བོད་ཡིག | e-texts based on the ACIP/ALL ![]() ![]() |
zhu chen gyi lo tsA ba dge slong rin chen bzang pos bsgyur cing zhus te gtan la phab pa/ slad kyi paN+Di ta ku mA ra ka la sha dang/ 'bro dge slong shAkya 'od kyis tshad ma'i skabs bcos shing gtan la bab pa'o// (// */ /de kho na nyid la
'jug pa zhes bya ba bde bar gshegs pa'i bka' ma lus pa mdor bsdus te bshad pa'i rab tu byed pa ye shes grags pas mdzad pa bzhugs so/ /) #/ /rgya gar skad du/ taN+twA ba ta rA khya sa ka la sA ka ta pa tsa stad parya bya khya ka ra nA ma/ bod skad du/ de kho na nyid la 'jug pa zhes
bya ba bde bar gshegs pa'i bka' ma lus pa mdor bsdus te bshad pa'i rab tu byed pa/ rnam rtog dra ba dang bral mkha' ltar rang bzhin ro gcig cing/ /'gro ba kun la phan mdzad ma lus dri med skur ldan pa/ /nyid gzhan don rnams yongs dag rgya che mi g.yo'i bde ba'i
gter/ /rgyal ba mchog la btud de rgyal ba grub pa'i cho ga bshad/ /phan la mkhas pa rnams kyis nges par bshad pa'i bsgrub pa'i thabs/ /'bad de byas pa chen po gal te yod mod kyi/ /'on kyang de nyid 'jug pa'i cho gas kyang ni 'di nyid ni/ /mkhas pa rnams kyis de nyid
rtog par bya phyir phan par byas/ /lung chen po dang theg chen dang dbu ma las bdag gis ni/ /ji bzhin lung dang man ngag bzhin/ /sgom pa btud de bshad pa yin/ /'di na 'gro ba ma lus pa bdag nyid kyi sgrib pa rnam pa gnyis spangs pa'i bskal ba can du bya ba la
mngon par 'du byed pa la 'jug pas ni nyon mongs pa dang/ shes bya'i sgrib pa spang bar bya ba'i phyir rtog pa sngon du gtong ba la 'bad par bya'o zhes bya ba ni man ngag yin no/ /de skad du/ sa stengs skal med yod min pas/ /thams cad sangs rgyas
'gyur ba yin/ /de bas rdzogs pa'i byang chub ni/ /sgrub la sgyid lug mi bya'o zhes gsungs pa yin no/ /de la gsang sngags pha rol phyin bden pa'i/ /de nyid rnal 'byor mngon brtson rnams/ /rang gi mos pa'i khyad par gyis/ /de nyid rnal 'byor rnam gsum
min/ /de ltar skal pa dang ldan pa'i gdul bya'i skye bo rnams ni mdor bsdus nas/ rang gi lam la ji lta ba bzhin du lhag par mos pa'i dbye bas bye brag rnam pa gsum du 'gyur te/ gsang sngags kyi sgo'i spyad pa spyod pa rnams dang/ pha rol tu phyin pa la mngon
par brtson pa rnams dang/ 'dod chags dang bral ba sngon du 'gro ba'i lam la lhag par mos pa'o/ /de la dang po ni bsgom pa'i stobs rdzogs pas bsod nams dang ye shes kyi tshogs ma lus pa nyid kyis sgom pa la gcig tu gzhol ba'i phyir dus nges pa med par
kun tu bzang po nyid rdzogs par byed pa yin no/ /gnyis pa ni spros ba med par sbyin pa la sogs pa'i bya ba mngon par rdzogs pas pha rol tu phyin pa ma lus pa'i tshogs nyid kyis bya ba'i rang bzhin gyi thabs la bslab pa'i mthar thug pa'i
phyir skal pa grangs med pa gsum gyis sangs rgyas nyid rdzogs par byed pa yin no/ /de las gzhan pa ni ngo bo nyid med pa'i rang bzhin sgom pa dang bral bas rtag pa la sogs pa'i phyin ci log rnams kyi gnyen po sdug bsngal gyi bden pa la sogs pa bsgom
pas 'dod chags dang bral ba mngon du byas nas dus phyi zhig na bsod nams dang ye shes kyi tshogs yongs rdzogs nas bskal pa grangs med pa bzhis sangs rgyas nyid rdzogs par byed pa yin no/ /gsum pa de rnams kyang chung ngu dang/ 'bring dang/ chen
po nyid kyis so so zhing rnam pa gsum gsum du 'gyur te/ gsang sngags dang/ pha rol tu phyin pa dang/ bden pa'i rnal 'byor pa rnams ni dgur yang 'gyur ba yin no/ /de rnams kyang re re zhing dbang po rab dang/ 'bring dang/ tha ma nyid kyis gsum
du 'gyur ro/ /de la dbang po rab ni gsang sngags kyi sgo'i spyad pa spyod pa rnams kyi/ dbang po rab ni snying rje chen po dang ldan zhing/ nyon mongs ba chung ba nyid dang/ phyag rgya chen po dang gnyis su med par sbyor ba sgom pa la gcig tu mos pa yin pa'i phyir ro//
dbang po 'bring ni dngos po med par lhag par mos su zin kyang nyon mongs pa'i dbang du gyur pas stong pa nyid kyi ngo bo nyid ye shes kyi phyag rgya dang gnyis su med pa'i sbyor ba sgom pa la gcig tu mos pa yin no/ /dbang po tha ma yang stong pa nyid la mos su zin
kyang sems kyi rgyud 'dod chags la sogs pa'i nyon mongs pa drag po'i dbang du gyur pas ci rigs pa'i dam tshig dang las kyi phyag rgya'i snyoms par 'jug pa'i rnal 'byor dang ldan par thams cad sgom pa yin te/ ye shes dang/ dam tshig dang /
las kyi phyag rgya dang gnyis su med par sgom pa 'di dag kyang phyag rgya chen po dang gnyis su med pa'i sbyor ba la 'jug pa'i phyir yin no zhes kho bo smra ste/ 'di dag thams cad kyang so so'i skye bo nyid kyi gnas skabs na phyir mi ldog pa yin no zhes bya ba ni man ngag go/
pha rol tu phyin pa la mngon par brtson pa'i dbang po rab ni zhi gnas dang lhag mthong sgom pas so so'i skye bo'i gnas skabs nyid na phyag rgya chen po las byung ba dang ldan pa yang dag par rtogs pas phyir mi ldog pa'i rtags nyid dang/ snying rje chen po dang ldan pas chog
gnyis rdzogs pa'i phyir shin tu mngon par brtson par 'dod pa ma yin no/ /dbang po tha ma yang phyag rgya chen po dang nges par ldan pa ma yin pas ji srid du ring du song ba'i sa ma thob pa de? ? rgyu snying rje chen po med pas rang gi lam la shin tu dman pa'i ?bskyod
pa 'dod pa yin no/ /'di rnams kyang dang po zhi gnas dang lhag mthong sgom pa ni phyag rgya chen po'i gnyis su med pa'i sbyor ba sgom pa la 'jug pa'i phyir yin no zhes bshad do/ /'dod chags dang brel ba la lhag par mos pa'i dbang po rab ni sdug bsngal la sogs
pa'i bden pa sgom pa la mngon par brtson du zin kyang gzhan gyi don la gcig tu sred pa yin no/ /dbang po bar ma yang bden pa sgom pa la brtson pa nyid kyis cung zad gzhan gyi don la sred pa yin no/ /de bas na 'di gnyis ni rang sangs
rgyas su 'gyur ro/ /dbang po tha ma ni bden pa sgom pa la mngon par brtson pa nyid kyis bdag nyid dul ba dang zhi ba la sogs par gcig tu 'dod pas nyan thos su 'gyur ba yin no/ /'dod chags dang bral ba'i lam la mngon par brtson pa rnams
kyang phyag rgya chen po'i gnyis su med par sangs rgyas su 'gyur ba ma yin no zhes bshad do/ /de ltar dbye ba dgu po rnam par nges pa ni/ /skyobs pas gdul bya'i 'gro ba'i bsam las phyed/ de bas dbu ma'i rjes su 'brangs nas
ni/ man ngag ston byed spyod pa bshad pa yin/ /de kho na nyid la 'jug pa las dbye ba'i rnam par nges pa ste le'u dang po'o// //slob ma brtags dang spyod pa las/ /'bad de shes par byas nas ni/ /ji rigs par ni nges sbyor
ba/ /slob dpon yin par thub pas gsungs/ /gdul bya de rnams kyang rtags dang/ kun tu spyod pa 'ga' zhig gis ji skad du bshad pa'i mos pa'i khyad par nges par shes par byas la/ slob dpon gyis ji ltar 'og nas bshad pa'i rang gi bsgom pa'i rim pa la nges
par sbyar bar bya ste/ ji skad du/ bla mas slob ma'i bsam shes na/ /rjes su bstan pas nus pa gang/ /de yis slob ma bsdu bya yi/ /rmongs pa slob ma bsdu 'os min zhes bshad pa dang/ de bzhin du/ gang dang gang la dang por phan/ /de dang de yis kun
spyod kyis/ /snod nyams gyur la nam yang ni/ /dam chos bstan par mi bya'o zhes bya ba dang/ gzhan yang de nyid tshol la thog mar ni/ /thams cad yod ces brjod par bya/ /don rnams rtogs shing chags med nas/ /de'i 'og tu dben pa'o zhes bshad pas thog ma
kho nar thams cad stong pa la nges par sbyor ba bya ste/ shes rab nyams chung ba nyid kyis de spong ba'i rgyus dmyal ba la sogs par yang 'gro bar 'gyur bas de ltar mi 'gyur ba'i phyir ro/ /de yang/ stong nyid bsod nams 'dod pa yis/ /thams cad du ni brjod
mi bya/ /gnas min par ni sbyar ba yis/ /bdud rtsi dug ni nyid du 'gyur/ /gzhan yang stong pa nyid la blta nyes na/ /shes rab chung ldan phung bar 'gyur/ /ji ltar sbrul la gzung nyes dang/ /rig sngags nyes par bsgrubs pa bzhin/ /gzhan yang 'di dag
ma shes par/ /blun po mkhas par rlom byed pa/ /spong zhing bdag la zhen pas na/ /mnar med thur du kha lta'o/ /de lta bas na slob dpon gyis dang por yum snying rje chen po bskyed la/ /sems can thams cad kyi slob mar khas blangs te/ /khengs pa gdul
dka' ba yang gdul bar bya'o/ /de skad du/ 'ga' yi slob mar bya ba dang/ /'ga' yi slob dpon bya ba yis/ /mkhas bas sems can gdul byed pa/ /sna tshogs thabs kyis thabs mkhas yin/ /bsgrub par dka' ba rnams la 'bad pa kho nas rjes su
brtse bar bya ste/ ji skad du na ba'i bu la khyad par du/ /ma ni gdung ba skye ba ltar/ /de bzhin byang chub sems dpa' rnams/ /dam pa min la khyad par brtse zhes bshad pa yin no/ /slob ma rnams rang dgar de kho na nyid la 'jug pa ni nam yang 'dod bas yin te/
'dir bshad pa/ rdzogs sangs kun gyis brtag par ni/ /slob ma rang bzo bzhi min te/ /long pa rang dgar ri bo la/ /'jog pa bde bar 'gyur ma yin/ /lung ni yongs su brtags pa la/ /rang dga' dgag pa ma yin te/ /yongs brtags nyid gyis thams cad
du/ gang phyir mkhas pa rab tu 'jug /rab tu 'jug pas de nyid ni/ /bla mar rnam par shes 'gyur zhing/ /bsgom la nges par sbyor 'gyur zhes/ /de ltar rgyal bas gsungs pa yin/ /de la re zhig phyi'i rtags kyi skal ba dang ldan par gzung bar bya ste/ ji skad du
so so'i skye bor gyur kyang stong nyid la/ /skad cig skad cig nang du dga' ba thob/ /rab dang las byung mi g.yo mchi ma 'byung/ /lus kyi ba spu ldang ba'ang 'byung bar 'gyur/ /gang yin de la byang chub sa bon yod/ /de nyid bstan pa'i snod du gyur ba de/ de la don
dam bden pa brtan bar bya/ /de yi rigs kyi de la yon tan 'byung/ /stong pa nyid kyi sa bon gyi mtshan ma de'i yon tan yang de nyid du bshad do/ /gang stong pa nyid la mngon bar brtson pa ni stong pa nyid la mngon par brtson par shes bar bya zhing/ /gdeng la mngon par
brtson pa'i don nyams su blang bar bya ste/ 'di lta ste/ tshul khrims yang dag par blangs pa la rtag tu 'jug pa dang/ sbyin pa gtong zhing snying rje sten pa dang/ bzod par byed cing dge ba'i rtsa ba de yang byang chub kyi phyir smon par byed la/ de gyang 'gro ba rnams
dgrol bar bya ba'i bsngo ba dang/ byang chub sems dpa' rnams la gus pa dang/ zab cing rgya che ba'i tshul la mkhas pa zhes bya ba la sogs pa'o/ /de ltar bla ma lam la legs par gnas/ /'gro ba kun la phan bsams yang dag bskyed/ /de bzhin?
'gro ba kun gyi ston 'gyur zhing/ /srid gsum bla ma gcig bu lta bur grags/ /slob dpon ye shes grags pas rnam par sbyar ba de kho na nyid la 'jug pa las slob dpon gyi tshul zhes bya ba'i rnam par nges pa ste le'u go nyis pa'o// //
da ni bsgom pa bstan par bya ste/ /de yang rang gi tshig dang tshad ma dang/ /lung dang gang zhig mi 'gal ba/ /de don bsgom pa la spyod pa'i/ /bla mas bstan pa bsgom pa yin/ /bsgom ba zhes bya ba ni rang gi tshig dang tshad ma dang mi 'gal ba/ gsung rab dang rab tu 'brel pa/ /bla ma
rnams kyis rab tu bstan pa'i dngos po nyams su blang ba yin no/ /de yang thun mong dang de las cig shos so/ /de la phyag rgya chen po'i mnyam par sbyor ba bsgom pa ni rnal 'byor pa rnams kyi thun mong ste/ gang gi phyir de las phun sum tshogs pa thams cad 'byung
ba yin no/ /bsgom pa zhes bya ba ni 'bras bu mngon par rdzogs pa'i phyir yin la/ 'bras bu yang gzhan gyi don byed pa'i mtshan nyid du bsgom pa dgu char la 'jug pa'i spyi yin la/ de yang sems can gyi tshogs ma lus pa'i sgrib pa gnyis spangs nas
kun tu bzang po nyid rdzogs par bya'o/ /de yang gdul bya'i skye bo'i bsam pa'i khyad par gyis rnal 'byor dang/ spyod pa dang/ bye brag las phyag rgya dang/ dkyil 'khor dang sngags la sogs pa'i spros pa rab tu bstan par nus shing/ sangs rgyas nyid dang mtsh?
gzhan yang kun tu bzang po nyid ces bya ba med par legs par rdzogs par mi 'gyur ro/ /de yang don gyi 'bras bu ste/ de yang bsod nams dang ye shes kyi tshogs yang dag par bsdu ba pha rol tu phyin pa'i mtshan nyid kyi gnas skabs med par ni ma yin no//
de yang nges par 'byed pa'i cha'i mtshan nyid can sbyor ba'i gnas skabs kyi mtshan nyid kyis so/ /de'i 'di ltar mdor bsdu na 'bras bu rnam pa gnyis te/ gtso bo ni gzhan gyi don byed pa'i mtshan nyid can no/ /de las gzhan pa thams cad ni de'i don du bya ba ste tha mal pa'o//
'dir bshad pa/ sangs rgyas gzhan don phun tshogs pa'i/ /'bras bu gtso bo yin par 'dod/ /sangs rgyas la sogs de las gzhan/ /de'i don gyi 'bras bur bshad ces bya ba yin no/ /de lta bas na 'bras bu 'di dag thams cad kyang phyag rgyar chen po gnyis su
med pa'i sbyor ba bsgoms pa de nyid kyis rdzogs par 'gyur te/ ji skad du/ 'phags pa shes rab kyi pha rol tu phyin pa las/ nyan thos kyi sa la slob bor 'dod pas kyang shes rab kyi pha rol tu phyin pa 'di nyid mnyan par bya'o zhes bya ba nas shes rab kyi pha rol tu
phyin pa 'di nyid la rnal 'byor du bya'o zhes bya ba dang/ de bzhin du rang sangs rgyas kyi sa la yang zhes bya ba nas/ sangs rgyas kyi sa la yang zhes bya ba la sogs pa'i bar rgya cher gsungs pa yin la/ yum shes rab kyi pha rol tu phyin pa nyid kyi mtshan gzhan na
phyag rgya chen po ste/ de ni gnyis su med pa'i ye shes kyi ngo bo nyid yin pa'i phyir ro/ /bcom ldan 'das kyang chos kyi sku'i bdag nyid can te/ byang chub kyi sems rdo rje de bzhin gshegs pa'i ngo bo nyid kyang de nyid do/ /de yang shes rab kyi pha rol tu phyin pa'i ye shes ni gnyis su
med pa ste/ de ni de bzhin gshegs pa rnams kyi bsgrub par bya ba'o/ phyag rgya chen po'i gnyis su med pa'i sbyor ba yang de nyid de/ thugs rje chen po'i bdag nyid can yin pa'i phyir ro/ /de yang byang chub kyi sems kyi bdag nyid can yin pa'i phyir bsod nams thams
cad kyi rang bzhin gyi rnal 'byor ro/ /de nas de la goms pa nyid 'bras bu ma lus pa yongs su rdzogs pa yin te/ de ltar na 'di ni phyag rgya chen po gnyis su med pa'i sbyor ba bsgom pa nyid 'bras bu ma lus pa thob par byed par rnal 'byor pa thams cad kyi thun mong
yin no/ /de bas na bcom ldan 'das theg pa gcig ston par mdzad par yang sangs rgyas 'gro ba'i mdo las nges par ston pa yin te/ phyag rgya chen po gnyis su med pa'i ye shes kyi ngo bo nyid chos kyi dbyings las ma gtogs par theg
pa gzhan 'di na yod pa ma yin no/ /de yang/ chos dbyings dbye ba ma mchis pas/ /gtso bo theg dbye yod min gyi/ khyed kyis theg pa gsum gsungs pa/ sems can rnams ni 'jug phyir ro zhes 'byung ba yin no/ /de ltar na ci'i phyir gsang sngags dang/ pha rol tu
phyin pa dang bden pa la sogs pa'i dbye bas/ bcom ldan 'das bsgom pa ston par mdzad ce na/ gdul bya'i skye bo rnams kyi mos pa'i khyad par gyis 'di dag ming tsam gyi khyad par du phye ba ni de dag 'jug pa'i phyir yin no/ /zhes bshad de/ des na ming 'thas
pa nyid kyis de rnams de kho na nyid kyi rjes su 'brang bar 'gyur te/ des na ming de dang nges mdo sde bstan bcos la sogs pa de dang der sems can de dang de'i sems kyi 'jug pa'i rjes su 'jug par mdzad pas/ /de kho na nyid du de nyid khyad par med kyang khyad par yod pa lta
bur mdzad de sangs rgyas bcom ldan 'das ston pa mdzad pa yin no/ /khyad par du che ba'i ming du bstan na ji ltar khyad par med par shes par zhe na/ sgra rnams kyi ming du brjod pa la ni dngos po yod pa ma yin te/ sgro btags pa las bzlog par bya ba kho
na tsam nyid de rnams kyi bya ba yin no/ /de la dbang po brtul po rnams la ni de kho na nyid de nyid la sgro btags pa cung zad las bzlog pa'i phyir mi rtag pa la sogs pa'i sgras bshad pa yin no/ /dbang po bar? ma rnams la yang gzugs la sogs pa'i sgro
btags pa ma lus pa las bzlog pa'i phyir ram/ dngos po thams cad du sgro btags pa las bzlog par bya ba'i phyir rig pa tsam mam/ mig g.yor tsam zhes bstan pa yin no/ /dbang po mchod rnams la ni sgro btags pa ma lus pa las bzlog pa'i phyir/ stong pa
nyid dang spros pa med pa la sogs pa'i sgras bstan pa yin no/ /de yang ji skad du/ rmongs pa rnams la dngos po sogs/ /nges par yod ces gsungs pa ni/ /dngos por 'dzin la zhen pa yis/ /zab mo'i tshul gyis 'jigs pa la'o/ /'di dag rnam par rig tsam du/ /
'gro sna tshogs yang dag bshad/ /gzung dang 'dzin pa'i sbyor ba dang/ /bral ba dbu ma'i blo can la'o/ /dri za'i grong khyer lta bur ni/ /bden pa gnyis kyi rnam par mtshan/ /rtags pa'i chu bo tshad med par/ /bsgoms pas dag pa'i blo can la zhes bshad pa yin no//
de bas na las dang por rnams dang por dpal rdo rje sems dpa' la sogs pa bsgom pa dang/ /sdug bsngal la sogs pa'i bden pa bsgom pa dang/ ming gzhan yang phyag rgya chen por yongs su gyur pa rnams ni stong pa nyid la
'jug pa'i phyir yin no zhes mkhas pa rnams kyis nges par gzung bar bya'o/ /de skad du/ stong nyid lta bas grol bar 'gyur/ /bsgom pa lhag ma de don yin zhes bshad do/ /gsung rab rnams la stong pa nyid bsgom pa nyid ni nges pa'i don yin la/ de las gzhan
pa rnams ni stong pa nyid la 'jug pa'i don yin pa'i phyir drang ba'i don yin te/ de bas na nges par bya dgos so/ /de'i phyir bcom ldan 'das spros pa med pa'i bsgom pa ston par mdzad pa ni/ spros pa med pa phyag rgya chen po gnyis su med pa'i sbyor ba bsgom pa la
'jug par bya ba'i don yin no/ /drod du gtogs pa la sogs pa'i yon tan gyi tshogs de la rag lus pa rnams ni phyag rgya chen po gnyis su med pa'i sbyor ba bsgom pa de nyid la gnyis te/ 'di dag ni phyag rgya chen po gnyis su med pa'i sbyor ba de nyid mngon par mtho ba
dang/ nges par legs pa thams cad kyi mtshan nyid can gyi 'bras bu ma lus pa mngon par rdzogs pa yin no/ /de ltar gnyis po rgyal sras sras kun gyi/ /snying rje gnyis med rag lus khyad par rgyu/ /de nas gzhan yang bar phye yang dag bshad/ /de la ji bzhin 'jug pa yin par bshad/ /slob
dpon ye shes grags pas rnam par sbyar ba'i de kho na nyid la 'jug pa las thun mong bstan pa zhes bya ba ste le'u gsum pa'o/ / //de la re zhig le'u dang por dbang po rab kyi gsang sngags kyi sgo'i spyad pa spyod pa rnams kyi phyag
rgya chen po dang gnyis su med par sbyor ba'i bsgom pa la gcig tu mos pa bstan na de phyag rgya chen po'i gnyis su med pa'i sbyor ba gang yin zhe na/ de bshad par bya ste/ thabs dang shes rab mnyam sbyor ba'i/ /bsgom nyid rnal 'byor mchog gi ni/ /phyag rgya chen po'i
mnyam sbyor ba/ /bsgom par rgyal ba rnams kyis gsungs/ /thabs dang shes rab kyi bsgom pa nyid phyag rgya chen po gnyis su med pa'i sbyor ba bsgom pa yin no/ /de ltar na shes rab ni gang thabs ni gang zhig yin/ de dag lhan cig gam tha dad par ji ltar bsgom par bya zhe
na/ 'dir bshad par bya ste/ gang zhig spros pa thams cad kyi/ /gnas dang tshig tu ma gyur pa'i/ /'jug de thabs kyi rdo rje yis/ /shes rab ces ni yongs su bsgrags/ des na chos thams cad spros ba med pa nyid du rtogs pa ni shes rab bo/ /spros pa med pa zhes
