བོད་ཡིག

e-texts based on the ACIP/ALL Input

/ // !/ (/'phags ma sgrol ma bsgom pa'i cho ga bzhugs/) /rgya gar skad du/ Arya tA ra de bi b+ha ba na bi d+hi sta ra/ bod skad du/ 'phags ma lha mo sgrol ma bsgom pa'i cho ga rgyas pa/ lha mo sgrol ma la phyag 'tshal lo/ /don med bdag la gnod ba'i srid pa'i bya ba rnams spangs te/ rang bzhin brtan bas rnam par dben pa'i sa phyogs song nas ni/ /gnas der bdag gi bsam gtan khad pa shin tu yid 'thad pa/ /shar du sgo rdod yang na nub tu bkra shis sgo ldan pa/ /legs brtsigs de yang dum bu bzhi bas mdzes par byas pa ste/ /shin tu mnyam zhing logs dang steng 'og thams cad legs byugs shing/ /rab 'jam gzugs brnyan 'char ba lta bur 'tsher ba'i rdzas rnams byugs/ /de rjes dri zhim ldan pa'i tshon rnams ljang gus khyab par byugs/ /'di ni steng logs sa gzhi byi dor rgyud rnams las bsngags pa'o/ /'og gi cha ni rab tu 'thas par brdungs pa kho na la/ /sa lam lhung ba'i lci ba dri bzangs rnams dang ni/ /bsres pas yang yang byugs pas gzugs brnyan 'char ba lta bur 'gyur/ /de la dri zhim me tog rnams kyis kun tu gtor nas ni/ /ji ltar 'byor ba'i bla re la sogs rgyan rnams bri bar bya/ /de 'dra'i dbus sam shar gyi rtsig ngos cha la srang bu yis/ /bris sku yid 'ong mthong bar dga' bar 'gyur ba spyad par bya/ /de mdun me tog la sogs mchod pa 'byor tshad dgod par bya/ /de bzhin de dbus stan bzang rab tu 'jam zhing bde ba ni/ /bris sku la bltas legs par bting bas yid dang 'thun bar bzhag /de yi sgo glegs rab tu 'byar bas rlung dang srog chags ni/ /shin tu phra ba'ang 'jug par mi nus 'di 'drar bar 'grig bya/ /de logs kyi skar khung sgo dang bcas pa rtod pa ste/ /che ba min zhing steng nas rdod dang dma' bar rab tu smad/ /'di ni bsam gtan khang pa mchod rten lta bur 'gro rnams kyis/ /mchod par bya ba lha mo'i bzhugs gnas lha tshogs 'du ba'i sa'o/ /de bzhin de la sgo bltas pa yi khad pa gnyis pa ni/ /srid du khru rnams bcu bdun zheng du de'i phyed yod pa zhig /sngags pa'i 'chags kho nar brtag cing byi dor snga ma bzhin/ /der ni 'ju sa'i thag gu chad bar gzung ba 'tsham pa la/ /reg na bde ba'i spu gu rnams dang ldan bar gdags par bya/ /'og tu 'byor bas stan nam rtsa rnams snyoms par dgram par bya/ /'di ni khang pa dum bu gnyis pa chags bkra shis pa'o// //de gnyis su sgo btod khang ba phyogs snyoms yid 'ong ba/ /snga ma steng? bar byi dor byas shing don dang ldan pa yi/ /khrus kyi khang pa sgo dang bcas pa dum bu gsum pa'o// //der yang de la sgo bltas ba yi khang pa dum bu ni/ /bzhi pa brtsigs te der yang bkra shis sgo mchog gdong bar bya/ /khang pa der ni bdag gi yo byad rnams dang mtshon cha'i tshogs/ /mi zad pa dang sngags g.yog blo gros ldan pa mkhas pas gzhag /zas kyi bya ba rnams ni khang pa der bya der yang ni/ /byi dor ldan par brtag cing rtag tu nyi zla ldan par bcad/ /der ltar dum bu bzhi pa'i khang ba kun nas gru bzhi par/ bsgrubs nas rim pa mang por brtsegs pas shin tu ma thob la/ /rdo leb lhag par snang ba yis dang phyir mtho sogs kyis/ /rgyal po choms rkun la sogs 'tsho ba phyir phyogs 'gyur bar bya/ /skye bo rnam mang brten pas sdug bsngal kho na 'byung 'gyur gyi/ /bde ba 'byung bar thub pas ma gsungs de phyir mkhas