བོད་ཡིག

e-texts based on the ACIP/ALL Input

//rgya gar skad du/ sh+rI badzra swa ra swa sti de wi rno bi ki/ bod skad du/ dpa' rdo rje lha mo dbyangs can mo'i sgrub thabs/ /rdo rje dbyangs snyan ma la phyag 'tshal lo/ gangs ri lhar dkar zla rgyas zhal mnga' dri med sil zhing gsal ba'i 'od zer phreng ba can/ sgeg chags 'gying dul 'dzum pa'i mdangs dkar lha yi lha mo kun nas mdzes pa'i gzi ldan ma/ /stong phrag drug cu'i yan lag dbyangs snyan rgyud mang rol me autpal ral gri phyag mtshan cing/ /'jig rten gsum skyabs mkha' dang rgya mtsho'i rgyan gyur blo gros lha mo rgyal gyur cig/ /pha rol rgol ba tshar gcad dang/ /mdza' yas spobs pa kun bskyed dang/ /sna tshogs phrin las bde sgrub phyir/ /dbyangs can lha mo bsgrub par bya/ /'phags ma de dag mgon bzung nas/ /'gro skyabs don kun nyer brtson pas/ /sman ljongs rab dkar brag ri ni/ /rnam pa/ reng spangs te tshogs rab bsags/ /dus snyigs bar chad kun bsal phyir/ /sngon du sngags pas rdo rje 'dzin/ mnyes byas de rjes snying rje'i yid/ /rab sbyangs rdo rje lha mo bsgom/ /sngags bdag nga rgyal la bstan srog/ rtsa ba'i yi ge sgron 'dra yi/ /zer spros pas ni rgya mtsho nas/ /dbyangs can 'khor lo mdun du dgug/ aoM e hyai he badzra de wi mahA tsakra sa m a ya stwaM sa ma ya dzargyan phreng dang/ /pi wang lha gcig sngags bcas mchod/ /'bru gsum glu gar ldan byas bstod/ /phyag mchod la sogs rgyud can gyis/ /mnyes bya gsol bya bstim par bya/ /gnas la gnas dang lus bla sku/ /snying dkyil 'khor lo phyag rgyas gdab// shel dang bai DUr rla ga dang/ /gser bzang las grub gzhal yas khang/ /gru bzhi sgo bzhi rta babs mdzes/ /sna tshogs rgyan rnams kun gyis spras/ /de dbus rdo rje lha mo ni/ /pad zla rdo rje skyil krung mnan/ /brgyad gnyis na tshod yid 'ong ma/ /'jig rten gsum mtshungs med pa'o/ /de sku ldem sgeg zhal 'dzum phyag /bzhi ldan ral gri autpal dang/ /rgyu mangs pi wang sgreng mdzad brtson/ /nyi shar gangs ri ltar dkar lha/ /thugs dkar rab dkar shes rab kyi/ /snying po dkar mdzes h+rIM yig gi/ 'od tshogs rab 'byams dkar skye bas/ /bum nang sgron ma 'bar ba bzhin/ /sprin med mkha' dkyil zla skar ltar/ /rnam dag 'khor lo 'od mdzad gzi/ /rim pas dbus nas mthar snang bya/ /nyi zer gyis phyi pad 'dab tshul/ /rtsa ba'i 'bru 'di snying 'dab kyi// dbus zhugs bzhi gnyis kha phye nas/ /gnyis gnyis nga ro bcu drug brgyas/ /de spros ge sar ze 'bru phye/ /'dab rgyas yi ge 'od 'bar pas/ /slar yang bdud rtsi'i bsil dang ra blang/ /bkar 'jam snam mnyen mkhregs dang srab/ /yid 'ong dri mas ma gos pa'o/ /zil dang ro snying gi mun sel la/ /snying 'dab snying pos slar yang de'i/ /zil dpar rgyas byed yang tshur 'od/ /rab skros phyi nang kun da khyed/ /ji srid ma yengs mi skyo bar/ /bdag gzhan mkha' khyab kun bkang la// sdig bdug yid kyi mun pa rnams/ /nyi mas mun bsal ji bzhin no/ /rtsa ba'i yi ge mchog gcig la/ /g.yeng med 'bum phrag bco lnga bzlas/ /dngos dang rmi lam brda gzugs kyis/ /ltas gsum phyi rol mthong bar 'gyur/ /de 'og pad+ma 'khor lo sgyur/ /dbyangs yig ral gri phyed mtshan par/ /skal cig rnam pas bsgyur zhing bskor/ /gsang sngags 'bru bcu bzlas par bya/ /aoM badzra de wi pi tsu pi tsu pradz+nyA bard+ha h+rI hUM/ rang snying mun sel brtan pa dang/ /gzhan yid mun sel g.yo ba yi/ /'bum phrug gsum ni rtse gcig bzlas/ /lkugs pa'ang ngag gi dbang phyug 'gyur/ /nang skye zla rgyas pa wa sangs/ /gsung ba sgron ma 'bar ba mthong/ /brda gsum gzugs sgra yid shes te/ mtshon bya'i 'khor lo rtags gzhan yin/ /de nas sbyin sreg sngon por bas/ /brgya rtsa brgyad mchod blo gros spel/ /de yi tshar bcad rjes bzung bas/ /lnga phrag gnyis 'grub the tshom med/ /rtsod dang dgra 'dul dug gzhil dang/ /'chi bdag bzlog pa dang po ste/ blo gros sngags rig snyan dang dags dang/ klog dang sngags 'grub gnyis pa yin/ /yang na thob ma gnyis rtse mos/ /lhag ma bzhi bzhi lha mo gzhan/ /'khor yin lnga gnyis dkyil 'khor mdzes/ /de bzhin gnyis gtso gzhan brgyad 'khor/ /rdo rje lha mo la gnas lce/ /'khor la dbyangs ldan ral gri bskor/ /pha rol srog dang lce bskum nas/ /gsal byed mgrin bkang brtsed las rgyal/ /mtshan mkhan thod pa dgra bo'i gzugs/ /ma ra ya ldan lo 'bum bzlas/ /gi mtshon gyis gtubs ro ras dkris/ /'dri gnas sar mnan nges par 'chi/ /lhag pa'i lhas brgyan lha mo nyid/ /khro mo zhal brgya phrag stong can/ /lcags kyu zhags pa ral gri yis/ /bkug cing snun na shin tu 'joms/ /dam tshig lha mos ye shes kyi/ /lha drangs bum par bdud rtsi bsgrub/ /smin mtshams padmo h+rIM thig le/ /rgyun 'dzag dug gzhil dbyud par bya/ /snying dkyil ro yig rin chen sgron/ /rdo rje 'bar ba'i me 'od gsal/ /a phreng ka phreng spel bskor gzis/ /gur pub rgyu 'bebs 'chi med 'gyur/ /ji skad sngar bshad lha mo nyid/ /de bzhin lha mo lnga lnga dgu/ /sna gsum bdag gzhan snying la bsgom/ /blo gros rab 'phel gdon mi za/ /dpal mo mgrin par chu skyes dbus/ /dung dkar g.yas la byil spubs ltar ba/ /nga ro bcu drug gsang bstod sgrogs/ /de myur tshangs dbyangs dag thob 'gyur/ /gtsang zhing rib gtsang par snying dbus/ /'ja' ris dpal be'u zer gsal bas/ /klog phreng rgyun 'dra rdo rje'i lce/ /rnam bskyod snyan dngags mkhan'drar 'gyur/ /'dam skyes ri bong rdo rje yi/ /sbyor ba las lce rtser tshangs yig bskyed/ /lha mo'i ljags skyes rdo rje ltung/ /de blang ka la bing ka mtshungs/ /rje btsun ljags par zla steng du/ /dbyangs gsal rdo rje ral gris mtshan gro gar 'gyur klags ye shes bkug/ de rgyun sus 'thungs sngags 'grub 'gyur/ /thun mtshams gtsang zhing rab dkar zas/ /mngar gsil sna tshogs btung ba byas/ /'bru gsum rang sngags byin brlabs la/ /bdud rtsi'i sbyor bas gtor ma sbyin/ /aoM AhUM phaT swAhA/ /'jam dbyangs lha mo dbyangs snyan ma/ /rab mdzes tshangs dbyangs blo bzang ma/ /mtshungs med snying dbus mgrin skyong ma/ /'dod dgur bsgyur la phyag 'tshal lo/ /bde ldan ngag gi dbang phyug ma/ /mi 'chi mi slu tshe 'dzin ma/ /bag yod yid 'ong nor ster ma/ /tshangs spyod tshangs rigs ma khyod 'dud/ /dpal ldan dbyangs can brtag pa'i de nyid rgya mtsho mkha' dang gter ltar zab cing rgya che sbas pa las/ /rdo rje lha mo ri dbang phung po sangs rgyas khangs bzangs lnga phrag gnyis bsgrub nyes tshogs dri ma kun gsal 'di/ /zla zer pa sil bas ku mud ltar phye de yi laM las dge 'od rin chen 'bar ba'i gron mthus gang thob des/ /ma lus lus can rdo rje lha mo'i dbyangs snyan myur thog tshangs chen nga ros sa gsum rnam par rol par shog/ dpal rdo rje dbyangs snyan ma'i sgrub thabs snyan dngags mkhan chen slob dpon zla ba gzhon nus mdzad pa rdzogs so// //rnam par bshad pa'i paN+Di ta mkhas pa chen po bud+d+ha sh+rI dz+nyA na dang/ lo tsA ba dge slong byams pa'i dpal gyis bsgyur ba'o// //rgya gar skad du/ shi ba su d+ha ra sA d+ha ni/ bod skad du/ dpal nor rgyan ma'i sgrub thabs/ dkon mchog gsum la phyag 'tshal lo/ /phyogs bcu kun na bzhugs pa yi/

CLOSE WINDOW