བོད་ཡིག

e-texts based on the ACIP/ALL Input

/rje btsun ma la bstod ba/ dI baM ka ra sh+rI dz+nyA nas mdzad pa rdzogs so// //rgya gar gyi mkhan po de nyid dang/ bod kyi lots+tsha ba tshul khrims rgyal bas bsgyur ba'o// //rgya gar skad du/ Arya tA ra sA d+ha naM/ bod skad du/ 'phags ma sgro pa ma'i sgrub thabs/ 'phags ma sgrol ma la phyag 'tshal lo/ /'jig rten gsum mgon yum gyur spyan yangs ma/ /sgrol ma'i zhabs kyi pad+ma rab btud nas/ /yun rings bla ma bstan las gan 'ongs pa'i/ /sgrub thabs cho ga bsdus pa bshad par bya/ /yid 'ong gnas ni la la ru/ me tog dri zhim gtsal bkram te/ /spos kyi nyams dgar byas nas ni/ /de dbus stan bzang bde ba la/ /srid pa'i bde ba yongs spangs pa'i/ /rnal 'byor can gyi nyer 'dug nas/ /snying ga'i sa bon las byung ba'i/ /'od zer tshogs kyi bla ma dang/ /sangs rgyas byang chub sems dpa' rnams/ /spyan drangs de dag mdun nyid du/ /mchod pas yang dag rab mchod nas/ /dkon mchog gsum sogs rjes dran bya/ /aoM swa b+hA ba shud+d+ha sarba d+harma swa b+ha ba ba shud+d+ho haM/ aoM shU n+ya tA dz+nyA na badzra swa b+hA ba At+ma ko haM/ de nas brtan pa dang g.yo ba thams cad stong pa nyid du rnam par bsam mo/ /de nas baM las byung pa'i pad+ma chen po'i dbus su rab tu rdzogs pa'i zla ba'i dkyil 'khor la yi ge tAM ? gu bsams te/ de yongs su gyur pa las bdag nyid sku mdog ljang gu phyag gnyis pa/ g.yas pa mchog sbyin pa/ g.yon pa aut pa la 'dzin pa/ rgyan thams cad kyis brgyan pa/ lo bcu drug lon pa lta bu/ gzi brjid gzod par dka' ba dang ldan pa/ zhal cung zad 'dzum pa dang/ ldan pa/ sgra'i tshogs lhag par bcings shing zla ba'i 'od can/ /rdo rje skyil mo krung gis zla ba'i dkyil 'khor mnan pa/ spyan pad+ma gzhon nu'i 'dab ma lta bu'o/ cung zad 'dzum pa mdun nyid du gzigs pa'i 'phags ma sgrol ma nu ma'i dkyil 'khor mkhred ba dang ldan pa rnam par bsam mo/ /de nas rang gi snying ga'i tAM las 'od zer byung ba rnams kyis ye shes sems dpa' bkug ste/ yang dag par mchod nas aut pa la'i phyag rgyas rang gi lus la bstim par bya'o/ /de nas gnas ji lta ba rnams su bar snang mdzad la sogs pa rnams bsam zhing/ de bzhin gshegs pa rnams dbang bskur ba don du gnyer te/ bdag gi dbu rgyan la gsung rdo rjes rgyas gdab par bya'o/ /de'i 'og tu rang gi snying gar zla ba'i dkyil 'khor la yi ge tAM la sogs pa rnam par bkod de/ spro ba dang bsdu ba'i rim pas bsgom par bya'o/ /gang gi tshe skyo ba na/ aoM tA re tut+tA re tu re swAhA zhes bya ba'i sngags bzlas so/ /de nas gang gi tshe ldang bar 'dod pa na rang gi snying gar gnas pa'i sa bon las 'od zer 'phros te/ des sems can thams cad drangs la slar yang 'od bar spros pas de dag snying gar zhugs par lta zhing/ de nyid kyis de dag thams cad lha mo'i skur gyur bar lhag par mos par bya'o/ /de