བོད་ཡིག

e-texts based on the ACIP/ALL Input

/rgya gar skad du/ pra darsha nA num tor de sha pa rIk+Sha nA na/ bod skad du/ rang gi lta ba'i 'dod pa mdor bstan pa yongs su brtag pa zhes bya ba/ dpal dus kyi 'khor lo la phyag 'tshal lo/ /tshogs gsum yongs su rdzogs pa yis/ /bcu gsum 'bras bu brnyes pa po/ /stong nyid snying rje'i bdag nyid can/ /de ba la ldan dus 'khor la phyag 'tshal/ /'dir ni mngon sum bstan 'chos dag/ /rgyal ba'i thugs sras 'jam dbyangs la/ /phyin ci log bzhir bcas pa ni/ /rang dang gzhan gyi don du zhus/ /shAkya seng ge'i seng ge yis/ /slob dpon rnal 'byor pa rnams la/ /rgyud dang rgyud gzhan du gsungs dang/ /shes rab pha rol phyin tshul dang/ bye brag smra dang mdo sde pa/ /rnal 'byor spyod dang dbu ma ru/ /'gyur ro 'phags pa'i yul du ni/ /dbyang+gs can bdag po bdag la gsungs/ /rang gi lta 'dod mdor bstan du/ /gang la rnam par shes pa'i blos/ /phyin ci log bzhir bcas pa ni/ /bdag gi de nyid bshad par bya/ /lam ma yin la lam gyi blo/ /chos ma yin la chos dang ni/ /bdag med pa la bdag blo dang/ /de bzhin sdug bsngal la bde ba'o/ /nyon mongs ma lus gzhim pa dang/ mi shes ma lus spang ba'i phyir/ /bsam pa'i khyad par ji bzhin du/ /sems can rnams la bshad par bya/ /srog bcad brdar bas gser bzhin du/ /mkhas pa rnams kyis yongs brtags nas/ /bdag gsungs blang bya dge slong rnams/ /gus pa tsam gyis ma yin no/ /gang zhig lam bzang dor nas ni/ /chom rkun gyis gang lam mi bgrod/ /de 'dir thub pa bden pa yi/ /gsungs ngor brdzun pa su zhig 'dzin/ /'dod chags la sogs dri ma yi/ /rtag tu sems can bsam pa'i phyir/ /sems can bsam pa'i dbang gis gsungs thub pas bden par gsungs ma yin/ /nyon mongs ma lus gzhom pa dang/ /mi shes ma lus spang phyir du/ /'dir ni bden gsur ston pa yis/ /sbyin pa'i lam du 'jug par mdzad/ /'dod chags bsam pa med pa'i phyir/ /gzhan gyi bud med ma bzung zhing/ /thub pas rang gi btsun mo byin/ /skye ba 'dir ni khyod sangs rgyas/ /zhe sdang bsam pa med pa'i phyir/ /gzhan gyi sha rnams ma phrogs shing/ /thub pas rang gi sha rnams byin/ /skye ba 'dir ni khyod sangs rgyas/ /gti mug bsam pa med ? phyir/ /gzhan gyi 'phrog pa mi mdzad par/ /thub pas rang gi rgyal srid byin/ /skye ba 'dir ni khyod sangs rgyas/ /'dod chags zhe sdang gti mug rnams/ /'di rnams 'jig rten dug gsum ste/ /sangs rgyas bcom ldan dug me mnga' // sangs rgyas bden pas dug bcom mo/ /'dod chags zhe sdang gti mug rnams/ /'di rnams 'jig rten dug gsum ste/ /bcom ldan chos ni dug mi mnga' / /chos kyi bden pas dug bcom mo/ /'dod chags zhe sdang gti mug rnams/ /'di rnams 'jig rten nug gsum ste/ /bcom ldan dge 'dun dug mi mnga' / /dge 'dun bden pas dug bcom mo/ /bden pa spyad pas skye bo ni/ /skye ba 'dir ni khyod sangs rgyas/ /sangs rgyas khyod ni skye gzhan ? sangs rgyas skye bo khyod sangs rgyas/ /lha yi skye ba lha nyid do/ /lha min skye ba lha min nyid/ /grub pa'i skye ba grub pa nyid/ /mi yi skye ba mi nyid do/ /dud 'gro'i skye bdud 'gro nyid/ /yi dagS skye ba yi dags nyid/ /de ltar la sogs gzhan la yang/ /rtag tu mkhas pas shes par bya/ /sangs rgyas yang dag 'byung las kyis/ /sangs rgyas nyid du 'gyur ba ste/ /lha yi yang dag 'byung las kyis/ /lha nyid du ni 'gyur ba'o/ /lha min yang dag 'byung las kyis/ /sbyin ma'i bu ru 'gyur ba ste/ /grub pa yang dag 'byung las kyis/ /grub pa nyid du 'gyur ba'o/ /mi ru yang dag 'byung las kyis/ /mi nyid du ni 'gyur ba'o/ /dud 'gro yang dag 'byung las kyis/ /dud 'gror yang dag 'gro ba'o/ /yi dag yang dag 'byung las kyis/ /yi dags nyid du 'gyur ba ste/ /dmyal bar yang dag 'byung las kyis/ /dmyal ba nyid du 'gyur ba'o/ /bsod nams phung pos sangs rgyas khyod/ /ston pa'i sku dang spyod pa ste/ /sdig pa'i phung pos sangs rgyas khyod/ /gdug pa rul ba'i lus nyid do/ /sangs rgyas shAkya seng ge yis/ /sems can bsam pa'i dbang dag gis/ /sku ni gcig gnyis gsum dang ni/ /bzhi dang lnga ru gsungs pa ste/ /sangs rgyas thog ma tham med/ /dang po'i sangs rgyas ris med pa/ /ye shes mig gcig dri ma med/ /de bzhin gshegs pa ye shes sku/ /ji ltar gzugs kyi sku dang ni/ /de ltar sangs rgyas chos sku ste/ /sems can bsam pa'i dbang gis phyir/ /bstan bcos skyabs gnas gsum pas gsungs/ /thugs gsung sku yi dbye ba yis/ /sku gsum du ni rab tu bsgrags/ /chos dang longs spyod sprul pa rnams/ /sngags kyi tshul la mi yis sgrub/ /ngo bo nyid longs rdzogs bcas dang/ /de bzhin bzhin pa sprul pa dang/ /chos sku mdzad par bcas pa ste/ /rnam pa bzhir ni yang dag bshad/ /sangs rgyas sku lnga'i bdag nyid can/ /khyab bdag ye shes lnga yi bdag/ /sangs rgyas lnga bdag cod pan can/ /spyan lnga chags pa med pa 'chang/ /gzugs kyi phung po mdza' yas pa/ /bdag gi sgrul pa'i sku mchog go/ /sgra yi phung po mdza' yas pa/ /bdag gi longs spyod rdzogs sku mchog/ /chos kyi phung po mdza' yas pa/ /bdag gi chos kyi sku rab bsgrags/ /ye shes phung po mdza' yas pa/ /bdag gi ye shes sku rab bsgrags/ bde ba'i phung po mdza' yas pa/ /bdag gi bde sku 'gyur med mchog /gong bu'i phub po de bzhin sku/ /yang dag bsags par yongs su bsgrags/ /bsgrub bya lus ni rgyal min 'gyur/ /sems can mgu ba'i gnas dang ni/ /stong nyid ye shes dam pa'i bdes/ /gang phyir sku rnams bsgrub pa'o/ /bsgrub bya rnams dang sgrub po dang/ /sgrub pa rnams ni gcig mdan/ /de bzhin gzhan nyid med par 'gyur/ /de med na ni tshogs pa'ang med/ /bsod nams min las rgyal po min/ /rgyal po bsod nams med las min/ /tshul khrims med las tshangs pa min/ /tshangs pa tshul khrims med las min/ /tshogs ma rdzogs las sangs rgyas med/ /sangs rgyas nges par tshogs rdzogs las/ /sdig pa med pas sdig can min/ /sdig can sdig pa med las min/ /bstan bcos mi shes mkhas pa min/ /mkhas pa bstan bcos yi shes min/ /bzo rigs mi shes bzo mkhan min/ /bzo mkhan bzo rag mi shes min/ /shes pa med na ye shes min/ /ye shes shes pa ming las min/ /shes ba med na shes byed med/ /shes byed shes bya med las min/ /rnal 'byor med na sbyor po min/ /sbyor po rnal 'byor med las min/ /longs sbyod med na 'byor ldan min/ /'byor ldan longs spyod med las? min/ /nad med pa las nad pa min/ /nad po nad med pa las min/ /sdug bsngal med na sdug ldan min/ /sdug ldan sdug bsngal med las min/ /lus med pa las lus ldan min/ /lus ldan lus med pa las min/ /dag med pa las dag ldan min/ /dag ldan dag med pa las min/ /sems med pa las sems ldan min/ /sems ldan sems med pa las min/ /de ltar la sogs thams cad 'dir/ /shes par bya'o legs 'gro rnams/ /dpal ldan sku yi rdo rje 'dzin/ /mi phyed rdo rje gsum bsgoms pas/ /sku yi rdo rje can gyis ni/ /byin rlabs gnas su ding bdag mdzod/ /phyogs bcud bzhugs pa'i sangs rgyas rnams/ /rdo rje mi phyed gsum bsgoms pas/ / sku yi rdo rje can gyis ni/ /byin rlabs gnas su ding bdag mdzod/ /dpal ldan gsung gi rdo rje 'dzin/ /rdo rje mi phyed gsum bsgoms pas/ /gsung gi rdo rje can gyis ni/ /byin rlabs gnas su ding bdag mdzod/ /phyogs bcur bzhugs pa'i sangs rgyas rnams/ /rdo rje mi phyed gsum bsgoms pas/ /gsung gi rdo rje can gyis ni/ /byin rlabs gnas su ding bdag mdzod/ /dpal ldan thugs kyi rdo rje 'dzin/ /rdo rje mi phyed gsum bsgoms pas/ /thugs kyi rdo rje can gyis ni/ /byin rlabs gnas su ding bdag mdzod/ /phyogs bcud bzhugs pa'i sangs rgyas rnams/ /rdo rje mi phyed gsum bsgoms pas/ /thugs kyi rdo rje can gyis ni/ /byin rlabs gnas su ding bdag mdzod/ /rang bdag bya ba rnam 'gags pas/ /sems med pa yi thugs 'chang ba/ /sku gsung thugs kyi rdo rje can/ /kun gyi rdo rje 'dzin pa mchog/ shes dang shes bya ba de rnams dang/ /shes dang shes bya ba de ldan mchog /lus ngag yid dang ldan pa yang/ /'khor bar rang rang las la spyod/ /rdo rje sems dpa' byang chub sems/ /ji ltar sems dpa' chen por bshad/ /de bzhin dam tshig sems dpa' yang/ /rnam par dag par yongs su bsgrags/ /rdzogs sangs rgyas dang rdo rje sems/ /byang chub sems dpa' de nyid gzhan/ /rang rgyal nyan thos sangs rgyas dang/ /sems dpa' chen por bshad pa'o/ /byang chub sems dpa' thub pa'i sras/ /dam tshig sems dpa' de bzhin te/ /de ltar sems dpa' bzhi po rnams/ /sku rnams kyi ni sgrub po mchog/ bzhi po rnams kyi snying po ni/ /stong nyid ye shes 'gyur med de/ /kye yi rdo rje zhes brjod pa/ /stong nyid ye shes smra ba'o/ /ji ltar rang bzhin yang dag dag /chos rnams thams cad zag pa med/ /de bzhin rang bzhin dag ba dang/ /zhes pa bden par gsungs pa med/ /kun gyi sgra rnams thams cad mkhyen/ /'jig rten gsum spyad spyod pa min/ /ye shes rang bzhin sgra yis ni/ /sgom pa rang gi rang bzhin no/ /gang tshe rang bzhin gyis dag pa'i/ /chos rnams thams cad zag med pa/ /de tshe phyi rol 'byung po dang/ /sngags pa'i rang bzhin ji ltar 'gyur/ /stod nyid ye shes rdo rje yis/ /rang bzhin bdag nyid ces pa dang/ /ji ltar rnal 'byor spyod gsungs pa/ /de ltar dbu mar mi 'gyur ro/ /bud po rnam dpyad stong pa ni/ /chu shing bzhin du snying po med/ /rnam pa kun gyi mchog ldan pa'i/ /stong nyid de ltar 'gyur ma yin/ /skye ba med pa 'gag med pa'i/ /shes bya'i don rnams mthong ba yi/ /stong nyid stong pa sgom pa ni /phung po rnam dpyad ma yin no/ /chos rnams thams cad stong pa nyid/ /rgyal bas snying po med par gsungs/ /gang rnams stong nyid mthong ba yi/ / sgrub thabs 'di ni gsungs pa'o/ /snying rje'i chos rnams thams cad rnams/ /snying po med par rgyal pas gsungs/ /gang rnams snying rje mthong ba yi/ /sgrub thabs 'di ni gsungs pa'o/ /thog ma tha ma med zhi ba/ /dngos dang dngos med zad pa'i gtso/ /stong nyid snying rje gnyis med pa/ /byang chub sems zhes bshad pa'o/ /kun rdzob dang ni don dam pa/ /gnyis po dag kyang med pa sto/ /kun rdzob yongs su shes pa na/ /thams cad mkhyen pa zhes par brjod/ /srid pa dang ni mya ngan 'das// gnyis po dag ni yong min te / srid pa yongs su shes pa na/ /mya ngan 'das pa zhes par brjod/ /'di la bsal bya ci yang med/ gzhag par bya ba cung zad med/ /yang dag nyid la yang dag lta/ /yang dag mthong na rnam par grol/ /dngos po med la sgom pa med/ /dngos po sgom pa nyid ma yin/ /de ltar dngos po dngos mi 'gyur/ /sgom pa dmigs su med pa'o/ /yod dam med las rnam par 'das/ /zag pa med pa'i blo ni gang/ /zab mo de ni dmigs pa med/ /yid ches don can bsgom par bya/ /dang po smig rgyu'i rnam pa ste/ /gnyis pa du ba 'dra ba'o/ /gsum pa me khyer rnam pa ste/ /bzhi pa mar me 'dra ba'o/ /lnga pa rtag tu snang ba ni/ /sprin med nam mkha' 'dra ba nyid/ /nam mkha' las byung rang byung ba/ /shes rab ye shes me po che/ /'od chen rnam par snang ba ste/ /ye shes snang ba lam me ba/ /'gro ba'i mar ma ye shes sgron/ /gzi brjid chen po 'od gsal pa/ /rig pa'i rgyal mcho sngags dbang po/ /sngags kyi rgyal po don chen byed/ /gtsug tor chen po rmad byung gtsug/ nam mkha' i bdag po sna tshogs ston/ /dgra pa sprin dkar bzhin du dkar/ /'od bzang ston ka'i zla ba'i 'od/ /nyi ma gzhon nu'i dkyil 'khor mdzes/ /'dod chags chen po sen mo'i 'od/ /zur phung bzang po mthon ka'i mchog/ ? mchog mthon ka chen po 'chad/ / nor bu chen po 'od chags dpal/ /sangs rgyas sprul pa'i rigs 'chang ba/ /du ba smig rgyu me khyer dang/ /sgron ma 'bar ba zla nyi dang/ /mun can cha dang thig le che/ /sna tshogs gzugs brnyan 'od gsal pa/ /btsums dang ma bdzum? ? mig dag gis/ /stong par gang zhig rjes brtags min/ /rmi lam bzhin du gzugs mthong 'gyur/ /gzugs de rtag tu sgom par bya/ /ji ltar pra phab gzhon nu mas/ /me long le mthong dngos skyes min/ /de bzhin 'das dang ma 'ongs kun/ /mkha' la de nyid rnal 'byor pas/ /de ni dngos dang dngos med min/ /dngos po stong pa'i don mthong phyir/ /dngos dang dngos med don yod pa/ /sgyu ma rmi lam mig 'phrul bzhin/ /med pa'i chos can la ni chos/ /skye ba 'di ni rab tu mthong/ /yid bzhin nor ltar mdza' yas pa'i sems can re ba yongs skod byed/ /phra phab pa yi gzhon nu mas/ /ma mthong ba yi rdzas rnams mthong/ /nyi tshe ba yi mig dag las/ /son nas sgrub pa po yis mthong/ /gal te yod pa'i gzugs mthong na/ /rang gi gdod pa cis mi mthong/ 'on te med pa'i gzugs mthong na/ /ri bong rwa ni ji ltar min/ /gzhan gyi mig gis mi mthong zhing/ /rang gis mig gis mthong min pa/ /skye ba med pa mthong ba ni/ /gzhon nu ma yi bu ji bzhin/ /don grub grub pa'i kun rtog ni/ /kun du rtog pa thams cad spangs/ /rnam par mi rtog khams mi zad/ /chos dbyings dam pa zad pa med/ /grub pa gal te kun rtog pa/ /don rnams grub par yongs su brjod/ /rnam par rtog med ji ltar brjod/ /kun rtog thams cad spangs pa'o/ /gser la ra gan du rtog pa kun du brtags par brjod pa yin/ /gser la gser du rtog pa ni/ /rnam par brtags pa med par brjod/ /ji ltar yang dag mi shes pa/ /kun du rtog par brjod pa'o/ /ji ltar yang dag shes pa na/ /rnam par rtog pa med par brjod/ /rnam par mi rtog dbyings mi zad/ /chos khams dam pa zad pa med/ /chos kyi dbyings su son rnams kyi/ /sangs rgyas de ltar 'gyur ba ci/ /dpag med shes rab pha rol phyin/ /rnam par mi rtog pa la 'dud/ /gang khyod skyon kun med pa'i sku/ /sdig bral rnams kyis nges par ltos/ /rnam par rtog med ji ltar brjod/ /dpag med shes rab pha rol phyin/ /rnam pa kun gyi mchog ldan pa'i/ /gzugs med gzugs kyi mtshan nyid do/ /skyon med rnams kyi yid rnams dang/ /mig dag gis ni nges par mthong/ /rdzogs sangs rgyas dang byang sems kyang/ /rnam par mi rtog pa la bshad/ /sangs rgyas rang sangs rgyas rnams dang/ /nyan thos rnams kyi skyabs dang ni/ /thar pa'i lam ni gcig nyid khyod/ /gzhan dag med pa zhes par nges/ /gang zhig rnam par mi rtog pa/ /shes rab pha rol phyin lam dran/ /rnam par mi rtog pa 'di ni/ /'di yi lam du brten par bshad/ /'di nyid shes rab pha rol phyin/ /yang dag 'gro ba de bzhin gshegs/ /dri ma dang bcas dri ma med/ /pha rol sems ni mkhyen pa'o/ /ji ltar nyi ma mkhar gsal yang/ /rtog pa med pa rab tu grags/ /gsal ba yang dag gnas bsgoms na/ /bum pa la sogs rnam rtog med/ /gsal ba de ni bsgoms pa yis/ /mi dang mi mo gad mthong ba/ /rnam par rtog pa min par ni/ /kun gzigs rdzogs sangs rgyas kyis gsungs/ /rang rig gzhan rig thams cad pa/ /kun la phan pa'i gang zag mchog /'jig rten dpe las 'das pa ste/ /shes dang shes bya'i bdag po mchog /shes dang shes bya'i phung po yang/ /kun mkhyen bdag po mchog tu 'gyur/ /kun mkhyen bdag po mchog rnams la/ /shes dang shes bya'i bdag po med/ /bsod nams ldan pa bsod nams tshogs/ /ye shes ye shes 'byung gnas che/ /ye shes ldan pa yod med sheS// tshogs gnyis tshogs dang yang dag ldan/ /mi phyed bde ba 'gyur ba med/ /ye shes rdo rje rgyal dbang rnams/ /bcu drug dga' ba'i dbye ba ni/ /dbang po gnyis skyes ji ltar 'gyur/ /bcwo lnga cha yi bdag nyid kyi/ /zla ba byang chub sems su 'gyur/ /A li'i rang bzhin bde chen po/ /rnal 'byor ma rnams de yi cha/ /'dod chags med cing chags bral med/ /dbu mar dmigs par mi 'gyur ro/ /gsum po spangs pa de yi phyir/ /lhan cig skyes pa byang chub brjod/ /'dis ni bden pa gsung ba yis/ /snga mar gsungs pa bkag pa ste/ /sngon nyid dang ni phyi ma dag /rim pa phyi ma stobs dang ldan/ /yang dag bdag med de bzhin nyid/ /yang dag mdza' ste yi ge med/ /stong nyid smra ba'i khyu mchog ste/ /zab cing rgya che sgra sgrogs pa/ /chos kyi dung ste sgra chen po/ /chos kyi gaN+Di sgra bo che/ /rab tu mi gnas mya ngan 'das/ /phyogs bcu chos kyi rnga bo che/ /gzugs med gzugs bzang dam pa ste/ /sna tshogs gzugs can yid rang bzhin/ /gzugs rnams thams cad snang ba'i dpal/ /gzugs brnyan ma lus 'chang ba po/ /sangs rgyas kun gyis rtogs bya ba/ /sangs rgyas byang chub bla na med/ /gsang sngags skye gnas yi ge med/ /gsang sngags chen po rigs gsum pa/ /gsang sngags don kun skyed pa bo/ /thig le chen po yi ge med/ /stong pa chen po 'gyur med lnga/ /thig le stong pa 'gyur med drug /rnam pa kun ldan rnam pa med/ /bcu drug phyed phyed thig le 'chang/ /cha med cha las 'das pa ste/ /bsam gtan bzhi pa'i rtse mo 'chang/ /'di ni chos kyi nges pa'i chos/ /lam ma yin la lam blo gang/ /phyin ci log pa bzhi po ste/ /khyod kyiS dor cig rgyal po kye/ /zhes pa rang gi lta ba'i 'dod pa mdor bstan pa yongs su brtag par lam yongs su brtag pa'i le'u ste dang po'o// //lus dang dag dang yid kyi las/ /rang gi byas pa dge mi dge /lus can 'bras bu longs spyod kyi/ /gzhan gyis byas pa ma yin no/ /lus can las rnams bskal pa ni/ /bye ba brgyar yang nyams pa med/ /tshogs shing dus la bab pa na/ / 'bras bu nges par 'thob pa'o/ /'tshogs pa gsum po gsungs pa ni/ /bstan pa dang ni g.yo ba dang/ /'dres pa'i las rnams longs spyod par/ /lus can spyod par 'gyur ba'o/ /bstan pa sa sogs 'byung ba dang/ /g.yo ba srog chags 'byung po'o/ /'dres pa sna tshogs nad rnams kyis/ /bdag blo nges par 'joms pa'o/ /sa dang chu dang me dang rlung/ /bde dang sdug bsngal 'gyur pa gang/ /rang gi las 'bras longs spyod phyir/ /sa la sogs pa de lta min/ /'chi dang nang rnams sna tshogs kyis/ /rang nyid nges par 'joms gyur na/ /rang gi las 'bras longs spyod kyi/ /nad la sogs pa'i rgyu mtshan min/ /sems can tshogs la bde ba dang/ /sdug bsngal rgyal pos ster ba yang/ /rang gi las 'bras longs spyod do/ /g.yo ba tshogs bar gyur paS min/ /de yi bde sdug ster ba nyid/ /gzhan te rgyal po'i stobs kyis min/ /de yang gzhan gyis byin pa nyid/ /gzhan de'ang rgyal po ma yin no/ /'khor ba na ni 'khor ba yang/ /las rnams kyis ni las 'bras bskyed/ /byas dang byed du bcug pa yis/ /sems can srid par spyod pa'o/ /sngon gyis laS la longs spyod don/ /phyi ma de yang sogs pa na/ /lus can bya bar nges par ni/ /gang gis laS rnaMs zad pa med/ /mi dge bcu? po byas pa yis/ /lus can rnams kyi sdig par 'gyur/ /de rnams nges par spangs pa na/ /kun du bsod nams 'gyur ba'o/ /lus can rnaM kyis byas pa'i las/ /las kyi 'bras bu longs spyod kyi/ /ster dang 'phrog par byed pa yi/ /byed po gzhan ni 'ga' yang med/ /lus ngag sems rnams kyis byas dang/ /dbang po rnams kyis rtag byas dang/ /yul gyi 'dzin pas las byas gang/ /de rnams 'bras bu ster ba'o/ /mi dang mi mos seng mthong na/ /lus can 'jigs par 'gyur ba'o// skye bos zhi bde mthong ba na/ /lus can rnams ni dga' bar 'gyur/ /stag chen po yi skad thos na/ /lus can rnams ni skrag par 'gyur/ /bzang zhing dga' ba'i skad thos na/ /lus can rnams ni dga' bar 'gyur/ /shin tu ngan pa'i dri bsnams na/ /lus can rnams ni mi dgar 'gyur/ /shin tu zhim pa'i dri bsnams na/ /lus can dga' bar 'gyur ba'o/ /mar dang 'o ma'i ro myangs pas/ /lus can rnams ni rgyas par 'gyur/ /dug rnams kyi ni ro myangs na/ /lus can rnams ni brgyal bar 'gyur/ /shin tu grang dang dro ba yi/ /reg byas lus can sdug bsngal 'gyur/ /shin tu 'jam pa'i reg bya yis/ /lus can rnams ni bde bar 'gyur/ /sems can gang gis sems can? ched/ /yid kyiS sdug bsngal rgya mtsho byin/ /gzhan de yis kyang yid kyis ni/ /sdug bsngal rgya mtsho rab tu ster/ /sems can gang gis sems can ched/ /ngag giS sdug bsngal rgya mtsho byin/ /gzhan de yis kyang ngag gis ni/ /sdug bsngal rgya mtsho rab tu ster/ /sems can gang gis sems can ched/ /lus kyi sdug bsngal rgya mtsho byin/ /gzhan de yis kyang lus kyis ni/ /sdug bsngal rgya mtsho rab ster ba'o/ /kha cig dag gi skyon rnams kyis/ /lus la dbyug pa byin pa na/ /gzhan de yis kyang lus nyid la/ /dbyug pa ste ro mi bdag kye/ /gang zhig yid kyi byas pa 'am/ /yid kyis byed du bcug pa'i las/ /de ni lus kyis longs spyod de/ /rnam gsum las kyi 'bras bu gang/ /lus kyi las ni rnam gsum dang/ /ngag gi rnam pa bzhi rnams dang/ /yid kyi rab byas rnam gsum zhes/ /rdzogs sangs rgyas kyis yongs su bsgrags/ /gang tshe mi dang mi mo yi/ /lus dang dag dang yid gsum gyis/ /mi dge byas pa de'i tsho/ /lus kyi sdig pa ji ltar 'gyur/ /shes rab pha rol phyin tshul la/ /rdzogs sangs rgyas kyi 'bras bu dang/ /nyan thos rang sangs rgyas pa yi/ /'bras bu de bzhin gshegs pas gsungs/ /gal te 'bras bu spyad byar med/ /des na de rnams 'bras bur ci/ /rdzogs sangs rgyas phyogs sbyang bya ste/ /longs spyod zad pa de yis ci/ /'jig rten rtag pa'i gzugs can du/ /gang tshe lta bas sdug bsngal te/ /de tshe ster po len pa po/ /gnyis po dag ni tshogs pa med/ /sbyin po sbyin pa'i sems dang ni/ /gang tshe len po'ang yod gyur pa/ /de tshe bsod nams tshogs dang ldan/ /sbyin pa po las gzhan la min/ /gang tshe sbyor po gsod pa pos/ /gsang pa'i dus gcig gyur pa na/ /de tshe sdig pa'i tshogs nyid de/ /gsod pa po las gzhan la min/ /sems can rnams kyi yid skyes dang/ /dag las skyes pa'i smon lam byin/ /gang tshe sbyin bcu'i bsod nams te/ /de tshe lus kyi sbyin pa tsi/ /lus dang ngag dang yid gsum gyis/ /mi dge ba ni byas pa na/ /gang tshe bden par dge slong la/ /de tshe pham pa'i sdig par 'gyur/ /rmi lam srog chags bsang pa dang/ /gzhan gyi nor ni 'phrog pa dang/ /'dod pas log g.yam spyad pa yis/ /dge 'dun pham par mi 'gyur ro/ /sems can phan las bsod nams dang/ /sems can gnod las sdig pa ste/ /phan dang gnod pa rnam med na/ /las med 'bras bu med pa'o/ /dud 'gro yi dagS dbul po'i mi/ /mgon med sdug bsngal gyis gdungs rnams/ /byang chub sems dpa' i sbyin pa'i gnas/ /skyon med nyid du gyur pa'o/ /srin po rnams ni rgyal srid dang/ /chung ma rang sha mi ster zhing/ /gzhan gyi rgyal srid chung ma dang/ /rang gi sha rnams 'phrog pa'o/ /bdud rtsi za ba rgyal srid dang/ /chung ma rang sha mi ster? yang/ /gzhan gyi rgyal srid chung ma dang/ /rang gi sha rnams mi 'phrog pa'o/ /byang chub sems dpa' rgyal srid dang/ /btsun mo rang sha ster mdzad cing/ /gzhan gyi rgyal srid chung ma dang/ /rang sha'ang 'phrog par mi mdzad do/ /bdag gri gzhan sing? ma phrogs shing/ /rang gi rgyal srid sogs byin pa/ /de yis dbang po'i go 'phang brnyes/ /sangs rgyas khyod ni ltas kyang mchod/ /bdag gis gzhan gyi chud ma rnams/ /ma bsten 'dod pa'i btsun mo byin/ /de yis lha dang lha min dang/ /skye dgu'i phyag mchod gnas bla ma/ /bdag gis gzhan gyi sha rnams ni/ /ma gsol rang sha rnams byin pa/ /de yis mtshan nyid yongs rdzogs shing/ /'od gsal ldan pa'i sku gnyis brnyes/ /bdag gis dka' pa spyod pa na/ /'bras kyi rdog ma gcig gsol zhing/ /chu khyod gcig las ma gsol ba/ /de yis thams cad dbang du byas/ /zho 'thung gis ni rus pa dang/ /shi bir rang sha sbyin gzhon pas/ /lus byin pha rol phan don du/ /bde gshegs kyi so so gzhan min rgyal/ /rgyal po zla 'od dbu dang ni/ /de bzhin dge slong klu sgrub kyis/ /snying rjes stag mo stag phrug la/ thub pas sngon du lus byin dang/ /khyil zan tsam ster ba yi/ /byang chub sems dpa' sems dpa' che/ /snying rje'i bdag nyid kun 'ong bar/ /thub pas tshong pa lung bstan to/ /gal te snod min rab byin pas/ /lus can sangs rgyas nyid 'gyur na/ /bram ze la sogs snod nyid las/ /sangs rgyas nyid du cis mi 'gro/ /zang zing sbyin pa bcu po ni/ /lam du byin pa ji lta bzhin/ /'jigs med sbyin pa lnga rnams kyang/ /rigs kyi bu rdzoms? kyis shes bya/ /rin chen lcags zas ba lang rta/ /glang chen bu mo nor 'dzin dang/ /'dod pa'i chung ma rang gi sha/ /sbyin pa rnam pa bcu du 'dod/ /sbyin pa tshul khrims bzod brtson 'grus/ /bsam gtan shes rab thabs dang ni/ /smon lam stobs dang ye shes te/ /'di rnams chos kyi rab 'jug pa'o/ /mi 'jigs zang zing dam pa'i chos/ /'di ltar sbyin pa gsum du brjod/ /sems can yongs bzung tshul khrims dang/ /mi dge bcu spong tshul khrims dang// sdom pa yi ni tshul khrims te/ /gsum du yongs su bsgrags pa'o/ /sdug bsngal dang len bzod pa dang/ /gzhan gyi gnod pa bzod pa dang/ /chos la nges sems bzod pa ste/ /de ltar bzod pa gsum du brjod/ /brtson 'grus rab sbyor go cha dang// yongs su rdzogs de gsum du 'dod/ /skyon dang bral ba'i bsam gtan dang/ /de bzhin bsam gtan gnas dang ni/ /nges 'byor bsam gtan brjod pa ste/ /de ltar bsam gtan gsum du brjod/ /thos byung bsam byung sgom byung ste/ /shes rab phung po gsum du ni/ /sangs rgyas byang chub sems dpa' yis/ /shes rab rnam pa gsum zhes bsgrags/ /myur bar bde ba mngon rtogs dang/ /chos kun nges par rtogs pa dang/ /sems pa la ni 'jug pa ste/ /thabs ni rnam pa gsum zhes dran/ /phung? po rab tu 'ching ba dang/ /'du byed rab tu 'ching ba dang/ /sangs rgyas zhing rnams spyod pa ste/ /smon lam rnam pa gsum zhes brjod/ /las rnams slar log nyid dang yang/ /dag rnams slar log stobs dang ni/ /sems par 'jug pa nyid ces pa/ /de ltar stobs ni gsum du dran/ /dbang po'i mngon sum gyis 'dzin dang/ /ma 'ongs pa dang gzhan sems dang/ /dngos po thams cad yongs mkhyen pa/ /yang dag ye shes gsum du dran/ /so sor gcig dbang dbye ba yis/ /de rnams rmi lam gzugs bzhin du/ /sbyin pa po yis 'jigs med bya/ /sku lnga ldan pa'i rgyal bas gsungs/ /sbyin med bsod nams med 'di dang/ /mi dge bcu yi las rnams kyis/ /bsod nams med na shes rab med/ /sangs rgyas sbyin la rab tu 'jug/ /sbyin dang bsod nams med skyes bu/ /de rnams phar phyin dgu 'bras med/ /stobs med rnams kyi 'dren mi 'gyur/ /shes rab las kyi rjes su 'brang/ /gang tshe bsod nams med gyur pa/ /de tshe sdig can legs song nas// rdzogs sangs rgyas kyi yon tan dang/ /chos kun 'khor lo rab tu bskor/ /shes rab pha rol phyin zhi bar/ /rab zhugs bsod nams skas dag las/ /skye bo legs par 'gro ba rnams/ /sdig pa'i rgya mtsho'i pha rol 'gro/ /shes rab pha rol phyin zhi bar/ /rab zhugs sdig pa'i skas dag las/ /ngan song du ni bgrod pa