བོད་ཡིག

e-texts based on the ACIP/ALL Input

/bla ma 'di dag gi sku brnyan bkod pa'i yi ge so so las// //dge slong rgya mtsho'i sdeS? bsgyur ba'o// dge'o// */ /dus kyi 'khor lo'i rgyud kyi snying po'i 'grel pa dri ma med pa'i 'od ces bya ba bzhugs/ /rgya gar skad du/ ka la tsag kra tan tra/ bri ti bi ma la pra b+ha na ma/ bod skad du /dus kyi 'khor lo'i rgyud kyi snying po'i 'grel pa dri ma med pa'i 'od ces bya ba/ 'phags pa spyan ras gzigs dbang phyug la phyag 'tshal lo/ /'phags pa 'jam dpal gzhon nur gyur pa la phyag 'tshal lo/ /dpal dus kyi 'khor lo la phyag 'tshal lo/ /stong pa snying rje gnyis med pa'i/ /srid gsum skyes dang zad pa med/ /ye shes shes bya'i bdag nyid sku/ /rnam pa bcas pa med byed pa/ /bcom ldan shes rab ma de 'khyud/ /'phel dang 'bri ba spangs pa ste/ /'gyur ba med pa'i bde chen po/ /rgod la sogs pa'i bde spangs pa/ /sangs rgyas rnams ni skyed byed pa/ sku gsum po dang lhan cig cing/ /dus gsum yang dag rig pa'o/ /thams cad mkhyen pa dam pa ni/ /dang po sangs rgyas bcom ldan 'das/ /gnyis med de la phyag 'tshal lo/ /'jam dpal gyis ni bskul nas su/ /yan lag drug pa'i rgya cher 'grel// pad+ma dkar pos bri bar bya/ /thams cad mkhyen pa'i ye shes sku/ /nyin mo byed pa'i 'od lta bu/ /pad+ma 'dab ma 'dra ba'i spyan/ /sangs rgyas zhes yi ge nyi shu rtsa gsum gyis ston pa po bsdus par bcom ldan 'das kyis mdzad do/ / seng ge'i gdan bzhugs pa zhes pa'i yi ge lngas gnas bsdus par mdzad do/ /lha'i mchog gis phyag byas pa zhes pa'i yi ge bdun gyis 'khor chen po bsdus par mdzad do/ /mgo bo yis ni phyag 'tshal te/ zhes bya ba la sogs pa tshig gaM rkang bzhi yi ge nyi shu rtsa brgyad kyiS gsol ba 'debs pa po bsdus pa mdzad do/ /dpal dus kyi 'khor lor sbyor ba ni/ brtsod pI ni dus dag gi zhes pa'i yi ge bcu bzhi yis chos ston pa bsdus pa mdzad do/ /mi rnams 'gro ba'i rgyu ru zhes pa'i yi ge bdun gyis dgos pa dang dgos pa'i dgos pa bsdu par mdzad do/ /ji lta ba'i rim pas yi ge brgyad cu rta bzhi po 'di rnams kyis/ ston pa po dang/ gnas dang/ 'khor chen po dang/ gsol ba 'debs pa po dang/ chos ston pa dang/ dgos pa dang/ dgos pa'i dgos pa bsdus par mdzad do/ /de bzhin gshegs pas lung bstan pa'i bcom ldan 'das 'jam dpal gyis rtsa ba'i rgyud kyi rgyal po las bsdus pa'o/ /rgyud kyi rgyal po thams cad du 'di skad bdag gis thos pa la sogs pa gsung pa ma yin nam/ ji ltar rgyud 'dir 'di skad bdag gis la sogs pa dang bral bar bstan pa de/ 'di skad bdag gis la sogs pa bzhugs pa'i gnas ston pa mad pa'i phyir/ rgyud 'di sangs rgyas bcom ldan 'das kyis bstan par mi 'gyur ro zhe na/ de ni ma yin te/ ci'i phyir zhe na/ chos ston pa po don la ston pa yin pa'i phyir dang/ sdud pa po rnams kyan yul sna tshogs pa'i skad kyi khyad par gyis sdud par byed pa'i phyir ro/ /da ni spyod ba'i yan lag drug brjod par bya ba'i phyir/ so sor sdud pa zhes bya ba la sogs pa gsungs te/ 'dir so sor bsdud pa ni dang po'i las can gyi'o/ /rgyal