mchog gis/ /sngags g.yog dang ni sgrub pa'i grogs mchog gnyis las ma gtogs pa/ /skye bo 'ga' yang 'jug dang phrad dang sbyin pa 'du 'ji spang/ /snying rjes mtshon cha'i tshogs rnams legs par bshams shing gzhag par bya/ /de bzhin sgo shin tu dam bcad brgya dang bcas par bzhag 'di ni gnas kyi rab tu dbye ba'o/ /gnas der sngags pas mchod pa'i don/ phyir me tog dag dang ni/ /spos dang til mar dri zhim rnam dang de bzhin rol mo yi/ /nyer spyad rnams dang bgrad phreng yid du 'ong ba'i rnga yab dang/ /me long sen mo'i bzo dang spu gri thal gri dang/ /mchod dang gtor ma'i don du sha dang nya sha 'bru rnams dang/ /bza' ba rnams dang sman rnams thams cad legs par gzhag par bya/ /mdor na gnas der gzhan gyi dor lta mi 'gyur longs spyod rnams/ /mthun par gzhag bya 'on kyang chad gi sbyor ba ring du spang/ /'byung po'i gdon dang sngags grub 'dod pas gzhan nas blang bar bya/ /dngos grub don du bkug pa ma yin bud med rnams dang ri/ /dkyil 'khor ma mthong mi rnams mthu yis rgyang grags nyid nas bzlog /sngags g.yog dang ni sgrub pa'i grogs mchog dkyil 'khor che mchog tu/ /dbang bskur thob cing snying rje dang ldan brtson 'grus can/ /shes rab dang ldan dpa' zhing 'jigs bral khro med pa rgyal bral/ /blo brtan dang ba gnas shing bdag la dga' 'dzin gus par bcas/ /bsgom dang dge la brtson pa 'di 'dra gnyis ni rtag par bzhag /'di ni rdzas dang g.yog gi rab tu dbye ba'o/ /blo ldan gyis ni sngar bshad bstan pa rdo rje skyil krung gis/ /legs par bcas te bdag la myur du bskul ba'i bsam pa bskyed/ /bdag ni shin tu ring nas rang gi rnam par bslus pa ste/ /sngon chad don med spangs nas ting 'dzin bsgrubs na 'di 'dra ba'i/ /srid mtshor 'khyams pa'i mi 'gyur bde mdza' gcig pu nyid gang yin/ /'gro ba'i skyabs su bdag 'gyur 'di la 'khrul pa yod ma yin/ /de ni bdag gis rang la bslus pa spangs te brtson pa yis/ /dam pa'i gnas 'dir nges par lha mo'i mchog gyur sgrol ma gang/ /phongs pa la byams ma 'dra de nyid nges par mthong bar bya/ /bdag ni bstod pas dag par mi bya smod pa gzhan mang gnas/ /smad pas mi dgar mi bya bstod pa'ang gzhan yang gnas pa'i phyir/ /de bzhin 'jig rten chos brgyad ma lus bdag nyid mnan par bya/ /lus kyis ji ltar bzod pas skad cig tsam yang dman pa yi/ /bya ba rnams la gnas par mi bya ji srid bdag gis ni/ /lha mo mthong gyur de srid mnyam dang bsam dang 'dus par 'gro/ de bzhin tshod dang dmag dang las kyi mdza' rnams spang bar bya/ /yang dag gdam ngag bdag gis lha mo mchog las blang bar bya// gzhan gyis nyer bstan mun pa'i mda''dras bdag la ci zhig dgos/ /ji srid lha mo mthong bar ma gyur ji srid gnas 'di nas/ /'gro bar mi bya de phyir 'di la lha rnams mkhyen par mdzod/ /de nas sngags g.yog dang ni sgrub pa'i grogs mchog blo can gnyis sngags pas bos te 'di 'dra'i bsgo ba gsal bar brjod par bya/ /bdag gis 'dod pa yongs su ma rdzogs par du gnas 'di las/ /'gro bar mi bya lha rnams dpang btsugs khyod kyis 'di shes byos/ /de srid bdag gi yid dang mthun pa'i bya ba khyed kyis byos/ /dngos grub cha las khyed la 'geng 'gyur 'di la the tshom med/ /de gnyis kyis ni thal mo sbyar bas legs par smras pa gzung/ /lha rnams dpang du gnas pas bdag cag khyod kyis 'dod bzhin