rnams/ /bsod nams rgya mtsho'i pha rol 'gro/ /sdig pa'i phung po spangs shes rab/ /de tshe bsod nams phung por 'jug /bsod nams phung po dor shes rab// de tshe sdig pa'i phung por zhugs/ /rtogs byed rtogs pa gnyis po yang/ /shes rab gcig min rab tu bsgrags/ /rtogs pa po des rtogs pa na/ /shes rab gnyis po'i dbye gang yin/ /shes rab pha rol phyin pa'i blo/ /stong pa nyid kyis/ / dus gsum gzugs/ /gzung ba gang yin 'dzin pa ste/ /de ltar shes rab gnyis su dran/ /shes rab thabs ni snyoms 'jug pa/ /sbyor ba zhes ni mngon par brjod/ /rang bzhin med gang shes rab ste/ /thabs ni dngos po'i mtshan nyid do/ /dper na sa bon med gyur na/ /yan lag lnga ldan ljon shing med/ /tshul khrims la sogs phung po lnga/ /skyes bu bsod nams med de bzhin/ /gzugs bzang dang ni dbang phyug dang/ /brtson 'grus phun tshogs grags de ltar// rnam pa bzhi 'bras ston pa ni/ /bsod nams tshogs las byung ba'o/ /kun mkhyen kun gyi rnam pa mkhyen/ /de bzhin lam mkhyen pa dang ni/ /lam gyi rnam mkhyen ston pa ni/ /ye shes tshogs las phyung ba'o/ /rgyu 'thun pa dang rnam smin / dang/ /skyes bu byed pa nyid dang ni/ /dri med 'gyur ba med pa'i bde/ /ston pa tshul khrims las byung ba'o/ tshogs gnyis yongs su rdzogs pa yis/ /byang chub sems dpar rab tu brjod/ /tshogs gsum yongs su rdzogs pa las/ ston pa thams cad mkhyen par brjod/ /dka' ba'i las rnams ma byas shing/ /sha zos pa dang chom rkun dang/ /gzhan gyi bud med 'phrog na yang/ /bla med go 'phang thob pa med/ /rang gi sha yang ster ba na/ /dngos kun gzhan la smos ci dgos/ /srog ldan khyod ni rab bsngags te/ /skye dgu kun gyis bsnyen bkur gnas/ /byang chub sems nges skal ngan la/ /rang sha bud med sbyin par bya/ go 'phang 'gro ba'i nus med de/ /de phyir smad par rab tu brjod/ /gang dag ring por mgu dka' dang/ /gang dag ring por gnas pa dag / thams cad dka' thub pas 'grub kyi/ /dka' thub rim pa de mgu dka' / /mngon sum mthong tshe 'jig rten na/ /rgyal por skye pos phyag rnams 'tshal/ /dge slong tshangs par spyod pa rnams/ /mthong tshe rgyal po yis kyang mchod/ /mgo zlum brtul zhugs chen po 'chang/ /tshangs ba spyod pa brtul zhugs mchog /dka' thub mthar phyin dka' thub che/ /khrus ldan go'u tam mchog /bram ze tshangs pa tshangs pa'i rigs/ /changs pa mya ngan 'das pa thob/ /grol pa thar pa rnam grol lus/ /rnam grol zhi ba zhi ba nyid/ /sems can bslu ba spangs nas ni/ /thams cad nges par bya ba'o/ /rdzas kyiS nyos pa'i nya yi sha/ zos pa bslus pa yin nam ci/ /glang po'i rtsal dang sprin chen dang/ /myang 'das dang ni sor phreng can/ /la dkar gshegs pa'i mdo sde las/ /bdag gis sha ni ma gnang ngo/ /rdzas thob don du srog gcod dang/ /bza' ba'i don du rin 'jal ba/ /gnyis po dag kyang gsod po ste/ /du 'phong la sogs rnams su 'tshed/ /rdzas kyi don du sems can gsod/ /rdzas ster med na sus kyang min/ /bya dang byed po yang dag 'brel/ /rtag tu srog chags gsol pa'o/ gang tshe rdzas kyis nya nyos pa/ /khyim gnas rnams la sdig med na/ /de bzhin sku gzugs la sogs pa/ /byas na'ang ji ltar dbang? 'gyur/ /mchod rten thig mkhan kyis byas dang/ /nyin nya pas bsad pa ste/ /mchod rten phyag byed byed pe min/ /nya zos gsod pa po la min/ /gad tshe nya de zos pa yi/ /sdig pa zab por med na/ /de tshe mchog rten byed pa yi/ /bsod nams mchod byed po la med/ gsod pa po dang ? ba bo/ /gnyis po dag kyang so so ste/ /gsod pa po ni nor la sred/ /za ba po ni zas kyi don/ /gsod po nor la sred pa dag /bskal pa 'bum du 'tshed pa'o/ /za po sha la sred pa dag/ /bskal pa bye bar 'tshed pa'o/ /nyan thos kyi ni cher dag tu/ /nya? pas nyin bsad pa dang/ /bram ze yi ni ched dag tu/ /chang mas chang ni byas pa dang/ /kha na ma tho med gzhan min/ /sha za ba yi mi gang zhig/ dang po yi dags 'gro ba ste/ /phyi ma du 'bod 'gro ba'o/ sha za ba la snying rje dang/ /chang 'thung ba la dga' ba dang/ /pha rol bud med 'dzin byams dang/ /smad pa'i las byed btang snyoms med/ /yul gyi spyod dang rigs spyod dang/ /pha dang lha rnams mchod don du/ /sha dang nya rnams bza' ba yi/ /mi dang mi mo skyon med na/ /stag dang ri dags nyid dang yang/ /bya rgod dang ni phag pa dang/ /chu srin dang ni nya phyis kyis/ /las spyad skye ba'i yon tan med/ /yul spyod rigs kyi spyod pa dag/ /dud 'gro lha rnams la min mod/ /snying rje med dang snying rjer ldan/ /sdig pa dang ni bsod nams 'gyur/ /gang tshes la dge slong gang/ /sngags kyi theg pa mi shes pa/ /de tshe khyim pa nyer spyod kyang/ /dge slong gi ni bla mar bya/ /khyim pa'am ni gsar bu la/ /'jig rten smod pa yang ba'i phyir/ /dam chos la sogs mdun ba sngar? te/ /brtul zhugs 'dzin pa'i slob phyag bya/ /mchog min las dang phyag spangs nas/ /gdan bstab pa dang ldang ba dang/ /don bya la sogs bsnyen bkur rnams/ /thams cad brtul zhugs can gyis bya/ /snying rje med cing khro la gdug /khyer shing chagS pa ma bsgoms dang/ rang bstod bla mar slob ma ni/ /blo dang ldan pas mi bya'o/ /brtse med sha za ba la gsungs/ /khro ba dga' bar snun? byed dang/ /gdug pa legs pa'i skye por sdang/ /khengs pa ye shes spangs pa'o/ /chags pa lha yi dkor la spyod/ /ma bsdams shing du char 'thung ba'o/ /rang bstod stong pa nyid lam la/ /smod cing gnod pa byed pa'o/ /stong nyid smra ba khyu mchog ni/ /'jam? pa yi ni dbyangs gang de'o/ /stong nyid ye shes rdo rje yi/ /rang bzhin bdag nyid ces pa gsungs/ /brtan zhing dul la blo gros ldan/ /bzod ldan drang la g.yo sgyu med/ /sngags dang rgyud kyi sbyor ba shes/ /snying rjer ldan zhing bstan bcos mkhas/ /dang ba'i bdag nyid dbang po thul/? /de nyid bcu ni yongs shes shing/ /dkyil 'khor 'bri ba'i las la mkhas/ /gsang sngags 'chang byed slob dpon no/ /dkyil 'khor dang ni ting 'dzin dang/ /phyag rgya bya ba 'dug stangs dang/ /gtor ma sbyin sreg rab gnas dang/ /spyan drangs gshegs su gsol ba'o/ /'di ni de nyid bcu po ste/ /khro bo sangs rgyas dam tshig rnams/ /gang gis rgya cher mi shes te/ /sa la rdo rje 'dzin pa min/ /byang sems rnams la lha bshos dang/ /khro bo rnams la gtor mar bshad/ /dkyil 'khor la ni tshogs 'khor te/ /rab gnas sbyin sreg las kyis so/ /gang zhig khyim pa bsti gnas spyod/ /'bangs dang bshol 'dzin tshong pa dang/ /dam chos 'tshong pa'i rmongs pa de/ /sa la rdo rje 'dzin pa min/ /de bzhin 'dod na rtag dmyal bar/ /sdug bsngal rnon po bar med 'byung/ /rgyal ba'i gnas su lhag bdag pos/ /nyi ma gcig kyang mi bya'o// lhag pa'i bdag po'i gnas su yang/ /gang yang bya ba nyi ma gsum/ /slob dpon bcas pa yi dags 'gyur/ /slar yang lo gcig tu ni ci/ /gtsug lag khang gi rdzas la chags/ /rmongs pa mi bden pa ru brjod/ /rnam par rtog pa'i sems kyi bdag/ thos ldan bdud rnams kyi ni ris/ /rnam par rtog med kun sbyin pa/ /bdag sbyin rnam par rtog dang bcas/ /pha rol gyi ni bud med dang/ /rang gi bud med ngan pa'i yid/ /dbang bskur mchog thob rdo rje yi/ /slob dpon la ni de bzhin gshegs/ /phyogs bcu'i 'jig rten khams bzhugs rnams/ /dus gsum byon nas mngon phyag 'tshal/ /phyogs bcu'i slob ma'i tshogs rnams kyis/ /'jig rten khams ni mdza' yas par/ /der gnas phung po sangs rgyas rnams/ /dus gsum byon nas phyag 'tshal lo/ /gang tshe phyogs bcur bzhugs sangs rgyas/ /slob dpon la ni phyag 'tshal na/ /de tshe slob dpon gyis skyabs gnas/ /gsum po zad par 'gro ba'o/ /dbye pa'i dam tshig dbye ba dang/ /lha rnams dang ni srin po'i yang/ gzugs rnams yongs su bsgyur ba med/ /de tshe mkhas pas shes par bya/ /lha yis srin po'i gzugs nyid du/ /byas pa de ni dam tshig min/ /srin pos lha yi gzugs nyid ni/ /byas pa de ni dam tshig min/ /sa la ba lang lci sogs mthong// srin po ring por 'gro ba'o/ /lha yis bshad ba sogs mthong na/ /rang gi gnas kyang spong ba'o/ /lha rnams dang ni srin po yang/ /dam tshig rnam pa brgyad du dran/ /sha dang bral ba brgyad dang ni/ /sha dang bcas pa brgyad du brjod/ /zho dang bcas pa'i 'bras zan dang/ /'o ma bur chu 'o thug mar/ /sprang dang nA ri ke la'i chu/ /dri bzang chu ste brgyad po rnams/ /lha rnams mchod pa'i don ched kyi/ /dam tshig tu ni rab tu bsgrags/ /srin po mchod pa'i don du ni/ /lus can gang yang brgyad du 'gyur/ /mig de bya ba 'dzin pa dang/ /me tog lus la skyes par tshil/ /zas dang chang dang skyugs pa ste/ /brgyad du yongs su bsgrags pa'o/ /sdig ldan sha za pa dang ni/ /chos ldan sha rnams mi spyod dang/ /sgrin po kha na ma tho bcas/ /kha na ma tho med pas sems/ /srin po rnams ni sha sogs dang/ /lha rnams bdud rtsi za ba'o//yi dags rnams ni sa la gnas/ /lta kun lha yi gzhal yas la'o/ /yi dags rnams kyi dam tshig rnams/ /bsrung po lnga ru rgyal bas bstan/ /rdo rje sems sogs mkha' 'gro yis/ /'dus pa'i le'u'i nang du gsungs/ /lha rnams sa la gnas pa'o/ /zhes pa bden tshig ma yin te/ /mtho ris 'jig rten yongs dor nas/ /dur khrod rul pa'i bro ldan min/ /de bzhin gnas dang nye gnas sogs/ /rnal 'byor ma yi 'khor lo kun/ /tshogs kyi 'khor lo dpa' bo'i zas/ /chang dang sha rnams yongs rdzogs na'o/ /sa la mchod yon sku khrus dang/ /rab gnas sbyin sreg las rnams te/ /sangs rgyas he ru ka sogs kyi/ /bya ba'i dbye bar rab tu bsgrags/ /sa la mchod yon dbul bar bya/ /dri bzang chus gang bum pa dang/ /dri dang bdug spos sgron me sogs/ /sangs rgyas skyon med sogs la dbul/ /sa la mchod yon sku khrus dang/ /rab gnas sbyin sreg las rnams ni/ /gang tshe slob dpon gnyis de la/ /de che rigs kyi dbye bar 'gyur/ /rigs kyi dbye 'gyur dbye ba yang/ /gnyen dang ma dang skye bo rnams/ /rdo rje slob dpon gcig gyur pa/ /de phyir dkyil 'khor dag 'dren pa'o/ /de nyid bcu ni yongs su shes/ /rab mthong sngags kyi pha rol son/ /nyan thos spyod pa skyong ba ni/ /sangs rgyas la sogs gnas pa gsungs/ /thod pa chang gis gang ba yis/ /sa la mchod yon rab sbyin bya/ /chang dang sha dang dzam bu li/ /khrag bsres he ru ka sogs la'o/ /bdag nyid sangs rgyas rab gnas ched/ /sangs rgyas rnams kyi thugs ka dang/ /sbyi bor rin chen lnga sogs dang/ /ring bsrel gzhag par bya ba'o/ /sangs rgyas ring bsrel med gyur na/ /byang sems thugs ka'i gnas su ni/ /gser dang bcas pa'i rin chen rnams/ /skyon med rab tu gzhag par bya/ /khro bo las skyes thugs kar ni/ /dmang rigs rus pa khro sngags bcas/ /he ru ka sogs thugs kar ni/ /g.yung mo'i rus pa'o dur khrod rgyal/ /lha la sogs pa'i tha snyad bstan/ /srin po rnams kyi mchod pa dang/ /mi yi 'jig rten rjes 'dren yang/ /bdud rtsi za ba'i mchod pa med/ /slob dpon dang ni khyim pa dang/ khram ze dang ni dka' thub can/ /sha zos pa dang chang 'thungs na/ /shi nas yi dagS 'gro ba'o/ /gang yang cho ma rkun sogs skyon dang/ /chang dang sha rnams ma spangs dang/ /nyan thos sbyin pa spangs pa rnams/ /shi nas yi dags 'gro ba'o/ /gang zhig bsod nams chen po dang/ /sdig pa chung du spyad pa yis/ /shi nas yi dags 'gro na yang/ /yi dagS mgon por 'gro ba'o/ /sngags kyis sngags pa'i yi dags kyis/ /mi yi lus la zhugs nas ni/ /gtor ma rab slong ? dang ni/ /chang la sogs pa de phyir dang/ /sha zos sngon gyi skye do de/ /yi dags nang du de shes 'gyur/ /sngags kyis sngags pa'i yi dags kyis/ /mi yi lus la zhugs nas ni/ /gtor ma rab slor chu dang zan/ /kha na ma tho med ldan pa/ /nyan thos sbyin pa spangs pa rnams/ /yi dags nang du de shes 'gyur/ /sngags kyis sngags pa'i yi dags kyis/ /mi yi lus la zhugs nas ni/ /'bangs dang gtum por gyur nas ni/ /shin tu sdug bsngal gdung ba'o/ /'dod ldan gzhan gyi bud? med bsten/ /yi dags nang du de shes 'gyur/ /bu mo la sogs rab slong ba'ang/ /de bzhin gzhan yang de shes 'gyur/ /kha cig de rnams na ba na/ /nad med nga yis mi nus zhes/ /yi dags 'dren pas brjod pa ste/ /sa la sngon gyi las 'bres so/ /kha cig de rnams bsod nams sbyor/ /yi dags 'dren pas brjod 'gyur te/ /bdag gis khyed la nor sbyin gyis/ /rang gi khang par song cig pu/ /bsnyung gnas la ni gnas rnams la/ /yi dags 'dren pas brjod pa ste/ /bdag gis nor rnams ? zad dang/ /slar yang bu yang sbyin par bya/ /bsnyung gnas gnas pa rnams kyi ni/ /'ga' zhig gis ni sdig pa spyod/ /gang zhig? nyer 'tshe drag byas nas/ /sdug bsngal la ni 'jug pa'o/ /nor rnams rigs kyi don du bsrung/ /za dang ster ba ma yin pa/ /de 'dir chus zos 'gyur ba ste/ /shi nas de bzhin yi dags 'gyur/ /gang zhig 'jig rten thob don du/ /skye bo dbang phyug sdug bsngal byed/ /dbang phyug brgyad kyang mi thob na/ /slar yang gang te thob pa ci/ /shes rab pha rol phyin tshul la/ sangs rgyas zhi ba'i thugs can nyid/ /sbyin bcu la sogs bsod nams kyis/ /rgyal bas bskal pa gsum lung bstan/ /tshogs gnyis yongs su rdzogs pa yis/ /byams pa dang ni snying rje'i bdag/ rgyal dbang sangs rgyas