ba'i dbang po zhes pa ni ye shes kyi phung po'o/ /de yang mtshan ma'i dbye bas rnam pa bcu ste/ du ba dang/ smig rgyu dang/ mkha' gsal dang/ mar me dang/ 'bar ba dang/ zla ba dang/ nyi ma dang/ sgra gcan dang/ dus me dang/ thig le mthong ba'i dbye bas brtags pa ni ye shes kyi phung po'o/ /shes pa gnas gyur pa ye shes kyi cha du ma'i rtags de bzhin bsam gtan mi bskyod pa zhes pa ni/ ye shes kyi phung po rnam pa bcu yul dang yul can rnams kyi chos gcig pa nyid sna tshogs pa'i sku ste/ bsam gtan no/ /srog dang rtsol ba ral gri can zhes pa la ral gri can ni 'du byed kyi phung po'o/ /srog? dang rtsol ba ni g.yon dang g.yas kyi dkyil 'khor bcu gcig tu 'dres par gyur pa'i phyir ro/ /slar la yang ni rnam pa bcu/ /gzung ba rin chen phyag rgya can zhes pa ni tshor ba'i phung po'o/ /srog gi gzung ba ni lte ba dang/ snying ka? dang/ mgrin pa dang/ dpral ba dang/ gtsug tor gyi pad+mar 'gro ba dang/ 'ong ba'i dbye bas rnam pa bcu'o/ /g.yung mo rjes su dran pa ni/ pad+ma 'dzin pa ru ni 'gyur/ zhes pa ni 'du byed kyi phung po ste/ rnam pa bcu'o/ /rjes su dran pa de la yang g.yung mo dbu ma'i rtsa'i 'dud pa bcu'i gnas skabs kyi dbye ba nyid do/ /dpal gyi ting 'dzin 'khor lo can/ /zhes pa la/ 'khor lo can ni rnam par snang mdzad te/ ting nge 'dzin ni rlung rnam pa bcu 'gog pa nyid do/ /de ltar bcom ldan 'das mi gnas pa'i mya ngan las 'das pa nang gi rlung zhes pa'i don to/ /re re yang ni lngar dbye ba zhes pa ni/ sbyor ba re re la dkyil 'khor lnga lngar 'gyur ro/ /a la sogs pa dang gal? sogs pa ni/ dbyangs dang gsal? byed de g.yon dang g.yas nas sreg rgyu ba 'gog pa'i don to/ /da ni saur sdud pa la soD pI mtshan nyid brjod pa'i phyir/ so sor sdud pa zhes bya ba la sogs pa gsungs te/ 'dir so sor sdud pa zhes bya ba ni lus la yul dang yul can rnam pa bcu rnams kyis 'brel pa'i sems mi 'jug cing stong pa'i sku'i yul rnams la gzhan dmigs la sogs pa rnam pa lnga 'jug pa'o/ /de bzhin du de nyid kyi sku la shes rab zhes pa/ snang bas rtog pa zhes pa stong pa'i dngos po 'dzin pa dang/ dpyod pa zhes pa de'i don nges pa dang/ dga' ba dang mi g.yo ba'i bde ba zhes pa ni stong pa'i sku dang lhan cig sems cig tu byed pa'o/ /de bzhin du bzung pa dang 'dzin pa'i dbye bas bsam gtan rnaM pa bcu'o/ /'dir srog dang rtsol ba zhes ya gnyis kyi lam ni g.yon pa dang g.yas kyi lam mo/ /mi 'khrug pa zhes pa ni dbus kyi lam du 'jug cing 'gog pa'o/ /de yang rlung rnam pa bcu 'gog pa'o/ /'dir thig ler srog 'jug cing zhes pa ni/ dpral bar srog 'jug pa'i// gnyi ga'i 'gro dang 'ong ba zhes pa ni 'gro dang 'ong ba dang nyal ba ste/ srog dang thur pa la 'dus shing sems gcig pa zhes pa'o/ /gtum mo'i ni snang ba gang zhes pa ni gtum mo'i 'od zer gyis srid pa gsum gsal ba'o/ /nam mkha' de ni rjes su dran zhes bya ba ni sngon du gsungs pa'i rnam pa bcu rjes su dran pa'o/ /shes rab thabs kyi bdag nyid kyi zhes pa ni shes bya dang ye shes gcig tu 'dres par gyur