བོད་ཡིག

e-texts based on the ACIP/ALL Input

/ //rje btsun sgrol ma la phyag 'tshal lo/ /de la dang por sngags pas gdong bkru ba la sogs pa byas te/ yid dang mthun par bsam gtan gyi gnas gtsang zhing dri zhim po gtsal du bkram par stan gtsang ba bde bar skyil mo krung gis 'dug ste/ 'byung po thams cad pa'i gtor ma'i sngags kyis gtor ma byin gyis brlabs la/ aoM A big+h+nan ta krita hUM phaT/ ces bya ba'i sngags lan bcu'i bar du brjod de/ phyogs bcu na gnas pa'i bgegs thams cad bkrad par bya'o/ /de nas rang gi snying gar chos thams cad chos kyi dbyings kyi rang bzhin skye ba med par ston par byed bston ka'i zla ba ltar dkar ba 'od zer dkar po 'phro bas rang gi lus gsal bar byed pa shin tu 'phro ba bsams la/ de yongs su gyur pa'i 'od zer dkar po'i thig le shel gong dag pa lta bu de rim gyis 'phel bar 'gyur ba'i zla ba'i dkyil 'khor gyi gzugs su bsam zhing/ de'i steng du yi ge tAM 'od zer gyi tshogs 'phro ba'i rin po che'i sgrol ma ltar dkar ba rnam par bsam mo/ /de nas yi ge tAM de 'od zer shin tu dkar ba'i tshogs kyis 'jig rten gyi khams thams cad gsal bar byas pa sngon du 'gro bas lha mo sgrol ma la sogs pa sangs rgyas dang byang chub sems dpa' dang bla ma rnams bskul te/ spyan drangs pa mdun gyi nam mkha' i phyogs la rnam bar bsam par bya'o/ /de'i steng du yid kyi rang bzhin gyi mchod par bya ba yin la/ de la mchod pa'i cho ga'i rim pa ni 'di yin te/ aoM badzra puShpe hUM zhes bya ba'i sngags brjod la yi ge tAM las byung ba'i me tog gi mchod pa'i tshogs kyis mchod par bya'o/ /de nas aoM badzra d+hu pa hUM zhes bya ba'i sngags brjod la yi ge tAM de nyid las yang dag par spro? ba'i bdag po'i mchod pa'i tshogs kyis mchod par bya'o/ /de'i 'og tu aoM badzra dI pe hUM zhes bya ba'i sngags brjod la yi ge tAM de nyid las rin po che'i sgron ma spros la mchod par bya'o/ /de nas aoM badzra gand+he hUM zhes bya ba'i sngags brjod la yi ge tAM de nyid la byung ba'i mchod pa'i sprin? yang dag par spros pas mchod par bya'o/ /de nas aoM badzra nai bedya hUM zhes bya ba'i sngags brjod la yi ge tAM de nyid las rin po che sna tshogs su bcug pa'i lha'i zhal zas ro mchog dang ldan pa'i mchod pa'i sprin rnam pa sna tshogs yang dag par spros pas mchod par bya'o/ /de nas aoM sarba bi shi Sh+Ta pU dzam g+ha pra sa ra sa mu dra Aba'i sngags brjod la yi ge tAM de nyid las rin po che sna bdun gyi gdugs dang/ rgyal mtshan dang/ dril bu dang/ ba dan dang/ bla re la sogs pa dang/ 'khor los sgyur ba'i rin po che sna bdun gyis mchod par bya'o/ /de ltar mchod par byas nas de dag gi spyan sngar sdig pa bshags pa dang/ bsod nams la rjes su yi rang ba dang/ bskul ba dang/ gsol ba gdab ba dang/ bsod nams yongs su bsngo ba dang/ gsum la skyabs su 'gro ba byas la/ byams pa dang/ snying rje dang dga' ba dang btang snyoms te tshangs pa'i gnas bzhi bsgoms nas byang chub kyi sems brtan por bya'o/ /de nas aoM swa b+hA ba shud+d+ha sarba d+harmAdmigs par bya'o/ /de nas yi ge a yongs su gyur pa las zla ba'i dkyil 