bya ba 'di gang zhig yin zhe na/ stong pa nyid do/ /de lta na ni stong pa nyid ces bya ba spros pa yin na ji ltar spros pa med pa nyid yin ma yin te/ stong pa nyid kyi sgra ni cung zad kyang mi ston to/ /de yang gang gi phyir nam yang ci yang cung zad kyang ma yin no zhes bya ba'i sgras ni
dngos po cung zad kyang mi ston te/ sgra rnams kun gyis bya ba ni/ /sgro btags pa ni bzlog pa yin/ /sgra'i don ni bya ba'i don ma yin gyi gzhan du na sgro btags pa las bzlog pa tsam yin par gzhan dag las ston to/ /de bas na stong pa nyid kyi tshig smras pas ni sgro btags
pa ma lus pa bzlog bstan pas gdul bya'i skye bo'i rgyud la de kho na nyid kyi rang gi ngo bo mngon par gsal bar byed pa yin gyi gang gi de nyid spros par 'gyur ba'i stong pa nyid kho nar 'jog pa ma yin no/ /de nyid kyis na gang stong pa nyid kyi don mi shes pa la de kho na nyid kyi don
nyid du spros par byed pa ni de rnams spros pa med par tshig gis gsal bar de kho na nyid ston pa yin no/ /stong pa nyid spros pa yin du zin kyang spos par 'gyur zhes shes par byas nas gsal bar rtogs par ji ltar 'gyur/ spros pa med pa nyid spros pa yin no zhes brjod par mi bya
ste/ gang gis spros pa med pa zhes bya ba'i spros pa yod pa ma yin na de ji ltar spros pa yin/ de dngos bo med pa nyid kyang de kho na nyid du rigs pa ma yin no/ /de ltar na sgro btags pa ma lus pa las bzlog pa ni de kho na nyid yin no zhe na de ma yin te/ gang gi phyir bzlog pa ni
dngos pa med pa yin na dngos po med pa de kho na nyid ji ltar yod/ 'gal ba'i mdza' can yin pa'i phyir ro/ /de yang dngos med mya ngan 'das min na/ /de'i dngos po ga la zhig /dngos dang dngos med yongs rtogs pa/ /zad pas mya ngan 'das par bshad/ /ces bya ba dang/
de bzhin du/ rang gi dngos dang gzhan dngos dang/ dngos dang dngos med nyid dag ni/ /gang zhig mthong dang mi mthong de/ /sangs rgyas bstan la de nyid min zhes bshad pa yin no/ /de bas na mdza' gnyis gsal ba'i ngo bo nyid yin pa'i phyir de kho na nyid ni dngos po med pa'i
tshul du yang rigs pa ma yin no/ /dris pa/ nyes pa 'di ni khyed nyid kyi yin te/ /gang gi phyir stong pa nyid la sogs pa'i sgras bstan pa ni de kho na nyid yin par khyed nyid kyis bshad la/ stong pa nyid la sogs pa'i sgras kyang sgro btags pa ma lus pa bzlog pa ma
yin no zhe na/ stong pa nyid la sogs pa'i sgras de kho na nyid bstan du zin kyang gtso bo nyid ma yin te/ gang gi phyir/ sgro btags kun ni rnam spangs pa/ /rang nyid de nyid ston pa na/ /stong pa nyid sogs ming gis na/ /der ni sgro btags bzlog pa yin/ /sgro btags pa ma lus pa
bzlog pas rang nyid de kho na nyid du ston pas dngos po dang dngos po med pa la sogs pa'i tshul gyis de kho na nyid ma yin pa mthong ba la mngon par zhen par mi 'gyur ro/ /des na stong pa nyid la sogs pa'i sgras de la mngon par zhen pa bsal ba byas nas de kho na nyid kyi rang gi
ngo bo mngon par ston te / de bas na nye bar gdags bas de'i ming du brjod do/ /stong pa nyid la sogs pa'i sgra las sgro btags pa ma lus pa dang bral ba'i de kho na nyid kyi ngo bo nyid kyi ngo bo'i mthar thug pa yin no/ /de la 'di rnam par dpyad
par bya ste/ stong pa nyid du smra ba rnams kyi khyad par bya ba 'di gang zhig yin/ gang gi phyir phyi rol pa dang/ rnam par shes pa tsam du smra ba rnams kyi yang de'i ngo bor ston pa yin te/ tha snyad du 'dogs pa'i skye bo'i nges pas de'i ming nyid kyis nye bar 'jog pa ma yin no zhe
na/ 'dir brjod par bya ste/ khyad par bya ba ni 'di yin te/ gang de rnams phyi dang/ rnam par shes pa'i ngo bo ran gi ngo bo med bzhin du yod par rtogs pa yin la/ stong pa nyid la smra ba rnams kyi ni stong pa nyid la sogs pa'i tshul yang ngo bo nyid du yod pa ma yin no/ /de bas na de rnams kyi
ni rang gi ngo bo nyid yod par smra ba nyid yin la/ stong pa nyid du smra ba rnams kyis ni chos thams cad ngo bo nyid med par ston pa yin pas shin tu khyad par phye ba yin no/ /dris pa rnam par shes pa tsam du smra ba yang dngos po med par smra ba nyid yin te/ de yang/ 'di dag rnam par rig tsam zhes
de snyam du ni dmigs nas su/ /ci yang rung ste mdun 'jog na/ /de ni tsam la mi gnas so/ /nam zhig shes pas dmigs pa rnams/ /mi dmigs de yi tshe na ni/ /rnam par rig pa tsam la gnas/ /gzung ba med pas de 'dzin med ces bshad pa yin no zhe na/ bden mod
kyi 'di ni btags pa bkag pa yin gyi de rnams yongs su grub pa ni rnam par shes pa la sogs pa'i spros pa dang bral ba'i rang gi ngo bor yang yod do zhes khas 'che ba yin no/ /ci de lta bu'i rnam pa yang med dam zhe na/ de yang yod pa ma yin no/ /dris pa/ de yang med par bkag na
ni mya ngan las 'das pa med par bkag par 'gyur bas shin tu chad par smra ba can nyid du 'gyur ro/ /de yang/ bsam du med cing dmigs med 'di/ /de ni 'jig rten 'das ye shes/ /gnas ngan len gnyis spangs pa las/ /gnas ni yongs su gyur ba yin/ /de nyid zag pa med
pa'i dbyings/ /bsam mi khyab dge mi zad pa/ /bde ba rnam par rol sku 'di/ /thub chen chos su bshad pa yin/ /kho bo cag mya ngan 'das pa'i ngo bo nyid med do zhes ni smra bar mi byed kyi gzhan du na de yod mod kyi med do zhes bya ba ni dngos po dang dngos po med par sgro 'dogs par byed pa
'gegs pa yin no/ /de yang bstan bcos las/ blo chung gang zhig yod pa dang/ /med pa nyid du mthong gyur pa/ /des ni spros pa nyer zhi ba'i/ /bsgom pa mthong bar mi 'gyur ro/ /zhes bshad pa dang/ de bzhin du gal te mya ngan 'das dngos yin/ /mya ngan 'das pa 'dus
byas 'gyur/ /dngos po gang dang gang na yang/ /'dus ma byas pa yod ma yin/ /dris pa/ yod pa dang med pa nyid bkag pas don gyi dbang gis med pa nyid du bstan par 'gyur te/ gnyig bkag pas gzhan dag yod pa ma yin no zhe na/ ci gnyis po bkag pas gnyis
su med pa'i rang bzhin can gyi de kho na nyid kyang med dam/ /de kho na nyid gnyis su med pa'i ngo bor ga la 'gyur yod de med do/ /de ltar na ni med pa de yang med do/ /dris pa/ yod pa bkag na med pa ci'i phyir med/ /de kho na nyid ni 'gegs pa ma yin no/ /de lta na ni dgag pa
med pas yod par grub po zhe na/ de yang yod pa ma yin no/ /dris pa/ 'di ni phan tshun 'gal ba yin na de kho na nyid ji ltar ma bkab/ /de yang 'dir smras pa/ gal te de nyid las mi ldog /'jug pa yod pa 'dod dam ci/ /de yang 'gegs par mi byed na/ /ldog pa ci phyir 'gegs
par byed/ /'on te de kho na nyid ni brjod du med pa'i rang bzhin no zhe na/ des na 'di thal ches par 'gyur ro/ /de ni ma yin te/ yod bzhin du las ji ltar yang/ /brjod med yod pa ma yin no/ /des na nus pa dang bral te/ de phyir dngos po med pa'ang yin/ /gzhan yang/ gang du bkag
pa nyid med pa/ /de nyid dgag pa med par 'chad/ /de bas med par de brjod kyis/ /ngo mtshar rung ba'i lta 'di spongs/ /de bas na gcig tu bkag pas nges par mdza' gzhan dag kyang bkag pa yin no/ /ci sgro btags pa las ldog pa tsam nyid de de kho na nyid yin par thal bar mi 'gyur ro?/
'dir brjod par bya ste/ khyed ni phyir rgal ba tsa shes kyi yul yang dag par shes pa ni ma yin te/ de yang gang gi phyir/ 'di ni mdza' gnyis yod par smra ba la/ yod pa thams cad nges par 'jig 'gyur gyis/ /mdza' gnyis smra ba bzlog par byed pa
la/ /de la brten pa ma lus zad par 'gyur/ /mdza' gnyis su smra ba khas len pa rnams kyis ni de las mdza' gcig bkag na nges par mdza' gnyis par ltung bar 'gyur gyi mdza' gnyis su smra ba sel ba rnams ni/ /sgro btags pa ma lus pa dang bral ba nyid du khas
blangs pa la nyes pa gang yang rung ba 'di dag ga la yod de/ /de yang byang chub la gnas dam bcas dang/ spyod dang sems ni yod min te/ /don gyis gang zhig med gyur pa/ /de la med ces ji skad bshad/ /yod pa sun 'byin gyur 'di la/ /don gyis med par grangs
gyur na/ /med nyid sun 'byin pa nyid kyis/ /yod pa nyid du ces mi 'dren ces bya ba dang/ de bzhin du yod dang med dang yod med min/ /gang la phyogs ni yod min pa/ /de la klan ka ring pos kyang/ /smra bar nus pa ma yin no zhes bshad pa yin no/ /de bas na stong pa
nyid kyi ngo bo nyid kho na chos thams cad spros pa med pa nyid yin gyi stong pa nyid spros pa ma yin la/ spros pa khongs su chud pa ni shes rab yin no zhes bya bar gnas so/ /thabs gang zhig yin zhes bya ba 'dir brjod par bya ste/ thabs ni byang chub sems dpa' yi/ /
'gro la snying rje chen po ste/ /de yang dmigs pa'i dbye ba yis/ /rnam pa gsum du 'gyur ba yin zhes bya ba'o/ /de la thabs ni bcom ldan 'das yum snying rje chen po yin la/ dmigs pa'i dbye bas rnam pa gsum du 'gyur te/ de la sems can la dmigs pa ni gang
sdug bsngal gyi sdug bsngal nyid dang/ 'gyur ba'i sdug bsngal nyid kyis nyin re zhing yongs su gdungs pa'i sems can la dmigs te skye ba'o/ /chos la dmigs pa ni gang skad cig ma re re zhing mi rtag pa'i phongs pa nyid du kun du ltung ba'i chos thams cad la
dmigs nas skye ba'o/ /dmigs pa med pa ni chos thams cad dngos po med pa dmigs pa bsgom pa las byung ba'o/ /ji ltar na de dag bsgom pa dang lhan cig gam tha dad ce na/ de brjod par bya ste/ shes rab thabs bdag can de nyid/ /dbyer med bzhin du gcig nyid de/ de bzhin de'i bsgom
ba ni/ /goms pa tha dad gyur pa yin/ /dmigs pa med pa'i snying rje bsgom pa'i gnas skabs su ni thabs dang shes rab de'i bdag nyid yin gyi snying rje cig shos bsgom pa'i gnas skabs su ma yin te/ de dngos po'i ngo bo nyid la dmigs pa nyid kyis spros pa med pa nyid
med pas shes rab kyi rang bzhin dang gcig pa yin par mi 'thad do/ /de bas na de'i bdag nyid du bsgoms pas lhan cig bsgoms pa nyid thabs dang shes rab kyi tha snyad kyi dbye bar yang rnam par bzhag par byas pa de ltar sngar bstan pa dang phyis kyang ston par 'gyur ro/ /
yang dmigs pa med pa'i snying rje sgom pa'i gnas skabs su thabs dang shes rab de'i bdag nyid can du bsgom par ji ltar 'gyur zhe na/ brjod par bya ste/ dngos kun rang bzhin bdag nyid du/ rnal 'byor snying rje can gyur pa/ /bsgom pa'i rim pa phyi nas ni/ /phyag rgya che
bdag nyid can 'gyur/ /rnal 'byor pa bsgom pa'i rim pa nyid las dngos po thams cad kyi bdag nyid can du gyur nas snying rje chen po'i rang bzhin can du 'gyur ro/ /de'i 'og tu ni phyag rgya chen po'i bdag nyid can du 'gyur ro zhes bya ba'i mdor bsdus pa yin/ /de la thabs
dang shes rab de'i bdag nyid du bsgom pa'i man ngag ni 'di yin te/ dang por re zhig rnal 'byor pas rang gi lhag pa'i lha'i rnal 'byor du skad cig ma nyid kyis bskyed la rim pa 'dis dngos po thams cad kyi ngo bo nyid du bdag nyid bsgom par bya'o/ /
de la bdag nyid gti mug gi ngo bo nyid rnam par snang mdzad kyi bdag nyid yin pas na 'gro ba thams cad la khyab pa'i gzugs kyi phung po'i rang bzhin can no/ /bdag ni nga rgyal dang 'dod chags dang phrag dog dang zhe sdang gi ngo bo nyid rin chen 'byung ldan dang
'od dpag tu med pa dang/ don yod par grub pa dang/ mi bskyod pa'i bdag nyid can yin pas 'gro ba thams cad la khyab pa'i tshor ba dang/ 'du shes dang/ 'du byed dang/ rnam par shes pa'i phung po'i bdag nyid can no/ /de ltar dngos po thams
cad kyi bdag nyid du gyur nas sems can la dmigs pa dang/ chos la dmigs pa'i snying rje chen po mngon sum du byas la/ dngos po dang dngos po med pa dang rang gi dngos po dang gzhan gyi dngos po la sogs pa'i yid la byed pa spangs te thams cad las
sems yang dag par bsdus la cung zad kyang mi bsam par bya'o/ /de ltar na ci la yang mi sems pa'i rnal 'byor pa sngon chad yun ring du bla ma bsten par byed pa las gang bla ma'i drin gyis/ bcom ldan 'das yum shes rab kyi pha rol tu phyin pa skye bar 'gyur
te/ tshad mas gzhal ba dang/ gzhal bar bya ba'i 'bras bu'i rnam par dbye ba las yang dag par ldog pas rang snang ba'i ngo bo nyid dang/ spros pa med pa nyid kyis spros pa'i bdag nyid can gyi 'khor ba sdug bsngal gyi rang bzhin can dang bral bas mchog tu dga'
ba'i bdag nyid can me long lta bu'i sbyor pas yang dag par rtogs la/ de'i mthus kye ma'o gti mug gi mthu gang gis sems can 'di rnams mya ngan las 'das pa'i bdag nyid can yin du zin kyang bdag nyid kyis mi shes na/ ji ltar na 'di bdag gis khong du chud par
bya zhes rnam par bsams nas de'i bdag nyid can du sems can thams cad bsams na dmigs pa med pa'i snying rje gang yin pa des skye bar 'gyur la/ de'i bdag nyid can gyi rang nyid dngos po thams cad kyi ngo bo nyid du bsam par ba'o/ /de nas dngos po thams cad
k yi bdag nyid can gyi rnal 'byor pa snying rje chen po'i bdag nyid can bsgom pa stobs su gyur nas de'i 'og tu dngos po thams cad kyi ngo bo nyid kyi snying rje chen po'i bdag nyid can du rang nyid bcom ldan 'das yum shes rab kyi ming gzhan yang phyag rgya chen po zhes bya
ba de'i bdag nyid can gyi tha mi dad pa'am ngo bo nyid du chu dang 'o ma ltar gcig tu 'dres par gyur pa blta bar bya'o/ /gang gi tshe de ltar gyur pa de'i tshe/ de'i bdag nyid can bsgom pa/ /de nyid yongs su gsal bar 'gyur/ /des na rnal 'byor 'di rgyal bas/ /bsod nams kun gyi rang
bzhin gsungs zhes pa ste/ rnal 'byor pa 'di gnas skabs der thabs dang shes rab kyi ngo bo nyid gnyis su med pa'i rang bzhin can yin pas na bsod nams thams cad kyi rang bzhin can te/ de bzhin gshegs pa thams cad kyi sku dang/ gsung dang/ thugs rdo rje'i bdag po byang
chub kyi sems rdo rje'i ngo bo nyid yin la/ de yang thabs dang shes rab gnyis su med pa'i rang bzhin can nyid yin pa'i phyir ro/ gong ma de dag ni sgro btags pa'i ngo bo nyid tsam du zad pas na de kho na nyid ni ma yin no zhes rtogs na/ de ni ma yin te/ gang gi phyir sgro btags pa 'di ni phyi
rol te/ rang gi ngo bo rang mtshan nyid/ /de bas rnal 'byor shes de'i bdag /rang nyid kun gyi rang bzhin gtso/ /zhes pa ste/ phyi rol gyi shes pa de sgro btags pa yin gyi rang gi ngo bo nyid ma yin no/ /yang ji skad du/ sgra don 'dzin byed gang gang du/ /shes de der ni btags pa
yin/ /rang gi ngo bo sgra don min/ /der ni ma lus mngon sum yin/ /de bas na thabs dang shes rab kyi ngo bo nyid gnyis su med pa'i rnal 'byor pa ni rang rig pa'i mngon sum gyi tshang ma yin par grags pas sgro btags pa tsam ma yin no/ /gzhan yang/ spros pa med cing snang ba med/
thabs shes gnyis med bdag can gtso/ /rnal 'byor pa ngo spros bdag gam/ /sgro btags pa ni ji ltar 'gyur/ /gal te gnas skabs de gnas yongs su gyur pa'i rnal 'byor pa/ spros pa med pa'i phyag rgya chen po gnyis su med pa'i ye shes kyi ngo bo nyid rang rig par
grags par gyur pa de la spros pa'i rang bzhin can gyi sgro btags pa gang ci yang rung ba de dag ci ltar yod de/ de yang/ shes rab phabs dngos zhi ba 'di/ /de nyid mchog tu bshad pa ste/ /'di nyid gnyis med ye shes te/ /byang chub sems la sogs pa nye bar dmigs
pa las ldog pas phyi stong pa'i bdag nyid can du gyur pa dang/ bkug pa rnams kyi rjes su chags pa'i rgyur gyur pa'i rdo rje chags pa'o/ /phyi dang nang gi skye mched dang lus dang gnas su nye bar dmigs pa las ldog pas phyi dang nang gi stong pa'i bdag nyid can
du gyur pa dang/ chags pa med pa'i sems can rnams kyi yid bde ba skyed pa'i rgur gyur pas rdo rje legs pa'o/ /mig dang gzugs la sogs pa'i bag chags kyi gnas yongs su gyur pa nyid kyi me long lta bu'i ye shes de'i byin? du gyur pa chen po stong pa nyid la sogs
pa bzhi pa'i ngo bo nyid ni rdo rje sems dpa' la sogs pa yin no/ /stong pa nyid du nye bar dmigs pa las ldog pas stong pa nyid stong pa nyid kyi bdag nyid can du gyur pa dang/ byang chub kyi sems mngon par 'phel ba rnams kyi rgyal tshab du dbang bskur ba'i rgyur gyur pas
na rdo rje rin chen po don dam par nye bar dmigs pa las ldog cing/ don dam pa stong pa nyid kyi bdag nyid can du gyur pa dang/ dbang bskur ba rnyed pa rnams la mi 'jigs pa rab tu sbyin pa'i mtshan nyid can gyi gzi brjid kyi rgyur gyur pas na rdo rje gzi brjid do/ /'dus byas
pa'i bsod nams kyi tshogs su nye bar dmigs pa las ldog pas 'dus byas stong pa nyid kyi bdag nyid can du gyur pa dang/ gzi byin thob pa rnams la byams pa'i mtshan nyid can gyi mtshan ma'i rgyur gyur pas na rdo rje dpal lo/ /'dus ma byas pa'i byang chub kyi chags
kyi nye bar dmigs pa las ldog pas 'dus ma byas pa'i stong pa nyid kyi bdag nyid can du gyur pa dang/ byams pa'i rgyal mtshan bsgreng ba'i mtshan ma can rnams la chos kyi sbyin pa bla na med pa'i rgyur gyur pas na rdo rje bzhad pa'o/ /nyon mongs pa can gyi ming
gnas gyur pa'i ngo bo nyid kyis mnyam pa nyid kyi ye shes dang/ /ji skad du bshad pa'i de'i phyin ci log spong pa'i mnyam pa nyid kyi ye shes kyi rkyen du gyur pa stong pa nyid stong pa nyid la sogs pa bzhi'i ngo bo nyid ni/ /rdo rje rin po che la sogs pa yin no/ sgro btags
pa dang skur pa btab pa'i mthar nye bar dmigs pa las ldog pas shin tu stong pa nyid du gyur pa dang/ chos kyi sbyin pa'i yid bde ba de la zhugs pa rnams kyi ting nge 'dzin gyi rgyur gyur pas na rdo rje chos so/ /'khod bar nye bar dmigs pa las ldog pas thog ma dang tha ma med pa'i
stong pa nyid kyi bdag nyid can du gyur pa dang/ ting nge 'dzin rdzogs pa rnams kyi de kho na nyid kyi ye shes skyid pa'i rgyur gyur pas rdo rje rnon po'o/ /dge ba'i phyogs yongs su mi gtong ba'i nye bar dmigs pa las ldog pas dor ba med pa stong pa nyid kyi bdag nyid can du
gyur pa dang/ ye shes thob pa rnams kyi chos kyi 'khor lo bskor ba'i rgyur gyur pas na rdo rje rgyu'o/ /chos thams cad kyi rang bzhin la nye bar dmigs pa las ldog pas rang bzhin stong pa nyid kyi bdag nyid kyi bdag nyid can du gyur pa dang/ chos kyi 'khor lo
bskor bar zhugs pa rnams kyi gdul bya'i skye bo rnams kyi ngor chos ston par rab tu 'dug pa'i rgyur gyur pas na rdo rje smra ba'o/ /rnam par rtogs pa gnas gyur pa'i ngo bo nyid kyi so sor rtog pa'i ye shes ji skad du bshad pa'i phyin ci log las rnam par
dben pa'i ngo bo nyid kyis de'i 'khor du gyur pa shin tu stong pa nyid la sogs pa bzhi'i ngo bo nyid du gyur pa nyid ni rdo rje chos la sogs pa'i ngo bo nyid do/ /stobs dang mi 'jigs pa la sogs pa'i tshul gyi chos kyi sku nye bar dmigs pa las ldog pas chos thams cad
stong pa nyid kyi bdag nyid can du gyur pa dang/ don dam pa'i skal pa can rnams kyi sbrul mchog 'di yin no/ /kun rtog thams cad rnam spangs pas/ /gnas ni yongs su gyur pa yin/ /'di ni 'jig rten 'das ye shes/ /thub pa chen po'i chos sku yin/ /rdo rje rdo rje sems