pa'i mi 'gyur ba'i bde ba'i dbang gis ye shes kyi sku ni ting nge 'dzin te/ de yang srog la sogs pa rnam pa bcu med pa nyid do/ /de ltar spyor ba drug gi bsgrub thabs 'di ni chung du la sogs pa'i dpye bas bsgrub thabs rnam pa gsum du yang 'gyur te/ sna tshogs kyi bdag po dus kyi 'khor lo'o/ /phyag rgya gsum dang tshad ni gsum/ /rnam pa gsum gyi 'gro dbang gis zhes pa ni/ 'dir byang chub kyi sems mi 'jigs par 'gro ba ni chung ngu tsam mo/ /mthun par 'gro ba ni 'bring tsam mo/ /rgyu 'thun par 'gro ba ni chen po tsam mo/ /'di rnams la las kyi phyag rgya ni mi 'dzag pa'i bde ba ster bar byed ma'o/ /ye? shes kyi phyag rgya ni 'thun pa'i bde ba ster bar byed ma'o/ /phyag rgya chen po? ni rgyu 'thun pa'i 'bras bu ster bar byed ma'o/ /de ltar yan lag drug gi sbyor ba phyag rgya gsum gyi sbyor bas phyag rgya gsum gyi bsgom pa bcom ldan 'das kyis gsungs te/ rnal 'byor pas sangs rgyas nyid kyi phyir yan lag drug gi sbyor ba bsgom par bya'o/ / nga ni so sor sdud? pa la sogs pa'i 'bras bu brjod pa'i phyir/ so sor sdud pa zhe pa la sogs pa gsungs te / 'dir rnal 'byor pa gang gi tshe so sor sdud pas dag par 'gyur te/ stong pa'i sku la brtan par gyur ba de'i tshe/ sngags thams cad kyis byin gyis brlabs pas tshig gis mchog la sogs pa ster bar 'gyur ro/ /bsam gtan sbyor ba dag pa yis/ /mngon shes lnga ni thos par 'gyur zhes pa ni/ 'dir dmigs mi 'dzum par 'gyur ba'i bsam gtan dag pas lha'i dmigs la sogs pa thob par 'gyur ro/ /de bzhin du lha'i rna ba la sogs pa yang thob par 'gyur ro/ /srog dang stsol pa dag pas na zhes paS ni 'di nas 'khyor? ba gang gi tshe nyi ma dang zla ba'i lam dang bral bar gyur pa de'i tshe srog dag pas rtag tu dbus man sa rgyu bar 'gyur te/ de byang chub sems dpas mchod de bsngags par 'gyur zhes pa'i don to/ /gzung ba'i ni stobs kyis ni zhes pas ni/ srog 'gro ba dang 'ong bzad pas gcig tu 'dres par 'gyur ro/ /nyon mongs la sogs bdud 'joms shing/ /stobs bcu la ni 'jug par 'gyur zhes pa ni stong pa nyid kyi sku la sems gzung bar 'gyur ba'o/ /rjes dran gyis ni dag par 'gyur zhes pa ni/ 'dir rjes su dran pa stong pa'i sku la 'khyud pas sems kyi rnam par rtog pa thams cad dang bral ba po de'i dbang ni bsaM ba dang lhag pa'i bsaM pa sbyor ba shes rab smon laM theg pa spyod pa rnaM par 'phrul pa chos dang chos kyi 'khor lo bskor ba'i stobs so/ 'bu ta'i stobs dbang gnas dang gnas ma yin pa mkhyen pa'i stobs dang las dang rnam smin mkhyen pa mos pa sna tshogs mkhyen pa/ /bsaM sna tshogs mkhyen pa dbang po mchog dang mchog ma yin pa mkhyen pa thaM cad 'gro ba'i laM mkhyen pa/ bstaM? dang rnaM par thar ba mkhyen pa/ ting nge 'dzin dang snyoM par 'jug ba mkhyen pa kun nas nyon mongs pa dang rnaM byang ldang ba mkhyen pa/ sngon gyi gnas rjes su dran dang 'chi 'pho ba dang skye ba zag pa zad pa'i stobs so/ /de'i phyir dag pa gang gi tshe/ de'i tshe dri ma med pa'i 'od 'phro ba'i dkyil 'khor du 'gyur ro/ /gzhan yang