nyid kyis ni/ /bya rgod phung po lung bstan pa'o/ /mi dge bcu yi las byed dang/ /gdug pa 'jug par gsungs pa ste/ /sngags kyi theg par bden byas na/ /skye ba 'dir ni sangs rgyas nyid/ /mi dge bcu yi las rnams dang/ /khan ma tho'i rang bzhin bcas/ 'bad pas dor cig blo ldan gyis/ /bde gshegs rnams kyi bzhed pa'o/ /sems can mgu byed bsod nams te/ /sangs rgyas lus can rgyal ba yis/ /sems can gnod las sdig pa ste/ dmyal ba nyid du rab tu bsgrags/ /sems can nyid ni sangs rgyas te/ /blo bur dri mas bsgribs pa'o/ /dri ma de ni bsal ba na/ /sangs rgyas nyid du the tshom med/ /sems can nyid ni rdzogs sangs rgyas/ /blo ldan 'dod pa'i lha nyid do/ /sems can mgu ba sgrub byed pa/ /de rnams sha ni ji ltar za/ /sbyin pa la sogs stobs skyes pa/ /rdzogs pa'i sangs rgyas 'jig rten 'dren/ /phyag rgya dkyil 'khor sngags la sogs/ /sha za yi ni dam tshig min/ /phyag rgya dkyil 'khor sngags la sogs/ /bcom ldan thub pas gsungs pa ste/ /yang dag ye shes 'dus pa'i sbyor/ /bdag med pa ni thob pa'o/ /phyag rgya dkyil 'khor sngags la sogs/ /sgom dang 'das pa'i nan tan gyis/ /bskal ba bye ba du mas kyang/ /dngos grub nam yang thob pa med/ /rtog pa thams cad spangs nas ni/ /gang gis de nyid la gnas na/ /skye ba 'dir yang sgrub pa po/ /de la byang chub mchog reg pa'o/ /re shig gzugs kyi sgom pa yis/ /rdo rje sems dpa' 'grub pa min/ /rnam pa dang bcas rtog pas kyang/ /e waM rdo rje sems mi 'grub/ /dge ba dang ni mi dge ba'i/ /rnam par rtog pa dbye ba med/ /don mchog rnam par rtog pa yang/ /mkhas pa rnams kyis mi bya'o/ /sa yis rab tu sreg byed kyi/ /rten gyi dbye bas dbye ba med/ /tsan dan la ni 'bar bas kyang/ /reg par gyur na sreg pa'o/ /sdig ldan skye bo la la gang/ /bdag ni rgyal po'o sems pa na/ /bskal pa bar med brgyar bsam kyang/ /de yis rgyal por 'gyur ba min/ /rgyu dang 'dra bar skyes pa yi/ /'bras bu 'jig rten rnams na spyod/ /ko dra ba las 'ga' zhig duAng/ /sA li nyid ni skye mi 'gyur/ /'ga' zhig lha yi srid par ni/ /rtag tu sdig pa byed pa na/ /mthar ni sdig pa'i dbang gis de/ /dmyal ba nyid du nges par 'gyur/ /lha yi srid pa min par yang/ /'ga' zhig bsod nams byed pa na/ /mthar ni bsod nams dbang gis de/ /lhar ni nges par 'gyur ba'o/ / khyi gang sdug bsngal la gnas shing/ /bya rog bkres par gnas pa ni/ /khyi dang bya rog so so'i bdag /khyi dang bya rog gis? mi 'gyur/ /long ba nyid dang 'on pa dang/ /de bzhin lkugs pa sgur 'khyogs dang/ /ma ning nyid dang dbang po nyams/ /'gyur ba 'ga' yi bsam pas min/ /sngon gyi bsod nams mthu rnams ni/ /rje bo nyid kyis 'gyur ma yin/ /sngon gyi sdig pa'i mthu rnams ni/ /khol po nyid kyis 'gyur ma yin/ /sngon gyi bsod nams mthu rnams ni/ /lha rnams kyis kyang 'gyur ma yin/ /sngon gyi sdig pa'i mthu rnams ni/ /dmyal ba nyid kyis 'gyur ma yin/ /skyes bu'i sngon gyi las 'bras te/ /gza' dang rgyu skar don med pa'o/ /ba shiSh+Twas byin dus sbyor gyis/ /dzA naka bu mo sdug bsngal snod/ /dus sbyor gyis ni sI ta bde/ /ldan min gnam stong mthu yis ni/ /'thab dka' rnam par rgyal min te/ /'jig sde yis ni phye mar brlags/ /skad cig gang la mi skyong dang/ /lha rgyal lha yi bdag po skyes/ /de nyid la ni 'bangs dang ni/ /'bangs kyi khol po rnams kyang ngo/ /skad cig gcig la skyes rnams kyi/ /skyes rabs tha dang tha dad 'bras/ /rang rang las la nyer spyod pas/ /de rnams 'bras bu gcig ma yin/ /g.yul dang nags bsregs pa dang ni/ /nya pas rgya ni bcings pa las/ /gang gis lus can mang po rnams/ /cig car du ni 'chi bar 'gyur/ /gang zhig sdig pas dbul po dang/ /rtag tu dbang nyams sdug bsngal 'gyur/ /lha dang lha min dbang po 'aM/ /de yi bdeba ster ba min/ /bsod nams kyis ni 'byor ldan dang/ /lus rdzogs kun du bde ba dang/ /gsang dbang srin po'i dbang po 'am/ /de yi nor rnams 'phrog ma yin/ /ye shes gsod pa po yi phyir/ /ye shes kyis ni sdig pa 'joms/ /mtho ris tshangs sogs lha rnams kyi// tshe yi tshad ni rab tu bsgrags/ /rdo rje sku? lus dang ldan pa'i/ /sangs rgyas rnams kyang mi rtag na/ /chu shing snying po dang mtshungs pa'i/ /skye bo gzhan lha ci zhig sems/ /sngon gyi bsod nams mthu yis ni/ /rje bo nyid ni rA mar des/ /sngon gyi sdig pa'i mthu yis ni/ /mkha' khyim gyi ni mdag gzhug pa'o/ /lha yi rje bo rA ma Na/ /dmod pa byin pa des don med/ /phyi nas tshe ni zad pa yis/ /lha ni rA ma shi ba'o/ /sngon gyi sdig pa'i mthu yis ni/ /stobs ldan bcings te gnas pa'o/ /seng ges mngal du gzhag pa yang/ /sdug bsngal las kyis spel ba'o/ /yA ma agne'i gzhu yi sgras/ /khengs med grags pa zad pa'o/ /yul dbus nas ni nges 'byung nas/ /kom ka nar zhugs mi dge bas/ /rgyal srid nyams nas nags su zhugs// chud ma'i sdug bsngal bar med cing/ /chu skyar sogs la rA ma yis/ /lam 'di mi dge'i las kyis so/ /yul dbus yongs su dor nas ni/ /gau pa maN+Da lar zhugs shing/ /nag po yis ni g.yul la ni/ /kha lo ba yang mi dge'i las/ /mi dge'i las kyis sangs rgyas kyiS/ /zhabs kyi mthe bo nad skyes dang/ /bram ze'i mgo bo bcad pa dang/ /tshangs dang 'phrog byed dag kyang bsad/ /sa gang rdul phran bsags pa ste/ /de ni tshangs pa gdong ba zhi min/ /chu gang rdul phran bsags pa ste/ /de ni khyab 'jug phyag bzhi min/ /me gang rdul phran bsags pa ste/ /de ni drag po mig gsum min/ /rlung gang rdul phran bsags pa ste/ /de ni dbang po gdong lnga min/ /nam mkha' dngos med nges grol ba/ /rtag zhing phyag bcu ldan pa min/ /de rnams gzhan gyis byas pa'ang min/ /gang phyir mo sham bu bzhin no/ /smig rgyu'i chu la khrus dang ni nam mkha' i me tog mgor byas nas/ /ri beng? rwa yi gzhu 'dzin pa'i/ /mo sham bu 'di gang du 'gro/ /phung po lnga ni rgyal dbang pos/ / rgyal ba'i dbang po lnga ru brjod/ /phung po lnga ni lha la sogs/ /lha sogs lnga po nyid rnams so/ /phung po lnga ni phyugS rnams te/ /phyugs rnams lnga po nyid rnams so/ /phung po lnga nyid mi rnams te/ /mi rnams lnga po nyid rnams so/ /de ltar sa sogs khams rnams dang/ /dbang po dang ni yul rnams dang/ /las kyi dbang po thams cad dang/ /de bzhin las dbang bya ba'o/ /'jig rten gsum gyi sems can kun/ /lus can lus su gnas rnams kyi/ /lus ni dkyil 'khor rnam pa ste/ /chim pa nyid du ji ltar min/ /lus ni dkyil 'khor zhes brjod de/ /byang chub sems ni dkyil 'khor ro/ /b+ha ga dkyil 'khor zhes par brjod/ /dkyil 'khor gsum du brtag pa'o/ /phung po lnga ni rgyal ba'i sku/ /byang chub sems dpa' khams rnams so/ /las kyi dbang po'i bya ba rnams/ /khro bo'i rgyal po rnams su bsgrags/ /mkha' 'gro ma rnams rtsa rnams te/ /dpa' bo so dang sen mo sogs/ /lus nyid med na de rnams med/ /bsod nams sdig pa gang lar med// nya pa'i rigs kyi phung po rnams/ /nya la sogs pa de bzhin gshegs/ /gsod po bsad bya de rnams kyang/ /thams cad de bzhin gshegs pa nyid/ /khaTwAM ga sogs mkha' 'gro ma/ /ra la sogs pa'i khams rnams ni/ /mkha' 'gro ma rnams kyis mkha' 'gro/ /bsad cing zos pa min pa ci/ /e ma'o sangs rgyas e ma chos/ /e ma'o chos rnams ston pa po/ /legs par byas pa byin pa des/ /srin po dang ni bdud kyi ris/ /lus rnams lhar ni mi 'gyur ro/ /phung po skye mched khams rnams dang/ /lta rnams kyi ni longs spyod de/ /de rnams lus can yongs su bsgrags/ /zan dang chu dang sgron me sogs/ /mchod pa'i rjes su yongs su bsgrags so/ /'di rdzas lha rnams mchod pa ste/ /lus can lus ni lha ma yin/ lus dor 'gro ba'i lus can ni/ /'di ltar khyim dor khyim byas nas/ /gzhan gyi gnas ni sar par ni/ /bde sdug nye bar spyod pa'o/ /re zhig srog ldan bde srog ldan/ /'chi bar mi nus pa ni med/ /lus ni thal bar gyur pa'i tshe/ /slar yang log nas 'ong ba gang/ /lha yi rgyal po'i blon po yis/ /'di ni bden pa'i ngag tu brjod/ /lus ni thal bar gyur pa'i tshe/ /gang la slar yang 'gro ba med/ /me yis thal bar gyur pa na/ /lus ni 'ong ba med pa'o/ /de lus phyi rol gyur pa yis/ /de tshe lus can 'gyur ba ci/ /me yis thal bar gyur pa'i tshe/ /khyim du 'ong ba med pa'o/ /de khyim phyi rol gyur pa na/ /de tshe khyim par 'gyur ba ci/ /skye ba dang ni 'gag med pa/ /sems dpa' i phung por rab tu bsgrags/ /bde dang sdug bsngal nyer spyod pa/ /rtag tu kun rdzob 'khor ba'o/ /dgongs pa'i skad dang dgongs min dang/ /ji bzhin sgra dang de bzhin min/ /nges pa'i don dang drang don dang/ /rgyud ni mdza' drug mtshan nyid do/ /tso ra'i sgra ni 'jig rten 'gar/ /zan gyi don rab rtogs par byed/ /la lar chom rkun pa nyid brjod/ /de bzhin rgyud du brtan pa rnamS/ /kar Na Ta pa'i ka ra Na'i sgras/ /rdo dang rkang par dran pa dang/ /la lar 'on par brjod pa ste/ /de bzhin rgyud rnams su bstan pa'o/ /khyim pa yi ni chos rnams la/ /mkhas pa ma yin mkhas rlom sems/ /'di ni 'jig rten ltung ba ste/ /'dus byas sgra yis spel ba'o/ /mi yi sgra gang don la ni/ /gal te yang ni gaN+Di'i sgra/ /mi dang gaN+Di'i sgra dag las/ /dbye ba'i don ni bshad pa med/ /'ga' zhig tu ni mang po'i sgra/ don gcig la ni brjod pa'o/ /la la zhig tu sgra gcig ni/ /sna tshogs don la gsungs pa'o/ /ji ltar sangs rgyas gzugs sku gang/ /de bzhin chos kyi sku la min/ /ji ltar sangs rgyas phung po lnga/ /de bzhin tshul khrims sogs la min ji ltar sangs rgyas res gza' bdun/ /de ltar sangs rgyas bdun po min/ /ji ltar sems can kun sangs rgyas/ /de ltar ljon shing sogs la min/ /ji ltar sangs rgyas stong nyid gsal/ /de ltar mun pa'i mkha' la min/ /mkhar snang rtogs par byed pa ste/ /mkha' dang mun stug gnyid dang ni/ /gnyid stug song ba rnams la yang/ /mi bzad grang dang dro ba'i rlung/ /bsam pa thams cad yod min par/ /rtogs par bya'o lus can rnams/ /ljon shing rtag par srog ldan na/ /yal ga gcig ni srog rnams spangs/ /bcad nas sa la gtsugS pa na/ /shing gang skye ba gal zhig /lag pa rkang pa bcad pa na/ /skyon med rab tu skye ba min/ /srog med zhig ste song ba na/ /rang lus srog ni 'jug pa'o/ /ji ltar sen ? ba yi sgra/ /ral gri rta dang lan tshwa gos/ /de bzhin he ru ka yi sgra/ /mkha' 'gro ye shes bde thub pa'o/ /dzalus la ye shes chen po'i gnas/ /rtog pa thams cad yang dag spangs/ /dngos po kun la khyab pa po/ /lus la gnas kyang lus skyes min/ /bde ba dmar po bde ba ser/ /bde ba nag po bde ba dkar/ /bde bas thams cad khyab pa ste/ /'jig rten gsum po sku ru brjod/ /gdul ka 'dul ba po yi gzugs/ /gdug pa gang 'di thub pas mdzad/ /de 'di sgyu ma'i gzugs nyid de/ /skyob pa'i sku yi rang bzhin min/ /dbang po gnyis skyes bde de nyid/ /tha shal mi dga' smra bar byed// de nyid bde ba chen por yang/ /rgyal ba mchog gis ma gsungs so/ /rten cing 'brel 'byung las byung ba/ /gal te bde ba cher 'gyur na/ /g.yan pa phrugs pa las byung de/ /ji ltar bde ba chen po min/ /las kyi phyag rgya g.yon can dug /ye shes phyag rgya de bzhin te/ /rnam par rtog ma dor byas nas/ /phyag rgya chen po nges brten byos/ /phyag rgya che dang rab 'grogs pas/ /sangs rgyas rnams kyi 'gyur med bde'o/ /'jig rten gsum spyod las grol bar/ /ji ltar dbang po gnyis skyes 'gyur/ /lha dang mi yi bde ba dag /kun du bsdus par byas pas kyang/ /mchog gi rdo rje'i phra mo yi/ /bcu drug char yang mi phod do/ /chos 'di yi ni bde ba yang/ /rim pa de rnams bkag pas so/ /khyod kyis phyin ci log dor bya/ /rgyud dang rgyud na rgyal po kye/ /zhes pa rang gi lta ba'i 'dod pa mdor bstan pa yongs su brtag par legs pa'i chos yongs su brtag pa'i le'u ste gnyis pa'o// //bdag tu 'dzin pa bzlog don du// phung po khams sogs bstan pa ste/ /skal pa chen pos de yang gzhom/ /sems tsam la ni rnam par gnas/ /'di rnams thams cad sems tsam zhes/ /gang zhig thub pas bstan pa ni/ /'jigs pa yongs su 'phrog don du// ngal ba so'i phyir te de nyid min/ /rnam shes smra ba thams cad dang/ /rjes shes rig byed mdza' smra ba/ /thams cad rnam par shes tsam ste/ /thams cad tshangs pa'i rang bzhin min/ /chu la khyab 'jug sar khyab 'jug/ khyab 'jug ri yi rtse mo la/ /'bar phrang rigs la khyab 'jug ste/ /khyab 'jug 'gro kun rang bzhin nyid/ /chu la sangs rgyas sar sangs rgyas/ /sangs rgyas ri yi rtse mo la/ /'bar phreng rig la sangs rgyas te/ /sangs rgyas 'gro kun rang bzhin nyid/ /tshangs pa sku yi rdo rje ste/ /gsung gi rdo rje dbang phyug che/ /rgyal po thugs kyi rdo rje 'dzin/ /de yang khyab 'jug rdzu 'phrul che/ /thams cad khyab 'jug rang bzhin dang/ /thams cad sangs rgyas rang bzhin min/ /skyob pa'i sngags kyi theg pa la/ /'dis ni ring du 'gro bar 'gyur/ /khyab 'jug khyab 'jug la gnas shing/ /khyab 'jug khyab 'jug gis za dang/ /khyab 'jug khyab 'jug lag pa la/ /rgyu mtshan ci'i phyir na 'ong/ /sgyu ma chen mo drag chen mo/ /'byung dang sdud par byed pa mo/ /rang gis 'phrog cing rang gis byed/ /rang nyid rgyal po rang gtso bo/ /phyag 