bgyid/ /dngos grub cha la bdag cag dran par mdzod la spang mi bya/ /de skad brjod de ji ltar 'dod pas rang gi bya ba brtsam 'di ni sgrub pa po dang g.yog dang dam bca' ba yi rab tu dbye ba'o/ /de nas sngags pas stan bde nyid la 'dug bzhin rab rgyas pa'i/ /gtor ma mdun du gzhag te de bzhin mchod pa rnams kyang ngo/ /de nas rang snying paM bskyed pad+ma'i dbus su zla 'dra ba'i/ /yi ge aoM las byung ba'i zla ba rnam bsam de steng du/ gsal bya'i bcu drug pa nyid dbyangs kyi yi ge gnyis pas brgyan/ /zla ba'i dum bu'i steng na nam mkha' mnan cing mdog ljang khu/ stong phrag du ma'i snang ba ldan bsam de las byung ba'i 'od/ /mtshon cha'i dbyibs can 'phros pas bla ma dang ni rgyal sras bcas/ /sgrol ma bkug ste mdun bzhugs de dag mchod pa gnyis kyis mchod/ /yan lag bdun ldan bya bas bsgrubs nas slar yang gshegs par bya/ /de mthar chos kun stong zhing bdag med lta bas gsang sngags ni/ /theg chen mngon par rtogs byed lan gsum bar du bzla bar bya/ /slar yang nam mkha' la sa bon mchog bsam de las byung ba'i 'od/ /sgrol mar gyur pas 'gro? rnams dag byas slar 'dus zhugs pa yi/ /yi ge yongs gyur autpal ljang gu snying pos sa bon ldan/ /skad cig nyid 'gyur sa bon las byung lha mo ma lus bsdus/ /rang gi gnas su thim gyur de las legs byung lha mo ni/ /zhal gcig phyag gnyis sku mdog ljang gu spyan yangs rgyan kun 'dzin/ /phyag g.yas mchog sbyin g.yon pas yu ba dang bcas autpal 'dzin/ /bcu drug lo lon rab sgreg gzi ldan pad+ma zla ba'i gdan/ /cung zad 'dzum bcas sgrub pa po la mngon dgyes thugs rje can/ /ma lus bud med rgyan dang cha lugs 'dzin pa 'di 'dra bsam/ /slar yang sa bon las byung ye shes lha mo spyan drangs te/ /'chad 'gyur phyag rgya'i steng gnas zla ba'i sa bon las byung pa'i/ /mchod pas legs mchod man ngag ji bzhin rang la bstim par bya/ /sku gsung thugs la gnas pa'i lha rnams byin gyis brlab/ de bzhin blo ldan bu yis gyur pas dbang bskur don gnyer bya/ /rtsog pa mi mnga' dam tshig rdo rje spyi bor byung/ de ltar cho gas legs bsgrubs rang pad+ma zla ba la/ /rnam bzhugs lha mo'i thugs kar sen zlum mnyam pa'i zla ba ni/ /rjes mthun pad+ma la gnas lha nyid mthe bong mtshon dang mtshungs/ /zla steng bcu yi ges yongs bskor dbus na sngar bshad nyid/ /ljang gu'i 'od zer dang bcas mgo rnams gyen phyogs gsal bsams te/ /dbus ma dang ni bcu pa'i bdag nyid? 'od zer dang bcas byung/ /snying ga nas byung phyi rol lha mo nyid gyur 'gro rnams kyi/ /sdug bsngal zhi byas mthun gyur sgo de nyid nas bsdu pa bya/ /'di ni spro bsdu'i ting 'dzin nyon mongs g.yul las rgyal byed pa'o/ /de 'dra ting 'dzin mang du byas pas sngags pa'i yi skyo na/ /snying ga'i rnam 'phrul la dmigs gzhan sems rab tu spangs nas ni/ /dang por rnam par snang mdzad de rjes gsal bya'i bcu drug pa/ /'og tu dbyangs kyi yi ge gnyis pas lags par bsten pa ste/ /de rjes nyi ma'i steng du e yis mtshan cing gnas pa'o/ /de nas gsal bya'i bcu drug pa nyid au yis bcings pa la/ /phyed cha'i rta yis ma bsten pa'o de rjes sngar bzhin las/ /slar yang bcu drug pa ni aus bcings me bu e dang ldan/ /slar yang auSh+ma'i gsum mthar gnas pa'i gnyis pa ldan/ /de nyid dbyangs yig gnyis pas brgyan byas rjes su auSh+ma yi/ /bzhi pa da ro gnyis pas spras byas 'di 'dra'i gsang sngags ni/ /shin tu gsal min de bzhin mi gsal ma yin sgra che dang/ /shin tu chung min sems gzhan rnam par g.yengs pa spangs pa yis/ /brgya rtsa brgyad las lhag pa'am de bzhin nor bur gzung ste bzlas/ /gang tshe de yi bzlas pas skyo na sa bon las byung ba'i/ /'od zer tshogs kyis 'gro rnams bkug te man ngag ji lta bar/ /sngags 'dis 'byung po rnams la gtor ma sbyin bya phyag rgya ni/ /lag pa gnyis thal sbyar mdzub mo dal gyis gung mo 'khyud byas te/ /mthe bong gnyis kyis snying por byas pa 'di yis gsang sngags mchog /bzlas dang gtor ma sbyin dang bstim sogs phal cher sbyar bar bya/ /aoM a kA ro mu khi sarbba d+harmA NAM Adya nutpan+na twot aoM Am udang/ /mchod dang gtor ma dman zhing sngags dang phyag rgya 'khrug pa dang/ /brtson pa dman zhing sems ni dam pa ma lags gang skyes pa/ /thams cad khyed kyis bzod mdzod grub par byin gyis brlab du gsol/ de bzhin khyod 'drar bdag gyur 'gro rnams srid mtsho las sgrol shog / myur du khyod kyis bdag la byams pa'i zhal bzang bstan du gsol/ /bdag la myur du thugs mchog rab tu brtse bar mdzad pa'i rigs/ /thugs rje'i lha mo khyod kyis bdag la myur du dbang bskur dang/ /dam pa'i gdams dgra bstan pas yang dag lam bstan rigs pa nyid/ /de rjes mchod dang bstod pa'i dam pa rab tu gus pas gdon/ /de nas rang sngags swAhA gnas su mumtshams bzhir ni rab mnyam gzhag pa'i sngags pa yis/ /nyin gcig bzhin du 'bad pas bsams na de yis nges par ni/ /zla drug de bzhin lo gcig nyid dang gsum gyi nang du ni/ /lha mo mthong 'gyur 'di la the tshom mi bya gzhan du na/ /cho ga nyams pas bskal pa sgyur ma mnyam pas mthong mi 'gyur/ /'di ni sgrub pa'i thabs kyis rnam par dbye ba'o// //shin tu khro bar 'dod cing 'dod chags tshe dang lhag par ni/ /gnyid 'byung ba dang de bzhin rab tu mi dga' du bar 'dod/ /bsam gtan khang pa spangs te gzhan du 'gro bar 'dod pa dang/ bsam gtan gnas su mi bzad skra 'byung de bzhin sgo dag las/ /'jigs pa'i sgra 'byung cho nges 'debs pa'i sgra dag thos pa dang/ /nang na gnas pa'i ming nas phyir phyir 'bod pa dang ni rgod/ /sphyugs? pa dang ni glu len sgra dang se gol rdeb cing 'khun/ / shin tu mi bzang dri zhim pa'i dang ldang skyi bung zhes/ /'jigs dang gzugs mi sdug pa mthong dang brdeg dang 'phul bar byed/ /rtag tu rmi lam sdug bsngal mthong dang 'dre yis gnon pa dang/ shin tu dga' zhing mkha' la 'phur snyam byed dang rgyu med rgod/ /glo bur du ni gzhan gyi sems shes 'dre smra rna pas thos/ /'jigs par byed pa'i 'od zer khang par rab tu 'byung ba dang/ /dman pa'i man ngag ston pa'i rang lha'i gzugs ni mthong ba dang/ /mngon du steng nas shin tu gnon cing mthong bar byed pa ste/ /mdor na gang gis bzlas dang bsam gtan dag gis bar chad byed/ /de bzhin blo ni lnga las nyams par byed pa de ni bgegs/ /yin phyir bla ma'i man ngag kho nas bzlog par bya ba ste/ /bla ma'i man ngag med par bsgrub la brtson pa de ni 'dir/ /srog dang dngos grub gnyig gdon chen rnams kyi 'phrog par 'gyur/ /bla ma'i man ngag can la bgegs rnams 'byung bar mi 'gyur zhing/ /'byung yang blo can de ni bzlog par bya ba tshegs dang bral/ /'di ni bgegs kyi mtshan ma dang de rab tu bzlog pa'i rab