dpa' 'di/ /sangs rgyas byang chub bla med yin/ /rnal 'byor kun dang lhag rnal 'byor/ /rnal 'byor 'di ni bla na med/ /shin tu gtso 'gyur rnal 'byor 'di/ /de nyid bsdus par nges mdzad la/ /dam tshig chen po'i rgyud dang ni/ /dpal ldan rdo rje rtse mo dang/ /theg chen
mngon par rtogs pa dang/ dpal ldan rdzogs sangs 'dul mdzad dang/ /dpal mchog dang po'i rgyud dang ni/ /dpal ldan rdo rje bde chen dang/ /dpal ldan 'dus pa'i rgyud du ni/ /rnal 'byor 'di ni bla med par/ /dngos grub thams cad
sgrub mdzad pa'i/ /thugs kyi rdo rjer gsungs pa yin/ /gang 'dir rgyal ba'i sras po rnams/ /phyin ci log las 'das gyur pa/ /de ni ring po mi thogs par/ /'jig rten gsum las sangs rgyas 'gyur zhes gsungs pa dang/ /rnal 'byor pa ni sgro btags dang/ /skur
mdza' gang dang gang dag gi / dbye ba de dang der brten pa/ /de nyid tshul du ltog pa yin/ /de dang de tshul la gnas pa/ /kun mkhyen ye shes dngos rang nyid/ /rdzogs pa'i byang chub sems dpa' i bdag /pha rol phyin kun rang bzhin can/ /de kho na nyid kyi rnal 'byor pa de sgro
btags pa ma lus pa las/ ldog pas mngon par byang chub pa rnam pa lnga'i rang bzhin can gyi dkyil 'khor ba'i lha rnams kyi bdag nyid can dang/ pha rol tu phyin pa thams cad kyi rang bzhin du rnam par bzhag pa yin no/ /de la 'dod chags la sogs pa'i dri ma ma lus
pa dang bral ba nyid de las gzhan pa'i khyad par can gyi rgyur gyur pa nyid kyis na me? long lta bu'i ye shes kyi ngo bo nyid dang/ dbye ba ma lus pa dang bral ba nyid kyis mnyam pa nyid kyi ye shes kyi ngo bo nyid dang/ phyin ci log ma lus pa dang bral ba'i rang bzhin nyid kyis na so sor
rtog pa'i ye shes kyi ngo bo nyid dang/ /'gro ba ma lus pa'i phan pa skyed pa'i rgyur gyur pas bya bsgrub pa'i ye shes kyi ngo bo nyid dang/ gzung ba dang/ 'dzin pa rnam pa gnyis dang bral bas chos kyi dbyings shin tu rnam par dag pa'i ngo bo nyid yin no/ /de bas na me long lta
bu'i ye shes la sogs pa'i bdag nyid can mi bskyod pa la sogs pa de bzhin gshegs pa lnga'i bdag nyid can yang de nyid yin pas sangs rgyas thams cad kyi ngo bo nyid yin no/ /de nyid kyi bar dmigs pa rnams las ldog pas stong pa nyid kyi bdag nyid can yin
pa'i phyir rdo rje sems ma'o/ /mtshan ma ma lus pa las ldog cing mtshan ma med pa'i bdag nyid can yin pas rin chen sems ma'o/ /log pa'i smon lam las log cing smon pa med pa'i bdag nyid can yin pas na chos kyi sems ma'o/ /phyin ci log gi mngon par 'du
byed pa las ldog cing mngon par 'dus ma byas pa'i bdag nyid can yin pas na las kyi sems ma ste/ rdo rje sems ma la sogs pa rigs kyi yum bzhi ni go rims bzhin du stong pa nyid la sogs pa rnam par thar pa'i sgo bzhi'i ngo bo nyid yin pa'i phyir ro/ /de bzhin du de nyid ni
snod kyi 'jig rten gyi mthar rtog pa las log cing chen po stong pa nyid kyi ngo bo nyid du gyur pa'i byang chub tu sems bskyed pa'i rgyur gyur pas rdo rje sems dpa' o/ /mig la sogs pa la nye bar dmigs pa las ldog cing nang stong pa nyid kyi ngo bo nyid du gyur pa dang/ byang chub
tu sems bskyed pa rnams kyi 'gugs pa'i rgyur gyur pas rdo rje rgyal po'o/ /gzugs la sogs pa'i mchod pa'i las kyi rgyur gyur pas na rdo rje las so/ /rang dang spyi'i mtshan nyid du nye bar dmigs pa'i mtshan nyid las ldog pas na mtshan nyid stong pa nyid kyi bdag nyid can du gyur
pa dang/ las la rab tu zhugs pa rnams kyi sprul pa'i rgyur gyur pas na rdo rje srung ba'o/ /nye bar mi dmigs pa dang/ nye bar dmigs las ldog pas na mi dmigs pa stong pa nyid kyi bdag nyid can du gyur pa dang/ bsrung ba la zhugs pa rnams kyi bgegs nye bar zhi ba'i
rgyur gyur pas na rdo rje gnod sbyin no/ /dngos po med pa dang/ dngos po mi dmigs pa las ldog pas na dngos po med pa'i ngo bo nyid kyi stong pa nyid kyi bdag nyid can du gyur pa dang/ de ltar bya ba byas bsgrub pa la 'jug pa rnams kyi sku dang gsung dang thugs rdo
rjer byed pas dngos grub thams cad rdzogs pa'i rgyur gyur pas na rdo rje khu tshur ro/ /mig la sogs pa'i rnam par shes pa gnas gyur pa'i ngo bo nyid kyis bya ba sgrub pa'i ye shes ji skad bshad pa'i phyir cing log rnams las dbyen pa'i ngo bo nyid kyis de'i 'khor
du gyur bas chos thams cad stong pa nyid la sogs pa'i ngo bo nyid ni rdo rje las la sogs pa bzhin no/ /de bzhin du ser sna dang tshul khrims 'chal pa dang khro ba dang le lo la sogs pa nye bar dmigs pa las ldog cing de'i gnyen po nyid kyis sbyin
pa dang/ tshul khrims dang/ bzod pa dang/ brtson 'grus kyi pha rol tu phyin pa'i bdag nyid can du gyur phyag rgya chen po gnyis su med pa'i ye shes kyi ngo bo nyid kyi rnal 'byor dbang phyug de ni gsang ba'i mchod pa'i ngo bo nyid rdo rje sgeg mo dang/ phreng ba ma dang glu ma dang/
gang ma'i bdag nyid can te/ rdo rje sgeg mo la sogs pa ni sbyin pa la sogs pa'i pha rol tu phyin pa'i ngo bo nyid yin pa'i phyir ro/ /de bzhin du shes rab 'chal pa dang/ rnam par g.yeng ba dang log pa'i smon lam dang/ thabs med pa las ldog pas shes
rab dang/ bsam gtan dang/ smon lam dang/ thabs kyi pha rol tu phyin pa'i bdag nyid can du gyur pa'i phyag rgya chen po gnyis su med pa'i ye shes kyi ngo bo nyid kyi rnal 'byor gyi dbang phyug de nyid ni phyi'i mchod pa'i rang bzhin rdo rje bdug pa dang/ me tog dang/
mar me dang/ dri'i ngo bo nyid yin te/ rdo rje bdug pa la sogs pa ni rim pa bzhin du shes rab kyi pha rol tu phyin pa la sogs pa bzhi'i ngo bo nyid yin pa'i phyir ro/ /de nyid ni theg pa chen po la mngon par yid ches pa las ldog pas dad pa'i bdag nyid
can te/ thabs chen po'i ngo bo nyid yin pas na rdo rje lcags kyu'o/ /theg pa chen po la mi 'jug pa las ldog ces brtson 'grus kyi bdag nyid can gyi spyod pa'i ngo bo nyid du gyur pas na rdo rje zhags pa'o/ /deng nges pa bzhugs pa las ldog cing dran pa'i bdag nyid
can bar du gcod pa'i dgos pa las ldog pa'i bdag nyid can yin pas na/ rdo rje lcags sgrog go /cho ga mi shes pa las ldog pa'i ting nge 'dzin gyi bdag nyid can yin zhing chos thams cad ma skyes par stong pa nyid du gyur pas na rdo rje 'bebs pa'o/ /
des na thabs dang shes rab kyi bdag nyid can gyi rnal 'byor chen po de nyid ni dad pa dang/ brtson 'grus dang/ dran pa dang/ ting nge 'dzin gyi ngo bo nyid du gyur pas rdo rje lcags kyu la sogs pa sgo bsrungs bzhi'i ngo bo nyid yin no/ /gang phyir shes rab thabs bdag can/ /dang po'i sbyor ba'i
rang bzhin 'di/ /de phyir byang chub sems kun bdag /dkyil 'khor gyi ni bdag po yin/ /rnal 'byor ba'i phyag rgya chen po dang gnyis su med pa'i ye shes kyi rang bzhin ni thabs dang shes rab kyi bdag nyid can yin pa'i phyir dang po'i sbyor ba'i rang bzhin te/
byang chub pa'i bdag nyid can gyi sems dpa' ma lus pa'i bdag nyid can yin pas na dkyil 'khor gyi rgyal po'i mchog gi rang bzhin can yin no/ /de bsgom pa nyid ni ting nge 'dzin gnyis bsgom pa yongs su rdzogs pa yin par blta bar bya'o/ /gang phyir ji skad
bshad stong pa/ /rnam pa bcu drug bdag nyid 'di/ /des ni byams sogs ting 'dzin bdag /byang chub sems dpa' i bdag can yin/ /'di ni stong pa bcu drug gi bdag nyid can yin pa'i phyir stong pa bcu drug gi rang bzhin can gyi ting nge 'dzin gyi bdag nyid can
gyi byang chub sems dpa' bcu drug kyang yin no/ /de dag byams pa dang/ mthong ba don yod dang/ ngan song thams cad spong ba dang/ mya ngan dang mun pa thams cad nges par 'joms pa'i blo gros dang/ spos kyi glang po dang/ dpa' bar 'gro ba dang/
nam mkha' i mdzod dang/ ye shes tog dang/ 'od dpag med dang/ zla 'od dang/ bzang skyong dang/ dra ba can gyi 'od dang/ rdo rje snying po dang/ blo gros mi bzad pa dang/ spobs pa brtsegs pa dang/ kun tu bzang po'o/ /gang phyir thabs chen bdag nyid pas/ /
'di ni thabs kun rang bzhin yin/ /de phyir 'jig rten pa'i ye shes/ /ting 'dzin kun bdag nyid can yin/ /tshangs pa la sogs pa nas ba lang rdzi'i? bar du sems can gang ci yang rung ba la yod pa'i shes pa 'am/ mnyam par bzhag pa gzhan gyi
dgos pa'i thabs su gyur pa de thams cad de nyid du de'i yin te/ thabs thams cad kyi bdag nyid can yin pa'i phyir ro/ /gang tshe yang dag bshad pa'i rim pa yis/ /rnal 'byor ba ni mnyam par bzhag gyur pa/ /de tshe de ni mgon rtog mi mnga' yang/ /ji
srid ji skad bshad pa nyid du bzhed/ /de ltar na re zhig rnal 'byor pa gang gi tshe rnal 'byor pa spros pa med pa'i shes rab dang/ thabs kyi rnal 'byor gyi bdag nyid can yin pa de'i tshe thams cad mkhyen pa'i rang bzhin can te/ dkyil 'khor ba'i lha
ma lus pa'i bdag nyid can dang/ pha rol tu phyin pa ma lus pa'i rang bzhin du mgon pos yang dag par 'jog par mdzad do/ /gang tshe de ni rnal 'byor de las langs gyur kyang/ /de tshe 'ang de nyid du na de bzhin nyid bdag can/ /spyod lam ma lus par
rtogs pa'i langs ba dag / bdag nyid lus ni kun nas rnam par bsgom par bya/ de tshe 'ang kun la kun du rnam par gnas/ ji skad bshad pa'i de nyid bdag nyid can du 'dod/ /de bas gnas skabs gnyis dang yang dag ldan bdag nyid/ /rgyal ba
mgon po ci 'dra de lta nyid du 'dod/ /de kho na nyid kyi rnal 'byor mngon sum du byed pa'i gnas skabs dang/ lhag par mos pa'i gnas skabs te/ ming gzhan du na mnyam par ma bzhag pa'i sbyor ba zhes bya ba dang ldan pa'i de kho na nyid kyi rnal 'byor pa'i
rdo rje slob dpon ni de bzhin gshegs pa thams cad kyi byang chub kyi sems rdo rje'i ngo bo nyid du bstan to/ /de yang 'phags pa gsang ba 'dus pa las/ bcom ldan 'das de bzhin gshegs pa thams cad kyi sku dang gsung dang thugs rdo rje gsang ba
'dus par mngon par rtogs pa'i slob dpon la de bzhin gshegs pa thams cad gyis ji ltar blta bar bgyi / rigs kyi bu de bzhin gshegs pa thams cad dang/ byang chub sems dpa' thams cad kyis byang chub kyi sems su blta bar bya'o/ /de ci'i phyir zhe na/ slob
dpon ni byang chub kyi sems dang mnyam zhing rnam pa gnyis su dbyer med do/ /rigs kyi bu mdor bstan na/ phyogs bcu'i 'jig rten gyi khams na/ sangs rgyas dang byang chub sems dpa' ji snyed 'khod cing 'tsho la skyong ba de dag thams cad dus gsum du lhags nas/
slob dpon de la de bzhin gshegs pa thams cad kyi mchod pas yang dag par mchod nas/ sangs rgyas kyi zhing der yang 'gro zhing de dag rdo rje'i yi ge yang 'di skad du 'byin to/ /bdag cag de bzhin gshegs pa thams cad kyi pha'o/ /bdag cag de bzhin
gshegs pa thams cad kyi ma'o/ /zhes bya ba nas/ bdag cag de bzhin gshegs pa thams cad kyi ston pa'o zhes bya ba'i bar du'o/ /'di lta ste dper na/ rigs kyi bu/ sangs rgyas bcom ldan 'das phyogs bcu na ji snyed bzhugs pa dang/ sangs rgyas bcom
ldan 'das de rnams kyi sku dang gsung dang thugs rdo rje las byung ba'i bsod nams kyi phung po ji snyed pa de bas kyang slob dpon gyi ba spu'i bu ga gcig gi bsod nams khyad par du 'phags so/ /de ci'i phyir zhe na/ rigs kyi bu byang chub kyi sems ni sangs rgyas kyi ye shes
kyi snying por gyur pa'o/ /skye ba'i gnas su gyur ba nas thams cad mkhyen pa'i ye shes kyi 'byung gnas yin pa'i bar du'o zhes ji skad gsungs pa yin no/ /de nyid kyis na sbyor de las/ /shes rab kyi thabs kyi rang bzhin gtso/ /dngos grub thams cad kun
'byung bar/ /rdzogs pa'i sangs rgyas kun gyis gsungs/ /de nyid las bcom ldan 'das de bzhin gshegs pa thams cad kyi sku dang gsung dang thugs kyi dngos grub gang la gnas/ /de bzhin gshegs pa thams cad kyis gsungs pa/ sku
gsum gyi gsang ba sku dang gsung dang thugs rdo rje ni rdo rje slob dpon gyi sku dang gsung dang thugs rdo rje la gnas so/ /sku dang gsung dang thugs rdo rje gang du gnas/ /gang na yang ma yin no zhes ji skad gsungs pa ste/ stong pa nyid kyi ngo bo nyid yin pa'i phyir ro
zhes bya bar dgongs so/ /yang shes rab dang thabs kyi rang bzhin gnyis su med pa'i ye shes bsgom pa 'di nyid ni don dam pa can gyi gsang sngags kyi spyod pa ste/ de yang gang gi phyir/ ye shes don gyi yid kyi gzugs/ /sngags ni ye shes
yin par bshad/ /gnyis med yid ni skyobs pas na/ gal te de lta na yang sngags/ /skad kyi dbyings las mA na dz+nyA ne zhes pa dang/ mA na a ba bo d+ha ne zhes bya ba yid ni shes pa las bya ba 'am/ yid ni khong du chud pa la bya ba'i phyir dang gtso bo'i don du nges pas ji
skad du bshad pa'i phyag rgya chen po gnyis su med pa'i rang bzhin can stong pa nyid kyi ye shes nyid la sngags zhes bya ba 'am/ yang na de lta bu'i ye shes bsgoms pas sgrib pa rnam pa gnyis spangs nas kun tu bzang po nyid thob pa ni yid skyob pa'i don gyis
na de nyid ni sngags nyid de/ /de nyid bsdus pa'i rgyud du yang/ /sems ni so sor rtogs pa yi/ /phyag rgya che dang mnyam sbyor ba'i/ /bsgom pa nyid la bya bar bshad/ /de nyid kyis ni dpal de kho na nyid bsdus pa'i rgyud las phyag rgya chen po dang gnyis su med pa'i
ye shes kyi dbang du mdzad nas gsungs pa ni/ rigs kyi bu rang gi sems la so sor rtog cing mnyam par zhog rang bzhin gyis grub pa'i sngags 'di ci dgar bzlos shing bsgrub par gyis shig ces bya ba yin te/ 'di yang aoM la sogs pa kun rdzob kyi
sngags yin la de bsgrubs pa las sems so sor rtogs par byed pa ni don dam pa'i sngags nyams su len pa yin la/ /sems so sor rtogs pa yang phyag rgya chen po gnyis su med pa'i ye shes mngon sum du byed pa yin no/ /de bas na gzhon nu don
thams cad grub pas kyang sngags nyams su len pa de nyid de bzhin gshegs pa thams cad kyis mgrin gcig tu bstan pa las bsgrubs te smras pa ni/ de bzhin gshegs pa thams cad rang gi snying gar zla ba'i dkyil 'khor gyi rnam par mthong lags so
zhes bya ba ste/ ye shes de nyid 'dod chags la sogs pa'i dri ma ma lus pa dang bral ba nyid kyis 'od gsal ba'i rang bzhin can yin pa dang/ bsod nams dang ye shes kyi tshogs thams cad kyi bdag nyid can nyid kyis 'gro ba ma lus pa/ kun tu tshim
par byed pa'i rang bzhin can yin pa'i phyir dang/ dpal rdo rje sems dpa' la sogs pa'i sprul pa'i 'od zer rnams kyis sems can gyi khams thams cad kyi dgongs pa'i don byed par nus pa'i phyir dang/ nam mkha' i khams kyi mthar thug pa'i phyogs
kyi tshogs thams cad khyab pa nyid kyis na/ zla ba'i dkyil 'khor dang 'dra ba nyid yin pa'i phyir dang/ mngon par mtho ba dang nges par legs pa'i 'bras bu rgya che ba dang ldan pas/ /yongs su rdzogs pa yin pa'i phyir zla ba'i dkyil 'khor lta
bu'o/ /rnam snang mngon par byang chub ba'i/ /rgyud rgyal las ni rab gsal bar/ gnyis med ye shes 'di nyid ni/ /thug pas bsngags zhes bya bar gsungs/ /de yang/ gzhan yang gsang ba'i bdag pos sngags kyi mtshan nyid ni sangs rgyas thams cad
kyis ma mdzad/ de bzhin gshegs pa thams cad kyis ma byas/ byed du ma bcug /rjes su yi rang pa ma yin no/ /de ci'i phyir zhes na/ 'di ni chos thams cad kyis chos nyid de/ 'di lta ste/ de bzhin gshegs pa rnams byung yang rung/ ma byung yang rung/
chos rnams kyi chos nyid de ni ye nas gnas pa ste/ de yang 'di ltar gsang sngags rnams kyis gsang sngags kyis chos nyid do zhes bya ba nas/ gang gi tshe sangs rgyas bcom ldan 'das 'jig rten du 'byung ba de'i tshe chos nyid de tshul sna tshogs dang/
dgongs pa sna tshogs kyi sems can bsam pa sna tshogs pa rnams la tshig sna tshogs pa dang/ yig 'bru sna tshogs dang/ yul nges pa'i tshigs tu brjod pa sna tshogs dang/ dbyangs sna tshogs su go ba rnams su byin
kyis brlabs te gsang sngags kyi tshul 'chad do zhes ji skad gsungs pa'o/ /dpal ldan 'dus tshogs tshig las kyang/ /btsun mo shes rab nyid du bshad/ /b+ha ga de'i snying po yin/ /bzhugs pa de'i ngo bo nyid/ /der yang bcom ldan
'das de bzhin gshegs pa thams cad kyi sku dang gsung dang thugs rdo rje de bzhin gshegs pa thams cad kyi? bdag po snying rje chen po ni rang bzhin byang chub kyi sems rdo rje nyid yin no/ /de'i btsun mo ni phyag rgya chen po bcom ldan 'das yum shes rab ste/ mtshan
gzhan yang kun tu bzang mo zhes bya ba'o/ /b+ha ga ni snying po ste ming gzhan yang stong ba nyid ces bya'o/ /bcom ldan 'das der bzhugs pa ni de'i bdag nyid can du gyur nas tha dad pa'i dbye bas thams cad dang bral bas gcig tu 'dres par gyur pas 'khor ba ji
srid pa'i bar du brjod du med pa'i yang brjod du med pa'i byang chub sems dpa' dang/ de bzhin gshegs pa rnams dang/ phyag rgya dang dkyil 'khor dang/ sngags bye ba dang/ lhan cig rnam par rtog pa mi mnga' bar gyur kyang sngon gyi 'phen shugs kyis sems
can thams cad la ci bgyi zhes bya ba'i tshul gyis rnam par bzhugs so zhes bya ba'i don to/ /de yang kun rtog rlung ni thams cad kyis/ /mi g.yo yid bzhin nor bu bzhin/ /de ltar bzhugs kyang sems can gyi/ bsam pa ma lus rdzogs par mdzad/ /zhes
ji skad bshad ba'o/ /de bzhin rgyud ni bzhi rnams su/ /sngags kyi de nyid dam pa 'di/ /gdul bya'i bsam rjes 'jug mdzad pa'i/ /mgon pos rjes su dpags te bstan/ /sngags kyi de nyid mi shes pa/ /mi nus gang yin de don du/ /zla ba rdo rje sogs rim
gyis/ /bskyed pa'i rnam pa bstan pa yin/ /'di nyid las ni mngon dgongs nas/ /sngags kyi de nyid yongs gsal ba/ /de gsal mdzad par dgongs pas de/ /bcom ldan rdo rje can gyis gsungs/ /gleng bzhi'i dbang du mdzad nas kyang/ /sngags ni
gang zhig gsungs gyur pa/ /de las de nyid yin par gsungs/ /lhag ma zhar la 'ongs par bzhed/ de nyid kyis rnam par snang mdzad mngon par byang chub pa'i rgyud la sogs par ji skad du bshad pa'i sngags kyi de kho na nyid bstan ba sngon du 'gro bas zhar la kun
rdzob tu sngags kyi mtshan nyid gsungs pa yin no/ /de yang/ rdzogs sangs rgyas kyi gsang sngags ni/ /tshig dang ming dang brnga yis mtshan/ /tshig de dbang du gyur pas na/ /gsang sngags don rnams thams cad sgrub/ /kha cig bskul ba'i tshig
dang ldan/ /kha cig rang ming thog mar smos/ /hUM dang phaT dang ldan pa ni/ /gtsug tor rnams kyi yin par bsgrags/ /zung zo tshoms shig ces pa dang/ /snun song drol cig ces pa ni/ /phyag brnyan rnams dang khro bo yi/ /gsang sngags yin par khro bos
gsungs/ /nA ma swAhA la sogs ldan/ /ting nge 'dzin ni rtogs pas mtshan/ /zhi ba yi ge rnam par dag /re ba thams cad rdzogs byed pa'i/ /gsang sngags sangs rgyas thams cad dang/ /byang chub sems dpa' skyob ba yin/ /zhes bya ba la sogs pa
rgya cher gsungs pa dang/ de bzhin du 'phags pa de kho na nyid bsdus pa la sogs pa'i rgyud rnal 'byor dang spyod pa dang bya ba'i dbye bas phye? ba rnams su gang zla ba dang rdo rje la sogs pa'i tshul gyis bskyed pa'i rim pa de yang don dam pa'i sngags kyi de kho na nyid
la 'jug par bya ba'i don nyid yin no/ /de bas na sngags ba rnams kyis ji skad du bshad pa'i spros pa med pa'i phyag rgya chen po gnyis su med pa'i sbyor ba dang ldan pa nyid du bya'o zhes bya bar nges so/ /de la de nyid min sgro btags/ /las ldog pa ?