'tshal bzung bya 'dzin po dang/ /gsang bya dang ni gsong po dang/ /bi shi pil+la'i sngags ched du/ /khyab 'jug 'jigs byed skyob phyir ro/ /gsang bya gsong po gang de dang/ bza' bya pa po gang de yang/ /gsang bya gsod pa po med na/ /bsod nams dang ni sdig 'bras med/ /ji ltar bum pa bum pa la/ /nam mkha' khyab par yang dag gnas/ /gcig bdag khyab pa mkha' bzhin du/ /lus dang lus la de bzhin gnas/ /ji ltar dum pa chag pa na /nam mkha' gang duAng g.yo ba med/ /de bzhin lus ci zhig pa na/ /khyab bdag g.yo ba med pa'o/ /g.yo ba rnam par nyams na de'i/ bde 'gro ngan 'gro med cen/ /bsod naMs sdig pa'i stobs kyis ni// slar yang bde dang sdug bsngal 'gyur/ /phyi bdag gyur pa 'byung po de'i/ /nang gi bdag nyid dbang po bcu/ /mchog gi bdag nyid yid shes pa /bzhi pe 'gro dang 'ong ba'o/ /lus gnas rkang par gnas pa dang/ /gzugs gnas gzugs ni spangs pa ste/ /thams cad byed po gzhan gyur na/ /de tshe gcig gis byes pa nyams/ /sad pa rmi lam gnyid 'thug dang/ /bzhi pa'i gnas skabs gnyis med gzhan/ /'dod pa ye shes bya ba nus/ /lus can rnams la mkha' gzhan nyid/ /bya ba lus can rnams kyi lus/ /byed po mkha' gzhan yod ma yin no/ /bu ldan rnams la bu nyid da/ /'gro gsum mo sham bu nyid de/ /gcig bdag kun 'gro rtag tu ni/ /bya bcas yul rnams spangs pa ste/ /brtan g.yo rnams la mkha' bzhin du/ /thams cad la ni rnam par gnas/ /gcig bdag kun 'gro mkha' bzhin du /gal te lus la gnas pa na/ /de tshe btsun mor sbyor bral bas/ /sdug bsngal kun 'gro'i bdag nyid min/ /mya ngan me? yis bsregs pa na/ /ji ltar rtag tu rnam 'gyur med/ /gal te dus kun bya bar bcas/ /gnyid kyi gnas skabs ji ltar 'gro/ /gal te rab tu ston bral ba/ /bde dang sdug bsngal ji ltar spyod/ /'ga' zhig rdzas ni lta ba na/ /ji ltar snang ba'i lag spangs bzhin/ / sems dang ye shes spangs pa yis/ /shes bya med par rab 'gyur na/ /stug po'i gnyid du song la 'di'i/ /shes dang shes bya zad par 'gyur/ /sad pa'i skabs song sangs rgyas te/ /thams cad mkhyen par yongs su bsgrags/ /thams cad rig cing nges grol ba/ /mun pa'i gnas skabs med pa'o/ /gang yang gan skabs 'di rnams ni/ /rnaM sheS bzhin du stong par brjod/ /slar par 'jig rten gnas med ces/ /med par smra don phyin ci log/ gcig nyid 'byung po'i bdag nyid de/ /lus dang lus la rnam par gnas/ /rnam gcig rnam pa mang po nyid/ /mthong ba chu yi zla ba bzhin/ /ji ltar mkha' dang chu la yang/ /zla ba rab mthong de bzhin du/ 'gro gsum 'byung po'i tshogs pa la/ /kha dog du mar yang dag gnas/ /kha dog du ma'i dbye pa yis/ /nor bu sna tshogs gzugs su 'gyur/ /yang dag gnas la dbye ba med/ /sna tshogs su rab tu grags/ /chu med na ni chu'i zla ba/ /thams cad med gyur ji lta pa/ /de bzhin lus can med na yang/ /'byung po'i bdag nyid kun med 'gyur ro/ mngon sum nam mkha' zla ba dang / cha bcas cha med nyi ma dang/ /cha bcas cha med dngos po rnams/ ji ltar dngos med de bzhin med/ /mngon sum ljon shing cha shas bcas/ /gring ma de nyid cha shas med/ /rtag tu nyi ma cha shas bcas/ / 'jig rten nyi ma'i cha shas med/ /gang zhig gdugs kyi grib ma de/ /nges dben de ni cha shas med/ /rnam pa kun du cha med 'gyur/ /sna tshogs khyab pa gang de med/ /phan tshun rnam pa 'gal ba'i phyir/ /gzugs med gzugs dang ldan mi 'gyur/ /nam mkha' bum min gzugs min te/ /bum min gzugs min nam mkha' min/ /gcig ni du ma nyid mi 'gyur/ /du ma yang ni gcig pa nyid/ /phra mo sbom po nyid min te/ /sbom po yang ni phra mo nyid/ /cha med pa la cha yod min/ /gal te yod na cha med cing/ /mo sham bu dang ldan mi 'gyur/ /bu dang ldan na mo sham nyams/ /dngos po med la sgom mi 'gyur/ /sgom pa med la 'ang dngos med nyid/ /zhi bas drag por nus med do/ /nyi mar ri bong nus pa bzhin/ /nam mkha' med pas yul gnas min/ /lus gnas nam mkha' gzhan ma yin/ /nges par chos gnyis zhes bya ba/ /bdag dang bdag med de bzhin no/ /ji ltar mo sham bu med pa/ /de ltar nam mkha' med pa ste/ /bu ldan rnams la bu yod pa/ /'khor bar lus can de bzhin no/ /yon tan med na thams cad med/ /yon tan yod na lha nyid yod/ /dngos po med na thams cad med/ /dngos po 'gro ba gsum la yod/ /lus can med na byed po med/ /lus can byed pa po la yod/ / lus can med na las spyod med/ /lus can spyod pa po la yod/ /mkha' mchog kun du 'gro mi 'gyur/ /lus can kun du 'gro ba yod/ /mdza' yas mdza' yas skye gnas su/ /rim gyiS kun du 'gro ba'o/ /nam mkha' mchog la khyab pa med/ /khyab pa lus can rnams la yod/ /so sor rang rang lus la yang/ /rkang mthil spyi bo kun du'o/ /so so'i nam mkha' de bzhin mkha' / /nam mkha' yis ni bsgrubs pa med/ /ji ltar lus can de bzhin lus/ /lus can rnams kyis bsgrubs pa med/ /'jim bum byas pas skyes pa ste/ /bum pa byed pa gzhan yod min/ /gser dang dngul gyi bum pa 'di/ /gser mkhan gyis ni byas par res/ ? mas bsgrubs pa skyes pa ste/ /byed pos de bzhin byed po la mo sham bu ni mkha' mthar yang/ /skyes dang ma skyes bsgrubs pa med/ /skra yi rtse mo'i stong phrag cha'i/ /stong phrag cha shas mchog dran pa/ /brdzun gyi ngag 'di mthong ba med/ /bye ba nyi char 'gyur min nam ci/ /sgra rtse 'bum gyi cha shas gang/ /ba spu'i rtse mo'i lus gnas pa/ /bcad pas gzhan gyi lus 'di la/ /sdug bsngal phra mo'i bdag nyid med/ /kun du 'gro bas khyab nyid kyang/ /zang nas phra mo'i bdag nyid 'gro/ /nam mkha' las ni 'das pa'i lus/ /ring nas ring du 'gro ba'o/ /gang tshe skye med phyir rgyu 'bras/ /de tshe ri bong rwa las gzhu/ /skyes phyir rgyu dang 'bras bu ni/ /rtag tu dngos po rnams la 'gyur/ /skye ba gang phyir skye ba ni/ /gzhan las gang tshe dngos po rnams/ /gnas skabs rab sbyor 'di med pas/ /rgyu las rtag tu gyur pa'o/ /mngon du yod pa'i bum pa ni/ /'jim gong la sogs rgyu las te/ /med na rus sbal spu las ni/ /rgyu med snam bu la sogs bzhin/ /dag pa'i sa bon las shing 'byung/ /gang tshe shing las sa bon 'byung/ /gnyis ? rgyu ni gang zhig la/ /'bras bu med 'gyur min nam ci/ /de med pa la rgyu med pas/ /dbang phyug la sogs de bzhin te/ /dngos po so sor dngos med kyi/ /'byung ba yongs su grags pa'o/ /nam mkha' med pas mkha' mchog mdza' / /de rnams su zhig gis ni mthong/ /bse ru'i rwa las gzhu 'byung mod/ /ri bong rwa yi gzhu med do/ /dag pa'i srad bu'i yon tan ras/ /rus sbal spu yi yon tan min/ /lcags las rno bo'i mnga' 'byung ste/ /nam mkha' las ni 'byung ba med// gzhu 'dzin bu ldan bu yin gyi/ /mo sham bu ni gang duAng min/ /ji ltar shing skam rtsub las me/ /de ltar rlon pa'i shing las min/ /til mar gtil gyi 'khrul 'khor la/ /de ltar bye mar 'ga' yang min/ /dri ni shing gi me tog la/ /de ltar nam mkha' i me tog min/ /rgyu med 'bras bu med pa'i phyir/ /las med dge dang mi dge med/ /'byung po 'di dag kun med na/ /'jig rten 'jig rten 'das pa med/ /bden pa gnyis la brten nas ni/ /sangs rgyas rnams kyis chos bstan te/ /'jig rten kun rdzob bden pa dang/ /dam ba'i don gyi bden pa'o/ /rgyu 'bras bdag nyid sangs rgyas kyis/ /kun rdzob tu ni yongs su bsgrags/ /kun rdzob med cing 'ga' med pa'i/ /rang bzhin rgyu med dngos po med/ /nam mkha' 'das dang? ma? 'ongs dang/ /song dang da ltar ba rnams ni/ /kun rdzob blo dang ldan pas ltos/ /med skye mkha' skyes me tog med/ /skye mched drug gi mtshan nyid can/ /las las rab skyes yang dag byung/ /slar yang srid pa zhes su bshad/ /de ni mig yor lta bu'o/ / gang zhig sprul pa'i grong khyer dang/ /sprul pa rnam par blta ba bzhin/ /las kyis sprul pa'i 'gro ba yi/ /gzugs la de bzhin yongs su ltos/ /chos bstan pa ni sgra rnams ni/ /gang yang thos pa'i spyod yul du/ /rab skyes nyan pos thos pa rnams// thams cad sgra brnyan lta bu'o/ /mnam bya myang bya reg bya ste/ /gang yang sred par bya ba'i yul/ /'di kun rmi lam mtshungs pa ste/ /nye bar thob pa ma yin no/ /mi gang sgyu ma'i 'khrul 'khor ltar/ /sems kyiS nges par dbye bya zhing/ /bdag med lus kyi 'khrul 'khor 'di/ /sems kyi ngos dang 'dra bar bya/ /sna tshogs brnyed pa gang de yang/ /skad cig so sor byung ba ste/ 'di dag smig rgyu dang mtshungs par/ /mthong ba med na mtshan nyid med/ /yid sogs sems las byung ba rnams/ /thams cad chu gzugs brnyan/ zla lta bu ste/ /rnam pa de dang rnam shes dag /phan tshun gzugs brnyan lta bu'o/ /bsam gtan pa rnams dag pa'i bdag /ye shes zla gang yang dag 'byung/ /de yang chu zla lta bu ste/ /mngon sum du yang yod ma yin/ /rnal 'byor pa la'ang ye shes gang/ /de bzhin nam mkha' i mtshan nyid de/ /de phyir shes dang shes bya yang/ /thams cad nam mkha' i mtshan nyid do/ /dang por phra mo'i rang bzhin med/ /gnyis pad dbang phyug 'gro ba med/ /gsum par rig byed rtag de bzhin/ /bzhi par rang bzhin med pa'o/ /lnga par sna tshogs bdag med de/ /drug par dus gsum mthong ba dang/ /bdun par phan tshun sbyor ba dang/ /brgyad par thams cad khyab nyid do/ /dgu par 'das dang ma 'ongs dang/ /shes dang shes bya'ang stong pa nyid/ /de ltar rnam dgu bshad pa rnamS/ lta ba'i mthar ni sgrub par 'gyur/ /rgyu 'bras bdag nyid thams cad dang/ /srid pa gsum po las las skyes/ /brdzun lta ji lta de nyid yin/ /gtan tshigs la sogs 'gal phyir ro/ /bye brag smra dang mdo sde pa/ /rnal 'byor spyod dang dbu ma pa'i/ /grub mdza' gang zhig chos sogs kyi/ /tshigs bcad sangs rgyas phyag rgyas btab/ /gang zhig chos rnams rgyus byung ba/ /lnga dang bdun du rab tu brags/ /ma rig la sogs rim pa bzhin/ /rkyen rnams so so'i bdag nyid do/ /nyon mongs las dang sdug bsngal te/ /yan lag gsum gnyis bdun du grags/ /ji srid nam mkha' i khams kyi bar/ /phan tshun lcags sgrogs bzhin du bcings/ /nyon mongs las ni la skyes te/ /las las sdug bsngal yang dag 'byung/ /sdug bsngal nyon mongs de las las/ /de phyir slar yang sdug bsngal 'gyur/ /rgyu dang 'bras bu thams cad kyang/ /'jig rten gsum bcas spyod cing rgyu/ /rgyu dang 'bras bu bkag na ni/ /'ga' yang mya ngan 'da' ba med/ /sems can gang zhig myang 'das pa/ /'ga' yang rgyal ba des ma gzigs/ / mya ngan 'das par myang 'das 'gyur/ /chos dbyings rtog par 'gro ba'o/ /gal te sangs rgyas myang 'das na/ /rtag tu du ba de nyid kyis/ /sbos ldan tu ni 'gro ba la/ /lam ni smra bar ci ltar 'gyur/ /mya ngan 'das pa'i sgron ma ni/ /thams cad du ni mthong med na/ /rtag tu du ba de nyid kyis/ /sangs rgyas rnams ni mthong bci/ /sangs rgyas nyid 'bras nges par gsungs/ /sangs rgyas nyid 'bras zad pa med/ /gang tshe go 'phang zad med gsungs/ /de tshe dul bar cis mi 'gyur/ /gang tshe tshangs pa'i go 'phang rtag/ /de tshe tshangs rnams ji ltar 'gyur/ /gang tshe khyab 'jug go 'phang rtag/ de tshe khyab 'jug rnams cing 'gyur/ /gang tshe drag po'i go 'phang rtag/ de tshe rnams cir 'gyur/ /gang tshe brgya byin go 'phang rtag/ de tshe brgya byin rnams cing 'gyur/ /gang tshe sa skyongS go 'phang rtag / de tshe sa skyongS rnams cir 'gyur/ /gang tshe skye bdag go 'phang rtag/ de tshe skye dgu'i bdag cir 'gyur/ /gang tshe rje bo'i go 'phang rtag/ de tshe rje rnams ji ltar 'gyur/ /gang tshe 'bangs kyi go 'phang rtag /de tshe 'bangs rnams ji ltar 'gyur/ /de ltar la sogs gzhan la yang/ /go 'phang thams cad mi rtag dang/ /go 'phang rtag par 'gro gsum du/ /mkhas pa rnams kyis shes par bya/ /'khor ba'i thog mdza' 'di rnams su/ /sems can mya ngan 'das pa med/ / gal te 'khor ba'i thog mthar ni/ /sems can med na mya ngan 'das/ /sngon med phyi ma med pa dang/ /ring du rdzas rnams phyung ba yis/ /rtag tu rdzas kyis snod gang ba/ /zhes pa bden tshig ma yin no/ /'bigs byed ri yi smyug ma meS/ /bsregs na slar yang 'byung ba med/ /de las gzhan yang skye 'gyur bas/ /smyug ma rtag pa ma yin no/ /phung po rnams ni ye shes mes/ /bsregs na slar yang 'byung ba med/ /de las gzhan yang skye 'gyur bas/ /phung po rtag pa ma yin no/ /bsregs pa yang dag yong? la dor na/ /sgyug ma slar yang skye bar 'gyur/ /bsod nams dang ni sdig pa'i mthus/ /bde 'gro ngan 'gro ma yin nam/ /bsregs pa'i lus ni yongs dor nas/ /slar yang lus ni skye bar 'gyur/ /bsod nams dang ni sdig pa'i mthus/ /bde 'gro dang ni ngan 'gror 'jug/ /phra rab bsags pa'i cha la ni/ /phyi rol phyi rol gang zag yod/ /khur khur gang zag phan don du/ /rtag dang mi rtag med de bzhin/ /gzugs gzhan zhes pa gsungs pa ni/ /rdul phran lus su de med cing/ /tshor ba la sogs de bzhin gzhan/ /thal bar gyur pa de med do/ /bug pa med pa'i lus la ni/ /sha dang rus pa khrag med cing/ /dbang po'i gzhu yi rnam pa lta'i/ /sku mthong ba dang ldan par 'gyur/ /nang med mi gtsang 'phel med pa'i/ /lus kyi rang bzhin mchog la ni/ /srid par skye rga 'chi ba dang/ /thog med 'gag pa med pa'o/ /shi nas dri za'i sems can la/ /gzugs kyi rang bzhin gzhan pa ni/ /grib ma