gi sgras ni ba spu'i bu ka nas 'od zer lnga 'phros pa'o/ /ye shes kyi sku las zhes pa ni/ stong pa'i sku las phyung ba'o/ /de'i phyir dag pa'i ting nge 'dzin gyis zhes pa ni 'dir gzung ba dang 'dzin pa'i sems kyi sbyor ba dag cing gcig pa nyid kyis gang gi tshe mi 'gyur ba'i bde bar 'gyur ba de ni ting nge 'dzin du brjod do/ /de'i phyir ting 'dzin dag pa dri ma med par song ba'o/ /nyi ma cung zad tsam gyis ni zhes pa ni lo gsum dang zla ba phyed dang gnyis kyi nyi ma rnaMs kyis ? lus ngag yid kyi sgrib bsangs/ ye shes kyi lus 'grub ste/ dbang bcu la sogs pa brnyes pa'i byang chub seMs pa? 'gyur ro/ /so sor sdud pa la sogS gI nges pa'o/ /da ni btsan thabs kyi sbyor ba brjod de/ 'dir gang gi tshe so sor sdud pa la sogs pa rnams kyis stong pa'i sku mthong nas mi 'dzug? pa'i dbang skad cig la bde ba bskyed/ spog? gzir ba med pa'i phyir de'i tshe sgra tsam la goms pas 'chang bzhin pa'i ? thabs kyi sngon du dbu mar rgyu ba nyid dang/ shes rab kyi pad+mar song ba'i rdo rje nor bur byang chub sems kyi thig le 'gog pas rgyu mthun pa'i mi 'dzag pa'i skad cig la bsgrub par bya ste/ btsan thabs kyi sbyor ba'o/ /da ni stong pa nyid kyi sku bsgrub pa'i phyir lta ba brjod de/ bsnyen ba zhes bya ba la sogs pa gsungs te/ dang po du ba la sogs pa'i mtshan ma'i bsgom pa de'i bsnyen pa la/ dang po'i sbyor ba du ba la sogs pa'i mtshan ma 'dzin pa'i sems kyis so/ /de yang rnam pa bcu ste/ du ba la sogs pa dang lhan cig yid ches par 'gyur ro/ /des na rnam pa bcu'o/ /de yang 'khor lo can te gtsug tor gyi'o/ /khro bo'i lta ba ni steng du lta ba ste/ dmig mi 'dzum pa las mtshan mar 'gyur ro/ /mtshan mo'i sbyor ba ni rnam pa bzhi'o/ /nyin mo'i sbyor ba rnam pa drug go/ de nas sku nyid sku'i mthar thug par bsnyen pa'i yan lag du 'gyur ro/ /so sor sdud pa dang bsnyen pas so/ /bgegs ni mthar byed kyi lta dang? zhes pa bgegs mthar byed ni bdud rtsi 'khyil ba'o/ /de'e? ltaM? ba ni bdud rtsi'i gnas su song ba ste dpral bar song ba'o/ /bgegs mthar byed de'i lta ba bdud rtsi'i lam du song ba la yang bsnyen pa ste/ yan lag drug go /yang gi sgras ni ? dang skol? ba bzung bar bya ste/ srog gi gzugs mthong nas so/ /nye ba'i bsnyen pa'o/ /shes rab la spros zla thig le zhes pa ni 'dir shes rab la chags pas spros pa'i zla ba'i thig le'o/ /de yang shes rab ma dang sbyor ba las byung ba'i byang chub sems rdo rje nor bu'i nang du song ba'o/ /yi ge gsum zhes pa ni ye ge gsum gyi sbyor bar 'gyur te/ gsang ba dang/ lte ba dang snying khar sbyar bar 'gyur ro/ /bsgrub pa'i yan lag gsum par 'gyur ro/ /de ltar bsgrub pa'i yan lag du bya'o/ /bde ba ma nyams gcig zhi ba zhes pa ni 'dir byang chub seMs kyi sems gang bde ba mi nyams pa'i skad cig po de ni zhi ba zhes brjod de/ lhan cig skyes pa'o/ /bsgrub chen ye shes skyong? ba zhes pa ni sems mi 'dzag pa'i bde ba dang lhan cig du gcig pa nyid do/ /bsgrub pa chen po'i yan lag bzhi pa'o/ /de ltar ye shes kyi bsgrub ? pa'o/ /lha bsgrubS pa'i phyir sngon du gsungs pa'i bskyed pa ni 'jig rten pa'o/ /rdzogs pa'i rim pas de kho na nyid bsgrub pa ni 'jig rten las 'das pa'o/ /'di ltar sangs rgyas rnams kyis chos bstan pa /bden pa gnyis la yang dag brten/ /'jig rten kun rdzob brten pa yis/ /kun rdzob dang ni don dam nyid zhes te/ bcom ldan kyi nges pa'o/ /yang rim pa gnyis pa yang dag rten/ /rdo can gyis bdag la bstan/ /bskyed pa'i rim pa gcig yin te/ gzhan ni rdzogs pa'i rim pa'o/ /de bzhin du lha bsgrub pa la rnam par rtog pa bsgom pas so/ /de kho na nyid bsgrub pa la rnaM par rtog pa dang bral bas so/ /yan lag bzhi'i tshul lo/ /da ni srog dang rtsol ba'i mtshan nyid brjod pa'i phyir/ /srog ces bya ba la sogs pa gsungs ste/ 'dir stong pa nyid kyi sku mthong nas rnal 'byor pas gang srog dang rtsol ba 'gro ba'i bar du bya ba de ni mgon bar mi byed cing/ de yang mnyam pa'i 'bras bu ster bar 'gyur ba'o/ /de las steng du mi phan pa zhes pa ni/ 'gon ba de srid du mi phan pa ste/ 'chi ba'i 'jigs pa byed par 'gyur zhing phung po'i 'jigs pa'i rgyur 'gyur ro/ /'on te rnal 'byor kyi stobs kyis gtsug tor phyed nas srog 'gro ba'i rnal 'byor pa ni mchog tu bde ba'i go 'phang stong pa nyid kyi sku la gcig du sbyor ba nyid do/ /de bzhin du phung po med pa rnal 'byor pa mnyam pa'i 'de ba zhes pa'i sangs rgyas kyi skur 'gyur ro/ /rnal 'byor zhes pa ni rnal 'byor kyi sems 'gro ba'o// 'on kyang 'jig rten grags pa med zhes pa ni rnal 'byor pa ni shi zhes pa'i grags pas nyams pa'o/ /srog dang stsol pa'i nges pa'o/ /dbus su sron? zhes pa la sogs pa ni go sla'o/ /da ni lha rnams gshegs su gsol pa brjod pa'i phyir/ gtsug tor zhes bya ba la sogs pa gsung te/ 'dir dkyil 'khor rgyal po mchog dang/ /las rgyal po mchog dang/ thig le'i rnal 'byor dang/ phra mo'i rnal 'byor bsgoMs naS mchod de/ mchog sbyin rdo rje mchog khyod 'dud zhes bya ba la sogs pas bstod pa byas nas/ de'i rjes su dkyil 'khor gyi lha rnams gshegs su gsol ba'i phyir / gtsug tor du rdo rje rtse lnga pa bsgom par bya'o/ /de'i lte bar bde ba chen po'i dkyil 'khor gshegs su gsol lo/ /de'i phyi'i rwa nyis 'gyur bI rwa brgyad bus kyi rwa dang lhan cig rtse dgu pa'i rdo rjer gyur pa ni/ snying ka chos kyi 'khor lo'o/ /de'i lte bar du ba ma la sogs pa rnal 'byor gshegS su gsol lo/ /de ni gnyis su bsgres pa zhes pa ni/ rwa bcu drug dbus kyi rwa dang lhan cig rtse bcu bdun pa ni/ lhan cig skyes pa zhes pa dpral bar ro/ /de'i lte bar phung po dang/ khams kyi lha rnams gshegs su gsol lo/ /de'i gzhan yang nyis 'gyur zhes pa ni/ /rwa sum cu rtsa gnyis dbus kyi rwa dang lhan cig tu rwa sum cu rtsa gsum/ longs spyod zhes pa mgrin par ro/ /de'i lte ba la skye mched bcu gnyis kyi lha dang/ khro bo bzhi'i lha rnams gshegs su gsol lo/ /de'i yang ni gzhan yang nyis 'gyur zhes pa ni rwa? drug cu rtsa bzhi dbus kyi bu? dang lhan cig drug cu rtsa lnga'i rdo rje/ sprul ba zhes pa lta ba'i 'khor lor? ro/ /de'i