nges pa'i rgyu/ /de tshul nges par byed pa rnams/ /sgro btags de nyid la rab 'jug /des na sgra de'ang de nyid de/ /don dam nyid du dbye med yin/ /rdo rje sems dpa' sogs tshul gyis/ /rtog pa bye brag la rten yin zhes rtogs par bya'o/ /dngos
po kun gyi rang bzhin can/ /rang snang lam du gyur pa yis/ /de tshe bdag nyid de mchod bya/ /zhes bya ba la sogs pa la bdag nyid mchod pa nyid kyis phun sum tshogs pa thob pa dang/ rjes su 'brel pa yin na gzugs la sogs pa'i
yul thams cad kyis bdag nyid mchod de/ la la ni nyams su myong bar gyur pa yang dgag pa yin na ji ltar mi 'gal bar 'gyur zhes rtog na/ /de ni ma yin te/ gang gi phyir/ gang tshe khams gsum gang du gang/ /sgro btags pa las ma grol ba/ /
de tshe de nyid sgro btags pa'i/ /rang bzhin bdag nyid mi smod/ /sgro btags pa ni rnam pa gnyis te/ de kho na nyid kyi tshul dang/ de kho na nyid ma yin pa'i tshul lo/ /de la de kho na nyid kyi tshul du bdag tu sgro btags pa ni ma la sogs par sgro btags pa
dang 'dra bar gcig nas gcig tu brgyud pas byang chub sgrub par byed pa yin pas na nyes pa med do/ /gang yang la la dag ni nyams su myong ba dag kyang 'gegs par byed pa nyid yin na ji ltar mi 'gal zhes smra ba de yang rigs pa ma yin te/ gang gi
phyir/ snang dang mi snang yul gcig tu/ /gyur pa 'gal ba nyid 'gyur gyi/ /kun nas ldang ba'i dbye nyid kyis/ /yul gyi dbye ba gnyis su grub/ /las ni kun nas ldang ba dang/ /kun nas ldang bar byed pa yi/ /dbye bas rnam pa gnyis gnyis so/ /
de la lus dang ngag gi las thams cad ni kun nas ldang bar byed pa yin la/ yid kyi las ni kun nas ldang bar byed pa ma yin no/ /de yang rnam pa gnyis te ma chags pa la sogs pa'i tshul dang de las gzhan pa'o/ /de la 'dod chags
la sogs pas kun nas bslang ba'i lus dang ngag gi las thams cad ni mi dge ba yin te/ de ni bkag pa yin la/ ma chags pa la sogs pas kun nas bslang ba thams cad ni dge ba nyid yin no/ /de ltar phyag rgya chen po gnyis su med pa'i sbyor ba
dang ldan pa'i rnal 'byor pas ni 'gro ba thams cad ma chags pa la sogs pa'i bdag nyid can du rnam par blta'o/ /de bas na 'di ni spyod lam thams cad dang ldan du zin kyang mi dge ba'i chos ma dmigs pa'i rang bzhin can yin pas dge ba'i bdag
nyid can yin no/ /de yang/ byang chub sems dpa' i kun rtog ni/ /dge ba 'am yang na mi dge ba/ /thams cad dge ba nyid 'gyur te/ /gang phyir de yid dbang gyur yin/ /zhes ji skad bshad pa dang/ de bzhin du sdom pa nyi shu pa
las kyang/ snying rjer ldan zhing byams phyir dang/ /sems dge ba la nyes pa med/ /ces bshad pa dang/ de bzhin du gzhan dag las kyang thugs rje chen pos don gzigs pas/ /bkag pa rnams kyang de la gnang zhes bshad pa dang/ yang gzhan
dag las/ /ma chags la sogs las byung ba'i/ /lus ngag las ni dge ba yin/ /gang zhig chags sogs las byung ba'i/ /las de mi dge bar 'dod do/ /de bas thugs rje'i bdag nyid kyis/ /gzhan phan byas ba thams cad ni/ /las de
thams cad dge yin par/ /rdzogs sangs rgyas kyis rab tu bsgrags zhes gsungs pa yin no/ /de ltar yul gyi dbye ba yis/ /gang tshe las lam la gnas pa/ /mkha' gang duAng 'gal ba ni/ /de tshe gang yang mi snang ngo zhes bshad pa dang/
de bzhin du chos mngon pa'i mdzod las kyang/ /gang phyir kun slong med thar pa/ /dam pa'i don du dge rtsa ba/ /ngo tsha khrel yod bdag nyid kyis/ /de dag dang ldan mtshungs ldan gyis/ /zhes bshad pa ste/ de las bzlog pa ni mi dge ba yin no/ /
gzhan yang/ gang phyir sgro btags kun las grol/ /phyag rgya chen po'i bdag nyid can/ /de phyir 'di drang ji skad gsungs/ /dam tshig sdom pa'i bdag nyid yin/ /de yang bla na med pa yang dag par rdzogs pa'i sangs rgyas nas sems dpa' chen po'i
mthar thug pa dang/ sems can gyi khams rnams stong pa nyid kyis mi snang byed pas srog chags thams cad gsod pa yin par dgongs pas gsod par gsungs so/ /bdag nyid nye bar dmigs na gzhan dag yod pa ma yin
pas gzhan gyi nor yang dmigs su med pa la dgongs nas gzhan gyi nor phrog par gsungs pa yin no/ /gzhan gyi sgra ni mchog la yang 'jug pas bud med kyi mchog ni bcom ldan 'das yum shes rab de bzhin gshegs pa thams cad
kyi yum du gyur pa mtshan gyi rnam pa gzhan yang phyag rgya chen po zhes bya ba yin te/ de dang gcig tu 'dres par gyur pa la dgongs nas gzhan gyi bud med bsten par gsungs pa yin no/ /de yang sangs rgyas gtso bo'i yum dag la/ /rnam par mi rtog
blo can gyis/ /mnyes par byas kyang mi dogs te/ /des ni sangs rgyas 'grub par 'gyur/ /zhes kyang gsungs pa yin no/ /dngos po thams cad dmigs su med pa yin pas de ston par byed pa'i tshig brdzun nyid yin pa'i don 'di las
dgongs nas kyang brdzun gyi tshig kyang smra bar bya'o zhes gsungs pa yin no/ /de bas na sdom pa'i bdag nyid do/ /dngos po thams cad kyi ngo bo nyid kyis de kho na nyid kyi rnal 'byor pa'i rnam par snang mdzad la sogs pa'i rdzas rnams chos kyi sku'i
bdag nyid can du rang gi thams cad lus kyi nang du bsgom pas de byin gyis brlabs pa yang rigs pa yin no/ /gzhan yang chos kun stong par ro gcig par/ /rdzogs pa'i sangs rgyas kyis gsungs pa/ /'di ni de'i ro myong tshul/ /de tshe
rang nyid bzhugs pa yin/ /de bas na dam tshig gi bdag nyid kyang yin no/ /dngos po med la dbang thob pas/ /de phyir dngos po kun bdag nyid/ /gzugs la sogs pa thams cad kyis/ /rnal 'byor ba ni bdag nyid mchod/ /ces
nges par bshad par bya'o/ /gzhan yang khas blangs 'di dag ni/ /smras kyi de nyid du ma yin no/ /don dam rnam par dpyad pa la/ 'jug pa 'am ldog pa yod ma yin/ gcig tu don dam pa'i rnal 'byor pa ni gang du yang 'jug pa 'am ldog
par mi byed do/ /bya ba'i tshul gyis gang cung zad/ /dam tshig la sogs nges bstan dang/ /mtshams med lnga byed la sogs pa/ /snod du rung ba gang gsungs pa/ /de kun sems can kun gyi don/ /gcig tu mdzad dgyes rgyal ba
yis/ /sdig de zad dang gcig tu mkhas/ /de nyid 'jug par bya phyir gsungs/ /de yang/ rigs ngan smig ma mkhan la sogs/ /gsod don don gnyer sems can rnams/ /theg chen bla na med pa yi/ /theg mchog 'di la 'grub par
'gyur/ /sems can mtshams med la sogs pa'i/ /sdig pa chen po byed pa yang/ /rdo rje theg pa rgya mtsho ste/ theg pa mchog ni 'di la 'grub/ /srog gcod pa'i sems can gang/ /rdzun du smra la dga' ba dang/ /gzhan gyi nor la
chags pa dang/ rtag tu 'dod la spyod gang dang/ /bshad gci zas su za ba ste/ de dag bsgrub pa'i snod du 'gyur/ /ma dang sring mo bu mo de/ /'dod pa bas ni mnyes byas nas/ /theg chen mchog gi chos nyid kyi/ /dngos grub rgya chen des
'thob po zhes gsungs pa yin no/ /de yang srog gcod pa dang ma byin par len pa dang/ bgrod par bya ba ma yin pa la zhugs pa la sogs pa la bdag nyid zhugs pa dang/ dgag pa med par zhugs pa dag gis de lta bu thos pa dang ji ltar na 'dir
bdag cag skal ba dang ldan par zhes rnam par bsams nas dkyil 'khor du 'jug pa la sogs pa'i rim gyis phyag rgya chen po'i gnyis su med pa'i rnal 'byor mngon sum du byas pa dang/ de la bslab pas sdig pa thams cad spangs te rdo rje 'chang ba nyid
du bya'o snyam mo/ /phyag rgya chen po'i gnyis su med pa'i rnal 'byor la 'jug pas kha na ma tho ba thams cad rnam par dag par 'gyur bar the tshom med do/ /de yang/ de bzhin gshegs pa'i mdzod kyi mdo las/
'od srungs pha yang yin la rang sangs rgyas kyang yin pa'i srog bcad pa ni srog gcod pa'i nang na ma rung ba yin no/ /'di lta ste/ dkon mchog gsum gyi nor phrogs pa ni ma byin par len pa'i nang na ma rungs pa'o/ /'di lta ste
ma yang yin la dgra bcom ma yang yin pa la nyal po byas na de ni 'dod pas log par g.yem pa'i nang na ma rungs pa yin no zhes bya ba nas/ 'od srung mi dge ba'i las kyi lam bcu po 'di dag ni kha na ma tho ba dang bcas pa chen po
ste/ 'od srung gal te sems can la la zhig mi dge ba'i las kyi lam bcu po de ltar kha na ma tho ba dang bcas pa chen po dag dang ldan par gyur pa la/ do de bzhin gshegs pa'i chos bstan pa thos nas/ rgyu rkyen dang ldan pa la 'jug
ste/ 'di na bdag gam sems can nam srog gam gang zag gam/ gang byed pa 'am/ gang myong ba gang yang med do/ 'di ltar chos thams cad ni ma byas pa/ mngon du bya ba med pa/ sgyu ma'i chos nyid kun nas nyon mongs pa can
ma yin pa/ rang bzhin gyis 'od gsal ba yin par rtogs la/ /chos thams cad gzod ma nas rnam par dag par yid ches shing mos na sems can de ngan song du 'gro bar nga mi smra'o/ /de ci'i phyir zhe na/ nyon mongs pa rnams la
phung po'i dngos po med de/ nyon mongs pa thams cad ni byung nas 'jig cing zhu'o/ /rgyu dang rkyen tshogs shing phrad pa las byung la byung ma thag tu 'gag pa'o zhes gsungs so/ /gzhan yang/ gnod sbyin srin po sha za sogs/ /
dam tshig nye bar bstan pa ni/ /yid rton la gus sems ldan pa/ de rnams de ni sgrub phyir yin/ /gang zhig de bsgrub par 'dod pa rnams la de'i thabs ni 'di yin no zhes thabs bstan pa yin gyi nges par bya dgos so zhes bstan pa
ni ma yin no/ /de ltar de nyid mi shes par/ /thos pa tsam la 'jug byed cing/ /gang zhig bsod nams mi byed pa'i/ /skyes bu tha ma de brlag 'gyur/ /tshig tsam la ni brten nas su/ /chags sogs zhen pa'i sems kyis
ni/ /bsod nams ma yin byed pa gang/ /de ni 'og nas 'og tu 'gro/ gang yang ji skad du bshad pa'i dam pa'i chos kyi don mi shes par dam tshig dang sdom pa la sogs pa'i dgongs pa la brten te dge ba la lhod pa 'ba' zhig tu ma zad kyis
sangs rgyas bcom ldan 'das rnams kyis de kho bo cag rnal 'byor pa rnams la rjes su gnang ba yin no zhes sgra mthon por sgrogs shing/ chags pa la sogs pa'i dbang du gyur pa'i sems kyis rgyud kyis mi dge ba rnams kyang byed pa de rnams ni sangs rgyas
bcom ldan 'das rnams la yang skur pa btang cing bslus pas shin tu dam tshig nyams pa'i phyir/ mnar med pa nyid du ltung bas gnas par 'gyur ro// //shes rab thabs ni mnyam sbyor ba/ /rnal 'byor pa ni gang zhig des//
de kun de med sdig sbyor byed/ /sangs rgyas kun gyis rab tu mchod/ /de bas na shes rab thabs kyi rang bzhin gnyis su med pa'i ye shes bsgom pa nyid sdig pa thams cad rnam par spyod par byed pa dang/ nges par legs pa thams cad 'byung bar byed
pa yin no/ /de yang/ gang dag rnam par dben pa la/ /g.yo ba'i yid kyang mi g.yo de/ /nyon mongs sbrul gyis dkrugs pa yis/ /mi zad srid pa'i rgya mtsho rgal/ /ces bshad pa yin no/ /'di ni rnal 'byor mchog de yin/ /de phyir de
bzhin gshegs phyag bya/ /de la rnal 'byor mdza' yas pa/ /rab tu 'byung bar gsungs pa yin/ /de nyid las ni rnal 'byor dag /mdza' yas pa ni yang dag 'gyur/ /sngags dang dkyil 'khor phyag rgya rnams/ /
rnal 'byor de las dag par 'gyur/ /zhi dang rgyas pa'i lam rnams dang/ /gzhan yang gsang sngags byung ba gang/ /gang+gA'i klung gi bye ma snyed/ /dngos grub phra mo ci snyed dang/ /gzhan yang dngos grub che nyid dang/ /sa stengs grags pa ji snyed pa/ /
rnal 'byor 'di las kun 'byung zhes/ /thugs kyi rdo rjes gsungs pa yin/ /gang yang nges par 'byed pa'i cha/ /bzhi dang sa ni bcu po la/ /'bras bu'i gnas skabs de thams cad/ /rnal 'byor 'di las yang dag 'byung/ /byung dang 'byung bar
'gyur gang dang/ /byung gyur rgyal ba'i sras po gang/ /'jig rten dbang sogs sems dpa' che/ /de yang 'di ni rnam pa gnas/ /'das dang ma byon sangs rgyas dang/ /de ltar byung ba'i rtogs gang dang/ /rang rgyal nyan thos dge 'dun rnams
de yang 'di las byung ba yin/ /rnal 'byor spyod bya'i dbye ba las/ /sprul pa ci snyed byung ba rnams/ /de snyed de dag thams cad ni/ /rnal 'byor 'di las nges par byung/ /bag chags stobs kyis yongs bsgos pa'i/ /yongs su brtags pa'i
rang bzhin can/ /bstan g.yo dngos po ji snyed pa/ /de snyed de la brten pa yin/ /zhes bya ba ni/ bsdus pa'o/ /de ltar de nyid rnal 'byor pa la de nyid ci bzhin bstan/ /de la mngon brtson 'gyur phyir yang dag 'di ni bshad pa yin/ /de la rnal 'byor
pa gzhan de'i skal med gang de'i phyir/ /de la 'jug 'gyur ye shes phyag rgya chen por bstan pa yin/ /gsang sngags kyi sgo'i spyod pa spyad pa dbang po rab kyi man ngag bstan pa'o// //phyag rgya chen po mnyam sbyor ba'i/
skal ba nyid bral bdag nyid la/ /ye shes phyag rgya rnam sgom par/ /thugs kyi rdo rjes gsungs pa yin/ /gang yang sems kyi rgyud 'dod chags la sogs pa la shin tu zhen par 'jug pa rnams/ /de las byung ba'i sems kyi rnam par g.yeng bas ji skad du
b shad pa'i bcom ldan 'das yum shes rab mngon du bya bar mi nus pa de'i phyir ye shes kyi phyag rgya dang mnyam par sbyor ba'i thabs dang shes rab bsgom pa don dam pa'i shes rab dang thabs kyis rang bzhin gnyis su med pa'i ye shes bsgom pa la
'jug par bya ba'i don du/ bcom ldan 'das thugs rdo rjes bstan par mdzad pa yin no/ /de yang/ ye shes phyag rgya mnyam sbyor ba/ /zhe sdang rdo rje sogs tshul gyis/ /rigs kyi dbye ba la bsten nas/ /rnal 'byor ba ni rnam lngar 'dod/ /de la
sems can thams cad kyi sems kyi rgyud la khams gsum pa'i nyon mongs pas yongs su bsgos pa nyid yin mod kyi/ 'on kyang 'dod chags dang zhe sdang dang/ gti mug dang/ nga rgyal dang/ phrag dog gi bag la nyal ni gzhan dag las shin
tu shas che bar byung ba yin pas de rnams la de dang rjes su mthun pa'i bsgom pa ston par mdzad pa yin no/ /de yang/ gang gi rang bzhin chags ldang rnam bral yang/ /'dod chags la sogs chags can ltar ston cing/ /gdul bya'i don du khrod
khro ston phyir/ /byang chub mchog brnyes de la phyag 'tshal lo zhes ji skad du gsungs pa yin no/ /de ji ltar 'dod chags la sogs pa gtso bor gyur pa de bzhin du/ /rigs rnams kyang lnga po nyid yin no/ /de yang/ zhe sdang gti mug 'dod chags
dang/ /yid bzhin nor bu dam tshig ste/ rigs lngar gtogs pa 'di rnams kyis/ /'dod dang thar pa rab sgrub byed ces ji skad du gsungs pa lta bu'o/ /yid bzhin nor bu dang dam tshig gi rigs gnyis ni/ /nga rgyal dang/ phrag dog gi
rang bzhin nyid yin pa'i phyir/ de la zhe sdang dang/ gti mug dang/ nga rgyal dang/ 'dod chags dang/ phrag dog gi rang bzhin ni rim pa ji lta ba bzhin du mi bskyod pa la sogs pa'i de bzhin gshegs pa lnga yin no/ /yang
de rnams kyi ye shes phyag rgya mdor bsdu na/ rnam pa bzhi la yang dag brten/ /mA ma kI sogs dbye ba yis/ /rdo rje sems sogs rnal 'byor pa'i/ /mi bskyod rdo rje sems dpar bshad/ /rin chen 'byung ldan rnal 'byor pa'i/ /
snyoms 'jug mA ma kI nyid ces/ /bdag cag rnams kyi bla mas bshad/ /ye shes kyi phyag rgya ni rnam pa bzhi ste/ /bcom ldan 'das rnam par snang mdzad kyi rnal 'byor pa'i ni sangs rgyas spyan no/ /rdo rje sems dpa' dang mi bskyod pa dang/
rin chen 'byung ldan gyi rnal 'byor pa'i ni mA ma kI'o/ /'od dpag tu med pa ni na bza' dkar mo'o/ /don yod par grub pa'i rnal 'byor pa'i dam tshig sgrol ma'o/ /gang 'di bcom ldan 'das thog mdza' med pa rnam snang zhing/ /
kun rtog brjod dang bral bas spros pa med gyur pa/ /chags sogs rgyal ba lnga'i sku'i rang bzhin gyur/ /sems can bsam las dgongs te de ni de ltar mdzad/ /bcom ldan 'das byang chub kyi sems rdo rje de bzhin gshegs pa thabs
dang shes rab gnyis su med pa'i ye shes kyi rang bzhin can de nyid 'dod chags la sogs pa'i rang bzhin de bzhin gshegs pa lnga dang/ rigs pa'i lha mo la sogs pa'i rnam par kun rdzob tu sku kun tu 'dzin par mdzad nas nyon mongs
pos kun tu gang ba'i sems can gyi khams rnams kyi sems rgyud dri ma med par bya ba'i phyir dang/ gdul bya de rnams nyid de lta bu'i laM la 'jug pa'i skal ba dang ldan pa rnams de kho na nyid la nges par sbyor bar mdzad cing/ de ltar rnam par
bzhugs so zhes bya ba ni man ngag yin no/ /yang ji ltar na tshul 'dis de kho na nyid la 'jug par 'gyur zhe na/ de'i phyir smras pa/ rgyal ba skyes mchog rnams kyi dri med skur gnas nas/ /cha gnyis bral bas char bcas phyi rol spong byed
cing/ /sems rtogs pa yis sems tsam la ni des brten te/ /de yang sna tshogs snang bas gcig tuAng yod ma yin/ /sems ni du ma gcig tshul gyis kyang sna tshogs nyid/ /de bzhin kun kyang dngos po med pa nyid du shes/ /
rim pa 'di yis dngos rnams de nyid bcas 'gyur la/ /de bsgom nyid kyis slar yang de ni de bzhin 'gyur/ /de ltar ye shes kyi phyag rgya dang mnyam par sbyor ba yi sems dpa' la sogs pa bsgom pa 'dis/ de kho na nyid bsgom pa la 'jug
pa'i rim pa bstan pa yin no/ /de yang dang por re zhig gsang sngags kyi sgo'i spyad pa spyod pa rnams kyis zla ba dang rdo rje la sogs pa bsgom pa'i bskyed pa'i rim pas rdo rje sems dpa' la sogs pa'i sku yongs su rdzogs par byas pa dang/ bdag
ni rdo rje sems dpa' o zhes bya ba la sogs par sgro btags par byas pa tsam du zad pas phyi dang nang gi bdag nyid can gyis bsgom par bya ba dang bsgom pa bo dang bsgom pa nye bar mi dmigs pas/ gzung ba dang 'dzin pa'i rnam pa las rab tu ldog pa'i
phyir bla ma'i man ngag gis rnam par shes pa'i bdag nyid can gyi rang gi sems rnam par rtog pa'i spros pa'i tshogs gzhan nges par bsal ba sngon du 'gro ba'i rim gyis shin tu brtan pa nyid du bya'o/ /rnal 'byor pa yongs su rdzogs
shing sems brtan par gyur ba ni mnyam par bzhag pa yin par shes par bya ste/ nye bar brtags pa'i dngos po la sems rtse gcig pa ni ting nge 'dzin yin pa'i rigs pas so/ /de'i tshe 'di ni rdo rje sems dpa' la sogs pa'i ngo bo nyid rang
gi sems kyi rnam pa tsam yin yang phyi rol la mngon par zhen pas rang gi sems kyi rnam par mi shes par lta bar bya'o/ /yang gang gi tshe khyed kyi sems 'di nyid rdo rje sems dpa' la sogs pa ni rnam pa yin gyi phyi rol ni ma
yin no zhes bla ma'i man ngag las rtogs pa dang/ de'i tshe rdo rje sems dpa' la sogs pa'i sku la brten pa'i phyi rol yongs su 'dor bar 'gyur ro/ /yang gang gi tshe khyed kyi sems tsam 'di la bsgom par bya ba dang sgom pa po dang/
bsgom par mngon pa'i nga rgyal mi bya'o zhes bshad par byas pa de'i tshe sems tsam la brten pa'i gzung ba dang 'dzin pa gnyis dang bral bas rnam par rtog pa med par/ rdo rje sems dpa' la sogs pa'i skur rnam par gnas so/ /
yang rdo rje sems dpa' la sogs la sku gcig pa nyid dang du ma nyid la sogs pa dang bral bas bla ma'i man ngag nyid kyis dngos po med pa nyid du rtogs par 'gyur ro/ /de nas bla ma'i man ngag nyid las chos thams cad kyang rdo rje sems dpa'
ya sogs pa'i sku dang 'dra bar dngos po med pa nyid du rtogs par 'gyur ro/ /de bas na rim pa 'dis rdo rje sems dpa' la sogs pa bsgoms pas kyang chos thams cad dngos po med par rtogs par 'gyur ro/ /snyam du dgongs nas rdo rje
sems dpa' la sogs pa'i bsgom pa de kho na nyid bsgom pa la 'jug par bya ba nyid kyi phyir bcom ldan 'das kyis gsungs pa yin no zhes de kho na nyid shes par 'dod do/ /'di nyid la dgongs nas gdul bya rnams kyi sems kyi 'jug pa dang