nas slar yang sa bon las byung ba'i 'od zer bdud rtsi'i rang bzhin rnams kyis gtor ma'i snod yongs su bkang la/ aoM a kA ro mu khaM sarba d+harmA t AM a dya nut pan na twat aoM Azhes pas gshegs su gsol/ /rim pa 'dis thun mtshams bzhir bsgoms nas myur bar 'grub par 'gyur ro/ /da ni srung ba'i sbyor ba cung zad bshad par bya ste/ sngar bshad pa'i tshul gyis rtsa ba'i sngags 'bum phrag bcu bzlas shing sgrol ma'i ting nge 'dzin la gnas pa'i rnal 'byor pas bzlas pa'i cho ga snga ma lta bu nyid las khyad par du bsgrub bya'i ming sngags kyi dbus na gnas par bsam la zlas pa ji srid 'dod kyi bar du bya'o/ /de nas sa bon gyi yi ge las 'od zer byung bas bsgrub bya'i lus thams cad khyab par bltas te/ des lus rab tu tshim par gyur cing nyes bar 'tshe ba thams cad dang bral bar mos par bya'o/ /'di ni zhi ba'i bsrung ba'o/ /de nas phyir bzlog pa'i bsrung ba bshad pa/ cho ga snga ma dang ldan pa'i rnal 'byor pas rang gi snying gar tAM ljang gu 'od zer gyi phreng ba 'khrugs par bsams la/ de las byung ba'i 'od zer gyi tshogs 'bar bas gdug ba'i lus gcer bu skra grol bar 'dar zhing skyabs dang bral ba'i snying gar zhugs pas rengs pa dang mnan pa dang/ rmongs pa dang/ bcings bar rnam par bsam mo/ /gang gi tshe de lta bu'i ting nge 'dzin gyis ? sa bon gyi yi ge la dmigs pas gsang sngags bzlas pa bya ste/ na ma AryA ba lo ki te shwa rA ya bo d+hi satwA ya/ mahA satwa ya/ mahA kA ru Ni kA ya/ tadya thA aoM tA re tut+tA re tu re swAhA sarba duSh+Tan/ pra duSh+Tan/ maM kraM te dzam b+ha ya/ staM b+ha ya/ ma hA ya/ band+ha ya/ hUM hUM hUM/ phaT phaT phaT/ sarba duSh+Tan staM b+ha ni tA re swAhA/ srung ba 'di dag kyang thun mtshams bzhir bsgom par bya'o/ /de bzhin du lam du 'gro bas ting nge 'dzin dang bcas pas mdud pa bor nas sngags dran par ldan par byin na chom rkun pa dang/ stag dang/ dom dang/ drad dang/ sbrul dang/ ?? men dang/ chu la spyod pa rnams kyis brdzi bar mi nus te/ gang gi tshe 'jigs pa dang bral ba na mdung ba slang 'gro bar bya'o/ /de ltar yun ring bla ma bsten las gang thob pa'i/ /sgrub thabs mchog 'di ni legs bkod pas/ /sgrol ma zhes grags sras bcas bzhugs pa'i gnas/ /gru 'dzin dpal du 'gro rnams myur 'gro shog /'phags ma sgrol ma'i sgrub thabs dpal mar me mdzad ye shes kyis mdzad pa'o// //rgya gar gyi mkhan po bud+d+ha ka ra ba rma dang/ bod kyi lots+tsha ba dge slong chos kyi shes rab kyis bsgyur cing zhus te gtan la phab pa'o/ / //rgya gar skad du/ tso ra band+ha/ bod skad du/ chom rkun bcing ba/ rje btsun sgrol ma la phyag 'tshal lo/ /lam du 'gro ba na chom rkun mi 'ong bar bya ba'i phyir them pa nas goms pa bdun gzhal ba'i sa nas lag pa g.yas pas sa spar ba gang blangs la/ de nas ?? skad cig gis rje btsun mar bskyed la/

CLOSE WINDOW