lte bar dgang byad ma lo sogs pa dang/ 'jigs ma la sogs pa'i dkyil 'khor drug cu rtsa bzhi rgyu ba dang/ stong de? bzhI? rigs can gshegs su gsol lo/ /de ltar rnam pa bdun gshegs su gsol lo/ /de'i nang du rtse gcig ni zhes pa ni / de rnams kyi nang du sngon du gsungs pa'i rtso gcig pa rwa dbu ma'o/ /mnyam pa'i bde ba 'bras ster ba/ gsang ba'i pad+ma'i nang gnas pa ni/ der yang rwa sum cu rtsa gnyis 'dab ma'i grangs dang mnyam pa'i rdo rje'o/ /de'i lte bar 'od zer can la sogs pa rnaMs gshegs su gsol lo/ /de bzhin du las kyi 'khor lo rdo rje bsnams byas te/ de rnams kyi lte ba rnams su lha bcu gnyis 'khor dang bcas pa de rnaMs gshegs su gsol lo/ /de bzhin du bya ba'i 'khor lor klu rnaMs dang/ kyi gdong ma la sogs pa rnaMs gshegs su gsol par bya'o/ /de naS thun gsuM du sngon du gsungs pa'i cho gas gtor ma sbyin par bya'o/ /sngon gyi cho gas bdud rtsi lnga sbyangs nas de bdag nyid kyang tshim par bya'o/ /de ltar dus kyi 'khor lo'i bskyed pa'i rim pa dang rdzogs pa'i rim pa'i sgrub thabs bcom ldan 'jam dpal gyis gsungs so/ /da ni rnal 'byor gyi spyod pa bdud? pa'i phyir/ rnal 'byor pa dag zhes bya ba la sogs pa gsungs te/ 'dir rnal 'byor pa'i spyod pa ni rnam pa gnyis te/ gcig ni phyi'i'o/ /gnyis pa ni nang gi'o/ /de la gang phyi yin pa de ni 'jig rten pa'i 'bras bu'i rgyu'o/ /gang yang nang gi yin pa don 'jig rten 'das pa'i 'bras bu'i rgyu ru rnal 'byor pas rig par bya'o/ /'dir rnal 'byor pa nyin dang mtshan du srog gcod pa byed pa de ni rang gi lus kyi srog 'jig par gsungs te/ thams cad mkhyen pa'i go 'phang thob par bya ba'i phyir ro/ /phyi'i srog gcod pas ni ma yin no/ /'dir gang gi phyir srog gcod par gsungs pa ni/ gdul dka' ba 'dul ba'i phyir te/ des de rnams kyi srog rnal 'byor gyi stobs kyis bkug ste/ yang de'i lus la rnal 'byor pa yis gzhug par bya'o/ /de ltar gdul dka' ba 'dul bar 'gyur te/ gdul dka' ba 'dul ba ma rtogs par ni rnal 'byor pa 'grub par mi 'gyur ro/ /sgra gang dag dang bral ba zhes pa ni/ 'dir thams cad mkhyen pa'i gsung ni skad thams cad de/ gang gi phyir sems can rnams kyi snying la yong par 'gyur ba rang rang gi skad kyi khyad? par? gyis da nyid du mi gnas te/ thams cad kyi skad yin pa'i phyir ro/ /mi gnas ba'i phyir rdzun du smra bar brjod do/ /phyi ru yang sems can gyi don gyi phyir/ sgyu 'phrul chen mo cher drag pa/ /'byung dang sdud par byed pa po/ /zhes bya ba la sogs pa'i tshig gdul ba'i sems can gyi don du gsungs pa dang/ de bzhin du dbang po'i ? skyes de kho na/ /sangs rgyas nyid kyi 'bras bu ster/ /gsung gi rdo rje 'dzin rnam pa/ /btsun mo rdo rje zhes pa la sogs pa'i tshig ni rdzun du smras pa'o/ /sems can rnamS bslu ba'i phyir dang/ gsang pa'i phyir ni ma yin te/ sangs rgyas pa'i rnal 'byor pas grub pa'i phyir rdzun du smra ba'o/ /'dir thams cad mkhyen pas sa bcu gnyis kyi yon tan gad 'dzin pa de bzhin du/ rnal 'byor pa'i lus la sgrib pa dang bral ba skyes nas/ des de rnams 