rjes su mthun par mdzad pa'i mgon po thugs rje dang ldan pas don dang ldan par gsungs pa'i tshul gyis gcig nas gcig tu brgyud pa'i tshul gyis brgyud pa 'am/ rgyur gyur pa'i 'brel bas de dang der rnam pa du mar gsungs pa yin no/ /de yang
'di lta ste/ lha mo bzhi dang yang dag 'dus/ /dga' ba'i sbyor la legs par gnas/ /rdo rje rol pa la sogs pas/ /bcom ldan 'dod pa can grub 'gyur/ /'di ni rnal 'byor gtso mchog ste/ /dam tshig chen po bsgrub pa dang/ /dam tshig
chen po de nyid las/ /de nyid skul bas bskul ba ni/ /kun gyi bdag nyid 'dir bzhugs nas/ /gsang ba'i snying po grong khyer cher/ /lha mo bzhi dang yang dag par/ /rol mo kun gyi gar mdzad do zhes bya ba yin no/ /de nyid kyis na/ lam
la gnas ba'ang thabs kyis ni/ /gdul bya drang ba'i phyir yin gyi/ /nyon mongs dgra las 'jigs byed pa/ /min na ci phyir 'bras gnas yin/ /zhes bshad pa yin no/ /de ltar na ye shes kyi phyag rgya bsgom pa nyid kyi rim pas bla ma'i man
ngag nyid las phyag rgya chen por 'gyur bas byas la/ yang dus phyis sngar bshad pa'i rim pa nyid kyis phyag rgya chen po'i gnyis su med pa'i rnal 'byor bsgom pa nyid kyis 'bras bu mngon par rdzogs par 'gyur ro zhes bya ba ni man ngag yin no/ /de ltar
lhag pa'i ting 'dzin la gnas pa'i/ /mi 'pho'i gnas mchog dag tu rab myur 'gro /de las gzhan ? ? 'bra bar bshad/ /de las gzhan pa yang ni de bzhin 'gro /gsang sngags kyi sgo'i spyad pa spyod pa'i dbang po bar ma'i man ngag
bstan pa'o/ / //gang zhig gis ni sems? kyi rgyud/ /'dod chags la sogs dbang gyur pa/ /de phyir rgyal bas las kyi ni/ /phyag rgya sogs sgoms yang dag gsungs/ /gang yang shin tu nyon mongs pa che ba las byung ba'i rnam
par g.yang bas ye shes kyi phyag rgya la yang sems mnyam par 'jog par mi nus pa de rnams kyi phyir bcom ldan 'das kyis ji skad du bshad pa'i dam tshig dang yon tan dang ldan pa'i dam tshig gi phyag rgya dang snyoms par 'jug pa 'am/ las kyi
phyag rgya dang snyoms par 'jug pa'i shes rab dang thabs? kyi rang bzhin can gyi bsgom pa nye bar bstan pa yin no/ /de yang/ de bzhin gshegs pa'i btsun mo mchog /spyan la sogs par bsgom par bya/ /
dbang po gnyis ni mnyam sbyar bas/ /sangs rgyas dngos grub thob par 'gyur zhes bya ba dang/ de bzhin du/ b+ha ga la ni ling ga bzhag /sangs rgyas gzugs ni bsgom par bya/ /ba spu rnams kyi bu ga nas/ /mkhas pas sangs rgyas
sprin rnams spro zhes bya ba la sogs pa gsungs pas/ sangs rgyas la sogs pas rjes su dran pa bsgom par blta bar bya'o/ /'di dag dang de lta bu'i rnam pa gzhan rgyud las rgya cher gsungs pa de thams cad gcig nas gcig tu brgyud pa'i
tshul gyis rgyur gyur pa las dgongs pa nyid shes par bya'o/ /de nyid kyis na/ 'phags pa klu grub kyi zhal snga nas kyis kyang/ gang zhig gnod par mthong de'ang/ /mkhas pas la lar phan par mthong/ /nad kyi dbang gis thams cad kyang/ /
sman nyid du ni 'gyur ba yin zhes bshad pa yin no/ /de ni rgyal bas du ma ru/ /shin tu gsal bar rnam par phye/ /de bzhin slob dpon du mas kyang/ /sgrub thabs cho gas bshad pa yin/ /chog 'di ni de lta bur lhag par mos pa gtso bor
gyur pa'i gdul bya'i skye bo rnams kyi dor? gyur pa gong ma la sogs pa de dang der bcom ldan 'das nyid kyis shin tu gsal bar gsungs pa dang/ slob dpon rnams kyis kyang/ man ngag sna tshogs kyi dbang du mdzad nas/ spros pa dang
bcas par sgrub pa'i thabs la sogs pa'i bya ba'i sgo nas rnam par brtsams pa yod pas 'dir rgya cher ma spros so/ /'on kyang/ nyon mongs pas gtses sems ldan la/ /de ni mnyam 'jog byed par 'dod/ /de bas 'dir bsdus pa nyid
bya zhes/ /bdag cag rnams kyi bla mas bshad/ /'dod chags la sogs pa'i nyon mongs pa rnams kyis nye bar gtses pa'i sems mnyam par 'jog pa tsam gyi dgos pa yod pas kyang nyams su blang ba shin tu bsdus pa nyid 'dir mchog yin par
bsngags so zhes kho bo cig bla mas bstan to/ /de nyid kyis na/ las kyi phyag rgya sogs bsgom pa/ /gong nas gong du mchog yin te/ /cig shos gong don mi 'dor zhes/ /de ltar bdag gi bla mas bshad/ /ji srid sngags pa ye shes kyi phyag
rgya bsgom pa la sems mnyam par 'jog pa dang ldan par gyur pa de srid kyi bar du las kyi phyag rgya dang snyoms par 'jug pa 'am/ dam tshig phyag rgya dang snyoms par 'jug pas shes rab dang thabs kyi rang bzhin bsgom pa la mngon par brtson pa
dang ldan par byed par 'gyur la/ /ye shes kyi phyag rgya la snyoms par 'jug pa'i bsgom pa la mngon par brtson pa dang ldan pa yang ji srid bla ma'i man ngag gis bcom ldan 'das yum shes rab mtshan gyi rnam pa gzhan yang phyag rgya chen po
zhes bya ba mngon du mi byed pa de srid kyi bar du byed par 'gyur ro/ /de mngon sum du gyur nas kyang phyag rgya chen po'i gnyis su med pa'i rnal 'byor bsgom pa nyid las bde bar gshegs pa'i yon tan gyi tshogs dpag tu med pa yongs su rdzogs pa sngon
du 'gro bas kun tu bzang po nyid du gyur cing skye ba 'di nyid dam skye ba gzhan du bsgom pa mchog dang rab tu mchog tu rdzogs pa'i dbang gis sangs rgyas nyid dang/ rdo rje 'chang ba nyid mngon sum du byed par 'gyur ro zhes bya ba ni shin tu
bsdus te bstan pa yin no/ /gang zhig ye shes phyag rgya sogs/ /bsgom la mngon dga' med gyur pa/ /shes rab nyam chung nyid yin phyir/ /phyag rgya chen po bsgom pa min/ /de la kun mkhyen phan bzhed pas/ /phyag rgya chen po'i ming
gis ni/ /rdo rje sems dpa' la sogs pa'i/ /gzugs de nyid ni nges par bstan/ /ye shes kyi phyag rgya la sogs pa bsgom par mngon par mi dga' ba dang ji skad du bshad pa'i phyag rgya chen po bsgom pa'i phyir snod du
ma gyur pa nyid kyis la la dag la rdo rje sems dpa' la sogs pa'i gzugs nyid phyag rgya chen po yin par bstan pa ti? ci nas de bsgoms pa nyid las kyang ji skad du bshad pa'i rim gyis phyag rgya chen po nyid mngon sum du byed par 'gyur ro/ /rnal
'byor spyod pa'i dbye ba las/ /ji snyed gzugs ni rnam bsgoms pa'i/ /de snyed de nyid 'jug don yin/ /de ltar ngo bo? nyid shes rnams 'dod/ /dpal mchog dang po'i cho gar yang/ /tshangs dang drag po sogs bsgom par/ /des 'dul ba
la gsungs pa ni/ /de nyid la ni 'jug phyir yin/ /de ltar rdo rje sems sogs sku ni ma lus bsam mi khyab/ /las kyi phyag rgya sogs ldan cha bral min pa gang bshad dang/ /gang yang cha bral gzhan dag thams cad rnam par bsgom par bya/ /gang
phyir de yang rnal 'byor pa rnams de nyid rigs 'gyur phyir bstan no/ /gsang sngags kyi sgo'i spyad pa spyod pa'i dbang po tha ma'i man ngag bstan pa'o// //gang zhig bsgom stobs yongs su rdzogs/ /tshogs gnyis kyi ni
rgyur gyur pa/ /sangs rgyas nyid la yang dag brten/ /bsgom pa'i skal dang mi ldan pa/ /de phyir 'gro ba'i mgon po yis/ /shes rab zhi gnas bsgom pa gsungs/ /de ni brtse chen rdzogs byang chub/ /'gro ba'i rgyud la
skyes byed yin/ /gang yang bsgom pa'i stobs las nges par 'byung ba'i bsod nams dang ye shes kyi tshogs gnyis kyi rgyu kun tu bzang po nyid la rgyun mi 'chad par mngon par brtson pa'i rnal 'byor pas dus yun ring por mi thogs par
rdzogs pa mngon sum du byed la/ /de byed pa'i skal ba med pa de rnams kyi phyir/ thugs rje chen po dang ldan pa'i mgon pos zhi gnas lhag mthong zung du 'jug pa'i lam nye bar bstan par mdzad pa yin te/ de ltar na de bsgom pas/ bcom
ldan 'das yum shes rab mngon sum du byas nas/ de'i rang bzhin can gyi sbyin pa la sogs pa'i bya ba'i dngos po'i thabs la bslabs pa las sangs rgyas nyid du mngon par 'grub par 'gyur ro zhes dgongs pa yin no/ /de yang snying rje
chen po skyes pas byang chub kyi sems bskyed la/ de nyid gong nas gong du rnam par rtog pa spong bas yongs su dag pa bskyed par bya ba'i phyir brtson par byed de/ snying rje chen po dang ldan pa ni gzhan gyi sdug bsngal gyis sdug bsngal ba nyid
kyis 'di dag thams cad nyid sdug bsngal rnams las bton la sangs rgyas nyid la nges par sbyar bar bya'o zhes byang chub kyi sems bskyed par byed cing/ /'di rnams kyang dam bcas pa'i gnyis su med pa'i ye shes kyi ngo bo dang/ sbyin
p a la sogs pa'i bya ba'i dngos po'i thabs la bslabs pa med par de gong nas gong du yongs su dag pa med par rdzogs par mi 'gyur ro snyam du dgongs nas gnyis su med pa'i ye shes rdzogs par bya ba'i phyir zhi gnas dang lhag mthong zung du
'jug pa'i lam yang sgom par mdzad do zhes bya ba ni mdor bsdus te bstan pa yin no/ /byang chub kyi sems de yang rnam pa du zhig ce na/ smras pa/ byang chub sems gang gzhan don du/ /yang dag byang chub 'dod pa yin/ /
de ni dbye ba gnyis kyis gnyis/ /de dag nyi shu gnyis su 'ang 'gyur/ /byang chub kyi sems ni smon pa'i sems dang 'jug pa'i sems so/ /de yang sdong po bkod pa las/ rigs kyi bu sems can gyi tshogs na gang bla na med pa yang dag par
rdzogs pa'i byang chub kyi sems ni rnyed par dka' o/ /de bas kyang sems can bla na med pa yang dag par rdzogs pa'i byang chub la mngon par zhugs pa de ni ches rnyed par dka' o zhes gsungs pa yin no/ /gnyis
po de dag kyang rnam pa nyi shu rtsa gnyis su dbye bar bya ste/ de yang 'phags pa byams pas/ de yang sa gser zla ba me/ /gter dang rin chen 'byung gnas mtsho/ /rdo rje ri sman bshes gnyen dang/ /yid bzhin nor bu nyi ma glu/ /rgyal po
mdzod dang lam po che/ /gzhon pa bkod pa'i chu dang ni/ /sgra brnyan chu bo sprin rnams kyis/ /rnam pa nyi shu rtsa gnyis so/ /zhes ji skad bshad pa yin no/ /de la yang 'di ltar blta bar bya ste/ 'dun pa'i gnas skabs sogs dbye bas/ /
smon pa'i sems kyi rnam pa gsum/ /'jug pa zhes ni bya ba'i sems/ /rnam pa bcu dgu dag tu 'dod/ /de la smon pa'i sems ni rnam gsum du dbye ste/ /'dun pa dang lhan cig 'dres pa'i chos thams cad mngon par byang chub
par 'dod pa'i mtshan nyid can ni sa lta bu yin no/ /bsam pa dang lhan cig 'dres pa ni pha rol tu phyin pa drug gi spyod pa'i mtshan nyid de/ phyis 'byung ba dang de ltar gyi 'gyur ba med pa'i phyir gser bzang po lta bu yin no/ /lhag pa'i sems
dang 'dres pa ni byang chub kyi sems chos sum cu rtsa bdun bsgom par 'dod pa'i mtshan nyid can ni dkar bo'i phyogs thams bsgom par 'dod pa'i mtshan nyid can ni dkar bo'i phyogs thams no/ /'jug pa'i sems kyi dbye ba ni rnam pa bcu dgu
ste/ sbyor ba dang 'dres pa gcig dang sbyin pa la sogs pa'i pha rol tu phyin pa bcu dang/ mngon par shes pa ldan pa dang/ bsod nams dang ye shes dang ldan pa dang/ byang chub kyi phyogs dang ldan pa dang/ zhi gnas dang lhag mthong dang ldan pa dang/
gzungs dang spobs pa dang ldan pa dang/ chos kyi skyes mos tshal dang ldan pa dang/ bgrod pa gcig pa'i lam dang ldan pa dang/ chos kyi sku dang ldan pa'o/ /'di yis de dag ma lus khyab/ /de bas gnas skabs rnam pa bzhi ste/ /'bras bu
rgyu dang sbyor sogs dang/ /las kyi gnas skabs dbye bas so/ /de la gsum ni las dang po pa'i gnas skabs so/ /bzhi pas ni nges par byed pa'i cha'i gnas skabs so/ /sbyin pa la sogs pa'i pha rol tu phyin pa'i sems kyis ni rgyu'i
gnas so/ /mngon par shes pa la sogs pa'i gnas skabs dang lhan cig gnas pa'i brgyad kyis ni 'bras bu'i gnas skabs khyab pa yin no/ /de la dang po mgon po yis/ /gsol ba'i rnam par yang dag bshad/ /gnyis pa sbyin sogs
la 'jug pa/ /'jug pa'i rnam par rab tu bsgrags/ /gsol ba'i rnam pa smon pa'i sems ni rnam pa gsum ste/ de yang sngar bshad pa yin no/ /'jug pa'i rnam pa ni gang nas brtsams te sdom pa 'dzin npa sngon du 'gro bas sbyin pa la sogs
pa'i tshogs la 'jug pa de ni 'jug pa'i sems so/ /sdom pa yang bla ma sdom pa la gnas shing mkhas pa nus pa dang ldan pa las blang bar bya'o/ /de med na sangs rgyas dang byang chub sems dpa' rnams mdun du bzhugs par yid la byas
la blang bar bya'o/ /de yang/ sbyin sogs shes rab dang bral ba/ /thabs ma yin zhing sa ma yin/ /de bas shes rab bskyed bya zhing/ /zhi gnas kyang mi bskyed par bya/ /shes rab med par ni sbyin pa la sogs pas pha rol tu phyin
pa'i ming mi thob cing thabs kyang ma yin no/ /de bas na shes rab bskyed pa'i phyir dang/ zhi gnas bskyed pa'i phyir 'bad par bya'o/ /de la gang zhig khrims ldan sdug bsngal bzod nus dang/ /gang la brtson dang bag yod bstan pa
'chang/ /gang tshe yang dag dang yang ldan 'gyur te/ /de'i ting 'dzin ni shin tu myur du rdzogs par 'gyur/ zhi gnas kyi tshogs tshul khrims la sogs pa gsum la rnam par gnas pas yid dang rjes su
mthun pa'i phyogs su stan bde ba la 'dug ste / lus drang por gzhag la snying rje chen po mngon sum du bya ste/ sems can ma lus pa gdon pa'i bsam pas sems rtse gcig pa'i mtshan nyid can gyi ting nge 'dzin bskyed par bya'o/ /
de la man ngag ni 'di yin te/ khams sogs dbye bas dngos po thams cad la/ /yang dag dmigs te ji srid mnyam bzhag thob/ /de srid yid ni skad cig re re gzhug /dang por re zhig rnal 'byor pas/ /khams la sogs pa'i
rnam par dbye bas dngos po ma lus pa la rgya cher rnam par dpyad la / chos thams cad ni 'di tsam du zad do zhes de ltar nges par bya ste/ yang sems kyi rgyud kyi skad cig mas de nyid du gtad par bya'o/ /gal te yid ni chags sogs kyis
g.yengs 'gyur/ /mi gtsang la sogs gnyen po bsgom pa yis/ /ji srid de ni brtan pa mthob pa/ /de srid blo dang ldan pas de zhi bya/ /yang gang gi tshe bar skabs su 'dod chags la sogs pas sems rnam par g.yengs par
gyur pa de'i tshe mi gtsang bsgom pa la sogs pas rnam par g.yeng bar zhi bar byas la/ sems yang nas yang du de la gong nas gong du gtad par bya'o/ /de la yang bcom ldan 'das kyis yum shes rab kyi pha rol tu phyin pa las 'dod chags
rnam pa dgu ni chen po nyid du bstan te/ 'di lta ste/ dbyibs la chags pa dang/ reg pa la chags pa dang/ /tsan dan la sogs pa bskus pa las byung ba'i lus kyi dri la chags pa dang/ rgyan gyis brgyan pa las byung ba'i lus
mdzes ba la chags pa dang/ lus kyi kha dog la chags pa dang/ sha rgyas pa la chags pa dang/ lus dang yan lag gi rtse 'jo la chags pa dang/ so mdzes pa las byung ba'i chags pa dang/ kha dog dang dbyibs la chags pa'o/ /
de'i gnyen por gyur pa'i mi gtsang ba yang rnam pa dgu ste/ de ni 'di lta ste/ dbyibs la chags pa rnams kyi gnyen po ni rnam par bam pa'i 'du shes so/ /lus kyi reg pa la chags pa'i ni 'bus gzhigs pa'i 'du shes so/ /lus
kyi dril chags pa'i ni rnam par rul pa'i 'du shes so/ /lus mdzes pa la chags pa'i ni rnam par dmar ba'i 'du shes so/ /lus kyi kha dog la chags pa'i ni rnam par sngos pa'i 'du shes so/ /sha rgyas pa la chags pa'i ni rnam par
zos pa'i 'du shes so/ /lus dang yan lag gi brtse 'jo la chags pa'i ni rnam par 'thor ba'i 'du shes so/ /so mdzes pa la chags pa'i ni rus gong gi 'du shes so/ /kha dog dang dbyibs la chags pa'i gnyen po ni rnam par tshig pa'i 'du
shes so/ /zhe sdang las byung ba'i rnam par g.yeng ba'i gnyen po ni byams pa bsgom pa'o/ /gti mug las byung ba'i rnam par g.yeng ba'i gnyen po ni rten cing 'brel par 'byung ba bsgom pa'o/ /gang gi tshe sems der mngon par
mi dga' bar mthong pa de'i tshe/ ting nge 'dzin gyi yon tan la bsam pa dang/ mi dga' ba'i skyon la bsam pas de yang zhi bar bya'o/ /gang gi tshe gnyid dang rmugs pa las sems zhum par mthong ba de'i tshe/ snang ba'i 'du shes
bsgom pa dang/ rab tu dga' ba yid la byed pa sangs rgyas la sogs pa'i yon tan yid la byed pas zhum pa de yang zhi bar bya'o/ /yang gang gi tshe sngon rgod pa dang/ rtse zhing dga' ba rjes su dran pas sems bar skabs rgod par mthong ba
de'i tshe mi rtag pa yid la byed pas de yang zhi bar bya'o/ /yang gang gi tshe zhum pa dang/ rgod pa dag dang/ bral ba nyid kyis cha mnyam par 'jug cing sems rang gi mtshan nyid kyis gnas par mthong ba de'i tshe/ /
sgrim pa dang glod pa btang snyoms su byas te/ gal te sems mnyam par 'jug tu zin kyang bsgrim pa byas na/ de'i tshe sems rnam par g.yeng bar 'gyur ro/ /le lo dang ni dmigs pa brjed pa dang/ /de bzhin zhum rgod mi rtsol? ba
dang rtsol/ /ting nge 'dzin la thams cad nyes par 'gyur/ /dad sogs sems nyid de'i gnyen po yin/ /mdor na ting nge 'dzin thams cad kyi nyes pa nyid ni rnam pa drug yod de/ 'di lta ste le lo dang/ dmigs pa brjed pa
dang/ zhum pa dang/ rgod pa dang/ bsgrims pa dang/ ma bsgrims pa'o/ /de rnams kyi gnyen por spong ba'i 'du byed brgyad bsgom par bya'o zhes bcom ldan 'das kyis gsungs te/ 'di lta ste/ dad pa dang/ 'dun pa
dang/ rtsol ba dang/ shin tu sbyangs pa dang/ dran pa dang/ shes bzhin dang/ btang snyoms dang/ sems pa'o/ /de la dang po bzhi ni le lo'i gnyen po yin te/ de yang ting nge 'dzin gyi yon tan rnams la mngon par yid
ches pa'i mtshan nyid can gyi dad pas rnal 'byor pa rnams de la mngon par 'dod pa'i sems bskye bar 'gyur la/ mngon par 'dod pa de las rtsol ba brtsom par 'gyur ro/ /de las kyang lus dang sems las su rung ba
nyid thob par 'gyur la/ shin tu sbyangs pa de las lus dang sems le lo las ldog par 'gyur ro/ /de bas na dad pa la sogs pa ni le lo spang ba'i phyir bsgom par bya'o/ /dran pa ni dmigs pa brjed pa'i gnyen po'o/ /shes
bzhin ni zhum ma dang rgod pa'i gnyen po yin te/ des zhum ba dang rgod pa dag nye bar shes pa yin pa'i phyir ro/ /zhum pa dang/ rgod pa ma zhi ba'i dus su ni mi rtsol ba nyes pa yin te/ de'i gnyen por ni sems pa bsgom par bya'o/ /zhum pa dang/
rgod pa dang/ nye bar zhi bar gyur nas gang gi tshe sems rang gi rgyun gyis 'jug pa de'i tshe ni rtsol ba nyes pa yin pas de'i gnyen por btang snyoms bsgom par bya'o/ /spong ba'i 'du byed brgyad po de dang yang dag par ldan pa'i ting nge 'dzin
gang gis rdzu 'phrul la sogs pa'i yon tan rdzogs par byed par mchog tu las su rung bar 'gyur ro/ /de bas na mdo las spong ba'i 'du byed brgyad dang ldan pa'i rdzu 'phrul gyi rkang pa bsgom par byed do zhes gsungs pa yin no/ /bsgom pa'i
rim pa 'di nyid las dgongs nas/ bcom ldan 'das yum las/ de la sems mnyam par gzhag par bya/ yang dag par 'jog par byed/ rnam par 'jog par byed/ nye bar 'jog par byed/ dul bar byed/ zhi bar byed/ nye bar
zhi bar byed/ gcig pa nyid du byed/ ting nge 'dzin du byed do zhes gsungs pa yin no/ /yang dag par 'jog pa ni dmigs pa de nyid la rgyun gyis 'jug par byed pa'o/ /rnam par 'jog pa ni rnam par g.yeng ba shes par byas te de
nye bar zhi bar byed pa'o/ /nye bar 'jog par byed pa ni rnam par g.yang ba nye bar zhi bar byas nas de nyid la gong nas gong du gtong bar byed pa'o/ /dul bar byed pa ni dga' ba skyed par byed pa'o/ /zhi bar byed pa ni mi dga' ba nyer zhi bar byed pa'o nye bar