tu dbye ba'o/ //shin tu dri zhim dang ldan yid ni dge la mngon dga' dang/ /lus ni rab yang gnyid ni mi 'gyur khams rnams snyoms pa dang/ /shin tu smra snyan pa dang rol mo'i sgra rnams grag pa dang/ /me tog char 'bab til mar bral bar mar me 'bar ba dang/ /rmi lam na ni 'phags rnams mthong dang dge slong bram ze mthong/ /rtag tu dge ba'i rmi lam mthong dang chags dang khro dang bral/ /yid ni dga' bar byed pa'i 'od chen khang bar 'byung ba ste/ /mdor na yid ni gang zhing lnga las dga' gyur bzlas pa dang/ /sgom pa dag la rab tu mi spyod 'dir ni mtshan ma bzang/ /'di ni bzlas dang bsgom pa ji tsam gsal ba de nyid mchog /'di ni mtshan ma bzang po'i rab tu dbye ba'o/ /sman mchog bza' ma legs pa nges par dug tu 'gyur pa ltar/ /dngos grub len mi mkhas pa rnams kyis dngos grub phyir phyogs pa'am/ yang na srog gi bar chad dag tuAng 'gyur bas de yi phyir/ /mkhas pas dngos grub blang ba 'khrul ba med par shes par bya/ /rgya mtshor rin chen len pa rnams la 'tshe ba rnams ma 'byung/ de bzhin dngos grub rin chen len pa rnams la 'phrog pa med/ /'di ni gdon chen dngos grub 'phrog brtson rab tu mang ba ste/ /dngos grub rnams ni grub pa bas kyang bsrung ba rab tu dga' / /de bas blo ldan 'jigs pa ma lus ring du spangs pa yis/ /mi bzad mtshan ma ngan pa thams cad rab tu gzhig par bya/ /'jigs par mi bya khro dang chags pa rnam par spang bar bya/ /mtshan bzang rnams kyang sgyu ma 'dra bar blta bya rab rib bzhin/ /mtshan pa'i klung gis nges par mi g.yo mnyam par bzhag par bya/ /ngo tsha sa la lha mo yang dag la ston 'gyur ba ste/ /thun mong ma yin bde ba 'byung 'gyur gus pas mchod cing bstod/ /'dod pa'i dngos grub gsol gdab yang dag gdams ngag don du 'gyur/ /ji srid gsung ba mi mnga' 'bad pas rab tu bsgrub par bya/ /gang tshe gsung ba mnga' ba 'bad pas rab tu bsgrub par bya/ /gang tshe gsung ba mnga' ba de tshe gzhan la ltos dang bral/ /de ni lha mo'i sras yin bsam gyis mi khyab dbang dang ldan/ /rgyal ba'i sras pa sgrib pa kun dang bral ba dpal ldan yin/ /de yis dngos grub dang ni mtshan ma gnyis ka ji srid du/ /gnad par ma gyur de srid gzhan la zur com smra mi bya skad cig de nyid la ni dngos grub ring 'gyur dran par bya/ /grub par gyur nas sngags g.yog dang ni sgrub pa'i grogs la/ /dngos grub cha la ser sna bral bas sbyin pas phan gdags bya/ /pham dang ni bla ma la yang dngos grub rdzas dag las/ /chos mchog skal pa bgo bar rgyud rnams las ni rnam par bshad/ /mdor na dngos grub dag ni ji ltar bgo ba blo ldan gyis/ /rgyud rnams nyid las ji ltar bshad pa'i rjes 'brangs shes par bya/ /'di ni dngos grub blang ba dang bgo ba'i rab tu dbye ba'o/ /gang dag dkyil 'khor mchog tu dbang bskur ma thob skye bo dang/ /sdom dang/ dam tshig mi srung bla ma'i bka' las 'das pa dang/ bla ma la ni mi gus yid kyis bla ma la ni 'bya/ /de bzhin sngon du bla ma dag la gus shing lkog na smod/ /blo ni the tshom dra bas khyab cing brtson 'grus zhan pa dang/ /blo gros mi brtan nyin gcig bzhin du lha rnams gzhan 'dzin dang/ /sdang zhing bud med bud bsnyen bkur bdag gir byed dang de bzhin du/ /byang chub mchog tu sems bskyed ma byas gnyid la dga' ba dang/ /shin tu blun zhing chags dang sdang ba