'dzin par gsungs so/ /de bzhin du phyi ru yang sems can la phan gdags pa'i phyir dang/ gter bsrung ba po rnams ngan 'gro las thar pa'i don du gter la sogs pa gdon par bya'o/ /gang bde ba'i thig le khu ba ma lhung bar gyur pa de ni/ gzhan gyi bud med sten pa'o/ /gzhan ni rdo rje sems dpa' 'khor ba'i pha rol tu phyin pa'o/ /bud med ni shes rab kyi pha rol tu phyin pa 'khor ba'i pha rol tu son pa'o/ /de'i bud med ni gzhan gyi bud med do/ /de'i sten pa ni chags pa dang bral ba ma yin pa mi 'dzag? pa'i bde ba rnal 'byor pa rnams kyi'o/ /phyi ru yang dbang la sogs pa'i dus su rang gi chung ma la sogs pa byin pa'o/ /de'i bsten pa ni gzhan gyi bud med bsten pa'o/ /chags dang bral min zhes pa ni/ ji ltar bdag nyid kyi dam tshig gis chags pa dang bral bar mi 'gyur zhing dam tshig mi nyams par zhes pa'i don to/ /srog dang stsol ba'i me yis ni zhes pa ni 'dir srog 'gog pas gang gtum mo'i me sbar ba de ni srog dang stsol ba zhes brjod te/ des na srog dang stsol ba'i mes so/ ri bong can yang zhu ba'i zhes pa ni byang chub sems bzhu ba'i thig le'i gzugs ni btung bar bya ste/ rdo rje'i kha nas steng du gang lhan cig skyes pa'i dga' ba skyed par byed pa ni rnal 'byor pa'i chang gi btung bar gsungs so// phyi ru yang dbang la sogs pa'i dus su phyi'i lha rnams kyis gtor ma'i don du gsungs pa'o/ /the bong gi tshigS nas gtsug tor du zhes pa ni/ 'dir 'dod pa'i bstan chos las thos pa bzhin 'dir dkar po'i phyogs la rkang pa g.yon pa'i mthe bo nas gtsug tor du tshes gcig la sogs pa 'phel zhing zla ba'i cha 'phel ba nya'i mthar thug par ro/ /rang gi sems zhes pa ni byang chub sems tshes kyi dbang giS 'gro pa'o/ /yang gtsug tor nas rkang pa g.yas pa'i the bong du nag po'i phyogs kyi tshes kyi dbang gis 'dir 'gro bar 'gyur te/ ji srid du nag po'i phyogs kyi mthar thug pa ste/ rnam stong la thug par ro/ /de ltar nag po'i phyogs kyi mthar thug par byang chub sems rkang pa'i sor mo rnams kyi bar du 'gro bar rig par bya'o/ yang zla ba gzhan gyi yang dkar po'i phyogs la lus g.yon par sngon bzhin no/ /de la dang po rkang pa g.yon pa'i sor mo'i tshigS la tshes dang po'o/ /gnyis pa la gnyis pa'o/ /gsum pa la gsum pa'o/ /long bu'i tshigs la bzhi pa'o/ /pus mo'i tshigs la lnga pa'o/ /rked pa dang brla'i tshigs la drug pa'o/ /lag pa g.yon pa'i sor mo'i chigs? dang po'i tshigs su bdun pa'o/ /tshigs bar mar brgyad pa'o/ /tshigs gsum par dgu pa'o/ /lag pa'i tshigs la bcu pa'o/ /gru mo'i tshigs su bcu gcig pa'o/ /phrag? pa dang dpung pa'i tshigs su bcu gnyis pa'o/ /snying khar bcu gsum pa'o/ /mgrin par bcu bzhi pa'o/ /dpral bar nya'o/ /gtsug tor du nya'i mthar ro/ /yang dkar po'i phyogs kyi'o/ /yang dpral bar nag po'i tshes gcig go/ mgrin par gnyis pa'o/ /snying kar gsum pa'o/ /g.yas kyi dpung 'go'i tshigs su bzhi pa'o/ /de rnams kyi g.yon nas lugs las bzlog pas g.yas kyi rkang pa'i sor mo rtse mo rnams kyi mthar thug par ji srid gnam stong gi bar du