpral bar byug na gzhan du min/ /byi ba'i bshang laM til mar byi'u sa ka ta'i sha khus chos 'byung byung na chung zhing 'dzum par 'gyur/ /lcam pa'i rtsa ba rab tu bkol te bzhi cha lus pas pad+ma bkrus na 'khrang zhing bsra/ /bsgrub bya'i rkang rjes sa chu dug dang gri khrag gu gul rus? chen mtshon rtse sbrang rgod tsha ba gsum/ /ra rtsi 'dod chung 'khrig pa'i sbrang chu tsha bdun gyis byug rdo rjes bsnun pas b+ha ga gzir bas mchog /thog mar aoM brjod swi b+hi dzhi ta lo hi? de ni su tsa pu su d+hu sham bya zhe/ /kha dang rdo rje sngags kyis chu sbyin dkar nag thabs shes g.yas g.yon 'og tu 'dis ni srid pa chod/ /gser dngul ra gna' khar ba zha nye khab len rdo dang zangs/ /g.yas rtag tu srid pa chod/ /'khor lo lte ba mu khyud rang ming sngags dang phyi rim rdo rje dang bcas gnan pas srid pa chod/ /bsgrub bya'i rkang rjes sa dang gci ba chu sdebs lam ka'i mtshan ma rngams bcad de mnan na rdo rje 'joms/ /mang laM ma la 'og steng du me long g.yon du skyes pa gsang ba'i sbu sbyin rdo rje zhi bar byed/ /bsgrub bya'i mi la bya rog dug pa khyi dang gla ba sngags dang sgrub pas mnan na mdza' 'o nges par 'byed/ /bing ldog byi la'i phru ma lcags gsum gyis sgril rig ma'i kha ru bcug na de nyid mthong mi 'gyur/ /mdog dmar rmig pa sreg pa'i thal pa mtshal dang bsres la phyag rgyas btab na gzhan gyis spyod mi nus/ /go che shu thag dong kha pad+ma sregS pa'i thal po rdo rje la byug shugs ldan sbom zhing 'khrab/ /mon sran? rde'u gzem? 'bu srin bkol ba 'thungs na rdo rje 'khrang 'gyur bud med stong phrag dga' byed nus/ /a sho ka d+ha til gyi phye ma mar dang 'o mar sbyar ba zla phyed 'thungs na stobs shed rgyas/ /dbang po lag pa zho gnyis ka ra bti'i 'o ma dang bsres 'thungs na stobs dang gzi brjid 'phel/ /dpal ldan rgyud mchog rgya chen bla ma'i man ngag rab zab rnams las dri med bdud rtsi'i bcud bab pas/ /thabs lam man ngag rdo rje'i tshig 'byed me tog 'phreng 'dzin spras pa'i gnang 'di don yod rdo rjes phye/ /de yi dge bas mdza' yas rgya chen mi nyung nges ni bde chen dbus su lhan cig skyes pas rab 'khyud de/ /'gro ba kun gyi skal pa'i lam chen tshe 'dir bgrod de rdo rje 'chang chen mngon du byed par shog/ /rgyu dang man dag thams cad kyi don phyogs cig tu sdebs pa thams lam man dag rdo rje tshig gis rnam par dbye ba ces bya ba rdzogs so// // rgya gar shar phyogs kyi paN+Di ta don yod rdo rjes mdzad pa / rgya gar gyi grub chen ti phu gsang sngags kyi sdong po'i drung du/ bod kyi rnal 'byor pa ras chung rdo rje grags pas zhus shing spyan drangs pa las/ /slad kyi paN+Di ta d+ha na shi la'i drung du bal pa mtsho khams pas zhus te spyan drangs pa'o/ / //*/ /gnyis su med pa'i rnal 'byor zhes bya ba bzhugs/ /rgya gar skad du/ a wa d+hu ti yo ka na ma a tyi bud d+ho swA hA/

CLOSE WINDOW