sgyu ma lta bu ste/ /dag pa'i 'pho ba slar yang 'byung/ /a sogs ka sogs zla nyi yi/ /dbus su mtshan ma gang de dang/ /lhan cig skyes dgar yang dag ldan/ /de nyid sems can rnams la bshad/ /'di ltar sangs rgyas bcom ldan 'das/ /rdzogs pa'i sangs rgyas a yig byung/ /a yig yig 'bru kun gyi mchog /don chen 'gyur med dam pa yin// srog chen po ste skye ba med/ /tshig tu brjod pa spangs pa ste/ /brjod pa kun gyi rgyu yi mchog/ tshig kun rab tu gsal bar byed/ /rigs gsum rigs lnga nyid dang ni/ /rang bzhin gyi ni rigs brgya dang/ /bzhi dang lnga yi rigs gsungs shing/ / rigs gsum gsang ba gsungs ba'o/ /lhag pa'i lha ni gsang ba dang/ /rigs mchog rnam pa brgya po ste/ /gang phyir phung po'i rigs lus la/ /khams rnams nyams par gnas pa'o/ /srog dang khu ba rdul nyid kyang/ /rigs gsum gsang bar gsungs pa ste/ /lhag pa'i lha ni gsang ba yang/ /gzugs kyi rang bzhin rigs yin no/ /gsum las rigs lnga gzhan ma yin/ /de nyid rigs lngar 'gyur ba ste/ /gsang ba chen pos yang dag sbyor/ /rigs drug de ni rab tu grags/ /sa dang chu dang me dang rlung/ /ro dang ro chen nyid kyang ste/ /khams drug rgyal bas gsungs pa ni/ /dang po'i sangs rgyas ris med du'o/ /khams drug bdag nyid rab gsungs pa/ /skyes bu chen po'i gang zag ste/ /mkha' khams med pa'i sgra yis ni/ /dngos dang dngos med rab tu bsgrags/ /lag pa rkang pa bzhi po la/ /sor mo yang ni lnga lnga ste/ /rnam pa nyi shus byang chub pa/ /sen mo'i mthar ni yongs su bsgrags/ /rdo rje'i spu ni myu gu lus/ /rdo rje'i spu ni lus gcig pu/ /rdo rje'i rtse mo sen mos btsams/ /rdo rje snying po lpags pa mkhregs /bzhi pa'i dga' ba bde ba yi/ /gnas skabs bzhi par rab tu grags/ /skye dang 'chi ba'i dus la yang/ /'khrig par 'pho ba'i skad cig la'o/ /mdal du gnas pa'i gnas skabs suAng/ /bcu drug tsha can ri bong can/ /zla drug tshad ni ji srid pa/ /de nas shin tu gnyid log skye/ /de nas rmi lam gnas skabs de'i/ /gsal bar srog chags rnams su 'gyur/ /yid las byung ba de la ni/ de nas phyag rgya skye ba'o/ /skye ba la sogs yid kun la/ /mngal du sdug bsngal bar med de/ /sngon gyi sdig pa'i stobs kyis ni/ /byis pa rnams ni mi gtsang za/ /gnas pa'i zla ba dgu yi mthar/ /lus kyi khams rnams rdzogs pa dang/ /skye gnas bug pas yongs ngor nas/ /phyi rol sa gzhir 'gro ba'o/ /srog chags skye gnas sad pa yi/ /gnas skabs gsal bar skye ba ste/ /mig ni 'byed pa la sogs dang/ /srog dang thur sel la sogs 'byung/ /sbrid sogs yal dang le lo dang/ /bshang gci 'dor ba'i bya ba dang/ /sna yis du dang 'thung don dang/ /khu tshur 'ching ba rnams kyang byed/ /gang zhig kha yiS za ba dang/ /mngal gnas mi gtsang sogs pa dang/ /de gdong gcod dang de yi ni/ /sha za phyi rol lus kyi'o/ /tshangs pa'i kha yis bcad pa na/ /khrag 'thung yid 'byung min nam ci/ /dbugs kyi rkang pas gar byed gang/ /srog sta he ru ka nyid do/ /sha za'i skye bo grol ba dang/ / lha yi gnas skabs 'gro ba yang/ /mi ya 'o ma dzA na pa las/ /'o ma skyes pas tshim par nges/ /des na 'o mas byin pa yi/ /khams rnams rtag tu tshim pa ste/ /he ru ka yis bde skyong ba/ /sgyu ma chen mor rab tu grags/ /lha yi gnas skabs 'gro ba la'ang/ /nya sha chang gi btung ba rnams/ /pha dang ma yis byis pa la/ /de yi go skabs sbyin mi bya/ /de bzhin bza' bar bya ba'i zas/ /'o ma mar te sha med pa'o/ /bag ma blangs ba nyid bdun par/ /sha med snum khur la sogs so/ /sha ni nyin bcu ji srid par/ /sha chang 'di dag spangs nas ni/ /pha dang ma dang gnyen sde yis/ /lha rnams so so'i cho ga'o/ /lugs la'ang mi dang mi mo rnams/ /bsod nams don du lha chog? dang/ /sha za la sogs cho ga la/ /phyugS sha sogs kyang rigs la yod/ /rdul dang khu ba mnyam sbyor bas/ /shes rab thabs kyi bdag nyid 'gyur/ /rdo rje sems dpa' i srog chen po/ /srog chen po yis yang dag sbyor khams lnga las ni yang dag byung/ /khyab bdag dgu yi bdag nyid de/ /lag rkang dag las yang dag byung/ /bcu gsum bdag nyid gyur pa ste/ /skye mched drug ni yang dag sbyor/ /bcu dgu yi ni bdag nyid do/ /dbang po che ba las skyes pa/ /lnga lnga'i bdag nyid khyab bdag ste/ /de bzhin rigs lnga'i gnas skabs rnams/ /rtag tu lus can rnams shes bya/ /rkang pa lag par dum bu brgyad/ /rkang pa lag pa'i mthil bzhi dang/ /sor mo'i tshigs ni drug cu rnams/ /nyis 'gyur 'khor lo sdom pa'o/ /so rnams byung zhing skyes pa ni/ /'khor lo'i gsum gyi sdom chung ste/ /khams lnga mnyam par sbyor pa las/ /lus dang lus la rnam par gnas/ /bzhi pa'i dga' bde'i gnas skabs ni/ /mngal du gnas pa'i gnas skabs te/ /bcu drug lo ni thob pa na/ /de yi gnas skabs gsal bar 'gyur/ /sa bon gang las skyes pa yi/ /bcu drug khams kyi bdag nyid lus/ /de nyid las skyes sa bon dang/ /khams rnams slar yang bskyed pa po'o/ /sangs rgyas thams cad bskyed pa po/ /sangs rgyas sras po dam pa mchog /shes rab srid 'byung skye gnas te/ /chos kyi skye gnas srid mthar byed/ /bden don rnam pa bcu gnyis ldan// de nyid rnam pa cu drug rig / rnam pa nyi shus byang chub pa/ /rnam dag mchog gi don rtogs pa/ /gang zhig pa las bde thob pa/ /de yi bde ba rang nyid bza' / /bde ba gang gis 'chi ba na/ /de yi bde ba bsam gtan brjod/ /b+ha gar ling ga mnyam sbyor paS/ /gang zhig khu ba las byung bde/ /de ni skye bo kun gyi srog /lhan cig skyes dgar rab tu bsgrags/ /'jigs byed rang gi grub mdza' la/ /rigs byed mthar ni changs pa yis/ /dga' ba tshangs pa yi ni gzugs/ /de yang thar par sbyor ba'o/ /gzugs mdza' yas pas de mdza' yas/ /shes rab pha rol phyin sngar? brjod/ /rang bzhin pa yi gzugs rnams ni/ /pha? zhing chud ba bsags pa min/ /de bzhin tshor ba sogs de rnams/ /rtag tu mkhas pas shes bya ste/ /sems can mdza' yas de mdza' yas/ /shes rab pha rol phyin par brjod/ /sangs rgyas thog ma tha ma med/ /dang po sangs rgyas ris med pa/ /ye shes yig gcig dri ma med/ /ye shes lus can de bzhin gshegs/ /dpal ldan de bzhin nyid gshegs shing/ /de bzhin slar yang gshegs pa nyid/ /'dis ni shes rab rigs pa yis/ /de bzhin gshegs zhes brjod pa'o/ /'jug pa dang ni smon pa'i sems/ / 'gro bar gnas dang 'gro 'gyur te/ /'ong ba dang ni 'ong med pa/ /gang gis chos kyi dbyings la gsungs/ /chos kyi dbyings su sor ba yang/ /gal te slar yang 'ong med na/ /rdo rje btsun mo'i b+ha gar nyid/ /bzhugs pa'i tshig ni don med do/ /bcom ldan zhes pa'i sgra yis ni/ /sangs rgyas med par rab bsgrags na/ /de ltar rnam dbyod tshad de la/ /sangs rgyas mya ngan 'das pa med/ /bye brag smra dang mdo sde pa/ /rnal 'byor spyod par thub pa'i gsung/ /cung zad bden dang mi bden kyang/ /bden pa dbu ma pa yi lugs/ /nam mkha' dang ni 'gog pa gnyis/ /'dus ma byas gsum rtag pa ste/ /'dus byas thams cad skad cig ma/ /bdag gis stong zhing byed po med/ /dbang skyes blo ni rnam med kyis/ /phra rab bsags pa dngos su rig /kha che gzhung gi chu gter gyi/ /bye brag smra ba'i gzhung 'dod 'gyur/ /shes pa rnam bcas bskyed byed ni/ /dbang po'i spyod yul snang ba min/ /mo sham bu dang nam mkhar mtshungs/ / 'gog pa'ang nam mkha' mtshungs pa'o/ /'du byed bems po yod ma yin/ /dus gsum rjes su 'gro ba'ang med/ /thogs pa med pa'i gzugs yod min/ /zhes pa mdo sde pa yis rig /cha shas can zhe bya ba med/ /phra rab rdul rnams yod pa min/ /sgyu ma rmi lam nges mthong bzhin/ /dmigs pa med par rab tu snang/ /gzung dang 'dzin pa rnam grol ba'i/ /rnam par shes pa don dam yod/ /ces pa rnal 'byor spyod pa'i gzhung/ /rgya mtsho'i pha rol phyin rnams sgrogs/ /rnam shes de yan don dam du/ /yod par mkhas rnams mi 'dod de/ /gcig dang du ma'i rang bzhin dang/ /bral bas nam mkha' i pad+ma bzhin/ /yod min med min yod med min/ /gnyi ka'i bdag nyid min pa'ang min/ /mdza' bzhi rnam par grol ba yi/ /de nyid dbu ma pa yis rig /nam mkha' dang ni 'gog pa gnyis/ /'dus ma byas gsum rtag pa ni/ /nam mkha' i me tog seng ge'i rwa/ /mo sham bu dang gsum de bzhin/ /gang du rten ming 'brel 'byung ba'i/ /'dus byas skad cig de min pa/ /'dus byas skad cig mi 'gyur ba'i/ /rgyu yi bdag nyid med pa'o/ /bum pa rnams kyi rgyur smra ba/ /sa chu bum pa'i rgyu ma yin/ /'byung ba rnams las shing du 'gyur/ /'byung ba de rnams rgyu ma yin/ / 'byung ba rnams kyi rgyu med de/ /'byung ba phra rab bsag pa rnams/ /phra rab rnams kyi rgyu la med/ /mo sham bu yis mkha' mchog bzhin/ /dbang skyes blo ni rnam med na/ /rnam med skye ba spangs pa ste/ /mo sham bu ni rnam med pa/ /mo sham med gang de bzhin med/ /gang zhig mthong ba phyi rol yul/ /phra rab bsags par gnas pa ste/ /de rnams mthong ba dbang skyes blo/ /lus can rnams kyi rab 'jug pa'o/ /rang gi rnam med shes pa'i rgyur/ /yod pa mchog tu phra rab ni// gang de yon tan med gyur rnams/ /ji ltar dbang po'i spyod yul min/ /yod min thogS pa med pa'i gzugs/ /gzhon nus me long la mthong ba/ /dus gsum rjes su 'gro ba kun/ /bems min blun po rnams kyis byas/ /ma dag rtog ge med 'gal ba/ /de yang du mar nyams 'gyur te/ /rgyur snang ma yang de rgyu rnams/ /de 'bras sgrub pa ma yin no/ /'khrul pa'i yul la'ang dbye bshad na/ /gcig dang du ma'i chu zla ni/ /gang zhig yod med de bzhin yod/ /sad dang rmi lam mtshungs don med/ /'khrul pa'i yul 'dir bskyed tshal dang/ /khu byug sgra ni grub pa med/ /cig car dbang pos 'dzin pa yi/ /sgra yang don la 'gal ba nyid/ /chu zla gcig dang du ma rnams/ /rgyu gcig nyams na de med de/ /kha dog sna tshogs snod? sogs kyis/ /chu la zla ba rab tu mthong/ /skyon rnams yod pa rgyal dpang po'i/ /gang zhig yod min de yang yod/ /sgyu ma med pa rgyal dbang po'i/ /brdzun tshig ji ltar de ma yin/ /ji ltar rmi lam de bzhin sad/ /yod min don gyis don byas pa/ /rnam shes smra rnams sgyu ma dang/ /rmi lam rgyu 'bras don med pa'o/ /lha dang srin po rnams la yang/ /sgyu ma rnam gnyis rab tu grags/ /rnam shes gcig pur yod pa de/ /mkha' la mig 'phrul ji bzhin no/ /gzhan gyi rnam shes zhugs pa na/ /rang gi gzugs ni yongs bsgyur ba/ /de yis yul du bsnun pa yis/ /srin po rnams ni shi bar 'gyur/ /kye yi rdo rje'i gzugs sprul pa/ shAkya seng ge skyob pa yis/ /lang ka'i srin po gdug can sogs/ /sa la gso sbyong ldan par mdzad/ /ba shiSh+Tha yi gzugs sprul pa/ /rA ma ngan pa'i bdag nyid kyis/ /rA ma'i chung ma sI ta phrogs/ /lang ka'i grong du? ma khyer ram/ /bam ze'i gzugs su sprul pa ni/ /bram ze 'dra ba kirmI ta sa/ /b+hi ma ma gtogs skya seng rnams/ /bcings te ki skin ri la khyer/ /rA ma Na yis sgyu ma yis/ /ngan pa'i bdag nyid dmag tshogs mthong// bdag gis srin mo'i rig sngags kyis/ /srin po du ma mthong par 'gyur/ /rA ma de bas gnyis gnyis su/ /bcad pa'i 'byung po sa gzhi la/ /mtshon gyis bcad cing bcad pa yis/ /'byung po 'byung po gnyis gnyis gyur// srin mo'i sgyu mar des shes nas/ /rA ma de bas bsams pa dang/ /bdag gi seng ge'i rig sngags kyis/ /seng ge du ma rab tu mthong/ /de yis rnam 'phrul seng ge ni/ /du ma sa dang mkha' la gyur/ /zos so seng ge de rnams kyis/ /phyogs phyogs srin po'i dbang po kun/ /bong bu'i shing rtar zhon pa yi/ /srin po'i dbang po ma zos mod/ /sgyu ma srin po'i bdag po rnams/ /rA ma de bas bcad par gyur/ /sgyu ma'i dmag dpung bsad pa ni/ /rA ma de ba'i sdig pa ni/ /bsad dang skye ba sgyu ma ste/ /de phyir sgyu ma'i 'bras don med/ /chu zla ji bzhin sgyu ma dang/ /mkha' la zla ba de bzhin med/ /mkha' la zla ba 'gribs pa na/ /chu zla'i gzugs rnams med pa'o/ /rmi lam dus la shi yang 'di/ /lus can rnams la slar mi 'gyur/ /gang phyir sang dus gyur pa na/ /rmi lam 'bras don med de'i phyir/ /rmi lam chung ma brten pa yis/ /gang la bu ni skye ba med/ /sad dus gyur pa de bzhin te/ /de phyir rmi lam 'bras don med/ /chu klung gang la khrus byed 'thungs/ /smig rgyu'i chu la de dag med/ /khyod kyis gang zhig dam bcas pa'i/ /don des don byed gyur pa med/ /nye bar mthong dang rab 'jug dang/ /thob dang rjes goms bdag nyid de/ /gtan tshigs rnam bzhi semS can la/ /nye bar mthong ba tsam du zad/ /rmi lam stag la sems pa can/ /stag de bsam pa'i bag chags las/ /stag de rnams kyis bsad pa na/ /gang de slar yang 'gyur ba med/ /sad de gnas na stag gi ni/ /bag chags sems la mi 'gyur mod/ /gang phyir stag gis bsad pa ni/ /gang du slar yang gom pa'o/ /rmi lam srog chags bsad pa dang/ /gzhan gyi nor ni phrogs pa dang/ /'dod log rnams ni spyad pa yis/ /dge slong pham pa ma yin no/ /sad rtse gsum po byas rnams kyis/ /lus can rnams kyis 'gyur ba nges/ /gang phyir dge slong pham pa yin/ /de phyir rmi lam 'bras don med/ /lus can khams dang phung po rnams/ /sad rtse bcwa? brgyad dang ni gsum/ / rmi lam khams rnams gsum du bshad/ /phung po rnams kyang de bzhin gsum/ /'di rnams drug gis skyed pa yi/ /bde dang sdug bsngal gang gyur pa/ /rmi lam la de yid kyis bya/ /gnyid 'thug song la de med do/ /rmi lam yid kyis byas pa yis/ /shin smra shes rnams kyis ni/ /shAkya seng ge'i bstan pa la/ /dge 'dun pham pa byas pa yin/ /lus dang dbang po rnams dang blo/ /skad cig steng du gnas mi 'gyur/ /mar me'i 'od bzhin 'khor de rnams/ /phung pos skad cig dregs shing 'phyar/ /srid par skye rga 'chi pa rnams/ /phung po de la rim gyis 'gyur/ /skye dang gnas dang 'jig pa rnams/ /cig car de la ji ltar 'gyur/ /'jig pa med pas skye ba med/ /skye ba med pas gnas pa med/ / gnas med 'jig pa med pa yis/ /rnam par shes pa 'byung bar 'gyur/ /'jig pa'i skad cig skye min zhing/ /skye ba'i skad cig gnas pa'ang min/ /gnas pa'i skad cig 'jig min pa'i/ /rnam par shes pa rab tu bsgrags/ /bsod nams skad cig sdig pa min/ /sdig pa'i skad cig bsod nams min/ /skye 'jig dang ni bde sdug dag/ /skad cig gcig la ji ltar du 'gyur/ /ma skyes pa yis rgya byed pa// du 'gyur/ /ma skyes pa yis rgya byed pa// de tshe mu stegs rnams kyi lugs/ /gang tshe rnam shes 'gagS pa las/ /rnam par shes pa gzhan du 'gyur/ /'gags pa de tshe snang pa las/ /snang ba skye zhing 'byung bar 'gyur/ /gang tshe rnam shes skyed pa las/ /rnam par shes pa gzhan 'byung ste/ /de tshe snang gsal de las ni/ /snang gsal gzhan pa skye par 'gyur/ /des na gzhan pa de las kyang/ /gzhan pa de phyir gzhan 'byung 'gyur/ /de ltar snang gsal 'phreng ba bzhin/ /rnam shes rnams ni 'byung bar 'gyur/ /gcig las cig car shes pa lnga/ /dbang po rnams kyis phyes pa ste/ /de rnams las ni cig car lnga/ /shes na gcig pa brdzun min cing/ /sa bon dang ni 'byung ba rnams/ /cig car myu gu rnams kyi rgyu/ /cig car sa bon 'byung rnams kyi/ /sa bon gcig pu rgyu ma yin/ /cig car du ni lnga rnams la/ /gcig ni phreng bar gang tshe 'gyur/ /so so re yi shes rgyun na/ /ci phyir shes pa rnams las 'gyur/ /de ltar de rnams skad cig na/ /rgyun dang ldan pa rab tu nyams/ /cig car ba na shing rnams ni/ /chag na mi tshig mdza' med do/ /du ba me 'bar thal ba ste/ /de rnams rim gyis 'byung bar 'gyur/ /srang gi dbyug pa mthon dman du/ /cig car du ni g.yo bar 'gyur/ /dbyug pa'i 'khyog pa med pa na/ /skye dang 'jig pa ji ltar 'gyur/ /bum pa'i rnam pa rdul tshogs gang/ /sa la lhung bas bum pa de/ /gyo mo'i rnam pa de ltar 'di/ /'jig cing skye ba bum pa'i 'o/ /lus can slar yang srid song nas/ /nyams de gzhan las min pa spyod lus can snga phyir mi 'gyur na/ /sgom dang pra ba gang las 'gyur/ /sna tshogs gnyis med shes pa rnams/ /cig car sna tshogs shes 'gyur na/ /sngon po'i shes pa 'gag pa yis/ /ser po la sogs dri med 'gyur/ /phyogs gcig laM na brten pa yi/ /shes la gnyis med yongs su bsgrags/ /phyogs gnyis rnam par grol ba yi/ /sangs rgyas ye shes gnyis med do/ /nag dang dkar po 'gag pa gang/ /sems can yun ring bag chags rnams/ /? dus la yang de bzhin no/ /mi rtag skad cig ji ltar yin/ /bag chag dang ni bag chagS sa? kyang/ /sad pa na ni 'byung bar 'gyur/ /de ltar gnyid 'thug song ba na/ /rnam par shes pa nyams par 'gyur/ /rnam shes kun gzhi rnam shes rnams/ /gang tshe lus dang lus la gzhan/ /mchog gi bdag nyid de bzhin 'grub/ /thams cad rnams kyi kun gzhir gragS/ /rnam shes kun gzhi rnam shes rnams/ /rtag pa tshangs pa de ci min/ /skye dang rgyu ni de dag byang// mkha' gzhan de yis min nam ci/ /shing gi dbus kyi me ji bzhin/ /bye brag pa yi lugs la grub/ /de ni byed po rgyu gcig pu/ /mu stegs rnams kyi lugs gzhan yin/ /bzhi pa'i dus dang gnyid 'thug dang/ /rmi lam sad par gnas pa yi/ /lus can zhig la srog 'jug pa/ /nyi khri chig stong drug brgya'o/ /gnyid 'thug gnas pa gsal ba dang/ /rnam shes med pa las byung ba'i/ /rab sangs rgyas kyis skye bo'i tshad/ /srog de srog chags kyis shes bya/ /ma rig pa las skyes pa yis/ /blun min 'gro ba blun por 'gyur/ /mi shes skye bo ji lta ba/ /de ltar ye shes mig can min/ /nam mkha' rig pa las skyes pas/ /blun po'i 'gro ba blun mo 'gyur/ /sna tshogs rig pa las skyes pa'i/ /blun min rnams ni blun med 'gyur/ /rnal 'byor rig pa las skyes pas/ /sa yi gzhi la brtan par 'jug /sa min dbang du byas nas ni/ /sems can rnams la snying rje'i bdag/ nam mkha' rig pa las skyes pas/ /myur bar mig 'phrul du ni 'gro/ /mkha' dang ri bo med byas nas/ /pha rol rnams su rtag slong ba'o/ /'khor lo rig pa las byung bas/ /'khor lo'i rig pa 'dzin par 'gyur/ /rin chen rig pa las byung bas/ /rin chen rig pa 'dzin par 'gyur/ /pad ma'i rig pa las byung bas/ /pad+ma'i rig pa 'dzin par 'gyur/ /ral gri'i rig pa las byung bas/ /ral gri'i rig pa 'dzin par 'gyur/ /rdo rje'i rig pa las byung bas/ /rdo rje'i rig pa 'dzin par 'gyur/ /dngos po rnams kyi nus pa ni/ /tshad sogs bsam mi khyab bsgrub bya/ /skye ba med pa 'gag med pa/ /chad pa med pa rtag med pa/ /sna tshogs don min don gcig min/ /'ong ba med pa 'gro med pa/ /gang zhig rten cing 'brel par 'byung/ /spros pa nye bar zhi ston pa/ /rdzogs pa'i sangs rgyas smra rnams kyi/ /dam pa de la phyag 'tshal lo/ /rang las ma yin gzhan las min/ /gnyis las ma yin rgyu med min/ /dngos po gang dang gang la yang/ /skye ba nam yang yod ma yin/ /rkyen rnams bzhi ste rgyu dang ni/ /dmigs pa dang ni de ma thag /bdag po yang ni de bzhin te/ /rkyen lnga pa ni yod ma yin/ /yod pa min las rkyen med de/ /ji ltar mkha' yi me tog bzhon/ /yod pa 'ang mngon sum nyid kyi phyir/ /dngos po'i rkyen ni ji ltar yin/ /rnam rtog las byung 'jig rten ni/ /rnam rtog sems las yang dag byung/ / sems ni lus las yang dag byung/ /de phyir lus la rnam par spyod/ /gzugs ni dbu ma lta bur gsungs/ /tshor ba chu bur lta bu ste/ /'du shes smig rgyu lta bu dang/ /'du byed chu shing lta bu'o/ /rnam shes sgyu ma lta bu'o/ / zhes pa gang rnams phung por bstan/ /sems can bsam pa'i dbang gis gsungs/ /skad cig mi rtag smra pos so/ /skye ba 'am ni 'gag pa yang/ /sems can tshogs la rab tu grags/ /rtag dang chad pa'i gzugs rnams kyang phra zhing chung ba min par brjod/ /dus gsum shes don cig min te/ /du ma 'ang min par rab tu grags/ /mkha' snang ye shes tshogs la yang/ /'od dang 'gro ba med pa'o/ /ji ltar rnal 'byor spyod gsungs pa/ / ye shes med par smra la bstan/ /rdzogs sangs rgyas kyi dbu ma'i lugs/ /de bzhin ma yin sras la gsungs/ /rta yi rwa rnams bsags pa med/ /nam mkha' i me tog bsags pa med/ /rdul phran rnams ni bsaD pa las/ /lus nyid du ni mngon par brjod/ /bsod nams sdig pa'i rang bzhin sems/ /rnam rtog rtag tu srog chags la/ /de yi rnam rtog las byung lus/ /skye mched drug gi mtshan nyid do/ /nam mkha' med par rgyal bas gsungs/ /skye mched drug gi mtshan nyid ni/ /rdul phran rnams ni bsags pa yi/ /lus 'dir yongs su bsgrags pa'o/ /cha shas yod dam med pa zhes/ /phyogS gnyiS g.yongs su bzung ba las/ /gcad bya g.yon can tshangs pa yi/ /rnam shes smra pa rnams kyis so/ /cha shas med na sbyor ba med/ /cha de cha yi dbye bas te/ /gang tshe phra rab rdul med na/ /de tshe 'gro ba ri bong rwa'o/ /phra rab rdul gyi cha drug ste/ /mo bsham rnams kyi bu nyid de/ /cha rnams cha yis dbye ba yis/ /cha rnams nyams par mi 'gyur ram/ /phra rab rdul gyi cha drug po/ /de rnams yang yang cha yis ni/ /cha dang cha yi cha drug kyang/ /nam mkhar rdzogs pa min nam ci/ /rnam pa med pa'i rnam shes ni/ /cha shas med par yongs su grags/ /gal te rnam shes rnam par bcas/ /cha shas nyid ni 'gal ba'o/ /sngon dang phyi ma'i dbye ba dang/ /g.yon dang g.yas pa'i dbye pa las/ /drug tu phye ba'i rnam shes rnams/ /nyams par gnas pa min nam ci/ /zangs kyi snod du chu zags ba'i/ /cha shas med pa'i phra rab rdul/ /chu la me yis reg pas shes/ /pha rab rdal de cha bcas so/ /zangs sogs snod du bzhag pa na/ /seng ge'i 'o ma mi gnas te/ /de rnamS nyid ni gser gyi snod/ /dri ma med par gnas par nges/ /ro dbang ske tshe'i tshed tsam gyis/ /zangs kyi khur po bsgyur pa ste/ /cha med kun du med pa na/ /cha bcas nyi ma bsgyur ba med/ /'dir ni mang du brjod pas ci/ /'jig rten kun rdzob bden pa las/ /'jig rten so sor bsgyur ba yi/ /ro yi dngos po rtog ges min/ /slar yang ye shes dngos yod ci/ /dam pa'i don de rtog ges min/ /blo bur dri mas g.yogs pa yis/ /sems ni bsgyur ba so so'o/ /blo bur dri ma'i sems med na/ /ring bo'i dus na sems med de/ /sems med skye ba nyams pa dang/ /sems med gnas bzad pa'o/ /gang tshe blo bur nyid kyis 'dir/ /sngon sems dri med de yi tshe/ /gang tshe ring po'i dus kyi sems/ /de tshe de yi srid pa gang/ /gang tshe sems med skye ba na/ /de tshe nam mkha' i me tog bzhin/ /gang tshe sems ni rtag gnas na/ /de tshe kun du thar ba med/ /gang zhig zangs kyi nag po ltar/ /ro yi sbyor pas nyams 'gyur te/ /sems can de nyid nyams mi 'gyur/ /dri med nyid kyis yang dag gnas/ /de bzhin sems kyi dri ma ni/ /stong nyid sbyor bas rnam nyams 'gyur/ /sems can de nyid nyams mi 'gyur/ /dri med nyid kyis yang dag gnas/ /ji ltar ro yi phug pa'i zangs/ /slar yang zangs su 'gyur ba med/ /de bzhin ye shes kyis phug sems/ / slar yang phyugs su 'gyur ba med/ /ro yis zangs ni phug pa na/ /'ga' yang zangs ni med pa ste/ /ye shes kyis ni sems phug na/ /'ga' yang bag chags med pa'o/ /gser du zangs ni rab zhugs na/ /nag por 'gyur ba nges pa ste/ /las kyis mdze nang rab zhugs na/ /sems la yang ni mdze nad 'gyur/ /zla ba rdzogs pa'i gnas skabs gnas/ /ri bong mtshan ma nyams pa med/ /rdzogs pa'i sems kyi gnas skabs gnas// nag po nyid ni nyams pa med/ /nyon mongs bzhi po ye shes kyis/ /thal bar zad par byas min na/ /gzhan du sangs rgyas thams cad ni/ /bzhugs pa'i go 'phang don med do/ /rang bzhin bral pa'i rdzas rnams la/ / rtag tu byis pa rab rtog byed/ /byis pa 'khrul pa 'dzin pa ste/ /sangs rgyas 'phrul pa spangs pa'o/ /rnam 'gyur mi rtag pa la 'gyur/ /rtag pa'i myang 'das gyur la min/ /mya 'das slar yang skye ba ni/ / ji ltar mar me med de bzhin/ /phra rab rdul rnams sbyor ba las/ /sna tshogs skye ba mchog tu med/ /phra rab rdul rnams sbyor bral bas/ /sna tshogs nyams pa mchog tu med/ /phra rab rdul rnams sbyor ba las/ / shing rnams skye ba mchog tu med/ /phra rab rdul rnams sbyor bral bas/ /shing rnams nyams pa mchog tu med/ /phra rab rdul rnams sbyor ba laS// lus rnams skye ba mchog tu med/ /phra rab rdul rnams sbyor bral bas/ /lus rnams nyams pa mchog tu med/ /phra rab rdul rnams sbyor ba las/ /'byung po skye ba mchog tu med/ /phra rab brdul rnams sbyor bral bas/ /'byung po nyaMs pa mchog tu med// phra rab rdul rnams sbyo ba yis/ /sna tshogs cha shas mi 'gyur te/ /phra zhing chung ba sbyor bral bas/ /sna tshogs cha shas de rnams med/ /phra rab rdul rnams sbyor ba yis/ /shing gi cha shas mi 'gyur te/ phra zhing phra ba sbyor bral bas/ /shing gi cha shas de rnams med/ /phra rab rdul rnams sbyor ba yis/ /lus kyi cha shas mi 'gyur te/ /phra zhing phra ba sbyor bral bas/ /lus kyi cha shas de rnams med/ /phra rab rdul rnams sbyor ba yis/ /'byung po'i cha shas mi 'gyur te/ /phra zhing chung ba sbyor bral bas/ /'byung po'i cha shas de rnams med/ /sna tshogs rnam pas gang su la'ang/ /yang dag gnas pa phra rab rdul/ /sna tshogS bsregs na rlung dang ni/ /du ba 'bar ba thal ba 'od/ /shing gi rnam pas gang su la'ang/ /yang dag gnas pa phra rab rdul/ /shing bsregs pa na rlung dang ni/ /du ba 'bar ba thal ba 'ong/ /lus kyi rnam pas gang su la'ang/ /yang dag gnas pa phra rab rdul/ /lus bsregs pa na rlung dang ni/ /du ba 'bar ba thal ba 'ong/ /'byung po'i rnam pa gang su la'ang/ /yang dag bsags pa phra rab rdul/ /'byung po bsregs na rlung dang ni/ /du ba 'bar ba thal ba 'ong/ /rlung giS bye ma sbyar ba la/ /skye med zad par 'gro ba med/ /bye ma ji bzhin lus kyi na/ /phra rab rdul 'di de bzhin no/ /sbyor ba dang ni bral bas kyang/ /thams cad du ni phra rab rdul/ /skye dang zad las nges grol te/ /mkha' la yang dag gnas par nges/ /sangs rgyas zhing ni mdza' yas pa/ /mdza' yas 'jig rten khams rnams su/ /mdza' yas 'gro ba'i lus rnams ni/ /'jig rten khams su yang dag gnas/ /lus la srin bu mdza' yas rnams/ /rang gi las 'bras longs spyod de/ /srin bu gcig ni nyams pa yis/ /gzhan rnams nyams par 'gyur ba med/ /lus gcig nyams par 'gyur ba yis/ /gzhan rnams nyams par 'gyur ba med/ /khams rnams gcig ni nyams pa yis/ /gzhan rnams nyams par 'gyur ba med/ /zhing rnams gcig ni nyams pa yis/ /gzhan rnams nyams par 'gyur ba med/ /cig car skyes pa de rnams ni/ /cig car nyams pa med ba'o/ /sangs rgyas zhing rnams gang du yang/ /sems can 'gro drug rnams su gnas/ /zhing tshig pa na zhing gzhan du/ /'gro ba las la spyod pa'o/ /mtho ris 'jig