zhi bar byed pa ni gnyid dang rmugs pa la sogs pa byung ba sel bar byed pa'o/ /gcig pa nyid du byed pa ni dmigs pa la mngon par 'du byed pa med par 'jug par 'bad par byed pa'o/ ting nge 'dzin du mnyam par 'jog pa ni sems
mnyam pa nyid thob pa la btang snyoms su byed pas yang dag pa 'dzin par byed do zhes bya ba'i don to/ /tshig dgu po 'di dag gi bshad pa ni/ /slob dpon thogs med kyi mdzad pa las bris pa yin no/ /yang rim pa
'dis ting nge 'dzin rdzogs pa gang gi tshe 'gyur zhe na/ de'i phyir smras pa/ gang tshe sems ni rtsol ba med pas ni/ /rang gi ngang gis 'jug par gyur pa nas/ /de tshe sangs rgyas mnyam 'jog la brten te/ /'di ni ting 'dzin
kun gyi tshul yin no/ /gang gi tshe dmigs pa de la mngon par 'du byed pa med par 'jug pas sems gnas par gyur pa de'i tshe zhi gnas rdzogs pa yin par shes par bya'o/ /de ltar mnyam 'jog shes nas ni/ /de nas
shes rab bskyed bya ste/ gzugs dang gzugs med dbye ba yin/ /don de nyid ni rnam dpyad bya/ /de la re zhig gzugs can nyid rnam par dpyad par bya ste/ ci sngon po la sogs pa'i rnam pa 'di dag rnam par shes pa
las tha mi dad pa yin nam/ tha dad pa yin/ de la shes pa las tha mi dad pa nyid yin na/ khams gsum de'i rang bzhin du 'gyur te/ thams cad sems kyi dngos po nyid du ni red na gang gi phyir sngon po la sogs pa'i rnam pa
gcig pa nyid du mthong ba de yang shes pa yin te/ de las gzhan nye bar ma dmigs so/ /der ni 'di ltar 'gyur te/ gang yang mdun na gnas pa'i sngon po la sogs pa ni rnam par shes pa'i rang bzhin yin mod kyi/ 'on kyang
de ni yul dang dus la sogs pa'i nges pa gzhan du mi 'thad pas phyi'i don du brtags pa yin no zhe na/ de ni ma yin te/ dam pa blo yi nges pa yang/ /nang gi rgyud las grub bar 'dod /nang gi shes par byed pa nyid yul dang dus
kyi nges par rigs kyi don gyi dbang gis shes par bya ba med pas/ phyi rol tu rtog pa ni legs pa ma yin no/ /ci phyi rol las ma yin no zhes gal te zer na/ shes par byed pa las gzhan du mi 'thad pa nyid brtag par byas la/ de yang
phyi rol nyid du brtag par bya ba ma yin nam zhe na/ de ni ma yin te/ thams cad mi dmigs pa nyid kyis gal te cung zad cig rtag tu zad na/ ma mthong ba brtags pa yin na rta'i rwa la sogs pa yang shes par byed pa nyid du
zhan pas thal ches pa nyid du 'gyur ro/ /rta'i rwa la sogs pa ni med pas zhen pa med do zhe na/ phyi rol ji ltar yod/ nges pa gzhan du mi rigs so zhe na/ rta'i rwa dang mnyam pa dang gcig la gcig brten pa nyid kyis gzhan du mi
'thad pa las ni mthong ba nyid yin na/ mthong ba las ni gzhan du mi 'thad pa nyid yin no/ /gzhan nyid na ni 'gro ba rnams/ /gang phyir long ba glen nyid 'gyur/ /sngon po la sogs par bems po nyid kyis mi snang ba'i rang bzhin
can yin pa'i phyir/ /'gro ba rnams long bar thal bar 'gyur ro/ /snang bar byed pa de sems kyi rang bzhin can gzhan zhig gyur pa nyid ma yin nam zhe na/ de ni ma yin te/ gang gi phyir sems kyi rang bzhin gzhan dag yod pa ma
yin na/ 'di ga la yod/ gang mngon sum du yang med la rjes su dpag par yang med pa der sngon po la sogs pa dang tha dad pa dang sems kyi ngo bo gzhan dag 'di na mngon sum du mi snang la/ de rjes su dpag pa yang med de/ de ni
mngon sum sngon du 'gro ba nyid yin pa'i phyir ro/ yang na 'khrul pa la sogs pa'i tshul du gzugs la sogs pa nye bar ma dmigs so zhe na/ de ni ma yin te/ gang gi phyir gzung bar bya ba las bye brag med pa nyid kyis 'khrul pa
la sogs pa'i tshul ma yin te/ /'khrul pa nang gi reg bya'i yul gyi tshul nyid kyis phyi rol yin pa'i phyir/ de'i khyad par gyis kyang gzung bar bya ba'i khyad par
du mi 'gyur ba dang/ rigs mthun pa dang tha dad pa'i skyes pas kyang ma yin no/ /'on te mngon sum du dmigs su med kyang don gyi dbang gis nye bar dmigs te/ de yang don mi shes pa la gang yang phyi'i dmigs pa mi skye'o shes
pa las rjes su dpag pa nye bar dmigs par 'gyur zhes bshad do zhe na/ /de ni ma yin te/ gang gi phyir gzhan du 'thad pa ma yin pa sems kyi ma yin zad par 'gyur/ /sems kyi tshul ma yin pa nyid kyis bems po yin pas na so sor snang
ba dang ldan pa ma yin no/ /gzhan du mi 'thad pa 'dzin pa po'i char yongs su brtag pa brtag par 'gyur du ni sems tshul nyid du de mi 'thad do/ /bems po nyid kyi dbang byas nas gzhan du mi 'thad pa yin no zhe na/ de ni ma yin te/
gang gi phyir phan tshun brten pa'i nyes pa ni/ tshangs pas kyang ni zlog mi nus/ /gzhan du mi rigs pa ni 'dzin pa po'i tshar yongs su brtag pa bems po dang bems po ma yin pa gzhan de nyid du rigs pa ma yin no/ /de bas na sngon po la sogs pa'i
rnam pa gcig pu nyid du mthong gi de las tha dad pa'i bems po 'am sems kyi tshul gzhan ni yod pa ma yin no zhes bya bar gnas so/ /de ci'i phyir zhe na/ nye bar brtags pa 'dis na/ sems tsam la ni gnas nas su/ /phyi rol don la mi
brtag go zhes bya bas te phyi rol med pa gzung par bya ba med pa'i phyir/ 'dzin pa po'i rnam par shes pa'ang yod pa ma yin la bzung bar bya ba dang 'dzin pa'i rnam pa dang bral bas gnyis su med pa'i tshul dang de bzhin gyi ngo bo nyid la gnas
nas/ gzung ba dang 'dzin pa'i tshul gyis sems tsam yang spang bar bya'o/ /de yang ji skad du/ de bzhin nyid la dmigs nas su/ /sems tsam las kyang bzla bar bya/ /zhes gsungs pa yin no/ /de'i phyir rnam par shes
la brten nas su/ /phyi'i don ni yongs su spang/ /stong nyed dmigs pa la gnas nas/ /'dzin byed cha yang spang bar bya/ /de ltar na tshul rnam pa gnyi ga dang bral bas stong pa nyid kyi rang bzhin can gyi sems kyi tshul ni 'gro
ba yin no zhes nges par byas nas/ yang de nyid rnam par dpyad par bya ste/ ci de gcig pa 'am du ma 'am gnyig ni rang bzhin can nam/ skye ba 'am mi skye ba yin/ skye na bdag las sam gzhan las sam/ rgyu med pa las yin
te/ de bzhin du dngos po'i rang bzhin can nam/ dngos po med pa'i rang bzhin can min zhes bya ba la sogs pas dpyad par bya'o/ /de la re zhig 'gro ba sna tshogs nyid yin phyir/ gcig nyid ma yin du ma'ang min/ /
sems kyi tshul yang mi shes pas/ /de phyir gnyi ga'i tshul nyid min/ /skye ba ma yin 'gag pa med/ /'gro ba dngos dang dngos med min/ /de phyir de ni dngos med phyir/ /rang nyid chos sku'i bdag nyid can/ de la re zhig
gcig pa nyid ma yin te/ gal te gcig tu gyur na/ sngon po dang ser po la sogs pa'i tshul gyis sna tshogs par snang ba'i shes par mi 'gyur te/ ser po la sogs pa ma lus sngon po'i nang nyid du 'dus par shes par thal bar
'gyur ro/ /sngon po yang sngon po dang phyi ma dang dbus kyi dbye ba dang rags par snang bas shes par mi 'gyur te/ gang la phyogs kyi cha yod pa/ /de ni gcig ba nyid mi 'thad/ /ces bya ba'i rigs pa nyid kyis so/ /de'i phyir
rdul phra rab ci nyid du so sor snang bar 'gyur ro/ /du ma nyid du yang ma yin te/ du ma nyid yin na gzung ba dang 'dzin pa dang bral ba'i stong pa nyid kyi ngo bo nyid kyi de kho na nyid la rdul phra rab dbye ba med pa dang de las gzhan
pa'i yang dag pa med pas rdul phra rab re re zhing rang rig pa'i tshul gyis de nyid rdul phra rab tha dad bar snang bar thal bar 'gyur ro/ /gnyi ga'i tshul du yang mi rigs te de lta bu'i shes pa med pa'i phyir ro/ /thams cad du kho bo
cag gi tshad ma ni mngon sum pa yin na/ /rjes su 'jug pa 'am/ ldog pa'i tshul du lhan cig gam tha dad par mngon sum du shes pa nye bar ma dmigs so/ /de las gzhan pa yang de sngon du 'gro ba yin pas ma la de ltar
ma dmigs na rjes su 'jug pa dang/ ldog pa tshad ma med par ji ltar yongs su brtags par bya/ 'on te sna tshogs pa nyid kyis dags pa'i rnam par rang gi shes pa'i tshul gyis rig pa ni re zhig gzhan dgag pa'i tshul gyis yod pa
de yang rjes su 'jug pa dang ldog pa med par ma yin no/ /de ni de'i ngo bo las gzhan du mi 'thong bar yongs su brtag par bya'o zhe na/ ma yin te/ nyams su myong ba'i tshul nyid kyis spros la med pas de shin tu gsal bar bzang
bas don gyis shes par bya ba med pa'i phyir ro/ /de nyid kyis na skye pa'ang mi rigs te/ rgyu dang 'bras bu'i tshul gyis tshad ma med pas so/ /sngon dang phyi ma'i tshul gyis tshad ma la 'jug na rgyu dang 'bras bu'i tshul du bzhag pa'i
rnam pa gnyis po las rnam par dpen ba gnyis su med pa'i shes pa la ni sngon dang phyi ma'i 'jug pa dang ldan pa ma yin la/ /de las gzhan ba'i shes pa yod pa ma yin pas tshad ma med par bshad pa yin la/ /de ltar gang gi
tshe rgyu dang 'bras bu'i tshul gyi tshad ma med pas skye pa nyid kyang med pa de'i tshe bdag dang gzhan las so?/ /gnyi ga las saM?/ rgyu med pa las ga las skye/ /de bas na yang dag pa'i shes pa ni rnam par dbyad pa 'di nyid kyis chos thams cad skye ba mthong
bas slob dpon klu sgrub kyi zhal snga nas kyis/ ma rig rkyen las byung ba yi/ /yang dag shes pa la lta bas/ /skye ba 'am yang na 'gag pa ni/ /'ga' yang nye bar mi dmigs so zhes bshad pa yin no/ p/de ltar de kho na
nyid la skye ba med pas dngos po'i tshul nyid du yang yod pa ma yin te/ 'byung bas na dngos po ste yod pa sngon du 'gro ba can gyi 'byung ba nyid la rnam par 'jog pa yin no/ /de ltar de 'jig pa'i tshul gyi rang bzhin can dngos
po med pa'i tshul nyid kyang med do/ /dngos po dang dngos po med pa'i ngo bo nyid med pas spros pa thams cad kyang med pa yin te/ de rnams ni dngos po dang dngos po med pa dag la gnas pa nyid kyis de gnyis kyis khyab ba yin pa'i
phyir te/ de ltar khyab pa po med pas khyab par bya ba yang med pa'i phyir ro/ /de bas na rnam par dpyad pa 'dis spros pa med pa nyid yin pa'i phyir 'gro ba rnams chos kyi sku'i bdag nyid du shes par byas la sems tsam las yongs su
bzlas pa gcig dang du ma nyid la sogs pa'i tshul gyis de kho na nyid kyang snang ba med pa'i tshul du bzla bar bya'o/ /de bas na sems tsam las ni 'das nas su/ /snang ba med pa las bzla bar bya zhes gsungs pa yin no/ /spros pa
med pa'i tshul yang snang ba med pa la rnam par gnas pa ni de kho na nyid de/ theg pa chen po zhes bya la/ mtshan gyi rnam pa gzhan du na phyag rgya chen po zhes bya ste/ de mthong bar 'gyur ro zhes gsungs pa ni/ snang med gnas pa'i rnal 'byor
pa/ de yi theg pa chen po mthong zhes bya ba dang/ 'gro dang ldang dang 'dug pa dang/ /nyal na'ang mnyam par bzhag pa yin/ /mthong dang thos dang de bzhin bsgom/ /myong dang reg par de bsgom yang/ /shes rab
mig ni dag pa'i bdag / rnam par dbyod la gcig tu brtson/ /chos rnams thams cad mi shes pas/ /mthong na'ang mthong ba ma yin no/ /de kho na nyid mthong ba 'di ni gang shes rab kyis rnam par brtags na yang dag pa'i ye shes
mthong bas chos thams cad mi mthong ba yin no/ /de yang bcom ldan 'das yum las/ sangs rgyas bcom ldan 'das kyi ye shes kyi spyan gang zhe na/ gang gis ci yang ma gzigs pa'o zhes bya ba dang/ de bzhin du don di
pa mthong ba gang zhe na/ gang chos thams cad mthong ba med pa'o zhes ji skad gsungs pa yin no/ /de bas na de kho na nyid kyi rnal 'byor pa rnams kyang sbyong lam thams cad la gnas pa na chos thams cad mthong du zin kyang ma
mthong ba yin no/ /de lta bu nyid la mthong ba med pa zhes bya bar mngon par 'dod kyi gnyid log pa 'am/ mig btsums pa dang 'dra bar gang yid la mi byed pa ni ma yin no/ /de lta na ni bag chags ma spangs pas 'du shes pa'i?
snyoms par 'jug pa la sogs pa las ldang ba bzhin du slar yang gzugs la sogs pa la mngon par zhen pa'i bag chags kyi rtsa ba can gyi 'dod chags la sogs pa skye ba nyid kyis rnal 'byor par mi 'gyur te/ thog ma med
pa'i dus can gyi gzugs la sogs pa'i mngon par zhen pa yid la mi byed pa tsam gyis yongs su spangs bar mi 'gyur te/ 'du shes med pa'i snyoms bar 'jug pa la sogs pas kyang de spangs par 'gyur ro/ /gzugs la sogs pa'i
yul rnams kyi the tshom ma spangs par de yid la byed pa yongs su spang bar yang nus pa ma yin te/ me yongs su ma spangs par tsha ba spong mi nus pa dang 'dra'o/ /de bas na the tshom gyi sa bon dang bral ba nyid kyis gzugs la sogs pa
la mngon par zhen pa bsal bar bya'i/ tsher ma 'byin pa lta bur bya ba ma yin no zhes bya bar nges so/ /the tshom gyi sa bon dang bral bar bya ba yang zhi gnas dang lhag mthong phan tshun rjes su mthun par 'jug par bya'o/ /de yang sems
rtse gcig pa'i mtshan nyid can gyi zhi gnas kyi snang ba skyes par gyur na shes rab mig gi rnam par dpyod pa'i rnal 'byor pa'i the tshom dang bral bar 'gyur ro/ /de dang bral bas gzugs la sogs pa la mngon par zhen pa dang bral lo/ /
de dang bral nas kyang chos thams cad dngos po med par rtogs te/ de nyid ni shes rab kyi pha rol tu phyin pa'o/ /yang de'i tshe zhi gnas dang lhag mthong dag de'i bdag nyid can yin te/ de nyid ni mchog tu rnam par mi rtog pa'i rnal 'byor ro//
de yang/ kun rtog thams cad spangs pa des/ /'di ni rnal 'byor dam pa yin/ /rnal 'byor pa gang mngon sum du/ /gnas pa kun mkhyen bcom ldan 'gyur/ /de ltar rim pa 'dis zhi gnas dang lhag mthong dag gis sam/ /
bla ma'i man ngag gis bcom ldan 'das yum shes rab bskyed la/ byang chub sems dpa' dbang po rab dang ldan pa yin pa'i phyir de nges pa'i rgyu nyid kyis phyir mi ldog pa nyid rtogs par byas la/ shes rab kyi pha rol tu phyin pa'i ngo bo nyid dang/
sbyin pa la sogs pa'i thabs la rab tu 'jug go / de yang 'phags pa g.ya'i ? ri las/ gnyis po 'di dag ni byang chub sems dpa' i lam mdor bsdus pa ste/ 'di lta ste/ thabs dang shes rab bo zhes gsungs pa yin te/ thabs ni
sbyin pa la sogs pa'i pha rol tu phyin pa dang/ tshang med pa dang bsdu ba'i dngos po la sogs pa'i dbye bas phye ba ste/ de nyid kyang 'phags pa blo gros mi zad pa dang/ dkon mchog sbyin la sogs pa'i
mdo las gsungs pa'o/ /shes rab ni thabs de nyid phyin ci ma log par yongs su gcod pa'i rgyu'o/ /des kyang thabs yang dag par brtags nas phyin ci ma log pas bdag dang gzhan gyi don ji lta ba bzhin nyams su len
pas sngags kyis zin pa'i dug spyod pa dang 'dra bar kun nas nyon mongs par mi 'gyur ro/ /de yang mdo de nyid las thabs ni bsdu ba shes pa'o/ /shes rab ni yongs su gcod pa'o zhes gsungs pa dang/ 'phags pa dang ba'i stobs
bskyed pa las/ thabs la mkhas pa gang zhe na/ gang chos thams cad kyi bsdu ba shes pa la mkhas pa'o/ /shes rab gang zhe na/ gang chos thams cad dbyer med par shes pa la mkhas pa'o zhes gsungs pa 'di yin no/ /
'di dag ni sa la gnas pas kyang brten par bya'i/ shes rab tsam 'ba' zhig ni ma yin no/ /gang gi phyir sa bcu pa la sogs pa'i mdo las/ pha rol tu phyin pa lhag ma rnams la yang mi spyod pa ma yin no/ /zhes gsungs pas
byang chub sems dpa' sa bcu po thams cad du yang pha rol tu phyin pa thams cad la kun du spyod par bya'o zhes bshad do/ /de yang shes rab kyi pha rol tu phyin pa la gcig tu dga' ba'i byang chub sems dpa' rnams kyi dbang du mdzad nas
y ongs su rgyas pa'i mdo chos thams cad bsdus pa las byams pa gang yang byang chub sems dpa' rnams kyis byang chub kyi phyir pha rol tu phyin pa drug yang dag par gzung bar bya ba de la skyes bu blun po rnams 'di ltar byang chub sems dpas
shes rab kyi pha rol tu phyin pa 'ba' zhig la bslab par bya'i pha rol tu phyin pa lhag ma rnams kyis ci zhig dgos zhes zer zhing/ nges pha rol tu phyin pa gzhan dag la smos pa nyid du sems par 'gyur ro zhes bya ba la sogs pa rgya cher gsungs pa dang/
'phags pa rnam par snang mdzad mngon par rdzogs par byang chub pa'i rgyud las kyang/ thams cad mkhyen pa'i ye shes 'di ni snying rje chen po'i rtsa ba can/ byang chub kyi sems kyi rgyud dang ldan pa/ thabs kyis mthar phyin pa'o zhes gsungs pa yin no/ /
de bas na gnyi ga yang dus thams cad du brten par bya'o/ /de ltar na bcom ldan 'das mi gnas pa'i mya ngan las 'das par grub pa yin no/ /de yang sbyin pa la sogs pa'i thabs kyis gzugs kyi sku dang zhing dang 'khor la sogs pa'i longs spyod
chen po 'bras bu phun sum tshogs pa yongs su 'dzin par mdzad pas bcom ldan 'das mya ngan las 'das pa la gnas par mi mdzad do/ /shes rab kyis phyin ci log ma lus par spangs pas 'khor bar gnas par mi mdzad de/ 'khor bar
ni phyin ci log gi bdag nyid can yin pa'i phyir ro/ /de yang chos kyi rnam grangs gzings lta bur shes pa rnams kyis ni chos rnams kyang spad bar bya na chos ma yin pa lta ci smos zhes ji skad du gsungs pa lta bu yin te/ de la ci phyin ci
log tu mngon par zhen pa nyid spang bar bya'o zhes gsungs kyi dgos pa'i don rdzogs par bya ba'i don du yang gnas par mi bya'o zhes gsungs pa ma yin no/ /de yang/ chos yongs su gzung bar bya'i mi gzung bar ni mi bya'o zhes gsungs te/ lam log par
gzung bar mi bya'o zhes bya ba'i don to/ /de bas na dngos po thams cad de ltar gzigs te gsungs pa ni/ dus kun du ni thabs dang ni/ /shes rab pha rol byin bdag can/ /brten bya gang phyir de las ni/ /mi gnas mya ngan 'das par
'gyur zhes bya ba yin no/ /de nyid kyis na sbyor zhes bya'i/ /sems bskyed yin te de yang ni/ /drod sogs dbye ba la brten nas/ /rnam pa bzhir ni gnas ma yin/ /de nyid kyi phyir shes rab dang thabs kyi rang
bzhin la bslabs pa las sbyor ba zhes bya ba'i nges par 'byed pa'i cha'i sems skye par 'gyur ro/ /de yang rnam pa bzhi ste/ /'di lta ste drod dang rtse mo dang bzod pa dang/ chos kyi mchog ces bya ste 'di dag ni mnyam par bzhag pa'i
bye brag nyid las gyur te/ /de la dang po'i sems ni snang ba thob pa zhes bya ba'i ting nge 'dzin yin no/ /gnyis pa ni snang ba mched pa'o/ /gsum pa ni de kho na nyid kyi don la phyogs gcig pa yin no/ /bzhi pa ni bar chad med pa'i
ting nge 'dzin te/ /'di ni rnam rtog dgu po dag /re re yongs su spong byed de/ /gzung dang 'dzin pa'i kun rtog gi /dbye bas dmigs pa'i dbye ba nyid/ /byang chub sems dpa' rnams kyi nyon mongs pa ni rnam par rtog pa nyid yin te/
rnam par rtog pa de yang rnam pa du ma ste/ 'og nas bshad pa'i lam gyis spang bar bya'o/ /de la re zhig nges par 'byed pa'i cha dang po skye ban kun nas nyon mongs pa dang/ rnam par byang ba gnyis la dmigs pa na dang por gzung
pa'i rnam par rtog pa dgu spong ba ni 'di lta ste/ ma rig pa'i rnam par rtog pa ni bum pa la sogs pa'i dngos por mi rtog pas so/ /phung por rtog pa dang/ ming dang gzugs su rtog pa dang/ mdza' gnyis su rnam par rtog pa dang /
kun nas nyon mongs pa dang rnam par byang ba mi shes pa'i rnam par rtog pa dang/ 'phags pa'i lam la mi gnas pa'i rnam par rtog pa dang/ nye bar dmigs pa'i rnam par rtog pa dang/ bdag la sogs pa'i rnam par rtog
dang/ ma skyes la sogs pa'i rna ri rtog pa'o/ /gnyis pa ni gzung ba'i rnam par rtog pa dgu po rnam par byang ba la dmigs pa spong ste/ de la rnam par byang ba'i yan lag can phung po dang khams dang skye mche de rtog pa gsum dang/ de rnams