'khor du bsam/ de'i steng du yi ge tAM dkar po 'od zer dkar po 'khrigs par bsam de yongs su gyur pa las autpa la sngon po de'i dbus su zla ba'i dkyil 'khor gyi steng na yi ge tAM dkar po bsam/ de las 'od zer dkar po phyogs bcur 'phros pas des sems can thams cad spangs nas lha mo sgrol ma'i skur gyur ba 'od zer de nyid kyis bkug autpa la dang yi ge tAM la stim pas/ pad+ma dkar po dbus gnas pa'i/ /zla ba'i gzugs kyi gdan steng du/ /rdo rje skyil krung bcas nas ni/ /mchog sbyin pa dang autpa la bsnams/ /ston ka'i zla ba'i mdangs 'dra ba'i/ /zla ba la ni rgyab brten ma/ /rgyan rnams thams cad yongs su rdzogs// bcu drug lo lon lus dang ldan/ /rdzogs sangs rgyas dang de 'dra'i sras/ /kun gyi yum gyur 'dod sku 'chad/ /'phags ma sgrol ma de'i snying gar zla ba'i steng gi tAM dkar po yongs su gyur pa las/ 'khor lo 'od zer dkar po bsgom/ /rtsibs brgyad pa la yi ge ni/ /brgyad kyis yongs su bskor ba la/ /lte bar aoM tA'i yi ge yis/ /dbus gnas bsgrub bya'i ming dang ldan/ /zla drug brtan zhing des pas ni/ /rtse gcig pa yi sems kyis bsgom/ /yi ge bcu po'i sngags 'di ni/ skyo bar ma gyur sems kyis bzlas/ /dang por aoM ni gzhag nas su/ /de'i 'og tA re rab tu sbyar/ /de 'og tA re tut+tA re/ /swAhA mdza' can las kun byed/ /thugs ka'i 'khor lo de las 'od zer dkar po 'phros pas dam tshig sems dpa' 'dra ba'i ye shes sems dpa' rang bzhin gyis grub pa bskul nas spyan drangs pa mdun gyi nam mkha' la rnam par bsams la/ snga ma bzhin du yang dag par mchod de/ /de nas dam tshig gi phyag rgya bcing bar bya ste/ thal mo khong stong du sbyar nas mdzub mo gnyis gung mo gnyis kyi rgyab tu sbyar la mthe bong gnyis nang du bkug pa ni/ autpa la'i phyag rgya'o/ /de'i dbus su yi ge tAM dkar po bsams te/ de las 'od zer dkar po 'phros pa des ye shes sems dpa' la bskor bar byas la/ de nas dzadpa' bdag nyid la gzhug pa dang/ bcing ba dang/ dgyes pa byas la/ aoM d+harmA d+hA tu dz+nyA na badzra swa b+hA ba At+ma ko haM zhes nga rgyal bya'o/ /de'i rjes la 'khor lo yi ger bcas pa las 'od zer spro ba byas la/ de bzhin gshegs pa lnga mdun gyi nam mkha' la rnam par bsams la/ dbang bskur ba'i tshigs su bcad ba 'dis don du gnyer bar bya ste/ byang chub rdo rjes sangs rgyas la/ /ji ltar mchog chen gsol mdzad pa/ /bdag la srung ba'i don gyi phyir/ /nam mkha' i rdo rje deng bdag stsol/ /de nas de bzhin gshegs pa de dag gi sku las 'byung ba'i lo tsa na dang/ mA ma kI dang/ gos dkar mo dang/ tA ra rin po che'i bum pa ye shes kyi bdud rtsis gang ba phyag na bsnams pas/ rdo rje chen po'i dbang bskur ba/ khams gsum po yis phyag byas pa/ /gsang ba gsum gyi gnas las byung/ /sangs rgyas kun gyis sbyin bar bya/ /zhes bya ba 'don cing dbang bskur bar bsam mo/ /dbang bskur ba rdzogs ma thag rin po che'i cod pan gyi steng du de bzhin gshegs pa 'od dpag tu med pa sku mdog dkar po zhal gcig phyag gnyis pa/ ting nge 'dzin gyi phyag rgya can bsam mo/ /lus dang ngag dang yid gsum byin gyis brlabs par bya ba'i phyir/

CLOSE WINDOW