byang chub kyi sems kyi rgyu ba'o/ /rnal 'byor ma'i spyod pa de/ nyi ma re re'i dus su ni/ /'dod pa'i dngos grub rab tu ster/ zhes pa ni 'dir byang chub kyi sems g.yon dang g.yas kyi rtsa nas rgyu ba'i dbang gis g.yon dang g.yas su song ba dus thams cad du dbu ma nas rgyu bas gsang ba la sogs pa'i pad+ma drug rnams la/ 'og tu song nas steng du 'gro ba zhes pa'i spyod ba de'o/ /'dod pa'i dngos grub ni phyag rgya chen po'i dngos grub po/ /de'i rab tu ster ba ni 'dod pa'i dngos grub kyi rab tu dbye ba grub pa'o/ /phyi ru yang de bzhin gshegs pa lnga'i rigs kyi bud med rnams 'dzin pa'o/ /de bzhin du bud med spyod pa shin tu bsrub/ /tshangs spyod de bzhin bsam gtan ni/ /zhes pa rnal 'byor pa rnams kyis bya'o/ /de bzhin du rtsa'i rgyu ba'i sbyor ba las/ /byang chub sems ni dgug par bya/ zhes pa ni/ 'dir sngon bzhin du byang chub sems 'gro bar bya zhes bya ba ste/ rtsa ba'i rgyud kyi nges pa'o/ /bud med kyi spyod pa nges pa'o/ /spyod pa 'dod dang lus dro dang zhes pa nas 'dir bsgoms nas ni bsgrub par bya zhes pa'i bar ni go sla'o/ /des na 'dir ma spros so/ /rdzogs sangs rgyas kyis lung bstan pas/ /rab mchog thub pa yin ni tshogs/ /sangs rgyas pa la gzung pa'i phyir/ /shes rab ye shes dbang byin te/ /mchog 'di snying rje dag gis ni/ /dus kyi 'khor lor bstan pa yin/ /'jam pa'i rdo rje gang giS ni/ /yan lag drug pa'i bsgrubs thabs rgyud/ /dang po'i sangs rgyas las ni gtus/ /dpal ni ka pa la'i ni/ /rgyal po grags pa zhes bya'i sras/ /rgyal po dpal ni snyigs ma'i mgon/ /rdzogs sangs rgyas kyiS 'u da bstan cing/ /dpal ldan grags pa rab dgyes pa'i// thugs kyis yang dag par bskul bas/ dpal ldan rtsa ba'i rgyud rjes 'brangs/ /bsdus pa'i rgyud snying rdo rje'i tshig/ gsal br ston byed rgya cher 'grel/ /byas pa'i bsod nams gang thob pa'i shin tu dri med rgya chen po/ /pad ma dkar po lta bu des/ /rdo rje 'dzin gyi la ma rnyed nas/ /'gro kun rdzogs sangs rgyas 'gyur cig// //dpal dus kyi 'khor lo'i rgyud kyi snying po'i rgya cher 'grol/ /dri ma med pa'i 'od ces bya ba/ /'phags pa spyan ras gzigs dbang phyug gi zhal snga nas mdzad pa rdzogs so// // sam pa la'i yul byon zhing/ /mngon par shes pa mnga' brnyes pa/ /dus kyi 'khor lo pa zhes pa/ /de'i rim ni brgyud pa dang/ /au rgyan yul skyes bram ze'i rigs/ /na ro pa zhes bya ba ni/ /nus pa skyes shing lhas gnang ba/ /de'i rigs rgyud thos pa'i/ /bla ma lha yis lhas bstan pa/ /de mnyan rgya 'grel 'bang bsgyur bas/ /mi 'dzags bde ba'i gnas thob shog// //rgya gar gyi mkhan po sh+ri b+ha dra bo d+hi'i zhal snga nas/ bod kyi lo tsha ba gyi co ban de zla ba'i 'od zer gyis /yon bdag zhang btsun dge slong gi phyir bsgyur cing zhus pa'o/ / //dbang gi rab tu byed pa bzhugs// #/ /rgya gar skad du/ se ka pra gi ya/ bod skad du/ dbang gi rab tu byed pa/ dpal dus kyi 'khor lo la phyag 'tshal lo/ /ngo bo kun mkhyen ye shes sku dang nyin byed sku ste spyan ni pad ma'i 'dab ltar rgyas/

CLOSE WINDOW