drag ldan de bzhin du/ /sdug bsngal dag la bzod pa bskyed par mi nus sems stobs chung/ /cung zad smod tshig thos na rab tu mi dga' de bzhin du/ /cung zad bstod pas rab dga' rnyed pa la ni brkam pa dang/ /cung zad sngags kyi mthu snyems rmi lam tsam gyis dregs pa dang/ glegs bam 'dzin cing man ngag yod ces mi rnams la smra dang/ /phrag dog dri mas sngags shing man ngag med la ser snas bcings/ /stong nyid ston pa'i chos la sdang zhing dngos por 'dzin la dam/ /nyan thos spyod pa la ni mngon zhen sngags tshul stan par byed/ /bdag gi phyogs la mngon zhen gzhan phyogs dag la rnam par sdang/ /rta la sogs pa zhon zhing lcag gis gzhu dang glo rdabs byed/ /chang 'thung ba dang 'jig rten gtam la dga' zhing zas la brkam/ /'dus par 'gro dang dmag dang 'thab mo'i bya ba rnams la dga' / /rgyal po'i pho brang 'khor du kha 'dzin phra mas 'tshe bar byed/ /dang gis dpyad pas sngags tshul zab mo rnams la sdebs sbyor byed/ /bla ma'i lung thob med par sngags rnams 'chad par kun tu rtsom/ /bsnyen bkun de man zhing bla ma rnams la myur du man ngag 'dod/ /'di 'dra'i mi yis gang+gA'i bye ma mnyam par rab bsgrubs kyang/ /dngos grub mi 'byung de dag bung bo rnam par nyams par 'gyur/ /'di ni sgrub pa po yi skyon gyi rab tu dbye ba'o/ /gang gis sngar bshad skyon spangs de ni dngos grub snod yin te/ /de la bla mas man ngag ma lu sbyin pas phan gdags bya/ /des ni dngos grub ma lus myur du 'grub bar 'gyur ba'o/ /de ni blo ldan rgyal ba'i myu gu rig 'dzin rnams kyi grogs/ /'khor bar gnas kyang pad+ma bzhin du dri mas nyams mi 'gyur/ /'di ni dngos grub snod kyi rab tu dbye ba yi/ /gang tshe sgrol ma'i rnal 'byor pa ni na bar gyur pa na/ /phyi nang 'chi ba'i mtshan ma dag ni legs par brtag par bya/ /'chi ba'i mtshen ma byung gyur sgrol 'byung las gsungs pa yi/ /phyi nang slu bas 'chi bdag srung phyir rab tu brtson shin tu bde ba lus khyab nad rnams rab tu zhi bar bsam/ /sman pa'i spyad rnams spang par mi bya 'on kyang sngags mchod dang/ /dbang bskur ba ni nad rnams rab tu zhi bar byed pa'i mchog/ 'di ni 'chi ba'i dus las slu ba dang nad gso ba'i rnam par dbye ba'o/ / de nas sbyin sreg cho gas zhi dang rgyas dang dbang dang ni/ /gsod dang dgug par 'dod na rtsa ba'i rgyud las gsungs pa yi/ /tshogs sbyin bsreg rab tu brtsam bya 'di ni rtog par sla/ /tshar bcad pa dang dbab dang de bzhin 'tshe ba thams cad ni/ /zhi bar bya ba rtsa ba'i rgyud las gsungs pa sngags pas dpyad/ /'di ni las thams cad rab tu dbye ba'i rnam par dbye ba'o// //de ltar sgrol ma la gus rnal 'byor ba'i/ /bsgom pa'i cho ga rnam par rgyas bshad bas/ /'gro rnams srid mtsho las brgal sgrol ma yi/ /go 'phang la ni myur du gnas par shog/ 'phags ma lha mo sgrol ma bsgom pa'i cho ga rgyas pa slob dpon chen po mar me mdzad bzang po'i zhal snga nas mdzad pa rdzogs so// //rgya gar gyi mkhan po dul ba'i lha dang/ bod kyi lots+tsha ba de dang slong chos kyi shes rab kyis bsgyur cing zhus te gtan la phab pa'o/ / //bcom ldan 'das ma sgrol ma la phyag 'tshal lo/ /rnal 'byor pa'i dbang phyug bsam gtan gyi dpang? zhugs te/ stan de ba la 'dug cing/ snying rje chen pos 'gro ba thams cad gdon par bya'o zhes dam bcas nas/

CLOSE WINDOW