བོད་ཡིག

e-texts based on the ACIP/ALL Input

/yar lungs pa grags pa rgyal mtshan gyis dpal ldan sa skye'i gtsug lag khang du bsgyur ba'o/ /rgya gar skad du/ au ts+tshuSh+mA dzam+b+ha au pa de sha sto tra/ /bod skad du/ rmugs 'dzin 'chol pa'i man ngag gi bstod pa/ /dpal rdo rje sems dpa' la phyag 'tshal lo/ /mgon po nam mkha' i mdog can nor gyi char 'bebs pa/ /ma skyes rang bzhin dag pas sku mdog nag por bzhugs/ /khyod ni rdo rje sems dpa' nyid de bdag dran na/ khyod la 'dud kyis thugs rjes ci'i phyir mi gzigs/ /lo drug byis pa'i gzugs la gzhon pa'i sha rgyas pa/ 'dzum zhing khro la byams pa'i mche ba dkar po gtsigs/ /khro gnyer dpral bar bsnyer zhing ral pa dmar ser langs/ /dbul pa sel mdzad spyan yangs snying rje can la 'dud/ /mi bskyod dbu la bzhugs pas thugs kyi rigs 'dzin cing/ /byams pas kun la khros te gcer bu sbul gyi brgyan/ /aoM A las skyes nor sbyin gdan la bzhugs shing 'gying/ /re ba bskong mdzad dpag bsam shing 'dra khyod la 'dud/ /phyag g.yas snying rje don mdzad thod pa khrag gis bkang/ phyag g.yon nor sbyin ma bzung ne'u les rin chen 'bebs/ /g.yas g.yon zhabs kyi rnam thos sras kyi rkang ba brdzis/ /nor bdag gan rkyal gnon cing brkyang bskum bzhugs la 'dud/ /rna ba ma phugs rigs don cha lugs du ma bzung/ /lag nas kha ru 'o ma'i bdud rtsi rtsa lam rdo rje nas byung ste/ /gur kum mdog 'dra zhal du phul bas mnyes mdzod la/ /nyid kyis bdag gis bsam mkhyen re ba myur du bskongs/ /yi ge bcu pas byin brlabs me tog dang bcas pas/ /aoM las 'od 'phros gdub bu rin chen spras pas brgyan/ /aoM las byung ba'i bum pa bzang pos chu phul nas// bcom ldan mgon po ci phyir re ba mi bskod lags/ /'gro drug kun la re bskong nor gyis char pa dag /ci 'dod mang po 'bebs pa'i thugs rjer grags lags na/ /bdag gis mos pas khyod kyi yon tan rtag tu brjod/ /thigs pa gcig kyang mi gsol skal ba med dam ci/ /nyi ma re re bzhin du rtag tu khyod 'bod na/ /bdag ni yid chad sgyid lug gdong pa dag mod kyang/ /khyod kyi sngon gyi dam bcas thugs rje gang du thal/ /gter chen bskal pa med kyang log 'tsho med tsam byin/ /bdag gis snying nas smos kyang bdud ma gzigs na/ sa gsum kun la snyoms par dam ni ma bcas sam/ /bdag la skal pa med kyang thugs rjes ci mi gzigs/ /sems can min nam dbul ba'i sdug sngal bral bar mdzod/ /bdag gis pos pas khyod kyi thugs rje'i zhags pa yis/ /srid 'dir dbul phongs sol la bde chen gnas su drongs/ /'jigs 'jigs 'jigs pa rmi byed khyod kyis byin brlabs te/ 'di dang pha rol gnyis kar rtag tu skyab bar mdzod/ /rmugs 'dzin 'tshol pa'i man ngag gi bstod pa/ /bla ma d+ha byang chub sems dpas mdzad pa rdzogs sto/ /kha cig slob dpon nyi ma spas pas mdzad zhes kyang zer ro/ /rgya gar skad du/ de pi ba su d+ha rI sto tra/

CLOSE WINDOW