བོད་ཡིག

e-texts based on the ACIP/ALL Input

/'phags ma sgrol ma'i rjes su sbyong ba'i grub spyod pa'i gnod sbyin mo'i sgrub thabs rdzogs so// /rgya gar gyi mkhan po be ro tsa na'i zhal snga nas dang/ bod kyi lots+tsha ba dar ma blo gros kyis bsgyur ba'o// //rgya gar skad du/ sra ga d+ha ra sA d+ha naM sastu ti/ bod skad du/ me tog phreng 'dzin gyi sgrub pa bstod pa dang bcas ba/ bcom ldan 'das ma sgrol ma la phyag 'tshal lo/ /mi shes pa rnams 'joms pa'i phyir/ /bcom ldan sgrol ma phreng 'dzin gyi/ /sgrub pa thabs kyi ris pa 'di/ de nyid 'dod ba rgyun du bya/ /yi 'phrog gtsang ma'i gnas su 'dug / dngos sam sngags kyi rnal 'byor bkru/ /mthun rkyen mchod pa'i rdzas rnams ni/ /dngos sam yid kyis brten par bya/ /shar du kha bltas rnal 'byor pas/ /gzhan phan sems kyis lha mo bsgom/ /'das dkar zla gnas bzhengs pa yi/ /dpag med yon tan rgyan gyis spras/ /ston ka'i dbang po lta bur dkar/ /rab bzhin gsar du shar bas brgyan/ /autpal ba dang ltar sbyar mdzes shing/ /dpral bar sen d+hu ra yis bkus/ /rna ba mgul rgyan phyag gdub dang/ /do shal rked ba rkang ba la/ /g.yeng ga sil sil rab tu mdzod// dgyes pa'i sku can rab tu mdzes/ /nu mar mu tig do shal ldan/ /sham thabs za 'og rgyan gyis brgyan/ /smin mas autpal mdangs 'phrog pa/ /rin chen gyis sbras cod pan ni/ /'dzam+bu'i gser gyi steng na bcings/ /dal bar 'od dpag med pas brgyan/ /'di nyid yid 'ong mdzes? pa ste/ /mthong dang brjod dang dran pa yis/ /khams gsum sems can thams cad kyi/ /snying gi sdig pa thams cad 'joms/ /gang zhig bcom ldan 'das ma ru/ /skad cig pa yi rnal 'byor gyis/ /bcom ldan 'das ma'i nga rgyal du/ /rgyun tu bskyed par bya ba'o/ /mchod ba'i cho ga thams cad la/ /sngags kyis byin gyis brlabs par bya/ /las kun byed pa'i sngags kyis ni/ /rnal 'byor bas ni bya ba'o/ /rtag tu 'am ni thun gsum du/ /'dir ni gtsang ma'i khrus bya'o/ /tshad pa par spyod ba gzung bar bya/ /gos ni thun gyi dus su spo/ /mi dge bcu po 'joms par bya/ /mi dpe'i las ni thams cad la/ yid ni sbyar bar mi bya'o/ /de bzhin sgrub pa po yis ni/ /bcom ldan 'das mar rang nyid ni/ /dngos su ma byas bar du bsgom/ /de la sngon du byed pa yis/ /man ngag dam pa bshad par bya/ /srog 'dzin ma rig ling tog ni/ /'joms par byed pa kho na'o/ /'di ltar A li'i sbyor ba yis/ /gnyis med chu yi dkyil 'khor la/ /sgyu ma'i sa bon 'jug pa yi/ /rgyun dang bcas pa blta bar bya/ /dag par mi byed de 'og tu/ /dkyil 'khor sbrul pa'i rang bzhin la/ /kho na nyid kyis sa bon ni/ /nyi ma phyed ba'i 'od dang mtshungs/ /sgron ma'i rnam pa thams cad kyi/ /mi shes sreg par mdzad pa ste/ /phyogs bcu po yang spyod par mdzad/ /steng gi sa bon 'jog pa can/ /bdud rtsi'i rgyun du yid kyis ni/ /yun ring dus su bsgom pa'o/ /de las skyo bar gyur pa na/ /lce ni chu skyes 'dab ma la/ /bla ma'i man ngag bsam par bya/ /de nas sngags kyi phreng ba ni/ /rdza mkhan 'khor lo lta bur bskor/ /nor bu sngags kyi stobs kyis ni/ /de bzhin gshegs pa'i ye shes dang/ /bdud rtsi gzhan yang yon tan stobs/ /rdza ba khron par gzhug par bya/ /rgyun mi chad pa'i bsam gtan du/ /rnal 'byor pas ni bzlas pa nyid/ /gang zhig de ltar yid kyis ni/ /bya ba 'di ni goms pa na/ /bde ba chen po'i ting nge 'dzin/ /rgyun mi chad par skye bar 'gyur/ /'dir ni 'di yi bsam gtan gyi/ /nyi ma bdun du byas pa na/ /shes rab che dang dag dbang rno/ /rkang drug tshogs kyi bdag por 'gyur/ /tshigs su bcad dang lhug pa dang/ /'dres pa dang ni lha yi skad/ /tshigs med dag gi dbang phyug ni/ /'bad pa med par 'grub ba ste / 'di la tha tshom ma byed cig /de nas bstod pa brjod pa yang/ /me tog phreng ba nyid yin no/ /de dang de ni zhal las shes/ /shes rab pha rol phyin ma ni/ /dngos su grub par 'dod pa yis/ /rnal 'byor pas ni rig pa 'di/ /ri bong phyed la dus gsum du/ /gong du bshad pa'i cho ga yis/ /sngon gyi brtul zhugs spyad nas ni/ /dben pa'i gnas su sems gcig tu/ /bcom ldan 'das ma'i bstod pa ni/ /rgyun chad med par brjod par bya/ /de nas klog pa'i man ngag ni/ /brjod ma thag rtu yid la ni/ /rtsa ba nas ni rtse mo'i bar/ /ji ltar rim pas rjes su ni/ /kho na nyid kyi sa bon dang/ nus pa'i sa bon byed par ldan/ /sgyu ma'i sa bon brjod pa nyid/ /rim pas bcom ldan 'das ma yi/ /yon tan brjod pa'i 'od zer gyis/ /g.yeng ba med par bdag nyid ni/ /yid ni brtan pas klog pa nyid/ /de nyid shar ba'i nyi ma ste/ /de yi gdan la bsam par bya// sgyu ma phyed pa'i nyi ma ste/ /zla ba'i dkyil 'khor nyid du gnas/ /nus pa ston ka'i zla ba ste/ /pad+ma'i rtse la bsam pa nyid/ /bzlas pa'i dus su 'khor ba ste/ /klog pa'i dus su mchod pa nyid/ /rmongs dang 'jigs dang dug med dang/ /mi mthun phyogs las rgyal par 'gyur/ /'dod pa gzhan yang sgrub byed pa/ /'khor lo 'di la rab tu 'byung/ /nor bu'i dgos 'dod 'byung ba ltar/ /'dir ni 'bad pas bsgrub par bya/ /sgron ma me tog phreng 'dzin gyi/ /mngon par rab brtan cho ga byas/ /dge bas mnyam pa'i 'gro ba kun/ /myur du sgrol ma nyid mtshungs shog /me tog phreng 'dzin sgrol ma'i bstod pa dang bcas pas bsgrub ba rdzogs so// // ma hA pa N+Di ta ratna pak+Shi ta pA da'i zhal snga nas dang/ zhang lots+tsha ba grub pa dpal bzang pos bsgyur ba'o// //rtag tu dpal gnas gyur/ / !/ (/sgrol ma'i bstod pa la sogs pa bzhugs so/) /rgya gar skad du/ Arya tA ra sto tra/

CLOSE WINDOW