rten lha gnas dang/ /lha min gnas su lha min te// dud 'gro'i gnas su dud 'gro dang/ /yi dags gnas su yi dags 'gro/ /dmyal ba dmyal bar 'gro ba ste/ /bud med skyes pa mi'i 'jig rten/ /'jig rten 'dren pI rdzogs sangs rgyas/ /chos dbyings gnas su gshegs pa'o/ / 'di ni chos so des par chos/ /phyin ci log tu rab bsgrags pa'i/ /bdag med pa la bdag blo gang/ /de khyod dor cig mi skyod kye/ /zhes pa rang gi lta ba'i 'dod pa mdor bstan pa yongs su brtag par bdag med pa yongs su brtag pa'i le'u ste gsum pa'o/ / //lo sgyus dang ni shed bu'i chos/ /rig byed yan lag bcas dang gso/ /bka' i yas grub pa bzhi po ni/ /gtan tshigs rnams kyis gzhom min lo/ /gang tshe bur? bu'i 'jug ma yis/ /brgyan par byas nas mngon spyod pa/ /de bzhin bram ze'i lo rgyus rnams/ /nam mkha' i gos can pa yi'o/ /rig byed rtag pa lus med kyang/ /gal te lus la khyab pa na/ /de nyid bzung nas grangs can rnams/ /'o ma'i rgya mtshor ji ltar 'jug/ lha min dang ni grangs can de/ / /khyab 'jug? nya yi gzugs kyis bsang/ /de yang tshangs pas byin pa'o/ /rig byed nya yi lo rgyus las/ /tshangs pa'i zhal las spros pa'o/ /mi yi 'jig rten 'dir 'ongs pa// tshangs pa'i zhal du zhugs pa'o/ /dmangs rigs kha las dor zhes grags/ /rig byed zhig ste 'gro ba na/ /'dus ma byas shing khyab pa dang/ /rig byed rtag par ji ltar brjod/ /gnyis skyes kha yis bklags pas so/ /dur bA sa yi dmod pa yis/ /'o ma'i rgya mtshor zhugs pa na/ /gang tshe lha dbang rdzu 'phrul las/ /khyab 'jug dbang phyug de tshe ci/ /dpal mo dang ni zla ba gnyis/ /lha yi dbang po'i min par bsgrags/ /dmod pas dpal mo zla ba dag / 'o ma'i rgya mtshor ji ltar 'jug /stobs ldan gyi ni rgyal srid la/ /rgya mtsho lha dang lha min bsrubs/ /sngon dang phyi ma 'gal ba yi/ /'thad pa min pa mngon par brjod/ /gser 'od kyi ni rgyal srid la/ /lha min lha yi bdud rtsi zos/ /drag po sngon du mgrin sngon dang/ /dug nyams spyi bor zla ba'o/ /khyab 'jug par ma la yar ldan/ /mkha' la zla ba rtag tu gnas/ /stobs ldan srid la bsrubs pa dang/ /man da ra yi bsrubs shing gang/ /man da ra phyung de bzhin na/ /gnod sbyin sogs kyi khyim ni gang/ /lha ma yin gyi lo rgyus kun/ /nyams te phug tu song ba'o/ /nam mkhar ngor nas zla ba ni/ /'o ma'i rgya mtshor zhugs song na/ /gza' tshes rgyu skar sbyor ba dang/ /byed pa sa la med par 'gyur/ /tshangs pa dbang bo khyab 'jug che/ /lha gsuM po ni gzugs gcig na/ /dbang phyug gi ni gzugs gcig gis/ /tshangs pa'i mgo bo bcad pa'ang ci/ /skra dang kany+dzo li kar bcas/ /hUM gi yi ge 'don cing 'don/ /bi bi go gas brgyan pa yis/ /bde 'byung khyab 'jug tshangs pa'o/ /'di ni bden pa gsungs pa ste/ /sngon gsungs don med min nam ci/ /lha gsum po ni gzugs gcig na/ /phan tshun du ni 'khon med dam/ /lha yi rje bo rA ma Na/ /lha yi mchog ni ster ba dang/ /gang tshe tshigs mdza' bden pa na/ /mtshon cha 'dzin pa nyid ni ci/ /dbang phyug gi ni bka' drin gyis/ /rA ma Na la bye ba phrag /phyed dang bcas pa'i gsum gyi lor/ /de 'dir tshe byin brdzun min ci/ /'bum phrag bzhi bcu rtsa gsum dang/ /khri phrag gnyis kyi lo rnams ni/ /rdzogs ldan dus bzhi yi/ /lo yi grangs su rab tu bsgrags/ /stong phrag nyi shu rtsa brgyad dang/ /'bum phrag bcu bdun bshad pa ni/ /tshangs pa grub mthar rdzogs ldan dus/ /lo yi grangs su rab tu bsgrags/ /stong phrag dgu bcu rtsa drug dang/ /'bum phrag bcu gnyis brjod pa ni/ gsum ldan khyab 'jug grub pa'i mthar/ /lo yi tshad du rab tu bsgrags/ /stong phrag drug cu rtsa bzhi dang/ /'bum phrag brgyad ni sa stengs su/ /gnyis ldan lo ma grub pa'i mthar/ /lo yi tshang du rab tu bsgrags/ /stong phrag sum cu rtsa gnyis dang/ /'bum phrag bzhi ni sa stengs su/ /rtsod ldan ma na grub pa'i mthar/ /lo yi chang du rab tu bsgrags/ /lha dang sha za sbyin ma'i bu'i/ /gang 'dir rigs kyis dus bzhi'o/ /de rnams ma la rgyal po min/ /rgyal po'i phreng ba rab tu bsgrags/ /gsum ldan rA ma Na skyes shing/ /gsum ldan rA ma Na bsang pa'ang/ /rtso de ldan gnyis ldan dag dbus su/ /'thab dka' rgyal po bsad pa'o/ /der ni 'jig pa brgyas bsregs nas/ /'thab dka' brgya phrag gnyis na'o/ /rgyal po'i bu rnams gzhan pa yi/ /grangs dang tshad ni gyur pa med/ bye ba phyed du de med na/ / dus rnams yongs su bsgrags pa yi/ /phyed bcas bye ba gsum po ni/ /rA ma Na yi tsher ci 'gyur/ /rgyal dbang nyi shu rtsa bzhir 'gyur/ /'khor lo sgyur ba de yi phyed/ /stobs bzang dang ni nor lha dang/ /nor lha rnams ni so sor dgu/ /sum cu rtsa drug mi rnams kyi'ang/ /phyogs gos can gyis byas pa ste/ /sum cu drug gi lo rgyus kun/ /de rnams gdod nas rnam dpyad med/ /khyu mchog sngon du bur gyur pa/ /dang po mu stegs byed la grag 'khor lo sgyur? ldan bu yang 'di'i/ /dang po b+hA ra ta sa la/ /gzhu ni lnga brgya de yi ni/ /lus kyi tshad du rab tu bsgrags/ /rgyal phran rnams dang 'bangs sogs dang/ /skye dgu rnams kyi rang? de bzhin nyid/ /rgyang grags rgyang grags mdza' yi grong/ /bye ba bye ba'i rigs ldan rnams/ /bya ba bye ba'i thod pa yi/ /thod las pa rnams rgyang grags phyed/ /stong phrag sum cu gnyis gyur gang// rang yul 'khor los sgyur ba yin/ /bye ba'i grong gis gyur pa'i yul/ /'bum phrag grong gis rang dkyil 'khor/ /de rnams yul du longs spyod pa/ /yul rnams tshad kyis rgyal phran te/ /yan lag bzhi yi dpung dang ldan/ /de rnams 'bangs la 'khor lo sgyur/ /'bum phrag brgyad cu rtsa bzhi yi/ /glang chen rnams kyi 'khor lo sgyur/ /rlung gi shugs ldan rta rnams ni/ /bye ba bcwa brgyad rnams su brjod/ /stong phrag dgu bcu rtsa drug gi/ /na chung nyug ru ma btsun mo rnams/ /skye dgu rnams kyi bran g.yog sogs/ /de rnams grangs ni brjod du med/ /de yi grong khyer a yo d+hya'i/ /chur ni dpag tshad bcu gnyis te/ /zheng du dgu pa rab bshad pa/ /thar pa mkhyen pa'i mig gis lo/ /yan lag bzhi yi dpung dang bcas/ /'khor lo sgyur ba stobs po che/ /a yo d+hya yi grong shong ba/ /brdzun tshig las ci de? med do/ /grog sbur tshang du lag ldan gyi/ /khyu rnams shong ba bzhin du brdzun// byis pa rnams kyi smra ba gang/ /de 'dra phyogs gos can pa'i lugs/ /gzhu ni stong phrag gcig pa yi/ /lag ldan tshang du gang gyur pa/ /de tshe lag ldan nyal khang de'i/ /rgyang grags chad la ji ltar 'gyur/ /de tshe rgyal phran la sogs dang/ /na chung nyung rum btsun mo yi/ /khang pa'i shing gi dpangs rnams la/ /dpag tshad gcig pa tsam du 'gyur/ /bsgrags par nges pa'i sa gzhi la/ /sgo rnams thams cad 'phel ba ste/ /skye dgu'i tshad kyi thams cad du// gos dang stan rnams mtshungs pa'o/ /rA ma'i ri sogs brag rnams la/ /stobs ldan biSh+Nu? na la sogs/ /rnams kyis byas pa'i phug dang ni/ /byed pa'i dus rnams sa stengs grags/ /gsum ldan gnyis ldan rtsod dbus la/ /ya ma ag? ni'i bu sogs dang/ /rA ma sogs dang skya seng sogs/ /sngon gyi rgyal pos byas ba na/ /sgo yi tshad sogs mtshungs par 'gyur/ /kun la lhag po 'ga' yang ci/ /sa la mngon sum mthong bas na/ /da lta'ang nyams pa med par gnas/ /de rnams yul dang ri bo dang/ /glu dang mtsho chen de rnams nyid/ /sa yi gzhi la grags pa yi/ /bstan pa rnams dang yi ge'ang de/ /rin chen rnam pa sna tshogs dang/ /rin chen seng ge'i khri rnams dang/ /a yo dya yi grong yang de/ /byis pa sgur 'khyogs sogs de bzhin/ /rA ma de ba'i mgul rgyan gyi/ /phreng ba gcig pur rnam bshad pa'ang/ /rtsod ldan dus kyi mgon po yi/ /mgrin pa'i tshad las lhag pa'ang med/ /gangs can ri yi 'tshams rnams dang/ /grong khyer grangs dang mngon byas pa'i/ /dus bzhi rnams ni grangs dang bcas/ /da lta'ang zhig nas song ba med/ /gau Dar 'bum phrag bcwa brgyad kyi/ /grong na lag ldan rnams kyi bdag / 'bum phrag sum cu rtsa drug grong/ /yul dbus rta yi 'dren pa yin/ /grong khyer 'bum phrag bzhi rnams kyi/ /mi yi dbang po lho'i lam la/ /gsum po de rnams sa la rje/ /glang chen rta dang mi bdag go/ gzhan gang phra mo'i rgyal po rnams/ /yul dang yul la rnam par gnas/ /gsum po rnams kyi 'bangs kun la/ /de rnams brgya phrag re las med/ /nyi ma so sor 'jigs rung ba'i/ /'byung po ther 'bum dmag gis 'joms/ /yul rnams gang du longs spyod de/ /gang phyir yul sogs 'dir 'ong ngo/ /gangs ri'i byang du sa skyongs rnams/ /bod sogs rnams su ba lang za/ /nub tu kla klo'i rgyal po rnams so/ /ba lang gnyis skyes rnams kyang gsod/ /b+ha ra ta yis rnam bshad pa/ /drang srong rgyas pas mkhyen gzigs nas/ /ang gA bdag ki lang gA'i/ /rgyal po sogs kyis yongs su bsgrags/ /'bum phrag re yi lag ldan dbang/ /rgyal po gsum la med pa na/ /phra mo'i yul du stong phrag ni/ /ka ling ka yir ji ltar 'gyur/ /pra mo dzA lan d+ha pa'i yul/ /dpag tshad bcu pa'i sa gzhi la/ /rkang par bcas bgreng 'dum gyi/ /rgyal po 'bum phrag bcu bzhi lo// dpag tshad bcu pa'i tshad can ni/ /rgyal po gang gis sa gzhi la/ /rgyang grags phyed ni mdza' yi grong/ /grong dang grong 'tshams med par 'gyur/ /der ni rgyang grags mdza' yi sdes/ /grong gi grangs kyang lhag par med/ /mkha' mkha' rig byed dus te 'di/ /rgyang grags phyed pa'i sa gzhir gang/ /rkang par bcas pa grong 'bum gyi/ /der ni gnas pa mi shes so/ /de ltar bshad pa la sogs kyi/ /lo rgyus rnams ni bden par med/ /b+hA ra ta dang rA ma yi/ /snyan ngag mu stegs byas pa rnams/ /phan tshun rnam par 'gal bar ni/ /mkhas pa rnams kyis shes par bya/ /zhes pa rang gi lta ba'i 'dod pa mdor bstan pa yongs su brtag par le rgyus dang snyan ngags yongs su brtag pa'i le'u ste bzhi pa'o/ / //rang gi lta ba'i 'dod pa mdor bstan pa yongs su brtag pa 'jam pa'i dbyangs mi'i dbang po grags pas mdzad pa rdzogs so// // gzhung gi tshad ni sho lo ka brgyad cu rtsa brgyad lhag pa'i drug brgya'i grangs so/ /'di ni sgra dang mngon brjod la sogs pa tha snyad kyi gtsug lag rnams la blo'i snang ba rgya cher rgyas pa bal po'i paN+Di ta ny+dzu? sh+rI dang/ /mkhas pa'i dbang po dpal ldan blo gros brtan pa'i bka' drin la brten nas/ /lo tsA bar gtogs pa shAkya'i dge slong ches graD dpal bzang pes/ dpal sa skya'i gtsug lag khang chen por/ /gangs ri'i khrod du sngon chad ma byung ba 'di legs par bsgyur pa'o/ / //'gran phyir ma yin grags pa 'dod phyir yin/ /ston dang bstan bcos dag la gus phyir dang/ /dam pa 'ga' yi bka' yis bskul ba'i phyir/ /gangs can khrod na sngon chad med 'di bsgyur/ /'di las bskrun pa'i dge ba ci mchis pa/ /de yang 'gro ba'i byang chub don du bsngo/ /bdag kyang gang la gang 'dul skad rnams kyis/ /mdza' yas 'gro la dam chos ston par shog /bod la bka' drin che ba 'jig rten mig / kun gyi phyi mo 'thon mi sab+ho Tas/ /mdzad pa'i yi ge'i gzugs dang brnga mkhas pa'i/ /yi ge pa dag gis kyang 'di rtogs shog/ /rnam par shes pas dpyod pa la/ /rnam par g.yeng bas g.yengs pa'i phyir/ /rnam par ma dag mchis srid na/ /rnam par byang ba rnams la bshags/ /slar yang bzang ldan dben pa'i gnas su rgya dpe dang gtugs pa'i zhus ngag kyang grub par gyis so// // rdo rje tshig gi rnam par dbye ba yi/ /de bzhin mig rgyu zhes bya'i mtshan nyid kyang/ /sa phyogs tsha sgo can la nye bar gnas/ /nyi ma'i gdungs dang ser bu'i 'jol phyogs 'bab/ /rgyad nas lhas pas chu klung gang bar mthong/ /de nyid byung yang snang ba 'gags pa'i yang/ /snang dang mi snang dbyer med mtshan nyid 'das/ /rmi lam zhes bya skyes bu gnyid log pa'i/ /gnyid nang kun dga' rab skyed mo'i tshal/ /longs spyod sna tshogs dmigs cing snang gyur kyang/ /btson? ra khri mon sdug bsngal sna tshogS snang/ /skye dang gnas dang 'gags par gyur pa'i tshe/ /don gyis cha gzhan grub par byas pa med/ /gzugs brnyan zhes bya me long dag pa la/ /sna tshogs gzugs su snang ba gyur pa dang/ /skye 'gag la sogs rnam bzhag gzhan med paS// snang dang mi snang dbyer mad mtshan nyid cig / sbrul pa zhes bya ye shes ting 'dzin nam/ /rig sngags grub pa'i mthu las byung gyur pa/ /me tog kha dog dbye ba'i rnam pa yis/ /de bzhin gshegs pa la sogs snang bar 'gyur/ /de bzhiN phyi nang dngos po sna tshogs snang ba dag / ji srid gzung dang 'dzin pa'i rnaM par rtog pa yis/ /bag chags dbang gis nye bar gnas pa de srid du/ /dngos po sna tshogs snang ba 'byung bar gyur pa rnams/ /dngos po byung tshe gang nas ma byung la/ /snang tsam nyid na bag chags dbang gis snang/ /gzung 'dzin gnyis kyis bag chags zad pas na/ /mi snang gyur tshe gang du 'ang song ba med/ /khyod kyis sgyu ma sems dang sems byung dang/ /tshor ba 'du shes nye bar mi spyod cing/ /'gro ba'i phung po sems dang sems byung dang/ /tshor dang 'du shes nye bar spyod pa can/ /mgo mi mtshungs zhes yid gnyis byed gyur na/ /mtshungs par sgyur pa'i sgyu ma la sogs pa/ /drang srong dag la b+ha le bcol ba 'am// bzang po'i sgyu ma'i thub la gdugs tshong phul/

CLOSE WINDOW