nyid skye ba'i rnam par rtog pa dang/ nang stong pa nyid la sogs pa'i rnam par rtog pa dang/ pha rol tu phyin pa la sogs pa'i rnam par rtog pa dang/ mthong ba'i lam gyi rnam par rtog pa dang/ bsgom pa'i lam gyi rnam par rtog pa dang /
mi slob pa'i lam gyi rnam par rtag pa'o/ /gsum pa ni gang zag la dmigs pa'i 'dzin pa po'i rnam par rtog pa rnam pa dgu spong ste/ 'di lta ste/ rang gi brgyud kyi bdag tu 'dzin pa zhes bya ba'i rnam par rtog pa dang/ bdag gcig pu
nyid dang/ rgyu'i bdag dang/ lta ba po yang bdag yin pa dang/ de bzhin du kun nas nyon mongs pa 'dzin pa dang/ 'dod chags dang bral ba'i 'dzin pa dang/ mthong ba 'dzin pa dang/ bsgom pa 'dzin pa dang/ don byas pa nyid 'dzin pa'i
rnam par rtog pa'o/ /bzhi par ni brtags pa'i skyes bu la gnas pa'i 'dzin pa po'i rnam par rtog pa gnyis pa rnam par dgu spong ste/ de la phung po dang/ skye mched dang/ khams nyid la 'dzin pa po nyid du rnam par rtog pa
nyid dang/ rten cing 'grel par 'byung bar brtags pa'i rnam par rtog pa dang/ rnam par byad par brtags pa'i rnam par rtog pa dang/ mthong ba dang sgom pa dang khyad par dang mi slob pa'i lam du brtags pa'i rnam par rtog pa
bzhi pa'o/ /de dag ni sbyor ba lhan cig thob pa'i ye shes kyi ma'i khyad par du rtogs pas me dang 'phra ba'i sems skyed pa bzhi pa'o/ /gnas skabs 'dir ni rnal 'byor pa'i mos pa gtsor gyur pa nyid dang/ ji skad du bshad pa'i yon
tan gyi gzhir gyur pa nyid kyis 'di ni zag pa dang bcas pa'i mos pa spyod pa'i sa zhes bya bar gnas so/ /de ltar gang nas gong du yon tan gyi bzhir gyur pa nyid kyi zag pa med pa'i sa bcu gcig yin par shes
par bya'o/ /de las kyang ni rgyu'i gnas skabs/ /pha rol tu phyin pa bcu'i bdag nyid can/ de las dang po mthong lam nyid/ /de las gzhan pa bsgom bdag can/ /sems bskyed pa dang po ni mthong ba'i lam gyi rang bzhin can
yin pas de skyes pa na rnal 'byor pa nyon mongs pa brgya rtsa bcu gnyis spong bar 'gyur ro/ /de ni 'di lta ste/ 'dod pa'i khams kyi sdug bsngal dang/ kun 'byung ba dang/ 'gog pa dang/ lam re re zhing spang bar bya ba bcu bcu
yod pas na bzhi bcu'o/ /de bzhin du gzugs dang gzugs med pa'i khams kyi khong khro ba bton na bdun cu rtsa gnyis so/ /de las gzhan pa'i so dgu po ni bsgom pa'i bdag nyid can yin te/ de rnams su bsgoms pas spang par
bya ba nyid bcu drug spong ba ni/ 'di lta ste/ rnam par mi rtog pa la 'jig tshogs la lta ba dang log par lta ba ni lhan cig skyes pa dang/ 'dod chags dang khong khro ba dang nga rgyal dang ma rig pa ste gong ma'i khong khro ba ni ma gtogs so/ /
de yang nyon mongs pa brgya rtsa bcu gnyis spangs pa dang/ 'dzam+bu'i gling gi dbang phyug tu gyur kyang ji srid ltung ba phra mo rnams la shes bzhin du gnas par gyur par mi nus pa de srid sa dang po'i sems bskyed pa yin no/ /sems can
tshad med pa'i sems kyi rgyud tshim par mdzad pas kun tu 'dzin par spyod pas gter chen po dang 'dra ba yin no/ /ltung ba phra mo'i dri mi spong bar nus pa nyid kyis na sa gnyis pa dri ma med pa'o/ /de yang gling bzhi'i dbang phyug tu gyur
kyang ji srid 'jig rten pa thams cad kyi ting nge 'dzin la snyoms par 'jug par mi nus pa de srid du ni sa gnyis pa ste/ de ni thams cad rin thang med pa'i rin po che rnams de las 'byung bar byed pa yin pas rin po che'i 'byung gnas dang 'dra'o/ /de nus
nas ni ting nge 'dzin gyi mthu thob pas gsum pa 'od byed pa'i sa'o/ /de sun cu rtsa gsum pa'i bdag por gyur kyang ji srid byang chub kyi phyogs bsgom par mi nus pa na/ mi sdug pa'i nye bar 'tshe ba thams cad kyis mi bskyod pas rgya mtsho chen po
dang 'dra'o/ /nub par gyur nas ni de'i mthus sa bzhi pa 'ong 'phro ba yin no/ /de 'thab bral gyi bdag por gyur kyang ji srid bden par bsgom par mi nus pa na de yang dag pa'i shes pa la brten pas mi phyed pa'i phyir rdo rje dang 'dra'o/ /
nus par gyur nas bdud thams cad kyis zil gyis mi non pas na lnga pa spyad dka' ba'o/ /de dga' ldan gyi bdag por gyur kyang ji srid mtshan ma med pa bsgom pa lhun gyis grub par 'jug mi nus pa de srid dmigs pa thams cad rnam par g.yeng
pas bsgrub par mi nus pas ni ri bo dang 'dra'o/ /nub par gyur nas sangs rgyas kyi chos thams cad mngon du gyur pas na drug pa mngon du gyur pa'i sa'o/ /de 'phrul dga' i lha'i rgyal por gyur kyang de srid klags skabs med par bsgom mi
nus pa de srid/ de sgrib pa gnyis kyis nad rab tu zhi bar byed pas na sman dang 'dra'o/ /de yan chad kyis pha rol tu phyin pa bzhi ni 'di ltar shes rab kyi bdag nyid can yin pas shes rab nyid khyad par can gyi rnam par 'jug pa ni thabs dang
smon lam stobs dang ye shes so/ /mtshan ma med pa'i bsgom pa dang/ bar skabs med par bsgom par nus par gyur pa na lam la 'bad pa med pa'i thabs dang 'byor bas ring du song ba'i phyir sa bdun pa ring du song ba'o/ /de gzhal 'phrul
dbang byed kyi bdag por gyur kyang ji srid lhun gyis grub par 'jug par mi nus pa de srid de gnas skabs thams cad du sems can gyi don yongs su mi spong bas mdza' bo dang mtshungs so/ /de nus par gyur nas
mtshan ma med pa lhun gyis grub pas mi g.yo ba nyid kyis na sa brgyad pa mi g.yo ba'o/ /de ni stong chung ngu'i bdag por gyur kyang ji srid nges pa'i tshig la sogs pa'i tshig gis rnam pa thams cad du chos thams cad ston par mi nus pa de srid de
smon lam ji lte ba'i 'bras bu yid bzhin gyi nor bu dang 'dra'o/ /nus par gyur nas chos ston pa la mkhas pa nyid kyis nas dgu pa legs pa'i blo gros so/ /stong gnyis pa'i bdag po tshangs par gyur kyang ji srid chos kyi longs spyod
yongs su rdzogs pas sems can rnams yongs su smin par mi nus pa srid/ gdul bya'i skye bo yongs su smin par byed pas na nyi ma dang 'dra'o/ /nus par gyur nas chos kyi chu'i char 'bebs pas sa bcu pa chos kyi sprin no/ /de gnas
gtsang ma pa rnams kyi bdag por gyur kyang ji srid rnam pa thams cad mkhyen pa nyid kyi ye shes bskyed par nus pa de srid/ /de gdul bya'i skye bo rnams kyi yid dga' bar byed pa'i chos ston par byed pas na/ dbyangs snyan pa glu dang mtshungs so//
de la 'di ltar rnam par dpyad par bya ste/ dri ma med pa la sogs pa'i sa dgu ni/ bsgom pa'i lam gyi bdag nyid can de'i spang bar bya ba ni bag la nyal bcu drug yin no zhes bshad/ /de ltar gal te sa dgus spang bar bya na/ de'i tshes
bcu pa'i mdo dang 'gal bar 'gyur te/ de las sa brgyad par rnam par mi rtog pa'i ye shes kyi nyi ma shar bas nyon mongs pa thams cad mun pa dang 'dra bar spong bar 'gyur ro zhes gsungs la/ de ni khams gsum pa'i chags pa
dang bral ba'i dbang du mdzad nas/ gsungs pas de nyid 'di'i mya ngan las 'das par 'gyur ro/ /'dod chags dang ma bral ba'i mya ngan las 'das par brtags pa ni med pa yin pa'i phyir ro/ /'on te spangs pa yin na nyon mongs
pa rnams ji ltar nges par ma bsregs zhes bya ba la sogs pa dang/ yang 'khor ba 'gags par gyur na/ ji ltar sangs rgyas kyi chos rnams yongs su rdzogs pa ma gyur zhe na/ 'di la ni brjod par bya te/ 'gags su zin kyang
dbang bcu thob pas de yid kyi rang bzhin gyi lus kyis sangs rgyas kyi chos rnams yongs su rdzogs par byed pa la 'gal ba med do/ /nges par ma bsregs pa zhes bya ba la sogs pa gang/ bag chags kyi dbang du mdzad nas gsungs pa
yin na 'khor ba dang mya ngan las 'das la nyan thos ji lta bzhin ga la 'gyur te/ 'di dag ni snying po med pa'i tshig tu zad do/ /de yang/ nyes pa bag chags bcas pa ni/ /skyobs gcig pu la me mnga' zhes bshad pa yin no/ /
de nas kun bzang zhes bya ba/ /ye shes lnga'i rang bzhin can/ /sku gsum gyi ni ngo bo nyid/ /rnam pa thams cad mkhyen rang bzhin/ /yang gang gi tshe shes rab dang thabs kyi rang bzhin can gyi de kho na nyid la bslabs pas rnam
pa thams cad mkhyen pa nyid skyed pa nus pa de'i tshe ye shes lnga'i bdag nyid can/ sku gsum gyi ngo bo nyid kun tu bzang po zhes bya ba'i sangs rgyas kyi sar rnam par bzhag go/ de la chos kyi dbyings kyi ye shes dang/ gang yang kun gzhi rnam
par shes pa rnam pa thams cad du rnam par dag pas me long lta bu'i ye shes nyid du yongs su gyur pa ste gnyis po dag ni chos kyi sku'o/ /de yang gang yang kun gzhi rnam shes ni/ /me long lta bu'i ye shes gyur/ /de yang chos
dbyings ngo bo ro/ /de yang chos kyi dbyings kyi ni/ /ngo bor la la 'dod pa yin zhes bshad pa yin no/ /de nyid kyis na de nyid kyi ngo bo ni bcom ldan 'das rnam par snang mdzad dang mi bskyod pa nyid der bdag
po nyid yin no/ /sprul pa'i 'khor lo ma lus pa ni chos kyi dbyings kyi ye shes nyid la rab tu 'jug pa yin no/ /mnyam pa nyid dang so sor rtog pa'i ye shes kyi bdag nyid ni de yang/ nyon mongs can nyid gnas gyur pa/ /mnyam
nyid ye shes yin par bshad/ /yid kyis rnam shes nyid gang yin/ /so sor rtog byed ye shes so/ /chos kyi longs spyod ston pa dang/ /byang chub sems dpa' chen po'i dang/ /chos kyi longs spyod rdzogs nyid kyis/ /de gnyis
longs spyod rdzogs sku nyid ces bshad pa yin no/ /de nyid kyis na de dag gi ngo bo nyid bcom ldan 'das rin chen 'byung ldan dang/ 'od dpag tu med pa gnyis ni chos kyi longs spyod rdzogs pa'i ngo bo nyid do/ /bya ba bsgrub pa'i ye shes
kyi bdag nyid can ni sprul pa'i sku ste/ de yang/ gang zhig dbang po lnga rnam shes/ /de ni don kun yongs 'dzin pas/ /sems can kun gyi don thob pa/ /bya sgrub ye shes snod nyid do/ /de yang kun du dus kun du/ /ji bzhin
dus su bsam pa bzhin/ /sprul ba kun gyi rgyud gyur pas/ /sangs rgyas rnams kyi sprul sku yin zhes bshad pa yin no/ /de bas na de'i ngo bo bcom ldan 'das don yod par grub pa ni mngon par thob pa dang/ nges par legs par
grub pa'i sprul pa'i las can yin no/ /der ni sems bskyed rnam pa brgyad/ /gzhan don gcig du la dgongs yin/ /rtog mi mnga' yang 'phen shugs kyis/ /thub pa'i 'jug pa'i chos nyid yin/ /de yang mngon par shes
pa dang lhan cig par gtogs pa ni mthu thogs pa med pa mnga' ba nyid kyis gzhan gyi don lhur mdzad pas rgyal chen po 'dra'o/ /bsod nams dang ye shes dang lhan cig pa gtogs pa ni mdzod dang 'dra bas mdzod kyi khang pa dang 'dra'o/ /byang chub
kyi phyogs kyi lhan cig pa gtogs pa ni 'phags pa thams cad gtsung cing rjes su 'gro ba yin pas lam chen po dang 'dra'o/ /zhi gnas dang lhag mthong dang lhan cig pa gtogs pa ni 'khor ba dang mya ngan las 'das par mi ltung bar bde bar
'degs pas bzhon pa dang 'dra'o/ /gzungs dang spobs pa dang lhan cig par gtogs pa ni bstan pa mdza' yas pa nye bar 'byed pas bkod ma dang 'dra'o/ /chos kyi sbyin ba dang lhan cig par gtogs pa ni thar pa 'dod pa rnams kyis thos na
dga' ba yin pas kun tu dga' ba'i sgra dang mtshungs so/ /bgrod pa gcig pa'i lam dang lhan cig par gtogs pa ni thams cad kyi rgyu gcig bu yin pa'i phyir dang/ rang gi dang? gis 'jug pa nyid kyis na chu bo'i rgyun dang 'dra'o/ /chos kyi sku
dang lhan cig par gtogs pa ni don gyi bya ba thams cad de la rag las pa'i phyir sprin dang 'dra'o/ /gzhan dag na re sems bskyed pa brgyad po 'di dag ni ma nges pa'i tshul can yin no zhes zer ro/ /de ltar zhi gnas rnam bsgom
shes rab rnam par dpyod pa dang/ /de dang rjes mthun de nyid kyi ni ye shes bskyed nas su/ /ma tshad med pa thabs de brten la nges pa'i bdag nyid can/ /gang yin rnal 'byor ba de kun kyang dbang po mchog tu 'gyur/ /de bas de ni
mos spyod las/ /snga ma nyid du mi ldog par/ /shes rab pha rol phyin sogs su/ /rdzogs pa'i sangs rgyas kun gyis brtsis/ /pha rol tu phyin pa mchog gi man ngag bstan pa'o// //'di dag thams cad yongs rdzogs par
dbang 'bring gis kyang bsgom par bya/ /shes rab bskyed nas de nas ni/ /de ngang tshul 'thun sbyin sogs yin/ /dbang po 'bring po rnams kyis kyang/ /'di skad du bshad pa'i zhi gnas rnam par bsgoms la
shes rab kyis kyang don rnam par dpyad de de gnyis kyis shes rab bskyed pa dang rjes su mthun pa'i thabs la bslab par bya'o/ /de rnams skye mched rnam pa yis/ /don kun dmigs par rgyal ba rnams/ /bzhed kyi zhi gnas bskyed pa la//
khams sogs dbye bas ma yin no/ /yang de rnams skye mched kyi rnam pa gnyis kyi don thams cad la yang dag par dmigs te zhi gnas bskyed par byed pa yin na/ /rgyal ba'i sras de ji skad du/ rab dga' i sar ni ma
zhugs la/ /de nyid nges gyur de srid du/ /mi ldog nyid kyang ma yin no/ /gang gi phyir de rnams kyis zhi gnas dang lhag mthong dag gi de kho na nyid bskyed du zin kyang ji srid bar du dga' ba'i sa ma thob pa de srid rdo rje lta bu'i de kho na nyid yid
la byed pa med pas phyir mi ldog pa ma yin zhing rang gi lam la mngon par brtson par gyur pa'ang ma yin no/ /pha rol tu phyin pa la spyod pa dbang po bar ma'i man ngag bstan pa'o// //dbang po tha ma zhi gnas bskyed//
gzugs dang gzugs med dbye bas sam/ phung po yi ni dbye ba yis/ /don kun dmigs pa gsal bar 'dod/ /dbang po thams cad kyang de bzhin du thams cad bsgom zhing brten par bya mod kyi 'on kyang de rnams khams dang skye
mched kyi dbye ba rnam par spangs nas gzugs can dang gzugs can ma yin pa'i dbye ba nyid kyi don thams cad la dmigs par bshad do/ /de nyid la ni des rgyu can/ /ji srid ring du song ma zhugs/ /de srid der ni phyir mi ldog /ma
yin zhes ni rgyal bas gsungs/ / //dris pa so so'i skye bor gyur kyang zhi gnas dang lhag mthong dag gis yang dag pa'i ye shes bskyed pa de ji ltar ma nges pa yin no/ /yang bla na med pa'i de kho na nyid mngon sum du byas su zin kyang ji
ltar na nges pa tsam med pas phyir ldog par rtog / 'dod chags dang bral ba'i lam gyi 'bras bu thob kyang 'bras bu de las nyams pas de nyid de bskyed par byed pa yin no/ /de yang shi nas 'bras bu mi nyams so zhes bshad pa yin/ 'dir
brjod par bya ste/ de kho na nyid mngon du ma byas pa ni gang la yang yod pa ma yin gyi/ de las go bzlog pa ma nges pa tsam nyid ni 'khor ba zhes bya'o/ /de bas na zhi gnas dang lhag mthong gnyis yang dag pa'i ye shes bskyed pa la de dang rjes su
mthun par spyod pa yin no/ /bris pa gal te thams cad thams cad du de kho na nyid mngon sum du byed pa yin na yang dag pa'i ye shes bskyed pa 'di gang zhig yin/ /de ni gang 'di de dang rjes su mthun par spyod pa byed pa rnams yin no/ /de
de lta yin na nges pa yin mod/ de lta ma yin te brtan par gyur pas rdo rje lta bu'i ting nge 'dzin nyid yin par nges pa yin no/ /de lta na nges par 'byed pa'i cha las 'byung ba ji ltar 'byung bzhin de tsam nyid nas de kho na nyid la mos shing mos pa
las 'byung ngo zhes de kho na nyid smra ba rnams 'dod do/ /yang phyir ldog par rtog par ji ltar 'gyur zhes gang smra ba de ni rdo rje lta bu'i sems med pa nyid yin no/ /zhes kho bo cag smra'o/ /don 'di nyid la dgongs nas shes rab kyi pha rol tu
phyin pa'i phyir mi ldog pa'i rtags kyi le'u las so so'i skye bo'i gnas skabs dang/ sa dang po la sogs pa'i gnas skabs su/ byang chub sems dpa' rnams phyir mi ldog pa'i rtags nyid dang ldan par gsungs pa yin no zhes kho bo cag gi bla
mas bshad pa yin no/ /shes rab kyi pha rol tu phyin pa la spyod pa'i dbang po tha ma'i spyod pa bstan pa'o/ /'pho med byang chub la brten shin tu gsal bar bshad 'di la/ /gang zhig de nyid rab myur yang dag
min brten pa/ /de la che 'bring tha ma'i lam gzhan dag kyang gang yin pa/ /de las gzhan par gang gis myur 'gyur bdag gis bshad par bya/ /mngon sum ma yin ye shes dang/ /las kyi phyag rgya sogs rim gyis/ /sgro
btags kun dang rnam bral gyi'o/ /de nyid bsgom pa mi nus pa/ /de phyir dang por rgyal bas ni/ /de nyid rab tu gsal ba dang/ nyon mongs med pa'i rgyu dang ni/ /sgro btags rnams ni spangs pa gsungs/ /gang zhig ji skad du
bshad pa'i rnam pa drug gis/ de kho na nyid skyed par mi nus pa de rnams kyi phyir de kho na nyid de nyid 'dod chags la sogs pa bskyed pa'i rgyu'i sgro btags pa cung zad las ldog pa bsgom par bya ba'i phyir/ sangs rgyas bcom ldan 'das
kyis chos mngon par gsungs pa yin no/ / //de yang bde sogs sgro btags las grol ba/ /sdug bsngal bden sogs ming nyid du/ /rdzogs pa'i sangs rgyas kyis bstan cing/ /de nyid kho nas lhag par brtags/ /de la rtag pa dang
bde ba dang bdag dang bdag gir sgro btags pa las bzlog par bya ba'i phyir/ mi rtag pa dang sdug bsngal ba dang stong pa dang/ bdag med pa'i rnam par bsgom pa na de kho na nyid de nyid sdug bsngal gyi bden pa zhes bya bar btags pa'o/ /
de nas 'dod pa'i dbang phyug la sogs pa'i rgyu med pas na chos thams cad ni rgyu med pa'o/ /dus la sogs pa ni sems med cing rtags pa'i dngos po'i don gyi rgyu can yin pa'i phyir rgyu gcig pa dang/ /gtso bo tshangs pa la sogs pa'i rgyu
can yin pas na/ dngos po 'gyur ba'i rgyu can no/ /dbang phyug la sogs pa'i rgyu can yin pas na blo dang ldan pa'i rgyu can no zhes bya ba de'i gnyen por rgyu dang kun 'byung ba dang rab tu skye ba dang rkyen ces bya ba ldog pa bzhi bstan te/ de bsgom pa na
kun 'byung gi bden pa zhes bya bar btags so/ /thar pa med do zhes bya ba dang/ thar pa ni sdug bsngal ba zhes bya ba dang/ bsam gtan gyi bde ba nyid gya nom pa yin no zhes bya ba dang/ grol ba rnams kyang slar 'khor bar ltung bar 'gyur ro
zhes bya ba'i gnyen por 'gog pa nyid dang/ zhi ba nyid dang/ gya nom pa nyid dang/ nges par 'byung ba nyid ces bya ba ldog pa rnam pa bzhi bstan te/ de rnams sgom pa na 'gog pa'i bden pa zhes bya bar btags so/ /mya ngan las 'das pa
ma thob pas sngon po la sogs pa las tha dad pa dang/ de bzhin du bdag yod pas mtshan nyid can gyi lam med pa dang/ 'di ni lam ngan pa ste lam med pa dang/ slar ldog pa'i lam yin no zhes bya ba'i gnyen por lam dang/ rigs pa
nyid dang/ sgrub pa nyid dang/ nges par 'byin pa nyid ces bya ba ldog pa bzhi bstan te/ de bsgom pa na lam gyi bden pa zhes bya bar btags so/ /sngon po la sogs pa las tha dad bar mya ngan las 'das pa mthong ba'i phyir ro/ /de ltar na de kho na
nyid dbyer med pa'i rang bzhin can yin na yang ldog pa tsam nyid kyi dbye bas byis pa rnams la sdug bsngal la sogs pa'i bden pa'i dbye bas bstan pa yin no/ /yang mi rtag pa la sogs pa'i rnam par dbye ba rnam pa bcu drug tu yang
bstan to/ /de bsgom pa ni gang yin pa/ /mngon par rgyal ba mchog gis bstan/ /mdor bsdus mdzod du slob dpon ni/ /dbyig gnyen gyis kyang de bshad do/ /de bas de ni bsgom 'dod pas/ /de dag las de shes par bya/ /
sbyor ba mthong ba lam slob lam / slob pa'i rnam dbye rnam pa bzhi/ /gal te de lta yin du zin kyang chos mngon pa'i mdzod las bshad pa dbang po tha ma dang/ bar ma dang/ rab kyi dbye bas phyi ba gsum char gyis
yang cung zad cig 'dir bshad par bya'o/ /de la re zhig dang por rnal 'byor pas so sor thar pa'i sdom blangs pas/ /tshul khrims la gnas par bya ste/ /tshul khrims ltar yon tan ni/ /ma lus sa bon brten 'gyur gyis zhes shes
par byas la/ de rnam par dag par bsrung ba la 'bad par bya'o/ /de nas 'phags pa'i bden pa bzhi dang/ rjes su mthun pa'i bstan bcos mnyam pa dang/ dbyed pa bdag gi thos pa dang bsam pa'i rang bzhin can gyi shes rab bskyed la/ bsgom
pa la rab tu sbyar bar bya'o/ /de yang tshul gnas thos dang bsam ldan pas/ /bsgom pa la ni rab sbyar bya/ /zhes bshad pa yin no/ /de nas bsgom pa la sbyor ba'i dus su dam pa ma yin pa dang 'dres pa dang/ /rnam par rtog par
yongs su spangs pas lus dang sems nye bar bsdus par 'gyur ro/ /de ltar lus dang sems nye bar sdud pa yang chog shes pa dang/ 'dod pa chung bar 'gyur gyi 'dod pa che ba dang chog mi shes ba rnams ni ma yin no/ /de yang
'dod pa che ba dang/ chog mi shes pa las nye bar sdud pa gnyis dang ldan par mi 'gyur ro/ /de yang 'dod chags la spyod pa dang/ rnam par rtog pa la spyod pa rnam pa gnyis yod do/ /de la 'dod chags la spyod pas ni dang por sems
mnyam par gzhag par bya ba'i phyir mi gtsang bsgom par bya'o/ /rnam par rtog pa la spyod pas ni dbugs rdub pa dang 'byung ba rjes su dran pa bsgom par bya'o/ /de yang/ de la 'jug pa mi gtsang ba 'am/ dbugs
'byung rdub pa dran pas so zhes bshad pa yin no/ /de nas zhi gnas thob par gyur nas ni/ lus dang tshor ba dang/ sems dang/ chos rjes su dran pa ste/ rjes dran bzhi bsgom par bya'o/ /de rnams kyi bsgom pa ni rang dang
spyi'i mtshan nyid la yongs su brtag pa'o/ /de la rang gi mtshan nyid ni gzugs gzugs su rung ba zhes bya ba la sogs pa'o/ /spyi'i mtshan nyid ni stong pa dang bdag med pa zhes bya ba la sogs pa'o/ /de yang/ zhi gnas thob
par gyur nas ni/ /lus dang tshor ba sems chos kyis/ /mtshan nyid gnyis ni yongs brtags pas/ dran pa nye bar gzhag bsgom bya zhes bshad pa yin no/ /de ltar mi gtsang ba dang/ dbugs 'byung ba dang rdub pa rjes su dran pa'i
sbyor ba la bslabs pas rang gi mtshan nyid kyi rigs dang ldan pa dag 'di rjes su dran pa na 'jug par 'gyur te/ de yang mi gtsang ba la gtsang bar 'du shes pa'i phyin ci log pa'i gnyen po yin no/ /de nas tshor ba rjes su dran
pa la ste/ de yang sdug bsngal bde bar phyin ci log pa'i gnyen po yin no/ /de nas yang sems rjes su dran pa la ste/ de yang mi rtag pa la rtag par phyin ci log pa'i gnyen po yin no/ /de nas de'i 'og tu chos rjes su dran pa ste/ de
yang dad pa la sogs pa'i chos tsam du dmigs pas bdag med pa la bdag tu phyin ci log pa'i gnyen po yin pa/ de bas na phyin ci log bzhi'i gnyen po yin no zhes gsungs pa yin no/ /gang gi tshe rang gi mtshan nyid 'dzin pas na
chos zhes bya bas phung po lnga la dmigs pa nyid chos rjes su dran pa ste/ de'i tshe chos thams cad la dmigs pa'i chos rjes su dran pa la mi rtag pa dang/ sdug bsngal ba dang stong pa dang bdag med pa'i rnam par chos thams cad bsgom pa yin no/ /
de bas na/ chos kun dran pa nye bar gzhag par/ /ma lus dmigs pa la gnas pa'i/ /mi rtag sdug bsngal stong pa dang/ /bdag med de ni rnam par mthong/ /zhes gsungs pa yin no/ /de nas phyis 'byung
bar 'gyur pa'i 'phags pa'i lam gyi me'i snga rtags gtsub shing gi me'i sngon du dro ba 'byung ba dang 'dra ba'i drod du gtogs pa'i nges par 'byed pa'i cha bskyed par byed do/ /de bden pa bzhi'i yul la rnam pa bcu drug tu dmigs
la/ de nas yang rtse mor gtogs pa ste/ de dang 'dra ba nyid do/ /de nas kyang bzod pa'o/ /de nas bzod pa las chos kyi mchog go /'di dag ni nges par 'byed par cha bzhi bsgom pa'i rang bzhin can nyid kyi dge ba'i rtsa ba yin no/ /
de yang de ltar nges 'byed cha bzhi po/ sgom pa ni rang bzhin can zhes bshad pa yin te/ 'di tsam ni sbyor ba'i lam yin no/ /de yan chad 'phags pa'i bden pa rnams bzhi'i yul la skad cig ma bcu drug can gyi bden pa mngon
rtogs pas zag pa med pa mngon par rtogs pa skye bar zad do/ de yang 'di lta ste/ sdug bsngal la chos shes pa'i bzod pa dang/ sdug bsngal la chos shes pa dang sdug bsngal la rjes su shes pa'i bzod pa dang/ sdug bsngal la
rjes su shes pa ste/ sdug bsngal gyi bden pa la dmigs pa'i skad cig ma bzhi'o/ /de bzhin du kun 'byung ba dang/ 'gog pa dang/ lam gyi bden pa la yang sbyar bar bya'o/ /de la chos shes pa'i bzod pa dang/
chos shes pa'i skad cig ma brgyad ni 'dod pa na spyod pa'i nyon mongs pa rnams kyi gnyen po yin no/ /rjes su rtogs pa'i bzod pa dang/ rjes su rtogs pa'i chos shes pa'i skad cig ma brgyad ni/ gzugs dang gzugs med pa na spyod
ba'i nyon mongs pa rnams kyi gnyen po yin no/ /de yang/ 'jig rten pa'i chos mchog las/ /chos shes bzod pa zag pa med zhes bshad pa yin no/ /de la lam la rjes su rtogs pa'i shes pa'i skad cig ma yongs su spangs nas/
de yan chad ni mthong ba'i lam yin te rjes su rtogs pa shes pa nyid ni mthong ba'i lam yongs su rdzogs pa yin pa'i phyir ro/ /sems skad cig ma bcu drug pa la ni shes par bya ba sngon med pa yod par 'dod gyi mthong bar bya ba ni med de
bzod pa nyid mthong ba'i ngo bo nyid yin pa'i phyir ro/ /bsgom pa'i lam gyis yang dag par bsdus pa'i lam gyi rjes su shes pa zhes bya ba ni chos mngon pa las gsal bar bya ste/ de yang/ ma mthong mthong phyir mthong ba'i lam/
der ni skad cig bco lnga'o zhes bshad pa yin no/ /de la bzod pa'i skad cig ma de nyid nyon mongs pa spong bar byed pas bar chad med pa'i lam gyi ngo bo nyid do/ /shes pa'i skad cig ma ni rnam par grol ba'i lam gyi ngo bo nyid do/ /nyon mongs
pa yang mdor bsdus na/ sdug bsngal dang kun 'byung dang 'gog pa dang lam dang/ bsgom pas spang bar bya ba'i dbye bas rnam pa lngar 'gyur ro/ /de la sdug bsngal mthong bas spang bar bya ba bcu ste/ 'dod chags dang/ khong khro ba
dang/ nga rgyal dang/ ma rig pa dang/ the tshom ste lnga dang/ 'jig tshogs la lta ba dang/ mthar 'dzin par lta ba dang/ log par lta ba dang/ lta ba mchog tu 'dzin pa dang/ tshul khrims dang/ brtul zhugs
mchog tu 'dzin pa dang lnga ste bcu'o/ /kun 'byung dang 'gog pa mthong bas spang bar bya ba ni bdun te/ de dag nyid las/ 'jig tshogs dang/ mthar 'dzin pa dang/ tshul khrims dang/ brtul zhugs mchog tu 'dzin pa ma
gtogs pa gong ma rnams so/ /lam mthong bas spang bar bya ba ni brgyad de/ bdun po de dag nyid dang/ tshul khrims dang brtul zhugs mchog tu 'dzin par blta'o/ /bsgom pas spang bar bya ba ni bzhi ste
'dod chags dang/ khong khro ba dang/ nga rgyal dang/ ma rig pa ste 'di dag ni 'dod pa'i khams kyi yin no/ /gzugs dang gzugs med pa'i khams dag la yang de dag nyid las thams cad du khong khro ba bton pa lhag ma
gsum mo/ /de nyid kyis na nyon mongs pa dgu bcu rtsa brgyad du 'gyur ro/ /de yang de dag bcu dang bdun bdun brgyad/ /lta ba gsum gnyis ma gtogs pa/ /'dod na sdug bsngal la sogs pa/ /mthong bas rim
bzhin spong bar byed/ /gzhan ni bsgom pas spang bya yin/ /khong khro ba ma gtogs de dag nyid/ /gzugs khams gzugs med de dang 'dra/ /de ltar dgu bcu rtsa brgyad 'dod ces bshad pa yin no/ /de la 'jig rten
chos kyi mchog gi rjes thogs la sdug bsngal la chos shes pa'i bzod pa skye ba na 'dod pa'i khams na spyod pa'i sdug bsngal bcu'i thob pa spong ste/ de yang shes rab kyi bdag nyid can yin pa nyid kyis sdug bsngal mthong ba'i
ngo bo nyid yin pa'i phyir ro/ /sdug bsngal la chos shes pa yang bzod pas yongs su mthong ba'i sdug bsngal la nges pa'i bdag nyid yin te/ de yang mtshungs par ldan pa rnams dang thob pa lhan cig skye ba yin no/ /de ltar
na bzod pa thams cad ni sdug bsngal la sogs pa mthong ba'i bdag nyid yin la/ shes pa rnams ni nges pa'i bdag nyid can yin te/ 'di gnyis kyis ? po 'byin pa dang sgo gtan 'dzud pa'i tshul du nyon mongs pa thams cad spong
bar byed do/ /de bzhin sdug bsngal la rjes su chos shes pa'i bzod pa skye ba na gzugs dang gzugs med pa'i khams na spyod pa'i sdug bsngal mthong bas spang bar bya ba bco brgyad kyi thob pa spong bar byed la/ sdug bsngal la chos shes pa yang
de dang mtshungs par ldan pa'i thob pa lhan cig skye bar 'gyur ro/ /kun 'byung la chos shes pa'i bzod pa skye ba na de'i spang bar bya ba'i nyon mongs pa 'dod pa'i khams na spyod pa'i nyon mongs pa bdun gyi thob pa spong bar 'gyur ro/ /chos shes pa
yang de dang mtshungs par ldan pa'i thog pa dang lhan cig skye bar 'gyur ro/ /kun 'byung ba rjes su chos shes pa'i bzod pa skye ba na de'i spang bar bya ba'i nyon mongs pas gong ma pa yin pa'i phyir ro/ /nyon mongs pa'i thob pa bcu
gnyis spong bar 'gyur la/ rjes su shes pa yang de dang mtshungs par ldan pa'i thob pa dang lhan cig skye bar 'gyur ro/ /'gog pa la chos shes pa'i bzod pa skye bar 'gyur ba/ de'i spang bar bya ba'i nyon mongs pa 'dod pa'i khams na spyod pa'i
bdun gyi thob pa spong bar 'gyur la/ chos shes pa yang de yang mtshungs par ldan pa'i thob pa dang lhan cig skye bar 'gyur ro/ /'gog pa la rjes su chos shes pa'i bzod pa skye ba na de'i spang bar bya ba'i nyon mongs pa gong ma bcu gnyis kyi thob pa spong bar
'gyur la/ rjes su chos shes pa yang de dang mtshungs par ldan pa'i thob pa dang lhan cig skye bar 'gyur ro/ /lam la chos shes pa'i bzod pa skye ba de'i spong bar bya ba'i nyon mongs pa 'dod pa'i khams na spyod pa brgyad spong bar 'gyur la /
chos shes pa yang de dang mtshungs par ldan pa'o thob pa dang lhan cig skye bar 'gyur ro/ /lam la rjes su shes pa'i bzod pa skye ba na de'i spang bar bya ba'i nyon mongs pas gong ma bcu bzhi'i thob pa spang bar 'gyur ro/ /'di tsam gyis lam la gnas pa'i
rnal 'byor pa ni rgyun tu zhugs pa'i rgyu la zhugs pa zhes bya'o/ /rjes su chos shes pa dang mtshungs par ldan pa thob pa lhan cig byung ba'i skad cig ma de'i na rgyun tu zhugs pa'i 'bras bu la gnas pa nyid yin no/ /de lta re zhig mthong
ba'i lam gyis de'i spang bar bya ba spangs pa yin no/ /de'i 'og tu ni bsgom pa'i lam skye bar 'gyur te/ des kyang de spang bar bya ba spong bar 'gyur ro/ /de yang 'dod pa dang gzugs dang gzugs med pa'i dbye bas bcur 'gyur la/ bcu po de dag re
re zhing yang rnam pa dgu dgur byas te/ 'khor ba ni 'dod pa'i khams dang/ gzugs kyi khams bsam gtan bzhi dang/ gzugs med pa'i khams bzhi ste/ sa dgu yin no/ /de la 'dod pa'i khams na 'dod chags dang/ khong khro ba dang/
nga rgyal dang/ ma rig pa dgur dbye ba dang/ gzugs dang gzugs med pa'i sa rnams kyi 'dod chags dang/ nga rgyal dang/ ma rig pa yang re zhing dgu dgur dbye ste/ de ltar byas na sa'i rnam pa'i dbye bas brgyad cu rtsa gcig tu 'gyur te/ rnam pa 'di nyid
kyis bsgom pa'i lam yang brgyad cu rtsa gcig nyid yin no/ /de yang/ sa dang sa la nyes rnam dgu/ de bzhin du ni yon tan rnams/ /chung dang 'bring dang che rnams kyi/ /chung ngu la sogs tha dad phyir zhes bshad pa yin no/ /bye brag ni 'di
yin te/ sa re re zhing nyon mongs pa'i rnam pa dang po chen pos? chen po'i nas tha ma chung ngu'i chung ngu'i bar nyid la lam gyi rnam pa yang/ dang po ni chung ngu'i chung ngu yin la/ tha ma ni chen po'i chen po yin no/ /de yang gang gi phyir de ni sdug bsngal gyi bden
pa la sogs pa mthong ba rnams la yang dang yang du rtsol bas bsgom pa yin la/ rtsol ba yang dang po ma goms pa'i gnas skabs su ni chung ngu'i chung ngu nyid skye bar 'gyur la/ de las kyang chung ngu'i bar ma nyid skye bar 'gyur ba nas mthar chen po'i
bar du skye bar 'gyur ro/ /de nyid kyis na nyon mongs pa'i rnam pa chen po'i chen po lam gyi rnam pa chung ngu'i chung ngus spong bar 'gyur la chung ngu'i chung ngu ni chen po'i chen pos spong bar 'gyur te/ de ni khrus mkhan gyis gos kyi tshul du shes par bya'o/ /
de la gang lam gyi rnam pa brgyad cu rtsa gcig po 'di dag gis nyon mongs pa'i rnam pa de las re re spong zhing bar byed pa na re re zhing bar chad med pa dang/ rnam par grol ba'i lam gyi ngo bo nyid yin par shes par bya'o/ /de la gang 'dod par gtogs pa'i
nyon mongs pa rnam pa lnga spang ba'i bar ni lan cig phyir 'ong ba'i rgyu la zhugs pa yin la/ drug pa spangs pa ni phyir 'ong ba nyid do/ /nyon mongs pa'i rnam pa bdun pa dang brgyad pa spangs pa ni phyir mi 'ong ba'i 'bras bu la zhugs pa'o/ /'dod par gtogs
pa'i nyon mongs pa dgu pa spangs pa ni phyir mi 'ong ba nyid do/ /srid pa'i rtse mo'i cha brgyad spangs pa'i bar ni dgra bcom pa'i rgyu la zhugs pa'o/ /dgu pa spong ba bar chad med pa'i lam ni rdo rje lta bu zhes bya la/ rnam par grol ba'i lam ni zad pa
shes pa zhes bya ba'o/ /zad pa shes pa skye bar gyur pa chung ngu dang bar ma dang chen po'i dbye bas phye ba'i khams gsum pa'i nyon mongs pa de dag thams cad spangs pa ni dgra bcom par 'gyur ro/ /de dag ni bsgom pa'i lam yin no/ /de yang
g.yo ba dang/ mi g.yo ba'i bar gyi dbye bas rnam pa mang du 'gyur te/ de la gang mi g.yo ba'i chos can gcig phul ni de'i tshe zad par shes pa skye bar 'gyur ro/ /gal te zad par shes pa ma yin na mi slob pa'i shes rab skye bar 'gyur la/ de
dag thams cad kyang dgra bcom pa yin par bye brag med do/ /de yang/ gal te mi g.yo zad shes las/ /mi skye ba'i blo gros yod min na/ /zad shes sam ni mi slob ltar/ /de'i dgra bcom thams cad la zhes bshad pa yin no/ /
de nyid kyis na zad pa shes pa'i rjes thogs la mi slob pa'i lam du rnam par bzhag pa yin no/ /der yang lus kyi mngon sum du byed pa la sogs pa'i dbye bas gang zag mang po yod mod kyi skabs 'dir dgos pa med pa'i
phyir dang/ gzhung mangs kyis dogs pas ma bshad pa yin no/ /khams gsum pa'i nyon mongs zad/ /kun mkhyen ye shes kyis bskul nas/ /phyag rgya che dang mnyam sbyor ba/ thob nas rgyal ba dam par 'gyur/ /de la re shig
dbang po rab ni khams gsum pa'i nyon mongs pa rnams spangs pa yin du zin kyang thams cad mkhyen pa'i ye shes dang/ bsod nams kyi tshogs las nges par 'byung ba'i gzugs kyi sku med par sems can ma lus pa'i dgos pa byed
nus par ma mthong ba dang/ snying rje chen po'i bdag nyid can nyid kyis sems can ma lus pa gdon pa'i bsam pas/ bcom ldan 'das dbang du byas pa nyid kyis de'i dus phyi zhig na bcom ldan 'das yum shes rab kyi mtshan rnam pa
gzhan yang/ phyag rgya chen po zhes bya ba bskyed de/ de bslab pa nyid kyis bsod nams dang ye shes kyi tshogs bsags te/ bla na med pa yang dag par rdzogs par byang chub nas/ sangs rgyas bcom ldan 'das su 'gyur ro zhes bya ba ni man ngag go /
de bas na de'i phyag rgya chen po'i sbyor ba bsgoms pa nyid las 'tshang rgya ba nyid ces bya'i/ sangs rgyas nyid thob pa'i lam de las gzhan dag yod pa ma yin no zhes shes par bya'o/ /phyag rgya chen po la 'jug pa'i don du 'dod chags bral ba'i
lam bsgom pa ni 'gal ba med do/ stong nyid bsgoms pas grol 'gyur te/ bsgom pa lhag ma de don yin zhes bshad pa yin no/ /gang yang 'dod chags dang bral ba'i lam skyed du zin kyang 'dod chags bral ba'i lam mngon sum
du ma byas pa nyid du dus byas pa de rnams ni lus kyi ston par mngon par 'dod pa'i dbang dang lam yongs su smin par dam pa'i chos nub par 'gyur pa/ rang sangs rgyas kyi byang chub mngon sum du byas nas zag pa med pa'i dbyings nyid du 'khod
par 'gyur ro/ /de yang bstan bcos las/ rdzogs sangs rgyas rnams ma byung zhing/ /nyan thos rnams ni zad pa na/ /rang sangs rgyas kyi ye shes ni/ /rten pa med pas rab tu skye/ /zhes ji skad bshad pa yin no/ /gang yang dang po nas bdag
nyid dul ba dang zhi bar gcig tu mngon par 'dod pa nyid kyis 'dod chags dang bral ba mngon sum du byed pa de rnams kyang mya ngan las 'das pa thob pa zhes bya ste/ zag pa med pa'i dbyings nyid la gnas la/ phyis thams cad mkhyen pa'i ye shes
kyi 'od zer gyis yang dag par bskul ba nyid kyis phyag rgya chen po la 'jug pa'i rim gyis sangs rgyas nyid thob par 'gyur pa yin zhes bya ba ni mdor bsdus pa'o/ /de yang bstan bcos las/ thugs rje chen po dang bral bas/ /'di dag rang gi
don la gzhol/ /rang byung sgra las skyes pa ste/ /theg pa chen por mi bsngags so/ /theg pa che las bstan pa yi/ /rgyal ba'i yon tan mdza' yas dang/ /byang chub sems dpa' i mthu thos pas/ /de dag stong nyid 'gyur ba yin no/ /gang
gi lam gyis theg chen nor/ /ma lus bsregs par gyur pa de/ /byang chub sems dpa' rnams nang na/ /skyes bu dbul po lta bur gnas/ /byang chub gnyis po thob pa de/ /srid pas shin tu sgrag pas na/ /tshe zad pa ni dga' gyur pa/ /
mya ngan 'das thob ming can yin/ /'di nyid mya ngan 'das min gyi/ /'on kyang srid gsum skye ba ni/ /de la yod pa ma yin pas/ /de rnams zag med dbyings na 'khor/ /mi shes nyon mongs min yang phyir/ /phyi nas sangs rgyas kyis ? bskul
bsod nams tshogs ni bsags pa las/ /de yang 'jig rten 'dren par 'gyur zhes ji skad du rgya cher bshad pa'o/ /de bas phyag rgya che mnyam sbyor/ /rnal 'byor dang ni bral ba nyid/ /rdzogs pa'i byang chub
mi thob cing/ /mngon mtho'i 'bras bu nyid ma yin/ /de nyid la ni 'jug pa'i phyir/ /bden pa bzhi ni rnam bsgom pa/ /rdo rje sems sogs bsgom pa yi/ /rnal 'byor pa la 'gal ba med/ /'on kyang gtam du bya ba gzhan yang yod de/ /bdag
gzhan lta la chags pa dang/ /sdang bas nyes bcom yid spangs te/ /rnam par dpyad las gzhan pa'i rgyu/ /de nyid des lam mthong ngo/ /de bas der gus rnal 'byor pas/ /rjes chags khong khro spangs nas ni/ /rnam pa kun la mkhas bya zhes/ /de ltar rgyal
ba dam pas gsungs zhes bya ba yin no/ /de ltar kun mkhyen gyis gsungs bka' / /kun phan ma lus brtags nas ni/ /mdor bsdus nas ni bstan pa 'di/ /de nyid shes rnams mgu phyir byas/ /de ltar lam la rnam zhugs sems ni nges par mi
g.yo gang/ /g.yo bar gyur na'ang de tshe yang dag bka' ni rnams bsgoms la/ /rgyal ba'i gsung gi tshogs ni thog ma par dang mdza' dag la/ /brten cing mi phyed tshul rnams kun gyis rnam par brtags pas brtan par 'gyur/ /de ltar ma
lus bde gshegs bka' / /bdag gis yang dag bshad pa yin/ bsod nams gang yin de 'gro kun/ /de yi gzhung la gcig dgar shog/ //de kho na nyid la 'jug pa zhes bya ba bde bar gshegs pa'i bka'
ma lus pa mdor bsdus te bshad pa'i rab tu byed pa/ slob dpon dpal ye shes grags pas mdzad pa rdzogs so// //rgya gar gyi mkhan po padmA ka ra ba rma dang/ zhu chen gyi lo tsA ba dge slong rin chen bzang pos
bsgyur cing zhus te gtan la phab po'o/ / // (!/ /sngags kyi tshul gyi snang ba zhes bya ba bzhugs//) // */ /rgya gar skad du/ man+t+ra na yA lo ka/ bod skad du/ gsang sngags kyi tshul gyi snang ba/
bcom ldan 'das 'jam pa'i rdo rje la phyag 'tshal lo/
CLOSE WINDOW